علی رشتبر قاییب

بئش گون اولدو کوسدویون،
بئش ایل کئچیر ائله بیل.
زامان سنین الیندن ،
سویون ایچیر ائله بیل‌.

قصدین کی یوخ گلمگه،
باخیشینی بؤلمگه،
ایچیریمدن اؤلمگه،
کروان کؤچور ائله بیل.

کسر یوخدور سؤزومده،
یالانیمدا دوزومده،
اوز چئویریب اؤزوم ده ،
مندن قاچیر ائله بیل.

باهار تک دولدوغومو،
پاییز تک سولدوغومو،
و سنسیز قالدیغیمی،
هامی سئچیر ائله بیل.

https://t.me/Adabiyyatsevanlar

زرین رزندی(طناز)

استاد کریمی مراغه ای
1310-1401
اوستادین ابدی خاطیره سینه عشق اولسون.


بویو بسته،گولر اوز،سئومه لی بیر دوزلو کیشی
کَهلییی درده سالیر،(میرزه)نین اوُ خوش یئریشی
زشت وزیبا،اخوی،شعرینه عقل حیران اولور
طنزیله عالمی شَن حاله گتیرمک دیر ایشی
بای بایی دادلی،مینی ژوپ مزه لی،مرسی شیرین
تورپاغی جان یاشاسین،بهلولا وار بنزریشی
ائشیدندن کی گئدیب سئوگیلیسی ایران اره
یووا قویموش دامینا،یوز قادینین کوُنول قوشی
(میرزه)دیش مرثیه سین،آخ نه گوُزل طنزه چکیب
گوُره سن اصل دیر آغزیندا،یا قوندارما دیشی؟

(میرزه)قلمان دیر،حایات یولداشی ساکینه حوری
قال ماقالسیز یاشاماق،ایندی دئییل هر نر ایشی
توتوب آوازه سی،شان-شهرتی ایران-تورانی
سوُزلری ایچلی بادام،سیندیراناجیب یئمیشی
اولماسین رهن وگرو(طناز)ا تای شش ده بئشی
قوشما مندن سنه پای،ای اوره یی سوُزلو کیشی
شعر طنز وغزلین،قدرینی(طناز) بیلر
بئله بیلمه آییران یوخ دی قیزیل دان گوموشی.

https://t.me/Adabiyyatsevanlar

اوشاق ادبیاتی
اوشاق ادبیاتی هر هفته پنجشنبه گونو ادبیات سئونلر کانالیندا .
اوشاق ادبیاتینا دایر یازیلارینیزی بیزه گوندرین .

https://t.me/Adabiyyatsevanlar

اوشاق ادبیاتی
نورالدین_مقدم (آیدین دومان)

آجالمێشام آی آنا!

گۆن اوْرتا مدرسـه‌دن
تر – تله‌سیک چاتێرام
سوْیونمامێش ایستیرم
بیر یئر تاپام اوْتورام

آنام دئیینیر آنجــاق
اوْغلان گئت اوْتاغینا
سؤزۆن کسیرم... نئیلیم
آجالمێـــشام آی آنا!

آنا نه بیشـــیریرسن؟
بیر آز وئر دادێم گئدیم
ائله چاش باش اوْلموشام
هئچ بیلمیرم نه ائدیم

آنام گۆلور یاواشجــا
ائله جانێندان... دئییر
بیشیردیڲی کۆفته‌دن
قاشێقدا بیر آز وئریر

دادلانێــر دوْداقلارێم
گۆل دۆشور  یاناغێما
بیر گؤز ووروب،گۆلورم
قاچێــــرام اوْتاغێما

