21 آذر ادبیات سئونلر گوزگوسونده
1401/9/18
قونو:دیلیمیزین و ادبیاتیمیزین دورومو ملی حکومت دورونده
دانیشیر: مهندس "محمدرضا کریمی باغبان" 9

https://t.me/Adabiyyatsevanlar

21 آذر ادبیات سئونلر گوزگوسونده
1401/9/18
قونو: دیلیمیزین و ادبیاتیمیزین دورومو ملی حکومت دورونده
دانیشیر: مهندس "محمدرضا کریمی باغبان" 10

https://t.me/Adabiyyatsevanlar

کانالداشلاریمیزدان سوال گوندرییب لر

کریمی بیرلیک نشریه سی دیل ماچ s32تهران__ کریمی محمدرضا۱۳۸۶ ائلیمیزین نسگیل چالاغی پروفسور زهتابی نین یاشایش اثرلری بیرینجی کتاب لطفا ایکی کتابین  پی دی اف یاکتابلاری

جواب: دیلماج درکیسینده منیم مقاله م همین بیرلیک نشره سیی حاققیندادیر، آنجاق آقای مهندس صرافی دان آلماق اولار. منیم الیم چاتمیر، چون هله لیک ایراندان ائشیکده سفرده یم. پروفسور زهتابی نین دا کتابینا الیم چاتمیر. آما چالیشارام اونو بیر یول ایله سیزلره چاتدیرام. البته بو کتابی آقای دکتر ائلدار محمدزاده صدیق ده اولمالی دیر.

جواب
کیتابین اصیل آدی "ائلیمیزین نیسگیل قالاغی" دیر و بیری ده همین قونودا "ائلیمیزین مبارز بیلگینی". بو ایکی کتاب دؤکتور زهتابی نین یاشاییشی و اثرلری نین اینجه له مه سی دیر.

جواب

دؤکتور زهتابی حاققیندا تورکییه ده پروفسور دؤکتور علی قافقازیالی دا بیر دَیرلی کتاب حاضیرلاییب و خلاصه سینی منه گؤنده ریبدیر کی (آذر کتاب توران ) سایتیندا لاتین الیفباسییلا نشر ائتدیرمیشم.

21 آذر ادبیات سئونلر گوزگوسونده 1401/9/18
قونو: دیلیمیزین و ادبیاتیمیزین دورومو ملی حکومت دورونده

آپاریجی:«کریم قربانزاده» 2

https://t.me/Adabiyyatsevanlar

21 آذر ادبیات سئونلر گوزگوسونده
1401/9/18
قونو: دیلیمیزین و ادبیاتیمیزین دورومو ملی حکومت دورونده
دانیشیر: مهندس "محمدرضا کریمی باغبان" 11

https://t.me/Adabiyyatsevanlar

ویدا_حشمتی

«آذر»

یئنه ساری کؤینه‌یینی گئیبسن
آت-دان دوشن بیر گلین کیمی
هئی..‌. ساری کؤینک!
قانچیل بایازلیم!
یاداشینداکی قیسیر ماهنیلارین بوغازینی سؤک آیازلیغیم
قایدالاری پوز سئوگینازلیغیم
یاسالارا قییقاجی باخمادان
پولیسلری توت دیوارلارا یاخالا هئییی...!

بو فصیل آغیللاری اویونا چاغیریر
گیزلین-پانج اوینا کپنکلری
و شهید بیر عسگری تشیع ائله شعیرلریمده
جینازه‌له میصراعلاری
و... گل داریخمالاریمی یاغیشا بویا ساچلاریمدا
آخی بو فصیل یان کئچدی یای-کامان پرده‌سیندن
آخی بو فصیل دارا چکدی قافیه‌لریمی

