یک انسان اگر بخواهد، حتی با صدایش هم میتواند تو را در آغوش بگیرد...

"ایلهان برک"
https://t.me/Adabiyyatsevanlar

آیلی گئجه گوی چمن
اوخویور : رشید بهبود اوو
https://t.me/Adabiyyatsevanlar

زامان پاشا زاده"1+1=1"
شئعیر بیتمیشدی
سون نوقطه دن سونرا یادیما دوشدو اوخوجولار
دئدیم; بیرآزجا دا اوخوناقلی سئویشک
قال!
گؤرونن سطیرلره کؤچ!
یوخسا آغ قلمله یازدیغیم شعرلر،
اوخوجونو، ساچلاریندا ایپ اوجو آردیجا یوللاماق کیمی آزدیرماقدیر

بیر آن اؤنجه توپوردوم دوداغینین بویاسینی
سوموروب-سوموروب روژ ایلانینین زهرینی چیخاردیم
سونرا بویاسیزجا آغ سطیرلرده اؤپوشدوک.

بیر آن اؤنجه لئچه یینین کؤرفزیندن آیریلمیش ایرماقلا دنیزه واردیم
هله عطیر دئیه جاملارا سیغیشدیریلمامیش بیر قوخو وار اورادا،
هئئی ساچلارینین قوخوسونو قیزیل گوللردن قیزیرغانان قیز!
بیر آن اؤنجه
بیر اوسته گل بیر، بیرله سونوجلانمیشدی

شئعیر بیتمیشدی اما
سون نوقطه دن سونرا یادیما دوشدونوز
باغیشلایین
سیز بوتونلوکله اونودولموشدونوز.
https://t.me/Adabiyyatsevanlar

ادبیات سئونلر سئویملی گروپداشلاریمیزدان بیر سوال سوروشوب بو سورغویا ضیالی گروپداشلاریمیز جواب وئریبلر گلین بیرلیکده عزیز لریمیزین نظرلرین اوخویاق .ادبیات سئونلر باشقا دوستلاریندا نظرلرین یئتیشد یکجه نشر ائدجک .
ادبیات سئونلر: سیزین نظرینیزه ادبیاتین کار بردی ندیر ؟
ادبیات هانسی دردین درمانی دیر؟
جواب : اوستاد دوکتورعلی ستاری .

سلام حورمتلی معللیم, بیلدیینیز کیمی بو بوقونو فلسفه نین اساس موضوعلاریندان بیری سایلیر. اما قیساجا بو ایلگیلی سورغویا بلکه بو شکیلده یاناشماق اویغون اولور دئیه دوشونوره م. انسان اوغلو نفس چکدیگی سوره جه ادبیات وار دئمک دیر. ائله اونا گوره ده ادبیاتین فونکسیونو انسان حیاتینی قاپساماقدادیر و انسانین بوتون یاشایش محیطی نی( اقتصادی, سیاسی, سوسیال, بیره ی سللیک و ...) اوز ایچینه آلماقدادیر. ادبیات اوزه ره وئریلن بیلیمسل تانیتیم لارا گوره ادبیاتین داخیل اولمادیغی بیر آلانی دوشونمک چوخ چتین دیر. طبیعی اولاراق حاکیم ایدولوژولارا گوره ادبیاتین بعضی فونکسیونلاری قاباریق بیر فورما آلابیلر. اما منیم شخصی دوشونجه مه گوره" ادبیاتین اساس گوره وی حیاتین اوزونو بدل سیز و ابدی بیر صنعت اثرینه چئویره بیلمه سینده دیر. " بو او دئمک دیر کی اگر حیات بوتون رنگلری ایله اگر یاشاناجاق بیر دوروما گلمیش ایسه او زامان ادبیات اوز گوروینی یئرینه گتیرمیشدیر.
ادبیات درمان دا اولا بیلر عینی حالدا آنتی درمان دا اولا بیلر. ادبیاتین درمان اولمادیغی دوروملاردا سوز قونوسو اولابیلیر. بو دا ادبیاتین ایچردیگی موحتوادان آسیلی دیر. بعضا دادی داماغا خوش گلیب اما انسانی محو ائدن درمان لارین دا سایی سی چوخدور. درمان ائدیجی ادبیات راسیونل گرچکلره دایانمالی دیر و انون رسالتی انسانی ایچنده کی دوغوشدان گلن و ساخلی علوی چکیم و طلبلرینه یونه لیک ایمکان ساغلاماسیندادیر.

