محمّدحسن عمی باشینا گلنلری قدرین یازیسی ایله باغلاییر. مؤلف اوبرازینین آجیدیغی مسئله‌لردن بیری ده بو پسیخولوگییا ایدی. ایستر محمّدحسن عمی‌نین، ایسترسه ده خودایار بگین بدبخت‌لییی اونلاری گله‌جه‌یه باغلایان ایدئاللارین پوچلوغودور. محمّدحسن عمی افراط «ایدئالیست»دیر، خودایار بَی ده ایفراط «ماتئریالیست». محمّدحسن عمی‌نین ایدئالی اونو بو دونیادان آییریر، خودایار بگی بو دونیایا باغلایان «ماتئریالیزم» ایسه بوتون انسانی دگرلری هئچه ساییر، آیاقلاییر، محو ائدیر. بونا گؤره ده مؤلّفین اوبرازی بعضا یازیچی‌نین نظارتیندن چیخیر. مؤلف اوبرازینین حادثه‌‌لردن دوغان ائموسییالاری(هیجان، احساسلار)  آغریلاری سانتیمانتال(احساسی-عاطفی) "مئلودراماتیک(اغراق امیز)  بویالارلا «آخ آنا! سن نه گؤزل زادسان!» کیمی  دیله گتیریلیر، متنه زامان-زامان مؤلف اوبرازینین آغریلی نیدالاری، «وجدانین پاک سسی» سپله‌نیر. اثرین هم زینب‌له  هم ده محمّدحسن عمی ایله باغلی آیری-آیری ائپیزودلاریندا مؤلف اوبرازی «لاغلاغی» رولوندان چیخیب، تراژیک ریتوریکایا(بلاغت) کئچیر. چونکی او، هر شئیین اصلینی گؤرور، درک ائله‌ییر، آنجاق الیندن یانماقدان باشقا بیر چاره گلمیر.
«خودایار بی گئنه حربه-قاداغا کسیب قاسیم‌لی و هر ایکی کربلایی ایله اوز قویدو گلمک‌لییه قاضی‌گیله. محمّدحسن عمی بیر-ایکی قدم‌ اونلارین دالینجا گلیب دوردو و مات-مات گؤزونو دیکدی بو گئدن آغالارا. بونلار دؤنگه‌نی دؤنوب گؤزدن ایتدیلر. آمّا یازیق محمّدحسن عمی واقعاً آغلادی، واللاه، بالله آغلادی.  یعنی نئجه آغلادی؟ اوشاق کیمی آغلادی».
و یا
«ایندیکی حالیندا زینب بنزه‌ییردی بیر ائله شخصه... زهر شوشه‌سینی قاباغینا قویوب باخیر و بیلمیر نه ائله‌سین: ایچسین؟ یا یوخ ایچمسه درد، قوصّه‌ و غم اونو اؤلدوره‌جک. ایچسه زهر اؤلدوره‌جک، پس مصلحت بودور کی، ایچیم- دئییب شوشه‌نی چکیر باشینا».
 


