اوشاق ادبیاتی

« تولکونون تؤوبه سی »
یازار : علی صمدلی
کؤچورن : علی آغ گونئیلی  - ابرازی
کتاب : ژنرالین اوشاقلیغی – ناغیللار

بیرتولکو تویوق هینینه یامانجا دادانمیشدی . هر آخشام ، هامی یاتاندان سونرا آستا – آستا گلیب هینه گیریب ، بئچه لردن بیرینی آپاریب ، مئشه ده لذت له یئییردی . آلاباش ، تولکونون بو ایشیندن خبر توتدو . بوتون گئجه نی یاتماییب اونو پوسماغا باشلادی .گئجه دن خیلی کئچمیش بیرده گؤردو کی ، تولکو آستا-آستا گلیر.آلاباش اونو لاپ یاخینا بوراخدی . هینه گیرمک ایسته ینده قویروغوندان یاپیشدی . تولکونون قاچماغا حالی قالمادی . آلا باشا یالوارماغا باشلادی .
ــ  آلاباش ، منه یازیغین گلسین . کؤرپه بالالاریم وار. تؤوبه بیرده بو طرفلره هرلنمه رم . 
آلاباشین تولکویه یازیغی گلدی . اونون سؤزونه اینانیب بوراخدی . تولکو قاچا – قاچا اؤزونو مئشه یه سالدی . قورخوسوندان اوچ گون یوواسیندان ائشییه چیخمادی . اوچ گوندن سونرا تؤوبه سی ده یادیندان چیخدی ، آلاباشین قورخوسودا . اوز قویدو همین هینه طرف . گؤردو کی ، آلاباش گؤزه دیمیر . آلاباش هینین آرخاسیندا گیزلنمیشدی . تولکو هینین قاپیسیندا ن ایچری گیرمک ایسته ینده  ، آلاباش اونو حاقلادی . بو دفعه بوینوندا ن توتوب آیاغینین آلتینا باسدی . تولکو یئنه یالوارماغا باشلادی. 
ــ  آلاباش منه یازیغین گلسین کؤرپه بالالاریم وار. 
آلاباش پنجه سینی اونون سینه سینه قویوب دئدی : 
ــ  آی ملعون آخی سن تؤوبه ائتمیشدین . بس نه اولدو ؟ 
تولکو یازیق – یازیق دئدی : 
ــ  آخی من تؤوبه نی تویوق – جوجه اوچون دئمیشدیم . ا ونلارین هئچ بیرینه دَیمَیه جیدیم . من آنجاق خوروزو آپارماغا گلمیشدیم . اونا کی ، تؤوبه ائتمه میشدیم . 
آلاباش غضب لنیب اونو بوغماغا باشلادی . تولکو اؤلومجول حالدا اونون الیندن چیخیب ، سورونه – سورونه اؤزونو مئشه یه سالدی وبیرداها هینه یاخین دوشمه دی . 
۱۹۸۵
https://t.me/Adabiyyatsevanlar

اوشاق ادبیاتی
کیریل الفابئتیندن چئویرن :ادبیات سئونلر

من دفه لد گورموشم
بالاجا لاپ بالاجا
اگر دورسام یاناشی
بویوم انلاردان اوجا
من ائولر گورموشم کی
سانکی کیربیت قابی دیر
من چایلارگورموشم کی
ائله بیل چارخ ساپی دیر
مئشه لر گورموشم کی
قابدا سمن  تکی
دنیزلر گورموشم کی
کیچیک ماوی نعلبعکی
منه هئچ کیم اینانمیر
سوزومو دوغورو سانمیر
نییه دانیم بونلاری
آمما کی من گورموشم
بیلیرسیز کی هارادان
طیاردن گورموشم

قایناق گویرچین درگیسی

https://t.me/Adabiyyatsevanlar

اوشاق ادبیاتی

حسین عباسزاده
ننه

سن نه یاخشی ننه سن
سن منه : اوغول بالام
قند بالام نوغول بالام
سؤیله ییرسن جان ننه
ائویمیزده هامی دان
مهربان سان سن منه
آخشاملار سویوندوروب
یاتاغیما سالیرسان
منه لای لای چالیرسان
شیرین شیرین یات بالام
قند بالام نابات بالام
سن نه یاخشی ننه سن
اؤیرتمیسن منه سن
بایاتی لار نغمه لر
چتین - چتین کلمه لر
دادلی صحبت لرین
دینله مکدن دویمارام
ائله دئییرم ننه
یئنه ناغیل دئ منه
من سندن اؤیرنمیشم
آذربایجان دیلینی
داغلی قارلاریمیزین
چیچه یینی گولونو
تانیتمیسان منه سن
سن نه یاخشی ننه سن


https://t.me/Adabiyyatsevanlar

"پاشا موغانلی"

یاراما دوز سپه‌له‌نیر
ای اؤلکه‌مین گؤزو اورمو
باغرینا آغری چیله‌نیر
باغیشلاما بیزی اورمو