بو فصیل...
ایپ آتدی اویناییر ساری گلین سؤیودلری
بو فصیلدن بیر قادین آسیلدی آوانقارد شعریندن
اوستو آچیق سطیرلردن
و قیزاردی تومورجوقلار نوتلار اوجاغیندا...
و آزارلادی
هیجانلار-جانلار سنه دمله دیگیم سئوگی چایی‌ندا
قییدیلار فیدانلارا-دانلارا
اوزدولر سئوینجین کؤکونو تبریزدن

سانکی
ساچما-ساپان بیر رؤیا ایمیش
شئیطان یووا قورموش آچیشقانین یاراشیغیندا، ایشیغیندا، دولاشیغیندا
کئشگه دویمایایدیم!
سئللرین ساری گلینلیگینی
دویمایایدیم ...

ایزین وئر
انتحار زنجیرینی آیین گولوشونه آسیم،
قوی
آذر  قورشاغیندان
اولدوزلار منه گؤز وورسون.

کئشگه دویمایایدیم
قودوزلارین آغزیندان داشلانان کؤپوکلر
آچیشقالاری توتوقلایان کؤپکلرمیش!
آخ...
تبریزین دومانی ییرتدی قانلی کؤینه‌یینی سرحدلرین اوجغاریندا
ساری کؤینکلیم...
مورسال کولکلیم...

https://t.me/Adabiyyatsevanlar

بهروز خاماچی، پژوهشگر تاریخ، امروز چهارشنبه 21 آذر 1403، در 89 سالگی دار فانی را وداع گفت.

https://t.me/Adabiyyatsevanlar

.
بهروز خاماچی، پژوهشگر تاریخ، امروز چهارشنبه 21 آذر 1403، در 89 سالگی دار فانی را وداع گفت.

او یکی از پژوهشگران برجسته تاریخ و فرهنگ آذربایجان و تبریز بود.

خاماچی پس از سال‌ها تدریس در امیرخیزی و هنرستان نساجی لاله تبریز و دبیرستان تربیت بدنی پس از ۳۵ سال تدریس بازنشسته شده و از آن زمان تاکنون در دبیرستان‌های غیراتفاعی ابوذر، باقرالعلوم و دانشسرای هنر مشغول تدریس بود. مدتی هم در تربیت معلم علامه امینی معلم تاریخ بوده‌است.

وی ۴۲ جلد کتاب در زمینه‌های مختلف تاریخی و اجتماعی و انسانی آذربایجان به چاپ رسانده که از این ۴۲ جلد کتاب ۲۰ جلد کلاً مربوط به فرهنگ آب در فرهنگ آدربایجان بود که تألیف این کتاب با همکاری سازمان آب منطقه‌ای به عمل آمد. در سال ۱۳۹۰ کتاب «شهر من تبریز» نوشته خاماچی، برنده کتاب سال تبریز گردید.
و در سه دوره شورای شهر تبریز عضویت داشته و رئیس کمسیون گردشگری ومیراث فرهنگی شورا بوده است.

مرحوم خاماچی با تلاش‌های خستگی‌ناپذیر خود در زمینه پژوهش‌های تاریخی و فرهنگی، آثار ماندگاری را به یادگار گذاشت که تا سالیان سال منبع ارزشمند تحقیق و مطالعه برای نسل‌های آینده خواهد بود. خدمات ایشان در معرفی تاریخ پرافتخار آذربایجان و به‌ویژه شهر تبریز، همواره در اذهان دوستداران فرهنگ و تاریخ این مرزوبوم باقی خواهد ماند.

برخی از تألیفات خاماچی؛
آتش برفراز تبریز
از قونقا تا مترو: در شهر تبریز، شهر اولین‌ها
اوراق پراکنده از تاریخ تبریز
بازار تبریز در گذر زمان
تاریخ تبریز در عرصه ادبیات ایران و آذربایجان
تبریز از نگاه جهانگردان
تبریز و تاریخچه کنسولگری‌های جهان مقیم تبریز
شهر من تبریز
قلعه‌های تاریخی آذربایجان
محلات تاریخی و قدیمی تبریز در منطقه ۳ شهرداری تبریز
محلات و مشاهیر فرهنگی و تاریخی منطقه ۴ شهرداری تبریز
محلات و مشاهیر فرهنگی و تاریخی منطقه ۸ شهرداری تبریز
و غیره..