اثرده مؤلف اوبرازینین تراژیزمی بیر ده محیطه قاریشا بیلمه‌مه‌سینده محیط‌له «کنار آدام» رولوندا دانیشماق مجبورییتینده اولماسیندادیر. «کنار آدامین» (اونو روس اصطلاحی ایله «آرتیق آدام» دا آدلاندیرا بیلریک)  اعتراضی‌نین ان تأثیرلی ایفادسی ایسه تراژیک حادثه‌‌نی «لاغلاغییا» چئویرمک، حیرصیندن، غضبیندن دیشینی-دیشینه سیخیب گولمک‌دیر. بو نقطه‌‌دن یاناشاندا اثرین ستروکتوروندا(ساختار-پیکره) یازی «قزئتچی» اوسلوبو داها چوخ تراژیزمین شفاهی اوسلوب (لاغلاغی)  ایسه گولوشون داشیییجی‌سی کیمی چیخیش ائدیر.
«احوالاتلار» دا خودایار بگین باعث اولدوغو ماتم محیطی ایله ادیبین  سونرادان قلمه آلدیغی «اؤلولر» عالمی آراسیندا بؤلونمز بیر بوتؤولوک وار. خودایار بی اؤلموش دوستونون یئتیم‌لرینین وار-دؤولتینه صاحب اولور، اونون ناموسونو آیاقلاییر، اولادلارینی گؤزویاشلی قویور. «اؤلولر» محیطی‌نین اؤلن دوغمالارینین قارشیسینا چیخماغا اوزو اولمایان، اونا گؤره ده اؤلولرینین دیریلمه‌سینی آرزولامایان «دیریلرینین»  ایسه هره‌سی اؤزلویونده بیر خودایار بگ‌دیر.
«احوالاتلار»دا حادثه‌‌لره قاریشمایان  مناسبت‌لرین گئدیشینه تأثیر گؤسترمه‌ین  قیراقدان باخیب ایچین-ایچین یانان مؤلف اوبرازی ایله «اؤلولر»ده‌کی کئفلی ایسگندر آراسیندا سئمانتیک(معناشناسی) سسلشمه وار. بو اوبرازلارین ریتوریکاسینداکی(بلاغت-فن بیان) اونلاری جمعيّتدن کنارا ایتله‌ین شرط‌لرده‌کی بنزرلیک نظردن قاچمیر.  بونلاردان بیری جمعيّتین ایشینه قاریشمیر، جمعيّتین کدرلی احوالاتلارینی یازییا آلیب گولور، او بیریسی ایسه جمعيّتین ایچینده اولسا دا، اؤزونو اطرافینداکی انسانلاردان ایچکی ایله تجرید ائدیر. بو معنادا «احوالاتلار»داکی مؤلف اوبرازی کئفلی ایسگندرین سلفی حساب ائدیله بیلر. فرق بوندادیر کی، ایسگندر محیطین ایچینده‌دیر، اوراداکی انسانلارلا تماسدادیر. سؤزونو اونلارا دئمک، اونلارین اوزونه توپورمک ایمکانی وار. «احوالاتلار»داکی مؤلف اوبرازی ایسه یالنیز اوخوجو ایله اونسيّت قورور. اونون محیطه اعتراضی‌نین ان تأثیرلی واسطه‌‌سی ایسه زینب‌لی محمّدحسن‌لی  خودایارلی محیطه گولمک‌دیر.
۵

https://t.me/Adabiyyatsevanlar

✅✅✅سایین کانالداشلار
چرشنبه گونلری ادبیات سئونلر قروپوندا یالنیز نثر یازیلارین پایلاشیریق .
https://t.me/Adabiyyatsevanlar

بالاجا آغ بالیق / ائلمان موغانلی

قارا ناققانین دیش لری آراسیندان یاشاما قاییتمیش بالاجا آغ بالیق، ساحیلین دینج یئرینده قوم لارین اوستونه سپلنمیش آغ یومرو داش لارین آراسیندا آلا جان دوشدو، آغیر بیر یوخودان آییلاندان سونرا، یاواش-یاواش جانلانیردی، آنجاق هله ده قورخو جانیندایدی. داش لار اونون اؤز رنگینده اولدوغونا اونو دوشمان گؤزوندن ایتیریردیلر، اونا گؤره ده  کیمسه سیز بالیغین گؤزونده او یومرو داش لار دنیز دیبینین ان سئومه لی شئی لری ایدیلر. گونو گونوندن، بالیق اونلارا آرتیق اورک باغلاییردی، اونلارین آغ بویاغی بالیغین تکجه دیلخوشلوغو ایدی اون اوچون ده سحردن آخشاما بالیغین ایشی دالغالار قوندوران توز-تورپاغی داش لارین اوزوندن سیلمک ایدی، بالاجا آغ بالیغین قولاغی سانیردی آغ داش لار دانیشیرلار، یازیق بالا بالیق سئوینجدن اوچماغا قانات چیخاردیردی، و او سس لر هر گون داها آرتیق گوجله نیردیلر، بالاجا بالیق یاواش-یاواش قورخونو اونوتموشدو و یئنی بیر یاشام یاشاماقدایدی، قولاغینی توتوردو داش لارین قارنینا، اونلاری ائشیدیردی اونلارلا دانیشیردی و گون لری گؤز قیرپیمی کیمی باشا ووروردو.
آنجاق بیر گون، گون اورتاغا چاغی دونیا اوچماغا باشلادی بالیغین باشینا، یومورتالار بیر-بیر سینیردیلار و بالاجا بالیغا تانیش گلمه ین قورخونج حئیوان لار چیخیردیلار دنیزه، بالاجا بالیق  گؤزلرینه اینانا بیلمیردی، آغ یومرو داش لارین ایچیندن چیخان چیرکین حئیوان لار بالیغین بورنوندان گتیریردی آغ داش لارین یانیندا داددیغی آغ گون لری، یازیق بالیق گؤردوگو هر بیر شئیین ایچینده نه اولدوغونا فیکیرلشیردی اوره یینده دئییردی باشقا داش لارین ایچینده کی لر ندیر؟ قوم لارین ایچ بویاسی نه؟ دنیزده کی تپه لرین ایچی نئجه؟ و بالیغین بئینینه جومموش بونلارا تای  فیکیرلر، اونو دلی ائتمکده ایدیلر، هر بیر ساعات بیر ایل کئچیردی آغ بالیغا، گئجه یارییا چاتمیشدی، آی دنیزین دیبینی ائله ایشیقلاندیرمیشدی سانکی آی دا بالیغین ایچینده کی فیکیرلری بیلمک ایستیردی، پلمه آیین قاباغینی کسن همن، بالاجا بالیق یورغون گؤزلرینه دینجلیک وئرمه میش، اؤزگه لشمیش ساحیل قیراغی نین داشینی بیر یوللوق آتیب و لئی کیمی سیخدی دنیزین اوره یینه.

