علی رشتبر قاییب

هم سیزدن اوزاغام هم سیزه  یاخین،
گزین عالم بویدا اوتاقدا منی.
دان کروانلارینین یولچوسویام من،
اویان دا درک ائدر اویاق دا مندی.

گزمه یین ایزیمی پولدا،  آلتیندا،
کیچیکدیر قارشیمدا پول دا آلتین دا.
آرایین آختارین کولون آلتیندا _
کؤزونو ساخلایان اوجاقدا منی.

سیخمیشام فرهادین کرمین الین،
ازبر ده اولموشام بولبولون دیلین.
بیر پاییز آخشامی یول آلین گلین،
گؤرون مجنون گزن اویلاقدا منی.

چیگنیمده حیسّی وار بیر آغیر یوکون،
اودور کی بوکولوب قامتیم بو گون...
ایز آختاریرسیزسا سیز منیم اوچون،
تاپین سو حسرتلی بولاقدا منی.

سینیق قلمی‌یم من بو تورپاغین،
حکّ ائدیب قلبیمده اؤزو ماراغین.
بیر عؤمور حیاتدا چکمیشم داغین،
گؤرمزسیز ائلیمدن قیراقدا منی.

روحومون بئشیگین یوردوم سیلکلر،
بیر اذان سِئحرینده هر آخشام سحر.
سوروشساز «قاییب»ین عنوانین اگر،
دئیر داش دا منی تورپاق دا منی.

https://t.me/Adabiyyatsevanlar

امروز وارد خرم آباد شدم، اسم اولین میدان سلمان فارسی، دومی بلال حبشی سومی میدان ابوذر بود ...فکردم به عربستان هزار چهارصد سال پیش وارد شدم،

https://t.me/Adabiyyatsevanlar

کیان خیاو

آجیقلییام. بیر اوشاق کیمی سیندیریرام ایچیمده‌کی بیر سیرا نسنه‌لری. یاشانتیمیزدا بول- بول آلچاقلیقلار وار. آخماقلیقلار، آشاغیلیقلار، یالانلار. بیر نئچه ده دوست، تانیش و قوهوموم وار؛ جان دوشمانلاریم! بو اوزدن ده بیر زامانلار سئودیییم اینسانلاری اونوتماقدایام. بیر زامانلار اوخودوغوم کیتابلاری دا. او سئودیییم اینسانلار، او اوخودوغوم کیتابلار ایندی بیر بومبا کیمی پاتلاییر اوره‌ییمده و بئینیمده!...

خاطیره‌سیز بیر اینسان کیمی، بوزدان سویوققانلی، آغ کاغیذا آغ بیر سؤزجوک کیمی یازیرام اؤزومو. بللیلر ایچره بلیرسیز، بلیرسیزلر ایچره داها دا بلیرسیز. باشقا بیر زاماندایام سانکی. آغ ایچینده گؤرونمه‌ین بیر آغ. یئرله گؤی آراسیندا بیر سؤز، بیر سؤزجوک. هئچ یوخ کیمی. هئچله هئچ آراسیندا بیر اینسان ساوونور اؤزونو یعنی. و بیر آغاج قار آلتینا وئریر اؤز چیچکلرینی!...

آجیقلییام. داش اوستونده اوتوروب داش اوستونده یاتیرام سانکی. هئچ بیر یؤنه‌تیمله اویوشمور روحوم. ایسته‌ییم بیر آز یاشاماق، آنجاق یاشارکن ده یاشامین بوتونلویو ایچره گؤرونن چئشید- چئشید اؤلوملر و اؤلولر. آااای اؤلولر! مندن اوزاق اولون، اوزاق! من اؤز یانیمدان بئله کئچیب گئدیرم. اؤزومدن بئله ده‌لیجه قاچیرام. و "سیز" ینله "اؤز" ومون آراسیندا، ساده‌جه بیر رسیمده بیر بویا‌سیز گؤیرچینین دیمدییینده داشیدیغی بیر آدسیز گولو سئویرم!...

https://t.me/Adabiyyatsevanlar

سن وئرن درس یادیمدان چیخماز.