ابدی خاطیره سینه عشق اولسون.

https://t.me/Adabiyyatsevanlar

اوشاق ادبیاتی
اوشاق ادبیاتی هر هفته پنجشنبه گونو ادبیات سئونلر کانالیندا .
اوشاق ادبیاتینا دایر یازیلارینیزی بیزه گوندرین .

https://t.me/Adabiyyatsevanlar

اوشاق ادبیاتی
«چیچکلرین رقصی»
يازان: کامیل آراز
كؤچورن: «احد فرهمندی»

قیش هله قورتارمامیشدی. حَیَط‌ده قار اریمیش، باهار هاواسی دویولسا دا، خفیف کولک اسیر، تومورجوقلاری آزاجیق بیلینن آغاج و کوللاری سیلکله‌ییردی.
چیچک ائوه گیرنده تلویزيوندا قیزلار رقص ائدیردیلر. موسیقی‌دن خوشلانان چیچک ده اونلارا قوشولدو. ننه‌سی هله ده الینده‌کی چؤمچه ایله پنجره‌لرین قاباغینداکی دیبچکلرده اولان چیچکلرین دیبینه سو تؤکوردو.
اویناق موسیقی سسلری آلتیندا بیر آز رقص ائد‌ن‌دن سونرا چیچک ننه‌سی‌نین یانینا قاچدی:
- ننه، موسیقی چالینیر، من اویناییردیم. بس بو چیچکلر نیيه اوینامیردی؟
ننه‌سی بیر آز فیکیرلشیب:
-باخ، قوزوم، چیچکلر موسیقی ایله یوخ، کوله‌یین، یا دا مئح‌ین اسمه‌سی ایله اویناییرلار، - دئییب پنجره‌نین بیر تاغینی آچدی و پنجره‌ده‌کی پرده‌ده اولان گول-چیچک شکیل‌لری ایله برابر دیبچک‌ده‌کی چیچکلرین رقصینی چیچه‌یه گؤستردی.
باشا دوشدوم
درسیمی حاضیرلاییردیم. متنده چوخلو سؤزلر وار ایدی. تاپشیریغا گؤره "ش" ایله باشلایان سؤزلری سئچیب آییرمالی و شیفاهی اولاراق اونلارین معناسینی ایضاح ائتمک لازیم ایدی. متنده قویون، شیشک، ایلدیریم، شیمشک سؤزلری ده وار ایدی.
من شیشک و شیمشک سؤزلرینی "ش" حرفی ایله باشلایان سؤزلرین سیراسینا یازدیم. آنجاق سؤزلرین معناسینی بیلمه‌دیم. قونشو اوتاقدا بابام بیر نئچه کیشی ایله صحبت ائدیردی. منیم بابام معلم اولموشدو، تقاعوده چیخاندان سونرا درس دئمه‌سه ده، اونون کئچمیش طلبه‌لری تئز-تئز اونو زیارته گلر، یازدیقلاری شعر و حکایه‌لری اونا اوخویوب مصلحت آلاردیلار. بعضاً من ده بوش واختیم اولاندا اونلارین یانینا، قوناق اوتاغینا گلر، بابامین یانیندا اوتوروب مذاکره‌لره قولاق آسمیشام. باشا دوشدویوم او اولوب کی، قوناقلار بابامین دئدیکلری ایله راضیلاشیبلار.
من کیتابی گؤتوروب، قوناقلارین یانینا گلیب کیتابی باباما اوزاتدیم. او تاپشیریغین متنینه گؤز گزدیرندن سونرا – آنلادیم - دئدی.
-سن شیشک و شیمشه‌یین نه اولدوغونو بیلمیرسن، بیر نئچه دقیقه اوتور صحبته قولاق آس، من سنه کؤمک ائد‌جه‌یم.
من ده قوناقلارین صحبتینه قولاق آسماغا باشلادیم. صحبت قاراباغین آزاد ائدیلمه‌سیندن، بو ساحه‌ده شاعر و یازیچیلارین مسئولیتیندن گئدیردی. بابام ایسه الی‌نین آلتینداکی شاگرد دفترینی گؤتوروب نسه یازماغا باشلادی.
بیر نئچه دقیقه‌دن سونرا بیر ورق جیریب منه اوزاتدی - گئت اؤز اوتاغیندا اوخو - دئدی. من تله‌سیک اوتاغیما چاتیب اورتادان قاتلانمیش ورقی آچیب اوخوماغا باشلادیم. بابام یازمیشدی:
شیشک جاوان قویوندور،
هله وئرمه‌ییب بالا.
یونوندان‌دیر شیشه‌یین
سنین دؤشه‌یین بالا.
شیمشه‌یی ایلدیریمدان،
اوغول سسیندن آییر.
شیمشک ساکیتجه "قاچیر"،
ایلدیریم گورولداییر.
بابامین بو یازیسیندان شیشه‌یین و شیمشه‌یین نه اولدوغونو باشا دوشدوم.



