حمید_رضا_یگانه

چاره

من در آیینِ تو محکوم به عشقم
تو کمی حوصله کُن

فرق ما در دل ما بود
تو کمتر گِله کُن

تو خودت دور شُدی
یک قدمی پیش بیا

من که مشتاقِ توأم
چاره این فاصله کُن

https://t.me/Adabiyyatsevanlar

طنز بؤیوک آغا افندی

ایستمییه‌نین آتاسینا لعنت!...

دئییرم: سیزین نه‌ینیز اسراییل‌دن اسگیک‌دیر؟!!!
بعضی مسئولار دئییرلر: اسراییل جنگ‌ده جین‌دن فایدالانییب، وبالی دئین‌لرین بوینونا...
دئییرلر:جین‌لر اولماسایدی اسراییل، آمریکا... هئچ غلط دارتانمازدیلار!!
حقیقتن بو سؤزلری ائشیدندن سونرا یوخو منه حرام اولوب، گئجه- گوندوز فیکیرلشیرم گؤره‌سن اسراییل نه‌جور جین‌لر ایله بیزه حمله ائدیردی؟!
اولمایا جین‌لر موشک‌لری، (F35) جئت‌لرینی آلیرمیشلار، دالارینا رادارلاردان کئچیریرمیش‌لر؟
یا اؤزلری (ب52) اولوب، بیزیم تاسیساتیمیزی پارتلاتمیشدیلار؟!!
نه بیلیم بلکه ده جین‌لر پهبادلارا
یول گؤستریردیرلر؟!
و یا خیاوانلاردا خیریم-خیردا اوچاق اوچورودانلار جین ایمیش‌لر؟!
آللاهدان گیزلین دئییل سیزدن نه گیزلین، هرنه فیکیرلشیرم، عاغلیم بیر یئره چاتمیر. اصلن باشا دوشمورم: گؤرسن جنگ‌ده جین‌لر نه ایش گوروردولر؟!!
حتمن ماموریت‌لری واریمیش بعضی‌لرینین قاپیسینی دؤیوب، قاپییا چیخانا، بارماق ائدییب، گیزلن‌سینلر!
بیر ده دئییرم، اولمایا بیزیم دانشمندلریمیزی جین‌لر اؤلدوروب؟!!!
نه‌بیلیم، حتمن باشقا بیر ایش‌لر گؤرورموش‌لر کی، بیزیم خبریمیز یوخویموش دا، یوخسا، تلویزوندان دئمزلر کی: اسراییل جنگ‌ده جین‌دن استفاده ائدییب، حتمن ائدیب دا، آخی بیز بئساواد آداملاریق نه بیلریک جین جنگ‌ده نه پوخ یئیه بیلر؟!!!
اولمایا جاسوسلار جین ایمیش‌لر، مسئولارین گؤزونه گؤروکورموشلر؟! بودا اولا بیلر ها!
هرزادی سالییب چیخاندان سونرا، عرض ائلییرم: سیزین نه‌یینیز اسراییل‌دن اسگیک‌دیر؟!!!
اولماسا سیز ده بیر حوزه آچین، یاغلی بیر بودجه ده دولت‌دن آلین، جین تربیت ائدین ،اسراییل سهل‌دیر آمریکانین دا نه‌کی‌وارینی داغیدین، ایستمه‌یه‌نین آتاسینا لعنت.

https://t.me/Adabiyyatsevanlar

باش ساغلیغی
آلدیغیمیز آجی‌خبر اساسیندا، ادبیات سئونلر عاییله‌سی‌نین تانینمیش اویه‌سی شاعیر، یازیچی فریبا خانیم( آفاقین) عزیز آناسی، کئچن گونلرده حیاتا گؤز یوموبدور. بو مهریبان آنانین کدرلی آیریلیغی، بیزی ده اورک ائویندن سارسیتدی.
ادبیات سئونلر بو آغیر، آجی آیریلیغی، سئویملی قلمداشیمیز آفاق خانیما، سایین عایله‌سینه، بو آنانین قونوم-اقرباسینا اورک ائویندن باش‌ساغلیغی وئریر. باشینیز ساغ اولسون، سون غمینیز اولسون.
ادبیات سئونلر1404,4,27

