اوشاق ادبیاتی
«حبیب فرشباف»
«باجاريق»
بنؤشهنين آتاسي
اونا دؤرد شيرني وئردي،
اؤز بالاجا باجينلا
آپار ياري بؤل - دئدي!
بنؤشهده گؤتوردو
شيرنينین اوچ ايريسين،
او خيردا باجيسينا
وئردي تكجه بيريسين.
آتاسي بونو گؤروب
سوروشدو بنؤوشهدن
- قيزيم بس سن سايماغي
باجارماييرسان نه دن؟!
بنؤوشه آتاسينا
جاواب وئردي سئوينجك:
آتا! من باجاريرام
باجارمايير بو چيچك
2
«مدرسهدن گلنده»
قاييداركن مدرسهدن
سالام وئرديم آتاما من؛
آتام دئدي: قيزيم گلدين؟
سؤيله گؤروم نه اؤيرندين؟
دئديم: آتا بير قولاق آس !
فارسلار دئيير اوراغا، داس.
اؤيرنميشم اَليف بِ يي،
اوخويورام من هر شئيي،
بو بابادير، باخ بودا آب
بوآت بو ديش، بودا جوراب؛
اؤيرنميشم بخش ائتمهيي،
دئييرسنسه، دة هر نهيي.
اللريمله پارچالارام،
سسلريني من سايارام؛
سسلر ديَجَك قولاغيما
گتيرهرم بارماغيما.
آتام دئدي: «بو آلماني
بير پارچالا گوروم هاني؟»
آلمالاري گؤرهن چاغي
گتيرديم من تئز پيچاغي،
بونو گؤرجك آتام گولدو ،
ائله گولدو، ائله گولدو
گؤزلريندن ياش تؤكولدو؛
دئدي: قيزيم كلاسدا سن
ائله بئله بخش ائديرسن؟!
اؤز يئريمده دايانديم من،
آتامدان برك اوتانديم من.
https://t.me/Adabiyyatsevanlar
«حبیب فرشباف»
«باجاريق»
بنؤشهنين آتاسي
اونا دؤرد شيرني وئردي،
اؤز بالاجا باجينلا
آپار ياري بؤل - دئدي!
بنؤشهده گؤتوردو
شيرنينین اوچ ايريسين،
او خيردا باجيسينا
وئردي تكجه بيريسين.
آتاسي بونو گؤروب
سوروشدو بنؤوشهدن
- قيزيم بس سن سايماغي
باجارماييرسان نه دن؟!
بنؤوشه آتاسينا
جاواب وئردي سئوينجك:
آتا! من باجاريرام
باجارمايير بو چيچك
2
«مدرسهدن گلنده»
قاييداركن مدرسهدن
سالام وئرديم آتاما من؛
آتام دئدي: قيزيم گلدين؟
سؤيله گؤروم نه اؤيرندين؟
دئديم: آتا بير قولاق آس !
فارسلار دئيير اوراغا، داس.
اؤيرنميشم اَليف بِ يي،
اوخويورام من هر شئيي،
بو بابادير، باخ بودا آب
بوآت بو ديش، بودا جوراب؛
اؤيرنميشم بخش ائتمهيي،
دئييرسنسه، دة هر نهيي.
اللريمله پارچالارام،
سسلريني من سايارام؛
سسلر ديَجَك قولاغيما
گتيرهرم بارماغيما.
آتام دئدي: «بو آلماني
بير پارچالا گوروم هاني؟»
آلمالاري گؤرهن چاغي
گتيرديم من تئز پيچاغي،
بونو گؤرجك آتام گولدو ،
ائله گولدو، ائله گولدو
گؤزلريندن ياش تؤكولدو؛
دئدي: قيزيم كلاسدا سن
ائله بئله بخش ائديرسن؟!
اؤز يئريمده دايانديم من،
آتامدان برك اوتانديم من.
https://t.me/Adabiyyatsevanlar
Telegram
ادبیات سئونلر
بوکانال ادبیات سئونلر قوروپونون سئچیلمیش اثرلری دیر
کانالدا کی یازیلاری کانالین لینکینی وئرمک شرطی ایله پایلاشماق اولار.
کانالدا کی یازیلاری کانالین لینکینی وئرمک شرطی ایله پایلاشماق اولار.
