نصرت_کسمنلی

نئجه سن

حسرت اوره ییمی اوشودور منیم  
باری خبر گؤندر بیلیم نئجه سن؟
چاغیر قانادلانیب یانینا گلیم
بیلیم کی آی عؤمروم-گونوم نئجه سن؟

آرایا گؤر نئچه دره-داغ دوشوب
قیسمته حسرتلی یاشاماق دوشوب
بیزه سئوه-سئوه آیریلماق دوشوب
هارداسان آی نازلی یاریم نئجه سن؟

بو یاغیش اوردا دا بئله جه یاغیر
چوخالیر کدریم هر گئجه دوغور
آدیمی بیر دفعه اوجادان چاغیر
یویوروب یانینا گلیم نئجه سن؟

بولاقلار یانغینی سؤندورن دئییل
لال قایا دردینی دیندیرن دئییل
آخی، حسرت سنی اؤلدورن دئییل
گلیم،قوجاغیندا اؤلوم،نئجه سن...

https://t.me/Adabiyyatsevanlar

یعقوب_نامی

مین رنگه چالیر آی‌ایشیقی بو گئجه
کیمیسینه ماوی
سنه بیاض
اونلارا قره‌قورخولو سیاه
منه یام یاشیل.
حیرته دالیب باخیشلار
حسرته دولوب گؤزلر
سن وارسان، هریان یاشیل
سن وارسان دنیزلر ماوی
گؤیلر ماوی
سن وارسان بیاضلارا بویانیب دنیا
سن اولماسان
قره‌قورخولار آت اویناداجاق گئنه‌ده
اول‌کی
قیزلاریمیز الوان گئیینسین
گلینلریمیز قیرمیزییا بورونسون
آنالار آغ‌کؤینکلرینه چؤهرایی گوللر اکسین
بالالاریمیز اتک-اتک گول درسین،
چیچک قوخلاسین
گونه باخانلاریمیز سحرین گونشینه اویانسین
تکی سن اول، یئتر دنیا منه

https://t.me/Adabiyyatsevanlar

بایرام اوستاد شهریارین حیدر باباسیندا

بایرام یلی چارداخلاری ییخاندا
نوروز گلی ، قارچیچگی چیخاندا،
آغ بولوتلار کوینکلرین سیخاند
 بیزن ده بیر یاد ایلیه ن ساغ اولسون
 دردلریمیزقوی دیکلسون داغ اولسون.

بایرامیدی ، گئجه قوشی اوخوردی،
آداخلی قیز بیک جورابین توخوردی،
هرکس شالین بیر باجادان سوخوردی
آی نه گوزل قایدادی شال ساللاماق!   
بیک شالینا بایراملیغین باغلاماق!
شال ایستدیم منده ائوده آغلادیم،
بیر شال آلیب تئز بئلیمه باغلادیم،
غلام گیله قاشدیم شالی ساللادیم،
فاطمه خالا ، منه جوراب باغلادی ، 
خان  ننه می ، یادا سالیب آغلادی،
  
بایرام اولوب ، قیزیل پالچیق ازللر،
ناقیش ووروب، اتاقلاری بزللر،
طاقچالارا دوزمه لری دوزللر،
قیز-گلینین فندقچاسی، حناسی،
هوسلنه ر آناسی ،قاینانسی،

https://t.me/Adabiyyatsevanlar

باغچامیزا گلدی باهار، یاشیل شالی سردی باهار...


https://t.me/Adabiyyatsevanlar

باغچامیزا_گلدی_باهار

موسیقی :«سعید_روستموف»
سؤز :«ایسلام_صفرلی»
اوخویور:«جابیر_عابدوللایئف»

https://t.me/Adabiyyatsevanlar

اولدوزلار، باخيشلار

حسن ریاضی ( ایلدیریم )



گئجه
بولود ايچيندن
اولدوزلار چيخير، باتير.
خياليمداكي گؤزلر
اويانير، باخير، ياتير.
ايشيقلار گؤيده سوزور
باخيشلار خياليمدا.
تورانلي گؤزلريمده:
خيال‌لاشير بولودلار
بولودلاشير خياليم .
اولدوزلار گؤزه دؤنور
باخيشلارلا اولدزلار اوره یيمه داراشير .

گؤي اوزو چيچك- چيچك
چيچك‌لردن قان دامير
خياليمداكي گؤزلر
چيچك‌لره بويلانير.
حسرت ناخيشلي گؤزلر
پاييزلی  قيشلي گؤزلر
ساريلير اولدوزلارا
شيمشك چاخيشلي گؤزلر
قارتال باخيشلي گؤزلر
سريلير اولدوزلارا.

