قیزجیغاز ایییرمی قپییین بیرینی ایتیردییینی ایندی باشا دوشدو. آغلامسیناراق:
-واللاه، ایندیجه اووجومدایدی. یقین یئره دوشوب- دئدی.
باغبان باشینی بولادی. او، سیرالانمیش قیزیلگول کوللارینین آراسی ایله ایرهلیلهییب، بالاجا مشترییه چیچک سئچمک ایستهییردی. امّا اوستو ان گؤزل بوتالار، قونچالارلا دولو کوللاردان یان کئچیر، ائله بیل شوخ، طراوتلی چیچکلری درمهیه الی گلمیردی. بیردن نه فیکیرلشدیسه، اطرافداکی حئیوا آغاجینین آچیق چُهرایی چیچکلره بورونموش بیر نئچه بوداغینی کسیب قیزا وئردی.
«پولو آلین زحمت اولماسا»- دئییب، اووجونداکیلاری باغبانا اوزاداندا گؤزلرینه اینانمادی. الینده جمعی ایییرمی قپیک قالمیش، اون قپییی ده سالیب ایتیرمیشدی. هیجاندان اللری تیترهییردی. سانکی اوغورلوق اوستونده توتولموشدو. دوشونوردو کی، باغبان بابا یقین اونون پولو ایتیرمهیینه اینانمیر. سسی تیترهیه-تیترهیه: «من قپیکلری حقیقتاً ایتیرمیشم. منی باغیشلایین» دئدی.
باغبان اوز-گؤزونو تورشودوب، آییردیغی حئیوا چیچکلرینی سارالمیش قزئت پارچاسینا بورکهرک اونو یولا سالدی. یولبویو گوللری سینهسینه سیخیب، عزیزلهییردی. حئیوا چیچکلری ائله ظریف و اینجه ایدی کی... بیاضلا چهرایینین قاریشیغیندان یارانمیش بو اسرار انگیز گؤزهللیک گؤز قاماشدیریردی.
ائوه چاتاندا آناسی آرتیق ایشه یوللانمیشدی. همین گون ایکینجی نوبهده چالیشاجاق ایدی. گوللری دیوار-دیوارا یاشادیقلاری قونشو قادینا وئریب سویا قویماسینی خواهش ائلهدی چکینه-چکینه:
-کاش سحرهدک چیچکلر ائله بو گؤزهللیکده قالایدی، یوخسا اونو دانلایارلار.
آناسی سحر تئزدن قونشونون گتیردییی سولغون چیچکلری گؤرهنده دوداقآلتی میزیلداندی: «آخی دئییردیم کی، خزله دؤنهجک...»
قیزینین معلّمی و شاگردلرله بیرگه ساحل باغینا یوللاندیلار. معلّم طراوتینی ایتیرمیش حئیوا چیچکلرینی گؤرهنده ناراضی نظرلرله قیزجیغازا باخیب دوداغینی بوزدو. سونرا ایسه اوشاقلارین گتیردییی گوللردن بیر نئچهسینی اونا وئردی.
موسیقی ایله مشایعت اولونان مراسم باشلادی. پیونئر قالستوکلارینی بویونللاریندان آسان مکتبلیلر آند ایچیب، طنطنهلی شکیلده بو اوشاق تشکیلاتینین سیرالارینا عضو اولوردو.
تانینمیش سیمالار یازیچیلار-عالیملر اوشاقلاری سلاملاییر، تبریک ائدیردیلر. سینهسی اوردئن-مئداللی امک قهرمانی ساچلارینا آغ باند وورموش قیزجیغازا یاخینلاشیب بیر شعر سؤیلهمهسینی ایستهدی. جینگیلتیلی اوشاق سسی ایله سؤیلهدییی «وطن» شعری هامینی حئیران ائتدی. امک قهرمانی مکتبلی قیزین باشینی تومارلاییب، اونا آغیزدولوسو «احسن!» دئدی. آز اؤنجه شاگردلرین اونا وئردییی رنگارنگ گول دمتینی قیزجیغازا باغیشلادی. آغ قیزیلگوللردن باغلانمیش بو ایری گول دستهسینی قوجاغیندا گوجله ساخلاییردی. مراسمی ایشیقلاندیران عکاسمخبرلر اونون اوردئن-مئداللی عمی ایله شکیللرینی چکدیلر. بو عکسلرین بزهدییی قزئتلر ائرتهسی گون مکتبده الدن-اله گزیردی. «اونو هامی تانییاجاق!» فکری ایله قانادلانیردی. ایندی معلّمی ده اونا تامام باشقا نظرلرله باخیردی. همین گونون سئوینجینی اوزون مدت یاشاسا دا، آرادان ایللر کئچسه ده، آتیلمیش حئیوا چیچکلرینی هر دفعه کؤورک حسّلرله خاطیرلاییردی.
https://t.me/Adabiyyatsevanlar
-واللاه، ایندیجه اووجومدایدی. یقین یئره دوشوب- دئدی.
باغبان باشینی بولادی. او، سیرالانمیش قیزیلگول کوللارینین آراسی ایله ایرهلیلهییب، بالاجا مشترییه چیچک سئچمک ایستهییردی. امّا اوستو ان گؤزل بوتالار، قونچالارلا دولو کوللاردان یان کئچیر، ائله بیل شوخ، طراوتلی چیچکلری درمهیه الی گلمیردی. بیردن نه فیکیرلشدیسه، اطرافداکی حئیوا آغاجینین آچیق چُهرایی چیچکلره بورونموش بیر نئچه بوداغینی کسیب قیزا وئردی.
«پولو آلین زحمت اولماسا»- دئییب، اووجونداکیلاری باغبانا اوزاداندا گؤزلرینه اینانمادی. الینده جمعی ایییرمی قپیک قالمیش، اون قپییی ده سالیب ایتیرمیشدی. هیجاندان اللری تیترهییردی. سانکی اوغورلوق اوستونده توتولموشدو. دوشونوردو کی، باغبان بابا یقین اونون پولو ایتیرمهیینه اینانمیر. سسی تیترهیه-تیترهیه: «من قپیکلری حقیقتاً ایتیرمیشم. منی باغیشلایین» دئدی.
باغبان اوز-گؤزونو تورشودوب، آییردیغی حئیوا چیچکلرینی سارالمیش قزئت پارچاسینا بورکهرک اونو یولا سالدی. یولبویو گوللری سینهسینه سیخیب، عزیزلهییردی. حئیوا چیچکلری ائله ظریف و اینجه ایدی کی... بیاضلا چهرایینین قاریشیغیندان یارانمیش بو اسرار انگیز گؤزهللیک گؤز قاماشدیریردی.
ائوه چاتاندا آناسی آرتیق ایشه یوللانمیشدی. همین گون ایکینجی نوبهده چالیشاجاق ایدی. گوللری دیوار-دیوارا یاشادیقلاری قونشو قادینا وئریب سویا قویماسینی خواهش ائلهدی چکینه-چکینه:
-کاش سحرهدک چیچکلر ائله بو گؤزهللیکده قالایدی، یوخسا اونو دانلایارلار.
آناسی سحر تئزدن قونشونون گتیردییی سولغون چیچکلری گؤرهنده دوداقآلتی میزیلداندی: «آخی دئییردیم کی، خزله دؤنهجک...»
قیزینین معلّمی و شاگردلرله بیرگه ساحل باغینا یوللاندیلار. معلّم طراوتینی ایتیرمیش حئیوا چیچکلرینی گؤرهنده ناراضی نظرلرله قیزجیغازا باخیب دوداغینی بوزدو. سونرا ایسه اوشاقلارین گتیردییی گوللردن بیر نئچهسینی اونا وئردی.
موسیقی ایله مشایعت اولونان مراسم باشلادی. پیونئر قالستوکلارینی بویونللاریندان آسان مکتبلیلر آند ایچیب، طنطنهلی شکیلده بو اوشاق تشکیلاتینین سیرالارینا عضو اولوردو.
تانینمیش سیمالار یازیچیلار-عالیملر اوشاقلاری سلاملاییر، تبریک ائدیردیلر. سینهسی اوردئن-مئداللی امک قهرمانی ساچلارینا آغ باند وورموش قیزجیغازا یاخینلاشیب بیر شعر سؤیلهمهسینی ایستهدی. جینگیلتیلی اوشاق سسی ایله سؤیلهدییی «وطن» شعری هامینی حئیران ائتدی. امک قهرمانی مکتبلی قیزین باشینی تومارلاییب، اونا آغیزدولوسو «احسن!» دئدی. آز اؤنجه شاگردلرین اونا وئردییی رنگارنگ گول دمتینی قیزجیغازا باغیشلادی. آغ قیزیلگوللردن باغلانمیش بو ایری گول دستهسینی قوجاغیندا گوجله ساخلاییردی. مراسمی ایشیقلاندیران عکاسمخبرلر اونون اوردئن-مئداللی عمی ایله شکیللرینی چکدیلر. بو عکسلرین بزهدییی قزئتلر ائرتهسی گون مکتبده الدن-اله گزیردی. «اونو هامی تانییاجاق!» فکری ایله قانادلانیردی. ایندی معلّمی ده اونا تامام باشقا نظرلرله باخیردی. همین گونون سئوینجینی اوزون مدت یاشاسا دا، آرادان ایللر کئچسه ده، آتیلمیش حئیوا چیچکلرینی هر دفعه کؤورک حسّلرله خاطیرلاییردی.
https://t.me/Adabiyyatsevanlar
Telegram
ادبیات سئونلر
بوکانال ادبیات سئونلر قوروپونون سئچیلمیش اثرلری دیر
کانالدا کی یازیلاری کانالین لینکینی وئرمک شرطی ایله پایلاشماق اولار.
کانالدا کی یازیلاری کانالین لینکینی وئرمک شرطی ایله پایلاشماق اولار.
This media is not supported in your browser
VIEW IN TELEGRAM
باخین شرطه!!!
واللاه مشهدی عبادا دا بئله شرط قویمامیشدیلار.
طرف ائلچی گئدییب قیزین دده سی دئییب...
https://t.me/Adabiyyatsevanlar
واللاه مشهدی عبادا دا بئله شرط قویمامیشدیلار.
