شیرکو بیکس
ترجمه:« بهروز حسن زاده»

1
اکنون برخیز
تا بنگری
چگونه در زادگاه غله
نان می‌میرد
و چه سان در سرزمین نفت
نور چشمان چراغم
در تاریکی
محو می‌شود.

2

شب زنده دار

آن شب
در آن دره
همه ی چراغ ها خاموش بودند
تنها کورسویی پیدا بود
از چراغ شاعری
نشسته بر بستر زخمدیده ی شعری نا نوشته


https://t.me/Adabiyyatsevanlar

شعیر:شجاعت احمد اوو

بئش-اون گونلوک فورصت دوشوب اَلیوه
آمان کؤنول!احتیاط‌لا یاشا ها...
پول حؤرمتی،عقیده‌نی،مسلکی
چوخ ووروبدو بو دونیادا داشا ها...

دوشوردویون یوکو یاددان چیخارما
علاجسیزی،تکی یاددان چیخارما
"دو"یا سؤیوب،"یک"ی یاددان چیخارما
آخیراجان وئرمه‌یه‌جک قوشا ها...

گؤزونو یومماسین ایکی اوزدو گردیش
قاینایانلار آراسیندا قاینا،پیش
مجلیسده یئرینی ائل گؤسترمه‌میش
تله‌سیب تئز دیرماشما باشا ها...

خئیری-شرده ایتمه‌میسن ایتمه‌ده
اَیری یولا گئتمه‌میسن گئتمه‌ده
اَزل گون‌دن ائتمه‌میسن ائتمه‌ده
طاماح یازی تئز دؤنده‌رر قیشا ها...

"شجاعت"م بیتؤوده‌من،تالان‌دا
آچیلان‌دا،سارالان‌دا،سولان‌دا
غمله‌نن‌ده قوی بیلمه‌سین بالان‌دا
شادلانان‌دا دوست-تانیش‌دان قوشا ها...

https://t.me/Adabiyyatsevanlar

«نادر الهی» ادبیات سئونلر گوزگوسونده

موضوع: مفهوم ومحتوا نادر الهی نین شعیرینده
اوزمان: دوکتور:«سلیم زحمت دوست»
زمان: سه شنبه1402/11/3
ساعات: 10

آپاریجی: کریم قربانزاده


https://t.me/Adabiyyatsevanlar

«سحر_خیاوی»

آدامی یوللار یوخ...

اوزون یوللار گئدیب گاه یورولارسان
گاه دره- دوز گئدیب، گاه بورولارسان
اوزولمه لیل‌لشسن ده، دورولارسان
آدامی یوللار یوخ، آداملار یورور!!

یولونا داش تؤکن، دار گؤز آداملار
اوره‌یی قیش- قیروولو، بوز آداملار
دَله‌دوز، نانجیب، مین اوز آداملار
آدامی یوللار یوخ، آداملار یورور!!

یورولسان اوتور بیر چشمه باشیندا
یویوندور اوزونو صاف گوز یاشیندا
دینجین آل اَل‌آچیق صحرا داشیندا
آدامی یوللار یوخ، آداملار یورور!!

داش آتار یولونا، آیغین بودره‌سین
چینقیللی یولاقدا دیزین تیتره‌سین
اوندان یولداش اولماز، بیله‌سن کَسین
آدامی یوللار یوخ، آداملار یورور!!

بورنونون اوجوندان گؤرمز ساوایی
"ییخیلسین کیمسه‌نی"، مَسموم دوعاسی
اؤزونه قاییتسین نیفرین صداسی
آدامی یوللار یوخ، آداملار یورور!!

دئدین کی "صبر" ائله، دؤزوم نه سایاق؟!
چکیرلر کؤکسومه زَهَرلی بیچاق
اؤز کؤلگه‌م گؤتوروب اوستومه آیاق!
آدامی یوللار یوخ آداملار یورور!!


https://t.me/Adabiyyatsevanlar

«م. خوْشنام»

سن گلدین دۆنیاما، یاغیش اۆشۆدۆ
ایللرین آجیسین ایللر آپاردی
بیرگۆنش دوْغولدو قارانلیقلارا
گئجه نین پرده سین یئللر آپاردی.

