سولدوزلو شاعیر،یازیچی، دوکتور "پرویز محمدی "  ادبیات سئونلر گوزگوسونده
بیرینجی بولوم 4

سه شنبه1404,6,11

چکیلش: ادبیات سئونلر

آپاریجی :کریم قربان زاده

https://t.me/Adabiyyatsevanlar

سولدوزلو شاعیر،یازیچی، دوکتور "پرویز محمدی "  ادبیات سئونلر گوزگوسونده
بیرینجی بولوم 5

سه شنبه1404,6,11

چکیلش: ادبیات سئونلر

آپاریجی :کریم قربان زاده

https://t.me/Adabiyyatsevanlar

سولدوزلو شاعیر،یازیچی، دوکتور "پرویز محمدی "  ادبیات سئونلر گوزگوسونده
بیرینجی بولوم 6

سه شنبه1404,6,11

چکیلش: ادبیات سئونلر

آپاریجی :کریم قربان زاده

https://t.me/Adabiyyatsevanlar

سولدوزلو شاعیر،یازیچی، دوکتور "پرویز محمدی "  ادبیات سئونلر گوزگوسونده
بیرینجی بولوم 7

سه شنبه1404,6,11

چکیلش: ادبیات سئونلر

آپاریجی :کریم قربان زاده

https://t.me/Adabiyyatsevanlar

سولدوزلو شاعیر،یازیچی، دوکتور "پرویز محمدی "  ادبیات سئونلر گوزگوسونده
بیرینجی بولوم 8سون

سه شنبه1404,6,11

چکیلش: ادبیات سئونلر

آپاریجی :کریم قربان زاده

https://t.me/Adabiyyatsevanlar

چوخدا گوزل
او گونلردن بیزیمده آرزیمیزدیر....


https://t.me/Adabiyyatsevanlar

مسئولیت آرا و نظریات ارائه شده در کلیه نوشته ها همچنین صحت و سقم مطالب به عهده نویسندگان میباشد,
نشر مقالات و ترجمه ها به معنی تائید ‌ان مطلب و هم سویی با نویسندگان نمی باشد.

ادبیات سئونلر.

https://t.me/Adabiyyatsevanlar

اؤلولردن اعترافلار

✍"یازان: گی.د.موپاسان
تورکجه‌یه‌چئویرن: آزاد یاشار
کؤچورن: سحرخیاوی
حاضیرلایان:ادبیات سئونلر کانالی

بو یازینی چرشنبه گونو ادبیات سئونلر کانالیندا اوخویون.

https://t.me/Adabiyyatsevanlar

‌
اؤلولردن اعترافلار

✍یازان: گی.د.موپاسان
تورکجه‌یه‌چئویرن: آزاد یاشار
کؤچورن: سحرخیاوی
حاضیرلایان:ادبیات سئونلر

من اونو دَلی کیمی سئویردیم. گؤرن بیز نییه سئویریک؟ به‌یه‌م، بو بوی‌دا دونیادا بیر تک وارلیغا کؤکلنمک، بئینینده اونون فیکرینی، قَلبینده تکجه اونا قوووشما آرزوسونو یاشاتماق غریبه دئییلمی؟! دوداقلارینلا تکجه اونون آدینی پیچیلداماق و بو آدی قَلبینین درین قاتلاریندا دورمادان، عئینیله بیر بولاق کیمی چاغلایاراق دیلینه گتیرمک، اونو بیر دعا میثالی هر یئرده و هر زامان تکرارلاماق، پیچیلداماق، تصدیقله‌مک به‌یه‌م نرمال‌دیر کی؟!

اونونلا آرامیزدا اولوب-کئچنلردن ایندی سیزه سؤز ائتمه‌یه‌جه‌یَم، چونکی اصلینده بوتون عشق حئکایه‌لری آز-چوخ بیر-بیرینه بنزه‌ییر. اونونلا راستلاشدیق و من اونو سئودیم. بونجا بسیط آلیندی هر شئِی. عؤمرومون تام بیر ایلینی اونون آغوشوندا، اونون نوازیشی، دانیشیغی و باخیشلاری آراسیندا کئچیردیم. اوندان آلدیغیم ذؤوقلر منی نه درجه‌ده چولغامیش، نه درجه‌ده اسیر ائلمیشدیسه، من دیری، یوخسا اؤلو اولدوغومو، یئر اوزونده، یوخسا او بیری دونیادا اولدوغومو هئچ جور آییْرد ائده بیلمیر، حتّی هردن‌بیر گئجه‌یله گوندوزو ده قاریشدیریردیم.

و بیر گون او... وفات ائله‌دی. آمّا نئجه؟ هه، باخ، بونون تفر‌ّروعاتینی من هئچ واخت اؤیره‌نه بیلمه‌یه‌جه‌یَم.