سایقی و سئوگی لریمله
........................
جواب :اوستاد دوکتور رحمانی

سلام، ادبیات انسانلارا یوکسه لیش یاشام ، حیات دان پرینسیپال بهره لنمک قابلیتی نی باغیشلاییر.
طبیعته، وارلیغا عنعنه وی باخیشدان داها اوستون گوروش استعدادی هدیه وئریر .
...............
جواب : اوستاد دلدار بناب

سلاملار
چوخ آغیر سورغودو.
ادبیات سیز دونیا قبریستانلیقدی. اولوم قوخوسو وئرر. دویغو چیچکلری قینیندا سولار. ادبیات یاشامین دادی دوزودور. ادبیات اولماسا روح آجیندان اولر! ادبیات یاشام سویودو. ادبیات اینجه لیک ایستک. محببت. وورغونلوق و بیر کلامدا معنا باغیدی.
سوزوم چوخدو آمما مندن بیر بئله یئتر.
https://t.me/Adabiyyatsevanlar

ادبیات سئونلر: سیزین نظرینیزه ادبیاتین کار بردی ندیر ؟
ادبیات هانسی دردین درمانی دیر؟
جواب : اوستاد دوکتور نطری
https://t.me/Adabiyyatsevanlar

ادبیات سئونلر: سیزین نظرینیزه ادبیاتین کار بردی ندیر؟
ادبیات هانسی دردین درمانی دیر؟
جواب : جناب حسرت زنگانلی
https://t.me/Adabiyyatsevanlar

سیزین نظرینیزه ادبیاتین کار بردی ندیر؟
ادبیات هانسی دردین درمانی دیر؟

دوکتور علی ستاری
دوکتورصمد رحمانی
دوکتور ارشد نظری
دلدار بناب
حسرت زنگانلی
سوسن نواده رضی
دوکتور ارگین افشار
احد فرهمندی
سحر خیاوی ...نین جوابلارین ادبیات سئونلر کانالیندا اوخویون .
https://t.me/Adabiyyatsevanlar

