یانیس ریتسوس

از زندان برایت می‌نویسم
نزدیک به سه‌هزار نفر این‌جا زندانی هستیم.

مردمی هستیم ساده
سخت‌کوش و اندیشه‌ورز
با پتویی مندرس بر پشت‌مان.
یک پیاز و پنج دانه‌ی زیتون
شاخه‌ای از نور در کوله‌پشتی‌مان.

مردمی به سادگی درختان در نور آفتاب
با یک جرم در پرونده‌‌ی مان
تنها یک تقصیر
که ما
هم‌چون شما
عاشق صلح هستیم و آزادی.

صلح:
همان ماشینی که دم در خانه‌ات
بایستد
و تو وحشت نکنی.
صلح:
همان که در خانه‌ات را
می‌کوبد
کسی نباشد
جز یک دوست.

https://t.me/Adabiyyatsevanlar

قیسا حیکایه‌لر  
یازان«ترانه‌‌ واحید»
کوچورن:ویدا حشمتی
حاضیرلایان:ادبیات سئونلر
«ساری اوقات»

پاییز کندین اوستوندن کئچیب ساپ-ساری مکتوبلار گؤندردی آداملارا. مکتوبلارین ایچینده ایچ-ایچه بیر الچیم کولک، بیر اوووج یاغیش، بیر چیمدیک قوصّه‌، بیر آز خاطیره، بیر قاتار دورنا و بیر ده... ساپ-ساری یارپاغین اوستونده سولغون خط‌له آلت-آلتا یازیلمیش سطرلر واردی...
تئللی آرواد مکتوبو آچان کیمی کولک هاوالاندی، دورنالار اوچدو، یاغیش باشلادی... قاری قورخا-قورخا مکتوبون ایچینده‌کی‌لری اوخودو. رنگی قاچدی،  عؤمور بوغچاسینی آچیب او کی وار آغلادی. سونرا اوره‌یی سویوسون دئیه، یوپ-یومرو گؤز یاشلارینی اووجونا ییغیب قوینونا تؤکدو. هاندان-هانا آیاغا دوروب اوستونون قاراماتینی چیرپدی. حیطه چیخدی. تیترک بارماقلاری‌یلا دامجیلار سوزولن نار آغاجیندان اوچ قیپ-قیرمیزی نار دریب اته‌یی‌نین کونجونده ائوه گتیردی. نارلاری پنجره‌نین آغزینا قویوب پاییزین کؤنلونو آلماق ایسته‌دی. آلینمادی... پاییزین گؤندردییی مکتوبدا آلت-آلتا بو سؤزلر یازیلمیشدی:...
بو یازینین آردینی ادبیات سئونلر کانالیندا اوخویون.
https://t.me/Adabiyyatsevanlar

قیسا حیکایه‌لر  
یازان«ترانه‌‌ واحید»
کوچورن:ویدا حشمتی
حاضیرلایان:ادبیات سئونلر
«ساری اوقات»

 
پاییز کندین اوستوندن کئچیب ساپ-ساری مکتوبلار گؤندردی آداملارا. مکتوبلارین ایچینده ایچ-ایچه بیر الچیم کولک، بیر اوووج یاغیش، بیر چیمدیک قوصّه‌، بیر آز خاطیره، بیر قاتار دورنا و بیر ده... ساپ-ساری یارپاغین اوستونده سولغون خط‌له آلت-آلتا یازیلمیش سطرلر واردی...
تئللی آرواد مکتوبو آچان کیمی کولک هاوالاندی، دورنالار اوچدو، یاغیش باشلادی... قاری قورخا-قورخا مکتوبون ایچینده‌کی‌لری اوخودو. رنگی قاچدی،  عؤمور بوغچاسینی آچیب او کی وار آغلادی. سونرا اوره‌یی سویوسون دئیه، یوپ-یومرو گؤز یاشلارینی اووجونا ییغیب قوینونا تؤکدو. هاندان-هانا آیاغا دوروب اوستونون قاراماتینی چیرپدی. حیطه چیخدی. تیترک بارماقلاری‌یلا دامجیلار سوزولن نار آغاجیندان اوچ قیپ-قیرمیزی نار دریب اته‌یی‌نین کونجونده ائوه گتیردی. نارلاری پنجره‌نین آغزینا قویوب پاییزین کؤنلونو آلماق ایسته‌دی. آلینمادی... پاییزین گؤندردییی مکتوبدا آلت-آلتا بو سؤزلر یازیلمیشدی:
بو گئجه قاپی‌نین جفته‌سینی باغلاما!
بو گئجه قاپی‌نین جفته‌سینی باغلاما!!
بو گئجه قاپی‌نین جفته‌سینی باغلاما!!!
 
