قویمایین_شعریمی_اؤلدوره_اجل

فاطمه خانیم_عبدی_کؤنولون یئنی اثری ایشیق اوزو گوردو.
بو کیتاب کونول خانیمین دوردونجو شعیر توپلوسودور دیرکی ایشیق اوزو گورور.
ادبیات سئونلر اوخوجو سو بول اولسون دئیه ،کونول خانیما یئنی قلم نائلیتی آرزو ائدیر.

https://t.me/Adabiyyatsevanlar

یول لار
حسن ریاضی (ایلدیریم)

یوللارین دیلینی یولچولار بیلر

ایزلر
باخیشیلالا پیچیلداشا- پیچیلداشا یوزولار
جیغیرلار
آیاقلارلا درد لشه- دردلشه آچیلار

یئریوللاری کئچیله- کئچیله هامارلانار
گؤی یوللاری آچیلا- آچیلا دولایلانار

آچیلمازا گئده ن یوللار
آرزولار لا سسله شر
اوچولمازا گئده ن یوللار
اوچوشلارلا دیلله شر

سئودا یوللاری
سئویله- سئویله اوزانار
عؤمور یوللاری
یاشانا – یاشانا معنالانار

بئله بئله اوخونار!
گلیملی - گئدیملی یولار.

https://t.me/Adabiyyatsevanlar

✍️: رضا جنتی راد

عسگراننی‌نین حیکایه‌لری

🔷گولوستان باغی

گونلرین بیرگونونده پولسوزلوقدان پیچاخ بنده دایانیب ائوه گئده بیلمیرم؛ آخشام اوستی کوچه لرده وای گل ائلیرم بلکه آرواد اوشاق یوخلاسین سورا من ائوه گیرم؛ یاواشجا قاپینی آچدیم؛ الله ایراغ ائله سین گؤردوم آرواد آغا قاپی‌نین دالیندا دوروب سسلندی:
نوخوت یوخ سالام آشیوا-
کول اولسون سنین باشیوا-
نه سنگک وار نه یئر آلما
-یا گئت اول یادا قالما...)
بوسوزلر منیم غیرتیمه توخوندی دئدیم ای کاش ده‌یئدی گوزومه مشگه ده‌ین اوخ . آرتیق یاشاماغین معناسی قالمادی صاباح سحر ساعات 7 -ده گئده جاغام گولوستان باغی‌نین گؤلونه اوزومی آتیب بوغاجاغام .
سحر ساعات 6 ایدی آرواد آغا منی یوخودان اویادیر کی دور به واختدی .دئدیم هارا ؟؟ دئدی :گولوستان باغینا مگر دئمه میسن اؤزونی اولدوره جاقسان؟؟
من ده کی کیشی یم سوز دئمیشم گرک عمل ائلیم دوروب گیینیب ائودن چیخدیم. قونشوموز سلام وئردی : عسگراننی ها را ؟؟ دئدیم گئدیرم اوزومو اولدورم. دئدی الله راست گتیرسین ..
یتیشدیم گولوستان باغیندا گؤل باشینا باغین پاسبانی منی گوروب دئدی :عسگراننی سحر تئزدن نه عجب ؟؟ دئدیم گلمیشم اؤزومو گوله آتام بوغولام قورتولام .
پاسبان دئدی عسگراننی بیر آز تئز اول (ال ده‌برت )ایندی شیفت دییشیلر بیر آیری پاسبان گلر ایجازه وئرمز...من سنن حق سلامیم وار ایجازه وئردیم .
باشلادیم سویون‌ماغا باغوان گلدی : عسگراننی نه عجب؟؟ دئدیم ایستیرم اوزومی سودا بوغام .
دئدی : بوراسی دایازدی گئت گولون اوباشینا کی دریندی تئز قورتولارسان. قورخما من بوردایام...

قایناق: ائل بیلیمی


https://t.me/Adabiyyatsevanlar

منیم آذربایجانیم


https://t.me/Adabiyyatsevanlar

افراسیاب نورالهی

ووقار نعمتین
"من نه ائتدیم آرتیق پلیس بی؟!"
شعری اوزره:


من نه ائتدیم آرتیق پولیس بی؟!
بیر ماوی گؤی‌اوزو واردی عاغلیمدا
بیرده، بیر اولدوزلو اوزاقلاریم
چالیب گؤتوردونوز اونلاری
منه آجیلی شعرلر قالدی
باتوملار، دوستاقلار، و اؤلوم ترافیکلری..

من نه ائتدیم آرتیق پولیس بی؟!
بیر یاز سئوداسی
بیر قار چیچه‌یی بیاضی یئتردی منه
همن یاخالادیلار آغلاری
سئوگی آمبارقوسو اویقولاییب
رذیللییی صیفت یاپدیلار تانری‌یا
کیرلتدیلر توم فعیل‌لری

من نه ائتدیم آرتیق پولیس بی؟!
ایریده باخمادیم بئله آینالارا
آیاقدا سورومه‌دیم یالانچی مارتی‌لارلا
اوزالتدیغیم الیمه ایینه باتیردی گزنه‌لر
من اونلاری بئله سئودیم اؤلورجهسینه
فقط بیر شئی وار عاغلیمدا؛
چایی هورتولدادا هورتولدادا ایچه‌رم
دوغروسو سئوه‌رم بؤیله ایچمه‌یی
بو سوچمو پولیس بی؟!..