https://t.me/Adabiyyatsevanlar

احمدرستم اوغلو
اومسوق رومانیندان بیر پارچا

یاواش یاواش چورویوردوم.بیر د‌وستاق کیمی گونلرله هفته لرله ائودن چؤله چیخمیردیم.گئجه لر اون بئشینجی سینه قاپاندیغیم ایگیرمی مرتبه لی تیکینتی نین دامینا قالخیب بایقوش کیمی سحره جن اوردا قالیردیم.هردن سحره جن اوتوردوغوم یئردن ترپنمیردیم.هردن اوتوردوق یئره یوخلاییردیم.هردن آرخاسی اوسته اوزانیب گنج چاغلاریمدا کی کیمی گؤزومو گؤیه تیکنده تئز یورولوب گؤزلریمی یوموردوم.هر نه یین آنلامی بئینیمده پوزولموشدو.تکجه بیر زادی باشا دوشوردوم:
یاواش یاواش اؤلومه ساری سورونوردوم.

https://t.me/Adabiyyatsevanlar

اوشاق ادبیاتی
اوشاق ادبیاتی هر هفته پنجشنبه گونو ادبیات سئونلر کانالیندا .
اوشاق ادبیاتینا دایر یازیلارینیزی بیزه گوندرین .

https://t.me/Adabiyyatsevanlar

اوشاق ادبیاتی
حیکایه
«باریش کؤرپوسو»
یازان: ویدا حشمتی
حاضیرلایان: ادبیات سئونلر

ایکی کند واریدی. آراسیندان سولو بیر چای آخاردی. چایین اوستونده، آغاجدان بیر کؤرپو واریدی، آدم‌لار او کؤرپو‌دن گئدیر، گلیردی.
آمّا بیر گون، ایکی کندین بؤیوک‌لرینین آراسیندا، کوسلوک اولدو و اوندان سونرا، کؤرپو ییخیلدی. بیر داها دا، هئچ‌کس اونو دوزتمه‌دی. هامی اؤز طرفینده قالدی و دئدی:
«بیزیم او کؤرپویله هیچ ائشیمیز یوخدور!».

