اوشاق ادبیاتی

صمد!
نه‌ یازیم‌ صمد؟!
دنلی‌ خرمنیمین‌ یانماسین‌ یازیم‌؟
سرین‌ سو كوزه‌مین‌ جالانماسین‌ یازیم‌؟
داغلی‌ سینه‌مین‌ آلوولانماسین‌ یازیم‌؟
من‌ سنه‌ نه‌ یازیم‌ صمد؟
حسرتیمی‌ كیم‌ یاخاجاق‌؟
گؤز یاشیما كیم‌ باخاجاق‌؟
آراز؟…

یئنه‌ده‌ آخاجاق‌!
صمد!
كیمی‌ چاغیریم‌؟
نه‌ قدر باغیریم‌؟
صمه‌……..ـد!
سؤیله‌ منه‌، سؤیله‌ آراز!
نه‌دن‌ بیزله‌ اولدون‌ بئیله‌ آراز؟
كسدین‌ ایكی‌ قارداش‌ آراسین‌،
آلدین‌ موغان’ین‌ سارا’سین‌،
بوغدون‌ ائلیمین‌ دیه‌رلی‌ بالاسین‌!
بسدیر!
بس‌………دیر!.
قوربانیمی‌ قبول‌ ائله‌ آراز

https://t.me/Adabiyyatsevanlar

اوشاق ادبیاتی
اوستاد دوکتور:« صمد رحمانی»

صمد بهرنگي 1318- جی ايلده بير تبريزلي آتا و آنادان دونيايا گلدي و چرنداب محله سينين، جمال آباد کوچه سينده يوخسول بير عايله ده بويا باشا چاتدي. اون ياشي اولا- اولمايا آتاسي عزت کؤرپه لرينه چؤرک قازانماق اوچون باکيا گئتدي و صمد اوشاق ياشيندا يوخسوللوغو اتي، سوموگو ايله حسّ ائتدي. صمدين قارداشي اسد بهرنگينین کيهان غزتينده درج اتديگي مقاله بو جهتدن ماراقليدير. يازينين بير يئرينده اوخويوروق:
"هر گون سحر تئزدن محله ساکينلري باشماغلاريني قولتوغونا ووروب سرعتله قاچان بير اوغلان اوشاغيني گؤرور و بير- بيريندن اونون کيم اولدوغونو سوروشوردولار:
- نه اوچون او هميشه قاچير؟ باشماقلاريني نييه قولتوغونا وورور؟
سونرالار معلوم اولدو کي همين اوشاق اونلارين محله سينده ياشايان فهله عزتين اوغلودور. اوخودوغو مکتب اوزاقدا اولدوغوندان قاچيرکي، گئجيکمه سين. باشماقلاريني دا قولتوغونا اونا گؤرا وورور کي، يرتيلماسين ... اوشاغين آدي صمددي." صمد ابتدایي مکتبي اوخويوب قورتاردي. سونرا تبريز دانشرا تحصیلینی بيتيريب، بير مدت آذربايجانينين اوجقار کندلرينده معلمليکله مشغول اولدي. سونرا تبريز دانشگاهینی بيتيريب خيلي ديرلي اثرلري ايله وطنداش يازيچيسي کيمي تانينماغا باشلادي.
ص. بهرنگي اؤز باجاريغيني آذربايجان کندلیلرینین معیشتيني تصويره چکمه يه ايشلتدي. خصوصآً خالق بالاجا بالالارينين ان وحشيجه سينه و غيري انساني استثمار اولماقلاريني وار گوجويله او زامانکي رژيمين قولاغينا چاتديردي. او دا هانسي زاماندا؟ او زاماندا کي ايران مطبوعاتی، ائله ژورناللا، غزتلرله دولموشدوکی هر هفته، بعضاً هر گون گؤزل، لوت قادينلارين و یا اَيين- باشلي قادين ساياغي بزنميش اوغلانلارين شکيللري ايله، ساتيلميش "يازيچيلارين لوت قلميله" ايرج پزشکزاد دئميشکن گنجلرين خيال کاروانيني "سانفرانسيسکويا" طرف سورويوردولر. بو مطبوعات خلورله خارجي اؤلکه لره گؤندريليردي. اونلار يانليش فيکيرلشيرديلر کي، گؤره سن ايراندا نه خبر وار! البته کي، بو عرفه ده بير يازيچي قالخا، بونلارين عوضينه بالاجا ايلمه چالان قيزلارين يا دا خيردا اوست باشي جيندير، آياققابيسيز چوغوندور ساتان اوغلانلارين قيشين اوغلان چاغيندا ساده قلمله تصويرين وئره، هئچ ده رژيمه خوش گلميه جکدير.
