در استقبال از ماه مه روز جهانی کارگر

مای بایرامینی دونیا نین زحمتکش لرینه ،آذربایجانین ایشچی لرینه خصوصیله ادبیات سئونلرده اولان زحمت کش لره قوتلو اولسون دئییریک .
اول ماه مه روز جهانی کارگر را به همه زحمتکشان جهان ،به کارگران آذربایجان بویژه به زحمتکشان قلم وکاردر گروه وکانال ادبیات سئونلر از صمیم قلب تبریک و تهنیت می گوئیم.
ادبیات سئونلر1403,2,11

https://t.me/Adabiyyatsevanlar

بیر مای دونیا ایشچی لر گونو وطنیمیزین زحمتکش قادینلارینا قوتلو اولسون.
1404,2,11

https://t.me/Adabiyyatsevanlar

مای بایرامی دونیا زحمتکش لر ینین گونو قوتلو اولسون.

« حجت آزاده »

ای دست های در تلاش
به کارِ آبادانیِ جهان
که آفریده اید
معجزه ی شگرفِ اندیشه را
کزو
روشن گشته چراغِ زندگی

متهورانه
به هر مانعِ شتافته اید
گاه
مرگ را به جان خریده
گاه
از زخمی عمیق بر پیکر
عمری را با رنج وُ محنت
بسر برده اید

از سیری ناپذیریِ
خداوندگارانِ زر وُ زور
تلاش تان نا دیده
تا
از دسترنج
تهی
و رسوبِ حسرت های دیرین
بر دل
دوام وُ قوام یابند

کی بُوٓد
دستان شوید
به برادری و همبستگی
تا
بمیرد
سروری و بندگی
تا
قرار گیرد
توازن وِبرابری
بر
زندگیِ بشری

            https://t.me/Adabiyyatsevanlar     

مای بایرامی قوتلو اولسون
صدیار وظیفه" ائل اوغلو"
ایشچی گونو

منیم ایشچی دوستوم ال – اله وئره ک
بایرامین موبارک گونون موبارک
بیر عؤمور گؤروشوب الویدا دئدیک
بیرده گلن بایرام گلن یازا دک

گلن مای گونونده گؤروشدوک بیرده
قالدی سینه میزده سؤز کیتاب کیتاب
باغلی گؤزوموزله بو اویوندا بیز،
باری چاغیرمادیق یولداش منی تاپ

نئچه اویونلاردا قورد آپاراندا
آه ایتن یولداشلار، باتان یولداشلار
یولداشین اوره یین ایسیندیرمه یه
اؤزونو اودلارا آتان یولداشلار

ائله آلیشدیق کی اؤز ایچیمیزده
کول اولدوق ساوریلدیق گرزوموزه بیز
یئسه ده چاققاللار یولداشسیز بیزی
یئنه ده گلمه دیک اؤزوموزه بیز

https://t.me/Adabiyyatsevanlar

بیر مای دونیا ایشچیلر گونو
الی خمیر،  قارنی آج‌‌لار
حسن ریاضی ( ایلدیریم )

ایل اوزونو
سحر آخشام
جوان، قاری
هیسلی ائوده ایلمک چالیپ، دفه دؤیدوک؛
ایستک‌لری، آرزو‌لاری قینا‌لادیق قینا- قینا؛
بوتا- بوتا ناخیشلارین یاناغینا
دزگاه بویو الوان- الوان خالی هؤردوک.

گلدی تاجر
یاریم آرشین قولتوغوندا؛
حاجی آلدی یاریلیغین،
او آغانین جیبی دولدو.

قانیمیزلا هؤردوگوموز الوان خالی
زنگین‌‌لرین سارایینا بزه‌ک اولدو.

