مسئولیت آرا و نظریات ارائه شده در کلیه نوشته ها همچنین صحت و سقم مطالب به عهده نویسندگان میباشد,
نشر مقالات و ترجمه ها به معنی تائید ‌ان مطلب و هم سویی با نویسندگان نمی باشد.

ادبیات سئونلر.

https://t.me/Adabiyyatsevanlar

"حسن بابایی "عجب شئرلی

آرخین قیراغیندا

دورارکن باخیب فیکره جومموشدو .هئچ آغلینا گلمزدی بیری یاخاسیندان  یاپیشیب سورغو _ سئوالا توتسون بونو .اوءز دونیاسی نین اگری ( ایری ) _ بوروق کوچه لرینده سئیر ائدرک خومارلانیردی ،آرخا نظر سالدیقدا سویون یوموشاقجا آخماسینا حسد آپاریب اوءزونده : نه راحات آخیر ،تلسمک  بیلمه ییر ،بیرینی گودمه ییر ، باشقاسی نین سوزونو دانیشماییر ،بیری نین چوره گینی کسمه ییر ،بیرینه دولاشماییر .اوءز یولونو توتوب گئدیر قوراقلیق لارا جان باغیشلایب ،آغاجلارا حیات بخش ائدیر ،یاشیل لیق ارمغان  گتیریر .تارلالارین آرپا _ بوغدا ،مرجمک _ کوروشنه لرینی دنلندیریب اکینچی لری اومودلو ائدیر
خیال یئلکنی نین قانادلارینداسئیر ائدرک بیر الی چینین ده حیس ائتدی ،دوندوکده تانیمادیغی آدامی نظردن کئچیریب یئرینده میخلانیب قالدی ،ادامی تانیماسادا هارداسا دئیه سن گورموشدو .دیلی توتار _ توتماز : بو _ بویورون ،،دئدی .ادام هوروت _ هوروت بونون گوزلری نین ایچینه باخیب هئچ نه دئمه دن اوزاقلاشدی .اوءزونده دانیشیب فیکیرلشیردی بلکه منی یانلیش دوشونوب یوخسا باشقاسینان دئیشیک سالیب او اوزدن تمناسینی اوزه گتیره بیلمه دی.دولاشیق دوشونمک لر یاخاسینی بوراخماییردی ،ادام اوزاقلاشدیقجا مورادین فیکیر لری دوندان _ دونا گیریب تزه لشیر ،دئیشیر ،گئری یه دونور ،گله ‌جگی تامسینیر .ائله اولدو الی بونون چینینه توخونان آدام گوزدن ایتدی .
موراد ایسه دوردوغو یئریندن ترپنمه ‌یه جان آتسادا اینجاری اولمادان دایانیب یئرینده قالمیشدی ،یئنه اوءزونه دالدی .خیال آتیشقاسینی آچیب کئچمیشه باش ووردو ،آتاسی _ اناسی ،عایله عضولری گلیب گوزو اونونده دایانمیشدی .اونلارلا کئچیردیگی آنلاری یئنی _ یئتمه دوورونده دویوب ذوق آلیردی ،بعضا ایسه کووره لیب دیلی ایله دوداغی آراسیندا آز ائشیدیلن بایاتی  ‌لاردان ترنم  ائدیردی :
عزیزیم اویان داغلار
آل _ یاشیل بویان داغلار
بویان ظولمت خانادیر
نئجه دیر اویان داغلار

