اوغلان بیر آن گریلدی. بایاقکی شوخلوغوندان اثر-علامت قالمادی.
طيّارهنین کیچیجیک پنجرهسیندن آغ-آپ-پاق بولودلاری سوزدو و کدرلی حالدا دئدی:
-شوشادان تورپاق گؤتوردوم بیر آز، آنامین بیر طرفی اورالیدیر آخی... بیر ده... بیر ده اؤزومله عسگر چکمهلریمی گؤتورموشم... بوتون قاراباغی ۴۴ گون منیمله دولاشان چکمهلریمی...
قیز دیکسیندی. ایچینه ائله بیل طيّارهنین بالاجا پنجرهسیندن گؤرونن او آغ بولودلار دولماغا باشلادی. شیشدی اورهگی. نفس آلماغی چتینلشدی. ائله بیل ایچینه دولان او پمبه بولودلار شار کیمی اوفلهندی و اوتوردوغو یئردن یوخاری قالخدیغینی حسّ ائدیب، اوتوراجاغین ساغ-سولونداکی توتاجاقدان یاپیشدی و تئز-تئز نفس آلماغا باشلادی.
اوغلان بیر آن گؤزونو بولودلاردان چکدی. قیزا طرف باخدی و اونون نه حالدا اولدوغونو آنلاییب، تئز قیزا ساری أییلدی. الینی اونون الینین اوستونه قویوب، آستا-آستا دئدی:
-ساکیت... ساکیت اولون... بیز ایلک گون دؤیوشه گیرنده بئله اولموشدوق... بیر آن سونرا کئچیب، گئدهجک... یوکسکلیک قورخوسو وار سیزده، یقین... یوکسکلیک... نفس آلین، نفس آلین...
آلیسا دا گؤزلری بؤیوموش حالدا بیبیسینه باخیردی.
آز سونرا قیز اؤزونه گلدی. اوغلان یالنیز ایندی حسّ ائتدی کی، بایاقدان قیزین اللرینی برک-برک توتوب، اؤزو ده ایکی الی ایله- نئجه اولموشدوسا، یانیندا قالاراق بیر ایشه یارامایان زدهلی الی ده او بیری الینه کؤمهیه گلمیشدی... تئزجهنه ساغ الینی، سونرا ایسه آغریسینی اونوتدوغو سول الینی بیر آز چتینلیکله گئری چکیب، گولومسوندو.
-بایاقدان دانیشیریق، تانیش دا اولمادیق... منیم آدیم...
آلیسا بیج-بیج گولدو، چتینلیکله سؤزلری تاپا-تاپا دئدی:
-اونو آدی شوشادی... سنین دؤیوشن شوشان...
اوغلانین سؤزو آغزیندا قالدی. الینی اوزادیب آلیسانین باشینی تومارلادی و دئدی:
-بیز شوشا اوچون جانیمیزدان کئچمهیه حاضر ایدیک!..
اوچو ده گولومسوندو. آلیسا ایسه غفیل ائله سؤز دئدی کی، اونلارین گولوشلری صیفتلرینده دوندو.
-what smell it is! Do you carry dried fish?(یامان قوخو گلیر قورو بالیق آپاریرسینیز؟
شوشا گؤزونو اوغلاندان قاچیردی. اوغلانین ایسه ساتاشماق اوچون الینه بهانه کئچدی.
-هه، آلسو دوزدور، قورو بالیق قوخوسو منیم چامادانیمدان گلیر... عسگر چکمهلریمی اؤزومله آمریکایا آپاریرام آخی... محاربهنین یادیگاری کیمی...
بیر آنلیق اوچو ده سوسدولار. آمّا آلیسا دؤزمهدی. پیققیلداییب گولدو. سونرا اوغلانی گولمک توتدو. نهایت، شوشا دا چار-ناچار گولدو و ائله گولوشدولر کی، طيّارهدهکیلر دؤنوب تعجبله اونلارا باخدیلار...
*بو نه قوخودور؟!
قورو بالیق آپاریرسینیز؟ (اینگیلیسجه)
۲۰۲۲/۱/۸
https://t.me/Adabiyyatsevanlar
طيّارهنین کیچیجیک پنجرهسیندن آغ-آپ-پاق بولودلاری سوزدو و کدرلی حالدا دئدی:
-شوشادان تورپاق گؤتوردوم بیر آز، آنامین بیر طرفی اورالیدیر آخی... بیر ده... بیر ده اؤزومله عسگر چکمهلریمی گؤتورموشم... بوتون قاراباغی ۴۴ گون منیمله دولاشان چکمهلریمی...
قیز دیکسیندی. ایچینه ائله بیل طيّارهنین بالاجا پنجرهسیندن گؤرونن او آغ بولودلار دولماغا باشلادی. شیشدی اورهگی. نفس آلماغی چتینلشدی. ائله بیل ایچینه دولان او پمبه بولودلار شار کیمی اوفلهندی و اوتوردوغو یئردن یوخاری قالخدیغینی حسّ ائدیب، اوتوراجاغین ساغ-سولونداکی توتاجاقدان یاپیشدی و تئز-تئز نفس آلماغا باشلادی.
اوغلان بیر آن گؤزونو بولودلاردان چکدی. قیزا طرف باخدی و اونون نه حالدا اولدوغونو آنلاییب، تئز قیزا ساری أییلدی. الینی اونون الینین اوستونه قویوب، آستا-آستا دئدی:
-ساکیت... ساکیت اولون... بیز ایلک گون دؤیوشه گیرنده بئله اولموشدوق... بیر آن سونرا کئچیب، گئدهجک... یوکسکلیک قورخوسو وار سیزده، یقین... یوکسکلیک... نفس آلین، نفس آلین...
آلیسا دا گؤزلری بؤیوموش حالدا بیبیسینه باخیردی.
آز سونرا قیز اؤزونه گلدی. اوغلان یالنیز ایندی حسّ ائتدی کی، بایاقدان قیزین اللرینی برک-برک توتوب، اؤزو ده ایکی الی ایله- نئجه اولموشدوسا، یانیندا قالاراق بیر ایشه یارامایان زدهلی الی ده او بیری الینه کؤمهیه گلمیشدی... تئزجهنه ساغ الینی، سونرا ایسه آغریسینی اونوتدوغو سول الینی بیر آز چتینلیکله گئری چکیب، گولومسوندو.
-بایاقدان دانیشیریق، تانیش دا اولمادیق... منیم آدیم...
آلیسا بیج-بیج گولدو، چتینلیکله سؤزلری تاپا-تاپا دئدی:
-اونو آدی شوشادی... سنین دؤیوشن شوشان...
اوغلانین سؤزو آغزیندا قالدی. الینی اوزادیب آلیسانین باشینی تومارلادی و دئدی:
-بیز شوشا اوچون جانیمیزدان کئچمهیه حاضر ایدیک!..
اوچو ده گولومسوندو. آلیسا ایسه غفیل ائله سؤز دئدی کی، اونلارین گولوشلری صیفتلرینده دوندو.
-what smell it is! Do you carry dried fish?(یامان قوخو گلیر قورو بالیق آپاریرسینیز؟
شوشا گؤزونو اوغلاندان قاچیردی. اوغلانین ایسه ساتاشماق اوچون الینه بهانه کئچدی.
-هه، آلسو دوزدور، قورو بالیق قوخوسو منیم چامادانیمدان گلیر... عسگر چکمهلریمی اؤزومله آمریکایا آپاریرام آخی... محاربهنین یادیگاری کیمی...
بیر آنلیق اوچو ده سوسدولار. آمّا آلیسا دؤزمهدی. پیققیلداییب گولدو. سونرا اوغلانی گولمک توتدو. نهایت، شوشا دا چار-ناچار گولدو و ائله گولوشدولر کی، طيّارهدهکیلر دؤنوب تعجبله اونلارا باخدیلار...
*بو نه قوخودور؟!
قورو بالیق آپاریرسینیز؟ (اینگیلیسجه)
۲۰۲۲/۱/۸
https://t.me/Adabiyyatsevanlar
Telegram
ادبیات سئونلر
بوکانال ادبیات سئونلر قوروپونون سئچیلمیش اثرلری دیر
کانالدا کی یازیلاری کانالین لینکینی وئرمک شرطی ایله پایلاشماق اولار.
کانالدا کی یازیلاری کانالین لینکینی وئرمک شرطی ایله پایلاشماق اولار.
Forwarded from ادبیات سئونلر
اوشاق ادبیاتی
اوشاق ادبیاتی هرهفته پنجشنبه گونو ادبیات سئونلر کانالیندا،
اوشاق ادبیاتینا دایر یازیلارینیزی بیزه گوندرین.
https://t.me/Adabiyyatsevanlar
اوشاق ادبیاتی هرهفته پنجشنبه گونو ادبیات سئونلر کانالیندا،
اوشاق ادبیاتینا دایر یازیلارینیزی بیزه گوندرین.
https://t.me/Adabiyyatsevanlar
اوشاق ادبیاتی
یازان: لیلا کهن
دؤردونجو حئکایه:
سیچانایله ایلانین حئکایهسی
بیرگون وار ایدی، بیرگون یوخ ایدی، یئرلری گؤیلری یارادان خالقدن باشقا کیمسه یوخ ایدی.
جنته بنزهین گؤزل بیرکندده یاشایان سیچان چوخ چالیشاندان سونرا، بؤیوک بیر ائو تاپیپ اونون دیواریندا اؤزونه بیر یووا قورموشدو، او یووانین بیر باجاسی ائوین آنبارینا، او بیرسی باجاسی ایسه ائوین یام یاشیل باغا بنزهین حَیهطینه آچیلیردی. بئلهلیکله سیچان ناز نعمت ایچینده یاشاییردی. آرتیق اونون دونیادا آرزیسی قالمامیشدی. هرگون یئییب، ایچیب، تانرییا شوکر ائدیردی.
