رسول جوادی

آغارما ساچلاریم آغارما هله

هله عومروموزون جاوان واختیدی
باهاری خوشلوقلا، ساوان واختیدی
تله سیرسن بونه تاوان واختیدی؟
آغارما ساچلاریم، آغارما هله

یوخ قارا بویاغین اوستونه بویاق
قوی هله حیاتی بیز یاخشی دویاق
قوجالماغا، نه چالیرسان ال -آیاق
آغارما ساچلاریم، آغارما هله

داغلارین باشلارین دوزدو، قار آلار
قیش گلمه سه، بویاق آلماز، قارالار
یاریم گورر سنی رنگی سارالار
آغارما ساچلاریم، آغارما هله

قوجالیق لشگرین چکمه باشیما
منی دوشمن ائتمه یاشاییشیما
داها اوزگه ائتمه، اوز قارداشیما
آغارما ساچلاریم، آغارما هله

ایلک باهاردا، سون باهارتک سارالما
قیش یئتمه میش، ذیروه له نیب، قار، آلما
عومور یولداشیمسان‌ منه عار اولما
آغارما ساچلاریم‌، آغارما هله
- بهار۱۴۰۴

https://t.me/Adabiyyatsevanlar

شعر: از سیدعلی صالحی
ترجمه:اکبر آزاد
طغیانِ دختر دریا

تا امروز نتوانستید
مرا به تبعیدِ بی‌واژه برانید.
من خود به اراده‌ی خود
از زادگاهِ گرسنگان گریخته‌ام.
و
تا همین امروز
که تنفسِ مُستمرِ آدمی
از آن سویِ مرگ می‌آید،
من دیوانه‌وار زندگی کرده‌ام.

من زنده‌ام هنوز،
بی‌هوده مرا
خلوت نشینِ خانه نخوانید.
من شورشِ مطلق‌ام
در عشقبازیِ نرگس و آزادیِ تمام.

مگر او چه کرده است
که کلماتِ غمگین‌اش را
تنها در مزامیرِ مردگان می‌خوانید؟

شما
شاعران را
حتی
از شلیک به شبِ شرور
خلعِ خواب کرده‌اید.

اما آن‌ها سرانجام
کلماتِ هزار پَرده‌ی خود را
پس خواهند گرفت؛
این خطِ جبرئیل وُ
این هم
نشانِ رسولانِ رویانویس!

چئویرن:اکبر آزاد
دنیز قیزی‌نین عصیانی

بو گونه دک باجارمادینیز
منی سوزجوک‌سوز سورگونه سوره‌سینیز
من اؤزوم، اؤز  اراده‌م له
آج‌لارین دوغوم یوردوندان قاچمیشام
و
ائله بو گونه دک کی
آردی کسیلمه‌ین آدام نفسی
اؤلومون اؤته‌سیندن گلیر
من دلی‌جه‌سینه یاشامیشام.

من هله دیری‌یَم
یئرسیزجه منی
ائوین خلوتینده اوتوران آدلاندیرمایین
من مطلق بیر عصیانچییام
نرگیز ایله اؤزگورلوک سئویشمه‌سینده تمام

او نه ائتمیشدیر کی
کدرلی سؤزجوک‌لرینی
یالنیز اؤلولر مزامیرینده اوخویورسونوز؟

سیز
شاعرلری
حتّا
شرارتلی گئجه‌‌یه اود یاغدیردآن
اویقوسونو آلیب‌سینیز

آنجاق سونوج‌دا اون‌لار
اؤز مین‌بیر پرده‌لی سؤزجوک‌لرینی
گئری آلاجاق‌لار
بو جبرائیل جیزغی‌سی
بو ایسه
رؤیا یازان یالواج‌لارین نیشآنی!

https://t.me/Adabiyyatsevanlar

مثل ۱۰: گؤرمیشم 6 شاها دا ضررین چکمیشم.

💥کاربرد مثل:
این مثل زمانی به کار می رود که شخصی از مسائل مذهبی متضرر شده باشد

قصه پژوه : فاطمه محمودی
ویراستار فارسی:حسن محمدی
ویراستار ترکی : حمید حسینی - مینا ابراهیم پور
طراح جلد: سمیرا خانزادی
زبان کتاب : ترکی با ترجمه فارسی
انتشارات: نظامی گنجوی
موسیقی :Uzundərə
آهنگساز: شهریار صدیق
کتاب مین بیرمثل، مین بیر حئکایه ، مجموعه ای کامل از مثل های ترکی، به همراه قصه های آن به صورت مینیمال در 10 جلد کار شده. و1001 داستان و مثل دارد. این مجموعه به صورت صوتی اجرا شده و در  کانال تلگرام  به اشتراک گذاشته می شود.


https://t.me/Adabiyyatsevanlar

مهدی نوروز
حَرفْ

زبانم لال شد
نه از خاموشی،
بلکه از حقیقتی که در واژه نمی‌گنجید.
آن‌قدر گفتم،
که معنا
از دهانم فروریخت
و جهان
کور شد از شنیدن که در این شعر نمی‌گنجید.

و اکنون،
سازم
که سال‌ها در گوشه‌ای تاریک پوسیده بود
ناگهان
زبان گشود
نه برای نغمه
که برای ناله‌یی بی‌نام
برای واژه‌ای
که پیش از تولد، مرده بود.

دست‌هایت،
آن معبدِ بی‌پرستش
با پنجره‌هایی رو به خاموشی
قفل شدند
بر گلوگاهِ لمس
و من
شعر را چون کلیدی از جنس درد
در قفلِ بی‌صدای تو چرخاندم
و درها باز شدند
نه به روی آغوش
که به سوی فهمی تلخ.

اکنون،
هر بیت
ضجه‌ای‌ست از منی که نیستم
و هر قافیه
دستی‌ست از تو
که نیستند.

ما،
در میان هجاهای ناتمام
فراموش شدیم
نه چون صدا نداشتیم
بلکه چون زبان
تابِ این سکوتِ عمیق را نداشت.

https://t.me/Adabiyyatsevanlar

بودا گوزل بیر یومور

https://t.me/Adabiyyatsevanlar

عباس شب خیز – تبریز
ملت اؤلوبازدی!

ملت دئمه سین بو سؤزو شاعر یئنه یازدی
فکر ائیلمه سین قانمادی یولسوز یولو آزدی
دونیاده غمی غصّه سی یوخدو، کئفی سازدی
شاعر نه قدر سؤز یازا بو باره ده، آزدی!
ملت اؤلو بازدی!

ساغلیقدا هامی آختارار ایرادینی بیلسین
بیر عدّه آرار سرّینی هر زادینی بیلسین
بیر عدّه ده کی ایسته میر هئچ آدینی بیلسین
بیر عدّه دئیر قدی کوله، بورنو درازدی
ملت اؤلو بازدی!