یاغیشلی بیر گونده ائوه دؤندویو واخت او، جورومبول سویون ایچینده ایدی. صاباحی گون مؤحکم اؤسکورمه‌یه باشلادی. بیر هفته سراسر اؤسکوره‌ندن سونرا ایسه یاتاغا دوشدو.

بس سونرا نه باش وئردی؟ بونو دا من هئچ واخت اؤیره‌نه بیلمه‌یه‌جه‌یَم.

خسته‌مین اوستونه چاغیردیغیم حکیم‌لر جوربه‌جور داوا-درمان یازیب، گئدیردیلر. بَعضن ایسه اؤزلرییله درمان دا گتیردیلر و خسته‌یه باخان قادین، اونلاری ایچسین دئیه، سئوگیلیمی دیله توتوردو. خسته‌نین ال-آیاغی اود توتوب یانیردی، آلنی ایسه نملی و سیْجاق ایدی، غوصصه دولو گؤزلری ایشیلداییردی. اونو دیندیردیییمده سوواللاریمی جاوابلاییردی. نه باره‌ده دانیشیردیق؟ اوراسینی هئچ خاطیرلامیرام. ایندی هر شئیی، هر شئیی اونوتموشام! اونون کئچیندییی آنی ایسه تام دقیق‌لییی ایله خاطیرلاییرام: سئوگیلیمین سون نفسی‌ خفیف ایدی و گوجله سئزیلیردی. اونا باخان قادین: "آه!" - دئیه قیشقیرمیشدی دا اوندا. و من هر شئیی، یعنی هر شئیین بیتدییینی، آنلامیشدیم!

بونون دیشیندا من هئچ نه یی درک ائله‌میردیم. هه، هئچ نه یی. ائوه چاغیریلان کئشیش مرحومه‌ باره‌سینده "آشنانیز" دئییمینی ایشلتمکله، منجه، سئوگیلیمی آشاغیلامیشدی. ایندی دونیانی دَییشدیییندن هئچ کیمسه سئودیییم قادین باره‌ده بو طرزده دانیشا بیلمزدی آخی... اودور کی، اونو قوودوم، گئتدی. سونرا باشقا، داها صمیمی و ایستی قانلی بیر کئشیش گلدی. مرحومه‌دن سؤز ائتدییی زامان من، حتّی کؤوره‌لیب، آغلادیم دا.

تانیش-بیلیش منی ائله هئی دفنله باغلی سورغو-سووالا توتوردو. ایندی هئچ او سوواللاری دا خاطیرلامیرام. تکجه تابوتونون قاپاغی میسمارلاناندا چکیچین قوپاردیغی سسدیر خاطیریمده ایلیشیب-قالان... ایلاهی پروردگارا!

سونرا اونو تورپاغا گؤموب، اوستونو تورپاقلادیلار. اونو قارانلیق مزارا روا گؤردولر! تانیشلاریمیز و رفیقه‌لری گلدیلر. من ایسه هامیدان گیزلندیم. اورادان باش گؤتوروب، قاچدیم. اوزون-اوزادی کوچه‌لرده وئیللندیم. سونرا ائوه دؤندوم. صاباحی گون ایسه سیاحته چیخدیم.

دونن پاریسه، گئری دؤندوم. اوندان، دونیادان کؤچن بیریسیندن گئری‌یه قالان اوتاغیمیزی، اؤز یاتاق اوتاغیمیزی، چارپاییمیزی، مؤبِلیمیزی تکرار گؤردوگوم زامان ایچیمی نئجه گوجلو بیر قَهَر حیسی بورودوسه، آز قالدیم پنجره‌نی آچیب، اؤزومو داشلا دؤشه‌نمیش قالدیریما آتیم. بیر واختلار اونو اَحاطه ائدن، اونا همدم اولان بو دیوارلار، بو اَشیالار آراسیندا قالماغا آرتیق نه گوجوم یئتیردی، نه ده تابیم-طاقَتیم. بو دیوارلارداکی گؤزه‌گؤرونمز چاتلاردا اونون وارلیغیندان، اونون وجودوندان، اونون ظریف نَفسیندن خیردا ذرره‌جیک‌لرین چؤکوب قالدیغینی دوشوندوکجه، شِنِلیمی گؤتوروب، بیرباشا کوچه‌یه قاچماق ایسته‌دیم.

قاپی‌نین آغزیندا غفلتن بؤیوک بیر گوزگو ایله راستلاشدیق: اونو بورایا واختی ایله مرحومه‌ قویموشدو: آخی هر دفعه ائودن چیخمامیْش آینادا اؤزونو باشدان-آیاغا سوزَر، اَیین-باشیندا - ساچ دوزوموندن توتموش، تا چَکمَه‌لرینه قدر هر شئیین اؤز قایداسیندا، یعنی گؤز اوْخشایان اولوب-اولمادیغینی دؤنه‌-دؤنه یوْخلایاردی.
واختی ایله اونو اؤزونده عکس ائتدیرن بو گوزگو قارشیسیندا ایندی اؤزوم قورویوب قالمیشدیم. او، بو گوزگویه نئجه واخت آشیری باخیْردیسا، اونون عکسی ده هر حالدا بورادا قورونوب، ساخلانمالییدی.

