دکتر علی اکبر ترابی (حاللاج اوغلو)

        راستا کوچه
      مشروطه کورپوسو


"راستا کوچه بیزیک _ بیزیک"
"ائللر ایله دیز به دیزیک"
بو کوچه ده ائل ایزی وار،
ستارخانین یول _ ریزی وار؛
" سردار" یولون یاخین ائده ر،
" انجمن " ه بوردان گئده ر.


ایندی ده وار آت شئیهه سی،
آتلیلارین گور صئیحه سی،
شانلی ائلین حق نفه سی،
اونون هایی، اونون سسی،
بو کوچه ده جینگیلده ییر،
ائل سازیندا دینگیلده ییر،
گویون اوزو پاریلداییر،
گولله سسی شاریلداییر،
" ایلدیریم " ین توپو شاخیر،
سنگره ائل سئل تک آخیر.


بویلان بیر باخ! او ائل گلیر،
ائل دئمیشکن گور سئل گلیر،
آت اوستونده اودور " سردار "،
اودور " باغوان "، اودور "سالار"؛
گونده ن یانمیش اوزو _ گوزو،
پولاددان دیر " سردار " اوزو؛
آرخاسیندا نه انسانلار،
قورخو بیلمز نه اصلانلار،
بونلار پولاد قالادیرلار،
پارلاق تاریخ یارادیرلار.


دئمه بونلار سوووشورلار،
ایتگین لیگه قوووشورلار؛
همان او یول _ اوایز یاشیر،
چونکو شانلی تبریز یاشیر؛
زمان حددین بو ائل آشیر،
" #حاللاج " عشقی جوشور _داشیر،
حق سوزو وار اوره گینده،
ائل گوجو وار بیله گینده.

https://t.me/Adabiyyatsevanlar

رحیم گوزل


یالان دئمیر!
دونیا یالاندیر دئیَنلر...
هانی او اولو ارنلر؛
دده‌قورقودلاریمیز، افلاطون‌لار، ارسطولار...
هانی؟ هانی؟
گلین:
بیر - بیریمیزه
قارا باسدی ائله‌مه‌یک؛
گوروروک‌سه، یاخشی گوره‌ک:
بو وارلیغی،
بو حیاتی،
بو دونیانی؛
اَن دوغروسو
بو رویانی!..

https://t.me/Adabiyyatsevanlar

✍:شیرکو_بیکس

در شبی طوفانی
به خانه ات یورش آوردند
و هر آنچه یادگاری از عشق ما بود
به تاراج بردند
حلقه، خواب، گردنبند
النگو، زمزمه، تبسم.

در غروبی مه آلود
در خیابانی عمومی
دوره ات کردند
به خاطر شعر من
چمدان دستی ات را بردند
زمانی که ترا به بند کشیدند
نامه و بوسه و عطر
و آه و عکس و فریاد و فضیلت ما را با خود بردند
اما نه در آن خانه
نه در آن خیابان
و نه در آن زندان
نه با بردن
و نه با به بند کشیدن
نتوانستند و نشد
ذره ای از عشق ما را به تاراج برند.

https://t.me/Adabiyyatsevanlar

فاطمه_ملک_زاده

دهان پرنده ای در درزِ زیر پیرهنت
قطع شده
نگاه عقابی ات پشتِ نرده هایِ
خطِ ویژه
کوچه را وا میگذاری
با گوریده گیِ زیبایِ درختان ِ زبانِ گنجشک
ادریسی های هفت رنگِ پا بلند
گلهای صورتی کثیفِ کالباسی
و مردمانِ هفت خطی که
زندگیت را به هزار دلیل
داستان بافی کردند
هولِ غریبی در ویرانه هاست
و تو به گُماری پر از وَلَش های وحشی میمانی
چیزهایی در زندگیت پاشید
به راحتیِ تکانِ سرانگشتی
به خاکه سیگار
عزیزِ من!
دارکوبی که نقطه های تهی
بر سینه درختان می نشانَد
پرِ رها شده از گمنام ترین پرنده مهاجر را می شناسد
و تو که با انگشتانت در هوا سوراخ ایجاد میکنی
بزرگراهی که هزار جاده به تو
منتهی میشود
اما نمیدانی که
هیچ قمار بازی ورقه نشان دار را
دوست ندارد
هوا بوی آمونیاک میدهد
و من که هنوز سندرمِ سلنوفیلِ ماه
با من ست
و از درون ویترایِ شامِ آخرم
با عطرِ مردانه ای که
در کوچه پیچیده
چشمانِ آبی نفتی ات را
آتش میزنم


https://t.me/Adabiyyatsevanlar

📚۱۹ مرداد روز عاشقانِ کتاب است.این روز بر شما عاشقان کتاب مبارک باد 🌹 این روز فرصت خوبی برای کسانی است که مطالعه کردن را دوست دارند و کتاب به یکی از نزدیک‌ترین دوستان آن‌ها تبدیل شده. در بیش از صد کشور جهان این روز با برنامه‌های جالب و جذابی برگزار می‌شود. روز عاشقان کتاب هر سال در ۹ آگوست (۱۹ مرداد) برگزار می‌شود.


https://t.me/Adabiyyatsevanlar

ح-هریزلی
ساوالان

گؤی اوزونده بیرگؤل واردیر،
اولدوزلارچیمیشراوردا،
آی لا گونش اوغرون-اوغرون،
چیلپاق،سویا دوشراوردا.

