ترجمه کتاب «جهانهای معرفتی متفاوت» اثر پروفسور گابریل واکاریو و ترجمه ایلقار موذن‌زاده با نشر #نظامی_گنجوی و در ۳۹۰ صفحه منتشر شد.

=» از مقدمه مترجم:

کتاب گابریل واکاریو علاوه بر بحث پیرامون مسائل فلسفی از جمله هستی‌شناسی، معرفت‌شناسی، فیزیک و متافیزیک، از دیدگاه فلسفه، روانشناسی شناختی را هم مطالعه و آنالیز می‌کند. واکاریو در این کتاب یکی از اصلی‌ترین دغدغه‌های فلاسفه از عصر باستان تا به امروز یعنی بحث «اتحاد ذهن و بدن» را از دیدگاهی جدید و منحصر به فرد بررسی می‌نماید؛ دیدگاههای قبلی فلاسفه را به چالش کشیده و ایده جدیدی در این زمینه پدید می‌آورد.

🌱کتاب طی روزهای آینده در کتابفروشی دنیز (جلیل مقدسی) در مشکین‌شهر و کتابفروشی شریعتی و منصور جدی در اردبیل در اختیار علاقمندان قرار خواهد گرفت.

https://t.me/Adabiyyatsevanlar

اوره‌ک ایشیغیندا
شعر :  حسن ریاضی ( ایلدیریم)

ترجمه:"ابراهیم اسماعیلی"

سوزوله – سوزوله

کئچیرم فصل‌‌لرین، ایل‌لرین ایچیندن
ساچیمین رنگی، سؤزومون آهنگی-
دئیشه- دئیشه
ایچیمده ارییب ایتیر زمان.
بیر قوم ساعاتی کیمی یاشانیر عؤمور-
بو تاییندان ، او تایینا دوشه- دوشه
گؤزلریمده
گونو، گوندن بؤیویور دونیا
حقیقت‌لر، سیرره دؤنور
بیلمه‌جه‌لر چوخالیر،
اینانج‌لار اینجه‌لیر
رؤیالار یوزولماییر،
آرزولار چین اولماییر...
آنجاق اوره‌ک!
سئوگی‌یه دولا – دولا دؤیونور
دورولا- دورولا بوللورلانیر
ایشیق ساچیر.

اوره‌ک ایشیغیندا-
آیدین گؤرونور منه هرشئی!
اوره‌ک‌له باخیرام-
یول‌لارا، آدام‌لارا
باخیرام، سنه، اؤزومه
باخیرام اولوما ، اؤلومه
و بیرده …


ترجمه:"ابراهیم اسماعیلی"

در روشنای دل
نرمک نرمک
گذر می کنم
از میان فصل ها و سال ها.

با تغییر رنگ مو و آهنگ صدا
زمان در درونم گم می شود.
عمر به سان ساعتی شنی
در نشیبی معکوس می گذرد
و دنیا روز به روز
در چشمانم بزرگتر می شود.

حقایق ، راز
جهالت ، وافر
باور ها ضعیف می شوند.
رویاها ، ناتمام اند
و آرزوها چین بر نمی دارند.

باری ، قلب می تپد
کماکان لبریز از عشق
بلورین می شود از صافی ها
نور می پاشد.

در روشنای دل
هستی را نورانی می بینم.
نگاه می کنم با دل
بر راه ها ، آدم ها
نگاه می کنم بر تو ، بر خویش
نگاه می کنم بر ماندن ، بر مرگ
و دیگر ...
https://t.me/Adabiyyatsevanlar