سیچان عؤمور گونو بئله غمسیز کدرسیز کئچیردی. آنجاق اونون قارا بختیندن بیرگون آجیخمیش، یورولموش بیر ایلان باغا گیردی. بیر تیکه یئمک تاپماق اوچون آغاجلارین کؤلگهسینده سورونورکن، بیردن دیوارین دیبینده سیچانین یوواسینا آچیلان باجانی گؤردو. ایلان باجایا گیردی، بختین اونون اوزونه گولمهسیندن سؤینیب بئله، دئدی:
• بورا یاشاماغا اَن یاخشی یئر دیر. یئرسیزلییم، سورگونلویوم بیتدی منیم. بوندان بئله دینج یاشایاجاغام. یووانین صاحبی کیم اولورسا اولسون، منیم بؤیوکلویومو، قورخونجلوغومو گؤروب گئدر. منه قارشی چیخا بیلرمی بیریسی؟ من بو یووانی تاپاندا بورا بوش ایدی، دئمهلی منیم یووامدیر.
یووادا اولان یمئکلردن یئییب دینجلمک ایستهدی.
سیچان ایسه گزیب، دولاشماق اوچون باغا گئتمیشدی. هرنهدن خبرسیز یووایا قاییدیب یوواسیندا یاتدیغی بؤیوک ایلانی گؤردو.
سیچان دریندن آه چکیب بئله دئدی:
• بو جزانی منیم هانسی گوناهیما وئردین الهی؟ بو بلادان قورتولماغا اؤزون منه یاردیم ائت.
بئله بؤیوک بیر ایلانی نئجه یووامدان چیخاریم؟ منیم گوجوم بو ایلانا چاتماز.
بو ایشیه چارا قیلماق اوچون، پوزغون کدرلی بیرحالدا آناسینین یانینا گئتدی، آناسی ماجرانی ائشیدیب بتر قورخدو. بالاسینا دئدی:
• یاوروم! منیم گؤزل بالام! او یوادان واز کئچ. سن ایلانایله دؤیوشه بیلمزسن. او یووادان گئت!
یوخسا جانینی الدن وئررسن، اوندا من نئیلهرم؟
بیرلیکده آختاریب یاخشی یئر تاپاریق. باشقا یووا قوراریق.
یقین ائو اییهسینین مالینا اَل اوزاتمیسان، اونا زیان یئتیرمیسن. نعمتین قدرینی بیلمزسن، تانری آلار الیندن.
بالاجا سیچان، دفعهلر گؤردویو ایشلره فیکیرلشیب بئله دئدی:
• یوخ،آنا جان! من بیر گوناه ائتمهمیشم. حقیمی آلمالییام. اورا منیم یووامدیر. قویمارام زورلا الیمدن آلا، منی اؤز یووامدان ائشیگه سالا. تانری قورخاق بندهنی سئومز.
بو سؤزو سن دئمزمیدین؟ ظالیما قارشی دایانماغی سن منه اؤیرتمیسن. ایندی نئجه ایستهییرسن زحمتله قوردوغوم یووامی ایلانا وئریب گئدیم؟
آناسی دئدی:
• دوز دئییرسن نازلی بالام! ظولمه قارشی دایانماغی من سنه اؤیرتمیشم، آنجاق بیزیم گوجوموز ایلانا چاتماز.
سیچانین آناسی بیرآز آددیملادی، فیکیرلشیب بیردن دئدی:
• بیر نفر وار اونون گوجو ایلانا چاتار، ائو اییهسی!
بالاجا سیچان آناسینی قوجاقلاییب بئله دئدی:
• آلقیش سنه، احسنت سنه آنا جان! ائو اییهسینی باشا سالمالییام، ائوینده ایلان اولماغی اونا آنلاتمالییام. او ایلانی توتوب اؤلدورن، یالنیز او اولا بیلر.
سیچان آناسیندان آیریلیب، جانینی قوروماغی سؤز وئردی آناسینا. نئچه گون ایلانین هاچان یووادان چیخدیغی، هارا گئتدیی، هاردا یاتدیغینی بیلمک اوچون اونو ایزلهییردی. گونلرین بیرگونونده آخیر ایلانی بیر آغاجین کؤلگهسینده یاتمیش حالدا گؤردو. قضادان او ساحات باغبان دا گوندهلیک ایشلریندن یورولوب او یاخینلیقدا آرخاسی اوسته دینجهلیردی.
سیچان، آستاجا باغبانا یاخینلاشیب، بیردن اونون قارنینا آتیلیب یوخودان اویاتدی. باغبان یوخودان آییلیب، اویان بویانا باخدی، بیرزاد گؤرمهییب یئنه گؤزلرین یوموب یوخلادی. سیچان نئچه دفعه بو ایشی تکرار ائتدی. آخیرکی باغبان آجیقلی یئریندن قالخیب الیندهکی آغاجی گؤیده دولاندیریب:
• آی نانجیب سیچان! منی اذیت ائدیرسن؟ -دئدی.
باغبان سیچانین آردیجا قاچدی. سیچانایسه وار گوجویله ایلانین یاتدیغی یئره قاچیب، یارپاقلارین آلتیندا گیزلندی. باغبان ایلانی گؤرجک دئدی:
• دده وای! بو بلا هاردان گلدی؟ یاخشی گؤردوم. بالالاریما زیان وورمامیش اؤلدوروم بونو.
آغاجینی گؤیه قالدیریب ایلانین باشیندان ووردوکی، آنسیزین جانی چیخدی. سیچان سؤینجک، گولر اوزولو تانرییا شوکر ائدیب یوواسینا گئتدی.
گؤیدن اوچ آلما دوشدو، بیریسی سنین، بیریسی سیچانین، بیریسی ده منیم.
https://t.me/Adabiyyatsevanlar
یازان: لیلا کهن
دؤردونجو حئکایه:
سیچانایله ایلانین حئکایهسی
بیرگون وار ایدی، بیرگون یوخ ایدی، یئرلری گؤیلری یارادان خالقدن باشقا کیمسه یوخ ایدی.
جنته بنزهین گؤزل بیرکندده یاشایان سیچان چوخ چالیشاندان سونرا، بؤیوک بیر ائو تاپیپ اونون دیواریندا اؤزونه بیر یووا قورموشدو، او یووانین بیر باجاسی ائوین آنبارینا، او بیرسی باجاسی ایسه ائوین یام یاشیل باغا بنزهین حَیهطینه آچیلیردی. بئلهلیکله سیچان ناز نعمت ایچینده یاشاییردی. آرتیق اونون دونیادا آرزیسی قالمامیشدی. هرگون یئییب، ایچیب، تانرییا شوکر ائدیردی.
سیچان عؤمور گونو بئله غمسیز کدرسیز کئچیردی. آنجاق اونون قارا بختیندن بیرگون آجیخمیش، یورولموش بیر ایلان باغا گیردی. بیر تیکه یئمک تاپماق اوچون آغاجلارین کؤلگهسینده سورونورکن، بیردن دیوارین دیبینده سیچانین یوواسینا آچیلان باجانی گؤردو. ایلان باجایا گیردی، بختین اونون اوزونه گولمهسیندن سؤینیب بئله، دئدی:
• بورا یاشاماغا اَن یاخشی یئر دیر. یئرسیزلییم، سورگونلویوم بیتدی منیم. بوندان بئله دینج یاشایاجاغام. یووانین صاحبی کیم اولورسا اولسون، منیم بؤیوکلویومو، قورخونجلوغومو گؤروب گئدر. منه قارشی چیخا بیلرمی بیریسی؟ من بو یووانی تاپاندا بورا بوش ایدی، دئمهلی منیم یووامدیر.
یووادا اولان یمئکلردن یئییب دینجلمک ایستهدی.
سیچان ایسه گزیب، دولاشماق اوچون باغا گئتمیشدی. هرنهدن خبرسیز یووایا قاییدیب یوواسیندا یاتدیغی بؤیوک ایلانی گؤردو.
سیچان دریندن آه چکیب بئله دئدی:
• بو جزانی منیم هانسی گوناهیما وئردین الهی؟ بو بلادان قورتولماغا اؤزون منه یاردیم ائت.
بئله بؤیوک بیر ایلانی نئجه یووامدان چیخاریم؟ منیم گوجوم بو ایلانا چاتماز.
بو ایشیه چارا قیلماق اوچون، پوزغون کدرلی بیرحالدا آناسینین یانینا گئتدی، آناسی ماجرانی ائشیدیب بتر قورخدو. بالاسینا دئدی:
• یاوروم! منیم گؤزل بالام! او یوادان واز کئچ. سن ایلانایله دؤیوشه بیلمزسن. او یووادان گئت!
یوخسا جانینی الدن وئررسن، اوندا من نئیلهرم؟
بیرلیکده آختاریب یاخشی یئر تاپاریق. باشقا یووا قوراریق.
یقین ائو اییهسینین مالینا اَل اوزاتمیسان، اونا زیان یئتیرمیسن. نعمتین قدرینی بیلمزسن، تانری آلار الیندن.
بالاجا سیچان، دفعهلر گؤردویو ایشلره فیکیرلشیب بئله دئدی:
• یوخ،آنا جان! من بیر گوناه ائتمهمیشم. حقیمی آلمالییام. اورا منیم یووامدیر. قویمارام زورلا الیمدن آلا، منی اؤز یووامدان ائشیگه سالا. تانری قورخاق بندهنی سئومز.
بو سؤزو سن دئمزمیدین؟ ظالیما قارشی دایانماغی سن منه اؤیرتمیسن. ایندی نئجه ایستهییرسن زحمتله قوردوغوم یووامی ایلانا وئریب گئدیم؟
آناسی دئدی:
• دوز دئییرسن نازلی بالام! ظولمه قارشی دایانماغی من سنه اؤیرتمیشم، آنجاق بیزیم گوجوموز ایلانا چاتماز.
سیچانین آناسی بیرآز آددیملادی، فیکیرلشیب بیردن دئدی:
• بیر نفر وار اونون گوجو ایلانا چاتار، ائو اییهسی!
بالاجا سیچان آناسینی قوجاقلاییب بئله دئدی:
• آلقیش سنه، احسنت سنه آنا جان! ائو اییهسینی باشا سالمالییام، ائوینده ایلان اولماغی اونا آنلاتمالییام. او ایلانی توتوب اؤلدورن، یالنیز او اولا بیلر.
سیچان آناسیندان آیریلیب، جانینی قوروماغی سؤز وئردی آناسینا. نئچه گون ایلانین هاچان یووادان چیخدیغی، هارا گئتدیی، هاردا یاتدیغینی بیلمک اوچون اونو ایزلهییردی. گونلرین بیرگونونده آخیر ایلانی بیر آغاجین کؤلگهسینده یاتمیش حالدا گؤردو. قضادان او ساحات باغبان دا گوندهلیک ایشلریندن یورولوب او یاخینلیقدا آرخاسی اوسته دینجهلیردی.