کؤهنه‌ گیلیم، جیریق پالاز
بیر چوخ ائوین دؤشه‌نه‌یی،
بارماقلاردا بالیق آغزی یارا‌لاردا بیزه قالدی.
یایی، یازی ال آیاقدان فیلیق چیخدیق
ایلان‌کیمی سوروندوک بیز،
چؤل- باییردا توز- تورپاغا بوروندوک بیز؛
 باغ- بوستاندا بار بسله‌ییب، بیچینک‌ده بیچین بیچدیک،
یونجا بیچدیک، خشه بیچدیک.
سارس سونبول دنیزینده گئجه گوندوز اوزه‌ر اولدوق،
اتلیک‌لری بئجرمک‌چون یاشیل داغ‌لار اته‌یینده
مال- داوارلا گزه‌ر اولدوق.
امه‌ییمیز
میوه اولدو، تاخیل اولدو،
مال- قار ایله قویون اولدو
ایشلریمیز اویون اولدو.
قول چیرمادیق
نه آپاردیق؟!
اغاج‌‌لارین شیرین بارین
 یئشیک- یئشیک، ماشین- ماشین دلال آلدی.

باغ- باغچادا ‌سیغیرچین‌لار
بوستان‌لاردا تؤر- تؤکونتو دئم قارپیزی
              بیزه قالدی.
بورجوموزون دالی دوشموش قیسط‌‌لارینی اؤده‌مک‌چون
آغ بوغدانی، اتلیک‌لری پول ائله‌دیک،
قوتور‌کئچی ساغمالیمیز
قاراجالی بیت‌لی بوغدا قیش زوماری اولدو، یئدیک.
باشینیزی نه آغریدیم
گئن گؤز سبد چووالیمیز
روزو داری؛
الی خمیر، قارنی آج‌لار
بئله سووار روزگاری!

https://t.me/Adabiyyatsevanlar

بوردان ائندیرین: https://ishiq.net/kitab/36850

یوردومون سیرلری(جلد ۲)
▪️ مولف: رضا براهنی
▪️ مترجم: زکیه ذولفقاری شرف‌آباد
▪️ ناشر: ترجمه‌چی
▪️ نشر تاریخی: 1404
▪️ صحیفه سایی: 462 صحیفه
▪️ دیل: آذربایجان تورکجه‌سی
▪️ رسم‌الخط: عرب الفباسی

بو کیتابین فایلی ترجمه‌چی طرفیندن ایشیق سایتینا گؤندریلیب. کیتابین اوخوجولاری راضی و کؤنللو اولدوقلاری صورتده آشاغیداکی حساب نومره‌سینه ترجمه‌چی‌نین آدینا بیر مبلغ کؤچوره بیلرلر.
6274121154983001
زکیه ذولفقاری شرف آباد.
بانک اقتصاد نوین

https://t.me/Adabiyyatsevanlar

عبدالله نوروزی

ایسماعیل خرمی نین "سسیمده مزارلیق قاناییر" شعرتوپلوسونا اؤتری باخیش...