اؤیله باخما منه پولیس بی!
باخیش‌لاریم زده‌له‌نیر
اؤزنه‌سی یارالیدیر اینسانلیغیمین
اؤیله چال کی بیلینج‌آلتیمیزی
توکو ترپنمه‌سین بیلینجیمیزین
آل گؤتورده، نه دئییرم
ائوئت
سابیقه‌لی‌دیر شعرلریم!..
قورخونج گوزه‌ل‌لیکلردن
و قوتسال شو چیرکینلردن
بیر پیچاق ساپلاندی رویالاریما
یوخوم سوروندو سوکاکلاردا
عشقیم دوشوب سیندی کئفلی بیر تانری الیندن
اللریم اوتاندی سویوغوندان سوراحی‌لرین
اوستومه باسا باسا یورودو گئجه‌لر
چیچک‌دن اؤته ضیالی تانیمادیم پولیس بی!..
بیرده اونوتمامیشکن،
و حالا یادیمدایکن؛
شعیر یاخالانارمی پولیس بی؟!
باهار یاخالانارمی؟!..
                            ووقار

بیلدیینیز کیمی شاعیرلرین ایکی دونیاسی وار. بیر ایسته دیکلری دونیادیر. یعنی سوبیئکت دونیادیر. او بیریسی ایسته مه دیکلری دونیا، یعنی اوبیئکت دونیادیر. شاعیر جبرا ایسته مه دییی دونیادا یاشاسادا، او بو دونیانین آدامی دئییلدیر. او، او بیری دونیانین یعنی سوبیئکتینده قوردوغو دونیانین آدامیدیر. و دائم اورالاردان خبرلر و اثرلر وئرر.
بو شعرده بیر پلیس وار، بیر شاعیر. بو پلیس، عادی خیاوان کئشیکچیسی دئییلدیر. بو پلیس، شاعیر ایسته مه دییی دونیانین کئشیکچیسیدیر. شاعیر ایسه، یالنیزجا بیر فرد دئییلدیر. او جمعتینین شاعیریدیر. ضیالیسیدیر. جمعیتینین یئتیردیییدیر. فطری گوره ولیسیدیر. جیرتدانی و هامی یاتیب "من" اویاغیدیر. سیلاحی ایسه، یالنیز دیلیدیر. بو دیل هانسیسا دانیشیق یا شعار دیلی دئییلدیر. هایقیرمیر. باغیرمیر. چاغیرمیر. میتینگلرده کورسولردن سسلنمیر. بو دیل ساده جه اولاراق آنلاتماغا چالیشیر. ایسته دییی دونیانی آنلاتماغا. البت ایسته مه دییی دونیانیدا آنلاتماغا چالیشیر. آما یئنه بو دیل ایله. شعر دیلی ایله. گوزه للیک دیلی ایله. اینسانلیق دیلی ایله. صنعت و یارادیجیلیق دیلی ایله. جمعتین ذووقونو اوخشایان و فیکرینی گلیشدیرن دیلایله. جمعیتی او ایسته دییی دونیایا گوتوره بیلهجک دیلایله. طبیعیدیرکی، بوراسی شاعیرین ایسته مه دییی دونیانین کئشیکچیسی پلیسه خوش گلمییه جکدیر. طبیعیدیر کی، پلیس بو دیلی یاخالایاجاقدیر. آما
"شعر یاخالانارمی پلیس بی؟"
یوخ! شعر یاخالانماز. آما شاعیر؟.. او یاخالانار. دریسی سویولار. دیلی کسیلر. دوستاقلارا آتیلار. سورگونلره سورولر. دوستاق اولار. سورگون اولار. شهید اولار. "شعرینین شهیدی". جمعیتینین شهیدی. ایسته دییی دونیاسینین شهیدی اولار شاعیر.
بو شعرده شاعیر ووقار یالنیز اوزو دئییل. شاعیر ووقار منم، سنسن، اودور. اوتوردوغو یئرده، سوچسوز یئره یاخالانان هر کسدیر. آما بیر شاعیر اولاراق و شعرینین باشاریسینی نظره آلینجا شاعیر ووقار یالنیز اوزودور. و ائله بیر آچیدان روایت ائتمیشدیرکی، او عمومیتی توتا بیلمیشدیر. سانکی هر کسین دیلیندن، هر کسین اوره یینین سوزودور، دئییر.
بیرده کی، دئمک وار دئمک! بو شعرین بیرینجی باشاریسی "روایت آچیسی"نی توتماقدیسا، ایکینجی باشاریسی "نئجه دئمه یی"دیر. ایندی بو نئجه دئمه یی دئتایلاریلا آچیقلاماغا چالیشاجام؛
باخین. دئییر:
"من نه ائتدیم آرتیق پلیس بی؟!"
بو سوزدن سونرا دئدیکلرینی ایکی یئره بولورم؛
بیر ایسته دییی دونیادان بیر شئیلر دئییر، بیر آنلاتیلار وئریر. اورنک اوچون بو دیزه لره دیققت ائدک؛
- بیر ماوی گوی اوزو واردی آغلیمدا
- بیرده بیر اولدوزلو اوزاقلاریم
- بیر یاز سئوداسی/بیر قارچیچه یی بیاضی یئتردی منه
- چیچکدن اوته ضیالی تانیمادیم
بیرده جبرا یاشادیغی و ایسته مه دییی دونیادان بیر شئیلر آنلاتیر. اونودا حله ایسته مه دیینین اوستون وورمایا وورمایا. دیققت ائدک؛
- ایریده باخمادیم آینالارا
- آیاقدا سورومه دیم یالانچی مارتیلارلا
- اوزالتدیغیم الیمه اینه باتیردی گزنه لر( یعنی من اونلاری سئومک ایسته دیم اونلار منی سانجدی. آما یئنه شیکایتچی اولمادیم)

