رحیم گوزل


من، بو یاشا دولونجا،
یئر اوزونده:
نئچه ساواش
قیزیشدی دا،
سویودو دا.
پوسکورتوسو,   püskürtüsü
پوسکوردو ده   pöskürdü də
نئچه - نئچه وولکانین.
میلیون - میلیون
یئنی آغاج بیتدی یانمیش آغاجلارین کوکو اوسته
اورمانلاردا.
هاردا، هاردا...
آلازلانان اودلار سوندو.
عومور یاندی کوله دوندو؛
غم آتشی
سونمه‌دی
کی
سونمه‌دی!..



https://t.me/Adabiyyatsevanlar

دنیز موغان‌ سارای

آغاجین توزویلا پنجره چک قلبینه
ایستر واراق اولسون
ایستر کیتاب
ایستر ائتگی ،
سَر یولاقلاری دَن- دَن
دوزه- دوزه ساققالین کیمی پنجره‌نه!
کوسن قلبینی، پنجره‌نی آچما
سَر یووا قورموش بیز کیمی، کیتابی قلبینه
اوخو سینیرلی
اؤفکه‌لی!
بیر اوزو توکلو قادین مئیوه‌سی‌نین آغاجینی اک،
توپراقدان چیخان قاریشقالاری تاپداما
تؤکر یاغی تورپاغین اوزونون توکونو؛
فاویسم رنگ‌لری ایله بویاییم ساچلاریمی
دارچین بویالی گؤزلریمله چای تؤکوم سنه
سَرَک آغاجین کؤلگه‌سین اوستومه؛
گلیر شعر دویوما
قیوریلیب گیریرم اوزو توکلو قادین مئیوه‌سی‌نین آغاجی‌نین بطنینه،
چیخاندا عوصیان ائده‌جم؟!
اوره‌یی یوخا اولاجام؟!
ایکینجی اَل‌له قادینی قار توپو کیمی
چیرپیللار «سیمون دوبوار»لیغیما
اوچورام‌ تیفلیسه
یانیمدا اولاجاقسان‌می؟!
اولمایاجاقسان‌می؟!

https://t.me/Adabiyyatsevanlar

داستایوفسکی

اگر جنگی نتیجه‌اش خوشبختی تمام دنیا هم باشد، باز هم به جاری شدن یک قطره اشک بر روی گونه‌های یک کودک بی‌گناه نمی‌ارزد.

https://t.me/Adabiyyatsevanlar

رسول اسمعیلیان

کافه دولویدو، سس‌لر بیربیرینه قاریشیر. صحبت‌لرین قیزیشماسیندان میزلر بیر-بیر آلینیر. سؤزلر اویومسوزدور و رئفرئنس‌لر، قهرمانلار، خاطره‌لر بیربیریله توتماییر...

بویازینین آردینی ادبیات سئونلر کانالیندا اوخویون.

