شاعرلر اویاق قالیر
نریمان حسنزادهنین شعرلری
کوچورن: ویدا حشمتی
«دمیر یومروق سرکردهمیز»
حؤرمتلی حافظ پاشایئوه
بیر سعادت مئحی اسیر
عصرین یئنی هاواسیندان.
دمیر یومروق سرکردهمیز
دوغولوبدو آرتیق، شوکور!
او درس آلیب آتاسیندان، باباسیندان،
بیر ده اولو باباسیندان.
قوجاقدا یوخ، آرزولاردا،
ایستکلرده او بؤیویور،
زامان آدلی معلّیمی
آچیق-آیدین، دوشونجهلی،
اسن یئله، داشان سئله
او، سیاسی بیر آد وئریر.
اونون اوزاق گؤرن گؤزو،
دویان قلبی، یازان الی
اؤلکهلرین تاریخینه
تاریخی معلومات وئریر.
جیلوهلنیر، رنگه گیریر
دونیا بعضاً رؤیا کیمی.
دمیر یومروق سرکردهمیز
دان یئرینه بیر شئح گلیب
قارشیسیندا یئر اوزونون
خریطهسی دونیا کیمی.
بشرین ده طالعینه
یئنی بیر جاوابدِه گلیب.
«عاریف مهماندوستا»
نغمه اوخویوردو عاریف یولبویو،
منی اووسونلایان او سسده نهیدی!؟
اوغلو آتیللانین موبارک تویو
آراز ساحلینده
بیر طنطنهیدی
اوندا گونای خانیم بیر آنا کیمی
اوینادی، یورولوب دویانا کیمی.
فاطمه خانیم دا-
قالخدی ننهسی
قوشولوب اوینادی اونا نوهسی
هامی سئوینیردی دوست، قوهوم اولان
اؤپوردو عاریفین آغ ساچلاریندان.
منیم ساچلاریما بنزر او ساچلار
منیم ده
روحومو اوخشاییردیلار.
«موغانلی افسانهسی»
قاسیم عبدوللهیئوه مینّتدارلیق
قاسیم معلّیمه حؤرمت، احترام
او، قارداشوَزی، دوستوَزییمیش
بیر مهندس کیمی من تانیییرام،
سن دئمه، موغانلی افسانهسییمیش
شخصی بودجهسیندن کسیب بیر قدر
قبریستان یولونا یئتیریب نظر.
بیر حاصار چکدیریب یوللار اوزونو،
یئردن تمیزلهدی یئرین توزونو.
یاغیشدان، پالچیقدان آمان یوخویدو،
کند ده آتاسینا رحمت اوخوتدو.
بس سونرا!؟
موغانلی خستهخاناسی! -
دئمهییب خرجینی هله بیر کسه.
-هئچ کس ناخوشلاییب، خسته اولماسین، -
دئییرلر،
دئییبمی کندده کیمسه؟
ساده بیر اینساندی قاسیم معلّیم
درسده طلبهلر اورک آچیرلار.
کافئدرا* مودریتک- مودریک*، ملایم
پروفسور، دئییب، - سواللاشیرلار.
قاسیم معلّیمه حؤرمت، احترام
او، قارداشوَزی، دوستوَزییمیش
بیر مهندیس کیمی من تانیییرام،
سن دئمه،
موغانلی افسانهسییمیش.
*کافئدرا, عالی تحصیلات مؤسسهلریندن بیر بخش
مودریک, متفکّر و ذکا صاحیبی اولان انسان
«خاطیره قیزیما»
قیزیم منه زنگ وورور:
-آتا نئجهسن؟ - دئییر.
دونیانین ان مقدّس
سسینی بخش ائلهییر
من ده اؤز عالمیمده
قورویورام او سسی.
آتا زیارتیدی -
یاشا، اولاد تؤحفهسی.
باکی شهری
۲۰۲۴/۱۲/۱۲
«گونشی گتیرن قیز»
گونشی آپاران قیز!
گونشی گتیرن قیز!
دیبچکلرده گول اکیب!
گونشی بیتیرن قیز!
یورولماسین او اللر،
گونش ایله برابر،
شوشهلری سیلن قیز!
گونشین رفیقهسی
گونشه چئوریلن قیز!
«بیر دئکان* واریدی»
باش لابورانت* گولدانه خانیمین
خاطیرهسینه
بیر دئکان واریدی بئله، بیرتهر
گؤزو سئچمهیهنی آیاقلایاردی.
معلّیم، طلبه گؤرنده شیشر
رئکتورو* گؤرنده آریقلایاردی.
هردن استولونا* یومروق ووراردی،
دئیردی، دئکانام، او دا تزهیدی.
اوخلوو اودان کیمی دیمدیک دوراردی،
دایمی بیر نیدا ایشارهسییدی.
بیر پرورئکتورون* کئچر یانیندان،
بیز بیریک، دئسه ده، آیری گزردی
گؤستریش وئرردی اونون آدیندان،
گئدیب ال توتاندا، دیزی اسردی.
بیزه گاه توخونار، گاه ایلیشردی
بیر آز عصبییدی، بیر آز دا قیوراق.
فنّینی بیلمیرم، نئجه بیلیردی،
شریکلی درسلیک ده یازمیشدی بیر واخت.
هامیدان عاغیللی، هامیدان تمیز،
هامیدان فرقلهنن عینادکارییدی
او دا طلبهدن آلماغا حریص،
کؤهنه ایش یئریندن عادتکارییدی.
تئز-تئز یوخلاییردی باش لابورانتی.
یئرینده یوخدورسا، تعجیلی ایجلاس
یوخاری-آشاغی خبر چاتاردی،
تلفون الینده مثبت بیر اوبراز!
رئکتورون امری ایله گئتدی او دئکان،
گؤردوک هر اوزونو ظالیم حیاتین.
بیزه سلام وئردی، سلام آلمایان،
دئکان اینسان اولدو، گؤزونوز آیدین!
یانوار ۲۰۰۲-جی ایل
*دئکان, تحصیل و تعلیم فعالیتلری اولان، هر بیر فاکولتهده رهبرلیک مسئولینی اولان ان یوکسک وظیفهده اولان شخصدیر.
*لابورانت, علمی مؤسسهلرین لابراتوروندا علمی و تکنیکی چالیشانی.
*رئکتور, چوخ کیلاسلی مکتبلرین باش معللیملری و مدیرلری رئکتور آدلانیر.
*پرورئکتور, عالی مکتبلرین رئکتور معاونی.
*استول, میز، ماسا
نریمان حسنزادهنین شعرلری
کوچورن: ویدا حشمتی
«دمیر یومروق سرکردهمیز»
حؤرمتلی حافظ پاشایئوه
بیر سعادت مئحی اسیر
عصرین یئنی هاواسیندان.
دمیر یومروق سرکردهمیز
دوغولوبدو آرتیق، شوکور!
او درس آلیب آتاسیندان، باباسیندان،
بیر ده اولو باباسیندان.
قوجاقدا یوخ، آرزولاردا،
ایستکلرده او بؤیویور،
زامان آدلی معلّیمی
آچیق-آیدین، دوشونجهلی،
اسن یئله، داشان سئله
او، سیاسی بیر آد وئریر.
اونون اوزاق گؤرن گؤزو،
دویان قلبی، یازان الی
اؤلکهلرین تاریخینه
تاریخی معلومات وئریر.
جیلوهلنیر، رنگه گیریر
دونیا بعضاً رؤیا کیمی.
دمیر یومروق سرکردهمیز
دان یئرینه بیر شئح گلیب
قارشیسیندا یئر اوزونون
خریطهسی دونیا کیمی.
بشرین ده طالعینه
یئنی بیر جاوابدِه گلیب.
«عاریف مهماندوستا»
نغمه اوخویوردو عاریف یولبویو،
منی اووسونلایان او سسده نهیدی!؟
اوغلو آتیللانین موبارک تویو
آراز ساحلینده
بیر طنطنهیدی
اوندا گونای خانیم بیر آنا کیمی
اوینادی، یورولوب دویانا کیمی.
فاطمه خانیم دا-
قالخدی ننهسی
قوشولوب اوینادی اونا نوهسی
هامی سئوینیردی دوست، قوهوم اولان
اؤپوردو عاریفین آغ ساچلاریندان.
منیم ساچلاریما بنزر او ساچلار
منیم ده
روحومو اوخشاییردیلار.
