تبسم_رضازاده«شدتی»
نیلوفرآبی

من گونش وورغونویام یوللاری تاپشیر دیزیمه
دیله گل! آغرین آلیم، عشقیمی قایتار اؤزومه

سن اوزاقدان اوزاغا غیرت‌ایله توت الیمی
داملا- داملا قارا گونلرده ایشیق یاغ سؤزومه

یول دومانلیقدی کونوللر سنی ایستیر هله ده
منه باخ، گؤر نئچه ایل‌دیر دوزورم لال دوزومه

گل، قارانلیق چؤکولوبدور شهرین ساچ‌لارینا
گئجه‌لردیر لووا قالمیش یوخو گلمیر گؤزومه

منه سنسیز گئجه‌دیر هر نه کی وار عؤمرومده
سنین عشقینله تیکیردیم گئجه‌نی گوندوزومه

قویما حسرتله دولانسین اوره‌ییم آرزولاری
گوز تیکیبدیر آجی غربت بو دیدرگین ایزیمه

راضی‌یم جانی «تبسم»له ائدم قوربانلیق
عطری دونیانی تعججوبده قویان نرگیزیمه

من ده یالقیزلیغی باشدان آتارام بیر یوللوق
هر گئجه اورمو قوناق گئدسه قوجا تبریزیمه

https://t.me/Adabiyyatsevanlar

م.نقابی
معجزین تخلّصی:

آقا علی معجز ۱۳۰۷ شمسی ده شبسترده سجلّ آلمادان اونجه که ۱۳۰۵ ش.ده ولی چینیجی آدلی دوستو،استانبولدان گوندردیگی مکتوبون اوستینده بئله یازمیشدی:
ایران-شبستر به خدمت آقا علی معجز دامته شوکتهُ خواهد رسید.
معجزین حیاتی ص . ۶۸

معجزین اوز یازدیغی شرح ِ حالی:
تخلص و سجل بنده معجز ،اسم علی ،پسر حاج آغا(که)یکی از تجّار ۱ های شبستر بود .من شانزده ساله بودم وفات کرد ،رفتم استانبول ۱۶ سال هم آنجا ماندم ،آمدم شبستر حال زار وطن را مشاهده نموده،شروع به نوحه خوانی کردم . نوحه خوانی من به آخوندان خوش نیامد.
اعلان حرب کردند. ۲۶ سال با هم زدیم یعنی خیرات دادند مرا دعوت نکردند.عروسی نمودند حاضر نشدم ،اما با کمال جسارت تا اخر زدم یعنی نوشتم با زبان مادر زاد ترکی،به حمد اللاه و المنه در آخر دیدار آزادی ۲ نصیبم گردید .تا حال تقریباًسی هزار بیت نوشته ام به رفقا داده ام،بنده خود جمع نکرده ام بعضیها جمع کرده اند.به زبان شیرین فارسی درست بلدیت ندارم فارسی کم نوشته ام و دیگر ملاحظه کردم اهل آذربایجان که اغلب ترکی زبانند. از اشعار فارسی حصًه(سهم)نخواهند برد.مقصود من فهمانیدن مطلب بود که زن و مرد همه بدانند.
اشعار من اغلب مضحک است، خلق که رغبت کرده اند به همین علت است نه به این که برای قابلیتش شهرت یافته است.
اخذ مطلب استنساخی در تابستان ۱۳۷۲ ش. از بایگانی دست نوشته های باکو
۴۵۴-۱،۱۹،۱۵،ق -۸۸ +ایش نمره ۱۱۹ ورق ۱
در باره سطر پایانی شرح حال فوق استا حسین روشن چنین مرقوم داشته اند : "زهی بلند نظری و شکسته نفسی"
همان ،ص ۷۱

https://t.me/Adabiyyatsevanlar

نیکوس گاتسوس

ما که مانده‌ایم

مایی که مانده‌ایم در این سنگلاخ
بر مردگان بخور تلخ می‌سوزانیم
وقتی که قافله‌ی بزرگ مرگ
مغرور و پرهیاهو در افقِ دور محو می‌گردد
به یادشان چرخ‌زنان می‌رقصیم۰

ما که جامانده ایم
با خرده‌نانی از خورشید و
شهد طلایی از شانِ بکر‌ِ زنبورها
و بی‌ وحشتی دیگر
زندگی را درمی‌نوردیم.