۸ مارس روز جهانی زن خجسته باد.
سحر_خیاوی

اونون طالعی

"هانی او آخار- باخارلی،
ذیروه‌سی قارلی،
یاشیل اته‌یی چشمه‌لی-چایلی اولو داغلار؟"
دریندن کؤکس اؤتوروب، گؤز قاماشدیران گونَشدن، -سُوروشدو جسور قارتال.
چیمچه‌شیردی قوخوموش-لئهلی باتلاقلاردان
ایرگَنیردی شوبهه‌لی باخیشلاردان
داریخیردی قانادلارینی باغلایان قانداللاردان
آلتون شهپرینی اَسدیریب، قاققاناق چکدی قارقالارین قورولتایینا،
گولدو آیاق ایزیندن، اوزونده ایینه آتماغا یئر قالمایان،
مین‌لر کره فتح اولونموش، تاپتالانمیش تپه‌جیک‌لره،
قاققاناق چکدی آزاجیق موردارلارا سئوینن بؤر- بؤجک‌لره،
شیره قوخوسونا اوچوشان کور میلچک‌لره.
ایتی باخیشلاری، آیاق دَیمه‌میش قارلی- قیروولو ذیروه‌لره دیم-دیک باخدی،
ذیروه‌نین دوز باشینی توشلادی،
نئجه ده خوش خوشلادی!
دئمیشدی او دَلی‌قانلی فیلوسوف:
" سنین طالعین میلچک قووماق دئییل"*

*نیچه: سرنوشت تو مگس تاراندن نیست.


https://t.me/Adabiyyatsevanlar

باش ساغلیغی
دونیا سندن کیم‌لر کئچدی ...

ازلدن بئله دیر چونکی کاینات
جهان دایمی دیر، عومور امانات
الدن- اله کئچیر وفاسیز حیات
بیز گلدی گئدریک سن یاشا دونیا

آلدیغیمیز آجی خبر اساسیندا ادبیات سئونلر قوروپونون تانینمیش اؤیه‌سی یاساق‌لاری سیندیران "یاساق‌لار قیزی" معصومه جبارپور بو گون تبریزده قلبی "آنفارکتوس" اثرینده آرزی کروانی مقصد چاتمادان، قلمی‌نین چیچکلی وعده‌سینده حیاتا گؤز یومدو.
بو اینانیلماز، آجی، دردلی خبر بیزیم هامیمیزی یاندیردی.
ادبیات سئونلر بو آیریلیغی ایلک اؤنجه جبارپور عایله‌لرینه، سئون‌لرینه، شاعیرین قلمداش‌لارینا، قوروپداش‌لارینا آذربایجان خالقینا باش ساغلیغی وئریر.
معصومه جبار پور 1368_جی ایلی‌ فروردین آیی‌نین بئشینده  تبریزه دونیایا گؤز آچمیشدی.
یاساق‌لار قیزی حیاتی‌نین ان گنج گون‌لریندن ادبیاتا ماراق گؤستردی. اونون حکایه‌لری، جسارتلی شعیرلری مختلیف درگی‌لرده، گونده‌لیک‌لرده، ادبیات سئونلر قوروپوندا، کانالیندا، ایشیق سایتیندا دفه‌لریله نشر اولونوب.
یاساق‌لار قیزی‌نین ایلک کیتابی "قار آدام" عنوانی ایله 1395ده یاشار قلم انتشاراتی طرفیندن باسیلمیشدی. شاعیرین ایکینجی اثری "من یاساق‌لاری سندیردیم"  1396_جی ایلده آیدین ساو نشریاتی طرفیندن ایشیق اوزو گورموشدو. ادبیاتدان باشقا  خانیم جبارپورون عمیدی جناب‌لاریله بیرلیکده بیر ترجمه‌سی ده "متابولیسم سلول  سرتولی، متابولیسم اسپرم سازی "  عنوانی ایله 1397ده انتشارات خسروی طرفیندن ائلمیزه یادیگار قالییب.

آدی قالارقی، اونودولماز شاعیر معصومه جبارپورون توپراغا تاپیشیرما مراسیمی دوشنبه گونو ساعات 12/30 تبریزین وادی رحمت مزارلیغیندا قیداولاجاق.
ائلیمیزین سئویملی قیزی‌نین شام غریبانی دوشنبه گونو 1403/08/21 ساعات دان 20/30 - 18/30 دک تبریزده مسجدالنبی ده( خیابان آخونی روبروی پارک پامچال) قید اولاجاق.


