Forwarded from ادبیات سئونلر
عمران صلاحی 1325-1385
پارچالاندیق سینمادیق
پارچالاندیق سینمادیق
داش آتانلار بیلمه دیلر
پارچالانمیش آینادا
بیر آیدان مین آی چیخار
بیر گونش دن مین گونش
بیر اولدوز دان مین اولدوز
پارچالاندیق آینا کیمی
چوخالیریق چوخالدیریق ایشیغی
گوندوز گونه عادتی وار، گئجه اولدوزلارا آیا
بوداقلار باهارا
میوه لر یایا
گمیلر دنیزه، بالیقلار چایا، پنجره لر آچیلماغا
بیر آز تازا هاوایا
آچیق یئل کن عادتی وار یئللره
آراز دلی سئللره
آینا گوزهللییه، داراق تئل لره
غریب آدام عادتی وار وطنه، داغلار دومانا چنه
آیریلیق گونلری منه
من سنه!
https://t.me/Adabiyyatsevanlar
پارچالاندیق سینمادیق
پارچالاندیق سینمادیق
داش آتانلار بیلمه دیلر
پارچالانمیش آینادا
بیر آیدان مین آی چیخار
بیر گونش دن مین گونش
بیر اولدوز دان مین اولدوز
پارچالاندیق آینا کیمی
چوخالیریق چوخالدیریق ایشیغی
گوندوز گونه عادتی وار، گئجه اولدوزلارا آیا
بوداقلار باهارا
میوه لر یایا
گمیلر دنیزه، بالیقلار چایا، پنجره لر آچیلماغا
بیر آز تازا هاوایا
آچیق یئل کن عادتی وار یئللره
آراز دلی سئللره
آینا گوزهللییه، داراق تئل لره
غریب آدام عادتی وار وطنه، داغلار دومانا چنه
آیریلیق گونلری منه
من سنه!
https://t.me/Adabiyyatsevanlar
پرویز کاظمی
نظامینین تورکجه دیوانی
بو گونلرده آکادئمیک «نظامی جعفروو»ون لایحه رهبری اولدوغو «دیوان شیخ نظامی» کیتابی چاپدان چیخدی. تدقیقاتچی دوقتور صدیار وظیفهنین (ائلاوغلو)نون تاپیب اوزه چیخاردیغی الیازمانین اؤیرنیلمهسی، متخصصلرین مذاکرهسینه وئریلمهسی و الیازمانین مکمل تحلیلی استقامتینده مهم بیر آددیم آتیلدی.
https://t.me/Adabiyyatsevanlar
نظامینین تورکجه دیوانی
بو گونلرده آکادئمیک «نظامی جعفروو»ون لایحه رهبری اولدوغو «دیوان شیخ نظامی» کیتابی چاپدان چیخدی. تدقیقاتچی دوقتور صدیار وظیفهنین (ائلاوغلو)نون تاپیب اوزه چیخاردیغی الیازمانین اؤیرنیلمهسی، متخصصلرین مذاکرهسینه وئریلمهسی و الیازمانین مکمل تحلیلی استقامتینده مهم بیر آددیم آتیلدی.
https://t.me/Adabiyyatsevanlar
حمید بخشمند
او یازیغا اولان اولدو… (ایکی مکتوب و بیر نئچه سؤز)
ایضاح:
تیر آیینین ۲۳-ینجی گونو آذربایجان یازیچیسی، عالیم تدقیقاتچیسی و باجاریقلی ژورنالیستی دوقتور غلامرضا بوداغینین نیسگیللی اؤلومونون ایل دؤنومودور. غلامرضا بوداغی(قولو) عؤمرونون جاوان چاغلارینی سیاسی- اجتماعی فعالیتی اوجباتیندان کئچمیش سووئتلر بیرلیگی اؤلکهسینه سیغینمیش، اورادا درس اوخوموش و فلسفه و حقوق رشتهسینده دوقتورلوق درجهسینه یوکسلمیشدیر. او اورتا عصر آذربایجان فلسفهسی اوزره متخصص کیمی ۱۰ ایلدن سونرا آنا یوردو تبریزه قاییدیر. بورادا حیاتی چوخ آغیر و تراژیک کئچیر. بو آجیناجاقلی حیاتا دؤزمهدن آذربایجانین بو اونودولماز اوغلو اؤز الیایله ۵۵ ایللیک حیاتینا سون قویور و ۱۳۸۹ینجی ایلین تیر آیینین ۲۳ینده تبریزین وادیالرحمه مزارلیغیندا تورپاغا تاپشیریلیر. دوقتور غلامرضا بوداغی(قولو)نون عزیز خاطیرهسینه بیر داهادا عشق اولسون دئیهرک، یاخین دوستلاریندان اولان حؤرمتلی یازیچی و ژورنالیستیمیز “حمید بخشمند” معلمین بیر یازیسینی سیز عزیز اوخوجولارا تقدیم ائدیریک. (ایشیق)
×××
او یازیغا اولان اولدو…
اؤزو منه سؤز وئرمیشدی…
گؤروشلریمیزین بیرینده منه دئمیشدی کی، “قولو”دان ایکی مکتوب منده وار. بو دؤنه تبریزه گلنده اونلاری گتیریب وئرهرم سنه، اؤزون بیل نئیلیسن ائله. هفتهلر، آیلار اؤتوشدو. یئنه بیر گون بیز بو شهرده اوز- اوزه گلدیک، آمما مکتوبلاردان سس- سوو یوخ. وئردییی وعدهنی خاطیرلاتدیم اونا…
– وای..! پاه یادیمدان چیخیب. سؤز وئریرم، گلن دفه گتیرمهسم، دای سنی گلیب گؤرمهرم. آخی…
نه ایسه، بیر یای آخشامی زنگ آچدی منه. سلام- علیکدن سونرا:
– هارداسان؟
– اکبرین دوکانیندایام.
– ائله اوردا اول، بو ساعات گلدیم.
… و او ساعات گلدی. اؤپوش- گؤروشدن سونرا چانتاسیندان بیر پلاستیک کاور چیخاریب، دئدی:
– سنه ایکی مکتوب وعدهسی وئرمیشدیم، یئرینه دؤرد مکتوب، بیر اَلیازما شعیر گتیرمیشم. ایکیسی بیر نفردن، ایکیسی بیر باشقاسیندان، اَلیازما شعیر ده بیر آیریسیندان. بو اوچ نفرین ایکیسی دونیاسین دَییشیب، بیری اؤلکهسین. هله اوستهلیک، سن باعث اولدون اؤزومون بیر نئچه ایتیب- باتمیش شعریمی ده کار- کاغیذلاریمین ایچیندن تاپیم.
اونلاری آلیب، قیسا بیر سؤز- صؤحبتدن سونرا بیر- بیریمیزدن آیریلدیق.
او گئتدی…
من بیر آز دایانیب، حبیب معلیمین آرخاسیجا باخدیم. همیشه کی کیمی یورویوردو. بو کیشینین هئچ آرام- و- قراری یوخدو. دائم قاچا- قاچدادی. اوزاق- یاخین فرق ائتمز. ایستر تهرانین جنوبوندا عموخیاطین جومعهلر ایش اوشاقلاری اوچون تشکیل وئردییی کلاسلاری اولسون، ایستر خانیم پویندهنین ائو آروادلاری اوچون ترتیب ائتدییی کارگاهلاری؛ ایستر قاراداغین هانسیسا بیر بور- بوجاغینداکی قیرخ ایل بوندان اول درس وئردییی بیر کند اولسون، ایستر زلزلهدن ساری اوچولموش آوادانلیقلاردا یاریمچیق هؤرولموش بیر بهداشت ائوی…
هله، تبریزین اؤزونده دوستلاردان دا خبر توتماق گرک. سرحدلرین او اوزونده قالمیش یولداشلارین عائلهلرینه ده باش وورماق گرک. ایندی ایسه آللاه بیلیر گئدیر کیمسهیه باش چکسین، هانسی خستهنی گؤرسون! بلکه ائله یول اوستو رحمتلیک ضیا خیاطگیله ده دؤندو! هر نه اولور اولسون، آنجاق “یولچو یولدا گرک!” بئلهدیر حبیب فرشباف. بئله یاشاییب، بئلهجه ده یاشایاجاق…
ائوه دؤندوکده هر شئیدن اول باشلادیم حبیبدن آلدیغیم کاغیذلاری اوخوماغا. هر بیرینی نئچه دؤنه اوخودوم… آمما نه اوخوماق! هر اوخودوقدا اورک ائوینده یاغیش یاغیردی… خصوصیله ایکی مکتوب بیر نفردن منی اوتوز بئش، اوتوز یئددی ایل بوندان قاباقلارا چکیب آپاردی. منی جاوانلاتدی. قولو (غلامرضا بوداغی)له بیر داها اوزبهاوز اوتوردوم. بیر داها ایکیمیز دئییب- ائشیتدیک. آنجاق سؤز آراسی چوخ جیدی بیر صیفتله سوروشدو:
– «شاهرخ مسکوب»ون چئویردییی «افسانههای تبای»یی اوخویوبسانمی؟
– یوخ، کیتابی گؤرمهمیشم هئچ.
درحال آیاغا قالخیب، گئدیب کیتابی گتیریب منه وئررکن:
– آل، منده وار. پول وئریب آلما. چوخ اوخومالیدیر. اوخو، آنجاق دیقتله اوخو.
دیقتله اوخوماغین معناسینی بیلیردیم. یعنی قولو کیمی اوخو.