آمّا اوشاقلار فرقلی ایدی.
چایین بیر طرفینده، گولشن آدیندا قیز اوشاغی و دوستلاری یاشاییر‌دیلار. دیگر طرفینده یاشار آدلی بیر اوغلان اوشاغی و اونون یولداشلاری.
اوشاقلار، چایین قیراغینا گلیردیلر، دانیشماسا‌لار دا، اللری ایله سلام و محبت گؤندریردیلر. هئچ بیری، دوستلوقدان واز‌ کئچمه‌دیلر.
گونلردن بیر گون، گولشنین معلمی دئدی:
-«اوشاقلار! بیر نقاشی یاریشماسی (مسابقه‌) ترتیب ائده‌جه‌ییک».
اوشاقلار سئوینیب، گولوشدولر. گولشن دئدی:
-«معلّمیم، اولار کی، او طرف‌ین اوشاقلاری دا قاتیل‌سین؟»
معلّم بیراز دوشوندو، سونرا دئدی:
-«اگر آنا-آتالار بیزیم‌له موافق اولسا، چوخ دا یاخشی اولار»
گولشن و یولداش‌لاری، چایین او طرفینده‌کی اوشاقلارا مکتوب یازیب، بیر شوشه‌نین ایچنه قویدولار و اونو چایا سالدیلار.
بیر گوندن سونرا یاشار و دوست‌لاری اؤز جواب‌لارینی گؤندردیلر:
– «بیز ده قاتیلماق ایسته‌ییریک!»
معلّم‌لر چوخ زحمت‌دن سونرا بؤیوکلری راضی سالدیلار. آمّا شرط قویولدو:
«اوشاقلار نقاشی چکسین، آنجاق هامی، اؤز کندینده قالما‌لی‌دیر. بیزیم اونلارلا علاقه‌میز یوخدور.»
اوشاقلار، نقاشی چکمه‌یه باشلادیلار.
نقاشی‌لاردا گونش، گؤل، آغاج و قوش‌ چکدیلر.
اونلار، نقاشی‌لاری گؤسترمک ایسته‌‌دیلر، آمّا چای، یوللارینی باغلامیشدی و کؤرپو سینیق ایدی.
یاشار دئدی:
-«بیر کؤرپو لازیم‌دیر!»
گولشن دئدی:
-«نقاشی کؤرپوسو!»
اوشاقلار، معلّم‌لری‌نین یاردیمی‌لا، آغاج پارچالارینی الوان-الوان بویاییب، اونلاری، ایپ‌ و میخ‌لا بیر-بیرینه باغلادیلار.
کندین آدام‌لاری قاش‌-قاباق‌لا باخیردی. بیر نفر دئدی:
-«گؤر، بو اوشاقلار بیزدن آغیللی‌دیر...»
سون کؤرپوپارچاسی باغلانان گون، اوشاقلارین هامیسی، کؤرپونون اوستونه چیخیب، هایلادیلار:
– «بیز دوستلوق ایسته‌ییریک!»
آدام‌لار یاخینلاشدیلار. بیر قاری، بیر آنا، سونرا، آیری دوشن ایکی قارداش‌دان بیری، آغیر-آغیر کؤرپویه چیخدیلار.
هئچ‌کس بیلمه‌دی ایلک، کیم گولدو، یا کیم الینی قالخیزدی، آمّا آرالاریندا بیر محبت حسّ اولدو.
کؤرپو، نقاشی‌لارلا، اورکدن، اوره‌یه‌ گئدن بیر یول اولدو.
او گوندن سونرا، کؤرپو یئنه جانلاندی. نقاشی‌لار اورادا قالدی کی، هامی بیلسین
«باریشی اوشاقلار گتیردی».

https://t.me/Adabiyyatsevanlar

اوشاق ادبیاتی
کریل الفا بئتیندن کوچورن :ادبیات سئونلر

خندان یئمک ایسته میر

هئچ واخت آجمیشام دئمیر
قوشولوب اوغلانلارا
یورویور اورا بورا
بوتون گونو قارنی آج
قاچدی ،توتدو   گیزلن قاچ
داوا-داوا اویناییر
اویناماقدان دویماییر
ناهار واختی گلمیر او
یاتمیراو دینجلمیر او
آناسی اونا دئییر
گل هامی خوره ک یئییر
یو الینی اوزونو
بئله گئتسه اوزونو
لاپ الدن سالاجاقسان
بالاجا قالاجاقسان
واختی - واختیندا یئمک
بویومک دیر -بویومک
آدام سوزه باخماسا
اونون بویو اوجالماز
کیم کی یئمک ایسته میر
او بویومک ایسته میر

قایناق:گویرچین درگیسی

https://t.me/Adabiyyatsevanlar

اوشاق ادبیاتی

« چال خوروز و حکیم فره » 
 یازان : علی صمدلی 
کؤچورن : علی آغ گونئيلی  -  ابرازی 
کتاب :‌ ژنرالین اوشاقلیغی  - ناغیللاربؤلومو
 