ادبیات سئونلر 1493/08/20

https://t.me/Adabiyyatsevanlar

بو سون شعیر دیر کی یاساقلار قیزی ادبیات سئونلر گوندرمیشدی.

_
معصومه جبار پور"یاساقلار قیزی"

گونشی گؤزلرینده
دوندوردو بیر یابانجی شاختا
قوتسال کؤلگن یاواشجانا
قیسیلدی بیر بوجاغا
گؤرولمز اولدو
آخی
کؤلگه نی اوجالتماق اوچون_
یولچو اولموشدوق شاختالی گونده !
هاچان سنی ایتیردیم ؟
هانسی گئجه ؟
ایندیسه
شه هرین پالچیقلی دووارلاریندا
ایزینی آختاریرام
بیلیرسن می؟
بوراداکی قاناری لار قارایا بویانیب
سس لری شه هری تیتره دیر
سن سیز
یاشام هئی تیکرار لانیر
خیاوانلاردا کؤلگه لر منی آلای ائدیرلر
نه اولور
گل
کؤلگه نی یاپیشدیر
بوتون دووارلار_
قالدیریملارا
قوی بیر آنلیق اوره ییم دینجلسین!
بیلیرسن می؟
رویالاریمین شوالیه سی اولموسان" سایه"
گؤز آچدیغیمدا
دؤرد بیر یانیمی کؤلگن بورویور
اونودولماز بیر سیمگه سن _
اؤلومومه قه در کؤلگم!

https://t.me/Adabiyyatsevanlar

معصومه_جبارپور

چارمیخا چکیلن آغریلاریم تک
قابارلی سؤزلریم کیتاب‌لاریمدا
ایل‌لردیر یانیری بیر اوووج اورک
گؤز یاشی بویلانیر قابارلاریمدا

قلم‌لر، آسیلی بیر شهید کیمی
اوخشاییر، سیزلاییر آغ واراق‌لاری
کؤرپه اوشاق‌لارین اورکک خیالی
اویادیر ایچیمده اؤتن چاغلاری

کؤهنه یارالاریم آذر آییندا
سیخیر اوره‌ییمی یئنی درد اولور
1324 اولای‌لاریندا
بیری نامرد اولور، بیری مرد اولور!

هله ده گؤزومده یانان ‌کیتابدا
ایپ آتدی اوینایان اوشاق‌لار یانیر
بیر جئیران بالاسی الینده کیتاب
سیلاحلی عسگری بیر قارداش سانیر!

قوروماز کسیلن دیل‌لرین قانی
آخی وطن بویدا قفس اولارمیش؟
یاراشمیر اَینیمه یادلارین دونو
وطن گول آچارمیش، وطن سولارمیش

تکجه الیفبا یوخ، تکجه لوحه یوخ
گئجه‌دن گوندوزه یئتن یانیردی
تکجه معلّم یوخ، تکجه سؤزلوک یوخ
تبریز آلوولانیب، وطن یانیردی...

https://t.me/Adabiyyatsevanlar

همت شهبازی
"معصومه جبارپور "آذربایجان شعرینده مدرنیزم کیتابیندان.

