اوشاق ادبیاتی
اوشاق ادبیاتی هر هفته پنجشنبه گونو ادبیات سئونلر کانالیندا .
اوشاق ادبیاتینا دایر یازیلارینیزی بیزه گوندرین .

https://t.me/Adabiyyatsevanlar

وقار نعمت

دونن چوخ دوشوندوم سنی
الین بوم-بوش‌دو ایلاهی!
بو گون من سنه آغلادیم
یئرین گلمیشدی ایلاهی!

منم بیر یییه‌سیز شاعر
اوره‌ییمده چمن، چاییر
نییه بَه سسین چیخماییر
دئ بو نه ایش‌دی ایلاهی؟!

باشیما داش قارلامیشدی
باخدیم گؤزلریم قاماشدی
اوره‌ییم‌ده قاردی، قیش‌دی
بو نه قارغیش‌دی ایلاهی؟!

منی منه گولدورورسن
دیریلدیرسن، اؤلدورورسن
سن همن تانری دئییلسن
نییه ده‌ییشدین ایلاهی؟!

او قده‌ر اؤلمه‌دیم ده من
ائلچی گلدی قبیریم‌دن
باخ بو اورزون صبیریندن
صبیریم داشدی ایلاهی!

داها نه‌لر گؤردوم، نه‌لر!
نه‌ کرم‌لر، نه له‌له‌لر
یوللادیغین توم بلا‌لار
منه اولاشدی ایلاهی!

قیزینماغا بیر اود دا یوخ
سؤیکنمه‌یه پالید دا یوخ
گؤی‌ده بیر تک بولود دا یوخ
بو نه یاغیش‌دی ایلاهی؟!

او آتدیغین داش من ایدیم
گلن داشا توش من ایدیم
من نه‌تهر دوشمن ایدیم
بو نه ساواش‌دی ایلاهی؟!..

قایناق:ایشیق سایتی

https://t.me/Adabiyyatsevanlar

اوشاق ادبیاتی
اوشاق ادبیاتی هر هفته پنجشنبه گونو ادبیات سئونلر کانالیندا .
اوشاق ادبیاتینا دایر یازیلارینیزی بیزه گوندرین .

