سونا عبّاسعلیقیزینین «سؤز خاقانی» رومانی حاقیندا
آدهامبئک عالیمبئکوو
کوچورن:ویدا حشمتی
حاضیرلایان:ادبیات سئونلر
ملّتینی سئون، اونون کمالینی ایستهین یازیچی، تاریخی موضوعیا مراجعت ائدرکن، کئچمیشده باش وئرمیش حادثهلری بدیعی حقیقته چئویرهرک، معاصرلرینی، همین دؤورون محیطی بؤیوک تاریخی شخصیّتلرین حیاتی ایله تانیش ائتمهیه چالیشیر. بو ایشه بؤیوک مسئولیّتله یاناشیر، سایسیز-حسابسیز تاریخی منبعلری، فاکتلاری آراشدیریر و بو فاکتلاری تحریف ائتمهدن، یوکسک بدیعی سويیهده اوخوجویا چاتدیرماغا جان آتیر.
«شرق اولدوزو» ژورنالینین ۲۰۲۴-جو ایل ۶-۷-جی سایلاریندا نشر اولونموش، تانینمیش یازیچی دیلآرام عبدالراحمنقیزی طرفیندن، آذربایجان دیلیندن اؤزبکجهیه، اوغورلا ترجمه ائدیلمیش «سؤز خاقانی» تاریخی رومانیندا دا، بو سعیلری، مسئولیّتی و ان باشلیجاسی، تاریخی کئچمیشه گؤستریلن درین احترامی، آیدین شکیلده گؤرمک، مومکوندور.
رومانین مؤلیفی -آذربایجان یازیچیسی سونا عبّاسعلیقیزی(ایسماییلاووا) تاریخی حقیقتلری دریندن دویدوغونو اثرین گئدیشینده اوخوجویا حیسّ ائتدیریر. آذربایجان کلاسیک پوئزییاسینین گؤرکملی نمایندهلریندن بیری اولان، خاقانی شیروانی حاقیندا بحث ائدن بو رومان، اؤز بدیعی حقیقتی ایله ده، دقّته لاییقدیر.
خاقانی شیروانی عصرینده، شیروانشاهلار دؤورونده یارانمیش، اؤزونه مخصوص ادبی محیطین شرق ادبيّاتی تاریخینده مشهور اولان ابو اعلا گنجوی(۱۱۵۹-۱۰۹۶)،
فلکی شیروانی(۱۱۵۷-۱۱۰۷)،
خاقانی شیروانی(۱۱۰۲-۱۱۹۹)،
نظامی گنجوی(۱۱۴۱-۱۲۰۲)،
مهستی گنجوی(۱۰۸۹-۱۱۸۳) کیمی قدرتلی شاعرلر طرفیندن فورمالاشدیریلمیش محیطین پارلاق نمایندهلریندن بیری اولموشدور. شاعرین معاصری امام خلیل خاقانی شیروانینی، سببسیز یئره «سؤز اؤلکهلرینین ولیعهد شاهزادهسی» آدلاندیرمامیشدیر. ایرانلی عالیم ب. فروزانفر ایسه، خاقانی حاقیندا بئله یازیر: «او ائله بیر شاعردیر کی، اؤزونون بؤیوک استعدادی، گوجلو تفکّورو و درین باجاریغی ایله تانیش اولان و اولمایان، اؤیرهندیییمیز و اؤیرنمهدیییمیز معنالاری، سؤز لیباسیندا ایفاده ائتمک گوجونه مالک ایدی. اونون گوجونو هر بیر قصیدهسیندهکی اورژینال معنالاری چاتدیرماق باجاریغیندان و فرقلی معنالاری سؤزه تابع ائتدیرمهسیندن گؤرمک مومکوندور».
خاقانی آدی ایله تانینان ابراهیم افضلالدّین، آذربایجانین شیروان بؤلگهسینده دونیایا گلمیشدیر. آتاسی ساده دولگر اولموشدور. گنج ابراهیمدهکی استعدادی، عمیسی میرزه کفیّالدّین سئزهرک، اونون تربیهسینه خصوصی دقت یئتیریر. آرتیق شاعر کیمی تانینماغا باشلایان ابراهیم شیروانشاهین سارایینا دعوت اولونور.
«سؤز خاقانی» رومانیندا، ابراهیمین اون سککیز یاشیندا سارایا گلیشیندن سونراکی حیات یولو، آردیجیللیقلا قلمه آلینمیشدیر. سارایدا اونون غزللریندن ممنون قالان شیروانشاه «منوچهر حقایقی» تخلّوصو ایله تانینان گنج شاعره، خاقانی تخلّوصونو وئریر.
اثرین باشلانغیجیندا ابراهیم افضالدّین خاقانی ایله اونو سارایا یولا سالان عمیسی آراسیندا باش وئرن دیالوقدا، شاعرین دوغرولوغا مئییللی کاراکتئری، آیدین سئزیلیر. عمیسینین شیروانشاها مدحيّهلر یازاراق «استعدادینی گؤسترهجکسن دئیه دوشونورم» سؤزلرینه جاواب اولاراق، او بئله دئییر: «آمّا من، هر حالدا، حاقسیز موکافاتدان چوخ، عدالتلی جزانی اوستون توتورام، اوستهلیک، قیلینج آدامی ایله قلم آدامی آراسینداکی موناسیبتلرده، صمیمیّت کؤرپوسونون دایاقلاری، هر آن اوچا بیلر... ائله چییرتکه ایله تیسباغا حاقیندا اولان حئکایهدهکی کیمی...» و حقیقتاً ده، سونرالار «قیلینج و قلم» اهلی آراسینداکی موناسیبتلر فرقلی استقامت آلیر. سارای خاقانییا دار گلیر، قلبی آزادلیق ایستهییر، بوش یئره یازمامیشدی: «آزادلیقدان گؤزل نعمت یوخدور».
اثرده خاقانینین، ابن سینانین فلسفهسینه ماراغی، کمالا چاتماق یولونداکی صوفی آختاریشلاری، آردیجیللیقلا تصویر اولونور، اوخوجودا شیروانین ادبی محیطی حاقیندا پارلاق تصوّر فورمالاشیر. خاقانینین اوستادی دؤورون «ملکالشعراسی» ابو اعلا گنجوی، دوستو فلکی شیروانی و سارای اهلی ایله مناسیبتلری ده شاعرین کاراکتئرینین آچیلماسیندا موهوم رول اویناییر. اونون، بعضا اطرافداکی انسانلارا سرت مناسیبتی، مختلیف سیتواسییالارا(وضعیت، موقعیت، حالت) دوشمهسی و بوتون بونلارین تأثیریندن، نئجه روحاً سارسیلماسی ایناندیریجی شکیلده گؤستریلمیشدیر.
روماندا، خاقانینین غزللریندن، یئرینده و اوغورلو شکیلده استیفاده ائدیلمیشدیر. اونون روحی حالی، غزللرینین یازیلماسینا سبب اولان حادثهلر، اوغورلا تقدیم اولونموش، یعنی خاقانینین کاراکتئری، اونون اثرلری واسطهسیله، داها آیدین درک اولونموشدور.
آدهامبئک عالیمبئکوو
کوچورن:ویدا حشمتی
حاضیرلایان:ادبیات سئونلر
ملّتینی سئون، اونون کمالینی ایستهین یازیچی، تاریخی موضوعیا مراجعت ائدرکن، کئچمیشده باش وئرمیش حادثهلری بدیعی حقیقته چئویرهرک، معاصرلرینی، همین دؤورون محیطی بؤیوک تاریخی شخصیّتلرین حیاتی ایله تانیش ائتمهیه چالیشیر. بو ایشه بؤیوک مسئولیّتله یاناشیر، سایسیز-حسابسیز تاریخی منبعلری، فاکتلاری آراشدیریر و بو فاکتلاری تحریف ائتمهدن، یوکسک بدیعی سويیهده اوخوجویا چاتدیرماغا جان آتیر.
«شرق اولدوزو» ژورنالینین ۲۰۲۴-جو ایل ۶-۷-جی سایلاریندا نشر اولونموش، تانینمیش یازیچی دیلآرام عبدالراحمنقیزی طرفیندن، آذربایجان دیلیندن اؤزبکجهیه، اوغورلا ترجمه ائدیلمیش «سؤز خاقانی» تاریخی رومانیندا دا، بو سعیلری، مسئولیّتی و ان باشلیجاسی، تاریخی کئچمیشه گؤستریلن درین احترامی، آیدین شکیلده گؤرمک، مومکوندور.
رومانین مؤلیفی -آذربایجان یازیچیسی سونا عبّاسعلیقیزی(ایسماییلاووا) تاریخی حقیقتلری دریندن دویدوغونو اثرین گئدیشینده اوخوجویا حیسّ ائتدیریر. آذربایجان کلاسیک پوئزییاسینین گؤرکملی نمایندهلریندن بیری اولان، خاقانی شیروانی حاقیندا بحث ائدن بو رومان، اؤز بدیعی حقیقتی ایله ده، دقّته لاییقدیر.
خاقانی شیروانی عصرینده، شیروانشاهلار دؤورونده یارانمیش، اؤزونه مخصوص ادبی محیطین شرق ادبيّاتی تاریخینده مشهور اولان ابو اعلا گنجوی(۱۱۵۹-۱۰۹۶)،
فلکی شیروانی(۱۱۵۷-۱۱۰۷)،
خاقانی شیروانی(۱۱۰۲-۱۱۹۹)،
نظامی گنجوی(۱۱۴۱-۱۲۰۲)،
مهستی گنجوی(۱۰۸۹-۱۱۸۳) کیمی قدرتلی شاعرلر طرفیندن فورمالاشدیریلمیش محیطین پارلاق نمایندهلریندن بیری اولموشدور. شاعرین معاصری امام خلیل خاقانی شیروانینی، سببسیز یئره «سؤز اؤلکهلرینین ولیعهد شاهزادهسی» آدلاندیرمامیشدیر. ایرانلی عالیم ب. فروزانفر ایسه، خاقانی حاقیندا بئله یازیر: «او ائله بیر شاعردیر کی، اؤزونون بؤیوک استعدادی، گوجلو تفکّورو و درین باجاریغی ایله تانیش اولان و اولمایان، اؤیرهندیییمیز و اؤیرنمهدیییمیز معنالاری، سؤز لیباسیندا ایفاده ائتمک گوجونه مالک ایدی. اونون گوجونو هر بیر قصیدهسیندهکی اورژینال معنالاری چاتدیرماق باجاریغیندان و فرقلی معنالاری سؤزه تابع ائتدیرمهسیندن گؤرمک مومکوندور».