اوشاق ادبیاتی
«اوشاق ادبیاتی
«حسین رزقی کقال»
گلین چیخاق اوینویاق، بو دنیانی تولویاق
پولک اوسته ساواش یوخ، یازیب گؤیه اولایاق
یئنی بیر یاریش قویاق، آدینی باریش قویاق
هرکیمین آدی چیخسا، قیرمیزی آلما سویاق
داراغا بیرچک وراق، آل الوان لچک وراق
بیزه قارشی دورانا، بیر قوجاق چیچک وراق
بؤرکوموز اولسون قاضی، فرقی یوخ تللی دازی
هرکیم کوسو ساخلاسا، توتوب گؤیه توللایاق
ائوجیک قوروب توی توتاق، اوتوراق قاباق- قاباق
حامی دوراق عاجیزه، گلین زورلونو اوتاق
بیریمیز اولاق تویوخ، بیریمیز اولاق لاری
بیری اولسون آبابا، بیریسی اولسون قاری
شرط ائدک کیم گؤلدورر ات آجی قاشقاباغی
کیمسه لاغا قویماسین، کاریخان اوشاقلاری
آغ قارا فرقی یوخدور، قیرمیزی یادا ساری
دؤشونک کیم یارالدیب، هامیمیزی بیرتاری
سوروشاق آتا- آنا، بیزلری کیم بولوبدو؟
قره- قورخو گلدیگیز، دامدا باجا اولوبدو؟
بوی باش آتیب دیرسهلک، قورخوداق خوخانلاری
کندده کاتدانی گؤرک، بوشلویاق بو خانلاری
تانری وئرسین اختیار، بیز گزهک دیار-دیار
بوتون شاهلار یئرینه، قویسالار اکک خیار
https://t.me/Adabiyyatsevanlar
«اوشاق ادبیاتی
«حسین رزقی کقال»
گلین چیخاق اوینویاق، بو دنیانی تولویاق
پولک اوسته ساواش یوخ، یازیب گؤیه اولایاق
یئنی بیر یاریش قویاق، آدینی باریش قویاق
هرکیمین آدی چیخسا، قیرمیزی آلما سویاق
داراغا بیرچک وراق، آل الوان لچک وراق
بیزه قارشی دورانا، بیر قوجاق چیچک وراق
بؤرکوموز اولسون قاضی، فرقی یوخ تللی دازی
هرکیم کوسو ساخلاسا، توتوب گؤیه توللایاق
ائوجیک قوروب توی توتاق، اوتوراق قاباق- قاباق
حامی دوراق عاجیزه، گلین زورلونو اوتاق
بیریمیز اولاق تویوخ، بیریمیز اولاق لاری
بیری اولسون آبابا، بیریسی اولسون قاری
شرط ائدک کیم گؤلدورر ات آجی قاشقاباغی
کیمسه لاغا قویماسین، کاریخان اوشاقلاری
آغ قارا فرقی یوخدور، قیرمیزی یادا ساری
دؤشونک کیم یارالدیب، هامیمیزی بیرتاری
سوروشاق آتا- آنا، بیزلری کیم بولوبدو؟
قره- قورخو گلدیگیز، دامدا باجا اولوبدو؟
بوی باش آتیب دیرسهلک، قورخوداق خوخانلاری
کندده کاتدانی گؤرک، بوشلویاق بو خانلاری
تانری وئرسین اختیار، بیز گزهک دیار-دیار
بوتون شاهلار یئرینه، قویسالار اکک خیار
https://t.me/Adabiyyatsevanlar
Telegram
ادبیات سئونلر
بوکانال ادبیات سئونلر قوروپونون سئچیلمیش اثرلری دیر
کانالدا کی یازیلاری کانالین لینکینی وئرمک شرطی ایله پایلاشماق اولار.
کانالدا کی یازیلاری کانالین لینکینی وئرمک شرطی ایله پایلاشماق اولار.
"میرزه قارغا"😂
✍یازان: افروز خانیم
گونلرین بیر گونونده
شاه عابباس دوربونونده
یئنه همین تانیش کتده
کدخوداسی " خانیش" کَتده
کدخودا خان یازدی عَرضه
قارغانی ائیلهدی "میرزه"
یازدی کی:" ای آلا قارغا
بو حؤکمومله بوگون، یارین
سُویون قارغالیق پالتارین
دَییش بوتون اساسینی
گئیین میرزه لباسینی
کنده کانال آچاجاقسان
دئمه یولدان آزاجاقسان
تپهرم درینه سامان
یاپاجاقسان کؤنلوم اومان"
قارغابَگ اولوب سئوینجک
میرزهلیگه گئیدی پئنجک
او گوندن قهرمان اولدو
کاتدادان بتر " خان" اولدو!!
قاپیسیندا نؤکر- نئییب
اونا بعلی قوربان دئدی
دای قوخوموش شور- پئندیر یوخ
ناهار،آخشام قوزو یئدی!!
آد آچدی کندین کانالی
آیغینا وورولدو نالی
ائشیدین میرزه قارغادان
آمان دونَنکی دارغادان
هر بیر شئیی بگنمزدی
باشی هر کسه ائنمزدی:
"تویوغوما او "کیش" دئدی
پیشیگیمه بو "پیش" دئدی
یولدان کئچنده بو آدام
وئرمهییبدیر منه سالام
داش آتدی او گون بو کیشی
سینیبدی ایتیمین دیشی
بو سارساق دا ائدیب دوعا
ائششگیم دوشوب قویویا
قیزیلدان اولسا یازیسی
یایمیاجام، یایمیاجام
ددهم روحو، ننهم گورو
بو عیناددان جایمیاجام"
بئله اولدو سانال پئشی
هاوای- هوسلرین ایشی!
چیینینه آلیب خورجونو
ددهنین کؤهنه بورجونو
ایستهییردی جاماعاتدان
هارای بو آغناغان آتدان!!
آمان آللاه او بئینییئل
دَلی اَلینه وئردی بئل
یاغلاییردی یازیچیلار
بلکه قارغا یولا گلسین
گونلرین بیرینده بلکه
اونلاری دا یازار بیلسین:
"آی قارغا خان واللاه بیللاه
سنسن بوتون قوشلارا شاه
نه گؤیچک دیر قول- قانادین
لاییقدیر طاووسا آدین!
سسین بولبولدن گؤزلدیر
ائل ایچره بو سس مَثَلدیر
قارا رنگیندن یوخاری
یوخدور هئچ رنگین چیخاری"
شیشدی قولتوغو قارغانین
آلیردی ددهسی قانین
هر کیم اونو یاغلاییردی
قازانلاری بوغلاییردی
یازیلاری نشر اولوردو
ساری کانالا دولوردو
بیرگون ده لووغا قارغامیز
ائیوانیندا چای ایچیردی
قضادان بیر اَتجه سئرچه
او آن سَمادان کئچیردی
لووغا قارغا باخدی گؤیه
منم- منم دئیه، دئیه
سئرچهبالا واختی سئچدی
بیر سال فینجانینا سیچدی!
دئمیرم من دای قالانین
عارف اولساز اؤزوز قانین
بو شیرین، گؤزل ناغیلین
پیامینی اؤزوز آنین.
https://t.me/Adabiyyatsevanlar
✍یازان: افروز خانیم
گونلرین بیر گونونده
شاه عابباس دوربونونده
یئنه همین تانیش کتده
کدخوداسی " خانیش" کَتده
کدخودا خان یازدی عَرضه
قارغانی ائیلهدی "میرزه"
یازدی کی:" ای آلا قارغا
بو حؤکمومله بوگون، یارین
سُویون قارغالیق پالتارین
دَییش بوتون اساسینی
گئیین میرزه لباسینی
کنده کانال آچاجاقسان
دئمه یولدان آزاجاقسان
تپهرم درینه سامان
یاپاجاقسان کؤنلوم اومان"
قارغابَگ اولوب سئوینجک
میرزهلیگه گئیدی پئنجک
او گوندن قهرمان اولدو
کاتدادان بتر " خان" اولدو!!