سنی گؤرن کیمی، چیخدیم اؤزۆمدن
گئجه نی سؤندۆردۆم یانار کؤزۆمدن
تلسدیم ویصالا،کۆسدۆم دؤزۆمدن
منی گؤزدن آخان سئللر آپاردی.

سئل منی سئومزدی، سارا دئییلدیم
آغ اوْلانماسامدا، قارا دئییلدیم
اؤزۆم اؤز دردیمه چارا دئییلدیم
وئردیم منلیییمی ائللر آپاردی.

تک سنی ساخلادیم، داش اۆره ییمده
دئدیم تکجه دوْلان، داش، اۆره ییمده
اوْلدون بیرجه داملا یاش اۆره ییمده
آخدین بنیزیمه، اللر آپاردی!...

ساققالیم آغیدی، ساچیم قاریدی
منه دۆیۆن دۆشن آرزیلاریدی
بیر آلا قویایلی آغلیم واریدی
اوْنودا یئلله نن تئللر آپاردی.

ساریلدیم تئلینه اینجه ساپ کیمی
اینله دی کؤنلۆمۆن دانیشان سیمی
گؤزلرین گؤزۆمه اؤیرتدی هیمی
«خوْشنام» ی بم توتدو، زیللر آپاردی!...


۱۴۰۲٫۱۰٫۱        

         https://t.me/Adabiyyatsevanlar

«میرحسین_دلداربناب»
✍:«قار آدامی!»

بو آداملار، قار آدامی!
بوردا هاوا، قیش هاواسی
یئردن گؤیه نئیبت یاغیر
داریخمالی یئر بوراسی!

قارقالار قار قاریلداییر
قارالار قارا بویانیر
خوروزلار یوخویا گئدیر
تولکولر بیر- بیر اویانیر

آداملارین قانی سویوق
گؤزلریندن قیش تؤکولور
بوردا آدامین باشینا
بیر سورو بایقوش تؤکولور

بوردا هر زاد یئرینده‌دیر
قوشلاریمیز لال اوخویور!
بوردا آللاه آداملاری
شیطانلارا تور توخویور!

بورا سانکی جننت باغی!
بنی‌آدمدن خبر یوخ!
خئییر یاغیر هاواسیندان
شر نه گزیر، چون بشر یوخ!

منده بیر قار آدامی‌یام
اوشویورم اوجاق وئرین
یئرده سیزین، گؤیده سیزین
منه ایستی قوجاق وئرین...

https://t.me/Adabiyyatsevanlar

«حسین_منزوی»
ایلهامیم

آی بوتون حوسنده لئیلایه چكن ایلهامیم!
منی مجنون كیمی صحرایه چكن ایلهامیم!

آی منیم گؤزلریمین ذاتینا معنا یارادان!
روحومو شورِ تماشایه چكن ایلهامیم!

آی قیزاردان اؤپوشوندن، گولوشوندن دوداغین،
باخیشیندان گؤزونه سایه چكن ایلهامیم!

آی سنین دؤشلرین اوستونده چلیپا زولفون،
منی تصلیبِ مسیحایه چكن ایلهامیم!

آی اوزون گول كیمی باغلار یاخاسیندان چیخادان،
منی بولبول كیمی غوغایه چكن ایلهامیم!

كیپریگیندن قلم آلمیش اله باطیل خطینی،
گؤزلرین نرگسِ شهلایه چكن ایلهامیم!

آی سوتول آلمالاری آدمی یولدان چیخادان،
وسوسه وئرمه‌ده حوّایه چكن ایلهامیم!

حُسن و عصمتده داشان، یوسفِ مصره یاراشان،
عشق و جورأتده زولیخایه چكن ایلهامیم!

آی منیم كؤنلومو، بو ورطه‌ده سینمیش گمینی،
بیر ده باشدان دلی دریایه چكن ایلهامیم!