بیر عدّه دئیر شاعر اولار عاشق و مجنون
بیر عدّه دئیر مصرف ائدر بنگ ایله افیون
دیوانه دی، شیطان ائله ییب عقلینی افسون
کافردی مسلمان آدی، بی دین، بئنامازدی
ملت اؤلو بازدی!
ساغلیقدا آجیندان اؤله، کیمسه ائله مز یاد
اؤلدو ائله کی، خلق دئیر روحون اولا شاد
گئتدی الیمیزدن حئییف اولسون بؤیوک اوستاد
مثلی گله بو عالمه، امّید چوخ آزدی
ملت اؤلو بازدی!

اول کس کی دونن یوخسول ایدی، جیب لری خالی
نه اسمی، نه رسمی واریدی، نه پولو مالی
اؤلجک اولوب اوستاد گران قیمت و عالی
بیلمزدیلر اوّل آدی محموددی، ایازدی؟!
ملت اؤلو بازدی!

اؤلجک دئیه جک لر ائده تانری اونا رحمت
بیر عؤمر چکیبدیر ادبیّات دا زحمت
بو شاعره لایق دئییلی «وادی رحمت»
دفن اولسا مزار شعراده، یئنه آزدی!
ملت اؤلو بازدی!

اؤلجک هامی سؤیلر عجب اوستادیدی «چنگیز»
فخر بوتون ایرانیدی نه تکجه بو تبریز
البتّه کی تبریزلیدی مدیونون اونا بیز
هر نئیله سه بو ملّت تبریز اونا، آزدی!
ملت اؤلو بازدی!

اوندا کی اوغول قورتولاجاق مجلس ترحیم
باشدان تازادان باشلاناجاق تعزیه، تکریم
خلق ائیلییه جک هفته لری گون لری تقسیم
قیرخ گون باشاباش مرثیه دی، سوز و گدازدی
ملت اؤلو بازدی

مجلس لر آدیله قوراجاق گونده اهالی
قاره علم ایله دولاجاق دیر او حوالی
یاددان چیخاجاق بیلمه یه جک اهل و عیالی،
-کیم آلدی کفن، دفن ائله دی، قبرینی قازدی؟
ملت اؤلو بازدی!

دونیا گؤره بیر ده تایینی دونیادا، هیهات!
بیر شاعیریدی عارف، اؤزو اهل مناجات
عؤمرونده نه میخانه گؤروبدور، نه خرابات
عالم آرا نه دینده چاشیب، نه یولون آزدی
ملت اؤلو بازدی

چولقادی آدی فلسفه ده غرب ایله شرقی
دانش ده قویار بیر جیبه مین کاشف برقی
اول کس دی کی ایرانه اولوب باب ترقّی
فخر عجم ایله عرب، ایران و حجازدی
ملت اؤلو بازدی!

اوستاد معلّم دی بو فرهنگ و ادب ده
اوچ دیلده یازیب، فارسی دا، تورکی ده، عرب ده
وار نسبتی «خاقانی» یه، سؤیلرله نسب ده
بو علم ده «عمّان» دی، فضیلت ده «آراز» دی
ملت آرلو بازدی!

بیر نابغه دیر، عالم عرفان دا «پدیده»
عالم ده اؤزوندن قویوب آثار عدیده
تفسیر یازان کیمسه دی، «قرآن مجید» ه
هم شارح مثنوی دی، هم گلشن رازدی
ملت اؤلو بازدی!

بیر گون باشینی چالدیلار داشدان داشا، گؤردوم!
شاعر الینه وئردیلر حوققا-ماشا، گؤردوم!
بیر گون دئدیلر شاعره احسن، یاشا، گؤردوم!
دونیانین ایشی گاه نشیب، گاه فرازدی
ملت اؤلو بازدی!

«شب خیز»، بو گون واردی بو دونیاده، صاباح یوخ!
گل باغرینا وورما بو قدر تهمت ایلن اوخ
گر علمی ده آز اولسا، گؤروب تجروبه چوخ-چوخ
ساغلیقدا بیلین قدرینی،- بو شعرده یازدی...
ملت اؤلو بازدی!

https://t.me/Adabiyyatsevanlar

ناصر داوران

یالان دوام ائدیر1

قاپیمیزدا تانیش ایزلر گؤروره م
قاپی زنگینده هیجان.
سن کی گه له سی دئییلسن
بس بو یالان سؤزلر 
نییه مندن ال چکمیر؟!

قمارباز2

اوشودوم جاوانلیغیمی
اوزوجو قیزدیرمالار ایچینده
بیر استکان آجی چای
قاتقی وئرمه دی ایستیسینی
کؤنولسوز آلـ وئریمیزه.
هر گون شعریمین بیر قانادی
آجیغا قافیه لندی
کوسویه بویاندی
لیلیلیک دویمادان
ده لیلیک ائشیتمه دن
کؤلگه سیز آغاجدان.

الیبوش و قوجا بیر قمارباز
دائما منی تکرارلاییر
گوزگو قاباغیندا.

https://t.me/Adabiyyatsevanlar

عدالت دومان

توپراقیمیز

جانیمیزدان چوخ عزیزدی
آنا   وطن    توپراقیمیز
روحوموزلا  تای  ائکیزدی
دونیایلا  تن توپراقیمیز

اودور  جاندا یاغیریمیز
اونسوز یوخدور اوغوروموز
یاشادیقجا  غوروروموز 
اؤلسک  کفن  توپراقیمیز

اؤزوموزله کاش باریشساق
آی لا  گونش له یاریشساق
اؤلوب اؤزونه قاریشساق 
دوغار  ایتن توپراقیمیز


توپراغیما   کؤنول وئردیم
قوینوندا  یئر وئرسین منه
من اونا  بال  حیاتیمی ،
او ایسه  گور وئرسین منه/ 

https://t.me/Adabiyyatsevanlar

بکتاش_آبتین

... در پيراهن من
تن‌های بسياری ست كه هر روز
در خيابان‌های شما
تكرار می‌شود .

هفت خطم ،
نستعليقم ،
ثلثم ،
شكسته‌ام؛

من انحنای كمر تمامی شما هستم !
و خط ديگر آن اتوبوس
كه هر روز از جاده‌ای می‌گذرد منم ! ... نه !

بايد نقش دهانی را بازی كنم
كه از حنجره هايی روشن برخاسته‌اند ...
https://t.me/Adabiyyatsevanlar

رحیم گوزل


سنین دوداغین قاچارکن،
باغ-باغ آچیلیرام من...

سن گولنده
لاپ باییلیب گئدیرم..‌.

هردن دولوخسانیرسان،
دومان چوکور اوره‌ییمه،
آغلاییرام ایچین-ایچین..‌.