اوخودوم. اونون کیمی اوخودوم. تمیز. دیقتله. سوفوکل. تبِس شهری. اودیپ شاه. اؤنجه یازیلمیش آلین یازیسی. آتانی اؤلدوررسن، اؤزون بیلمهدن. ابوالهول (اسفینکس)ین سئوالینین دوزگون جاوابینی آنجاق سن وئررسن. سنی تبِسده شاهلیغا گؤتوررلر. شاه کی اولدون، آنانلا ائولهنیب، اونو اؤزونه آرواد ائدرسن، اؤزون بیلمهدن. آنان/ آروادینلا بیر یاتاقدا یاتارسان، اؤزون بیلمهدن. ایکی اوغلون/ قارداشین اولار و ایکی قیزین/ باجین… هامیسی اؤزون بیلمهدن! بو گوناهین جزاسینا تبِس شهرینی طاعون بورویَر. سنی سورگون ائدرلر. سونرا اؤزون- اؤزونو اینه ایله کور ائدرسن…
او یازیغا اولان اولدو… (ایکی مکتوب و بیر نئچه سؤز)
ایضاح:
تیر آیینین ۲۳-ینجی گونو آذربایجان یازیچیسی، عالیم تدقیقاتچیسی و باجاریقلی ژورنالیستی دوقتور غلامرضا بوداغینین نیسگیللی اؤلومونون ایل دؤنومودور. غلامرضا بوداغی(قولو) عؤمرونون جاوان چاغلارینی سیاسی- اجتماعی فعالیتی اوجباتیندان کئچمیش سووئتلر بیرلیگی اؤلکهسینه سیغینمیش، اورادا درس اوخوموش و فلسفه و حقوق رشتهسینده دوقتورلوق درجهسینه یوکسلمیشدیر. او اورتا عصر آذربایجان فلسفهسی اوزره متخصص کیمی ۱۰ ایلدن سونرا آنا یوردو تبریزه قاییدیر. بورادا حیاتی چوخ آغیر و تراژیک کئچیر. بو آجیناجاقلی حیاتا دؤزمهدن آذربایجانین بو اونودولماز اوغلو اؤز الیایله ۵۵ ایللیک حیاتینا سون قویور و ۱۳۸۹ینجی ایلین تیر آیینین ۲۳ینده تبریزین وادیالرحمه مزارلیغیندا تورپاغا تاپشیریلیر. دوقتور غلامرضا بوداغی(قولو)نون عزیز خاطیرهسینه بیر داهادا عشق اولسون دئیهرک، یاخین دوستلاریندان اولان حؤرمتلی یازیچی و ژورنالیستیمیز “حمید بخشمند” معلمین بیر یازیسینی سیز عزیز اوخوجولارا تقدیم ائدیریک. (ایشیق)
×××
او یازیغا اولان اولدو…
اؤزو منه سؤز وئرمیشدی…
گؤروشلریمیزین بیرینده منه دئمیشدی کی، “قولو”دان ایکی مکتوب منده وار. بو دؤنه تبریزه گلنده اونلاری گتیریب وئرهرم سنه، اؤزون بیل نئیلیسن ائله. هفتهلر، آیلار اؤتوشدو. یئنه بیر گون بیز بو شهرده اوز- اوزه گلدیک، آمما مکتوبلاردان سس- سوو یوخ. وئردییی وعدهنی خاطیرلاتدیم اونا…
– وای..! پاه یادیمدان چیخیب. سؤز وئریرم، گلن دفه گتیرمهسم، دای سنی گلیب گؤرمهرم. آخی…
نه ایسه، بیر یای آخشامی زنگ آچدی منه. سلام- علیکدن سونرا:
– هارداسان؟
– اکبرین دوکانیندایام.
– ائله اوردا اول، بو ساعات گلدیم.
… و او ساعات گلدی. اؤپوش- گؤروشدن سونرا چانتاسیندان بیر پلاستیک کاور چیخاریب، دئدی:
– سنه ایکی مکتوب وعدهسی وئرمیشدیم، یئرینه دؤرد مکتوب، بیر اَلیازما شعیر گتیرمیشم. ایکیسی بیر نفردن، ایکیسی بیر باشقاسیندان، اَلیازما شعیر ده بیر آیریسیندان. بو اوچ نفرین ایکیسی دونیاسین دَییشیب، بیری اؤلکهسین. هله اوستهلیک، سن باعث اولدون اؤزومون بیر نئچه ایتیب- باتمیش شعریمی ده کار- کاغیذلاریمین ایچیندن تاپیم.
اونلاری آلیب، قیسا بیر سؤز- صؤحبتدن سونرا بیر- بیریمیزدن آیریلدیق.
او گئتدی…
من بیر آز دایانیب، حبیب معلیمین آرخاسیجا باخدیم. همیشه کی کیمی یورویوردو. بو کیشینین هئچ آرام- و- قراری یوخدو. دائم قاچا- قاچدادی. اوزاق- یاخین فرق ائتمز. ایستر تهرانین جنوبوندا عموخیاطین جومعهلر ایش اوشاقلاری اوچون تشکیل وئردییی کلاسلاری اولسون، ایستر خانیم پویندهنین ائو آروادلاری اوچون ترتیب ائتدییی کارگاهلاری؛ ایستر قاراداغین هانسیسا بیر بور- بوجاغینداکی قیرخ ایل بوندان اول درس وئردییی بیر کند اولسون، ایستر زلزلهدن ساری اوچولموش آوادانلیقلاردا یاریمچیق هؤرولموش بیر بهداشت ائوی…
هله، تبریزین اؤزونده دوستلاردان دا خبر توتماق گرک. سرحدلرین او اوزونده قالمیش یولداشلارین عائلهلرینه ده باش وورماق گرک. ایندی ایسه آللاه بیلیر گئدیر کیمسهیه باش چکسین، هانسی خستهنی گؤرسون! بلکه ائله یول اوستو رحمتلیک ضیا خیاطگیله ده دؤندو! هر نه اولور اولسون، آنجاق “یولچو یولدا گرک!” بئلهدیر حبیب فرشباف. بئله یاشاییب، بئلهجه ده یاشایاجاق…
ائوه دؤندوکده هر شئیدن اول باشلادیم حبیبدن آلدیغیم کاغیذلاری اوخوماغا. هر بیرینی نئچه دؤنه اوخودوم… آمما نه اوخوماق! هر اوخودوقدا اورک ائوینده یاغیش یاغیردی… خصوصیله ایکی مکتوب بیر نفردن منی اوتوز بئش، اوتوز یئددی ایل بوندان قاباقلارا چکیب آپاردی. منی جاوانلاتدی. قولو (غلامرضا بوداغی)له بیر داها اوزبهاوز اوتوردوم. بیر داها ایکیمیز دئییب- ائشیتدیک. آنجاق سؤز آراسی چوخ جیدی بیر صیفتله سوروشدو:
– «شاهرخ مسکوب»ون چئویردییی «افسانههای تبای»یی اوخویوبسانمی؟
– یوخ، کیتابی گؤرمهمیشم هئچ.
درحال آیاغا قالخیب، گئدیب کیتابی گتیریب منه وئررکن:
– آل، منده وار. پول وئریب آلما. چوخ اوخومالیدیر. اوخو، آنجاق دیقتله اوخو.
دیقتله اوخوماغین معناسینی بیلیردیم. یعنی قولو کیمی اوخو.
اوخودوم. اونون کیمی اوخودوم. تمیز. دیقتله. سوفوکل. تبِس شهری. اودیپ شاه. اؤنجه یازیلمیش آلین یازیسی. آتانی اؤلدوررسن، اؤزون بیلمهدن. ابوالهول (اسفینکس)ین سئوالینین دوزگون جاوابینی آنجاق سن وئررسن. سنی تبِسده شاهلیغا گؤتوررلر. شاه کی اولدون، آنانلا ائولهنیب، اونو اؤزونه آرواد ائدرسن، اؤزون بیلمهدن. آنان/ آروادینلا بیر یاتاقدا یاتارسان، اؤزون بیلمهدن. ایکی اوغلون/ قارداشین اولار و ایکی قیزین/ باجین… هامیسی اؤزون بیلمهدن! بو گوناهین جزاسینا تبِس شهرینی طاعون بورویَر. سنی سورگون ائدرلر. سونرا اؤزون- اؤزونو اینه ایله کور ائدرسن…
Telegram
ادبیات سئونلر
بوکانال ادبیات سئونلر قوروپونون سئچیلمیش اثرلری دیر
کانالدا کی یازیلاری کانالین لینکینی وئرمک شرطی ایله پایلاشماق اولار.
کانالدا کی یازیلاری کانالین لینکینی وئرمک شرطی ایله پایلاشماق اولار.
وای… بئله ده قورخونج تراژدی اولارمی، ایلاهی!؟
غریبه آغیر جزا! هامسی اؤزون بیلمهدن. هامسی قاباقجا یازیلمیش. یازی یازان نه داش اورکله یازمیش اینسان اوغلونون آلین یازیسینی!
تراژدی ده پلات (plot) یئرینده دورور؛ آنجاق ماجرا و قهرمانلار بیر داستاندان باشقا بیر داستانا دَییشیر. غلامرضا بوداغی (قولو) آتاسینی اؤلدورمهمیشدی. او، اودیپ شاه کیمی آناسیله یوخ، بلکه بیر علمی ایشچی کیمی اؤز تای- توشو، باکیلی عالیمه آیبنیز خانیملا ائولنمیشدی. آمما دی گل کی، طالع قولونون اوزونه گولمهیی اسیرگهمیشدی. چرخی دؤنموش فلک، سن دئمه قولویه گلدیکده، چرخی ترسینه فیرلادیرمیش. فلسفه و حوقوق اوستادینین یاشاییشی اونون تدقیقه لاییق گؤردویو حروفی فیلوسوفو عمادالدین نسیمینین یاشاییشی کیمی تراژیک اولموشدو. ۳۰ ایل بوندان اول باکی آکادمیاسیندا بوتون ذؤوقیله گئجه- گوندوز چالشان عالیم، دوز ۲۰ ایل قاباق حبیب فرشبافدان کیتابلار طلب ائتدییی تدقیقاتچی، دوقتور غلامرضا بوداغی، عؤمرونون سون ایللرینده اؤز دوغما شهری تبریزده ایشسیز، حمایهسیز و تک- و- تنها قالیب و نهایت، اؤلومو اولوما ترجیح وئرمیشدی. قولونون آلین یازیسی قارا یازیلمیشدی.
گرک ایمیش ایللر اؤتوشَندن خئیلی سونرا حسن (ایلدیریم) اؤز دوستو «قولونون» قارا یازیسینی قلمه آلسین:
“آنا دیار، باشقالاشمیش، اؤزهللشمیش. درد و غمدن اؤز پاپینی آلمیش هامی. آغیرلاشمیش بوتون دردلر، سئوینجلری بؤلوشموشلر. سئوینج- شادلیق یونگوللشمیش، جیلیزلاشمیش آزالمیشدی. گؤزلر قیپیق، اورهکلرسه بوم- بوش ایدی. آج – یالاواج اؤز هایینا، اؤز وایینا قالمیش ایدی…
آغالارا قوناق اولدو. ساغا چؤندو، سویولدو. سولا دؤندو، سویولدو. آواند اولدو، اویولدو… او یازیغا اولان اولدو.