بیز سئوینجینه گؤز تیکدیک
آدینا مین‌لر قول چکدیک
یارین اونوتدوق، ال چکدیک
باغیشلاما بیزی اورمو

بو طالع‌له نئجه گولوم؟!
حاققیندا ظولم اولدو گؤلوم
بیزه اؤلوم اولسون؛ اؤلوم
ای کؤکسومون کؤزو اورمو
باغیشلاما بیزی اورمو
1397

https://t.me/Adabiyyatsevanlar

ائلمان موغانلی

بوتون شَهَر
هؤووشنه یومروغوندا تیر-تیر تیتره‌ییر
و اؤلوم
قارا گؤیرچین کیمی
چیگنینه قونماقدا هر یولدان کئچه‌نین
یئل
هؤنکورتولرین سسینی
پئنجره‌لر آراسی داشیماقدا
کوچه‌لر ایسه
ایتن ایستکلی‌لرین آدینی ازبر
آنجاق من
سنین یانیندا دایانمیشام
یارالی دونیانین یارالاری
گؤزلرینده اونودولور
سن بیر سس‌سیز سمیرسیز یازیلی داش کیمی
دینجلیک و قورتولوش سیمگه‌سی اولاراق
داغیلمیش دونیایا سانجیلیبسان
اَل لرینی توتدوغوم هر آن
دووارلار
پارتلاییش سسینی اونودورلار
و گؤی اوزو یئنی‌دن ماوی‌لَشیر
منیم اوچوق کؤنلومده
کؤلگه‌سی بوتون سیلاحلی قووه‌لردن گوجلو
و سسی بوتون سیلاح‌لاردان اؤلومجول اولانیم
بوتون دونیا اودلاندیغیندا
گئجه ساچلیمین نفس‌لرینده
گوون دولو بیر ائوه سیغینیرام
قاپی‌سیز
پئنجره‌سیز
یالنیز منی قورویان
اورک چیرپینتی‌لارین‌لا تیکیلمیش بیر ائو

https://t.me/Adabiyyatsevanlar

رحیم گوزل


هانسی‌سا بیر آغاجین،
هانسی بیر بوداغیندا،
یووا قوراجاغینی
لاپ یاخشیجا بیلیر
هر قوش.
اویوموش،
باغریمین باشیندا کدَر.
دینمه‌یین!
دینجلسین
سئودییی قدَر.
گووَنده‌دیر
باغری قره...

https://t.me/Adabiyyatsevanlar

محرم پریزاد

آزادليق هئيكلي
دئییرلر:
جوْرج بِرنارد شاو ( 1856-1950م ) آمريكالي‌لارين ادبي – هونري ( تياتير ) هيأتي طرفيندن، او اؤلكه‏يه، بير قوْناق كيمي چاغريلير.
اينگيليس‌دن آمريكايا قَدَر، گمي‌ايله سفر ائدير. مقصده چاتديقدا، نيويورك بندرينده، گمي ساحيله ياناشاندا، ساغ اَلينده مشعل، قادين شكلينده ديكلنميش اوجا بير هئيكله گؤزو ساتاشير.
گمي‌چي‌لرده‏ن خبر آلير: بو هؤندور هئيكل كيمين‏دير؟
گمي‌چي‌لردن بيريسي فخر ايله دئيير: آزادليق هئيكلي‏دير!
شاو گولومسه‏ييب دئيير: باشا دوشدوم، بيزيم‏ده اؤلكه‏ده، بير آدليم شخصيّت اؤلندن سوْنرا، هئكلي‌ني ديكه‏لديرلر!
دئييرلر ساحيله آياق قوْيمادان، شاو گئری قايتاريلير! 

https://t.me/Adabiyyatsevanlar

اوستاد شهریار

ایتیمیز قورد اولالی، بیزده قاییتدیق قویون اولدوق
ایت ایله قول- بویون اولدوق
ایت الیندن قاییدیب، قوردادا بیرزاد بویون اولدوق
ایت ایله قول- بویون اولدوق
قوردوموز دیشلرینی هی قارا داشلاردا ایتیلتدی
قویونون دا ایشی بیتدی
سون، سوخولدی سورویه، بیر سورونی سؤکدی- داغیتدی
اکیلیب، ایت گئدیب ایتدی
بیزده باخدیق ایت ایله قورد آراسیندا اویون اولدوق
ایت ایله قول- بویون اولدوق

https://t.me/Adabiyyatsevanlar

«کامیل قهرمان اوغلو»
من دلی‌نم

تئللری فيرتيناليم، آی ماياسی، من، دلی‌نم
دوداغی قان هولو بایرام لالاسي من، دلی‌نم