https://t.me/Adabiyyatsevanlar

اوشاق ادبیاتی
کیتاب تانیتیمی
کئچن گونلرده اوشاق ادبیاتینا عاید دیرلی بیر کیتاب ایشیق اوزو گوروب
عنوان:اوشاق ادبیاتی "بارلی آغاج اولاجام"
یازان:حسین رزقی کقال"آتیلا ولقان"
ناشر :تجدد
بو کیتاب 45 شعیر ،144 صحیفه دن عبارت دیر
کیتابی الده ائتمک ایستیه نلر آشاغاداکی نمره ایله تماس توتوب جناب" رزقی کقالدان" کیتابی آلا بیلرله.
ادبیات سئونلر اوخوجوسو بول اولسون دئیه سئویملی شاعیر "حسین رزقی کقال" جنابلارینا یئنی اوغورلار آرزو ائدیر.

تلفن:09924089745

https://t.me/Adabiyyatsevanlar

آزادلیق
یازان: سئوینج ائل‌سئور
کؤچورن: «سحرخیاوی»
حاضیرلایان: «ادبیات سئونلر

تولکو بالاسینا قایغی گوستردیینه، حیه‌طلرینده‌کی کوچوک‌لردن آییرمادیغینا گؤره هامی اوکتایا تعجوبله یاناشیردی.
تولکو بالاسینی مکتبدن قاییداندا کوللوگون کناریندا تاپمیشدی. سویوق قیش گونو ایدی، بالا تولکو اسیم-اسیم اَسیردی، اوسته‌لیک قاباق پنجه‌سی‌نین بیری یارالانمیشدی. اونون نئجه یارالاندیغینی هئچ کیم بیلمیردی. اوکتایین یولونون اوستونه هارادان، نئجه گلیب چیخمیشدی، او دا معلوم دئییلدی. اوغلانین خئیرخواه اوشاق قلبی حئیوانا باغلانمیشدی.
بالا تولکونون آناسی-فلان یوخ ایدی. بو دونیادا، بلکه ده ان یالقیز تولکو بالاسی ایدی. اوکتای حئیوانجیغازی گؤدکجه‌سینه بوکوب حیه‌طلرینه گتیرمیشدی.
آناسی زولفیه خالا تولکو بالاسینی گؤرنده اوّلجه نه دئیه‌جه‌یینی بیلمه‌میشدی. اوکتای آناسی‌نین اته‌ییندن یاپیشیب دیل تؤکموشدو:
- یالقیزدیر آنا، هئچ اولماسا بیرآز ساخلایاق. سونرا بوراخاجاغام گئده‌جک.
آناسی اوکتایین گؤزلرینده‌کی آشیب-داشان مرحمت‌دن کؤوره‌لیب راضیلاشمیشدی.
- یاخشی، بالام. سن دییه‌ن اولسون. آمما همیشه‌لیک بیزیمله قالا بیلمز. اؤزون بیلیرسن.
- بیلیرم!- دئییب باشینی یئلله‌میشدی،- بالا تولکولر کوچوکلر قدر شیرین اولور. آمما تولکولر حاققیندا آداملار پیس فیکیرلشیر. تولکولر تویوق-جوجه‌لری اوغورلاییب یئییرلر دئیه‌می؟ آمما پیشیک‌لر ده گؤیرچین‌لری و جوجه‌لری اوغورلاییب یئییرلر. همیشه جوجه‌لری پیشیک‌دن گودمه‌ییمی تاپشیرمیرسان؟ - اوکتای فیکیرلی-فیکیرلی علاوه ائتمیشدی.
- اینسان تولکولری اهلی‌لشدیره بیلمه‌ییب، اهلی‌لشدیریلن حئیوانلار بیزه بیر کؤینک یاخین‌دیر.
-منجه آیری سئچگی‌لیک دوزگون دئییل!  آخی بو بالاجا مخلوقون کیمه زیانی وار؟ باخ گؤر نه شیرین‌دیر؟!
- اوکتای حئیوانین اوزونو آناسینا ساری توتدو.
زولفیه خالانین دوداقلاری قاچدی.
گونلر اؤتور، تولکو بالاسی اوکتای گیلین حیه‌طینده یئییب-ایچیب یاتیردی. آرتیق خئیلی بؤیوموش، داها دا گؤزللشمیشدی. گئتدیکجه آخساماغی دا حیس اولونوردو.
