عاشیق قولام آذرانا شبسترین دیزج خلیلی‌نده یاس تؤره‌نی قید اولدو.

عاشیق قولام آذران( کیبریتلو)۱۳۲۱ _جی گونش ایلی گونئین دیزج خلیل کندینده دونیایا گوُز آچدی.
گنج چاغیندا عاشیق کاظیم قوربانی، مرندلی عاشیق علعسگر، کوندورلو آشیق قشم، آشیق حسین نامور، عاشیق عزیز و چوخ‌لارینا ۲۰ ایلدن  آرتیق قاوالچی اولوب.
سونرا عاشیق هاوالاریندان موغامات، تصنیف، سئگاه اوخویوب. قاباغا گئتدیکجه ساز کؤکله‌یب، آشیق‌لارا قاریشدی. نئچه گرایلی، دوبیتی، دیوان دا (شامان تاخما آدینان) یازیب. ۱۵ ایل آشیق قشمی ایله اولوب ۱۶ ایلده تبریز تیلویزیوندا ، فرهنگ مردم دا چالیشمیشدی.
اؤز دئدیگینه :  «روایت و داستان آشیقی دئییلدیم آمما کالخوز هالاریندا قاباغام.»
قولام آذران موغام اوستادی ۲۸ آذر ۱۴۰۲ ده شبسترده دونیاسین دییشیب، سئون‌لریندن آیریلیب، دیزج خلیل مزارلیغیندا توپراغا تاپشیریلدی.
1402 ایلی بهمن آیی‌نین آلتینجی گونو اونون خاطیرلاما مراسیمی دیزج خلیل اهالیسی، نئچه عاشیق و یازیچی، آذربایجان مدنیت اوجاغی و عائله‌سی‌نین  حضوری ایله مزاری اوسته قورولدو.

آدی و یادی قالارغی ، یولو دواملی.

https://t.me/Adabiyyatsevanlar

عاشیق قولام آذرانا شبسترین دیزج خلیلی‌نده یاس تؤره‌نی قید اولدو.


https://t.me/Adabiyyatsevanlar

عدالت دومان

دلی دئدین اینجیمه دیم سوُزوندن
دونیا  اوُزو  دلی خانا دئییلمی
عاقیلسن سه  بیر خبر آل اوُزوندن
دونیا اوُزو  دلی خانا   دئییلمی


سن اوُنو سئویرسن منده کی سنی
او سنی آلدادیر   سنده کی  منی
بئله جه اوینادیر  یئتن  یئتنی
دونیا  اوُزو  دلی خانا   دئییلمی


گله-گله خسیسلشدیک،گوُیلشدیک
دویا-دویا  دمیرلشدیک کئیلشدیک
بیشه-بیشه داها آرتیق چییلشدیک
دونیا اوُزو  دلی خانا   دئییلمی

اوُزوندن باشقاسین به ینمیر هئچ کیم
حالال بیرجه تیکه یئیه نمیر هئچ کیم
دوغما آناسینا گوُوه نمیر   هئچ  کیم
دونیا  اوُزو   دلی  خانا  دئییلمی


اوزلر  دئیل گوُزلر اولوب پرده لی
او سببدن هئی  توره نیر شر  دلی
دلییه باخ دئییب  گولور  هر دلی
دونیا اوُزو  دلی خانا    دئییلمی


https://t.me/Adabiyyatsevanlar

یاواش یئری
زلیمخان یعقوب

آی بولاق باشینا تله سن گـؤزل،  
عقلیمی باشیمدان آل، یاواش یئری
تَرپه نر یئریندن داغـلارین مئهی،  
سوروشر باشیندان شال،یاواش یئری.

میکاییل آزافلی: 

گؤزل لر عشقیله چاغلایان شاعیر،  
قوجانی دا یادا سال، یاواش یئری.  
قلبـیمی قلبـینه بـاغـلایان شاعیر،  
آی قارا ساچ،قالدی چال،یاواش یئری.

زلیمخان یعقوب: 

اؤتمـه سین،آیـلارا،ایلـلره یالوار،  
گزمه یه نه قدر چیچکلی یال وار.  
لاله یه بنزمه،بـاغـریندا خال وار،  
دوشمه سین قلبینه خال،یاواش یئری.

میکاییل آزافلی: 

هر گؤرونن داغدان صفا گؤزله مه،  
هر حکیم الیندن شفا گؤزله مه،  
هر یئتن گؤزلدن وفا گؤزله مه،  
سایما هر شیرینی بال، یاواش یئری.