ادبیات سئونلر : سیزین نظرینیزه ادبیاتین کاربردی ندیر ؟
ادبیات هانسی دردین درمانی دیر ؟
جواب : سوسن نواده رضی شاعیر , یازیچی , ژورنالیست.
✏️داها یاخشی یاشاماق اوچون توپلومسال یاشاماغی سئچن اینسان، ایلیشکی قورماق اوچون، احتیاج‌لارینی گئدرمک اوچون و ایسته‌دیکلرینه چاتسین دئیه ادبیات چئشیدلر اولان دانیشماق و یازماق کیمی ائتکن‌لردن یارارلانیب.
ادبیات، اینسانین دوشوندوک‌لری، دویدوق‌لاری و ذهنی قاورام‌لاری‌نین گؤزل بیچیمده بیان ائدیلمه‌سی‌دیر.
آیریجا، دیل و ادبیات توپلومون دوشونجه، آماج، دَنه‌ییم، روحیات و بیر باشا کولتورونون گؤسترگه‌سی‌دیر. اینسان دوشونجه‌لرینی داها ائتکیلی، داها اوستون و داها لایقینجه کؤچورسون دئیه، اوستون دیل ساییلان ادبیاتدان یارارلانیب، اونو بیر کسگین آراج کیمی قوللانیبدیر.
اصلینده بیز هامیمیز، همیشه و هر یئرده یاخشی دانیشیب، یاخشی یازیب، یاخشی اوخوماغا احتیاجیمیز وار. دیگر یاندان ادبیات، بشرین ایللر بویو عؤمور قویوب جهد ائده‌رک الده ائتدیکلری دوشونجه و بیلگی خزینه‌لرینه ال تاپماق اوچون، و فایدالی تجروبه‌لریندن یارارلانماق اوچون بیر آراج ساییلیر.
ملیتی، مدنیتی، کیملیگی، کولتورو و باغیمسیزلیغی قورویوب گله‌جک قوشاق‌لارا گؤتوره بیلمک ده ادبیات واسیطه‌سیله مومکون‌دور. هر قوومون، هر میللتین دیل و ادبیاتی اونلارین تاریخی ده‌یرلر و گله‌نک‌لری‌نین قاووشاجاغی قایناق، بلله‌کلرینده آجیلی- شیرینلی داددیقلاری اورتاق خاطیره‌لرین یادداشی‌دیر.
استعمارچی‌لارین میللت‌لرین دیل و ادبیاتینی ال‌لریندن آلماغا ائتدیکلری سوره‌کلی تلاش‌لار ایسه، ادبیاتین و اونون یاشام‌لا مؤحکم باغلی‌لیغیندان حیکایت ائتمکده‌دیر.
ادبیات‌ین اؤنمی، و اونون یاشام ایله باغلی‌لیغی بوردان آشکار اولور کی، بیزلر همیشه استدلال گتیرمه‌یه، مقصدیمیزی بیلدیرمه‌یه، روحوموز اوخشاییب ذؤوقوموزو یوموشالتماغا، معنوی لذت آلماغا، دویغولاریمیزی پایلاشماغا و ... مثل‌دن، ضرب‌المثل‌دن، ناغیل‌دان، کینایه‌دن، تشبیه‌دن، شعردن، نؤکته‌دن و... یارارلانیریق.
بئله‌جه ادبیات، اینسانین اؤزونو، دونیانی و وارلیغی، مادی و معنوی مسئله‌لردن آنلاییشینا، قاوراییشینا و تانیماسینا یاردیمچی اولار.
بیر کلامدا، ادبیات، روحو بیلؤولندیرر، اینسان دویغولارینی اویاندیرار ، و دوشونجه‌لرله و آماجلاری قالارغیلاشدیرار.
................................................................................
جواب : دوکتور ارگین افشارشاعیر, یازیچی

اوستاد آذری تشککور ائدیرم . چوخ ساغ اولون. البته بیزیم اختصاصیمیز فیلولوژی اولدوغو اوچون داها چوخ دیلچیلیک آچیسیندان ادبیاتا باخیریق و ادبیاتی آنالیز ائدیریک. دوغال اولاراق، یئتگین و گوجلو دیله یییه لنن میللتین ادبییاتی دا گوجلو، درین و انگین اولو ر. انگین ادبییاتا مالک اولان میللت ده ذاتا یوخاری اؤزگووه نه، ٰ گوجلو آنالیز یئته نه یه، درین دوشونجه یه مالک اولار و بئله بیر میللتین تاریخی حافظه سی یئرینده اولوب دوست - دوشمنی یاخچی آییرذ ائده بیلر و حقینی-حقوقونو ن نئجه ساوونماسینی بیلر و حدینه و حدودونا واقف اولار. بیلدییمیز کیمی ادبییات میللتلرین مدنیلشمه سینه ده اولدوقجا یاردیم ائدیب و او میللتلرین بیر نئچه یؤندن اوستونلوکلرین ساغلار. بیلدییمیز کیمی ادبییات سوزجویو ده عربجه ده سومرجه دن آلینما بیر کلمه دیر و سومرجه ده "دب" یا "دپ" سؤزو ؛ یول، یوندم و چیخیش یولو آنلامیندا ایمیش. بئله لیکله ، گوجلو ادبییاتا مالک اولان میللتلرین کسینلیکه پارلاق بیر گله جه یی اولماسیندان قوشقو دویمامالییق. وار اولون.
........................................................................
جواب : احد فرهمند ی شاعیر , یازیچی
ادبيات ديلين ان اوستون قولو اولاراق ايچ دويغولاري باشقاسينا چاتديرماقدا ان ال‌وئريشلي واسيطه‌دير. دويغولاري يومشاتماقدا، ذؤوقو بئجرتمكله ديلي گوجلنديرمكده ادبياتين نقشيني اونودولمازدير. انسانلار ذاتي اولاراق هنر و ادبياتين گؤزلليگينه ساري چكيليرلر. ادبيات؛ فيكير، ياشام و دوشونجه‌‌ني گؤزلليگه جالاق وورماقلا ذهني قاوراملارين گؤزلليگيني ايچ دويغو و درين دوشونجه‌لري سؤز گوجو ايله دئمكدير. ادبياتين چكيملي اورك سيغاللايان قاليبلاري اولدوغو اوچون خالقي اؤزونه ساري چكيب ياشاييشلارا معنا باغيشلار. خالق تاريخ بويون ادبياتلا ياشايارايق، روح،‌ فيكر هابئله معنوي بوشلوقلاريني اونونلا دولدورماغا چاليشيب. ادبياتين گوجلو كولگه‌سي هئچ زامان ذهنلردن سيلينمه‌ييب و بير درين عامل اولاراق خالقلاري بير‌ـ بيرينه، قوووشدورماقدا، صميمي ايلگي ياراتماقدا و فيكيرلري بيرلشديرمكده دانيلماز رولو اويناياندير. سايقيلارلا احد فرهمندي
.....................................................................
جواب : سحر خیاوی شاعیر , یازیچی