سؤزلری دوداقلاریندان، اؤزو- اؤزوندن قاچدی و بیزلرده کؤلگهسیندن اوزاقلاشدیق. آمان «قارا» لکهسیندن!”.
عؤمرونو قارا لکه بورویَن دوقتور غلامرضا بوداغی (قولو)نون ۲۰ ایل بوندان اوّل، باکیدان حبیب فرشبافا یازدیغی ایکی مکتوبونو آشاغیدا اوخویورسونوز، بو قئیدله کی هر ایکی مکتوبون مضمونو تقریباً بیردیر. غلامرضا بو تصوّورله کی بیرینجی مکتوب حبیبین اَلینه چاتماییب دئیه، همین مکتوبو و اوندا ایستهدیکلرینی [آلتی عونوان آرتیراراق] اوچ آی سونرا ایکینجی مکتوبوندا تکرار ائدیر.
***
بو [ ] علامتین ایچینده گلن سؤزلر مندندی.
[بیرینجی مکتوب]
عزیز قارداشیم حبیب فرشباف
سلام اُن ایل بلکه ده داها چوخدان سونرا سنه ئوز صمیمی سلاملاریمی سئوینج و ئورهک آغریسی ایله یوللاییرام. ئورک دولو داغلی سوز اولدوقجا چوخدور. بیر قیسا مکتوبدا بونلارین هامیسینی دئمک البته هئچ ممکن دگیل.
قیساجا وضعیتیم بئلهدیر!
۱۰ ایلدیر بوردایام، درسیمی قورتاریب آذربایجان علملر آکادمیاسیندا – فلسفه و حقوق انستیتوتوندا ایشلهییرم. تحقیقات ساحه[م] اورتا عصرلر آذربایجان فلسفهسیدیر. آذربایجان حروفیلیک مکتبینین بانیسی فضلاله ابن ابومحمد تبریزینین حیات و یارادیجیلیغی حاقدا رسالهمی سونا چاتدیرمیشام. ایندی ایسه شهابالدین سهروردی و اشراقیلیک فلسفهسینی ایشلهییرم.
ائولنمیشم. حیات یولداشیم دا ئوزوم ایله بیرلیکده علملر آکادمیاسیندا ایشلهییر. ۲۰جی عصر آذربایجان ادبیاتی متخصصیدیر. هلهلیک آتا اُلمامیشام.
دوستلاری گؤرمک ایچون [اوچون] بورنومون اوجو گوینهییر.
تخمیناً بیر آی بوندان اوّله کیمی مسعودون بوردا الماغیندان خبریم یوخ ایدی. بیر گون تصادفاً اونو علیرضانین ایش یئرینده گوردوم. بیر دفعه ده ائوینه گئتمیشم. هر حالدا نگران اُلما. بورادا تک قویمارام اونو.
سندن هئچ بیر خبریم یوخدور. منی ئوز وضعیتیندن خبر اِله. تخمیناً ۷-۸ آی بوندان اوّل ابیدن (ابوالفضل جمالی)دان بیر عاشقانه مکتوب آلمامیشم [آلمیشام]. هله اونا جواب یازمامیشام. ایشلریم چوخدور. هلهلیک اونو گورسن سلام ده و سوز وئریرم کی یاخین گلهجکده اونا وسنه مفصل مکتوب یازام.
عزیزیم حبیب منه لازیم اُلان بیر نئچه کتاب وار خواهش ائلیرم بونلاری ئوزون و دوستلارین واسطهسیله منه تاپ یوللا چوخ خواهش ائدیرم ابیدن و سایرهدن بونلاری حاضرلاماق ایچون کمک آل.
۱- ئوز شکلینی بیر ده «دان یئری» شعر کتابینی، بیر ده تازه شعرلرینی مطلق تزلیک ایله گوندر
۲- دکتر غلامحسین ساعدینین «چوب بدستهای ورزیل» اثری داها مهّمدور. بیر دکتر ساعدینین عکس و ترجمه حالینی- نقد آثار ساعدی عبدالعلی دستغیب
۳- بهروز دهقانینین عکس و شرح حالینی (تکمیل) بیر ده ملخها و در پیرامون ادبیات و اجتماع کتابلارینی منه تاپ یوللا.
غریبه آغیر جزا! هامسی اؤزون بیلمهدن. هامسی قاباقجا یازیلمیش. یازی یازان نه داش اورکله یازمیش اینسان اوغلونون آلین یازیسینی!
تراژدی ده پلات (plot) یئرینده دورور؛ آنجاق ماجرا و قهرمانلار بیر داستاندان باشقا بیر داستانا دَییشیر. غلامرضا بوداغی (قولو) آتاسینی اؤلدورمهمیشدی. او، اودیپ شاه کیمی آناسیله یوخ، بلکه بیر علمی ایشچی کیمی اؤز تای- توشو، باکیلی عالیمه آیبنیز خانیملا ائولنمیشدی. آمما دی گل کی، طالع قولونون اوزونه گولمهیی اسیرگهمیشدی. چرخی دؤنموش فلک، سن دئمه قولویه گلدیکده، چرخی ترسینه فیرلادیرمیش. فلسفه و حوقوق اوستادینین یاشاییشی اونون تدقیقه لاییق گؤردویو حروفی فیلوسوفو عمادالدین نسیمینین یاشاییشی کیمی تراژیک اولموشدو. ۳۰ ایل بوندان اول باکی آکادمیاسیندا بوتون ذؤوقیله گئجه- گوندوز چالشان عالیم، دوز ۲۰ ایل قاباق حبیب فرشبافدان کیتابلار طلب ائتدییی تدقیقاتچی، دوقتور غلامرضا بوداغی، عؤمرونون سون ایللرینده اؤز دوغما شهری تبریزده ایشسیز، حمایهسیز و تک- و- تنها قالیب و نهایت، اؤلومو اولوما ترجیح وئرمیشدی. قولونون آلین یازیسی قارا یازیلمیشدی.
گرک ایمیش ایللر اؤتوشَندن خئیلی سونرا حسن (ایلدیریم) اؤز دوستو «قولونون» قارا یازیسینی قلمه آلسین:
“آنا دیار، باشقالاشمیش، اؤزهللشمیش. درد و غمدن اؤز پاپینی آلمیش هامی. آغیرلاشمیش بوتون دردلر، سئوینجلری بؤلوشموشلر. سئوینج- شادلیق یونگوللشمیش، جیلیزلاشمیش آزالمیشدی. گؤزلر قیپیق، اورهکلرسه بوم- بوش ایدی. آج – یالاواج اؤز هایینا، اؤز وایینا قالمیش ایدی…
آغالارا قوناق اولدو. ساغا چؤندو، سویولدو. سولا دؤندو، سویولدو. آواند اولدو، اویولدو… او یازیغا اولان اولدو.
سؤزلری دوداقلاریندان، اؤزو- اؤزوندن قاچدی و بیزلرده کؤلگهسیندن اوزاقلاشدیق. آمان «قارا» لکهسیندن!”.
عؤمرونو قارا لکه بورویَن دوقتور غلامرضا بوداغی (قولو)نون ۲۰ ایل بوندان اوّل، باکیدان حبیب فرشبافا یازدیغی ایکی مکتوبونو آشاغیدا اوخویورسونوز، بو قئیدله کی هر ایکی مکتوبون مضمونو تقریباً بیردیر. غلامرضا بو تصوّورله کی بیرینجی مکتوب حبیبین اَلینه چاتماییب دئیه، همین مکتوبو و اوندا ایستهدیکلرینی [آلتی عونوان آرتیراراق] اوچ آی سونرا ایکینجی مکتوبوندا تکرار ائدیر.
***
بو [ ] علامتین ایچینده گلن سؤزلر مندندی.
[بیرینجی مکتوب]
عزیز قارداشیم حبیب فرشباف
سلام اُن ایل بلکه ده داها چوخدان سونرا سنه ئوز صمیمی سلاملاریمی سئوینج و ئورهک آغریسی ایله یوللاییرام. ئورک دولو داغلی سوز اولدوقجا چوخدور. بیر قیسا مکتوبدا بونلارین هامیسینی دئمک البته هئچ ممکن دگیل.
قیساجا وضعیتیم بئلهدیر!
۱۰ ایلدیر بوردایام، درسیمی قورتاریب آذربایجان علملر آکادمیاسیندا – فلسفه و حقوق انستیتوتوندا ایشلهییرم. تحقیقات ساحه[م] اورتا عصرلر آذربایجان فلسفهسیدیر. آذربایجان حروفیلیک مکتبینین بانیسی فضلاله ابن ابومحمد تبریزینین حیات و یارادیجیلیغی حاقدا رسالهمی سونا چاتدیرمیشام. ایندی ایسه شهابالدین سهروردی و اشراقیلیک فلسفهسینی ایشلهییرم.
ائولنمیشم. حیات یولداشیم دا ئوزوم ایله بیرلیکده علملر آکادمیاسیندا ایشلهییر. ۲۰جی عصر آذربایجان ادبیاتی متخصصیدیر. هلهلیک آتا اُلمامیشام.
دوستلاری گؤرمک ایچون [اوچون] بورنومون اوجو گوینهییر.
تخمیناً بیر آی بوندان اوّله کیمی مسعودون بوردا الماغیندان خبریم یوخ ایدی. بیر گون تصادفاً اونو علیرضانین ایش یئرینده گوردوم. بیر دفعه ده ائوینه گئتمیشم. هر حالدا نگران اُلما. بورادا تک قویمارام اونو.
سندن هئچ بیر خبریم یوخدور. منی ئوز وضعیتیندن خبر اِله. تخمیناً ۷-۸ آی بوندان اوّل ابیدن (ابوالفضل جمالی)دان بیر عاشقانه مکتوب آلمامیشم [آلمیشام]. هله اونا جواب یازمامیشام. ایشلریم چوخدور. هلهلیک اونو گورسن سلام ده و سوز وئریرم کی یاخین گلهجکده اونا وسنه مفصل مکتوب یازام.