سیچان، آستاجا باغبانا یاخینلاشیب، بیردن اونون قارنینا آتیلیب یوخودان اویاتدی. باغبان یوخودان آییلیب، اویان بویانا باخدی، بیرزاد گؤرمهییب یئنه گؤزلرین یوموب یوخلادی. سیچان نئچه دفعه بو ایشی تکرار ائتدی. آخیرکی باغبان آجیقلی یئریندن قالخیب الیندهکی آغاجی گؤیده دولاندیریب:
• آی نانجیب سیچان! منی اذیت ائدیرسن؟ -دئدی.
باغبان سیچانین آردیجا قاچدی. سیچانایسه وار گوجویله ایلانین یاتدیغی یئره قاچیب، یارپاقلارین آلتیندا گیزلندی. باغبان ایلانی گؤرجک دئدی:
• دده وای! بو بلا هاردان گلدی؟ یاخشی گؤردوم. بالالاریما زیان وورمامیش اؤلدوروم بونو.
آغاجینی گؤیه قالدیریب ایلانین باشیندان ووردوکی، آنسیزین جانی چیخدی. سیچان سؤینجک، گولر اوزولو تانرییا شوکر ائدیب یوواسینا گئتدی.
گؤیدن اوچ آلما دوشدو، بیریسی سنین، بیریسی سیچانین، بیریسی ده منیم.
https://t.me/Adabiyyatsevanlar
Telegram
ادبیات سئونلر
بوکانال ادبیات سئونلر قوروپونون سئچیلمیش اثرلری دیر
کانالدا کی یازیلاری کانالین لینکینی وئرمک شرطی ایله پایلاشماق اولار.
کانالدا کی یازیلاری کانالین لینکینی وئرمک شرطی ایله پایلاشماق اولار.
Forwarded from ادبیات سئونلر
This media is not supported in your browser
VIEW IN TELEGRAM
اوشاق ادبیاتی
ایلین_آخیر چرشنبه لری
شعیر اوخویور: سئوین_احمدیان
آخیر چرشنبه نیز موبارک اولسون .
https://t.me/Adabiyyatsevanlar
ایلین_آخیر چرشنبه لری
شعیر اوخویور: سئوین_احمدیان
آخیر چرشنبه نیز موبارک اولسون .
https://t.me/Adabiyyatsevanlar
اوشاق ادبیاتی
لبلبی ساتان اوغلانجیغاز ۳
یازار: صمدبهرنگی
چئویرن: منیژه جمنژاد
چیغیردیم: بیشرف قورومساق، ایندی سنه کیمینله طرف اولدوغونو گؤرسدرم..منه عسگرقاچاقچینین اوغلو دئیرلر...تاری وئردی نفسآلیب گئنه دئدی:آغا ائله اوردا اونو، اؤلدوروردوم،ایشچیلر ییغیشیب منی ائویمیزه آپاردیلار.حیرصیمدن آغلیردیم،اؤزومو یئره چیرپیردیم، یامان دئییردیم، او٘ز-گؤزومدن ده قان آخیردی...سونوندا آراملاشدیم. بیرکئچیمیز واریدی. منیم له باجیم اییرمی تومنه آلمیشدیق. ساتدیق،آزجیق آرتیرمیش پول ایله بیر-ایکی آی کئچیندیک.سونوندا باجیم چؤرهک پیشیرن خانیمین یانینا گئتدی. منده نه ایش گلدی گؤردوم...دئدیم: تاری وئردی باجین نیه اره گئتمیر؟دئدی:چؤرهکپزین اوغلویلا نشانلی دی.توی لارینا باجیملا من جاهاز ییغیریق. بو ایل یایدا گزمهیه هامان کنده گئتمیشدیم. تاری وئردینی قیرخ-اللی قویون-قوزویلا چؤلده گؤردوم. دئدیم: تاری وئردی، سونوندا باجینین جاهازینی جورلهدین؟دئدی: هه، تویو دا اولدو..ایندی ده اؤز تویوما پول ییغیرام. آخی باجیم گئدندن،ننم تک-اللی قالیب. بیرینی آختاریر الیندن توتوب همصحبتی السون..ادبسیزلیق اولدو، منی باغیشلا آغا.
لبلبی ساتان اوغلانجیغاز ۳
یازار: صمدبهرنگی
چئویرن: منیژه جمنژاد
چیغیردیم: بیشرف قورومساق، ایندی سنه کیمینله طرف اولدوغونو گؤرسدرم..منه عسگرقاچاقچینین اوغلو دئیرلر...تاری وئردی نفسآلیب گئنه دئدی:آغا ائله اوردا اونو، اؤلدوروردوم،ایشچیلر ییغیشیب منی ائویمیزه آپاردیلار.حیرصیمدن آغلیردیم،اؤزومو یئره چیرپیردیم، یامان دئییردیم، او٘ز-گؤزومدن ده قان آخیردی...سونوندا آراملاشدیم. بیرکئچیمیز واریدی. منیم له باجیم اییرمی تومنه آلمیشدیق. ساتدیق،آزجیق آرتیرمیش پول ایله بیر-ایکی آی کئچیندیک.سونوندا باجیم چؤرهک پیشیرن خانیمین یانینا گئتدی. منده نه ایش گلدی گؤردوم...دئدیم: تاری وئردی باجین نیه اره گئتمیر؟دئدی:چؤرهکپزین اوغلویلا نشانلی دی.توی لارینا باجیملا من جاهاز ییغیریق. بو ایل یایدا گزمهیه هامان کنده گئتمیشدیم. تاری وئردینی قیرخ-اللی قویون-قوزویلا چؤلده گؤردوم. دئدیم: تاری وئردی، سونوندا باجینین جاهازینی جورلهدین؟دئدی: هه، تویو دا اولدو..ایندی ده اؤز تویوما پول ییغیرام. آخی باجیم گئدندن،ننم تک-اللی قالیب. بیرینی آختاریر الیندن توتوب همصحبتی السون..ادبسیزلیق اولدو، منی باغیشلا آغا.
This media is not supported in your browser
VIEW IN TELEGRAM
اوشاق ادبیاتی
بو سس گله جک ده گوزل بیر خواننده نین موشدولوغودور...
اوشاق ادبیاتی هرهفته پنجشنبه گونو ادبیات سئونلر کانالیندا،
اوشاق ادبیاتینا دایر یازیلارینیزی بیزه گوندرین
https://t.me/Adabiyyatsevanlar
بو سس گله جک ده گوزل بیر خواننده نین موشدولوغودور...
اوشاق ادبیاتی هرهفته پنجشنبه گونو ادبیات سئونلر کانالیندا،
اوشاق ادبیاتینا دایر یازیلارینیزی بیزه گوندرین
https://t.me/Adabiyyatsevanlar
«اوشاق ادبیاتی»
«آی قارانقوش»
«ویدا حشمتی»
قار-یاغیشلی بیر گئجهده
ناغیل سؤیلهییردی آنام
داریخمالی او احوالدا
ائوده دییلدی گول آتام
آتامدان بیر خبر گتیر
آی قارانقوش-آی قارانقوش
ساچلاریمی تومارلاسین
درسلریمه ائتسین آلقیش
چیراقلاری سؤندورهنده
آغلاماغیم توتدو بیر آن
بسلهدیییم آزجا اومود
اوچوب، گئتدی، اؤتدو بیر آن
اللریمی آلدی آنام
قوناق ائتدی دوداغینا
تومارلادی ساچلاریمی
سیخدی منی قوجاغینا
دامجی-دامجی گؤز یاشلاریم
آخیب، سوزدو یاناغیما
سیلدی پامبیق اللری ایله
فیسیلدادی قولاغیما:
-داریخما ائی گؤزل بالام
آتان گلر نئچه گونه
او گئدیبدیر اوزاقلارا
قاییداجاق گوله-گوله
اورهیینی فراح ساخلا
قیش ساووشار، باهار گلر
گونش دوغوب، ایشیق ساچار
ظلمت باتار، سحر گلر.
https://t.me/Adabiyyatsevanlar
«آی قارانقوش»
«ویدا حشمتی»
قار-یاغیشلی بیر گئجهده
ناغیل سؤیلهییردی آنام
داریخمالی او احوالدا
ائوده دییلدی گول آتام
آتامدان بیر خبر گتیر
آی قارانقوش-آی قارانقوش
ساچلاریمی تومارلاسین
درسلریمه ائتسین آلقیش
چیراقلاری سؤندورهنده
آغلاماغیم توتدو بیر آن
بسلهدیییم آزجا اومود
اوچوب، گئتدی، اؤتدو بیر آن
اللریمی آلدی آنام
قوناق ائتدی دوداغینا
تومارلادی ساچلاریمی
سیخدی منی قوجاغینا
دامجی-دامجی گؤز یاشلاریم
آخیب، سوزدو یاناغیما
سیلدی پامبیق اللری ایله
فیسیلدادی قولاغیما:
-داریخما ائی گؤزل بالام
آتان گلر نئچه گونه
او گئدیبدیر اوزاقلارا
قاییداجاق گوله-گوله
اورهیینی فراح ساخلا
قیش ساووشار، باهار گلر
گونش دوغوب، ایشیق ساچار
ظلمت باتار، سحر گلر.
https://t.me/Adabiyyatsevanlar
This media is not supported in your browser
VIEW IN TELEGRAM
اوشاق ادبیاتی
کارتون
اوشاق ادبیاتی هرهفته پنجشنبه گونو ادبیات سئونلر کانالیندا،
اوشاق ادبیاتینا دایر یازیلارینیزی بیزه گوندرین.
https://t.me/Adabiyyatsevanlar
کارتون
اوشاق ادبیاتی هرهفته پنجشنبه گونو ادبیات سئونلر کانالیندا،
اوشاق ادبیاتینا دایر یازیلارینیزی بیزه گوندرین.
https://t.me/Adabiyyatsevanlar
سایین کانالداشلار
رسمی وئرلیش لریمیز ، اوشاق ادبیاتی ،گوزگو وئرلیشی ...بایرام احوالاتیندا اولدو غوموز اوچون بو گوندن فروردین آیی نین 15ینجه تعطیل اولور،
اوشاق ادبیاتینین امک داشلاریندان
گوزگو وئرلیشینین امک داشلاریندان
شفاهی خالق ادبیاتیندا داستان دئییب داستان حاضیرلاینلاردان,
وئرلیش لرین طراحیندان
نثر گونلرینه کوچورمه ،ترجمه حاضرلایانلاردان
ویراستارلاریمیزدان ،بوتون امک لری کئچن دوستلاران ...