بدنیمی اَسمَجه بوروسه ده، دایانیب گؤزلریمی گوزگویه، بو سَطحی هامار، آردی ایسه بوم‌بوش اولان شوشه‌یه زیللَه‌میشدیم ایندی. بو بَدَن‌نۆما گوزگو اونون عکسینی بیر واختلار اؤزونه تام سیْغدیْرار و عئینیله منیم سئون گؤزلریم قدر اونلارا حئیران کَسیلَردی. اودور کی، قریبه بیر نَوازیش دویْدوغوم اوچون بو شوشه‌یه توخوندوم - او، بوز قدر سویوق ایدی! آه، خاطیره‌لر، خاطیره‌لر! بو غملی گوزگو، بو جانلی، ایشیقلی و قورخونج گوزگو ایندی منه سونسوز ایضطیراب‌لار بَخش ائتمکده‌یْدی. اورَه‌یی گوزگو کیمی اولان، یعنی اوراداکی گؤرونتولری، یاشانتی‌لاری آسانلیْقلا سیلَه بیلن آدام‌لار نئجه ده بَخته‌وَر میش‌لر! آخی، گوزگو ده بیر آنلیْغا اؤز اؤنونده دایانانی، اؤنوندن کئچه‌نی، اونا باغلانانی، کؤنول وئره‌نی تئزلیْکله اونودور؟! اَصلینده ایسه بو - گوزگونون مَحض فاجیعه‌سی ساییْلمالیْ دیْر!

هر هانسی ایسته‌ییم، هر هانسی پلانیم اولمادان من ائودن چیْخیب، مزارلیْغا یوللاندیم. اورادا تاپدیْغیْم ساده، اوستونده مَرمَر خاچ اوجالان باش‌داشیْندا بو سؤز لر یازیْلمیْشدیْ: "سئودی، سئویلدی و عؤمرونو سیزلره تاپشیْردیْ".

سئوگیلیم بورادا، قارا تورپاغیْن آلتیندا اویْویوردو. یَقین آرتیْق چورومَیه ده باشلامیْشدیْ! دؤزولمز بیر دَهشت ایدی بو! اوزوقوْیلو یئره اوزانیْب، هؤنکوردوم.

اوزون موددت اورادا قالدیْم. سونرا هاوانین قاراْلدیْغیْنی سَزدیم. همین آنلاردا چاره‌سیز بیر عاشیْقین ایچینی ساراْجاق غریبه حیس‌لرین اَسیری‌نه چئوریلدیم. بو سونونجو گئجه‌می اونون یانیْندا، اونون مزاریْنیْن باشیْندا آغلایاراق کئچیرمک قرارینا گلدیم. آمّا منی بورادا گؤرسئیدیلر، مزارلیْقدان باییْرا چیْخاراردیْلار. بَس اوندا نئْیْلَمه‌لی؟ بیر بیجلیک ایشلتدیم. آیْاغا قالخیب، بو اؤلولر شَهَرینده دُولاْشماْغا باشلادیْم. دورمادان ایره‌لیلَه‌ییردیم. دیری‌لر شَهَری‌له موقاییسه‌ده مزارلیْق عجَب کیچیک‌میش! آمّا بونونلا بئله، اؤلولر اُردوسونون ساییْ-حساباتی یوخ ایدی. بیز دیری‌لره ایسه، گؤر، نه قدر یوکسک بَنا، نه قدر کوچه، نه قدر اَراضی گَرک دیر! دؤرد نَسلین نۆمایَنده‌لری‌نین عئینی واختدا بو ایشیْقلی دونیادا یاشاماسیْ، بُولاق‌لاریْن سویْونو، اوزوملوک‌لرین شَراْبیْنیْ، زَمیلرین تاْخیْلینیْ نُوش ائتمَه‌لری اوچون بوتون او نِعمت‌لر واجب‌میش! آمّا انسان اوغلونون بو دونیادان گلیب-کئچمیش بوتون نۆمایَنده‌لری‌نین، یعنی ایندیه‌‌دک دونیاسیْنی دَییشن‌لرین ایسه وُور-توت، بئشجه قاریْش تورپاْغا ائحتیاجیْ وار و باشقا دا... هئچ نه‌یه! قارا تورپاق فاصیلَه‌سیز شَکیلده هامینی اؤز قوْیْنُونا آلیْر، اونوْتْقانلیْق حیسی ایسه اونلارلا باْغلیْ سون نیشانَه‌لری ده سیْلیب، یوخ ائدیر و مَسئله... بیتیر!