نازیلن، قول و غزل ساحیری، اؤز شاعیرینی،
یئنه ده شعرِ تمنّایه چكن ایلهامیم!

آی پوزولموش كلماتی بو غزلده تزه‌دن،
اینجی‌تک رشته‌ی معنایه چكن ایلهامیم!


https://t.me/Adabiyyatsevanlar

«نادر الهی» ادبیات سئونلر گوزگوسونده

موضوع: مفهوم ومحتوا نادر الهی نین شعیرینده
اوزمان: دوکتور:«سلیم زحمت دوست»
زمان: سه شنبه1402/11/3
ساعات: 10

آپاریجی: کریم قربانزاده


https://t.me/Adabiyyatsevanlar

نادر الهی ادبیات سئونلرگوزگوسونده  1402/11/3
ایکینجی بولؤم
اوزمان: دوکتور« سلیم زحمت دوست»

موضوع: محتوا نادر الهی نین شعئرینده


.
https://t.me/Adabiyyatsevanlar

نادر الهی ادبیات سئونلرگوزگوسونده  1402/11/3
ایکینجی بولؤم
اوزمان: دوکتور« سلیم زحمت دوست»

موضوع: محتوا نادر الهی نین شعئرینده


.
https://t.me/Adabiyyatsevanlar

نادر الهی ادبیات سئونلرگوزگوسونده  1402/11/3
ایکینجی بولؤم
اوزمان: دوکتور« سلیم زحمت دوست»

موضوع: محتوا نادر الهی نین شعئرینده


.
https://t.me/Adabiyyatsevanlar

نادر الهی ادبیات سئونلرگوزگوسونده  1402/11/3
ایکینجی بولؤم
اوزمان: دوکتور« سلیم زحمت دوست»

موضوع: محتوا نادر الهی نین شعئرینده


.
https://t.me/Adabiyyatsevanlar

نادر الهی ادبیات سئونلرگوزگوسونده  1402/11/3
ایکینجی بولؤم
اوزمان: دوکتور« سلیم زحمت دوست»

موضوع: محتوا نادر الهی نین شعئرینده


.
https://t.me/Adabiyyatsevanlar

نادر الهی ادبیات سئونلرگوزگوسونده  1402/11/3
ایکینجی بولؤم
اوزمان: دوکتور« سلیم زحمت دوست»

موضوع: محتوا نادر الهی نین شعئرینده


.
https://t.me/Adabiyyatsevanlar

نادر الهی ادبیات سئونلرگوزگوسونده  1402/11/3
ایکینجی بولؤم
اوزمان: دوکتور« سلیم زحمت دوست»

موضوع: محتوا نادر الهی نین شعئرینده


.
https://t.me/Adabiyyatsevanlar

مزار گلینی

✍یازان:« ائلچین حوسئین‌بَیلی»
کؤچورن:«سحرخیاوی»
حاضیرلایان:«ادبیات سئونلر»

حادیثه باش وئرن گون دیشیم آغریییردی. اصلینده بونا حادیثه ده دئمک اولماز، ماراقلی احوالات دئسه‌م بلکه ده یئرینه دوشَر.
یاز هاواسی ایدی. گون گون‌اورتایا یاخین اولسا دا گونش، سانکی تزه‌جه چیخمیشدی. من شام آغاجلارینین دؤره‌له‌دییی پُلی‌کلینیکانین یانینداکی مزارلیقدا گزیشیردیم.
اورا خصوصی بیر مقصدله گئتمه‌میشدیم. ساده‌جه دیش حکیمی دئمیشدی کی، موشتری چوخ اولدوغوندان تخمینن قیرخ دقیقه سونرا گلیم. بئله مقاملاردا منیم کیمی داییم ناراحات آدامین اوتوروب گؤزلمه‌یه حوصله‌سی چاتمازدی، اونا گؤره ده باشیمی قاتماق اوچون قبریستانلیغی سئچدیم. هر شئی‌له ماراقلانانلار اوچون دئییم کی، بورادا بکت سایاغی نسه گؤزلمه‌یین. من ایرلندی همکاریمدان فرقلی اولاراق قبریستانلیغی موقددس مکان سایمیرام. ساده‌جه واخت اؤلدورمک اوچون باش‌داشیلاریندا کی یازیلاری اوخوماق ایسته‌ییرم. باش‌داشی یازیلاری منیمچون، یقین- هم ده هر شئیی بیلمه‌یه جان آتان غریبه‌لر اوچون ماراقلی‌دیر...
بویازینین آردینی ادبیات سئونلر کانالیندا اوخویون.