مایی که جامانده ایم
برای کاشت بذر علف در برهوت
شبانه بیرون می‌زنیم.
پیش از آن که شب
سوی همیشه ما را ببرد،
این خاک را به زیارتگاه بدل خواهیم
به گهواره‌ای برای نوزادانی که در راهند.

https://t.me/Adabiyyatsevanlar

بولود قارا چورلو "سهند"

طالعیمه سن باخ,
دوشونجه لریم یاساق
دویغولاریم یاساق
کئچمیشیمدن سوز آچماغیم یاساق
گله جگیمدن دانیشماغیم یاساق
آتا بابامین آدین چکمه ییم یاساق
بیلیر سن؟
آنادان دوغولاندان بئله
اوزوم بیلمیه, بیلمیه
دیل آچیب دانیشدیغیم- دیلده
دانیشماغیم یاساق ایمیش, یاساق

https://t.me/Adabiyyatsevanlar

سوسن امینی

یول‌لار سنینله بیتر!

بوتون یوللار-
یالنیز سنینله بیتر!...

زامان-
دار آغاجیندا چیرپینیر،
قاریشیقلیق-
دوداقلار آراسیندا حؤکوم سورور،
بایقوش‌لار-
داغیلمیش بینالاردا چال- چاغیردادیر؛
ائویمیزین قاپ- باجاسی
ساتقینلارین قوخوسوندان باغلی قالیر،
تورپاق-
یاتاق یارالاریندان اینله‌ییر،
سؤزلر-
آغیزلاردان چیخمامیش گؤلله‌لنیر؛
آنجاق،
بوتون یول‌لار یالنیز سنینله بیتر،
سنینله!

ایچینده‌کی پارلاقلیق
یاییندان چیخارسا
قارانلیغین اوره‌یی آلوولانار،
گؤزلریمیز آیدینلانار.

https://t.me/Adabiyyatsevanlar

چرشنبه گونو ادبیات سئونلر کانالیندا

«پیانو» حئکایه‌
یازان «کنعان حاجی»
کوچورن:ویدا حشمتی
حاضیرلایان: ادبیات سئونلر


 
قیزین اینجه، ظریف بارماقلاری پیانونون دیل‌لری اوزه‌رینده آخیب گئدیردی، موسیقی ایسه نه‌دنسه قفسده‌کی قوش کیمی چیرپینیردی، بوغولوردو.
اونلار آیاق ساخلادیلار. بو نه قریبه سس ایدی بئله؟ اوجقار داغ کندینده، توزلو-تورپاقلی یولدا هانسی واختلارین‌سا، دومانلی خاطیره‌سینه بنزه‌ین بو سسه، ائله‌بیل نارین قوصّه‌ ده قاریشمیشدی؛ گؤرونن منظره‌یه تامامی‌له یاد اولسا دا، اطرافا، سویوق هاوایا، لاپ ائله انسان قلبینه آزجا ایستی‌لیک،  دوغمالیق گتیریردی. شهردن گلن‌لری آیاق ساخلاماغا مجبور ائدن ده بو محرم جاذیبه ایدی...

بو یازینین آردینی چرشنبه گونو ادبیات سئونلر کانالیندا اوخویون.

https://t.me/Adabiyyatsevanlar

دومان - بختیاری

هله قالیر
هله او قان‌لار قالیر
هله ایز
او تبریز
او خییاوان‌لار قالیر
توخونمایین
آددیم آددیم ایگیرمی‌نجی آددیمدایام
بیر آیاغیم یئرده
بیر آیاغیم گؤیده
ساعات قاباغین‌دان کچیرم
ساعات یاتیب اون‌بیر ایگیرمی‌نین اوستونده
آستاجا سوزورم  تانری پایلاشان یارپاق‌لارا
ازیلیرم تپیک‌لر آلتیندا
ساعات قاباغیندا
تو
توت
توتدو توتدو دور
ساعات اویانماسا
کیم اویاناجاق؟!!!
هاچان ایگیرمی بیرینجی آیاغیم یئری اوپه جک!!!
هاچان اوقان
او خییاوان
او ایز
او یئتیم قالان تبریز گؤزلرینی سیله‌جک
هاچان
هاچان!!!!

https://t.me/Adabiyyatsevanlar

⁨یعقوب احمد وند "آیریلماز"

وفاسیزدونیانین ثروتی، واری
نه سنه قالاجاق نه منه یولداش
سئومه‌سَکْ وطنی بیر ذرره شرف
نه منه قالاجاق نه سنه یولداش.