https://t.me/Adabiyyatsevanlar

رسول اسمعیلیان

کافه دولویدو، سس‌لر بیربیرینه قاریشیر. صحبت‌لرین قیزیشماسیندان میزلر بیر-بیر آلینیر. سؤزلر اویومسوزدور و رئفرئنس‌لر، قهرمانلار، خاطره‌لر بیربیریله توتماییر.
سانکی دانیشیقلار بیر بیرینه ده‌یه-ده‌یه کئچیر، هر جمله اؤز یولوندا. جواب‌لارا احتیاجسیز روایت‌لر. سؤزلری چئشیدلی، اویوشمایان یادداشلاری، اویقون اولمایان محاکمه‌لری اولان انسان‌لار عئینی میزین دؤوره‌سینده اوتوروبلار. هر کس‌ین اؤز حقیقت‌لر وار، هر کس‌ین اؤز یاراسی، هر کس‌ین اؤز ...سی.
سؤزلر توققوشاندا توستویه دؤنور سیگارالاردا، بلکه‌ده چوخ کئچمیش‌لرده یانان بیر شئی‌ین توستوسودور، ایزی گؤی‌ده قالیب هله ده.
بیری بمب‌دان دانیشیر، بیری خیانت‌دن، بیری ایشسیزلیکدن، بیری وطندن.
دوغروسو هامی درددن دانیشیر، هامی دوغرو دئییر، آنجاق دردلر بیر بیرینه چاتماییر. جمله‌لر سانکی هئچ زامان بیرله‌شمه‌یه‌جک. بو سؤزلر پارالئل(موازی) خط‌لر کیمی‌دیر. هئچ کیم بیربیرینه بنزه‌مه‌سه‌ده، یارالاریندا بیر اوخشارلیق وار.هر کس ساده‌جه اؤز دیلینی باشا دوشور و هر دیل ساده‌جه اؤز دونیاسینا عاییددیر، بو ایسه او دئمکدیر کی همدردلیک امکانسیزدیر. بیز عین‌حالدا بیرلیکده و هم ده "آیری-آیری" درد چکیریک. بو ایسه ساواشین اؤزوندن داها پیس‌دیر.
یانی بیز مذاکره‌یه عاید دییلیک، بیز بیربیریمیزه چاتمادان اؤنجه، یانیمیزدان کئچمیشیک.
دانیشماغا باشلامادان اؤنجه و سونراسی آلینان نفس‌لرده بیر حس یاشاییر؛ قیراقدا قالماق حسی، باشا دوشولمه‌مک حسی، گوجسوزلوک حسی و...
ساواش هله‌ده دوام ائدیر، دانیشیق‌لارین آلت قاتیندا، آنجاق بوردا ساواشین حقیقی وارلیغی باشقا بیر شئی‌دیر؛ نه موشک‌دیر، نه ایسه پارتلاییش.
ساواش جمله‌لرین آراسیندادیر، بعضا سسین تیتره‌مه‌سینده، بعضا نه دئمه‌لی اولدوغونو بیلمه‌دیک‌لری سکوتلار‌دا؛ خیانت اولماسین دییه، تکرار اولماسین دییه.
سؤزلر چئشیدلی اولسادا، حس‌لر ا‌ورتاق. حیرص‌له‌نمک، اثبات ائتمک، قیراقدا قالماق حسی، قورخو، بعضا دا چیغیرماق. سؤزلرده‌کی اختلاف، فرق‌‌لردن آسیلی دئییل، درد‌لرینه اورتاق بیر دیل و معنا تاپمادیقلاریندان آسیلی‌دیر. هر کس یاراسینی بیر آنلاییشلا اؤرتوب: وطن، عدالت، شاه، صلح، غیرت و... . آنجاق اونلارین آلتیندا اولان اورتاق‌دیر و سوسور.
بلکه‌ده قونو "ندن آنلامادیغیمیز" دئییل، ندن اورتاق یارالاریمیز، اورتاق دیله چئوریلمه‌دی دیر؟
هر کس باشقاسی‌نین دوشوندویونو خطر گؤرور. آنجاق اصیل خطر، بلکه ده هامینی عینی دردده یاندیران شئی‌دیر.
اؤزلریندن آسیلی اولمایاراق فورمالاشان بیر اؤلکه‌نین قیراغیندا قالماق حسی.

https://t.me/Adabiyyatsevanlar

ائلمان_موغانلی
سوررئال_شئعیر

سن کئچرکن
گؤی اۆزو اؤز دریسین‌دن چیخماغا باشلادی
زامان
بیر دؽرناق کیمی قوپدو گؤی اوزوندن
بولودلار
گؤزلریندن دوشن انتحار ائتمیش کیپریک‌لره تای
و من
دیزلریمه قدر ایسلانمیش سوکوت
گؤزلرین
هایپئرسونیک موشک‌لرین دوغما ائوی
و اورک شهری‌نین بوتون نوقطه‌لرینین قونومونو ازبر
گؤز قیرپیمیندا دونیامی یاندیردیلار
گووندیگیم اورک پدافندی گؤزلرینین اؤنونده
منی ساوونماق دوشونمه‌دی
اَل‌لرین
توخونمادان بوتون هوجره‌لری دئفورمه ائدن بییولوژیک بیر سیلاح
ساچ‌لارین
گئجه ایله اَل بیرلیک آپاران بیر قارانلؽق.
هر تئل
بیر ترس عبیادت:
من سجده‌یه گئتدیکجه‌
سن اۇزاقلاشیرسان
عطرین
جانیما دالمیش
تانری‌نین اونودولموش یازیسی
سنی قۇجاقلاماق
بیر اوخون اوستونه آتیلماق
بیله‌رک‌ اؤلومه دوغرو قاچماق
سئوگی؟
گؤیده‌کی بیر گیزلی دیل
بیزدن باشقا هئچ کیم اوخویا بیلمزدی
آنجاق سن
او گیزلی دیلین سؤزلرینی اؤپدون
و شئعیر
اؤزونو یاندیردی
سن گولومسه‌یرکن
عالم اؤز اوربیتین‌دن چیخیر
و سن سوسورکن
یئر اوزونون بوتون دیل‌لری کؤکوندن قورویور.