دیلیم لال، آغزیما توپراق
ایشدی، بیردن آغلاسان؟!.

یوخ،
سن آللاه آغلاما سن!
قوی بیر آز یاشاییم من..‌.

https://t.me/Adabiyyatsevanlar

‍ ‍ نادر_الهی


‍ قاییت قاییتمالی قئیلیم-قالیم، آی آغرین آلیم
قاییت آ سئوگیلیم، آه سئودالیم، آی آغرین آلیم

قاییت قاییت کی ائوی-ائیوانی سیلیم-سوپوروم
دوروم سماوره ‌ده اود سالیم، آی آغرین آلیم

بولاق-بولاق ائله سنسیز قیزیل قان آغلامیشم
چیچکلی باغچا اولوب دستمالیم، آی آغرین آلیم

باهار-باهار بزه‌نیرلر تزه گلین تزه بئی
پاییز-پاییز پوزولور احوالیم، آی آغرین آلیم

دونن منی گؤره‌ن آینا بوگون داها تانیمیر
قاییت آغاردی ساچیم ساققالیم، آی آغرین آلیم

داها منی تویادا دوستلاریم چاغیرمیرلار
کی قالماییب داها تویلوق حالیم، آی آغیرین آلیم

باری ساچیندان ایکی تئل قیریب منه گؤندر
کی بیرجه کسمه شکسته چالیم، آی آغرین آلیم

باشی قالیب قانادی آلتدا نه دینیر نه ایچیر
یئتیم‌لشیبدی خیال قارتالیم، آی آغرین آلیم

منی ائوین بو دومانلی سکوتو سینسیتدی
قاییت قاییتمالی قئیلیم-قالیم، آی آغرین آلیم


https://t.me/Adabiyyatsevanlar

صنعت گر دئییم ،رسام دئییم ، هیکل یونان دئییم ...نه دئییم بو کیشینین ایشینه؟!
تکجه دئییه بیلم یاشاسین.

https://t.me/Adabiyyatsevanlar

تورک مدنیتی و ارثی تشکیلاتی‏نین باشقانی آکتوتی رایمکوُلووا ایله مصاحبه 

- حؤرمتلی رایمکوُلووا، «آسیا-اروپا» ژورنالینین ایزله‏يیجی‏لری اوچون اؤزونوز حاققیندا قیسا معلومات وئره بیلرسینیزمی؟ 
- 1964-جو ایلده آلماتیدا آنادان اولموشام. مدنیته و اینجه‌صنعته اولان سئوگیم اوشاقلیق ایللریمده باشلايیب و هم پئشه فعالیتیمه، هم ده شخصی حیات طرزیمه درین تأثیر گؤستریب. آتام يازیچی، آنام ایسه قازاخ سووئت ائنسیکلوپئدیياسیندا شعبه مدیری وظیفه‌‌سینده چالیشیردی. بو اینتئللئکتوال (روشنفکر) محیط يارادیجیلیق کیملیییمین فورمالاشماسیندا بؤيوک رول اوينادی. اینجه‌صنعت ساحه‌‌سینده ایلک آددیملاریمی آلماتی دولت کونسئرواتوریياسیندا (هنرستان) آتمیشام. 1987-جی ایلده کورمانغازی آدینا آلماتی دولت کونسئرواتوریياسی‌نین تاریخ و نظریه‌‌ فاکولته‌سینی «بسته‏کار، پیانوچو، موسیقی نظریه‌‌سی معللیمی، کنسرت پیانوچوسو، کامئرا موسیقیسی سولیستی» اختصاصلاری اوزره بیتیرمیشم. داها سونرا تحصیلیمی بين‏الخالق بیزنئس آکادئمیياسیندا داوام ائتدیره‌رک بیزنئس ساحه‌‌سینده ماگیستراتورا (فوق لیسانس) تحصیلی آلمیش و آردینجا دوکتورلوق دیسسئرتاسیيامی (پایان نامه) مدافعه‌‌ ائتمیشم. 
پئشه فعالیتیمه 1990-جی ایلده معللیم کیمی باشلامیشام. اوزون ایللر عرضینده کورمانغازی کونسئرواتوریياسیندا مختلف وظیفه‌‌لرده چالیشمیشام: شعبه مدیری، دوسئنت (دکتر) و رئکتور معاونی اولموشام. 2014-جو ایلدن اعتباراً قازاخیستان جمهوریتینین مدنیت و ایدمان ناظرلییینده مدنیت و اینجه‌صنعت اداره‌سینین دیرئکتورو، مدنیت کمیته‌سی‌نین صدری و مدنیت و ایدمان ناظری‌نین معاونی کیمی رهبر وظیفه‌‌لرده فعالیت گؤسترمیشم. 2019-جو ایلین ایيون آيیندان 2022-جی ایلین يانوار آيینین سونونا قدر قازاخیستان جمهوریتی‏نین مدنیت و ایدمان ناظری وظیفه‌‌سینده چالیشمیشام. 2022-جی ایلین آپرئل آيیندا قازاخ اینجه‌صنعتی‌نین آپاریجی قوروملاریندان بیری اولان «کازاک‏کنسرت» دولت کنسرت تشکیلاتی‌نین دیرئکتورو تعیین ائدیلمیشم. 
2023-جو ایل نويابرین 3-ده آستانادا کئچیریلن تورک دولتلری تشکیلاتی‌نین (TDT) 10-جو زیروه‌سینده عضو اؤلکه‏لرین دولت باشچیلارینین قراری ایله من تورک مدنیتی و ارثی تشکیلاتینین باشقانی وظیفه‌‌سینه تعیین اولوندوم. بسته‏کار کیمی ده يارادیجیلیق فعالیتیمی داوام ائتدیریرم. بیر چوخ سیمفونیک پوئمالارین، ایکی پرده‌لی بالئتین، ائله‌جه ده “آلاتاو” پیانو اثری و بیر چوخ تئاتر و کینو موسیقی‏لرینین مؤلفیيم. اینجه‌صنعته وئردیییم تحفه‌لره گؤره «قورمئت» اوردئنی ایله تلطیف اولونموشام و 2010-جو ایلده قازاخیستانین امکدار آرتیستی فخری آدینا لايق گؤرولموشم. حاضیردا تورک مدنیتی و ارثی تشکیلاتینین باشقانی کیمی، تورک خالقلارینین مدنی دَيَرلرینی تبلیغ ائتمک و اینجه‌صنعت ایله مدنیتین انکشافینا تحفه وئرمک اوچون چالیشیرام. اینجه‌صنعت بیر خالقین روحودور؛ اونون وارلیغینی عکس ائتدیرن آينادیر. بونا گؤره ده مدنی ارثیمیزی قوروياراق گله‌جک نسیللره اؤتورمک بیزیم اَن بؤيوک مسئولیتیمیزدیر. 