زلیمخان یعقوب: 

سنین شؤهرتینی عالمه یاییر،  
زلیمخان اؤزونو بختَور ساییر.  
قـارا سـاچـلاریندان اوچجه تئل آییر،  
سئودیگیم هاوانی چال، یاواش یئری

میکاییل آزافلی: 

عاشیق وار کی،بولبول،گول عاشیقیدیر،  
عاشیق وار کی،شیرین دیـل عاشیقیدیر.  
آزافـلـی میکـاییـل ائـل عاشیقیدیر،  
گل اونون همدمی اول،یاواش یئری.

https://t.me/Adabiyyatsevanlar

توراجی رقصی


https://t.me/Adabiyyatsevanlar

شعیر  : اسلام صفرلی
ترجمه به فارسی : بهروز مطلب زاده

گوزومون نورو، جانیم آنا
بویوتدون سن منی یانا یانا
گوزومون نورو، جانیم آنا
بویوتدون سن منی یانا یانا
اءودلوسان گون کیمی، بیر قاینار حایات کیمی
بورجلویام من سنه، سنه بیر اولاد کیمی
عزیز آنام
نه کی آرزو کامیم وار
قلبیمده توتموش قرار
آند اولسون سنه جان آنا
قدرینی ائل بیلیر
عطرینی گول بیلیر
ساچینین آغینا، قاراسینا قوربانام
کونلونون او حزین لای لاسینا قوربانام
عزیز آنام
بشیگیم اوسته لای لای چالدین
گجه لر صوبحه تک ، قادامی آلدین
ایستی نفسینی همیشه یاز بیلمیشم
اولوب کی من سنین قدرینی آز بیلمیشم
عزیز آنام
نیتین خوشدور
صافدیر سودون
قولاغیمدا گالیب هر اویودون
اوغلونا قیزینا، آی ایعتیبارلی آنا
نفسی گول کیمی ، قلبی باهارلی آنا
عزیز آنام


مادر!

فروغِ دیده ام،
ای نازنین مادر!
جانِ رنجورِ توگهواره من بود،
من در آغوشِ تو بالیدم.

تو همچون کورهِ خورشید، گرمابخش،
تو همچون زندگی، یک چشمهِ پرجوش،
تورا من وامدارم، همچو یک فرزند.
ای نازنین مادر!.

مادر!
به تو سوگند،
آرزو یا که نیازی اگرم هست،
خفته در سینه من.

نازنینا، مادر!
خلق دانَد قَدرِ تو
گل شناسَد عطرِتو.

فدایِ تارِموهایِ سیاهت،
فدایِ تارِ موهایِ سفیدت،
فدایِ ناله هایِ دِلگُدازَت.

به بالینم نِشَستی تا دَمِ صبح
به قُربانم بِرفتی تا دمِ صبح.
افسوس که من، قَدرِ تو کم دانستم،
نَفَسِ گرم تورا، باد خزان دانستم.

ای نازنین مادر!
فدایِ تارِموهایِ سیاهت،
فَدایِ تارموهایِ سفیدت،
فدایِ ناله هایِ دِلگُدازَت.
ای نازنین مادر!

شیرِتو پاک و کلامت گوهر،
نفس ات گل، قلبِ تو پاک و بهاری،
پند و اندرزتو، آویزه گوشِ جان است
آنچه گفتی تو به فرزندانت
نازنینا، مادر!

مادر!،
به تو سوگند،
آرزو یا که نیازی اگرم هست،
خفته در سینه من.


ای نازنین مادر!
خلق داند قَدرِ تو
گل شناسد عطرتو.

جانِ رنجور تو گهواره من بود،
من در آغوش تو بالیدم.

توهمچون کورهِ خورشید، گرمابخش،
توهمچون زندگی، یک چشمهِ پرجوش،
تورا من وامدارم،
همچو یک فرزند.

فدایِ تارِموهایِ سیاهت،
فدایِ تارِ موهایِ سفیدت،
فدایِ ناله هایِ دِلگُدازَت.

https://t.me/Adabiyyatsevanlar

شفاهی خالق ادبیاتی
زهره ایله طاهیر میرزه نین ناغیلی ادبیات سئونلر کانالیندا
زمان: دوشنبه 1402/11/9
ساعات: 21
حاضیرلاییب سسلندیرن:« نیره اردلانی»