https://t.me/Adabiyyatsevanlar

سحر_خیاوی

نه‌دن بؤیومه‌یه تلسدیم آنا؟!

بؤیودوم دردلریم بؤیودو منله
خزل تک خزاندا تئز اَسدیم آنا
گونلری، آیلاری قوواراق سُوودوم
نه‌دن بؤیومه‌یه تلسدیم آنا؟!

هانی او زرفشان کال آرزولاریم؟!
شیپ- شیرین شهدلی بال آرزولاریم
دئمه‌دیم بیر دایان، قال آرزولاریم
نه‌دن بؤیومه‌یه تلسدیم آنا؟!

دئییردیم بؤیویَر آرزو آغاجیم
مئیوه‌سین سئوینجک دَره‌رَم بیر گون
یاشامین یوکوندن یورغون قانادی
گئنیش کؤلگه‌سینده سَره‌رَم بیرگون

دئمه کی آداملا درد بؤیویَرمیش!
مور کیمی آدامی دردی یییَرمیش!
ناغیللار بیزلره یالان دییَرمیش!
نه‌دن بؤیومه‌یه تلسدیم آنا؟!

بؤیودوم ایندیسه باخیشلار سویوق
آداملار گولوشسوز، آداملار اوُیوق
آرزولار کؤپوک دیر، آرزولار قُوووق
نه‌دن بؤیومه‌یه تلسدیم آنا؟!

تورپاقلی کوچه‌ده اوشاقلیق ایتدی
آغزیمدان حیاتین داد- تامی گئتدی
هئی روحوم اَزیلدی، خیناوا اوددو
نه‌دن بؤیومه‌یه تلسدیم آنا؟!

بشردن دئمه کی، بشر هار اولوب
دونیانین قولاغی ظولمه کار اولوب
نه دئییم یاشاییش زهریمار اولوب
نه‌دن بؤیومه‌یه تلسدیم آنا؟!

یاشام بوش سورونمه، پوچ اَمَک ایمیش
عؤمور یونقارینا بیر کؤمک ایمیش
بؤیومک آرزوسو پوخ یئمک ایمیش
نه‌دن بؤیومه‌یه تلسدیم آنا؟!



https://t.me/Adabiyyatsevanlar

خبر

تایپ با ذهن: نوشتن ایمیل، توییت یا مقاله بدون دست زدن به کیبورد.

آینده بدون صفحه‌نمایش: باز کردن اپلیکیشن‌ها، پخش موسیقی و وب‌گردی فقط با یک فکر.

تأثیر جهانی: دیگر حاشیه‌ی زبانی معنا ندارد — شاید به زودی ترجمه‌ی افکار به افکار بشنویم.

انقلاب برای معلولان: برای افراد دارای فلج، این همان آزادی دیجیتال واقعی است.

هشدار درباره‌ی حریم خصوصی مغز: اگر افکارتان به داده تبدیل شود، مالک و بهره‌بردار آن چه کسی خواهد بود؟


لحظه‌ی ماندگار دمو:
یک داوطلب فلج توانست تنها با فکر یک پاراگراف کامل ارسال کند — سریع‌تر از آماده شدن یک فنجان قهوه.

https://t.me/Adabiyyatsevanlar

«انجمن»

آداخلی اوغلانین  نیشانلی  قیزین
گیزلی دانیشماسی  نه گؤزل -اییدی
گاهدان ناز ائیله-یب گاهدان قهر ائدیب
کوسوب باریشماسی نه گؤزل-اییدی