قاپیسیندا نؤکر- نئییب
اونا بعلی قوربان دئدی
دای قوخوموش شور- پئندیر یوخ
ناهار،آخشام قوزو یئدی!!
آد آچدی کندین کانالی
آیغینا وورولدو نالی
ائشیدین میرزه قارغادان
آمان دونَنکی دارغادان
هر بیر شئیی بگنمزدی
باشی هر کسه ائنمزدی:
"تویوغوما او "کیش" دئدی
پیشیگیمه بو "پیش" دئدی
یولدان کئچنده بو آدام
وئرمهییبدیر منه سالام
داش آتدی او گون بو کیشی
سینیبدی ایتیمین دیشی
بو سارساق دا ائدیب دوعا
ائششگیم دوشوب قویویا
قیزیلدان اولسا یازیسی
یایمیاجام، یایمیاجام
ددهم روحو، ننهم گورو
بو عیناددان جایمیاجام"
بئله اولدو سانال پئشی
هاوای- هوسلرین ایشی!
چیینینه آلیب خورجونو
ددهنین کؤهنه بورجونو
ایستهییردی جاماعاتدان
هارای بو آغناغان آتدان!!
آمان آللاه او بئینییئل
دَلی اَلینه وئردی بئل
یاغلاییردی یازیچیلار
بلکه قارغا یولا گلسین
گونلرین بیرینده بلکه
اونلاری دا یازار بیلسین:
"آی قارغا خان واللاه بیللاه
سنسن بوتون قوشلارا شاه
نه گؤیچک دیر قول- قانادین
لاییقدیر طاووسا آدین!
سسین بولبولدن گؤزلدیر
ائل ایچره بو سس مَثَلدیر
قارا رنگیندن یوخاری
یوخدور هئچ رنگین چیخاری"
شیشدی قولتوغو قارغانین
آلیردی ددهسی قانین
هر کیم اونو یاغلاییردی
قازانلاری بوغلاییردی
یازیلاری نشر اولوردو
ساری کانالا دولوردو
بیرگون ده لووغا قارغامیز
ائیوانیندا چای ایچیردی
قضادان بیر اَتجه سئرچه
او آن سَمادان کئچیردی
لووغا قارغا باخدی گؤیه
منم- منم دئیه، دئیه
سئرچهبالا واختی سئچدی
بیر سال فینجانینا سیچدی!
دئمیرم من دای قالانین
عارف اولساز اؤزوز قانین
بو شیرین، گؤزل ناغیلین
پیامینی اؤزوز آنین.
https://t.me/Adabiyyatsevanlar
Telegram
ادبیات سئونلر
بوکانال ادبیات سئونلر قوروپونون سئچیلمیش اثرلری دیر
کانالدا کی یازیلاری کانالین لینکینی وئرمک شرطی ایله پایلاشماق اولار.
کانالدا کی یازیلاری کانالین لینکینی وئرمک شرطی ایله پایلاشماق اولار.
میرهادی مظلومی
تورکجه یه ترجومه ائدن:علیرضا ذیحق«ع.آغ
چایلی»
شن ما هنی
قارلی دومانلی ذیروه لر ده
دیم دیک بویلانان بیر داش قایا تک
قیریش لی آلنی نین اوچوروم لاریندان
تَر سوزور آخین ـ آخین
گولله سی ییرمیش یاناقینا
و قانلا بولاشارکن
یول آچیر کؤکسونون یائقین چؤلونه!
یالنیزلیق آمما شاختا بوران تک کیریتسه اونو
یئنه سؤتمز یئنیلمه ز بیر قایادیر
تونقال لار اؤنونده
شاشیر می شیق اونون
نه دئییب سؤیله مه سینه
و بیلینمیر هانسی ماهنی، نغمه لرله
قولاقلاردا جان تاپاجاق دیر
اوره ک لره نور ساچاق دیر!
هامی گؤز تیکیب محزون لوغونا
و سوسان یورقون گؤزلرینه!
مین لر یارا اولسادا دؤیوشجول ووجودوندا
دونان قانلارا باخمادان
قارتال غورورلو قیروولی باخیش لاریله
اؤلوم جایناغیندان قورتولان سون و یالنیز
بیر سَلَحشور کیمی
اؤزونو آلاولی تونقال لارا آتیب
ققنوس کیمی یاناجاق دیر گؤره سن می؟
کیمسه بیلمیر بیر آن سونرا اولانلاری
ائلده سوسقون،
سؤزده سوسقون،
کؤنولده کی کؤزده سوسقون !
آمما بیردن
قوجامان تئل لی سازین
چیخاریر کؤینه یینی
سؤی سؤیله ییر، بوی بویلاییر
قارانلیق دیزه چؤکوب
پارلایان اولدوز اولور
شن لی ییمیز سونسوز اولور.
صوبحه جان دویماییر، چالماق دان اوخوماقدان
هایقیریری، باغیریری
کوراوغلونو سسله یر کن
نبی نی هایلاییری.
سحره چاتماغا سحره جان
قان تر ایچره سحری ایسته ییری.
و صوبح اولمادان
آشیق قیریلمیش سازی نین قیزیل تئل لریله
اوخویور دورمادان بیر سون ماهنی سینی
پاره ـ پاره کؤنول له، دؤیوش دن چیخان
ای ییت قهرمان تکین!
اولاجاق حادیثه نی بیلمه مک کیمی
زامان کئچمه دن دایانیب سانکی
و آشیق سؤیله ییر تئل ـ تئل اولموش سازینان :
آچیل سحر، آییل سحر"
گونش اولوب اوره ک لره
بیلک لره، دیلک لره
دونیا وارکن زمی لره، دَنیزلره
جالین سحر!"