https://t.me/Adabiyyatsevanlar

عبدالله نوروزی


ایساعیل خرمی نین "سسیمده مزارلیق قاناییر" شعرتوپلوسونا اؤتری باخیش


انسان ,اوخونمامیش بیرکتاب ,و هربیرکتاب انسان عمروندن قوپوب دوشن کرپیچلر و روحوندان پارچالاردیر دئسک ,یانیلماریق. سوز اغیزدان چیخدیقدا ,داها صاحیبین اولمادیغی کیمی ,هربیرکیتاب دا ایشیق اوزو گوردوکده یازارینا یوخ ,بلکه اوخوجویا عایید اولور .بوباخیمدان"ایسماعیل خرمی "نین سسیمده مزارلیق قاناییر کتابی دا ,بوقاعیده دن مستثنی ده ییل .سوزسوزکی بوکتابی دا باشقالاری کیمی، علمی تنقیدی اصوللارلا تنقیدچی دوستلاریمیز ادبی -بدیعی یؤنلرینی  اچیقلایاجاقلار. امما بیر اوخوجو اولاراق هم ده یازارین ایلکین اوخوجولاریندان بیری کیمی، منیم ایچون اؤنملی اولان بعضی مقاملاری وورغولاماق ایستردیم .
۱-"سسیمده مزارلیق قاناییر" شعر توپلوسونو واراقلارکن گوزه چارپان و اوزونه جلب ائله ین ایلکین مقام مجموعه نین اؤزل دیلی دیر .سطیر لرده کی دئییم طرزی ,ایستیفاده اولونموش ترکیب لر  وبنرتمه لر  اوزونه مخصوص بیرفورمادا و باشقالارینا بنزه مه ین بیرشکیل ده ایفاده اولونموش دیر. ائله بیردیل کی یوزلرله یازینین اراسیندان ال اتیب بو فلانکسین یاز یسی دیر، دئمک اولار .
۲.توپلوداکی  محتوا رنگارنگ لییی ایله  برابر، یئنی یئنی  ایفاده لرین بنزتمه لرین  ایهام لارین وباشقا بدیعی گوزللیک لرین ده بول بول شاهیدی اولوروق. بودا اوخوجودا بوقناعتی یارادیرکی  کوهنه لیکده وتکرارلیق دا توموب قالمیش یوخ، بلکه یئنی لیک لرله دولو بیر مجموعه ایله اوز به اوز دیر .سوزجوک لرله دوستلوق ائتمه یی، ایلگی و اونسیت قورماغی باجاران و کلمه لری زورلانمادان الینده موم کیمی هرشکله سالابیلن بیریازارلا طرف موقابیلی دیر   . ایفاده اولونموش سوزجوک لر نه قدر اجی وتیکانلی اولسادا، اوخوجونو قیدیغلاییب و تورش الچاکیمی  بیرداها همن سطیرلره قاییدیب وتامسینا تامسینا یئنی دن الت قاتلارینا وارماق هوسینی  اویادا بیلیر .شعرلرده کی صافلیق وصمیمیت بیربولاق شیزیلتیسی تك حزین زمزومه سیله  اوخوجونو بولاق باشینا ائندیریب ورویالارا دالدیرارکن، بیر بالیق شاپپیلتیسی می یاخود بیرقورباغا قورولتوسوکیمی دیسکیندیره جک  وشاشیرداجاق  قدر گوزله نیلمز میصراعالارا راست گلیریک .وبوتون بونلار اوخوجونو بیریئنیلیک چی شاعر له  طرفداش اولدوغو قناعتینه گتیریر.
۳-ایسماعیل لا بیر محلله ده بیر کوچه ده بویوموشم .وخاراکترینه تام بلدم ."سسیمده مزارلیق قاناییر" شعر توپلوسو اونون ایچ دونیاسینین گوزگوسو و عصیانکار روحون تمثیلچیسی دیر دئسم ظننیمجه یانیلمارام   .اوشخصی حیاتیندا نه قدر چیلغین ، ظولمه وحاقسیزلیغا قارشی،  کوز اوسته اوزرلیک کیمی چیتلاماغا حاضیراولدوغوکیمی، بوتون یازیلارین الت قاتیندادا  هدفی نشانلامیش  بیر مرمی یاخود  الی تتیکده اوبرازلارین دا بوللوجا شاهیدی الوروق .سوزومون موصطافاسی  بودورکی چوخلارینین عکسینه اولاراق ایسماعیل یازدیغی کیمی  اولان، و اولدوغو کیمی ده یازان  بیریازاردیر. اونو تانیمایانلار تکجه سسیمده مزارلیق قاناییر کتابینی اوخوماقلا اونون داخیلی عالمینه تام  بلد اولابیلرلر.
۴-بوتون اوسته سویله دیکلریمه رغمن بو مجموعه ده کی  شعرلرده  محتوا جئشیدلییینه باخماراق، سطیرلرین ظاهری گورونوشونده مصراعلارین اوزون گوده لییی حتی بیر بیریله فاصیله سی واولچو بیچیمینده  بیرنوع یکنواختلیق  وار. اداما ائله گلیر کی بیرشعیرنئجه دفه تکرارن یازیلیب .دوزدو بونلار بیر پروفسیانال اوخوجو ایچون پرابلم یاراتماسا دا عادی اوخوجو ایچون یوروجو اولا بیله یه جه یینی دوشونورم.عمومیتده سسیمده مزارلیق قاناییر شعر توپلوسونو ادبیات خزینه میزی بارلاندیران و وارلاندیران ّادبی اثرکیمی قبوللانیرام وعزیز ایسماعیلا حیاتیندا خوشبختلیک و یارادیجیلیغیندا اوغورلار ارزولاییب دئمک ایسته ییرم کی ؛قارداش یوز یاشا یاز یارات بیزده سئوه سئوه اوخویوب داداینی چیخارداق.
https://t.me/Adabiyyatsevanlar