گؤزلریم  قالمیشدی کامان  قاشیندا
کامالا چاتمیشدی اون-دؤرد یاشیندا
هردن گوروشنده  چشمه  باشیندا
اورک  آلیشماسی  نه گؤزل-اییدی


شلته سی آغ گوللو  چرقتی  ساری
غمزه سی ائدردی عومرومو  یاری
گورنده  گئدیرم من  اونا  ساری
اوتانیب  قاشماسی  نه گؤزل-اییدی


نه انلیک ووراردی  نه ده کی کیرشان
آما گؤزل لیکدن  اوندا مین نیشان
یاناقلار  آلما تک تئللر  پریشان
گؤزه ساتاشماسی نه  گؤزل-اییدی


کیم گؤروب  دونیادا  بئله  ظالیمی
یولوندا قویمو شام  بوتون مالیمی
دالدادان  دالدیا  هردن  حالیمی
گلیب سوروشماسی نه گؤزل-اییدی


انجمن به-یه-نیب  سئومیشم  حالین
گؤزه لین سئچمیشم من بو ماحالین
مخمر جیلیققئی-لا  قیرمیزی شالین
اونا یاراشماسی نه  گؤزل-اییدی

https://t.me/Adabiyyatsevanlar

مظفر درفشی

"معجزه"

ائیله دین معجزه لر اوز قلمینله ایجاد،
ای اولان جور ِستمدن اوره گی قان"معجز".
حیف اولا اولمادی بیر لحظه سنین قلبین شاد
اوز حیاتین بویی قیلدین آجی افغان معجز
سنی دویدوقدا بو گون غمله دولور خاطره لر
باش وئریر قلبده بیر اوزگه بویوک شورِ نوا
شاعرین دردینی یاخشی دوشونَر شاعرلر
ملتین دردینه سن کشف ائیله دین دُرلو دوا
شعر ایله جامعه نین نقصینی تقریر ائیله دین
قلم آلدین اَله بیر ذوقلی نقاش کیمی سن
چوخ آجی فاجعه نی منظره تصویر ائیله دین
بو جهالتده قالان اوءلکه نین احوالیندن
سن حقیقت گوُلینه عاشق اولان بلبل ایدین
او،دی که شوره گَلیب یازدین حقیقتدن سن
سن حقیقتده ایسه رایحه لی بی گول ایدین
ساچیر عطرین هَلَه ده عالی،درین سوزلردن
شاد اولا روحون ای آذر ائلی نین خلق سَسی
سنی حورمتله قیلیر یاد بو گون شانلی وطن

تاپا بیلمز سَنه یول بیر دم اولوم ضایعه سی
اولمز آثارین ایله خلقیمیز ایچره دیریسن.

https://t.me/Adabiyyatsevanlar

م ،نقابی

"میرزا"علی معجزون نین استانبول سفری
:
یئنی یئتمه میرزا علی  ۱۶ یاشیندا یکن آتاسینی الدن ویریب و اونون آتالیق محبتیندن محروم قالیر.بئله لیکله مجبور اولور که عائله نین امرار معاشینی تامین ائتمک ایچون مهاجرتی اختیار ائتسین،او زمانلار،"طرابزون"یولو داغلیق-داشلیق اولدوعو ایچون،"گونئی)غربتکشلری باطوم یولو ایله گَل-گئت ایدرلردی،بالا مسافر ،اوعورلو بیر گونون سحر چاغیندا اناسی زهرانین ساغ الینده توتدوغو قرآنین و سول الینده توتدوغو آینانین آلتیندان گیچیب ،شبستردن گئدن مهاجرلره قوشولور و بیرلیکده،فایتون ایله داشلی-چانقیللی،اینیسلی-یوخوشلو"استانبول جاده سی"ایله "جلفا"یا ساری یوللانیرلار.
او ،محزون و آنا-باجیدان ایریلما حسرتیله کدرلی اولدوغو حالدا،بیر ،آن دونوب میشو داغلارینا نظر سالیر،"علی علمدار"قلّه سینین آغ پاپاغینی تماشا ائله ییر و ایسته مه یه رک ، اوشوینلر کیمی اللرینی اوووشدورور،داغلار گوزدن ایتینجه یه قدر،دالیسیندا شله داشی یان داغجیلار.ککلیک اوتو دَرن جوان قیزلار-اوغلانلار،قویون سورولری،چوبانبن هئی-هئی سَسی،نئی سُسی،ککلیک قاقّیلتیسی،ماراللار،سسسیز آخان بولاقلار،خرمن یئری،زیل دره  یاشیل دون گئیمیش طبیعت،رنگا رنگ چیچکلر گوزونون قاباغیندا جانلانیردی.آز قالیردی که جلفا یولو یاری اولسون،غربت مسافرلریاستراحت و دینجلمک ایچون فایتوندان انیب،ناهار سفره لرینی آچدیلار.فایتونچی دا آتلاری یئمله دی-سوواردی،تومارلادی.بیر آز سونرا یولا دوام ائتدیلر، علی کنجکاو گوزلریله شوخوملو زمی لره،بیر -بیریندن آرالی یئرله شن کندلره،سو آرخلاری کنارینداکی ایگده آغاجلارینا باخیردی.نظرینه بئله گلدی که ایگده کوللاری حورمتله باش اگیب.اونلاری اوغورلاییرلار.
"طرابزون"یولو گَلمه که،داغدی-داشدی ،دره،گَلنده روسیه دن گَل،اویانی بوشلا گئده.
شیدا نسخه سی ۲۰۴

