جمعه بازارا خوش گلیب سینیز
شعر , دیکلمه , قیسا حکایه , طنز , موسیقی , قیسا فیلم ... هر هفته ادبیات سئونلر کانالینین جمعه بازاریندا.
https://t.me/Adabiyyatsevanlar

توقف بیجا مانع کسب است .
https://t.me/Adabiyyatsevanlar

دده علسگر
سحر واختی ماه جامالین گوُرنده
خسته کوُنلوم گلدی سازا موشکناز
صونا تک سیلکینیب گوُلدن چیخاندا
بنزه ییرسن قویا-قازا موشکوناز


کوُنول گوُردو ،اوره ک دردلی، ورملی
سنی گوُردوم سخاوتلی،کرم لی
بیر میرزه ایسته ره م الی قلم لی
من دئییم وصفینی یازا موشکوناز


هرطرفین بنوشه لی باغ اولسون
همیشه یئدیگین بال،قایماق اولسون
ساغ سولوندا قارداش لارین ساغ اولسون
جورابلاری یاخشی بزه موشکناز


اوُتگون سوُزوم کسگین بختیم اولایدی
آغ اوُتاقدا زرین رختیم اولایدی
علسگرم جاوان واختیم اولایدی
قددیم اگیب قده ر،قضا موشکناز


https://t.me/Adabiyyatsevanlar

چال , ائلیمین گئنج عاشیغی
توی دویونون یاراشیغی
سازینلا پایلا ایشیغی
او اوره ک دن بو اوریه.
https://t.me/Adabiyyatsevanlar

علیرضا نابدل( اوختای) شاعیر , یازیچی ...
https://t.me/Adabiyyatsevanlar

عزیز دوستلار دیرلی نظرلرینیزی
انتقاد , پیشنهاد و مطلب لرینیزی بیزه گوندرین .
https://t.me/Adabiyyatsevanlar

جمعه بازارا عاید شکیل لر , یازیلار, سوزلرینیزی بیزه گوندرین
https://t.me/Adabiyyatsevanlar

توحید نامور
آراز اوشاقلارینا

بو تای دا او سایاق هیجران پاییندان
او تای دا بو سایاق:
قوم ، داش، اییده لیک
دوموخور آرازین ایکی تاییندان
حسرت گؤزلریندن قارداش اییده لیک

سولارا اییلمیش کوللار، آغاجلار
بورکولو سولارین یئلپیکلری دی
یارغانلار بویونجا یئلغین لار بیتر
یئلغین لار آرازین کیرپیکلری دی

یای گونو، آرازین، هر آخشام چاغی
قاتار ساچلارینی بیر غریب کولک
یاریمچیق دیکله ر آغ ـ آغ دالغالار
یئلله نر اوتانجاق قیز اللری تک


هاچانسا بیر ائوده جوت باجی دیلار
او تایلی بو تایلی غریب سؤیودلر
درد الی داغیتمیش قولاج ساچلاری
یئنه ده چیینینه سریب سؤیودلر

یئنه ده آغلاییب سیتقایاجاق لار
هر ایکی ساحیلده یتیم چیچکلر
یئنه ده سرحددی پوزوب دالغالار
اؤپوشوب ،ساحیله چکیله جکلر

چکه جک تیلووو سودان ، بالیقچی
تورباسی غم دولو دؤنه جک گئری
نه قدر بو یولو گئده جک آخی
نه قدر بو یولو دؤنه جک گئری؟!

خوراسان زاوواری گلمز او تایدان
شوشا بازارینا گئتمز ده وه لر
بابالار حسرتین آغلایان چایا
دوشوب گوله ــگوله چیمر نوه لر

https://t.me/Adabiyyatsevanlar

محمدعلی جعفری



اللرین الیمده سویوق بیر دمیر
اللرین الیمه سیررینی دئمیر
بوش یئره یاشادیم سانکی بیر عومور
بوش یئره یاشادیم گومان سئوگیلیم

گوزلرین دولوسو اسیرسن سازاق
اللرین الیمده اوره یین اوزاق
نه قالدی سئوگیدن نه قالدی یازاق
آمان بو سئوگیدن آمان سئوگیلیم

آغیلا سیغمایان بیر ایش گوروروک
ال ساخلا سئوگینی بیز اولدوروروک
قول بویون کوسولو عومور سوروروک
آرامیز دولوسو دومان سئوگیلیم

یاشاما یاراشیق دئییردیم سنی
گئجه مه بیر ایشیق دئییردیم سنی
همیشه باریشیق دئییردیم سنی
گوزونو سئوگیه یومان سئوگیلیم

نه اولدو ، نه گلدی سنه بیلمدیم
منه هر نه ائتدین دینه بیلمه دیم
سن دوندون آنجاق من دونه بیلمه دیم
یاشیملا گوزومدن دامان سئوگیلیم

نئیله مک اوره ییم بوشالاجاقمیش
عومرومون باهارین قیش آلاجاقمیش
کونلونه بو هاوا خوش اولاجاقمیش
یامان پیس هاوادی ...یامان سئوگیلیم.
https://t.me/Adabiyyatsevanlar

اسماعیل خرمی
کوچه لرین دوشونجه سی
دامیر
یالنیز و لوت سورونن بیر ایزدن.

گؤزلری
داریسقال یوخودان ییخیلیر-
بیرینین.