«موغانلی افسانهسی»
قاسیم عبدوللهیئوه مینّتدارلیق
قاسیم معلّیمه حؤرمت، احترام
او، قارداشوَزی، دوستوَزییمیش
بیر مهندس کیمی من تانیییرام،
سن دئمه، موغانلی افسانهسییمیش
شخصی بودجهسیندن کسیب بیر قدر
قبریستان یولونا یئتیریب نظر.
بیر حاصار چکدیریب یوللار اوزونو،
یئردن تمیزلهدی یئرین توزونو.
یاغیشدان، پالچیقدان آمان یوخویدو،
کند ده آتاسینا رحمت اوخوتدو.
بس سونرا!؟
موغانلی خستهخاناسی! -
دئمهییب خرجینی هله بیر کسه.
-هئچ کس ناخوشلاییب، خسته اولماسین، -
دئییرلر،
دئییبمی کندده کیمسه؟
ساده بیر اینساندی قاسیم معلّیم
درسده طلبهلر اورک آچیرلار.
کافئدرا* مودریتک- مودریک*، ملایم
پروفسور، دئییب، - سواللاشیرلار.
قاسیم معلّیمه حؤرمت، احترام
او، قارداشوَزی، دوستوَزییمیش
بیر مهندیس کیمی من تانیییرام،
سن دئمه،
موغانلی افسانهسییمیش.
*کافئدرا, عالی تحصیلات مؤسسهلریندن بیر بخش
مودریک, متفکّر و ذکا صاحیبی اولان انسان
«خاطیره قیزیما»
قیزیم منه زنگ وورور:
-آتا نئجهسن؟ - دئییر.
دونیانین ان مقدّس
سسینی بخش ائلهییر
من ده اؤز عالمیمده
قورویورام او سسی.
آتا زیارتیدی -
یاشا، اولاد تؤحفهسی.
باکی شهری
۲۰۲۴/۱۲/۱۲
«گونشی گتیرن قیز»
گونشی آپاران قیز!
گونشی گتیرن قیز!
دیبچکلرده گول اکیب!
گونشی بیتیرن قیز!
یورولماسین او اللر،
گونش ایله برابر،
شوشهلری سیلن قیز!
گونشین رفیقهسی
گونشه چئوریلن قیز!
«بیر دئکان* واریدی»
باش لابورانت* گولدانه خانیمین
خاطیرهسینه
بیر دئکان واریدی بئله، بیرتهر
گؤزو سئچمهیهنی آیاقلایاردی.
معلّیم، طلبه گؤرنده شیشر
رئکتورو* گؤرنده آریقلایاردی.
هردن استولونا* یومروق ووراردی،
دئیردی، دئکانام، او دا تزهیدی.
اوخلوو اودان کیمی دیمدیک دوراردی،
دایمی بیر نیدا ایشارهسییدی.
بیر پرورئکتورون* کئچر یانیندان،
بیز بیریک، دئسه ده، آیری گزردی
گؤستریش وئرردی اونون آدیندان،
گئدیب ال توتاندا، دیزی اسردی.
بیزه گاه توخونار، گاه ایلیشردی
بیر آز عصبییدی، بیر آز دا قیوراق.
فنّینی بیلمیرم، نئجه بیلیردی،
شریکلی درسلیک ده یازمیشدی بیر واخت.
هامیدان عاغیللی، هامیدان تمیز،
هامیدان فرقلهنن عینادکارییدی
او دا طلبهدن آلماغا حریص،
کؤهنه ایش یئریندن عادتکارییدی.
تئز-تئز یوخلاییردی باش لابورانتی.
یئرینده یوخدورسا، تعجیلی ایجلاس
یوخاری-آشاغی خبر چاتاردی،
تلفون الینده مثبت بیر اوبراز!
رئکتورون امری ایله گئتدی او دئکان،
گؤردوک هر اوزونو ظالیم حیاتین.
بیزه سلام وئردی، سلام آلمایان،
دئکان اینسان اولدو، گؤزونوز آیدین!
یانوار ۲۰۰۲-جی ایل
*دئکان, تحصیل و تعلیم فعالیتلری اولان، هر بیر فاکولتهده رهبرلیک مسئولینی اولان ان یوکسک وظیفهده اولان شخصدیر.
*لابورانت, علمی مؤسسهلرین لابراتوروندا علمی و تکنیکی چالیشانی.
*رئکتور, چوخ کیلاسلی مکتبلرین باش معللیملری و مدیرلری رئکتور آدلانیر.
*پرورئکتور, عالی مکتبلرین رئکتور معاونی.
*استول, میز، ماسا
«شاعرلر اویاق قالیر»
-بیر ایشین وارمی شاعر،
نئجه کئچیر گونلرین!؟
ائله کی، ایش یئریمی
اؤیرهندیلر، بیلدیلر -
- یئنه باشین قاریشار،
ایش یاخشیدی - دئییرلر.
تبریک ده ائلهییرلر
خبرسیزدی، تأسف -
بیر پارا اوخوجولار -
اوخودوغو مصراعنین
نئچه واریانتی وار.
شاعرلر اویاق قالیر -
نه بیر ورق آغ قالیر -
بیر سؤزون آرخاسینجا
دوشورسن تاپاناجان،
تاپا بیلدینمی، هاچان!؟
پوزورسان یازا-یازا،
یازیرسان پوزا-پوزا.
سوروشما نهدن، نییه؟
قاییت گؤروم گئرییه،
هاردایدی، او قافیه...
«شلاله گولوشلر»
من یئنییئتمه بیر جاوان،
سن بیر آز اوشاق اولایدین.
من آییق، تمکینلی، فیلان
سن یئنه شیلتاق اولایدین.
او شلاله گولوشون
قاتایدین بو «جان!» سسینی
آچایدین سن او گؤزلری،
او تانری پنجرهسینی!
هردن منه باخایدین!
یاندیرایدین-یاخایدین.
یوخوم گلیر، دئیهیدین
منی سئحیرلهیردین
لایلایینی چالایدیم،
اوچایدین، اوجالایدین.
بوداقلاری ایهیدیم
گوندن کؤلگهلهییدیم
گؤزدن، نظردن اوزاق،
سن یوخولو، من اویاق.
دئیهیدیم، آی دورنالار
اوخومایین اویانار...
«نوهم نریمان حسنزادهیه»
اوغلوم، جمعيّتده بیر آز آییق اول،
بیلیرم، حیاتدا اونسوز دا پاکسان.
منی تعریفلهمه
منه لاییق اول،
سن اوندا منسیز ده تانیناجاقسان.
اوندا دئیهجکلر فیلانکسدی بو،
شاعر نریمانین اوغول نوهسی
نه دئییم،
باشقا بیر یولون دا یوخدو،
آخی، بابانین دا سنسن عوضی.
منی دانان اولسا یانیندا سنین،
سوس، صبر دئییبلر آپارار اوغلوم.
اوزو قارا اولسون بو زمانهنین -
من کیمم،
تانرینی دانان وار، اوغلوم.
کیمینسه گؤزوندن قاچیب یوخوسو،
کیمسه، ناراضیدی اؤز طالعییندن.
قوی سنین صاباحین اوغورلو اولسون
گلهجک گونلره،
سلام ایندیدن.
«آی گولر اوز»
ساعت بئشه ایشلهییر
بیر آز قالیر سحره
گونشین شفقلری
یاییلاجاق شهره.
دونیا اؤز یوخوسوندان
اویاناجاق بیر آزدان،
سونرا سن گلهجکسن،
قاپینی آچاجاقسان.
اوزونده بیر تبسّوم،
گیرهجکسن ایچری،
سوفرنی آچاجاقسان،
سونرا دا درمنلری..
باخ بئلهجه باشلاییر
هر گونوموز، آی سئوینج!
من سنه مینّتدارام،
آی گولر اوز، آی سئوینج!
۶اییول ۲۰۲۴
گئجه ساعت ۵:۴۰
«دردیش»
( نغمه متنی)
سندن نیگاران قالمیشام،
انصافین هاردادی دردیش!؟
سن هارداسان، من اوردایام،
جانیم دا اوردادی، دردیش.
سن عزیزیم، مهریبانیم،
نئجه سوسوم، نئجه دانیم!؟
سنسیز گونوم-گوذرانیم
گؤزه بیر پردهدی دردیش.