- ایندی ایسه رهبری اولدوغونوز تورک مدنیتی و ارثی تشکیلاتی‏نین يارانما تاریخی، مقصدی و فعالیتی باره‌ده سیزی دینله‌مک ایستردیک. 
- تورک مدنیتی و ارثی فوندو تورک خالقلارینین زنگین مدنی ارثینی قوروماق، آراشدیرماق و تبلیغ ائتمک مقصدیله يارادیلمیش بئين‏الخالق تشکیلاتدیر. تشکیلات، تورک دونياسینین اورتاق مدنی دَيَرلرینی ياشاتماق و اونلاری گله‌جک نسیللره اؤتورمک استقامتینده مهم لايحه‌لر حیاتا کئچیریر. 
فوندون يارادیلماسی ایدئياسی داها اوّلکی دؤورلره تصادف ائتسه ده، تورک دولت‏لری تشکیلاتی‌نین بیشکئک زیروه‌سینده - 2012-جی ایل آوقوستون 23-ده آذربایجان، قازاخیستان، قیرغیزیستان و ترکیه دولت باشچیلارینین تصدیقیندن سونرا رسمی استاتوس قازانمیشدیر. تشکیلاتین مرکزی آذربایجانین پايتختی باکی شهرینده يئرلشیر. 2015-جی ایل سئنتيابرین 11-ده آستانادا کئچیریلن زیروه گؤروشو زامانی گون‏آي افندیيئوا تشکیلاتین ایلک باشقانی کیمی تعیین ائدیلمیش و قوروم رسمی فعالیتینه باشلامیشدیر. 2023-جو ایل نويابرین 3-ده آستانادا کئچیریلن تورک دولتلری تشکیلاتینین 10-جو زیروه‌سینده ایسه عضو اؤلکه‏لرین دولت باشچیلارینین قراری ایله من - شخصاً اؤزوم، تورک مدنیتی و ارثی تشکیلاتینین باشقانی وظیفه‌‌سینه تعیین اولونموشام. 
تشکیلات، تورک مدنیتی و ارثینین قورونماسی، تدقیقی و انکشاف ائتدیریلمه‌سی استقامتینده آپاریجی رول اوينايیر. بیز علمی آراشدیرمالار، مدنی ارثین برپاسی، متخصص حاضیرلیغی پروقراملاری، کنفرانسلار، سرگی‏لر و آکادئمیک نشرلر کیمی گئنیش‏مقياسلی لايحه‌لر حیاتا کئچیریریک.

عینی زاماندا، «تورک دونياسینین گله‌جه‏يی – 2040» و TURKTIME استراتئژی سندلری چرچیوه‌سینده تورک خالقلاری آراسیندا تاریخی، مدنی و معنوی باغلاری گوجلندیرمک اوچون فعالیتیمیزی داوام ائتدیریریک. 
2024-جو ایل تشکیلاتیمیز اوچون محصولدار و اؤنملی لايحه‌لرله زنگین بیر ایل اولموشدور. برپا و موزه‏يه چئویرمه ایشلری، علمی تدقیقاتلار، تحصیل فعالیتی و بدیعی لايحه‌لر چرچیوه‌سینده عمومی‏لیکده 75-دن چوخ ایری‏مقياسلی لايحه‌نی اوغورلا تاماملامیشیق. خصوصیله آستانا زیروه‌سینین بَياناتیندا وئریلن تاپشیریغا اويغون اولاراق، قیرغیزیستانین بؤيوک شاعیری آلیکول اوسمونووون بیشکئکده‌کی موزه-ائوینین برپاسینی حیاتا کئچیرمیشیک. تورک مدنی ارثینی تانیتماق مقصدیله چوخ‏دیللی کاتالوق حاضیرلايیریق و ياخین ایللرده بونو رقمسال پلاتفورمايا چئویرمه‏يی پلانلاشدیریریق. عینی زاماندا، یونسکو ایله امکداشلیق چرچیوه‌سینده تورک داستانلاری و عنعنه‌‌وی اینجه‌صنعت نوع‏لرینی احاطه‌‌ ائدن چوخ‌میللتلی نامزدلیک مراجعتلرینی علاقه‌‌لندیریریک. آلپامیس داستانی کیمی مهم اثرلر اوزره بئين‏الخالق کنفرانسلار تشکیل ائده‌رک غيری‏-مادی مدنی ارثیمیزی دونيا صحنه‌‌سینه چیخاریریق. 
2024-جو ایل عرضینده تورک دولت‏لری تشکیلاتی، تورک‏سوي و تورک آکادئمیياسی ایله امکداشلیق چرچیوه‌سینده تورکمنستانین آنئو شهرینین 2025-جی ایل اوچون تورک دونياسینین مدنیت پايتختی اعلان اولونماسینا دایر تدبیرلری دستکله‌میشیک. یونسکونون حمایه‌‌سی آلتیندا تشکیل اولونان «تورک دونياسینین تاریخی و مدنی ارثی‌نین آراشدیریلماسی و قورونماسی» موضوع‏سوندا کئچیریلن بئين‏الخالق کنفرانسا تحفه وئرمیشیک. عینی زاماندا، قازاخیستانین تامغالی و کولان ياشايیش منطقه‌‌لرینده مدنی ارث ساحه‌لرینین اداره اولونماسینا دایر پوتئنسیالین آرتیریلماسی پروقراملارینی حیاتا کئچیرمیشیک. 
بوندان علاوه‌‌، «تورک ادبیاتینین اینجیلری» و «تورک دونياسینین گؤرکملی شخصیتلری» کیمی کیتاب سئریيالاریمیز واسیطه‌‌سیله ادبی ارثیمیزی اؤن پلانا چیخاریر، TurkDiscovery آدلی یوتیوب کانالیمیز واسطه‌‌سیله مئدیا و تانیتیم فعالیتلریمیزی داوام ائتدیریریک. کانالیمیز 2024-جو ایلین سونونا قدر 85 ویدئو ماتئریال، 3.6 میليون باخیش و 20 میندن چوخ دایمی ایزله‏يیجی ایله گئنیش آوُدیتوریيايا خطاب ائتمه‌يه داوام ائدیر. یونسکونون 2024-2025-جی ایللری محمود کاشغری‏یه و اونون «دیوان لغات التورک» اثرینه حصر ائتمه‌سی مناسبتیله بو دَيَرلی اثری تانیتماق مقصدیله بئين‏الخالق سرگی‏لر تشکیل ائتمیشیک. بیشکئکده باشلايان سرگی 2025-جی ایل بويونجا تورک دونياسینداکی مختلف مدنیت موسسّه‌لرینده نمايش اولوناجاق. بوندان علاوه‌‌، یونسکونون پاریسده‌کی منزل-قرارگاهیندا کئچیریلن علمی کنفرانس بؤيوک ماراقلا قارشیلانمیش و بو چرچیوه‌ده اثرین آذربایجان تورکجه‌سینه و روس دیلینه ترجمه‌لری درج اولونموشدور. 
فوند اولاراق، بئين‏الخالق توپلانتیلاری ياخیندان ایزله‌يیر و تورک دونياسینین اورتاق گله‌جه‌يینه يؤنلمیش تشبث‏لره فعال شکیلده تحفه وئریریک. 6 نويابردا بیشکئکده کئچیریلمیش تورک دولت‏لری تشکیلاتی‌نین دولت باشچیلاری شوراسینین 11-جی زیروه‌سینده تشکیلاتیمیزین فعالیتی قیرغیزیستان پرئزیدئنتی صدر جاباروو طرفیندن خصوصی اولاراق تقدیر ائدیلمیشدیر. زیروه زامانی اؤزبکیستان پرئزیدئنتی شوکت میرضیايئو اؤزبکیستانین تشکیلاتیمیزا تام‏حقوقلو عضو اولاجاغینی بَيان ائتمیش، تورکمنیستان ایسه مشاهده‌چی استاتوسو ایله تشکیلاتدا اشتراک ائتمه‌يه حاضیر اولدوغونو بیلدیرمیشدیر. 
2024-جو ایل اوزره ایش پلانیمیزدا 25 لايحه نظرده توتولسا دا، بیز بو سايین اوچ قاتیندان آرتیق ایشله‌يرک 75-دن چوخ لايحه‌نی اوغورلا حیاتا کئچیرمیشیک. تورک مدنیتی و ارثی تشکیلاتی اولاراق، تورک دونياسینین اورتاق مدنی ارثینی قوروماق و تانیتماق مأموریتیمیزی داها دا ایره‌لی آپارماقدا قطعیت‏لیيیک. 