آتمییاق وطنی آتان‌لار کیمی
ساتمایاق ویجدانی ساتان‌لار کیمی
موعتصم گؤزونه باتان‌لار کیمی
جان وئره‌ک بو گؤزل وطنه یولداش.

گل اولاق بولبول تک گولون شهیدی
آنا اؤیرَتدیگی دیلین شهیدی
آذربایجان آدلی ائلین شهیدی
احتیاج اولماسین کفنه یولداش.

گؤزلدیر هر یئردن وطن داغ داشی
گل اولاق عشقیله وطن سیرداشی
آند اولا وطنه " آیریلماز " باشی
آغیرلیق ائله‌ییر بدنه یولداش.

https://t.me/Adabiyyatsevanlar

چرشنبه گونو ادبیات سئونلر کانالیندا

«پیانو» حئکایه‌
یازان «کنعان حاجی»
کوچورن:ویدا حشمتی
حاضیرلایان: ادبیات سئونلر


 
قیزین اینجه، ظریف بارماقلاری پیانونون دیل‌لری اوزه‌رینده آخیب گئدیردی، موسیقی ایسه نه‌دنسه قفسده‌کی قوش کیمی چیرپینیردی، بوغولوردو.
اونلار آیاق ساخلادیلار. بو نه قریبه سس ایدی بئله؟ اوجقار داغ کندینده، توزلو-تورپاقلی یولدا هانسی واختلارین‌سا، دومانلی خاطیره‌سینه بنزه‌ین بو سسه، ائله‌بیل نارین قوصّه‌ ده قاریشمیشدی؛ گؤرونن منظره‌یه تامامی‌له یاد اولسا دا، اطرافا، سویوق هاوایا، لاپ ائله انسان قلبینه آزجا ایستی‌لیک،  دوغمالیق گتیریردی. شهردن گلن‌لری آیاق ساخلاماغا مجبور ائدن ده بو محرم جاذیبه ایدی...

بو یازینین آردینی چرشنبه گونو ادبیات سئونلر کانالیندا اوخویون.

https://t.me/Adabiyyatsevanlar

«پیانو» حئکایه‌
یازان«کنعان حاجی»
کوچورن:" ویدا حشمتی"
حاضیرلایان:" ادبیات سئونلر"