..یورغون آتلار یاواشلایاندا رحمسیز فایتونچی ،قیرمیزی رنگلی کوک آتلارا قونوت(قمچی-تازیانه)ائندیریردی.یول  نقدر زحمتلی اولسادا،آنجاق،فایتون چرخلری نین سَسی،آتلادین آیاق سَسلری ایله هماهنگ اولوب .اوره گه یاتیم موسیقی هاواسی ائشیده نین قولاغینی نوازش ائدیردی آخشام باشی ،آلین یازیسی ماجرالی اولان آراز چایی کنارینا چاتیرلار .بیر آز دینجه لیب و یول یورغونلوغونو آلدیقدان سونرا،اوردا بیر-بیرینه قالین ایپله محکم باغلانمیش،جامیش دریسیندن حاضرلانمیش سو تولوقلارینین اوستینه مینیب،روس توپراغینا گئچیرلر.آرازین او تاییندا خیال عالمینده غرق اولان علی.آناسی نین هردن زمزمه ائتدیگی  آراز بایاتی سینی بئله دیله گَتیریر:
آراز اولوب آخایدیم
یاخاما گول تاخایدیم
ایتگین آرزولاریمی
آختارایدیم تاپایدیم.و
او، بیر مدت اطرافا حیران-حیران باخدیقدان سونرا،اوزونو آرازا توتوب بئله سسله نیر:
آراز آراز خان آراز
سلطان آراز خان آراز
سن ائیله دین بو چایین
دورو سویین قان،آراز.
بیر گون استراحتدن سونرا،یئنه بیر آیری فایتونلا،یوخاری جلفادان حرکت ائدیب نخجوان،ایروان،تفلیس و باتوم،تاریخی شهرلرینی گئچه رک ،قارا دنیز کنارینداکی باتوم بندرینه چاتیرلار.بیر نئچه گون استراحت وانتظاردان سونرا"نوبه لی"بخار گمیسینه مینیب، در یولو ایله هوپا،ریزه،طرابزون،گیره سون ،اوردو،سامسون،سینوپ ،زونقولداق،و شیله شهریلرینی آرخادا قویوب،عثمانلی نین پایتختی قسطنطنیه و یاافسانه لر شهری ساییلان استانبولا ساری یولا دوام ائدیرلر،دئمک که چوره ک اسیری اولان غربتکش مسافرلر بیرنئچه هفته گمینین ساغا-سولا ساللانا-ساللانا یول گئتمه سینه دوزوب،ان سون تقریباً ایکی آی یوروجو مسافرتدن سونرا ،مرکزی استانبولون گمی اسکله سینه چاتیرلار.
بخار گمی لری.فرانسه،اتریش و ایتالیا شرکتلرینه عاید ایدی.