قونشولار تولکو بالاسینا گؤره ناراحات اولور، تئز-تئز زولفیه خالانین، احمد دایی‌نین قارشیسینی کسیب شکایت ائدیر: "بوگون-صاباح قاپیمیزا داداناجاق، تویوق-جوجه‌میزی داشیییب آپاراجاق. او حئیوانی آپاریب چؤللویه بوراخین!"- دئییردیلر.
آمما قاشین بیتمه‌یینه هله واردی. بالا تولکو اوکتایین شفقتینه اؤیرشمیشدی.
اوسته‌لیک پنجه‌سی تام یاخشیلامیشدی.
اوکتای حئیوانی هفته‌ده بیر دفعه بایتار علیشین یانینا آپاریردی. علیش دایی دئیینه-دئیینه ده اولسا، اوکتایین یالواریش دولو باخیشلاریندان کئچه بیلمیردی.
آللاه طرفی بالا تولکونون گؤزلری ده معنالی و حوزونلو ایدی. علیش گیلئی-گوزارینی بیلدیرندن سونرا اوکتایین ساچلارینی قاریشدیریر:
" یاخشی، کیشی بالا، سنین خاطیرینه بو حیله‌گری ساغالداجاغام. گؤر بختی نئجه گتیریب؟ یاخشی آداما راس گلیب! هئچ منیم قارشیما یاخشی آدام چیخماز"- دئدی.
بیر دفعه آتاسی اوکتایی چاغیریب دئدی: بالا، او تولکونو وئر، آپاریب چؤله بوراخیم. کیمسه اونو دریسینه گؤره اوغورلاییب آپاراجاق! یازیق‌دیر!
- نئجه یعنی، دریسینه گؤره اوغورلایاجاق؟!- اوکتای حئیرتله سوروشدو.
- بیلمیرسن کی تولکو خَزلی حئیوان دیر؟ اووچولار اونلاری دری‌لرینه گؤره اوولاییرلار. سونرا دا دریسینی سویوب باها قیمته امکانلی آداملارا ساتیرلار.
اوکتای گؤزلری بؤیوموش حالدا بالا تولکویه باخدی، غفیلدن اونو قوجاقلاییب کؤکسونه سیخدی.
- یازیقلاری گلمیر؟
- اونا قالسا قویونلار، تویوقلار دا یازیق دیر!- آتاسی گولومسه‌دی.
- یوخ، عینی شئی دئییل! اینسانلار خز پالتار گئیینمه‌سه ده اولار! خزی باشقا شئی‌له عوض ائله‌مک مومکوندور!
***
اوکتای گیلین قونشولوغوندا بالا تولکویه کین بسله‌ین ایکی اوغلان یاشاییردی. بو ایکی دوست بوتون یارامازلیقلاری دا بیر یئرده ائدیردی.
بیر قیش آخشامی اوکتای درسدن قاییداندا اونونلا پارالل اوخویان سامیر ایله، نجفی( اوغلانلارین اصلی آدلارینی گیزلی ساخلامیشیق. بو دجل‌لری شرطی اولاراق سامیر و نجف آدلاندیراجاغیق. اونا گؤره ده سامیر و نجف آدیندا بوتون خیرخواه قلب‌لی اوغلانلاردان عوذور دیله‌ییریک!)
آرخین قیراغیندا گؤردو. همین گون مکتبه گلمه‌میشدیلر. هر ایکیسی اَییلیب پیچیلداشا-پیچیلداشا قیزغین ایشله مشغول ایدیلر.
اوکتای اوّلجه یارامازلارا باش قوشمادی. ساکیتجه یانلاریندان اؤتوب کئچمک ایسته‌دی. حتی بیر نئچه آددیم اونلاردان اوزاقلاشدی دا.
غفیلدن شاپپیلتی ایله سویا نه‌سه دوشدو. اوکتای اوّل قورخدو کی یارامازلاردان بیری سویا ییخیلدی. آمما گئرییه باخاندا ایکیسی‌نین ده اللرینی بیر-بیرینه ووروب گولدوکلرینی گؤردو. اونلار سویا دوشن شئیی گؤستریب، گولوشور،

