تبریزه گئتمسم اولماز
آرزوما یئتمه سم اولماز


https://t.me/Adabiyyatsevanlar

۱۸  فروردین روز جهانی کارتون و کاریکاتور گرامی باد.

تصاویر : برخی شاد برخی دردناک ومفهومی
آهنگ میکس شده روی تصاویر :
پیانوزنده یادجواد معروفی.

https://t.me/Adabiyyatsevanlar

صدیار_وظیفه_ائل‌اوْغلو
وینه

"وینه"‌ده، "تامام" دا  بیر آنا کیمی
کؤنۆل موزئیینه چاغیریر منی
یانیر خیالیمدا چاخماقسیز، قوْوسوز
"وینه"یله "تامام"ین دیلک خرمنی

"تامام" شاعیرلرین میصراعلاریندان
قیزیل شفقلره اوچان بیر لاچین
هله ده قلبینده اسیر شۆبهه‌لر
وئریر سازاقلارا اؤز گلین ساچین

"وینه" گؤزلرینده آغیر مۆرگۆلر
نه بیر چال_چاغیری، نه ازدهامی
شیغییر اۆستۆنه باشسیز کۆلک‌لر
یاخیر حادیثه‌لر قیزی "تامام"ی

"تامام"ین دویغوسو، دۆشۆنجه‌لری
آسلانیر "وینه"نین بوز هئیکلیندن
بیر دری، بیر قورو سۆمۆکدن  ساوای
نه قالیر "تامام"ین اؤز هئیکلیندن

"وینه" دان یئرینده سؤکۆلن سحر
مین آرزی گۆللَنیر بویاقلاریندا
سوْنسوز باهاریمین یاشیل‌لیقلاری
یئلله‌نیر مقدس قاواقلاریندا

"تامام" آرزیلارین اینتیظار قیزی
عؤمرۆنده اۆچ دؤنه قاچمیش دوْداغی
اوْ، یئرده قانادسیز چیرپینان بیر قوش
اوْ، گؤیده سرگردان پالید یارپاغی


https://t.me/Adabiyyatsevanlar

ناصر داوران

رؤیادا

گئجه نین خلوتینده
ازدحاملی شهر تمامیله کئچیردی مندن
گونشلی و هایـکویلو.
ماشینلارین سیقنالی
اوغلانلارین سیگارلی فیقورو
و هر شئی.

شهرده سندن باشقا
کیمسه یوخایدی
من ده قارانلیقدا
آرخانجا سورونوردوم خیاوانلارین گوناورتا چاغینی.
عقیقدن، زومروددن توخونموش بیر یوخو
آرامیزداکی چایلارا کؤرپو سالمیشدی

https://t.me/Adabiyyatsevanlar

آتیلا کیشی زاده

ایسلانیر گوزلریم باخیشلاریندان
سینه مده یئرلشیر حسرت وطنی
گؤزله ریم یاغماغا بهانه سیزدیر
   دؤلما گؤزلریمه
                         آغلارام سنی

https://t.me/Adabiyyatsevanlar

✅✅✅سایین کانالداشلار
چرشنبه گونلری ادبیات سئونلر قروپوندا یالنیز نثر یازیلارین پایلاشیریق .
https://t.me/Adabiyyatsevanlar

یکاندا آروادلار اولن دره سی !