https://t.me/Adabiyyatsevanlar

اوشاق ادبیاتی
اوچ بالاجا دوغوز
چئویرمه: منیژه جم‌نژاد

بیر زامانلار  بیر آنا دوغوز  وار ایدی. آنا دوغوزون اوچ بالاسی واریدی. آنادوغوز اونلاری چوخ ایستیردی، آمّا هامیسینا یتَجَک قَدَر یئمَک یوخ ایدی. بونا گؤره اونلاری اوز بختلرینی تاپماق اوچون دونیایا یوللامالی اولدو.
بیرینجی بالاجا دوغوز گونئیه گئتمک قراری آلدی. یولدا  بیر اکینچیه راست گلدی. اکینچی بیر دسته سامان داشیردی. بالا دوغوز یومشاق سؤزله سوروشدو:
ـ "زحمت اولماسا سامانی منه وئره‌ بیلرسینیز؟ اوزومه بیر ائو تیکمک ایستیرم."
بالاجا دوغوز "لطفاً" دئدیی ایچین اکینچی سامانی اونا وئردی. بالاجا دوغوز  بو ساماندان گؤزل بیر ائو تیکدی. ائوین دووارلاری ساماندان، دوشه‌مه‌سی ساماندان، دامی ساماندان،ایچریسی.. ساماندان بیر راحاتلیقلی یاتاق.
ائله بالاجا دوغوز ائوینی  تاماملامیش و ساماندان یاتاغینا اوزانیب، بیر آز دینلنمک  ایسترکن، یئکه یامان قورد گلیب ائوه چاتدی.ائوین ایچیندن دوغوز قوخوسو آلدی.آغزینین سویو آخدی:
ـ "مممم...دوغوز اتی‌له چؤرَک!"
بونا گؤره قورد ساماندان ائوین قاپیسینی دؤیوب دئدی:
ـ "بالاجا دوغوز! بالاجا دوغوز! منی ایچَری آل! منی ایچَری آل!"
آمّا بالا دوغوز قوردون بؤیوک پنجه‌لرینی آچار یئریندن گؤروب، جواب وئردی:
ـ "یوخ! یوخ! یوخ! من سنی ایچری آلمارام!"
سونرا قورد دیشلرینی گؤستَریب دئدی:
ـ "ائله ده من اؤسکوره‌جَم، فیسکیراجام، پوفله‌یه‌جم،  ائوینی باشینا ییخاجاغام!"
بونا گؤرَه قورد اؤسکوردی، فیسکیردی، پوفله‌دی، ائوینی باشینا ییخدی.بالاجا دوغوز دا قورخوب آناسینین یانینا ائوه قاچدی.
ایكینجی بالاجا دوغوز قوزئیه گئتمک قراری آلدی.یولدا گئدیرکن، بیر اکینچی‌له قارشیلاشدی. اکینچی بیر دَسته آغاج داشییردی.دوغوز یومشاق سؤزله سوروشدو:
ـ "باغیشلایین، من اوزومه بیر ائو تیکمَک ایستیرم، بو آغاجی آلابیلرم؟"
بالاجا دوغوز "باغیشلایین" دئدیینه گوره، اکینچی آغاجی اونا وئردی.بالاجا دوغوز بو آغاجدان گؤزل بیر ائو تیکدی. ائوین  دووارلاری آغاجدان، دوشه‌مه‌سی آغاجدان، ایچری‌سی...بیرده آغاجدان آغیر بیر میز.
بالا دوغوز ائله ائوینی  تاماملامیش،چیچکلرینی آغاجدان آغیر میزین اوستونه قویماق ایسترکن، یئکه یامان قورد گلیب چاتدی.ائوین ایچیندن دوغوز قوخوسو آلدی، قوردون قارنی قورولداماغا باشلادی.
بونا گؤره قورد آغاج ائوین قاپیسینی دؤیوب دئدی:
ـ "بالاجا دوغوز! بالاجا دوغوز! منی ایچَری آل! منی ایچَری آل!"
آمّا بالاجا دوغوز قوردون اوزون بورنونو آچاریئریندن گؤروب، جواب وئردی:
ـ "یوخ! یوخ! یوخ! من سَنی ایچَری آلمارام!"
سونرا قورد دیشلَرینی گؤستَریب دئدی:
ـ "اوندا منده اؤسکوره‌جَم، فیسکیراجام، ائوینی باشینا ییخاجام!"
بونا گؤرَه قورد اؤسکوردو، فیسکیردی،اونون ائوینی باشینا ییخدی. بالا دوغوز قورخوب آناسینین یانینا ائوه قاچدی ـ  آناسی شاد دئییلدی!
اۆچونجو بالاجا دوغوز باتیا گئتمک قراری آلدی. یولدا بیر اکینچیه راستلادی.اکینچی بیر یوک کرپیچ داشییردی.دوغوز یومشاق سؤزله سوروشدو:
ـ "سلام عزیز بی ، من اوزومه بیر ائو تیکمَک ایستیرَم، بو کرپیچلردن نئچه سینی آلابیلرم؟"
اکینچی، دوغوزون "بی" دئمه سیندن خوشلاندی، بونا گؤره بالا دوغوزا نئچه کرپیچ وئردی،  بالا دوغوز  بو کرپیچلردن گؤزل بیر ائو تیکدی. ائوین دووارلاری کرپیچ،دوشه‌مه‌سی کرپیچ و ایچینده...بیرده بؤیوک بیر کرپیچ اوجاق وار ایدی.
بالاجا دوغوز ائله ائوینی تاماملامیش، بؤیوک داش اوجاقدا  بویوک بیر قاب سوپ پیشیریرکن، یئکه یامان قورد گلیب ائوه چاتدی. ائوین ایچیندن دوغوز قوخوسو آلدی و آغزی سولاندی:
ـ "مممم... دوغوز کُتلتی، باربیکیو سوس،  گوی لوبیه!"
بونا گؤره قورد کرپیچ ائوین قاپیسینی دؤیوب دئدی:
ـ "بالاجا دوغوز! بالاجا دوغوز! منی ایچَری آل! منی ایچَری آل!"
آمّا بالا دوغوز قوردون یئکه قولاقلارینی آچارلیقدان گؤروب، جواب وئردی:
ـ "یوخ! یوخ! یوخ! من سَنی ایچَری آلمارام!"
سونرا قورد دیشلَرینی گؤستَریب دئدی:
ـ "ائله ده منده اؤسکوره‌جَم، فیسکیراجام، ائوینی باشینا ییخاجام!"
قورد اؤسکوردو، فیسکیردی. فیسکیردی، اؤسکوردو. اؤسکوردو، اؤسکوردو، فیسکیردی، فیسکیردی؛آمّا او ائوی ییخا بیلمه‌دی. سونوندا نفس دن دوشدو. داها نه اؤسکوره بیلدی، نه فیسکیرا بیلدی.
بالا دوغوز بؤیوک قاب سوپونو قاریشدیردی، گولدو.
آمّا قورد آجیندان دوغوز کُتلتینه ائله تاماهلانمیشدی کی...ال چکمه دی! ائوین دالیندا یاواش یاواش دولانیب، داما چیخیب دئدی:...