- گؤر نئجه چیرپینیر! بئله اولارسان! سامیر غضبله دئدی.
نجف ده اونا قوشولوب اَیله‌نیردی.
- گرک بوغازینا داش دا باغلایایدیق! سنه دئدیم داش باغلایاق!
- یوخ، اَشی! آیاقلارینی ائله محکم باغلامیشام کی ترپنه بیلمز!- سامیر سانکی آزغین دوشمن اوزرینده غلبه چالمیش کیمی یومروغونو دویونله‌دی.
اوغلانلارین صحبتین‌دن مسئله‌نین نه یئرده اولدوغونو آنلایان اوکتای مکتب چانتاسینی یئره آتدی، ژاکتینی، کؤینه‌یینی، آیاق قابیلارینی سویونوب سویا توللاندی. سو سامیرله نجفین اوز- گؤزونه، اوست-باشینا سیچرادی.
یارامازلار صیفت‌لرینی تورشوتدولار. اوزه-اوزه بایاق سویا آتدیقلاری تولکو بالاسینا چاتماغا چالیشان اوکتایی تانیدیلار.
- بو دلی‌دیر نه دیر؟- نجف قیشقیردی.
- اؤزو باتماسا یاخشی‌دیر. گَل گئدک! - سامیر دئدی.
-اونو تک قویاق؟- نجف قورخا-قورخا سوروشدو.
-او اوزمه‌یی یاخشی باجاریر. کندده ان یاخشی اوزن‌لردن‌دیر. ناراحات اولما! تولکونو ایسه چیخارا بیلمه‌یه‌جک.
اوشاقلار بیر ده ائرته‌سی گون مکتبده راستلاشدیلار.
دوستلار تنفس‌لرین بیرینده کُریدوردا اوکتایین قارشیسینی کسدیلر.
اللری جیبینده دایانان سامیر دیشلری آراسیندا توتدوغو کیبریت دنه‌سینی کنارا توپوردو.
- قهرمانلیق ائله‌مک ایسته‌ییرسن؟ گویا سن یاخشی اوغلانسان دا، هه؟- دئییب اوکتایی سینه‌سیندن ایته‌له‌دی.
-بس سیز نییه قددارلیق ائدیرسینیز؟ بالاجا تولکویه گوجونوز چاتدی؟
- تولکونو خلاص ائله‌یه بیلدین قهرمان؟- نجف استهزا ایله گولدو.
-خلاص دا ائله‌دیم، ائوه ده آپاردیم! پیسلیک سیزه قالدی! -اوکتای یاندی-قیندی وئردی.
-بؤیویوب تویوق-جوجه‌نیزه دیوان توتاندا سنه دییه‌جم!- سامیر شهادت بارماغینی گیجگاهینا آپاریب فیرلاتدی،- اؤز تویوق-جوجه‌نیز بیر یانا، بیزیمکی‌لری ده قیردیراجاقسان! قایتار اونو بیزه!
-نییه قایتارمالی‌یام؟ تزه‌دن بوغما‌غینیز اوچون؟
-اؤزوموز بیله‌ریک!
-اؤز باشینا دئییلسینیز کی!
تولکو ده جانلی دیر، اویونجاق دئییل. اونونلا ایسته‌دیینیز کیمی داورانا بیلمزسینیز. اؤزو ده او منیم تولکومدور!
-ایسته‌دیییم کیمی داورانارام لاپ او یانا دا کئچه‌رم!- سامیر اوکتایین اوستونه جومدو،- تولکوسو وارمیش! آدام دا تولکو ساخلایار؟
اوکتای داوا-دالاشی سئومزدی‌. آمما کیمین‌سه قاباغیندان قاچان دا دئییلدی. لاپ اوشاقلیقدان ایدمانلا مشغول اولوب، چوخلو فن‌لر بیلیردی. بو دفعه‌ده ماراقلی گوزله‌نیلمز فن‌له سامیرین ضربه‌سیندن قوروندو. آمما اؤزو اونو وورمادی. سامیرین اَلی دیوارا دیییب برک اَزیلدی.