طرف ائلچی گئدییب قیزین دده سی دئییب...
https://t.me/Adabiyyatsevanlar
Forwarded from ادبیات سئونلر
اوشاق ادبیاتی
اوشاق ادبیاتی هرهفته پنجشنبه گونو ادبیات سئونلر کانالیندا،
اوشاق ادبیاتینا دایر یازیلارینیزی بیزه گوندرین.
https://t.me/Adabiyyatsevanlar
اوشاق ادبیاتی هرهفته پنجشنبه گونو ادبیات سئونلر کانالیندا،
اوشاق ادبیاتینا دایر یازیلارینیزی بیزه گوندرین.
https://t.me/Adabiyyatsevanlar
اوشاق ادبیاتی
سئوگی افسانهسی۷
یازار: صمد بهرنگی
چئویرن: منیژه جمنژاد
💗 یاریگئجه یئددی بئی ال اله وئریب، گؤیرچین قیلیغینا گیریب، اوچوب گئتدیلر. قوچعلی بیرآز مئشه ده دولاندی، آما یالقیزلیق دردینی آزالدا بیلمهدی. آخیردا بیرآغاجین آلتیندا اوتوروب بیرآز آغلادی. او٘رهیی بیرآز بوشالدیقدا، کؤهوله سو٘روسونون یانینا گلدی. جوانچوبان گئنه سوسدو. گؤزلرینی قیزین گؤزلرینه تیکدی. سؤزونون اثرینی قیزین گؤزلرینده گؤرمک ایستیردی. قیزین سسی تیترهیهرک دئدی: گئنه دئ. قوچعلی نه اولدو؟ دئنه. چوبان دئدی: - << صاباح گئجهسی گئنه قوچعلی پادشاهین قیزینی خاطیرلادی، اونو هلهده او٘رهکدن سئودیینی گؤردو. اؤز یانیندا دئدی: داغلارین چوبانی دئییلم، اونون عاقلینی یئرینه گتیریب آدام ائلهمهسم.
بو یازینین آردینی ادبیات سئونلر کانالیندا اوخویون.
https://t.me/Adabiyyatsevanlar
سئوگی افسانهسی۷
یازار: صمد بهرنگی
چئویرن: منیژه جمنژاد
💗 یاریگئجه یئددی بئی ال اله وئریب، گؤیرچین قیلیغینا گیریب، اوچوب گئتدیلر. قوچعلی بیرآز مئشه ده دولاندی، آما یالقیزلیق دردینی آزالدا بیلمهدی. آخیردا بیرآغاجین آلتیندا اوتوروب بیرآز آغلادی. او٘رهیی بیرآز بوشالدیقدا، کؤهوله سو٘روسونون یانینا گلدی. جوانچوبان گئنه سوسدو. گؤزلرینی قیزین گؤزلرینه تیکدی. سؤزونون اثرینی قیزین گؤزلرینده گؤرمک ایستیردی. قیزین سسی تیترهیهرک دئدی: گئنه دئ. قوچعلی نه اولدو؟ دئنه. چوبان دئدی: - << صاباح گئجهسی گئنه قوچعلی پادشاهین قیزینی خاطیرلادی، اونو هلهده او٘رهکدن سئودیینی گؤردو. اؤز یانیندا دئدی: داغلارین چوبانی دئییلم، اونون عاقلینی یئرینه گتیریب آدام ائلهمهسم.
بو یازینین آردینی ادبیات سئونلر کانالیندا اوخویون.
https://t.me/Adabiyyatsevanlar
اوشاق ادبیاتی
سئوگی افسانهسی۷
یازار: صمد بهرنگی
چئویرن: منیژه جمنژاد
💗 یاریگئجه یئددی بئی ال اله وئریب، گؤیرچین قیلیغینا گیریب، اوچوب گئتدیلر. قوچعلی بیرآز مئشه ده دولاندی، آما یالقیزلیق دردینی آزالدا بیلمهدی. آخیردا بیرآغاجین آلتیندا اوتوروب بیرآز آغلادی. او٘رهیی بیرآز بوشالدیقدا، کؤهوله سو٘روسونون یانینا گلدی. جوانچوبان گئنه سوسدو. گؤزلرینی قیزین گؤزلرینه تیکدی. سؤزونون اثرینی قیزین گؤزلرینده گؤرمک ایستیردی. قیزین سسی تیترهیهرک دئدی: گئنه دئ. قوچعلی نه اولدو؟ دئنه. چوبان دئدی: - << صاباح گئجهسی گئنه قوچعلی پادشاهین قیزینی خاطیرلادی، اونو هلهده او٘رهکدن سئودیینی گؤردو. اؤز یانیندا دئدی: داغلارین چوبانی دئییلم، اونون عاقلینی یئرینه گتیریب آدام ائلهمهسم. پادشاه قیزینین حیوان خویوندان ال چکمهسی اوچون نه ائدهجهییمی بیلیرم. بئله اونو اوجور یاشامدان اوزاقلاتمام گرکیر. سونرا گؤیرچین جیلدینه گیریب پادشاهین قیزینین باغینا گئتدی. قیز گلیب سو٘دگؤلونه گیرهنهجه گؤزلهدی. قوچعلی ده گلیب گؤلون قیراغیندا نار آغاجینا قونوب دئدی: آی گؤزلقیز نه گؤزل بدنین وار! من سنه عاشیق اولدوم. خواهش ائلیرم سودون ایچیندن ائشیه چیخ، من سنه گؤزلجه باخیم. پادشاهین قیزی اؤنجه قودوز ایت کیمی های- کوی سالدی. یامان دئدی. امرائلهدی. سونرا پادشاه قیزی اولدوغونو اونوتدو، باشقا یاخشی قیزلار کیمی مهربان اولوب دئدی: آی خوش دانیشیقلی گؤیرچین، من بیر گؤیرچینین عشقین قبول ائلیهبیلمرم کی. اگر دوغروچو عاشیقسان، جیلدیندن چیخ، منده سنه باخیم. قوچعلی جیلدیندن چیخمادی. پادشاهین قیزی اونون گؤیرچین جیلدیندن چیخماسی اوچون یوخوسونو وئرمهیه راضیلاشدی. قوچعلی قیزین یوخوسونو آلیب، اوچوب گئتدی. اوگو٘ن دن قیزین گؤزونه یوخو گلمهدی. یوخوسوزلوقدان ناخوشلاییب یاتاغا دو٘شدو. شهرین حکیملری اونون دردینه درمان تاپمادیلار، چونکو پادشاه حکیملرین کیفیر اللرینی قیزینین تنینه وورمالارینا اجازه وئرمه میشدیر. بیرگو٘ن قوچعلی قوجا قریب بیرحکیم پالتاریندا پادشاهین یانینا گئتدی، سونرا ال وورمادان باخماسی اوچون قیزین یانینا گئتدی. بیرآز قیزا، اونو معاینه ائلیرمیش کیمی باخدی. سونرا دئدی قیز << سئوگی افسانه سی>> ائشیدیرسه توختایاجاق. کیمسه شهرده سئوگی افسانهسی باشارمیردی. قوچعلی گئنه قوجا قریب حکیم قیلیغیندا گلیب پادشاها دئدی فلان داغدا جوان بیرچوبان یاشاییر، <<سئوگی افسانه سی>> نی یاخشی باشاریر، پادشاه اؤزو اونون دالینجا گئدیرسه قیزین باشیاو٘سته گلر.>>
٭٭٭
چوبان گئنه سوسدو، قیزین هویوخموش گؤزلرینه باخدی. گو٘لوب دئدی: هه، آیگؤزلقیز، آی قیزخانیم بئله اولدو، بیرگون منی ایت کیمی ائویندن قووان آتان، داغلارا گلیب، منی سنه گتیردی، ایندی نه دئییرسن؟ قیز خانیم آغلاماغینی ساخلایا بیلمهدی. دئدی: قوچعلی من همشهلیک پادشاه قیزی اولدوغومو اونوتدوم. سنی ایستیرم. ایندی سنین سئوگینه نئجه احتیاجیم اولدوغونو بیلیرم. منی اؤزونله آپار. هامیکیمی یاشاماق ایستیرم. قوچعلی دئدی: هامیکیمی یاشاماق سنین اوچون آسان ایش دئییل. چونکو ناز- نعمت ایچینده یاشامیسان. آما اؤزون ایسترسن، یئنی یاشامینا دا آلیشارسان. قیز خانیم دئدی: سنینله، باشقا لاریله اولورسام هرایش منه آسان اولار. قوچعلی، منی اؤزونله آپار. قیزخانیمی تک قویما. قوچعلی اونون گؤزیاشینی سیلیب جیبیندن بیرآلما چیخاردیب دئدی: ایندی سن یورغونسان. بو آلمانی منیم الیمدن یئ، سونرا گئنه گلرم. دا سن همشهلیک منی سئوهجکسن، بیلیرم. گؤزل قیز آلمانی آلیب یئدی، آرخاسی او٘سته اوزانیب گؤزلری آستا- آستا یومولوب، شیرین یوخویا گئتدی. قوچعلی دوروب قیزین یاناغیندان اؤپوب گئتدی. پادشاها دئدی: قیزینین یوخوسونو قایتاردیم. او٘چ گونهجه کیمسه قصرین یان- یؤورهسینه دولانماسین، بدخواب اولار. دؤردونجوگون گئدین آییلدین.
ایکینجیگون سحر، گو٘ن چیخمادان، قوچعلی گؤیرچین قیلیغیندا قیز خانیمین یانینا گلدی، جیلدیندن چیخیب، بیر قیزیلگو٘ل قیزین بورنونا توتدو. قیز گؤزلرینی آچدی، سسسیز، یومشاق گو٘لدو. قوچعلی دئدی: راحات یاتدین؟ قیزخانیم دئدی: شیرین یاتدیم، قند کیمی، بال کیمی. ایندی منی اؤزونله آپاریرسان؟ قوچعلی دئدی: هه، دور گئدهک باغدا یویون سونرا گئدهک.
٭٭٭
گون تازاجا چیخمیشدی ایکی آغ گؤیرچین گؤلون قیراغیندا نار آغاجیندان قالخیب، گو٘نشه دوغرو اوچدولار.