https://t.me/Adabiyyatsevanlar

مزار گلینی

✍یازان:« ائلچین حوسئین‌بَیلی»
کؤچورن:«سحرخیاوی»
حاضیرلایان:«ادبیات سئونلر»

حادیثه باش وئرن گون دیشیم آغریییردی. اصلینده بونا حادیثه ده دئمک اولماز، ماراقلی احوالات دئسه‌م بلکه ده یئرینه دوشَر.
یاز هاواسی ایدی. گون گون‌اورتایا یاخین اولسا دا گونش، سانکی تزه‌جه چیخمیشدی. من شام آغاجلارینین دؤره‌له‌دییی پُلی‌کلینیکانین یانینداکی مزارلیقدا گزیشیردیم.
اورا خصوصی بیر مقصدله گئتمه‌میشدیم. ساده‌جه دیش حکیمی دئمیشدی کی، موشتری چوخ اولدوغوندان تخمینن قیرخ دقیقه سونرا گلیم. بئله مقاملاردا منیم کیمی داییم ناراحات آدامین اوتوروب گؤزلمه‌یه حوصله‌سی چاتمازدی، اونا گؤره ده باشیمی قاتماق اوچون قبریستانلیغی سئچدیم. هر شئی‌له ماراقلانانلار اوچون دئییم کی، بورادا بکت سایاغی نسه گؤزلمه‌یین. من ایرلندی همکاریمدان فرقلی اولاراق قبریستانلیغی موقددس مکان سایمیرام. ساده‌جه واخت اؤلدورمک اوچون باش‌داشیلاریندا کی یازیلاری اوخوماق ایسته‌ییرم. باش‌داشی یازیلاری منیمچون، یقین- هم ده هر شئیی بیلمه‌یه جان آتان غریبه‌لر اوچون ماراقلی‌دیر. چون کی اونلار حیاتین اؤلوم شکلی‌دیر و مین ایللرین عنعنه‌سینی اؤزونده ساخلاییر. هرکس حیاتدا قالاجاق نیشانه‌سینی اؤلومدن قاباق گؤرمک ، اونون بوز کیمی صیفتیندن اؤپمک ایسته‌ییر. لاپ خوفلاندیم. بوز کیمی صیفتی کیم سئور کی؟!
من قبریستانلیغین یئرلشدییی تپه‌لیکده اؤزومو غریب کیمی حیس ائله‌ییردیم. بیلمیرم، بو ائودن و ایش یئریندن اوزاق اولماغیملا باغلییدی‌می، یوخسا چکیله‌جک دیشیمین آغریسی‌نین قورخوسویلامی؟
اوشاق واختی دیشیمی چکدیرمه‌یه آنام آپاراردی. من ده آغریلاریمی و قورخومو آزالتماق اوچون باشیمی اونون آللی- گوللو دونونون آلتینا سوخاردیم. سود قوخویان دَریسینی اییله‌یردیم، یا دا اوزون دونونون اته‌یینه بورونردیم. آنام ایسه اطرافداکیلاردان عاییب ائله‌ییب، باشیمی دونونون آلتیندان چیخارار، منی قوجاغینا آلاردی. اوندا سولانمیش آغزیمی اونون یاخالیغیندا گیزلَدردیم، خیرداجا اللریمله اوندان برک- برک یاپیشاردیم.
آنامین قوخوسو آز دا اولسا، آغریمی آزالداردی. ایندی بوتون بونلاردان محروم ایدیم.