🖌:یازار - عیسی نظری


🔹عباس میرزا یورولموشدور ، جیبهه لر گون بگون بوشالیردیلار ، تزه نفس قووه لردن خبر یوخودو ، اولن لر اولموش و قالانلار ایسه اولوم حالیندایدیلار !
یکان جیبهه سیندن خبر گلدی ، میرزا سیلاح وقووت لازیمدیر !
عباس میرزا باشین آشاغا سالیب دئدی:
جانیم نه قووت وار و نه ده سیلاح !
جیبهه نی اوتورون و قاچین ، هر جان قورتولسا بیر جاندیر،  سونوموزدان بیر
نیشانه قالار!
موسی کیشی ، آیاقلاری توتار- توتماز ، یکان جیبهه سینه گلدی !
سردار  اونو گوردو و سلامسیز حالیندان
هر شئیی اوخودو
قورتولوش قانا بویاندی ، آزادلیق زنجیره باغلاندی، یکان جیبهه سی سون نفسلرینی آلیب وئره ر ، اوف
بیر درین آه چکدی، گوز یاشلارینی سیلدی و موسی کیشی یه اوز توتوب دئدی :
بایرامی تاپ و منه گوندر، تئز نه قدر تئز اولسا بیر ائله یاخشی اولار !
موسی کیشی ، بایرامی تاپیپ  و دئدی :
بایرام،  فرمانده سنی ایسته ییر ، همن !
بایرام اوزونو، محرم فرمانده هه،  یئتیردی و دئدی :
امر بویورون ، سردار !
فرمانده اوزو کسر کسمز دئدی :
بایرام سن منیم قیزیم دورنانی چوخ سئویرسن ؟
بایرام اوتاندی ، باشین آشاغا سالیب جواب وئردی :
سردار خان بو زمان بو سورویا ، اویغون دئییل !
جنگ دن سونرا آنام سیزه خبر وئره ر !
سردار قولون بایرامین، بوینونا سالیب و
دئدی :
بایرام من سنین فرمانده هینم ، بودا سنه بیر امیردیر ، در حال یکانا گئدیب و دورنانی
اوردان گوتوروب و حاشیریک کندینه گوتور و اوردا منیم دوستوم اکبر  خان یکانلی یا ، پناه آپارار سیز ، او سیزین کبینینیزی کسر و سیزی گیزده در ، منیم قیزمی قورتار ، اوزونده  ایسه قورتول ،
بو بیر امیردی !
🔹بایرام آتینی مینیب و یکانا کیمی  آت چاپیپ و آغلادی !
کنده یئتیشدی ، سردارین  ائوینه گئدیپ و دورنانی ایسته دی !
دورنانین آناسی ، قاپیا گلیب و دئدی :
نه زاماندان بویله ادبسیز اولوبسان بایرام !
من ائوده اولا اولا سن هانسی دبلرله،
دورنانین آدین ، دیلیوه گئتیریر سن !
قصاب اوغلو ! وئره رم دیلیوی بیچرلر ، نه سردار اولوب و نه ده من !
بایرام ظلوم ظلوم آغلادی !
منیم بویوک آنام ! بو  بیر امیردی ، منیم بویوک سرداریمدان !
سردار بویوردو ، دورنانی گوتوروب ، بوردان قاچام ! منیم خانیمین ، خانیمی !
خانیم پریشان اولوب سوروشدو:
لال اولوبسان بایرام ! جیبهه لرده نه خبر ؟
منیم آنام جیبهه قالمادی !
بایرام هم دئدی و همده آغلادی .
خانم سوروشدو :
کیشی لر! منیم قوجام نه اولدو؟
بایرام دئدی :
من چیخاندا بیر بیر هامسی اولوردولر ، سردار سون امیرینی، منه امر ائتدی!
دورنانی گرک بوردان قاچیردام ، منه بو بیر امیردیر !
منیم آنام ، روسلار  لاب چوخ ایکی گونه  قدر کنده یئتیشیرلر !

🔹خانیم ائوه گئتدی و دورنا قاپیا گلدی ، او دئدی :
منیم سئوگلیم ، گون باتیر،  صاباح سحر چاغی بورادان یولا دوشه ریک و او  کنده گئده ریک  ، بو گئجه بیزه مهلت وئر ، بو گئجه کندین آروادلاری ماتم توتسونلار ، صاباح  باشقا بیر گوندو !
بایرام سحر اولمامیش، سردارین قاپیسینی چالدی!
قاپی آچیلدی ، دورنا و اونون آناسی اولده  چیخدیلار و اونلاردان سونرا ، کندین آرواد لاری چیخدیلار و بیر سیرادا  بیر بیرینین دالینجا یولا دوشدولر ، بایرام دا اونلارین دالینجا ...
بایرام بیر اولو کیمی اوزونو ، حاشیریک کندینه یئتیردی و اکبر خانین ائوینه گئئتدی !
سردارین امیرینی دئدی و آغلادی .
اکبر خان دئدی :
منیم جانیم، دورنا هانی ؟
بایرام شیون چکیب آغلادی ، دورنا دا اوبیری آروادلار ایله اولدو !
اکبر خان قیشقیردی : هاردا اولدولر ؟
بایرام ایچین چکه چکه دئدی :
آروادلار اولن دره سینده ، هامیسی بیر بیر اوزلرینی داشدان  آتیب  اولدولر !
و اورانین  آدی اوگون بوگوندو ، آروادلار
اولن دره سی آدلاندی !