 
قیزین اینجه، ظریف بارماقلاری پیانونون دیل‌لری اوزه‌رینده آخیب گئدیردی، موسیقی ایسه نه‌دنسه قفسده‌کی قوش کیمی چیرپینیردی، بوغولوردو.
اونلار آیاق ساخلادیلار. بو نه قریبه سس ایدی بئله؟ اوجقار داغ کندینده، توزلو-تورپاقلی یولدا هانسی واختلارین‌سا، دومانلی خاطیره‌سینه بنزه‌ین بو سسه، ائله‌بیل نارین قوصّه‌ ده قاریشمیشدی؛ گؤرونن منظره‌یه تامامی‌له یاد اولسا دا، اطرافا، سویوق هاوایا، لاپ ائله انسان قلبینه آزجا ایستی‌لیک،  دوغمالیق گتیریردی. شهردن گلن‌لری آیاق ساخلاماغا مجبور ائدن ده بو محرم جاذیبه ایدی.
سس گلن سمته دوغرو ایرلیله‌دیلر، آمّا عاغیللارینا هئچ جور سیغیشدیرا بیلمیردیلر کی، پیانو سسی گؤردوکلری قازمادان گله بیلر. داغیدیلمیش مزاری آندیران اویوغا یالنیز سوکونت یاراشیردی. باشلارینی قالدیریب توتقون سمایا باخدیلار، زنجیرلنمیش سسی عبث یئره اوردا آختاردیلار. هاراسا تلسن بولودلاردان باشقا گؤزلرینه هئچ نه دگمدی. مبهم آنلاشیلمازلیق دویغوسو اونلاری قازمایا دوغرو چکیب آپاردی.
هاوادان چورونتو قوخوسو گلیردی. اونلار اؤز آرالاریندا مباحثه ائدیردیلر.  قادین بو سسین هئچ ده پیانو سسی اولمادیغینی، هانسی‌سا اوشاغین ملاحتلی سس‌له نغمه اوخودوغونو اصرارلا بیلدیریردی. کیشی ایسه عنادیندان ال چکمیردی هارداسا: پیانو چالینیردی، والسالام!
قازما ایله اوزبه‌اوز دایانمیشدیلار. آدامین سومویونه ایشله‌ین رطوبت چؤله ووروردو. باخیشدیلار، قادینین باخیشلاریندان حاقلی اولدوغونا امین‌لیک حسّی اوخونوردو، کیشی‌نین‌سه اوزونده تردّودون شکلی حکّ اولونموشدو. نغمه‌نین بیر آددیملیغیندا ایدیلر. یوخ، نمیش‌لیک قوخویان بو قازمادا پیانو اولا بیلمزدی. کیشی آروادینین ظنّین‌ده یانیلمادیغینی اوره‌گینده اعتراف ائتدی.
قیزین سسی کؤکدن دوشموش پیانونو آندیریردی. بوردا یاشایان انسانلارین حیاتی دا کؤکدن دوشموشدو، کیشی‌نین بئینیندن بو فیکیر کئچدی، قهر بوغازیندا دویونلندی. قازمایا یاخینلاشماغا اورک ائله‌مه‌دی. قادین قاباغا دوشوب هر آن قوپماغا حاضر اولان کؤهنه، تاختا قاپینی آستاجا دؤیجه‌لدی. سینیق شوشه‌سینی کاپرون(مصنوعی الیاف) عوض ائدن چوروک پنجره آرخاسیندان انسان کؤلگه‌لری گؤزه دگدی. سانکی سسین «ایپی‌نی» کسدیلر، قویویا دوشوب «گومب» ائله‌دی. هاندان هانا قاپی جیریلتی ایله آرالاندی، ایچریدن ساچ-ساققال ایچینده ایتیب-باتمیش اورتا یاشلی بیر کیشی‌نین باشی گؤروندو. تعجب هئیکلینه بنزه‌ییردی.
-سیزه کیم لازیمدیر؟ - دئیه سوروشدو.
قادین کیشی‌نین ناراحاتلیغینی سوووشدورماق اوچون گولومسه‌دی و اونو انتظاردان قورتارماق اوچون تئز مطلبه کئچدی:
-هر واختینیز خئییر. ناراحات اولمایین، بیز خئیريّه‌ جمعيّتیندنیک.  ایمکانسیز عائله‌‌لرین وضعيّتی ایله ماراقلانیریق و مقصدیمیز سیزه کؤمک ائتمکدیر.
کیشی آزجا توختادی، لاکین تردّود ایچینده هله ده نسه فیکیرلشیردی.
-هه؟ نه یاخشی... ایندییه‌جن هئچ بیزی ایتیریب-آختاران اولماییب آخی. آنجاق... سیزی ایچری دعوت ائده بیلمیرم. منی دوزگون باشا دوشون. ائله وضعيّت‌ده یاشاییریق کی... آرواد-اوشاقلا هامیمیز بیر اوتاقدا قالیریق.
قادینین اری ملایم‌جه‌سینه گولومسه‌ییب ایره‌لی یئریدی:
-هئچ ناراحات اولمایین. همیشه بئله وضعيّت‌ده یاشامایاجاقسینیز کی.  حؤکومتیمیز چالیشیر کی، سیزین سوسیال دورومونوز یاخشیلاشسین.  سیزه هر جور شرایط یارادیلاجاق.

-اللّه بدنام قونشولاریمیزین بلاسینی وئرسین! کندده توپ داغیتماز ائویم واردی. حیاط-باجامدا نه آغاج دئسن اکمیشدیم. گلن، گؤرن حئیران اولوردو.  بیر گئجه‌ده بیزی یوردوموزدان-یووامیزدان ائله‌دیلر.

بئلی درد یوکوندن اگیلمیش کیشی قهرلندی، سؤزونون آردینی گتیره بیلمه‌دی.
ایچری کئچدیلر. گؤردوکلری منظره قارشیسین‌دا هر ایکیسی دونوب قالدی.  بورا هم مطبخ ایدی، هم یاتاق اوتاغی،  هم قوناق اوتاغی... آمّا هئچ بیری دئییلدی. سککیز-دوققوز یاشلاریندا بیر قیز اوشاغی اوزون‌سوو کارتون قوتوسونون اوزه‌رینه کارانداشلا(مداد) پیانو دیل‌لری چکمیشدی و اونون اوزه‌رینده موسیقی آلَتی کیمی «ایفا» ائدیردی. بو ظریف، چلیم‌سیز قیزجیغازین ایچینده جیلوولانماز بیر گوج واردی کی، اونو رطوبت قوخولو قازمادا اؤز الوان  موسیقیلی دونیاسینی یاراتماغا سؤوق ائدیردی. بو دیبسیز قارانلیقدا قیزجیغاز او ایشیغی، گؤره‌سن هاردان تاپمیشدی؟ کیشی بو سوالا جاواب آختارا-آختارا قیزین باشینا سیغال چکدی.
-سن موسیقینی چوخ سئویرسن؟
قیز گولومسه‌دی:
-هه...
-بؤیوینده کیم اولاجاقسان؟