◀️ دیوان شعرینده، فردی تجروبه‌لر عمومیتله کلی چرچیوه‌لرده سؤیله‌نیلیر، اوخونولان بو کیمی شعرلرده، شاعیرین فردی تجروبه‌لرینی الده ائتمک اولمور. یئنی شعرده ایسه فردی تجروبه‌لر، خیردالیقلاری ایله بدیعی تصویر یاراتماقدا اشتراک ائدیر.
یاشیل... / ساری... / قیرمیزی...
یاشیل باخیش‌لارین یاناق‌لاریمی قیزاردیر
یاشیلیم / یاواشجا یاخینلاشدین دوداق‌لاریما
هیزلی باش آلیب گئتدین
ایندیسه / هانسی اوز ایله / یاخدیغین جانیمین کول‌لرین
باغچانین آغاج‌لارینا پای وئریم
گل / فلسفه توخوما
قان دامارلاریمدا قان قان دئییر / قارقیمیش باش‌آغری‌لاریما
بیر دامجی سو دادیزدیر/ آغری‌لارین باشین کسمه‌دن
بیر گئجه‌لیک اَیلَش آلوولانمیش اوره‌ییمین قارشیندا
بیر ایسلاق دسمال‌لا / قَهرلریمین آتشین آل
ساده‌جه ایسته‌ییم بودور سندن
               (معصومه جبارپور، 1395: 9-8).

بونا گؤره یئنی شعر، اؤزونون تصویر یاراتما پروسئسینده، دیوان شعری‌نین شابلونلاشمیش تصویرلرینی قیراغا قویور...

◀️ مدرن لیریکادا، شاعیرین سئوگیلیسی‌نین‌ کیملییی، شخصی خاراکتئری بیزه آچیق ‌آیدین بللی اولور. هر شاعیرین لیریکاسیندا -و حتتا هر بیر شعرین لیریکاسیندا- سئوگیلی‌لرین فرق‌لرینی گؤروروک. عینی حالدا سئوگیلی‌نین داخیلی و خارجی خاراکتئریندن نئجه بیر سئوگیلی اولدوغو و جینسیتینی ده سئزه بیلیریک:
آآآی / آی منیم یورقانسیز سئوگیلیم
گئجه سن آزاد ائله‌دین سوتییه‌نیمی
آچدین بوتون دوستاقلاری
جانیمین سویون / امدیین آن
وارلیغیم سربست قالیر
قارقالار قانادلی قورولتای‌دیرلار
قیرمیزی باغدان / قونقا باشینا / «قادانی آلیم» دئدین
سنین دؤشلری‌نین اوستونه قارقا کؤلگه‌سی حرام دئییل
قارقالار قارالتیلاری قورویان / قوشلاردیرلار
دؤشلریوین رنگی ارکین رنگیله بویانیب سانکی دئدین
دؤشه‌یه اوچوروم بوراخان کؤکسون
سئویشمه‌نین باشلانغیجی‌دیر
قارقالار منی چاغیریر ائل گؤلودن
دیشی‌لییمین ایستیسینده 
شاه‌گؤلونون حووضو قاینایاجاق
بوتون ارکک‌لر چایا چاغیریلاجاق
قارقا اولاجاق بوتون ارکک‌لر
دوغو ایله باتی‌نین آراسیندا
ایپک یولو دولاجاق قارقالارلا
دیشی‌لییمدن یارانان قارقالارلا
آلت‌پالتاریم قارالاجاق
مارکوپولو اَینینده  
           (معصومه جبارپور، 1395: 4-63).

◀️ شعریمیزین بدیعی آخاریندا «قادینسل سؤیلم» مفکوره‌سی‌نین کیشی‌یانی دیل اقتداریندان یاخا قورتاردیغینی، حتتا اؤنجه‌کی قادین شاعیرلریمیزین شعرلریندن فرقلی ایفاده اوسلوبونا صاحیب اولان بیر ایفاده‌نی ده بیز «معصومه جبارپور»ون داها چوخ، «آلما موغانلی»نین ایسه بعضی شعرلرینده گؤروروک. بو اؤزل ایفاده‌نی «ائروتیک ایفاده اوسلوبو» آدلاندیرماق اولار. ائروتیکادا قادین کیشی دیلی اورتاقلاشیر. کیشی شاعیرلرین شعرینده اولان ائروتیکا، اؤز ائروتیک کیملیینی عکس‌ائتدیردییی حالدا، قادین شاعیرلرین ده ائروتیکاسی اؤز ائروتیک کیملیینی عکس ائدیر. هر ایکی شرایطده یازیلان شعرلرین شاعیرلرینی درحال قادین یوخسا کیشی اولدوقلارینی سئزمک چتین دئییل. بونون کیشی واریانتینی اؤز شعریمیزده گؤرمه‌میشم. آنجاق مسئله‌نین آیدینلاشماسی اوچون تورک شاعیری جمال ثریادان اؤرنک وئریرم:
قیرمیزی بیر قوشدور نفسیم
قومرال گؤی‌لرینده ساچلاری‌نین
سنی قوجاغیما آلیرام
تعریف‌سیز اوزانیر باجاقلارین
قیرمیزی بیر آت اولور نفسیم
اوزومون یانماسیندان آنلاییرام
یوخسولوق گئجه‌لریمیز چوخ قیسا
دؤردنالا سئویشمک لازیم
(جمال ثریا،2009: 11).