https://t.me/Adabiyyatsevanlar

زهره ایله طاهیر میرزه نین ناغیلی ادبیات سئونلر کانالیندا 1402/11/9
اون سوز

آپاریجی:«کریم قربانزاده»
.
https://t.me/Adabiyyatsevanlar

شفاهی خالق ادبیاتی

زهره ایله طاهیر میرزه نین ناغیلی ادبیات سئونلر کانالیندا 1402/11/9
بیرینجی بولؤم

ناغیلی سسلندیرن: «نیره اردلانی»
.
https://t.me/Adabiyyatsevanlar

شفاهی خالق ادبیاتی

زهره ایله طاهیر میرزه نین ناغیلی ادبیات سئونلر کانالیندا 1402/11/9
بیرینجی بولؤم

ناغیلی سسلندیرن: «نیره اردلانی»
.
https://t.me/Adabiyyatsevanlar

شفاهی خالق ادبیاتی

زهره ایله طاهیر میرزه نین ناغیلی ادبیات سئونلر کانالیندا 1402/11/9
بیرینجی بولؤم

ناغیلی سسلندیرن: «نیره اردلانی»
.
https://t.me/Adabiyyatsevanlar

شفاهی خالق ادبیاتی

زهره ایله طاهیر میرزه نین ناغیلی ادبیات سئونلر کانالیندا 1402/11/9
بیرینجی بولؤم

ناغیلی سسلندیرن: «نیره اردلانی»
.
https://t.me/Adabiyyatsevanlar

دریاچه اورمیه آذربایجان زنده است و همچنان چشم به راه همتی بلند ....        (وضعیت آب در ۱۴۰۲/۱۱/۰۹)
     بعد از بارشهای اخیر آب قابل توجهی وارد دریاچه شده و  امید احیا را در دلها دو چندان میکند.
     فیلم: بهزاد قانونی

https://t.me/Adabiyyatsevanlar

روزبه  صمدی  «نیراوغلو»


میرزا تاغی کاندید اولوب
...

مجلیسه  ڪاندید  اولوب میرزا  تاغی
باش  ڪسیر  شمشیرینین دال  قاباغی
چوخ  آغیردیر  دئیه‌سن    طمطراغے 
بئله  ڪے  حددن    آشیبدیر    قوناغی

ساتیب  الدن چیخادار  مولڪی،  باغے 
دوشه‌جڪدیر    هچَله    میرزا  تاغی

......................................

ایندیـدن  چوخلارین  آلمیش  پولونان
اَل  توتور  هر  ڪسه  بیر  جور  یولونان 
چوخونون  بوینونا  مینمیش  چولونان 
صیغه‌سین ڪسدیریب  اون‌بئش دولونان

بیلسه  آرواد  آلاجاقدیر  طالاغی
دوشه‌جڪدیر  هچَله میرزه  تاغی

..................................

پَه   آتونان  بو  بشر  شرم    ائله‌مز؟
دوشمنه  بوینون  اَیَر  شرم  ائله‌مز 
اوزونه  ائل  توپورر  شرم   ائله‌مز 
گونده یوز  یول اَل اؤپر  شرم  ائله‌مز

هارا  گئتسن  گلر  اوردان  سوراغی
دوشه‌جڪدیر  هچَله  میرزا  تاغی

....................................

یوخدو  بیر  بند  بره  برڪیتمه‌یه بو 
چالیشیر  بیر  ڪسے  اینجیتمه‌یه بو
آند  ایچیب  چیخسا  اگر  ایتمه‌یه بو 
قالماییب  ڪتده  حضور  گئتمه‌یه بو

ایندے  داے  ساده  دَییل  ڪند اوشاغی
دوشه‌جڪدیر  هچَله   میرزا  تاغی

.......................................

آغانین    یئددے  قلم  حیله‌سے  وار 
گونده  آروادلار  اوچون  روضه‌سے  وار
سودو،  قنادی‌سی،  یا  میوه‌سے  وار 
جوجه‌سے  اولماسا دا  قیمه‌سے  وار

نئچه  آیلاردے  ڪے  سؤنمور  اوجاغی
دوشه‌جڪدیر  هچَله  میرزا  تاغی

..........................................

چوخونا  وعده  وئریب؛ ایش  وئره‌جڪ 
چوخلو  دیشسیز قوجایا  دیش وئره‌جڪ
سیزه  آهن،  بیزه  ڪرپیش  وئره‌جڪ 
شاها شاه  ماتدا  وزیر  ڪیش  وئره‌جڪ

ایندیدن  طوفان  ائدیر  قاش  قـاباغی
دوشه‌جڪدیر    هچَله   میرزا  تاغی

.........................................

هله‌لیڪ  هر  یئته‌نین  قارداشی‌دیر 
سیرتیلیب،  اوزلولرین  لاپ  باشی‌دیر
بو  توخوم  شیطانین  اؤز  یولداشی‌دیر 
هــــرڪس  آللانسا  بونا  چوخ  ناشے‌دیر

یئل  ووروب  دوشسه باشیندان  پاپاغی
دوشه‌جڪدیر  هچله  میرزا  تاغی

.....................................

بئله  ڪاندیدلرینن    واے   وطنه 
چالیرام  هر  گئجه  لاے-لاے  وطنه
وئرمه‌سڪ  بیزلر  اگر  هاے  وطنه 
قورخورام  گلمه‌یه  یاز  یاے  وطنه

حق  اگر  اولسا  بو  خلقین  دایاغی
دوشه‌جڪدیر  هچَله  میرزا  تاغی

...................................