گئجه دن آز قالمیشدی
و سحر یاخین ایدی.
https://t.me/Adabiyyatsevanlar
تورکجه یه ترجومه ائدن:علیرضا ذیحق«ع.آغ
چایلی»
شن ما هنی
قارلی دومانلی ذیروه لر ده
دیم دیک بویلانان بیر داش قایا تک
قیریش لی آلنی نین اوچوروم لاریندان
تَر سوزور آخین ـ آخین
گولله سی ییرمیش یاناقینا
و قانلا بولاشارکن
یول آچیر کؤکسونون یائقین چؤلونه!
یالنیزلیق آمما شاختا بوران تک کیریتسه اونو
یئنه سؤتمز یئنیلمه ز بیر قایادیر
تونقال لار اؤنونده
شاشیر می شیق اونون
نه دئییب سؤیله مه سینه
و بیلینمیر هانسی ماهنی، نغمه لرله
قولاقلاردا جان تاپاجاق دیر
اوره ک لره نور ساچاق دیر!
هامی گؤز تیکیب محزون لوغونا
و سوسان یورقون گؤزلرینه!
مین لر یارا اولسادا دؤیوشجول ووجودوندا
دونان قانلارا باخمادان
قارتال غورورلو قیروولی باخیش لاریله
اؤلوم جایناغیندان قورتولان سون و یالنیز
بیر سَلَحشور کیمی
اؤزونو آلاولی تونقال لارا آتیب
ققنوس کیمی یاناجاق دیر گؤره سن می؟
کیمسه بیلمیر بیر آن سونرا اولانلاری
ائلده سوسقون،
سؤزده سوسقون،
کؤنولده کی کؤزده سوسقون !
آمما بیردن
قوجامان تئل لی سازین
چیخاریر کؤینه یینی
سؤی سؤیله ییر، بوی بویلاییر
قارانلیق دیزه چؤکوب
پارلایان اولدوز اولور
شن لی ییمیز سونسوز اولور.
صوبحه جان دویماییر، چالماق دان اوخوماقدان
هایقیریری، باغیریری
کوراوغلونو سسله یر کن
نبی نی هایلاییری.
سحره چاتماغا سحره جان
قان تر ایچره سحری ایسته ییری.
و صوبح اولمادان
آشیق قیریلمیش سازی نین قیزیل تئل لریله
اوخویور دورمادان بیر سون ماهنی سینی
پاره ـ پاره کؤنول له، دؤیوش دن چیخان
ای ییت قهرمان تکین!
اولاجاق حادیثه نی بیلمه مک کیمی
زامان کئچمه دن دایانیب سانکی
و آشیق سؤیله ییر تئل ـ تئل اولموش سازینان :
آچیل سحر، آییل سحر"
گونش اولوب اوره ک لره
بیلک لره، دیلک لره
دونیا وارکن زمی لره، دَنیزلره
جالین سحر!"
گئجه دن آز قالمیشدی
و سحر یاخین ایدی.
https://t.me/Adabiyyatsevanlar
Telegram
ادبیات سئونلر
بوکانال ادبیات سئونلر قوروپونون سئچیلمیش اثرلری دیر
کانالدا کی یازیلاری کانالین لینکینی وئرمک شرطی ایله پایلاشماق اولار.
کانالدا کی یازیلاری کانالین لینکینی وئرمک شرطی ایله پایلاشماق اولار.
«میرحسین_دلداربناب»
بو شههر یازی ایتیریب!
سیجیر- سیجیر، کیتاب- کیتاب
اورهییمده سؤزوم قالیب
سؤنن آذر اوجاغیندا
تونقال- تونقال کؤزوم قالیب
آیین ایرمیآلتیسیندا
بئش- اوچ دؤنوک، اوزو- قارا
اولو تبریزی چکدیلر
مین اوچیوز ایرمیبئش دارا
دولاندیلار کئچید- کئچید
تپیلدیلر دالان- دالان
بو ائو- او ائو، دلیک- دئشیک
چاپوولانیب اولدو تالان
یولوب یولوشدوروردولار
کیتابلارین قانادلارین
جیزیردیلار، جیریردیلار
ارنلرین آغ آدلارین
قوچاقلاری توتوقلاییب
ییغیردیلار آلانلارا
آلوو دوشوردو جانلارا
زهر یاغیردی قانلارا
یوخوم قاچیب اوزاقلارا
گؤزومده یاش هالای وورور
گئجه کئچیب بوغازیما
قارانلیغی هارای وورور
شههر بوگون جان اوستهدیر!
جانینا کیم جان قاتاجاق؟
بوگون یالنیز آللاه بیلیر
کیم کیمی کیمه ساتاجاق!
آغزیمدا سؤزوم آغلاییر!
گؤزلریم دومانا دولور
بو شههر یازی ایتیریب
بایرامی بوراندا سولور...
۱۴۰۲/۱۰/۱۹
https://t.me/Adabiyyatsevanlar
بو شههر یازی ایتیریب!
سیجیر- سیجیر، کیتاب- کیتاب
اورهییمده سؤزوم قالیب
سؤنن آذر اوجاغیندا
تونقال- تونقال کؤزوم قالیب
آیین ایرمیآلتیسیندا
بئش- اوچ دؤنوک، اوزو- قارا
اولو تبریزی چکدیلر
مین اوچیوز ایرمیبئش دارا
دولاندیلار کئچید- کئچید
تپیلدیلر دالان- دالان
بو ائو- او ائو، دلیک- دئشیک
چاپوولانیب اولدو تالان
یولوب یولوشدوروردولار
کیتابلارین قانادلارین
جیزیردیلار، جیریردیلار
ارنلرین آغ آدلارین
قوچاقلاری توتوقلاییب
ییغیردیلار آلانلارا
آلوو دوشوردو جانلارا
زهر یاغیردی قانلارا
یوخوم قاچیب اوزاقلارا
گؤزومده یاش هالای وورور
گئجه کئچیب بوغازیما
قارانلیغی هارای وورور
شههر بوگون جان اوستهدیر!