خاقانی آدی ایله تانینان ابراهیم افضلالدّین، آذربایجانین شیروان بؤلگهسینده دونیایا گلمیشدیر. آتاسی ساده دولگر اولموشدور. گنج ابراهیمدهکی استعدادی، عمیسی میرزه کفیّالدّین سئزهرک، اونون تربیهسینه خصوصی دقت یئتیریر. آرتیق شاعر کیمی تانینماغا باشلایان ابراهیم شیروانشاهین سارایینا دعوت اولونور.
«سؤز خاقانی» رومانیندا، ابراهیمین اون سککیز یاشیندا سارایا گلیشیندن سونراکی حیات یولو، آردیجیللیقلا قلمه آلینمیشدیر. سارایدا اونون غزللریندن ممنون قالان شیروانشاه «منوچهر حقایقی» تخلّوصو ایله تانینان گنج شاعره، خاقانی تخلّوصونو وئریر.
اثرین باشلانغیجیندا ابراهیم افضالدّین خاقانی ایله اونو سارایا یولا سالان عمیسی آراسیندا باش وئرن دیالوقدا، شاعرین دوغرولوغا مئییللی کاراکتئری، آیدین سئزیلیر. عمیسینین شیروانشاها مدحيّهلر یازاراق «استعدادینی گؤسترهجکسن دئیه دوشونورم» سؤزلرینه جاواب اولاراق، او بئله دئییر: «آمّا من، هر حالدا، حاقسیز موکافاتدان چوخ، عدالتلی جزانی اوستون توتورام، اوستهلیک، قیلینج آدامی ایله قلم آدامی آراسینداکی موناسیبتلرده، صمیمیّت کؤرپوسونون دایاقلاری، هر آن اوچا بیلر... ائله چییرتکه ایله تیسباغا حاقیندا اولان حئکایهدهکی کیمی...» و حقیقتاً ده، سونرالار «قیلینج و قلم» اهلی آراسینداکی موناسیبتلر فرقلی استقامت آلیر. سارای خاقانییا دار گلیر، قلبی آزادلیق ایستهییر، بوش یئره یازمامیشدی: «آزادلیقدان گؤزل نعمت یوخدور».
اثرده خاقانینین، ابن سینانین فلسفهسینه ماراغی، کمالا چاتماق یولونداکی صوفی آختاریشلاری، آردیجیللیقلا تصویر اولونور، اوخوجودا شیروانین ادبی محیطی حاقیندا پارلاق تصوّر فورمالاشیر. خاقانینین اوستادی دؤورون «ملکالشعراسی» ابو اعلا گنجوی، دوستو فلکی شیروانی و سارای اهلی ایله مناسیبتلری ده شاعرین کاراکتئرینین آچیلماسیندا موهوم رول اویناییر. اونون، بعضا اطرافداکی انسانلارا سرت مناسیبتی، مختلیف سیتواسییالارا(وضعیت، موقعیت، حالت) دوشمهسی و بوتون بونلارین تأثیریندن، نئجه روحاً سارسیلماسی ایناندیریجی شکیلده گؤستریلمیشدیر.
روماندا، خاقانینین غزللریندن، یئرینده و اوغورلو شکیلده استیفاده ائدیلمیشدیر. اونون روحی حالی، غزللرینین یازیلماسینا سبب اولان حادثهلر، اوغورلا تقدیم اولونموش، یعنی خاقانینین کاراکتئری، اونون اثرلری واسطهسیله، داها آیدین درک اولونموشدور.
Telegram
ادبیات سئونلر
بوکانال ادبیات سئونلر قوروپونون سئچیلمیش اثرلری دیر
کانالدا کی یازیلاری کانالین لینکینی وئرمک شرطی ایله پایلاشماق اولار.
کانالدا کی یازیلاری کانالین لینکینی وئرمک شرطی ایله پایلاشماق اولار.
اثرلرینده، دؤورونون سوسیال پروبلئملرینی عکس ائتدیرن خاقانی، انسان قلبیندهکی مختلیف دویغولاری، دریندن ایفاده ائتمیش، جمعيّتدهکی قصورلاری گؤستره بیلمیشدیر. رومانی اوخودوقجا، بونو حیسّ ائتمک مومکوندور. مثلا:
«من هئچ واخت آدیملا
اؤیونمهمیش خاقانییم.
آجلیق و یوخسوللوق ایچیندهیم،
من اصلینده خالق آنییم»
بو مصراعلاردا تجسّم ائدن شاعر اوبرازینی یارادارکن، یازیچی یئرینی دوزگون سئچمیش و او دؤورده تورک دیلینه -یعنی آنا دیلینه مناسبتین نئجه اولدوغونو دا دولاییسی ایله ایفاده ائتمیشدیر: «هه باخ، اوّلجه، اصل تورکجه آددیر. آمّا چوخ تأسف کی، بیز شیروانین مرکزینده هله ده آنا دیلیمیزده یازیب، یارادا بیلمیریک...» فلکینین بو سؤزلری کئچمیش سووئت رئژیمی دؤوروندهکی بعضی حاللاری خاطیرلادیر، دیل صافلیغی اوغروندا مبارزهنین دایم موجود اولدوغونو بیر داها خاطیرلادیر.
روماندا، شاعردن ایدهآل قهرمان اوبرازی یارادیلمامیش، اونون انسان کیمی ضعیف جهتلری ده گؤستریلمیشدیر، خصوصیله قاییناتاسی، ابو اعلا گنجوی و حیات یولداشی ایله اولان بعضی صحنهلر بونو ثبوت ائدیر. خاقانینین حیات یولداشینی و اوغلونو ایتیردییی دؤوردهکی پسیکولوژی وضعيّتی اونلارین واختسیز اؤلومو سببیله چکدییی اضطراب، اوخوجونون قلبینی سارسیدیر.
«سؤزون خاقانی»ندا خاقانینین سفرلری زامانی، تصویر اولونان منظرهلر واسطهسیله همین دؤورون اجتماعی محیطی ده بدیعی شکیلده عکس اولونموشدور. بو دا رومانین باشقا بیر اوستونلویودور. طبیعت تصویرلریندن توتموش، روح حالینین درینلیکلرینه قدر، اینجهلیکله توخونولان بو اثر، اوخوناقلیلیغینی محض بو سببدن قازانمیشدیر.
خاقانی کیمی بیر شاعرین بوتون خصوصيّتلرینی و حیات یولونو حجمی او قدر ده بؤیوک اولمایان بیر روماندا، تام شکیلده عکس ائتدیرمک البته کی، چتیندیر. بونا گؤره ده مؤلف بعضا تصویره، بعضا ده معلومات وئریجی تقدیماتا اوستونلوک وئرهرک اوخوجویا داها چوخ بیلیک چاتدیرماغا چالیشمیشدیر. بو جور کیچیک نقصانلارا باخمایاراق، رومان، خاقانینین اوبرازینی بوتؤولوکده جانلاندیرا بیلمیشدیر.
«سؤز خاقانی» تکجه اوخوجونو خاقانینین حیاتی و یارادیجیلیغی ایله تانیش ائتمکله قالمیر، عینی زاماندا اؤزبک ادبيّاتینی یئنی بیر ترجمه اثریایله زنگینلشدیرمهسی ایله ده سئویندیریجیدیر و بو فاکت اؤزبک-آذربایجان ادبی علاقهلرینین داواملی اینکیشافیندان خبر وئریر.
https://t.me/Adabiyyatsevanlar
«من هئچ واخت آدیملا
اؤیونمهمیش خاقانییم.
آجلیق و یوخسوللوق ایچیندهیم،
من اصلینده خالق آنییم»
بو مصراعلاردا تجسّم ائدن شاعر اوبرازینی یارادارکن، یازیچی یئرینی دوزگون سئچمیش و او دؤورده تورک دیلینه -یعنی آنا دیلینه مناسبتین نئجه اولدوغونو دا دولاییسی ایله ایفاده ائتمیشدیر: «هه باخ، اوّلجه، اصل تورکجه آددیر. آمّا چوخ تأسف کی، بیز شیروانین مرکزینده هله ده آنا دیلیمیزده یازیب، یارادا بیلمیریک...» فلکینین بو سؤزلری کئچمیش سووئت رئژیمی دؤوروندهکی بعضی حاللاری خاطیرلادیر، دیل صافلیغی اوغروندا مبارزهنین دایم موجود اولدوغونو بیر داها خاطیرلادیر.
روماندا، شاعردن ایدهآل قهرمان اوبرازی یارادیلمامیش، اونون انسان کیمی ضعیف جهتلری ده گؤستریلمیشدیر، خصوصیله قاییناتاسی، ابو اعلا گنجوی و حیات یولداشی ایله اولان بعضی صحنهلر بونو ثبوت ائدیر. خاقانینین حیات یولداشینی و اوغلونو ایتیردییی دؤوردهکی پسیکولوژی وضعيّتی اونلارین واختسیز اؤلومو سببیله چکدییی اضطراب، اوخوجونون قلبینی سارسیدیر.