عزیزیم حبیب منه لازیم اُلان بیر نئچه کتاب وار خواهش ائلیرم بونلاری ئوزون و دوستلارین واسطهسیله منه تاپ یوللا چوخ خواهش ائدیرم ابیدن و سایرهدن بونلاری حاضرلاماق ایچون کمک آل.
۱- ئوز شکلینی بیر ده «دان یئری» شعر کتابینی، بیر ده تازه شعرلرینی مطلق تزلیک ایله گوندر
۲- دکتر غلامحسین ساعدینین «چوب بدستهای ورزیل» اثری داها مهّمدور. بیر دکتر ساعدینین عکس و ترجمه حالینی- نقد آثار ساعدی عبدالعلی دستغیب
۳- بهروز دهقانینین عکس و شرح حالینی (تکمیل) بیر ده ملخها و در پیرامون ادبیات و اجتماع کتابلارینی منه تاپ یوللا.
۴- احمد شاملونون عزیز نسیندن ائتدیگی ترجمهلری
۵- بازآفرینی واقعیت محمدعلی سپانلو
۶- سه جلد جنگ لوح
۷- کتابخانه ملّی ایراندا (تبریز؟ یا تهران؟) شماره ۷۸۵۷ شارل ورنهی شعر دیوانی وار. شارل ورنهی ۱۷ یاشلی بیر فرانسهلی جوان الموش و آذربایجان دیلینده شعرلر یازمیشدیر. من بو حاقدا ادبیات و اینجه صنعت غزتینده مقاله یازمیشام خواهش ائدیرم اونون بو شعر دیوانینین فتوکپی یا عکسینی منه یوللایاسان
تلهسدیگیم ایچون داها مفصل مکتوب یازبیلمهدیم. ئوزونه و عایلهنه جان ساغلیغی آرزو ائدیرم.
سنی هئچ بیر زامان انوتمایان- قلی
۱۱.۲.۹۳ [امضا] بوداغی
[ایکینجی مکتوب]
عزیز قارداشیم حبیب
سلام امیدوارام ئوزون و عایلهن صحیح و سلامت اُلاسینز[اولاسینیز]. بو ایکینجی مکتوبدور کی سنه یازیرام. بیرینجینی تخمیناً اوچ آی اوّل سنی تانیان بیر دوست واسطهسیله یوللادیم. بیلمیرم الینه چاتیب یا یوخ. هر حالدا هر احتمالا قارشی اوّلکی مکتوبداکی قیدلری ینیدن تکرار ائتمهلیم.
قارشیا گلن شهریور آیی (۱۸ شهریور ۱۳۶۲) اُن ایلدیر کی بورا گلمیشم. درسیمی اوخویوب بیتیردیم. بیر نئچه آی اوّل ده (تخمیناً بیر ایل اوّل) ده نامزدلیگیمی مدافعه ائتمیشم. حال حاضرده آذربایجان علملر آکادمیاسینین فلسفه و حقوق شعبهسینده چالیشیرام. تحقیقات دایرهم اورتا عصر آذربایجان و شرق فلسفهسیدیر. آذربایجان حروفیلیک طریقتینین تحقیقاتینی باشا چاتدیریب اوندان مدافعه ائتمیشم (فضلاله نعیمینین حیات و یارادیجیلیغی آدلی کتابیم چاپا حاضردیر).
ایندی ایسه شهابالدین سهروردی و اشراق فلسفهسی ئوزرینده تدقیقات آپاریرام.
اولنمیشم. هله آتا اولمامیشام. حیات یولداشیمدا ئوزومله برابر آکادمیادا ایشلهییر. اُ مدافعه ائلهییب. ۲۰ عصر آذربایجان ادبیاتی ساحهسینده یاخشی متخصصدیر. شخصی حیاتیمدان ناراضی دگیلم. بو قدر.
بیلدیگیمه گوره مندن سونرا بیر اوغلوندا اُلوب. من ایراندا اُلاندا بیر قیزین وار ایدی. ئوزونه و عایلهنه خوشبختلیک و سعادت آرزولاییرام.
… مطبوعاتدا تئزتئز چیخیش ائدیرم. ادبیات غزهتهینده و آذربایجان ژورنالیندا و سایرهده مقاله و ترجمهلریم چاپ اُلوب. بیلمیرم اَلینه چاتیب یا یوخ هر حالدا چالیشاجاغام تئزتئز سنه یوللاییم.
عزیزیم حبیب کئچن مکتوبدا بیر نئچه کتاب یوللاماغینی خواهش ائتمیشدیم یئنه ده همان خواهشی تکرار ائدهرک همین طلبلریمی تکرار ائدیرهم.
۱- ئوزون شکلینی، دان یئری شعر کتابینی و بیرده تزه شعرلرینی
۲- بهروز دهقانینین شکیل، ترجمه حال، ملخها و در پیرامون ادبیات و اجتماع کتابینی
۳- دکتر غلامحسین ساعدینین شکیل، ترجمه حال، مجموعه داستان (ترس و لرز- منتخب داستانها انتشارات توس) و نمایشنامهلریندن خصوصی ایله چوب بدستهای ورزیل
۴- بازآفرینی واقعیت مجموعه داستان گردآوری محمدعلی سپانلو
۵- کتابخانه ملّی ایراندا ۷۸۵۷ شمارهسی آلتیندا بیر کیچیک کتاب وار. شارل ورنهی آدلی فرانسهلی بیر شاعر (۱۷ یاشلی جوان) آذربایجان و فارسجا شعرلر یازمیشدیر. بو کتاب اونون دیوانیدیر. همین کتابین فتوکپیسینی منه گوندرمگینی رجا ائدیرم.
۶- دکتر علیاکبر ترابی مبانی جامعهشناسی
۷- تشیع و تصوف- مصطفی کاملالشیبی- ترجمه علیرضا ذکاوتی قراگوزلو
۸- مجموعه رسائل حروفیه- کلمان هوار- انتشارات مولی تهران ۱۳۶۰
۹- سه جلد جنگ لوح
۱۱- نان و شراب ترجمه محمّد قاضی
۱۲- مفهوم انجیلها ” “
۱۳- شمارههای ۸ و ۹ مجلّه گردون
۱۴- فارابی بنیانگذار فلسفه اسلامی دکتر رضا داوری
بونلاری دوستلاردان دا کمک آلیب منه تاپیب یوللاماغینی آرتیق درجه خواهش ائدیرم. هئچ اُلماسا ممکن اُلانلاری اسیرگمه.
مندن [منیم] طرفیمدن خانیمینا سلام دِه. اوشاقلارینین ئوزوندن ئوپ. مُحمودا [محمودا/ ماحمودا] سلام دِه و ئوزوندن ئوپ
مکتوبو تلهسیک یازدیغیم ایچون عذر ایستهییرم.
قلی- تیر- ۱۳۷۲
https://t.me/Adabiyyatsevanlar
۵- بازآفرینی واقعیت محمدعلی سپانلو
۶- سه جلد جنگ لوح
۷- کتابخانه ملّی ایراندا (تبریز؟ یا تهران؟) شماره ۷۸۵۷ شارل ورنهی شعر دیوانی وار. شارل ورنهی ۱۷ یاشلی بیر فرانسهلی جوان الموش و آذربایجان دیلینده شعرلر یازمیشدیر. من بو حاقدا ادبیات و اینجه صنعت غزتینده مقاله یازمیشام خواهش ائدیرم اونون بو شعر دیوانینین فتوکپی یا عکسینی منه یوللایاسان
تلهسدیگیم ایچون داها مفصل مکتوب یازبیلمهدیم. ئوزونه و عایلهنه جان ساغلیغی آرزو ائدیرم.
سنی هئچ بیر زامان انوتمایان- قلی
۱۱.۲.۹۳ [امضا] بوداغی
[ایکینجی مکتوب]
عزیز قارداشیم حبیب
سلام امیدوارام ئوزون و عایلهن صحیح و سلامت اُلاسینز[اولاسینیز]. بو ایکینجی مکتوبدور کی سنه یازیرام. بیرینجینی تخمیناً اوچ آی اوّل سنی تانیان بیر دوست واسطهسیله یوللادیم. بیلمیرم الینه چاتیب یا یوخ. هر حالدا هر احتمالا قارشی اوّلکی مکتوبداکی قیدلری ینیدن تکرار ائتمهلیم.
قارشیا گلن شهریور آیی (۱۸ شهریور ۱۳۶۲) اُن ایلدیر کی بورا گلمیشم. درسیمی اوخویوب بیتیردیم. بیر نئچه آی اوّل ده (تخمیناً بیر ایل اوّل) ده نامزدلیگیمی مدافعه ائتمیشم. حال حاضرده آذربایجان علملر آکادمیاسینین فلسفه و حقوق شعبهسینده چالیشیرام. تحقیقات دایرهم اورتا عصر آذربایجان و شرق فلسفهسیدیر. آذربایجان حروفیلیک طریقتینین تحقیقاتینی باشا چاتدیریب اوندان مدافعه ائتمیشم (فضلاله نعیمینین حیات و یارادیجیلیغی آدلی کتابیم چاپا حاضردیر).
ایندی ایسه شهابالدین سهروردی و اشراق فلسفهسی ئوزرینده تدقیقات آپاریرام.
اولنمیشم. هله آتا اولمامیشام. حیات یولداشیمدا ئوزومله برابر آکادمیادا ایشلهییر. اُ مدافعه ائلهییب. ۲۰ عصر آذربایجان ادبیاتی ساحهسینده یاخشی متخصصدیر. شخصی حیاتیمدان ناراضی دگیلم. بو قدر.
بیلدیگیمه گوره مندن سونرا بیر اوغلوندا اُلوب. من ایراندا اُلاندا بیر قیزین وار ایدی. ئوزونه و عایلهنه خوشبختلیک و سعادت آرزولاییرام.
… مطبوعاتدا تئزتئز چیخیش ائدیرم. ادبیات غزهتهینده و آذربایجان ژورنالیندا و سایرهده مقاله و ترجمهلریم چاپ اُلوب. بیلمیرم اَلینه چاتیب یا یوخ هر حالدا چالیشاجاغام تئزتئز سنه یوللاییم.