خصوصیه سایین اوخوجولاریمیزدان کی بیز تک قویمادیلار صمیم قلبدن تشکور ائدیریک.
ادبیات سئونلر
https://t.me/Adabiyyatsevanlar
رسمی وئرلیش لریمیز ، اوشاق ادبیاتی ،گوزگو وئرلیشی ...بایرام احوالاتیندا اولدو غوموز اوچون بو گوندن فروردین آیی نین 15ینجه تعطیل اولور،
اوشاق ادبیاتینین امک داشلاریندان
گوزگو وئرلیشینین امک داشلاریندان
شفاهی خالق ادبیاتیندا داستان دئییب داستان حاضیرلاینلاردان,
وئرلیش لرین طراحیندان
نثر گونلرینه کوچورمه ،ترجمه حاضرلایانلاردان
ویراستارلاریمیزدان ،بوتون امک لری کئچن دوستلاران ...
خصوصیه سایین اوخوجولاریمیزدان کی بیز تک قویمادیلار صمیم قلبدن تشکور ائدیریک.
ادبیات سئونلر
https://t.me/Adabiyyatsevanlar
زهره محمد پور
آداملار
کافهلر
مترو ایستگاهلاری
چکیلدیلر بیر کنارا
خیابانلار ، کوچهلر قوجاق آچدیلار بیزه
ترافیک ایشیقلاری احترام قویدولار آددیملاریمیزا
قار بیر سئوینج شکری کیمی سرپیلدی باشیمیزا
ارک دیزلریندن توتوب قالخدی آیاغا
و
ساعات کولهسینین نبضی چوخالماغا باشلادی
بیر ایستی قان دولاندی تبریزین دامارلاریندا
و جالاندی بیر ایستی نفس گوودهسینه
(شهناز) باشلادی سئوگی ماهنیسین اوخوماغا
(منصور) الینه آلدی قارمانین
و
شهریار قدح قالدیردی سئوگیمیزین ساغلیغینا
بوراسی تبریز
سئوگینین ۱۰ اکسی درجه ده یاشاندیغی یئر
شعرین معنا بولدوغو یئر
بوردا
بارماقلارین بوزو
چوزولور سئوگیلیلرین آوجوندا
و اورهک دویونتولری
آراملاشیر بارناوانین
دالان به دالان کوچهلرینده
و سن منه
تبریزین لاپ گوبهیینده
یوکسهلن میللی مارشسان
یا دا
دالغالانان
آزادلیق بایراغی
نه بیلیم!
تبریزسه
سئوگی اوجاغی دیر
بسلهییر بیزی
اویرهتیر دونیانین گرچک اوزونو
و
دادیزدیریر بیزه گاهدان
حایاتین آجی، شیرین دادینی
https://t.me/Adabiyyatsevanlar
آداملار
کافهلر
مترو ایستگاهلاری
چکیلدیلر بیر کنارا
خیابانلار ، کوچهلر قوجاق آچدیلار بیزه
ترافیک ایشیقلاری احترام قویدولار آددیملاریمیزا
قار بیر سئوینج شکری کیمی سرپیلدی باشیمیزا
ارک دیزلریندن توتوب قالخدی آیاغا
و
ساعات کولهسینین نبضی چوخالماغا باشلادی
بیر ایستی قان دولاندی تبریزین دامارلاریندا
و جالاندی بیر ایستی نفس گوودهسینه
(شهناز) باشلادی سئوگی ماهنیسین اوخوماغا
(منصور) الینه آلدی قارمانین
و
شهریار قدح قالدیردی سئوگیمیزین ساغلیغینا
بوراسی تبریز
سئوگینین ۱۰ اکسی درجه ده یاشاندیغی یئر
شعرین معنا بولدوغو یئر
بوردا
بارماقلارین بوزو
چوزولور سئوگیلیلرین آوجوندا
و اورهک دویونتولری
آراملاشیر بارناوانین
دالان به دالان کوچهلرینده
و سن منه
تبریزین لاپ گوبهیینده
یوکسهلن میللی مارشسان
یا دا
دالغالانان
آزادلیق بایراغی
نه بیلیم!
تبریزسه
سئوگی اوجاغی دیر
بسلهییر بیزی
اویرهتیر دونیانین گرچک اوزونو
و
دادیزدیریر بیزه گاهدان
حایاتین آجی، شیرین دادینی
https://t.me/Adabiyyatsevanlar
This media is not supported in your browser
VIEW IN TELEGRAM
سیاوش_کسرایی
ای بهار، ای میهمان دیرآینده!
کم کَمَک این خانه آماده است
تک درخت خانه ی همسایه ی ما هم
برگ های تازه ای داده ست
گاه گاهی هم
همره پرواز ابری در گذار باد
بوی عطر نارس گل های کوهی را
در نفس پیچیده ام آزاد
این همه می گویدم هر شب
این همه می گویدم هر روز
باز می آید بهار رفته از خانه
باز می آید بهار زندگی افروز
https://t.me/Adabiyyatsevanlar
ای بهار، ای میهمان دیرآینده!
کم کَمَک این خانه آماده است
تک درخت خانه ی همسایه ی ما هم
برگ های تازه ای داده ست
گاه گاهی هم
همره پرواز ابری در گذار باد
بوی عطر نارس گل های کوهی را
در نفس پیچیده ام آزاد
این همه می گویدم هر شب
این همه می گویدم هر روز
باز می آید بهار رفته از خانه
باز می آید بهار زندگی افروز
https://t.me/Adabiyyatsevanlar
یازار: دکتر زومرود یاغمور
کؤچورن: احد فرهمندی
قایناق: گناهکارین اؤلومو/ دکتر زومرود یاغمور/ کؤچورن: احد فرهمندی/ ندای شمس/ 1390/ تبریز ص.ص 13-21
بهمنيار کندينده عالم بير- بيرينه دَيميشدي، ائله بيل دنيانين بوتون رحمسيزلري گليب بو کنده تؤکولموشدو و آداملاردان ائله هئي بير شئي طلب ائديرديلر… گرَک کندده کيمسهنين گؤزلمهديگي حالدا بيردن- بيره ديلي توتولموش بنَنيار کيشينين ديلي آچيلا، او دا هامي کيمي ايکي گوندن سونرا بورايا گلهجک بؤيوک آداما يالتاقلانا...
... بلا بو ايدي نه ائديرديلرسه بننيار کيشينين ديلي آچيلميردي کي، آچيلميردي... بنَنيار کيشينين ديلي توتولموشدو، يا دانيشماق ايستهميردي، بونو کيمسه بيلميردي، اما اؤزونون لالليغا قويماسي احتمالي داها چوخ ايدي، دوروب- دورورکن ياشلي کيشينين ديلي نييه بيردن توتولموشدو، بونون ايضاحيني کيمسه وئره بيلميردي. ائله بوتون دردلر ده بوندان سونرا باشلاميشدي، داها دوغروسو اوّل او خبر ياييلميشدي کي، بؤيوک آدام يئنه گلهجک، يئنه يولدا سيرايا دوزولوب اونا دوا ائتمک، هله اليني …
بو یازینین آردینی ادبیات سئونلر کانالیندا اوخویون.
https://t.me/Adabiyyatsevanlar
کؤچورن: احد فرهمندی
قایناق: گناهکارین اؤلومو/ دکتر زومرود یاغمور/ کؤچورن: احد فرهمندی/ ندای شمس/ 1390/ تبریز ص.ص 13-21
بهمنيار کندينده عالم بير- بيرينه دَيميشدي، ائله بيل دنيانين بوتون رحمسيزلري گليب بو کنده تؤکولموشدو و آداملاردان ائله هئي بير شئي طلب ائديرديلر… گرَک کندده کيمسهنين گؤزلمهديگي حالدا بيردن- بيره ديلي توتولموش بنَنيار کيشينين ديلي آچيلا، او دا هامي کيمي ايکي گوندن سونرا بورايا گلهجک بؤيوک آداما يالتاقلانا...
... بلا بو ايدي نه ائديرديلرسه بننيار کيشينين ديلي آچيلميردي کي، آچيلميردي... بنَنيار کيشينين ديلي توتولموشدو، يا دانيشماق ايستهميردي، بونو کيمسه بيلميردي، اما اؤزونون لالليغا قويماسي احتمالي داها چوخ ايدي، دوروب- دورورکن ياشلي کيشينين ديلي نييه بيردن توتولموشدو، بونون ايضاحيني کيمسه وئره بيلميردي. ائله بوتون دردلر ده بوندان سونرا باشلاميشدي، داها دوغروسو اوّل او خبر ياييلميشدي کي، بؤيوک آدام يئنه گلهجک، يئنه يولدا سيرايا دوزولوب اونا دوا ائتمک، هله اليني …
بو یازینین آردینی ادبیات سئونلر کانالیندا اوخویون.
https://t.me/Adabiyyatsevanlar
¬¬ديلسيز بنَنيار
یازار: دکتر زومرود یاغمور
کؤچورن: احد فرهمندی
قایناق: گناهکارین اؤلومو/ دکتر زومرود یاغمور/ کؤچورن: احد فرهمندی/ ندای شمس/ 1390/ تبریز ص.ص 13-21
بهمنيار کندينده عالم بير- بيرينه دَيميشدي، ائله بيل دنيانين بوتون رحمسيزلري گليب بو کنده تؤکولموشدو و آداملاردان ائله هئي بير شئي طلب ائديرديلر… گرَک کندده کيمسهنين گؤزلمهديگي حالدا بيردن- بيره ديلي توتولموش بنَنيار کيشينين ديلي آچيلا، او دا هامي کيمي ايکي گوندن سونرا بورايا گلهجک بؤيوک آداما يالتاقلانا...