عزیزیم کیمه قالدی
کیم ییغدی کیمه قالدی
هامی یا حال اولسادا
منیمکی هله قال دی 
هئچ اوزوده بیلمه ییردی نیه ؟ نه یه ؟ بو بایاتی لاری زومزومه ائدیر .آدام گئتمیشدی چوخدان گئتمیشدی آنجاق آرخ دوم _ دورو سویو باغرینا باسیب تومارلاییردی ،چوخلاری آماجینا چاتدی تکجه من آرزولاریما قیسیر قالدیم ،موراد اوزونده دئیردی .
یئنه قاسیرغالی فیکیرلربئینین ده وورنوخدو ،او آدام کیم ایدی ؟ نیه منیمله دانیشمادان گئتدی .به یم دئمه یه سوزو وار ایمیش اوتانیب دئیه بیلمه دی ،نه بیلیم ......،اوزونده دئدیک لرینه جاواب تاپانمایب آددیملادیغی خیاوانی
باشا چاتدیردیقدا بیر قیز اوشاغی قاباغینی کسیب بیر آدرسین ( عنوانین ) هارادا اولدوغونو اویرنمک ایسته دی .عنوانی دئیرک قیزین اوست _ باشینا ،داورانیشینا فیکیر وئریب بیر نتیجه چیخارا بیلمه دی .بونیه منیم اوغروما چیخدی بلکه بوندادا نئجه دئیرلر بیرحکمت یاتیب .هر نه یه شوبهه یله یاناشسادا اولچدوک لرینی بیچیمه سالا بیلمه دی .
اوالینی چینیمه قویموش آدام ‌دان بودا بو قیزدان ،تکجه سو اوءز آخاریندا یولونو توتوب گئدیر بو اثنا ‌دا مورادین جیب تئلفونو سسلندی ،آچدیقدا آداخلیسی نین اولدوغونو دویوب دانیشیقلارینا قولاق یاتیردی "" منه مئساژ گلدی آیین ۲۱ دادگاهیمیز‌دی ،دئیرم بلکه بیر باشا یولونا قویوب بیر _ بیریمیزی بو چتین لیکدن قورتاردیق "" دئدی .گورک ایشلر نئجه قاباغا گئدیر .موراد دئدی .من آرزوما بو باشدان یوخ اوباشدان دئیه ‌سن چاتاجاغام نه ایسه دئیب تئلفونو سوندوروب خیال یئلکنی نده مقصدی بیلمه ‌دن اوچموشدو .
آرخین ایجینده اوءزونو اودیوارا بو دیوارا ویران سویا باخدیقدا اوءزوندی دئیردی : چور _ چوپ لری ،وئجه گلمه ‌ین شئیی لری هئچ نه ‌یه فرق قویمادان اوءزو ایله آپاریب بیر یئرده باسدیریب بلکه ‌‌ده اوءزوندن بویوک بیر سو آلانینا تاپشیریب ایتیب باتاجاقدی
سویون آخاریندان آیریلیب حیاتین کورال لارینی نظریندن کئچیریب آرزویا فیکیرلشمک دن قیریلا بیلمه ییردی .گورن نیه بیزیم باغ لاریمیز دویونلنمه دی هاردا سهوه یول وئردیک آخی ،اوندا گوردو قاپی لارینا چاتیب آیفونو ویردیقدا قاپی اوزونه آچیلدی .آناسی قاپی آغزیندا هیجانلا دایانمیشدی  "" موراد احضاریه گلیب "" دئدی .
بیلیرم آرزو اوزو زنگ ائله میشدی .
نئیله یک بالا اوءزونو سیخما بلکه بوندادا بیر حکمت وار ائله آداخلی _ آداخلی آیریلاسینیز ،
مورادین باجیسی اوست قات دان اشاغی یئنرکن : "" موراد آرزودان خبرین وارمی "" سویله دی
هه نئجه به یم یاریم ساهات اوءنجه زنگ اچمیشدی .
آرانیزدا نه دانیشدینیز موراد

هئچ نه دئدی ۲۱دادگاه دیر منده دئدیم گلرم .
قالخ اوست قاتا سنینله ایشیم وارموراد.
موراد اوسته قالخدیقدا سئوینجی پیس دوروم دا حیس ائتدیکدن ،سنه نه اولوب سوردو ؟
موراد ،موراد آرزو یاشایشینا سون قویوب دئیب یئره ییخیلدی .
سئوینج دوز دئیردی آخی موراد سئوینجه گلن مئساژلاری اوخودوقدا آرزونون یازدیغی سون سوزلری گوروب قوناق اوداسیندا باییلمیشدی


https://t.me/Adabiyyatsevanlar

علی رشتبر قاییب

داها چیراغ یانمایاجاق،
خاطیره‌لر ساراییندا.
یازا حسرت ، یایا حسرت ،
ایل قالاجاق قار آییندا.