چال خوروزون اؤزونه گؤره آدی – سانی وارایدی . او، هیندن چیخاندا تویوقلار ، بئچه لر ، فرلر هامیسی بیر ـ بیرینه دیردی . بانلایاندا سسیندن آزقالاردی قولاق توتولسون . 
آی اؤتدو ، ایل دولاندی ، چال خوروز ائوله نه سی اولدو . بوتون تویوغلار ، بئچه لر اونا ائلچی دوشدوب ، فره آختاردیلار. آختاردیلار ، آختاردیلار ، آختاردیلار بیرپاپاقلی گؤزه ل – گؤیچک فره تاپدیلار. اوزوده دئدیلرکی ، گول کیمی صنتی ده وار حکیم دیر. چال خوروز بیرکؤنولدن مین کؤنوله وورولدو حکیم فره یه . خوروزلار خوروز بئچه لر ییغیشیب آغیز – آغیزا وئریب بانلادیلار . تویوغلار، فره لر ییغیلیب حکیم فره نی چال خوروزون هینینه گلین گتیردیلر.  همین گوندن ، همین هینه هئچ بیر تویوق ، فره ، بئچه ، حتی جوجه لرینده آیاغی دیمدی .تزه بی له ، تزه گلین شاد ـ خرم یاشاماغا باشلادیلار.
آنجاق بوخوشبختلیک چوخ سورمه دی . تویدان اوچ جه گون سونرا ،حکیم فره خوروزبَیی باشقا تویوقلارا   ،فره لره قیسقانما باشلادی.  آخشاملاریازیق خوروز هینه دؤنن کیمی اونو سورغو ـ سوالا توتوردو :
ــ هاردا اولموسان ؟! کیمله دنلمیسن ؟! نئچه دفعه بانلامیسام ؟! نییه پیپییین ، سا ققالین بئله قیزاریب ؟!
چال خوروز یازیق ـ یازیق جاواب وئردی : 
ــ  حیطده اولموشا ، تک دنلمیشم ، ایکیجه دفعه بانلامیشام . 
ــ  بس پیپییینین ، ساققالینین قیرمیزیلیغی ؟
ــ بیزخوروزلارین همیشه پیپیی، ساققالی قیرمیزی اولار.
بوسئواللارین جاوابلارینین هئچ بیری فره خانیمی راضی سالمیردی . باشلاییردی باشقا سئواللار وئرمه یه .
سورغو ـ سئوال اوقدر اوزانیردی کی ، خوروز بیرده باخیب گؤروردوکی ،سحر آچیلیر ،اونون بانلاماغا بئله طاقتی قالماییب . 
ائله کی سحر آچیلیردی ، چال خوروز سئوینجک اولوردو . سئوینیردی کی ، سحر هینی ترک ائدیب حیطه چیخمالی ،باغی – باغچانی گزییب تویوق ــ بئچه یه باش چکمه لی دیر. بوایسه اونون قولاق دینجلییی ایدی . آخشام دوشنده خوروز قارا گونونو قابلاییردی .هر آخشام فره خانیمین سورغو – سئواللاری چوخالیر،سسی گئتدیجه داها اوجادان گلیردی ، آرادا برک عصبی لشنده هیککه سیندن چال خوروزو عملی – باشلی دیمدیکله ییردی . حتی ائله گونلر اولوردو کی ، پیپییی اوز – گؤزو دیدیلدیییندن یازیق خوروز اوتاندیغیندان سحرلر تویوق – بئچه نین ایچینه چیخا بیلمیردی . سوروشانلارین هره سینه یالاندان بیر جاواب وئریردی. کیمینه دئییردی : ــ کئفیم یوخدو، کیمینه  دئییردی : ــ بوغازیم آغریییر ، کیمینه ده دئییردی : ــ قیزدیرمام وار . 
بیرگئجه اونلارین مباحیثه لری لاپ قیزیشدی . فره خانیم چال خوروزو اوقدر جانا گتیردی کی ، اودا فره نین ککیللی باشینا یاواشدان بیر دیمدیک چالدی.
کیمه ، کیمه فره خانیما دیمدیک چالماق اولاردی ؟ او ساعات چال خوروزون اوستونه جومدو . و اونون بوتون اوز – گؤزونو دیمدیی ایله آل – قانا غرق ائتدی . سحر آچیلاندا چال خوروزو باخیب گؤردو کی ، اونون ایشی آنجاق حکیملیکدیر . سوزالا – سوزالا حکیمه گئتمک اوچون هیندن چیخدی . اونو آلقان ایچینده گؤرن تویوق – بئچه لر تعجب ائتدیلر :
ــ  ای باشیمیزین بؤیویو ، سنی بوگونه کیم سالیب ؟ ــ  دئدیلر . 
چال خوروز اوتانا – اوتانا : ــ هینده باردان ییخیلمیشام ، دئدی . 
ــ بس ایندی هارا گئدیرسن بئله ؟ 
ــ  حکیمه . 
 بیر آناش تویوق اوزونو قا با غا وئره رک :
.ــ  سنین کی فره خانیمین حکیمدیر ــ دئدی . 
چال خوروزون سسی چیخمادی . بئچه لر اؤز آرالاریندا پیچیلتی ایله : 
ــ ائله یازیغی بو گونه سالان حکیم خانیم دیر ، ـ  دئدیلر. 
۱۹۸۵
https://t.me/Adabiyyatsevanlar