ایکینجی حیصّه‌‌
 
قاپی‌نین جفته‌سینی باغلامادی تئللی آرواد. ائو-ائشییه ال گزدیریب یئره خالی دؤشه‌دی. قاب-قاجاغی اوست-اوسته چینله‌دی کی، صاباح قارا خبر کندی ائو-ائو گزیب، دولاشاندا قونشولار ال-آیاغا دوشمه‌سین. قارا گون اوچون تقاعدوندن اوغورلاییب دالدالادیغی پوللاری سونونجو دفعه‌ ساییب گؤز قاباغینداکی بوش قند قابینا قویدو کی،  هر کس گؤرسون. بئش ایل قاباق دوکانچی سلیم‌دن آلدیغی کفنی، پامبیق دسمالی، اؤز بارماقلاری ایله دیدیب، اوخشایا-اوخشایا حاضرلادیغی پامبیق دؤشه‌یی، لازیم اولان هر شئیی اوست-اوسته ییغیب حاضر ساخلادی.
سونرا یویونوب داراندی، غسل‌لاندی.  قاپی‌نین جفته‌سینی آچیق قویوب سون یوخوسونو گؤرمک اوچون سونونجو دفعه‌ اوزانیب یاتدی...
 
اوچونجو حیصّه‌‌
 
... سحر خوروزلار سس-سسه وئریب بانلایاندا تئللی آرواد دیکسینیب اویاندی. اولانلارا مات قالدی. بارماقلاری تیتریه-تیتریه استولون اوستونده‌کی لامپانی یاندیریب دوننکی مکتوبو هؤججوله‌یه-هؤججوله‌یه یوخاریدان آشاغی، آشاغیدان یوخاری تکرار-تکرار گؤزدن کئچیردی. تئللی آرواد گؤزونه یوخ، هم ده قولاغینا اینانماق اوچون مکتوبداکیلاری اوجادان اوخودو:
مکتوبدا یازیلمیشدی:
باغیشلایین  مکتوب عنوانینا دوزگون چاتدیریلماییب. سیزه چاتاجاق مکتوبو اوخویون.
قاپی‌نین جفته‌سینی باغلایین!
ائوینیزی ایستی ساخلایین!
آدینیز اوزون‌عؤمورلولر سییاهی‌سیندادی، اؤزونوزه یاخشی باخین!!!
 
دؤردونجو حیصّه‌‌
 
... تئللی آرواد بو دفعه‌ دوننکیندن بتر آغلادی، اؤز حالینا یوخ ها، او عنوانداکی‌نین حالینا. «گؤرن، اونون دا آدی تئللی‌دی، گؤرن  او دا منیم کیمی؟..» سوالینا کیمسه جاواب وئرمدی. تئللی آرواد یوخاری باخیب، «بیز کیمیک کی، هر شئی اونون الینده‌دیر» -پیچیلدادی. تسکینلیک تاپیب، آیاغا قالخدی. تلسیک پولو قوینوندان چیخاردی «احتیاج‌بانک» دا -تورباداکی دویونون ایچینده گیزلتدییی قاب-قاجاغی اؤز یئرینه دوزدو. خالچانی بوکوب کونجه ایتله‌دی.
حیطه چیخیب اؤلومدن قاییدان آدام کیمی دویونجا اوزون-اوزادی دونیایا باخدی! دوداغی‌نین اوجوندا «آدام دا بو گؤزللیکده دونیانی قویوب اؤلرمی؟» دئدی.
سونرا تویوقلارا دن وئرمک اوچون قیس-قیوراق یئریشله حینه طرف گئتدی...
 
بئشینجی حیصّه‌‌
 
...لطفاً، هر یازیلانا اینانمایین!
 
«سئوگی‌نین شکلی»
 
قیرخ ایلین رسامی عومرونده ایلک دفعه‌ قریبه سفارش آلدی. موشتری اوندان سئوگی‌نین شکلینی ایسته‌ییردی. رسام ساعتلارلا فیکیرلشدی. گونلرله دوشوندو، رنگدن-رنگه دوشدو، الیندن گلنی ائتدی. واخت-وعده‌ یئتیشنده تابلونو احتیاط‌لا بوکوب صاحبینه گؤندردی.
سفارشچی باغلامانی آلدی. هیجانلا  بارماقلاری تیتریه-تیتریه آچدی و حئیرتدن دونوب قالدی. فیرچا توخونمامیش آغ کتان سئوگی‌نین شکلی ایدی...
 
«تبسّوم»
 
حیات اونو سیخدیقجا اوزونده‌کی تبسّوم بیر آز دا آرتیردی. دردلری چوخالدیقجا قهقهه‌لری بیر آز دا شفافلاشیردی. آج-یالاواج قالدیقجا بیر آز دا سخاوت‌لنیردی. اطرافینداکیلار باجاردیغی پیسلییی اونا ائتدیکجه،  مرحمتی بیر آز دا قول-بوداق آتیردی. اینسانین مله‌یه چئوریلمه‌سی تانرینی تعجب‌لندیردی. دونیا یاراناندان بو، شیطانین ایلک مغلوبیییتی ایدی...
            
«اوچان دونیا»
 
اووجونداکی دونیا قفیلدن تیتردی. اوشاق یومروغونو قولاغینا یاخینلاشدیردی.
اووجونداکی ویزیلداییب دئدی:
-بیلیرسن من کیمم؟
-کیمسن؟ -اوشاق ساده لؤوح‌جه‌سینه سوروشدو.