بولودلو خياليم
خياللي بولودلار
چالخالانير دنيز كيمي
دالغالاري باخيش- باخيش
ماياقلاري اولدوز- اولدوز
يئر- گؤي آراسي دنيز
اوره یيم قيزيل گمي،
دويغولارسا يئلكنيم
گميمه غم قالانير
قيزيل گمي ييرقالانير
دنيز هئي دالغالانير
دنيز هئي دالغالانير


https://t.me/Adabiyyatsevanlar

سن، منیم ایچیمده

« حسن ریاضی» ( ایلدیریم )

سن
منیم ایچیمده اویویان بولوت‌سان؛
اویاناندا
تورپاق یاشیللانار،
اویویاندا
سونبول‌لر، گول‌لر یانار.

سن
منیم ایچیمده اویویان حسرت‌سن؛
اویاناندا
باخیش‌لاریم مفتیل‌‌لری قیریب کئچر،
اویویاندا
دورنالار قارانقوش‌لار له‌لک تؤکر.

سن
منیم ایچیمده اویویان فیرتیناسان؛
باغیرسان داغ‌لار دیسکینر،
سوسان دنیزلر کوسر.

سن منیم ایچیمده اویویان آرزوسان؛
اویانسان
اوشاقلار قوشلارا قوشولوب اوچوشار،
دونیا باشقالاشار.

سن
منیم ایچیمده اویویان من‌سن؛
اویانسان
هردوداقدان بیر نغمه قوپار،
هر باخیشدان بیر گؤیرچین اوچار،
سؤزلرده بولاق‌لار جوشار.

سن اویاناندا،
آغ کاغیذدان
شعرلر
منه ساری
بویلانار!

https://t.me/Adabiyyatsevanlar

«بهروز دولت آبادی» 1399 -1317/7/9


https://t.me/Adabiyyatsevanlar

اوخو شعیریم
سس و سوز ؛ هاشیم ترلان

https://t.me/Adabiyyatsevanlar

بئله قرارا گلمیشدیک بو گون کئچن ایل کیمی ادبیات سئونلردن، قلم اهلیندن، حیاتا گؤز یومان شاعیرلردن، دوستلاردان شعیر، شکیل نشر ائده ک ... ایکی اوچ نفر پایلاشمامیشدیق گؤز یاش‌لاری امان وئرمه‌دی
هر شاعیر، یازیچی، صنعت آدامی حیاتا گؤز یوماندا سانکی سما قوش‌لاریندان،
بولودلاریندان سویونور، ایشه باشلامامیشدان خاطیره‌لر سنی اؤز دونیاسینا چکیر و سن اولدوغون یئرده دونورسان سس سیز، سمیر سیز....
گلین آدلارین چکیب ابدی خاطیره‌لرینه عشق اولسون دئیک.
اوستاد بهزاد بهزادی: مباریز یازیچی، دیلچی عالیم، ژورنالیست...
عزیز محسنی:  مباریزشاعیر ، یازیچی ،مترجم
مظفر درفشی: مباریز شاعیر، اجتماعی خادیم
هاشم ترلان: مباریز شاعیر ،یازیچی، اجتماعی خادیم
بهروز دولت آبادی : مباریز ،شاعیر، یازیچی موسیقی صنعتکاری
مفتون امینی: شاعیر،یازیچی
حسن ریاضی مباریز یازیچی ،شاعیر
مترجم ،ژورنالیست
سوسن نواده رضی: شاعیر ،یازیچی ژورنالیست
الماس شکاری: شاعیر
مهندس سید سلامت: مباریز، تدیقاتچی، اسطوره شناس
اکبر سیفی: مباریز، اجتماعی خادیم
یعقوب ظروفچی: خواننده ائل خادیمی
مجید حسینی مباریز ،شاعیر ،ائل خادیمی
دوکتورحسین محمدزاده صدیق : محقق، مترجم، شاعیر، یازیچی
ولی رحیم زاده: مباریز، یازیچی ،مترجم
حمزه فراهتی: موباریز ،یازیچی
جواد نعلبندیان: مباریز، شاعیر
اژدر عمی،مجید ابراهیم زاده: موباریز، صنعت خادیمی
غلامحسین فرنود: مباریز  یازیچی، ژورنالیستی، مترجم
نصرالله ناصح پور خواننده
سید رضی حسینی مدنیت خادیمی
علی جنگجو ،خالط آبادی ادبیات خادیمی
ولی شاه محمدی،گولدورلی ولی شاعیر
کاظم عاشیقی شاعیر
فارس طیار قولونجو: شاعیر
آیدین روشن: شاعیر ،مترجم
عاشیق غفار ابراهیمی: مباریز،صنعتکار
رسول صادقی بناب: مباریز، اجتماعی خادیم
میرعلی اصغر هوشیار: مباریز، اجتماعی خادیم
مولود عباس‌زاده :اجتماعی خادیم