عزیزیم حبیب کئچن مکتوبدا بیر نئچه کتاب یوللاماغینی خواهش ائتمیشدیم یئنه ده همان خواهشی تکرار ائدهرک همین طلبلریمی تکرار ائدیرهم.
۱- ئوزون شکلینی، دان یئری شعر کتابینی و بیرده تزه شعرلرینی
۲- بهروز دهقانینین شکیل، ترجمه حال، ملخها و در پیرامون ادبیات و اجتماع کتابینی
۳- دکتر غلامحسین ساعدینین شکیل، ترجمه حال، مجموعه داستان (ترس و لرز- منتخب داستانها انتشارات توس) و نمایشنامهلریندن خصوصی ایله چوب بدستهای ورزیل
۴- بازآفرینی واقعیت مجموعه داستان گردآوری محمدعلی سپانلو
۵- کتابخانه ملّی ایراندا ۷۸۵۷ شمارهسی آلتیندا بیر کیچیک کتاب وار. شارل ورنهی آدلی فرانسهلی بیر شاعر (۱۷ یاشلی جوان) آذربایجان و فارسجا شعرلر یازمیشدیر. بو کتاب اونون دیوانیدیر. همین کتابین فتوکپیسینی منه گوندرمگینی رجا ائدیرم.
۶- دکتر علیاکبر ترابی مبانی جامعهشناسی
۷- تشیع و تصوف- مصطفی کاملالشیبی- ترجمه علیرضا ذکاوتی قراگوزلو
۸- مجموعه رسائل حروفیه- کلمان هوار- انتشارات مولی تهران ۱۳۶۰
۹- سه جلد جنگ لوح
۱۱- نان و شراب ترجمه محمّد قاضی
۱۲- مفهوم انجیلها ” “
۱۳- شمارههای ۸ و ۹ مجلّه گردون
۱۴- فارابی بنیانگذار فلسفه اسلامی دکتر رضا داوری
بونلاری دوستلاردان دا کمک آلیب منه تاپیب یوللاماغینی آرتیق درجه خواهش ائدیرم. هئچ اُلماسا ممکن اُلانلاری اسیرگمه.
مندن [منیم] طرفیمدن خانیمینا سلام دِه. اوشاقلارینین ئوزوندن ئوپ. مُحمودا [محمودا/ ماحمودا] سلام دِه و ئوزوندن ئوپ
مکتوبو تلهسیک یازدیغیم ایچون عذر ایستهییرم.
قلی- تیر- ۱۳۷۲
https://t.me/Adabiyyatsevanlar
Telegram
ادبیات سئونلر
بوکانال ادبیات سئونلر قوروپونون سئچیلمیش اثرلری دیر
کانالدا کی یازیلاری کانالین لینکینی وئرمک شرطی ایله پایلاشماق اولار.
کانالدا کی یازیلاری کانالین لینکینی وئرمک شرطی ایله پایلاشماق اولار.
یئنی ایل گئجهسی
✍یازان: گونل مهری
کؤچورن: سحرخیاوی
حاضیرلایان: ادبیات سئونلر
آنام دَمده اولان آشی ساریکؤکلهییب الینی اؤنلویونه سیله-سیله سوروشدو:
- آی قیز آتان هاردا قالدی گؤرهسن؟ تلفونونا دا زنگ چاتمیر...
چییینلریمی چکیب بایاق یودوغوم چنگل- بیچاغی قورولاماغا داوام ائتدیم.
آنامین نیگاران باخیشلاری ترلهمیش پنجرهیه تیکیلمیشدی. اؤز- اؤزونه دانیشیرمیش کیمی دوداغینین آلتیندا پیچیلداییردی: " آی آللاه، سن بو طیفیللره رحم ائله. بیرجه قوروخدوغوم شئی اولماسین...".
بو یازینین آردینی ادبیات سئونلر کانالیندا اوخویون .
https://t.me/Adabiyyatsevanlar
✍یازان: گونل مهری
کؤچورن: سحرخیاوی
حاضیرلایان: ادبیات سئونلر
آنام دَمده اولان آشی ساریکؤکلهییب الینی اؤنلویونه سیله-سیله سوروشدو:
- آی قیز آتان هاردا قالدی گؤرهسن؟ تلفونونا دا زنگ چاتمیر...
چییینلریمی چکیب بایاق یودوغوم چنگل- بیچاغی قورولاماغا داوام ائتدیم.
آنامین نیگاران باخیشلاری ترلهمیش پنجرهیه تیکیلمیشدی. اؤز- اؤزونه دانیشیرمیش کیمی دوداغینین آلتیندا پیچیلداییردی: " آی آللاه، سن بو طیفیللره رحم ائله. بیرجه قوروخدوغوم شئی اولماسین...".
بو یازینین آردینی ادبیات سئونلر کانالیندا اوخویون .
https://t.me/Adabiyyatsevanlar
✍️ :استاد_نادر_الهی
کوسولو بنووشم، یارالی لالام
من بایرام هوسلی نه تهر قالیم؟
گل تزه سین آللام، گل نازلی بالام
کوهنه باشماغینین قاداسین آلیم
https://t.me/Adabiyyatsevanlar
کوسولو بنووشم، یارالی لالام
من بایرام هوسلی نه تهر قالیم؟
گل تزه سین آللام، گل نازلی بالام
کوهنه باشماغینین قاداسین آلیم
https://t.me/Adabiyyatsevanlar
زهره محمد پور
منه بیر شی لر گتیر
آرخامی دایاییب دینجلمک اوچون،
منه بیر چای گتیر، ایستی گونلرین رنگین خاطیرلات منه،
بیر کاست قوی و باس دوگمه یه،
منی مندن آلیب و گوتور بورالاردان،
بیر شعر اوخو منه، سئویلدیمی یادیما سال، الیمی توت،
بیر تلفون آل بورا گلنده
دوستلاریما زنگ آچیب ، من آدلی بیر دوستلاری اولدوغون خاطیرلاتیم اونلارا،
منه بیرجوت سئرچه ده آل، کیمسه سیزلیکده تیتره مه لرین سئیر ائدیم،
اوووووف
اووووف
منه بیرینی ده گتییر کی باشدان آیاغا قولاق اولسون،
بیر ایستی چوره ک ده آل خاطیریم اوچون،
قوخلاییب آجالیم دییه،
بیر جوت سینیق چرچیوه ده آس دووارلاریما و سنسیزلیک ژست لریمی یاراشدیر اونلارا.
https://t.me/Adabiyyatsevanlar
منه بیر شی لر گتیر
آرخامی دایاییب دینجلمک اوچون،
منه بیر چای گتیر، ایستی گونلرین رنگین خاطیرلات منه،
بیر کاست قوی و باس دوگمه یه،
منی مندن آلیب و گوتور بورالاردان،
بیر شعر اوخو منه، سئویلدیمی یادیما سال، الیمی توت،
بیر تلفون آل بورا گلنده
دوستلاریما زنگ آچیب ، من آدلی بیر دوستلاری اولدوغون خاطیرلاتیم اونلارا،
منه بیرجوت سئرچه ده آل، کیمسه سیزلیکده تیتره مه لرین سئیر ائدیم،
اوووووف
اووووف
منه بیرینی ده گتییر کی باشدان آیاغا قولاق اولسون،
بیر ایستی چوره ک ده آل خاطیریم اوچون،
قوخلاییب آجالیم دییه،
بیر جوت سینیق چرچیوه ده آس دووارلاریما و سنسیزلیک ژست لریمی یاراشدیر اونلارا.
https://t.me/Adabiyyatsevanlar
ائل اوغلو
اؤپر منی
اریتسه ده کدر منی،
بوکولمه میش بئلیم هله
بیرقلینجام اؤز قینیندا
قورخار مندن اؤلوم هله
یاراندیم درده دؤزه م من
آغری - آجییه گؤزه م من
باشدان آیاغا سؤزه م من
آچیلمامیش دیلیم هله
گل گؤره سن سرتلییمی
فلگ ایلن گولشیمی
بیر اوره یی یوخا کیمی
دانیشیرام حلیم هله
آرزیلارین گؤز یاشیندا
بوغولسامدا آز یاشیندا
اؤپر منی یوز یاشیندا
آی« ائل اوغلو»، ائلیم هله
https://t.me/Adabiyyatsevanlar
اؤپر منی
اریتسه ده کدر منی،
بوکولمه میش بئلیم هله
بیرقلینجام اؤز قینیندا
قورخار مندن اؤلوم هله
یاراندیم درده دؤزه م من
آغری - آجییه گؤزه م من
باشدان آیاغا سؤزه م من
آچیلمامیش دیلیم هله
گل گؤره سن سرتلییمی
فلگ ایلن گولشیمی
بیر اوره یی یوخا کیمی
دانیشیرام حلیم هله
آرزیلارین گؤز یاشیندا
بوغولسامدا آز یاشیندا
اؤپر منی یوز یاشیندا
آی« ائل اوغلو»، ائلیم هله
https://t.me/Adabiyyatsevanlar
Forwarded from ادبیات سئونلر
یئنی ایل گئجهسی
✍یازان: گونل مهری
کؤچورن: سحرخیاوی
حاضیرلایان: ادبیات سئونلر
آنام دَمده اولان آشی ساریکؤکلهییب الینی اؤنلویونه سیله-سیله سوروشدو:
- آی قیز آتان هاردا قالدی گؤرهسن؟ تلفونونا دا زنگ چاتمیر...
چییینلریمی چکیب بایاق یودوغوم چنگل- بیچاغی قورولاماغا داوام ائتدیم.
آنامین نیگاران باخیشلاری ترلهمیش پنجرهیه تیکیلمیشدی. اؤز- اؤزونه دانیشیرمیش کیمی دوداغینین آلتیندا پیچیلداییردی: " آی آللاه، سن بو طیفیللره رحم ائله. بیرجه قوروخدوغوم شئی اولماسین...".
بو یازینین آردینی ادبیات سئونلر کانالیندا اوخویون .
https://t.me/Adabiyyatsevanlar
✍یازان: گونل مهری
کؤچورن: سحرخیاوی
حاضیرلایان: ادبیات سئونلر
آنام دَمده اولان آشی ساریکؤکلهییب الینی اؤنلویونه سیله-سیله سوروشدو:
- آی قیز آتان هاردا قالدی گؤرهسن؟ تلفونونا دا زنگ چاتمیر...