بو گون بایرام گؤروشو اوچون قارداشیم گیله گئتمیشدیم، قدیم آداملار کیمی، باشی چووال‌لامادان قارداش اوغلومدان سوروشدوم:
-"محمد حسن!" نئچه بایراملیق یغییب‌سان؟
اوشاق باشدان آیاغا منه باخاندان سونرا دئدی:
-دوزدو کی بو شخصی مسئله‌دی، آمما بو دفعه‌نی دئییرم...

ایندی دؤرد ساعاتدی باشیم گیجه‌لیر‌ اؤز-اؤزومه دئییرم: گؤره‌سن بیزیم نسل، هاچان بئله مسئله‌لری باشا دوشه‌جک؟
خالقین شخصی مسئله‌لرینه باش اوزاتما!...

https://t.me/Adabiyyatsevanlar

رضا_زاهد

اکنون به سایه‌ی گُلی
اندام من به سایه مبدّل شده‌ست
و خاموش می‌کند دنیا
سوزِ عذاب درازش را
در سرمای تنم
چونکه در گذشته می‌خواستم
با دستهای نادرست او
باد را
لگام زنم.


https://t.me/Adabiyyatsevanlar

زرین رزندی(طنناز)

نور سرعتینه سبقت آلیر اَرز وکرایه

سککه باهالاشدیقجا،اَتین نرخی هوایه

مجبوردو،دوُزور یوخسول آدام،جورا جفایه

بایرام هاواسی گوُرمه ییرم شهرده یارب
یوخسوللارا یوخ چاره قیلان دهرده یارب

ایت مثلی قاپیر بیربیرینی مللت نادان

کافتار کیمی لَش اوسته دوشن،دویموری قاندان

بیرگون یاپیشار فحله،رییس خیرخیراسیندان

آت مستبدی،قوی بوغولا بحرده یارب
یوخسوللارا یوخ چاره قیلان،دهرده یارب

ایسترسه آلا شیرنی،گره ک بوُرکونو ساتسین

یا میوه اوچون خیرتده گه دک،نیسییه باتسین

یا کی باجاناق-بالدیزینین،داشینی آتسین

آروادلا قالا ایل باشا باش قهرده یارب
یوخسوللارا یوخ چاره قیلان،دهرده یارب

بایرام گئجه سی،ائوده نه قت وار-نه ده قلیان

اوینور ساماوار اوسته<چای حسرتلری>چایدان

دوُنموش اَته صف دی،یاریلیر باش-توُکولور قان

خجلت ترینه مللت اوزور زهرده یارب
یوخسوللارا یوخ چاره قیلان،دهرده یارب.

https://t.me/Adabiyyatsevanlar

عدالت دومان

بيزه نه بايرام


من      اوْندا        بايراما       تله‌سرم كي
سئوينج له  ،  گوٍلوٍش له   ،  بزه‌نه     بايرام
اينان كي     ديلیمدن    وار    گلمير  دئيم
يوْخسوللار   اوٍريين     اوٍزوٍنه    بـايرام،



چوْخلارين  ائوينده  يوْخ   اونو  گؤردوٍم
قاچيردي  گؤزوٍمدن   يوخونو   گؤردوٍم
ايشسيز   آتالارين    چوْخونو    گؤردوٍم،
دوْلدوروب     قلبينه   ،   گزه‌نه      بايرام


نه واخت اوشاق اوْلدوم ؟نه واخت جاوان من؟
قاچان    سعادتدي    داييـم    قـاوان    من
قيش دا   ياوان   قالديم ، ياي دا   يـاوان   من،
ساري   ياغ    ايچينده     اوٍزه‌نـه    بايـرام،



عدالت  حؤكم   ائده     آلا     قيصاصي
اؤزگه    حاقّين    يئه‌ين   اوْلا   قوساسي
آيدين  دئييم  اوزون  سؤزوٍن   قيساسي
ائللر  سئوینمیرسه   بيزه   نه  بايرام ؟؟!!

https://t.me/Adabiyyatsevanlar

ناصر داوران
یازا بیلمیرم

سن یابانچی بیر شهر
قوینوندا نمایشه چیخان چیچکلر 
کیمسه تانیمادیغی بویالاردا،
منسه المعجم اوخومامیش
الی یالین بیر شاعر.
اوخوجولاریم سنی شعریمده گزیر بوشونا
سنی یازماق اوچون
بیر کتاب ماویگؤز سؤزجوک
بیر پتک اوشاق خیالی گره ک.