-ماهنی‌لار قوشماق ایسته‌ییرم. - قیز ساده‌لوح‌جه‌سینه جاواب وئردی.
-هه، دئمک، بسته‌کار اولاجاقسان -  کیشی اینام حسّی‌یله دئدی.
قیز، بلکه ده «بسته‌کار» سؤزونو ایلک دفعه‌ ایدی ائشیدیردی. باشینی قالدیریب قفیل گلن قوناغین اوزونه باخدی، دینمه‌دی.
قیزین آناسی سویوقدان یون شالا بورونوب کونجده بوزوشموش وضعيّت‌ده دایانمیشدی. بایاقدان هئچ اونون سسینی ائشیتمه‌میشدیلر. قادین اونو سورغو-سوالا توتدو. معلوم اولدو کی، عائله‌‌ده ایکی اؤولاد وار: بیر اوغلان، بیر قیز. اوغلانین اون بئش یاشی وار، درسدن سونرا آتاسی ایله بیرلیکده هارداسا فحله‌لیک ائدیب، ائوه پول گتیریرلر. قیز ایسه مکتب‌ده اعلاچی‌دیر*، ائوده اولاندا بوتون گونو ماهنی «بسته‌له‌مک»له مشغولدور. موحاریبه‌‌ اونلارین دینجلیگینی پوزموش، یووالارینی داغیتمیشدی. ایندی بو قازمایا سیغینمیش‌دیلار.
خئیريّه‌ جمعيّتیندن گلمیش کیشی دریندن آه چکیب، عائله‌‌نین باشی اوستونده‌کی کدر دومانینی داغیتماق ایسته‌دی:
-اوره‌گینیزی سیخمایین، پیس گونون عومرو آز اولار. لاپ یاخین زاماندا تورپاقلاریمیز ایشغالدان آزاد اولوناجاق، سیز ده اؤز یورد-یووانیزا قاییداجاقسینیز. بونا اینانین، اوشاقلارینیزا دا بو حسّی آشیلایین. سن ایسه درسلرینی یاخشی اوخو قیزیم.  ماهنی‌لار قوشماغا دا داوام ائله. امین سنه بیر پیانو بورجلو! دانیشدیقدان،
قیزین اوزونده سئوینج چیچکله‌دی. باشینی تصدیق معناسیندا ترپتدی.  کیشی اونو قوجاقلاییب باغرینا باسدی و چالیشدی کی، بوغازیندا دویونلنمیش قهری قیز حسّ ائتمه‌سین. قیزین اوزونون قارشیسی‌آلینماز هیجان دوغوران جیزگیلری، ایندی داها آیدین گؤروندو. هیجانلا اوتانجاقلیق حسّی قیزین صیفتینه قریبه بیر ایفاده حکّ ائتمیشدی.
قوناقلار گئدندن ایکی گون سونرا وطن موحاریبه‌‌سی باشلاندی. ۴۴ گون چکن بو ساواش گونلرین‌ده، او قازما، کارتون قوتوسو اوزه‌رینده «پیانو» ایفا ائدن قیزجیغازین باخیشلاری، کیشی‌نین گؤزلری اؤنوندن چکیلمدی. هر گون اونو خاطیرلاییردی. کندلر، شهرلر ایشغالدان آزاد اولوندوقجا کیشی، قیزین دا عوضینه سئوینیردی. بیر دفعه‌ قیز اونون یوخوسونا گلدی. گؤردو کی، گئنیش بیر سالوندور، قیز صحنه‌‌ده پیانو آرخاسیندا غلبه سیمفونییاسینی ایفا ائدیر. سون آکوردلاری ووردوقدان سونرا زالدا گورولتولو آلقیشلار قوپور. خوشبخت تبسّومو ایله تاماشاچی‌لارا تعظیم ائدن قیز، گول-چیچک‌لر آرخاسیندا گؤرونمز اولور.
سحر یوخوسونو آروادینا دانیشدی. قادینین یاناقلاریندا یاش گیله‌لندی «یوخون چین اولسون» -  دئیه پیچیلدادی
***
دمیر یومروق دوشمنین باشینی ازمیشدی. مملکتیمیزین اراضی بوتؤولویو برپا اولونموشدو. شوشادا، جیدیر دوزونده شنلیک‌لر کئچیریلیردی. یوردون خفّت‌دن سارالیب، سولموش آغاجلاری،  مئشه‌لری جانا گلمیشدی، اؤز دوغما صاحب‌لرینی گؤرونجه سئوینجدن یاشیل یارپاقلارینی بیر-بیرینه ووروب بو دوغما آداملاری سلاملاییردی.
قیزین دوغولدوغو کندده یاراشیقلی، گؤز اوخشایان ائولر تیکیلمیشدی. او ائولردن بیری ده اونلارین ایدی. خئیريّه‌چی عمی‌نین آلدیغی آغ پیانو قوناق اوتاغیندا گؤز اوخشاییردی. قیزین گؤزلرینده‌کی سئوینج و بختیارلیق حسّی بیر جوت یاشا دؤنوب یاناقلاریندا مونجوقلاندی.
کیشی‌نین یوخوسو چین اولموشدو...
 