چییینلریمی چکیب بایاق یودوغوم چنگل- بیچاغی قورولاماغا داوام ائتدیم.
آنامین نیگاران باخیشلاری ترلهمیش پنجرهیه تیکیلمیشدی. اؤز- اؤزونه دانیشیرمیش کیمی دوداغینین آلتیندا پیچیلداییردی: " آی آللاه، سن بو طیفیللره رحم ائله. بیرجه قوروخدوغوم شئی اولماسین...".
بو یازینین آردینی ادبیات سئونلر کانالیندا اوخویون .
https://t.me/Adabiyyatsevanlar
یئنی ایل گئجهسی
✍یازان: گونل مهری
کؤچورن: سحرخیاوی
حاضیرلایان: ادبیات سئونلر
آنام دَمده اولان آشی ساریکؤکلهییب الینی اؤنلویونه سیله-سیله سوروشدو:
- آی قیز آتان هاردا قالدی گؤرهسن؟ تلفونونا دا زنگ چاتمیر...
چییینلریمی چکیب بایاق یودوغوم چنگل- بیچاغی قورولاماغا داوام ائتدیم.
آنامین نیگاران باخیشلاری ترلهمیش پنجرهیه تیکیلمیشدی. اؤز- اؤزونه دانیشیرمیش کیمی دوداغینین آلتیندا پیچیلداییردی: " آی آللاه، سن بو طیفیللره رحم ائله. بیرجه قوروخدوغوم شئی اولماسین...".
کیچیک باجیم های-کویله مطبخه گیریب اونو فیکیرلریندن آییردی:
- گَل، گَل باخ دا، هر شئی حاضیردی...
او، آنامین قولوندان توتوب دارتا- دارتا قوناق اوتاغینا آپاردی. آنام کؤنولسوز حالدا باجیمین آردینجا دوشسه ده، من اوتاغا گیرنده بایاقدان غوصصهلی اولان چؤهرهسی عمللی- باشلی ایشیقلانمیشدی.
باجیلاریم قول- قولا گیریب یئنیجه بزهدیکلری کوکنار آغاجینا تعریف یاغدیریردیلار:
- یورولساق دا اعلا آلینیب...
- گؤر نه قشنگ گؤرونور...
کفکیرلی ساعاتیمیز 11 دفعه ووردو. یئنی ایله هله بیر ساعات وار ایدی.
مطبخده ایشلریمیزی بیتیریب هامیمیز سوفره آرخاسینا کئچمیشدیک. چلچراغی سؤندوروب شامدانلاردا شام دا یاندیرمیشدیم.
یاری قارانلیقدا یولکانین برق ووران ایشیقلاری داها دا ماراقلی گؤرونوردو.
باجیلاریم تلویزیوندا " یئنی ایل شَنلیگی"نه باخیر، من ایسه قدحلره کمپوت سوزوردوم. آنام الینده بوغلانان پلو سینیسی ایله ایچری گیردی. نیمچهلره پلو چکدیکجه آنامین یاری قارانلیقدا کی کدرلی سیماسینا باخیردیم. قاپینین زنگی آرامسیزجا چالیندی. باجیلاریم دهلیزه ساری بویلاندیلار:
- آتام دیر...
- گئدیم آچیم؟
آنام " اؤزوم آچارام" دئییب آغیر آددیملارلا دهلیزه کئچدی. چؤل قاپیسی آچیلاندا ایکی نفر تانیمادیغیمیز کیشی لنگر وورا- وورا آتامین بیهوش بدنینی بایاق باجیلاریم هوسله بزهدییی قوناق اوتاغینا سورویوب سالدیلار. او، دیوانا سریلیب گاه گولور، گاه دوداغینین آلتیندا آنلاشیلمایان سؤزلر میزیلدانیر، قیزارمیش صیفتی ده غریبه ایفادهلر آلیردی.
آنام کیشیلری " آللاه راضی اولسون. چوخ ساغ اولون. بایرامینیز موبارک"، دییه- دییه یولا سالیب قاپینی کیلیدلهدی. سونرا اوتاغین آستاناسیندا مجسمه کیمی قورویوب قالدی.
گؤزو آتامدا اولسا دا نه دینیر، نه تَرپَنیردی.
باجیلاریم دیوانین یانیندا یئره چؤمبهلیب آستادان هیچقیریردیلار. آغ خالچامیزدا آتامین پالچیقلی آیاقلارینین ایزی گؤرونوردو. بو واخت ساعات 12نی ووردو. تلویزیوندا اجراچیلار تبریکلهشیر، قدحلرینی توققوشدوروردولار. باییردان فیشنگلرین پارتا- پارت سسلری ائشیدیلمهیه باشلادی. گؤزوم بیرآز قاباق طمطراقلا آچدیغیم بایرام سوفرهسینه ساتاشدی. آنامین بیشیردییی زعفرانلی پلو نیمچهلرده سویوموشدو. قدحلریمیز هله ده دولو ایدی. شاملار دا اوّل کی کیمی یانیردی.
اونلارا باخاندا ائله بیلدیم، آنام کیمی ایچین- ایچین آغلاییرلار.
جانیمدان بیر اوشوتمه کئچدی. باشیمی قوللاریمین آراسینا آلدیم کی، آناملا گؤز- گؤزه گلمهییم. کفکیرلی ساعاتیمیز سونونجو دفعه 12نی ووردو. ایل تزهلندی. یئنی ایل آرتیق اجازهسیز قوناق کیمی بیزیم الکل قوخویان اوتاغیمیزا قدم قویموشدو. اؤزومو خاطیرلایاندان ایلک دفعه دوشوندوم کی، نه یاخشی دانیشا بیلمیرم...
https://t.me/Adabiyyatsevanlar
✍یازان: گونل مهری
کؤچورن: سحرخیاوی
حاضیرلایان: ادبیات سئونلر
آنام دَمده اولان آشی ساریکؤکلهییب الینی اؤنلویونه سیله-سیله سوروشدو:
- آی قیز آتان هاردا قالدی گؤرهسن؟ تلفونونا دا زنگ چاتمیر...
چییینلریمی چکیب بایاق یودوغوم چنگل- بیچاغی قورولاماغا داوام ائتدیم.
آنامین نیگاران باخیشلاری ترلهمیش پنجرهیه تیکیلمیشدی. اؤز- اؤزونه دانیشیرمیش کیمی دوداغینین آلتیندا پیچیلداییردی: " آی آللاه، سن بو طیفیللره رحم ائله. بیرجه قوروخدوغوم شئی اولماسین...".
کیچیک باجیم های-کویله مطبخه گیریب اونو فیکیرلریندن آییردی:
- گَل، گَل باخ دا، هر شئی حاضیردی...
او، آنامین قولوندان توتوب دارتا- دارتا قوناق اوتاغینا آپاردی. آنام کؤنولسوز حالدا باجیمین آردینجا دوشسه ده، من اوتاغا گیرنده بایاقدان غوصصهلی اولان چؤهرهسی عمللی- باشلی ایشیقلانمیشدی.
باجیلاریم قول- قولا گیریب یئنیجه بزهدیکلری کوکنار آغاجینا تعریف یاغدیریردیلار:
- یورولساق دا اعلا آلینیب...
- گؤر نه قشنگ گؤرونور...
کفکیرلی ساعاتیمیز 11 دفعه ووردو. یئنی ایله هله بیر ساعات وار ایدی.
مطبخده ایشلریمیزی بیتیریب هامیمیز سوفره آرخاسینا کئچمیشدیک. چلچراغی سؤندوروب شامدانلاردا شام دا یاندیرمیشدیم.
یاری قارانلیقدا یولکانین برق ووران ایشیقلاری داها دا ماراقلی گؤرونوردو.
باجیلاریم تلویزیوندا " یئنی ایل شَنلیگی"نه باخیر، من ایسه قدحلره کمپوت سوزوردوم. آنام الینده بوغلانان پلو سینیسی ایله ایچری گیردی. نیمچهلره پلو چکدیکجه آنامین یاری قارانلیقدا کی کدرلی سیماسینا باخیردیم. قاپینین زنگی آرامسیزجا چالیندی. باجیلاریم دهلیزه ساری بویلاندیلار:
- آتام دیر...
- گئدیم آچیم؟
آنام " اؤزوم آچارام" دئییب آغیر آددیملارلا دهلیزه کئچدی. چؤل قاپیسی آچیلاندا ایکی نفر تانیمادیغیمیز کیشی لنگر وورا- وورا آتامین بیهوش بدنینی بایاق باجیلاریم هوسله بزهدییی قوناق اوتاغینا سورویوب سالدیلار. او، دیوانا سریلیب گاه گولور، گاه دوداغینین آلتیندا آنلاشیلمایان سؤزلر میزیلدانیر، قیزارمیش صیفتی ده غریبه ایفادهلر آلیردی.
آنام کیشیلری " آللاه راضی اولسون. چوخ ساغ اولون. بایرامینیز موبارک"، دییه- دییه یولا سالیب قاپینی کیلیدلهدی. سونرا اوتاغین آستاناسیندا مجسمه کیمی قورویوب قالدی.
گؤزو آتامدا اولسا دا نه دینیر، نه تَرپَنیردی.
باجیلاریم دیوانین یانیندا یئره چؤمبهلیب آستادان هیچقیریردیلار. آغ خالچامیزدا آتامین پالچیقلی آیاقلارینین ایزی گؤرونوردو. بو واخت ساعات 12نی ووردو. تلویزیوندا اجراچیلار تبریکلهشیر، قدحلرینی توققوشدوروردولار. باییردان فیشنگلرین پارتا- پارت سسلری ائشیدیلمهیه باشلادی. گؤزوم بیرآز قاباق طمطراقلا آچدیغیم بایرام سوفرهسینه ساتاشدی. آنامین بیشیردییی زعفرانلی پلو نیمچهلرده سویوموشدو. قدحلریمیز هله ده دولو ایدی. شاملار دا اوّل کی کیمی یانیردی.
اونلارا باخاندا ائله بیلدیم، آنام کیمی ایچین- ایچین آغلاییرلار.