https://t.me/Adabiyyatsevanlar

اوشاق ادبیاتی

آلما آغاجی‌نین احوالی

يازان: رشید بَی افندیئو
كؤچورن: احد فرهمندی

مئشه‌ده زوربا بیر جیر آلما آغاجی بیتمیش ایدی. پاییز فصلینده بو آغاجدان بیر آلما دوشوب یئرده قالمیش ایدی. قورد-قوش بو آلمانی دیمدیکله‌ییب هم اؤزونو و هم توخومونو یئمیش ایدیلر. آلما توخوموندان بیر دهنه‌سی سیچراییب یئرین جادارینا دوشموش و اورادا قالمیش ایدی. قیش اؤتدو، یاز آچیلان زامان گونون حرارتی یئره تأثیر ائله‌مگه باشلادی، بو توخوم دا او واخت گؤیرمگه باشلادی؛ تورپاغین ایچینه ساری کؤک آتدی، هاوایا ایکی یارپاق آچیب باش چیخارتدی.
بو دئدیگیمیز اوّلينجي ایکی یارپاغین تن اورتاسیندان بیر زوغ گؤیرمگه باشلادی. بو زوغ اوزونو خیردا-خیردا دویمه‌لر دوزولموش ایدی و بونلاردان دا  تزه یارپاقلار و زوغلار چیخماغا باشلامیش ایدی. بو مینوال ایله زوغ آتا-آتا توخوم گیزله‌نمیش یئرده بیر گؤزل آلما آغاجی عمله گلمیش ایدی. بیر نفر باغبان الینده دمیر بئل مشه‌ده گزرکن بو شومال اونون گؤزونه ساتاشدی و درحآل بو آغاجی قازیب یئردن چیخارماغا باشلادی. آلما آغاجی بو حالی گؤروب دئدی:
— وای، وای. عؤمروم بورادا تامام اولدو، داها یاشاماق منه ممکن اولماز، تلف اولدوم گئتدی.
اما باغبان کمال-احتیاط ایله اطرافینی قازیب، ریشه‌لرینه خلل یئتیرمه‌یرک، بو جاوان آلما آغاجینی مشه‌دن چیخاریب باغینا کؤچوردو و راحات یئره باسدیردی. تزه باسدیریلمیش آغاج اطرافینا باخیب گؤردو کی، قونشولوغوندا گؤدک-گؤدک گؤیرتیلر یئره باسدیریلیب، باشلاری کسیلیب و كسیک یئرلره جیریق-جین‌دیر باغلانیب‌دیر. اؤزونه اولان حؤرمتی گؤروب خیلی مغرورلاشدی. آنجاق یازیق بیلمیردی کی، کؤک توتاندان سونرا باغبان اونو دا اطرافینداکیلارین حالینا سالاجاق‌دیر. او بیری ایل باغبان الینده ایتی دهره گلیب بو آغاجین بوغازیندان کسیب آتدی، قالدی بیرجه کؤتویو. بو دفعه آلما آغاجی اؤزو-اؤزوندن ال گؤتوردو و دئدی کی، لاپ هلاک اولدوم. من بیر داها عمله گلمه‌رم.
باغبان الینده‌کی دهره ایله گؤتویون تپه‌سیندن ووروب باشی آشاغی جیردی. همین یاریغا باشقا بیر جینس آلما آغاجی‌نین زوغونو سالیب ووردوغو یارانی ملحم ایله باغلادی. آلما آغاجی جاوان اولدوغو و قوووتلی یئرده بیتدیگیندن، گؤتوردویو یاراسی تئزلیکله ساغالیب باشقا جینس آغاجین بوداغی ایله قاینادی. بو جالاق اوچ ایل عرضینده قول-بوداق آتیب میوه گتیرمگه باشلادی.
میوه، نئجه میوه. اؤزو ایری، رنگی آل-قیرمیزی، عطری خوش، دادی تورشا شیرین، اؤزو یوپ‌یوموشاق. خلاصه، بو آلما آغاجی ائله بیر شهرت قازاندی کی، هر یئردن گلیب اوندان قلم آپاریب جالاق جالاییردیلار.

https://t.me/Adabiyyatsevanlar

اوشاق ادبیاتی


هاشیم ترلان

یئنه کوًرپه بالا دوغدو، آنا وطن آذربایجان
داشلاری لعل داغلاری سیخ تورپاغی شن آذربایجان.

وجده گلديم گليشينله، قوی اوجالسین باشین سنين,
قیزیل‎باشلار سایاغیندا هاوالانسین مارشین سنين.

سن بوی آتـیب اوجالسان دا گوًبه‎یينده بو دوٍنیانین
یاساق اولوب قووما دوًندوٍن کله‎یينده بو دوٍنیانین.

گل! بو یوردون شفق ساچان، داغلار چاپان، فرهادی اول!
سوسوز قالان داغ- داشیمین سئللنديرن گوٍرشادی اول!

آرزوم بودور شعله ساچیب شاهه قالخسین شوخ قامتين
دامغالاسین دار گوًزلري، قدرتين‎له سوًز حيکمتين.