یئنی مزارلیْغیْن مَحَجَّری‌نین او بیری اوزونده من داها بیر، هم کؤهنه، هم ده باخیْم‌سیْز مزارلیْق گؤردوم: اورادا اویْویانلاریْن نَه ایْنکی جَسدلَری، حتّی قَبیر اوستو خاچ‌لاری دا آرتیْق چوروموشدو و یَقین کی، بورادا صاباح-بیری_گون یئنی "ساکین‌لر" دفن اولۇناجاقدی. ایت‌بورنو کول‌لاری و توند گؤودَه‌لی، نَهَنگ سَرو آغاج‌لارییْلا دولویْدو اورا. انسان جَسدلَری‌نین گؤمولدویو بو سیْخ آغاجلیْق آداما حددسیز بَدبین حیس‌لر آشیْلاْییردیْ.

یالقیْز ایدیْم، تامامیْلَه یالقیْز. اوجا بیر آغاجا دیرماْشیب، اونون قارانلیْق و سیْخ بوداق‌لاری آراسیندا گیزلَندیم. آغاجیْن گؤودَه‌سیندن یاْپیشیْب گؤزلَدیییم واخت باتان گَمی‌نین دُور آغاجیْندان یاْپیشان چاره‌سیز بیرینه بنزه‌ییردیم.

گئجه‌نین ظولمَتی اَطرافی بورویونجه، اؤز سیْغیْناجاغیْمی تَرک ائلَدیم. اؤلولرین یُوخوسونا حرام قاْتْماماْق اوچون آغیْر و سَسسیز آددیْم‌لارلا یُولا دوزَلدیْم.

اوزون-اوزادی دُولاْشساْم دا، سئوگیلیمین مزاریْنی تاْپا بیلمَدیم. گؤزلریمی گئنیش آچیْب، اَللریمی ایره‌لی اوزاتماْقلا مزارلارا هم اَلیم، هم آیْاغیْملا، هم دیزیم، هم سینه‌مْلَه، حتّی بَعضن باشیْملا توخونۇردوم . دورمادان ایره‌لیلَسم ده، مزاریْ هئچ جور تاْپا بیلمیردیم. کُورلارینکیْ کیمی هاوادا دُولاْشان اَللریم باشداش‌لاریْیْلا، خاچ‌لارلا،  مَحجَّر‌لرلَه، پلاستیک اَکلیل‌لَرلَه و تَبَعی اَکلیل‌لَرده‌کیْ سُولْقُون چیچک‌لَرلَه تَمَاس قُورُوردو. بارماْقلاریْمیْن اوجونو حرف‌لر اوستونده گَزدیرمَک‌له، سؤز‌لری هُوججَه‌لَییردیم. نئجه قاتی و نئجه کُور گئجه‌یدیسه، مزاریْ هئچ جور تاْپا بیلمیردیم!

آیْ دا غیبه چَکیلمیشدی. هئچ نه گؤرونمه‌ییردی! مزارلار آراسینداکیْ دار جیْغیْرلا ایره‌لیلَیه‌رکَن ایچیمه اوزوجو، دؤزولمز تَلاش حیسی دولۇردو. مزارلار، مزارلار، مزارلار! هر یئر مزار ایدی بورادا! ساْغیْم، سُولوم، اؤنوم، آردیْم - هر طَرَف مزار ایدی! ایره‌لیلَمه‌یه طاقَتیم قالماْدیْغیْندان آیْاغلاریْم دیزدن بوْکولدو_یؤندن بیر سینه‌داشیْنیْن اوستونه چؤکمَیه مَجبُور اولدوم.

اورَیییمین دؤیونتوسو آشکار ائشیدیلیردی. داها نه ایسه بیر سَس وار ایدی چئوره‌ده! آمّا نه؟ بو، آنلاشیلماز، قاریْشیْق بیر سَس ییْغیْنیْ ایدی.

