ادبیات سئونلر
3.1K subscribers
7.03K photos
2.47K videos
1.03K files
18.3K links
بوکانال ادبیات سئونلر قوروپونون سئچیلمیش اثرلری دیر
کانالدا کی یازیلاری کانالین لینکینی وئرمک شرطی ایله پایلاشماق اولار.
Download Telegram
رامین جهانگیرزاده

شعرلریم .

منی ایلان ووردو
یاتا بیلمه ­دیم
زهرلی شعرلر یازدیم
منی کیمین ایتی قاپدی
شعرلریم هوردو
باشیما داش سالدیلار
شعرلریم داشا چئوریلدی
بئش داش اوینادیم
شعرلریم اوینادی
سومویومه دوشدو
سومویوم آغریدی
آغری منی ایشدن سالدی
شعرلریم ایشدن دوشدو
شعرلریمین نبضینی توتدوم
شعرلریمین نبضی دایانمیشدی
شعرلریم اؤلموشدو
آغلادیم شعرلریمه
سونرا باسدیردیم اونلاری
شعرلریم مزاریندان باش قالدیردی
سئحیرلی لوبیالارا تای
بیردن بیره بؤیودو
بولودلاری دئشیب کئچدی گؤیون اوزونه
شعرلریمین بوداقلاریندان یاپیشیب
چیخدیم گؤیون اوزونه
ایلشدیم
بولودلارین اوستونده
باخدیم یئرین اوزونه
ایکی نفر ساواشیردی
بیری باشینی قاشیییردی
بیری بورنونو قورتدالاییردی
بیری ده آغاجا سؤیکه نیب
ساققیز چئینه ییردی
بیردن -بیره
کیمسه پئیسریمه بیر قاپاز ووردو
منی آپاردی اؤز سارایینا
دئدی کی سنی یئیه جم
دئدیم کی منی یئیه بیلمزسن
من جیرتدانام
ناغیلللاردان قاچیب گلمیشم بورا
او آلا گؤزلو بیر دئو ایدی
ایناندی منه
منی آتدی یئر کوره سینه
یئر کوره ­سی آرتیق شعره چئوریلمیشدی
دوشدوم شعرلرین اوستونه
شعرلرین پیرتداناغی چیخدی
یاخیلدی اوزومه
✍🏻: لیلی خیاوی

سپیلیب ساچلاریما قار چیچه یی، دای گلمه
قاناییب دویغولارین نار اوره یی، دای گلمه

اَلی قوینوندا قالیب آرزولاریم کؤنلومده
اؤرتولوب باشلارینا یاس لَچَه یی، دای گلمه

اوره ییمدن تیکه توتدوم  جانا گلسین سئوگین
آما نانکور ایتیریر دوز_چؤره یی، دای گلمه

آسیلیب پنجره دن اینتیظاریم گیزلینجه
آغلاماقدان، سولوخوب بر_بزه یی، دای گلمه

دوروشوب، دوز دئمیرم بختیم ایله،ایللر دی
نئیلیرم واختی سووولموش دیله یی؟! دای گلمه

گؤزلری سَیْریمه سین آنلاریمین سس سیزجه
یولونو گؤزله مه یین یوخ گَرَه یی، دای گلمه

خیم یئمیر تک لیییمین داش قالاسی هر یئل له
سَرت غرورلا هؤرولوب  دام_دیره یی،دای گلمه