- تورک مدنیتی و ارثی فوندو بئين‏الخالق امکداشلیقلار چرچیوه‌سینده هانسی فعالیتلری حیاتا کئچیریر؟ 
- تورک مدنیتی و ارثی فوندو تورک خالقلارینین زنگین مدنی ارثینی قوروماق، انکشاف ائتدیرمک و تانیتماق مقصدیله بئين‏الخالق امکداشلیقلار قوراراق مختلف لايحه‌لر حیاتا کئچیریر. تشکیلات، تورک دولت‏لری آراسیندا مدنی علاقه‌‌لری گوجلندیرمک اوچون بئين‏الخالق تشکیلاتلار، علمی قوروملار و مدنیت اینستیتوتلاری ایله استراتئژی تشبث‏لر حیاتا کئچیریر. 
تشکیلاتین نظام‏نامه‌سینه اساساً، فوندون شوراسینین عضولری عضو دولت‏لرین مدنیت ناظرلری سویه‌سینده معيّن ائدیلیر. 2024-جو ایلده آذربایجانین، تشکیلاتین شوراسینا صدرلیک ائتمیشدیر و بو مناسبتله آذربایجان مدنیت ناظرلییینه تشکیلاتین فعالیتینه وئردییی دَيَرلی تحفه‌لره گؤره تشککوروموزو بیلدیریریک. 2025-جی ایلده ایسه قازاخیستان تشکیلاتین شوراسی صدرلییینی اؤز اوزرینه گؤتورموشدور.

بو چرچیوه‌ده، 2025-جی ایلین فئورال آيیندا آستانادا کئچیریلمیش تشکیلات شوراسینین اجلاسیندا 2025-2026-جی ایللره دایر استراتئژی پلانلار تصدیق ائدیلمیش و تورک مدنیتی‌نین قورونماسی و انکشاف ائتدیریلمه‌سینه يؤنلمیش تشبث‏لر مذاکره اولونموشدور. 
تورک مدنیتی و ارثی تشکیلاتی بئين‏الخالق تشکیلاتلارلا امکداشلیق ائده‌رک بیر چوخ مهم لايحه‌لر حیاتا کئچیریر. تشکیلاتین اساس مقصدی تورک دونياسینین مدنی ارثینی قوروماق، اونو قلوبال مقياسدا تانیتماق و بئين‏الخالق علمی-مدنی علاقه‌‌لری گوجلندیرمکدیر. بو چرچیوه‌ده تشکیلات، تورک دولت‏لری تشکیلاتی، بئين الخالق تورک آکادئمیياسی، تورک‏سوي، TÜRKPA  و تورک اینوئستیسیيا (سرمایه گذاری) تشکیلاتی کیمی قوروملارلا بیرگه فعالیت گؤستریر. بو امکداشلیقلار چرچیوه‌سینده مدنی مبادله پروقراملاری تشکیل اولونور، ادبیات، اینجه‌صنعت و عنعنه‌‌لری تانیدان تدبیرلر حیاتا کئچیریله‏رک تورک مدنیتی دونيا اجتماعیتینه تقدیم ائدیلیر. عینی زاماندا، اورتاق تاریخ و مدنیتی آراشدیران علمی لايحه‌لر گئرچکلشدیریلیر. تشکیلاتیمیز یونسکو ایله ده سیخ امکداشلیق چرچیوه‌سینده تورک دونياسینا دایر لايحه‌لر حاضیرلايیر. بو کونتئکستده تاریخی عابده‌لرین قورونماسی، مدنی ارثین تانیدیلماسی و مدنیتلر آراسی دیالوقون انکشاف ائتدیریلمه‌سینه يؤنلمیش تشبث‏لر حیاتا کئچیریلیر. یونسکونون مدنی و تحصیل پروقراملاریندا آکتیو اشتراک ائدن تشکیلات، تورک مدنیتینی تبلیغ ائتمک مقصدیله سرگی‏لر، سئمینارلار و بئين‏الخالق کنفرانسلار تشکیل ائدیر. 
تشکیلاتین دیگر بئين‏الخالق تشکیلاتلارلا امکداشلیغی چرچیوه‌سینده سون بیر ایل عرضینده دولت قوروملاری، اونیوئرسیتئتلر و مئدیا پلاتفورمالاری دا داخل اولماقلا تخمیناً 12 مختلف قوروملا امکداشلیق پروتوکوللاری امضالانمیشدیر. بو راضیلاشمالار سايه‌سینده تشکیلات، بئين‏الخالق سوییه‌ده مدنی لايحه‌لر حیاتا کئچیرمک امکانی قازانمیش، کنفرانسلار، فوروملار، فئستیواللار، برپا ایشلری و موزه لايحه‌لری تشکیل ائتمکله تورک دونياسینین مدنی ارثینی قلوبال میقياسدا تانیتماق امکانی الده ائتمیشدیر. علمی و تحصیل ساحه‌‌سینده ده تشکیلات دونيانین مختلف اونیوئرسیتئتلری و آکادئمیک قوروملاری ایله گوجلو طرفداشلیقلار قورموشدور. تورک مدنیتی، تاریخی، عنعنه‌‌لری و اینجه‌صنعتی ایله باغلی بیرگه علمی تدقیقاتلار آپاریلیر، کنفرانسلار، سیمپوزیوملار و آکادئمیک گؤروشلر تشکیل اولونور. خصوصیله تورک مدنیتینین يئنیدن جانلاندیریلماسی مقصدیله بئين‏الخالق آکادئمیک کنفرانسلار کئچیریلیر، طلبه‌‌لره و تدقیقاتچیلارا تجربه پروقراملاری و تعلیم کورسلاری تکلیف اولونور. 
تورک مدنیتی و ارثی فوندو بئين‏الخالق پلاتفورمالاردا دا فعال رول اوينايیر. فوند آلتی  قلوبال مدنیتلر آراسی دیالوق فورومو، قازاخیستان-آذربایجان توریزم فورومو، یونسکو چرچیوه‌سینده کئچیریلن «تورک خالقلارینین عنعنه‌‌وی گئيیم مدنیتی و زینت اشيالاری صنعتی» سرگیسی، قازاخیستانین آستانا شهرینده تشکیل اولونان بئش دونيا کؤچری اويونلاری، آلماتی‏دا کئچیریلمیش دؤرد  تورک دیللی ژورنالیستلر مئدیا فورومو و ژِنِو‌ده باش توتان «تورک دونياسی هفته‌سی» کیمی بیر چوخ بئين‏الخالق لايحه‌ده اشتراک ائتمیشدیر. بونلاردان علاوه‌‌، تشکیلاتین مهم تشبث‏لریندن بیری قیرغیزیستان میللی تاریخ موزه‏سینده محمود کاشغری‌نین حیات و ارثینه حصر اولونموش سرگی‌نین تشکیل اولونماسیدیر. 2025-جی ایلین فئورال آيیندا قازاخیستانین میللی موزه‏سینده ده نمایش ائتدیریلن بو کوللئکسیيا ایل عرضینده آذربایجان، ترکيه، اؤزبکیستان و ماجاریستاندا دا تاماشاچیلارا تقدیم اولوناجاق. 
عمومی‏لیکده، تورک مدنیتی و ارثی تشکیلاتی بئين‏الخالق تشکیلاتلارلا حیاتا کئچیردییی امکداشلیقلار سايه‌سینده تورک دونياسینین مدنی ارثی‌نین قورونماسی، تدقیقی و تانیدیلماسی پروسئسلرینده مهم رول اوينايیر. تشکیلاتین رئاللاشدیردیغی علمی، تحصیل، برپا و مدنی لایحه‌لر تکجه تورک دونياسی اوچون دئيیل، عمومی‏لیکده دونيا مدنی ارثی‌نین زنگینلشمه‌سینه ده دَيَرلی تحفه‌لر وئریر. 