"اولدوز و قارغالار" (1345) حکايه سي ده رئال بير يازي حساب ائديله بيلر. ادبيات عالمينده قارغا منفيليک سیموولودور، آنجاق بو حکايه ده بير زحمت چکن و دؤيوشکن انسان کيمي اؤزونو گؤسترير. حکايه جمعيتين آشاغي طبقه لرينين ياشاييشيني عکس ائتديرير. اولدوز اَلي آغزينا چاتان عايله ده ياشايير. آناليغي اونا یاشایئشی ائله چتين ائدير کي، او قيز تاپتالانميش اوشاقلارين ايچريسينه آتيلير. او، ياشار آديندا بير اوغلانلا تانيش اولور. ياشارين آتاسي ايشدن دوشموش، آناسي اونون- بونون ائوينده خیدمتچیلیک ائدير. ياشار قونشولوقلاريندا کؤرپه، سود اَمَر اوشاقلارين سويوقدان کورسو آلتيندا قوروماقلارينا شاهيد اولور. بونلاري دوستلاري اولدوز، قارغا، قولچاقلا آرايا قويور. اونلار مصلحت گؤرورلر کي، بير دسته دوزلتسينلر، بئله- بئله چيرکين فاجعه لرين علیهينه کسگين مبارزه آپارسينلار. بو بالاجا دسته مبارزه یه باشلاييرلار و بو يولدا شهيد وئريرلر. آنجاق بونلار يالنيز خيال عالمينده، قولچاقلارين عالمينده غلبه چاليرلار.
حيوان کاراکترلرينين بيريسي حکايه نين بير قيسمينده بئله دانيشير:
" قاري قارغا اَييلميش ديمديکلريني توپراغا سورتوردو، دييردي: سيزلردن خوشوم گلير، سيز آتا- آنالارينيزدان فرقليسيز. آفرين! آفرين! آنجاق هله اوشاقسينيز، سيزه لازيمدير کي، چوخ شئيلر اؤيرنه سينيز و بوندان دا ياخشي فيکيرلشه سينيز." (45 - بهرنگی صمد، اولدوز و کلاغ ها، ص 51).
"اولدوز و دانيشان قولچاق" حکايه سينده ده قارغالار و قولچاقلار انسان کاراکتري کيمي جانلانديرير. حکايه نين اوشاق اوبرازي، قارغالارين کمگي ايله قولچاقلارين جشنینده حضور تاپير و دويونجا خؤرک يئيير.
بهرنگينين بوتون کاراکترلري حال- حاضردا اولان وضعيتي انکار ائتمک آياغينا گليرلر و موجود ياشاييشي دييشمک فيکرينه دوشورلر.
"چوغوندور ساتان اوغلان" حکايه سي تاری وئردي آديندا بير يوخسول عايله ده ياشايان بير اوغلان اوشاغينين سرگذشتيدير. بهرنگي بو اوغلانين صورتيني ائله تصوير ائدير کي، اوخوجو اونون اوزونده دنيا اوشاقلارينين صورتيني گؤره بيلر. حکايه بيرينجي شخصين ديليندن يازيليب، روايتچي بير معلمدير. حکايه نين خلاصه سيني يازيچينين ديليندن وئريريک و اونون حاقيندا قضاوتي اوخوجونون عهده سينه قويوروق.