-من دونیانین اؤزویم.
اوشاغی ماراق بورودو. دونیانی گؤرمک اوچون اووجونو آچدی. قیرمیزی خاللی قارا پارابوزن هاوایا قالخدی.
اوشاق اوچان دونیانین آرخاسینجا باخیب آغلادی...

           
«سون»
 
هر دفعه‌ بو نقطه‌‌یه گلیب چاتاندا قریبه حیسّلر کئچیریردی. سونرا نه اولاجاق، سونرانین سونراسی نئجه اولاجاق؟ بیر دویون سوالین الینده ماغمین قالیردی.
بیر دفعه‌ نه‌دنسه قریبه حیسّ-زاد کئچیرمه‌دی. سوندان سونسوزلوغا کئچدی. سن دئمه، سون او قدر ده قورخولو دئییلمیش.



«حقیقتله یالان حاقیندا ان گئرچک ناغیل»
           
بیری واردی، بیری یوخدو. بو دونیادا حقیقت، یالان، بیر ده آداملار واردی. بیر دفعه‌ یالان گؤزلری پاریلدایا-پاریلدایا هامینی ایناندیردی کی، حقیقت ائله منم.  حقیقت بونو ائشیده‌نده اوتاندیغیندان قولاغینا کیمی قیزاردی. آداملار اونو یالان بیلیب دار آغاجیندان آسدی...
 
«ایکی شکیل»
 
بازارین کونجونه سیغینمیش قاری همیشه‌کی یئرینده اوتوروب کؤهنه پارچایا بوکولموش شکلی چوخ احتیاط‌لا ادب-ارکانلا آچیب انتیق مال کیمی پیش‌تاختانین اوستونه قویدو. شکیلده‌کی قیزین تبسّومو بیر آندا اطرافی ایشیقلاندیردی. قاری‌نین دا کئفی آچیلدی. بوتون گون اؤتوب-کئچنلر شکیلده‌کی قیزا، قاری دا آداملارا باخدی.
بئله-بئله، چوخ گونلر کئچدی. هامی شکلی گؤروب آیاق ساخلادی، گولومسه‌دی و کئچیب گئتدی... بیر آخشام قاری شکلی قولتوغونا ووروب بازاردان چیخدی. باشا دوشدو کی، اؤزو قوجالدیغی کیمی شکلی ده کئچمیشده قالیب، دای هئچ کیمه گرک دئییل. ساده‌جه، بونا اینانماغی گلمیردی...
 
«سس»
 
قیرخ یاش هارا، سئوگی هارا؟ اوتاندی  اؤزو ده برک اوتاندی سئوگی‌سیندن. دوشوندو کی، قیرخ یاش پئیغمبر یاشیدی. اونو دا بیلیردی کی، داها یئر اوزونه پئیغمبر گلمه‌یه‌جک.
گؤیلر تیتردی. یاخیندان، چوخ یاخیندان ایلاهی بیر سس گلدی:
-سئومک ائله پئیغمبرلیکدی...
 
«یول...»
 
بوغدادان زهله‌سیگئدیردی. اونا ائله گلیردی کی، اینسان بیر اوووج بوغدانین گوناهینا باتیب. نه ایللاه ائله‌ییرسه، او گوناهدان یاخا قورتارا بیلمیر کی، بیلمیر.
زمیلرده‌کی سونبوله ده بیرتهر باخیردی.  دنیز کیمی دالغالانان زمی اونا اؤلومو و گؤزللییی خاطیرلادیردی.
هئچ دییرمانی دا خوشلامیردی. دونیا کیمی الینه کئچه‌نی ازیردی سیندیریردی اویودوردو...
اله‌یی هئچ سئومیردی. الک اؤز گؤزوندن یالنیز خیردالاری کئچیریردی.
ائله بو فیکیرلرله اؤتوب کئچیردی کی،  بورنونا یئنیجه بیشمیش چؤره‌یین عطری دگدی. قوخونو آختارا-آختارا گلیب تندیر اوسته چیخدی...
 
«گؤزله منی...»
 
باجارسان، گؤزله منی دلی کولکلر قارا بولودلاری باشیمیزین اوستوندن قوواناجان.
باجارسان، گؤزله منی آغ یاغیش یاغیب روحوموزو یویاناجان.
باجارسان، گؤزله منی ایلک گؤروش یئرینی اونوداناجان
باجارسان، گؤزله منی « آیریلیق بیتدی» دئیه‌نه‌جن...
باجارماسان، گؤزله‌مه منی. گلدیییمیز یولون ایپینی کس. قوی بیزدن جانی قورتارسین او یولون. یولونو تزه‌دن باشلا. گؤزون قورخماسین، هر یاغان، قار اولمور کی... او یولدا داش-کسسک آیاغینی کسمه‌یه‌جک. او یولدا واختسیز-وعده‌سیز کولکلر اسمه‌یه‌جک. او یولدا هر شئی اورگینجه اولاجاق. آنجاق حیاتیندا خفیف بیر کولک کیمی نسه، نسه چاتیشمایاجاق...
باجارماسان، گؤزله منی...
 