سؤزومو ساخلا یادیندا،
اووسون وار سنین آدیندا،
کؤلگم آیاغین آلتیندا،
یانیندا یئردهدی، دردیش.
«سنین»
یانیندا دئییلم، گلم گؤروشم،
کؤنلونو کؤنلومجه اوخشایام سنین،
الیندن یاپیشام، قولوندان توتام،
نازینی چکمهیه باشلایام سنین.
طبیعت دگیشه نولا، بیرتهر،
تؤکولن قاییدا، دولا بیرتهر،
پاییزی وئرمیشم یولا بیرتهر
بو قیشی قوینوندا قیشلایام سنین.
ککلیکلر اوخویور داشدا، قایادا،
سنی ده ککلییین سسی اویادا.
بیر غم گؤرمهیهسن غملی دونیادا،
من ده ساغلیغینا یاشایام سنین.
https://t.me/Adabiyyatsevanlar
Telegram
ادبیات سئونلر
بوکانال ادبیات سئونلر قوروپونون سئچیلمیش اثرلری دیر
کانالدا کی یازیلاری کانالین لینکینی وئرمک شرطی ایله پایلاشماق اولار.
کانالدا کی یازیلاری کانالین لینکینی وئرمک شرطی ایله پایلاشماق اولار.
سوسن امینی
گئجه ماهنیسی
بوتون شههر یوخودادیر
پرده لر، پنجرهلر ده بئله؛
یالنیز
ساعاتین آیاق سسلری ائشیدیلیر-
زامانین پیللهکنلریندن،
بیرده
گئجهنین اورهییندن داملایان سو دامجیلاری.
منیم گؤزوم
سحره قدهر اضطراب ماهنیسین چالیر،
اورهییمی یئریندن اوینادیر،
بئینیمله دئییشمه باشلاییر:
گؤرهسن
صاباح هانسی گؤیرچین بالالاری ایله وداعلاشاجاق؟!
گؤرهسن
صاباح هانسی یووانین دامی قانادسیز قالاجاق؟!
گؤرهسن
قوشلار یووالاریندان چیخاجاق سحر،
دیمدیکلریندن آخاجاق نغمهلر؟!
گؤرهسن
گؤرهسن…!
https://t.me/Adabiyyatsevanlar
گئجه ماهنیسی
بوتون شههر یوخودادیر
پرده لر، پنجرهلر ده بئله؛
یالنیز
ساعاتین آیاق سسلری ائشیدیلیر-
زامانین پیللهکنلریندن،
بیرده
گئجهنین اورهییندن داملایان سو دامجیلاری.
منیم گؤزوم
سحره قدهر اضطراب ماهنیسین چالیر،
اورهییمی یئریندن اوینادیر،
بئینیمله دئییشمه باشلاییر:
گؤرهسن
صاباح هانسی گؤیرچین بالالاری ایله وداعلاشاجاق؟!
گؤرهسن
صاباح هانسی یووانین دامی قانادسیز قالاجاق؟!
گؤرهسن
قوشلار یووالاریندان چیخاجاق سحر،
دیمدیکلریندن آخاجاق نغمهلر؟!
گؤرهسن
گؤرهسن…!
https://t.me/Adabiyyatsevanlar
درک والکوت
نویسنده و شاعر ترینیداد
برندهی نوبل ۱۹۹۲
نیمی از دوستانم مردهاند!
زمین گفت: دوستان تازهئی میدهم
داد زدم: نه! همانها را پس بده
همانگونه که بودند
با همهی عیبها و نقصهایشان.
ترجمه: رامیز تاینور
یولداش لاریمین یاریسی اولوبلر!
تورپاق دئدی:یئنی یولداش لار وئررم سنه
باغیردیم:یوخ
ائله اولاری گئری قایتار
اولدوقلاری کیمی
بوتون عیب لری اسکیک لری له
https://t.me/Adabiyyatsevanlar
نویسنده و شاعر ترینیداد
برندهی نوبل ۱۹۹۲
نیمی از دوستانم مردهاند!
زمین گفت: دوستان تازهئی میدهم
داد زدم: نه! همانها را پس بده
همانگونه که بودند
با همهی عیبها و نقصهایشان.
ترجمه: رامیز تاینور
یولداش لاریمین یاریسی اولوبلر!
تورپاق دئدی:یئنی یولداش لار وئررم سنه
باغیردیم:یوخ
ائله اولاری گئری قایتار
اولدوقلاری کیمی
بوتون عیب لری اسکیک لری له
https://t.me/Adabiyyatsevanlar
اندیشه های گمشده ی لب دریا.pdf
210.4 KB
داود اهری
سه گانه ی «اندیشههای گمشده ی لب دریا» در سال ۷۷ منتشر شده بعداً مقدمه ی نامه به وسنا به آن اضافه شده است .دوستان اگر مایل باشند میتوانند آن را دانلود کرده و بخوانند .با تشکر :
https://t.me/Adabiyyatsevanlar
سه گانه ی «اندیشههای گمشده ی لب دریا» در سال ۷۷ منتشر شده بعداً مقدمه ی نامه به وسنا به آن اضافه شده است .دوستان اگر مایل باشند میتوانند آن را دانلود کرده و بخوانند .با تشکر :
https://t.me/Adabiyyatsevanlar
طؤوله میخی
اکبرفاریابی- نادر پاشائی
1399 قیش آیلاری
ولی قولو، اوچ نفر آیری دوستلاریلا بیرگه آقاجان قهوهخاناسیندااوتوروب قلیانلارین خورولدادا-خورولدادا، اویان-بویاندان دانیشیردیلار. ایکی ایلایدی ولی قولو پیس یوخولار گؤروب، گئجه یاریسی دیک یئریندن قالخیب، یوخولو-یوخولو ائوده دولانیب، اؤز-اؤزونه دانیشیردی. نئچه دؤنه تبریزین آدلیم دؤکتورلرینه باش وورسا دا، بو درد یاخاسیندان ال گؤتورمه میشدیر. ولیقولونون عایله سی بو دردی اؤنجه هامیدان گیزلتسه لر ده نهایتده خالاسی اری شیخ جاببارلا آرایا قویموشدولار. شیخ جاببار دا ائله مصلحت گؤرموشدور کی میرزه علمنمدین ائوینه گئدیب دعا یازدیرسینلار. میرزه علمنمد ولی قولویا بیر دعا یازیب دئمیشدی بیر اوزون طؤوله میخی آلیب گئجه یاریسی قارانلیقدا قبریستانا گئدیب اون-بیر قبیر ساییب، بیر کؤهنه قبرین یانیندا دعانی قویلاییب، میخی دا قبرین باش داشینین یانیندا برک بیر یئره میخلاییب، بئش صلوات چئوریب ائولرینه قاییتسین. آنجاق ولیقولو قورخوسوندان ایکی هفته ایدی کی بویون-صاباح ائله ییردی...
اوگون ولی قولو قهوه خانادا دوستلاریلا بیرلیکده قلیان چکه-چکه بو باره ده دانیشیردیلار:
-ولی قولو ایه تک باشینا قبریستانا گئتمکدن قورخورسان بیزده سننن گلَک.
- یوخ بایرام اولماز. میرزه علمنمد دئییردی گرک قارانلیق بیرگئجه اؤزو ده تک باشینا گئده سن.
- به نییه ایشی یوبادیسان. اؤزوده دئییرسن کی حالین یاخشی دئییل.
- واللاه آرواد اوشاقلاریمنان دا اوتانیرام. گئجه یاریسی اولار دا منیم سسیمه یوخودان دوروب ناراحات اولوللار.
- بس قورخما ائله بو گئجه دوعاینان، میخی گؤتور گئت قبریستانلیغا
- دوز دئییسن احد. بو گئجه گئتمه لییم. توکل تندیره کینه.