- قورخونج گوزه للیکلردن/و قوتسال شو چیرکینلیکلردن/بیر پیچاق ساپلاندی رویالاریما(من یئنه سوسدوم)
- یوخوم سوروندو سوکاکلاردا(اوستون وورمایم)
- عشقیم دوشوب سیندی کئفلی بیر تانرینین الیندن(گوز یومدوم)
- اوستومه باسا باسا یورودو گئجه لر(دوزدوم، سس چیخارمادیم)
اوستالیغا باخین. ایسته مه دییی دونیادان ائله پیسلیکلر سرگیله ییرکی، پلیسه و جمعیته؛ همده اویله بیر اوستالیقلاکی، پلیس بئله بوتون اقتداریلا اونونده عاجیز قالیر. و جمعیتده نهیین نه یئرده اولدوغونو و هاردان سینیب هاردان سس وئردیینی اولدوغو کیمی باشا دوشور.
یعنی منه بو ظلملر اولا اولا، یعنی من شیکایتچی اولا اولا دئییلم کی، هئچ! حله بیرده اوسته لیک یاخالانیرام!
جالیب بوراسیدیرکی، ایسته دییی دونیاسینداندا ائله بلیرلر وئریرکی، اوردادا یاخاسی اله کئچمیر. یعنی سوچلو ساییلمیر. دئییر؛ من نه ایسته دیم کی، "بیر ماوی گوی اوزو واردی آغلیمدا"! دیققت ائدین. بیر ماوی گوی اوزو بیریسینین آغلیندا اولماقلا، کیمسه یی توتوقلاماق اولماز. دئییر؛ "چیچکدن اوته بیر ضیالی تانیمادیم پلیس بی"! بو سوز پلیس بییه دده یامانیندان پیسدیر. آما عاجیزدیر. کیمسه یی چیچه یی ضیالی بیلدییی اوچون نه توتوقلاماق اولار، نه ده یارقیلاماق! بونلار شاعیر ووقارین باشاریسی و اوستالیغیدیر بو شعرده.
شاعیر هم ایسته دییی دونیادان بیر شئیلر دانیشماییرکی، یاخاسی اله کئچه، همده ایسته مه دییی دونیادان! آما یاخالانیر! گلیر بیر آنلیغا بیر داحا یاپمادیغی هانسیسا بیر ایشینی بیر داحا دوشونور. گورور دوغورداندا بیر ایش گورمه ییب. بیردن یادینا دوشورکی، یالنیز چایی هورتولدادا هورتولدادا ایچیر.
"یالنیز بیر شئی وار آغلیمدا پلیس بی
چایی هورتولدادا هورتولدادا ایچرم
دوغروسو بو سوچمو پلیس بی" -دئیینجه،
بیر چیلغین طنز داماریدا سوزولرینه قاتمیش اولور.و بونونلا هم اوز ضیالیلیغینی بلیرتیر و هم پلیس بییی یاخالادیغیندان دولایی داحادا پیس وضعیتده قویور. باخین ضیالیلار شوخلوقچول و طنز آداملار اولارلار. اولایلار اونلاردان چووخ آشاغیدا دایانارلار. اونا گوره ده ان آغیر شرایطده بئله، اونلار اولایلاری آشاغیلاماغی باشارارلار.
عینی حالدا چووخدا آغیر باشلی اولارلار. اونلار حاق ناحاق محکمهدن قاچمازلار. عکسینه اوزلری گئدرلر. کلفچه سیز گئدرلر. هر تورلو تحقیره باشاردیقجا یول وئرمزلر.
"اؤیله باخما منه پولیس بی!
باخیش‌لاریم زده‌له‌نیر" -دئیینجه، سانکی "منه عادی توتوقلانانلار کیمی باخما" -دئییر. "اذیت اولورام" -دئییر.  بیر داحا او ضیالیلارا عاید توخونولمازلیقلا تحقیر ائدیلمه احتیمالینی اوسته له ییر.
سوندا ایسه، گرچکدن سون قویور! یعنی سوز باجاریغینین سون نقطه سینی قویور! یعنی اصلینده سون قویمور بلکه یئنی بیر افق آچیر پلیس بییین گوزو اونونده! بو افق هم پلیس بیی اوز آراسیندا دوشوندورمه یه وادار ائده جک! همده جمعیتی! همده تاکید ائده ائده!..
"بیرده اونوتمامیشکن
و حالا یادیمدایکن؛
شعر یاخالانارمی پلیس بی؟!
باهار یاخالانارمی؟!.."
گوزه للیک یاخالانارمی؟!
طراوت یاخالانارمی؟!
ماوی گوی اوزو، چیچک یاخالانارمی؟!
....
....

https://t.me/Adabiyyatsevanlar

افراسیاب نورالهی

ووقار نعمتین
"من نه ائتدیم آرتیق پلیس بی؟!"
شعری اوزره:

بو یازینین آردینی ادبیات سئونلر کانالیندا اوخویون.

https://t.me/Adabiyyatsevanlar

یاشاماق عشقی
✍یازان: قافار جفرلی
کؤچورن: سحرخیاوی
حاضیرلایان: ادبیات سئونلر

دوز گؤزومون ایچینه باخیردی. گؤزلرینده‌کی ایسته‌یی دیپ- دیری، قایغیلی، بیرآز دا مایوس حالدا گؤردوم. بو ایستک‌له چوخدانین تانیشلاری اولدوغوموز اوچون محرم آداملار کیمی باخیشیردیق.
حالیمدان آنی‌دن توتولدوم و غیری- اختیاری باشیمی آشاغی دیکدیم. اوره‌ییم سودان چیخمیش بالیق کیمی چیرپینیردی.
" گؤره‌سن نه‌سه حیس ائدیب؟ یوخ، حیس ائده بیلمز، خبر توتماغی مومکونسوزدور.
مناسبت‌ده ده هئچ بیر غریبه‌لییه، شوبهه‌یه یول وئرمه‌میشم. یوخ، بیلمیر... بس بیلمیرسه، گوزلرینده‌کی بو قایغی، ناراحاتچیلیق نه‌دن دیر؟ نه ایسه اوره‌ییم ناراحات دیر. آخی قادینلار بو مسئله‌ده چوخ حساس اولورلار".
تئز باخیشلاریمی تاواندا، سونرا قارشیمدا‌کی آرمودو استکانداکی چایدا، گیلاس مورابباسیندا گزدیریب اونا، منیمله ماسا اطرافیندا اوز به‌ اوز اوتوران جمیله‌یه زیلله‌دیم. همین جمیله ایدی، منه عزیز، دوغما اولان، عؤمرون اوتوز بئش ایلینی بیر جاندا یاشادیغیمیز جمیله...