ابدی خاطیره لرینه عشق اولسون

https://t.me/Adabiyyatsevanlar

طنز
سیز آللاه باخین گورون قاپی- قونشونوزدا، دور-برینیزده بیریسی وار منیمده امضامی جعل ائلییه، بایرام آخشامی اوچ - دؤرد کیلو یاغلی ات، هئچ اولماسا اوچ- دؤرد دنه جانلی، باشلی تویوق- خوروز ، بیر ایکی دنه آق بالیق گتیره بیزیم قاپیدان وئره گئده ؟(قارداشیم‌سان فقط دیققت ائله بالیق اوزون بورون اولماسین. اوحرامدی منیم بوغازیمدان گئتمز)
منه باخ! گؤرسن امضام چتیندی. دئ اؤزوم گلیم امضالاییم. وآللاه دئیه‌رم جعل اولوبدی.

https://t.me/Adabiyyatsevanlar

مهدی_اخوان_ثالث

عید آمد و ما خانه ی خود را نتکاندیم
گردی نستردیم و غباری نستاندیم

دیدیم که در کسوت بخت آمده نوروز
از بیدلی آن را زدر خانه براندیم

هر جا گذری غلغله ی شادی و شور است
ما آتش اندوه به آبی ننشاندیم
آفاق پر از پیک و پیام است، ولی ما
پیکی ندواندیم و پیامی نرساندیم

احباب کهن را نه یکی نامه بدادیم
و اصحاب جوان را نه یکی بوسه ستاندیم
من دانم و غمگین دلت، ای خسته کبوتر
سالی سپری گشت و ترا ما نپراندیم

صد قافله رفتند و به مقصود رسیدند
ما این خرک لنگ زجویی نجهاندیم

ماننده افسونزدگان، ره به حقیقت
بستیم و جز افسانه ی بیهوده نخواندیم
از نه خم گردون بگذشتند حریفان
مسکین من و دل در خم یک زاویه ماندیم

طوفان بتکاند مگر "امید" که صد بار
عید آمد و ما خانه خود را نتکاندیم

https://t.me/Adabiyyatsevanlar

سایین کانالداشلار ،عزیز وطنداشلار باهار. بایرامینیز یئنی ایلینیز موبارک اولسون .


https://t.me/Adabiyyatsevanlar

🖊️ سیاوش کسرایی

گر بهار آید
گر بهار آرزو روزی به بار آید
این زمینهای سراسر لوت
باغ خواهد شد
سینه این تپه های سنگ
از لهیب لاله ها پر داغ خواهد شد
آه…
اکنون دست من خالی است...
بر فراز سینه ام جز بُُته هایی از گل یخ نیست
گر نشانی از گل افشان بهاران بازمی خواهید
دور از لبخند گرم چشمه خورشید
من به این نازک نهال زرد گونه بسته ام امید .
هست گل هایی در این گلشن که از سرما نمی میرد
و اندرین تاریک شب تا صبح
عطر صحرا گسترَش را از مشام ما نمی گیرد !.

https://t.me/Adabiyyatsevanlar

ادبیات سئونلر یئنی ایلینیز موبا ک اولسون.

پارلا رقص و موسیقی قوروپو  تقدیم ائدیر

باهار گلیر

https://t.me/Adabiyyatsevanlar

غادة_السمان

کجا رفته‌ای
بی آنکه رفته باشی
چگونه رفته‌ای
بی آنکه رفته باشی

می‌بینم چشمانت را، لبات را، بازوانت را
                       و تنت را
                       اما تو کجایی؟
آه کجایی که تو را سخت گم کرده‌ام؟

https://t.me/Adabiyyatsevanlar

سئور_شهابى

قیش عؤمرونو وئردى يازا
طبیعتی واراقلادی
گونش گولدو، قار آغلادی
چمن گولو قوجاقلادی، قوجاقلادی
نوروز گولو گؤزون آچدی
گؤبه‌له‌یی سوراقلادی
بوببو گؤزونو باغلادى
ساچلارینی داراقلادی، داراقلادی