بَلکه بو اوغُولتُو مَنیم هاوالانماْغا باشلایان بئْینیمده پیدا اولموشدو؟ یُوخسا بو سَس اَطرافا چؤکَن گؤزده‌شَن ظولمَتیْن قُویْنوْندان و یا اینسان جَسَدلَریْنی بیر بِئْشیک میْثالی بَطنیْنده اوْیُودان تُورپاْغیْن آلت قاْتلاریْندان یوکسَلیردی؟! اَطرافیْما آرامْسیْز گؤز گَزدیریردیم.
گؤرَه‌سن، اُورادا نَه قَدَر اُوتۇرموشدوم؟ بُونوْ هارادان بیلَیدیم؟! قُورخوُ و دَهشَتْدَن آز قالاْ آغلیْمیْ ایْتیرَجَکدیم، اَجَلیمیْن لاپ یاْخیْنلاشدیْغیْنی حیس ائتدیییم اوچون ایسه، حَتّیْ باْغیْرماْغا دا حاضیرلاْشیْردیم.
بیردَن مَنه اِئلَه گَلدی کی، آلتیْمداکیْ مَرمَر لُؤوحه خَفیفجه دَبَرمَیه باشلادیْ. حَقیقتَن ده، بو، بئْلَه‌یدی: سانکیْ اُونوْ آلتْدان کیم ایسه قالدیردیْردیْ. بیر سیْچراماْقلا مَن اؤزومو قُونشۇ سیْنه‌داشیْنیْن اوزَرینه آتدیْم و اُورادان باْخیْنجا گؤردوم کی، باْیْاْقدان اوزَرینده اوزاندیْغیْم سیْنه_داشیْ دیکَلدی و اُونون آلتیْندان چیْخان آغاپپاق اسْکِلِت اؤز اَییلمیش قَددیله بوْ داْشیْ بیر کَنارا آتدیْ. گئجه هَر نَه قَدَر ظولمَت اُولْساْ دا، مَن بو صحنه‌نی آشکار شَکیلده گؤردوم. اُوْ مَزاریْن خاْچیْنداْ بو سؤزلَر یاْزیْلمیْشدیْ: "بوْرادا اَللیْ بیر یاْشیْنداْ دونیادان کؤچَن ژان اُوْلیوان اوْیُویُور. یاْخیْنلاریْنی سِئوَن، دُوروست و خِئْیرخواْه بیریْ کیمیْ تاْنیْنان بوْ کیشیْ فاْنیْ دونیادان راْحاتجاْنا کؤچدو."
اسْکِلِت اؤز باشداْشیْنداْ یاْزیْلان مَتنیْ اُوْخوُدو، سُونراْ جیْغیْر اوْسته تاْپدیْغیْ سیْوریْ بیر داْشلاْ اُوْ یاْزیْلاریْ قاْزیْماْغا باشلادیْ. بوْ ایشیْ بؤیوک صبریْله گؤردویو واْخت اُوْ، قاْرالان گؤز بُوْشلوْقلاْریْنی خاْچیْن اُورتا حیصه‌سیندَن اَصلاْ آیْیْرمیْردیْ. سُونراْ اسْکِلِت اؤزونون صیْرف سُوموک‌لَردَن عیْباْرَت باْرماْغیْیْلا اُورادا بیر ییْغیْن حَرف چیْزدیْ. یاْزیْلان بوْ حَرف‌لَر، عئینیْله شوشه سَطح اوْسته فُوسْفُورلۇ کیبریت‌لَه یاْزیْلان ایْشاْرَت‌لَر کیمیْ چِئوْره‌یه ایْشیْق ساْچیْردیْلاْر:
"بوْرادا اُوْیُویُور ژان اُوْلیوان اَللیْ بیر یاْشیْنداْ دونیادان کؤچوب. میراثاْ دُویْدوْغوْ آْج‌گؤزلُوک اوْجباتیْندان اُوْ، آتاْسیْنیْن باْغریْنیْ چاْتلاْتدیْ، خاْنیْمیْنا گون وئرمَدیْ، باْلاْلاْریْنی دؤیوب-اینجیتدیْ، قُونشُولاْریْنا ایسه کَلَک گَلدیْ. گؤزونه دَیه‌ن هَر شِئییْ اُوْغوُرلاْدیْغیْ اوچون تاْ اؤلدویو گونه قَدَر هاْمیْ‌نیْن دَرین نیفرَتینیْ قاْزاندیْ."
یاْزیْسیْنا آراْ وئره‌ن اسْکِلِت حَرکَتسیْز دُورُوب، مَتْنه گؤز گَزدیْردیْ. بوْ آراْ مَن بوتون قَبیرلَریْن آچیْلدیْغیْنیْ و اُوْرادان دیْشاْریْ چیْخان اسْکِلِت‌لَریْن اؤز قُوهُوملاْریْ طَرَفیندَن باْشداْشلاْریْنا یاْزیْلان ساْختاْ سؤزلَریْ سیْلدیْک‌لرینه و اَصل حَقیقَتیْ بَرپاْ ائتدیْکلَریْنه شاْهِد اُوْلدوم.
بَللیْ اُوْلدوْ کیْ، اُوْنلاْریْن هاْمیْسیْ اؤز دُوغماْلاْریْناْ قاْرشیْ غددار، یاْراماْز، ایکیْ‌اوزلۇ، پاْخیْل، ساْختاْکاْر و فیْریْلداقچیْ کیمیْ داْوراْنیْبلاْر، هاْمیْیاْ بؤهتاْن آتْمیْشلاْر، باْشلاْریْنیْ آلداْتماْقلاْ اُوْنلاْریْ سُویُوب-تاْلاْیْیْبلاْر، هَر کَسه قاْرشیْ اَن لَیاقَتسیْز و باْغیْشلاْنماْز حَرکَت‌لَره یُول وئریْب‌لَر. حاْلبوکیْ بوتون بوْ سِئوَن آتالاْر، صاْدیْق اَر-آْرواْدلاْر، دَیْانَتلیْ اُوْغوُللاْر، بَکاْرَتلیْ قیْزلاْر، ایْنصاْفلیْ تاْجیرلَر، بوتون بوْ کیشیْ‌لَر و قاْدیْنلاْر ساْغلیْقلاْریْنداْ اؤزلَریْنیْ هاْمیْیاْ خِئْیرخواْه ایْنساْنلاْر کیمیْ تاْنیْتدیْریْرمیش‌لار.
ایْلاْهیْ دَرگاْهیْن اِئشیْیْینده اُوْلاْن بوْ اؤلولَر حَیاْتداْکیْ ایْنساْنلاْریْن اؤزلَریْ حاْقداْ بیلمَدیْکلَریْ، یاْخوُد بیلیْب ده، بیلمَزلیْکدَن گَلدیْکلَریْ قُورخونج، آْماْنسیْز و مُوقَدَّس حَقیقَت‌لَریْ ایندیْ بیْربَه‌بیْر اؤز مَزاْر داْشلاْریْنا حَکّ ائتمَکدَه‌یدیْ‌لَر.
اُوْناْ گؤره دوشوندوم کیْ، یَقیْن سِئوْگیلیم ده اؤزو باْره‌ده گیزلیْ گِرچَییْ ایندیْ باْشداْشیْناْ یاْزمیْش اُوْلاْر. اُوْدُور کیْ، هئچ بیر قُورخوُ-هُورکویَه قاْپیْلماْدان چۇخۇرتَک قاْرالان بُوْش مَزاْرلاریْن، اسْکِلِت‌لَریْن، جَسَدلَریْن آراْسیْیْلاْ قاْچماْغاْ باشلاْدیْم، هَم ده آْرتیْق ایْناْنیْردیم کیْ، سِئوْگیلیمیْن قَبریْنیْ چَتینلیْک چَکمَه‌دن تاْپاْجاْغاْم.
اوزو کَفَن‌لَه اؤرتولۇ اُوْلساْ دا، مَن سِئوْگیلیمیْ خِئْیلیْ اۇزاْقدان تاْنیْدیْم.