دلي‌نم، اوستومو هر بير ياراشيقدان تيكيرم
ماويجيم گؤزلری یارپیز بوياسي، من دلی‌نم

کدریمده، سنی بیر قیز اوشاغی دیش چیخاریر
درديمین أینینه بيتميش یاخاسي من دلی‌نم

باجیمین سئودالیناز واختی گلین یایلیغی ای...
آنامین اللرینین توی خیناسی، من دلی‌نم

اون بئش ايلدير ايت اوتاررام يارامين اوستونده
يارام اوچ نوقطه... دي منده، قاداسی من دلی‌نم

بو غزلدير چيخير ايت ديرسه‌گي يالنيزليغيمي
شعيريمين بالديزي، ايمگه‌م بوتاسی من دلی‌نم

بو آديندير چيمير آغريمدا اوفوقلار شافاغي
سازيمين ایتگینی غوربت قوباسی، من دلی‌نم

*
باخيرام آللاها سن جان وئريسن هريئرده
دلي اوغلانلارا جیران بالاسی من دلی‌نم



https://t.me/Adabiyyatsevanlar

مهتاب_میرقاسمی‌

از ابدیتِ نگاه تو
که چون پیاله‌ی آب مسافر
همیشه لرزان بود
تا هزاران چرا
که در هزار چم* دلم
به ترافیک نشسته
هیچ مقصدی
شهسوار چشم‌هایت نمی‌شود

از بیدی که مجنونِ
آغوش توست
تا لیلای سرانگشتان من
که میان باغهای معلق
شعرهایت کاشته‌ام
تمام کلمات جهان
مات سکوتِ معصوم تو مانده‌اند

به گویش صلح
با من حرف بزن!
به لهجه‌ی گلبرگ‌های سپید
که خارهای رمنده را
رام می‌کنند
به جنگی بی‌نشان
که‌ عاقبت میان گورستانی گمنام
خاک خواهد شد
تا سرزمینی اسیر
سنگ لحد را
از نعش رویاهایش بردارد
بر طبل رهایی بکوبد...


https://t.me/Adabiyyatsevanlar

عدالت دومان

گؤز بالتاسی

اودلو محببت‌دن دوغان دویغونو
آیریلیغین بوز بالتاسی قیردیمی؟
حالال باخیش‌لاردان یاغان  سئوگینی
کال دیلیمین سؤز بالتاسی قیردیمی؟

نه وارییمیش بیز یازیغین بختینده
اوتورمادیق سئوگی‌لی‌لر تاختیندا
گؤز دوعاسی یازدیرمادیق واختیندا
بد نظرین گؤز بالتاسی قیردیمی؟

مردوم آزار بیزدن آییق چیخدیمی؟
سؤزلیریمیز ایچی اویوق چیخدیمی؟
طالعی‌میز اوزو سویوق چیخدیمی؟
باختیمیزین اوز بالتاسی قیردیمی؟

شادلیق‌لارا یان-یان باخان فله یین
وعده لری بومبوش چیخان فله یین
سئون‌لرین کؤنلون ییخان فله یین
سینمیش الی اؤز بالتاسی قیردیمی؟

https://t.me/Adabiyyatsevanlar

ناصر داوران

چاره سی یوخ

منی سئوسن ده، سئومه سن ده
بیر یول آراییب گئده جکسن.
اینینه ساری دا گئیسن
آل دا گئیسن
پنجره دن بویلانیب
هیجانلا یوللارا یالوارماغین
باشقا شئی دانیشیر.
گؤوده ندن آیریلیب 
چوخدان گئدیبسن بوردان
اودور، گؤروره م اوزاقلاشان قاطاردا
ساختا بیلئت، ساختا پاسپورت الینده
باشقا بیر آدام گئدیرسن.

اوزولمه
من سنی باشا دوشمه سم ده
قاطارین وئجینه دئییل.

https://t.me/Adabiyyatsevanlar

محمد_زهری

«بیهودگی»

در من
- یا در تو -
توان روئیدن هست
در من
- یا در تو -
توان تابیدن هست
اما...
با یک شکوفه،
باغ
بهاران نمی‌شود

با یک ستاره،
شهر،
چراغان نمی‌شود

این باغ؛
محروم از نوازش انگشت بادها
بی‌گانه با طراوت باران آشنا
چشم انتظار معجزه‌ای هم نیست.

در من
- یا در تو -
توان روئیدن هست
اما...
با یک شکوفه،
باغ،
بهاران نمی‌شود.
این شهر؛
خاموش دیرساله‌ی جادوی پایدار
تاریک بی‌دریچه‌ی شب‌های ماندگار
چشم انتظار معجزه‌ای هم نیست.

در من
- یا در تو -
توان تابیدن هست
اما...
با یک ستاره،
شهر،
چراغان نمی‌شود.


https://t.me/Adabiyyatsevanlar

قاراباغ شکسته‌سی
اوخویور: "خان شوشینیسکی"

عزیزینم قاراباغ
شکی، شیروان، قاراباغ
عالم جنته دؤنسه
یاددان چیخماز قاراباغ

https://t.me/Adabiyyatsevanlar