سون🕊
۱۳۴۶
https://t.me/Adabiyyatsevanlar
سئوگی افسانهسی۷
یازار: صمد بهرنگی
چئویرن: منیژه جمنژاد
💗 یاریگئجه یئددی بئی ال اله وئریب، گؤیرچین قیلیغینا گیریب، اوچوب گئتدیلر. قوچعلی بیرآز مئشه ده دولاندی، آما یالقیزلیق دردینی آزالدا بیلمهدی. آخیردا بیرآغاجین آلتیندا اوتوروب بیرآز آغلادی. او٘رهیی بیرآز بوشالدیقدا، کؤهوله سو٘روسونون یانینا گلدی. جوانچوبان گئنه سوسدو. گؤزلرینی قیزین گؤزلرینه تیکدی. سؤزونون اثرینی قیزین گؤزلرینده گؤرمک ایستیردی. قیزین سسی تیترهیهرک دئدی: گئنه دئ. قوچعلی نه اولدو؟ دئنه. چوبان دئدی: - << صاباح گئجهسی گئنه قوچعلی پادشاهین قیزینی خاطیرلادی، اونو هلهده او٘رهکدن سئودیینی گؤردو. اؤز یانیندا دئدی: داغلارین چوبانی دئییلم، اونون عاقلینی یئرینه گتیریب آدام ائلهمهسم. پادشاه قیزینین حیوان خویوندان ال چکمهسی اوچون نه ائدهجهییمی بیلیرم. بئله اونو اوجور یاشامدان اوزاقلاتمام گرکیر. سونرا گؤیرچین جیلدینه گیریب پادشاهین قیزینین باغینا گئتدی. قیز گلیب سو٘دگؤلونه گیرهنهجه گؤزلهدی. قوچعلی ده گلیب گؤلون قیراغیندا نار آغاجینا قونوب دئدی: آی گؤزلقیز نه گؤزل بدنین وار! من سنه عاشیق اولدوم. خواهش ائلیرم سودون ایچیندن ائشیه چیخ، من سنه گؤزلجه باخیم. پادشاهین قیزی اؤنجه قودوز ایت کیمی های- کوی سالدی. یامان دئدی. امرائلهدی. سونرا پادشاه قیزی اولدوغونو اونوتدو، باشقا یاخشی قیزلار کیمی مهربان اولوب دئدی: آی خوش دانیشیقلی گؤیرچین، من بیر گؤیرچینین عشقین قبول ائلیهبیلمرم کی. اگر دوغروچو عاشیقسان، جیلدیندن چیخ، منده سنه باخیم. قوچعلی جیلدیندن چیخمادی. پادشاهین قیزی اونون گؤیرچین جیلدیندن چیخماسی اوچون یوخوسونو وئرمهیه راضیلاشدی. قوچعلی قیزین یوخوسونو آلیب، اوچوب گئتدی. اوگو٘ن دن قیزین گؤزونه یوخو گلمهدی. یوخوسوزلوقدان ناخوشلاییب یاتاغا دو٘شدو. شهرین حکیملری اونون دردینه درمان تاپمادیلار، چونکو پادشاه حکیملرین کیفیر اللرینی قیزینین تنینه وورمالارینا اجازه وئرمه میشدیر. بیرگو٘ن قوچعلی قوجا قریب بیرحکیم پالتاریندا پادشاهین یانینا گئتدی، سونرا ال وورمادان باخماسی اوچون قیزین یانینا گئتدی. بیرآز قیزا، اونو معاینه ائلیرمیش کیمی باخدی. سونرا دئدی قیز << سئوگی افسانه سی>> ائشیدیرسه توختایاجاق. کیمسه شهرده سئوگی افسانهسی باشارمیردی. قوچعلی گئنه قوجا قریب حکیم قیلیغیندا گلیب پادشاها دئدی فلان داغدا جوان بیرچوبان یاشاییر، <<سئوگی افسانه سی>> نی یاخشی باشاریر، پادشاه اؤزو اونون دالینجا گئدیرسه قیزین باشیاو٘سته گلر.>>
٭٭٭
چوبان گئنه سوسدو، قیزین هویوخموش گؤزلرینه باخدی. گو٘لوب دئدی: هه، آیگؤزلقیز، آی قیزخانیم بئله اولدو، بیرگون منی ایت کیمی ائویندن قووان آتان، داغلارا گلیب، منی سنه گتیردی، ایندی نه دئییرسن؟ قیز خانیم آغلاماغینی ساخلایا بیلمهدی. دئدی: قوچعلی من همشهلیک پادشاه قیزی اولدوغومو اونوتدوم. سنی ایستیرم. ایندی سنین سئوگینه نئجه احتیاجیم اولدوغونو بیلیرم. منی اؤزونله آپار. هامیکیمی یاشاماق ایستیرم. قوچعلی دئدی: هامیکیمی یاشاماق سنین اوچون آسان ایش دئییل. چونکو ناز- نعمت ایچینده یاشامیسان. آما اؤزون ایسترسن، یئنی یاشامینا دا آلیشارسان. قیز خانیم دئدی: سنینله، باشقا لاریله اولورسام هرایش منه آسان اولار. قوچعلی، منی اؤزونله آپار. قیزخانیمی تک قویما. قوچعلی اونون گؤزیاشینی سیلیب جیبیندن بیرآلما چیخاردیب دئدی: ایندی سن یورغونسان. بو آلمانی منیم الیمدن یئ، سونرا گئنه گلرم. دا سن همشهلیک منی سئوهجکسن، بیلیرم. گؤزل قیز آلمانی آلیب یئدی، آرخاسی او٘سته اوزانیب گؤزلری آستا- آستا یومولوب، شیرین یوخویا گئتدی. قوچعلی دوروب قیزین یاناغیندان اؤپوب گئتدی. پادشاها دئدی: قیزینین یوخوسونو قایتاردیم. او٘چ گونهجه کیمسه قصرین یان- یؤورهسینه دولانماسین، بدخواب اولار. دؤردونجوگون گئدین آییلدین.
ایکینجیگون سحر، گو٘ن چیخمادان، قوچعلی گؤیرچین قیلیغیندا قیز خانیمین یانینا گلدی، جیلدیندن چیخیب، بیر قیزیلگو٘ل قیزین بورنونا توتدو. قیز گؤزلرینی آچدی، سسسیز، یومشاق گو٘لدو. قوچعلی دئدی: راحات یاتدین؟ قیزخانیم دئدی: شیرین یاتدیم، قند کیمی، بال کیمی. ایندی منی اؤزونله آپاریرسان؟ قوچعلی دئدی: هه، دور گئدهک باغدا یویون سونرا گئدهک.
٭٭٭
گون تازاجا چیخمیشدی ایکی آغ گؤیرچین گؤلون قیراغیندا نار آغاجیندان قالخیب، گو٘نشه دوغرو اوچدولار.
سون🕊
۱۳۴۶
https://t.me/Adabiyyatsevanlar
اوشاق ادبیاتی
یازان: مرزبان بن رستم بن شروین طبری
چئویرن:«لیلا کهن»
اولاغایله چاققالین حئکایهسی
بیرگون وار ایدی، بیرگون یوخ ایدی، اوجالاردان اوجا تانریدان باشقا کیمسه یوخ ایدی.
گؤزل بیرکندده یایین ایستی چاغلاریندا اریکلر قیزاران واختدا، گؤیرنتیلر بوی آتیب اوجالماغا یاریشاندا، قوزولار قویونلار ایله، باییراچیخان زاماندا، یئنی گؤیرمیش اوتلاری اوتلاییب کامآلان چاغدا، آغاجلارین باری آرتیب بوداقلاردان آسیلاندا، مئیوهلر یئتگینلشیب دریلمهیی گؤزلهییرلر. بوداقلار آغیرلاشیب یئره باش ائندیرمیشدیلر و مهربان باغبانلار اونلارین آلتینا، خاچا قویوب، اونلاری یاردیم ائتمهیه چالیشیردیلار.
گؤزل باغلارین بیرینین یاخینلیغیندا، بیر چاققال یووا قورموش، باغین دیوارینی دئشیب اوردان بیر باجا آچمیشدی. هردن باغین ایچینه گیریب، مئیوهلریندن یئییردی. آنجاق تانرییا شوکر ائدیب، آغاجلاری قوروماق یئرینه، مئیوهلری آیاقلاییب اَزیردی، بوداقلاری سیندیریردی.
بیرگون باغبان او چاققالین عملیندن جانا گلدی، اونون امک بیلمهمهییندن آجیقلاندی. اؤز اؤزونه بئله دئدی:
• بو حیوان امک ایتیریب منی زحمته سالاندی، گرک اونو باغدان قووام، اکینیم، باغیم تالاندی. دوزدو تانرییا خوشگلمز، او بورایا پناه گتیریب، آنجاق باخ گؤر آغاجلاری، مئیوهلری نئیلهییبدیر. دیلسیز آغیزسیز بوداقلاری قیریب تؤکوب یئره. اونون بو ایشلرینی آرتیق دؤزه بیلمهرم. اونو بو باغدان قوووب گرک ادب ائلهیم. یاخشیلیغین جوابی یامانلیق دئییلکی.
باغبان بیرآز دؤزوب ایزلهدی امک بیلمز چاققالی آخیرکی توتا بیلدی. آجیغیندان حیوانی دؤیوب ائشیگه سالدی و دئدی:
• بورادان گئت! امک بیلمهین آج قالمالیدیر. من سنی اینجیتمهمیشدیم نه اوچون یئییب ایچیب باغیمی داغیدیردین؟
چاققال یارالی حالدا اوکندین یاخینلیغیندا یاشایان قدیمکی دوستونون یانینا گئتدی، قورد اونون حالینی گؤروب، نییه بوحالا دوشدویونو سوردو:
• نهدیر بو احوال؟ ائشیتمیشدیم نعمتله دولو بیر باغین یانیندا یووا قورموشدون، نهلر اولدو؟ الینه دوشن بول نعمتین قدرینی بیلمز اولدون؟!
چاققال باشینا گلن ماجرانی قوردا دانیشدی. سونرا دئدی:
• گلمیشم سنینله یاشایام.
قورد بیرآز دایانیب سونرا گولومسهنیب بئله دئدی:
• سؤزوم یوخ. منایله یاشایا بیلیرسن. آنجاق من نئچه گون اولار بیرزاد اوولاییب یئمهمیشم. یامان آجیقمیشام. کندین دییرمانچیسینین یاخشی بیر اولاغی وار، نئچه گوندو اونو ایزلهییرم، اوولاماسینا مجال آختاریرام. بلکه سنین بو دورومونلا بیر اویون اویناییب اولاغی آلداتماق اولدو.
اونلار بو قراره گلدیلرکی چاققال یارالی حالدا اولاغین یانینا گئدیب اونو بیر حیلهایله کنددن چیخاریب قوردون یوواسینا ساری گتیرسین قورد ایسه واختلی واختیندا یورویوب اونو توتسون.
چاققال کنده ساری یوللانیب گلیب چیخدی دییرمانا. انسانلارین الیندن سیزیلدایاراق اونلاری قارغییا قارغییا، اولاغا یاخینلاشیب بئله دئدی:
• سلام منیم عزیز دوستوم! سنی یورولمایاسان!
اولاغ یارالی چاققالی گؤرجک بیرآز هویوخوب، بیرآزدا دیسکیندی، گئری چکیلیب:
• منیمله ایدین؟ _دئدی.
چاققال ایرهلی گلیب بئله دئدی:
• هن، سنینلهیم. قونشونو تانیمادینمی؟ ایللر بویو بو یاخینلیقداکی باغین باغبانلیغین ائدیرم. بوگون اجرتیمی وئردیلر. منی بوگونه سالیب باغدان دیشاری سالدیلار. یازیقلار اولسون. بو انسانلارا قوللوق ائتمک حرامدیر. اینانیرسانمی دوستوم؟ نئچه ایل بو باغدا جانیمی قویدوم، مئیوهلرین قورودوم، اؤزگه گلدیسه قویمادیم، بیرتک چؤپونه قییمادیم. بوگون قوجالیب آیاقدان دوشدویومهگؤره قوردلارین پایی اولوب یوخسا چؤلون آراسیندا آجیمدان اؤلمهلییم. سنه اورهییم یانیر، نئچه گون بوندان قاباق سنین حاقیندا بیر سؤز ائشیتدیم.
اولاغ یئرینده دَبریلیب:
• نه سؤزو ائشیتدین؟ _چاققالدان سوردو.