۱۴, ۲۳ اییون ۲۰۲۵
 https://t.me/Adabiyyatsevanlar

✅✅✅سایین کانالداشلار
چرشنبه گونلری ادبیات سئونلر قروپوندا یالنیز نثر یازیلارین پایلاشیریق .
https://t.me/Adabiyyatsevanlar

اوشاق ادبیاتی
اوشاق ادبیاتی هر هفته پنجشنبه گونو ادبیات سئونلر کانالیندا .
اوشاق ادبیاتینا دایر یازیلارینیزی بیزه گوندرین .

https://t.me/Adabiyyatsevanlar

اوشاق ادبیاتی

جانلی ساعات

یازان : علی صمدلی (« ژنرالین اوشاقلیغی » کتابیندان )
کؤچورن : علی آغ گونئیلی  ـــ ابرازی

اورخان درسه تئز ــ  تئزگئجیکیردی. یاتیب یوخویا قالیردی. 
بیرگون قار یاغمیشدی . سرچه لر اونون  پنجره سینه قوناراق ، جیویلده شیردیلر. اورخان پنجره نین قاباغینا بیر پارچا تاختا برکیدیب اوستونه سپدی. سرچه لر دنی یئدیلرر.
سحری گون تئزدن ایدی. اورخان شیرین یوخودان سرچه لرین جیویلتیسی نه اویاندی . گؤزونو آچان کیمی ، ساعاتا باخدی. ساعات یئدی ایدی. اورخان واختیندا یوخودان اویاندیغینا  چوخ سئویندی. او، قالخیب پالتارینی گئییندی . تئزسرچه لره دن سپدی. سرچه لر دنی دیمدیکله ییب یئدیلر. اورخان : 
ــ سحر یئنه گلین ، یئنه دن وئره جه ییم – دئدی. 
همین گوندن اوخان بیرده درسه گئجیکمدی. هر سحر سرچه لر اونون پنجره سینه ییغیلیب جیویلتی ایله شوشه نی دؤیجله ییر، اوندان یئم ایسته ییردیلر. اورخان یوخودان آییلیب اونلاری یئمله ییردی.  سرچه لر اورخانین جانلی ساعاتی ایدی. 
https://t.me/Adabiyyatsevanlar

اوشاق ادبیاتی
اولدوز ابراهیمی
یئدی یاشیندا مییانا شهریندن

https://t.me/Adabiyyatsevanlar

اوشاق ادبیاتی

شاعیر:یاشام

آنا

گئجه چاغی یاتمادیم
 
باش یاستیغا آتمادیم.
 
دئییب دوردوم وای باشیم!
 
تؤکولدو گؤزدن یاشیم.
 
هئچ آنام دا یاتمادی
 
باش یاستیغا آتمادی.
 
باشیم اوستده دایاندی
 
شام کیمی منه یاندی.
 
درمان ایچیرتدی احمال
 
باشیما قویدو دستمال.
 
دینجه لیب یوخلادیم من
 
آنا، چوخ، چوخ ساغول سن!
 
آنا، اَلین وار اولسون
 
گؤنلونده کدر سولسون!

https://t.me/Adabiyyatsevanlar