جانینا کیم جان قاتاجاق؟
بوگون یالنیز آللاه بیلیر
کیم کیمی کیمه ساتاجاق!
آغزیمدا سؤزوم آغلاییر!
گؤزلریم دومانا دولور
بو شههر یازی ایتیریب
بایرامی بوراندا سولور...
۱۴۰۲/۱۰/۱۹
https://t.me/Adabiyyatsevanlar
Telegram
ادبیات سئونلر
بوکانال ادبیات سئونلر قوروپونون سئچیلمیش اثرلری دیر
کانالدا کی یازیلاری کانالین لینکینی وئرمک شرطی ایله پایلاشماق اولار.
کانالدا کی یازیلاری کانالین لینکینی وئرمک شرطی ایله پایلاشماق اولار.
«حسن بابایی» عجبشئرلی
بو نه دئمک دیر '''تبریز شیوه سی '''
کوهنه دن دئیب لر قولاق گونده بیر سوز ائشیتمزسه کار اولار. اول لر اینانمازدیم گئت _گئده گوردوم آی آتام بالاسی بو ابوالبشر نه گونده بیر سوز قورخما دئنن قیرخ سوز ائشیدیب، قیرخی نیندا قیرخینی چیخاریب قولاق لاری یئنی سوزلرین آردینجا گزیشیر.
سانال دونیانین اوزو آغ اولسون ائشیتمه دیگیمیز _گورمه دیگینیز عنوان لاری بیزه ائشیت دیررکن هم ده گورونتولو ائدیر.
دئمک همن دونیادا آددبم لایارکن ''تبریز شیوه سی ''تیتری یوخسا عنوانی گوزومو اولجه آجیشدیریب آز سونرا قاماشدیریب نئجه دئیرلر افکه لمک دورومونا دک گتیریب چاتدیرمیشدی، اوءز دئدیک لری کیمی دئسک بوشیوه نین ابداع کاری(اوءزه چیخاران )ی کیملر دیلرسه دیلیمیزین وارلیغینا _یاردیمینا یوخ بلکه تام عکسینه ایاق گوتورن لر اولوب سیزی ایناندیغینیز هله آجیغینیز توتماسین اجازه وئرین سوزومو بیتیریم، اوندان سونرا منی داش _قالاق ائدین.
بیزیم(تورک میلتیمیز)مکتب آدلی بیر مرکزیمیز اولمادان ایران آدلانان چرچیوه ده هره اوءزو نه گوره نئجه ایسته ییر یازیر، دئمک بیر معیار دیل تعریف لنمه یب، سهو ائتمیرمسه ۶۰جی ایلین عرفه لرینده دیلچی عالیم لریمیز(نطقی، هیئت، فرزانه، صدیق، زهتابی وسایره )لر توپلانتی قوروب بو قناعته گلدیلر قوزئی آذربایجان دا مکتب لی دیلین آرخاسیندا دورارکن بویوردولار.: اوءزوموزده ''فراهم اسباب ''اولمادیغیندان الیمیزی اوزادیب قارداشیمیزین جیبینه سوز خرجله یه بیلریک .دئملی دیلین قورولوش طرزینی آچیقجا دئسک ادبی دیلین فورماسینی اونلاردان پای آلیب منیمسه یب اوءزو موزونکو ساناق، بوندان باشقا یول یوخ ایدی.
ایندیسه او تاریخ دن ۴۲ایل ساوولوب دوءرد ۱۰ایل یازارلاریمیز یازماغی وردیش ائدیب، دئمک نثریمیز آیاق توتوب یئرییر. یاواش _یاواش دوز یازیلا حکایه _ناغیل _رومان _تنقیدی مقاله لر ایشیق اوزو گورور. بونونلا بئله گنج نسیل هوسلنرکن الینه قلم آلیب یازماق مشقینه دوشدویو حالدا، دوشونن بئین لردن گوزلنیلمز بیر ایش حساب اولونا بیلر ایندی گلک بو دوءنه شیوه مسئله سینی سسلندیرک.
گلین دوز اوتوروب دوز دانیشاق ایندن بئله ''تبریزشیوه سی ''دئیلن فورمادا یازی لاریمیزی سسلندیرسک گلجک نسیل بیزه گولمزمی؟ اوزاغا گئتمه یک واختیلا صمد بهرنگی جنابلاری تورکجه یازیلمیش نثرلرینه ائله جه ده فارس دیل لی شاعیر لردن اولونموش چئویرمه لرینه چاغداش دوورده نئجه باخیلیر؟ هله اوعالیجناب وورغولاییردی من بودیلده تکجه دانیشدیغیم دولایی سیندان بو کلمه لری دیب _دیبه دوزوب اورک سوزلریمی دئمک ایسته دیکده چتین لیک چکیرم، نیه آنا دیلده تحصیل آلمادیغیم اوچون.
ایندیسه بیز الی قلملی ساییلان بیگ لر _بایان لارا یاراماز دانیشیق دیلینی اورنک حساب ائدیب آدینی دا قویاق مثلا تبریز شیوه سی، زنجان شیوه سی، اورموشیوه سی، ماراغا، بیناب، عجب شئر...و....و...
منجه بو دیلیمیزین اینکیشافی نین قاباغینا داش دیغیرلاتمادان باشقا هئچ نه اولا بیلمز، باشقا یوندن دیلین گلیشمه سینه انگل توره ده بیلر.