- تورک دونياسینین مدنی اینتئقراسیياسینی گوجلندیرمک استقامتینده تشکیلاتین گله‌جک پلان و لايحه‌لری حاققیندا دا معلومات وئره بیلرسینیزمی؟ 
قازاخیستانین پرئزیدئنتی جناب قاسیم جومارت توقايئوین «TURKTIME» تشبثو محض بو مقصدلره اساسلانیر. “TURKTIME” پروقرامی چرچیوه‌سینده عنعنه‌‌وی دَيَرلرین قورونماسی، مدنی اینتئقراسیيانین انکشاف ائتدیریلمه‌سی، تحصیل و علمی تدقیقاتلارین گوجلندیریلمه‌سی، سرمايه و اعتماد بازاسینین فورمالاشدیریلماسی، تورک دیللی اؤلکه‏لر آراسیندا مئدیا امکداشلیغینین آرتیریلماسی و انرژی علاقه‌لرینین محکملندیریلمه‌سی کیمی سککیز اساس استقامت معيّن ائدیلمیشدیر.

تشکیلات بو هدفلرین حیاتا کئچیریلمه‌سی مقصدیله بئين‏الخالق تشکیلاتلار، علمی قوروملار و مدنیت اینستیتوتلاری ایله سیخ امکداشلیق چرچیوه‌سینده فعالیتینی داوام ائتدیریر. 
2025-جی ایلده ده تورک دونياسینین مدنی ارثی‌نین قورونماسی، تانیدیلماسی و قلوبال مقياسدا يايیلماسی استقامتینده ثمره‌‌لی ایشلرین گؤروله‌جه‌يینه اینامیمیز تامدیر. بو استقامتده، 2025-2026-جی ایللر عرضینده برپا و موزه لايحه‌لری، علمی و آکادئمیک فعالیتلر، تحصیل پروقراملاری و بدیعی لايحه‌لر چرچیوه‌سینده فعالیتلریمیزی داها دا گئنیشلندیرمه‏يی هدفله‌يیریک. 
بو چرچیوه‌ده آذربایجانین قاراباغ بؤلگه‌سینده يئرله‏شن فضولی رايونونون گؤچ‏احمدلی کندینده‌کی مسجدین برپا ایشلرینه باشلانیلماسی و «تورک دونياسیندا اوزان-آشیق صنعتی: آشیق علسگر ارثی» موضوعسوندا بئين‏الخالق علمی کنفرانسین اوزئيیر حاجی‏بَيلی آدینا کئچیریلن اون يئددی بئين‏الخالق موسیقی فئستیوالی چرچیوه‌سینده تشکیل ائدیلمه‌سی پلانلاشدیریلیر. 
قازاخیستانین جامبیل بؤلگه‌سینده يئرلشن و تورک دونياسینین اَن قدیم ياشايیش مسکن‏لریندن بیری سايیلان کولان شهرینین موزه‏لشدیریلمه‌سی، تاریخی رئکونستروکسیيا (بازسازی) ایشلری و تطبیقی سئمینارلاری احاطه‌‌ ائدن «بوتاي و توران - تورک دونياسینین اینجیسی» آدلی علمی سئمینارین تشکیلی ده قارشیداکی دؤورده حیاتا کئچیریله‌جک لايحه‌لر سیراسیندادیر. بوندان علاوه‌‌، قازاخیستانین میللی کیتابخاناسیندا ساخلانیلان اون ایکی عصره عاید «قیزیل قرآن» کیتابی‌نین برپاسی نظرده توتولور. قیرغیزیستاندا ایسه «قاراخانلیلار سارايی» لايحه‌سی چرچیوه‌سینده برپا و موزه‏لَشدیرمه ایشلری آپاریلاجاق، همچنین «قیرمیزی چاي» (کراسنايا رئچکا) آدلی تاریخی عابده اوزرینده آرخئولوژی محافظه‌‌ و کونسئرواسیيا ایشلری حیاتا کئچیریله‌جک. 
بوندان علاوه‌‌، ایسسیک گؤلده کئچیریله‌جک «روح صنعت» بئين الخالق عنعنه‌‌وی موسیقی فئستیوالینا دستک گؤستریله‌رک تورک دونياسیندان اولان گنج صنعتچیلره اؤز صنعتلرینی نمایش ائتدیرمک، عنعنه‌‌وی موسیقی‏لرینی تانیتماق و مدنی تجربه‌لرینی بؤلوشمک امکانی يارادیلاجاق. 