یاشام دا، اوءلوم له حیات، غم له شادلیق، ایشیقلا قارانلیق و...و... بئله پارادوکس لار وار.منجه ادبیات اینجه لیک لر و گوزللیک لری قابارتماق دیر.بیر گول کولون دا تیکان دان آرتیق گولو گوءرمک.دونیا ادبیاتسیز کوبود و خشن اولار.بلکه ادبیات ساواش لار،آجلیق لار و نامهربانلیغین قاباغین دونیادا آلا بیلمه یه.امما اینسانلاری همنوعون سئومگه فیکیره سالا بیلر.دونیالیق باریشا اونو ماراقلاندیرا بیلر.سوءزلر رمان یا شعر اینجه لیک قالیبینه توکولنده اینسانلاری ماراقلاندیرار.چونکو اینسان ذاتن گوزللیک سئویر و ادبیات تامام اینجه لیک و گوزللیک دیر.
ادبیات اینسانین روحونون سازین اینجه بارماقلاریلا چالار و دونیانین کوبودلیغین آلار.
ادبیات ایستی و بورکو هاوادا شیرین شیرین اسینتی دیر آلما آغاجینین آلتیندا.اوخویارسان ائشیدرسن ایچینه لاپدان قیپ‌ قیرمیزی گوزل- سولو بیر آلما دوشر.
https://t.me/Adabiyyatsevanlar

"نزار قبانی"
چئویرن : ارگین افشار
قادین و یازی:....

یازیرام
قادینلاری ظولم حوجره لریندن
اؤلو شهرلردن
قوللوق بؤلگه لریندن
سویوق و آردیجیل،
غم کؤلگه لریندن
قورتارام....

یازیرام
سئودییم قادینی
شعیرسیز شهردن
سئوگی سیز شهردن
غم دولو شهردن
قورتارام....

اونو یاغار بیر بولوت اولماسی اوچون:
یازیرام...

ساده جه قادین و یازی
بیزی اؤلومدن قورتارار....