... بلا بو ايدي نه ائديرديلرسه بننيار کيشينين ديلي آچيلميردي کي، آچيلميردي... بنَنيار کيشينين ديلي توتولموشدو، يا دانيشماق ايستهميردي، بونو کيمسه بيلميردي، اما اؤزونون لالليغا قويماسي احتمالي داها چوخ ايدي، دوروب- دورورکن ياشلي کيشينين ديلي نييه بيردن توتولموشدو، بونون ايضاحيني کيمسه وئره بيلميردي. ائله بوتون دردلر ده بوندان سونرا باشلاميشدي، داها دوغروسو اوّل او خبر ياييلميشدي کي، بؤيوک آدام يئنه گلهجک، يئنه يولدا سيرايا دوزولوب اونا دوا ائتمک، هله اليني اؤپمک ايستهييرميش گؤستريب اؤزونو کوتلهيه وورماق کيمي تاماشالار دا اويناماق لازمدير… بو خبر، داها دوغروسو طلب ياييلاندان آز سونرا ائله بو خبر ده ياييلميشدي کي، بنَنيار کيشينين ديلي توتولوب.
بنَنيار کيشي بو کندين آغساققالي ايدي، يالانجي ساققالي آغ اولانلاردان يوخ، دوغرودان دوغرويا، بير حادثه اولاندا هامي اونون باشينا ييغيشيردي، ايندي ده بو يالتاقلانما تاماشاسينين ترتيبيني تؤکمک اوچون کيشيلر بنَنيارين ائوينه گئدنده اونو ديلي توتولموش حالدا گؤردولر. هامي مات قالدي، اما ايچيندن «بو جانيني قورتاردي، اورگي بولانا- بولانا يالتاقلانماياجاق» دئينلر ده اولدو، حتّي «کاش منيم ده ديليم توتولايدي» دئيه دوا ائدنلر ده...
اما کيمسه بير شئي ائده بيلمزدي، بو دفعه بنَنيار کيشي اولمادان يالتاقلانمالي ايديلر، ايللردي بئله اولموشدو، بوندان سونرا دا نئجه اولاجاقدي، نه زامانا قدر بو بؤيوک آداما يالتاقلانيب يالاندان باشينا دؤنوب آرخاسيندان قارغيش ائدهجکديلر بونو کيمسه بيلميردي، بونو سوروشماغا، ديلينه گتيرمهيه کيمسه جسارت ده ائتميردي، چونکي آداملارين بير- بيرينه اينامي، صداقتي ده قالماميشدي، بو گون ناراضيليق ائدن صاباح پادشاهدان بير انعام آلان کيمي دَييشيب اولوردو بامباشقا آدام...
بير سؤزله، انسانليق ياواش- ياواش اؤلوردو...
هامي دا بونون فرقينده ايدي، اما کيمسهنين ده اورگينده او جسارت يوخ ايدي کي، بونا اعتراض ائتسين.
هامي بير تيکه چؤرهيين اسيري اولموشدو، بونو دا اؤزلرينه سبب ائديب اوتورموشدولار. بوردا قهرمانليق ائتمک کيمسهنين ايشي دئييلدي… بوردا بو حاقدا دوشونمک گئجه ياتاندا بئله کيمسهنين اورگیيندن کئچميردي… هر ايل، يا دا بير آز داها تئز-تئز گلن بؤيوک آدامين گليشي لاپ ايشگنجه ايدي، بير تيکه چؤرهک اوچون، آلديقلاري نفس اوچون قورخوب دؤزوردولر، اما بو آدام گلنده نه چؤرک قازانماق اولوردو، نه نفس آلماق… ائلهجه يا يوللارا دوزولوب اَل يئللهمَلي، يا دا آدامين گزديگي يئرلرده، ميدانلاردا اولمالي ايدين کي، آدام چوخ گؤرونسون… هله قيشدا لاپ دؤزولمز اولوردو، يوللاردا قاليب سويويقدان دونا- دونا بئله دن- بئله گئتمک آدام اولدوغونو اونوتدوروردو، اما کيمسه «ائتميرم، گليب اؤلدورسونلر، داها بسدير» دئميردي. آداملاري قورخاق اولان يئرده فيرووونلوق (فرعون) ائتمک آسان ايدي، بورالاردا اولدوغو کيمي… ايندي ده بهمنيار کندينده عالم بير- بيرينه دَيميشدي. سحري کند جماعتي پليسلرين سسينه اويانميشدي، قاپيلاري دؤيوب بير- بير کيشيلري کوچهيه چيخارديلار، سونرا دا چوخ بؤيوک، حتّا داشيناسي ممکنسوز گؤرونن ايري قارينا صاحب اولان بيريسي قاباغا چيخيب سسي چاتديقجا قيشقيرميشدي...
- بنَنيار کيشينين ديلي توتولوب، آچيلماليدير، هميشه نئجه قوناغيميزي حرمتله يولا سالميشيقسا بو دفعه ده ائله اولاجاق، ايستهييرسينيز، اؤلون، بو ائله بؤيوک فاجعه دئييل، اما بؤيوک آدام بيزدن ناراضي گئتسين…، باخ اصيل فاجعه اوندا اولار… سويونوزو قوروداريق. سيزه کيم دئييب کي، بوردا ايستهنيلن آدامين ايستهنيلن واخت ديلي توتلا بيلر، بوردا هر شئيي بيز معين ائديريک، بير آزدان کيمين، نئجه، هاردا، نه زامان اؤلهجگيني ده بيز معين ائدهجهييک… نهدير، نه گؤزونوزو دؤيورسونوز، ياسينيزي، تويونوزو نئجه کئچيرمگي بيز معين ائتمهميش کيمي، ايندي ده بونو ائدريک…بؤيوک و داهي حكمداريميز بونون دا بير يولونو تاپاجاق، آي نادانلار، سيز ائله بيليرسينيز دنيا اؤز باشينا ايداره ائديلير، يوخ بيزيم اؤلکهني داهي حكمداريميز ايداره ائدير… انسانلارين طالعيني، نئجه ياشاماسيني، يوخسول، زنگين اولماسيني، کيمين هانسي ائوده ياشاماسيني، بيلمهديگينيز يوزلرجه شئيلري حكمدار شاهيميزين درين سياستي ايله الده
یازار: دکتر زومرود یاغمور
کؤچورن: احد فرهمندی
قایناق: گناهکارین اؤلومو/ دکتر زومرود یاغمور/ کؤچورن: احد فرهمندی/ ندای شمس/ 1390/ تبریز ص.ص 13-21
بهمنيار کندينده عالم بير- بيرينه دَيميشدي، ائله بيل دنيانين بوتون رحمسيزلري گليب بو کنده تؤکولموشدو و آداملاردان ائله هئي بير شئي طلب ائديرديلر… گرَک کندده کيمسهنين گؤزلمهديگي حالدا بيردن- بيره ديلي توتولموش بنَنيار کيشينين ديلي آچيلا، او دا هامي کيمي ايکي گوندن سونرا بورايا گلهجک بؤيوک آداما يالتاقلانا...
... بلا بو ايدي نه ائديرديلرسه بننيار کيشينين ديلي آچيلميردي کي، آچيلميردي... بنَنيار کيشينين ديلي توتولموشدو، يا دانيشماق ايستهميردي، بونو کيمسه بيلميردي، اما اؤزونون لالليغا قويماسي احتمالي داها چوخ ايدي، دوروب- دورورکن ياشلي کيشينين ديلي نييه بيردن توتولموشدو، بونون ايضاحيني کيمسه وئره بيلميردي. ائله بوتون دردلر ده بوندان سونرا باشلاميشدي، داها دوغروسو اوّل او خبر ياييلميشدي کي، بؤيوک آدام يئنه گلهجک، يئنه يولدا سيرايا دوزولوب اونا دوا ائتمک، هله اليني اؤپمک ايستهييرميش گؤستريب اؤزونو کوتلهيه وورماق کيمي تاماشالار دا اويناماق لازمدير… بو خبر، داها دوغروسو طلب ياييلاندان آز سونرا ائله بو خبر ده ياييلميشدي کي، بنَنيار کيشينين ديلي توتولوب.
بنَنيار کيشي بو کندين آغساققالي ايدي، يالانجي ساققالي آغ اولانلاردان يوخ، دوغرودان دوغرويا، بير حادثه اولاندا هامي اونون باشينا ييغيشيردي، ايندي ده بو يالتاقلانما تاماشاسينين ترتيبيني تؤکمک اوچون کيشيلر بنَنيارين ائوينه گئدنده اونو ديلي توتولموش حالدا گؤردولر. هامي مات قالدي، اما ايچيندن «بو جانيني قورتاردي، اورگي بولانا- بولانا يالتاقلانماياجاق» دئينلر ده اولدو، حتّي «کاش منيم ده ديليم توتولايدي» دئيه دوا ائدنلر ده...
اما کيمسه بير شئي ائده بيلمزدي، بو دفعه بنَنيار کيشي اولمادان يالتاقلانمالي ايديلر، ايللردي بئله اولموشدو، بوندان سونرا دا نئجه اولاجاقدي، نه زامانا قدر بو بؤيوک آداما يالتاقلانيب يالاندان باشينا دؤنوب آرخاسيندان قارغيش ائدهجکديلر بونو کيمسه بيلميردي، بونو سوروشماغا، ديلينه گتيرمهيه کيمسه جسارت ده ائتميردي، چونکي آداملارين بير- بيرينه اينامي، صداقتي ده قالماميشدي، بو گون ناراضيليق ائدن صاباح پادشاهدان بير انعام آلان کيمي دَييشيب اولوردو بامباشقا آدام...
بير سؤزله، انسانليق ياواش- ياواش اؤلوردو...
هامي دا بونون فرقينده ايدي، اما کيمسهنين ده اورگينده او جسارت يوخ ايدي کي، بونا اعتراض ائتسين.