اُوْنون مَرمَر باْش‌داْشیْنداْ آز اؤنجَه: "اُوْ، سِئْودیْ، سِئْویلدیْ و دونیادان کؤچدو" سؤزلَریْ یاْزیْلدیْغیْ حاْلداْ، ایندیْ: "یاْغیْشلیْ بیر گونده اؤز عاشیْقینه خَیْانَت ائتمَک اوچون ائوْدَن چیْخاْن بوْ قاْدیْن سَتَلجَمه توتولاراق، وَفاْت ائلَه‌ییْب" سؤزلَریْنیْ اُوْخوُدوم.
دِئْیلَن‌لَره گؤره، صوبح چاْغیْ زیاْرَتچیْلَر مَنیْ هاْنسیساْ مَزاریْن یاْنیْنداْ باْیْیْلمیْش حاْلداْ تاْپمیْشلاْر...

https://t.me/Adabiyyatsevanlar

تانینمیش سولدوزلو شاعیر، "اسماعیل  بهرامی"یانان" ادبیات سئونلر گوزگوسونده

زمان:سه شنبه1404,6,18
ساعات:9
چکیلش: ادبیات سئونلر

آپاریجی :کریم قربان زاده

https://t.me/Adabiyyatsevanlar

✍:خلیل عبداللهی گونش اوغلو

گؤزلرینه قوربان اولوم
آیاق ساخلا گؤزله منی
آهو کیمی سوزمه بئله
آیاق ساخلا گؤزله منی

آلیشدیم عشقین اودونا
انصاف ا ئیله یئت دادیما
محبت,عشقین آدینا
آیاق ساخلا گؤزله منی

گول,یاراشیر گول اوزونه
کده ر سالما گول اوزونه
من یازیغین گول اوزونه
آیاق ساخلا گؤزله منی

گل سازینی چکمه زیله
تئللرینی تؤکمه بئله
باخ سینمده اسن یئله
آیاق ساخلا گؤزله منی

تانریم سنی خان یارادیب
گئجه سیز بیر دان یارادیب
خسته یه لقمان یارادیب
آیاق ساخلا گؤزله منی

سن حاکمسن من محکومام
یئرسیز د ئییل بخشش اومام
گل عنادی ائیله تامام
آیاق ساخلا گؤزله منی