«سؤزون خاقانی»ندا خاقانینین سفرلری زامانی، تصویر اولونان منظرهلر واسطهسیله همین دؤورون اجتماعی محیطی ده بدیعی شکیلده عکس اولونموشدور. بو دا رومانین باشقا بیر اوستونلویودور. طبیعت تصویرلریندن توتموش، روح حالینین درینلیکلرینه قدر، اینجهلیکله توخونولان بو اثر، اوخوناقلیلیغینی محض بو سببدن قازانمیشدیر.
خاقانی کیمی بیر شاعرین بوتون خصوصيّتلرینی و حیات یولونو حجمی او قدر ده بؤیوک اولمایان بیر روماندا، تام شکیلده عکس ائتدیرمک البته کی، چتیندیر. بونا گؤره ده مؤلف بعضا تصویره، بعضا ده معلومات وئریجی تقدیماتا اوستونلوک وئرهرک اوخوجویا داها چوخ بیلیک چاتدیرماغا چالیشمیشدیر. بو جور کیچیک نقصانلارا باخمایاراق، رومان، خاقانینین اوبرازینی بوتؤولوکده جانلاندیرا بیلمیشدیر.
«سؤز خاقانی» تکجه اوخوجونو خاقانینین حیاتی و یارادیجیلیغی ایله تانیش ائتمکله قالمیر، عینی زاماندا اؤزبک ادبيّاتینی یئنی بیر ترجمه اثریایله زنگینلشدیرمهسی ایله ده سئویندیریجیدیر و بو فاکت اؤزبک-آذربایجان ادبی علاقهلرینین داواملی اینکیشافیندان خبر وئریر.
https://t.me/Adabiyyatsevanlar
Telegram
ادبیات سئونلر
بوکانال ادبیات سئونلر قوروپونون سئچیلمیش اثرلری دیر
کانالدا کی یازیلاری کانالین لینکینی وئرمک شرطی ایله پایلاشماق اولار.
کانالدا کی یازیلاری کانالین لینکینی وئرمک شرطی ایله پایلاشماق اولار.
Forwarded from ادبیات سئونلر
✅✅✅سایین قوروپداشلار
چرشنبه گونلری ادبیات سئونلر قروپوندا یالنیز نثر یازیلارین پایلاشیریق .
https://t.me/Adabiyyatsevanlar
چرشنبه گونلری ادبیات سئونلر قروپوندا یالنیز نثر یازیلارین پایلاشیریق .
https://t.me/Adabiyyatsevanlar
«شکوه آنا» ابدیته قوووشدو. خاطیرهسی عزیز!
چوخ تاسفله بوگون- اردیبهشت آیینین اوچونجو گونو- آذربایجانین یورولماز ادبیات خادمی و «صابر ادبی انجومنی»نین قدیمی عضوی «شکوفه وطنخواه» (شکوه آنا) تهرانین یاخینلیغیندا یئرلشن یاشادیغی «اندیشه شهرکی»نده ابدیته قوووشدو.
عؤمرونون بؤیوک بیر قیسمینی موباریزهده کئچیرن و سیاسی اجتماعی فعالیتلری اوجباتیندان مدتلر آزادلیقدان محروم ائدیلن «شکوه آنا»، 1317نجی ایلین مهر آیینین 17سینده اردبیل شهرینده دونیایا گلمیش، یئنییئتمهلیک ایللریندن سیاسی اجتماعی فعالیته باشلامیشدیر.
شکوه آنانین خوشبختلیگی اوندا ایدی کی، حیات یولداشی عسگر شکوری (عسگر عمی) ده اونون اؤزو کیمی آزادلیق و اجتماعی عدالت اوغروندا موباریزه آپاران اینسانلاردان و بو یوکسک آمالینی عؤمرونون سونونادک قورویوب ساخلایان شخصیتلردن ایدی.
آزادلیق وورغونو اولان بو ایکی صمیمی اینسانین ائوی ایللرله آذربایجانلیلارین ادبی تدبیرلرینین کئچیریلدیگی مکان اولموشدور. اونلار تهران شهرینده «صابر ادبی انجومنی»نین یارادیلدیغی ایلک گونلردن بو ادبی انجومنین چرچیوهسینده یورولمازجاسینا فعالیت گؤسترمیشلر.
شکوه آنانین ادبی فعالیتی دؤرونده اونون امهیی سایهسینده «رسول رضا»نین «گونو گونه جالاسان»، «صمد وورغون»ون «سئچیلمیش اثرلری» و «پیشهورینین خاطیرهلری- فارسجایا ترجمه» کیتابلاری ترتیب ائدیلیب و یاییلمیشدیر. بونلارلا یاناشی، حیات یولداشی «عسگر عمی»نین معاصر ایشچی حرکاتی تاریخیندن بحث ائدهن خاطیره و یادداشلارینی دا ترتیب ائتمیشدیر.
بو زحمتکش و تواضعکار اینسانین خالقینا و بشری ایدئاللارا اولان صمیمیتی، فداکارلیغی و محبتی اونودولمازدیر. بیز آذربایجان ادبی انجومن و درگیلری «شکوه آنا»نین ایتگیسینی اونون حؤرمتلی عائلهسینه، دوست تانیشلارینا و یولداشلارینا باش ساغلیغی وئریر، خاطیرهسینی احتراملا یاد ائدیریک. عشق اولسون عزیز و شرفلی خاطیرهسینه.
ادبیات سئونلر گروهو ایشیق- آذربایجان ادبیات و اینجه صنعت سایتی
03/02/1404
----------------------------------------------------------------------
شکوه آنانین جنازهسی پنجشنبه گونو آشاغیداکی عنوانلاردا مشایعت اولوب و تورپاغا تاپشیریلاجاق:
تشییع جنازه: شهریار – خادم آباد(باغستان)- لاله ششم اصلی – پلاک 20 – ساعت 10 صبح
خاکسپاری: تهران- بهشت زهرا- قطعه 242- ردیف 69- شماره 28
https://t.me/Adabiyyatsevanlar
چوخ تاسفله بوگون- اردیبهشت آیینین اوچونجو گونو- آذربایجانین یورولماز ادبیات خادمی و «صابر ادبی انجومنی»نین قدیمی عضوی «شکوفه وطنخواه» (شکوه آنا) تهرانین یاخینلیغیندا یئرلشن یاشادیغی «اندیشه شهرکی»نده ابدیته قوووشدو.
عؤمرونون بؤیوک بیر قیسمینی موباریزهده کئچیرن و سیاسی اجتماعی فعالیتلری اوجباتیندان مدتلر آزادلیقدان محروم ائدیلن «شکوه آنا»، 1317نجی ایلین مهر آیینین 17سینده اردبیل شهرینده دونیایا گلمیش، یئنییئتمهلیک ایللریندن سیاسی اجتماعی فعالیته باشلامیشدیر.
شکوه آنانین خوشبختلیگی اوندا ایدی کی، حیات یولداشی عسگر شکوری (عسگر عمی) ده اونون اؤزو کیمی آزادلیق و اجتماعی عدالت اوغروندا موباریزه آپاران اینسانلاردان و بو یوکسک آمالینی عؤمرونون سونونادک قورویوب ساخلایان شخصیتلردن ایدی.
آزادلیق وورغونو اولان بو ایکی صمیمی اینسانین ائوی ایللرله آذربایجانلیلارین ادبی تدبیرلرینین کئچیریلدیگی مکان اولموشدور. اونلار تهران شهرینده «صابر ادبی انجومنی»نین یارادیلدیغی ایلک گونلردن بو ادبی انجومنین چرچیوهسینده یورولمازجاسینا فعالیت گؤسترمیشلر.
شکوه آنانین ادبی فعالیتی دؤرونده اونون امهیی سایهسینده «رسول رضا»نین «گونو گونه جالاسان»، «صمد وورغون»ون «سئچیلمیش اثرلری» و «پیشهورینین خاطیرهلری- فارسجایا ترجمه» کیتابلاری ترتیب ائدیلیب و یاییلمیشدیر. بونلارلا یاناشی، حیات یولداشی «عسگر عمی»نین معاصر ایشچی حرکاتی تاریخیندن بحث ائدهن خاطیره و یادداشلارینی دا ترتیب ائتمیشدیر.
بو زحمتکش و تواضعکار اینسانین خالقینا و بشری ایدئاللارا اولان صمیمیتی، فداکارلیغی و محبتی اونودولمازدیر. بیز آذربایجان ادبی انجومن و درگیلری «شکوه آنا»نین ایتگیسینی اونون حؤرمتلی عائلهسینه، دوست تانیشلارینا و یولداشلارینا باش ساغلیغی وئریر، خاطیرهسینی احتراملا یاد ائدیریک. عشق اولسون عزیز و شرفلی خاطیرهسینه.
ادبیات سئونلر گروهو ایشیق- آذربایجان ادبیات و اینجه صنعت سایتی
03/02/1404
----------------------------------------------------------------------
شکوه آنانین جنازهسی پنجشنبه گونو آشاغیداکی عنوانلاردا مشایعت اولوب و تورپاغا تاپشیریلاجاق:
تشییع جنازه: شهریار – خادم آباد(باغستان)- لاله ششم اصلی – پلاک 20 – ساعت 10 صبح
خاکسپاری: تهران- بهشت زهرا- قطعه 242- ردیف 69- شماره 28
https://t.me/Adabiyyatsevanlar
Telegram
ادبیات سئونلر
بوکانال ادبیات سئونلر قوروپونون سئچیلمیش اثرلری دیر
کانالدا کی یازیلاری کانالین لینکینی وئرمک شرطی ایله پایلاشماق اولار.
کانالدا کی یازیلاری کانالین لینکینی وئرمک شرطی ایله پایلاشماق اولار.
علی رشتبر قاییب
غمدن چپر توخویاجام سؤزومه ،
اود تؤکهجم گوناشیری کؤزومه ،
یوخ اولسام دا ،بیر آن بئله اؤزومه _
گلمهیه جم سنی بیر ده گؤرونجه .