چاققال دئدی:
• نئچهگون بوندان اول بیزیم باغبان دییرمانچیایله سنین حاقیندا دانیشیردیلار. دییرمانچی دئییردی:
آرتیق بو اولاغ قوجالیب، یاخچی ایشلهیه بیلمیر، اونوگرک چؤله بوراخام قوردلارین پایی اولسون. یئنی گنج اولاغ فیکرینده اولمالییام. آرتیق بو اولاغ دییرمان داشینی دولاندیرا بیلمیر.
سونرا گولوشوب گئتدیلر.
ایستمیرم منیم گونومه دوشهسن. من بو یاخینلیقدا بیر مئشه تانیرام گل گئدک اورایا دوستوم. اوردا بیرلیکده امین آمانلیقدا یاشایاریق.
اولاغ بیرآز دوروخوب، بئله دئدی:
• بلی، اونسوزدا من اونون فیکرینی دویموشدوم. گنج بیر اولاغ آختارماسینی بیلیردیم، آنجاق منی چؤله بوراخماسینی بیلمیردیم. سن دوز دئییرسن. بو نئچه گونو نه اوچون منه آز یئم وئرمهسینی ایندی دوشوندوم. دئمهلی ایستهییر آجیمدان اؤلم.
یازان: مرزبان بن رستم بن شروین طبری
چئویرن:«لیلا کهن»
اولاغایله چاققالین حئکایهسی
بیرگون وار ایدی، بیرگون یوخ ایدی، اوجالاردان اوجا تانریدان باشقا کیمسه یوخ ایدی.
گؤزل بیرکندده یایین ایستی چاغلاریندا اریکلر قیزاران واختدا، گؤیرنتیلر بوی آتیب اوجالماغا یاریشاندا، قوزولار قویونلار ایله، باییراچیخان زاماندا، یئنی گؤیرمیش اوتلاری اوتلاییب کامآلان چاغدا، آغاجلارین باری آرتیب بوداقلاردان آسیلاندا، مئیوهلر یئتگینلشیب دریلمهیی گؤزلهییرلر. بوداقلار آغیرلاشیب یئره باش ائندیرمیشدیلر و مهربان باغبانلار اونلارین آلتینا، خاچا قویوب، اونلاری یاردیم ائتمهیه چالیشیردیلار.
گؤزل باغلارین بیرینین یاخینلیغیندا، بیر چاققال یووا قورموش، باغین دیوارینی دئشیب اوردان بیر باجا آچمیشدی. هردن باغین ایچینه گیریب، مئیوهلریندن یئییردی. آنجاق تانرییا شوکر ائدیب، آغاجلاری قوروماق یئرینه، مئیوهلری آیاقلاییب اَزیردی، بوداقلاری سیندیریردی.
بیرگون باغبان او چاققالین عملیندن جانا گلدی، اونون امک بیلمهمهییندن آجیقلاندی. اؤز اؤزونه بئله دئدی:
• بو حیوان امک ایتیریب منی زحمته سالاندی، گرک اونو باغدان قووام، اکینیم، باغیم تالاندی. دوزدو تانرییا خوشگلمز، او بورایا پناه گتیریب، آنجاق باخ گؤر آغاجلاری، مئیوهلری نئیلهییبدیر. دیلسیز آغیزسیز بوداقلاری قیریب تؤکوب یئره. اونون بو ایشلرینی آرتیق دؤزه بیلمهرم. اونو بو باغدان قوووب گرک ادب ائلهیم. یاخشیلیغین جوابی یامانلیق دئییلکی.
باغبان بیرآز دؤزوب ایزلهدی امک بیلمز چاققالی آخیرکی توتا بیلدی. آجیغیندان حیوانی دؤیوب ائشیگه سالدی و دئدی:
• بورادان گئت! امک بیلمهین آج قالمالیدیر. من سنی اینجیتمهمیشدیم نه اوچون یئییب ایچیب باغیمی داغیدیردین؟
چاققال یارالی حالدا اوکندین یاخینلیغیندا یاشایان قدیمکی دوستونون یانینا گئتدی، قورد اونون حالینی گؤروب، نییه بوحالا دوشدویونو سوردو:
• نهدیر بو احوال؟ ائشیتمیشدیم نعمتله دولو بیر باغین یانیندا یووا قورموشدون، نهلر اولدو؟ الینه دوشن بول نعمتین قدرینی بیلمز اولدون؟!
چاققال باشینا گلن ماجرانی قوردا دانیشدی. سونرا دئدی:
• گلمیشم سنینله یاشایام.
قورد بیرآز دایانیب سونرا گولومسهنیب بئله دئدی:
• سؤزوم یوخ. منایله یاشایا بیلیرسن. آنجاق من نئچه گون اولار بیرزاد اوولاییب یئمهمیشم. یامان آجیقمیشام. کندین دییرمانچیسینین یاخشی بیر اولاغی وار، نئچه گوندو اونو ایزلهییرم، اوولاماسینا مجال آختاریرام. بلکه سنین بو دورومونلا بیر اویون اویناییب اولاغی آلداتماق اولدو.
اونلار بو قراره گلدیلرکی چاققال یارالی حالدا اولاغین یانینا گئدیب اونو بیر حیلهایله کنددن چیخاریب قوردون یوواسینا ساری گتیرسین قورد ایسه واختلی واختیندا یورویوب اونو توتسون.
چاققال کنده ساری یوللانیب گلیب چیخدی دییرمانا. انسانلارین الیندن سیزیلدایاراق اونلاری قارغییا قارغییا، اولاغا یاخینلاشیب بئله دئدی:
• سلام منیم عزیز دوستوم! سنی یورولمایاسان!
اولاغ یارالی چاققالی گؤرجک بیرآز هویوخوب، بیرآزدا دیسکیندی، گئری چکیلیب:
• منیمله ایدین؟ _دئدی.
چاققال ایرهلی گلیب بئله دئدی:
• هن، سنینلهیم. قونشونو تانیمادینمی؟ ایللر بویو بو یاخینلیقداکی باغین باغبانلیغین ائدیرم. بوگون اجرتیمی وئردیلر. منی بوگونه سالیب باغدان دیشاری سالدیلار. یازیقلار اولسون. بو انسانلارا قوللوق ائتمک حرامدیر. اینانیرسانمی دوستوم؟ نئچه ایل بو باغدا جانیمی قویدوم، مئیوهلرین قورودوم، اؤزگه گلدیسه قویمادیم، بیرتک چؤپونه قییمادیم. بوگون قوجالیب آیاقدان دوشدویومهگؤره قوردلارین پایی اولوب یوخسا چؤلون آراسیندا آجیمدان اؤلمهلییم. سنه اورهییم یانیر، نئچه گون بوندان قاباق سنین حاقیندا بیر سؤز ائشیتدیم.
اولاغ یئرینده دَبریلیب:
• نه سؤزو ائشیتدین؟ _چاققالدان سوردو.
چاققال دئدی:
• نئچهگون بوندان اول بیزیم باغبان دییرمانچیایله سنین حاقیندا دانیشیردیلار. دییرمانچی دئییردی:
آرتیق بو اولاغ قوجالیب، یاخچی ایشلهیه بیلمیر، اونوگرک چؤله بوراخام قوردلارین پایی اولسون. یئنی گنج اولاغ فیکرینده اولمالییام. آرتیق بو اولاغ دییرمان داشینی دولاندیرا بیلمیر.
سونرا گولوشوب گئتدیلر.
ایستمیرم منیم گونومه دوشهسن. من بو یاخینلیقدا بیر مئشه تانیرام گل گئدک اورایا دوستوم. اوردا بیرلیکده امین آمانلیقدا یاشایاریق.
اولاغ بیرآز دوروخوب، بئله دئدی:
• بلی، اونسوزدا من اونون فیکرینی دویموشدوم. گنج بیر اولاغ آختارماسینی بیلیردیم، آنجاق منی چؤله بوراخماسینی بیلمیردیم. سن دوز دئییرسن. بو نئچه گونو نه اوچون منه آز یئم وئرمهسینی ایندی دوشوندوم. دئمهلی ایستهییر آجیمدان اؤلم.
چاققال دئدی:
• گؤردونمو؟ سنه دئدیم کی، منیم گونومو گؤرمورسن؟ ایندی باغبان منی اؤلومومهجان دؤیوب باغدان ائشیکه سالدی، گل گئدک.
اولاغین گؤزل گؤزلری یاشلا دولدو. بوغازی بیچیلدی، باشینی او ال بو اله دولاندیردی، آغلاماق ایستهییردی. سسی تیترهیرک سؤیلهدی:
• دوز دئییرسن، منی ده دؤیوب یارالامامیش، الدن آیاقدان دوشمه میش، بوردان گئدم گرک.
ایکیسی بیرلیکده تئزچیخیب چاققالین تانیدیغی مئشهیه ساری یولا دوشدولر. چاققال یورغون، یارالی اولدوغوندان اولاغدان ایستهدی اونو کورهیینه میندیرسین، بلکه گئجه چاتمامیش مئشهیه یئتیشسینلر. یولدا یاواش یاواش چاققال گؤزلرینی یوموب یوخلادی. اولاغ ایسه وار گوجویله یول گئدیردی. اولاغ مئشهیه یاخینلاشدیقدا، اوردا بیر قوردون اوتوروب اونلارین گؤزلهدیینی دویدو. آللاندیغینی بیلیب یئرینده دایاندی. اوزونو چاققالا توتوب:
• باغیشلا منی عزیز دوستوم! بو مئشهنین بئله گؤزل، بوللو یئمکله دولو اولماسینی بیلسهیدیم، هرنهییمی گتیریب بیردفعهلیک قالماق اوچون گلردیم. آتامین بیر وصیتنامهسی وار، هر گئجه اونو باشیمین آلتینا قویوب یاتارام. قویماسام گئجهنی قورخونج یوخولار گؤرهرم، قاییدیب اونو گتیرمهلییم.
چاققالین یوخوسو قاچدی، بو سؤزلردن آجیقلاندی. بورا کیمی چکیب گتیردییی اووو الدن وئرمک ایستهمیردی. بیرآز فیکیرلشیب، اولاغین تک باشینا گئدیرسه آرتیق قاییتماماغینی دوشوندو بیرآز اولاغا برکیییب آرتیق بوقدر یولو قاییتماماغی ایستهدی. چاققال دئدی:
• قورخورام قاییداسان دییرمانچی توتوب ساخلایا سنی!.
آنجاق اولاغی توتدوغو یولدان، اؤز فیکریندن دؤندره بیلمهدی. بیرده کی قورد اولماسا چاققال اؤزوتک جانینا اولاغی اوولایا بیلمز، قورد دا اوزاقدادی، اونا گؤره قبول ائدیب بئله دئدی:
• اولسون، آنجاق منده سنله گلیرم، دییرمانچی سنی توتوب ساخلایا بلکه، اوندا سنین کؤمهیینه گلرم، الیندن قورتولماغا سنه یاردیم ائدرم.
اولاغ دابانا قوت قاچیردی. چاققال دئدی:
• آتانین وصیتلریندن یادیندا اولانی وارسا، دئی منده اؤرهنیم.