https://t.me/Adabiyyatsevanlar

قوجا آشپاز
✍یازان: کنستانتین گئورگیوویچ پائوستووسکی
تورکجه‌یه چئویرن: آزاد یاشار
کوچورن: سحرخیاوی
حاضیرلایان:ادبیات سئونلر

1786-جی ایلین بیر قیش گئجه‌سینده وییانا یاخینلیغیندا یئرلَشَن کندده‌کی داریسقال و تاختا داخمادا کور بیر قوجا جان وئریردی: بو کیشی گرافینیاتونون کئچمیش آشپازی ایدی.
بورا هئچ داخما دا دئمک اولمازدی، چون کی باغین درین‌لیینده‌کی خیردا تیکیلی، آداما کؤهنه‌حال گؤزتچی کوشکونو خاطیرلادیردی.
باغ، کوله‌یین قیریب- تؤکدویو چوروموش بوداقلارلا دولو ایدی. هر آددیمدا آیاق آلتدا قالان بوداقلار خیرچیلداییردی دییه، اؤز یوواسینا چکیلن زنجیرلی ایت ده خفیف‌جه میریلدانماغا باشلامیشدی. ساییلی گونلری قالدیغیندان هئچ هورمه‌یه ده هئیی- هوسی یوخ ایدی...

بو یازینین آردینی ادبیات سئونلر کانالیندا اوخویون.

https://t.me/Adabiyyatsevanlar

‌
قوجا آشپاز
✍یازان: کنستانتین گئورگیوویچ پائوستووسکی
تورکجه‌یه چئویرن: آزاد یاشار
کوچورن: سحرخیاوی
حاضیرلایان:ادبیات سئونلر