ولیقولو گئجه یاریسی آروادیلا حالاللاشیب، میخی، چکیشی بالاجا تئشه نی گؤتوروب قبریستانا ساری یؤنلدی. قارانلیق هریانی بوروموشدور. بسمالله دئیه- دئیه نئچه قبرین یانیندان سوووشدو. قورخوردو هرآن بیر اؤلو خوتدویوب اونو یاخالاسین. یئل وزیلتیلا اسیردی؛ ولی قولویا ائله گلیردی کی اؤلولر فیشقا چالیریلار؛ هر اوجا بیر باش داشی بیر قورخولو سَبه ته (اسکلت) کیمی اونا گؤز برهلدیردی. آیاغی بیر قبیر داشینا ایلیشیب بودورهدی آما ییخیلمادی. شاختا لاپ آدامین آمانینی کسیردی. ولی قولونون ساپلاری چؤزولموش پالتوو دا سویوغون قاباغیندا کار سالمیردی. نهایت بیر قبرین یاخینلیغیندا دایانیب تیترک الینی یئره سورتدو. تورپاق سویوق و یوموشاق ایدی. «یوخ بو تزه بیر قبیردی.» دیلی توتار-توتماز اؤز-اؤزونه دئدی. بالا-بالا گؤزلری قارانلیغا عادت ائدیردی. داها قبیرلری بیر-بیریندن آییرد ائده بیلیردی آما اؤلولر فیشقا چالماقلاریندان ال چکمیردیلر؛ بیر یاندان دا کیچیک قیزی نازلینین هیچقیرتیلا دولو سسی باشینین ایچینده فیرلانیردی: "آتا گئتمه! من دوعا ائله رم دوزَلرسن."
ولیقولونون احوالی اولمازین قدر پوزولوردو. « گؤره سن یاری یولدان قایتسام پیس اولمویا؟» اؤز-اؤزونه دئییب ایره لیله دی. نهایت بیر کؤهنه قبرین قیراغیندا اوتوردو. تئشه نی چیخارتدی آما میه دونموش یئری قازماق اولوردو! هر چتینلیکله بئش سانت یئری قازیب، دوعانی پالتوونون جیبیندن چیخاریب، یئره قویلادی.، سونرا طؤوله میخینی آخیرا دک یئره میخلادی. ایش بیتندن سونرا آیاغا قالخیب، قاییتماق ایسته دییی زامان اؤلو وار گوجویله اونون پالتوونون اوجوندان یاپیشیب، ترپنمه یه اجازه وئرمه دی: " هارا بئله ولیییییییییی قوووولوووووووووووووووو." اؤلو دئدی.
ولی قولونون قادینی سحره دک حیات یولداشینین یولونو گؤزلهدی آنجاق بیر خبر اولمادی. چارهسیز ایکی قاپی آشاغالیقدا، قارداشی سولیمانین قاپیسینی دؤیدو:
- کیمدی؟
-قارداش منم!
- هه سارا! نه عجب گون دوغمامیش قاپیمیزی دؤیورسن. نگران قالدیم. تئز دئه گؤروم نه اولوب؟
- سلیمان، ولی قولو دونن گئجه دن قبریستانلیغا گئدیب قئیتمی ییبدی! یامان نیگارانام. هله اوشاقلار یوخودان دورمویوبلار. گل گئدک قبریستانلیغا گؤروم باشیما نه بلا گلیبدی!»
بیر ساعات سونرا سارا ایله قارداشی، ولی قولونون جسدینی بیر کؤهنه قبرین قیراغیندا تاپدیلار. سلیمان جسدی قیراغا چکرکن گؤردوکو جسد یئردن اوزولمور. ناچار اونون کؤهنه پالتوونون دؤیمه لرینی بیر-بیر آچیب، قورو آغاجا دؤنموش قوللارینی چتینلیکله پالتودان چیخاریب، جسدی سورویه-سوریه قبیردن اوزاقلاشدیردی...
https://t.me/Adabiyyatsevanlar
اکبرفاریابی- نادر پاشائی
1399 قیش آیلاری
ولی قولو، اوچ نفر آیری دوستلاریلا بیرگه آقاجان قهوهخاناسیندااوتوروب قلیانلارین خورولدادا-خورولدادا، اویان-بویاندان دانیشیردیلار. ایکی ایلایدی ولی قولو پیس یوخولار گؤروب، گئجه یاریسی دیک یئریندن قالخیب، یوخولو-یوخولو ائوده دولانیب، اؤز-اؤزونه دانیشیردی. نئچه دؤنه تبریزین آدلیم دؤکتورلرینه باش وورسا دا، بو درد یاخاسیندان ال گؤتورمه میشدیر. ولیقولونون عایله سی بو دردی اؤنجه هامیدان گیزلتسه لر ده نهایتده خالاسی اری شیخ جاببارلا آرایا قویموشدولار. شیخ جاببار دا ائله مصلحت گؤرموشدور کی میرزه علمنمدین ائوینه گئدیب دعا یازدیرسینلار. میرزه علمنمد ولی قولویا بیر دعا یازیب دئمیشدی بیر اوزون طؤوله میخی آلیب گئجه یاریسی قارانلیقدا قبریستانا گئدیب اون-بیر قبیر ساییب، بیر کؤهنه قبرین یانیندا دعانی قویلاییب، میخی دا قبرین باش داشینین یانیندا برک بیر یئره میخلاییب، بئش صلوات چئوریب ائولرینه قاییتسین. آنجاق ولیقولو قورخوسوندان ایکی هفته ایدی کی بویون-صاباح ائله ییردی...
اوگون ولی قولو قهوه خانادا دوستلاریلا بیرلیکده قلیان چکه-چکه بو باره ده دانیشیردیلار:
-ولی قولو ایه تک باشینا قبریستانا گئتمکدن قورخورسان بیزده سننن گلَک.
- یوخ بایرام اولماز. میرزه علمنمد دئییردی گرک قارانلیق بیرگئجه اؤزو ده تک باشینا گئده سن.
- به نییه ایشی یوبادیسان. اؤزوده دئییرسن کی حالین یاخشی دئییل.
- واللاه آرواد اوشاقلاریمنان دا اوتانیرام. گئجه یاریسی اولار دا منیم سسیمه یوخودان دوروب ناراحات اولوللار.
- بس قورخما ائله بو گئجه دوعاینان، میخی گؤتور گئت قبریستانلیغا
- دوز دئییسن احد. بو گئجه گئتمه لییم. توکل تندیره کینه.
ولیقولو گئجه یاریسی آروادیلا حالاللاشیب، میخی، چکیشی بالاجا تئشه نی گؤتوروب قبریستانا ساری یؤنلدی. قارانلیق هریانی بوروموشدور. بسمالله دئیه- دئیه نئچه قبرین یانیندان سوووشدو. قورخوردو هرآن بیر اؤلو خوتدویوب اونو یاخالاسین. یئل وزیلتیلا اسیردی؛ ولی قولویا ائله گلیردی کی اؤلولر فیشقا چالیریلار؛ هر اوجا بیر باش داشی بیر قورخولو سَبه ته (اسکلت) کیمی اونا گؤز برهلدیردی. آیاغی بیر قبیر داشینا ایلیشیب بودورهدی آما ییخیلمادی. شاختا لاپ آدامین آمانینی کسیردی. ولی قولونون ساپلاری چؤزولموش پالتوو دا سویوغون قاباغیندا کار سالمیردی. نهایت بیر قبرین یاخینلیغیندا دایانیب تیترک الینی یئره سورتدو. تورپاق سویوق و یوموشاق ایدی. «یوخ بو تزه بیر قبیردی.» دیلی توتار-توتماز اؤز-اؤزونه دئدی. بالا-بالا گؤزلری قارانلیغا عادت ائدیردی. داها قبیرلری بیر-بیریندن آییرد ائده بیلیردی آما اؤلولر فیشقا چالماقلاریندان ال چکمیردیلر؛ بیر یاندان دا کیچیک قیزی نازلینین هیچقیرتیلا دولو سسی باشینین ایچینده فیرلانیردی: "آتا گئتمه! من دوعا ائله رم دوزَلرسن."
ولیقولونون احوالی اولمازین قدر پوزولوردو. « گؤره سن یاری یولدان قایتسام پیس اولمویا؟» اؤز-اؤزونه دئییب ایره لیله دی. نهایت بیر کؤهنه قبرین قیراغیندا اوتوردو. تئشه نی چیخارتدی آما میه دونموش یئری قازماق اولوردو! هر چتینلیکله بئش سانت یئری قازیب، دوعانی پالتوونون جیبیندن چیخاریب، یئره قویلادی.، سونرا طؤوله میخینی آخیرا دک یئره میخلادی. ایش بیتندن سونرا آیاغا قالخیب، قاییتماق ایسته دییی زامان اؤلو وار گوجویله اونون پالتوونون اوجوندان یاپیشیب، ترپنمه یه اجازه وئرمه دی: " هارا بئله ولیییییییییی قوووولوووووووووووووووو." اؤلو دئدی.