بو یازینین آردینی ادبیات سئونلر کانالیندا اوخویون.

https://t.me/Adabiyyatsevanlar

‌
یاشاماق عشقی
✍یازان: قافار جفرلی
کؤچورن: سحرخیاوی
حاضیرلایان: ادبیات سئونلر

دوز گؤزومون ایچینه باخیردی. گؤزلرینده‌کی ایسته‌یی دیپ- دیری، قایغیلی، بیرآز دا مایوس حالدا گؤردوم. بو ایستک‌له چوخدانین تانیشلاری اولدوغوموز اوچون محرم آداملار کیمی باخیشیردیق.
حالیمدان آنی‌دن توتولدوم و غیری- اختیاری باشیمی آشاغی دیکدیم. اوره‌ییم سودان چیخمیش بالیق کیمی چیرپینیردی.
" گؤره‌سن نه‌سه حیس ائدیب؟ یوخ، حیس ائده بیلمز، خبر توتماغی مومکونسوزدور.
مناسبت‌ده ده هئچ بیر غریبه‌لییه، شوبهه‌یه یول وئرمه‌میشم. یوخ، بیلمیر... بس بیلمیرسه، گوزلرینده‌کی بو قایغی، ناراحاتچیلیق نه‌دن دیر؟ نه ایسه اوره‌ییم ناراحات دیر. آخی قادینلار بو مسئله‌ده چوخ حساس اولورلار".
تئز باخیشلاریمی تاواندا، سونرا قارشیمدا‌کی آرمودو استکانداکی چایدا، گیلاس مورابباسیندا گزدیریب اونا، منیمله ماسا اطرافیندا اوز به‌ اوز اوتوران جمیله‌یه زیلله‌دیم. همین جمیله ایدی، منه عزیز، دوغما اولان، عؤمرون اوتوز بئش ایلینی بیر جاندا یاشادیغیمیز جمیله.
ساچینداکی حنانین رنگی سولدوغوندان آلین و قولاقی اطرافی یئرلرده آغ توک‌لر دیققتی اؤزونه چکیردی.
خیاللار منی کئچمیشه ساری دارتیب آپاردی. جمیله‌نی سئویب ائولنمه‌میشدیم. ایندی کی جاوانلار بونو بیلمز. کئچمیش ایللرده والدین‌ین بَیَندییی قیزلا ائولنمک مجبوریتینده ایدین.
باشقالاریندان فرقلی اولاراق ائولنه‌جه‌ییم قیزلا هئچ اولماسا، بیر- ایکی دفعه گؤروشمک ایسته‌ییم قیز ائوینده رغبت‌له قارشیلانماسا دا، سوندا قبول ائدیلدی. بو سببدن جمیله ایله ایکی دفعه شهرین مختلف یئرلرینده گؤروشدوک. هر دفعه‌سینده گؤروش، دنیز کناری پارکدا گزینتی‌دن سونرا سونا چاتدی. ائله اورادان دا تاکسی‌یه مینیب جمیله‌نی ائولرینه کیمی اؤتوردوم. آللاهین اینسانا بخش ائتدییی گؤزللییین هر اوچونو: سسی، گؤرکمی و اخلاقی خوشوما گلدی. و بودور عؤمروموزون دؤردونجو اون ایل‌لیینه یاخینلاشیریق".
- آی قریب، اوشاقلاردان نه خبر؟
جمیله‌نین غفیل سسی منی خیاللاردان آییردی. چای دولو استکانی الیمه گؤتوروب آستاجا بیر- ایکی قورتوم ووردوم. " اوشاقلار، اوشاقلار... بونون دردی یالنیز اوشاقلاردیر. اوشاقلار اولاندان سونرا من یاددان چیخدیم، من یوخ اولدوم بو ائودن. ایکی اوغلو، ایکی قیزی بؤیویوب ائو- ائشیک صاحیبی ائتسک ده، دردسرین یالنیز اونلار اولوب، سون بیر نئچه ایلده ده نوه‌لرین. اونوتدون منی جمیله. نئجه یاشادیغیمی بیلمه‌دین".
- سالاماتلیق‌دیر،- کؤنولسوز جاواب وئردیم.
سئوینجک سسی ائشیدیلدی: دؤرد ایل دیر، حتا نوه‌لرله ده دانیشمامیشام. یاخشیدیرلار؟
استکانی نعلبکی‌یه قویدوم. اوزونه باخمادان ساغ الیم‌له سول الیمین بیلنگی‌نی تومارلاماغا باشلادیم. سون بیر آی‌دا اوردا کی آغری‌نین منی چوخ ناراحات ائتدییینی جمیله ده بیلیردی.
-" نسل‌ده بیر آدام ساخلاماییب دانیشماسین. بوتون گونو بئینین‌ده اوشاقلاری، نوه‌لری دیر. من باشی‌داشلی اورتالیقدا قالمیشام. آرتیق آتیلمیشا یاخینلاشیرام. عؤمرومدن نه قالیب کی؟ یئتمیش یاشایانی بارماقلا گؤستریرلر.
آللاه منی تزه‌دن بو دونیایا قایتاراجاق کی، یئنه یاشاییم؟ ائه... باخ، بیرآزدان اونلارین ایستک‌لرینی دئیه‌جک: فلان اوشاغا بو لازیم دیر، فلان نوه‌یه او."
- لاپ یاخشی،- دئدیم.
- یاخشیدیلار، هه، ناراحات اولما، - گوله- گوله سؤزونه داوام ائتدی.- آیدان قیزیمیز یئنه حامله‌دیر، بیر- ایکی گونه یئددینجی آیا کئچه‌جک.
تورشودان، دوزا قویولموش میوه‌دن ایسته‌دی. یئنه بابا اولاجاقسان، آی قریب.
- دوروب چایداندان اؤزونه چای سوزوب اوتوردو و در حال دا سؤزونه داوام ائتدی.
- گولَرین یولداشی هله اعزامیت‌دن قاییتماییب. گرک یاغدان، بالدان، میوه‌دن آلیب اوشاقلار اوچون آپاراق.
" دوغرودان دوز دئییب‌لر کی، ائولی‌لییه قدر شعرله یازیلیر، تویدان سونرا نثرله. یقین کی، نثر یازماغین داها آغیر، داها مشققت‌لی اولدوغونو دوشونوبلر. باخ گؤر نئجه یانا- یانا دانیشیر.
بیرجه کلمه اؤز حیاتیمیز، اؤز ایسته‌ییمیز باره‌ده سؤز آچمیر. هئچ ائله بیل بیز موجود دئییلیک!"
- آسلان دئدی کی، آلتی- بازار اوشاقلاری گؤتوروب بیزه گله‌جک. گرک یاخشی بازارلیق ائده‌سن.
" اینانمیرام، آسلان ایسته‌سین، یقین کی اؤزو چاغیریب. بو اینسان راحاتلیغی بوندا گؤرور. نییه بیزیم خانیملار بئله اولور؟ سئوگی، محبت اوشاق اولانا، ان یاخشی حالدا ایسه نوه دونیایا گله‌نه‌جک‌ دیر.
بوندان سونرا، کیشی سن ساغ، من سالامات. اؤزو بوجور یاشاماق ایسته‌ییر، بس بلکه من بوجور یاشایا بیلمیرم. آخی، من ده اینسانام. من کیشی‌یم. منیم ده دوشونجه‌لریم، حیس‌لریم، آرزو- ایستک‌لریم وار. نییه ده اولماسین؟ آخی من ده اوز حیاتیمی یاشاماق ایسته‌ییرم. بونو نییه آنلامیرسان جمیله؟"