https://t.me/Adabiyyatsevanlar

ـ "ایندی کسین دوغوزو  توتاجام!"
قورد بؤیوک کرپیچ اوجاغین یولوندان آشاغی زویدو... پلومپ! ... بالاجا دوغوزون بؤیوک،چوخ ایسسی سوپ قابینا دوشدو! قورد پوشلنیب و قابدان ائشیه آتیلدی.یانا-یانا ائودن چیخیب اوزو آشاغی، یانمیش یانیندان یاپیشیب قاچدی.
بالا دوغوز، کرپیچ موبایلی‌له آناسی‌له ایکی قارداشینی آراییب  اونلاری دادلی قورد پوپوسو سوپو یئمه‌یه دعوت ائله دی.

قورد پوپوسو سوپو ائله دادلی ایدی کی، تئزلیک له ۱۰۰ مایل او دوره ده اولانلار، قوردو توتوب، پوپوسونون سوپونو پیشیرمک ایسته دیلر. یازیق قورد ساکن، آرام یاشاماق اوچون، قارانلیق مئشه‌نین درینلرینه قاچماغا مجبور قالدی

https://t.me/Adabiyyatsevanlar

اوشاق ادبیاتی

   اوشاق نغمه لری (آزربایجان فولکلورو)
  "آنا" چاپ و نشر تشکیلاتی، ۱۳۵۸- جی گونش ایلده یاییلمیش کیتابدان، سئچیلمیش اورنکلر
(م.صفا)
  
   تولکو و قورد...
تولکو گزنده ییخیلیب ناگهان،
گئن قویویا دوشموش ایدی بیر زامان.
تورپاغا سوتموشدو اوزون، هم گوزون،
قورتارا بیلمزدی اولومدن اوزون.
دوشدو قضادان اورا، قوردون یولو،
باخدی کی، گورسون قویو بوشدور، دولو؟
تولکو اونو گوردو، سالام ائیله دی،
آغلادی، یالواردی بئله سویله دی:
- قورد له له، سندن ائدیرم التماس،
سن منی بو مهلکه دن ائت خلاص.
قورد دئدی: -چوخ- چوخ یانیرام حالیوه،
خاطیریم آشفته دی احوالیوه!!!
بیلمیرم،  آخشام ائده جکسن نئجه؟
صوبح آچاجاقسان نه سایاق، بو گئجه؟!
تولکو دئدی: چوخ ساغ اول، آی قورد له له،
بوش دانیشیقدان نه چیخار حاصیله...؟

یئل بابا... 
آ، یئل بابا- یئل بابا،
قوربان سنه، گَل بابا.
تاخیلیمیز یئرده قالدی،
یاخامیز الده قالدی.
آ، یئل بابا- یئل بابا،
قوربان سنه، گَل بابا...

گیلاوار...
هئیوا- نارین اییی گلیر،
اس ای گیلاوار- گیلاوار.
گولدن خارین اییی گلیر،
اس ای گیلاوار- گیلاوار.
سندن یارین اییی گلیر،
اس ای گیلاوار- گیلاوار.
آی خوش گیلاوار گیلاوار...