هامي بير تيکه چؤرهيين اسيري اولموشدو، بونو دا اؤزلرينه سبب ائديب اوتورموشدولار. بوردا قهرمانليق ائتمک کيمسهنين ايشي دئييلدي… بوردا بو حاقدا دوشونمک گئجه ياتاندا بئله کيمسهنين اورگیيندن کئچميردي… هر ايل، يا دا بير آز داها تئز-تئز گلن بؤيوک آدامين گليشي لاپ ايشگنجه ايدي، بير تيکه چؤرهک اوچون، آلديقلاري نفس اوچون قورخوب دؤزوردولر، اما بو آدام گلنده نه چؤرک قازانماق اولوردو، نه نفس آلماق… ائلهجه يا يوللارا دوزولوب اَل يئللهمَلي، يا دا آدامين گزديگي يئرلرده، ميدانلاردا اولمالي ايدين کي، آدام چوخ گؤرونسون… هله قيشدا لاپ دؤزولمز اولوردو، يوللاردا قاليب سويويقدان دونا- دونا بئله دن- بئله گئتمک آدام اولدوغونو اونوتدوروردو، اما کيمسه «ائتميرم، گليب اؤلدورسونلر، داها بسدير» دئميردي. آداملاري قورخاق اولان يئرده فيرووونلوق (فرعون) ائتمک آسان ايدي، بورالاردا اولدوغو کيمي… ايندي ده بهمنيار کندينده عالم بير- بيرينه دَيميشدي. سحري کند جماعتي پليسلرين سسينه اويانميشدي، قاپيلاري دؤيوب بير- بير کيشيلري کوچهيه چيخارديلار، سونرا دا چوخ بؤيوک، حتّا داشيناسي ممکنسوز گؤرونن ايري قارينا صاحب اولان بيريسي قاباغا چيخيب سسي چاتديقجا قيشقيرميشدي...
- بنَنيار کيشينين ديلي توتولوب، آچيلماليدير، هميشه نئجه قوناغيميزي حرمتله يولا سالميشيقسا بو دفعه ده ائله اولاجاق، ايستهييرسينيز، اؤلون، بو ائله بؤيوک فاجعه دئييل، اما بؤيوک آدام بيزدن ناراضي گئتسين…، باخ اصيل فاجعه اوندا اولار… سويونوزو قوروداريق. سيزه کيم دئييب کي، بوردا ايستهنيلن آدامين ايستهنيلن واخت ديلي توتلا بيلر، بوردا هر شئيي بيز معين ائديريک، بير آزدان کيمين، نئجه، هاردا، نه زامان اؤلهجگيني ده بيز معين ائدهجهييک… نهدير، نه گؤزونوزو دؤيورسونوز، ياسينيزي، تويونوزو نئجه کئچيرمگي بيز معين ائتمهميش کيمي، ايندي ده بونو ائدريک…بؤيوک و داهي حكمداريميز بونون دا بير يولونو تاپاجاق، آي نادانلار، سيز ائله بيليرسينيز دنيا اؤز باشينا ايداره ائديلير، يوخ بيزيم اؤلکهني داهي حكمداريميز ايداره ائدير… انسانلارين طالعيني، نئجه ياشاماسيني، يوخسول، زنگين اولماسيني، کيمين هانسي ائوده ياشاماسيني، بيلمهديگينيز يوزلرجه شئيلري حكمدار شاهيميزين درين سياستي ايله الده
Telegram
ادبیات سئونلر
بوکانال ادبیات سئونلر قوروپونون سئچیلمیش اثرلری دیر
کانالدا کی یازیلاری کانالین لینکینی وئرمک شرطی ایله پایلاشماق اولار.
کانالدا کی یازیلاری کانالین لینکینی وئرمک شرطی ایله پایلاشماق اولار.
ائديريک. ايندي بيزيم ده بورجوموزدور کي، بئله بير بيليجي باشچيميز اوچون ميننتدار اولوب عهدهميزه دوشني ائدهک... سيزين ده عهدنيزه دوشن ده کؤلهلييينيزي گؤسترمکدير، بوينونوزو بوروب يولدا، ميداندا دورماقدير. حکمدارين کؤلهسي اولماق هر کسه نصيب اولمور، بونا دا شوکور ائدين… اونا گؤرهده بنَنيار کيشينين ديلي آچيلماليدير، والسلام! بنَنيار کيشي، سن بير ايرهلي چيخ گؤروم، ديلين نييه توتولوب...
قارنيندان اذيت چکيرميش کيمي يئرينده سيرکلندي. بنَنيار کيشي ده قارشييا چيخيب گؤزلهدي، باياقدان دانيشان آدام يانلاريندا گتيرديکلري حکيمي چاغيريب نه ايسه تاپشيردي، حکيم بوينونو بوکوب بنَنيار کيشييه ياخينلاشدي، ديليني، قولاقلاريني يوخلادي، بير آز يوباندي، قورخدوغو حرکتلرينه تؤکولموشدو و بونو گيزلتمهيه چاليشميردي دا، ائله بيل گناهکار او ايميش کيمي اوزونده کي قورخويلا قارينلي آدامدان اوز ايستهييردي… گئري دؤندو، اما قارينلي آدام بير سؤز سوروشمايانا قدر ديللنمهدي. آنجاق قارينلينين سوالينا قيسا جاواب وئردي...
- خسته دئييل، بير شئيي ده يوخدور، بنَنيار کيشينين عصبي دورومونو يوخلاماق لازمدير...
- نه دئييرسن، بنَنيار کيشي، ديلين آچيلار، يا سني دليخانايا آپاراق، بيليرسن، سون واختلار دليلريميزين سايي چوخاليب، انسان بئلهدير، آدام يئرينه قويورسان، او بويدا آدامين کؤلهسي اولماغا امکان ياراديرسان، دؤنوب اولور دلي… ياخشيليق بيلمهين، دوز- چؤرهك ايتيرن… ياخشي، دئيهسن بير شئي چيخماياجاق، دليخانايا گئتمک ايستهييرسن… گؤتورون بنَنيار کيشيني...
آداملاردان اوغولتو کئچدي، کيمسه بنَنيار کيشي کيمي بيرينين دليخانايا آپاريلاجاغينا اينانماق ايستهميردي، بورالارين ان دَيَرلي انساني ايدي و کيمسه بو گونه قدر بنَنيار کيشينين ناقص بير عمليني گؤرمهميشدي. يالتاقلانما تاماشالاريندا دا هميشه آرخادا اولماق ايستهييب بونا دا نايل اولان بنَنيار کيشينين دليخانايا سالينماسي چوخداندير حيرتلنمک قابيليتيني ايتيرميش آداملاري چاشديرميشدي...
ائل آراسيندا دليخانا دئييلن رواني خستهخانا سون واختلار بير نوع جزا وئريلن حبسخانا رولونو اويناماغا باشلاميشدي، و بو دليخانا خوفو جماعتين اوزهرينه ائله چؤکموشدو کي، ائشيدنين توکلري قاباريردي...
- دايانين، آتامي بير يئره آپارا بيلمزسينيز، ياشلي کيشيدير، دانيشا بيلمير کيمه نه بوندان، نه ايستهييرسينيز، زوردورمو، دانيشمير… اگر آتامي بير يئره آپارسانيز اؤزومو يانديراجام،- آداملارين آراسيندان الينده کي نفت دولو کيچيک چللهيي ايرلي اوزاديب قيشقيران ووقار ايرلي کئچدي. آداملار بير آز جسارتلهنيب يئنه اوغولدادي...
- سن کيمسن، هه، اوغلوسان، ياندير، نه اولاجاق کي، سنين کيمسي نه قدر، بيري اؤلنده نه اولاجاق، اما آتان دانيشماليدير، بئله بير آدام دانيشماليدير، داهي حكمداريميزا تعريف دئمهليدير، هر کؤلهنين تعريفي ده تعريف دئييل کي، کؤله اولاندا نه اولار، گرهک او دا سامباللي اولسون. بو يئرلرده ده ان سامباللي آدام آتاندير، هر دفعه يايينيب، اما بو دفعه اولماز، حكمداريميزين دوغوم گونونه آز قالير، اونا گؤره ده بو دفعه هر شئي داها طمطراقلي اولماليدير، بيلدين ايندي نييه ديلي توتولا بيلمز…،- قارينلي آدام قيشقيرا- قيشقيرا دانيشيب باشي ايله گلن پليسلره بنَنيار کيشينين ماشينا مينديريلمهسيني امر ائتدي...
ووقار ايرلي آتيلدي، قاچا- قاچا دا الينده کي نفتي اوزهرينه تؤکوردو، نه ايسه دئييردي، يقين کي، اؤزونو يانديرماقلا بو آداملارين اورگیينه يانغين، رحم سالاجاق اميدي ايله ده کبريتي چکدي، اود بير آندا اونو بورودو، اوّل هامي کاريخدي، کند جماعتي اونا دوغرو يؤنلدي، اما قارينلي آدام نه قيشقيرديسا، پليسلر بير آندا جماعتين اوزهرينه آتيلدي، کيمسه نه باش وئردييني آنلامادي، آنجاق ائله بيل هر کسين اورگیينده کي بؤيوک آداما کؤله اولماق مجبوريتي سينميشدي و هامي ايندي آزاد اولاجاغيني، آدام اولاجاغيني ظن ائديب باياقدان اونلارين باشينين اوزهريني کسديرميش پليسلرين اوزهرينه آتيلميشدي. ووقارسا يانيردي، کيمسه اونو سؤندورمهيي عقلينه بئله گتيرميردي، چونکي نئچه ايللردي کي، هر کسين اورگیي يانيردي، ايندي هر کس ده يانان اورگیينه سو سپيب اونلاري کؤلهيه چئويرميش بؤيوک آدام ايدي، شيطانمي ايدي اونون عسگرلري ايله ساواشيردي.
_ آي قارداشلار، ووقار يانير، ووقار، يانير،- کيمينسه سسي دنيانين بير - بيرينه قاريشديغي کندين اوزهريندن اوچان قوشلاري دا سکسنديردي. قادين سسي ايدي، ناله چکدي، آرديندان قادينلارين قيشقيرتيسي بير- بيرينه قاريشدي، بو ناله ائله بيل هامينين اوزهرينه سو سپدي، آداملار اؤزلريني اونودوب ووقارا کمک اوچون جان آتديلار، اما اينديجه جماعتدن قورخان پليسلر يئنه بيردن- بيره جسارتلهنيب يئنيدن آداملارين اوزهرينه يورودولر.