" نئچه ايل بوندان اول بير کندده معلمليک ائديرديم. مکتب بير قاپيسي بير پنجره سي اولان کيچيک اوتاقدان عبارت ايدي. اوتوز ايکي شاگرديم واردي. اون بشي بيرينجي صینيفده، سککيزي ايکينجي، آ

لتيسي اوچونجو، اوچو ايسه دؤردونجو صینيف

ده اوخويوردو. کنده اون گون ايدي گلميشديم. برک قار ياغيردي، يئر بوز باغلادي. سويوغون قاباغيني آلماق اوچون قاپي- پنجره نين دلمه دئشيگينه کاغذ ياپيشديرديق. بير گون قاپينين آرخاسيندان نازيک بير سس ائشيتديم:
- لبو گتيرميشم، لبو گتيرميشم، اوشاقلار! ايستي، شيرين لبو!
صینیف نماینده سیندن سوروشدوم:
- بو کيمدير؟ او دئدي:
- اؤزگه آدام دييل، آقا، تاری وئرديدير. قيشدا لبو ساتير. ايسته ييرسن دئييم، ايچري گلسين...
- آغا، - دئدي:
- اجازه وار اللريمي قيزديريم؟
اوشاقلار او ساعات تاری وئرديني پئچين قيراغينا چکديلر. بير قدر قيزيشاندان سونرا تاری وئردي ديللندي:
- آغا، چوغوندور يئمه يه ميلينيز وار؟
جواب گؤزله مه دن قالخيب چوغوندور قازانينا طرف گئتدي. سئچيب گؤتوردويو چوغوندوردان بيريني منه اوزاديب دئدي:
- ياخشي اولار کي، اؤزونوز سوياسينيز، بلکه منيم اللريمدن...بيز کندلييک، شهر گؤرمه ميشيک. عادت- عنعنه لريني ده بيلميريک.
او دنيا گؤرموش آداملار کيمي دانيشيردي." (9- ابراهیموف میرزه، رداکتور، ایران آذربایجان ادبیّاتینین آنتولوگیاسی، اوچونجو جیلد، ص 309-314) سونرا چوغوندور ساتان اوغلان باشلايير اؤز باشينا گلن مصيبتلري آقا معلمه نقل ائيله يير.
"24 ساعات يوخودا و آييقليقدا" حکايه سي بير اوشاغين ديليندن نقل اولونور. لطيف آديندا بير اوغلان يوخسول آتاسي ايله آذربايجان شهرلرينين بيريندن تهرانا ايش تاپماق اميدي ايله کؤچورلر. لطيف حکايه نين اوّلينده دئيير:
"تهراندا باشيما گلنلرين هاميسيني يازسام، بير نئچه کتاب اولار و اوخوجونو يورا بيلر. اونا گؤره ده آنجاق 24 ساعات عرضينده گؤردوکلريمدن بحث ائده جیم." (9- ابراهیموف میرزه، رداکتور، ایران آذربایجان ادبیّاتینین آنتولوگیاسی، اوچونجو جیلد، ص 314)
بهرنگي بير رئاليست يازيچي کيمي حکايه نين فضاسيني بئله قلمه گتيرير:
" بير نئچه آي ايدي کي، آتام ايشسيز قالميشدي. ناعلاج قاليب آنامي، باجيمي و قارداشلاريمي شهريميزده قويوب، تکجه منيم اليمدن دوتوب تهرانا گلدي. بيزدن قاباق بير نئچه نفر تانيشلاريميزدان، شهرليلريميزدن تهرانا گليب اؤزلرينه ايش قورا بيلميشديلر. مثلا تانيشلاريميزين بيري بوز ساتيردي. بيريسي کهنه پال- پالتار آلقي- ساتقيسينا باخيردي. بير آيريسي پرتقال ساتيردي. منيم ده آتام الينه بير ال آراباسي ساليب سوغان، يئر آلماسي خيار و بو کيمي شئيلر ساتماغا باشلادي. آتامين قازانجيندان بير تيکه اؤزوموز يئييرديک، بير تيکه ده آناما يوللاييرديق. من ايسه هردن بير آتاملا او يان- بو يانا گئديرديم، بعضاً ده تکيمه خيابانلاردا هرله نيرديم، گون باتان چاغي آتامين يانينا گئديرديم. گاهدان دا ساققيز بسته سي بير قيراندان يا دا کي حافظ فالي ساتيرديم. "
سونرا لطيف بير نئچه اؤز ياشيدي اوغلانلارلا تانيش اولور. اونلار دا لطيف کيمي يوخسول عايله دنيديلر. مثلا، بيريسي آياققابي تاپماديغيندان آياقلاريني قارا رنگله بوياميشدي. بو اوشاقلار چوخ چتين گونلر کئچيريرديلر. بو طرفدن ده لطيفين آتاسينين بازاري کاساد اولور. بير گون اؤيونجاق دکانيندا بير اوشاق اويونجاغي، "دوه" گؤرور. لطيف چوخ گئجه لر اونو الينه آلماق آرزوسيلا يوخويا گئدير. بير گئجه يوخودا گؤرور کي، بؤيوک شنليک مراسمينده هامي حيوانلار، بير ده يوخسول اوشاقلار بير باغا توپلاشيبلار، يئمک ايچمک ده خيرتدک دندير. لطيف دوستلاريلا بيرليکده دويونجا يييب ايچندن سونرا دوه نين بئلينه مينيب دولانير. بيردن ائله حسّ ائدير کي توز- تورپاق بونون اوزونه چيرپير. آسقيرير گؤرور کي، سوپورگه چي خيابانين قيراغيني سوپورور و توز- تورپاغي اؤنا طرف چيله يير.
اوشاغين فکري- ذکري بو "دوه" یه مشغول اولور. گونده گئدير اونا باخير. نئچه دفعه آژاندان کتک يئيير. بير گون بير قيز باباسيلا ماشيندان دوشوب دوه ني ماغازادان آلير. لطيفي ائله قهر بوغور کي، آرزو ائدير، ماغازادا ويترينين داليسينداکي سلاح اونون اولايدي.
"بير هولو و مين هولو" حکايه سي کند اوشاقلارينين کئچينه جکلريندن گؤتورولوب. اونلار آيلار، ايللر چاليشيرلار، چوخ يئمه لي ميوه لري بئجريرلر، آنجاق بو ميوه لردن بير تکي ده بونلارا قسمت اولمور، هاميسيني ارباب اؤزونه چيخير.