قیرمایینجا بو سئحیری ،طیلسیمی ،
گؤرمهیهجم بوندان بئله هئچ کیمی .
بیر کره ده کیمسه ایله قلبیمی ،
بؤلمهیه جم سنی بیر ده گؤرونجه .
غم چاتسا دا عؤمور بویو قاشیمی ،
قاتمایاجام هئچ نه ایله باشیمی .
گؤزلریمده سئله دؤنن یاشیمی ،
سیلمهیه جم سنی بیر ده گؤرونجه .
غرق اولسام دا مین کدره مین آها ،
چیخماسام دا بیر ایشیقلی صاباحا ،
آند ایچیرم سنی سئون اللها ،
اؤلمهیه جم سنی بیر ده گؤرونجه .
https://t.me/Adabiyyatsevanlar
غمدن چپر توخویاجام سؤزومه ،
اود تؤکهجم گوناشیری کؤزومه ،
یوخ اولسام دا ،بیر آن بئله اؤزومه _
گلمهیه جم سنی بیر ده گؤرونجه .
قیرمایینجا بو سئحیری ،طیلسیمی ،
گؤرمهیهجم بوندان بئله هئچ کیمی .
بیر کره ده کیمسه ایله قلبیمی ،
بؤلمهیه جم سنی بیر ده گؤرونجه .
غم چاتسا دا عؤمور بویو قاشیمی ،
قاتمایاجام هئچ نه ایله باشیمی .
گؤزلریمده سئله دؤنن یاشیمی ،
سیلمهیه جم سنی بیر ده گؤرونجه .
غرق اولسام دا مین کدره مین آها ،
چیخماسام دا بیر ایشیقلی صاباحا ،
آند ایچیرم سنی سئون اللها ،
اؤلمهیه جم سنی بیر ده گؤرونجه .
https://t.me/Adabiyyatsevanlar
Telegram
ادبیات سئونلر
بوکانال ادبیات سئونلر قوروپونون سئچیلمیش اثرلری دیر
کانالدا کی یازیلاری کانالین لینکینی وئرمک شرطی ایله پایلاشماق اولار.
کانالدا کی یازیلاری کانالین لینکینی وئرمک شرطی ایله پایلاشماق اولار.
سحر_خیاوی
آرزولارین قاتیلی!!
کیمدیر کی کابوسومدا گلیر شیت، گوله- گوله؟!
کیمدیر توتور اورهک قوشومو یاغلیجا دیله؟!
کیمدیر دامیزدی کوت پیچاغیندان "سحر" قانی؟!
کیمدیر دانیر آیی، گونَشی، باسدیریر دانی؟!
کیمدیر سویوقلوغوندا آنیمسیر مزارلیقی؟!
کیمدیر عبث بیلیر دورو- آیدین یازارلیقی؟!
کیمدیر طوفان اسیر قورودور باغچا- باغلاری؟!
کیمدیر گؤرهنمهییر اولو، وولقانلی داغلاری؟!
کیمدیر چیچک- چیچک تالاییر کال دیلکلری؟!
کیمدیر کی گؤندریر باغیما چُور کولَکلری؟!
آخ... آخ... تانیشدی کی، بو هَمَن آرزو اوغروسو
اؤلدوردو هر گؤزللیگی منده وَ دوغروسو:
ایللردی کؤنلومو چئویریب دیر مزارلیغا
قاچدیم اورکده قورخو، سیغیندیم یازارلیقا
هر آخشام اوستو حسرتیمی دفتر آغلاییر
هر آخشام اوستو یاش یارامی شعر باغلاییر:
"لایلای چالیم راحات اویویون وای دیلکلریم
قوی آغلاییم اؤزوم سیزی های- های دیلکلریم"
ایز- ایز گزیر منی ، آدیم هر آن دیلینده دیر
چوخدان دیر اؤلموشم وَ توفَنگی الینده دیر!
دانسا، یالان دئییر، پُلیسه تئز چوغوللادین
قاتیل دیر او، اوزون سوره دیر گیزلهدیر آدین!
https://t.me/Adabiyyatsevanlar
آرزولارین قاتیلی!!
کیمدیر کی کابوسومدا گلیر شیت، گوله- گوله؟!
کیمدیر توتور اورهک قوشومو یاغلیجا دیله؟!
کیمدیر دامیزدی کوت پیچاغیندان "سحر" قانی؟!
کیمدیر دانیر آیی، گونَشی، باسدیریر دانی؟!
کیمدیر سویوقلوغوندا آنیمسیر مزارلیقی؟!
کیمدیر عبث بیلیر دورو- آیدین یازارلیقی؟!
کیمدیر طوفان اسیر قورودور باغچا- باغلاری؟!
کیمدیر گؤرهنمهییر اولو، وولقانلی داغلاری؟!
کیمدیر چیچک- چیچک تالاییر کال دیلکلری؟!
کیمدیر کی گؤندریر باغیما چُور کولَکلری؟!
آخ... آخ... تانیشدی کی، بو هَمَن آرزو اوغروسو
اؤلدوردو هر گؤزللیگی منده وَ دوغروسو:
ایللردی کؤنلومو چئویریب دیر مزارلیغا
قاچدیم اورکده قورخو، سیغیندیم یازارلیقا
هر آخشام اوستو حسرتیمی دفتر آغلاییر
هر آخشام اوستو یاش یارامی شعر باغلاییر:
"لایلای چالیم راحات اویویون وای دیلکلریم
قوی آغلاییم اؤزوم سیزی های- های دیلکلریم"
ایز- ایز گزیر منی ، آدیم هر آن دیلینده دیر
چوخدان دیر اؤلموشم وَ توفَنگی الینده دیر!
دانسا، یالان دئییر، پُلیسه تئز چوغوللادین
قاتیل دیر او، اوزون سوره دیر گیزلهدیر آدین!
https://t.me/Adabiyyatsevanlar
صالح سجادی
غزل:
یولدا من زامان یاشادیم یول دا منده یاشسیزلیق
یول اوزوکدو من قاشییام وار گؤزومده قاشسیزلیق
ساغ- سولومدا بوشلوق وار، قالمیشام اؤز آرخامدا
آرخاداشدی یوللاردا، منله آرخاداشسیزلیق
من یولا دوشن گوندن هاردا بیر آغاج گوردوم
قیسقانیر توپوقلاریما اللرینده داشسیزلیق
من دامار_دامار یورقون مقصدیم قیلینج ایدی
بیر آغیر یوک اولموشدو، بوینوم اوسته باشسیزلیق
بیر قوجا دؤیوشچو کیمی، روحومو بئزیکدیردی
بیر زامان باریشسیزلیق، بیر زامان ساواشسیزلیق
بیر عؤمور اورهک اورهیه، تنهالیقلا چیرپیشدیم
سون دوراقدا ییخدی منی، بیر عؤمور هاماشسیزلیق
قالماغا ائلیم واریدی امما سالدی رونقدن
یاسلاری شووَنسیزلیک، تویلاری شاباشسیزلیق
*
سن یولا چیخان آخشام، آرخادان باخیردیم من
اللریمده سنسیزلیک، گؤزلریمده یاشسیزلیق
https://t.me/Adabiyyatsevanlar
غزل:
یولدا من زامان یاشادیم یول دا منده یاشسیزلیق
یول اوزوکدو من قاشییام وار گؤزومده قاشسیزلیق
ساغ- سولومدا بوشلوق وار، قالمیشام اؤز آرخامدا
آرخاداشدی یوللاردا، منله آرخاداشسیزلیق
من یولا دوشن گوندن هاردا بیر آغاج گوردوم
قیسقانیر توپوقلاریما اللرینده داشسیزلیق
من دامار_دامار یورقون مقصدیم قیلینج ایدی
بیر آغیر یوک اولموشدو، بوینوم اوسته باشسیزلیق
بیر قوجا دؤیوشچو کیمی، روحومو بئزیکدیردی
بیر زامان باریشسیزلیق، بیر زامان ساواشسیزلیق
بیر عؤمور اورهک اورهیه، تنهالیقلا چیرپیشدیم
سون دوراقدا ییخدی منی، بیر عؤمور هاماشسیزلیق
قالماغا ائلیم واریدی امما سالدی رونقدن
یاسلاری شووَنسیزلیک، تویلاری شاباشسیزلیق
*
سن یولا چیخان آخشام، آرخادان باخیردیم من
اللریمده سنسیزلیک، گؤزلریمده یاشسیزلیق
https://t.me/Adabiyyatsevanlar
سهراب_سپهری
در فرودست انگار، کفتری میخورد آب
یا که در بیشهی دور، سیرهیی پر میشوید
یا در آبادی، کوزهیی پر میگردد
آب را گل نکنیم
شاید این آب روان میرود پای سپیداری، تا فرو شوید اندوه دلی
دست درویشی شاید نان خشکیده فرو برده در آب
زن زیبایی آمد لب رود
آب را گل نکنیم
روی زیبا دو برابر شده است
چه گوارا این آب
چه زلال این رود
مردم بالادست چه صفایی دارند
چشمههاشان جوشان، گاوهاشان شیرافشان باد
من ندیدم دهشان
بیگمان پای چپرهاشان جا پای خداست
ماهتاب آنجا، میکند روشن پهنای کلام.