آچمایاجاق پنجره‌نی،
کیمسه گونش دوغان یئره.
اوکیانلار دا سیغمایاجاق،
گؤز یاشلارین سیغان یئره.

بو گونشلیک اولسا دوغماز،
حاق امری‌دیر دئیه چیخیر.
یوخسا اونون دا قلبینی،
دوننده‌کی ناغیل سیخیر!

سنین قلبین قیریلاندان،
قارقیشلاندی بیزیم شهر.
گؤیدن یاغان یاغیشسا دا،
نووچالاردان آخان قهر.

مسکن اولوب  سنسیز بورا،
ایلانلارا، قوشا-قوردا...
کپنگین اوچماغینا،
اینانماییر کیمسه بوردا.

آچ قانادی گؤیرچینیم!
چیخ عینادین قفسیندن.
قوی ایسینسین قیشلاریمیز،
یاز عطیرلی نفسیندن.

https://t.me/Adabiyyatsevanlar

گویا فیروزکوهی

دنیا ؛ کوچک‌تر از کفش ِکوک‌زده‌ی کودکی‌ست
که لنگه به لنگه
زخم و تاول می‌بندد
- از بی‌تحویلی ِسال.‌......

حالا چه بخواهم از این جهان پست
که ارتفاع گرفته‌ست
هق‌هق آوار شده
در کوچه‌های تنگ
به عصر بی‌پناهی !
...و باران که می‌بارد
خبر از خالی‌شدن ابر زیر پای آسمان دارد...

دنیا ؛ زیبا‌تر از دست‌های کوچک و کبود نیست
که با قوطی کبریت
خشت می‌زند
تا مگر آرام‌جایی فراهم
برای عروسک بی‌آزار دخترکی
که دیگر همبازی‌اش نیست......

کم آوردم !
دیگر از شاعر در من
یک بیت هم حتا نخواه
که اگر چه پخته‌تر شعرهای‌ام
امّا بوی نان نمی‌دهند....

چند کوچه کودکی‌ام را
برهنه پای بدوم ؟!
که دنیا به اندازه‌ی یک دفتر ِجیبی
- تصمیم کبری
در لحظه‌های بارانی ندارد...‌‌‌


https://t.me/Adabiyyatsevanlar

زهره محمد پور

*چای*

بیر فتجان چای
پنجره قاباغیندا یوخ
لاپ ائله قهوه‌خانانین قارانلیق بوجاغیندا
خیرچ خیرچ
داغیلیر شیرینلیق دیشیمین آلتینا
خیرچ خیرچ خیرچ
اوزو بوزوشور یانداکی میزین آدامی
خیرچ خیرچ خیرچیلداییر
آیاق آلتینداکی کهنه تخته‌لر
عمی‌نین سورونن ، دابانی یاتیق باشماقلارینین آلتیندا
خیرچ خیرچ خیرچ
عمی‌نیم سوموکلری
روماتیسمایا کلیدلنمیش سوموک‌لر
کئچمیشه کلیدلنمیش سوموک‌لر
خیرچ خیرچ خیرچ
بیر قورتوم چای، سیجاق سیجاق
سویوق معده‌‌مه سوزولور
ایسینیر ایچیم
لاققیلداییر چای معده‌م ده
لاق لاق لاق
واق واق واق
هورور عمی‌نین آریق تیریق ایتی
واق واق واق
یئری یالاییر
پنجره‌دن آتیلمیش ، فینجان تکینده قالمیش قندلری
یالاییر
خیرچ خیرچ خیرچ
داغیلیر شیرینلیق دیشینین آلیندا
سومسونور قهوه‌خانانین حیطینده
خیرچ خیرچ خیرچ
خیرچیلدایان سوموک
کئچمیشدن قالان بیر سوموک
توپراغین آلتیندان چکیر چیخادیر
باخمیر نه‌ین نه‌سی‌دیر
خیرچ خیرچ خیرچ
خیرچیلداییر دیشلری آلتیتدا
هاهاها
گولور عمی
دیوس اوغلو دیوس دئییر
ایته
چاخ چاخ چاخ
چاخیر فندکین
یاندیریر سیگاراسین
پوفله‌ییر هاوایا
هورولدادیر چایین
هورور ایت، سئوینجدن
یالاییر سومویونو
ایچیرم چاییمی
چکیر سیگاراسینی
خیرچ خیرچ خیرچ
خیرچیلداییر
تخته‌لر