«دنیز و اورک»
 
-سن بیلیرسن، دنیز نه‌یه اوخشاییر؟
-نه‌یه؟
-اوره‌یه
-نییه؟
-بوتون گون چیرپینیر.
-آمّا ائشیتمیشم کی، دنیزین اوره‌یی اولمور.
-دوغرودان؟
-واللاه. آمّا گؤیلرین اوره‌یی وار. گؤی گورولدایاندا، شیمشک چاخاندا، بیلیرسن  نه اولور؟
-نه ولور؟
-گؤیلرین باغری چاتلاییر، اود توتوب یانیر. بیزیم دیلینن دئسک، گؤیلر اینفارکت کئچیریر. او چاتدان آغ قان تؤکولور. بیز اونا یاغیش دئییریک.
-دئییرسن یعنی دنیزین ده اوره‌یی اولور؟ اینانمیرام...
-اؤز ایشیندی. اوره‌یی یوخدورسا، بس بوتون گون نییه چیرپینیر؟ هئچ اؤزونه بو سوالی وئرمیسن؟
-یوخ
-چیرپینیر. گؤر ایچینده نه قدر جانلی وار. هر جانلی بیر اوره‌کدی، هر دؤیونتو بیر چیرپینتیدی.
-دئدیکلرین آغلا باتان اولسا دا، اورک مسئله‌سینده بیر آز شوبهه‌لییم. اگر دنیزین اوره‌یی وارسا، گرک کاردیوقرامینی چیخارسینلار.
-باخ دا...


 
«سما چیچه‌یی»
 
اونا هئچ کیم، هئچ واخت چیچک باغیشلامامیشدی. بیرجه دفعه‌ دونیایا گله‌سن، بیر چیچکله آدینی آنمایالار. فیکیرلشدیکجه آغلی باشیندان چیخیردی.
ایللر کئچدیکجه دونیادان، آداملاردان، ائله اؤزوندن ده بئزیردی. بیر آخشام بوستاندان قوپاردیغی گونه‌باخانی قولتوغونا ووروب حیطده‌کی کؤتویون اوستونده اوتوروب یئرینی راحتلادی. گونه‌باخانی دیزلری‌نین اوستونه قویوب بیر خئیلی چیرتلادی. بیر آنلیق الینی ساخلادی. هر یان سسسیز ایدی. آرابیر جیرجیرامالارین گولوشمه‌سی، بیر ده سو ایچن آغاجلارین قورولتوسو ائشیدیلیردی. باشینی قالدیریب گؤیلره باخدی.

بو گئجه سما-باشدان باشا قیرمیزی چیچک آچمیشدی. گؤردویو گؤزللیک اونو هیجانلاندیردی. بوش قلبینه هارادانسا بیر اوووج سئوینج دولدو. گولومسه‌دی. حیسّ ائتدی کی، چیینینه نسه قوندو. قورخا-قورخا قانریلیب باخدی. سما چیچه‌ییندن بیری ساپلاغیندان اوزولوب اونون چیینینه قونموشدو. او آن، او آن آنلادی کی، دونیاداکی بوتون قادینلارا چیچک باغیشلانیلیر. مطلق باغیشلانیلیر  کیمینه تورپاقدان، کیمینه سمادان دریلمیش چیچک...
 
«یوک آتی»
 
ائله بیل گؤزونو قان اؤرتموشدو. مئشه‌ده دوغرادیغی اودونلاری بیر اوجدان آتا یوکله‌ییردی. قوجا یابی آرابیر دؤنوب ترس-ترس صاحبینه باخسا دا، خئیری اولمادی. صاحبی‌نین علاجی اولسایدی، مئشه‌نی بوتؤولوکده بو زاواللی حئیوانین بئلینه یوکله‌یردی.
قوجا یابی تاماح دیشی اوزاندیقجا اوزانان صاحبی‌نین امرینه اطاعت ائدیب یئریندن قیمیلداندی. ائه، آیغیر واختلاریندا بو یوکو یوک سایمازدی. ایندی کیندیرینی قوجالیق کسمیشدی. یوکلرین هامیسی اونا آغیرلیق ائدیردی.
بو یول اونلاری دره‌یه جن آپاریردی. سونرا قاراتیکانلی یوخوش باشلاییردی.
صاحبی بوغدا یئییب فینخیران آت کیمی اونو هئی دهمرله‌ییردی. جانینی دیشینه توتوب دره‌یه جن ائندی. یوخوشو قالخاندا دیره‌ندی. شاللاق ضربه‌‌لری اود کیمی بدنینی یاندیرسا دا،  خئیری اولمادی. ائله بیل دؤرد آیاغی یئره یاپیشیب، تورپاغا کؤک آتدی.
آخیردا صاحبی سؤیه-سؤیه آتین یوکونو بوشالتدی. چر دگمیش، گرک چوخدان رد ائله‌یه‌یدیم سنی. منی یاری یولدا قویماغینا باخ!!! -دئییب آتا بیر-ایکی کارلی تپیک ایلیشدیردی.
آت یئنه ترپنمدی. بو، صاحبینی تعجب‌لندیردی. بیر-ایکی آددیم ایره‌لی یئریدی. آت باشینی یئره‌جن ساللامیشدی. ائله بیل نفس آلمیردی. صاحبی شاللاغی قالدیراندا آت بؤیرو اوسته یئره سریلدی...
سونرالار بو احوالاتی کندین چای‌خاناسیندا دومینو اوینایا-اوینا‌یا بایتارا دانیشاندا، مال دوکتورو ال ساخلاییب کدرله دیلله‌ندی:
-آتین اوره‌یی پارتلایاندا بئله اؤلور. گرک قدریندن آرتیق یوکله‌مه‌یه‌سن. بو  اینسانلارا دا عایددیر...
 