قبیر داشلارینین اوستونده سیزین ده داییم راست گلدیینیز جوربه‌جور یازیلار واردی. کیملرسه او دونیا اوچون باش‌داشینی اولادیندان، کیمسه آتاسیندان امانت آلمیشدی. باش داشی‌نین اوزرینده هر یاشا اویغون آغی‌لار، بایاتیلار واردی. قوجا آداملارین باش‌داشیلاری منه تسللی، جاوانلارین کی ناراحاتلیق گتیریردی. من بو قدر قوجا اؤلمک، بو قدر ده جاوان حیاتدان گئتمک ایسته‌میردیم. آرخادا منیم الیمه باخان اوشاقلاریم، هله ده خوش گله‌جه‌یه اومود بسله‌ین آروادیم، مندن الینی اوزمه‌ین قوهوم- اقربام، دوستلاریم واردی. البته بو دانیشیقلاریمین هئچ بیرینین ایندی ائشیده‌جه‌یینیز ماراقلی احوالاتا دخلی یوخدور. ماراق باخیمیندان هئچ اونا یاخین دا دوشه بیلمز. آمما اؤز باره‌مده نه ایسه دئییم کی، دانیشاجاقلاریما دا ایناناسینیز.
بو، چوخ غریبه، بلکه ده غریبه‌دن غریبه احوالات دیر.
دئمه‌لی من قبیرلرین آراسی ایله گزه- گزه، بدبین و نیک‌بین صیفت‌لری گؤره- گؤره گلیب بیر مزارین اؤنونده دایاندیم. داها دوغروسو سان کی باش داشیندا تصویر اولونموش آدامین اوزو، بسم‌الله، دمیر بارماقلیقلارین آراسیندان الینی اوزادیب، اته‌ییمدن توتدو و من دایاندیم.
بو، بیر گلین‌ین شکلی ایدی. بیلمیرم نییه گوزل قادینلار همیشه منه ایلیشیر؟! گلینین یاراشیقلی چؤهره‌سی، یاناغیندا قارا خالی واردی، آز سزیله‌جک درجه‌ده گولومسه‌ییردی. او قدر ساکیت دایانمیشدی کی، سان کی مَلَک ایدی. باشیندا دوواقی، اینینده ایندی دَبدن دوشموش آغ اوزون گلین‌لیک دونو واردی، الینده چیچک دسته‌سی توتموشدو. چیچک‌لر بنؤوشه‌یی، آغ و ساری گوللردن عیبارت ایدی. سان کی اونو داغدان یئنی‌جه ییغمیشدیلار. چیچه‌یی دره‌ن ایسه ائله من اؤزوم ایدیم. یئنه‌ ده شیلتاقلیغیم توتموشدو و کندیمیزین داغلاریندا- دره‌لرینده دولاشیب، چیچک ییغیردیم، دومبالان، یئرآلماسی، بوز کهلییین یومورتاسینی آختاریردیم. مندن فرقلی اولاراق گلینین صیفتیندن معصوملوق و گوناهسیزلیق یاغیردی.
من اونا خیلی باخدیم، باخا- باخا دا دیشیمین آغریسینی اونوتدوم. حکیمه قاییتماق فیکریندن ده داشیندیم. دییه‌سن گلینی سئودیم ده، هر حالدا اونو آرزولادیم، یوخولاریمی یادیما سالدیم. گرک کی من اونو نه زامانسا یوخولاریمدا گؤرموشدوم. او گلین داغلارین او بیری اوزونده کی ناغیل شهرینده یاشاییردی‌. بلکه مؤجوزه آختاران آلیس ایدی، یا گؤیچک فاطمایدی، بلکه ده اونلارین باجیسی ایدی. ان غریبه‌سی اویدو کی اونون شکلی‌نین آلتیندا هئچ نه یازیلمامیشدی. نه آدی بیلینیردی، نه ده دوغوم و اؤلوم تاریخی.