https://t.me/Adabiyyatsevanlar

شعر : کریم قربانزاده
برگردان به فارسی:مجتبی نهانی

ایچیمده بیراسکیکلیک:
“سولطان”ین اتک‌لری،
بیر دولو بارداق چوبان چایی ،
“عنصرود”ون پار – پار پاریلدایان قلمه‌لری،
بیر چیمدیک یاز هاواسی
و گونشین
یاماجلارداکی یاشیل ساچلی -بوغدالیقلاردان آغناماسی .

-
برگردان
**
نقصانی در درونم حس می کنم
دامنه های کوه سلطان
یک استکان پُر از چای چوپان
سپیدارهای براقّ و درخشان عنصرود
یک نوک انگشت هوای بهاری
و تابش بی امان خورشید
بر قامت سبز گندمزاران کوهپایه ها

https://t.me/Adabiyyatsevanlar

‍
شعر : نادر_الهی

سن‌سیز‌ سیٛنیٛخیٛب‌دیٛر قوْجالیٛب‌دیٛر کۆچه‌لر
گل گؤر نه گۆنه اؤزۆن سالیٛب‌دیٛر کۆچه‌لر

گئتدین‌سه‌ده گئتمه‌ییب دادیٛن آغزیٛندان
گل تامسیٛنا تامسیٛنا قالیٛب‌دیٛر کۆچه‌لر

https://t.me/Adabiyyatsevanlar

حیدربابایی

سن سیز باهار گلمیر بیزه
نه اورمویا نه تبریزه
الیم اوشور جانیم اوشور
اولمایا من قیش اولموشام

اوزوم گولمور دیل دانیشمیر
اورک کوسور گؤز باریشمیر
اؤزوم اؤزومدن قاچیرام
بیر آجی قارقیش اولموشام

آنام ایتیب دیلیم باتیب
اوبام باشین قویوب یاتیب
گئدیر الیمدن هر نه ییم
بیر وطنسیز قوش اولموشام

گزدیم حالال چؤرک، یوخدور
بیر مهربان اورک یوخدور
سوروشما داشدیر اورگیم
داشی گوروب داش اولموشام

https://t.me/Adabiyyatsevanlar

کریم قربانزاده :تجدد در ادبیات

شاعر:تقی رفعت

منبع :روزنامه تمدن شماره 27

این شعر بلند برای اولین بار بصورت کامل در ادبیات سئونلر منتشر میشود.
پدر شعر نو در این شعر از تک گویی محض خارج شده بسمت دو گویی حرکت کرده ...