آییلیب    میلّتیمز    یاتمایاجاق 
حقے  ناحقّه  گؤره  آتمایاجاق
پولا هئچ  ڪس  نظرین  ساتمایاجاق 
پیسے  داے  یاخشییا  ائل  قاتمایاجاق

ائلیمیز  یاخشے  گؤرور  داے  اوزاغی
دوشه‌جڪدیر    هچَله    میرزا  تاغی
.....

من گرک درسی  «نیراوغلوندان» آلام
کیشی تک دایمی بیر اوزلو  قالام
اؤز گؤزل ریشه‌مین  اوسته اوجالام
مرد اودور حقه قول اولسون آ بالام

میللتی بیلسه اؤزوندن آشاغی
دوشه‌جک‌دیر  هچله میرزه تاغی

https://t.me/Adabiyyatsevanlar

حئکایه
۴۴ نُمره‌لی بخش
 
یازان:«تورال جعفرلی‌نین»
کوچورن:ویدا حشمتی»
حاضیرلایان:«ادبیات سئونلر»

 
حکیم گول‌علی‌یئوین اوزونده دونوب قالان تبسّومون آغرییا چئوریلمه‌سیندن بیر آز اؤتموشدو. جرّاحي ماساسینداکی عسگرین سول قولونو قلپه‌لردن تمیزله‌دیکجه، دامارلاری سوخولجان کیمی ترپه‌نیر، تزه‌دن یئرینه قاییدیردی. یاریم ساعت بوندان قاباق بخشه کؤچورولن سرهنگ پاشایئوین یاخینلاری اوستوندن باریت قوخوسو هله گئتمه‌ین ضابطی گؤروب ساکت‌لشدیلر.
خسته‌خانا دهلیزینده لابیرینته(دؤنگه بوروق یول یا دهلیز، مارپیچ پلّه‌کان) دوشن قوهوملار، بوز دسماللا گؤزونون سویونو سیلن قوجالار، الینده تلفن قوردالانان جاوانلار اولوب-بیتنلردن هله خبرسیز ایدیلر. عسگر آغایئوین اوره‌گی کفکیرلی ساعت کیمی ایشله‌سه ده، اعضالاری سانکی ات ماشینیندان کئچمیشدی... قارا خبرلرین ایچینده آغ خلعت‌لی‌لرین هر گلیشی بیر دونیانین وارلیغی و یا یوخلوغو حاقیندا معلومات دئمک ایدی.
-جک لندن، درایزئر، تواین.. -  عسگر آغایئوین خیریلتیلی سسی بیر آنداجا بخش‌ده‌کی سوکوتو پوزدو. آغریدان دوداقلارینی گمیرن آغایئو تاواندا هؤرومچک تورونا گؤزونو زیلله‌ییب ساییقلاماغا باشلادی.
-سو، سو، سو وئرین... آغایئوین صحرا چؤلونو خاطیرلادان دیلی ایلان کیمی قیوریلیر، داوامیندا سؤیوش و قیشقیریقلار ائشیدیلیردی...
طبیب باجیسی دمیر ایستکانداکی سویو آغایئوه ساری اوزالتدی. بیر قورتوم ایچیب، دایاندی. اطرافا گؤز گزدیردی. هر طرف آغ پامبیق کیمی گؤرونوردو...
آغایئو فیلولوگییا(تطبیقی دیل شناسلیق)
فاکولته‌سینی کئچن ایل بیتیرمیشدی. ائله آی‌تاجی دا فاکولته‌ده گؤروب سئومیشدی. ماگیستراتورایا(دادگاه رئیسی) قبول اولسا دا، مادّی چتینلیکلردن دولایی تحصیلینی داوام ائتدیره بیلمه‌میش، آنجاق اومیدینی ده اوزمه‌ییب حربی خدمته یوللانمیشدی. بئله‌لیکله، حربی خدمت و طالعینه یازیلان قانلی محاربه‌‌...
عسگر یولداشلارینی سوی آدلارینا گؤره یوخ، سئودییی یازیچی‌لارین آدلاری ایله چاغیراردی. مثلا  عسگر ممّدووا مارک تواین، عسگر داداشووا درایزئر، عسگر جعفروف‌ا جک لندن دئیه مراجعت ائدیردی. بونو بؤلوک کوماندیری کاپیتان عیسی‌یئو ده سئزمیشدی. بئله مراجعت خوشونا گلسه ده، عسگر آغایئوه بونو عمومی وضعيّت اوچون قاداغان ائتمیشدی...
بیر دفعه‌ حربی حیصّه‌‌یه یوخلاماغا گلدی. عسگر آغایئو یاراشیقلی، قامتلی اولدوغو اوچون همیشه اؤن جرگه‌ده دوروردو. یوخلاما رئیسی سرهنگ پاشایئو آغایئوه قفیل یاخینلاشیب سوروشدو:
-عسگر، کیتاب اوخویورسان؟
- بلی، جناب سرهنگ-  عسگر آغایئو اؤزونو ایتیرمه‌دی.
-کیملری اوخویورسان؟
-اساساً کلاسسیک‌لری تولستویو، درایزئری، چخوف‌و...  آغایئو باشینی داها دا دیکلتدی.
سرهنگ بیغ‌آلتی گولومسه‌ییب، راضیلیق علامتی اولاراق، الینی آغایئوین چیینینه ووروب اونو تبریک ائتدی. بو حادثه‌‌ بوتون آلایا یاییلدی. حربی حصه‌نین کتاب‌خاناسینی عسگر آغایئوه تاپشیردیلار. دئییلنه‌گؤره، بونو شخصاً سرهنگ پاشایئو امر ائتمیشدی...
 