اوغلانلار یئنی‌دن اوکتایی تکله‌مک، عوض چیخماق ایسته‌ییردیلر کی، دهلیزین او باشیندا مکتبین ایدمان معللیمی گؤروندو. سامیرله نجف مجبور قالیب اوکتای‌دان آرالاندیلار. آمما سامیر اوزاقدان یومروغونو یئلله‌ییب هده‌له‌دی:
-بو ایش بئله قورتارمایاجاق. گؤره‌جکسن!
آلتینجی درس قورتارمیش، اوشاقلار یاواش-یاواش چانتالارینی گؤتوروب ائولرینه داغیلیشماغا باشلامیشدیلار.
اوکتای دا چانتاسینی چیینینه کئچیریب ائوه تله‌سیردی.
پارالل صینیف‌ده اوخویان " گولر" قاچا-قاچا اؤزونو اونا چاتدیردی. قیز ائله تؤوشویوردو ائله بیل اوره‌یی آغزیندان چیخاجاقدی. اوکتای گؤزلرینی قیزین آغزینا تیکیب نه دییه‌جه‌یینی صبیرسیزلیک‌له گؤزله‌ییردی.
- سامیرله نجف سنین تولکونو اؤلدورمک ایسته‌ییرلر!- قیز قارانفس دئدی.
- بیلیرم. آرتیق بیر دفعه جهد ائدیبلر. آمما امکان وئرمه‌میشم! - اوکتای جاواب وئردی.
-نئیله‌مک ایسته‌ییردیلر؟
- سودا بوغاجاقدیلار.
گولر باشینی بولادی.
- یوخ، تولکونو زهرله‌مک ایسته‌ییرلر. بیولوژی درسینده باش-باشا وئریب دانیشیردیلار.
اوکتایین بالا تولکویه گؤره اوزونو تهلوکه‌یه آتماغیندان سونرا آتا-آناسی داها دا قطعیت‌له تولکونو چؤللویه بوراخماغی طلب ائدیردیلر. اوکتای ایکی یول آیریجیندا قالمیشدی. یا سئویملی دوستوندان همیشه‌لیک آیریلیب داریخاجاقدی، یا دا بالاجا تولکونو گوزله‌ین تهلوکه‌لری نظره آلماییب اونو حیه‌طده ساخلایاجاقدی.
اوکتای باشا دوشوردو کی همیشه بالا تولکونون یانیندا اولوب، اونو قورویا بیلمیه‌جک‌. بالا تولکونون ده بختی هر دفعه گتیرمیه‌جک. نوبتی دفعه واختیندا یئتیشمه‌یه بیلردی. آتاسی‌نین دئدییی کیمی کیمسه تولکونون خزی‌نه تاماح سالیب اونو اوغورلایا بیلردی. چتین ده اولسا اوکتای قرار وئرمه‌لی ایدی: یا بالا تولکویه آزادلیق وئریب اوندان آیریلاجاق، یا دا اونو تهلوکه‌لی شرایط‌ده دائیم قوروماق مجبوریتینده اولاجاقدی.
آتاسی ایله موتورسیکلته مینیب چوللویه یوللاندیلار. بالا تولکونو ساری، ایری بازار سبدینده آپاریردیلار.
اوکتای شیرین، بالاجا دوستونو سبددن چیخاریب اونونلا باخیشدی. بورنونو بالاجا بورنونا سؤیکه‌ییب قیدیقلادی. سونرا ساغالماقدا اولان پنجه‌سینی سیغاللادی. اونون بئلینی تومارلاییب دئدی:

- گئت دوستوم! آرتیق داها تهلوکه‌سیز یئرده‌سن! آزادسان!
بالا تولکو اوّل نه باش وئردیینی آنلامادی. بیر نئچه آددیم اوزاقلاشاندان سونرا یئنه اوکتایین یانینا قاییتدی، سانکی خلاصکاری‌نین باخیشلارینی اوخویوب بو دفعه قاچماغا اوز گتیردی.
بالا تولکو اوزاقلاشدیقجا اوکتایین کدری آزالیردی. سئویملی دوستو اونا عایید اولدوغو چؤللرده داها آزاد، داها خوشبخت یاشایاجاقدی...

https://t.me/Adabiyyatsevanlar

اوشاق ادبیاتی
آزادلیق
«یازار: سئوینج ائل‌سئور»
کؤچورن: سحرخیاوی
حاضیرلایان: «ادبیات سئونلر»


تولکو بالاسینا قایغی گوستردیینه، حیه‌طلرینده کی کوچوک‌لردن آییرمادیغینا گؤره هامی اوکتایا تعجوبله یاناشیردی.
تولکو بالاسینی مکتبدن قاییداندا کوللوگون کناریندا تاپمیشدی. سویوق قیش گونو ایدی، بالا تولکو اسیم- اسیم اَسیردی، اوسته‌لیک قاباق پنجه‌سی‌نین بیری یارالانمیشدی. اونون نئجه یارالاندیغینی هئچ کیم بیلمیردی. اوکتایین یولونون اوستونه هارادان، نئجه گلیب چیخمیشدی، او دا معلوم دئییلدی. اوغلانین خئیرخواه اوشاق قلبی حئیوانا باغلانمیشدی
بو یازینین آردینی ادبیات سئونلر کانالیندا اوخویون
https://t.me/Adabiyyatsevanlar

اوشاق ادبیاتی

«بو آخی کیمین‌دیر؟»
یازان: دارین لاند
سسلندیرن: فاطمه محمودی

https://t.me/Adabiyyatsevanlar