ارومی
ارومی سوخت!ارومی سوخت!ارومی
که اندر سینه اش امید عمران
نوا نو میدمید از بخت ایران،
برغم خارجی ونفع بومی؛
حیاتی تازه درمیافت و شادان...
-خدا!شر کدام آذر قدومی
سوخت ارومی؟!
**
ارومی کز خرابیهای بیداد
پریشان،بیقرار،آزرده میبود؛
که فرزندان خودرا دیریازود ،
بجلادان استبداد میداد؛
ارومی کی زآفت خواهد آسود؟!.‌.
-خداوندا!کدامین بخت شومی
سوخت ارومی؟
**
روایت را نباشد حکم رویت...
ندیدیم ان سیه کابوس را ما،
نه حال بلده مطموس را ما،
که ویران شدسراسر... در نهایت
شنیدیم آفت منحوس را ما،
که زیر آسمان پر نجومی،
سوخت ارومی!
**
بلی گفتند ارومی سوخت وخاکستر
شدش بازار وآزاری چنین را،
چسان تاب آورد مردم که اینرا،
نمیبرد ازخدا امید دیگر،
که این اندازه سخت آرد بخاور
بلا از هرطف،هرسو هجومی
-سوخت ارومی!
**
ارومی انتظاری غیراین داشت...
ارومی انقلاب روس را دید،
نهفت اندر دلش فریاد وبلعید
فغان سینه رنجور و پنداشت
که بتوان خصم دیرین باز بخشد...
چه بود افسوس مردیرا لزومی؟
سوخت ارومی!
**
زگشت مرحمت باصد نیازی،
ارومی بار بدبختی درو کرد!
ارومی در کنارش مار پرورد!..
ارومی سوخت از مهمان نوازی!...
بجرم اینکه شد بافقرهمدرد!
جلوهارا رهاندازدست رومی،
سوخت ارومی!
**
ارومی! اعتمادت، اعتمادت
تراسخت امتحان کرد اندر این کار!
دو روزت بخت نیکو بود بیدار،
دو روزت عهد خواری خارج ازیاد،
سوم روزت سعادت شد نکونسار،
ارومی !باز غرق اندر غمومی!..
سوخت ارومی!
**
ارومی!اعتماد الدوله دیروز،
نصارا نیز امروزت دهد باک،
یکی طوفان خون جوشانده ازخاک،
یکی افروزد آتشهای جانسوز!..
پس از ده آک ،ارومی! باز ده آک!
هزاران بوم پس از تبعید بومی!
-سوخت ارومی!
**
ارومی!مینباید روی تابید،
از الطاف جناب رب قهار؛
فلاکت بختیاری آورد باز،
بشرط اینکه دردل باید امید؛
بشرط اینکه باشد عزم در کار؛...
بفردا ،دیده باید دوخت ارومی!
-سوخت ارومی
**
همی باما کند اقبال پرخاش،
همی برفرس تازدبخت بدخو!
از آتش من نترسم یک سرمو،
رقیب ما چو آتش بود،ایکاش
زترس آب جاری در تکاپو...
-ارومی،نا امید اندر همومی!
آه! ارومی!...
**
شناسم سخت تر خصمی ترا من،
که باشد یاس میل آشوب، امل ریز...
چوافتادی چنین، چونان تو برخیز
که خود نادم شود از کرده دشمن؛
سمند اعزم را بر صولت انگیز!
مبادا غیرتت ریزد چو مومی...
هان ارومی!
https://t.me/Adabiyyatsevanlar

کیتاب تانیتیمی
قیرمیزی پیکان گلیر(بابیش و چاپیق)

#آردیجیل_حیکایه_توپلوسو

#رضا_حسینی_مرند

مشخصات: ۱۰۲ ص؛ رقعی؛ قیمت: ۱۲۰ تومن

حیکایه‌لر:

۱. آنبار
۲. یاسمین
۳. قویو
۴. قیرمیزی پئیکان گلیر
۵. اود
۶. بوزوشموش نامه‌لر
۷. تیم کئچل جاندان کئچر
۸. نابات و کوکا

بئش داش و محمد عابدین‌پور اولماسایدی، بلکه بو کیتاب یازیلمایاجاقدی. بئله فضالار و کاراکتئرلردن یازماغی چوخ سئویرسم ده، تکجه یازدیغیم بو کیتابین «آنبار» آدلی حیکایه‌سی اولموشدور. بئش داش درگیسی‌نین ایکینجی ساییندان بو کیتابدا گئدن آردیجیل حیکایه‌لر چاپ اولماغا باشلادی. بو حیکایه‌لری سئویردیم و یازدیقجا لذت آلیردیم. ایندی ده اوخودوقجا، چوخلو آخساقلیقلارینا باخمایاراق، یئنه سئویرم؛ و بوندان یانا سیز ایله پایلاشماق ایسته‌دیم.