قارنيندان اذيت چکيرميش کيمي يئرينده سيرکلندي. بنَنيار کيشي ده قارشييا چيخيب گؤزلهدي، باياقدان دانيشان آدام يانلاريندا گتيرديکلري حکيمي چاغيريب نه ايسه تاپشيردي، حکيم بوينونو بوکوب بنَنيار کيشييه ياخينلاشدي، ديليني، قولاقلاريني يوخلادي، بير آز يوباندي، قورخدوغو حرکتلرينه تؤکولموشدو و بونو گيزلتمهيه چاليشميردي دا، ائله بيل گناهکار او ايميش کيمي اوزونده کي قورخويلا قارينلي آدامدان اوز ايستهييردي… گئري دؤندو، اما قارينلي آدام بير سؤز سوروشمايانا قدر ديللنمهدي. آنجاق قارينلينين سوالينا قيسا جاواب وئردي...
- خسته دئييل، بير شئيي ده يوخدور، بنَنيار کيشينين عصبي دورومونو يوخلاماق لازمدير...
- نه دئييرسن، بنَنيار کيشي، ديلين آچيلار، يا سني دليخانايا آپاراق، بيليرسن، سون واختلار دليلريميزين سايي چوخاليب، انسان بئلهدير، آدام يئرينه قويورسان، او بويدا آدامين کؤلهسي اولماغا امکان ياراديرسان، دؤنوب اولور دلي… ياخشيليق بيلمهين، دوز- چؤرهك ايتيرن… ياخشي، دئيهسن بير شئي چيخماياجاق، دليخانايا گئتمک ايستهييرسن… گؤتورون بنَنيار کيشيني...
آداملاردان اوغولتو کئچدي، کيمسه بنَنيار کيشي کيمي بيرينين دليخانايا آپاريلاجاغينا اينانماق ايستهميردي، بورالارين ان دَيَرلي انساني ايدي و کيمسه بو گونه قدر بنَنيار کيشينين ناقص بير عمليني گؤرمهميشدي. يالتاقلانما تاماشالاريندا دا هميشه آرخادا اولماق ايستهييب بونا دا نايل اولان بنَنيار کيشينين دليخانايا سالينماسي چوخداندير حيرتلنمک قابيليتيني ايتيرميش آداملاري چاشديرميشدي...
ائل آراسيندا دليخانا دئييلن رواني خستهخانا سون واختلار بير نوع جزا وئريلن حبسخانا رولونو اويناماغا باشلاميشدي، و بو دليخانا خوفو جماعتين اوزهرينه ائله چؤکموشدو کي، ائشيدنين توکلري قاباريردي...
- دايانين، آتامي بير يئره آپارا بيلمزسينيز، ياشلي کيشيدير، دانيشا بيلمير کيمه نه بوندان، نه ايستهييرسينيز، زوردورمو، دانيشمير… اگر آتامي بير يئره آپارسانيز اؤزومو يانديراجام،- آداملارين آراسيندان الينده کي نفت دولو کيچيک چللهيي ايرلي اوزاديب قيشقيران ووقار ايرلي کئچدي. آداملار بير آز جسارتلهنيب يئنه اوغولدادي...
- سن کيمسن، هه، اوغلوسان، ياندير، نه اولاجاق کي، سنين کيمسي نه قدر، بيري اؤلنده نه اولاجاق، اما آتان دانيشماليدير، بئله بير آدام دانيشماليدير، داهي حكمداريميزا تعريف دئمهليدير، هر کؤلهنين تعريفي ده تعريف دئييل کي، کؤله اولاندا نه اولار، گرهک او دا سامباللي اولسون. بو يئرلرده ده ان سامباللي آدام آتاندير، هر دفعه يايينيب، اما بو دفعه اولماز، حكمداريميزين دوغوم گونونه آز قالير، اونا گؤره ده بو دفعه هر شئي داها طمطراقلي اولماليدير، بيلدين ايندي نييه ديلي توتولا بيلمز…،- قارينلي آدام قيشقيرا- قيشقيرا دانيشيب باشي ايله گلن پليسلره بنَنيار کيشينين ماشينا مينديريلمهسيني امر ائتدي...
ووقار ايرلي آتيلدي، قاچا- قاچا دا الينده کي نفتي اوزهرينه تؤکوردو، نه ايسه دئييردي، يقين کي، اؤزونو يانديرماقلا بو آداملارين اورگیينه يانغين، رحم سالاجاق اميدي ايله ده کبريتي چکدي، اود بير آندا اونو بورودو، اوّل هامي کاريخدي، کند جماعتي اونا دوغرو يؤنلدي، اما قارينلي آدام نه قيشقيرديسا، پليسلر بير آندا جماعتين اوزهرينه آتيلدي، کيمسه نه باش وئردييني آنلامادي، آنجاق ائله بيل هر کسين اورگیينده کي بؤيوک آداما کؤله اولماق مجبوريتي سينميشدي و هامي ايندي آزاد اولاجاغيني، آدام اولاجاغيني ظن ائديب باياقدان اونلارين باشينين اوزهريني کسديرميش پليسلرين اوزهرينه آتيلميشدي. ووقارسا يانيردي، کيمسه اونو سؤندورمهيي عقلينه بئله گتيرميردي، چونکي نئچه ايللردي کي، هر کسين اورگیي يانيردي، ايندي هر کس ده يانان اورگیينه سو سپيب اونلاري کؤلهيه چئويرميش بؤيوک آدام ايدي، شيطانمي ايدي اونون عسگرلري ايله ساواشيردي.
_ آي قارداشلار، ووقار يانير، ووقار، يانير،- کيمينسه سسي دنيانين بير - بيرينه قاريشديغي کندين اوزهريندن اوچان قوشلاري دا سکسنديردي. قادين سسي ايدي، ناله چکدي، آرديندان قادينلارين قيشقيرتيسي بير- بيرينه قاريشدي، بو ناله ائله بيل هامينين اوزهرينه سو سپدي، آداملار اؤزلريني اونودوب ووقارا کمک اوچون جان آتديلار، اما اينديجه جماعتدن قورخان پليسلر يئنه بيردن- بيره جسارتلهنيب يئنيدن آداملارين اوزهرينه يورودولر.
کيمسه ووقارا چاتماغا مجال تاپمادي، پليسلر هاميني بير دايرهيه سيخيشديردي. ووقارسا ائلهجه هامينين گؤزو قارشيسيندا يانيردي، ال- قول آتماسيدا ياواشيدي، سونرا بيتدي، آناسينين نالهسي، بنَنيار کيشينين ياشلي آروادينين نالهسي کندي بوروموشدو و اونون قوللاريندان توتان پليسلر آنجاق اوغلو يئره ييخيلاندان سونرا آناني بوراخديلار.
آنا اؤلموش، يانيب قاپقارا قارالميش اوغلونا ياناشدي، ديز اوسته چؤکدو، هله ده ايستي اولان جسدي اللري يانا-يانا باغرينا باسدي، آنانين باغري دا ياندي… اوزونو گؤيلره ديکدي، اوردان امداد ديلهدي، اما گؤيلر بو يئرلري ائله بيل شيطانا، اونون عسگرلرينين عهدهسينه بوراخميشدي، يا دا بورداکي انسانلارين صبريني، ايناميني سيناغا چکيردي.
گؤيلر توتقوندو...
بنَنيار کيشي باشيني آشاغي سالميشدي، گؤز ياشلاري سسسيزجه توتولموش اوزونه سوزولوردو، اما هله ده دانيشماميشدي.
آخشاما ياخين آداملار کندين مسجدينه ييغيلدي، ووقارين جنازهسي ائولرينه قالديريلدي، اؤلوم سکوتو چؤکدو… پليسلرسه هله ده کندده ايدي. صاباح ووقاري دفن ائدهجکلردي… آداملار يئنه اوّلکي کؤلهليگيني قازانميشدي، کيمسه ده اعتراض ائتمهيي دوشونمک بئله ايستهميردي.
صاباح اولدو. يئنه کند سوسقون ايدي، بنَنيار کيشي ده صاباحلا بيرگه گونشي قارشيلادي، آروادي سحره قدر اوغلو اوچون آغلاميشدي، بنَنيار کيشيسه سوسوموشدو… درديني ايچينده باسديرميشدي. پليسلر ده يئرينده ايدي… ووقار گوناورتايا دفن ائديلدي. قارينلي آدامسا گوناورتادان سونرا کندده يئنه گؤرونودو.
- هه، نه دئييرسن بنَنيار کيشي، ديلين آچيلدي…بنَنيار کيشي سوسودو، آداملار دا سوسدو. دونن بيردن- بيره آزادليق ايستهميش آداملاردان اثر يوخدو… قارينلي آدام سحره قدر بنَنيار کيشييه واخت وئريب گئتدي، پليسلرسه يئنه کندده قالدي… سحر قارينلي آدام تئزدن گلدي، اما بنَنيار کيشي يئنه سوسوردو.
- ياخشي، داها اؤزونوز بيلرسينيز. قارينلي آدام کندين کيشيلريني ائولريندن بير - بير ييغماغا تاپشيردي، آداملار هله نه اولاجاغيني بيلميردي، کيمسهدن سس چيخميردي، هامي دا بوينونو بوکوب دورموشدو.
- سوْيونون…قارينلي آدام قيشقيردي، کيمسه بير شئي آنلامادي، يئنه عيني سؤز تکرارلاندي، بو دفعه پليسلره «سويوندورون بونلاري» دئييب قارينلي آدام کنارا چکيلدي. پليسلر کيشيلرين اوستونه آتيليب کؤينکلريني دارتيشديرماغا باشلادي… کيشيلر قورشاغا قدر سويوندورولدو و بير شرق کندي اوچون ان دؤزولمز اولان بير شئي باش وئريردي… هميشه عايلهسي، اوشاقلاري قارشيسيندا کيمسهنين دؤيه، سينديريلا بيلمهيهجگي کيشيلر دؤيولوردو، پنجرهلردن باخان عايلهلرينين گؤزو قارشيسيندا سينيرديلار، ازيليرديلر… اوشاقلار اوچون «آتام هاميدان گوجلودور» ناغيلي بيتيردي، چوخدان مغلوب اولوب سينميش آتالار ايندي ده اوشاقلاري اوچون عاديلهشيب سينيردي. و شرق کندينده دا هامي بونا دؤزوردو… کيشيلري قارانليق دوشهنه قدر دؤيدولر، قارينلي آدام دايانين دئيندن سونرا صاباح اوچون بنَنيار کيشي اوچون يئنيدن واخت وئريب گئتدي...