آنجاق بو آنلاری قادین شعریمیزده گؤرمک اولور:

آنان اؤز یئرینده
آما / دویورماز / هئچ قادی‌نین ممه‌لری سنی
گئجه / آینالار گوله‌رک / گؤزلرین یومور
سنین گؤزلرینده یوزلر اؤنجه کی قادینلار کیمی
گؤزلرینده سویونور بیر قیزجیغاز
چیلپاقجاسینا آنادان اَمدیین سودو
دونیا بورنوندان قوسدورمادان / اَم ممه‌لریندن.
گئجه، بیر ده من / کؤکسومون اؤلکه‌سی ویزا ایسته‌میر
قادینلیغیم / یوردون، یووان اولور
لوطفن قاسیرغالی اؤلکه‌نی دینج‌لشدیر.
سونرا یانان اوره‌ییمده بوتون ویزالارینی یاندیر
آرتیق / ائکیز روحلو وطنداشیق!..
                     (معصومه جبارپور، 1396: 99)

آآآی / آی منیم یورقانسیز سئوگیلیم
گئجه سن آزاد ائله‌دین سوتییه‌نیمی
آچدین بوتون دوستاقلاری
جانیمین سویون / اَمدیین آن / وارلیغیم سربست قالیر
قارقالار قانادلی قورولتای‌دیرلار
قیرمیزی باغدان / قونقا باشینا / «قادانی آلیم» دئدین
سنین دؤش‌لری‌نین اوستونه قارقا کؤلگه‌سی حرام دئییل
                                                        (معصومه جبارپور، 1395: 63).


قایناق:
آذربایجان شعرینده مدرنیزم: همت شهبازی،

(معصوم جبارپور حاقدا مختلیف صحیفه‌لرده اورتایا قویولان باخیش‌: باخ: صحیفه ۴۴۲، ۵-۵۴۴، ۱-۹۹۰)

https://t.me/Adabiyyatsevanlar

منیژه جم نژاد

خسته دوستوما "معصومه جبار پورا"

دئنه حکیم!
شعیرلریمده‌کی سؤزلر
محله‌نین
دال کوچه سینده
هؤرولن دووارلارا
گونه‌باخان ساچ‌‌باغی دیر

گون چیخاندا دوغولوبدو دویغولاریم

دئنه گؤز اول!
دامارلاریمدا کی
ان یومشاق آخان قانی
بئی قویموشام
ساری تئللی، قونشو قیزین
یاناغیندا
مور دویغویا

پارالاما
تبریزده کی اینجه تئلی
یئنی قوردوم
آلا گؤزلو سئوگیلیمین
یوخوسوندا
یوواجیغی....