https://t.me/Adabiyyatsevanlar

توتقون
کیمین نه دردینه دیر


پائیزلامیش باهاریم، کیمین نه دردینه دیر؟،
گئجه له میش ناهاریم، کیمین نه دیردینه دیر؟
کیمه دئییم کسیلیب پالید- پالید عنادیم،
ییخیلسا دام- دوواریم، کیمین نه دردینه دیر
آراز- آراز تؤکولن گؤزلریمدن آلقانلار،
بولانمیش آغ پیناریم، کیمین نه دردینه دیر
گولوشلریم دریلیر دوداقلاریمدا گولوم،
سولارسا گلعزاریم، کیمین نه دردینه دیر
فیدانلاشیر، گؤیه ریر ایچیمده خاطره لر،
ایاق- ایاق قاباریم، کیمین نه دردینه دیر
باخیشلاریم بورونوب بو یولدا چن، دومانا؛
دونارسا دار داماریم، کیمین نه دردینه دیر
قودوزلاشیب یاشامین یوللاریندا ایت قوردلار،
تالانلانیرسا واریم، کیمین نه دردینه دیر
«شوشه»دی قلبی«لاچین»توخوندو باخ یوواسی،
توکنمز اعتباریم، کیمین نه دردینه دیر
باخیشلاریم باغیریر باغریمین باخان یاراسین،
بو توتقون انتظاریم کیمین نه دردینه دیر

https://t.me/Adabiyyatsevanlar

     مهسا عبدالعلیزاده


   سئوگی نین باش آغریسی

سئۉگينين باش آغرؽسؽ توتاندا-
اؤرتۆێۆمۆ آچاراق ێومورام گؤزلرينی
ۉ ساچلارؽمؽن قاپ-قارانلؽغؽندا ێاتؽردؽرام اوْنو،
هئچ بير كودئيين زهرليێينی دادؽزدؽرمادان.

سئۉگينين باش آغرؽسؽ توتاندا،
ايچيم نيظامی حۆكۆمت گۆنلرينی آنؽمسادؽر
اۆره-ێيم چؽق-چؽق چؽققؽلداێؽر!
سس‌سيزليك دن سؽنؽر ۉ اوشاقلؽغؽمؽن
قادالؽ سؽزؽلتؽسؽ-
بئێينجيكيم ده باستؽرؽلؽر!...

سئۉگينين باش آغرؽسؽ توتاندا
فاشيست ايمپراطورلوغونون ايزی اێله-نير منده-
و تئرور اوْلونور دوێغولارؽم سؽراێلا
سئۉگينين باش آغرؽسؽ توتاندا
سؽنؽرلارؽ پوْزولور
توتاركن سئۉگيلی لرين بوْغازؽندان
روحونو سوْرور
قودورور
قؽناماێؽن سئۉگينی
باشؽنؽن آغرؽسؽ توتاندا
«ميگرئن» ێامان درددير ێامان!...
ۉ سئۉگی
«پارادوْكسيكال»* ێاشاێيش.
سنسيزليكدن دوْلو بير دئۉريم
آنجاق-
ۉنگيلتيسينده گركدير ێاشاماق!...

https://t.me/Adabiyyatsevanlar

یانغی
حسن ریاضی ( ایلدیریم )

 یانار گؤنش
قیزمار هاوا
پؤرتموش تورپاق
گؤنش له تورپاق آراسیندا
یانغیلی جان
گؤزله ایستک آراسیندا
ایلغیم
ایلغیم آرخاسی سانکی یاشیل باغ.
جان لا، سو آراسیندا
چیرپینان ایستک
ایستک له جان آراسیندا
گؤزلرله اویناشان گونش
جانی قووران عطش
یانغیلی جان قاچیر ….قاچیر…
سو
ایلغیم
سو
ایلغیم
گونش له شوران اویناشیر
ایلغیم لا گؤزلر یاریشیر
جان قاچیر
سو قاچیر
ایلغیم گولور
آه  ،  آه ، آ
نه اوزوندور
ایلغیمدان سویا جان
یول لار!
چاپیرسان
چاپیرسان
ایلغیمدان سویا
چیریل چیلپاق  سودان چیخیر
او
اللرینده سرینلیکلردن
دولو جام
دوداقلاریندا
سئوگی شیرین لیگینده سوزولن
کام.
جان قاچیر
او قاچیر
جان یانغی سینا قاچیر
او سولوغونا
تورپاق پؤش لنیر
گونش اود ا له ییر.
هاوا لهله ییر