هامییا آیدین دیر هر دیلین بلکه ده نئچه ۱۰لار لهجه سی اولا بیلر،لهجه لرین سای نین چوخ اولماسی او دیلین زنگین لیگینی گوستریر. اما یاراماز لهجه ایله یازماق آدینی دا '''شیوه '''آدلاندیریب نئجه دئیرلر قاباق دان گلن لیکده ائدک، اوزاغا گئتمه یک قونشو دیلده به یم شیراز، تهران، مشهد، اصفهان شیوه لری سادالانیر؟ هله اوسته لیک ایراد لار توتاراق دئیرلر: سیز فیلان سوز ییرینه بهمان سوزو ایشلتملی سینیز!!!آخی جانیم سیزه قوربان اولسون سیز هانسی قبول اولونموش بیر آکادئمیک بیلیم بیرلیگی نه آرخالانیب بو ایرلی سوردویونوز تفکورون کئشیگینده دورا بیلرسینیزمی؟
بو چتین لیک لری نظره آلیب بو شیوه سوزونه بیر یوللوق سون قویوب هم دوغال، هم سانال دونیادا تکجه یازیلاریمیزی معیار دیل اساسیندا سسلندیریب یوموشاقجا دانیشاجاغیق.
البته بو فیکیر بیر اوءنری کیمی سسلنه بیلر، بلکه یازانلاریندا اوءزلرینه گوره دئمگه سوزلری اولدو، آرتیرماق لازیم دیرفولکلور ماتریال لارینی توپلایاندا نئجه دئییلیر ائله جه ده یازماق بیزیم بوینوموزون بورجو اولازاق یئرینده دورور، آنجاق نثره _شعره گلدیکده هر نه یی آیاقلایب گئچمه مه لییک، آخی: بو دیل شیرین لیکده شربت کیمی دیر '۱
هله لیک بو قدر
۱_توفیق بایرامین شعری نین بیرینجی بندی
حورمتله
۱۴۰۲_۱۰_۲۱
https://t.me/Adabiyyatsevanlar
بو نه دئمک دیر '''تبریز شیوه سی '''
کوهنه دن دئیب لر قولاق گونده بیر سوز ائشیتمزسه کار اولار. اول لر اینانمازدیم گئت _گئده گوردوم آی آتام بالاسی بو ابوالبشر نه گونده بیر سوز قورخما دئنن قیرخ سوز ائشیدیب، قیرخی نیندا قیرخینی چیخاریب قولاق لاری یئنی سوزلرین آردینجا گزیشیر.
سانال دونیانین اوزو آغ اولسون ائشیتمه دیگیمیز _گورمه دیگینیز عنوان لاری بیزه ائشیت دیررکن هم ده گورونتولو ائدیر.
دئمک همن دونیادا آددبم لایارکن ''تبریز شیوه سی ''تیتری یوخسا عنوانی گوزومو اولجه آجیشدیریب آز سونرا قاماشدیریب نئجه دئیرلر افکه لمک دورومونا دک گتیریب چاتدیرمیشدی، اوءز دئدیک لری کیمی دئسک بوشیوه نین ابداع کاری(اوءزه چیخاران )ی کیملر دیلرسه دیلیمیزین وارلیغینا _یاردیمینا یوخ بلکه تام عکسینه ایاق گوتورن لر اولوب سیزی ایناندیغینیز هله آجیغینیز توتماسین اجازه وئرین سوزومو بیتیریم، اوندان سونرا منی داش _قالاق ائدین.
بیزیم(تورک میلتیمیز)مکتب آدلی بیر مرکزیمیز اولمادان ایران آدلانان چرچیوه ده هره اوءزو نه گوره نئجه ایسته ییر یازیر، دئمک بیر معیار دیل تعریف لنمه یب، سهو ائتمیرمسه ۶۰جی ایلین عرفه لرینده دیلچی عالیم لریمیز(نطقی، هیئت، فرزانه، صدیق، زهتابی وسایره )لر توپلانتی قوروب بو قناعته گلدیلر قوزئی آذربایجان دا مکتب لی دیلین آرخاسیندا دورارکن بویوردولار.: اوءزوموزده ''فراهم اسباب ''اولمادیغیندان الیمیزی اوزادیب قارداشیمیزین جیبینه سوز خرجله یه بیلریک .دئملی دیلین قورولوش طرزینی آچیقجا دئسک ادبی دیلین فورماسینی اونلاردان پای آلیب منیمسه یب اوءزو موزونکو ساناق، بوندان باشقا یول یوخ ایدی.
ایندیسه او تاریخ دن ۴۲ایل ساوولوب دوءرد ۱۰ایل یازارلاریمیز یازماغی وردیش ائدیب، دئمک نثریمیز آیاق توتوب یئرییر. یاواش _یاواش دوز یازیلا حکایه _ناغیل _رومان _تنقیدی مقاله لر ایشیق اوزو گورور. بونونلا بئله گنج نسیل هوسلنرکن الینه قلم آلیب یازماق مشقینه دوشدویو حالدا، دوشونن بئین لردن گوزلنیلمز بیر ایش حساب اولونا بیلر ایندی گلک بو دوءنه شیوه مسئله سینی سسلندیرک.
گلین دوز اوتوروب دوز دانیشاق ایندن بئله ''تبریزشیوه سی ''دئیلن فورمادا یازی لاریمیزی سسلندیرسک گلجک نسیل بیزه گولمزمی؟ اوزاغا گئتمه یک واختیلا صمد بهرنگی جنابلاری تورکجه یازیلمیش نثرلرینه ائله جه ده فارس دیل لی شاعیر لردن اولونموش چئویرمه لرینه چاغداش دوورده نئجه باخیلیر؟ هله اوعالیجناب وورغولاییردی من بودیلده تکجه دانیشدیغیم دولایی سیندان بو کلمه لری دیب _دیبه دوزوب اورک سوزلریمی دئمک ایسته دیکده چتین لیک چکیرم، نیه آنا دیلده تحصیل آلمادیغیم اوچون.
ایندیسه بیز الی قلملی ساییلان بیگ لر _بایان لارا یاراماز دانیشیق دیلینی اورنک حساب ائدیب آدینی دا قویاق مثلا تبریز شیوه سی، زنجان شیوه سی، اورموشیوه سی، ماراغا، بیناب، عجب شئر...و....و...