1786-جی ایلین بیر قیش گئجه‌سینده وییانا یاخینلیغیندا یئرلَشَن کندده‌کی داریسقال و تاختا داخمادا کور بیر قوجا جان وئریردی: بو کیشی گرافینیاتونون کئچمیش آشپازی ایدی.
بورا هئچ داخما دا دئمک اولمازدی، چون کی باغین درین‌لیینده‌کی خیردا تیکیلی، آداما کؤهنه‌حال گؤزتچی کوشکونو خاطیرلادیردی.
باغ، کوله‌یین قیریب- تؤکدویو چوروموش بوداقلارلا دولو ایدی. هر آددیمدا آیاق آلتدا قالان بوداقلار خیرچیلداییردی دییه، اؤز یوواسینا چکیلن زنجیرلی ایت ده خفیف‌جه میریلدانماغا باشلامیشدی. ساییلی گونلری قالدیغیندان هئچ هورمه‌یه ده هئیی- هوسی یوخ ایدی.
سوبالاردان ووران یوکسک حرارت اوجباتیندان بیر نئچه ایل اوّل آشپازین گؤزلری توتولموشدو. همین واختدان بَری گرافینیانین ایشلر مودیری بو کیشی‌نی گؤزتچی کوشکونه کؤچورموشدو و آرا- سیرا اونا بیر نئچه فورینت خرجلیک وئریردی.
اون‌سکگیز یاشینا دولموش ماریا آدلی قیزی دا آشپازلا بیرگه یاشاییردی. کوشکون بوتون آوادانلیغی ایسه چارپاییدان، سینیق- سالخاق نیمکت‌لردن، کور- کوبود ماسادان، سطحی تور کیمی چاتلارلا اؤرتولن فایانس قاب- قاجاقلاردان و ان نهایت، ماریانین یگانه ثروتی ساییلاجاق کلاویه‌سیندن عبارت ایدی. کلاویه نئجه کوهنلمیشدی‌سه، اؤز اطرافیندا یارانان هر جور تیتره‌شیمه اوزون- اوزادی بیر قارشیلیق وئریردی. آشپاز بو آلته مزه ایله " ائویمین قاراوولچوسو" آیاماسینی تاخمیشدی. هر کیم بو داخمایا گیرسه‌یدی، کلاویه‌دن قوپان تیترک و چاره‌سیز اینیلتی موطلق او آدامی مشایعت ائدیردی. جان اوسته اولان قوجانی یویوندوروب، اَینینه تمیز و سَرین کوینک گئیندیرن ماریایا، آتاسی دئدی:
- کشیش‌لر ایله راهب‌لری عؤمروم بویو گؤره‌ن گؤزوم اولماییب. اونا گؤره ده توبا اوچون هئچ کسی قاپیما چاغیرماق ایسته‌میرم. بونونلا یاناشی جانیمی تاپشیرمامیشدان اؤنجه ویجدانیمی تمیزله‌مم ده واز کئچیلمز شرط دیر.
ماریا اضطرابلا سوروشدو:
- بس ایندی نئیله‌یک؟
قوجا دئدی:
- دور، تئز کوچه‌یه چیخ و جان وئرن بیریسی‌نین توبه‌سینی دینله‌مکدن اؤتورو راستینا چیخاجاق ایلک آدامی داخمامیزا دعوت ائله. بوندان هئچ کس امتناع ائله‌مز.
- آمما کوچه‌میز ده ائله کیمسه‌سیزدیر کی...- دییه پیچیلدایان ماریا، شالینی باشینا سالاراق، قاپیدان چیخدی.