جانیمدان بیر اوشوتمه کئچدی. باشیمی قوللاریمین آراسینا آلدیم کی، آناملا گؤز- گؤزه گلمهییم. کفکیرلی ساعاتیمیز سونونجو دفعه 12نی ووردو. ایل تزهلندی. یئنی ایل آرتیق اجازهسیز قوناق کیمی بیزیم الکل قوخویان اوتاغیمیزا قدم قویموشدو. اؤزومو خاطیرلایاندان ایلک دفعه دوشوندوم کی، نه یاخشی دانیشا بیلمیرم...
https://t.me/Adabiyyatsevanlar
Telegram
ادبیات سئونلر
بوکانال ادبیات سئونلر قوروپونون سئچیلمیش اثرلری دیر
کانالدا کی یازیلاری کانالین لینکینی وئرمک شرطی ایله پایلاشماق اولار.
کانالدا کی یازیلاری کانالین لینکینی وئرمک شرطی ایله پایلاشماق اولار.
This media is not supported in your browser
VIEW IN TELEGRAM
گروه چینار به همت نوازنده های عالی تبریز و تهران (۱۷ نفر) سال ۱۴۰۲ تشکیل شد. این گروه بدون حمایت مالی و اسپانسر شروع بکار کردند و اولین اجرای این گروه هشتم اسفندماه ۱۴۰۳ در فرهنگسرای بهمن خواهد بود. هدف این گروه ارائه موسیقی فاخر آذربایجان و آثار بزرگان این هنر مثل توفیق قلی اوف، اوزییر حاجی بیگ اوف ، امین ثابیت اوغلو و... میباشد.
لطفا با حضور خود این گروه را حمایت کنید.
برخی از اعضای گروه عبارتند از:
بابک طهماسب پور شهرک سرپرست گروه (کارشناس ارشد موسیقی)
علیرضا آرین خواننده (کارشناس ارشد موسیقی)
ارغوان منتظری فلوت (کارشناس ارشد موسیقی)
ارشیا والی ترومپت (کارشناس ارشد موسیقی)
نیما سیفی پیانو (کارشناس موسیقی)
آرش احمدی گیتار الکتریک (کارشناس موسیقی)
سیاوش کریمی نژاد درامز (کارشناس موسیقی)
شاهین هاشم نژاد باغلاما/تار شاگرد ارشد استاد چنگیز مهدی پور
......
سایت تهیه بلیط
www.6234.ir
https://t.me/Adabiyyatsevanlar
لطفا با حضور خود این گروه را حمایت کنید.
برخی از اعضای گروه عبارتند از:
بابک طهماسب پور شهرک سرپرست گروه (کارشناس ارشد موسیقی)
علیرضا آرین خواننده (کارشناس ارشد موسیقی)
ارغوان منتظری فلوت (کارشناس ارشد موسیقی)
ارشیا والی ترومپت (کارشناس ارشد موسیقی)
نیما سیفی پیانو (کارشناس موسیقی)
آرش احمدی گیتار الکتریک (کارشناس موسیقی)
سیاوش کریمی نژاد درامز (کارشناس موسیقی)
شاهین هاشم نژاد باغلاما/تار شاگرد ارشد استاد چنگیز مهدی پور
......
سایت تهیه بلیط
www.6234.ir
https://t.me/Adabiyyatsevanlar
Forwarded from ادبیات سئونلر
اوشاق ادبیاتی
اوشاق ادبیاتی هر هفته پنجشنبه گونو ادبیات سئونلر کانالیندا .
اوشاق ادبیاتینا دایر یازیلارینیزی بیزه گوندرین .
https://t.me/Adabiyyatsevanlar
اوشاق ادبیاتی هر هفته پنجشنبه گونو ادبیات سئونلر کانالیندا .
اوشاق ادبیاتینا دایر یازیلارینیزی بیزه گوندرین .
https://t.me/Adabiyyatsevanlar
اوشاق ادبیاتی
کوسه ین ننه
یازان : علی صمدلی (« ژنرالین اوشاقلیغی » کتابیندان )
کؤچورن : علی آغ گونئیلی ـــ ابرازی
بیری وارایدی بیری یوخ ایدی . بیر کوسه یین ننه وارایدی . یقین منه گولوب دئیجک سینیز ، هئچ ننه ده کوسه ر . بلی کوسه ر . بیر ننه واربالاجا اوشاقلار کیمی هامیدان کوسور. بیرگونده اوغلوندان ، قیزیندان ، گلنیندن ، نئچه ـ نئچه نوه سیندن ، کوسوربوننه . آنجاق ائله بیلمه یین بو ننه پیس ننه دیر. یوخ ، اونا پیس دئمک اولماز .بوتون ننه لر کیمی ا ودا اوغلونو ،قیزلارینی گلینینی ،نوه لرینی چوخ ایسته ییر. بیر گون نوه لرینی گؤرمه یینده بورنونون اوجوگؤینیر، تزجه دویون ـ دویونچه سینی ییغیب نولرینه باش چکیر، گتیردیی نوبار سووقاتلارلا اونلاری سئویندیریر. سونرادا آچیر سینه دفترینی اونلارا شیرین ـ شیرین ناغیلار دانیشیر. نوه لر اونون اوستونده داوا سالیرلار. ، اودئییر ننه بیزده قالاجاق ، بو دئییر، ننه بیزده قالاجاق .
ننه اونلارلا دئییر ، گولور ،اویناییر. سونرادا سونرادا ... آدامین هئچ دیلیده گلمیردییه ... کوسوب گئدیر. اینانمیرسینیز ؟اینانین بو آغ ساچلی ننه ، هر گون اوغلوندان ، قیزلاریندان ،گلنیندن و نوه لریندن گونده آزی اون دفعه کوسور.
بیرگون اوغلو دا ، قیزلاریدا ، گلینی ده و نوه لری ده سؤزو بیر یئره قیدولار.دئدیلر گلین ائله ائدک کی ، ننه بیزدن گول قدر اینجیمه سین .
سحر آچیلدی ، نوه لر یوخولاریندان تئزدن اویاندیلار.اونلار هامیسی یویوندولار ، داراندیلار، سلیقه ایله گئییندیلر، جرگه یه دوزولوب ننه لرینین چارپایاسینین یانیندا اونو سالاملادیلار . ننه گؤزلرینی اچیب چوخ سئویندی.
ننه بالکنا چیخاندا گؤردی کی ، گلین اونا بالکن دا خصوصی سفره آچیب چای دمله ییب .او ، ال ـ اوزونو یویان کیمی ،اوشاقلار قاچیب اونا تزه دستمال گتیردیلر.اوخویا ، اوخویا اونو سفره یه دعوت ائتدیلر.
گون اورتا فاصیله سینده اوغلو الینده بیر دسته گؤزه ل چیچک تلسیک گلدی. همین گوللری ننه نین چارپایاسینین یانینداکی گولدانا قویدی ... اوشاقلار قاچیب سو گتیردیلر. گولدانا سو توکدولر.
اوغلو :
ــ اوشاقلار، ننه نین چارپایاسی باشیندا هرگون تزه گول ـ چیچک اولمالیدیر، دئییب گئتدی. آخشام ایسه ننه نین قیزلاری هره سی بیرقاب ایستی خورک گتیردیلر. بؤیوک قیزی دئدی :
ــ آنامین یارپاق دولماسیندان خوشو گلیرجامیش قاتیغی دا گتیرمیشم .
کیچیک قیزی دئدی :
ــ آنامین شویود پلوودان خوشو گلیر. شابالیدلاریدا دیریدی ،ازیلمه یه قویمامیشام.
ننه آخشام یاتاندا، گلین تاسی ایستی سوایله دولدوروب اونون چارپایاسینین یانینا گتیردی.
ــ ننه جان ، حکیم لر مصلحت گؤرورکی ، یاتاندا آیاقلارینی ایستی سویا سالیب ، واننا ائده سن . قیچلارینین آغریلاری او ، ساعات آزالاجاق.
ننه ناز ـ قمزه ایله آیاقلارینی ایستی سویا سالدی. واننادان سونرا ، گلین اونون آیاقلارینی یوموشاق دسمال لا قورولاییب کؤرپه اوشاق کیمی ، قوجاغینا گؤتوروب یاتاغا اوزالتدی ، سونرادا اوستونو برک ـ برک اؤرتدو.نوه لر چکلیب گئتدیلرکی ، ننه یه مانع اولماسینلار، یوخوسو شیرین اولسون .
سحر آچیلدی ، یئنه نوه لر تئزدن دوروب یویونوب گئییندیلر ننه لرینی سالاملادیلار. گلین ننه یه بالکن دا سفره آچدی ،اوغلو ناهار فاصیله سینده تزه گول - کیچک آلیب گتیردی... آنجاق ننه ... یئنه دیلیمه گلمیر دئییم . دئسم ده اینانمایاجاقسینیز . آنجاق اینانین ، اینانین کی ، ننه همین گون هامیدان ، اوغلونداندا ،قیزلارنداندا ، گلنیندن ده ، نوه لریندنده کوسموشدو. هامیدان کوسموشدو .ننه نه اوچون ، نیه گؤره کوسموشدو ؟ اؤزوده فیکیرلشیر ـ فیکیرلشیر تاپا بیلمیردی.
آخشام اولدو دئیه گوله هامی سفره باشینا ییغیلدی. اوغلو گئتدی ، ننه گلمدی ، گلین گئدی ننه گلمدی ، قیزلار گئتدی ننه گلمدی . نوه لر گئدی ننه گلمدی. ( قیزلار اونون یئنیدن کوسمه یینی ائشیدیب گلمیشدیلر.، ) آخیردا هامیسی ییغیلیب ننه نین اوتاغینا گئتدیلر. ننه دن سوروشدولارکی ، آخی اونون خطیرینه کیم ده ییب ، نییه کوسوب ؟ چوخ چتینلیک له ننه دن جاواب آلدیلار.
ننه اوتانا ، اوتانا دئدی :
ــ قریبه آداملارسیز . او قدر حؤرمت ائدیرسیز کی ، کوسمه یه آدام دا تاپا بیلمیرم .علاجیم کسیلدی آخیرد اؤزوم ـ اؤزومدن کوسدوم .
ایشه باخ ، هرگون هامیدان کوسن ، آدام تاپمایاندا اؤز ـ اؤزوندن کوسون بو ننه نین کوسه یین اوشاقلاردان زهله سی گئدیر.همیشه نوه لرینه دؤنه ـ دؤنه دئییر :
« باخ هئچ واخت کوسمه یی وردیش ائتمه یین بؤیوینده باشینیزدا قالار، اوغول اوشاق یاننیدا ، بی آبری اولاسیز.