 «اووجونداکی گوزگو»
 
اووجونداکی قابارا گوذرانی‌نین گوزگوسو کیمی باخیردی. قابارلار بؤیوینده، دویونله‌ننده گوذرانی بیر بالاجا یاخشیلاشیر. قابارلار سولوخاندا حیاتی دا سولوخوردو.
هردن اووجونداکی گوزگودن اؤزونه سواللار وئریردی: ائی، دمبه‌لن گؤز  بسدی قاچدین، بسدی یویوردون. عومرون بیتیب، آمّا عینی نقطه‌‌ده فیرلانیرسان. اووجونداکی قابار ایتسه، نه اولاجاق؟ بو سوالی وئره‌نده دیلی-دوداغی اسیردی، کاریخیردی، اوشویوردو. اووجونداکی گوزگوده گونش گولومسه‌میر،  دونیا چیچکله‌میر، قوشلار جیویلدشمیردی. اووجونداکی گوزگوده آغ بولودلار سو داشیییردی گؤزلرینه.
اووجونداکی گوزگو اونا اومیدلی هئچ نه وعده ائتمیر. یالاندان آلداتمیر، گؤزونو یولدا قویموردو. بیرجه گئجه‌لر داشا دؤنموش اللرینی باشی‌نین آلتینا قویاندا،  اووجونداکی قابارلار اورک کیمی دؤیونور، ملکلر قابارلی اللرینه سیغال چکیر. او دا دونیانین ان شیرین یوخوسونو گؤروردو.
سحرلرسه الینده‌کی قابارلار زنگ چالیب اونو اویادیر. اووجونون گوزگوسونده یئنی گون باشلاییردی...

 https://t.me/Adabiyyatsevanlar

اوشاق ادبیاتی
اوشاق ادبیاتی هر هفته پنجشنبه گونو ادبیات سئونلر کانالیندا .
اوشاق ادبیاتینا دایر یازیلارینیزی بیزه گوندرین .

https://t.me/Adabiyyatsevanlar

اوشاق ادبیاتی
بیرسیرا حیوانلارقیشی باشا باش یوخلالار.

سلام گوزل بالالار
منیم آدیم توسباغادیر.
من آغا بویو ک آغا ایله  بیر حیه‌ط‌ده یاشاییرام ،آمما او هئچ واخت منی الینه گوتورمز ، هئچ واخت منیم بالالاریمی توتوب مندن آییرماز، اوشاقلار، آغا بویوک آغا فقط گئجه لر یاتار هردن یورولاندا گون اورتادان سونرا دا بیر مورگولر آمما من ایلده آلتی آی گئجه- گوندوز یاتارام. پاییزدا هاوالار سویوماق هامان من بیر بوجاق تاپییب گئدیب اوردا گیزله‌نرم. ائله اوردا یوخویا گئده‌رم. باهارا یاخین من یوخودان دورارام. ائله او زاماندا منیم بالالاریم دا یومورتادان چیخارلار. سیز گیلانا گلسه نیز منیم بالالاریمی کوچه ،باجادا خیاواندان بوتایدان اوتایا گئچنده چوخ گوررسینیز. گوزل بالالار منیم سیزه نئچه تاپیشیریغیم وار: بیر بوکی خیاواندان کئچنده  ماشین ،موتور چرخ ایله منیم بالالاریمین اوستونه چیخامایین ،بیر ده اونلاری الینیزه گوتورمه یین، اولابیلر کی بیزیم بدنیمیزده بیرجوره میکروبلار اولسون کی سیزی ناخوشلادار. اوندا بیز چوخ ناراحات اولاریق .۰
https://t.me/Adabiyyatsevanlar