باغی قاچاراق کئچن قیز، پاس باغلامیش کیچیک قاپینی چتینلیک‌له آچاندان سونرا کاریخیب قالدی. کوچه بوم- بوش ایدی. کولک خزللری اورا- بورا اوچوردوقجا، قارانلیق سمادان یئره سویوق یاغیش دامجیلاری سپه‌لَنیردی.
ماریا اوزون- اوزادی دوروب گؤزله‌دی، اطرافا قولاق آسدی. ان نهایت اونا ائله گلدی کی، چپرین دیبی‌له ایره‌لیله‌ین بیریسی اؤزو اوچون زمزمه ائله‌ییر. همین سمته دوغرو بیر نئچه آددیم آتینجا، قیز آداملا توققوشدوغو اوچون خفیف‌جه چیغیردی.
کیشی آیاق ساخلاییب سوروشدو:
- بورادا کیم وار؟
اونون الیندن یاپیشان ماریا، آتاسی‌نین خواهیشینی تیترک بیر سسله اونا چاتدیردی.
کیشی تمکینینی پوزمادان دئدی:
- راضیام. دوزدور کی من کشیش- فلان دئییلم، آمما هئچ فرق ائتمز. گئدک.
بیرلیکده ائوه گیردیلر. شام ایشیغیندا ماریا، بو آدامین بسته‌بوی و آریق بیری اولدوغونو سئچه بیلدی. کیشی یام- یاش بورونجه‌یینی نیمکتین اوستونه آتدی. گئییمی ساده اولسا دا، ذوقلو ایدی: شام ایشیغیندا اونون قارا رنگلی قولسوز قیسا پالتاری، بلور دویمه‌لری و توخونما دیک یاخالیغی گؤز قاماشدیردی.
بو یاد کیشی چوخ جاوان ایدی. باشینی اصیل اوغلان اوشاغی کیمی سیلکه‌له‌ییب، پودرلانمیش تاخما ساچینی سلیقه‌یه سالاندان سونرا، ایستولو چئویک حرکت‌له چارپایی‌یا طرف چکیب، اَیلَشدی. اؤنه اییلمک‌له، اوزونون شوخ و نفوذ ائدیجی باخیشلارینی جان اوسته اولان قوجایا تیکیب دئدی:
- هه، اوره‌یینیزی بوشالدین!
تانرینین یوخ، عاشیقی اولدوغوم صنعتین منه وئردییی اقتدار سایه‌سینده بو سون دقیقه‌لرینیزده سیزه همدم اولماغا و قلبینیزده‌کی یوکو بیر لحظه خفیفلتمه‌یه حاضیرام.
الیندن توتماقلا، بو تانیمادیغی جاوانی اؤزونه طرف چکن قوجا پیچیلتیلا دئدی:
- گؤزلریم توتولانا قدر کی عؤمروم بویو من فاصیله‌سیز ایشله‌میشم. باشی دائما ایشه- گوجه قاریشانلار ایسه، عادتن گوناها ماجال تاپمازلار.
خانیمیم "مارتا"، ورم خسته‌لیینه توتولاندا دوختور اونا جوربه‌جور هم ده باهالی درمانلار یازدی، خسته‌نی قایماق و شراب چکیلمه‌یه یارایان گیله‌میوه‌لره بسله‌مه‌یی، اونا قیرمیزی شراب ایچمه‌یی تاپشیردی. من ده بو سببدن گرافینیاتونون سرویسیندن کیچیجیک قیزیل بیر نیمچه اوغورلاماغا مجبور قالدیم. سونرا اونو تیکه‌لره آییراراق، ساتدیم.