https://t.me/Adabiyyatsevanlar
معصوم

باهارین
تومورجوقلاری دونموش
شاختا چیچکله نیر یوخولاریمدا
بیر تولکو جیلیدینده یم
ساغلیق وئریرم
گیلاس شرابینین قیزیل حالقاسیندا
شراب اولورام
سنی ایچدیکجه
کئفله نیرم دوداقلارینین حالقاسیندا
شراب بیر قادینی شافاقلاندیریر
بیر دواملی گئچمیشی سایاقلاییر
دونیام
گئجه یاریسی
ساچلاریمی سیغاللایارکن بیریسی_
اللرینی ساندیم!
قورخولاریم یئنیلدی_
یئنیلدیم اؤزومدن
ـ بیر شوالیه اولموسان!ـ دئدیم.
سن دئییل دینمی…؟!!
آخی اونودولمورسان
سیقارانین توستوسو
سونرا سیقار قوخوسو وئرن تامسیندیغیم دوداقلار
نه اولور دانلاما
سون دفه دی سیقارادان یازیرام!
سون گؤروشوموز ایسلاق کاغاذ دستمالی
هله ده چانتامین گیزلین جیبینده آغلاییر
قورخورام آی کیشی سنسیزلیکدن
گئجه لریم بیر قایغی ایله ال بیر اولوب
ائویمی ییخماغا
سورونور منیمله
آنیلاریمیزین اوتاغینا
باخسانا
اللریمه هئچ فیکیرلشیرسن می؟
سنه ساتاشیب قاچماقلارینا
سونرا
اوتاغین بیر بوجاغیندا منی دوستاقلایان آن
داغیلیرام
اؤپوجوک لرین
اللرین
یاریمچیق گولوشلرین
ازیر داغیدیر منی
قاپانمیشام بیر اوووج قیریشمیش آنلاریما
هر گون الیمدن سوزور گئدیر
باخسانا
گئجه سوزولدو کؤلگه ندن
بیر گونش فورماسیدیر_
دواملی دیدرگین لیکلریمه
صاباح
سیغینمایان آجیلارا
بیر من_
بیر آچیق پنجره
ساچلاریمی یولان دالغالانان پرده لر
بوداقلاریلا_
ایپلر _
هیجانلی
یئل اسیر
شاختا چیچکله نیر یوخولاریمدا...
باخسانا
اؤلوم ایزلرینه!

https://t.me/Adabiyyatsevanlar
Media is too big
VIEW IN TELEGRAM
گیلگمیش داستان‌لاری ادبیات سئونلر کانالیندا

10اینجی بؤلوم زمان:  1402/10/11

ساعات: 21
ناغیلی حاضیرلاییب سویله‌ین: «ریضوان حاجی قاسیملی» جانای

طراح:« تانیش»

https://t.me/Adabiyyatsevanlar
دوکتور« زومورود یاغمور» ادبیات سئونلر گوزگوسونده
زمان: سه شنبه1402/10/12
ساعات: 10

آپاریجی:«کریم قربانزاده»


https://t.me/Adabiyyatsevanlar
«میرحسین_دلداربناب»


«جانیما ایلان جالانیر!»

گئجه- گوندوز بوش- بوشونا
یولا تیکدیم گؤزلریمی!
بیر باخیشدا مین سؤز دئدیم
بیلمه‌دیلر سؤزلریمی!

دوغما یوردومدا اؤگئی‌م
کیمه ساریم قوللاریمی
دئدیم بوردان چیخیم گئدیم
دومان آلدی یوللاریمی!

یئنه جان‌سیخان یالقیزلیق
قوللارین ساردی بوینوما
غم‌لریم یادیما دوشدو
اللریم گیردی قوینوما

آمانین یامان گونودور
باش گؤتوروب قاچانمیرام!
بیر دویون دوشوب جانیما
چالیشیرام آچانمیرام!

یولوما دومان‌جالانیر
جانیما ایلان جالانیر
دوغرودان دوغرو یاشادیم
باشیما یالان جالانیر

فیکیرلر سیخیر بئینیمی
بئینیمه بیر قورشون سیخیم
ایچیمده‌کی جهننمدن
بلکه بئله‌لیکله چیخیم!...

۱۴۰۲/۱۰/۰۵

https://t.me/Adabiyyatsevanlar
شب شهر


در تاریکی مطلق،
من با چشمان بسته
صدایِ بالِ زدن پروانه را
می فهمم
و نفسهای آرام عنکبوت سیاهی
که در کمین شکار نشسته
و نغمه هایی که از فراز البرز می‌آید
و در شبِ این فلات می نشیند

https://t.me/Adabiyyatsevanlar
فروغ فرخزاد ۱۳۴۵- ۱۳۱۳

بخشی از شعر:
ایمان بیاوریم به آغاز فصل سرد

در سرزمین قد کوتاهان
معیارهای سنجش
همیشه بر مدار صفر سفر کرده‌اند
چرا توقف کنم؟
من از عناصر چهارگانه اطاعت می‌کنم
و کار تدوین نظامنامه‌ی قلبم
کار حکومت محلی کوران نیست

مرا به زوزهٔ دراز توحش
درعضو جنسی حیوان چکار
مرا به حرکت حقیر کرم در خلاء گوشتی چکار
مرا تبار خونی گل‌ها به زیستن متعهد کرده‌است
تبار خونی گل‌ها می‌دانید.