***
۲۷ سئنتیابر...  سحر «قالخ!» کومانداسی بو دفعه‌ داها هیجانلی و واهمه‌لی سسله‌ندی. آلای دؤیوش حاضرلیغی وضعيّتینه گتیریلدی. عسگر آغایئو کتاب‌خانایا باش چکیب درحال گئری قاییتدی. الینده تولستویون کتابینی گؤرن کاپیتان عیسی‌یئو عصبیلشدی:
-آغایئو، کتاب اوخوماغا گئتمیریک، سلاحینی گؤتور. کاسکانی دا اونوتما!
عسگر آغایئوین قاشلاری چاتیلدی. جلد یاخاسینی آچیب، کتابی سینه‌سینه قویدو. سلاحینی گؤتوروب، دمیر کاسکانی باشینا کئچیردی.
-ایره‌لی آددیملا مارش! -کاپیتان عیسی‌یئو وار گوجو ایله باغیردی. سسی‌نین واهمه‌سی محاربه‌‌نین سرت اوزوندن خبر وئریردی...
-بیرینجی من شاهینم، نئجه باشا دوشدون قبول...
-بیرینجی، بیرینجی!!!
-بیرینجی قبولدا!
-بیز کندی آلدیق  کند بیزده‌دی...  نئجه باشا دوشدون قبول!
 
***
خسته‌خانا حیه‌طینده سککی‌نین یانیندا بارداش قوروب اوتوران یاشلی کیشی سیگار توستوسوندن سارالمیش بیغینا سیغال چکیب ذکر ائدیردی. حالیندان بئله معلوم اولوردو کی، اؤزو تماماً اونوتموشجاسینا سویوق و حالسیز ایدی. پئنجه‌یی‌نین یاخاسی قدیمی مدال‌لارلا دولو اولان بو آدامین، ائله بیل اوستونده دمیردن چیچکلر آچمیشدی...  هئچ کیم اونا فکر وئرمیر، یانیندان یئل کیمی اؤتوب کئچیردی. هئچ کیم بو پریشانلیغین فرقینه وارمیردی...
یارالی عسگرلرین یاخینلاری اللرینی بوش جیبلرینه سالیب چیخاردیر. باخیشلاریندا کؤزه‌رن اومیدلرینی دن کیمی اطرافا سپیردیلر. پالاتادا زاریلتی سسلری آرتیردی. ال-آیاغا دولاشان خادمه‌لر آجیغینی پول دسمالی ایله دؤشه‌مه‌نی برک-برک سیلمکله چیخاتماغا چالیشیردی...

طیبب باجیسی هیجانلا سسلندی:
-حکیم گول‌علی‌یئو ۴۴ نُمره‌لی بخش...  عسگر آغایئو...
تاوانا باخان گؤزلرده گیزله‌نن اومید گئت-گئده یوخ اولوردو. حکیم گول‌علی‌یئو بو اومیددن یاپیشیب بوتون گوجونو سفربر ائدیر. بیر گنجین حیاتی اوغروندا اؤلومله ساواشماقدان یورولموردو...
 