فیکیرلریم ایچیمی کسیب دوغرواییردی. جمیله‌نین سسی یئنه قولاقلاریما دولدو:
- هونرله دانیشاندا قیزی جمیله تئلفونو گوجله آتاسیندان آلدی. - سئوینجدن سسی ایشیق ساچیردی. - بیلیرسن نه دئدی؟ دئدی کی: ایکی گونه اون یاشیم تامام اولاجاق. سن ده، بابا دا منیم هدیه‌می گتیرمه‌لیسیز.
دئدیم کی: بیزیم جانیمیز دا سنه قوربان دیر.
" باخ، بونو دوز دئییبسن. اونسوز دا بیز والدین‌لر اولادلارا قوربان گئدیریک.
بیری من، بو آیین پروگرامی آرتیق حاضیر دیر و بو ایللرله داوام ائدیر‌. گرک ماشینلا ائو- ائو گزک کی، اوشاقلارین، نوه‌لرین کؤنلو شاد اولسون.
مگر من ائله بو اوچون می لازیمام؟! ائه، آی جمیله، نه اؤزون یاشاییرسان، نه ده منی یاشاماغا قویورسان."
جمیله‌نین شاقراق گولوشوندن اوتاقدا کی سوبانین شوشه‌لری جینگیلده‌دی:
- گرک او شیطان اوچون یاخشی هدیه آلاق. گلن آیین اوّلینده ده بؤیوک نوه‌میز مورادین آد گونودور. آتاسی دا بوردا یوخدور. اونون اوچون ده بابات هدیه آلمالی‌ییق،- دئییب گؤزلریمه زیللندی. باشی آشاغی حالدا میزیلداندیم:
- اینشاللاه.
ساعاتا باخدیم، آلتی‌یا بئش دقیقه قالیردی. پاییزین اوچونجو آیی باشلادیغیندان گونلر تامام قیسالمیشدی.
بیر طرفدن بو منیم ایشیمه یاریییردی. سببی ایسه منه چوخ عزیز، چوخ دوغما ایدی. سون ایکی ایلده تانیش اولدوغوم، سون ایکی آی‌دا ایسه داها چوخ یاخین اولدوغوم، حیاتی منیم اوچون زینت‌لندیرن، منه سئودیرن اولکریم‌له باغلی ایدی. بیر هفته اوّل ایلک دفعه اونو اؤپدوم. ایلاهی من نئجه خوشبخت ایدیم. بو یاشدا کیشی‌یم، اؤپوش واختی بوتون بدنیمی اسمه‌جه توتموشدو. تیر- تیر اسیردیم. یاخشی کی اوتانماغیما امکان وئرمیردی. آرامیزدا معین یاش فرقی اولسا دا، اونو سزدیرمه‌میه چالیشیب، حتا بوتون طبیعی بیر حیس اولدوغونو دئمک‌له دونیانین سئوینجینی منه یاشاتدیغی‌نین فرقینه، یقین کی اؤزو ده وارمادی.
غیر عادی الیم پئنجه‌یی‌مین دؤش جیبینه گیردی، موبایلیمی چیخاردیب واتساپدا یازیشمالارینا باخدیم.
اولکری آختاردیم. " عزیزیم ساعات 7-ده همین یئره گله‌رم".
جمیله‌نین:" آی قریب" - سسینه دیکسیندیم. باخیشلاریمیز آنی‌دن توققوشدو. حیس ائتدیم کی، گؤزلریمده کی نیگارانچیلیغی گیزلَده بیلمه‌دیم. قادین حساسلیغی در حال گؤروندو.
- نه اولوب سنه؟ نییه بکئفسن؟
- هئچ.
دیققت‌له منی سوزدو. یئنه باشیمی آشاغی دیکدیم. "- نه دئییم آی جمیله؟ دئییم کی بو حالا دوشمه‌ییمده گوناهکار سنسن؟ دئییم کی من بوجور یاشایا بیلمیرم؟ من ده قادین نوازیشی، قادین سیغالی ایسته‌ییرم؟ من ده قادینی سینه‌مه سیخیب دویونجا اؤپمک، اونو سئومک، اونو اوخشاماق، اونو عزیزله‌مک ایسته‌ییرم؟ آخی سئوگی حیسی یاشا دئییل، روحا باغلی دیر؟!"
- عزیزیم اؤزونو داریخدیرما. اوشاقلارا بیرآز دستک لازیم دیر، سونرا هر شئی یاخشی اولاجاق. بو دقیقه سنین اوچون یئمک حاضیرلاییب گتیریرم. بیلیرم کی آجسان،- دئییب جلد آیاغا دوردو، مطبخه طرف آددیملادی‌
-" دستک قورتاران دئییل، جمیله. بیرآزدان نوه‌لرله، یاشایاسی اولساق، نتیجه‌لرله لازیم اولاجاق. و بیز ده سون نفسیمیزده، بو دونیا ایله وداعلاشاندا اولوب، کئچن‌لره پئشمان اولاریق. اوندا دا چوخ گئج اولاجاق. بلکه ده قیسمتیم بئله‌دیر، بیلمیرم.
آمما اونو بیلیرم کی، کیمسه منی گؤزله‌ییر. مندن ده چوخ داریخیر، مندن ده چوخ انتظار چکیر. اونون دا بختی بد گتیریب، بیر قیز اوشاغی ایله طالعین اومیدینه قالیب.
اونو یاشاتماقلا بلکه ده آللاه گوناهلاریمدان کئچر. بو قادین سان کی حیاتیمین بوش قالمیش خانالارینی دولدوردو. هر گون، هر ساعات منی سونسوز سئوگی ایله گؤزله‌ییر، لاپ ائله " قارا پالتارلی قادین" اولسا دا.
باغیشلا منی جمیله، من گئتمه‌لی‌یم. اولکریم‌له اوز دونیامیزدا بیر- ایکی ساعات دا اولسا، یاشاماق اوچون گئتمه‌لی‌یم."
- گؤر سنین اوچون نه لذتلی یئمک گتیرمیشم. یئه چایینی دا وئریم. بیرآز راحاتلان.
- اشتهام یوخدور.
اؤزومدن آسیلی اولمایاراق بو ایکی کلمه سؤز ایچیمی یاندیردی. حتا کؤورلدیم ده.
باجاریب تئز اؤزومو کنارا چکدیم. اصلینده سون آی‌دا بونا اوخشار حالیمی جمیله، بیر- ایکی دفعه گؤرموشدو.
دوزدور، دیره‌شیب سببینی سوروشمامیشدی، آمما قادینلاردا اولان گوجلو حیسیاتا اساسلانسام، منیم‌له نه‌سه باش وئردییینی دویموش اولاردی. اوزومه وورمامیشدی. قراریم بو ایدی کی، اگر سوروشسا، هر شئیی دانیشیم. ایستر کیشی‌لرین، ایسترسه ده قادینلارین ائودن اوزاقلاشمالاری‌نین سببکاری، عکس طرفین اولدوغونو دییردیم. هئچ کیم بونو دانا بیلمز. بو اولمادی و من بو سؤزلری جمیله‌یه دئمه‌دیم. دئسه‌یدیم نه اولاجاقدی، بیلمیرم.
هر حالدا قانی‌قاراچیلیق سؤزسوز ایدی. بلکه ائله بوجور داوام ائتمه‌یی یاخشی دیر. بیلمیرم...تامام گیجه‌لیب قالمیشام.