بهرنگينين خيردا- پارا او بيري حکايه لري ده يا يوخسول عايله لرين ياشاييشيندان گؤتورولوب، يا دا پداگوژي موضوع لارلا علاقه سي واردير.
تقريباً ايران، آذربايجان، اروپا اؤلکه لري نين تنقيدچيلري " بالاجا قارا باليق" حکايه سيني بو يازيچينين شاه اثري کيمي قلمه وئريبلر. آمّا غ.ساعدي نين نظرينه گؤره بو يازيچينين شاه اثري اونون ياشاييشيدير. بو حکايه اوشاقلارا يازيلسا دا عملده بؤيوکلرينکيدير.
قارا باليغين دنيزه سياحتي زاماني راستلاشديغي مختلف سو جانليلاري ايله تانيشليغي، صحبتلري

بير سيرا سیرلرين اوزريندن پرده لري گؤتورور

. بير- بيرينين و اؤزلرينين گؤزلليگيندن، اصل- نجابتيندن دم ووران عيبجر چُمچَه قويروقلارلا صحبتينده اونلارين گؤلمچه دن، بوراداکي قوردلاردان، بؤجیکلردن باشقا هئچ نه گؤرمه ديکلريني ادراک قابيليتيندن محروملوقلاريني آنلاياندا، بالاجا قارا باليغي گولمک توتور. گنج سيّاح استبدادين يتيشديرديگي بو نوع جانليلارين آييلاجاغينا، همجينسلرينه خير وئره جگينه گومان گتيرمير. اون ايللر عرضينده يولو اوستوندن گليب کئچن باليقلاري سئير ائدن، عمللريني ايزله ين قوجا کرتنگله قارا باليغين جسارتيندن خوشلاناراق، اونو باليقلارين دوشمنلري ساققا قوشو، باليق اودان و نره باليغي حاقدا معلوماتلانديرير. جسارتي و اوميدي داها آرتميش باليغا خيردا باليقلار دا قوشولور.
نهايت، گليب دنيزه قووشان قارا باليق بورادا مينلرله باليق دسته لري ايله راستلاشير. اونلار دریالارينا دوشموش تزه قوناقا "خوش گلدين" دئييرلر. بوتون آرخلارين و چايلارين دنيزه تؤکولدويونو بيلديريرلر. آنجاق باليق اوداندان احتياطلي اولماغي دا تاپشيريرلار. بالاجا باليق دويورکي، هله مبارزه قورتارماييب، نه قدر حيات وارسا، اوغروندا مبارزه ده اولاجاق. حيات مبارزه دن چکينمه يه نلرين، بيليکلي و جسارتليلريندير. باليق اوداني بير دفعه آلداداراق قورتولوب دنيزه دوشدوکدن سونرا، اودولدوقدا، اورادا مطيعجه سينه آغلايان ريزه باليغي آزاد ائدير. اؤزو ايسه قوشون معده سيني خنجرله پارچالاياراق، اونونلا بيرليکده اؤزو ده هلاک اولور.

https://t.me/Adabiyyatsevanlar

اوشاق ادبیاتی
یازار:«صمد بهرنگی»
سسلندیرن: ترکی کیتابلار
بیر_هولو_مین_هولو

https://t.me/Adabiyyatsevanlar

من و تانریم
محمد_عابدین_پور

اوف تانریم 
اوووف! 
یادیندا یولومو کسدی
منله یاشید
بوینو یوغون رشید؟ 
یادیندادی
قارنیما دؤشه دیگی تپیکلر
انگیمه ووردوغو یوموروقلار
قولومو نئجه بوردوغونو اونوتمامیسان کی
و منیم نئجه چیغیردیغیمی؟ 
به نییه قیرمادین قولونو
سیندیرمادین قیچینی؟ 
سنه دایانماییب
توو دابانا قوت دئییب
قویوب قاچاجاغیدیم
تانریم
هن؟! 
مرند 1398 یای

https://t.me/Adabiyyatsevanlar

✍🏻:لیلی خیاوی

اؤتن ایللرینین الیندن توتوب
سونونجو دوراقدا یورقونجا دوروب
یاشینین اینجلمیش، سولموش هئیکلی
قوجانین اؤنونده بوینونو بوروب

ایتیریب یادداشین عؤمور یولوندا
کیمسه نی تانیماق الیندن گلمیر
قاپانیب اؤزونه، ایچ دونیاسینا
اعصابی کورلانیب،دای دئییب،گولمور

اوزونده چارتلاییب سوسوز دره لر
گؤزونه چؤکوبدو چن یاواش_یاواش
قولاغی سسلردن کوسگون اولوبدو
عؤمرونون قیش فصلی اولمایایدی کاش

یوللار چاتاقلاییر آیاقلارینی
اؤزوندن نه قدر دالدا قالیرلار
دولاشان دیلیندن چوخلو کلمه لر_
مظلومجا ییخیلیب، بیر_بیر اؤلورلر

یئنی دن یاشاییر اوشاقلیق چاغین
هر سؤزه کؤوره لیب گؤز یاشی تؤکور
داها یاشیتلاری یوخدو یانیندا
تنهالیق روحونون یاخاسین سؤکور

گؤرور کی یارامیر داها هئچ ایشه
اوره یی سیخیلیر، آه چکیر ایچدن
آتالار دوز دئییب: آهیل اینسانین_
الی ایشدن قالیب، آیاغی کؤچدن

https://t.me/Adabiyyatsevanlar

قارداش ایشیق سایتی 14یاشیندا اولدو،
ادبیات سئونلر ادبیاتیمیزدا درین ایز بوراخان ،زنگین ایشیق سایتی نین 14 یاشا دولماسینی صمیم قلب دن ایشیق عایله سینه تبریک دئییر ،ایشیق چیلارا، ایشیق سئونلر آد گونونوز موبارک ،اوغورلارینیز بول اولسون.