ترکیه‌ده، قاضی‏آنتئپ شهرینده تورک مدنی ارثینین استراتئژی امکداشلیق کنفرانسینین تشکیلی، همچنین تورک دونياسیندا يئرلشن داشینماز مدنی ارث اوبيئکتلرینه دایر تجربه مبادله‌سینه يؤنلمیش تعلیم پروقرامینین ایکینجی مرحله‌سینین حیاتا کئچیریلمه‌سی پلانلاشدیریلیر.  
بوندان علاوه‌‌، تورک دونياسینداکی تاریخی، مدنی و معنوی باغلاری گوجلندیرمک مقصدیله «TurkDiscovery» یوتیوب کانالی واسطه‌‌سیله مئدیا و مدنیتین تانیدیلماسی يؤنونده فعالیتلریمیزی داوام ائتدیره‌جه‏يیک. عینی زاماندا ماجاریستانداکی تورک مدنی ارثی‌نین رقمساللاشدیریلماسی و رقمسال سند آرخیوی‌نین يارادیلماسی ایشلرینه باشلاناجاق. فوندون فعالیتی تکجه مدنی تشبث‏لرله محدودلاشمیر، هم ده علمی آراشدیرمالار، تحصیل لايحه‌لری، تاریخی عابده‌لرین برپاسی و رقمسال تئخنولوژیيالار واسطه‌‌سیله تورک مدنی ارثی‌نین دونيا مقياسیندا تانیدیلماسی کیمی ساحه‌‌لری ده احاطه‌‌ ائدیر. قارشیداکی ایللرده تشکیلات بیر سیرا استراتئژی اهمیتلی لايحه‌لری حیاتا کئچیرمه‏يی پلانلاشدیریر. 
بو استقامتده، یونسکونون دونيا مدنی ارث سیياهیسینا داخل ائدیلمیش و يا تورک دولتلرینین میللی ارثینه عاید اولان مدنی و طبیعی ارث ساحه‌‌لری ایله ياناشی، غيری-مادی مدنی ارث نمونه‌لرینی احاطه‌‌ ائدن چوخ‏دیللی بیر کاتالوق حاضیرلانماقدادیر. سؤزو گئدن کاتالوق، “TurkHeritage” آدلی رقمسال پلاتفورمانین اساسینی تشکیل ائده‌جک. بو استقامتده‌کی ایشلر اؤتن ایلدن باشلانمیش و حاضیردا سرعتلی شکیلده داوام ائتدیریلیر. 
تورک دولتلری مدنیت ناظرلری دایمی شوراسی‌نین قراری ایله 2025-جی ایل «آکتاو - تورک دونياسی‌نین مدنیت پايتختی» اعلان ائدیلمیشدیر. بو چرچیوه‌ده، بئين‏الخالق فولکلور تدقیقاتچیلاری کنفرانسی تشکیل اولوناجاق و اؤزبکیستان پرئزیدئنتی جناب شوکت میرضیايئوین گؤستریشی ایله تورک دولت‏لری تشکیلاتینین فعالیت پلانینا داخل ائدیلن «تورک فولکلورونون چوخ‌میللتلی توپلوسو» نشر ائدیله‌جکدیر. معلوم اولدوغو کیمی، 2026-جی ایلده باکیدا کئچیریلمیش بیرینجی بوتون-بیرلیک تورکولوژی قورولتايینین 100 ایللیک يوبیلئيی قئيد اولوناجاق. بو علامتدار ایل دؤنومو مناسبتیله یونسکونون پاریسده‌کی (فرانسه) منزل-قرارگاهیندا دونيا تورکولوقلاری سیمپوزیومونون کئچیریلمه‌سی نظرده توتولور و بو استقامتده آذربایجان و تورک دونياسینین علمی قوروملاری ایله بیرگه تشکیل اولوناجاق تدبیرلر چرچیوه‌سینده حاضیرلیق ایشلرینه باشلانیلمیشدیر. قئيد اولونان بوتون بو تدبیرلرین تورک دونياسینین مدنیتینی، ارثینی، تاریخینی و معنوی دَيَرلرینی قوروماق، انکشاف ائتدیرمک و گله‌جک نسیللره اؤتورمک ایشینده بؤيوک تحفه وئره‌جه‌يینه اولان اینامیمیز تامدیر. 