اوشاق ادبیاتی

روایت‌ین سئحرینده
يازان: کامیل آراز
كؤچورن: احد فرهمندی

باباملا من شلاله‌یه چاتاندا آخشام‌چاغی ایدی. شلاله‌نی گؤسترمه‌یی بابامدان من خواهیش ائتمیشدیم. اونسوز دا آریخانادا گؤروله‌جک ائله بیر ایشیمیز ده یوخ ایدی. پتکلری دونن سوزموشدوک. بو گون استراحت ائتدییمیزدن بابامین دفعه‌لرله منه سمتینی گؤستردیی قایالارین آراسینداکی شلاله‌نین یانینا آپارماسی‌نین سببکاری دا من ایدیم. شلاله آریخانادان خئیلی اوزاقدا ایدی. اونا گؤره ده اورا چاتماغیمیز آخشامچاغینا تصادف ائتدی.
قایالارین آراسیندان خئیلی اوجادان تؤکولن سو یئره چاتماغا آز قالمیش اؤز بوتؤولویونو ایتیریب گاه کیچیک بولاق کیمی، گاه دا دامجیلار شکلینده یئره چاتیردی. منظره چوخ گؤزل ایدی، اطرافی قایالارلا و خیردا کوللارلا احاطه اولونموشدو. شلاله‌نین گؤزل‌لیگی منی مفتون ائتمیشدی. سو تؤکولن یئرین یانیندا قولاق باشقا سس ائشیتمه‌سه ده، بیر نئچه آددیم آرالی نیسبتاً اوجا سسله دانیشماق و دئییله‌نی ائشیتمک اولاردی. بابام:
- بئله یئرده بیر تیکه چؤرک یئمک لذّت وئرر، - دئییب آرخاسینا آسدیغی چانتانی آچیب سوفره سالدی. منیم فیکریم ایسه شلاله‌نین، بو گؤزل معجزه‌نین یانیندا ایدی.
بیز یئمه‌یه باشلایاندا دره‌نین ایچی ایله بیزه طرف، اوزو یوخاری شلاله‌یه طرف آغ بولود پارچالاری آخماغا باشلادی. بابام:
- تله‌سمه‌لی‌يیک، بیرازدان بورانی دومان باساجاق، آنجاق من بورا گلن بوتون جیغیرلاری تانیییرام، - دئییب اوزومه باخدی.
- بلکه چؤرییمیزی یئیه-یئیه سنه بیر روایت دانیشیم، سنه ده ماراقلی اولار.
- دانیش، بابا، دانیش. اگر شلاله ایله باغلی‌لیغی اولسا، لاپ یاخشی اولار.
- دانیشاجاغیم احوالات بوتونلوکله شلاله ایله باغلیدی، - دئییب بابام صحبتینی بئله داوام ائتدیردی: - چوخ قدیم زامانلاردا ایکی داغ پریسی وار ایمیش. اونلار آدیندان معلوم اولدوغو کیمی، داغلاردا بیر-بیریندن آرالی یاشاییر، تصادفاً شلاله‌یه هم گؤروشوب دردلشمه‌یه، هم ده یویونماغا گلرمیشلر. قایالار و کول‌لار اونلاری یاد گؤزلردن، نامحرملردن محافظه ائدرمیش. پریلر یویوندوقلاری زامان کوفتا و تومانلارینی دا یویوب قایالارین اوستونه سره‌رک قورودوب گئدنده گئیرمیشلر. بیر دفعه اونلار یویوندوقلاری زامان چوخ حسّاس اولدوقلاریندان یاد سسلر ائشیتمیش، تومانلارینی گئیینمک ایسترکن اونلارین هله ده یاش اولدوغونو گؤرموشلر. نه ائده‌‌جکلرینی بیلمه‌ین پریلر اؤز تانریلاریندان چیخیش یولو دیله‌میشلر. بیردن اطرافی دومان بوروموش، یاد سسلر اوزاقلاشمیش، پریلر ایسه دعا ائتمه‌یه باشلامیشلار:
- نه اولار، اولو تانری، مصلحت بیلدیین کیمی تومان اولماسین، دومان اولسون دئمیشلر.
بو گون ده بئله، بو روایتی بیلن خالقلار دومانا - اؤرتوک، گئییم معناسینی وئرن تومان دئییرلر. بابام صحبتینی بورایا چاتدیرانا قدر دومان دا آرتیق بیزه چاتمیشدی. بیز چؤرگیمیزی یئییب سوفره‌نی ییغیشدیردیق. دومان ایسه گئتدیکجه سیخلاشیردی. بابام بیر جیغیرا دوشوب دره آشاغی ائنمه‌یه باشلادی. من اونون آرخاسینجا گئت‌سم ده، فیکریم گؤردویوم شلاله‌نین گؤزل‌لیگی و ائشیتدییم روایتین سئحرینده قالمیشدی.

