"دومان بختیاری"
بیری منی چاغیرسین
خولیالاریمدان دورنالار کؤچور ایندی
دویغولاریم دینامیت قوخویور
یازیلاریم مین
یاییلیم کؤکله ییبلر منیم بارماق لاریمدا
باخ ،
بو تتیک ثانییه لرده چکیلیرسم
دونیام داغیلاجاق ،
اوغلومون نقاشی دفترینده
قارا داش آسیلیب ساعات لارین قولوندان
قارداش
بیری منی چاغیرسین

https://t.me/Adabiyyatsevanlar

دومان بختیاری : شاعیر
https://t.me/Adabiyyatsevanlar

ائلچین حسن زاده
ترافیک آرخاسی چیراق قیزاریب
بیر اوشاق دوداغی گولومسور گلیر
اوتانجاق باخیشلی الینده چیچک
سانکی هئچ گلنمیر بیری ایته لیر

بو سویوق بو کولک بو کال خیاوان
گئجه نین بو واختی نه آختاریرسان
بیر سویوق گؤزیاشی گئت گئده دونوب
شهرین گؤزوندن سانکی آخیرسان

تیترک اوره ییمله تیترک الیمله
بورادا محبت ساتیرام آغا
دوشونن اولورسا بو قیش چاغیندا
ائولره بول سئوگی قاتیرام آغا

اللهین گؤزونده بیر داملا بوز تک
گئت گئده اری ییب باتیرام یئره
دامیمیز بویسوزدور من آمما هرگون
اؤزومو دونیادان آتیرام یئره

بو نئجه دونیادیر بو نئجه یاشام
نه چیچک ساتیرسیز نه ده آلیرسیز
بیر چیچک آلماقلا مندن بو گئجه
اؤزوزو نه قدر خرجه سالیرسیز

نه اولور سیز الله حتی بیر بوداق
بیر بوداق چیچکدن چالیشین آلین
باخاندا اوزونه سئودیک لریزین
تیکانلی الیمی یادیزا سالین

نه دندیر بو قدر شاشقین باخیرسیز
قالدیقجا بورادا اللریم اوشور
سولور بو چیچکلر اوره ییم دولور
بیرگونلوک خرجلی ییم دالییا دوشور

من داها گئدیریم هله لیک آغا
ائله بیل سنین ده کیمسه ن قالماییب
ائله بیل سنین ده عؤمرونده بیرکس
قفیلدن بیر بوداق رُز گول آلماییب

ترافیک کسیلیب بوم-بوش خیاوان
اوشاق بیر کؤلگه تک ایتیر گؤزومدن
بیرداملا یاش آخیر دوداقلاریما
مین بوداق رُز گولو بیتیر گؤزومدن

https://t.me/Adabiyyatsevanlar

"معصوم"

قوروماز کسیلن دیللرین قانی

*
چارمیخا چکیلن آغریلاریم دک
قابارلی سؤزلریم کیتابلاریمدا
ایللردیر یانیری بیر اووج اوره ک
گؤز یاشی بویلانیر قابارلاریمدا

قلملر ، آسیلی بیر شهید کیمی
اوخشاییر ، سیزلاییر آغ واراقلاری
کؤرپه اوشاقلارین اورکک خیالی
اویادیر ایچیمده اوُتن چاغلاری

کوهنه یارالاریم آزر آییندا
سیخیر اوره ییمی یئنی درد اولور
۱۳۲۴ اولایلاریندا
بیری نامرد اولور بیری مرد اولور

هله ده گوزومده یانان ‌کیتابدا
ایپ آتدی اوینایان اوشاقلار یانیر
بیر جئیران بالاسی الینده کیتاب
سئلاحلی عسکری بیر قارداش سانیر!

قوروماز کسیلن دیللرین قانی
آخی وطن بویدا قفس اولارمیش؟
یاراشمیر اَینیمه یادلارین دونی
وطن گول آچارمیش وطن سولارمیش!

تکجه الیفبا یوخ ،تکجه لوحه یوخ
گئجه دن گوندوزه یئتن یانیردی
تکجه معللیم یوخ،تکجه سؤزلوک یوخ
تبریز آلاوولانیب وطن یانیردی

https://t.me/Adabiyyatsevanlar

چیچک ساتان اوشاق
شعر وسس : ائلچین حسن زاده
https://t.me/Adabiyyatsevanlar

✅✅✅✅سایین گروپداشلار
بو گئجه 96/09/20 ساعات 21/30 دا ادبیات سئونلر گروپوندا دیکلمه یاریشماسی اولاجاق بو یاریشمانین شعری سئویملی گروپداشیمیز دومان بختیاری جنابلارینداندیر سئویملی شاعیر لریمیزی , گوزل سسلی دیکلاماتورلاریمیزی آذربایجان شعرینین هوسکارلارین بو یاریشمایا دعوت ائدیریک .
🍀🍀🍀🍀🍀
شعر : دومان بختیاری
یاغیش ، یاغا - یاغا آسیلیرام من
باغلی کوچه لرین چیراقلاریندان
چکیرم باشیما خییاوانلاری
دامیرام گئجه نین دوداق لاریندان

بیر شهر یوخودا بیر شهر اویاق
بیر شهر داغیلیر بیر شهر اوچور
گؤتوروب اؤزومو دوشورم یولا
تاختا قاپی لارین دوداغی قاچیر

بو اوزون قارا یول چاتیر آخشاما
یازیغین یاراسی بیتیشمه یه جک
ساچیندان آسیلان طیفیل گونشین
اللری الیمه یئتیشمه یه جک