***
-آاا، ایشه باخ! مارک تواین توپا گولله قویاندی. هله درایزئره باخ! سنایپئرچیدی(تک تیرانداز)
عسگر آغایئو دلی کیمی گولمه‌یه باشلادی. کاپیتان عیسی‌یئو بونو گؤروب آغایئوه طرف قاچدی.
-اؤزونه گل، آغایئو  پوسقویا دوشموشوک. جلد اول!!! -  آغایئو اؤزونه گلدی. تئز سلاحینی گؤتوروب ایره‌لی آتیلدی.
مارک تواین‌ین آیاغینی قوپاران قلپه عسگر آغایئوین قولونا گیرمیشدی. آغایئو قولوندان همین قلپه‌نین بیر حصّه‌‌سینی چیخاردیب جیبینه قویموشدو. بوندان سونرا قان آخماسی دایانمادی. سانیتارین(بهداشت و اونا مربوط اولان)
اوزونده‌کی دهشت ایفاده‌سی بؤیومه‌یه باشلادی...
آی‌تاجین تلفونونا گلن سونونجو مئساژدان سونرا حالی خراب اولموشدو. کیرپیکلرینه شئح دوشموش، آلا گؤزلری دان یئری کیمی قیزارمیشدی. او نیشانلی‌سی‌نین یارالی بدنینه توخوندوقجا تیتره‌ییر، آیا بنزر بنیزی غمین خزانیندا سارالیردی. حربی خدمتی‌نین بیتمه‌سینه جمعی بیر آی قالمیشدی؛ جمعی اوتوز گون، اوتوز گئجه حسرتین، آیریلیغین بیتمه‌ین اوتوز تقویم گونو. سانکی سونسوزلوق کیمی گؤرونوردو.
ایندی ایسه او نیشانلی‌سی‌نین سویوق بدنینه دویغولارینی، حسّلرینی، سئوگی‌سینی اؤتورمک ایسته‌ییر، سیزیلدایان آغریلارینا ملهم اولماغا چالیشیردی...
بخش قیرخ دؤرد...  طیبب باجی‌سی‌نین اوزونه قونان کدرین ایکی آدی واردی: «اولوم و اؤلوم...». ایکینجینی هئچ کیم ائشیتمک ایسته‌میر. او یان بو یانا وار-گل ائدیر. آددیملارینی سرعت‌لندیریب، بونو  سانکی اؤزلریندن اوزاقلاشدیرماغا چالیشیردیلار.
جرّاحي اوتاغیندان قارا بولود کیمی دولوب چیخان، باش حکیمین آغ خلعتینده آل نقطه‌‌لر گوجله سئزیلیردی.  همین گون باش حکیم عباس‌اوو رسم اعمالات‌خاناسیندان چیخان رسام کیمی اوستو آل-قیرمیزی رنگه بویانمیشدی. سویوق ترین ایچینده بوزا دؤنن اوزونو هامیدان گیزلتمه‌یه چالیشیردی...
 
***
عسگر آغایئوین نیشانلی‌سی آی‌تاجین سؤیود سالخیمی کیمی چیینینه دوشن ساچلاری بیر آیین ایچینده آغاردی. الینده آغایئوین جیبیندن چیخان قلپه‌نی ساخلاییر. اونونلا یاتیب، اونونلا دوروردو. هامییا قلپه‌نین تاریخچه‌سیندن دانیشیردی. بیر آرا قوهوم-اقربا قلپه‌نی گیزلتمک ایسته‌دی، آنجاق آی‌تاج قلپه‌نی قوینونا باسیب بوتون وارلیغی ایله اونو اؤزونده ساخلاییردی...
حکیملرین بوتون سعی‌لرینه باخمایاراق عسگر آغایئوین یاشاماق عشقی ایله ووران اوره‌گی‌نین دؤیونتوسو کیلیدلنمیشدی، بیر سایلی اوشاق ائوینده بؤیوسه ده یئتیم‌لییینی بیلدیرمز، اؤزونو هامیدان چوخ آتالی-آنالی کیمی گؤسترردی...
نه آی‌تاجین بلور کیمی گؤز یاشلاری، نه ده یاخینلارین دُعالاری کؤمک اولمادی. دفن گونو گوجلو قار یاغدی. هر یان آغ پامبیق کیمی ایدی... آی‌تاجین گؤز یاشلاری کیرپیکلرینده بوزلاییب، دونموش شلاله‌نی خاطیرلادیردی..
 
***
«بیر آزدان اؤله‌جم. لاپ آز واختیم قالیب...  کیمه نه دئییم، کیمی چاغیریم، بو سون آنیمدا؟» دفترین آخیرینجی ورقینده‌کی یازی بو سواللا باشلاییر...
مرمی یاغیش کیمی یاغیردی. بیردن اوزاقدان آیاغی قوجاغیندا اوزانان مارک تواین گؤروندو، آرخاسیندا ساغ قولونا ساری اوزانان درایزئر ده اوردا ایدی...  جک لندن اوزو سمایا ساری گولومسه‌ییردی. سانکی بولودلاری ایزله‌ییر، نسه خیال ائدیردی...
بیتدی...  پست بیزده‌دی، غلبه! ائشیدیرسن درایزئر، ائشیدیرسن مارک، ائشیدیرسن  جک لندن ائشیدیرسیز؟ پست بیزده‌دی.. -غه له به..!!!
 