اوشاقلار...
گَلین- گَلین اوشاقلار،
داها یاغمیر، کسیب قار.
ساپ- ساری گون چیخیبدی،
یئل بابانی ییخیبدی.
گَلین ییغاق قارلاری،
بابانی دوزه لدک باری...

آ، تشتی
آ، تشتی- تشتی- تشتی،
ووردوم گیلانی کئشدی.
ایکی خوروز ساواشدی،
بیری قانا بولاشدی.
قان گئتدی چایا دوشدو،
چایدان گویرچین اوشدو.
گویرچین آلاپاختا،
یوواسی تاختا- تاختا.
گوروم اونو کیم وورسا،
قان قوسسون، لاختا- لاختا...

https://t.me/Adabiyyatsevanlar

اوشاق ادبیاتی
کیتاب نانیتیمی


آیدین ساو نشرده یاییملاندی:
شیرین ناغیللاریمیز ( اوشاقلار اوچون ۱۴ اسکی ناغیللاریمیزدان)
ایکینجی چاپ،۱۴۰۴
توپلایان:نورالدین مقدم(آیدین دومان)
رقعی، ۱۴۴ ص کاغاذی بالک، جلدی شومیز.
قیمت: ۱۵۰۰۰۰ تومن
****
بو کتابی و اونلارجا آنا دیلیمیزده اوشاقلار اوچون یاییملانان چئشیدلی کتابلاری،  تهران کتاب سرگیسیندن الده ائده بیلرسینیز.
(گولن آی ۱۷-۲۷)
****
بیزیمله ایلگیده اولون:
تلفن: ۰۹۱۴۳۰۵۹۷۱۵

https://t.me/Adabiyyatsevanlar

اوشاق ادبیاتی

قصهٔ درخت هلو(براساس قصهٔ یک هلو هزارهلو - ی صمد بهرنگی)

کارگردان:حسن تهرانی
نویسنده:حسن تهرانی
موسیقی :اسفندیار منفردزاده
محصول:کانون پرورش فکری کودکان ونوجوانان
این فیلم که ریشه‌ای در فولکلور آذربایجان دارد براساس داستانی به همین نام نوشتهٔ صمد بهرنگی ساخته شده است.
قصه درخت هلو این اصل را بیان می‌کند که «هر کسی آن دِرَوَد عاقبتِ کار، که کِشت».

https://t.me/Adabiyyatsevanlar

رحیم گوزل

هایکولار
ناظیم علی‌اوغلو
کوچورن: رحیم گوزل


مئح قوووب بورکونو،
اوتور قورباغالارین خورو -
یووشان عطیرلی آخشام

.....

آیریلیر ارله آرواد -
آغلاییر بیر جوت کورپه.
اوره‌یی یاشاریر اوولادسیز حاکیمین.

.....

سئویلمه‌میش قادینین
تسبئحی‌دیر خاطیره‌لری.
چئویرر هر گون...

.....

گوله داش آتدیلار،
قیریلدی ماهنی‌سی قورباغالارین،
سویا دوندو گوزیاشلاری..‌.

.....

یئتیشمیش ناری،
درمه‌دیلر واختیندا.
نارین باغری چاتلادی...

.....

گوزو آیاغی‌نین آلتینی سئچمه‌دی -
بیلمه‌دی کی، دونیادا قاریشقا دا وار.
مزارینی تاپدالادی قاریشقالار!

.....

شاعیر دوستلار!
دینجه قویون کوهنه قافیه‌لری.
شئعیرلرینیز یورولان تورپاق کیمی‌دیر..‌.

https://t.me/Adabiyyatsevanlar

سوسن امینی

« گؤز ببگی »

کدرین سیزماسی‌نین قوخوسو
کابوس کیمی
دیوارلاردان بویلانیر؛
فیرتینا هر گون
شه‌هرین اورتاسیندا
اته‌یینی اوینادیر؛
غضب سازی‌نین سس تئل‌لری
بوغازلاردا ییرتیلیر؛
لاییک‌لیک آددیم- آددیم
کوچه لرده دولانیر،
وهیمه‌نین «گؤز ببگی» یاتیر، قالخیر
و شه‌هر
حسن- حسین بئینی‌له دولانیر.

https://t.me/Adabiyyatsevanlar