ولی قولونون قادینی سحره دک حیات یولداشینین یولونو گؤزلهدی آنجاق بیر خبر اولمادی. چارهسیز ایکی قاپی آشاغالیقدا، قارداشی سولیمانین قاپیسینی دؤیدو:
- کیمدی؟
-قارداش منم!
- هه سارا! نه عجب گون دوغمامیش قاپیمیزی دؤیورسن. نگران قالدیم. تئز دئه گؤروم نه اولوب؟
- سلیمان، ولی قولو دونن گئجه دن قبریستانلیغا گئدیب قئیتمی ییبدی! یامان نیگارانام. هله اوشاقلار یوخودان دورمویوبلار. گل گئدک قبریستانلیغا گؤروم باشیما نه بلا گلیبدی!»
بیر ساعات سونرا سارا ایله قارداشی، ولی قولونون جسدینی بیر کؤهنه قبرین قیراغیندا تاپدیلار. سلیمان جسدی قیراغا چکرکن گؤردوکو جسد یئردن اوزولمور. ناچار اونون کؤهنه پالتوونون دؤیمه لرینی بیر-بیر آچیب، قورو آغاجا دؤنموش قوللارینی چتینلیکله پالتودان چیخاریب، جسدی سورویه-سوریه قبیردن اوزاقلاشدیردی...
https://t.me/Adabiyyatsevanlar
Telegram
ادبیات سئونلر
بوکانال ادبیات سئونلر قوروپونون سئچیلمیش اثرلری دیر
کانالدا کی یازیلاری کانالین لینکینی وئرمک شرطی ایله پایلاشماق اولار.
کانالدا کی یازیلاری کانالین لینکینی وئرمک شرطی ایله پایلاشماق اولار.
This media is not supported in your browser
VIEW IN TELEGRAM
از دیروز که این فیلم وایرال شده لشگر حامیان سرمایه داری علیه این خانم در فضای مجازی جبهه گرفته اند و تا توانسته اند این خانم و درک او از سرمایه داری را به باد انتقاد های تند و بعضا توهین آمیز گرفته اند.
https://t.me/Adabiyyatsevanlar
https://t.me/Adabiyyatsevanlar
سید_علی_صالحی
حالا دیگر دیر است
من نام کوچههای بسیاری را از یاد بردهام
نشانی خانههای بسیاری را از یاد بردهام
و اسامی آسان نزدیکترین کسان دریا را
راستی آیا به همین دلیل ساده نیست
که دیگر هیچ نامهای به مقصد نمیرسد؟
نه ریرا
سالها و سالها بود
که در ایستگاه راهآهن
در خواب و خلوت ورودی همهی شهرها
کوچهها، جادهها، میدانها
چشم به راه تو از هر مسافری که میآمد
سراغ کسی را میگرفتم که بوی لیموی شمال و
شب حلال دریا میداد.
چقدر کوچههای خلوت بامدادی را
خیس گریه رفتم و در غم غروب باز آمدم.
من میدانستم تو از میان روشنترین رویاهای روزگار
تنها ترانههای سادهی مرا برگزیدهای...
https://t.me/Adabiyyatsevanlar
حالا دیگر دیر است
من نام کوچههای بسیاری را از یاد بردهام
نشانی خانههای بسیاری را از یاد بردهام
و اسامی آسان نزدیکترین کسان دریا را
راستی آیا به همین دلیل ساده نیست
که دیگر هیچ نامهای به مقصد نمیرسد؟
نه ریرا
سالها و سالها بود
که در ایستگاه راهآهن
در خواب و خلوت ورودی همهی شهرها
کوچهها، جادهها، میدانها
چشم به راه تو از هر مسافری که میآمد
سراغ کسی را میگرفتم که بوی لیموی شمال و
شب حلال دریا میداد.
چقدر کوچههای خلوت بامدادی را
خیس گریه رفتم و در غم غروب باز آمدم.
من میدانستم تو از میان روشنترین رویاهای روزگار
تنها ترانههای سادهی مرا برگزیدهای...
https://t.me/Adabiyyatsevanlar
عدالت دومان
گوناه اؤزومده
ائله کؤوره ک اسیر پاییز کوله یی
حسرتدن بورنومون اوجو گؤینه ییر
ووصالی دونیامی بال ائیله یردی
هیجرانی ائیله ییب آجی گؤینه ییر
یاخیندا اوزاقلیق چکدیریب منه
دونیامی قوردوروب سؤکدوروب منه
مؤحنتدن بیر سارای تیکدیریب منه
باشیما قویدوغو تاجی گؤینه ییر
او گئدیب ایتسه ده دومان گؤزومده
ایزلری قالاجاق ایللر اوزومده
اوره ییم نئیله سین گو ناه اؤزومده
چاتمیر آیریلیقا گوجو گؤینه ییر
https://t.me/Adabiyyatsevanlar
گوناه اؤزومده
ائله کؤوره ک اسیر پاییز کوله یی
حسرتدن بورنومون اوجو گؤینه ییر
ووصالی دونیامی بال ائیله یردی
هیجرانی ائیله ییب آجی گؤینه ییر
یاخیندا اوزاقلیق چکدیریب منه
دونیامی قوردوروب سؤکدوروب منه
مؤحنتدن بیر سارای تیکدیریب منه
باشیما قویدوغو تاجی گؤینه ییر
او گئدیب ایتسه ده دومان گؤزومده
ایزلری قالاجاق ایللر اوزومده
اوره ییم نئیله سین گو ناه اؤزومده
چاتمیر آیریلیقا گوجو گؤینه ییر
https://t.me/Adabiyyatsevanlar
علی رشتبر "قاییب"
منی گؤرمک ایستهسهنیز،
نه گتیرسز دوز گتیرین.
باکیدان بیر قارا قوپوز ،
کلبجردن سؤز گتیرین.
دانیشدیرین اینجه تاری،
گزین اولو قاشقایلاری،
سالین یولو کاشغار ساری ،
بیر دامارلیق اؤز گتیرین.
ایستهمیرم یاد داغیندان،
دونیانین دؤرد بوجاغیندان،
قاراداغین اوجاغیندان،
بیر چنگهلیک کؤز گتیرین.
او گون سوفره آچام گرک،
سیز ده منه ائدین کؤمک،
داش دربنددن ایستی چؤرک،
همداندان دوز گتیرین.
یوبانمایین اؤتر بولبول،
دنین تؤکر ساری سونبول،
اورمیادان بیر آووج گؤل،
تبریزدن تبریز گتیرین.
وصیتیم بودور دیندن ،
قلبی یویون هر بیر کیندن،
ایروانین مسجیدیندن،
منه قل اعوذ گتیرین.
گلین گؤرون بو لال قوردو ،
پارام-پارچا اولان یوردو،
آنا دیلیم چکن دردی،
گؤرمک اوچون گؤز گتیرین.
فیکر ائتمهیین روسا فارسا،
یوللار بئله *دومان قارسا،
وطن دادلی نهییز وارسا،
قاییبا یوز-یوز گتیرین.
*بئله: حتی
https://t.me/Adabiyyatsevanlar
منی گؤرمک ایستهسهنیز،
نه گتیرسز دوز گتیرین.
باکیدان بیر قارا قوپوز ،
کلبجردن سؤز گتیرین.
دانیشدیرین اینجه تاری،
گزین اولو قاشقایلاری،
سالین یولو کاشغار ساری ،
بیر دامارلیق اؤز گتیرین.
ایستهمیرم یاد داغیندان،
دونیانین دؤرد بوجاغیندان،
قاراداغین اوجاغیندان،
بیر چنگهلیک کؤز گتیرین.
او گون سوفره آچام گرک،
سیز ده منه ائدین کؤمک،
داش دربنددن ایستی چؤرک،
همداندان دوز گتیرین.
یوبانمایین اؤتر بولبول،
دنین تؤکر ساری سونبول،
اورمیادان بیر آووج گؤل،
تبریزدن تبریز گتیرین.
وصیتیم بودور دیندن ،
قلبی یویون هر بیر کیندن،
ایروانین مسجیدیندن،
منه قل اعوذ گتیرین.
گلین گؤرون بو لال قوردو ،
پارام-پارچا اولان یوردو،
آنا دیلیم چکن دردی،
گؤرمک اوچون گؤز گتیرین.
فیکر ائتمهیین روسا فارسا،
یوللار بئله *دومان قارسا،
وطن دادلی نهییز وارسا،
قاییبا یوز-یوز گتیرین.