۹۹/۷/۲۵
https://t.me/Adabiyyatsevanlar

شعیر:آتیلا_حاجیزاده
سس:سالار موغانلی
"معصومه جبارپوراون" ابدی خاطیره سینه عشق اولسون.

https://t.me/Adabiyyatsevanlar

زکیه ذوالفقاری
معصومه جبار پور

معصوم‌لا آوانگارد شعرلریله فیسبوک‌دا تانیش اولدوم. او زامان بعضی شعرلریله راضیلاشماسام‌دا، جسارتینی آلقیشلاردیم.
سونرالار ادبیات سئونلر گوروشلرینده یاخیندان گوروشلریمیز اولدو و بیر آنا -بالا کیمی دردلشمه‌لریمیز دوام تاپدی.
منه ملکه‌م دئیه سسلیب، محبت گورسه‌دردی.
بعضا دونیادان و اینسانلاردان گیلیلی اولوردو، آنجاق تاسسوفله بو قدر یورلدوغونو بیلمیردیم. چوخ تئز بیزی ترک ائدیب گئتدی.
دونن اولوم اعلامیه‌سینی گورندن اورک آغریسی توتموشام.
ایللر بویو یاساقلاری سیندریب، اورتولوسوز شعرلر یازان یاساقلار قیزینین اولوم اعلانیندا شکلی یوخودو.
یئرینه گول قویولموشدو.
بودو بیزیم کولتوروموز. یازیقلار اولسون.
یولو دواملی اولسون.

https://t.me/Adabiyyatsevanlar

ویدا حشمتی
معصومه جبارپور

حاییف اولسون، مین دفعه حاییف اولسون! وداعلاشماق چوخ چتیندی.
نه بیله‌یدیم یاساقلاری سیندیران قیزین عؤمرو بو قدر قیسا ایمیش. آخی گؤزلرینده‌کی معصومیت، یاشام دادیندا ایدی. اوزون یاشام دادیندا.
نه آجیماسیزدیر دونیا، نه آجیماسیزیق بیز اینسانلار... چوخ اوزون زاماندیر خبریم یوخویدو اوندان.
گوشیمی آچدیغیمدا عکسینی، سونرا دا اعلامیه‌نی گؤردوم. اوره‌ییمین باغی قیریلدی. یوخ دئدیم، بو معصومون بیر اویونودو، آخی اویونلاری سئوردی. دئدیم هلبت ایسته‌ییر دئسین «آی دوستلار!.. منی اونودوبسوز سانکی...».
کئشگه یالان اولایدی، کئشگه...
سون دفعه اوندان گؤزومه گلن تصویر، اویناماغی ایدی، نئجه‌ ده ایچدن، نئجه ده اوزون-اوزون اوینادی... سانکی اوچوردو.
نه بیله‌یدیم بو سون گؤروشوموز اولاجاق. نه بیله‌یدیم او یاساقلارا قارشی دوران قوش، بئله ارکندن اوچوب گئده‌جک.
«بو گونلر
قاپ قارادیر تبریزین هاواسی...»

«صاباح
سیغینمایان آجیلارا
بیر من_
بیر آچیق پنجره
ساچلاریمی یولان دالغالانان پرده لر
بوداقلاریلا_
ایپلر _
هیجانلی
یئل اسیر
شاختا چیچکله نیر یوخولاریمدا...
باخسانا
اؤلوم ایزلرینه!

ائله بو...معصوم»

https://t.me/Adabiyyatsevanlar

یاساقلار قیزی" معصومه جبارپورون" توپراغا تاپیشیرماتورنی وادی رحمت تبریزده قید اولدو.
1403,8,21)


دانیشیر: بختیار نظامی،رقیه کبیری

https://t.me/Adabiyyatsevanlar

یاساقلار قیزی" معصومه جبارپورون" توپراغا تاپیشیرماتورنی(وادی رحمت تبریزده قید اولدو1403,8,21)

شاعیر:رسول اسمعلیان

https://t.me/Adabiyyatsevanlar

بو گون 1403,8,21وادی رحمت تبریز ده "معصومه جبارپورون"
توپراغا تاپیشیرما تورنی شاعیرین عائیله سی ،قوهوم اقرباسی، قلمداشلارینین حضوریله قید اولدو.