https://t.me/Adabiyyatsevanlar

ذکیه ذولفقار
طنز جوابلاماسی

سیزین نظرینیزه ادبیاتین کاربردی نه دی؟ هانکی دردین درمانیدی؟
أگر بیر آز فیکیرلشسک گورریک ادبیاتین اینسانا چوخ فایداسی وار. ادبیاتین چوخ بخشلری وار. شعر، داستان ، ناغیل، رومان و غیره...
شعر اؤزو چوخ دردلره درماندی.مثلا منیم باشیم آغریاندا ،بیر آز سئوگی شعری اوخوسام ,او دیقه دوزلر. بعضی شعرلر ده سویوق دیمنین داواسیدی.آغیز بورونومدان سو گلنده بئله ائلرم: تازا تندیردن چیخمیش ، بوغلویا بوغلویا قادین شعرلریندن، بیر ایکی بیت ،بیر لیوان سویا تؤکرم، بیر آزدا دیکلمه قاتیب ایکی اوچ بورون قاینادارام. سونرا بیر چای قاشیغی دا بایاتی قاتیب اونو گئجه یاتاندا ایچرم. سحر دوراندا گؤررم قادا بالا سیزدن گئتسین اصلا سویوق دیمدن زادان اثر قالماییب.
هله سیزه دئییم داستان و حیکایه دن. بولار مین بیر درده درماندی، اعصاب خستلیگی، قیچ آغریسی، بئل آغریسی ، قولونج ، ستلجم، ذات الریه داها نه لر دئییم کی بو داستان اونو درمان ائتمیر...
قالدی رومان اودا آللاهین معجزه سیدی. من اوزوم سرطان توتموشدوم بیر عاشقانه رومان باشلادیم اوخوماغا، اینانین او رومان بیتمه میشدن من ساغالدیم...
خولاصه هر نه قدر ادبیاتین تاثیرین ، دردلریمیزین درمانیندان دئسم گینه ده آز دئمیشم.
آللاه کیمسه نی درده سالماسین.و ادبیاتی دا بیزیم ألیمیزدن آلماسین.
توصیه ائدیرم ادبیاتدان غافیل اولمایین.هر نه وار بوردا وار...
https://t.me/Adabiyyatsevanlar

"دومان_سفراوغلو"
بو آخشام شعریمده خوش گؤردوک سنی
اؤزونه سیغیمیر داها دفتریم
گؤزلری دنیزلر سرگیسی هی . . . هی . . .
ایندی سیگارئتیمده سوروردوم سنی
ایچیمه یایارکن گؤزومدن آخدین
منی اؤزباشینا بیراخان گولوم
نه گؤزل بیر آندا تاپیلدین یئنه
اوزاق یول گلیبسن یورقونسان أیلش
الان بیر فینجانلیق دینجلدیم سنی
نه گؤزل هدیه لر الیبسان منه
تئللرینده اولدوز
قوجاغیندا آی
نه یامان عطش له اؤپورسن منی
بو آخشام شعریمده خوش گؤردوک سنی


https://t.me/Adabiyyatsevanlar

جمعه بازارا خوش گلیب سینیز
https://t.me/Adabiyyatsevanlar

جمعه بازار هر هفته ادبیات سئونلر کانالیندا
شکیل لر , طنز , دیکلمه , پئشه لر, شعر ...

طنز
بؤیوک‌آغا افندی

۱- قاپی آغزیندا:
– آغا بؤیوک‌آغا بویورون!
– خواهیش ائلیرم حاجی‌آغا، سیز بویورون!
– من اؤلوم!
– حاجی جانی اولماز.
– مئشه بؤیوک جانی گئچمرم.
– سققال حسابیدی قارداش، بویوراجاقسیز.
– سیز اولان یئرده من غلط ائلرم.
– سن الله شرمنده ائلمه، بویورون!
– آنام روحو گئچمرم.
– سن باللاریوین جانی گوناها سالما منی!
– قارداش جانی اؤزون بیلیرسن کی اولماز.
– گئدیغین بیته آند اولسون گئچمرم…

۲- چیراغ قیرمیزدان سونرا:
بووووووووووووووووق…
– اؤکوز سور دا !
– آی سنه تسلیق وئره‌نین…
– سن ماشین سورمه‌سن سنن کوسللر؟!
– بوبی سنه نه یاراشیر ماشین سورمک؟
– قاییت کندیزه ائششه‌ییوی سور دا !
– سنه شوفر دئیه‌نین آتاسینا لعنت.
– اولدو با، نه زیقینیسان سور دا دارقاشاییرد !
– آللاهین جلالینا شوکور اولسون، آخی آرواد اوتو ائوده قودوغووی ساخلا دا ! سنه کیم دئیر ماشین…؟
دی ددددددددددددددددددیت
دید، دید ، دید ، دید دی ی ی ی ی ی..
– حانبال سنین گؤ… نه یاراشیر او ماشین؟!
– او شوشنی وئر آشاغی، اونا اوچ دؤرد دانا رهلی سؤز دئییم!
– دده سنین کی باشین گورا تیتیریر، ماشین سورماغین ایندییه قالیب؟
– دست فرمانیو اوس…، آل اویانا گوراخ !
– من اؤلوم باخ گئده‌نین ماشین سورماغینا، ا ئله بیل گلین چیخیر…