https://t.me/Adabiyyatsevanlar

اوشاق ادبیاتی
نئچه گون اؤنجه،حالیمی یاخشیلادان آرزولاریمدان بیری،کیچیک اولسایدی دا،باش وئردی.آخماق تولکو تاماشاسی کی بیر مودت ایدی اوندا نقش گئدیردیم ایجراسینی مدرسه‌میز(میلاد قارا تپه)اوچون،بو نوماییشین یؤنتمنلرینه اؤنر وئردیم؛ و بونو یاخشی قارشیلادیلار.بیر آی یاریما یاخین، اتوبوس، رضایت‌نامه و..حاضیرلانماسی واخت آپاردی.نهایتده ائله‌یه بیلدیک بو ایجرانی اؤیرنجی‌لریم ایله باشقا کیلاسین اوشاقلاریناکی تقریبا هامیسی بیرینجی دؤنه ایدی سینما ایله تئاتری گؤروردولر،صحنه‌یه چیخارداق.
اوشاقلارین ایجرادان سونراکی ذؤوقو، اؤیرتمنلیییمده اَن یاخشی خاطیره‌لردن قالاجاق.
داوامیندا آخماق تولکو نوماییشینین حؤرمتلی یؤنتمن‌لری، اینقیلاب سینماسی‌نین حؤرمتلی مدیریتی، آموزش و پرورش‌ین حؤرمتلی مدیریتی، میلاد مدرسه‌سینین حؤرمتلی مدیریتی، استعدادلی و سئویملی بازیگرلر، گریم طراحی، پوستر طراحی و بو مدت‌ده بیزیمله اولان بوتون دورو اورک‌لی اینسانلار کی
سبب اولدولار حالیمیز نئچه ساعاتلیق خوش اولا، تام اورک‌دن تشککور ائدیرم.
بیزیم حالیمیز تئاتردا بیرلیکده خوش اولدو.

سعید جدی (آخماق تولکو نقشینین ایفاچی‌سی)
https://t.me/Adabiyyatsevanlar

اوشاق ادبیاتی

رقیه علیقلیان"لاله"


اوچان قوشلارا، شاختا قنیمدی
بالاسی شن یاشاسین جانین دا وئردی

سویوغو شاختانی چکدی جانینا
بالاسی اؤلمه‌سین قانین دا وئردی

لای‌لاسی اوجالدی سون نفسی‌یله
ظولمات گئجه‌ده آنا سَسی‌یله

آغلایا-آغلایا او گولمه‌سی‌یله
اؤلومه گؤزونون آغین دا وئردی

کسیلدی کولکلر کسیلدی قارلار
یاشیل دون گئییندی یئنه ده داغلار

گؤییرچین سَسله‌دی باغدا بوداغلار
یاتمیش گؤورچینی غم بادا وئردی.

https://t.me/Adabiyyatsevanlar

‏اوشاق ادبیاتی
9 یاشیندا گونش بالا میز تبریز دن

اوشاق ادبیاتی هر هفته پنجشنبه گونو ادبیات سئونلر کانالیندا .
اوشاق ادبیاتینا دایر یازیلارینیزی بیزه گوندرین .

https://t.me/Adabiyyatsevanlar

اوشاق ادبیاتی

https://t.me/Adabiyyatsevanlar

پاییزین قوناقلیغیندان سیزه پای گتیرمیشم

https://t.me/Adabiyyatsevanlar

ائوین ائولییی
ناصر داوران


چوخ دا کی کهکشان‌لار
بیزیم ائودن بیرآز بؤیوکدور
ایسته‌سن بونا دا غالب گله بیله‌ریک:
ساعات یامان نامرد اولار
تلس
قاباقدا مین بیر مئشه
مین بیر اولدوزلو گئجه
دویونجا کتاب وار
خیلی یول.
ال اوزاد مئیوه در،
بیرآز سس سال
یالاندان اولسا دا،
بیر شئیی سیندیر،
ائوین ائولییین قایتار اؤزونه،
ائشیت یارپاغی،
کهکشان اول
ساده کهکشان.

آغاجین دیبینه تی ان تی قویلاماق
آرا ووروشدوروب
تورپاغی بولودا دوشمان ائله‌مک
چتین بیر ایش دئییل
باجارسان گیلاناری دوشون
گیله-گیله جیرتدان اولان
شکیلچی ناری،
سؤزجوک‌لرین محله‌سیندن
پنجره تمناسیلا یولا دوشن
ایپک دویغولاری.

منه یئمک دئییل
گئییم دئییل
بیر استکان چایین اولسا یئتر.

قایناق :ایشیق سایتی۱۴۰۳/۰۸/۱۲

https://t.me/Adabiyyatsevanlar

بزک_بازاری

• دکلمه| بهزاد بیات‌فرد
• شعر|  ودود دوستی (ایلقار)
• موسیقی|  رامیز قولی‌او
• تنظیم|  محمد قربانی (سورگون)
• ضبط و تولید| رادیو فرهنگ
.
.
وَغَمله‌نیب باغیمیز ، گولمه‌ییر چمنلیک‌لر
بنؤوشه بنده دوشوب ، یاسدا سولدو شنلیک‌لر

داها گؤزه‌للیگین اؤلچوت داشی دئییل سئوگی
بورا بزه‌ک بازاری ، گون- گون آرتیر اَنلیک‌لر !