*بئله: حتی
https://t.me/Adabiyyatsevanlar
✍️: ائلمان موغانلی
قیرمیزی دونلو بولوت قیز یاغیر چتیریمه
اَللرینی توتارسام دا باشیم گؤیه میخلانمیش
من یئرله گؤی آراسی آسیلی
و کولک بو آرا توی توتموش سئوگیلیمله
یالنیز اومودوم گونش
گونش چتیریمی یاندیرارسا
من یئنیدن باشلانارام
بولودو سئومهگه اویغون
بیر باشلی باشلانیش
کیمسهنی قیرمادان اؤزومو قیرماغیم گرک
باغیمسیزلیغیم سئودالانماغین باشلانیشی
یوخو گلمیر گؤزلریمه
من نانکور بیریسی ده دئییلم
چتیر ده پیس دئییل
منی گونشدن قاردان بوراندان قورویور
من گؤیدن قیریلارسام یئرده یاشاماغیم چتین
هانسی یوخو! هانسی گؤز!
من باشسیز بیریسی
منیم یئنیدن باشلانماغیم گرک
بولود اولماغیم گرک
باغیمسیز، سئودالی، باشلی باشلانیش
ایستهدیگیم چاغ یئرده
سئودیگیم چاغ گؤیده اولماغیم گرک
و بو جاهانا سیغماماغیم گرک
https://t.me/Adabiyyatsevanlar
قیرمیزی دونلو بولوت قیز یاغیر چتیریمه
اَللرینی توتارسام دا باشیم گؤیه میخلانمیش
من یئرله گؤی آراسی آسیلی
و کولک بو آرا توی توتموش سئوگیلیمله
یالنیز اومودوم گونش
گونش چتیریمی یاندیرارسا
من یئنیدن باشلانارام
بولودو سئومهگه اویغون
بیر باشلی باشلانیش
کیمسهنی قیرمادان اؤزومو قیرماغیم گرک
باغیمسیزلیغیم سئودالانماغین باشلانیشی
یوخو گلمیر گؤزلریمه
من نانکور بیریسی ده دئییلم
چتیر ده پیس دئییل
منی گونشدن قاردان بوراندان قورویور
من گؤیدن قیریلارسام یئرده یاشاماغیم چتین
هانسی یوخو! هانسی گؤز!
من باشسیز بیریسی
منیم یئنیدن باشلانماغیم گرک
بولود اولماغیم گرک
باغیمسیز، سئودالی، باشلی باشلانیش
ایستهدیگیم چاغ یئرده
سئودیگیم چاغ گؤیده اولماغیم گرک
و بو جاهانا سیغماماغیم گرک
https://t.me/Adabiyyatsevanlar
This media is not supported in your browser
VIEW IN TELEGRAM
🔘شاعر:فدریکو_گارسیا_لورکا★
🔘برگردان: احمد_شاملو
تو را به سینهریز آراستام،
به گوهرهای سپیدهدمان.
چرا مرا برین راه
تنها به خود رها کردی؟
اگر به دوردستان روی
پرندهی من مویه خواهد کرد
و تاکستان سبزفام
شرابی به بار نخواهد آورد.
https://t.me/Adabiyyatsevanlar
🔘برگردان: احمد_شاملو
تو را به سینهریز آراستام،
به گوهرهای سپیدهدمان.
چرا مرا برین راه
تنها به خود رها کردی؟
اگر به دوردستان روی
پرندهی من مویه خواهد کرد
و تاکستان سبزفام
شرابی به بار نخواهد آورد.
https://t.me/Adabiyyatsevanlar
رحیم گوزل
دردیمی
قوی بیر آز سویکه نیم بو هوندور داشا،
دانیشیم چمنه، چوله دردیمی.
توتوم اوره ییمی یاغان یاغیشا
آخیدیم چایلارا، سئله دردیمی!
محو ائده بیلمه دی یغمالار منی،
اَیمه دی سیخمالار، بوغمالار منی،
اوزدو اوگئیله شن دوغمالار منی،
گتیره بیلمه دیم دیله دردیمی!
یاشادیم سارسیلماز اعتقادیملا،
کئچدیم اولایلاردان سرت عینادیملا،
دویغومدان، قایغیمدان دوغان اودوملا
آلیشیب، دوندردیم کوله دردیمی!
بعضاً دوست یاخیندان، دوشمن اوزاقدان،
بیری دالدان ووردو، بیری قاباقدان.
داغ کیمی دوشمه دیم آنجاق آیاقدان،
وئردیم کولکلره، یئله دردیمی!
طبیعتی گوزل، هاواسی تمیز،
تاریخی محتشم، میلّتی عزیز،
یئتیرر درمانا، یقین، یوزده - یوز
سویله سم وطنه، ائله دردیمی.
https://t.me/Adabiyyatsevanlar
دردیمی
قوی بیر آز سویکه نیم بو هوندور داشا،
دانیشیم چمنه، چوله دردیمی.
توتوم اوره ییمی یاغان یاغیشا
آخیدیم چایلارا، سئله دردیمی!
محو ائده بیلمه دی یغمالار منی،
اَیمه دی سیخمالار، بوغمالار منی،
اوزدو اوگئیله شن دوغمالار منی،
گتیره بیلمه دیم دیله دردیمی!
یاشادیم سارسیلماز اعتقادیملا،
کئچدیم اولایلاردان سرت عینادیملا،
دویغومدان، قایغیمدان دوغان اودوملا
آلیشیب، دوندردیم کوله دردیمی!
بعضاً دوست یاخیندان، دوشمن اوزاقدان،
بیری دالدان ووردو، بیری قاباقدان.
داغ کیمی دوشمه دیم آنجاق آیاقدان،
وئردیم کولکلره، یئله دردیمی!
طبیعتی گوزل، هاواسی تمیز،
تاریخی محتشم، میلّتی عزیز،
یئتیرر درمانا، یقین، یوزده - یوز
سویله سم وطنه، ائله دردیمی.
https://t.me/Adabiyyatsevanlar
Telegram
ادبیات سئونلر
بوکانال ادبیات سئونلر قوروپونون سئچیلمیش اثرلری دیر
کانالدا کی یازیلاری کانالین لینکینی وئرمک شرطی ایله پایلاشماق اولار.
کانالدا کی یازیلاری کانالین لینکینی وئرمک شرطی ایله پایلاشماق اولار.
کیتاب تانیتیمی "یئنی یتمه لر اوچون"
عنوان :قهوه ای زیبا (گوزل قورال)
یازان:رباب سحری
مترجم:آیدین سرداری نیا
ناشر :حکیم نظامی گنجه ای
https://t.me/Adabiyyatsevanlar
عنوان :قهوه ای زیبا (گوزل قورال)
یازان:رباب سحری
مترجم:آیدین سرداری نیا
ناشر :حکیم نظامی گنجه ای
https://t.me/Adabiyyatsevanlar
Forwarded from ادبیات سئونلر
عمران صلاحی 1325-1385
پارچالاندیق سینمادیق
پارچالاندیق سینمادیق
داش آتانلار بیلمه دیلر
پارچالانمیش آینادا
بیر آیدان مین آی چیخار
بیر گونش دن مین گونش
بیر اولدوز دان مین اولدوز
پارچالاندیق آینا کیمی
چوخالیریق چوخالدیریق ایشیغی
گوندوز گونه عادتی وار، گئجه اولدوزلارا آیا
بوداقلار باهارا
میوه لر یایا
گمیلر دنیزه، بالیقلار چایا، پنجره لر آچیلماغا
بیر آز تازا هاوایا
آچیق یئل کن عادتی وار یئللره
آراز دلی سئللره
آینا گوزهللییه، داراق تئل لره
غریب آدام عادتی وار وطنه، داغلار دومانا چنه
آیریلیق گونلری منه
من سنه!
https://t.me/Adabiyyatsevanlar
پارچالاندیق سینمادیق
پارچالاندیق سینمادیق
داش آتانلار بیلمه دیلر
پارچالانمیش آینادا
بیر آیدان مین آی چیخار
بیر گونش دن مین گونش
بیر اولدوز دان مین اولدوز
پارچالاندیق آینا کیمی
چوخالیریق چوخالدیریق ایشیغی
گوندوز گونه عادتی وار، گئجه اولدوزلارا آیا
بوداقلار باهارا
میوه لر یایا
گمیلر دنیزه، بالیقلار چایا، پنجره لر آچیلماغا
بیر آز تازا هاوایا
آچیق یئل کن عادتی وار یئللره
آراز دلی سئللره
آینا گوزهللییه، داراق تئل لره
غریب آدام عادتی وار وطنه، داغلار دومانا چنه
آیریلیق گونلری منه
من سنه!