اولاغ، لهلیه لهلیه دئدی:
• ایندی یالنیز بیریسی یادیمدادیر، بوکی؛ هئچ زامان اونسوز قالمایام. قالانین یادیما دوشدوکجه دئیهرم.
اولاغین دؤرد ال آیاغی وار ایدی، دؤردونوده بورج آلیب قاچدی.
کندین حاصارینا یاخینلاشدیقدا اورهیی بیرآز یئرینه گلدی. تؤیوشهرک سسین اوجالدیب بئله دئدی:
• ایکینجیسی؛ عاغیلسیز دوستو، عاغیللی دوشماندان ایرهلی گئچیرمهیم.
اوچونجوسی ده بوکی؛ چکینم ایکی زاددان: قوردون قونشولوغوندان، چاققالین دوسلوغوندان.
اولاغ اوچونجو وصیتی ائله اوجا سسله دئدی کی، کندین ایتلری ایله دییرمانچی، سسینی ائشیدیب اولاغا یاردیم ائتمک اوچون اونا ساری قاچدیلار. چاققال بو سؤزلری ائشیتدیکده اولاغین هرزادی آنلادیغینی بیلدی. آرتیق ایش ایشدن گئچمیشدی. اولاغین کورهییندن یئره آتیلیب قاچدی.
اولاغ اؤزونه گلیب راحاتجا بیرنفس چکدی. کندین ایتلری چاققالی قووالاییب آرخاسیجا قاچدیلار. چاققال قورخوسوندان یئلآیاغی قاچیردی.
اولاغ ایشیندن پئشمان اولوب دییرمانا ساری قاچدی.
گؤیدن اوچ آلما دوشدو، بیریسی بو ناغیلی دینلهیهنین. بیریسی دییرمانچینین، بیریسی ده منیم.
https://t.me/Adabiyyatsevanlar
• گؤردونمو؟ سنه دئدیم کی، منیم گونومو گؤرمورسن؟ ایندی باغبان منی اؤلومومهجان دؤیوب باغدان ائشیکه سالدی، گل گئدک.
اولاغین گؤزل گؤزلری یاشلا دولدو. بوغازی بیچیلدی، باشینی او ال بو اله دولاندیردی، آغلاماق ایستهییردی. سسی تیترهیرک سؤیلهدی:
• دوز دئییرسن، منی ده دؤیوب یارالامامیش، الدن آیاقدان دوشمه میش، بوردان گئدم گرک.
ایکیسی بیرلیکده تئزچیخیب چاققالین تانیدیغی مئشهیه ساری یولا دوشدولر. چاققال یورغون، یارالی اولدوغوندان اولاغدان ایستهدی اونو کورهیینه میندیرسین، بلکه گئجه چاتمامیش مئشهیه یئتیشسینلر. یولدا یاواش یاواش چاققال گؤزلرینی یوموب یوخلادی. اولاغ ایسه وار گوجویله یول گئدیردی. اولاغ مئشهیه یاخینلاشدیقدا، اوردا بیر قوردون اوتوروب اونلارین گؤزلهدیینی دویدو. آللاندیغینی بیلیب یئرینده دایاندی. اوزونو چاققالا توتوب:
• باغیشلا منی عزیز دوستوم! بو مئشهنین بئله گؤزل، بوللو یئمکله دولو اولماسینی بیلسهیدیم، هرنهییمی گتیریب بیردفعهلیک قالماق اوچون گلردیم. آتامین بیر وصیتنامهسی وار، هر گئجه اونو باشیمین آلتینا قویوب یاتارام. قویماسام گئجهنی قورخونج یوخولار گؤرهرم، قاییدیب اونو گتیرمهلییم.
چاققالین یوخوسو قاچدی، بو سؤزلردن آجیقلاندی. بورا کیمی چکیب گتیردییی اووو الدن وئرمک ایستهمیردی. بیرآز فیکیرلشیب، اولاغین تک باشینا گئدیرسه آرتیق قاییتماماغینی دوشوندو بیرآز اولاغا برکیییب آرتیق بوقدر یولو قاییتماماغی ایستهدی. چاققال دئدی:
• قورخورام قاییداسان دییرمانچی توتوب ساخلایا سنی!.
آنجاق اولاغی توتدوغو یولدان، اؤز فیکریندن دؤندره بیلمهدی. بیرده کی قورد اولماسا چاققال اؤزوتک جانینا اولاغی اوولایا بیلمز، قورد دا اوزاقدادی، اونا گؤره قبول ائدیب بئله دئدی:
• اولسون، آنجاق منده سنله گلیرم، دییرمانچی سنی توتوب ساخلایا بلکه، اوندا سنین کؤمهیینه گلرم، الیندن قورتولماغا سنه یاردیم ائدرم.
اولاغ دابانا قوت قاچیردی. چاققال دئدی:
• آتانین وصیتلریندن یادیندا اولانی وارسا، دئی منده اؤرهنیم.
اولاغ، لهلیه لهلیه دئدی:
• ایندی یالنیز بیریسی یادیمدادیر، بوکی؛ هئچ زامان اونسوز قالمایام. قالانین یادیما دوشدوکجه دئیهرم.
اولاغین دؤرد ال آیاغی وار ایدی، دؤردونوده بورج آلیب قاچدی.
کندین حاصارینا یاخینلاشدیقدا اورهیی بیرآز یئرینه گلدی. تؤیوشهرک سسین اوجالدیب بئله دئدی:
• ایکینجیسی؛ عاغیلسیز دوستو، عاغیللی دوشماندان ایرهلی گئچیرمهیم.
اوچونجوسی ده بوکی؛ چکینم ایکی زاددان: قوردون قونشولوغوندان، چاققالین دوسلوغوندان.
اولاغ اوچونجو وصیتی ائله اوجا سسله دئدی کی، کندین ایتلری ایله دییرمانچی، سسینی ائشیدیب اولاغا یاردیم ائتمک اوچون اونا ساری قاچدیلار. چاققال بو سؤزلری ائشیتدیکده اولاغین هرزادی آنلادیغینی بیلدی. آرتیق ایش ایشدن گئچمیشدی. اولاغین کورهییندن یئره آتیلیب قاچدی.
اولاغ اؤزونه گلیب راحاتجا بیرنفس چکدی. کندین ایتلری چاققالی قووالاییب آرخاسیجا قاچدیلار. چاققال قورخوسوندان یئلآیاغی قاچیردی.
اولاغ ایشیندن پئشمان اولوب دییرمانا ساری قاچدی.
گؤیدن اوچ آلما دوشدو، بیریسی بو ناغیلی دینلهیهنین. بیریسی دییرمانچینین، بیریسی ده منیم.
https://t.me/Adabiyyatsevanlar
Telegram
ادبیات سئونلر
بوکانال ادبیات سئونلر قوروپونون سئچیلمیش اثرلری دیر
کانالدا کی یازیلاری کانالین لینکینی وئرمک شرطی ایله پایلاشماق اولار.
کانالدا کی یازیلاری کانالین لینکینی وئرمک شرطی ایله پایلاشماق اولار.
اوشاق ادبیاتی
سحر_خیاوی
قوناق
یوللارین باتیبدی قارا
گیلهم، قالیبسان آوارا
گَل قوجوما، گَل بئچارا
اووجومدا دَن گتیرمیشم
بو دا بیر ایستَکان سویون
یاریم قاریش اینجه بویون
بو کَدَری اوزدن سُویون
اووجومدا دَن گتیرمیشم
تیپ- تیپ ائدیر جوپبو اورهک
نه قورخورسان قلبی کؤورهک؟!
من کیمینام؟ دوستون دئمک
اووجومدا دَن گتیرمیشم
داریخما یاز- باهار گَلَر
یئنه باغچادا گول گولَر
تارلامیزدا قوزو مَلَر
اووجومدا دَن گتیرمیشم
یئنه ماویلهشر، گؤیون
قارغالار توتاجاق دویون
گَل قوناق اول منه بوگون
اووجومدا دَن گتیرمیشم
نارین- نارین جیک- جیک ائله
آز قالیر باهارین گَله
بیرآزجا دا گؤزله هَله
اووجومدا دَن گتیرمیشم
https://t.me/Adabiyyatsevanlar
سحر_خیاوی
قوناق
یوللارین باتیبدی قارا
گیلهم، قالیبسان آوارا
گَل قوجوما، گَل بئچارا
اووجومدا دَن گتیرمیشم
بو دا بیر ایستَکان سویون
یاریم قاریش اینجه بویون
بو کَدَری اوزدن سُویون
اووجومدا دَن گتیرمیشم
تیپ- تیپ ائدیر جوپبو اورهک
نه قورخورسان قلبی کؤورهک؟!
من کیمینام؟ دوستون دئمک
اووجومدا دَن گتیرمیشم
داریخما یاز- باهار گَلَر
یئنه باغچادا گول گولَر
تارلامیزدا قوزو مَلَر
اووجومدا دَن گتیرمیشم
یئنه ماویلهشر، گؤیون
قارغالار توتاجاق دویون
گَل قوناق اول منه بوگون
اووجومدا دَن گتیرمیشم
نارین- نارین جیک- جیک ائله
آز قالیر باهارین گَله
بیرآزجا دا گؤزله هَله
اووجومدا دَن گتیرمیشم
https://t.me/Adabiyyatsevanlar
اوشاق ادبیاتی
ائلدار موغانلی
1- آنا وطن
دوغما آنامسان منیم
آی مهربان وطنیم!
عشقینده گرهک یانام؛
سنسن مهربان آنام.
منی بسلهینده سن
منی سسلهینده سن.
دوغما آنامسان منیم
آی مهربان وطنیم؟
تورپاغیندان گوج الديم،
شؤهرتينله اوجالدیم.
سندهدیر شان-شهرتیم؛
آی اولوی محبتیم.
دوغما آنامسان منیم
آی مهربان وطنیم!
نه قدرکی جانیم وار،
ایلیگیم وار، قانیم وار،
سئوهجهيم سنی من،
لاپ اورهکدن آی وطن!
دوغما آنامسان منیم،
آی مهربان وطنیم!
1364 - تبریز
https://t.me/Adabiyyatsevanlar
ائلدار موغانلی
1- آنا وطن
دوغما آنامسان منیم
آی مهربان وطنیم!
عشقینده گرهک یانام؛
سنسن مهربان آنام.
منی بسلهینده سن
منی سسلهینده سن.
دوغما آنامسان منیم
آی مهربان وطنیم؟
تورپاغیندان گوج الديم،
شؤهرتينله اوجالدیم.
سندهدیر شان-شهرتیم؛
آی اولوی محبتیم.
دوغما آنامسان منیم
آی مهربان وطنیم!
نه قدرکی جانیم وار،
ایلیگیم وار، قانیم وار،
سئوهجهيم سنی من،
لاپ اورهکدن آی وطن!
دوغما آنامسان منیم،
آی مهربان وطنیم!
1364 - تبریز
https://t.me/Adabiyyatsevanlar
Telegram
ادبیات سئونلر
بوکانال ادبیات سئونلر قوروپونون سئچیلمیش اثرلری دیر
کانالدا کی یازیلاری کانالین لینکینی وئرمک شرطی ایله پایلاشماق اولار.