ترجمه : علی ابرازی  ( آغ گونئیلی)

✍️ « سویوق  مئوسیمین باشلانغیجینا ایناناق » شعرین بیر پارچاسی

کوله لر اؤلکه سینده
اؤلچو معیارلا ی ،
همیشه صیفیر  دئوری اوزه رینده  سیاحت ائدیبلر
نه اوچون دایانیم ؟
من دؤرد ائلمئنتدن اطاعت ائدیرم
ومنیم اؤره ییمی  سهمانلاماق ،
کورلارین ، یئرلی حؤکومتینین ،ایشی دئییل
حئیوانین جنسی اورگانینداکی ،
جناوا رین اوزون اولاییشی نییمه گرکدیر
منیم ،سوخولجانین ، ات بوشلوغوندا کی سفیل حرکتینن نه ایشیم  وار
منی حیاته باغلایان، قانلی چیچکلرین نسلیدیر
قانلی چیچک لرین  نسلی ، بیلیرسیزمی ؟

https://t.me/Adabiyyatsevanlar
This media is not supported in your browser
VIEW IN TELEGRAM
سال نو میلادی مبارک باد.
امیدواریم سال نو میلادی، سالی همراه با آرامش ، امنیت ، صلح ، آزادی و دموکراسی برای تمامی مردم جهان بویژه مردم بحران‌زده خاورمیانه باشد.

https://t.me/Adabiyyatsevanlar
اولدوزلان باری

«احدفرهمندی»


نه يامان سويولور انتظار يارام
ايچيمي گؤينه‌دير حسرت دوزلاري
هرنه‌يي سكوتدا كئچيرن گؤزل
قارانليق دونيامدا اولدوزلان باري

نيسگيله بورونور بو سئوگي ندن
آن با آن گئيديرير آروزما كفن
كيمسه يوخ منيم تك درديندن اؤلن
ساچيما ياغديرير اريمز قاري

اؤزلمين هر بير آن قاپيمي چالير
آنيلار قورد اولوب يارامي يالير
يوخلوغون جلاد تك جانيمي آلير
قارشيمدا ديكه‌‌لير ايستگين داري

ايچيمده چالينير سئوگي هاواسي
جانيمي نازلايير سئومك نواسي
اسكيلمز عؤمرومدن يارين صفاسي
نه گؤزل دادليدير دوشونون ناري

سن گلدين ديريتدين اؤلن دونيامي
اوجالتدين ييخيلميش دلي سئودامي
شنلتدين غم دولو آجي ياشامي
بخش ائتدين عؤمرومه سئوگيني واري

سنسيزم اويوماز بير آن دا گؤزوم
توكنيب سؤزومدن، شعريمدن دؤزوم
اوياغام ياريمدان نئجه ال اوزوم
اونودوم ائل سئون حياني، عاري

https://t.me/Adabiyyatsevanlar
«میرهادی مظلومی»
 
ناغیلدا دئیه‌ردی ایرحمتلیک آنام
یوزونو دئیه‌ردی، بیرینی قانام

چیلله‌دن دئیه‌ردی، دئیه‌ردی قیشدان
گتیرن ال‌لردن، یئیی‌جی دیشدن

دئیه‌ردی سویوغون عومورو آزدی
بیر آزجا قوناقدی، دالیسی یازدی

(قوی دئسین گلینی ساللام بیلکدن
کؤرپه‌نی چاتلادیب  آللام بلکدن)