منجه بو دیلیمیزین اینکیشافی نین قاباغینا داش دیغیرلاتمادان باشقا هئچ نه اولا بیلمز، باشقا یوندن دیلین گلیشمه سینه انگل توره ده بیلر.
هامییا آیدین دیر هر دیلین بلکه ده نئچه ۱۰لار لهجه سی اولا بیلر،لهجه لرین سای نین چوخ اولماسی او دیلین زنگین لیگینی گوستریر. اما یاراماز لهجه ایله یازماق آدینی دا '''شیوه '''آدلاندیریب نئجه دئیرلر قاباق دان گلن لیکده ائدک، اوزاغا گئتمه یک قونشو دیلده به یم شیراز، تهران، مشهد، اصفهان شیوه لری سادالانیر؟ هله اوسته لیک ایراد لار توتاراق دئیرلر: سیز فیلان سوز ییرینه بهمان سوزو ایشلتملی سینیز!!!آخی جانیم سیزه قوربان اولسون سیز هانسی قبول اولونموش بیر آکادئمیک بیلیم بیرلیگی نه آرخالانیب بو ایرلی سوردویونوز تفکورون کئشیگینده دورا بیلرسینیزمی؟
بو چتین لیک لری نظره آلیب بو شیوه سوزونه بیر یوللوق سون قویوب هم دوغال، هم سانال دونیادا تکجه یازیلاریمیزی معیار دیل اساسیندا سسلندیریب یوموشاقجا دانیشاجاغیق.
البته بو فیکیر بیر اوءنری کیمی سسلنه بیلر، بلکه یازانلاریندا اوءزلرینه گوره دئمگه سوزلری اولدو، آرتیرماق لازیم دیرفولکلور ماتریال لارینی توپلایاندا نئجه دئییلیر ائله جه ده یازماق بیزیم بوینوموزون بورجو اولازاق یئرینده دورور، آنجاق نثره _شعره گلدیکده هر نه یی آیاقلایب گئچمه مه لییک، آخی: بو دیل شیرین لیکده شربت کیمی دیر '۱
هله لیک بو قدر
۱_توفیق بایرامین شعری نین بیرینجی بندی
حورمتله
۱۴۰۲_۱۰_۲۱
https://t.me/Adabiyyatsevanlar
Telegram
ادبیات سئونلر
بوکانال ادبیات سئونلر قوروپونون سئچیلمیش اثرلری دیر
کانالدا کی یازیلاری کانالین لینکینی وئرمک شرطی ایله پایلاشماق اولار.
کانالدا کی یازیلاری کانالین لینکینی وئرمک شرطی ایله پایلاشماق اولار.
Media is too big
VIEW IN TELEGRAM
گیلگمیش داستانلاری ادبیات سئونلر کانالیندا
12اینجی بؤلوم زمان: 1402/10/25
ساعات: 21
ناغیلی حاضیرلاییب سویلهین: «ریضوان حاجی قاسیملی» جانای
طراح:« تانیش»
https://t.me/Adabiyyatsevanlar
12اینجی بؤلوم زمان: 1402/10/25
ساعات: 21
ناغیلی حاضیرلاییب سویلهین: «ریضوان حاجی قاسیملی» جانای
طراح:« تانیش»
https://t.me/Adabiyyatsevanlar
Forwarded from ادبیات سئونلر
This media is not supported in your browser
VIEW IN TELEGRAM
آداغلار، آداغلار سنده نه لر وار...
شعیر:«ممد آراز»
اوخویور:«عاشیق محبوب خلیلی»
https://t.me/Adabiyyatsevanlar
شعیر:«ممد آراز»
اوخویور:«عاشیق محبوب خلیلی»
https://t.me/Adabiyyatsevanlar
«نادر الهی» ادبیات سئونلر گوزگوسونده
موضوع: مفهوم ومحتوا نادر الهی نین شعیرینده
اوزمان: دوکتور:«سلیم زحمت دوست»
زمان: سه شنبه1402/10/26
ساعات: 10
آپاریجی: کریم قربانزاده
https://t.me/Adabiyyatsevanlar
موضوع: مفهوم ومحتوا نادر الهی نین شعیرینده
اوزمان: دوکتور:«سلیم زحمت دوست»
زمان: سه شنبه1402/10/26
ساعات: 10
آپاریجی: کریم قربانزاده
https://t.me/Adabiyyatsevanlar
یعقوب نیکزاد
بو کوچه ده گوزوم قالیب
کیمه گورسه دیم گوزومو ؟
بورانی چن - چووغون آلیب
من دوروم ، گئدیم گوزومو
هامی قاچیب قوربت ائله
کوچه دوشوب الدن ، اله
او کوچوب - گئدن گوزله
نه جور ایسته دیم گوزومو ؟
سئوگیمیزین ماتاهی یوخ
بیر چئینملیک تاماهی یوخ
بیر تره زی گوناهی یوووخ
آخی... نه ائدیم گوزومو ؟
اوره ییمدن اوچوب لاچین
قاپی - پنجره سین آچین !
بیر ده بورا گلمک ایچین
قوربانلیق دئدیم گوزومو
بو سوزو آچما بیرینه !
"من اولوم"ون خاطیرینه
اونون گوزونون یئرینه
بلکه ده یئدیم گوزومو
بوردا عومور گئتدی زایا
گونلریمی سایا - سایا
بیر هانسی کوچه - باجایا
قالیم اورگدیم گوزومو
https://t.me/Adabiyyatsevanlar
بو کوچه ده گوزوم قالیب
کیمه گورسه دیم گوزومو ؟
بورانی چن - چووغون آلیب
من دوروم ، گئدیم گوزومو
هامی قاچیب قوربت ائله
کوچه دوشوب الدن ، اله
او کوچوب - گئدن گوزله
نه جور ایسته دیم گوزومو ؟
سئوگیمیزین ماتاهی یوخ
بیر چئینملیک تاماهی یوخ
بیر تره زی گوناهی یوووخ
آخی... نه ائدیم گوزومو ؟
اوره ییمدن اوچوب لاچین
قاپی - پنجره سین آچین !