کانالدا کی یازیلاری کانالین لینکینی وئرمک شرطی ایله پایلاشماق اولار.
اوشاق ادبیاتی
«یوسف شیرین پور»
میانانین یئرلی قولچاغی
قیچچا گلین
آذربایجان کولتورونده و فولکلوروندا اوشاق بؤلومونون اؤزل یئری اولوب همیشه، اویونلار، اویونچاقلار و چوخلو بؤلمهلر، آذربایجانین بوتون بؤلگهلرینده اوشاقلار اوچون اویونجاقلار دوزلدیرمیشلر، بو اویونجاقلار قیزلارا و اوغلانلارا اؤزل دوزلدیلرمیش، بوردا قیزلارین اویونجاغی اولان قولچاقدان دانیشاجاغیق، میانا شهرینه اؤزل اولان قولچاقدان کی آذربایجان آدینا ثبت اولوندو، قیچچا گلین میانانین یئرلی قولچاغی بو شهرین آدینا ثبت ملی اولوندو، بو گؤزل قولچاغی یئنیدن احیا ائدیب و اونو ثبت ائتدیرمک اوچون چوخلو زحمت چکیب و ثبت ائتدیرن خانیم فاطمه محمودی اولوبلار، شهرلرینده آراشدیریب، یاشلی آنالاریمیزی دانیشدیریب بو قولچاغین نئجه دوزلمهیین اؤیرنیب، اونو یئنی دن اوزه چکدیلر، بو گؤزل آدیم بو قولچاغین داهادا تانینماسیندا بؤیوک بیر آددیم اولدو، امکلرینه ساغلیق اولسون.
بو قولچاغین دوزلمهیینده آغاجلارین بوداما زامانیندا، آغاجلاردان چیخان آچالارلا اوغلان اوشاقلاری اوچون اوخ، قیز اوشاقلاری اوچون ایسه قولچاق دوزلدیرمیشلر، بو قولچاغین دوزدیلمهسی اوچون آچا آغاجی ترس چئویریب تک طرفیندن باش کیمی جوت طرفیندن ایسه قیچ کیمی استفاده ائدیرلر، بو قولچاغا قول قویولمور، سونرا ایپدن باشینا توک و هؤروک دوزلدیب اینه ساپلا تیکیرلر، داها سونرا یاشماق اؤرتوب بیر کؤینک، بیرده بیر تومان تیکیب اینینه گئیندیریب قولچاغی تاماملاییب اوشاغین اویناماسی اوچون اونا وئریلر، میانا شهرینده بو قولچاغین آدی ایله باغلی آتماجادا وار، بئلهکی بیری چوخ بزهنیب، دوزنسه دئییرلر اؤزونو نه قیچچا گلینه اوخشادیبسان و بیری زیرنگ اوشاق اولسا اونادا ایشلهدیلیر، سونرا قیز اوشاقلاری گؤزل بیر شعر سایاغی سؤزلریله قولچاقلا دانیشماغا باشلاییب اونونلا اویناییرلار، بو سؤزلری اوخویوب اوندان سوال سوروشاردیلار:
قیچچا گلین گلمیشیدین،
گئتمیشدین،
بیزه نه خبر گتیمیشیدین
بو سؤزلرایله قولچاغی دیندیریب اوینایاردیلار.
بیرده آغاجلاری بودادیقلاری زامان بو سیجیریمهنی اوخویوب اوندان قولچاق اوچون هاچا، و اوشاقلار اوچون اوخلوق هاچاسی چیخاردادیلار
آستانا ها آستانا
قوشلار دولوب بوستانا
الله بیر یاغیش گؤندر
گؤی زمیلریمیز ایسلانا.....
بو قولچاغی یئنیدن جانلاندیریب و اونو ثبت ائتمک اوچون چالیشیب و ثبت ائدیرن میانا شهرینین هنرمندی خانم فاطمه محمودی اولوب، بو گؤزل ایش اوچون تشکور ائدیریک، اومورام بوتون شهرلریمیزده بو گؤزل اتفاق دوشسون.
قولچاغی یئنیدن جانلاندیران: خانیم فاطمه محمودی
آراشدیریب یازان: یوسف شیرین پور
بو معلوماتی منه چاتدیریب یازیلماسیندا امهیی کئچن خانیم محودیه اؤزل تشکور ائدیرم.....
https://t.me/Adabiyyatsevanlar
«یوسف شیرین پور»
میانانین یئرلی قولچاغی
قیچچا گلین
آذربایجان کولتورونده و فولکلوروندا اوشاق بؤلومونون اؤزل یئری اولوب همیشه، اویونلار، اویونچاقلار و چوخلو بؤلمهلر، آذربایجانین بوتون بؤلگهلرینده اوشاقلار اوچون اویونجاقلار دوزلدیرمیشلر، بو اویونجاقلار قیزلارا و اوغلانلارا اؤزل دوزلدیلرمیش، بوردا قیزلارین اویونجاغی اولان قولچاقدان دانیشاجاغیق، میانا شهرینه اؤزل اولان قولچاقدان کی آذربایجان آدینا ثبت اولوندو، قیچچا گلین میانانین یئرلی قولچاغی بو شهرین آدینا ثبت ملی اولوندو، بو گؤزل قولچاغی یئنیدن احیا ائدیب و اونو ثبت ائتدیرمک اوچون چوخلو زحمت چکیب و ثبت ائتدیرن خانیم فاطمه محمودی اولوبلار، شهرلرینده آراشدیریب، یاشلی آنالاریمیزی دانیشدیریب بو قولچاغین نئجه دوزلمهیین اؤیرنیب، اونو یئنی دن اوزه چکدیلر، بو گؤزل آدیم بو قولچاغین داهادا تانینماسیندا بؤیوک بیر آددیم اولدو، امکلرینه ساغلیق اولسون.
بو قولچاغین دوزلمهیینده آغاجلارین بوداما زامانیندا، آغاجلاردان چیخان آچالارلا اوغلان اوشاقلاری اوچون اوخ، قیز اوشاقلاری اوچون ایسه قولچاق دوزلدیرمیشلر، بو قولچاغین دوزدیلمهسی اوچون آچا آغاجی ترس چئویریب تک طرفیندن باش کیمی جوت طرفیندن ایسه قیچ کیمی استفاده ائدیرلر، بو قولچاغا قول قویولمور، سونرا ایپدن باشینا توک و هؤروک دوزلدیب اینه ساپلا تیکیرلر، داها سونرا یاشماق اؤرتوب بیر کؤینک، بیرده بیر تومان تیکیب اینینه گئیندیریب قولچاغی تاماملاییب اوشاغین اویناماسی اوچون اونا وئریلر، میانا شهرینده بو قولچاغین آدی ایله باغلی آتماجادا وار، بئلهکی بیری چوخ بزهنیب، دوزنسه دئییرلر اؤزونو نه قیچچا گلینه اوخشادیبسان و بیری زیرنگ اوشاق اولسا اونادا ایشلهدیلیر، سونرا قیز اوشاقلاری گؤزل بیر شعر سایاغی سؤزلریله قولچاقلا دانیشماغا باشلاییب اونونلا اویناییرلار، بو سؤزلری اوخویوب اوندان سوال سوروشاردیلار:
قیچچا گلین گلمیشیدین،
گئتمیشدین،
بیزه نه خبر گتیمیشیدین
بو سؤزلرایله قولچاغی دیندیریب اوینایاردیلار.
بیرده آغاجلاری بودادیقلاری زامان بو سیجیریمهنی اوخویوب اوندان قولچاق اوچون هاچا، و اوشاقلار اوچون اوخلوق هاچاسی چیخاردادیلار
آستانا ها آستانا
قوشلار دولوب بوستانا
الله بیر یاغیش گؤندر
گؤی زمیلریمیز ایسلانا.....
بو قولچاغی یئنیدن جانلاندیریب و اونو ثبت ائتمک اوچون چالیشیب و ثبت ائدیرن میانا شهرینین هنرمندی خانم فاطمه محمودی اولوب، بو گؤزل ایش اوچون تشکور ائدیریک، اومورام بوتون شهرلریمیزده بو گؤزل اتفاق دوشسون.
قولچاغی یئنیدن جانلاندیران: خانیم فاطمه محمودی
آراشدیریب یازان: یوسف شیرین پور
بو معلوماتی منه چاتدیریب یازیلماسیندا امهیی کئچن خانیم محودیه اؤزل تشکور ائدیرم.....
https://t.me/Adabiyyatsevanlar
اوشاق ادبیاتی
سرکار خانیم« فاطمه محمودی» اوشاق ادبیاتینین سئویملی قلمداشی میانانین یئرلی قولچاغینی قیچچا گلینی «ملی ثبته» یئتیردیلر
ادبیات سئونلر خصوصیله اوشاق ادبیاتی بو اوغورو ائلمیزین سئویملی قیزی، عومرونو اوشاق ادبیاتیندا حصر ائدن قیزینا صمیمی قلبلدن تبریک دئییری.
ادبیات سئونلر 1402/11/19
https://t.me/Adabiyyatsevanlar
سرکار خانیم« فاطمه محمودی» اوشاق ادبیاتینین سئویملی قلمداشی میانانین یئرلی قولچاغینی قیچچا گلینی «ملی ثبته» یئتیردیلر
ادبیات سئونلر خصوصیله اوشاق ادبیاتی بو اوغورو ائلمیزین سئویملی قیزی، عومرونو اوشاق ادبیاتیندا حصر ائدن قیزینا صمیمی قلبلدن تبریک دئییری.
ادبیات سئونلر 1402/11/19
https://t.me/Adabiyyatsevanlar
Forwarded from 🌐پایگاه خبری مهرصبا شهرستان میانه (مهرصبا)
💢ثبت ملی عروسک قیچچا گلین و بایاتی شهرستان میانه در فهرست میراثناملموس
👈 جزئیات در سایت مهرصبا
🌐 پایگاه خبری #مهرصبا 🔻
🌐 @mehresabakhabar
🆔 eitaa.com/mehresabakhabar
👈 جزئیات در سایت مهرصبا
🌐 پایگاه خبری #مهرصبا 🔻
🌐 @mehresabakhabar
🆔 eitaa.com/mehresabakhabar
Media is too big
VIEW IN TELEGRAM
اوشاق ادبیاتی
سرکار خانیم« فاطمه محمودی» اوشاق ادبیاتینین سئویملی قلمداشی میانانین یئرلی قولچاغینی قیچچا گلینی «ملی ثبته» یئتیردیلر
ادبیات سئونلر خصوصیله اوشاق ادبیاتی بو اوغورو ائلمیزین سئویملی قیزی، عومرونو اوشاق ادبیاتیندا حصر ائدن قیزینا صمیمی قلبلدن تبریک دئییری.