https://t.me/Adabiyyatsevanlar

سایین قوروپداشلار
سئویملی قوروپداشلاریمیزین ،جناب علی فخر و خانیم آپندین اوغلو (الیار فخر) تیر آی نین1404,4,29 دا تبریزده چهار راه آبرساندا ،خانه فرهنگ نگارخانه میر علی تبریزی ده نمایشگاه عکس دایر ائده جک عزیز دوسلاری بو نمایشگاه دعوت ائدیریک .
ادبیات سئونلر

https://t.me/Adabiyyatsevanlar

بهمن

بالیق بول‌دو، سو دا لیل؛
توتا توت‌دی، توت ‌ها توت!
داش موفته‌دی، سئرچه بول؛
آتا آت‌دی، آت ‌ها ‌آت!

خئییرله شر قول- بویون،
اویناشی‌دیر یاس تویون،
دوستو اولوب سوت سویون،
قاتا قات‌دی، قات ها قات!

هاوا قارانلیق، توران
آیازلانمیر نه واقتدان
مورگوده‌دیر قیزیل دان،
یاتا یات دی، یات ها یات!

بو دا بیرعؤمور- گذار،
چینقیلی، قلپه‌سی وار،
هارا گئدیر بو روزگار
گئده گئت‌دی، گئت ها گئت؟!
۱۳۹۸
https://t.me/Adabiyyatsevanlar

نزار_قبانی

ترجمه:موسا_بیدج

تو!
بر کاغذ سپید
                  دراز می‌کشی
بر کتاب‌هایم
                  می‌خوابی
یادداشت‌هایم را
                      مرتب می‌کنی
حروف‌ام را
               درست می‌چینی
و اشتباهات‌ام را
                    تصحیح می‌کنی.
پس چطور
به مردم بگویم
که شاعر من‌ام
حال‌آن‌که
تویی که می‌سرایی

عشق
این است
که مردم ما را با هم اشتباه بگیرند

وقتی هم
شعر عاشقانه جدیدی
                              از من بخوانند
تو را سپاس بگویند.

https://t.me/Adabiyyatsevanlar

بهروز مطلب زاده

سئوگی!

اورگیمین سیرین
هِئچ کیمسیه دِمّدیم
کؤنلؤمؤون قاپیسن
هِئچ بیر یادا آچمادیم
سَن گلدین!
گؤزلرینده ،
دوداغلاریندا گونش گتیردین.
گونش کونلومون قاپیسین آچدی
اورگیمده محبت چیچگی گولومسَدی
سئویندی عاشیق کونلوم
باخدی گونَشَه
باخدی سَنَه
دِدی عاشیق کونلوم
سِئویرَم سیزی من.
کؤنلومون قاپیسی آچیق
اورگیمین سیری آچیق
عاشیق کونلوم
سؤیلیر سَئوینجله
گونَشَه، سَنَه :
سئویرم سَنی
سئویرم سیزی!.

https://t.me/Adabiyyatsevanlar

....

https://t.me/Adabiyyatsevanlar

ژاپن مدرنیست شعریندن سئچمه‌لر
چئویرن: آزاد یاشار
کؤچورن: سحرخیاوی
حاضیرلایان:ادبیات سئونلر

دزیون تاکامی(1965-1907)

حرکتسیز آغاج

بولولاردا کی دیدیک‌لرین آردیندان
سمانی نئجه گؤرمک مومکونسه،
سن ده زاماندا کی بوشلوقلار سایه‌سینده گؤره بیلرسن گؤی اوزونو.

بولودلار دائیم حرکت ائتسه ده،
گؤی اوزو دونوق و حرکتسیز دیر.
سن ده، عینی‌له ائله‌جه،
یعنی یئرینده قیمیلدانمادان
دایانیرسان.

پنجره

اَل‌اوستو پنجره‌می آچ!
بورادا کی سؤز- صؤحبتین
و سیگارت‌لرین کولو
چؤکوبدور اوتاغیما.
پنجره‌می ده ائله قلبیمده کی
پنجره ایله بیرلیک‌ده آچسانا!
قلبیمده کی اوتاغا قوناقلار قدم قویماسا دا،
او دا اوزون موددت قاپالی قالیب دییه
هاواسی کثیف‌لشیر.
ائی عؤمور- گون یولداشیم!
پنجره‌می آچیق ساخلا!
او لال- دینمز سمانین اوزونه‌،
او دیلسیز- آغیزسیز آغاجلارین اوزونه آچیق!