ادبیات سئونلر 1404,6,13

https://t.me/Adabiyyatsevanlar

حسن بابایی عجب شئرلی

اویونون ایچینده اویونا دوشمه یک ..........

مین اوزلو خبیث لر اویوندا ایکن
قاش _ گوز اوینادیرلار ،دوداق بوزورلر
اورتا یاشلی لاردا ننی ‌ده یاتیب
یوخویا گئتمگی وردیش ائدیرلر 

"" دوشونجه .دوشونجه یئنی دوشونجه
اوءزوم ‌دن بوی آتسین گوی ‌دن دوشونجه "" ۱
قاشیم قاباغیما کولگه سالینجا
بورنومون اوجوندان باخمارام کونجه

یاخا جیرمادیم من اوزگه اویناسین
من فدا اولمادیم باشقالاشماییم
آزمادیم یولوم ‌دان ،چیخمادیم قین ‌‌دان
عبث یئره جانیم آشیب _ داشمادیم

قولومون قووه ‌تین بئینیمه ییغدیم
"" دده ‌مین "" کیتابین اوخودوقدا من
" من " " بیز " اولما‌‌لی ایدیق ائله دونندن
اوزگه کیتابیتی اوخومامیشدان 

بیزیم تاریخیمیز اوزوموز کیمی
دوم _ دورو ،آخارسو ،بولاق کیمی دیر
چیلپه‌یه دونمه‌یب قوندارمالیقدان  باخاسان گوز کیمی ،قولاق کیمی دیر 
اوزگه چیراغینا یاغ اولدوق بیر واخت ۲
آلیشیب یاندیردیق کیم‌لرین تاغین ؟
بیر داها قاییداق اوءز‌لویوموزه
اونوداق اوزگه ‌نین سونن چیراغین 

تورونا دوشمه‌یک تالانچی‌لارین
فئلینه اویمایاق یالانچی ‌لارین
ایندی چوخ پیشیک‌لر اوغلان دوغورلار
هله پاراس ییرتیب ،شئرده بوغورلار

اوخوسان کئچمیشده فضولی بابام 
نیه درد الیندن داغا چیخمیشدیر
نیه " نسیمی " مه دار اوجالدیلار
به‌یم اوکیم‌لرین ائوین ییخمیشدیر

دوشون وارلیغینی ،دوشون اوءزونو
قیرخیلما یولداشیم اوزه گولنه
سوءیکن اوزونده ‌کی گوجه ،وارلیغا
باشینی اوجا توت ،قول اول بیلنه

بو سون یوز ایل‌لیکده دوشوندویونو
یئنی‌دن آراشدیر ،یئنی‌دن اوخو
بیزه یالان ساتیب خومارلانانلار
قورخوب گوزلرینه گلمه ییر یوخو 

سنین دیرچلیشین اونون دهشتی
سنین اویانیشین اونون وحشتی
ایتی باخیشینلا آریدا بیلسن
وئررسن سن اونا چوخلو زحمتی 

اوخو تاریخینی سن واراق واراق
کئچمیشه سوءیکه‌نیب ،گله‌جگی توت
سیلاحلان بیلیگه ،اوءیره‌نیب اوءیرت
بیر یوللوق قول‌لوغو اوءزونده اونوت 

"" کیملیک "" تکجه دیلده اوزه‌ل‌لشمه‌ییر
"" وارلیق "" ‌‌ین بیر قولو دیلده دیل آچیر 
دوغال یاشایشین هر بوروغوندا 
عومور چیچک لنیر ،عومور گول آچیر 

ایچریک دونیانلا باریشسان بو گون 
گورکمین ائلیوه دایاق دوراجاق
گونشین نوروایلا سایریشا بیلسن
سما سنین اوچون دووران قوراجاق

نهایت گلجک بیزیم‌دیر ،بیزیم 
اگر آددیملاری دوز آتابیلسک 
دوءنوب اییه دورساق کئچمیشیمیزه 
گلجک گوز ووروب ،همده گوله‌جک

قیش دوخسانا چاتیب الوداع دئیر
یازین گوزل‌لیگین ائلیم توی توتور
ملت تامارزدی شن گله‌جه‌یه
کئچمیشین شاختاسین ائلیم اونودور 

"" پاییز دوشونجه‌سی ۳"" یازدا گولله‌نر
یازین طراوتی روحو اوخشایار
قورخاق اورک‌لردن محبت قاچار
جسارت نامینه ائل آلقیشلانار 

نه بیلیم بلکه‌ده سهوه یول تاپدی 
ایناندیقلاریمیز اینام‌لانمادی
قورخاق او گوندن‌کی الیمیز اوسته
دوشوندوک‌لریمیز تامام‌لانمادی

حسن بابایی عجب شئرلی

۱- شعرمحمد علی نهاوندی ( موغان ) دان دیر
۲- بولود قاراچورلونون شعریارا یازدیغی شعره اشاره دیر 
۳- بختیار واهابزاده نین شعر کتابی نین آدی‌دیر

https://t.me/Adabiyyatsevanlar

تانینمیش سندلی فیلم چکن اوستاد "بابک شیرین صفت "ین فیلم لرینین ،سندلی فیلم لرینین کانالی،

دراین کانال فیلم‌ها،  ویدئو گرافی هایی در زمینه های هنر ، مطالعات فرهنگی با دوستان به اشتراک خواهم گذاشت👇👇👇

@artbabakshirinsefat

سحر_خیاوی
صبیرداشی!