اسماعیل خرمی

آزادلیق مئیدانی
یول اوزون اولدوقدا و خلوت اولسون دییه،  تهرانا گئدن اتوبوس آخشام باشی یولا چیخمیشدی. بوتون گئجه بویو یولدا سرسم کیمی ایدیم. گاه یاتیردیم گاهدا دوروردوم. قارانلیق و سویوق بیر هاوادا اتوبوسدان ائندیم. آزادلیق مئیدانینا ساری یورودوم. گونشدن خبر یوخیدی. اؤز اؤزومه دئدیم کی بیرآز بورالیقدا گیجه لیم سحر آچیلسین سونرا گئدیم ایشلریمین دالیسیجان. گئتمه یه ده یاخین بیر تانیش ائوی یوخیدی. یاخین دئدیکده واریدی ها آنجاق اولاردا تهرانا کؤچندن تهرانلاشمیشدیلار. نه اولار بیزه گلردیلر، نه ده بیز اونلاری بیر یئرده گؤره ردیک.
آزادلیق مئیدانینی قارانلیق باسمیشدی. بیرآزدا دومان، چن و قارا توستو هر یئری قارا گؤرمه یه یاردیم ائدیردی. اون- اونبئش یانان چیراغلاریندا اورانی ایشیقلاتماغا، اللریندن بیر ایش گلمیردی. گئجه نین آغیر یوکوندن یورغون  یولچولار هره سی بیر طرفده بیر اوتوراجاق تاپیب، گونوزو گؤزله ییردیلر. منده بیر یئر تاپیب اوتوردوم. اللریمی قولتوغومون آلتینا قویوب، دیزلریمی بیربیرینین اوستونه چال کئچیت ائدیب، برک برک اؤزومو قوجاقلامیشدیم. آرادا دریندن بیر نفس آلاراق تپه دن دیرناغا اؤزومو تیتره دیردیم. واخت واریکن آزادلیق مئیدانینی دوشونوردوم. گؤره سن بورا نییه آزادلیق آدی وئریبلر؟ اصلینده آزادلیق نه دئمک دیر؟ اوخودوغوم کتابلاری باشیمدا واراقلایاندا لاپ گیج قالیردیم. "هگل" دئییر کی آزادلیق یاشاییشین اؤزودور. بس یاشاییش ندیر؟ یاشاییش نئجه اولمالیدیر کی اوندا آزادلیقدا اولسون؟ من ایندی یاشاییرام، آزادام؟ یوخسا آزادام کی یاشاییرام؟ "ژان پل سارتر" ادعا ائدیرکی: انسان آزادلیغا محکومدور و انسانی یالنیز آزادلیغی ایلا تانیماق اولار. بیزی هاچان، هاردا و کیم آزادلیغا محکوم ائتدی؟ منه کناردان باخان گؤزه سن نئجه تانییر؟ من آزادام می؟ "نیچه" نین یادداشلاریندان بئله بیر جومله آلماق اولور کی: دین انسانی و اونون آزادلیغین تاپدالاییب کئچیر. ایندی نه ائدک دیندارلیق ائتمه یک کی دین بیزی آیاقلاییب کئچر؟ بیر یانداندا دینی عالملر دئییرلر کی تانری آزادلیغین اؤزودور. و تانری انسانی آزاد یارادیب کی اونا بنده اولماغی سئچه بیلسین. و آزادلیغین باشی تانرییا چاتماقدیر. بیلمیرم سن بیر اوخوجو اولاراق، بولاری نئجه دوشونورسن؟ آنجاق من باشا دوشمه دیم. یعنی سوروشوب بیلمک ایستردیم تانری آزاددیر؟ و بیز بنده لیک ائتمک اوچون آزاد اولمالییق؟ بنده اولماساق گوناهی ندیر؟ بلکه بیزه کافیر آدی قویوب اعدام ائله دیلر؟ یوخ باشووا دؤنوم آغا من او غلطلردن ائله مه رم. "آیزایا برلین" آزادلیغا دوز ایکی یوز تعریف یازیب. الله اکبر؟ بیر سؤزجوییه بو قدر ده تعریف یازماق اولار؟ مثالجا دئییر کی: دوشونوب، دانیشماغا و بو اساسلاردا بیر ایش گؤرمه یه هئچ بیر انگل اولمامالیدیر. من دوشوندویومو سنینله پایلاشا بیلرم می؟ ایندی سنون دوشونجه نین ترسه سینه بیر سؤز یازسام، بو یازینی سونونا قدر اوخویارسانمی؟ من اؤلوم یامان یووز دئییب کاغاذی جیریب آتمازسان؟  "کانت" ین بیر جومله سی یادیما دوشور: آزادلیق، یاسا و اقتدار بیر حاکمیتین قورولوشوندا بیر بیریله سیخ ایلگیده دیرلر. آزادلیق و یاسا، اقتدار اولمایان یئرده اؤز باشینالیق گتیرر. آزادلیقسیز، اقتدار و قانون استبدادا اوغرایار. و بیر اقتدارکی قانون و آزادلیق اساسیندا قورولماسا، باربارلیق یارانار. باخ بو تعریفدن یامان خوشوم گلدی.  بونا گؤرا کی تانریا شوکور؛ اطرافدا نه اؤزباشینالیق گؤرورم، نه استبداد نه ده باربارلیق. "علی اکبر صابیر"ین بیر مصراعسی یادیما دوشدو: "آخ نئجه کئف چکمه لی ایامیدی" اوخوجو یولداش بوراجان کی اوخویوبسان سندن خوشوم گلدی. هر یئرده دئییرلر کی اوخوجو تاپماق سامانلیقدا بیر ایینه تاپماق کیمی دیر. داریخما آز قالیر دای قورتاریرام. هه هاردا ایدیق؟ یادیما دوشدو. هله بو آزادلیق سؤزجویونون گؤر نئچه قوللاری وار: دوشونجه، دانیشیق، ایش، مطبوعات، دین، پولئتیک، ائکونومیک، سوسیال، دیل، اعتراض، سئچیم و الی ماشالله، سایماقلا  قورتارمیرکی. من تصوور ائده بیلمیرم، بیز بو قدر آزاد اولساق نه ائده بیله ریک؟ اینانمیرام یاشاییشیمیز یاخشی اولا. اوندا لاپ ویر چاتلاسین دوشر. جاماعات بیر بیرینین توکون دیدمزمی؟ اهههههههههه ه ه ه  یورولدوم باشیمدا کتاب واراقلاماقدان. هاوا ایشقلانسایدی دوروب گئدردیم ایشیمین دالیجا. منه نه آخی کیم نه دوشونوب نه دئمک ایسته ییر. بیر مئداندادا یاریم ساعات اوتورماق اولمور. سن بلکه بئله دوشونوردون تهرانین مئیدانلارینی بیربه بیر گزیب آدلاری باره ده سنه باخیشیمی دییه جم؟ بوشدا منه نه.