بو دوشونجه‌لریم بیر موددت چکدی. من گاه گلینین سیر- صیفتینه، گاه اونون یاخالیغینا، داها دوغروسو سینه‌‌سینی دومبالدان دؤشلرینه، گاه دا آیاغیندا کی آغ صندله باخیردیم. بیردن قولاغیمین دیبینده هنیرتی حیس ائله‌دیم، اوشَندیم، جلد قانریلیب آرخایا باخدیم. یاشلی بیر کیشی آرخامدا دایانیب شکله باخیردی، آغزیندان سیگارت اییی گلیردی: اوجوز و فیلترسیز سیگارت قوخوسو. من چکمه‌یی چوخدان ترگیتمیشدیم، آمما اونون قوخوسونو یادیمدا ساخلامیشدیم. بو دوغرودان دا پیس قوخویدو. بلکه او دیشلرینی ده یوموردو، یا ائله پروتز گزدیریردی‌ دیشلری پروتزلی کیشی‌لرین ( لاپ ائله قادینلارین دا) آغزیندان پیس قوخو گلیر. اینجیمه‌سیدیلر دییردیم کی، سیگارت چکمه‌سینلر.
ساچلاری چاللاشمیش، صیفتی بوروشموش همین کیشی ائله ده قوجا دئییلدی، اونون یا ایچکی‌یه حددن آرتیق مئیللی اولماسی، یا دا اؤزونو دوغرولتمایان اومودلاری قوجالتمیشدی.
سون فیکیر خوشوما گلیر. من اونو هانسی‌سا بیر کینودان ائشیتمیشم. او منیم‌له یاناشی بیر موددت دایانیب گلینه باخدی، داها دوغروسو، چؤهره‌سی باتیق و خاللی گلینین موبارک سیماسینی سیر ائله‌دی، آخیردا هئچ نه دئمه‌دن مزاری دؤره‌له‌ین حاصارین قیفیلینی آچیب ایچری کئچدی. گلین مزاری‌نین یانیندا تخمینن بیر آدام بویو یئر ده وار ایدی.
او، الینده کی دولچانی همین یئره قویدو، تلسمه‌دن مزارین اطرافیندا کی اوت- آلاغی یولوب آتماغا باشلادی،
قانقال اونون بارماغینی یارالاسا دا، اهمیت وئرمه‌دی. قانی ائله‌جه اوستونه سورتدو. دییه‌سن او، آغری دا حیس ائله‌میردی. گؤرونور اومودلاری اؤلموش آدامین حیسلری ده اونو ترک ائدیر.  دینمز- سؤیله‌مز، صاحیبینی بئله اینجیتمه‌دن. حیسلرین ده صاحیبی اولور آخی، یا ائله عکسینه: حیسلر آدامین صاحیبی‌دیر، زامانی گلنده آرادان چیخیر. آی سنی!
کیشی باش داشینین بؤیورلرینده اؤزونه یئر ائله‌میش داش گولدانلارا دا، ال گزدیردی. قوروموش چیچک‌لری گوتوروب کنارا آتدی، قوینوندان بیر جوت قرنفیل چیخاریب، هره‌سینی گولدانین بیرینه قویدو. سو تؤکدو.
من ندنسه اورادان آرالانماق ایسته‌میردیم، بلکه ده عاغلیما گلمیردی. یا دا ائله هانسی‌سا قو‌ووه منی ساخلاییردی. بو قوووه گلینین گؤرونمز اللری ده اولا بیلردی‌.
آه، کیشی‌نی قوجاقلایان قادین اللری!...