https://t.me/Adabiyyatsevanlar

باشقاسی!!
✍یازان: سحرخیاوی

ایلین تزه‌لنمه گونلرینه یاخین ایدی. هاوا ایلیقلاشیب، یئر، آغیر یوخودان آییلان آدام کیمی، بیرآز سرسَم، بیرآز مورگولو، بیرآز سرخوش، آمما دلیجه سئوینجلی ایدی.
بازارین هر یئریندن بایرام اییسی گلیردی. قادین شوشه تونگ‌لرده چالیغلایان قیرمیزی بالیقلاری، یاشیل بئللرینه تزه گلین‌لر کیمی قیرمیزی روبان باغلانمیش سبزه‌لری، یئدی‌سین سور-ساتینی و اونلاردان علاوه آداملارین اوزلرینه قونان سببسیز سئوینجی چوخ سئویردی. بازار بایراما یاخینلاشدیقجا قالابالیق‌لاشیردی.
همیشه موشتریسی اولدوقلاری تانیش پالتار ساتان دوکانیندا، قادین گئیمک اوچون نئچه سئچدییی پالتار الینده پرو اوتاغینا کئچدی. گنج قیزینا " سنین ده نظرینی سوروشماق اوچون چاغیراجام"- دئدی...

بو یازینین آردینی ادبیات سئونلر کانالیندا اوخویون.
https://t.me/Adabiyyatsevanlar