۳- قارپوز پئپسی‌ایله
ادبیات سئونلرگروپوندا
– به به اعلا!
– چوخ گوزل!
– دوغرودان یاشا!
– باخ بونا دئیللر شعر با !
– خرمن اوغلو معلیم! بونو لاپ جسارتینن دئییرم، اؤزوده لاپ اوجادان. باخ اوتای، بوتای آذربایجاندا حتی اوروپانین قوزئینده ده سیزین کیمی‌شاعیر تاپیلماز.
– والله اوستاد! جیم‌جیلاق سو اولدم. باخ منی اون دؤرد ماحالین چشمه‌لرینن یویوندورسایدیلار بئله ایسلانمازدیم کی سیزین فرمایشینیزدن ایسلاندیم. الله سیزی بیزیم ادبیاتیمیزا، ائلیمیزه، وطنیمیزه، دینیمیزه، قلمیمیزه… چوخ گؤرمه‌سین.
– یوخ جانیم سیزین باره‌زده من دئین هئچ حقیقتین اوندان بیری ده دئییل. سیزین حاقینیزدا من گرک اون‌بئش کیتاب یازام تا جماعت سیزین یازیلارینیزین ایچینده گئچن اینجه‌لیک‌لره توپلومسال، قوتسال، فوتسال، فوتبال… و لاپ درینلیک‌لرده اولان دور جواهیرلری آیدین گؤرسونلر.
– اوستاد باشیوا دولانیم، قاداوی آلیم! سیز اؤزونوز یاخچی بیلیرسینیز کی من ایکینجی عصرین اورتالاریندان ایندییه‌جه چیخان کیتابلاری، بوتون قزئته‌لری، هرنه کی بشرین الی ایله یازیلیب،‌هامیسین اوخوموشام. باخ تعارفسوز عرض ائلیرم: ادبیات دونیاسیندا فیکر ائتمیرم دؤرد یوز ایل بوندان سونرادا سیزین کیمی‌بیر دیرلی عالیم، عارف، چوخ درین بیر اقیانوس دونیایا تشریف بویورسون. خیر، هئچ مین ایله جه‌ده گله بیلمز.
– خرمن اوغلو بی، اوستاد سیزین باره‌نیزده چوخ گؤزل بویوردولار. الله سیزی آذربایجانا چوخ گورماسین.
– خرمن اوغلو قارداش، من اؤزوم ییرمی‌ایلدیر شعیر یازارام. باخ سیزین بو شعیرینیزی ائشیدندن باجی جانی آپاردیم بوتون شعیرلریمی‌تؤکدوم زیبیل قابینا. حقیقتن من سیزین باره‌نیزده چوخ ائشیتمیشدیم، امما: شنیدن کی بود مانند دیدن.
– منیم مهریبان باجیم ! واللهی سیزین او زیبیله آتدیغینیز شعیرلرین هر بیر بندی منیم بوتون کیتابلاریمی‌دیوان و دفتر دستک‌لریمی‌آلار، ساتار.
– خرمن اوغلو معلیم،‌هامیز بیلیرسینیز من نه شاعیرم، نه یازیچی. هئچ شعیردن ده باشیم چیخماز. من فقط گئجه، گوندوز بوردا سلام، صبح بخیر قویارام. امما من ایندییه‌جه سیزین کیمی‌یئکه شاعیر گورمه‌میشم…
https://t.me/Adabiyyatsevanlar