بیگمان در ده بالادست، چینهها کوتاه است
مردمش میدانند، که شقایق چه گلی است
بیگمان آنجا آبی، آبی است
غنچهیی میشکفد، اهل ده باخبرند
چه دهی باید باشد
کوچه باغش پر موسیقی باد
مردمان سر رود، آب را میفهمند
گل نکردندش، ما نیز
آب را گل نکنیم
https://t.me/Adabiyyatsevanlar
در فرودست انگار، کفتری میخورد آب
یا که در بیشهی دور، سیرهیی پر میشوید
یا در آبادی، کوزهیی پر میگردد
آب را گل نکنیم
شاید این آب روان میرود پای سپیداری، تا فرو شوید اندوه دلی
دست درویشی شاید نان خشکیده فرو برده در آب
زن زیبایی آمد لب رود
آب را گل نکنیم
روی زیبا دو برابر شده است
چه گوارا این آب
چه زلال این رود
مردم بالادست چه صفایی دارند
چشمههاشان جوشان، گاوهاشان شیرافشان باد
من ندیدم دهشان
بیگمان پای چپرهاشان جا پای خداست
ماهتاب آنجا، میکند روشن پهنای کلام.
بیگمان در ده بالادست، چینهها کوتاه است
مردمش میدانند، که شقایق چه گلی است
بیگمان آنجا آبی، آبی است
غنچهیی میشکفد، اهل ده باخبرند
چه دهی باید باشد
کوچه باغش پر موسیقی باد
مردمان سر رود، آب را میفهمند
گل نکردندش، ما نیز
آب را گل نکنیم
https://t.me/Adabiyyatsevanlar
حسن صفورا
یئر لریمدن چوخ اوزاق دوشدوم
میشووون نه عطری گلیر نه ده اوشقونی
او اوجا داغلاردان چوخ اوزاق دوشدوم
نه سهند گوزه گلیر نه ده ساوالان،بوزقوشون ساری گوللری
آنجاق آراز یادیما دوشور بیرده موغانین او نیسگیلی جیرانی
خیالیمدا گورورم کاظیم داشیندا ائیت اولور دورنالار یوخدی
یئرلریم یادیما دوشور، گووور چشمه سی باهاردا سئلله نیر
دئیللر سریین بیر دلی خانادی، اردبیلدن ائسی سو گلیر
خالخالی دئمه دومان آلتیندا ائتیر،
ایرمی بیر آذر یارالاری ساغالمیر هله
زنجاندا قیزیل اوزن ده قان گئدیر
قیزاریر
تورپاقلاریمی یووور آپاریر
یئرلریم سودا گئدیر
خزری بولوللر اوزگویه
هر یئره باخیرام ائللریمین ائزی وار توزو وار،
اوز اوزونون باشینا فیلانیر
یئرلریمدن چوخ اوزاق دوشدوم
چشمه لر بیر بیر باتیر
قیرخ پیلله لر آوارا باخیر
او بویدا گول سوسوز قالیب قورویور اورومودا
بابک قالاسی بیر شهر اولوب
کلیبرین هوتللری بوش قالیب
آینالی دان سهنده هاوا یوللاری ائزسیز گئدیر
بابا لاریم تاریخیندن کوچور
بالالاریم تاریخسیز قالیر
یرلریم توز اولوب سه پیلیب عالمه
منده بیر آوارا
یریم یوخدی اولمه یه
یرلریمدن چوخ اوزاق دوشدوم
بو بیر اوزون ناغیل دئیل
بیر اوزون تاریخدی یر آلتیندا گیزله نیر
نه یازماقلا قورتولور نه آغلاماق لا
پاس باسیر منی
دئیرم یئرلریمدن چوخ اوزاق دوشدوم
یوخ
یئرسیز قالمیشام
یئرسیز
یئرسیز آدام عاشیق اولماز
من عاشیق اولماق ایستیرم
عاشیق
عاشیق
ینه ده عاشیق
https://t.me/Adabiyyatsevanlar
یئر لریمدن چوخ اوزاق دوشدوم
میشووون نه عطری گلیر نه ده اوشقونی
او اوجا داغلاردان چوخ اوزاق دوشدوم
نه سهند گوزه گلیر نه ده ساوالان،بوزقوشون ساری گوللری
آنجاق آراز یادیما دوشور بیرده موغانین او نیسگیلی جیرانی
خیالیمدا گورورم کاظیم داشیندا ائیت اولور دورنالار یوخدی
یئرلریم یادیما دوشور، گووور چشمه سی باهاردا سئلله نیر
دئیللر سریین بیر دلی خانادی، اردبیلدن ائسی سو گلیر
خالخالی دئمه دومان آلتیندا ائتیر،
ایرمی بیر آذر یارالاری ساغالمیر هله
زنجاندا قیزیل اوزن ده قان گئدیر
قیزاریر
تورپاقلاریمی یووور آپاریر
یئرلریم سودا گئدیر
خزری بولوللر اوزگویه
هر یئره باخیرام ائللریمین ائزی وار توزو وار،
اوز اوزونون باشینا فیلانیر
یئرلریمدن چوخ اوزاق دوشدوم
چشمه لر بیر بیر باتیر
قیرخ پیلله لر آوارا باخیر
او بویدا گول سوسوز قالیب قورویور اورومودا
بابک قالاسی بیر شهر اولوب
کلیبرین هوتللری بوش قالیب
آینالی دان سهنده هاوا یوللاری ائزسیز گئدیر
بابا لاریم تاریخیندن کوچور
بالالاریم تاریخسیز قالیر
یرلریم توز اولوب سه پیلیب عالمه
منده بیر آوارا
یریم یوخدی اولمه یه
یرلریمدن چوخ اوزاق دوشدوم
بو بیر اوزون ناغیل دئیل
بیر اوزون تاریخدی یر آلتیندا گیزله نیر
نه یازماقلا قورتولور نه آغلاماق لا
پاس باسیر منی
دئیرم یئرلریمدن چوخ اوزاق دوشدوم
یوخ
یئرسیز قالمیشام
یئرسیز
یئرسیز آدام عاشیق اولماز
من عاشیق اولماق ایستیرم
عاشیق
عاشیق
ینه ده عاشیق
https://t.me/Adabiyyatsevanlar
Telegram
ادبیات سئونلر
بوکانال ادبیات سئونلر قوروپونون سئچیلمیش اثرلری دیر
کانالدا کی یازیلاری کانالین لینکینی وئرمک شرطی ایله پایلاشماق اولار.
کانالدا کی یازیلاری کانالین لینکینی وئرمک شرطی ایله پایلاشماق اولار.
طالِعیمدن و اورهییمدن کِئچنلر
پروفسور محرّم قاسیملی
(اورخان پاشا)
کؤچوروب، ترتیب ائدن: مجید تیموریفر (م.صفا)
گورکملی بیلگین عئلم خادیمی؛ پروفسور محرًم قاسیملی "اورخان پاشا" ایمضاسی ایله یازدیغی فرهنگی- اجتماعی اثرلر ایچریسینده اونون اوزون ایللردن بَری قَلمه آلدیغی فلسفی- استه تیک دوشونجه لری و گونده لیک قئیدلری، اوخوجولار طرفیندن دیقًت و ماراقلا قارشیلاشمیشدیر. ایستعدادلی قلم صاحیبی و گورکملی فولکلور شوناسین تقدیم اولونان بو اثری، اونون اوخوجولارلا یئددینجی گوروشودور.
***
- تکجه آغاجلار قیش یولچولوغونا اَینی یالین چیخیرلار.
- گئدیر- یئری بوش قالمیر، گلیر- گلدیگی ده هئچ بیلینمیر.
- بوتون اَیری خطلر بیری- بیریندن یان کئچه بیلیر، عوضینده بیر دوز خط اونلارین هامیسینی کسمهیی باجاریر.
- شهید قَبری تورپاغا سانجیلمیش وطن نیداسیدیر! اونون قارشیسیندا آیاق ساخلاییب، سایقی نیداسینا دؤنمهسک، اَییلَر- اَرییَر وطن نیداسی!
- کؤرپه تبسّوم ایچینده بختَوَر- بختَوَر قیغیلداییر. حاییف کی،اؤزخوشبختلیگیندن خبرسیزدی. نه واختسا بو خوشبختلیک مقامیندا خبر توتاندا او، بیرداها بئله بختَوَر اولماغی باجارمایاجاق.
- سون زامانلارین تویلاریندا آداملارین اورهیینه و بئیینلرینه یئر یوخدور، مئیدان آنجاق معدهنین و آیاقلاریندیر.
- ایکی آدامین همیشه گؤزو قاپیدا اولور، اونو زیارت ائتمهیه گلنلرین یولونو گؤزلهییر: آغیر خستهلیکدن یورقان- دؤشَهیه دوشَهنین، بیر ده دوستاق اولوب ایللرله حبسده یاتانین.
- قاریشقا اؤزوندن قات- قات بؤیوک بیر یوکو اینسانی حئیرتده قویان شووق و عظمتله چکیب ایرهلی آپاریر. کاش اونون آلین ترینی گؤروب سیلمک مومکون اولایدی...
- یالتاقدی، بو ایشین ائله اوستاسیدیر کی، اؤزونون قویروق بولاماق مهارتیله ان سولَک ایتلری ده کؤلگهده قویا بیلیر.
- دیلیمیزین، روحوموزون یوز ایللر بویوندان بو گونه داشینماسیندا، اورتا باب بیر اوزانین، ائلهجه ده عاشیغین گؤردویو ایش، دیوان ادبیّاتینین ان منم دئیَن شاعیرینین گؤردویو ایشدن قات- قات چوخدور.
- آغاجلار باهاردان آلدیقلاری ایلهامین چیلغین سئوگیسیله چیچکلهنیبلر! قارشیدان گَلن یایین بورکولو( بوغاناقلی هاوا) ایستیسیندن، پاییزین خزان پریشانلیغیندان ائله خبرسیزدیرلر کی... لاپ نه واختسا عؤمرون بیتیب توکَنهیَهجَیینه اینانمایان بختهور اوشاقلار کیمی...
- شؤهرت تانرینین ائله بیر سیرلی ایشیدیر کی، او سنه قیسمتدیرسه، هارا قاچسان دا یئنه دالینجا گلهجک. یوخسا شؤهرته دوغرو ها دیرمانماق ایسترسن ده، نردیوانین دیبینده قالاجاقسان.