باشقاسی!!
✍یازان: سحرخیاوی

ایلین تزه‌لنمه گونلرینه یاخین ایدی. هاوا ایلیقلاشیب، یئر، آغیر یوخودان آییلان آدام کیمی، بیرآز سرسَم، بیرآز مورگولو،بیرآز سرخوش، آمما دلیجه سئوینجلی ایدی.
بازارین هر یئریندن بایرام اییسی گلیردی.قادین شوشه تونگ‌لرده چالیغلایان قیرمیزی بالیقلاری، یاشیل بئللرینه تزه گلین‌لر کیمی قیرمیزی روبان باغلانمیش سبزه‌لری، یئدی‌سین سور-ساتینی و اونلاردان علاوه آداملارین اوزلرینه قونان سببسیز سئوینجی چوخ سئویردی. بازار بایراما یاخینلاشدیقجا قالابالیق‌لاشیردی.
همیشه موشتریسی اولدوقلاری تانیش پالتار ساتان دوکانیندا،قادین گئیمک اوچون نئچه سئچدییی پالتار الینده پرو اوتاغینا کئچدی.گنج قیزینا " سنین ده نظرینی سوروشماق اوچون چاغیراجام"-دئدی.
قیز "اولسون آنا‌جان"،- دئییب مهریبانجا گولومسوندو.
قادین داریسقال پرو اوتاغی‌نین قاپیسینی آچیب، اورا گیریب قاپینی اؤرتدو.
ایلک اؤنجه اؤز یاشینا لاپ اویغون بیلدییی یَشمی رنگده دونو گئیمک ایسته‌دی. بیر آندا گؤزو آینادا اؤزوندن باشقا بیر گنج قیزا ساتاشدی. شکلی آینایا دوشَن قیز، حتمن آرخاسینددیر ساندی. کیچیک قیزی یاشدا اولاردی. اوزو نئجه ده تانیش ایدی. آمما اونو هارادا گؤردویونو خاطیرلامیردی.
قادین اونو آینادا گؤررکن دیکسیندی.
- باغیشلایین خانیم.... سان کی سیز پرو اوتاغیندایمیشسیز... من....من... یانیلمیشام. سن آللاه باغیشلایین...اوتاقدان چیخماق ایسته‌دیکده آیناداکی قیز محبتلی گؤزلرینی اورتا یاشلی قادینین گؤزونه تیکدی، اهمالجا قولوندان یاپیشدی:
- یوخ... یانیلماییبسیز. من بورادا سیزه اَینیزه اَن یاراشان، اویغون پالتار سئچمه‌یه کؤمک ائده‌جم.
قادین بیربیر پالتارلاری گئییردی. آینادا کی قیز:
"نه‌دن بو قدر توتقون رنگ‌لر سئچیرسینیز جانیم؟! بو روحیه‌نیزه هئچ یاخشی دئییل. سیزین یاشینیزا اویغون، گؤزل و بویاسی اوره‌ک اوخشایان پالتارلار وار.
سونرا آینادان قادینا نئچه خوش بویاسی اولان دون، کُت دامن، تونیک- شالوار اوزاتدی. " گؤرون بونلار نئجه‌ده آلدیغینیز گیله‌نار ناخیشلی  سرویسینیزله یاراشاجاق". قادین تعجوبلندی. او قیز اونون گیله‌نار ناخیشلی سرویس آلدیغینی هاردان بیلیردی گوره‌سن؟!
قادین پالتارلاری قیزدان آلماق اوچون،آرخاسینا  دؤنمک یئرینه کاریخیب، آینایا ساری ال اوزاتدی، اللری آینانین درین‌لیگینه کئچدی!! آمان آللاه او قیز آینادایدی سانکی!!
دیکسیندی. اوره‌یی ایچینه دوشدو. سئحیرلی آینالار دونیاسی باره‌ده رومانلار اوخوموشدو، فیلیم‌لر گؤرموشدو. آیناداکی قیز اونو دا،آینالار دونیاسینا چکمه‌سیندن قورخدو. چوووخ قورخدو...
عجله‌لی قیز اؤنردییی دونون بیرینی گؤتوروب، پالتارلارینی گئیینیب، مانتوسونو اَینینه چکدی، چانتاسینی گؤتوروب،پرو اوتاغیندان چیخدی.
پالتار ساتانا:
" ساغ اولون. اوتاغا گؤندردیگینیز خانیم‌قیز، منه یاخشی سئچیم ائتمکده چوخ کؤمک اولدو. داها قیزیمی چاغیرماق دا لازیم اولمادی"،- دئدی.
- من گوندردیگیم خانیم‌قیز؟! هانسی قیز؟! ساتیجی شاشیریب قالمیشدی!
سیز بورادا اولان زامان هئچ بیر خانیم بورایا گلمه‌ییب. یالنیز نئچه قیز- گلین ائله ویترین اؤنوندن باخیب، سوووشوبلار". قیزی دا ساتیجی‌نین سؤزونو تصدیقله‌دی.
قادین اونلارا ثبوت ائتمک اوچون، بیر ده عجله‌لی چیخدیغیندا، اونوتدوغو پالتارلاری گتیرمک اوچون بیر داها پرو اوتاغینین قاپیسینی آچدی. اوتاق بوم- بوش ایدی. آینادا کیمسه یوخ ایدی!!
خیالیندان کئچیب بلکه، داها بیر سؤز دئمه‌دی. پالتارین پولونو حسابلاشیب پاساژین زالینا چیخدیلار.
قادین اوره‌یینده چوخ هورکموشدو آمما عاغلینی ایتیرمه‌یه اتهاملانماسین دئیه،داها قیزینا،کئچن ماجرانین اوستونو وورمادی.
آمما ائله فیکیرده قالمیشدی، آینادا کی گنج قیزین مهربان اوزو، سیجاق سسی بیر آن بئله گؤزو اؤنوندن ایتمیردی.
آخشام یوخودا، اؤزونو سونسوز- بوجاقسیز قارانلیق بیر چؤللوکده‌ گؤردو... سوسوزلوغوندان دیلی آغزیندا کَسسه‌یه چؤنموشدو. اوره‌یینی دهشت بوروسه ده بیر پیالا سو ایچمک اوچون بوتون وارلیغینی وئرمه‌یه حاضیر ایدی. شاشقین دؤرد بیر یانا باخدیقدا، اوزاقدان دَوه زینقیرووسو سسی ائشیتدی.قولاق یاپیرتدی. قدملرینی اورا طرفه یئیینلتدی، اوردا بیر سو قویوسو، قیراغیندا دا قرقره‌یه باغلانمامیش بیر وئدره گؤرونوردو. قویونون نئچه مئتیرلیگینده دَوه کَروانی گئدیردی.
قویویا باخدی. زیل قارانلیق رغمینه قویونون ایچی ایشیقلیقدان پار- پار پاریلداییردی.عجله‌لی وئدره‌نی قویویا سالدی. عجبا!! همن آیناداکی گنج قیزین، مهربان، گولومسه‌ین جسدی قویونون تکینده ایدی!! قادین هؤوشنه‌لی دالی آتیلدی. هؤنکورتو سسینه اؤزو اویاندی. قان-تر ایچینده ایدی. اوره‌یی گوپ- گوپ گوپبولده‌ییردی.دیلی آغزیندا کسسک کیمی قوروموشدو.بوغازی آجیییب قاشینیردی.
نئچه واختدان بَری تکرار-تکرار بو یوخونو گؤروردو.
او، آینادا کی گنج قیزی تانیمیشدی!!
https://t.me/Adabiyyatsevanlar

اوشاق ادبیاتی
اوشاق ادبیاتی هرهفته پنجشنبه گونو ادبیات سئونلر کانالیندا،
اوشاق ادبیاتینا دایر یازیلارینیزی بیزه گوندرین.


https://t.me/Adabiyyatsevanlar

اوشاق ادبیاتی
«کیرپی ایله  تولکو»نون ناغیلی

حاضیرلاییب، اویغونلاشدیران «ویدا حشمتی»

https://t.me/Adabiyyatsevanlar