https://t.me/Adabiyyatsevanlar
پرویز کاظمی
نظامینین تورکجه دیوانی
بو گونلرده آکادئمیک «نظامی جعفروو»ون لایحه رهبری اولدوغو «دیوان شیخ نظامی» کیتابی چاپدان چیخدی. تدقیقاتچی دوقتور صدیار وظیفهنین (ائلاوغلو)نون تاپیب اوزه چیخاردیغی الیازمانین اؤیرنیلمهسی، متخصصلرین مذاکرهسینه وئریلمهسی و الیازمانین مکمل تحلیلی استقامتینده مهم بیر آددیم آتیلدی.
https://t.me/Adabiyyatsevanlar
نظامینین تورکجه دیوانی
بو گونلرده آکادئمیک «نظامی جعفروو»ون لایحه رهبری اولدوغو «دیوان شیخ نظامی» کیتابی چاپدان چیخدی. تدقیقاتچی دوقتور صدیار وظیفهنین (ائلاوغلو)نون تاپیب اوزه چیخاردیغی الیازمانین اؤیرنیلمهسی، متخصصلرین مذاکرهسینه وئریلمهسی و الیازمانین مکمل تحلیلی استقامتینده مهم بیر آددیم آتیلدی.
https://t.me/Adabiyyatsevanlar
حمید بخشمند
او یازیغا اولان اولدو… (ایکی مکتوب و بیر نئچه سؤز)
ایضاح:
تیر آیینین ۲۳-ینجی گونو آذربایجان یازیچیسی، عالیم تدقیقاتچیسی و باجاریقلی ژورنالیستی دوقتور غلامرضا بوداغینین نیسگیللی اؤلومونون ایل دؤنومودور. غلامرضا بوداغی(قولو) عؤمرونون جاوان چاغلارینی سیاسی- اجتماعی فعالیتی اوجباتیندان کئچمیش سووئتلر بیرلیگی اؤلکهسینه سیغینمیش، اورادا درس اوخوموش و فلسفه و حقوق رشتهسینده دوقتورلوق درجهسینه یوکسلمیشدیر. او اورتا عصر آذربایجان فلسفهسی اوزره متخصص کیمی ۱۰ ایلدن سونرا آنا یوردو تبریزه قاییدیر. بورادا حیاتی چوخ آغیر و تراژیک کئچیر. بو آجیناجاقلی حیاتا دؤزمهدن آذربایجانین بو اونودولماز اوغلو اؤز الیایله ۵۵ ایللیک حیاتینا سون قویور و ۱۳۸۹ینجی ایلین تیر آیینین ۲۳ینده تبریزین وادیالرحمه مزارلیغیندا تورپاغا تاپشیریلیر. دوقتور غلامرضا بوداغی(قولو)نون عزیز خاطیرهسینه بیر داهادا عشق اولسون دئیهرک، یاخین دوستلاریندان اولان حؤرمتلی یازیچی و ژورنالیستیمیز “حمید بخشمند” معلمین بیر یازیسینی سیز عزیز اوخوجولارا تقدیم ائدیریک. (ایشیق)
×××
او یازیغا اولان اولدو…
اؤزو منه سؤز وئرمیشدی…
گؤروشلریمیزین بیرینده منه دئمیشدی کی، “قولو”دان ایکی مکتوب منده وار. بو دؤنه تبریزه گلنده اونلاری گتیریب وئرهرم سنه، اؤزون بیل نئیلیسن ائله. هفتهلر، آیلار اؤتوشدو. یئنه بیر گون بیز بو شهرده اوز- اوزه گلدیک، آمما مکتوبلاردان سس- سوو یوخ. وئردییی وعدهنی خاطیرلاتدیم اونا…
– وای..! پاه یادیمدان چیخیب. سؤز وئریرم، گلن دفه گتیرمهسم، دای سنی گلیب گؤرمهرم. آخی…
نه ایسه، بیر یای آخشامی زنگ آچدی منه. سلام- علیکدن سونرا:
– هارداسان؟
– اکبرین دوکانیندایام.
– ائله اوردا اول، بو ساعات گلدیم.
… و او ساعات گلدی. اؤپوش- گؤروشدن سونرا چانتاسیندان بیر پلاستیک کاور چیخاریب، دئدی:
– سنه ایکی مکتوب وعدهسی وئرمیشدیم، یئرینه دؤرد مکتوب، بیر اَلیازما شعیر گتیرمیشم. ایکیسی بیر نفردن، ایکیسی بیر باشقاسیندان، اَلیازما شعیر ده بیر آیریسیندان. بو اوچ نفرین ایکیسی دونیاسین دَییشیب، بیری اؤلکهسین. هله اوستهلیک، سن باعث اولدون اؤزومون بیر نئچه ایتیب- باتمیش شعریمی ده کار- کاغیذلاریمین ایچیندن تاپیم.
اونلاری آلیب، قیسا بیر سؤز- صؤحبتدن سونرا بیر- بیریمیزدن آیریلدیق.
او گئتدی…
من بیر آز دایانیب، حبیب معلیمین آرخاسیجا باخدیم. همیشه کی کیمی یورویوردو. بو کیشینین هئچ آرام- و- قراری یوخدو. دائم قاچا- قاچدادی. اوزاق- یاخین فرق ائتمز. ایستر تهرانین جنوبوندا عموخیاطین جومعهلر ایش اوشاقلاری اوچون تشکیل وئردییی کلاسلاری اولسون، ایستر خانیم پویندهنین ائو آروادلاری اوچون ترتیب ائتدییی کارگاهلاری؛ ایستر قاراداغین هانسیسا بیر بور- بوجاغینداکی قیرخ ایل بوندان اول درس وئردییی بیر کند اولسون، ایستر زلزلهدن ساری اوچولموش آوادانلیقلاردا یاریمچیق هؤرولموش بیر بهداشت ائوی…
هله، تبریزین اؤزونده دوستلاردان دا خبر توتماق گرک. سرحدلرین او اوزونده قالمیش یولداشلارین عائلهلرینه ده باش وورماق گرک. ایندی ایسه آللاه بیلیر گئدیر کیمسهیه باش چکسین، هانسی خستهنی گؤرسون! بلکه ائله یول اوستو رحمتلیک ضیا خیاطگیله ده دؤندو! هر نه اولور اولسون، آنجاق “یولچو یولدا گرک!” بئلهدیر حبیب فرشباف. بئله یاشاییب، بئلهجه ده یاشایاجاق…
ائوه دؤندوکده هر شئیدن اول باشلادیم حبیبدن آلدیغیم کاغیذلاری اوخوماغا. هر بیرینی نئچه دؤنه اوخودوم… آمما نه اوخوماق! هر اوخودوقدا اورک ائوینده یاغیش یاغیردی… خصوصیله ایکی مکتوب بیر نفردن منی اوتوز بئش، اوتوز یئددی ایل بوندان قاباقلارا چکیب آپاردی. منی جاوانلاتدی. قولو (غلامرضا بوداغی)له بیر داها اوزبهاوز اوتوردوم. بیر داها ایکیمیز دئییب- ائشیتدیک. آنجاق سؤز آراسی چوخ جیدی بیر صیفتله سوروشدو:
– «شاهرخ مسکوب»ون چئویردییی «افسانههای تبای»یی اوخویوبسانمی؟
– یوخ، کیتابی گؤرمهمیشم هئچ.
درحال آیاغا قالخیب، گئدیب کیتابی گتیریب منه وئررکن:
– آل، منده وار. پول وئریب آلما. چوخ اوخومالیدیر. اوخو، آنجاق دیقتله اوخو.
دیقتله اوخوماغین معناسینی بیلیردیم. یعنی قولو کیمی اوخو.