سما

هاردان باشلانیر سما؟
بیر قیرغی قوشونون سوزدویو یئرده دیر بلکه سما؟
ائله میوه ده، توخوم دا، اینسان گؤزلریندن محرم یئرلرده
و سسسیزجه بؤیویور، عادتن.
هه! توخومون ائله اطرافینداکی او فضا ایمیش ده سما.

من گوجسوزم

من گوجسوزم،
مبارزه‌یه تابیم یوخدور،
آنجاق صیرف حیاتدا قالیم دییه،
باشقالارینی تله‌یه، بلایا سالا بیلمه‌رم.
من گوجسوزم،
اؤزوم ساغ قالیم دییه،
باشقالارینی دوغرایاجاق قَدَر
آلچالماغا قییمارام.
من گوجسوزم،
باشقالاری‌نین فیکیرلرینی اؤزومون کی کیمی
تقدیم ائده‌جک قَدَر
آلچالماغا دا راضی اولمارام.
هه، من گوجسوزم
و بو گوجسوزلویومو دائیما قوروماغا چالیشاجاغام.

ناکاهارا تیویا(‌1937-1907)

شیمال دنیزی

دنیزده  سو پری‌لری هارایاسا غیبه چکیلیب‌لر.
دنیز ایندی
ساده‌جه دالغالارین اختیاریندا دیر.
ظولمت گئجه چؤکوب بو سویوق شیمال دنیزی‌نین اوزه‌رینه.
دیشلرینی قیجایان آزغین دالغالار
اؤز قدیم دوعالارینی دورمادان پیچیلداماقدا
سمانی اُووسونلاییرلار آرتیق.
هه، دنیزدن سو پری‌لری هارایاسا غیبه چکیلیب‌لر.
دنیز ایندی
ساده‌جه دالغالارین اختیاریندا دیر.

او آیلی گئجه‌ده قوملو ساحیله

او آیلی گئجه‌ده قوملو ساحیله
دالغالار بیر پیون چیچه‌یی آتدی.
" بو چیچک نه‌ییمه گرک؟!"
دئسه‌م ده،
ندنسه اَییلیب اونو گؤتوردوم.
دؤزمه‌دیم، قییمادیم، گیزله‌دیم اونو
من اؤز کیمونومون گئنیش قولوندا.
او آیلی گئجه‌ده،
قوملو ساحیله،
دالغالار بیر پیون چیچه‌یی آتدی.
" بو چیچک نه‌ییمه گرک؟!" دئسه‌م ده
ندنسه اَییلیب اونو گؤتوردوم.
گؤی‌دن آی باخیردی- گوله قییمادیم،
دالغالار شاهیددی- قییمادیم آتیم،
گیزله‌دیم کیمونومون گئنیش قولوندا.
آیلی بیر گئجه‌ده، قوملو ساحیلده
تاپدیغیم پیونون او نفیس عطری
چؤکدو ان اوّلجه بارماقلاریما،
اورادان قلبیمه، قلبیمه هوپدو.
او گئجه عطیرلی پیونو گؤره‌ن،
نئیه قالدیرمیشدیم من آخی یئردن؟!

قار یاغیر

قار یاغیر،
تا افق‌لره قدر اؤرتور سولو- ساغی.
سان کی دوزَنلیک‌ده آغاپپاق بیر قویون سوروسو اوتلاییر
و افق‌لره قَدَر اؤرتور سولو- ساغی
قار یاغیر،
گؤیلردن یاغیر و افق‌لره قدر اؤرتور سولو- ساغی
کلیسانین دامینا
هم ده
کلیسانین یانیندا کی آغاجلیغا یاغیر او
هم ده کی آرا وئرمه‌دن یاغیر
قار یاغیر-
عسگرلرین یورودویو یولا دا یاغیر او.
آرابیر
شیپور سسی تیتره‌دیر یاخینی،
اوزاغی،
هه، هه
قار یاغیر
هله ده، یئنه ده قار یاغیر...

https://t.me/Adabiyyatsevanlar