https://t.me/Adabiyyatsevanlar

سلام قهرمان ،سلام تیراختور،
تبریک لر،اوغور لار، تیم تراکتور تبریز 4هئچه شمس آذر قزوینی اوددو و 64 امتیازلا ایکی هفته لیگ دن قالان لیگ برترین قهرمانی اولدو.

تیراختور :4
شمس آذر:0
1404,2,12

https://t.me/Adabiyyatsevanlar

جدول لیگ برتر پس از بازیهای هفته 28
وقهرمانی زود رس تیم تراکتور تبریز
https://t.me/Adabiyyatsevanlar

تیم فوتبال تراکتور در مهم‌ترین بازی هفته بیست‌وهشتم لیگ برتر ایران با چهار گل شمس‌آذر را در قزوین شکست داد و با توجه به متوقف شدن سپاهان برابر گل‌گهر، با ۶۴ امتیاز در فاصله دو هفته مانده به پایان لیگ، برای اولین بار در تاریخ فوتبال ایران، قهرمان لیگ شد.

تراکتور با این پیروزی ۶۴ امتیازی شد و این فرصت را دارد تا در پایان فصل با کسب دو پیروزی دیگر، رکورد بیشترین امتیاز در یک فصل در تاریخ لیگ برتر را به نام خود کند.
https://t.me/Adabiyyatsevanlar

اظهار نظر جالب مالک شمس_آذرقزوین - تراکتور لایق قهرمانی است من خودم آذربایجانی هستم و عاشق تراکتور.

https://t.me/Adabiyyatsevanlar

مسعود اسلامی

اوزولمه‌سین تانری منی گؤررکن
اوشاق‌لیغیمی یئتیملییییمده گیزلتدیم
شاعیرلیغیمی قارانلیق بیرگئجه‌‌سینده اوشاغین
آنامین یایلیغیندان اوچوشوب کؤچن کپنک‌لر
حسرتینه  ‌دؤزه‌بیلمه‌دن سؤزجوک‌لره سیغیندیم
سؤزجوک‌لرایستی سویوق سؤزجوک‌لر مین اوزلو ...
قاچدیلار منی بوراخیب قورد گؤزونده گؤررکن
یالقیزلیقدان شعیرلرین ابهامیندا گیزلندیم
شعیرلریم اوخ ایلان‌لاری
آتیلیب چال‌دیلار بوداق بوداق آغاج‌لاری
و زیروه زیروه داش‌لاری
دوداق‌لار بارماق‌لاردان اوزومه دیرندی
اؤزوم اؤزومدن قورخدوم سایت‌لارسؤزومدن ...
گونش‌سیز گون‌لره قالدیم آللاه
هر یئردن قووولدوم سا ایچیمین ان قارانلیق بیر
کالاواسیندا گیزلندیم
نه سؤزومو دینله‌دیلراوردا نه اؤزومو
اؤلوم آغ آغ آرخامدا ...
آدامسیزلیقدان دئییل مزارسیزلیقدان
یامان قوخورام
هانسی توپراق قوینونا آلیر
گیزله‌ده‌جک اضطراب‌لاریمی
هانگی نکیر گله‌جک باشیمین اوستونه منکر ...
سوروشاجاق‌‌ گونش‌سیز گوندوزلرین قارانلیق گئجه‌لریندن
بلکی‎ اونلار دا، دیلیمین اولدوزلوغونا گیره‌بیلمه‌دن
یانلیش یاپاجاق‌لار آغ گؤیرچینلر قانادیندا
دیرچلن قیرمیزی تومورجوق‌لاری
و منیم یئریمه قیللی بیر قالین قابیق سویود
اوزاداجاق‌لار!؟
آمان آللاه بئلیمین دریسی داش تورپاغا گئییم
جسدیمی سوروتله‌ییر موسا حضرت‌لری!
آغاج‌لار هوروت هوروت دایانیب باخیر...
قورخمایین منی،
سئوگیلی آغاج‌لار
منی قورخمایین، شاختاچالمیش روحسوزلار ...
واللاه من ده سیزین کیمی کؤهنه بیر اؤلویم
گومولمه‌ییمه یئر آختاریرام
آنجاق شعیرلریم داوا درمان
خزل‌لرین قالابالیغینا بوشالتمادان پایلاشین
پایلاشین یورولموش خسته‌لره
آغ قورخولاردان
قورخ‌مازدان ...

https://t.me/Adabiyyatsevanlar

اردلانی
اوشاق خصلتلری

آلدیلار بیر شخصِ عاقل‌دن خبر
یاخشی الگو بیزلره، کیملردیلر؟

سؤیلویوب: ائتمین تعجب بو سؤزه
بو اوشاقلار، الگو  اولموشلار بیزه

آلتی خصلت وار اولاردا، بیزده یوخ
ساده سؤزدور اوزده، آمما مغزی چوخ

۱- بیر بودور کی، هئچ زادا شنقولدولار
۲- بیر شیئه یا بیر ایشه مشقولدولار

۳- دوغرودان بیرزاد اوشاق ایسدرسه گر
آلمایینجاق بوشلاماز، اصرار ائدر

۴- دؤرد مونجو خصلته باخ دونیادا
باغلاماز دائم اورک، هیچ بیر زادا

۵- هر قَدَرده دؤیسلر ده بیر-بیرین
کوسمه بیلمزلر، اورکده یوخدو کین

۶- آلتی مینجی خصلت اولموش بیرشفا
راحت آغلیرلار، اورک چیخسین صافا

اردلانی  سن ده  اؤرگَــش  بو ســـؤزو
اُول اوشاق، تا کینه‌نین چیخسین گؤزو
https://t.me/Adabiyyatsevanlar

تصاویر هوایی از وضعیت خیابان‌های تبریز و جشن قهرمانی هواداران تراکتور تبریز

https://t.me/Adabiyyatsevanlar