،دریا یولو ایله

جوان علی بیزه معلوم اولمایان شخصلر طرفیندن قارشیلانیر واونلار جوشغون محبّت و وطن سئوگیسی وحسرتی حسّلریله محکم قوجاقلاشیرلار و سئوینچ یاشلاری علی نین و اونو قارشیلایانلارین گوزلرینده حلقه له نیر.
علی و استقبالچیلاری فایتونلا داش دوشه مه یوللاردان ها بئله "گالاتا"تخته کوپروسونون یانیندان گئچه رک اونجه دن تعیین اولونموش سکونت منزیلینه چاتیرلار.
استانبول همشهری لرینین آداب و رسوم ایجابی یئنی مسافره حمام حوله سی،تاجری بورک،جوراب،باشماق،کوینک،دستمال و اوست گئییمی حاضیرلا میشدیلار.اونو عمومی حمامه آپاریب،یویوندوردوقدان سونرا،گوبک داشی اوستینده بدنینی اوودوروب-گئییندیردیکدن سونرا،مجرّدی منزیلینه آپاریرلار،بیر گون سونرا تازا مسافرین گلمه سیندن خبردار اولان قوهوملار و همشهریلر،بیر-بیر تازا قوناغین گوروشونه گلیرلر.
علی غربتکش عائله لریندن گتیردیگی مکتوبلاری ها بئله کیچیک "ال بویدا" کیسه لره دولدورولموش نخود-کشمیش،قوز بادام،ایگده،قورو سوزی،لپه،صدری دوگوسو ،قوغرولموش بادام ایچی و ...تحفه لری صاحبلرینه تحویل وئریر.

https://t.me/Adabiyyatsevanlar

مهری_ذبیحی_اترگله

وقتی خیابانها
پابرهنه می‌دویدند
جوخه‌های مرگ
عریانی شهر را گردن نگرفتند
ما در سبقتی غیر مجاز
فقط شلیک می‌شدیم
به سمت ناباوری مدرن
وسط جنگی که
در چشم بهم خوردنی
خودش را تمام کرد!

https://t.me/Adabiyyatsevanlar

مهتاب_میرقاسمی

سکوتی زخمی
پای ویرانی این شهر
ایستاده است!
بگو حوالی توسکاهای پیر
زنجره‌های تنهایی را
چگونه به سکوت دعوت کنم
وقتی تابستانی آبستن
جنینی از پاییزی خونرنگ را
در خویش می‌پرورد

بسان پنجره‌ای شکسته
ایستاده است سکوت!
هر نسیمی
که از لا به لای
پرده‌‌های گلدار می‌گذرد
شقایق‌های بی‌پرچم
گلبرگ پرپر کلمات را
بر ترک‌های دیوارهای شهر
می‌سایند

آه بگو اگر شبی
دیوارهای کبود دیوانه‌وار
بر رگ خویش زنند
چه کسی خون‌هایِ
بی‌خانمان را
به سرزمین الفبا خواهد برد
به ضیافت‌ تالاری مرمرین
آنجا که گلبول‌های سرخ
در آغوش گلبول‌های سفید
سخت می‌گریند...

https://t.me/Adabiyyatsevanlar

حاجی هریزلی

سؤزدور باشی بادا وئرن
نه من دینیم، نه سن دانیش!
سؤزدور سیرری یادا وئرن
نه من دینیم، نه سن دانیش!
اؤنجه پیشیر، سونرا چیخار
سؤز چیی اولسا ائولر ییخار
پیشمه‌میش سؤز اوره‌ک سیخار
نه من دینیم، نه سن دانیش!
یای‌دان چیخان اوخا بنزر
گئری دؤنمز چیخسا اگر
سینه سؤکر، اوره‌ک ازر
نه من دینیم، نه سن دانیش!
سؤز واردیر کی باریشدیرار
سؤز وار آرا قاریشدیرار
خام سؤز فیکیری چاشدیرار
نه من دینیم، نه سن دانیش!
سؤزلر آلیشدیرار کؤزو
گؤزدن دوشر اینسان اؤزو
بیلمه‌دییمیز هر سؤزو
نه من دینیم، نه سن دانیش!
هریس – ۱۴۰۴/۳/۱۱
https://t.me/Adabiyyatsevanlar

" دومان بختیاری"

کیم بیلدی؟!