بیر ده بورا گلمک ایچین
قوربانلیق دئدیم گوزومو
بو سوزو آچما بیرینه !
"من اولوم"ون خاطیرینه
اونون گوزونون یئرینه
بلکه ده یئدیم گوزومو
بوردا عومور گئتدی زایا
گونلریمی سایا - سایا
بیر هانسی کوچه - باجایا
قالیم اورگدیم گوزومو
https://t.me/Adabiyyatsevanlar
بو گئجه
سوسن امینی
ترجمه: علی ابرازی « علی آغ گونئیلی»
بویلو قادینلار کیمی
دویغولارینلا دولویام،
آیاق اوسته دورماغا چوخ آغیرام
ایستهییرم باغیرام.
بو گئجه
سنی بئینیمین دالغالاریندا ساخلاییب
گئتمک ایستهییرم،
آیاققابیلاریم، آمما
دیرهنیر قالماغا،
گؤزلویوم گؤز آغاردیر
اوخوماغا-یازماغا.
بو گئجه
قولاقلاریم آسلانیب
قاپی چاخچاخاسینا،
بیر چالان اولایدی…!
بیر قایتاران اولایدی
امشب
بسان زنان باردار
از احساسات تو لبا - لبم ،
خیلی سختمه که پا شم
می خواهم فریاد بزنم.
می خواهم
امشب
تورادر امواج مغزم نگه دارم
وبروم ،
کفشهایم ، اما
سماجت می کند
به ماندن .
عینکم
چشم غره میاد
به خواندن و نوشتن.
امشب
گوشهایم
درانتظار کوبه دره ،
کاش می بود یکی برای کوبیدن...!
یکی برای باز گردانیدن
https://t.me/Adabiyyatsevanlar
سوسن امینی
ترجمه: علی ابرازی « علی آغ گونئیلی»
بویلو قادینلار کیمی
دویغولارینلا دولویام،
آیاق اوسته دورماغا چوخ آغیرام
ایستهییرم باغیرام.
بو گئجه
سنی بئینیمین دالغالاریندا ساخلاییب
گئتمک ایستهییرم،
آیاققابیلاریم، آمما
دیرهنیر قالماغا،
گؤزلویوم گؤز آغاردیر
اوخوماغا-یازماغا.
بو گئجه
قولاقلاریم آسلانیب
قاپی چاخچاخاسینا،
بیر چالان اولایدی…!
بیر قایتاران اولایدی
امشب
بسان زنان باردار
از احساسات تو لبا - لبم ،
خیلی سختمه که پا شم
می خواهم فریاد بزنم.
می خواهم
امشب
تورادر امواج مغزم نگه دارم
وبروم ،
کفشهایم ، اما
سماجت می کند
به ماندن .
عینکم
چشم غره میاد
به خواندن و نوشتن.
امشب
گوشهایم
درانتظار کوبه دره ،
کاش می بود یکی برای کوبیدن...!
یکی برای باز گردانیدن
https://t.me/Adabiyyatsevanlar
Forwarded from ادبیات سئونلر
Media is too big
VIEW IN TELEGRAM
گیلگمیش داستانلاری ادبیات سئونلر کانالیندا
12اینجی بؤلوم زمان: 1402/10/25
ساعات: 21
ناغیلی حاضیرلاییب سویلهین: «ریضوان حاجی قاسیملی» جانای
طراح:« تانیش»
https://t.me/Adabiyyatsevanlar
12اینجی بؤلوم زمان: 1402/10/25
ساعات: 21
ناغیلی حاضیرلاییب سویلهین: «ریضوان حاجی قاسیملی» جانای
طراح:« تانیش»
https://t.me/Adabiyyatsevanlar
Audio
گیلگمیش داستانلاری ادبیات سئونلر کانالیندا 1402/10/25
اون ایکینجی لوحه بیرینجی بولؤم
ناغیلی حاضیرلاییب، سؤیلهین: «رضوان حاجی قاسیملی» جانای
.
https://t.me/Adabiyyatsevanlar
اون ایکینجی لوحه بیرینجی بولؤم
ناغیلی حاضیرلاییب، سؤیلهین: «رضوان حاجی قاسیملی» جانای
.
https://t.me/Adabiyyatsevanlar
Audio
گیلگمیش داستانلاری ادبیات سئونلر کانالیندا 1402/10/25
اون ایکینجی لوحه ایکینجی بولؤم
ناغیلی حاضیرلاییب، سؤیلهین: «رضوان حاجی قاسیملی» جانای
.
https://t.me/Adabiyyatsevanlar
اون ایکینجی لوحه ایکینجی بولؤم
ناغیلی حاضیرلاییب، سؤیلهین: «رضوان حاجی قاسیملی» جانای
.
https://t.me/Adabiyyatsevanlar
Audio
گیلگمیش داستانلاری ادبیات سئونلر کانالیندا 1402/10/25
اون ایکینجی لوحه اوچونجو بولؤم
ناغیلی حاضیرلاییب، سؤیلهین: «رضوان حاجی قاسیملی» جانای
.
https://t.me/Adabiyyatsevanlar
اون ایکینجی لوحه اوچونجو بولؤم
ناغیلی حاضیرلاییب، سؤیلهین: «رضوان حاجی قاسیملی» جانای
.
https://t.me/Adabiyyatsevanlar
Audio
گیلگمیش داستانلاری ادبیات سئونلر کانالیندا 1402/10/25
اون ایکینجی لوحه دوردونجو بولؤم
ناغیلی حاضیرلاییب، سؤیلهین: «رضوان حاجی قاسیملی» جانای
.
https://t.me/Adabiyyatsevanlar
اون ایکینجی لوحه دوردونجو بولؤم
ناغیلی حاضیرلاییب، سؤیلهین: «رضوان حاجی قاسیملی» جانای
.
https://t.me/Adabiyyatsevanlar