قاچیرام بو یولون ائنین اوزونون
کئفلی کوچه لرین دوداغی کیمی
سئویرم یاغیشی سئویرم یازی
سؤیود آرزیمیزین بوداغی کیمی

یاغیش یاغا - یاغا آسیلیرام من
شعریمی اوخویان ایسلاناجاقدیر
دومانین دردینی چکن داغ کیمی
چیخیب گوزلریمدن آسلاناجاق دیر.
https://t.me/Adabiyyatsevanlar

دومان بختیاری : شاعیر
https://t.me/Adabiyyatsevanlar

سونا بولبوللر.
اوخویور: قدیر رستم اوو.
https://t.me/Adabiyyatsevanlar

دالغا گورپو : عاشیق چنگیز مهدی پور
اوخویور : علی نوروزی
https://t.me/Adabiyyatsevanlar

✅✅✅✅✅سایین کانالداشلار بو گئجه ادبیات سئونلر گروپوندا دیکلمه یاریشماسی اولدو بو یاریشمانین غالیب لری بیرینجی غالیب لر : سالار موغانلی , پریسا حیدری , بهروز صدیق جنابلاری اولدولار .
ایکنجی غالیب : خانیم آیسو مختاری و اوچونجو غالیبیمیز خانیم فرح اصغر ی اولدولار .
یاریشمایا قاتیلن دوستلارا اوغورلار آرزو ائدیب عزیز لریمیزدن دعوت ائدیریک یاریشمانین غالیب لرینین دیکلمه لرین ادبیات سئونلر کانالیندا ائشید سینلر.
https://t.me/Adabiyyatsevanlar

دیکلمه یاریشماسینین بیرینجی غالیبی 96/09/20
شعر : دومان بختیاری
سس : سالار موغانلی
https://t.me/Adabiyyatsevanlar

دیکلمه یاریشماسینین بیرینجی غالیبی 96/09/20
شعر : دومان بختیاری
سس : پریسا حیدری ( گونش )
https://t.me/Adabiyyatsevanlar

دیکلمه یاریشماسینین بیرینجی غالیبی 96/09/20
شعر: دومان بختیاری
سس : بهروز صدیقی
https://t.me/Adabiyyatsevanlar

دیکلمه یاریشماسینین ایکینجی غالیبی 96/09/20
شعر : دومان بختیاری
سس : آیسو مختاری
https://t.me/Adabiyyatsevanlar

دیکلمه یاریشماسینین اوچونجو غالیبی 96/09/20
شعر : دومان بختیاری
سس : فرح اصفری
فلوت : مهرداد هادی
https://t.me/Adabiyyatsevanlar

21 آذر غلبه بایرامی آذربایجان خالقینین طالعینده پارلاق بیر اولدوزدو.
https://t.me/Adabiyyatsevanlar

شاعیر یازیچی :علی قلی کاتبی( آغ قوش )
آذری مجله سی نین 2جی نومره سی نین جلدی

https://t.me/Adabiyyatsevanlar

صفرخان قهرمانیان : 21 آذریادیگاری خالقیمیزین قهرمان اوغلو .
https://t.me/Adabiyyatsevanlar

باخ اورمودان گؤی خزره
اوخشار سنی هر منظره
بو آذردن او آذره
ایلیمی قایتارین منه

هاشیم_طرلان
https://t.me/Adabiyyatsevanlar

سحر خیاوی
آذرین ییرمی بیری

سازاقلی بیر گون ده تبریز شَهَرین
گزیرم یادینلا دولان با دولان
سن اولدون آنا دیل، وطن سئوگیسین
دویغو اللرین له کونلومه سالان

ساری امنیّته گومولوبدو وای
چیرتمک ووور دیکسینسین پنجره م یئنه
کونلومون سئرچه سی نه یامان اویوب
بو کور تَله لره ؛ سپیلمیش دَنه

نئجه من سئوینج دن سئوگی دن یازیم
دوغرانیر دیلیمده آنامین دیلی
ساهات قاباغیندان کئچن زامانی
اییلیر ایچیمده آتامین بئلی

برنوولار شاققیلدیر افسرلر دوشور
قار اوسته سورونور گول یاناقلاری
آغ آپباق کوینک لر قانا بورونور
بالتالار دوغراییر گول بوداقلاری

نئجه عارسیز یازیم ساری سئوگی دن
گولله گولله یانیر اوره ییم باشی
گوردوکجه بو شاهید سوءیودلری من
کسمه دن توکولور گوزومون یاشی

یانیلیر تورکجه کیتابلاریمیز
آذرده قور چکیر ایچیمدن منیم
کیتابلار آلیشیر کلمه به کلمه
یوخسا سئللول سئللول بدنیم منیم؟

بیر ایل ده قورولموش شانلی سرگینی
خزان تئز سوووردو آپاردی کولک
قویمادی دویونجا بیر تامسیناراق
بو دیلین بو ائلین شانینی گوره ک

سئوگیلیم باغیشلا؛ باغیشلا منی
من سنه یارایان یولداش اولمادیم
اکدینسه قلبیمده گول چیچکلری
بو باغا وفالی باغمان قالمادیم

آذرین بو غملی سازاقلی گونو
ییرمی بیر گولله یله کونلومو یاخین
سوچلایین هوولایین بو غیرتسیزی
آسیلمیش گووده مه ال چالین، باخین




https://t.me/Adabiyyatsevanlar

اوستاد بهزاد بهزادی قلم عسگری
https://t.me/Adabiyyatsevanlar