الیمدن بیر ایش گلیر یالنیز
ساده جه سئویرهم سنی.

https://t.me/Adabiyyatsevanlar

رحیم کاویان

باهاردا باشلانیریق، قیش گلیر بیتیب گئدیریك
سامان كیمی دوشوروك یئللره ایتیب گئدیریك

فلك بیزی قووالیر بیزده دورمادان قاچیریق
بیر آزجا دینجه لیریك یو كلری چاتیب گئدیریك

نسیم كیمی اسریك ،چای – بولاق كیمی آخیریق
گونش كیمی چیخیریق ،آی كیمی باتیب گئدیریك

قوجالداراق بیزی دنیا ئوزو جاوان یاشاییر
مین آرزی – حسرتیله وارلیقی آتیب گئدیریك

بو قارقیمیش فلك ایله آلیش – وئریش ائدیریك
ده یرلی عومرو ده یره- ده یمزه ساتیب گئدیریك

گوزون یوموب آچیسان ایل دونور اولور بیلدیر
سورا اولور اینیش ایل ،ایل لری ئوتوب گئدیریك

گولن آز اولدو بو گلشنده ،آغلایانلار چوخ
گولوش له آغلاماغی بیر-بیره قاتیب گئدیریك

ئوركده بسله ییریك شوخ گؤزللره سئوگی
سئویملی سئوگیلینی دردیله آتیب گئدیریك

بیزی هارا آپاریر بو بهار ،پائیز ،یای ،قیش
اجل گلنده یوموب گؤزلری یاتیب گئدیریك

https://t.me/Adabiyyatsevanlar

اینم برای خودش داستانی هست...
محمود بیضاوی می‌گوید:

با پدر خداحافظیِ گرمی کردم و برای کار به دیار غربت رفتم و قرار شد بعد از دو سال برگردم.

کم‌کم به وقتِ بازگشتم نزدیک می‌شد که یکی از دوستانم خبری از پدر و مادر برایم آورد که چند روز پیش، دزدی، الاغِ پدرم را دزدیده و پدر نگرانِ حالِ الاغ بوده،
از قضا دزد برای خرید میوه و سبزیجات به بازار رفته و بار سنگینی بر روی الاغ می‌گذارد و خودش در شلوغیِ بازار، مشغولِ بقیه‌ی خرید می‌شود.

امّا خر که راهِ منزلِ پدر را می‌دانسته به جلو درِ منزل آمده و با مشکل، وارد خانه می‌شود.

پدرم نیز مادرم را صدا می‌زند که بیا و ببین، پسرت دو ساله رفته چیزی برای ما نفرستاده، امّا الاغ دو روز رفته و با دستِ پُر برگشته !
https://t.me/Adabiyyatsevanlar

آذربایجان باشین ساغ اولسون.

قایناق:ایشیق سایتی

https://t.me/Adabiyyatsevanlar

«دردیمی کیمه دئییم؟..
 آنارلا مصاحبه
مصاحبه نئ آپاران پروین
کوچورن:ویدا حشمتی
حاضیرلایان:ادبیات سئونلر

پروین: آنار معلّم خوش گؤردوک

آنار: خوش گؤردوک.
 