ایندیکی دورومدا بونو یادیما سالدیم، اؤز گوناهکار ایشله‌لریمی قیزیما تعریف ائتمه‌ییم اصل موشکوله دؤندو، چون کی من اولادیمی باشقاسی‌نین هئچ نه‌یینه گؤز تیکمه‌یه‌جک بیر روحدا بؤیوتموشم.
یاد کیشی ماراقلاندی:
- بو عملینیزه گؤره قرافینیانین قوللوقچولاریندان کیمسه جزالاندیمی؟
قوجا هؤنکوره‌رک دیللندی:
- آند ایچیرم کی هئچ کیم، جناب. حتا بیلسه‌یدیم کی، همین قیزیل نیمچه سایه‌سینده مارتام ساغالمایاجاق، هئچ اونو اوغورلایاردیم می؟!
یاد کیشی سوروشدو: آدینیز نه دیر؟‌
- دئمه‌لی بئله، آیوهان مه‌یِر،- یاد کیشی  اووجونو قوجانین دونیا ایشیغینا حسرت قالان گؤزلرینین اوستونه قویدو.
- دئدیینیز او عمل نه گوناهلارا عاییددیر، نه ده اوغورلوغا. عکسینه‌ او- سئوگی اوغروندا سیزین گؤستردیینیز تایسیز بیر هونَر دیر.
قوجا پیچیلدادی:
- آمین!
یاد کیشی ده تکرارلادی:
- آمین! ایندی ایسه منه اؤز وصیتینیزی بیلدیرین.
- کیمین‌سه ماریامین قئیدینه قالماسینی آرزولاییرام.
- بو ایشی من اؤز عهده‌مه گؤتورورم. باشقا بیر ایسته‌یینیز وارمی؟
بونو ائشیدن قوجانین غفیلدن اوزو گولدو و اوجا سسله دئدی: بیر ده مارتامی جاوانلیقداکی، یئنی ایلک راستلاشدیغیمیز واختداکی کیمی بیر داها گؤرمک ایستردیم. گونشی و بو کؤهنه باغین یازدا نئجه تکرار چیچکلندیینی گؤرمک آرزوسوندایام. آمما بونلار مومکون دئییل، جناب. بئله سارساق ایستک‌لره گؤره منه آجیغینیز توتماز هر حالدا. گؤرونور خسته‌لیک آغلیمی تامامیله آزدیریب.
یئریندن قالخان یاد کیشی دئدی:
- یاخشی.- آردینجا تکرارلادی: - یاخشی.
سونرا کلاویه‌سینه یاناشدی و اونون قارشیسیندا دوران چارپایادا اَیلَشدی، اوجا سسله اوچونجو کره:- یاخشی!- دئدی و بو گؤزتچی کوشکونده غفیلدن نئجه اویناق، اسرار انگیز و جینگیلتیلی سسلر سلسله‌سی قانادلاندیسا، دئییردین کی، دؤشَمه‌یه یوزلرله بلور کوره‌جیک تؤکولدو. یاد کیشی دئدی:
-قولاق آسین. دینله‌یین و گؤرمه‌یه چالیشین.
کیشی چالماغا باشلادی. ایلک کلاویه‌یه توخوندوغو آن، اونون اوزونده یارانان ایفاده هله سونرالار دا ماریانین خاطیرینده دقیق جانلانیردی.
آدامین آلنی‌نین رنگی اینانیلماز درجه‌ده آوازیدی، توندلَشَن گؤز ببک‌لرینده ایسه شام ایشیغی‌نین تیتره‌ییشی سِزیلدی.
اوزون فاصیله‌دن سونرا کلاویه‌نین بوتون دیللری سسلنمه‌یه باشلامیشدی. اونلاردان سوزولن سس دالغالاری نه اینکی گؤزتچی کوشکونو، حتا بوتون باغی باشینا گؤتورموشدو.
تلاشلا یوواسیندان باییرا چیخان قوجا ایت ده باشینی یانا اَیدی، سونرا یئره چؤکه‌رک، قویروغونو اهمالجا یئلله‌میه باشلادی. سولو قار یاغسا دا، ایت ساده‌جه، قولاقلارینی سیلکه‌لمک‌له بونا قارشیلیق وئریردی.
- گؤرورم جناب!- دییه‌ن قوجا یاتاغیندا دیکلدی.
-مارتا ایله ایلک راستلاشدیغیم گونو و اونون حیادان رنگ وئریب، رنگ آلارکن، سود دولچاسینی الیندن نئجه سالیب- سیندیردیغینی آشکار گؤرورم. همین واخت داغلارا قیش گلمیشدی. سما گؤیومتول شوشه کیمی برق ووروردو. مارتا ایسه منه باخیب گولومسه‌ییردی. هه، گولومسه‌ییردی،- دییه تکرارلایان قوجا، تکرار سیملرین تیتره‌ییشینه قولاق وئردی.
یاد کیشی ایسه گؤزلرینی قارانلیق پنجره‌یه زیلله‌یه‌رک، هله ده چالیردی.
بیر آرا سوروشدو:
- بس ایندی نئجه، نه ایسه گؤرورسونوز؟
موسیقی‌یه کؤکله‌نن قوجا سوسدو.
چالقیسینا آرا وئرمه‌ین یاد کیشی جَلد علاوه ائله‌دی:
- یوخسا سیز گئجه‌نین قارادان اوّلجه گؤیه، سونرا ایسه ماوی چالارا نئجه کئچدیینی گورمه‌دینیز؟ اودور، ایلیق بیر ایشیق شعاعسی هاراداسا یوخاریلاردان سوزولوب گلیر. یوخسا سیز باغینیزداکی آغاجلارین قوپ- قورو بوداقلارینی بَم- بیاض چیچک‌لرین نئجه بورودویونو ده گؤرمورسونوز؟!
یانیلمیرامسا بونلار آلما آغاجینین چیچکلری دیر. هرچند بوردان اوتاقدان باخینجا، اونلار آداما ایری زانباقلاری خاطیرلادیرلار‌.
گؤرورسونوز، ایلک گونش شعاعلاری اوستونه دوشدوکلری داش حاصاری ایسیندیریب‌لر و اوندان بوغ دالغالاری یوکسه‌لیر. یقین، بو ارییَن قاری اؤزونه هوپدوران مامیرین قوروماغا باشلادیغیندان بیزه خبر وئریر‌. سما ایسه گئتدیکجه داها یوکسک، داها گؤی، داها تایسیز اولور. آرتیق قوشلار دا دسته‌لر شکلینده بیزیم قدیم وییانانین اوزریندن شیمالا دوغرو اوچورلار.
قوجا سئوینجک چیغیردی:
- من بونلارین هامیسینی آچیق- آشکار گؤرورم!
بو یئرده پدالی جیریلدایان کلاویه‌ طنطنه‌لی ایفایا کئچدی. سان کی ایندی تکجه او یوخ، یوزلرله چیلغین سس ده بو شوخ نغمه‌یه قوشولموشدو.
ماریا یاد کیشی‌یه اوز توتوب دئدی:

یوخ جناب، او چیچک‌لر زانباغا هئچ بنزه‌میرلر آخی. اونلار بیرجه گئجه‌ده آلما آغاجلارینی بوروین چیچکلردیر.

- هه، اونلار آلما آغاجلاری دیر، آمما ندنسه یارپاقلاری حدسیز ایری دیر.
قوجا خواهیش ائله‌دی:
- ماریا، پنجره‌نی آچسانا.
ماریا پنجره‌نی آچدی.
سویوق هاوا بیر گؤز قیرپیمینداجا اوتاغا دولدو.
یاد کیشی کلاویه‌نی پَسدن و آغیر درجه‌یله باشلامیشدی آرتیق.
او آرا قوجانین باشی یاستیغا دوشدو. هاوانی آج‌گؤزلوک‌له جیگرلرینه چکدییی آنلاردا اونون تیتره‌ین اللری ائله هئی یورغانین اوزرینده دولاشیردی. ماریا اونا طرف جومدو. یاد کیشی ایفاسینا آرا وئرسه ده، کلاویه‌نین آرخاسیندان قالخمادی. سان کی آدام هله ده اؤز چالغیسینین طلسمیندن آیریلا بیلمیردی.
ماریا آجی فریاد قوپاردی.
یاد کیشی یئریندن قالخیب، یاتاغا یاناشدی. نفسی دارالان قوجا دئدی:
- من هر شئیی، عینی ایله ایللر اؤنجه اولدوغو کیمی، آچیق- آشکار گؤردوم.
آمما من سیزین آدینیزی اؤیرنمه‌دن اؤلمک ده...ایسته‌مزدیم. آدینیز نه دیر؟
یاد کیشی دیللندی:
- آد- سوی آدیم وُلفگانگ آمادی موتزارت دیر.
چارپاییدان آرالانان ماریا بؤیوک موسیقیچی‌نین قارشیسیندا او آن نئجه درین تعظیمه کئچدیسه، دیزلری آز قالدی دؤشَمه‌یه دَیسین.
قیز قددینی دوزلتدییی آن، قوجا آرتیق کئچینمیشدی.
پنجره‌نین دیگر اوزونده ایسه دان یئری تزه‌جه سؤکولوردو. صاباحین نوروندا اوزَن باغ- باغچا ایسه آغ- آپباق لچک‌لری خاطیرلادان سولو قارلا اؤرتولموشدو.

https://t.me/Adabiyyatsevanlar

دوستان تبریزی؛ به مدت سه روز ساحل زیبای آستارا را تمیز وپاکسازی کردند. باشد که بزودی شاهد طبیعتی زیبا و عاری از هرگونه زباله داشته باشیم. یادمان باشد که سوئیس را مردمان اش ، سوئیس کردند.فرهنگ و فهم و شعور انسانی رو از خودمون شروع کنیم طبیعت و درختان و حيوانات عامل بقای کره زمین هستند .

https://t.me/Adabiyyatsevanlar

داریخمیشام آی عومروم...

https://t.me/Adabiyyatsevanlar

فصل گلهای لاله در هلند شروع شده ...
عینی زمان گیلاندا" زیبل سنی دونیادان بّزدیریر"
تقصیر نه گیلاندادیر ،نه هلند ده...
یالنیز دوشنجه فرقی وار،هه جانیم ،هه قارداشیم فقط دوشنجه...
https://t.me/Adabiyyatsevanlar

اوشاق ادبیاتی
اوشاق ادبیاتی هر هفته پنجشنبه گونو ادبیات سئونلر کانالیندا .
اوشاق ادبیاتینا دایر یازیلارینیزی بیزه گوندرین .

https://t.me/Adabiyyatsevanlar

اوشاق ادبیاتی
ویدا حشمتی
باهار

بزه‌دیلر گؤی اوزونو
قارانقوشلار قاتار-قاتار
بولاقلارین دورو سویو
جوشا-جوشا، آخار-آخار

داغ باشیندا شلاله‌دن
گور-گور سولار، آشیر-داشیر
هورکک جئیران مئشه‌لرده
سکه-سکه، قاچیر-قاچیر

آهای باهار-آهای باهار
گولوش گتیر دوداقلارا
غم-کدری سوپور، آپار
سئوینج گتیر اوشاقلارا

آهای باهار-آهای باهار
دئ بولودا یاغیشلاسین
توپراقلاری اویاندیرسین
یئره حیات باغیشلاسین

وطن دولسون گول-چیچک‌له
اوشاقلارین گولدور اوزون!..
نغمه‌‌له‌سین باریش قوشو
سیلینسین اوزلردن حوزون.