ادبیات سئونلر 1402/11/19
https://t.me/Adabiyyatsevanlar
سرکار خانیم« فاطمه محمودی» اوشاق ادبیاتینین سئویملی قلمداشی میانانین یئرلی قولچاغینی قیچچا گلینی «ملی ثبته» یئتیردیلر
ادبیات سئونلر خصوصیله اوشاق ادبیاتی بو اوغورو ائلمیزین سئویملی قیزی، عومرونو اوشاق ادبیاتیندا حصر ائدن قیزینا صمیمی قلبلدن تبریک دئییری.
ادبیات سئونلر 1402/11/19
https://t.me/Adabiyyatsevanlar
شعرسعید سلطانپور: رهپوی خورشید
ترجمه: حبیب فرشباف(گونش یولچوسو)
چوبان قارداش وقت دارالیب، هادیر اول!
اولو سعادتین موشتولوقچوسو
اوزو توکلو، شلهلی بیر پیادا
ائله بوگون، صاباح گل ها گلدهدیر.
قورو ایتلریندن، قوی بری گلسین،
چول-چوخادان سال آلتینا اوتورسون؛
سوروشما هئچ شلهسینده نهیی وار.
قارالمیش کاساندا، تخته قاشیقلا
اونا تئز ال اوستو بیر قووتماج وئر؛
اونونلا بیرلیکده چکیل سن ده یئ!
قیسینما، قیپچینما چکیل ایرهلی!
او سنین الینین قاتماغینا یوخ،
گؤزونده کی صداقته باخاجاق.
اونون قلبی ائل نبضیله دؤیونور
اینان چوبان سن اونداکی ایناما!
آد-سانیندان خبر آلسان دئمهسه
سینما اوندان، هئچ اونو دا قیناما.
یانلیشسیز نیشان وئر چوبان آماندیر-
اونا سیخ مئشهیه چاتان جیغیری!
او گونش یولچوسو، نور یولچوسودور،
او گئدیر گئجهنی دوغوزدورماغا،
اؤلکهده یئنی بیر بوساط قورماغا؛
او گئدیر گئجهنی دوغوزدورماغا.
1350/5/1
رهپوی خورشید / سعید سلطانپور
فراهم باش چوپان، وقت بس تنگ است
بشارتگوی نوخیزِ بلندیهای خوشبختی
به پشتش پشتهای، با پشته ریشی خاکی و پرپُشت
همین امروز میآید ز ره، چون میرسد از ره
سپیدههای گلگون سحر، چوپان!
بگو سگهای گله گوشها گیرند تا آید تو را نزدیک
پلاسی پهن کن، تا خسته ره آرام گیرد بر پلاس تو
مگو در کوله بارت چیست؟
بیاور تازه مهمان را قلیچی شیر، از سنگ گدازان داغ
کنارش مهربان بنشین و با او ناشتائی کن
نگاه تازه مهمان، در زلال پاک چشمان تو خواهد ماند
نه روی پینههای سالیان رنج دستانت
به خود منشین و بنشین در کنارش تنگتر، چوپان!
نباشد در مرامش رنگ و نیرنگی
همه عشق است و ایمان است و یکرنگی
اگر گفتی که نامت چیست، ای مهمان نشانت چیست؟
و او خاموش برجا ماند
سکوتش را به دلتنگی گمانِ بد مبر چوپان!
بگیر انگشت بی سهو اشارت سوی برزوهای کوهستان
که میپیچد میان جنگل انبوه
که او رهپوی خورشید است و میراند به سوی نور
که شب آبستن نور است و مهمان نافچین باوۀ خورشید
و مهمان میرود تا این ولایت را سُرودی ارمغان آرد
سرود زندگی، با سهم و سامانی دگر، چوپان!
که شب آبستن نور است و مهمان نافچین باوۀ خورشید.
قایناق: ایشیق سایتی
https://t.me/Adabiyyatsevanlar
ترجمه: حبیب فرشباف(گونش یولچوسو)
چوبان قارداش وقت دارالیب، هادیر اول!
اولو سعادتین موشتولوقچوسو
اوزو توکلو، شلهلی بیر پیادا
ائله بوگون، صاباح گل ها گلدهدیر.
قورو ایتلریندن، قوی بری گلسین،
چول-چوخادان سال آلتینا اوتورسون؛
سوروشما هئچ شلهسینده نهیی وار.
قارالمیش کاساندا، تخته قاشیقلا
اونا تئز ال اوستو بیر قووتماج وئر؛
اونونلا بیرلیکده چکیل سن ده یئ!
قیسینما، قیپچینما چکیل ایرهلی!
او سنین الینین قاتماغینا یوخ،
گؤزونده کی صداقته باخاجاق.
اونون قلبی ائل نبضیله دؤیونور
اینان چوبان سن اونداکی ایناما!
آد-سانیندان خبر آلسان دئمهسه
سینما اوندان، هئچ اونو دا قیناما.
یانلیشسیز نیشان وئر چوبان آماندیر-
اونا سیخ مئشهیه چاتان جیغیری!
او گونش یولچوسو، نور یولچوسودور،
او گئدیر گئجهنی دوغوزدورماغا،
اؤلکهده یئنی بیر بوساط قورماغا؛
او گئدیر گئجهنی دوغوزدورماغا.
1350/5/1
رهپوی خورشید / سعید سلطانپور
فراهم باش چوپان، وقت بس تنگ است
بشارتگوی نوخیزِ بلندیهای خوشبختی
به پشتش پشتهای، با پشته ریشی خاکی و پرپُشت
همین امروز میآید ز ره، چون میرسد از ره
سپیدههای گلگون سحر، چوپان!
بگو سگهای گله گوشها گیرند تا آید تو را نزدیک
پلاسی پهن کن، تا خسته ره آرام گیرد بر پلاس تو
مگو در کوله بارت چیست؟
بیاور تازه مهمان را قلیچی شیر، از سنگ گدازان داغ
کنارش مهربان بنشین و با او ناشتائی کن
نگاه تازه مهمان، در زلال پاک چشمان تو خواهد ماند
نه روی پینههای سالیان رنج دستانت
به خود منشین و بنشین در کنارش تنگتر، چوپان!
نباشد در مرامش رنگ و نیرنگی
همه عشق است و ایمان است و یکرنگی
اگر گفتی که نامت چیست، ای مهمان نشانت چیست؟
و او خاموش برجا ماند
سکوتش را به دلتنگی گمانِ بد مبر چوپان!
بگیر انگشت بی سهو اشارت سوی برزوهای کوهستان
که میپیچد میان جنگل انبوه
که او رهپوی خورشید است و میراند به سوی نور
که شب آبستن نور است و مهمان نافچین باوۀ خورشید
و مهمان میرود تا این ولایت را سُرودی ارمغان آرد
سرود زندگی، با سهم و سامانی دگر، چوپان!
که شب آبستن نور است و مهمان نافچین باوۀ خورشید.
قایناق: ایشیق سایتی
https://t.me/Adabiyyatsevanlar
Telegram
ادبیات سئونلر
بوکانال ادبیات سئونلر قوروپونون سئچیلمیش اثرلری دیر
کانالدا کی یازیلاری کانالین لینکینی وئرمک شرطی ایله پایلاشماق اولار.
کانالدا کی یازیلاری کانالین لینکینی وئرمک شرطی ایله پایلاشماق اولار.
ائلدار موغانلی
آد گونو
بو گون آد گونوندور ، ییغیلیب هامی،
ییرمینجی یاشینا دولورسان ایندی.
گؤروشون بورویوب شاعر دونیامی،
شعیرده سنیندی، سؤزده سنیندی.
داغلار اوجا قویسون پاپاغین بو گون،
جوشسون بولاقلارین قاینار اورهیی.
مئشهلر زومزومه ائتسین سنینچون،
اوخشاسین کؤنلونو باهار کولهیی.
یاشیل مئشهلرین، سرت قایالارین-
سینهسی اوستونده گول آچدی ایزین.
قیش گونو جارچیسی اولدون باهارین،
صاباحا یؤنلدی اورهیین، گؤزون.
سئودا یوللاریندا توش اولدون غمه،
مین فیتنه تؤرتدی «قارا ملیک»لر.
بؤیوک گوناه اولموش سئوگی، سن دئمه!
سارای قانونلاری اولاندا ازبر.
دونهنین قادالی، بوگونون قانلی،
سول دؤشون اوستونده داغ واردی یئنه.
باشین فیرتینالی، کؤنلون دومانلی
نه حزین باخیرسان آنا وطنه؟!
ییرمینجی قیش کئچیر یاز حیاتیندان،
بو گون آد گونوندور، ییغیلیب هامی.
ائله بیل دایانیب، یئریمیر زامان
گؤروشون بورویوب شاعر دونیامی.
الی بوش دئییلم بو گونونده من،
اؤزومدن قورتاریب، من سن اولموشام.
سنین بولاغ کیمی صداقتیندن-
«آردینجا سورونن کؤلگن اولموشام.*»
قایناق: ایشیق سایتی
https://t.me/Adabiyyatsevanlar
آد گونو
بو گون آد گونوندور ، ییغیلیب هامی،
ییرمینجی یاشینا دولورسان ایندی.
گؤروشون بورویوب شاعر دونیامی،
شعیرده سنیندی، سؤزده سنیندی.
داغلار اوجا قویسون پاپاغین بو گون،
جوشسون بولاقلارین قاینار اورهیی.
مئشهلر زومزومه ائتسین سنینچون،
اوخشاسین کؤنلونو باهار کولهیی.
یاشیل مئشهلرین، سرت قایالارین-
سینهسی اوستونده گول آچدی ایزین.
قیش گونو جارچیسی اولدون باهارین،
صاباحا یؤنلدی اورهیین، گؤزون.
سئودا یوللاریندا توش اولدون غمه،
مین فیتنه تؤرتدی «قارا ملیک»لر.
بؤیوک گوناه اولموش سئوگی، سن دئمه!
سارای قانونلاری اولاندا ازبر.
دونهنین قادالی، بوگونون قانلی،
سول دؤشون اوستونده داغ واردی یئنه.
باشین فیرتینالی، کؤنلون دومانلی
نه حزین باخیرسان آنا وطنه؟!
ییرمینجی قیش کئچیر یاز حیاتیندان،
بو گون آد گونوندور، ییغیلیب هامی.
ائله بیل دایانیب، یئریمیر زامان
گؤروشون بورویوب شاعر دونیامی.
الی بوش دئییلم بو گونونده من،
اؤزومدن قورتاریب، من سن اولموشام.
سنین بولاغ کیمی صداقتیندن-
«آردینجا سورونن کؤلگن اولموشام.*»
قایناق: ایشیق سایتی
https://t.me/Adabiyyatsevanlar
م. خوْشنام
گؤزیاشیما قوْناقلانیرام
ثانییه لر دؤیۆنۆر!
پیلله لر چیرپینیر!
قاپیلار اۆزۆمۆزه گۆلۆمسه ییر
خیاوانین قارا اۆره یینه چکیلن آغ چیزگی-
سنین، یاشیل گئییمیندن پای آلیب،
یازا یاشیللاشیر!
سنه یاخینلاشیرام
اللریم بوشلوغا اۆشۆسه ده
گؤزلریمیزده اومود تومورجوقلاری
چیچک له نیر!