- اورهییمله باش- باشا وئرمهدن هئچ نه یازا بیلمیرم. اونونلا باش- باشا قالماغی ایسه آنجاق اؤزومو تاپاندان- تاپانا باجاریرام.
- چای آخیر... آخیب گئدن سولار یانیندان کئچدیکلری داغلاری، یاماجلاری، آغاجلاری ایلک و سون دَفَه گؤرورلر. عئینی سو، عئینی یئردن تَک بیرجه دَفَه آخا بیلیر آخی! ائله، اینسان عؤمرونون گونلری، آیلاری کیمی...
- اوغوز- تورکمن بابالاریمیز بوگون بیزلری گؤرسهلر، یعقین کی، تانیییب یاخین دورمازلاردی. ائله بیز ده اونلاری. آمان آلله، بوقَدَر ده بیری- بیریندن اوزاقلاشماق، یادلاشیب- اؤزگهلشمک اولارمی؟!
- ان داهی، ان درین عئلمی فیکیری ده ساده و آیدین جملهلرله سؤیلهمک مومکوندور. مورکّب، دولاشیق و آنلاشیلماز جملهلر ایشلتمک تفکّورون قاریشیق و آیدین اولماماسی ایله باغلی دیر.
https://t.me/Adabiyyatsevanlar
پروفسور محرّم قاسیملی
(اورخان پاشا)
کؤچوروب، ترتیب ائدن: مجید تیموریفر (م.صفا)
گورکملی بیلگین عئلم خادیمی؛ پروفسور محرًم قاسیملی "اورخان پاشا" ایمضاسی ایله یازدیغی فرهنگی- اجتماعی اثرلر ایچریسینده اونون اوزون ایللردن بَری قَلمه آلدیغی فلسفی- استه تیک دوشونجه لری و گونده لیک قئیدلری، اوخوجولار طرفیندن دیقًت و ماراقلا قارشیلاشمیشدیر. ایستعدادلی قلم صاحیبی و گورکملی فولکلور شوناسین تقدیم اولونان بو اثری، اونون اوخوجولارلا یئددینجی گوروشودور.
***
- تکجه آغاجلار قیش یولچولوغونا اَینی یالین چیخیرلار.
- گئدیر- یئری بوش قالمیر، گلیر- گلدیگی ده هئچ بیلینمیر.
- بوتون اَیری خطلر بیری- بیریندن یان کئچه بیلیر، عوضینده بیر دوز خط اونلارین هامیسینی کسمهیی باجاریر.
- شهید قَبری تورپاغا سانجیلمیش وطن نیداسیدیر! اونون قارشیسیندا آیاق ساخلاییب، سایقی نیداسینا دؤنمهسک، اَییلَر- اَرییَر وطن نیداسی!
- کؤرپه تبسّوم ایچینده بختَوَر- بختَوَر قیغیلداییر. حاییف کی،اؤزخوشبختلیگیندن خبرسیزدی. نه واختسا بو خوشبختلیک مقامیندا خبر توتاندا او، بیرداها بئله بختَوَر اولماغی باجارمایاجاق.
- سون زامانلارین تویلاریندا آداملارین اورهیینه و بئیینلرینه یئر یوخدور، مئیدان آنجاق معدهنین و آیاقلاریندیر.
- ایکی آدامین همیشه گؤزو قاپیدا اولور، اونو زیارت ائتمهیه گلنلرین یولونو گؤزلهییر: آغیر خستهلیکدن یورقان- دؤشَهیه دوشَهنین، بیر ده دوستاق اولوب ایللرله حبسده یاتانین.
- قاریشقا اؤزوندن قات- قات بؤیوک بیر یوکو اینسانی حئیرتده قویان شووق و عظمتله چکیب ایرهلی آپاریر. کاش اونون آلین ترینی گؤروب سیلمک مومکون اولایدی...
- یالتاقدی، بو ایشین ائله اوستاسیدیر کی، اؤزونون قویروق بولاماق مهارتیله ان سولَک ایتلری ده کؤلگهده قویا بیلیر.
- دیلیمیزین، روحوموزون یوز ایللر بویوندان بو گونه داشینماسیندا، اورتا باب بیر اوزانین، ائلهجه ده عاشیغین گؤردویو ایش، دیوان ادبیّاتینین ان منم دئیَن شاعیرینین گؤردویو ایشدن قات- قات چوخدور.
- آغاجلار باهاردان آلدیقلاری ایلهامین چیلغین سئوگیسیله چیچکلهنیبلر! قارشیدان گَلن یایین بورکولو( بوغاناقلی هاوا) ایستیسیندن، پاییزین خزان پریشانلیغیندان ائله خبرسیزدیرلر کی... لاپ نه واختسا عؤمرون بیتیب توکَنهیَهجَیینه اینانمایان بختهور اوشاقلار کیمی...
- شؤهرت تانرینین ائله بیر سیرلی ایشیدیر کی، او سنه قیسمتدیرسه، هارا قاچسان دا یئنه دالینجا گلهجک. یوخسا شؤهرته دوغرو ها دیرمانماق ایسترسن ده، نردیوانین دیبینده قالاجاقسان.
- اورهییمله باش- باشا وئرمهدن هئچ نه یازا بیلمیرم. اونونلا باش- باشا قالماغی ایسه آنجاق اؤزومو تاپاندان- تاپانا باجاریرام.
- چای آخیر... آخیب گئدن سولار یانیندان کئچدیکلری داغلاری، یاماجلاری، آغاجلاری ایلک و سون دَفَه گؤرورلر. عئینی سو، عئینی یئردن تَک بیرجه دَفَه آخا بیلیر آخی! ائله، اینسان عؤمرونون گونلری، آیلاری کیمی...
- اوغوز- تورکمن بابالاریمیز بوگون بیزلری گؤرسهلر، یعقین کی، تانیییب یاخین دورمازلاردی. ائله بیز ده اونلاری. آمان آلله، بوقَدَر ده بیری- بیریندن اوزاقلاشماق، یادلاشیب- اؤزگهلشمک اولارمی؟!
- ان داهی، ان درین عئلمی فیکیری ده ساده و آیدین جملهلرله سؤیلهمک مومکوندور. مورکّب، دولاشیق و آنلاشیلماز جملهلر ایشلتمک تفکّورون قاریشیق و آیدین اولماماسی ایله باغلی دیر.
https://t.me/Adabiyyatsevanlar
Telegram
ادبیات سئونلر
بوکانال ادبیات سئونلر قوروپونون سئچیلمیش اثرلری دیر
کانالدا کی یازیلاری کانالین لینکینی وئرمک شرطی ایله پایلاشماق اولار.
کانالدا کی یازیلاری کانالین لینکینی وئرمک شرطی ایله پایلاشماق اولار.
یازماق اوچون داریخمیشام
همت شهبازی
بلکه ده دونیادا گلهجک نسیل اوچون بیر سیرا گویاکی مکتوبلاشمیش اوخوجوسوز کیتابلار قویان تکجه ملت بیزیک. دونیانین اکثر دیللرینده یازیلان هر بیر اثر، ایلک اؤنجه یاشادیغی چاغین اوخوجو نسلینی نظره آلاراق یازیرلار. بیزده ایسه بونون عکسی اولور. چاغیمیزین اوخوجوسو، واختیندا اوخومادیغی اوچون هارداسا بیرگون اؤز دیلینده اوخویان بیر ملت اولاجاغیق دئیه اثرلر اورتایا قویوروق. یئنه بو حاقدا دونیادا نادر اولان بیر ملت بلکه ده بیزیک
بو یازینین آردینی ادبیات سئونلر کانالیندا اوخویون.
https://t.me/Adabiyyatsevanlar
همت شهبازی
بلکه ده دونیادا گلهجک نسیل اوچون بیر سیرا گویاکی مکتوبلاشمیش اوخوجوسوز کیتابلار قویان تکجه ملت بیزیک. دونیانین اکثر دیللرینده یازیلان هر بیر اثر، ایلک اؤنجه یاشادیغی چاغین اوخوجو نسلینی نظره آلاراق یازیرلار. بیزده ایسه بونون عکسی اولور. چاغیمیزین اوخوجوسو، واختیندا اوخومادیغی اوچون هارداسا بیرگون اؤز دیلینده اوخویان بیر ملت اولاجاغیق دئیه اثرلر اورتایا قویوروق. یئنه بو حاقدا دونیادا نادر اولان بیر ملت بلکه ده بیزیک
بو یازینین آردینی ادبیات سئونلر کانالیندا اوخویون.
https://t.me/Adabiyyatsevanlar
یازماق اوچون داریخمیشام
همت شهبازی
بلکه ده دونیادا گلهجک نسیل اوچون بیر سیرا گویاکی مکتوبلاشمیش اوخوجوسوز کیتابلار قویان تکجه ملت بیزیک. دونیانین اکثر دیللرینده یازیلان هر بیر اثر، ایلک اؤنجه یاشادیغی چاغین اوخوجو نسلینی نظره آلاراق یازیرلار. بیزده ایسه بونون عکسی اولور. چاغیمیزین اوخوجوسو، واختیندا اوخومادیغی اوچون هارداسا بیرگون اؤز دیلینده اوخویان بیر ملت اولاجاغیق دئیه اثرلر اورتایا قویوروق. یئنه بو حاقدا دونیادا نادر اولان بیر ملت بلکه ده بیزیک.
.