نیگارلی گون‌لرینه گئت گووه‌ن ، کوراوغلو بابا !
داها نه سئوگی قالیبدیر نه ده اَرَنلیک‌لر

یئتَن یئییر بو یئتیم تورپاغین یئسیر پایینی
گؤزل گلیر جاناوار گؤیلونه بو چَنلیک‌لر

بیرآز‌دا‌هئی‌شیشیریک‌بیز،بیر‌آز‌دا‌هئی‌شیشیریک !
بیزی أَییب بو یالاندان دوزه‌لتمه منلیک‌لر !

https://t.me/Adabiyyatsevanlar

عجب شئرلی حسن
چیخیلماز دوروم

گلیب چاتمیشدی قاپی لارینا .ایجری کئچدیکده هئچ نه یی یئرینده گورمه دن شوبهه لندی .مطبخ یامان  گونده ایدی .چایدان ییخیلیب یاتمیشدی .ساماوار سونوک دوروم دا ایچین چکیردی .ایسته کانلار هره سی بیر یاندا خومارلانیردیلار .مطبخ ده فیرلانیب الینه هئچ نه دولاشمادان یولونو بوروب اوتاغینا کئچدی .
اوتاغی یاد نظره گلیردی ،دوزدویو اشیا دئیشیک وضعیتده گورونوردو،سن دئمه ائو طاعون خسته لیینه توتولوب .سیگارتینی آلیشدیریب دومان ایچینده ایتیب باتدی ،چوبوق آلتینی تاپمادان سیگارتین  کولونو اووجوندا اوزو ایله گزدیریر .
آشاغی قاتا یئنیب هر یانی نظردن کئچیریب کیمسه نین ائوده اولمادیغیندان آرخایین لاشاراق .اوزونون هاردان گلدیینی خاطیرلاماق ایسته دی .یادینا بیر شئیی دوشمه دن چوخ پوزغون وضعیتده قالدی .نئجه اولا بیلر من هاردا ایدیم ،هارا گئتمیشدیم ،منی .... کیم چاتدیردی ،کیم لرله اوتوروب دورموشام ،آرامیزدا هانسی سا دانیشیقلار گئدیب .....‌....هامیسی سورغو کیمی جاوابسیز قالدی .هله بونلار بیر یاندا قالسین ائوده کیلر هارایا گئدیب لر؟ یاواش - یاواش یادداشینا موراجعت ائتدیکده هئچ نه یی بیر یئره ییغا بیلمه دی .
دوواردان بونا باخان اوز شکلینی آز قالا تانیماق ایسته میردی ،نئیلدیسه هئچ  نه یادینا گلمه دی .الینی داراعا اتیب ساچلارینا شانه چکمک ایسته دی ،داراغین دیشلری ساچلاری کیمی سئیرک لنمیشدی ،گوزگویه باخماقدان چکینیردی
گولدان گول لری سوسوزلوق دان قاش - قاباقلارینی ساللایب قاشلاری یئر سوپوروردو ،کیچیک قارداشی نین درس کیتابلاری ائله آچیق اوخوجوسوز یئره سره لنمیشدی .ائوین آب وهاواسی داریخدیریجی اولدوغوندان کوچه یه چیخماق ایسته دی کوچه یه چیخدیقدا الینی چانتاسینا اوزالدیب ائوین آچارلا ینی آختاردی ،یادینا گلمه ییردی قاپینی آچاندان سونرا هارایا قویوب ،ایکی الی اولدو بیر تپه سی ........
موبایلینی آچیب آتاسینا زنگ آچماق ایسته دیکده آدلاری سیلینمیش گوروب کوچه نین اورتاسیندا دایاندی .دونن من هارایا گئتمیشدیم ؟ کیملرله گوروش کئچیرمیشم ؟ دونن ایدی ،یوخ دونن دئیلدی نئچه گون قاباق ایدی .
آتام ،آنام.قارداشیم هاردادیلار ؟ یئنی دن اوزوندن سوروب سوسدو ،نئیلدیسه اوزونو اله آلا بیلمه یب سفیل - سفیل دولاندی .شبنم اوزونده دئیلدی ،یاناغینا اخان یاش یادداشینی ایشه سالدی ،چئوره سینه گوز دولاندیریب بیر داها سیگارتینی چیخاریب ایچینی گزدی ،۲ جی سیگارتی ائوده اولارکن توستولتمیشدی .بوش قابی ایاغی آلتیندا ازیب یادینا دوشدو نئچه گون قاباق آغزیندان بیر سوز قاچیتمیشدی .اما دخلی یوخدو اونون بونا دئیب باشینی بولادی .گوی گوز یولاشی نین شعری قولاغیندا سسله نیردی
"" گوزلرین تروریست ،قوجاغین امنییت ""
۱- سون مصرع سعید موغانلی جنابلارینا عاید دیر
https://t.me/Adabiyyatsevanlar

سعید فیوضات
قانلی گونلر
▪️ مولف: سعید فیوضات
▪️ ناشر: اختر
▪️ نشر تاریخی: 1400
▪️ صحیفه سایی: 585 صحیفه
▪️ دیل: آذربایجان تورکجه‌سی
▪️ رسم‌الخط: عرب الفباسی

بو کیتابی آشاغیداکی آدرسدن ائندیره بیلرسیز
https://ishiq.net/kitab/36019