هر آخشام " سیزیِف" سایاق
چیینیمیزدن ائندیریریک آغیر صبیر داشیمیزی
گؤز تیکیریک بوزلو گؤزلرینه:
-" داها صبیر کاسامیز داشدی، بس سن هاواخت چاتلایاجاقسان، صبیر داشی؟!"
داش‌ قولاقلارینا سانکی پامبیق تیخاییب، فریادیمیزی ائشیتمه‌سین دییه!
بیز دونیانین گوللو- چیچکلی،  آخار- باخارینا تامارزی‌ قالمیشیق هله ده
سویوموزو گؤلده، تاخیلیمیزی چؤلده، گؤیوموزو گؤیده، یئریمیزی یئرده قوروتدولار!
قیسیر قالدی آرزولاریمیزین آناسی، هئچ بیر دؤل دوغمادان!
تانریدا دا بو قَدَر صبیر اولماز آخی!
سن نه‌دن چاتلامیرسان صبیر داشی؟!
بیز چاتلاییریق سنین یئرینه
چات- چات آداملاریق، قان سوزولور یارالاریمیزدان
بیر پوف‌له کپه‌نک قانادی کیمی اوولاجاغیق
کولک‌‌لره ائله سوورولاجاغیق سانکی هئچ یوخ ایمیشیق!
ایندیجه، من یاتیرام،
اولدوزلار شاهید دیر،
هر آخشاما تای،
یاستیغیم داشلا دولموش
یورغان- دؤشه‌ییم تیکانلیق
ایلان سایاغی قیوریلاجاغام صوبحه‌دک
هایانا دؤنه‌جم آغرییاجام، هایانا دؤنه‌جم سیزلایاجام
زهریمار اولاجاق بیر اودوم یوخو منه
صاباح یئنه سنی چیگینیمه آلاجاغام
یاشامین ناهامارلیغیندا یول دؤیه‌جه‌ییک مقصده یئتیشمه‌دن!
بو چتین یول اوچون،
نه دَمیر باشماغیم وار، نه یول زوماریم
اَینیمده کی چول- چوخام دا ییرتیلیب بئله
بیلمیرم هاواخت چاتلایاقسان صبیر داشی!
آمما امینم دهشتلی چاتلایاجاقسان بیر گون
یئرین ایلک پارتلاییشی کیمی دهشتلی!
سندن فیشیلدایان اودلو قیغیلجیملار  کیملرین گؤزونو، کؤکسونو توشلایاجاق؟!
من یاتیرام هله‌لیک، صاباحکی یارالارا حاضیرلانماق اوچون!
سن چاتلاماغا فیکیرلش!
گئجه‌‌میز خئییرلی صاباحلارا قارشی.

https://t.me/Adabiyyatsevanlar

زررین رزندی(طنناز)

بو گون سالدیم گوللو چرقدی باشا

سورمه گوُزه،وسمه نی چکدیم قاشا

پاچه گشاد شالوار گئیدیم اگنیمه

مانتووومون رنگی یاشیل،دای دئمه

تاتاه لاندیم،چیخدیم آلیش-وئریشه

چوخ تومموشدوم اوُزوم هله بو ایشه

قیجیرتمیشدیم،قصابا من دیشیمی

دای سالمادیم عقلیمه بو ایشیمی

سلام وئردیم قصاب بَیه اوجادان

گوُزله دئدی:گئیینیشلی هارادان؟!

سوُزله منه خوش گلمیسیز سوُیله دی

یاواش دئدی:اوست-باشا باخ گوُر نه دی!!