- صاباح سونونوجو گونوننوزدور، بنَنيار کيشي، اولانلاردان گناهکار سنسن، دانيشماليسان، يالتاقلانيب کؤله اولماغيني گؤسترمهليسن. سنين ديليني کَسَرم، اما يئنه دانيشاجاقسان… بو دفعه کندده کيمسه ياتمادي، پليسلر کندده کوچهده کيمي گؤردوجه، کيمين ائويندن برکدن بير سس ائشيديلديسه گيريب ائولرينده آداملاري دؤيدو… بهمنيار کندي بير صاباحيني دا بئلهجه آچدي. سحر تئزدن قارينلي آدام يئنه گلدي. بنَنيار کيشيدن بير سؤز سوروشمادي… دانيشماديغيني آنلاميشدي...
- سؤکون بونلارين دوکانلاريني، سئخلريني، بير دنه ده قالماسين… گتيريلن بولدوزئر ايشه دوشدو. ياخينداکي چؤرک سئخيندن باشلاديلار، ايچَريده کي اون، چؤرکلر بولدوزئرين تکرلري آلتيندا ازيليب پالچيغا قاريشدي، سونرا دوکانلار، ان کيچيک آليش - وئريش مرکزينه قدر يئرله يکسان اولوندو...
کندده بير ايتلردن سس چيخدي، اونلار دا سسي عالمي باشينا گؤتورموش بولدوزئره هوروردولر.
هامينين اورگیينده کؤلهليک ائله کؤک سالميشدي کي، اولانلاري داها بؤيوک آدامين، قارينلينين گناهي، عملي حساب ائتميرديلر، بير گون اوّل عايلهسي، اوشاقلاري اوچون «آتام هاميدان گوجلودور» ناغيلينين بيتمهسيني قبوللانميش آداملار دوکانلارينين سؤکولمهسيني قبوللانماق ايستهميرديلر. دوکان اولماسايدي نئجه آليب - ساتاجاقلاردي...
آداملارا آزادليق لازم دئييلدي...
کؤلهليگي اورکدن اولماسا دا قبوللانيب دکاندا ساتديقلاريني ساتيب ائوينه بير پارچا چؤرک آپاران انسانلار بوندان سونرا ساتاجاق بير شئيي اولماديغيندان غضبلنميشديلر. اما گناهکار نه بؤيوک آدام ايدي، نه ده قارينلي...
آنا اؤلموش، يانيب قاپقارا قارالميش اوغلونا ياناشدي، ديز اوسته چؤکدو، هله ده ايستي اولان جسدي اللري يانا-يانا باغرينا باسدي، آنانين باغري دا ياندي… اوزونو گؤيلره ديکدي، اوردان امداد ديلهدي، اما گؤيلر بو يئرلري ائله بيل شيطانا، اونون عسگرلرينين عهدهسينه بوراخميشدي، يا دا بورداکي انسانلارين صبريني، ايناميني سيناغا چکيردي.
گؤيلر توتقوندو...
بنَنيار کيشي باشيني آشاغي سالميشدي، گؤز ياشلاري سسسيزجه توتولموش اوزونه سوزولوردو، اما هله ده دانيشماميشدي.
آخشاما ياخين آداملار کندين مسجدينه ييغيلدي، ووقارين جنازهسي ائولرينه قالديريلدي، اؤلوم سکوتو چؤکدو… پليسلرسه هله ده کندده ايدي. صاباح ووقاري دفن ائدهجکلردي… آداملار يئنه اوّلکي کؤلهليگيني قازانميشدي، کيمسه ده اعتراض ائتمهيي دوشونمک بئله ايستهميردي.
صاباح اولدو. يئنه کند سوسقون ايدي، بنَنيار کيشي ده صاباحلا بيرگه گونشي قارشيلادي، آروادي سحره قدر اوغلو اوچون آغلاميشدي، بنَنيار کيشيسه سوسوموشدو… درديني ايچينده باسديرميشدي. پليسلر ده يئرينده ايدي… ووقار گوناورتايا دفن ائديلدي. قارينلي آدامسا گوناورتادان سونرا کندده يئنه گؤرونودو.
- هه، نه دئييرسن بنَنيار کيشي، ديلين آچيلدي…بنَنيار کيشي سوسودو، آداملار دا سوسدو. دونن بيردن- بيره آزادليق ايستهميش آداملاردان اثر يوخدو… قارينلي آدام سحره قدر بنَنيار کيشييه واخت وئريب گئتدي، پليسلرسه يئنه کندده قالدي… سحر قارينلي آدام تئزدن گلدي، اما بنَنيار کيشي يئنه سوسوردو.
- ياخشي، داها اؤزونوز بيلرسينيز. قارينلي آدام کندين کيشيلريني ائولريندن بير - بير ييغماغا تاپشيردي، آداملار هله نه اولاجاغيني بيلميردي، کيمسهدن سس چيخميردي، هامي دا بوينونو بوکوب دورموشدو.
- سوْيونون…قارينلي آدام قيشقيردي، کيمسه بير شئي آنلامادي، يئنه عيني سؤز تکرارلاندي، بو دفعه پليسلره «سويوندورون بونلاري» دئييب قارينلي آدام کنارا چکيلدي. پليسلر کيشيلرين اوستونه آتيليب کؤينکلريني دارتيشديرماغا باشلادي… کيشيلر قورشاغا قدر سويوندورولدو و بير شرق کندي اوچون ان دؤزولمز اولان بير شئي باش وئريردي… هميشه عايلهسي، اوشاقلاري قارشيسيندا کيمسهنين دؤيه، سينديريلا بيلمهيهجگي کيشيلر دؤيولوردو، پنجرهلردن باخان عايلهلرينين گؤزو قارشيسيندا سينيرديلار، ازيليرديلر… اوشاقلار اوچون «آتام هاميدان گوجلودور» ناغيلي بيتيردي، چوخدان مغلوب اولوب سينميش آتالار ايندي ده اوشاقلاري اوچون عاديلهشيب سينيردي. و شرق کندينده دا هامي بونا دؤزوردو… کيشيلري قارانليق دوشهنه قدر دؤيدولر، قارينلي آدام دايانين دئيندن سونرا صاباح اوچون بنَنيار کيشي اوچون يئنيدن واخت وئريب گئتدي...
- صاباح سونونوجو گونوننوزدور، بنَنيار کيشي، اولانلاردان گناهکار سنسن، دانيشماليسان، يالتاقلانيب کؤله اولماغيني گؤسترمهليسن. سنين ديليني کَسَرم، اما يئنه دانيشاجاقسان… بو دفعه کندده کيمسه ياتمادي، پليسلر کندده کوچهده کيمي گؤردوجه، کيمين ائويندن برکدن بير سس ائشيديلديسه گيريب ائولرينده آداملاري دؤيدو… بهمنيار کندي بير صاباحيني دا بئلهجه آچدي. سحر تئزدن قارينلي آدام يئنه گلدي. بنَنيار کيشيدن بير سؤز سوروشمادي… دانيشماديغيني آنلاميشدي...
- سؤکون بونلارين دوکانلاريني، سئخلريني، بير دنه ده قالماسين… گتيريلن بولدوزئر ايشه دوشدو. ياخينداکي چؤرک سئخيندن باشلاديلار، ايچَريده کي اون، چؤرکلر بولدوزئرين تکرلري آلتيندا ازيليب پالچيغا قاريشدي، سونرا دوکانلار، ان کيچيک آليش - وئريش مرکزينه قدر يئرله يکسان اولوندو...
کندده بير ايتلردن سس چيخدي، اونلار دا سسي عالمي باشينا گؤتورموش بولدوزئره هوروردولر.
هامينين اورگیينده کؤلهليک ائله کؤک سالميشدي کي، اولانلاري داها بؤيوک آدامين، قارينلينين گناهي، عملي حساب ائتميرديلر، بير گون اوّل عايلهسي، اوشاقلاري اوچون «آتام هاميدان گوجلودور» ناغيلينين بيتمهسيني قبوللانميش آداملار دوکانلارينين سؤکولمهسيني قبوللانماق ايستهميرديلر. دوکان اولماسايدي نئجه آليب - ساتاجاقلاردي...
آداملارا آزادليق لازم دئييلدي...
کؤلهليگي اورکدن اولماسا دا قبوللانيب دکاندا ساتديقلاريني ساتيب ائوينه بير پارچا چؤرک آپاران انسانلار بوندان سونرا ساتاجاق بير شئيي اولماديغيندان غضبلنميشديلر. اما گناهکار نه بؤيوک آدام ايدي، نه ده قارينلي...
گناهکار بنَنيار کيشي ايدي. آزاد اولماق، کؤله اولماماق ايستهميشدي… بو کندين قانونلارينا، پادشاهليغين قايدالارينا ضدّ ايدي. هر شئيي اليندن آلينميش کوتله بنَنيار کيشينين اوزهري يؤنه يئريدي، اونو ازيب اؤلدورمهلري اوچون چوخ زامانا احتياج اولمادي...
- ساغ اولون، قارداشلاريم، من قورتولدوم، - بنَنيار کيشينين سون سؤزو بو اولدو، اوزونده تبسّم دوندو… کوتله گئري چکيلدي…هامي، خصوصا قارينلي آدام راضي ايدي...
کؤلهني کؤله الي ايله اؤلدورمک قولدارليقدا قانون ايدی. کؤلهلر اؤلدورموشدو...
قولدار راضی ايدی...
سون
https://t.me/Adabiyyatsevanlar
- ساغ اولون، قارداشلاريم، من قورتولدوم، - بنَنيار کيشينين سون سؤزو بو اولدو، اوزونده تبسّم دوندو… کوتله گئري چکيلدي…هامي، خصوصا قارينلي آدام راضي ايدي...
کؤلهني کؤله الي ايله اؤلدورمک قولدارليقدا قانون ايدی. کؤلهلر اؤلدورموشدو...
قولدار راضی ايدی...
سون
https://t.me/Adabiyyatsevanlar
Telegram
ادبیات سئونلر
بوکانال ادبیات سئونلر قوروپونون سئچیلمیش اثرلری دیر
کانالدا کی یازیلاری کانالین لینکینی وئرمک شرطی ایله پایلاشماق اولار.
کانالدا کی یازیلاری کانالین لینکینی وئرمک شرطی ایله پایلاشماق اولار.