قوزبئلی قبیر دوزلده ر، دئییبلر . گؤرورسوز ، اوقدر حؤرمت قاباغیندا آغ بیرچک واختی تئز ـ تئز کوسورم . آدام تاپمایاندا اؤزوم ـ اؤزومدن کوسورم . نییه ، اونا گؤره کی اوشاق واختی وردیش ائتمیشم . اینندی ده باشیمدا قالیب .
۱۹۸۶
https://t.me/Adabiyyatsevanlar
کوسه ین ننه
یازان : علی صمدلی (« ژنرالین اوشاقلیغی » کتابیندان )
کؤچورن : علی آغ گونئیلی ـــ ابرازی
بیری وارایدی بیری یوخ ایدی . بیر کوسه یین ننه وارایدی . یقین منه گولوب دئیجک سینیز ، هئچ ننه ده کوسه ر . بلی کوسه ر . بیر ننه واربالاجا اوشاقلار کیمی هامیدان کوسور. بیرگونده اوغلوندان ، قیزیندان ، گلنیندن ، نئچه ـ نئچه نوه سیندن ، کوسوربوننه . آنجاق ائله بیلمه یین بو ننه پیس ننه دیر. یوخ ، اونا پیس دئمک اولماز .بوتون ننه لر کیمی ا ودا اوغلونو ،قیزلارینی گلینینی ،نوه لرینی چوخ ایسته ییر. بیر گون نوه لرینی گؤرمه یینده بورنونون اوجوگؤینیر، تزجه دویون ـ دویونچه سینی ییغیب نولرینه باش چکیر، گتیردیی نوبار سووقاتلارلا اونلاری سئویندیریر. سونرادا آچیر سینه دفترینی اونلارا شیرین ـ شیرین ناغیلار دانیشیر. نوه لر اونون اوستونده داوا سالیرلار. ، اودئییر ننه بیزده قالاجاق ، بو دئییر، ننه بیزده قالاجاق .
ننه اونلارلا دئییر ، گولور ،اویناییر. سونرادا سونرادا ... آدامین هئچ دیلیده گلمیردییه ... کوسوب گئدیر. اینانمیرسینیز ؟اینانین بو آغ ساچلی ننه ، هر گون اوغلوندان ، قیزلاریندان ،گلنیندن و نوه لریندن گونده آزی اون دفعه کوسور.
بیرگون اوغلو دا ، قیزلاریدا ، گلینی ده و نوه لری ده سؤزو بیر یئره قیدولار.دئدیلر گلین ائله ائدک کی ، ننه بیزدن گول قدر اینجیمه سین .
سحر آچیلدی ، نوه لر یوخولاریندان تئزدن اویاندیلار.اونلار هامیسی یویوندولار ، داراندیلار، سلیقه ایله گئییندیلر، جرگه یه دوزولوب ننه لرینین چارپایاسینین یانیندا اونو سالاملادیلار . ننه گؤزلرینی اچیب چوخ سئویندی.
ننه بالکنا چیخاندا گؤردی کی ، گلین اونا بالکن دا خصوصی سفره آچیب چای دمله ییب .او ، ال ـ اوزونو یویان کیمی ،اوشاقلار قاچیب اونا تزه دستمال گتیردیلر.اوخویا ، اوخویا اونو سفره یه دعوت ائتدیلر.
گون اورتا فاصیله سینده اوغلو الینده بیر دسته گؤزه ل چیچک تلسیک گلدی. همین گوللری ننه نین چارپایاسینین یانینداکی گولدانا قویدی ... اوشاقلار قاچیب سو گتیردیلر. گولدانا سو توکدولر.
اوغلو :
ــ اوشاقلار، ننه نین چارپایاسی باشیندا هرگون تزه گول ـ چیچک اولمالیدیر، دئییب گئتدی. آخشام ایسه ننه نین قیزلاری هره سی بیرقاب ایستی خورک گتیردیلر. بؤیوک قیزی دئدی :
ــ آنامین یارپاق دولماسیندان خوشو گلیرجامیش قاتیغی دا گتیرمیشم .
کیچیک قیزی دئدی :
ــ آنامین شویود پلوودان خوشو گلیر. شابالیدلاریدا دیریدی ،ازیلمه یه قویمامیشام.
ننه آخشام یاتاندا، گلین تاسی ایستی سوایله دولدوروب اونون چارپایاسینین یانینا گتیردی.
ــ ننه جان ، حکیم لر مصلحت گؤرورکی ، یاتاندا آیاقلارینی ایستی سویا سالیب ، واننا ائده سن . قیچلارینین آغریلاری او ، ساعات آزالاجاق.
ننه ناز ـ قمزه ایله آیاقلارینی ایستی سویا سالدی. واننادان سونرا ، گلین اونون آیاقلارینی یوموشاق دسمال لا قورولاییب کؤرپه اوشاق کیمی ، قوجاغینا گؤتوروب یاتاغا اوزالتدی ، سونرادا اوستونو برک ـ برک اؤرتدو.نوه لر چکلیب گئتدیلرکی ، ننه یه مانع اولماسینلار، یوخوسو شیرین اولسون .
سحر آچیلدی ، یئنه نوه لر تئزدن دوروب یویونوب گئییندیلر ننه لرینی سالاملادیلار. گلین ننه یه بالکن دا سفره آچدی ،اوغلو ناهار فاصیله سینده تزه گول - کیچک آلیب گتیردی... آنجاق ننه ... یئنه دیلیمه گلمیر دئییم . دئسم ده اینانمایاجاقسینیز . آنجاق اینانین ، اینانین کی ، ننه همین گون هامیدان ، اوغلونداندا ،قیزلارنداندا ، گلنیندن ده ، نوه لریندنده کوسموشدو. هامیدان کوسموشدو .ننه نه اوچون ، نیه گؤره کوسموشدو ؟ اؤزوده فیکیرلشیر ـ فیکیرلشیر تاپا بیلمیردی.
آخشام اولدو دئیه گوله هامی سفره باشینا ییغیلدی. اوغلو گئتدی ، ننه گلمدی ، گلین گئدی ننه گلمدی ، قیزلار گئتدی ننه گلمدی . نوه لر گئدی ننه گلمدی. ( قیزلار اونون یئنیدن کوسمه یینی ائشیدیب گلمیشدیلر.، ) آخیردا هامیسی ییغیلیب ننه نین اوتاغینا گئتدیلر. ننه دن سوروشدولارکی ، آخی اونون خطیرینه کیم ده ییب ، نییه کوسوب ؟ چوخ چتینلیک له ننه دن جاواب آلدیلار.
ننه اوتانا ، اوتانا دئدی :
ــ قریبه آداملارسیز . او قدر حؤرمت ائدیرسیز کی ، کوسمه یه آدام دا تاپا بیلمیرم .علاجیم کسیلدی آخیرد اؤزوم ـ اؤزومدن کوسدوم .
ایشه باخ ، هرگون هامیدان کوسن ، آدام تاپمایاندا اؤز ـ اؤزوندن کوسون بو ننه نین کوسه یین اوشاقلاردان زهله سی گئدیر.همیشه نوه لرینه دؤنه ـ دؤنه دئییر :
« باخ هئچ واخت کوسمه یی وردیش ائتمه یین بؤیوینده باشینیزدا قالار، اوغول اوشاق یاننیدا ، بی آبری اولاسیز.
قوزبئلی قبیر دوزلده ر، دئییبلر . گؤرورسوز ، اوقدر حؤرمت قاباغیندا آغ بیرچک واختی تئز ـ تئز کوسورم . آدام تاپمایاندا اؤزوم ـ اؤزومدن کوسورم . نییه ، اونا گؤره کی اوشاق واختی وردیش ائتمیشم . اینندی ده باشیمدا قالیب .
۱۹۸۶
https://t.me/Adabiyyatsevanlar
Telegram
ادبیات سئونلر
بوکانال ادبیات سئونلر قوروپونون سئچیلمیش اثرلری دیر
کانالدا کی یازیلاری کانالین لینکینی وئرمک شرطی ایله پایلاشماق اولار.
کانالدا کی یازیلاری کانالین لینکینی وئرمک شرطی ایله پایلاشماق اولار.
اوشاق ادبیاتی
نریمان حسن زاده
«اوچ قارداش ناغیلی»
اونلار اوچ قارداش ایدی،
بؤیوک قارداش باش ایدی.
اورتانجیل، اورتادایدی
کیچییینه آتایدی
ساغ و سلامات ایدی،
کیچییی ساده، حساس
یولداشی داردا قویماز...
هانسی عالیجنابدی؟
هانسی سادهدی صافدی؟
وارمی بیر خئییرخواهی؟
بو دونیادان آگاهی؟
سئچین، دئیین اؤزونوز،
نه دئسهنیز یوزه یوز!
شریکم من ده سیزه،
گلن صحبتیمیزه
گلن دفعه باشلایاق،
قالیبی آلقیشلایاق.
https://t.me/Adabiyyatsevanlar
نریمان حسن زاده
«اوچ قارداش ناغیلی»
اونلار اوچ قارداش ایدی،
بؤیوک قارداش باش ایدی.
اورتانجیل، اورتادایدی
کیچییینه آتایدی
ساغ و سلامات ایدی،
کیچییی ساده، حساس
یولداشی داردا قویماز...
هانسی عالیجنابدی؟
هانسی سادهدی صافدی؟
وارمی بیر خئییرخواهی؟
بو دونیادان آگاهی؟
سئچین، دئیین اؤزونوز،
نه دئسهنیز یوزه یوز!
شریکم من ده سیزه،
گلن صحبتیمیزه
گلن دفعه باشلایاق،
قالیبی آلقیشلایاق.
https://t.me/Adabiyyatsevanlar
Telegram
ادبیات سئونلر
بوکانال ادبیات سئونلر قوروپونون سئچیلمیش اثرلری دیر
کانالدا کی یازیلاری کانالین لینکینی وئرمک شرطی ایله پایلاشماق اولار.
کانالدا کی یازیلاری کانالین لینکینی وئرمک شرطی ایله پایلاشماق اولار.