آپاردی تاتار منی
https://t.me/Adabiyyatsevanlar

جمعه بازار تقدیم ائلیر
ناهار چاغیلار بیزیم کوچه میزده
https://t.me/Adabiyyatsevanlar

قارمون : اوستاد رحمان اسدلهی ,رحیم شهریاری

https://t.me/Adabiyyatsevanlar

جمعه بازار تقدیم ائلیر.
اینصاف دا یاخجی شی دی
ماهنی : گروه رستاک
https://t.me/Adabiyyatsevanlar

«ناظیم حکمت» 1963-1902

تپه دن دیرناغا اینسان
تپه دن دیرناغا مباریز
تپه دن دیرناغا شاعیری...
تورک شاعیری« ناظیم حکمتین» آد گونو قوتلو اولسون

https://t.me/Adabiyyatsevanlar

حسن ریاضی ( ایلدریم )
دونیا شاعیری، ناظیم حیکمت

«من بیر اینسان،

من تورک شاعیری ناظیم حکمت

من تپه‌دن دیرناغا اینسان،

تپه‌دن دیرناغا مباریزه، حسرت،

و اومیددن عیبارت».

دونیامیزین بؤیوك شاعيري، آزادلیق، صولح، عدالت و سئوگي نغمه‎كاري؛ موباريزه‎سي و صنعتي‎له اسطوره‎لشن ناظيم حيكمت, تورك خالقی‎نین دونیا مدنيتي‎نه بخش ائتديیي اؤلمز صنعت‎كاردیر.

اونون شئعري ميللي ده یرلردن مایالانـیب, ميللي بویالارا بویانسا دا, آنجاق اينسانلیغین, بديعي- مدني ده یرلرينه اساس‎لانیر. اولو شاعيرين یارادیجیلیق سوزگجيندن كئچن شخصي تجربه‎لري, یاشانتی‎لاری عمومي‎لشميش, و بشري‎لشميش بير دونیا دویومو, دونیا گؤرومو سويیه‎سينه یوكسلير. و یئني- یئني مضمونلار و فورمالاردا شئعيرلشير. پيئس‎لره, رومانلارا, منظومه‎لره چئوريلير. اونون قلميندن سوزولن مختليف بيچيملي صنعت اثرلري ايلدن-ايله كئچيركن, ديلدن- ديله چئوريلير. پيئس‎لري صحنه‎لشیر, رومان و داستانلاری فيلمه چكيلير و شئعرلري ماهنی‎لاشاراق، دونیامیزی صنعت ايشیغینا بورویور. بئله حالدا او تكجه بير خالقین دئیيل,بلکه بوتون دونیانـین, بوتون اينسانلیغین دوغما شاعير اوغلو, اؤلمز صنعتكاری‎دیر.

ناظيم حيكمت «كرم كيمي» یانسا دا, آمما او كول اولمایـیب, بلكه ابدي بير ايشیق منبعينه دؤنوب, دونیامیزین گونو- گوندن قارالماسینا باخمایاراق, او بو قاتی قارانلیقدا داها گور, داها ايشیقلی ساچماقدادیر. اونون صنعت یانغی‎سی اوره‎یيميزده آلیشیر, روحوموزون قارانلیق‎لارینا ايشیق توتور، ايچ اوزوموزو نورلا، شفق‎له بزه‎یير، بيز ده یاشاماق، سئومك هوسيني داها دا آرتـیریر. ناظيمين اثرلرينده‎كي آیدین‎لادیجی، تأثيرائديجي، جان‎وئريجي بو سئحيرلي قووّه، اونون یاشادیغی حیاتـیندان دوغوب تؤره‎نير. اونون یاشایـیشیندان قایناق‎لانـیر. او اؤزو اثرلري‌‎نين باش قهرمانی‎دیر. ناظيم زينداندان گؤندرديگي بير مكتوبوندا یازیر:

«اوچ جور یاشاماق وار، بيرينجي- یاشادیغی‌نـین فرقينده بئله اولماماق، یعني یاشادیغینـی، یاشاماق دئیيلن مفهومو بوتون عظمتيله درك ائتمه‌دن یاشاماق، یعني اينسان‌لارین بؤیوك اكثريیتي كيمي ... ايكينجي‌سي- هارادا اولورسان، هانسی شرايط‌ده وار اولورسان اول، یاشاماق بير سعادت‌دير سنين اوچون. دوشونمك، اوخوماق, سئومك، دؤیوشمك، گؤرمك، ائشيتمك، چالیشماق، ايشكنجه گؤرمك، نيفرت ائتمك، بير سؤزله بوتون بو مادي و معنوي شئی‌لر سعادت‌دير سنين اوچون. یعني مستقيل و آزاد یاشاماق دئیيلن شئی نه گؤزل‌دير. بونو هرآن و هر شرايط‌ده درك ائده‌سن. اوچونجو- یاشاماق ساده‌جه بير وظيفه‌دير سنين اوچون، بعضن اؤلمك نئجه بير وظيفه اولورسا، یاشاماق دا ائله بير وظيفه‌دير. وئريلميش بير سؤزو یـئرينه یـئتيرمك كيمي. منيم اوچون یاشاماق مفهومو ايستر حبس‌ده اولوم، یا اولمایـیم. ايستر سئوگيليمين الي اليم‌ده آی ايشیغینـی سئیر ائديم، ايستر حبس‌خانادا اوتاغیمین تاوانـینـی, یاشاماق بير سعادت‌دير. حتّا منه ائله گلير كي، تورك ادبیاتـیندا «یاشاماق نه گؤزل شئی‌دير» دئین ايلك شاعير بنده‌نيزدير».

ناظيم دوغرودان دا دئديگي كيمي، سئوه- سئوه، دؤیوشه- دؤیوشه، یارادا- یارادا یاشادی. وطني‎نين، دونیانـین قورتولوش و گؤزللشمه‎سي نامينه دؤیوشدو، آغیر گونلره، زيندانلارا دؤزدو، بير اينسان كيمي یاشادی. خالقی‎نـین، اينسانلیغین آغری آجی‎لارینی، حسرت و اوميدلريني اؤزونونكولشديردي، اونلاری یاشادی، ناظيم ميللي چرچيوه‎ده، اؤزونو محدودلاشدیرمادی. او اوزونو بوتون بشريیته توتدو، دونیا ادبیاتـینی، باشقا خالقلارین فولكلورونو، دريندن اؤیرندي، منيمسه‎دي. اونلاردان بارلاندی و اؤز یارادیجیلیغیندا باجاریقلا اونلاردان استيفاده ائتدي. ناظيم صنعتي‎نين ان قاباریق خصوصيیتي، اونون بشري‎ليیي، اينساني‎ليیي‎دير. او ميللي اولدوغو قدر ده، بئین‎الميلل‎دير. اونون اثرلري هئچ بير ميللي محدوديیت تانیمیر. آنجاق ناظيم شئعريني تورك خالقی‎نین ديلي، ادبیاتی حیاتي ايله ائله قاينايـیب، قاریشیب كي، تورك ديليني ناظيم‎سيز و ناظيمي ده تورك ديلي‎سيز تصوّور ائتمك بئله مومكون دئیيل.

ناظيم یازیر:

«شئعريمين كؤكو یوردومون تورپاغیندادیر. آمما بوداق‌لارینـی بوتون تورپاق‌لارا ... او تورپاق‎لار اوستونده قورولموش مدنیت‌لره, بوتون دونیامیزا اوزاتماق، ايسته‌ديم. اينسان اوغلو هارادا، نه زامان و هانسی ديلده اولورسا، اولسون، اوره‌یيمه، بئینيمه اویقون بير شئعر سؤیله‌ميش‌سه، اونون سؤیله‌یيشينده‌كي اوستالیغی، اينجه‌لمه‌یه اوندان بير شئی‌لر اؤیرنمه‌یه چالیشدیم، تكجه اؤز ادبیاتـیمیزین دئیيل، شرق، غرب ادبیاتـی‌نـین بوتون اوستادلارینـی اؤزومه اوستاد ساندیم».