گئجه‌دیر یول‌لاری چکدیم باشیما کیم بیلدی؟!
سؤیله‌دیم دردیمی لال سیرداشیما کیم بیلدی؟!
آیی اولدوزلاری سیغدیم ایچیمه سس‌سیزجه-
یولداش اولدوم سوزولن گؤز یاشیما کیم بیلدی؟!


https://t.me/Adabiyyatsevanlar

کیمسه منی اوزوم کیمی تولایا بیلمز،
بیر عوموردو هرگون اوزومو تولاییرام.
https://t.me/Adabiyyatsevanlar

محسن مجیدی

آه ای نفرین جنگ:

بیادآر         چگونه درآن شب تیره
همچون کرکسی سیاه     برآسمان ما
             بال گشودید .
آتش سوزان تو     وریزگدازه هایت
            چگونه برما فروریخت
تابچه هایمان به خواب ابدی فرو غلطند .
آنچنانکه  تمنا های بی پایان  
        وترنم دلهارا    ازهم ربودید
همچنانکه    گلبرگهای گل سرخ را
            ازهم دریدید      تاازقطرات شبنم فرریخته آن   امیدها   رشد  یابند ،
       اگر چه مرگ ونیستی را
براین سرزمین  داغدیده   ارزانی نمودید،
       ولی یقین بدان   ماراباامید   پیوندهاست ،
سپیده دمان !
      باتلاشی بی پایان  
ومسلح به صبری سوزان       دوباره
      به شهرهای زخم دیده  ولی با شکوه
                      قدم خواهیم گذاشت .

                        پنجم تیرماه۲۰۰۴

https://t.me/Adabiyyatsevanlar

"علیرضا ذیحق"

بالا زر خانیم

حکایه


زری دوغولدوقدا ، آتاسی افشار بی  قولاغینا اذان اوخویوب آدینی قویاراق، باروت گتیریب اونون بورنونا توتدو . افشار بی ین باخیشیندا اصلانین ارکک دیشی سی اولمازدی. همان گون  چیلله خانا آدلانان بیر داغا شیکارا چیخدیقدا ایکی قوچ   شکار ائتمیشدی کی ،  اونلاری خانیمی و بالا زری نین ساغ ساغلام قورتولدوق لاری  اوچون قوربان کسیب یوخسولا فاغیرا پایلامیشدی  .  افشار بی ین دونیادا تکجه بیر قیز ائولادینا صاحیب اولدغواوچون ،  اونو بیر ایییت و قورخماز عسگر کیمی بسله ییردی . اوزونن یایلاقا آپاریب بیرلیک ده اووا چیخیب آت چاپاردیلار  .  کئچمیش ده یاشادیقی آجی گونلری و ائو لری نین اودا چکیلیب یاشادیقی کند ین  بوتون اهالی سی نین دیدرگین دوشمه سی هئچ واخت خاطیریندن چیخمیردی . کنددن  خویا گلیب شهرده یورد سالسالاردا  او یابانجی لار لا یئنه راست لاشیردی و بیری ائرمنیجه دانیشقدا یئنه اوشاقلیق چاغلاری کیمی جانینا خوف دوشوردو .

  اونجا هر قیز بیر ارکک کیمی دلی قانلی  اولمالی ایدی تا بئله نکی آجی گونلرده جانلارینی و ناموسلارینی قورویالار . بونلاردان کئچک و آیدین دان دانیشاق کی دلی جه سینه  زری خانیما وورغون ایدی آمما هله اوز سئوگیسی نی آنلادماغا جسارت تاپمامیشدی .  افشار بی ین چوخ عومرو ایش ایجابی  یایلاقلاردا  بالچی لیق، حئیوان دارلیق و اووچولاق لا کئچه ره ک دئدیک لره گوره قورد کیمی  ، قورخماز و جسور ایدی . بو آرادا او آیلار و گونلر کی افشار بی گیل یوخ اودولار آیدین سئوگیلیسی زری نین هیجرانیندا ،  اونو هر یادا سالدیقدا بیر پروانه کیمی آیریلیق اودونان آلیشیب کوله دونوردی .