جمیله ایستولو یانیما چکدی. سول الیمین آغرییان یئرینی سیغاللاماغا باشلادی.
همین واخت اوره‌ییمین آغریسی قات- قات چوخ ایدی. جمیله‌نین کؤورک سسی باشیمدان گیریب، آیاقلاریمدان چیخیردی.
- قریب، عزیزیم، نییه داریخیرسان؟ شوکور آللاها، هر ایشیمیز قایداسیندا دیر. دوغرودور اوشاقلارا، نوه‌لره گؤره بیرآز ناراحاتچیلیغیمیز وار، او دا دوزه‌له‌جک. من یازیق نئیله‌ییم؟
جمیله‌نین سون جومله‌سیندن ائله قهرلندیم کی، سان کی بو دقیقه اوره‌ییم آغزیمدان چیخاجاقدی.
گؤزلریمین یاشاردیغینی آچیق- آشکار گؤردو، اؤزو ده دولوخسونموشدو.
- عزیزیم، بیلیرم کی صحتینده خیردا- پارا پرابلئم‌لرین وار، داریخما، کئچیب گئدر. سنین اوچون هر شئیین یاخشی اولماسینی ایسته‌ییرم. نه دردین وار، منه دئه، بیر چاره قیلاق.
"- نه دئییم، نئجه دئییم، جمیله؟ اوره‌ییمی یئریندن چیخاریب سنه گؤستره بیلمیرم آخی؟ من میراث قالمیش عادتلری، عنعنه‌لری قبول ائده بیلمیرم. من اینسان کیمی اؤز حیاتیمی یاشاماق ایسته‌ییرم.
نییه آللاهین بخش ائتدییی او مقدس حیس‌لریمی گیزلدیم، اونلاری یاشایا بیلمه‌ییم؟ اینان منه، اولکردن سونرا بو حیاتی داها چوخ سئومه‌یه باشلادیم. بونو آخی سنه نئجه دئییم؟ گؤرمورسن کی، ایچیمده یانیب کول اولورام؟"
بئینیمدن پوسکورن بو فیکیرلردن هؤللو آیاغا دوروب پنجره اؤنونه کئچدیم. جمیله‌نین سسیندن بوتون بدنیم گیزیلده‌دی.
- عزیزیم، بلکه چؤله چیخیب هاوانی دییشه‌سن؟ بیرآز گَز، دولان، دوستلارینا گؤروش، اؤزونه گَل، قاییت ائوه.
جمیله‌یه ساری دؤندوم. گؤزلرینده‌کی اضطراب، کدر بیر آنلیق قانیمی دوندوردو. آمما من گئتمه‌لی ایدیم.
- یاخشی، گئدیرم. بیرآزدان قاییدارام.
اولکریم‌له گؤروشه دقیقه‌لر قالیردی.