کیشی جیبیندن دستمال چیخاریب، شکلین اوستونو تمکین‌له سیلدی. اوزونه سو ووردو. سونرا منه طرفه باخمادان، سان کی اؤز- اؤزونه پیچیلداییرمیش کیمی:
- چوخ جاوان ایدی،- دئدی. دیلی توپوق ووردو، ککه‌لدی.
- آللاه رحمت ائله‌سین! - من اونا تسللی اوچون:- یقین قیزین دیر؟- دییه سوروشدوم.
- او منیم نیشانلیم ایدی،- دییه یئنه  ده ککه‌لییه- ککه‌لییه مایوسلوقلا جاواب وئردی.
بیز بیر موددت سوسدوق. گلینین حیاتدان ناکام گئتمه‌سی اونو داها دا گوزللشدیریردی، اوره‌ییمی آغریدیردی.‌ اونون صیفتینده غمله سئوینج ائکیز ایدی.
سان کی مهارتلی رسام شیلتاق بیر آدامین مختلف اوقاتینی بیر صیفتده بیرلشدیرمیشدی. بدبین‌لر حیاتدا اؤلوم، نیک‌بین‌لر حیات آختاریرلار.‌
سیررلی بیر اوچلوک یارانمیشدی: گلین، کیشی و من. او دا، سانکی بونو دویدو، بلکه ده دانیشماغا احتیاج حیس ائله‌ییردی و بئله بیر احوالات سؤیلمه‌یه باشلادی:
- بیز قونشویدوق. او، منیم کیچیک باجیملا یاشید ایدی.
من اوندان یئددی یاش بؤیوک ایدیم، قوجاغیمدا بؤیوموشدو. اونو سئومک هئچ آغلیما دا گلمزدی، آمما حیاتی نه بیلمک اولار. آداما اوّلجه درد، سونرا سئوینج وئریر. عشق دردله باشلاییر.
- عشق قدیم اینسانین کدری دیر،- دییه اونون فیکیرلرینه شریک چیخدیم.
آمما او، منیم بو مودریک سؤزلریمه محل قویمادی.
- من اونا وورولدوغومو ایلک دفعه اوت تایاسی‌نین باشینا چیخاندا حیس ائله‌دیم. عسکرلیکدن تزه‌جه قاییتمیشدیم، اییونون اوّللری ایدی. اوتو تزه‌جه حیه‌طه گتیرمیشدیم و ایندی اونو تایایا ووروردوم.  دوستوم اوتو یابا ایله گؤتوروب، یوخاری قالدیریردی، من ده اونو آلیب، یئربه یئر ائدیردیم. قیز ایسه یئرده دایانیب منه اَل ائله‌ییردی. قیز سانکی منی هانسی‌سا اوزاق سفره یولا سالیردی. بو چوخ مرهم حیسدی، اونو سؤزله دئمک اولماز... صؤحبتین بو یئرینده هارداسا بیر سئرچه اوچوب گلدی، گلینین باش داشینا قوندو. منه ائله گلدی کی بو، گلینین روحودور.
بس گؤیرچین‌لر نئجه اولدو؟ ناکام گؤزللرین روحو گؤیرچین‌لرده اولور آخی؟ یقین ائله او دا بئله دوشوندو و قوشا اؤتری بیر نظر سالدی، هئچ نه دئمه‌دی. سئرچه فیندیق باشینی او طرف- بو طرفه دؤندردی، بوغدا بویدا ببک‌لری گؤز یوواجیغیندا چالخالاندی، سونرا رفیقه‌لرینی، دوستلارینی چاغیرا- چاغیرا اوچوب گئتدی.