آغ بولودلار خسته-خسته،
ییغیشیرلارگؤلون اوسته،
یویارگونش دسته-دسته،
ساچلارینی ائشراوردا.

بولوتلاردان اوجادیراو،
تاریخلردن قوجادیراو،
عظمت بویونجادیراو،
یئرگؤیه یئتیشراوردا.

اوراچتین چاتارایاق،
اولماینجا قافلان سایاق،
انسان اورا چاتسا آنجاق،
اوره یی ایلیشراوردا.

ساوالان دیر،او باج آلار،
داغلاراونا حیران قالار،
قاتیرگلسه دیرناق سالار،
قوشدان قاناد دوشراوردا.

۱۴۰۴/۵/۱۰ جوماگونی-ساوالان


https://t.me/Adabiyyatsevanlar

حمید احمد زاده

نیه یاغیش یاغمیر؟!


خالامین اری جوان اؤلدو ، خالام اؤز ارینه اورک  سئوگیسی وار ایدی .
او اوزدن داها اره گئتمکدن  چکینیردی . اما بیزیم کند ده مگر قویالار آدام اؤز  سئودیگی کیمی یاشاسین ، هر یئریندن دوران خالاما ائلچی دوروردو .
بیری دییردی:  آی قیز ، من سنی قیزلیق زامانیدان ، بولاق باشیندا سو کوزه سینی  چیگنینده داشیار کن گؤروب ، بیر کؤنول دن، مین کؤنوله قدر عاشیغین  اولموشام . داها اؤزگویه سؤز وئرمه .
بیری خالامین، باسمالیقدا" یاپا" ، یاپماغین گؤروب ، گیزلیندن عاشیق اولموشوموش . او اوزدن، خالامین اری اؤلدوکدن سونرا ، گیزلی سیرین ، داها گیزلتمیردی . خالامین
باسمالیقدا، "یاپبا" یاپماغینی و قالاق سوماسیندان داستانلار سؤیله ییر دی...
اوزون سؤزون قیساسی ، خالامین سؤزو داها دیللرده گزیردی.
آخی اینجه دن بیزیم "کند" ده ، دول آروادین مشتریسی قیزدان چوخ اولاردی .
نه باشیزی آغریدیم یازیق کیشی نین قیرخی چیخیب چیخمامیش، ائلچی لر خالامین قاپیسنین ، دابانلیغینی، یئریندن چیخاردیردیلار.
ا‌‌و گئدیردی، بو گلیردی. اما خالام نه بیرینین دستمال‌دستمالینی قبول ائدیردی ، نه جورابینی آلیردی...
"خالام" دا ایکی ایاغین بیر باشماغا سوخموشدو . "نوح دییردی ، پیامبر دئمیردی" .
آنجاق گونلر هفته لر سووشدو گویا خالامیندا عده سی باشا گلدی، گونلر لئی گیبی سووشماقدا ایدی ...
بیرگون گؤردوک کندین  اوشاقلاری مصلی یا چیخیب ، هرکسین الینده بیر قاشیق ، چومچه ،  الله دان یاغیش دیله ییردیلر .
اما او ایل ده سانکی یاغیشین  ملائکه سی بیزیم کنددن کوسموش ایدی. سانکی اصلا بیزیم کندی  اونوتموش ایدی.

کندین اوشاقلاری مصلادان دؤنن زامانی، کندین یوخاریسیندا قوروموش" تنگه بولاغی" هنده وئرینده( اطرافیندا) ، «قیزبسدی»ننه یه  راست گلدیللر .
قیزبسدی ننه یئتدی باجی نین ان سونا قالمیشی ایدی . یاشینین چوخ لوغو، باشینین چوخ بیلمگیندن دیلنه  مثللر گتیریردی . قیزبسدی ننه اوشاقلاردان سورودو ، اوشاقلار ! هاردان گلیرسیز ؟
مصلی یا چیخانلار دئدیلر : ننه! چیخمیشدیق مصلایا شاید آللاهین رحمی بیز اوشاقلارا  گلسین ، گؤررسن ، آخی "زمی" ، "کوشن"، چؤل باییر..‌. سوسوزوندان یانیر ، قورولور. آهان بود‌ر باخ ، تنگه بولاغیدا قوپ قورو داشا دؤنموشدور...
"آیدین" بولاغی ، "شکر"بولاغی ، "دادلی" بولاق، "میرزا ابراهیم" بولاغی، دا داها قورماقدادیر.
قیز بسدی ننه ، نه آلدی ، نه ساتدی ، دئدی :
نه زامانا قدر کی "سید قیزی" ائلچی لرینه  هه جوابی وئرمه ییب دیر ، نه گؤگدن یاغیش و نه بولاقلاردان سو گؤزله یین... خیر و برکت ده یاغیشین آردیندان بو  کنده دن کوچه جکدیر...
منیم یوزه یاخین یاشیم وار ، دده بابامدام ائشیتمیشم کی:" هر کند ده بیر دول آرواد اولسا ، او کنددن خیر و برکت قاچار .»  الله سیزی ایناندیرسین،
ائله بو سؤز بیر دقیقه نین ایچینده ، "شکر بولاغی" کندینی بورودو .
داها منیم خالام کند اهلینین گؤزونده ، چیبان کیمی گؤرونوردو. هانری آروادین چؤرگی تندیره "کوت" گئدیردی ، اونوخالامین گؤزوندن گؤروردو .   نه باشیزی آغریدیم . هرکس بوتون فلاکت لرین ، ندنینی خالامین دول قالماغیندان گؤرور دو....