سون
https://t.me/Adabiyyatsevanlar

چای چای
اوخویور: آیناز رحیم زاده

https://t.me/Adabiyyatsevanlar

نادر الهی
قاییت بیرده اوشاق اول

https://t.me/Adabiyyatsevanlar

اوشاق ادبیاتی
اوشاق ادبیاتی هرهفته پنجشنبه گونو ادبیات سئونلر کانالیندا،
اوشاق ادبیاتینا دایر یازیلارینیزی بیزه گوندرین.


https://t.me/Adabiyyatsevanlar

اوشاق ادبیاتی

آيی و سیچانین ناغیلی

بيرآيی راحاتجا ياتميشدی.
اوْ، اوزانيب ايستراحت ائدركن  بيرسيچان گزه - گزه  گليب اوستونه  چيخدی .
آيی يوخودان  اوياندی .
اَل آتيب سيچانی توتدو .
سيچان آيی يا  يالواریب  دئدی :
- سن گَل مني بوراخ، يئری دوشنده منده عوضينی  چيخارام .
آيي گوله - گوله دئدی :
- سن منه‌ نه ياخشيليق ائده بيلرسن؟
سونرا اوُ، سيچانی  بوراخدی.
بير اوْوچو (شكارچي ) مئشه ده  تور  قورموشدو .
آيي همين تورا  دوشدو .
نه قدر  اَللشدی سه ده   توردان  خيلاص  اولا بيلمدی .
آيی نعره  چكيب فغان  ائتدی .
گؤزلرينين ياشي سئل كيمی  آخدی  واونون  توردان  خيلاص  اولماغا  هئچ بير  اوميدی يوخ ايدی .
سيچان آيينين آه - ناله سيني  ائشيتدی .
بيلدی كی،آيی تله يه دوشوب .

 اوْ، تئز اؤزونو  اورايا   چاتديردی .
گليب  ايتی  ديشلری ايله  تورو   كسدی .
آيينی  خيلاص  ائتدی .
آيی  دئد : قالميشديم  قمده،ياخشيليق  ايتمزايميش  عالم‌ده .

https://t.me/Adabiyyatsevanlar

اوشاق ادبیاتی

۲۴ ساعات یوخویلا آییق‌لیقدا ۳

یازار: صمد بهرنگی
چئویرن: منیژه جم‌نژاد

🐫 ماحمودون الی چوخ پیس گلمیشدی؛ دئدی: تاس اویناماق دا بسدی. میخ دوواری اوینیاق. قاسم دئدی: لطیف، گئنه بو سؤزلرین‌له اویونو قاتما. سونرا هامیا دئدی: کیم آتیر؟ کورگوَز دئدی: تک اؤزون آت. بیز میخ‌دوواری اویناییریق. زیورین اوغلو قاسما اشاره ائلییب دئدی: بونونلا تاس آتماغین فایداسی یوخدوز. ائله بئش، آلتی گتیریر. شیر من خط آتاق. احمدحسین دئدی: اولسون. ماحمود دئدی: یوخ میخ‌دوواری. خیاوان خلوت‌له ییردی. اؤنده کی توکانلاردان نئچه‌سی باغلامیشدی. باشلانیش دا هره‌میز بیردانا بیرقیرانلیق آرخین قیراغیندان دووارا ساری آتدیق. هله سکه‌لر دووار دیبینده‌یدی احمدحسین باغیردی: آژان!...آژان الینده باتوم ایکی- اوچ آتدیم بیزله آرالی ایدی. من، احمدحسین، گؤزوکؤر اکیلدیک. ماحمودلا زیورین اوغلو بیزیم دالیمیزجا اکیلدیلر. قاسم پول لاری دووار دیبیندن ییغماق ایسته‌دی، آژان یئتیردی. قاسم باتوم ووروشوندان چیغیریب قاچدی. آژان دالیسی جا چیغیردی:
بو یازینین آردینی ادبیات سئونلر کانالیندا اوخویون.
https://t.me/Adabiyyatsevanlar