باغلی قاپی آرخاسیندا
ایچینی دارتیر بیر کولک.

نملی هاوانین-
قولاغینا پیچیلداییر
کیمسه سیز سسلر.

و سسلردن تؤکولور
ایشیقلار.

ایشیقلاری توپلاییب
دانیشیر
قاپیلار،
دانیشیر یوخولار،
دانیشیر
کولکلر
سئوینیر اوتاقدان-
قاپییا قدر سویونان
یئنی ایزلر.

https://t.me/Adabiyyatsevanlar

افروز
جومعه بازار را

حراج ائله ییب دیر بول محبتی
هر نه یین اوجوزدو بوردا قیمتی
جومعه بازاری دیر دده ن رحمتی
اود ووروب مالینا بویوک افندی

موسیقی دن توتدو چورتگه پیچاغا
ات دویو توخماق دان یئرآلما یاغا
یئتیشمز توی لاردا بو کئفلی چاغا
اود ووروب مالینا بویوک افندی

محبت بیر گوزده، بیرینده ماتاه
عداوت کینه دیر بو یئرده گوناه
اولماسین اوره کده هئچ یانیقلی آه
اود ووروب مالینا بویوک افندی

یاز گتیر بازارا ایستی شعرینی
قازانسین الیندن بیستی شعرینی
آییق اول اولماسین اوستو شعرینی
اود ووروب مالینا بویوک افندی

گتیر طنز اوره گی گول کیمی آچسین
کونلونه ایشیق لیق آیدینلیق ساچسین
قارانلیق کدرلر اوره کدن اوچسون
اود ووروب مالینا بویوک افندی

چال چاغیر، گل اوینا،وفاسیز دونیا
ائله گول اوتانسین دونیاسیز دونیا
قالماییب هئچ کیمه بو یولسوز دونیا
اود ووروب مالینا بویوک افندی

شاد اولون آدوستلار قالاجاق دوستلوق
دونیادان انتقام آلاجاق دوستلوق
دونیایا باریشیق سالاجاق دوستلوق
اود ووروب مالینا بویوک افندی

شاد وورور ال اله جومعه بیر کیشی
ائلینده شادلیغی پایلاشماق ایشی
گتیریر دوداغا طنزی،گولوشی
اود ووروب مالینا بویوک افندی

https://t.me/Adabiyyatsevanlar

✅✅✅✅سایین کانالداشلار
بو گئجه 96/09/18ساعات 21/30دا ادبیات سئونلر گروپوندا مجازی انجمن ( سسلی شعیر گئجه سی )اولاجاق سئویملی شاعیرلری گوزل سسلی دیکلاماتورلاری آذربایجان شعرینین هوسکارلاریندان سیجاق قاتیلماغا دعوت ائلیریک .
https://t.me/Adabiyyatsevanlar

بیلدیریش
سایین کانالداشلار چهارشنبه گونو 96/09/22ادبیات سئونلرگروپوندا ساعات 22ده استاددکتر صدیق جنابلارایله شمس تبریزینین غزلری حاقیندامصاحیبه میز اولاجاق عزیز دوستلاری سیجاق قاتیلماغا دعوت ائدیریک.

نازنده سئوگیلیم یادیما دوشدو
اوخویور : لطف یار ایمان اف .

https://t.me/Adabiyyatsevanlar

ائل بیلیمی درگیسی نین ۹۳ جو نومره سی آستارا اوزل سایی اوستادبهزادی حقینده ده بیر ضمیمه ایله ایشیق اوزو گوردو.
https://t.me/Adabiyyatsevanlar

بریده ای از مجله توفیق - چاپ تهران - سال ۱۳۴۵ شمسی
https://t.me/Adabiyyatsevanlar

رسول یونان
اونودولموش گوللر
بوگون بازار هفته سینده
گول آلان اولمادی
اولمایا
دونیا دییشیب
اولمایا
کپنک لر کوچوبلر
قیزلارین گوزلریندن
بو گوللر
گلن بازار هفته سینه دک سولاجاقلار...
https://t.me/Adabiyyatsevanlar

رسول یونان
هارداسا
بیر پیانو اود توتوب
بیر قادین قیشقیریر
رویالار
بیر-بیر
کابوسا چئوریلیرلر ...

https://t.me/Adabiyyatsevanlar

نادر الهی
یئنه آللاه آغلاییر


یئردن گؤیه داش اوچور
گؤیدن یئره قوش یاغیر
یئنه آللاه آغلاییر ... !
دئییرلر یاغیش یاغیر !

بولاقلار گؤز یاشیندی
بولودلار آهین آللاه!
نه آدامسیز قالیبسان
نه دیر گوناهین آللاه !

سئوگی آیاقلار آلتدا
نیفرت آت بئلینده دی
سنین الیندن چیخیب
دونیا ایت الینده دی !

هارداسا یئنه بیر قوش
بیر چیچک گول له لنیر
بیر آج اوشاق جان وئریر
بیر آج گلین دیله نیر

بو دونیا پاکا چیخمیر
هئی یاغیش یاغا-یاغا
قینامیرام آی آللاه
حاققین وار آغلاماغا !

اوتورموشام ایلاهی
باخیرام فاغیر _ فاغیر
هله اووونماییبسان
هله ده یاغیش یاغیر ... !
https://t.me/Adabiyyatsevanlar