- سوندا تورک دونياسینین گنج عالیملرینه يؤنه‌لیک حیاتا کئچیردییینیز فعالیتلر باره‌ده ده معلومات وئره بیلرسینیزمی؟ 
- فوندون اَن مهم تشبث‏لریندن بیری تورک دونياسینین گنج تدقیقاتچیلاری، عالیملری و اینجه‌صنعت نماینده‌‌لری اوچون تجربه مبادله‌سی و آکادئمیک انکشاف پروقراملارینین تشکیلی ایله باغلیدیر. بو پروقراملار گنج متخصص‏لره تورک مدنیتی، تاریخی و ارثی ساحه‌‌سینده آراشدیرمالار آپارماق امکانی ياراتماقلا ياناشی، اونلارین پئشه‏کار باجاریقلارینین انکشافینا دا تحفه وئریر. 
2024-جو ایلده ترکیه‌نین استانبول شهرینده تورک مدنی ارثی‌نین اداره اولونماسینا دایر تجربه مبادله‌سی پروقرامی تشکیل اولونموش و بو پروقرامدا فوندا عضو اؤلکه‏لرین میللی مدنی ارث ساحه‌لرینین رهبرلری اشتراک ائتمه‌يه دعوت ائدیلمیشدیر. اوخشار پروقراملار قازاخیستانین تاریخی تامغالی و کولان شهرلرینده ده حیاتا کئچیریلمیش، گنج عالیملره و تدقیقاتچیلارا تاریخی و مدنی ساحه‌‌لرده ساحه‌‌ تدقیقاتلاری آپارماق امکانی يارادیلمیشدیر. 2025-جی ایلده ایسه بو پروقراملارین میقياسی داها دا گئنیشلندیریله‌جک و اونلارین بوتون تورک دولت‏لرینده کئچیریلمه‌سی پلانلاشدیریلیر. 
گنجلر اوچون نظرده توتولان داها بیر مهم تشبث تورک دولت‏لرینین میللی اونیوئرسیتئت‏لرینده تورک ارثی مرکزلرینین يارادیلماسیدیر. 2025-جی ایلدن اعتباراً بو مرکزلرین تورک دولت‏لرینده‌کی عالی تحصیل موسسه‌لرینین نزدینده آچیلماسی پلانلاشدیریلیر. سؤزو گئدن مرکزلر گنج آکادئمیکلر و تدقیقاتچیلار اوچون تورک مدنیتینی آراشدیرماق، علمی لايحه‌لر حیاتا کئچیرمک و بئين‏الخالق آکادئمیک اجتماعیتله قارشیلیقلی علاقه‌‌لر قورماق باخیمیندان گئنیش امکانلار تقدیم ائده‌جک. عینی زاماندا، تورک دیللی اؤلکه‏لرین عالی تحصیل موسسه‌لرینده اورتاق ماگیستراتورا و دوکتورانتورا پروقراملارینین آچیلماسی دا گوندمده اولان اساس پریوریتئتلردندیر (الویت‏لردندیر). بو تشبث گنج عالیملره تورک سیویلیزاسیياسی و مدنی ارثینی داها دریندن اؤيرنمک امکانی ياراداجاق. 
تشکیلاتیمیز مدنی قارشیلیقلی علاقه‌‌نی گوجلندیرمک مقصدیله بئين الخالق سرگی‏لر، فئستیواللار و کنفرانسلار تشکیل ائتمه‌يه داوام ائدیر. تورک دونياسینین گنج يازارلارینی دستکله‌مک مقصدیله 2024-جو ایلده «تورک ادبیاتینین اینجی‏لری»، «تورک ادبیاتی‌نین آکادئمیک خزینه‌لری» و «تورک دونياسی‌نین گؤرکملی شخصیتلری» آدلی خصوصی کیتاب سئریيالارینین نشرینه باشلانیلمیشدیر. بو تشبث چرچیوه‌سینده قازاخ اوشاق ادبیاتینین کلاسیکلریندن سايیلان بئردیبئک سوقپاقبايئوین مشهور «آدیم – کوژا» اثری، تورکمن خالقی‌نین بؤيوک شاعیری مختوم‏قولو فراغی‌نین «عاشیقم» آدلی شعرلر توپلوسونون آذربایجان تورکجه‌سینه ترجمه‌سی و آذربایجان ادبیاتینین گؤرکملی سیماسی محمّد فضولی‌نین «فضولی - 530 بئیت» آدلی اثری‌نین قازاخ دیلینه چئوریلمیش وئرسیياسی نشر اولونموشدور. گله‌جک ایللرده بو کیتاب سئریياسی چرچیوه‌سینده تورک دونياسینین دیگر تانینمیش يازارلارینین اثرلری ده مختلف تورک دیللرینه ترجمه اولوناراق داها گئنیش اوخوجو آودیتوریياسینا تقدیم ائدیله‌جکدیر. 
تشکیلاتین گنج آکادئمیکلره يؤنلمیش داها بیر بؤيوک لايحه‌سی، یونسکونون پاریسده‌کی منزل-قرارگاهیندا کئچیریله‌جک دونيا تورکولوقلاری سیمپوزیومودور. بو سیمپوزیوم 2026-جی ایلده، باکیدا کئچیریلمیش بیرینجی بوتون-بیرلیک تورکولوژی قورولتايینین 100 ایللیک يوبیلئيینه حصر اولوناجاق و گنج تورکولوقلارا اؤز تدقیقاتلارینی بئين‏الخالق سوییه‌ده تقدیم ائتمک، دونيا علمی اجتماعیتی ایله فیکیر و بیلیک مبادله‌سی آپارماق امکانی ياراداجاق. تشکیلاتین 2025-2026-جی ایللر اوچون استراتئژی پلانلاری چرچیوه‌سینده تورک دونياسینین گنج نسلینه يؤنه‌لیک دستک لايحه‌لری داها دا گئنیشلندیریله‌جک. گنجلرین علمی تدقیقاتلاردا فعال اشتراکینی تأمین ائتمک، اونلارین يارادیجی و اینتئللئکتوال پوتئنسیالینی انکشاف ائتدیرمک اوچون يئنی تشبث‏لر حیاتا کئچیریله‌جک. تورک مدنیتی و ارثی تشکیلاتی، قارشیداکی ایللرده گنجلره يؤنلمیش تحصیل، آکادئمیک و مدنی لايحه‌لری آرتیراراق، اونلاری تورک دونياسینین گله‌جک لیدئرلری کیمی يئتیشدیرمه‌يه خصوصی اؤنم وئره‌جک. 

- زامان آيیریب سواللاریمیزی جاوابلاندیردیغینیز اوچون درین تشککوروموزو بیلدیریریک. 

گوندرن:علی چاغلا

https://t.me/Adabiyyatsevanlar

زررین رزندی(طنناز)
فروغ فرخزادین(آفتاب میشود)شعرین دن آلینمیشدیر.

باخ گوُر یئنه گوُزوم ده غم

سویا دوُنور دامجی-دامجی

گونش الینده دیر اسیر

قارا کوُلگه م،چوخ عینادجی

آلوولو اود دیرلیییمی

گوُر کی نئجه ویران ائدیر

روحوم یانیر توستو اولور

بولودلاردان اوجا گئدیر

گوُیون گوُلو سالخیم-سالخیم

قاش گوُز ائدن اولدوز اولور

گئجه نین ایپک یولونا

اولدوزلارین عطری دولور

روُیالاریمدا سنیله

یئتیشمیشم کهکشانا

ملک لرین قاناد سسی

لرزه سالیب آسمانا

قیرمیزی بیر بالیق اولوب

اولدوز یولوندا اوزورم

آل لاله نی پر-پر ائدیب

دوداقلاریمی بزیرم

سحیر دولو قلمینله

سینه مده اولدوز چکیسن

ایشیقلی اولدوزو دریب

منی یئرینه اکیسن

گئجه قاراسی نین مومو

داملا-داملا شئهه دوُنور

گونش تئللرین داراییر

ساچلارینا ایشیق هوُرور

گونشله گل صاباحلاردان

ایشیقلیقدان،شافاقلاردان

قورتار منی،باتاقلاردان

قارانقولوق اتاقلاردان

گوُتور منی اوزاقلارا

کولک لره،سازاقلارا

گونش لره،بوزاقلارا

یئتیر سئودامی اوجلارا

تاپشیر هوسلی موجلارا

بورو اوُپوش ایپه یینه

سورو خیال اته یینه.

https://t.me/Adabiyyatsevanlar