اوشاق ادبیاتی
ملیحه عزیز پور
شکیل

گلین بیر شکیل چکک
شکیل ده چیچک چکک
چیچک اوسته کپنک
قانادینی چیل چکک
سونرا گؤزل رنگ لیه ک
اؤیرتمنه پای وئرک

https://t.me/Adabiyyatsevanlar

سارا قدیم اووا


https://t.me/Adabiyyatsevanlar

ح- هریزلی

قودوز

بیرقودوزایت اولوبدور،
یئتنی قاپیرکئچیر.
بوتون اورتا دوغودا،
فیتنه نی یاپیرکئچیر.

آرخاسینداکیمدوروب،
قوردوباسیربوکؤپک،
قوجا،قادین،اوشاغی،
آسیب کسیربوکؤپک.

یئتنی قاپیربوایت،
یئمینه ده هورور.
اژداهایادونوبدور،
آغزیندان اودپوسگورور.

منطقه ده دوغولموش،
باتینین بیج ائولادی،
شّرین یانار اوجاغی،
اسرائیل بونون آدی.

غزّه ده سوی قیریمی،
قان گؤلی دمشق،ایران،
تورکیه یه ده هؤرور،
بوقودوزایت اوزاقدان.

قوجاشرقه بونیفرت،
خاچچیلارنفرتی دیر،
بیریتانیانین بیجی،
اونلارین آلتی دیر.

داشاجاق قوجا شرقین،
البت صبیرکاساسی،
دوغاجاق صلاح الدین،
بیرده آلا قصاصی.

دوغولاجاق دیرفاتح،
بیزانسا قان اوددورا،
قودوسدا،اندولوسدا،
شرقین بایراغین وورا.

https://t.me/Adabiyyatsevanlar

توتقون
کیمین نه دردینه دیر


پائیزلامیش باهاریم، کیمین نه دردینه دیر؟،
گئجه له میش ناهاریم، کیمین نه دیردینه دیر؟
کیمه دئییم کسیلیب پالید- پالید عنادیم،
ییخیلسا دام- دوواریم، کیمین نه دردینه دیر
آراز- آراز تؤکولن گؤزلریمدن آلقانلار،
بولانمیش آغ پیناریم، کیمین نه دردینه دیر
گولوشلریم دریلیر دوداقلاریمدا گولوم،
سولارسا گلعزاریم، کیمین نه دردینه دیر
فیدانلاشیر، گؤیه ریر ایچیمده خاطره لر،
ایاق- ایاق قاباریم، کیمین نه دردینه دیر
باخیشلاریم بورونوب بو یولدا چن، دومانا؛
دونارسا دار داماریم، کیمین نه دردینه دیر
قودوزلاشیب یاشامین یوللاریندا ایت قوردلار،
تالانلانیرسا واریم، کیمین نه دردینه دیر
«شوشه»دی قلبی«لاچین»توخوندو باخ یوواسی،
توکنمز اعتباریم، کیمین نه دردینه دیر
باخیشلاریم باغیریر باغریمین باخان یاراسین،
بو توتقون انتظاریم کیمین نه دردینه دیر.

https://t.me/Adabiyyatsevanlar

حمید_رضا_یگانه

چاره

من در آیینِ تو محکوم به عشقم
تو کمی حوصله کُن

فرق ما در دل ما بود
تو کمتر گِله کُن

تو خودت دور شُدی
یک قدمی پیش بیا

من که مشتاقِ توأم
چاره این فاصله کُن

https://t.me/Adabiyyatsevanlar