اوخودوم. اونون کیمی اوخودوم. تمیز. دیقتله. سوفوکل. تبِس شهری. اودیپ شاه. اؤنجه یازیلمیش آلین یازیسی. آتانی اؤلدوررسن، اؤزون بیلمهدن. ابوالهول (اسفینکس)ین سئوالینین دوزگون جاوابینی آنجاق سن وئررسن. سنی تبِسده شاهلیغا گؤتوررلر. شاه کی اولدون، آنانلا ائولهنیب، اونو اؤزونه آرواد ائدرسن، اؤزون بیلمهدن. آنان/ آروادینلا بیر یاتاقدا یاتارسان، اؤزون بیلمهدن. ایکی اوغلون/ قارداشین اولار و ایکی قیزین/ باجین… هامیسی اؤزون بیلمهدن! بو گوناهین جزاسینا تبِس شهرینی طاعون بورویَر. سنی سورگون ائدرلر. سونرا اؤزون- اؤزونو اینه ایله کور ائدرسن…
او یازیغا اولان اولدو… (ایکی مکتوب و بیر نئچه سؤز)
ایضاح:
تیر آیینین ۲۳-ینجی گونو آذربایجان یازیچیسی، عالیم تدقیقاتچیسی و باجاریقلی ژورنالیستی دوقتور غلامرضا بوداغینین نیسگیللی اؤلومونون ایل دؤنومودور. غلامرضا بوداغی(قولو) عؤمرونون جاوان چاغلارینی سیاسی- اجتماعی فعالیتی اوجباتیندان کئچمیش سووئتلر بیرلیگی اؤلکهسینه سیغینمیش، اورادا درس اوخوموش و فلسفه و حقوق رشتهسینده دوقتورلوق درجهسینه یوکسلمیشدیر. او اورتا عصر آذربایجان فلسفهسی اوزره متخصص کیمی ۱۰ ایلدن سونرا آنا یوردو تبریزه قاییدیر. بورادا حیاتی چوخ آغیر و تراژیک کئچیر. بو آجیناجاقلی حیاتا دؤزمهدن آذربایجانین بو اونودولماز اوغلو اؤز الیایله ۵۵ ایللیک حیاتینا سون قویور و ۱۳۸۹ینجی ایلین تیر آیینین ۲۳ینده تبریزین وادیالرحمه مزارلیغیندا تورپاغا تاپشیریلیر. دوقتور غلامرضا بوداغی(قولو)نون عزیز خاطیرهسینه بیر داهادا عشق اولسون دئیهرک، یاخین دوستلاریندان اولان حؤرمتلی یازیچی و ژورنالیستیمیز “حمید بخشمند” معلمین بیر یازیسینی سیز عزیز اوخوجولارا تقدیم ائدیریک. (ایشیق)
×××
او یازیغا اولان اولدو…
اؤزو منه سؤز وئرمیشدی…
گؤروشلریمیزین بیرینده منه دئمیشدی کی، “قولو”دان ایکی مکتوب منده وار. بو دؤنه تبریزه گلنده اونلاری گتیریب وئرهرم سنه، اؤزون بیل نئیلیسن ائله. هفتهلر، آیلار اؤتوشدو. یئنه بیر گون بیز بو شهرده اوز- اوزه گلدیک، آمما مکتوبلاردان سس- سوو یوخ. وئردییی وعدهنی خاطیرلاتدیم اونا…
– وای..! پاه یادیمدان چیخیب. سؤز وئریرم، گلن دفه گتیرمهسم، دای سنی گلیب گؤرمهرم. آخی…
نه ایسه، بیر یای آخشامی زنگ آچدی منه. سلام- علیکدن سونرا:
– هارداسان؟
– اکبرین دوکانیندایام.
– ائله اوردا اول، بو ساعات گلدیم.
… و او ساعات گلدی. اؤپوش- گؤروشدن سونرا چانتاسیندان بیر پلاستیک کاور چیخاریب، دئدی:
– سنه ایکی مکتوب وعدهسی وئرمیشدیم، یئرینه دؤرد مکتوب، بیر اَلیازما شعیر گتیرمیشم. ایکیسی بیر نفردن، ایکیسی بیر باشقاسیندان، اَلیازما شعیر ده بیر آیریسیندان. بو اوچ نفرین ایکیسی دونیاسین دَییشیب، بیری اؤلکهسین. هله اوستهلیک، سن باعث اولدون اؤزومون بیر نئچه ایتیب- باتمیش شعریمی ده کار- کاغیذلاریمین ایچیندن تاپیم.
اونلاری آلیب، قیسا بیر سؤز- صؤحبتدن سونرا بیر- بیریمیزدن آیریلدیق.
او گئتدی…
من بیر آز دایانیب، حبیب معلیمین آرخاسیجا باخدیم. همیشه کی کیمی یورویوردو. بو کیشینین هئچ آرام- و- قراری یوخدو. دائم قاچا- قاچدادی. اوزاق- یاخین فرق ائتمز. ایستر تهرانین جنوبوندا عموخیاطین جومعهلر ایش اوشاقلاری اوچون تشکیل وئردییی کلاسلاری اولسون، ایستر خانیم پویندهنین ائو آروادلاری اوچون ترتیب ائتدییی کارگاهلاری؛ ایستر قاراداغین هانسیسا بیر بور- بوجاغینداکی قیرخ ایل بوندان اول درس وئردییی بیر کند اولسون، ایستر زلزلهدن ساری اوچولموش آوادانلیقلاردا یاریمچیق هؤرولموش بیر بهداشت ائوی…
هله، تبریزین اؤزونده دوستلاردان دا خبر توتماق گرک. سرحدلرین او اوزونده قالمیش یولداشلارین عائلهلرینه ده باش وورماق گرک. ایندی ایسه آللاه بیلیر گئدیر کیمسهیه باش چکسین، هانسی خستهنی گؤرسون! بلکه ائله یول اوستو رحمتلیک ضیا خیاطگیله ده دؤندو! هر نه اولور اولسون، آنجاق “یولچو یولدا گرک!” بئلهدیر حبیب فرشباف. بئله یاشاییب، بئلهجه ده یاشایاجاق…
ائوه دؤندوکده هر شئیدن اول باشلادیم حبیبدن آلدیغیم کاغیذلاری اوخوماغا. هر بیرینی نئچه دؤنه اوخودوم… آمما نه اوخوماق! هر اوخودوقدا اورک ائوینده یاغیش یاغیردی… خصوصیله ایکی مکتوب بیر نفردن منی اوتوز بئش، اوتوز یئددی ایل بوندان قاباقلارا چکیب آپاردی. منی جاوانلاتدی. قولو (غلامرضا بوداغی)له بیر داها اوزبهاوز اوتوردوم. بیر داها ایکیمیز دئییب- ائشیتدیک. آنجاق سؤز آراسی چوخ جیدی بیر صیفتله سوروشدو:
– «شاهرخ مسکوب»ون چئویردییی «افسانههای تبای»یی اوخویوبسانمی؟
– یوخ، کیتابی گؤرمهمیشم هئچ.
درحال آیاغا قالخیب، گئدیب کیتابی گتیریب منه وئررکن:
– آل، منده وار. پول وئریب آلما. چوخ اوخومالیدیر. اوخو، آنجاق دیقتله اوخو.
دیقتله اوخوماغین معناسینی بیلیردیم. یعنی قولو کیمی اوخو.
اوخودوم. اونون کیمی اوخودوم. تمیز. دیقتله. سوفوکل. تبِس شهری. اودیپ شاه. اؤنجه یازیلمیش آلین یازیسی. آتانی اؤلدوررسن، اؤزون بیلمهدن. ابوالهول (اسفینکس)ین سئوالینین دوزگون جاوابینی آنجاق سن وئررسن. سنی تبِسده شاهلیغا گؤتوررلر. شاه کی اولدون، آنانلا ائولهنیب، اونو اؤزونه آرواد ائدرسن، اؤزون بیلمهدن. آنان/ آروادینلا بیر یاتاقدا یاتارسان، اؤزون بیلمهدن. ایکی اوغلون/ قارداشین اولار و ایکی قیزین/ باجین… هامیسی اؤزون بیلمهدن! بو گوناهین جزاسینا تبِس شهرینی طاعون بورویَر. سنی سورگون ائدرلر. سونرا اؤزون- اؤزونو اینه ایله کور ائدرسن…
Telegram
ادبیات سئونلر
بوکانال ادبیات سئونلر قوروپونون سئچیلمیش اثرلری دیر
کانالدا کی یازیلاری کانالین لینکینی وئرمک شرطی ایله پایلاشماق اولار.
کانالدا کی یازیلاری کانالین لینکینی وئرمک شرطی ایله پایلاشماق اولار.