بو دونیادا یوخدور وفا
یالواریرام گل انصافا
اوز دؤندریب,قیلما جفا
آیاق ساخلا گؤزله منی

https://t.me/Adabiyyatsevanlar

ویدا حشمتی
گی. دو. موپاسانین «اؤلولردن اعترافلار» حیکایه‌سینه فرویدون یاس توتماق (سوگواری) نظریه‌سی‌ ایله قیسا بیر گؤروش

«اؤلولردن اعترافلار»
یازان: گی.د.موپاسان
تورکجه‌یه‌چئویرن: آزاد یاشار
کؤچورن: سحرخیاوی
حاضیرلایان:ادبیات سئونلر کانالی

«اؤلولردن اعترافلار» گی. دو. موپاسانین چوخ درین و دراماتیک بیر حیکایه‌دیر. بو حیکایه‌ده سئوگی‌نین افراطی شکلی، اؤلومون دهشتلی تأثیری و یاخود انسانین خاطیره‌لرده قالماغی تصویر اولونور. ادبی باخیمدان، حیکایه، موپاسانین رئالیسم و شاعرانه اولدوغونو گؤستریر(سئوگیلی‌سینه اولاغان اوستو علاقه‌سی و اونون نفسینی دووارلاردا حیس ائتمه‌یی کیمی...) یاخود روان‌شناسلیق باخیمیندان ایسه «یاس»ین قورخونج حالته دؤنوشومونو آچیقلاییر.

یازی اوسلوبو واقعچیلیک(رئالیسم) و تفصیل‌دیر: خسته‌لیک، تابوت، چکیچ سسی کیمی جزئیات، اؤلومون قطعی‌لیگینی آچیقلاییر.
موپاسان شاعرانه تعبیرلر ایله «نفسی دیوارلاردا» کیمی سؤزلرله اؤلومون ایچنده سئوگی‌نین ایزینی یارادیر.
حیکایه‌ده مونولوگ و اعترافلار راوی‌نین دالبادال اعترافی کیمی‌دیر، اوخوجو راوی‌نین بیلینجین‌ده قالیر و حقیقت‌له توهم آراسی سئیر ائدیر.
راوی‌نین روان‌شیناسلیق وضعیت‌لری، افراطی باغلیلیق‌دیر. راوی‌نین حیات و «من»لیگی معشوقه‌ده یوخ اولوب. او، معشوقه‌سینی «آللاه» کیمی عبادت ائلیر.
«یاس»ین طبیعی اولمایان طرفی ایسه راوی اؤلومو قبول ائده بیلمیر؛ طبیعی یاس  مرحله‌لری(انکار، غضب، قبول، آزادلاشماق) ایشله‌میر. او داها چوخ انکار و غضب‌ده ثابت قالیب‌دیر.
هذیان و توهم‌دادیر. دیوارلاردا، اشیالاردا، گوزگوده معشوقه‌نین وارلیغینی گؤرمک کی، بو «یاس توتماغین هذیانلی» شکلی‌دیر.
گوزگو قارشیسین‌دا راوی اؤز-اؤزونو تانیمیر؛ چونکی کیملیگی هر زامان باشقاسی(معشوقه) ایله تعریف اولونوب. «او» گئدنده «من» ده یئریندن یوخ اولور و بیرجور کیملیک بحرانی یارانیر.

فرویدون «سوگ و مالیخولیا» نظریه‌سی:
زیگموند فروید «سوگ و مالیخولیا» نظریه‌سینده آچیقلاییر کی، طبیعی یاس توتماقدا، فرد ازیزینی ایتیرن زامان وقت‌له اونون یادینا باغلیلیغینی آزالدیب، لیبیدو (عاطفی انرژی) نی باشقا ابژه‌لره یؤنلدیره بیلیر.
مالیخولیادا فرد معشوقه‌نی اونوتماز؛ اونو ناخودآگاه‌دا ساخلاییر. وارلیغینی «اؤز»ونه قاتیب، خودسرزنشلیک، افسرده‌لیک و حتی ییخیلماق حالتی باش وئریر.

حیکایه‌ده بونو تطبیق وئردیکده، راوی بو حالدان اؤزونو آزاد ائده بیلمیر، معشوقه‌نین اؤلومونو قبول ائتمه‌یه قادیر اولمادیغی اوچون اونون وارلیغینی اشیالاردا، دووارلاردا، گوزگوده یاشادیر.
بو وضعیت فرویدون دییه‌جه‌یی کیمی، «یاس‌»دان مالیخولیا‌یا دؤنوشومدور.

آینا صحنه‌سی، مالیخولیانین یوسک‌لشمه‌گینی گؤستریر. راوی نه اؤزونو، نه معشوقه‌سینی گؤروره بیلمیر، تکجه بوشلوغ‌لا اوز-اوزه قالیر.