   زری خانیم الده تاپانچا و  توفنگ چیی نین ده ائله آت مینیب قوواردی کی کیمسه اونون توزونا چاتمازدی.  مکتبه گئتمسه ده یازی پوزونو افشار بی ین بی‌بی قیزی سیندان کی تیفلیس ده تحصیل آلیب سونرا عائله وی حالدا خویا کوچموشدولر اویره نه رک  روسجا ، فارسجا و تورکجه نی  یازیب پوزماقدا و دانیشماق دا باشاریلی بیری اولموشدور .  بو جنگاور آذربایجان قیزی ائرمنی قیز یولداشلاری نین پیچیلدامالاریندان  آنلامیشدی کی بیر پارا  ائرمنی لر گئجه لری گیزلی جلسه لر قوروب خویا باسقین ائتمک اوچون ، بیر نقشه دن سوز آچیرلار .شوبهه له نه رک بو خبری آتاسی افشار بیه یئتریب او دا بیر نئچه وطن سئوه ر یولداشلارینا  دئدی و  بیلیندی کی " آندرانیک " آدلی بیری کی ائرمنی داشناک لاری نین باشچی سی ایدی خوی شهرینی اله کئچیرمک اوچون هجوم ائتمه یه جسارت تاپیپدیر .  بالا زری کی ایندی اوزونه بیر دولغون و اولغون  گوزل ساییلیردی ،باروت قوخوسو ایله بؤیویه رکن حافیظه سی آتاسی افشار بی ین باشدان کئچیرتدییی آجی خاطیره لر  له دولو ایدی . آغیر و سیخینتیلی گون لر گلیب چاتمیشدی و خویاباسقیادب و باشلاناراق ،چولوق جوجوق و قیز گلین قورخودان ائولرینه سینیب  اولوم لرینی هرآن گوزلرینه آلمشدیلار . آنجاق افشارلار ، زری لر، آیدین لار  و اونلارجا سیلاحلی ایییت دسته لری ، توفنگ، تاپانچا و قمه قداره ایله  خوی ون گیریش دروازه سی ساییلان ، قالا قاپی سیندا سنگر قوروب دویوشه و ساواشا گیردیلر . زری ده کیشی پالتاری گئییب سیلاحلی حالدا  دویوشوردو و آیدین دا بونو بیله ره ک سئوگیلیسی نی قوروماغا چالیشیردی.  . نئچه گون دایانیش و ساواش دان سونرا ، اوزونتولو بیر حالدا دوشمانین زورو غالیب گلیب جماعتین چوخو  قانا بله شرکن ، میللت قورخویا دوشوب قاچا قاچ باشلاناراق  بیرد ن بیره زری ،  ، ساری و زر ساچلارینی افشان ائدیب  اوزونه یاشماق توتارکن ،   بیر قادین سیماسیندا ایییت لرین باشینا گئچدی وهایقیراراق خلقی دایانیشا و سنگرلره چاغیردی . افشار بی کی اوزو قان تر ایچره ایدی قیزی نین بو ایشینه حئیران قالدی و باشینی گویه قاغزاییب تانری یا شوکر ائتدی .  زری نین  سسی قولاقلاردا جینگیلده یه رک هامی آیاق ساخلادی  :

_ جان وئرمه ییز شرفلی دیر یا ناموسوزون لکه لن مه سی ؟ اوشاقلاریزین دوغرانماسی یاخشی دی یا شهید اولوب اونلارین سیزه فخر ائتمه سی  ؟ آورین داغی نین اوجا باش  ووقاریندان اوتانین . نوه لریزدن اوتانین . بوغدالیق لار دان ،  باغ باغاتیزدان، آخان چای لاردان جوشان سئل لردن اوتانین .  مسجید لرین میناره سیندن ، اذان سیز گونلردن اوتانین ! هایدی گلین قوچ اییت لر  ، دلی قانلی گنج لر .  کوراوغلو دئمیشکن شرف  اوغروندا قان وئرمه دن سوفره لردن و  تورپاقلاردان برکت  قاچار. دویوشه ک  ، ساواشاق اولسه ک ده اوله ک. کورپه لردن اوتور ، قیزگلین لردن و آنا لاردان   اوتور . هایلایین هایقیرین گلین!  قانلی کفن له گئده جه ییک ، قولسوز بدن له گئده جه ییک .  ائل گوجو سئل گوجو ! ظفر بیزیم دیر! تورپاق بیزیم دیر !"