آلدی اَله بیر قویونون شاققاسین

چاپاجاغلا،نیشان گئتدی اورتاسین

دالبادالا ائندیریردی ضربه نی

سانکی موسلمان ائدیردی ارمنی

دئدیم کیشی:آللاه اوچون دای وورما

چوخ اَللشیب،قول بیلیینی یورما

یاریم کیلو اَت ایستیرم یئترلی

نئچه ائونه بیزیم اوچون کئچرلی

اَت یئینده تانسیونوم یوکسلیر

آیاقلارا نقرص آدلی درد گلیر

آجیقلاندی،اَتی قویدو قیراغا

اَل ائیله دی دَری،سومویه،یاغا

ییرتیجی اوز باغلامیشدی اوزونه

سن باخ یئنه،من یازیق دا دوُزومه

احمال دئدیم:اَلینده کی اُته باخ

قابیرغادی،سورسوموکدو،بیرده یاغ

آت اوستونه بیر آز قارا،آی پاشا

انصافلییا بنزه ییرسن،چوخ یاشا

بئزیکدیردیم،یامان کوُک ده کیشینی

سوُزله قیردی اوتوز ایکی دیشیمی

گئت اوُزووه،توولارام،توولانمارام

من قصابام،اولاق تک چول لانمارام

دلار چاتیب یوز مینه،سن بیلیرسن؟

قویون تکین بو مسلخه گیریرسن؟

پوللونون دور راستا،گردن،بو بودلار

تویوق یالنیزدَن وئره نه یوموتلار

بوش جیبیله،آلا مودو گئیرسن

بیر پونزا اَت،ایل ده همین یئیرسن

بزک-دوزک له قیزاران اوزوندی

اوُلوم حق دیر،بوحق ائله سیزین دی.

https://t.me/Adabiyyatsevanlar

✅ طالبان، نوشیدن قهوه برای زنان رو ممنوع کردن!!!

الهی سئوینرسنکی آدام یارادییب سان؟!
بو گئده گوده اولماسایدی یئراوزوندن نه اسگیک اولاردی؟

https://t.me/Adabiyyatsevanlar

فاطمه _ ملک_ زاده

ای شاخه هایِ تیره درختان
که خیره خیره
به من می نگرید
دارد هوس می چکد از باران
باد می‌رود و صدایِ هیچ را می آورَد
و من مثلِ داماد هایِ دیر سال
با نعلی نامیزان به پاهایش
اقیانوسی شده ام که
آب رفته
خُمِ کوچکی از باروت در سینه
بی جرقه آتش
خود را بادیه نشینی احساس میکنم
که خون در تاریکیِ تنم میدود
و زندگی این رویایِ بی اصل
بیداری ست که
تنها یک لحظه طول می‌کشد
و دوباره به خواب می‌رود
دماغم را نگهمیدارم
غرشی در گوش هایم می‌پیچد
گرفتارِ گوارشی خسته ام
بدنی که فریاد زدن بلد نیست
و حرفِ یک دهانِ بازِ بی صدا را
در حالتِ رسولانه ام
شعر میکنم
آی شاخه هایِ تیره درختان
که خیره خیره به من می‌نگرید
ساچمه ها پرنده ها را برده اند
و من از زندگی هیچ چیز نمی فهمم
مثلِ مردِ نابینایی که
به سفر می‌رود
و شبها لقمه غذا را
در دهانِ مردِ قاب عکس می‌گذارم
که چند سی سی هوایِ تنهایی ام را نگهدارد
و همیشه فکر میکردم لامپِ کوچه
ماه ست که پایین آمده
حالا مانده ام چگونه در تاریکی
با این کلمات کُشتی بگیرم
کنارِ سفره یک نفره ام
که دوباره مرگ را پهن کرده


https://t.me/Adabiyyatsevanlar

باشاری‌یه اوزانان کؤپرو (کیتابلارین سیرری)

   توپلاییب، چئویرن؛ مجید تیموری‌فر (م. صفا)

https://t.me/Adabiyyatsevanlar

باشاری‌یه اوزانان کؤپرو (کیتابلارین سیرری)
   توپلاییب، چئویرن؛ مجید تیموری‌فر (م. صفا)
  