"ملااحد"، " یئله قارشی"  کندین کدخداسی ایدی . او عالیم "یئله قارشی" کندینده ، پولاد قیزی "گؤزل" خانیم ایله ائولنمیشدی ، "گؤزل" دن  علاوه ،  بیزیم کندیمیزدن ده بیر آرواد آلمیشدی ، اصلینده صیغه ایله میشدی. آخی حقه دورساق ، ملااحدین الی آغزینا یئتردی،  ۵۰ دن آرتیق یاشی وار ایدی . گلینی کورکنی وار ایدی ، ایکی آروادی اولدوغونا رغما ، اودا منیمده خالاما  مشتری چیخدی .
خالام او گئجه  اورگی یارالی ، چؤرگی پارالی، گؤزو قان یاشلی ، کندین مشاطه لرینین الینه تسلیم اولموشدو...
او گئجه سانکی گویون بولودلاریدا ، خالامین حالینا آغلاییردیلار . بیر یاندان، ایلدیریملار شاخیر، گؤی گورولدویور...

داها هریئری سئل سویو گؤتورموشدو .
آخی کندیمیزده داها "دول" آرواد قالمامیشدی .
حمید احمدزاده

دوغرو دور . ایندی باخین هر عائله ده بیر نئچه دول کیشی ، دول آرواد حتی ، یاشلی سوبای قیز و اوغلان وار.
بیر حالدا کی پیغمبریمیزدن، حدیث نقل اولوبدور
( البته ابو هوریره نقل ائذیب دیر، اونون قایناقلاری ذبیح الله صفا نین قایناقلاری گیبی دیر. یعنی ائشیت اینانما) بویورورکی :" جهنم اهلی نین یاریسیندان چوخو نو دول  آرواد، دول کیشی و ائولنمین قیز اولان‌اولانلار  دوغرولداجاقدیر.
اما پیغمبریمیزدن یوخاری الله ین کتابی قرآندا بویورور: انسانلار ائولننده ، گؤگده لرده ملک لر بیله توی دوتارلار. نه بیلیم شاید منیم آتامدا بو ایشی ایله ، گؤگده کی ملک لری ۱۸ کره چالیب اویناتمیشدی . اما مثلا من او ملک لرین چالیب اویناماغین اثرینده دؤرد یاشیندا ایکن دده لی یتیم اولدوم . هر و اولارین هر اویناماغینا ان آزی ۱۰۰ کره آغلامیشام...

https://t.me/Adabiyyatsevanlar

دنیز موغان‌ سارای
سئوگی شیریلغانی

پیچیلداییر دنیزین سسی دورنانین اوچوشو ایللوزییام‌دا
پسیکولوژیک تداویسی اولان گؤزلرینی، کیپریکلرینی چالیرسان گونش ایله بیرگه
بوینونداکی
کوره‌یینده‌کی قوش یوواسی
سئوگی یوواسی
قاراشین دَرین یئرین، یاز‌ین تورپاق بویاسی کیمی
کوسکونلویوموزده قادین دؤشو کورپه گؤزونه اولاشان کیمی
دیکسینیرم
کووره‌لیرم
قویور زیلیق گؤزلریم، کیپریک‌لریم
باریشیغمیزدا توخام
توخام
یئمک کیمی
ایچمک کیمی
سوساییرام دوغایا
دوداغینا
گئیینیریک دوغانی
شنلییی
سسلندیریرسن موسیقی‌نی
ایچیمده رقص ائیله‌می بوتون حوجئیره‌لرمی جوشدورور
سریریک چنگیز آیتماتوف’ون کیتابلارینی باغریمیزا اوخویوروق “جمیله‌نی”
جوشور
جوشور
واراغلارین داماری
دوغانین داماری
موسیقی‌نین نوتونا
کیتابلارین هؤروتونه
دیزه‌سینه
قانیر منه
قیسینیر تورپاغا
قیسقانیلیرام هاوایا
سویا
باخیرسان
باخیرسان آلا گؤزلریندن
سئودیم
سئودیم
یاشیلی آلا گؤزلریندن.

https://t.me/Adabiyyatsevanlar

فاطمه خانیم وخشوری نین ابدی خاطیره سینه عشق اولسون.

https://t.me/Adabiyyatsevanlar

تیراختور- 2
استقلال-1
تبریک تیراختورچولارا،تیراختور قهرمان سوپر جام اولدو.
https://t.me/Adabiyyatsevanlar