«بیز یالنیز اؤز معاصرلریمیزی تانییریق» (#اومبئرتوـائکو). بو سؤزده معین گئرچکلیک اولماسینا باخمایاراق، بیزیم یازیچیلیق شرایطیمیز معین معنادا اؤزوموزدن آسیلی اولمادیغی کیمی، اوخوجولوق شرایطیمیز ده بونا تایدیر. بیز هئچ، معاصریمیزی ده تانیمیریق. هله بلکه یازارلاریمیز دریدن-قابیقدان چیخاراق اؤزلرینی دونیانین کیچیک بیر گوشهسینده سیخیلیب قالماقلارینی بیلهرک یئنه ده دیل عشقینه، یورد عشقینه، ملت عشقینه، نهبیلیم هر نهیین عشقینه اولماسینی نظره آلماقلا یازیب یارادیرلار. یئنه ده دونیادا بلکه ده بیزیمکیلر یگانه یازارلاردیرلارکی اوخوجولاری اولمایاجاغینی بیلهرک یازیرلار. فداکارلیق نئجه اولارمی؟
آنجاق اومبئرتو ائکویا سوال وئرمک اولار: سنین دئدیین چاغداش اوخوجو، بیزیم دئدییمیز چاغداش اوخوجو ایله برابر امکانلاردان فایدالانا بیلمیر. دانیشدیغی دیلینی، یازی اوزرینده اوخویا بیلمیر. چونکی اونا عادت ائتمهییبدیر. تعلیم، گؤرمهییبدیر. تعلیم، تکرار اولماق واسیطهسی ایله اؤز بهرهسینی وئریر. ائله ائکونون اوخوجوسو اؤزونون تعلیم آلدیغی دیلی تکرار ائتمهسه، او دا بیزیم کیمی «باخار کور» اولاردی. او دا ائله ائکونون یازدیغینی اوخویا بیلمهیهجکدیر. ائکو، بیلمهلیدیرکی دونیادا باخار کور اولان اوخوجو وارسا او دا بیزیک.
.
#اورهانپاموک نوبئل نطقینده آتاسینین اونا اؤزونون یازیلاری، فرانسا ادبیاتیندان ترجمهلری ایله دولو بیر چمداندان دانیشیر. بیر یازیچی اوچون چمدان او قدر ده اؤنملی دئییل. بونو پاریس محیطینی گؤروب، فرانسا ادبیاتیندان تورکجهیه چئویرن پاموکون آتاسی دا یاخشیجا بیلیردی. آهیللیق یاشیناجاق اؤزو ایله گزدیردییی چمدانین ایچینده اونون بؤیوک حسرتی یاشاییردی. اونون ایچینده واختی ایله پاریسده، یالقیزلیغیندا یازدیغی اورهک دؤیونتولری وار ایدی.
هئچ بیر شئی -حتتا یازارلیق لذتی ده بئله- یازینین دینلهییجیسی اولماسی قدر شیرین دئییل. آتاسینین یازدیقلاری ایله عکس حالدا دورماسینی ظن ائدن پاموک، بورادا آتاسی ایله عکس دوشونجهده اولماسینا یانیخیر. اونون یانیخدیغی مسئله بیر یازیچی و شاعیرین ایللرله بوکولوب صاندیق ایچینده قالاراق اوخوجو اوزو گؤرمهمهسیدیر.
بوتون بونلاری اونا گؤره دئییرم کی آرتیق بیزیم ده یازدیقلاریمیز پاموکون آتاسینین چمدانیندا بوکولوب قاتلاری آچیلمایان شعر دفترلرینه بنزهییر. بو قدر «پیچاتدی(= باغلی) پاکاتین باغلی قالماسی» قالان ادبیاتیمیزین دورومو هئچ ده اورهییمجه دئییل. بیز ایللرله یازیلاریمیزلا تک قالیریق. هردن اؤزوموزه اورک-دیرک وئریرککی پاموکون آتاسینین چمدانینداکی دفترلری کیمی هارداسا بیر گون بیزی ده زامانین، تاریخین چورویوب قوجالدیغی چاغیندا اوخویاجاقلار. آنجاق اوندا دونیانین مرکزینده قالان ادبیات، دوردوغو یئرده قالاجاقمی؟ یقین کی یوخ. اوندا دا پاموکون آتاسینین ایللرله گؤزو قنشرینده یازاراق آنجاق پاموک (دینلهییجی) طرفیندن اونا هئچ بیر محل قویمادان آهیللیق دؤورونده او یازیلارا بیر «حسرت قوتوسو» کیمی باخیلاجاغینی دویورام ایندیدن. پاموکون آتاسی بیر هفته سونرا اوتاغا گلدیکده، چمدانین یئریندن ترپندیینی گؤرور. دئمک بیریسی اونو اوخویاجاق. بو حیس اونو دویغولاندیریر. اؤزونو خوشبخت گؤرور و «همیشهکی کیمی گولدو» سؤزو ایله اؤزونو راحاتلاییر. باخ بئلهدیر اوخوجونون یازیچییا وئردییی ان بؤیوک خوشبختلیک.
.
بونلاری بیلهرک یئنه ده یازیرام. اونا گؤرهکی تاریخ بویو یازمادیغیمیزین اوتانجینی یاشاییرام. اوخوماق، یازماق منه ساکیتلشدیریجی بیر هَب کیمیدیر. اونلاری کنارا قویدوقدا هَببین ده تأثیری یوخا چیخیر. سون زامانلار یئنه ده یازماق اوچون داریخمیشام.
قایناق:دوشرگه
https://t.me/Adabiyyatsevanlar
همت شهبازی
بلکه ده دونیادا گلهجک نسیل اوچون بیر سیرا گویاکی مکتوبلاشمیش اوخوجوسوز کیتابلار قویان تکجه ملت بیزیک. دونیانین اکثر دیللرینده یازیلان هر بیر اثر، ایلک اؤنجه یاشادیغی چاغین اوخوجو نسلینی نظره آلاراق یازیرلار. بیزده ایسه بونون عکسی اولور. چاغیمیزین اوخوجوسو، واختیندا اوخومادیغی اوچون هارداسا بیرگون اؤز دیلینده اوخویان بیر ملت اولاجاغیق دئیه اثرلر اورتایا قویوروق. یئنه بو حاقدا دونیادا نادر اولان بیر ملت بلکه ده بیزیک.
.
«بیز یالنیز اؤز معاصرلریمیزی تانییریق» (#اومبئرتوـائکو). بو سؤزده معین گئرچکلیک اولماسینا باخمایاراق، بیزیم یازیچیلیق شرایطیمیز معین معنادا اؤزوموزدن آسیلی اولمادیغی کیمی، اوخوجولوق شرایطیمیز ده بونا تایدیر. بیز هئچ، معاصریمیزی ده تانیمیریق. هله بلکه یازارلاریمیز دریدن-قابیقدان چیخاراق اؤزلرینی دونیانین کیچیک بیر گوشهسینده سیخیلیب قالماقلارینی بیلهرک یئنه ده دیل عشقینه، یورد عشقینه، ملت عشقینه، نهبیلیم هر نهیین عشقینه اولماسینی نظره آلماقلا یازیب یارادیرلار. یئنه ده دونیادا بلکه ده بیزیمکیلر یگانه یازارلاردیرلارکی اوخوجولاری اولمایاجاغینی بیلهرک یازیرلار. فداکارلیق نئجه اولارمی؟
آنجاق اومبئرتو ائکویا سوال وئرمک اولار: سنین دئدیین چاغداش اوخوجو، بیزیم دئدییمیز چاغداش اوخوجو ایله برابر امکانلاردان فایدالانا بیلمیر. دانیشدیغی دیلینی، یازی اوزرینده اوخویا بیلمیر. چونکی اونا عادت ائتمهییبدیر. تعلیم، گؤرمهییبدیر. تعلیم، تکرار اولماق واسیطهسی ایله اؤز بهرهسینی وئریر. ائله ائکونون اوخوجوسو اؤزونون تعلیم آلدیغی دیلی تکرار ائتمهسه، او دا بیزیم کیمی «باخار کور» اولاردی. او دا ائله ائکونون یازدیغینی اوخویا بیلمهیهجکدیر. ائکو، بیلمهلیدیرکی دونیادا باخار کور اولان اوخوجو وارسا او دا بیزیک.
.
#اورهانپاموک نوبئل نطقینده آتاسینین اونا اؤزونون یازیلاری، فرانسا ادبیاتیندان ترجمهلری ایله دولو بیر چمداندان دانیشیر. بیر یازیچی اوچون چمدان او قدر ده اؤنملی دئییل. بونو پاریس محیطینی گؤروب، فرانسا ادبیاتیندان تورکجهیه چئویرن پاموکون آتاسی دا یاخشیجا بیلیردی. آهیللیق یاشیناجاق اؤزو ایله گزدیردییی چمدانین ایچینده اونون بؤیوک حسرتی یاشاییردی. اونون ایچینده واختی ایله پاریسده، یالقیزلیغیندا یازدیغی اورهک دؤیونتولری وار ایدی.
هئچ بیر شئی -حتتا یازارلیق لذتی ده بئله- یازینین دینلهییجیسی اولماسی قدر شیرین دئییل. آتاسینین یازدیقلاری ایله عکس حالدا دورماسینی ظن ائدن پاموک، بورادا آتاسی ایله عکس دوشونجهده اولماسینا یانیخیر. اونون یانیخدیغی مسئله بیر یازیچی و شاعیرین ایللرله بوکولوب صاندیق ایچینده قالاراق اوخوجو اوزو گؤرمهمهسیدیر.