بابک مینقی و کیرپی نشریندن، کیتابین چاپ ائتمه‌سیندن یانا، تشکور ائدیرم.

کتابی تبریزده #کیرپی نشریندن و مرندیده :کافه_هیچ دن الده ائده بیلرسینیز.
https://t.me/Adabiyyatsevanlar

سس وسوز :لیلی خیاوی

https://t.me/Adabiyyatsevanlar

تئز بؤیومک آرزوسو!
✍یازان: سحرخیاوی

یاتاقیندا اوتوروب، آغرییان آرتروزلو دیزلرینه آغری کسیجی پُمادی یاخیردی.
یئنه خَیال آتینا مینیب اوزاقلارا گئتمیشدی، لااااپ اوزاقلارا...
کیچیک‌کن نه قَدَر بو گونلره، بؤیومه‌یه تلسمیشدی. نه قَدَر بؤیویوب، آتاسی، عمیسی هوندورلوکده اولماغی آرزولامیشدی.
تئز- تئز آتا، آناسی ایسته‌دییی حاجاتلاری اونلارا گتیریب، اونلارین " بُویون بو قَدَر" دئمه‌یینی گوزله‌میشدی.
بلکه تئز یئکلسین دییه، خوره‌کلرینی سونادک یئییب، سونرا گئدیب آینا قاباغیندا، ایدمانچی‌لار سایاقی قوللارینی ایکی یاندان شیشیردیب، گوجلولوک فیگورو توتموشدو!
آتاسی دئییردی: " آی اوغول هله اوشاقسان، اوشاقلیغیندان داد آل. واللاه بؤیومکده بیر شئیی یوخدور قاداسی. اینسان بؤیودوکجه، دردلری ده اونونلا برابر بؤیویور". آمما بو سؤزلر قولاغینا گیرمیردی کی گیرمیردی.

گونلر، آیلار، ایللر یئل کیمی آرد- آردا سوووشدو، آرزوسو یئرینی آلیب، قد- قامت آتیب بؤیودو. درسینی بیتیریب اونیورسیته‌یه داخیل اولدو. سونرا اورانی دا بیتیریب، اداره‌ده دؤولت قوللوقچوسو( کارمند) اولدو. اوستوندن آغیر یوک گؤتورولَن کیمی " داها قاچا- قاچدان جانیم قورتاردی، ایندی ایسه نَفَس دَرمَک و یاشامین دادینی چیخارماق واختی دیر"،- دئدی.
سونرا ایسه ائولندی و بیر تیکه چؤره‌ک
آتلی اولدو او پیادا... یئنه قاچا- قاچ... قاچا- قاچ...
سان کی اونون باش یازیسیندا دینجلمک آدیندا بیر شئی یازیلمامیشدی...