اوشاق ادبیاتی

۲۴ ساعات یوخویلا آییق‌لیقدا ۳

یازار: صمد بهرنگی
چئویرن: منیژه جم‌نژاد

🐫 ماحمودون الی چوخ پیس گلمیشدی؛ دئدی: تاس اویناماق دا بسدی. میخ دوواری اوینیاق. قاسم دئدی: لطیف، گئنه بو سؤزلرین‌له اویونو قاتما. سونرا هامیا دئدی: کیم آتیر؟ کورگوَز دئدی: تک اؤزون آت. بیز میخ‌دوواری اویناییریق. زیورین اوغلو قاسما اشاره ائلییب دئدی: بونونلا تاس آتماغین فایداسی یوخدوز. ائله بئش، آلتی گتیریر. شیر من خط آتاق. احمدحسین دئدی: اولسون. ماحمود دئدی: یوخ میخ‌دوواری. خیاوان خلوت‌له ییردی. اؤنده کی توکانلاردان نئچه‌سی باغلامیشدی. باشلانیش دا هره‌میز بیردانا بیرقیرانلیق آرخین قیراغیندان دووارا ساری آتدیق. هله سکه‌لر دووار دیبینده‌یدی احمدحسین باغیردی: آژان!...آژان الینده باتوم ایکی- اوچ آتدیم بیزله آرالی ایدی. من، احمدحسین، گؤزوکؤر اکیلدیک. ماحمودلا زیورین اوغلو بیزیم دالیمیزجا اکیلدیلر. قاسم پول لاری دووار دیبیندن ییغماق ایسته‌دی، آژان یئتیردی. قاسم باتوم ووروشوندان چیغیریب قاچدی. آژان دالیسی جا چیغیردی: قمار باز دارقاشاییردلار!...ائو -حایاتینیز یوخدور؟ دده‌-ننه‌نیز یوخدو؟  سونرا اییلیب بیر قیرانلیقلاری ییغیب  گئتدی. دورد یول‌دان کئچینجه تک قالدیغیمی گؤردوم. اوتایدا کی چلوکباب‌چی باغلییدی. یوبانمیشدیم. چلوکبابچی‌نین شاییردی دمیرقاپینی یاریاجا آشاغی چکنده، آتامین یانینا قاییتماق واقتیم ایدی. خیاوانلاردان، دؤرد یوللاردان یئیین کئچدیم، اؤز یانیمدا دئدیم: " دا ایندی آتام دو٘شوب یاتیب. کئشگه منی گؤزله‌یه....یقین ایندی دا دو٘شوب یاتیب." سونرا گئنه اؤز اؤزومه دئدیم: " اویونجاق توکانی نئجه؟ اودا باغلییب دا. گئجه نین بو واقتی کیمین اویونجاق آلماغا حوصله‌سی اولار؟... کسین منیم دوه‌می‌ده توکانین ایچینه تپیب، قاپینی دا باغلییب گئدیبلر... کئشگه دوه‌مله دانیشا بیلسه‌یدیم. قورخورام دونن گئجه قویدوغوموز قرار یادیندان چیخسین. یانیما گلمسه؟...یوخ. حتمن گلر. اؤزو دئدی صاباح گئجه گلرم سنی میندیریر، گئدیب تهرانی گزه‌ریک. دوه‌یه مینمه‌نین ده کئفی وار ها!...بیردن ترمز سسی قووزاندی، قالخدیم گؤیه، دئدیم به تشریفیمی آپاردیم.  خیاوانین آراسیندا یئره دو٘شورکن بیرماشین لا تصادف ائله‌دیییمی آنلادیم آما بیر شئی اولمامیشدی. بیله‌ییمی اوووردوم بیری باشینی ماشیندان چیخاردیب دئدی: دی ماشینین اؤنوندن ایتیل!... مجسمه دئییلسن کی. من بیردن اؤزومه گلدیم. بزه‌کلی قوجا بیرآرواد فرمان دالیندایدی، یئکه بیرایت ده چونبلنتی قوروب اوتورموش، ائشییی گو٘دوردو. ایتین بوینونون خالتاسی پاریلدیردی. بیردن حالیم بیرجور اولدو، دئدیم به ایندیجه بیرایش گؤرمه‌سم، مثلا ماشینین شوشه‌سی‌نی سیندیرماسام، حیرصیمدن پاتلاییب، دا بیرده یئریمدن ترپشه‌ بیلمه‌یه‌جه‌یم. قوجا آرواد بیر- ایکی سیگنال دا چالدی گئنه دئدی:  کارسان اوشاق؟ ماشینین قاباغیندان ایتیل!... بیر- ایکی ماشیندا گلیب یانیمیزدان کئچدی. قوجا آرواد بیر سؤز دئمک اوچون باشینی چیخاردی، من برکدن او٘زونه توپوردوم، نئچه یامان دا دئییب، یئیین اوزاقلاشدیم. بیرآز گئتدیم، باغلی بیر تو٘کانین سکی‌سینده اوتوردوم، او٘ره‌ییم تاپباتاپ ووروردو. توکانین باجا- باجا دمیرقاپیسی واریدی. ایچری ایشیق ایدی. شوشه دالیندا جور به جور باشماقلار قویموشدولار. بیر گون آتام دئییردی، بیز اون گونلوک پولوموز لا دا بیرجوت بو باشماقلاردان آلا بیلمه‌ریک. باشیمی قاپیا دایادیم، آیاقلاریمی اوزاتدیم. بیله‌ییم هله‌ده آغریردی، او٘ره‌ییم دیدیلدی، هله چؤرک یئمه‌دیییم یادیما دوشدو. اؤز یانیمدا دئدیم: "بو گئجه آج یاتمالیام، کئشگه آتام بیرشئی ساخلاسین..." بیردن دوه‌مین بوگئجه گلیب منی میندیریب گزمه‌یه آپاراجاغی یادیما دوشدو. آتیلدیم یئیین یولا دو٘شدوم. اویونجاق ساتان تو٘کان باغلی‌ایدی، آما اویونجاقلارین سسی باغلی قاپی‌دان گلیردی. یوک آپاران  قاطار  تالاق-تولوق ائلیر، فیشقا چالیردی. یئکه آیی سانکی مسلسلین دالیندا  اوتورموش پادار گولله آتیر، گوزل، نازلی قولچاقلای قورخودوردو. میمونلار بوردان اورا آتیلیر، گاه‌دا دوه‌نین قویروغوندان آسلانیردیلار، دوه آجیقلانیب های سالیردی، یامان- یووز دئییردی. یئکه قولاقلی ائششک دیشلرین قیجیردادیب، آنقیریردی، آیی‌بالالارینی، قولچاقلاری، دالینا میندیریب یوگوروردو. دوه دووار ساعاتینا قولاق یاتیرتمیشدی. بیرینه سؤز وئرمیش کیمی. اوچاقلار، هلیکوپترلر هاوادا دولانیردیلار. توسباغالار قین لاریندا هوشلانیردیلار. قانجیق‌لار بالالارینا سود وئریردیلر. پیشیک سبدین آلتیندان گیزلیجه یومورتا چیخاریردی. دوشانلار تعجب له اوتای جاماکی‌دا اووچویا باخیردیلار. قارامیمون منیم  همشه جام‌دالیندا اولان دوداق قارمونومو قالین دوداقلارینا چکیب جور به جور گؤزل سسلر چیخاریردی.
آردی وار...

https://t.me/Adabiyyatsevanlar

اوشاق ادبیاتی
چومچه خاتین

اوشاق ادبیاتی هرهفته پنجشنبه گونو ادبیات سئونلر کانالیندا،
اوشاق ادبیاتینا دایر یازیلارینیزی بیزه گوندرین.


https://t.me/Adabiyyatsevanlar

اوشاق ادبیاتی


https://t.me/Adabiyyatsevanlar

اوشاق ادبیاتی

https://t.me/Adabiyyatsevanlar