پروین: تخمیناً  یئددی ساعتا قدر یارادیجیلیغینیز اطرافیندا، عمومیّت‌له ادبيّات صحبتلری ائتمیشیک سیزینله. بو گونلرده تکرار باخدیم ایندییه دک دانیشدیقلاریمیزا... گؤردویونوز ایشلرله، یارادیجیلیغینیزلا باغلی شعرینیزدن و ترجمه‌لرینیزدن دانیشمامیشیق، اونلارین دا حاقیندا منی ماراقلاندیران مقاملار وار کی، ایسته‌ییرم شرح ائده‌سینیز. اوردان باشلاماق ایسته‌ییرم، دئییرسیز کی،  شاعرلیک بیر آزاردی. مگر یازیچیلیق، دراماتورقلوق، یاخود پوبلیسیستیکایلا(آگهی) مشغول اولماق آزار دئییل؟ ...
بو یازینین آردینی ادبیات سئونلر کانالیندا اوخویون.

https://t.me/Adabiyyatsevanlar

«دردیمی کیمه دئییم؟..
 آنارلا مصاحبه
مصاحبه نئ آپاران پروین
کوچورن:ویدا حشمتی
حاضیرلایان:ادبیات سئونلر

پروین: آنار معلّم خوش گؤردوک

آنار: خوش گؤردوک.
 
پروین: تخمیناً  یئددی ساعتا قدر یارادیجیلیغینیز اطرافیندا، عمومیّت‌له ادبيّات صحبتلری ائتمیشیک سیزینله. بو گونلرده تکرار باخدیم ایندییه دک دانیشدیقلاریمیزا... گؤردویونوز ایشلرله، یارادیجیلیغینیزلا باغلی شعرینیزدن و ترجمه‌لرینیزدن دانیشمامیشیق، اونلارین دا حاقیندا منی ماراقلاندیران مقاملار وار کی، ایسته‌ییرم شرح ائده‌سینیز. اوردان باشلاماق ایسته‌ییرم، دئییرسیز کی،  شاعرلیک بیر آزاردی. مگر یازیچیلیق، دراماتورقلوق، یاخود پوبلیسیستیکایلا(آگهی) مشغول اولماق آزار دئییل؟

آنار: یقین او دا آزاردی، آمّا شاعرلیک خصوصی آزاردی دا. چونکی شاعرلیک آزارینا مبتلا اولانلار داها چوخدو.
 
پروین: داها چوخدو؟
 
آنار: بلی، داها چوخدو. آذربایجان خالقینا دئییرلر کی، شاعر خالقدی. بیر نفر ده دئییر کی، بونو دئیه‌نین اؤز خالقی‌نین باشینا گلسین. بوتون خالق شعر یازیر.
 
پروین: بیر نفر دئییر، یا سیز دئییرسیز  آنار معلّم؟ 
 
آنار: یوخ، باشقا بیر آدام دئییر.
 
پروین: یاخشی، آچیقلاماق ایسته‌میرسیز. آچمایاق، بونو سیزینله چالیشان هر کس بیلیر، آمّا اوخوجولارینیز اوچون ماراقلی اولار ایش رئژیمینیز... بعضا ایشلمه‌یه اوتوراندا، یئرینیزدن قالخمادان ۱۰-۱۲ ساعت یازیرسیز. بونون ایچریسینده بیر فاناتیزم ده وار هر حالدا؟
 
آنار: فاناتیزم ده آدلاندیرماق اولار، آلوده‌چیلیک ده... هر کسده یارادیجیلیق پروسئسی بیر جور جریان ائله‌ییر. عمومی بیر رئسئپت یوخدور.
آمّا منده بئله‌دی کی، باشلاماق چتیندی منیم اوچون. جوربه‌جور بهانه‌لرله یوبادیرام یازماغا باشلاماغی. آمّا ائله کی باشلادیم، آیریلا بیلمیرم. تا او واختا قدر کی، گؤرورم داها طاقتیم قالماییب. بعضا ائله اولور کی، ۱۰-۱۲ ساعت آردیجیل ایشله‌ییرم، بعضا سه یوخ. 
 
پروین: بس الینیزی ایشدن سویودان نه اولور، آنار معلّیم؟
 
آنار: الیم سویومور ایشدن، هئچ بیر واخت.
 