آمان‎سیز اول! دوًیوٍشلرده، یوٍروٍشوٍنه وئرمه آرا,
من‎ليیينه بوًهتان دئیَن، گوًزدن سوٍرمه قاپانلارا.

اوجال، بوی آت، قدملرين، قانادلارین قوی برکيسين،
سن اوچدوقجا خار اویناسین گوًزلرينده هر ناکسين.

قیغیلجیملار قان یئرينه، داماریندا آخسین گره‎ک،
اينامینی زيروه‎لرين یاخاسینا تاخسین گره‎ک.

سن بابکين حاققام دئیَن آند ايچديیي ايلغاری‎سان,
عنوان سئچيب، مطلب یازان اوًنجوٍل‌‌‎لرين سرداری‎سان.

ايلهامینی ائلدن آلان، مصلحتی قلميندن،
ديليمدن یاز! یارا سالار قوی تيتره‎سين تمليندن.

بئل باغلاما اوًز قینیندان آیریلمایان قیلینجا سن،
آییردینسا، هنرله باخ دان یئرينه دویونجاسن.

سن یوردومون گوًیلرينده نغمه‎لشن سحری‎سن،
ديليميزين اوجاغینی گوٍر یاندیران «آذری»سن.

https://t.me/Adabiyyatsevanlar

اوشاق ادبیاتی
کارتون
تپه گوزون ناغیلی

اوشاق ادبیاتی هر هفته پنجشنبه گونو ادبیات سئونلر کانالیندا .
اوشاق ادبیاتینا دایر یازیلارینیزی بیزه گوندرین .

https://t.me/Adabiyyatsevanlar

"غروب درگیسینده "دونیا آنا دیلی مناسبتی ایله یاخین گله جکده،

https://t.me/Adabiyyatsevanlar

مجید تیموری فر (م.صفا)
گوللر سولوب...

کؤنلومون گؤزونده سن،
دورمادین سؤزونده سن.
گئدیب سن سه، قارمونومون؛
سیزلایان سؤزونده سن...
       
اوره ک دولوب،
گوللر سولوب،
گؤز یاشلاریم عوممان اولوب.
       
البت دئدین گئتمک ایله،
اؤلکه نی ترک ائتمک ایله،
سئوگیلینی درده سالیب،
اوزگه یه سوز وئرمک ایله،
عاشیقینین آهی توتماز؟
تانری سانماز؟!
رقیب ائوی اوددا یانماز؟
                                            ☆☆☆   
آمان کؤنول چاشما، اویان.
کیمدور گئده نلری سایان؟!
"صفا" اؤیره ن او کسلردن،
وفاسین ائیله ییر عیان...
    تبریز-1380

 https://t.me/Adabiyyatsevanlar

رحیم گوزل

بایرام آیی نین ایکیسی؛
قوتلو اولسون دئیه
- بو گون  -
گووه نیرم
خاقان بابالاریما...
مین ایلدن چوخ
سوز یییه سی اولسالار دا بو اولکه ده،
قویمادیلار
هئچ بیر خالقین
دیلی قالسین کولگه ده..‌.

2

شاما بنزر بیر اینسانام؛
اریسم ده یاندیقجا..‌.
دونیا ایشیقلاندیقجا؛
داد آلیرام وارلیغیمدان‌.
منی، یاخان یوخ،
آنجاق؛
قارانلیقلار آیدینلیغا چیخسین دئیه
آلیشماغی من سئچمیشم
بیله - بیله.
اولدوزلارلا، گونشله
بیر بولاقدان سو ایچمیشم
گیله - گیله.
شام، آغلایا - آغلایا یانار
آما
من، یانیرام گوله - گوله!
آخی،
قارامسارلارا دا
اومود وئرمک بیر ایشیم دیر.
شئعیرلریم، نغمه لریم
ایشیق ساچان
آتشیم دیر.

https://t.me/Adabiyyatsevanlar

بوتا اوچ آیلیق مدنیت و اینجه صنعت درگی‌سی‌نین اون‌سککیزینجی سایی نشره بوراخیلدی.

درگی‌نی بوتا نشریاتی و درگی‌سی علاقه واسیطه‌لردن آلا بیلرسینیز.
شماره‌ی هجدهم فصلنامه‌ی بوتا را از کانالهای مجازی انتشارات و فصلنامه‌ی بوتا و نیز کتاب فروشی‌های معتبر استانهای آذربایجان شرقی-آذربایجان غربی- زنجان-اردبیل و تهران بخواهید- بخش ویژه: میلان کوندرا

متقاضیان جهت تهیه بلاواسطه می‌توانند از طرق زیر اقدام کنند.

کانال تلگرام     @butakitab
تلفن انتشارات    04432221776
سایت نشریه    Butajournal.com
اینستاگرام   msobhdel


https://t.me/Adabiyyatsevanlar

غسان كنفانی

کاش کودکان نمی‌مردند
ای کاش موقتاً به آسمان‌ها برده می‌شدند
تا جنگ تمام شود،
سپس با خیال راحت به خانه‌شان برمی‌گشتند،
و وقتی والدین با حیرت از آنها بپرسند
کجا بودید؟
با خوشحالی بگویند:
«داشتیم با ستاره‌ها بازی می‌کردیم!»

https://t.me/Adabiyyatsevanlar

کیان خیاو

قیش دوغوملولارینی سئویرم.

قیش منیم اوچون اؤزل بیر فصیلدیر و اؤزللیکلرین ائستئتییینه وارماق گئرچکدن دادوئریجی. ایلباشی قیش باشلانان گوندن اوره‌ییم جیویل- جیویل آتیر. گئنللیکله قیش باشقا فصیللردن سسسیز و تر- تمیز اولور. من سئوسم سسسیز سئوه‌رم. هایقیرماز، گیزلی سئوه‌رم. تر- تمیز سئوه‌رم. بو اوزدن هر زامان بیر قیش فصلی وار ایچیمده. بو فصیل بیر ایچ دونیا‌دیر منیم اوچون. اورقانیک یوخسا آنورقانیک بیر دونیا؛ فرق ائتمز. نه اینانج، نه گله‌نک، نه ده باشقا دوزن- موزن منی بو ایچ دونیامدان آییرابیلمز. بو دونیایا چوخ خیاللار سیغدیرمیشام. چوخ سئوگی یازیلاریمی بو فصیلده یازمیشام. پامبیق آغ یازیلار بوتونلوکله بو سئوگیلر اوزوندندیر. بیر اؤیره‌نسک اوخوماغی آرتیق! بیر دینله‌سک سئوگینین سسسیزلییینی!
سؤزسوز قیش فصلیندن چوخ ایستکلریم اولوب، آنجاق بوتون ایسته‌مکلر، الده ائتمک دئییلدیر. آماجلار وار. اینسان اوچون اینسانجا سئومک وار. یاشاماق وار. اورییمده گئت- گئده بؤیویوب یئر ائدیر خیاللار. تر- تمیز ساعاتلار، گونلر، گئجه‌لر. و قیش اوزاندیقجا اوزاناییر. باشقا فصیللرده بئله من قیشدان ال چکمیرم، قیش دا مندن. من بو دونیانین یاخشی بیر یوردداشییام. آنجاق زامان دایانمیر کی، سورونور یاشام. عؤمور بیر دقیقه یولدور، بیر باخارسان سونونداسان. و یاشام بیر یولچولوقدورسا، من بو یوللارین سونوندا یئتیشمک ایسته‌دیییم یالنیز اؤزومم، بیر ده اولارسا قیش دوغوملوسو اولان ان ایچدن سئودیکلریم. چوخ سئویرم قیش دوغوملولارینی. قیشدا چیچک آچیر منیم بوداقلاریم. بوداقلاریمین ساچلاری، گؤزلری، دوداقلاری. و گؤیوسلری آغ- آپباق آغارچین گؤی بولودلاری؛ گؤم- گؤی گؤیرچین یئر بنؤوشه‌لری. اونلار منیم اوچون کسیندیرلر. بیلینمه‌ین، شکیلسیز سئوگیلیلر. من بیلینمه‌ین، شکیلسیز بیر ایستکله اونلارین عاشیقییم. ایلباشی اونلارین دوغوم گونلرینده، ایم- ایستی آدلارینی سویوق- سویوق قار یئییرم اووجومدا. اونلار قیش آیلاری آغلیغیندا‌دیرلار. آدلاری سانکی قارین آغ کاغیذیندا، سئوگی، گؤزللیک، تمیزلیک و یاخشیلیق الیفباسیدیر. من منیم اوچون یاشامی یاشانیلیر قیلان بو سئوگیلی آدلاری ایددیعا‌لیجا های- کویله باغیرمیرام، قوش کیمی جیویلداییرام. جیویل- جیویل اؤتورم بو آدلاری، و بیلیرم؛ هئچ بیر بوداغین یئر وئردییی قوش و هئچ بیر قوشون اؤتدویو بوداق اؤزونونکو دئییل. نه‌یسه!...