كؤنلوم گؤروش ايستر
دوداغيم گولوش ایستر
سن ده منه بیرجه کلمه گلیرم دئ

داغلار بیزی سسلر، بیزی گؤزلر، يئنه سئوگیلیم
گل داغلاری گولدور سنه قوربان سنه سئوگیلیم
یالقیزام آخی سنسیز، بایرام اولماز کی سنسیز
گل قیشیمی یاز ائت.


https://t.me/Adabiyyatsevanlar

بایرام و باهار سوزو شعیرلریمیزده

دونیانین بیر چوخ ادبیاتیندا اولدوغو کیمی ؛ ائله جه ده آذربایجان ادبیاتیندا دا بایرام سوزونه اوزل بیر یئر آچیلمیش و شاعیرلریمیزین بیر چوخو بایرام حاقدا شعرلر قوشموش و یا شعرلرینده یئری گلدیکده بایراما ایشاره لری اولموشدور . آشاغیدا تقدیم ائده جه یمیز بیت لر اونلارین بلکه ده مین دن بیری حسابلانا بیلر

شیروانلی عماد الدین سید علی نسیمی:
باهار اولدو گل ای بولبول تماشا قیل بو گولزاره
بوراخدی غنچه لر پرده بشارت وئردی بو زاره
شقایق پرده دن چیخدی بویاندی باغ ایله بوستان
ایریشدی گولشنین حوسنو بویاندی رنگ ازهاره

قاسیم بیگ ذاکر:
بایرام گونودور ذوق و صفاخانه لر ایچره
جانانیم اوتورموش نئچه جانانه لر ایچره




شبسترلی میرزه علی معجز:
بایرام گونو دوشابی توکنده پیاله یه
قورخوم بودور کی شیربینینجی اوشاقلار یارالی یه

میر مهدی سید زاده:
بیر قوش اوچدو بیزیم باغا
سحر – سحر اوخوماغا
قوندو یاشیل بیر بوداغا
دئدی گوزل بایرام گلیر

استاد سید محمد حسین شهریار :
بایرام ایدی گئجه قوشو اوخوردو
آداخلی قیز به ی جورابین توخوردو
هر کس شالین بیر باجادان سوخوردو
آی نه گوزل قایدا دی شال ساللاما
به ی شالینا بایراملیغین باغلاماق

آذربایجاندا اوخونان بیر ماهنی دان :
گل عیش ائده ک بیر سورمه چک گوزه بایرام گونلری
آغ اوزونو گول یاناغی به زیر بایرام گونلری
شهلا گوزون ؛ گونش اوزون ؛ شرمنده قیلیر ماهی
گل قدح له بیر نوش ائدک تزه بایرام گونلری

کوندورولو عاشیق قشم جعفری :
سیاه تئللر چولقانیبدیر شالا بایرام گونلری
عاشیق اولان مجنون کیمی ایسته دیگین آختارار
قیزلار توکر هوروکلرین دالا بایرام گونلری
باخ گوزل لر گئیینیب لر آلا بایرام گونلری



مجید یالقیز :
... چون یاخشیلیغا آدین چیخیب دیر
چک پیسدن اوزون کناره بایرام
طبعین بو طبیعتین دیشدین
قیش دوندو گوزل باهاره بایرام
ائتدین گئجه گوندوزو برابر
احسنت بو اقتداره بایرام
بیر گوزده گوروبدو قویمادین فرق
لیل ایله بو گون نهاره بایرام

سردریلی محمد افتخاری:
ایسته سن شاد ائده سن میللتی بایرام گئجه سی
یوخسولون قویما گئده حورمتی بایرام گئجه سی
ایسته سن ثروتیوی خرج ائده سن یاخشی یئره
یول یاخین دیر اوزاغا گئتمه نه داغ وار نه دره
یوخسولون خرجینی چکمک له قیزین سن وئر اره
چوخ اوزاتما  آرادا صحبتی بایرام گئجه سی
 
اوستاد حمید سخا مهر:
... بایرامین صحبتی اولدوقجا اوشاقلار سئوینیر
سانکی عاشیق ائوینه سئوگیلی جانان گلیری
ایندی دن منده سیزه بایرامی تبریک ائدیره م
گورورم پنجره دن شاد و خورامان گلیری

اوستاد عباس بارز:
یوزلر ایل دیشیله یوز بایرام گله
احساسیم بوغماسا اولمه ره م حله
سالیر مین فیرتانا قورور مین تله
بیزی آللاتماغا نوروز بایرامی

اوستاد حاج موسی هریسی نژاد :
بایران دی اصل آدی سوران اولسا کنهونی
قازلام شاه عصری صادر اولوب بو آدا جاواز


https://t.me/Adabiyyatsevanlar