اؤلدوررم قوجانی، قالا قاریسی
ایگیتدن بیر سوموک، بیر ده دریسی

کیشنییر سازاغیم، پوسکورور یئلیم
اوینویور کوله‌گیم، گله‌جک سئلیم

قیلینجدان سویوغوم، سونگودن تئلیم
قیرودان قارداشیم، شاختادان ائلیم

بورویوپ دومانیم  زیروه‌نی، داغی
چولویوب سویوغوم تارلانی، باغی

کسه‌رم، بیچه‌رم، قیریپ، گئچه‌رم
دایانیپ، دورانین قانین ایچه‌رم


قورخمورام، قوی دئسین، قوی دئسین  بئله
اینانیب اوره‌گیم صاباحا هله

چیخاجاق قیرمیزی- قیرمیزی گول‌لر
قورویار ایپده کی سردییم گون‌لر

بولودون گؤزلری دولوب، چیله‌جک
بولاغ اوتی گؤزلرینی سیله‌جک

قارا بولود بیر کره ده اله‌جک
چرشنبه گله‌جک، بایرام گله‌جک

بولاغ اوتی چایدا اوزون یوواجاق
یارپیز گؤروپ، توموپ، دوروب دویاجاق

بولاق یئنه گلیپ، دولوب، داشاجاق
چای دولاجاق، بت- بره‌دن آشاجاق

آتالار گله‌جک ال‌لری دولو
آنالار سولویار کوچه‌نی، یولو

آی ساغ اولسون اُدون چاپان ال‌لری
آش پیشیرن، چؤرک یاپان ال‌لری

یئنه کوچه‌میزده شن‌لیک اولاجاق
یورد- یووامیز قشقیریقلا دولاجاق


آرخایینام قورد قوزویلا اوتلویا
بیز قویماساق قورد قوزونو قوتلویا


https://t.me/Adabiyyatsevanlar

 
Media is too big
VIEW IN TELEGRAM
گیلگمیش داستان‌لاری ادبیات سئونلر کانالیندا

10اینجی بؤلوم زمان:  1402/10/11

ساعات: 21
ناغیلی حاضیرلاییب سویله‌ین: «ریضوان حاجی قاسیملی» جانای

طراح:« تانیش»

https://t.me/Adabiyyatsevanlar
Audio
گیلگمیش داستان‌لاری ادبیات سئونلر کانالیندا 1402/10/11
اونونجو لوحه بیرینجی بؤلوم

ناغیلی حاضیرلاییب، سؤیله‌ین: «رضوان حاجی قاسیملی» جانای
.
https://t.me/Adabiyyatsevanlar
Audio
گیلگمیش داستان‌لاری ادبیات سئونلر کانالیندا 1402/10/11
اونونجو لوحه ایکینجی بؤلوم

ناغیلی حاضیرلاییب، سؤیله‌ین: «رضوان حاجی قاسیملی» جانای
.
https://t.me/Adabiyyatsevanlar
Audio
گیلگمیش داستان‌لاری ادبیات سئونلر کانالیندا 1402/10/11
اونونجو لوحه اوچونجو بؤلوم

ناغیلی حاضیرلاییب، سؤیله‌ین: «رضوان حاجی قاسیملی» جانای
.
https://t.me/Adabiyyatsevanlar
Audio
گیلگمیش داستان‌لاری ادبیات سئونلر کانالیندا 1402/10/11
اونونجو لوحه دوردونجو بؤلوم

ناغیلی حاضیرلاییب، سؤیله‌ین: «رضوان حاجی قاسیملی» جانای
.
https://t.me/Adabiyyatsevanlar
Audio
گیلگمیش داستان‌لاری ادبیات سئونلر کانالیندا 1402/10/11
اونونجو لوحه بئشینجی بؤلوم

ناغیلی حاضیرلاییب، سؤیله‌ین: «رضوان حاجی قاسیملی» جانای
.
https://t.me/Adabiyyatsevanlar
Audio
گیلگمیش داستان‌لاری ادبیات سئونلر کانالیندا 1402/10/11
اونونجو لوحه آلتینجی بؤلوم

ناغیلی حاضیرلاییب، سؤیله‌ین: «رضوان حاجی قاسیملی» جانای
.
https://t.me/Adabiyyatsevanlar
Audio
گیلگمیش داستان‌لاری ادبیات سئونلر کانالیندا 1402/10/11
اونونجو لوحه یئدینجی بؤلوم

ناغیلی حاضیرلاییب، سؤیله‌ین: «رضوان حاجی قاسیملی» جانای
.
https://t.me/Adabiyyatsevanlar