بوتون بونلاری اونا گؤره دئییرم کی آرتیق بیزیم ده یازدیقلاریمیز پاموکون آتاسینین چمدانیندا بوکولوب قاتلاری آچیلمایان شعر دفترلرینه بنزهییر. بو قدر «پیچاتدی(= باغلی) پاکاتین باغلی قالماسی» قالان ادبیاتیمیزین دورومو هئچ ده اورهییمجه دئییل. بیز ایللرله یازیلاریمیزلا تک قالیریق. هردن اؤزوموزه اورک-دیرک وئریرککی پاموکون آتاسینین چمدانینداکی دفترلری کیمی هارداسا بیر گون بیزی ده زامانین، تاریخین چورویوب قوجالدیغی چاغیندا اوخویاجاقلار. آنجاق اوندا دونیانین مرکزینده قالان ادبیات، دوردوغو یئرده قالاجاقمی؟ یقین کی یوخ. اوندا دا پاموکون آتاسینین ایللرله گؤزو قنشرینده یازاراق آنجاق پاموک (دینلهییجی) طرفیندن اونا هئچ بیر محل قویمادان آهیللیق دؤورونده او یازیلارا بیر «حسرت قوتوسو» کیمی باخیلاجاغینی دویورام ایندیدن. پاموکون آتاسی بیر هفته سونرا اوتاغا گلدیکده، چمدانین یئریندن ترپندیینی گؤرور. دئمک بیریسی اونو اوخویاجاق. بو حیس اونو دویغولاندیریر. اؤزونو خوشبخت گؤرور و «همیشهکی کیمی گولدو» سؤزو ایله اؤزونو راحاتلاییر. باخ بئلهدیر اوخوجونون یازیچییا وئردییی ان بؤیوک خوشبختلیک.
.
بونلاری بیلهرک یئنه ده یازیرام. اونا گؤرهکی تاریخ بویو یازمادیغیمیزین اوتانجینی یاشاییرام. اوخوماق، یازماق منه ساکیتلشدیریجی بیر هَب کیمیدیر. اونلاری کنارا قویدوقدا هَببین ده تأثیری یوخا چیخیر. سون زامانلار یئنه ده یازماق اوچون داریخمیشام.
قایناق:دوشرگه
https://t.me/Adabiyyatsevanlar
Telegram
ادبیات سئونلر
بوکانال ادبیات سئونلر قوروپونون سئچیلمیش اثرلری دیر
کانالدا کی یازیلاری کانالین لینکینی وئرمک شرطی ایله پایلاشماق اولار.
کانالدا کی یازیلاری کانالین لینکینی وئرمک شرطی ایله پایلاشماق اولار.
This media is not supported in your browser
VIEW IN TELEGRAM
وطنداش تسلیت
هم وطن تسلیت
بندرعباس باشین ساغ اولسون.
انتظار برسی دقیق و گزارش شفاف از این انفجار ناگوار ودردناک را داریم.
https://t.me/Adabiyyatsevanlar
هم وطن تسلیت
بندرعباس باشین ساغ اولسون.
انتظار برسی دقیق و گزارش شفاف از این انفجار ناگوار ودردناک را داریم.
https://t.me/Adabiyyatsevanlar
رسول جوادی
آغارما ساچلاریم آغارما هله
هله عومروموزون جاوان واختیدی
باهاری خوشلوقلا، ساوان واختیدی
تله سیرسن بونه تاوان واختیدی؟
آغارما ساچلاریم، آغارما هله
یوخ قارا بویاغین اوستونه بویاق
قوی هله حیاتی بیز یاخشی دویاق
قوجالماغا، نه چالیرسان ال -آیاق
آغارما ساچلاریم، آغارما هله
داغلارین باشلارین دوزدو، قار آلار
قیش گلمه سه، بویاق آلماز، قارالار
یاریم گورر سنی رنگی سارالار
آغارما ساچلاریم، آغارما هله
قوجالیق لشگرین چکمه باشیما
منی دوشمن ائتمه یاشاییشیما
داها اوزگه ائتمه، اوز قارداشیما
آغارما ساچلاریم، آغارما هله
ایلک باهاردا، سون باهارتک سارالما
قیش یئتمه میش، ذیروه له نیب، قار، آلما
عومور یولداشیمسان منه عار اولما
آغارما ساچلاریم، آغارما هله
- بهار۱۴۰۴
https://t.me/Adabiyyatsevanlar
آغارما ساچلاریم آغارما هله
هله عومروموزون جاوان واختیدی
باهاری خوشلوقلا، ساوان واختیدی
تله سیرسن بونه تاوان واختیدی؟
آغارما ساچلاریم، آغارما هله
یوخ قارا بویاغین اوستونه بویاق
قوی هله حیاتی بیز یاخشی دویاق
قوجالماغا، نه چالیرسان ال -آیاق
آغارما ساچلاریم، آغارما هله
داغلارین باشلارین دوزدو، قار آلار
قیش گلمه سه، بویاق آلماز، قارالار
یاریم گورر سنی رنگی سارالار
آغارما ساچلاریم، آغارما هله
قوجالیق لشگرین چکمه باشیما
منی دوشمن ائتمه یاشاییشیما
داها اوزگه ائتمه، اوز قارداشیما
آغارما ساچلاریم، آغارما هله
ایلک باهاردا، سون باهارتک سارالما
قیش یئتمه میش، ذیروه له نیب، قار، آلما
عومور یولداشیمسان منه عار اولما
آغارما ساچلاریم، آغارما هله
- بهار۱۴۰۴
https://t.me/Adabiyyatsevanlar
شعر: از سیدعلی صالحی
ترجمه:اکبر آزاد
طغیانِ دختر دریا
تا امروز نتوانستید
مرا به تبعیدِ بیواژه برانید.
من خود به ارادهی خود
از زادگاهِ گرسنگان گریختهام.
و
تا همین امروز
که تنفسِ مُستمرِ آدمی
از آن سویِ مرگ میآید،
من دیوانهوار زندگی کردهام.
من زندهام هنوز،
بیهوده مرا
خلوت نشینِ خانه نخوانید.
من شورشِ مطلقام
در عشقبازیِ نرگس و آزادیِ تمام.
مگر او چه کرده است
که کلماتِ غمگیناش را
تنها در مزامیرِ مردگان میخوانید؟
شما
شاعران را
حتی
از شلیک به شبِ شرور
خلعِ خواب کردهاید.
اما آنها سرانجام
کلماتِ هزار پَردهی خود را
پس خواهند گرفت؛
این خطِ جبرئیل وُ
این هم
نشانِ رسولانِ رویانویس!
چئویرن:اکبر آزاد
دنیز قیزینین عصیانی
بو گونه دک باجارمادینیز
منی سوزجوکسوز سورگونه سورهسینیز
من اؤزوم، اؤز ارادهم له
آجلارین دوغوم یوردوندان قاچمیشام
و
ائله بو گونه دک کی
آردی کسیلمهین آدام نفسی
اؤلومون اؤتهسیندن گلیر
من دلیجهسینه یاشامیشام.
من هله دیرییَم
یئرسیزجه منی
ائوین خلوتینده اوتوران آدلاندیرمایین
من مطلق بیر عصیانچییام
نرگیز ایله اؤزگورلوک سئویشمهسینده تمام
او نه ائتمیشدیر کی
کدرلی سؤزجوکلرینی
یالنیز اؤلولر مزامیرینده اوخویورسونوز؟
سیز
شاعرلری
حتّا
شرارتلی گئجهیه اود یاغدیردآن
اویقوسونو آلیبسینیز
آنجاق سونوجدا اونلار
اؤز مینبیر پردهلی سؤزجوکلرینی
گئری آلاجاقلار
بو جبرائیل جیزغیسی
بو ایسه
رؤیا یازان یالواجلارین نیشآنی!
https://t.me/Adabiyyatsevanlar
ترجمه:اکبر آزاد
طغیانِ دختر دریا
تا امروز نتوانستید
مرا به تبعیدِ بیواژه برانید.
من خود به ارادهی خود
از زادگاهِ گرسنگان گریختهام.
و
تا همین امروز
که تنفسِ مُستمرِ آدمی
از آن سویِ مرگ میآید،
من دیوانهوار زندگی کردهام.
من زندهام هنوز،
بیهوده مرا
خلوت نشینِ خانه نخوانید.
من شورشِ مطلقام
در عشقبازیِ نرگس و آزادیِ تمام.
مگر او چه کرده است
که کلماتِ غمگیناش را
تنها در مزامیرِ مردگان میخوانید؟
شما
شاعران را
حتی
از شلیک به شبِ شرور
خلعِ خواب کردهاید.
اما آنها سرانجام
کلماتِ هزار پَردهی خود را
پس خواهند گرفت؛
این خطِ جبرئیل وُ
این هم
نشانِ رسولانِ رویانویس!
چئویرن:اکبر آزاد
دنیز قیزینین عصیانی
بو گونه دک باجارمادینیز
منی سوزجوکسوز سورگونه سورهسینیز
من اؤزوم، اؤز ارادهم له
آجلارین دوغوم یوردوندان قاچمیشام
و
ائله بو گونه دک کی
آردی کسیلمهین آدام نفسی
اؤلومون اؤتهسیندن گلیر
من دلیجهسینه یاشامیشام.
من هله دیرییَم
یئرسیزجه منی
ائوین خلوتینده اوتوران آدلاندیرمایین
من مطلق بیر عصیانچییام
نرگیز ایله اؤزگورلوک سئویشمهسینده تمام
او نه ائتمیشدیر کی
کدرلی سؤزجوکلرینی
یالنیز اؤلولر مزامیرینده اوخویورسونوز؟
سیز
شاعرلری
حتّا
شرارتلی گئجهیه اود یاغدیردآن
اویقوسونو آلیبسینیز
آنجاق سونوجدا اونلار
اؤز مینبیر پردهلی سؤزجوکلرینی
گئری آلاجاقلار
بو جبرائیل جیزغیسی
بو ایسه
رؤیا یازان یالواجلارین نیشآنی!
https://t.me/Adabiyyatsevanlar
Telegram
ادبیات سئونلر
بوکانال ادبیات سئونلر قوروپونون سئچیلمیش اثرلری دیر
کانالدا کی یازیلاری کانالین لینکینی وئرمک شرطی ایله پایلاشماق اولار.
کانالدا کی یازیلاری کانالین لینکینی وئرمک شرطی ایله پایلاشماق اولار.