1404/1/20
https://t.me/Adabiyyatsevanlar

اوشاق ادبیاتی
قوشا قاناد
( خالق روایتی اساسیندا )
یازار : علی صمدلی
یازار : علی صمد  ( ژنرالین اوشاقلیغی کیتابیندان ) 
کؤچورن :  علی آغ گونئیلی  ( ابرازی )

ائلین ، اوبانین  آدتینجه ، بی له گلینی تویدان قاباق خئیر ـ دعا اوچون قورقود ده ده نین یانینا گتیردیلر. قورقود ده ده همشه اؤزاؤیودونو ،خئیر – دعاسینی بیرافسانه ایله ديیردی. او، جاوانلارین خئیرایشلرینی آلقیشلاییب ، اؤز سؤزونه بئله باشلاییردی :
ـ  بالاریم اؤیودومو یادینیزدا یاخشی ساخلایین . قوجا بیر صیاد تور قورموشدو اوولاقدا . چوخداندی گؤزله ییردی ،قوشلار هوشلانیب بولاغا طرف گلمیشدیلر. ائله بیل یوللارینی آزمیشدیلار. قوجانین قیییق گؤزلری ،گؤیلرده قالمیشدی . بیردن قوشلار گؤروندو ،قوجا سئویندی . 
ــ هه ، باخ بئله سوسداییب گلیرسینیز ـ دئدی . 
اؤزونو بیر قدرده دالدایا وئریب هنیرینی ایچینه چکدی. گؤزلدی ،گؤزلدی ، گؤزلری یول چکدی. یورولوب الدن دوشدو . اونو مورگو باسدی. گؤزلری یومولوب یوخویا گئتدی . بیردن ائله بیل اونو دومسوکله ییب اویاتدیلار. قولاغینا قوشلارین جیویلتی سسی گلدی. جاوانلیق هوسی ایله  جلد  آیاغا قالخیب ، اووونا طرف قا چدی . توردا ایکی قوش چیرپینیردی. همیشه تورونا بیرجه قوش دوشردی. بوگون اونونکی گتیرمیشدی. اووو اوغورلو اولموشدو . قوجا سئویندیییندن  ییخیلا ـ  دورا ، قاچیردی. اؤزونو تورا یئتیرمه یه جان آتیردی. 
قوجا گؤزلرینه اینانمیردی . قوشلار توردا چیرپینیب  ـ چیرپینیب ،میخچانی یئریندن لاخلادیب قوپارمیشدیلار. قوجا اؤزونو یئتیرنده اونلار تورودا اؤزلری ایله هاوایا قالدیردیلار.اونلارین یؤنو ائنیشه طرف ایدی. قوجا تنبل لیک ائتمه ییب قوشلارین دالینجا قاچیردی. قاچدی ، قاچدی آخیردا  لاپ آز قالا تنگ نفس اولدو . آیاقلاری آیاغینا دولاشیادا یئنه قاچیردی . دار بیر جیغیردا اودونچودوستو ایله راستلاشدی.اودونچو اونا تعجب له باخدی.
ــ  نه اولوب ، آی قونشو ،هارا قاچیرسان ؟  ـ دئدی . 
ــ  گؤرمورسن قوشلاری ، تورومو قوپاریب آپاریرلار. 
اودونچو الینی گؤزونون اوستونه قویوب قوشا اوچان قوشلارا باخدی. 
ــ  آخی سن اونلارا چاتا بیلمسن ، ـ دئدی.
ــ  دوغرودور، بئله بیرگه اوچسالار چاتا بیلمرم .
ــ  بس آرخالارینجا نییه قاچیرسان ؟
ــ  گومانیم وارکی ، آرالاریندا اختلاف دوشه ، هره سی بیر سمته اوچا .اوندا چاتارام، لاپ جییرلرینی ده چیخارارام اونلارین . 
قوشلار اوچدو، قوجا قاچدی ، قوشلار اوچدو، قوجا قاچدی ،
یاخشی کی ، قوشلارین دیلی ده بیر اولدو ،عملری ده . قوجانی یوروب یولداجا قویدولار. واوچو ب ،اوچوب گؤزدن ایتدیلر. 
سیزده حیات یولاریندا باخ بئله جه اوچون . دارقفسده بئله ایسته دیینیزده ، نیتینیزده بیر اولسون . قوشا یاشایین ، قوشا قاریین بو دونیادا . 
قورقود ده ده نین اؤیودو سیرغا اولدو جاوانلارین قولاغیندا . اونلار ال بیر ، دیل لیر ، مهربان عؤمور سوردولر بو دونیادا . 

۱۹۸۵
 https://t.me/Adabiyyatsevanlar