بیر گؤزۆمۆزده«آراز»
بیر گؤزۆمۆزده ده«کۆر» چالپالانیر!
سنین آرخانجا پیلله لری دؤیۆنۆر دلی اۆره ییم!
قاپیلارین دوْداقلاری قاچیر!
آتیلان اوْخ،داشا یوخ
اۆره ییمیزه سانجیلیر!
خیاوان بیزی دیسگینیر
سوسموش خیاوانین اوتاییندا بیرسن،
بوتاییندا بیر من اؤله زیییر!
«خزر» «خزر» دؤیۆنمه دن،
شۆشه- شۆشه گؤزلریمیزده سینیریق!
قولاقلاریمدا دؤیۆنتۆلر بوْزقوردا دؤنۆشۆر!
گؤزلریمیزده «آراز» دا،
«کۆر»ده بیر - بیرینه قاریشیر!...
کۆچه لری یالقیزجاسینا سولاییرام،
اۆره ییم ایکی یه پارچالانیر!...
هرنه ییم ایچریمده سازاغا تالانیر!...
ثانییه لر آت اوْینادیر بئینیمده!
تاراق، توروق، تاراق، توروق!
آنلار، نه یامان گؤینرتیلی!
اۆره ییمین هاراسینا یازیم بونیسگیلی؟!...
چاتارکن آیریلماق نه آجی!
گؤزلریمین ایلاجی-
گؤزلرینده اوْلا- اوْلا،
یئنه ایلاج سیز بوراخیلیرام!
خیاوانین قارا اۆره یی-
آغ چیزگیلری قیریب، دۆیۆنله ییر!
گئدیشین،
بئلیمی اییر!...
آیاق لارینین سسی اۆره ییمه ده ییر!...
بونه چاراسیزلیق؟!
بونه یازیقلیق؟!
یانیمدا، سن اوْلا- اوْلا
سنه بوقدر مؤهتاج،
بوقدر آج!...
بویاشاماق نه زوْر!...
سیگاریمین تۆستۆسۆ منه دئیینیر!
دوداقلاریم آدینی داریخیر
سن، هیزلا اوزاقلاشیرسان
اللریم سنه سوسوز،
گؤزلریم گلیشینه یوخوسوز!
بیر،
ایکی،
اۆچ،
یئنه سایلار باشلانیر!...
اۆره ییمده نیسگیل دالقالاری
آغ،
قارا،
ساری،
کؤپۆکلۆ قایالارا چیرپیلیرام!
نه کۆچه اویانیر
نه ده من بوکابوسدان اوْیانیرام!...
سن یانیمدا اوْلا- اوْلا
اولدوزلار قدر ال چاتمازلیقلارا اوزاقلاشیرسان!
ایچریمده قایناییب، داشیب،
دۆشۆنجه لریمه دوْلاشیرسان!...
گؤزلریمه گؤرسه نیرسن!
نفسینی حیس ائدیب،
قوخونو دویابیلیرم
الینه الیم توخونمادان-
آرامیزا آیریلیقلار اکیلیر!...
سنلی لیییم هارالارا چه کیلیر!...
اللرینده یاساقلیق؟!
یوخسا اللریمده اۆرک سیزلیک وارمی؟!
بیلمیرم!...
تکجه، گؤزیاشیما قوناقلانیرام
نه دینه بیلیرم
نه ده سوسماغا گۆجۆم چاتیر!
من،
- بیزی نییه بو گۆنه قویدوم؟!
نییه!...
۱۴۰۲٫۱۱٫۱۴
https://t.me/Adabiyyatsevanlar
گؤزیاشیما قوْناقلانیرام
ثانییه لر دؤیۆنۆر!
پیلله لر چیرپینیر!
قاپیلار اۆزۆمۆزه گۆلۆمسه ییر
خیاوانین قارا اۆره یینه چکیلن آغ چیزگی-
سنین، یاشیل گئییمیندن پای آلیب،
یازا یاشیللاشیر!
سنه یاخینلاشیرام
اللریم بوشلوغا اۆشۆسه ده
گؤزلریمیزده اومود تومورجوقلاری
چیچک له نیر!
بیر گؤزۆمۆزده«آراز»
بیر گؤزۆمۆزده ده«کۆر» چالپالانیر!
سنین آرخانجا پیلله لری دؤیۆنۆر دلی اۆره ییم!
قاپیلارین دوْداقلاری قاچیر!
آتیلان اوْخ،داشا یوخ
اۆره ییمیزه سانجیلیر!
خیاوان بیزی دیسگینیر
سوسموش خیاوانین اوتاییندا بیرسن،
بوتاییندا بیر من اؤله زیییر!
«خزر» «خزر» دؤیۆنمه دن،
شۆشه- شۆشه گؤزلریمیزده سینیریق!
قولاقلاریمدا دؤیۆنتۆلر بوْزقوردا دؤنۆشۆر!
گؤزلریمیزده «آراز» دا،
«کۆر»ده بیر - بیرینه قاریشیر!...
کۆچه لری یالقیزجاسینا سولاییرام،
اۆره ییم ایکی یه پارچالانیر!...
هرنه ییم ایچریمده سازاغا تالانیر!...
ثانییه لر آت اوْینادیر بئینیمده!
تاراق، توروق، تاراق، توروق!
آنلار، نه یامان گؤینرتیلی!
اۆره ییمین هاراسینا یازیم بونیسگیلی؟!...
چاتارکن آیریلماق نه آجی!
گؤزلریمین ایلاجی-
گؤزلرینده اوْلا- اوْلا،
یئنه ایلاج سیز بوراخیلیرام!
خیاوانین قارا اۆره یی-
آغ چیزگیلری قیریب، دۆیۆنله ییر!
گئدیشین،
بئلیمی اییر!...
آیاق لارینین سسی اۆره ییمه ده ییر!...
بونه چاراسیزلیق؟!
بونه یازیقلیق؟!
یانیمدا، سن اوْلا- اوْلا
سنه بوقدر مؤهتاج،
بوقدر آج!...
بویاشاماق نه زوْر!...
سیگاریمین تۆستۆسۆ منه دئیینیر!
دوداقلاریم آدینی داریخیر
سن، هیزلا اوزاقلاشیرسان
اللریم سنه سوسوز،
گؤزلریم گلیشینه یوخوسوز!
بیر،
ایکی،
اۆچ،
یئنه سایلار باشلانیر!...
اۆره ییمده نیسگیل دالقالاری
آغ،
قارا،
ساری،
کؤپۆکلۆ قایالارا چیرپیلیرام!
نه کۆچه اویانیر
نه ده من بوکابوسدان اوْیانیرام!...
سن یانیمدا اوْلا- اوْلا
اولدوزلار قدر ال چاتمازلیقلارا اوزاقلاشیرسان!
ایچریمده قایناییب، داشیب،
دۆشۆنجه لریمه دوْلاشیرسان!...
گؤزلریمه گؤرسه نیرسن!
نفسینی حیس ائدیب،
قوخونو دویابیلیرم
الینه الیم توخونمادان-
آرامیزا آیریلیقلار اکیلیر!...
سنلی لیییم هارالارا چه کیلیر!...
اللرینده یاساقلیق؟!
یوخسا اللریمده اۆرک سیزلیک وارمی؟!
بیلمیرم!...
تکجه، گؤزیاشیما قوناقلانیرام
نه دینه بیلیرم
نه ده سوسماغا گۆجۆم چاتیر!
من،
- بیزی نییه بو گۆنه قویدوم؟!
نییه!...
۱۴۰۲٫۱۱٫۱۴
https://t.me/Adabiyyatsevanlar
Telegram
ادبیات سئونلر
بوکانال ادبیات سئونلر قوروپونون سئچیلمیش اثرلری دیر
کانالدا کی یازیلاری کانالین لینکینی وئرمک شرطی ایله پایلاشماق اولار.
کانالدا کی یازیلاری کانالین لینکینی وئرمک شرطی ایله پایلاشماق اولار.
This media is not supported in your browser
VIEW IN TELEGRAM
شفاهی خالق ادبیاتی
زهره ایله طاهیر میرزه نین ناغیلی ادبیات سئونلر کانالیندا
اوچونجو بولوم
زمان: دوشنبه 1402/11/23
ساعات: 21
حاضیرلاییب سسلندیرن:« نیره اردلانی»
https://t.me/Adabiyyatsevanlar
زهره ایله طاهیر میرزه نین ناغیلی ادبیات سئونلر کانالیندا
اوچونجو بولوم
زمان: دوشنبه 1402/11/23
ساعات: 21
حاضیرلاییب سسلندیرن:« نیره اردلانی»
https://t.me/Adabiyyatsevanlar
✍🏻:«لیلی خیاوی»
دویغولاریم بویلو ائدیر قلمی
قلم دوغور آلا گؤزلو شئعیرلر
آیاق توتوب یئری ییرلر واراقدا
دیل آچیرلار سازلی_سؤزلو شئعیرلر
بیری وورغون، بیری غملی، بیری سَرت
بورونوب دیر نئچه درده جانلاری
چاخناشیرلار واراقلاردا، دلیجه
اوووندورا بیلمه ییرم اونلاری
بویلارینا اویغون ریتمی گئیینیب
یاراقلانیب، کاغیذلاردان چیخیرلار
سیغماییرلار میصراعلارا، دفتره
چالپالانیب، اورک لره آخیرلار
نرمه نزیک سؤزلر ایله رقص ائدیب
بسته کارین ماهنی سینا هوپورلار
آجی_شیرین نغمه لره قوووشوب
قانادلانیب، لال دونیادان قوپورلار
دویغو_قلم هوس ایله سئویشیب
جانلارینی بیر_بیرینه قاتیرلار
آتا_آنا کؤلگه سینده یاشاییب_
شئعیرلریم بویا_باشا چاتیرلار
https://t.me/Adabiyyatsevanlar
دویغولاریم بویلو ائدیر قلمی
قلم دوغور آلا گؤزلو شئعیرلر
آیاق توتوب یئری ییرلر واراقدا
دیل آچیرلار سازلی_سؤزلو شئعیرلر
بیری وورغون، بیری غملی، بیری سَرت
بورونوب دیر نئچه درده جانلاری
چاخناشیرلار واراقلاردا، دلیجه
اوووندورا بیلمه ییرم اونلاری
بویلارینا اویغون ریتمی گئیینیب
یاراقلانیب، کاغیذلاردان چیخیرلار
سیغماییرلار میصراعلارا، دفتره
چالپالانیب، اورک لره آخیرلار
نرمه نزیک سؤزلر ایله رقص ائدیب
بسته کارین ماهنی سینا هوپورلار
آجی_شیرین نغمه لره قوووشوب
قانادلانیب، لال دونیادان قوپورلار
دویغو_قلم هوس ایله سئویشیب
جانلارینی بیر_بیرینه قاتیرلار
آتا_آنا کؤلگه سینده یاشاییب_
شئعیرلریم بویا_باشا چاتیرلار
https://t.me/Adabiyyatsevanlar