قیش دوغوملوسو ان ایچدن سئودیکلریمه، دوغوم گونونوز قوتلو اولسون دئییرم. موتلو اولون ایللرجه. آنجاق لوطفن موتلو اولون؛ موتسوزلاری قبول ائتمیر بو دونیا!...

سونسوز سئوگیلریمله!...

https://t.me/Adabiyyatsevanlar

بعضی موضولاردان کئچمک اولمور،بعضن موضونون دانیشیق دیلیندن،بعضن محتواسیندان ،بعضن موضونون گوزلیگیندن،بعضن سنده اینسانی دویغولاری اویاتدیغیندان ... بعضن اسکی بیر سوزه شیرین دیل  ،تزه دون گئیردیمک  دن ...بو کلیپ اولارداندی.

https://t.me/Adabiyyatsevanlar

خبر
زهره محمد پور

ساعدی_گئجه‌سی ۱۴۰۳جی ایلین بهمن آیی‌نین ۲۵ی تبریزده کئچیریلدی.

بو اوتورومدا چوخلو دوستلار ، اوزاق و یاخین شهرلردن زحمت چکیب، بو آغیرلاما مراسیمن داها زنگین‌لشدیرمک اوچون تشریف گتیرمیشدیلر . بو مراسیمده چوخ ده‌یرلی یازارلاریمز فرقلی قونولاردا مقاله‌لر ارائه وئریب و ساعدی و اونون یازدیقلاری و دوشونجه‌سی حاققیندا دانیشیق آپاردیلار . بو مراسیم مکان اولاراق #ائل_بیلیمی موسسه‌سینده ، آرش ساعی ، رسول اسمعیلیان و محمد سیامک‌نیانین همت‌ایله برگزار اولوندو . مراسیمین پوستری ده‌یرلی دیزاینر مهیار بی علیزاده‌نین توسط‌ایله طراحی اولونموشدو. مراسیمین یادبودلارینین زحمتین عزیز صنعتکاریمیز شهلا خانیم ایمانی چکمیشدیلر. بو گئجه‌نین آنی‌لار و خاطیره‌لری عزیز هادی زنوزی‌‌نین زحمت ایله ثبت اولوندو.
عزیز و ده‌یرلی قوناقلار ، بیرسیرا چتین‌لیک‌لره رغمن ، آن به آن کناریمیزدا اولوب و بو گوزل مراسیمه رنگ قاتدیلار . نه گوزل کی بو آنیمساما تبریزده اولدو . نه گوزل کی ساعدی اونودولمادی بو شهرده و نه گوزل کی هله ده یاشادا بیلیریک توپراغیمیزین ده‌یرلرین.

دانیشیق آپارانلار:

● خانم نیگار خیاوی
عنوان: بَیل عزالیلاری اوزرینه اینجه‌لمه

● خانم رقیه کبیری
عنوان: تای‌سیز بیر عاشیقانه مکتوب

● دکتر ایواز طاها
عنوان: ادبیات سیاستی

● دکتر اصغر ایزدی جیران(مردم‌شناس، عضو هیات علمی دانشگاه تبریز)
عنوان: «مونوگرافی‌های ساعدی: تحلیل و نقد  پژوهش میدانی و سبک بازنمایی»

● آقای اکبر شریعت
عنوان: گوهر مراد ما و واهمه‌های بی‌نام‌ونشان آن‌ها

● آقای ضیا وظیفه شعاع
عنوان: ساعدی؛ مهاجر ابدی

● آقای مهدی حمیدی:
عنوان: مواجهه با زبان‌کوری ساعدی در گفتمان مرکز

● آقای یوسف انصاری
ساعدی: به‌سوی ادبیات اقلیت
یا: «چه کسی از غلامحسین ساعدی می‌ترسد؟»

● آقای علی پاداش
عنوان: مولفه های مردم شناختی در نمایشنامه های ساعدی

https://t.me/Adabiyyatsevanlar