نمادلارا گلینجه، تابوت و چکیچ سسی اؤلومون قطعیلیگی، ناخودآگاهدا سؤنمز خاطیره‌لر. دووارلار و اشیا، خاطیره‌لرین موزه‌سی، حبس‌خاناسی... گوزگو، وارلیق و یوخلوق آراسی نقطه، سئوگی‌نین بیرلشمک یئری، راوی اؤزونو و سئوگیلی‌سینی تاپا بیلمیر و بیر خلأده قالیر.
نتیجه‌ده چوخ درین بیر حیکایه ایله قارشیلاشیریق. رئالیسم و توهم اوست اوسته یارادیلیب‌دیر. گوجلو فضاسازی و جزئیاتین مفصل شکیلده گلمه‌گی.

ضعیف نقطه‌سی منیم نظریمه، یالنیز راوی‌نین سسی ائشیدیلیر؛ معشوقه مستقل بیر شخصیت کیمی گؤستریلمیر و افراطی دراماتیسم بعضاً اوخوجو اوچون اضافه گؤرونه بیلر.

«اؤلولردن اعترافلار» یالنیز بیر سئوگی داستانی دییل، بلکه روان‌شناسی و مالیخولیا تابلوسودور. موپاسان سئوگینی افراطی باغلیلیقدان، جنون و کیملیک بحرانینا قدر گتیرمه‌گینی گؤستریر.
فرویدون نظریه‌سی ایله دئیرسک: راوی طبیعی یاس مرحله‌لرینی آشا بیلمیر و مالیخولیا‌دا قالیر. معشوقه‌نین اؤلومو، راوی اوچون بیر اؤز اؤلومونه چئویریلیلیر.

فرویدون یاس(سوگ) نظریه‌سی‌نی مختصر شکیلده آچیقلاماغی ایسته‌ییرم.
فرویدا گؤره، عزیزینی ایتیرن انسان، اونون خاطیره‌لرینی و وارلیغینا باغلیلیغی، وقتی‌له آزلادیب و عاطفی انرژی‌سینی (لیبیدو) یئنی انسانلارا و یا حیات فعالیت‌لرینه یؤنله‌نه بیلیر. بو، طبیعی و ساغلام پروسه‌دیر.
مالیخولیا، شکلینه دؤنوشدوکده،
انسان ایتیردیگینی، ناخودآگاه‌دا «اؤز»ونه قاتیب، اوندان قوپا بیلمیر. نتیجه‌ده اؤزونو قیناییر، افسرده اولور،
حیاتی لذتدن اوزاق دوشور.
بئله‌لیکله «یاس»، جنونا یاخین وضعیت‌لره یول آچا بیلر.
ایکی‌ یاسین فرقی بئله اولور کی، طبیعی یاس، زامانلا یاتیشیر، لیبیدو آزاد اولور.
مالیخولیایی یاس‌دا، داواملی درین قهر و افسرده‌لیک‌ یارانیر، لیبیدو آزاد اولماییر.

لیبیدو اوچون آچیقلامادا دئمک اولار کی،
بو اصطلاح فرویدون روانکاوی  نظریسینه عاییددیر. معنی‌سی انسانین عاطفی و جنسی گوجلری‌دیر. فقط جسمانی-جنسی ایسته‌کلری دییل، هم ده سئوگی، باغلیلیق، یاخینلیق، یارادیجی‌لیق و حیاتی شوقلارین دا، منبعی کیمی باشا دوشولور.

لیبیدو، انسانلاری حیاتی فعالییّت‌لره یؤنلندیرن انرژی‌دیر.
بیرینی‌سئومک، سئودیگی ایشه انرژی قویماق، یا هنرده یارادیجی‌لیق گؤسترمک، لیبیدونون بیر شکیلده ایشلنیشی‌دیر.
یاس‌لا باغلی، عزیزینی ایتیرنده، انسانین لیبیدوسو بوغولوب قالیر. طبیعی یاس‌دا، وقتی‌له بو انرژی یئنی ابژه‌لره یؤنله‌‌نیر(یاواش-یاواش انسان یاس‌دان چیخیر و باشقا علایقه ساری گئده بیلیر).
مالیخولیادا ایسه، اونوتماق قابلیتینی ایتیردیگی اوچون لیبیدو اوندا قالمیش کیمی اولور. بو دا افسرده‌لیک و خودسرزنشلیک یارادیر.
آرتیق بیلگی اوچون فرویدون «سوگواری نظریه‌سی»نی مطالعه ائتمه‌گی توصیه ائدیرم.

https://t.me/Adabiyyatsevanlar

صفحات نشریه پیک بامداد ویژه نامه حمید آرش آزاد،نویسنده، روزنامه نگار و طنز پرداز

https://t.me/Adabiyyatsevanlar

اوشاق ادبیاتی
اوشاق ادبیاتی هر هفته پنجشنبه گونو ادبیات سئونلر کانالیندا .
اوشاق ادبیاتینا دایر یازیلارینیزی بیزه گوندرین .

https://t.me/Adabiyyatsevanlar