کیشی صؤحبتینی داوام ائله‌دی:
- همین گون اوتو تایایا ووراندان سونرا او، وئدره‌ده سو گتیردی، ال- اوزومو یوماق اوچون سو تؤکدو، چیینینه آتدیغی دستمالی منه اوزاتدی. بالاجا باجیم همین واخت ائوده یُوخ ایدی. بلکه ده بو بیر اویون ایدی، دییه بیلمه‌رم.
آمما 14-13 یاشلی بو قیز ائله گوزللشمیشدی کی سانکی بوینومدا گزدیردیییم دونَنکی اوشاق دئییلدی. اوندا جذب ائدیجی نه‌سه وار ایدی‌.
ماگنیت کیمی منی دارتیردی، الیمه تؤکدویو سو، سانکی قانیما قاریشیردی، ایچیمه هوپوردو.
او دوققوزونجو صینیفده اوخویاندا قاراباغ محاریبه‌سی باشلادی و من کؤنوللو جبهه‌یه گئده‌سی اولدوم، آمما اوندان اوّل نیشانلاندیق.
آرابیر اوندان دا جاوابلار آلیردیم. بیز بیربیریمیزی اؤلنه کیمی سئوه‌جه‌ییمیزه سؤز وئرمیشدیک. من اونو سئودیییمی ائولری‌نین یانینداکی یارغانین باشیندا گزرکن دئمیشدیم. او، ایسه دونیا گؤرموش قادینلار کیمی سوسموشدو، منه شوبهه‌لی و قیقاجی بیر نظر سالمیش، دمپایی‌لارینی سوروتله‌یه- سوروتله‌یه ائولرینه طرف قاچمیشدی.
محاریبه قصبه‌میزدن ائله ده اوزاق دئییلدی، آداملار گئجه‌لری سکسکه ایچینده کئچیریردیلر. قورخولارینی یاددان چیخارماق اوچون گئجه‌نی اویدورما احوالاتلارا قولاق آسا- آسا باشا ووروردولار.
امکان دوشَنده کوماندیردان ایجازه آلیب ائوه گلیردیم. ایکی ایل بیر آیدان سونرا ساغ آیاغیمدان یارالاندیم و گئری قاییداسی اولدوم. تویوموزو لنگیتمه‌دیم. او اؤزو بئله ایسته‌دی..‌.
کیشی دایاندی، گلینین اوزونو دستمالی ایله سیلدی، سونرا بارماقلارینی اونون دوداقلاریندا، یاناقلاریندا گزدیردی.
- توی گونو سحر..‌‌.- او سؤزونون آردینی گتیرمه‌دی.
- یقین قضایا دوشوب؟- سوروشدوم.
بیر موددت آرا وئرندن سونرا:
-هه، قضایدی،- دئدی. سوسدو و بو دفعه باشینی قالدیریب قیزارمیش گؤزلری ایله اوزومه باخدی. - اؤزو ده ائله بیر قضا کی... من اؤزونو کیشی سایان هئچ بیر کسه بونو آرزو ائله‌میرم...او، توی گونو قئیدیاتدان چیخاندان سونرا منیم دوستوما قوشولوب قاچدی، تزه‌جه شکیل چکدیرمیشدیک...
بیر آنلیق آرا وئرندن سونرا هئچ نه اولمامیش کیمی:
- من اونو اؤلدوردوم،- دئدی.
سونرا منیم تعجوبومو گؤروب:- او معنادا یوخ، من اونو منده اؤلدوردوم. قبرین آلتی بوشدور، چون کی من اونو بورا قدر سئویردیم،- دئدی و بیردن گؤزلمه‌دیییم حالدا اوره‌کدن قهقهه چکیب گولدو و قبرین آلتی‌نین بوش اولدوغونا منی ایناندیرماق اوچون باش داشینی دؤیجه‌له‌دی.
من ائله باشا دوشدوم کی، همین آدام روحی خسته‌دیر.
- بورا ایسه منیم یئریم دیر،- او من طرفه باخمادان، بوش یئره اشاره‌یله دئدی،- آخی اؤلنه کیمی ، حتا او بیری دونیادا دا بیر یئرده اولاجاغیمیزا سؤز وئرمیشدیک. من سؤزومون اوستونده دورماق ایسته‌ییرم...
هاوا دَییشمیشدی، یاغیش اییی گلیردی‌. دیشیمین آغریسی تامام کسمیشدی. دییه‌سن دیشیم ده آغرییانا کیمی منیم اولموشدو، ایندی من، نه اونو، نه ده آغریسینی خاطیرلاماق ایسته‌ییردیم.
دیشیم منیمچون اؤلموشدو...

https://t.me/Adabiyyatsevanlar

یاربیزه گل یار بیزه...


https://t.me/Adabiyyatsevanlar