                              ***
   دنیاداکی مدنیّتلر، کولتور زنگین‌لیگیندن دوغار، چونکو مدنیّتین قایناغی کولتور، کولتورون قایناغی بیلگی، بیلگی نین قایناغی ایسه کتابدیر.
   - کتاب اوخوماق مدنیّتین بیر افاده‌سیدیر.
   - کتاب اوخوماق، کئچمیش، ایندی و گله‌جک آراسیندا اَن یاخشی اُنسیّت تأمین ائدیر. اوخوماق ماراق و ایستک مسئله‌سیدیر و بو کئیفیّت هم‌ده، بیلیک و مدنیّتین توپلانماسینا سبب اولور.
   - مطالعه‌نی ساده‌جه اوخوماق کیمی قبول ائتمه‌دن سه، اونو مقصد و اساسی چیخیش نقطه‌سی چرچیوه‌سینده قیمتلندیرمک لازمدیر. چونکو اوخوماقلا؛ انسان اؤزونو اؤیره‌نیر. باشقا سؤزله، کامل انسان اولماغین یولو و اُصولودور.
   - کتاب بیلگی خزینه‌لری و یوکسک ایده‌آللارین آچاری دیر. گنجلری پیس عادتلردن قورویان قالخان‌دیر. انسان روحونو قیدالاندیران بیر ائکسیردیر. ان گؤزل و یاخشی دوست، هم‌ده ان فایدالی بیر عُنصردور.
   - دنیانی اداره ائدن لیدرلر چوخ اوخویان انسانلاردان چیخیب. معلومدورکی، دُنیانین مشهور اختراع چیلاری دا، چوخلو کتاب اوخوماقلا، اؤز اخترالارینی حیاتا کئچیربلر.
   - کفایت قد‌ر گئجدیر. لاکین یئددی‌دن- یئتمیشه قدر، اوخوماغا باشلامالی‌ییک.
   - اؤنجه اونو دا، بیلک کی، ائویمیزده‌کی کتابخانا هم‌ده، شخصیّت‌میزین گوزگوسودور.
   - کتاب ان بؤیوک بیلیک و گوج منبعی‌دیر. کتاب اوخوماق سئوگیسی، باشقا سئوگیلردن فرقیلی‌دیر.
- او، یاواش- یاواش اسَن مئه کیمیدیر.      
- انسانین قلبینه گیریب، تاخت قوران و کونول عمارتی‌نین ان دگرلی قوناغیدیر.
- بو سئوگینی قازانمیش انسان اوچون، سولارین سیچراماسی و شیریلتی‌سی، کوله‌یین اوغولتوسو، قوشلارین، حشراتین نغمه‌سی، بلبل مئلودییالاری، ائله بیر ریتم‌ایله آخیر کی، هامیسی دینله‌ییجی‌لری واله ائدن، سئوگی سیمفونییاسی یارادیر.
   - چینلی‌لرین مشهور سؤزونده؛ « آج بیر انسانا بالیق وئرمک یئرینه، اونا بالیق توتماق صنعتینی اؤیره‌دین» گلین بیز ده، عئینی فلسفه اساسیندا حرکت ائده‌ک. اوشاقلاریمیزا و گنجلریمیزه  کتاب اوخوماغین واجب احتیاج اولدوغونو، هم‌ده، اونلارا ایلک نوبه‌ده، نه‌دن کتاب اوخومالی اولدوقلارینین واجب اولدوغونو باشا سالماغی هدفله‌یَک.
                          ***
   کتابی تاج ائدن سؤزلر؛
   - رفده‌کی کتابلاری اوخومادان، باشینیزا دوشمه‌سینی گؤزله‌ییرسینیز؟ (۱)
   - تانریم، منه چیچکلر دولو بیر باغ و کتابلارلا دولو بیر ائو بخش ائت. (۲)
   - کیتاب اوخومایانلار، معیّن آندا دایانان ساعات کیمی‌دیرلر، زامان ایره‌لیله‌دیکجه گئریلی‌یَرلر. (۳)
   - نه واخت ایکی قوروش الیمده اولوردوسا، اونون بیر قوروشونو کتابا وئرردیم. (۴)
   - اوخوسان وارسان، یوخسا یوخسان. اخوویان خلاص اولور، اوخویان خلاص ائدیر. (۵)
   - گنج‌لیگینی کتابلا بسله‌مه‌ین خالق-ین سونو، آجیدیر. (۶)
   - ممکون اولسایدی، بوغدا اکدیگیم کیمی، هر قاریش تورپاغا، کتاب اکه‌ردیم. (۷)
   - مدنیّتین تک داشیجی‌سی وار. دنیانی، بوگونو و صاباحی. بودا، کیتابدیر. (۸)
••••••••••••••••••••••••
1-  عوصمان صوراوغلو (یازار و کاریکاتوریست).
2- سیسرون (چیچرو)، سیاستمدار شاعر، نویسنده وفیلسوف (زاده 106- ق.م، درگذشته 43 ق.م).
3- مردخای، مناهیم کاپلان، نویسنده و معلم یهودی، فیلسوف، (1938- 1881).م
4- رئیس جمهور تازه تأسیس تورکیّه، (1938-1881).م
5- فاخری، آ، تونا، نویسنده 14- اثر، تورکیّه
6- اوویدیوس، سردار نامی در روم باستان و نام دانشگاهی معتبر
7- هوراس مان، سیاستمدار آمریکایی (1859- 1796).م
8- جمیل مریچ، نویسنده و مترجم تورک، صاحب 12-اثر (1987- 1916).م، ایستانبول


https://t.me/Adabiyyatsevanlar

رحیم گوزل

1

سنین یوخلاماغینلا
منیم اویاق قالماغیمین
ایلگیسی‌نین
بیلگی‌سینی
دویسایدیلار یاتاغانلار،
گوزلریمه قیسقانینجا
آغلاردیلار اوره‌ییمه
اورکلرین
دولوسونجا!..


2

آدینی سیمگه‌لی یازماقدان
کلمه‌لر بیتدی،
آمّا
توکنمه‌دی
دین ایچینده
دین بسله‌مک!..

https://t.me/Adabiyyatsevanlar

خلیل بحران و مجسمه های شهری
بو کلیپی بوبوک آغا افندیه گوندردیک ویازدیق افندی به سن نیه مجسمه دوزتمی سن؟
آلتیندا بئله یازییب بیزه قایتاردیلار.

بسمه تعالی
بو مملکت ده هئچ کیم خلیل بحران کیمی مجسمه قئیرمز،


https://t.me/Adabiyyatsevanlar

رویا-ابراهیمی

گره زده‌ام خیالت را
به رویای خسته‌ام
کاش گره‌اش کور و
کور نشود
چشم آرزوهایم

2


رخشی بی‌سوار
یکه تازی می‌کند

یادت
درون ذهن من

https://t.me/Adabiyyatsevanlar