ایندی ایسه تقاعدا چاتمیشدی، اوغلو، قیزی ائوله‌نیب عائیله قورموشدو. عائیله‌لری داها بؤیوموشدو. آیلیق حقوقو آی‌ین بو باشیندان او باشینا عائیله‌سینی گؤرموردو. خرجله‌سه‌یدی چتین‌لیک‌له آیین یاریسینی اونو آپاریب سونرا ایسه اَلی بوش بوراخیردی. اودور کی چاره‌سیزلیکدن کؤهنه ماشینی‌ ایله آژانس‌دا سوروجولوک ائتمه‌یه قرار وئردی. آمما داها ال- آیاغی سؤزونه باخمیردی، سان کی تقاعده چاتدیغی گون، ائله گنج‌لییی و ساغلاملیغینی دا اداره‌‌نین پیلله‌‌کن‌لرینده بوراخیب، چیخمیشدی!
اؤز- اؤزونه دوشوندو: " دوغرودان بو یاشاماق دیر می، یوخسا ساده‌جه یاش آرتماق؟! آیین بو باشیندان او باشینا گونلری سایماق، عزیز عؤمور گونونون تئز کئچمه‌سینه تلسمک!!
آخی ایندی کی عؤمرونون اورتا یاشلاریندا ایدی و عؤمرو ائنیشه دوشموش
یووارلاق بیر داش کیمی سورعتله داغ باشیندان یوخلوق دره‌سینه هَرله‌نیردی، او داها گونلرین تئز- تئز کئچمه‌سینی ایسته‌میردی. یاشامی سئودیگی دادلی بیر کاکائو شوکولاتی کیمی، آغزینا آتیب، سُوروب، سُوروب دادینی چیخارماق ایسته‌ییردی.
ایندی آنلا‌ییردی ائله او قاچا- قاچدا هر بیر کیچیک شئی‌دن داد آلمالی ایدی. هر سحر یوخودان اویاندیقدا بیر داها دونیا اوزونه گؤز آچدیغیندان، یئردن، گؤیدن، داغ- داشدان، آی‌دان، گونش‌دن، آغاجدان، گول‌-چیچک‌دن، خانیمی‌نین، اوشاقلارینین گولوشلریندن و...و...هرنه‌دن...هرنه‌دن لذت آلمالی ایدی. مگر دونیا ائله بو کیچیک دیلخوشلوقلارلا خوش اولماق دئییل‌می؟!
آمما او یاشامین دادینی چیخارماغا همیشه شرط‌لر قویموشدو و هئچ واخت اونا چاتا بیلمه‌میشدی!
ایندی ایسه گئج آییلسا دا، افسوس ایچینده، عؤمرونون قالانیندا، هر بیر کیچیک سئوینجدن داد آلماق ایسته‌ییردی، جیسمینده کی توکنمز آغری- آجی‌لار قویسایدی!
ایندی ایسه بوتون ساعاتلاری تئز- تئز اؤتمه‌سین دییه چیلیک- چیلیک سیندیرماق، بوتون تقویم‌لری یاندیرماق ایسته‌ییردی. آمما بونلاری یوخ ائتمک‌له زامان دایاناجاقدی می؟!
یوخ. زامان بیر آخار چای کیمی یئیین گئدیردی و هئچ واخت آرخایا قاییتمیردی.

قادینی یاتاغیندا اوزانیب، نه واختدان بَری کیشی‌نین احوالینی سوزوردو، یئنه اوزون- اوزادی خیاللارا دالدیغینی دوشوندو.
" آی کیشی آز فیکر ائله، باشینی آت، یات دینجل ، صاباحا آللاه کریم دیر"،- دئدی.
کیشی آغری کسیجی پُمادی‌نین آغزینی قاپاتیب، باشقا درمانلاری‌نین ایچینه نایلونا آتدی و ایللر بویو فاغیر کوتله‌نی یالان یئره توختاقلیق وئرن بو اویدورما سؤزه باشینی توولاییب، گولومسه‌دی....
یالنیز اؤز جیب‌لرینی قورویان، مملکتی تالان ائله‌ییب پیس گونه قویان قارا اللر، باهالیق یارادیب لیل سودان بالیق توتانلار واردیسا، تانری بونا نه ائتسین؟!-اؤز- اؤزونه دئدی.

آمما هله کی اوزون ایللر بویو دردینه- سئوینجینه اورتاق اولان حیات یولداشی، یانیندا اولماغینا اوره‌کدن شوکر ائتدی، چیراغی سؤندوردو، قادینی‌ اؤپوب بؤیرونده اوزاندی...

https://t.me/Adabiyyatsevanlar