بو شهر ندن اوز بالالارینا بئله حورمتسیزلیک ائدیر؟
معاصیر قادین ادبیاتینین تانینمیش سیماسی "معصومه جبارپورون" یئری صنعتکارلار"قطعه سی قطعه هنرمندان"دئییل می ؟

https://t.me/Adabiyyatsevanlar

کامیل قهرمان اوغلو

.


اوووف... معصومه!!!
یاساقلاررر قیزی... «!!!»

بیز ایکی‌ایدیک

بیز ایکی‌ایدیک
بیز     بیز           بیز
بیز ایکی‌ایدیک
بیزی   
بیزی
بیزی
... بیزی الحمدی دانسیندا گتیردیلر
پورتاغال تابوتلاریندا
کؤینه‌ییمزده لااله‌الا‌الله فلاکتی
25 صلواتلارین اوشاقلیغی
کؤینه‌ییمز... + کؤینه‌ییمز... ÷ اَینیمیز= فاحیشه آللاهلارین اؤپوش فعلی
کؤینه‌ییمزده... ایکی ایلاهه
کؤینه‌ییمزده..‌ ایلان باشلی قورباغالار یوخوسو
هه... معصومه...!
بلی... ای...
هههههههههههه‍... ... بیزی الحمدی ایستیکانلاریندا اؤسگوردولر/ کرملین استفراغلاریندا سَسیمیزی تیتراژلادیلار/ تابلولارین قالابالیغیندا بالیقلادیلار بیزی...

هههههه‍ ... بیز اوچلوکده ایکی‌ایدیک
ایکی...  مسافه‌نین قارقالیغیندا
ایکی... لیوانین مجهول دوداقلارینی یارپاقلادیق/ ایکی آلمانین دوغوسوندا/
ایکی...  «قارتالی» سطیرله‌دیلَر حرام شکیللرده/

ص1
آردی ایکینجی صایفادا👇👇👇

.

ایکینجی ص 👇

...‌ایکی مذهب عددلری
ایکی شهوت مستطیل‌لری
ایکی..
     ایکی...
         ایکیلیکده اوچله‌دیلر بیزی
       اون اوچ‌له‌دیلر ایکیلییمیزده
ما 2 گرگ در پروس شرقی‌ایم
و اکنون کودکی‌مان چکمه می‌پوشد/ در شورشی/ که دموکراسی می‌خوریم در مرگِ مشروح اخبار در ساعت مجنون «ایلقار»

بیز ایکی‌ایدیک بیرلیکده
بیز... لیلانین اللرینده قالان معبد ایدیک
بیر خیاوانین گیجَللنمه‌سینده
گؤزلریمیزدن نفت ساغیلان یئرده ‌...
اووووف...
بیز ایکی‌ایدیک اوچلوکده...
            ایکی‌لیکده‌...
            بیرلیکده.‌‌..
بیزی الحمدی ایستیکانلاریندا اؤسگوردولر
و قوسدولار.

ایضاح:
(+) به علاوه در زبان تورکی: آرتی، Artı  .
(_) منها در زبان ترکی: مینوس،یا اَسگی یا اِکسی(عِکسی )  Eksi
(تقسیم) ÷ در زبان تورکی  bölüb
(مساوی) در زبان ترکی آذربایجانی: اِشیت، eşit .

بو شعیری سایین معصومه جبارپور (یاساقلار قیزی) مئدیالاردا پایلاشدیغیمدان سونرا، مندن ایسته‌دی و زارافاتلا سؤیله‌دی‌کی: « بو شعیر داها منیمدی، چونکو داها سئومیشدی شعیری. و من دئدیم شعیرده سنین‌دی، منده »
بؤیوک تانریدان رحمت‌لر دیله‌ییرم گؤیسل روحونا.

1401/8/16

#kamil_qahramanoĝlu
#کامیل_قهرمان‌اوغلو

https://t.me/Adabiyyatsevanlar