پروین: هئچ واخت؟ بوتون یارادیجیلیغینیز بویو هئچ بیر گون ده اولماییب کی، دوشونه‌سیز کی، من نییه یازیرام؟ نه‌یه لازمدی بونلاری یازماق؟
 
آنار: اونو من هر گون دوشونورم، نه‌یه یازیرام یوخ، کیمین اوچون یازیرام؟ اونو داها چوخ دوشونورم، چونکی خصوصی‌له داها چوخ سون واختلار منه ائله گلیر کی، سؤزومو عنوان‌لادیغیم انسانلارین، اوخوجولارین یا آنلایانلارین سایی آزالیب خئیلی. آمّا بونا باخمایاراق،  هره‌نین بیر پئشه‌سی وار دا. میسسییا (معین مقصده خدمت گؤسترن فعالیت) فیلان، بئله یوکسک سؤزلری ایشلتمیرم. آمّا منیم پئشه‌م یازماقدی و اونا گؤره ده یازیرام.
 
پروین: بس او دئدییینیز سواللارا پئسسیمیست(بدبین، منفی نگر) جاوابلار آلاندا، نئجه یئنیدن اؤزونوزو توپارلاییرسیز و یازماغا کؤکله‌نیرسیز؟ هانسی‌سا بیر سیرّ وار، ائله آدام وار، دئییر کی، من موسیقییه قولاق آسیرام و ایلهاما گلیرم، ائله‌سی وار، دئییر کی، منی عذابلار کؤکله‌ییر، هانسی‌سا یازییا...  
 
آنار: بیلیرسن، منه ائله گلیر کی، بئله بسیط دئییل بو؛ بیری آنجاق موسیقیدن روحلانسین، بیری سئوگیدن، بیری دوستلوقدان یا بیر اضطرابدان... حیات او قدر بیر-بیرینه قاریشیق حسّ‌لردن، تأثّرات‌دان، گؤروشلردن عبارتدی کی، اونلارین بیرینی سئچمک چتیندی. ائله واخت اولوب کی، دوغرودان دا، منی موسیقی جلب ائله‌ییب، ائله واخت اولوب کی، بیر انسانین خیانتی منه ایلهام یوخ، موضوع وئریب. بعضا ایسه باشقا بیریسی‌نین فداکارلیغی جلب ائله‌ییب منی. یعنی جوربه‌جور ستیمول‌لار(برآورد، حدس) اولور، جوربه‌جور سبب‌لر اولور... بو سبب‌لری بیر یا ایکی جهت‌له باغلاماق  منه ائله گلیر کی، دوز دئییل.
 
پروین: مایاکووسکی‌دن ترجمه ائتدییینیز بیر بند شعر وار، اصلینده مایاکووسکی هئچ اونو چوخ دا گئنیش تبلیغ ائتمه‌ییب، بلکه هئچ کیتابلارینا دا سالینماییب. هر حالدا من بو بندی یالنیز سیزین ترجمه‌لرینیزده گؤرموشم. من اوّلینی دئیه‌جم، آمّا خواهش ائدیرم کی،  سهو ائله‌سم، منه یاردیمچی اولاسیز.  
«یا خوچو بیت پونیات رودنوی استرانوی
آ نئ بودو پونیات چتوژ... 
پو رودنوی استرانئ پرویدو ستورونوی،  
کاک پروخودیت کوسوی دوژد».
 
آنار: هامیسینی بیلیرسن ده...  غریبدی کی، مایاکووسکی‌نین منیم فیکریمجه، ان صمیمی و آغریلی اعترافلاریندان بیریدیر. آمّا اؤزونو گیزلتمک اوچون دئییردی کی، من بونو هئچ بیر یئره سالمادیم، چونکی بوردا اینیلتی وار، زاریلتی وار و من بونو سئومیرم. آمّا حال‌بوکی، بوردا بیر فاجعه‌‌ وار، مایاکووسکی‌نین فاجعه‌‌سی... و من بو شعری ترجمه ائله‌دیم، سن روسجاسینی اوخودون، آذربایجان دیلینده ایسه منیم ترجمه‌م ده بئله‌دی: