This media is not supported in your browser
VIEW IN TELEGRAM
ادبیات سئونلر کانالیندا ایزله یین
✅هرهفته سه شنبه گونو «مصاحبه لری ادبیات سئونلر گوزگوسونده» گورون
✅هرهفته چهارشنبه گونو ادبیات سئونلر کانالیندا یالنیز نثر اوخویون، حئکایه ، ادبی مقاله ، ترجومه ، کوچورمه ...
✅هرهفته پنجشنبه گونو اوشاق ادبیاتینی ادبیات سئونلر کانالیندا اوخویون.
✅بیزایله ایگی ده اولون باشقا کاناللاردا، گروهلاردا،سایتلاردا پایلاشیلمامیش یازیلارینیزی بیزه گوندرین.
یئری دوشدوکجه کیفیتلی یازیلاری نوبت اساسیندا پایلاشاجاغیق.
✅هرهفته سه شنبه گونو «مصاحبه لری ادبیات سئونلر گوزگوسونده» گورون
✅هرهفته چهارشنبه گونو ادبیات سئونلر کانالیندا یالنیز نثر اوخویون، حئکایه ، ادبی مقاله ، ترجومه ، کوچورمه ...
✅هرهفته پنجشنبه گونو اوشاق ادبیاتینی ادبیات سئونلر کانالیندا اوخویون.
✅بیزایله ایگی ده اولون باشقا کاناللاردا، گروهلاردا،سایتلاردا پایلاشیلمامیش یازیلارینیزی بیزه گوندرین.
یئری دوشدوکجه کیفیتلی یازیلاری نوبت اساسیندا پایلاشاجاغیق.
«سعید اودمان» ادبیات سئونلر گوزگوسونده
زمان: بو گون سه شنبه 1402/5/17
ساعات: 10
طراح: تانیش
فیلم چکیلیشی:« مرجان منافزاده»
آپاریجی:«کریم قربانزاده»
https://t.me/Adabiyyatsevanlar
زمان: بو گون سه شنبه 1402/5/17
ساعات: 10
طراح: تانیش
فیلم چکیلیشی:« مرجان منافزاده»
آپاریجی:«کریم قربانزاده»
https://t.me/Adabiyyatsevanlar
«سعید_اودمان»
گؤلوم
سنه بیر شئیلر اوْلوب
بیلیرم...
یئنه شعر سانجیسی دادیر قیْریشیق دۇیغولاریم!
سنین چیگنیندن دۇرنالارین اۇچان گۆندن،
اؤلۆم نُتلاری بئینیمده سس سالماغا باشلاییبلار...
تبریزدن اۇرمویا سنسیزلیگین نئچه متر اوْلدوغونو اؤلچۆب،
اؤلۆم هارمونیسینی چالیرام!
سنین ماوی شپهلریندن ریتم تۇتوب،
اۆرهییمده اوْلان سئوگیدن یارالاریما سنین دۇزوندان باغلاییرام...
اؤلۆرم، دیریلیرم و سوسورام...
باخ
گؤرۆرسنمی منی!؟
من سنده دوْغولان سئوگیلیمی ده سنه تاپشیریب،
گئدر-گلمز دالغالارینا باغلامیشام گؤز یاشلاریمی...
گؤزلریمدن بیر جیغیر آچ سینهنه،
امینم گؤز یاشلاریم،
نیسگیللی سئوگیمله دوْلدورار سنی...
https://t.me/Adabiyyatsevanlar
گؤلوم
سنه بیر شئیلر اوْلوب
بیلیرم...
یئنه شعر سانجیسی دادیر قیْریشیق دۇیغولاریم!
سنین چیگنیندن دۇرنالارین اۇچان گۆندن،
اؤلۆم نُتلاری بئینیمده سس سالماغا باشلاییبلار...
تبریزدن اۇرمویا سنسیزلیگین نئچه متر اوْلدوغونو اؤلچۆب،
اؤلۆم هارمونیسینی چالیرام!
سنین ماوی شپهلریندن ریتم تۇتوب،
اۆرهییمده اوْلان سئوگیدن یارالاریما سنین دۇزوندان باغلاییرام...
اؤلۆرم، دیریلیرم و سوسورام...
باخ
گؤرۆرسنمی منی!؟
من سنده دوْغولان سئوگیلیمی ده سنه تاپشیریب،
گئدر-گلمز دالغالارینا باغلامیشام گؤز یاشلاریمی...
گؤزلریمدن بیر جیغیر آچ سینهنه،
امینم گؤز یاشلاریم،
نیسگیللی سئوگیمله دوْلدورار سنی...
https://t.me/Adabiyyatsevanlar
Telegram
ادبیات سئونلر
بوکانال ادبیات سئونلر قوروپونون سئچیلمیش اثرلری دیر
کانالدا کی یازیلاری کانالین لینکینی وئرمک شرطی ایله پایلاشماق اولار.
کانالدا کی یازیلاری کانالین لینکینی وئرمک شرطی ایله پایلاشماق اولار.
«هادی قاراچای»
آخ بیلسهنیز،
بیلسهنیز،
تورپاقلار گؤردوم
تورپاقلار گؤردوم
تورپاقلار گؤردوم
گون چیخاندان گون باتانا
انگین دوزنلرینده سؤزدن بیتر
بولودلو گئجهلرینده
بیر گؤزلو اولدوز باخماز گؤردوم
کیشیلر ائو قورماقدا
قادینلار اوجاق باشیندا.
هانسی تانرینین قارغیشینا گلدی بو یورد؟!
کیمسه بیلمز.
سؤز تانرییدیسا
ایتمیشدی تانرینین اودوملو اتکلری
نه دیلده دیل قالدی
نه ائلده ائل…
یازی داشلاریندان ائو قورولدو
ددهلرین سومویوندن اوجاق!
آخ، هئی اولو تورپاق!
قایناق:«ایشیق سایتی»
https://t.me/Adabiyyatsevanlar
آخ بیلسهنیز،
بیلسهنیز،
تورپاقلار گؤردوم
تورپاقلار گؤردوم
تورپاقلار گؤردوم
گون چیخاندان گون باتانا
انگین دوزنلرینده سؤزدن بیتر
بولودلو گئجهلرینده
بیر گؤزلو اولدوز باخماز گؤردوم
کیشیلر ائو قورماقدا
قادینلار اوجاق باشیندا.
هانسی تانرینین قارغیشینا گلدی بو یورد؟!
کیمسه بیلمز.
سؤز تانرییدیسا
ایتمیشدی تانرینین اودوملو اتکلری
نه دیلده دیل قالدی
نه ائلده ائل…
یازی داشلاریندان ائو قورولدو
ددهلرین سومویوندن اوجاق!
آخ، هئی اولو تورپاق!
قایناق:«ایشیق سایتی»
https://t.me/Adabiyyatsevanlar
Lovely °
ItsAMoney
«پابلو_نرودا»
دوستت دارم
تو را به عنوان چیزهای تاریکی که باید دوست داشت،
دوست دارم.
در خفا، بین سایه و روح...
https://t.me/Adabiyyatsevanlar
دوستت دارم
تو را به عنوان چیزهای تاریکی که باید دوست داشت،
دوست دارم.
در خفا، بین سایه و روح...
https://t.me/Adabiyyatsevanlar
«سعید_اودمان»
بۇردا بیر من وار،
بیر کاپیتان بیلاک سیگاراسی،
و بیر قاب چاخیر.
" آ آ آ آ "
آدینینی دئمهیه بئله دیلیم تۇتمور!
آغزیمدان نیسگیل سۇیو آخیر
آغزیمدا ساواش دۆشور آدینین اۆسته
آدینی دئیه بیلمیرم.
اوْلماسا،
سن آغزیمدان آدینی دئمک ایسته.
یوْخلوغوندا،
اۆرهییمده بیر سریال اوْیناییر اۆزگۆنلۆک...
دۆزگونم!
من سنین یاخینلیغیندا،
سنسیزلیگین آلت مرتبهسینی یاشاییرام...
یعنی قبیر مرتبهسینی...
بو آن من اؤزۆم وحشت نمازیْیام!
اوْلورسا،
غرورۇمو آیاقلارینین آلتیندان زۆیدوروب،
شاعرلیگیمی پنجرهنیزین قاباغیندا آغ گۆلدانا اَک،
و شعرلریم چیچکلندیکجه،
گؤزل خاطیرلا منی...
دوْغرو بیلدین،
من بۇردایام ...
پنجرهنیزین قاباغیندا سیگارادان چکیب، ایچیرم
و سربستلیگیمده شعر یازیرام یالقیزلیغیما...
داش دۆشسۆن من یازدیغیم شعرین ده باشینا!
https://t.me/Adabiyyatsevanlar
بۇردا بیر من وار،
بیر کاپیتان بیلاک سیگاراسی،
و بیر قاب چاخیر.
" آ آ آ آ "
آدینینی دئمهیه بئله دیلیم تۇتمور!
آغزیمدان نیسگیل سۇیو آخیر
آغزیمدا ساواش دۆشور آدینین اۆسته
آدینی دئیه بیلمیرم.
اوْلماسا،
سن آغزیمدان آدینی دئمک ایسته.
یوْخلوغوندا،
اۆرهییمده بیر سریال اوْیناییر اۆزگۆنلۆک...
دۆزگونم!
من سنین یاخینلیغیندا،
سنسیزلیگین آلت مرتبهسینی یاشاییرام...
یعنی قبیر مرتبهسینی...
بو آن من اؤزۆم وحشت نمازیْیام!
اوْلورسا،
غرورۇمو آیاقلارینین آلتیندان زۆیدوروب،
شاعرلیگیمی پنجرهنیزین قاباغیندا آغ گۆلدانا اَک،
و شعرلریم چیچکلندیکجه،
گؤزل خاطیرلا منی...
دوْغرو بیلدین،
من بۇردایام ...
پنجرهنیزین قاباغیندا سیگارادان چکیب، ایچیرم
و سربستلیگیمده شعر یازیرام یالقیزلیغیما...
داش دۆشسۆن من یازدیغیم شعرین ده باشینا!
https://t.me/Adabiyyatsevanlar
Telegram
ادبیات سئونلر
بوکانال ادبیات سئونلر قوروپونون سئچیلمیش اثرلری دیر
کانالدا کی یازیلاری کانالین لینکینی وئرمک شرطی ایله پایلاشماق اولار.
کانالدا کی یازیلاری کانالین لینکینی وئرمک شرطی ایله پایلاشماق اولار.
Forwarded from ادبیات سئونلر
«سعید اودمان» ادبیات سئونلر گوزگوسونده
زمان: بو گون سه شنبه 1402/5/17
ساعات: 10
طراح: تانیش
فیلم چکیلیشی:« مرجان منافزاده»
آپاریجی:«کریم قربانزاده»
https://t.me/Adabiyyatsevanlar
زمان: بو گون سه شنبه 1402/5/17
ساعات: 10
طراح: تانیش
فیلم چکیلیشی:« مرجان منافزاده»
آپاریجی:«کریم قربانزاده»
https://t.me/Adabiyyatsevanlar
Media is too big
VIEW IN TELEGRAM
سعید اودمان ادبیات سئونلر گوزگوسونده
1402/4/17
آپاریجی: کریم قربانزاده
چکیلیش: مرجان منافزاده
https://t.me/Adabiyyatsevanlar
1402/4/17
آپاریجی: کریم قربانزاده
چکیلیش: مرجان منافزاده
https://t.me/Adabiyyatsevanlar
Media is too big
VIEW IN TELEGRAM
2
سعید اودمان ادبیات سئونلر گوزگوسونده
1402/4/17
آپاریجی: کریم قربانزاده
چکیلیش: مرجان منافزاده
https://t.me/Adabiyyatsevanlar
سعید اودمان ادبیات سئونلر گوزگوسونده
1402/4/17
آپاریجی: کریم قربانزاده
چکیلیش: مرجان منافزاده
https://t.me/Adabiyyatsevanlar
Forwarded from ادبیات سئونلر
ميرحسين دلدار بناب
یالقیز شاعیر!
سورونه_ سورونه حیاتدان کئچدیم
بیرگون یاشامادیم، اورهییمجه من
گونلر آخشام اولدو، آخشاملار سحر
حیاتی سورمهدیم دیلهییمجه من
گونلریم جالاندی، گونلر اوستونه
گئجهلر کئچمهدی، دایانیب قالدی
ایستهدیم گؤز آچام، باهار باغینا
قارا قیش یئتیریب، قاپینی آلدی
اورهییم مزارلیق، دیلکلر اؤلو
تابوتلار ایچینده، بیتهجهیم من
گؤزدن دوشوب اوزده، ایتن یاش کیمی
بیرگون اؤز ایچیمده ایتهجهیم من
الوداع الوداع سینیق اورهییم
چوخداندیر اولدوزلار گؤزلهییر منی
گئجهلر گؤیلرده بیر قیز آغلاییر
دئییرلر یالقیزدیر، اؤزلهییر منی
اوجقار بیر داخمادا، بیر چیراغ یانیر
اوردا بیر شاعیر وار، گئجهلر یاتمیر
سورونه_سورونه حیاتدان کئچیر
باشینی دیک توتور، شعرینی ساتمیر...
https://t.me/Adabiyyatsevanlar
یالقیز شاعیر!
سورونه_ سورونه حیاتدان کئچدیم
بیرگون یاشامادیم، اورهییمجه من
گونلر آخشام اولدو، آخشاملار سحر
حیاتی سورمهدیم دیلهییمجه من
گونلریم جالاندی، گونلر اوستونه
گئجهلر کئچمهدی، دایانیب قالدی
ایستهدیم گؤز آچام، باهار باغینا
قارا قیش یئتیریب، قاپینی آلدی
اورهییم مزارلیق، دیلکلر اؤلو
تابوتلار ایچینده، بیتهجهیم من
گؤزدن دوشوب اوزده، ایتن یاش کیمی
بیرگون اؤز ایچیمده ایتهجهیم من
الوداع الوداع سینیق اورهییم
چوخداندیر اولدوزلار گؤزلهییر منی
گئجهلر گؤیلرده بیر قیز آغلاییر
دئییرلر یالقیزدیر، اؤزلهییر منی
اوجقار بیر داخمادا، بیر چیراغ یانیر
اوردا بیر شاعیر وار، گئجهلر یاتمیر
سورونه_سورونه حیاتدان کئچیر
باشینی دیک توتور، شعرینی ساتمیر...
https://t.me/Adabiyyatsevanlar
Telegram
ادبیات سئونلر
بوکانال ادبیات سئونلر قوروپونون سئچیلمیش اثرلری دیر
کانالدا کی یازیلاری کانالین لینکینی وئرمک شرطی ایله پایلاشماق اولار.
کانالدا کی یازیلاری کانالین لینکینی وئرمک شرطی ایله پایلاشماق اولار.
تانرینین شیطان آختاریشی...
✍:«شَمیل صادیق»
کؤچورن:« سحرخیاوی»
حاضیرلایان:«ادبیات سئونلر»
(بو حیکایه تورک میفولوگیاسیندا کی(اسطوره شناسی)، " یارادیلیش داستانی" نین موتیولری اساسیندا یازیلیب).
هر شئیدن اؤنجه سو وار ایدی... بیر ده تانری اولگَن...
تانری اولگن تک- تنها ایدی. یامان داریخیردی. حیاتیندا ماراقلی هئچ نمنه یوخ ایدی.
بیر گون سودان گلن بیر سس:
- تانری اولگن، یارات، - دئدی.
بو سس تانرینین آناسی، آغ پالتارلی، گوموش ساچلی، اینجه بئللی، اوزون بویلو، ظریف اولدوغو قدر ده اؤتکم روحلو " اومای" آنانین سسی ایدی. حیات آغاجینین صاحیبی " اومای آنانین...
- اوغلوم، تانری، نییه بئله داریخیرسان؟ نه اوچون بو قَدَر کدرلیسن؟ - اومای آنا سوروشدو.
- چون کی یالقیزام، آنا... بیر منم، بیر ده سولار... نه مشغول اولماغا بیر ایشیم وار، نه ده اَیلنجهم... چوخ داریخیرام...حیات منیم اوچون معناسیز گؤرونور. یالقیزلیق منی چوخ سیخیر.
بو یازینین آردینی ادبیات سئونلر کانالیندا اوخویون.
https://t.me/Adabiyyatsevanlar
✍:«شَمیل صادیق»
کؤچورن:« سحرخیاوی»
حاضیرلایان:«ادبیات سئونلر»
(بو حیکایه تورک میفولوگیاسیندا کی(اسطوره شناسی)، " یارادیلیش داستانی" نین موتیولری اساسیندا یازیلیب).
هر شئیدن اؤنجه سو وار ایدی... بیر ده تانری اولگَن...
تانری اولگن تک- تنها ایدی. یامان داریخیردی. حیاتیندا ماراقلی هئچ نمنه یوخ ایدی.
بیر گون سودان گلن بیر سس:
- تانری اولگن، یارات، - دئدی.
بو سس تانرینین آناسی، آغ پالتارلی، گوموش ساچلی، اینجه بئللی، اوزون بویلو، ظریف اولدوغو قدر ده اؤتکم روحلو " اومای" آنانین سسی ایدی. حیات آغاجینین صاحیبی " اومای آنانین...
- اوغلوم، تانری، نییه بئله داریخیرسان؟ نه اوچون بو قَدَر کدرلیسن؟ - اومای آنا سوروشدو.
- چون کی یالقیزام، آنا... بیر منم، بیر ده سولار... نه مشغول اولماغا بیر ایشیم وار، نه ده اَیلنجهم... چوخ داریخیرام...حیات منیم اوچون معناسیز گؤرونور. یالقیزلیق منی چوخ سیخیر.
بو یازینین آردینی ادبیات سئونلر کانالیندا اوخویون.
https://t.me/Adabiyyatsevanlar
تانرینین شیطان آختاریشی...
✍:«شَمیل صادیق»
کؤچورن:« سحرخیاوی»
حاضیرلایان:«ادبیات سئونلر»
(بو حیکایه تورک میفولوگیاسیندا کی(اسطوره شناسی)، " یارادیلیش داستانی" نین موتیولری اساسیندا یازیلیب).
هر شئیدن اؤنجه سو وار ایدی... بیر ده تانری اولگَن...
تانری اولگن تک- تنها ایدی. یامان داریخیردی. حیاتیندا ماراقلی هئچ نمنه یوخ ایدی.
بیر گون سودان گلن بیر سس:
- تانری اولگن، یارات، - دئدی.
بو سس تانرینین آناسی، آغ پالتارلی، گوموش ساچلی، اینجه بئللی، اوزون بویلو، ظریف اولدوغو قدر ده اؤتکم روحلو " اومای" آنانین سسی ایدی. حیات آغاجینین صاحیبی " اومای آنانین...
- اوغلوم، تانری، نییه بئله داریخیرسان؟ نه اوچون بو قَدَر کدرلیسن؟ - اومای آنا سوروشدو.
- چون کی یالقیزام، آنا... بیر منم، بیر ده سولار... نه مشغول اولماغا بیر ایشیم وار، نه ده اَیلنجهم... چوخ داریخیرام...حیات منیم اوچون معناسیز گؤرونور. یالقیزلیق منی چوخ سیخیر.
- اوغلوم، سن آخی تانریسان! اؤزون ده هر شئیه قادیرسن! نییه داریخاسان کی؟ نه ایستهسن یارادا، نئجه ایستهسن، اداره ائده بیلرسن. بو کائینات سنین قدرتینله وار اولوب. اورهیین نه ایستهییرسه ائت. نه امر ائتسن، اولاجاق! سن تانریسان. سن گوجسن. سن یاردانسان. اوز گوجونه صاحیب چیخ و بوندان استفاده ائت. یارات! یاشات!
بو سؤزلر تانری اولگهنین خوشونا گلدی. اؤزونه بنزر بیر وارلیق یاراتدی. آدینی دا اِرلیک قویدو. صاحیب اولدوغو نه گوج واردیسا، اونا دا وئردی.
اولگن یاراتدیغی ایلک وارلیقلا غرور دویوردو. اونون سرحدسیز گوجونو حئیرانلیقلا سئیر ائدیردی. سونرا سولاردان داش، تورپاق، طبیعت یاراتدی.
بیرگون باخدی کی، بیر آغاج وار، آمما هئچ بیر بوداغی یوخدور. امر ائتدی آغاجین دوققوز بوداغی پیدا اولدو. سونرا دا امر ائتدی دوققوز بوداغین هر بیرینین کؤکوندن بیر اینسان یاراندی.
بئلهجه، تانری گئتدیکجه اینسانلارین سایینی آرتیرماغا باشلادی. اونلار اوچون یاشام شرطلرینی معیّنلشدیردی، قایدالار یازدی.
گونلر کئچدیکجه اولگن هر دفعه یئنی نهلر سه یاراتماغا و اونلاری اداره ائتمهیه چالیشیردی...
بیر گون اِرلیک تانریدان اینسانلاری اونا وئرمهسینی ایستهدی. تانری اولگن:" یوخ! سن گئت اوز ایشلریلنله مشغول اول!"،- دئدی.
بو سوز اِرلیکین خوشونا گلمهدی. او، اورهیینده اؤز تانریسیندان کوسدو.
بو حادیثهدن سونرا زامان کئچدیکجه اولگن ایله اونون ایلک یاراتدیغی و اؤزو قَدَر گوج بخش ائتدییی ارلیک آراسیندا پرابلئملر یارانماغا باشلادی. چون کی ارلیک اینسانلاری تانرینین اونلار اوچون قویدوغو قایدالاری پوزماغا یونَلدیردی. تانرینین اینسانلارا قاداغا ائتدییی مئیوهلری اونلارا یئدیردیر، ائتمهمهلی ایشلری، ائتمهلری اوچون یولدان چیخاریردی. بو جور حیات اینسانلارین خوشونا گلیردی. اونا گؤره ده زامان کئچدیکجه اونلار تانریدان قوپوب و ارلیکه دوغرو گئدیردیلر.
بیر گون تانری بونا بَرک غضبلندی و ارلیکی اوز یانیندان قوودو:
- بوندان سونرا گوناهلارینی مندن گیزلهدنلر سنین، گوناهلارینی سندن گیزلهدنلر ایسه منیم حیمایهمده اولاجاقلار!
سونرالار اینسانلار تانری قدر گوجه صاحیب اولان وارلیقا، یئنی ارلیکه" شئیطان" دئدیلر.
بیر گون ارلیک گؤیون تانریسی اولگنه مخصوص اولان قاتینا قالخدی و اونا باش اَییب باغیشلانماسینی دیلهدی:
- منه ایذین وئر من ده اؤزومه گؤیلر یارادیم، منیم ده حیمایهمده اینسانلاریم اولسون. سؤز وئریرم سنین ایشلرینه قاریشمیاجاغام.
تانری بو دفعه اونو باغیشلادی. ارلیک اؤزونه گؤیلر یاراتدی، اینسانلار یاراتدی، اونلارا چوخ یاخشی گونلر یاشاتدی.
شیطانین اینسانلاری تانری اولگهنین اینسانلاریندان داها آزاد، داها خوشبخت، داها کئف ایچینده عؤمور سوروردولر.
تانرینین اینسانلاری ایسه چتینلیکلرله، یاساقلارلا، پرابلئملرله اوغراشا- اوغراشا یاشاییردیلار.
بئلهجه یارادیلیشدان میلیون ایللر کئچدی. اینسانلارین، جانلیلارین سایی گوندن- گونه آرتدی...چون کی تانرینین یاراتماق احتیراسی بیتمیردی کی، بیتمیردی. هر گون اونون آغلینا بیر فیکیر گلیب و یئنی نهلرسه یارادیب، نهییسه دَییشدیریب، نهییسه لغو ائدیردی. آرتیق تانری اولگن اوز یاراتماق گوجو ایله لاپ بالاجا اوشاق کیمی اویون اویناماغا باشلامیشدی. بو باجاریغی سایهسینده اَیلنجه ائدیردی...
Sahar Xiyyavi:
اوّللر یاراتدیقلارینا نظارت ائدن، اونلارین استقامتلریندن تانری اولگنه ائله بیر گون خبر یئتیشدی کی، اونلارین طالعی ایله ماراقلانا بیلمهییب، اونلاری حیمایه ائده بیلمهدی و بئلهجه اداره ائتمه اونون نظارتیندن چیخدی.
✍:«شَمیل صادیق»
کؤچورن:« سحرخیاوی»
حاضیرلایان:«ادبیات سئونلر»
(بو حیکایه تورک میفولوگیاسیندا کی(اسطوره شناسی)، " یارادیلیش داستانی" نین موتیولری اساسیندا یازیلیب).
هر شئیدن اؤنجه سو وار ایدی... بیر ده تانری اولگَن...
تانری اولگن تک- تنها ایدی. یامان داریخیردی. حیاتیندا ماراقلی هئچ نمنه یوخ ایدی.
بیر گون سودان گلن بیر سس:
- تانری اولگن، یارات، - دئدی.
بو سس تانرینین آناسی، آغ پالتارلی، گوموش ساچلی، اینجه بئللی، اوزون بویلو، ظریف اولدوغو قدر ده اؤتکم روحلو " اومای" آنانین سسی ایدی. حیات آغاجینین صاحیبی " اومای آنانین...
- اوغلوم، تانری، نییه بئله داریخیرسان؟ نه اوچون بو قَدَر کدرلیسن؟ - اومای آنا سوروشدو.
- چون کی یالقیزام، آنا... بیر منم، بیر ده سولار... نه مشغول اولماغا بیر ایشیم وار، نه ده اَیلنجهم... چوخ داریخیرام...حیات منیم اوچون معناسیز گؤرونور. یالقیزلیق منی چوخ سیخیر.
- اوغلوم، سن آخی تانریسان! اؤزون ده هر شئیه قادیرسن! نییه داریخاسان کی؟ نه ایستهسن یارادا، نئجه ایستهسن، اداره ائده بیلرسن. بو کائینات سنین قدرتینله وار اولوب. اورهیین نه ایستهییرسه ائت. نه امر ائتسن، اولاجاق! سن تانریسان. سن گوجسن. سن یاردانسان. اوز گوجونه صاحیب چیخ و بوندان استفاده ائت. یارات! یاشات!
بو سؤزلر تانری اولگهنین خوشونا گلدی. اؤزونه بنزر بیر وارلیق یاراتدی. آدینی دا اِرلیک قویدو. صاحیب اولدوغو نه گوج واردیسا، اونا دا وئردی.
اولگن یاراتدیغی ایلک وارلیقلا غرور دویوردو. اونون سرحدسیز گوجونو حئیرانلیقلا سئیر ائدیردی. سونرا سولاردان داش، تورپاق، طبیعت یاراتدی.
بیرگون باخدی کی، بیر آغاج وار، آمما هئچ بیر بوداغی یوخدور. امر ائتدی آغاجین دوققوز بوداغی پیدا اولدو. سونرا دا امر ائتدی دوققوز بوداغین هر بیرینین کؤکوندن بیر اینسان یاراندی.
بئلهجه، تانری گئتدیکجه اینسانلارین سایینی آرتیرماغا باشلادی. اونلار اوچون یاشام شرطلرینی معیّنلشدیردی، قایدالار یازدی.
گونلر کئچدیکجه اولگن هر دفعه یئنی نهلر سه یاراتماغا و اونلاری اداره ائتمهیه چالیشیردی...
بیر گون اِرلیک تانریدان اینسانلاری اونا وئرمهسینی ایستهدی. تانری اولگن:" یوخ! سن گئت اوز ایشلریلنله مشغول اول!"،- دئدی.
بو سوز اِرلیکین خوشونا گلمهدی. او، اورهیینده اؤز تانریسیندان کوسدو.
بو حادیثهدن سونرا زامان کئچدیکجه اولگن ایله اونون ایلک یاراتدیغی و اؤزو قَدَر گوج بخش ائتدییی ارلیک آراسیندا پرابلئملر یارانماغا باشلادی. چون کی ارلیک اینسانلاری تانرینین اونلار اوچون قویدوغو قایدالاری پوزماغا یونَلدیردی. تانرینین اینسانلارا قاداغا ائتدییی مئیوهلری اونلارا یئدیردیر، ائتمهمهلی ایشلری، ائتمهلری اوچون یولدان چیخاریردی. بو جور حیات اینسانلارین خوشونا گلیردی. اونا گؤره ده زامان کئچدیکجه اونلار تانریدان قوپوب و ارلیکه دوغرو گئدیردیلر.
بیر گون تانری بونا بَرک غضبلندی و ارلیکی اوز یانیندان قوودو:
- بوندان سونرا گوناهلارینی مندن گیزلهدنلر سنین، گوناهلارینی سندن گیزلهدنلر ایسه منیم حیمایهمده اولاجاقلار!
سونرالار اینسانلار تانری قدر گوجه صاحیب اولان وارلیقا، یئنی ارلیکه" شئیطان" دئدیلر.
بیر گون ارلیک گؤیون تانریسی اولگنه مخصوص اولان قاتینا قالخدی و اونا باش اَییب باغیشلانماسینی دیلهدی:
- منه ایذین وئر من ده اؤزومه گؤیلر یارادیم، منیم ده حیمایهمده اینسانلاریم اولسون. سؤز وئریرم سنین ایشلرینه قاریشمیاجاغام.
تانری بو دفعه اونو باغیشلادی. ارلیک اؤزونه گؤیلر یاراتدی، اینسانلار یاراتدی، اونلارا چوخ یاخشی گونلر یاشاتدی.
شیطانین اینسانلاری تانری اولگهنین اینسانلاریندان داها آزاد، داها خوشبخت، داها کئف ایچینده عؤمور سوروردولر.
تانرینین اینسانلاری ایسه چتینلیکلرله، یاساقلارلا، پرابلئملرله اوغراشا- اوغراشا یاشاییردیلار.
بئلهجه یارادیلیشدان میلیون ایللر کئچدی. اینسانلارین، جانلیلارین سایی گوندن- گونه آرتدی...چون کی تانرینین یاراتماق احتیراسی بیتمیردی کی، بیتمیردی. هر گون اونون آغلینا بیر فیکیر گلیب و یئنی نهلرسه یارادیب، نهییسه دَییشدیریب، نهییسه لغو ائدیردی. آرتیق تانری اولگن اوز یاراتماق گوجو ایله لاپ بالاجا اوشاق کیمی اویون اویناماغا باشلامیشدی. بو باجاریغی سایهسینده اَیلنجه ائدیردی...
Sahar Xiyyavi:
اوّللر یاراتدیقلارینا نظارت ائدن، اونلارین استقامتلریندن تانری اولگنه ائله بیر گون خبر یئتیشدی کی، اونلارین طالعی ایله ماراقلانا بیلمهییب، اونلاری حیمایه ائده بیلمهدی و بئلهجه اداره ائتمه اونون نظارتیندن چیخدی.
تانری کیمی اؤلومسوز اولان ارلیک شیطان ایسه اوز ایشینده ایدی. زامان کئچدیکجه آرتیق اولگهنین اینسانلاری دا ، اونون یانینا گلیب، اونون حیمایهسی آلتیندا اولان اینسانلارلا قایناییب- قاریشماغا باشلاییردیلار. اونلارا ذوق وئرن، اونلاری هیجانلاندیران ایشلرله مشغول اولماقدان بؤیوک سئوینج حیسسی یاشاییردیلار.
چون کی هر بیر اینسان تانری اولگندن یارانمیشدی.
بونا گؤره ده تانرینین بوتون احتیراسلاری اونلاردا دا، وار ایدی. اونلار دا قویولان سرحدلری سئومیردیلر و بالاجا نفسین و ایچلرینده کی گوجون اسیرینه چئوریلیردیلر.
تانری اولگن بیر زامان داریخدیغی، فرقلی شئیلر آختاردیغی، دویغولارینی اَیلندیرمک ایستهدییی کیمی، اینسانلار دا بو قدیم دویغونون تاثیری آلتیندا تئز- تئز داریخیب، اوز یارادانلارینا بنزهدیکلری اوچون اوندان قورتارماغین یوللارینی آراییردیلار. اینسانلار اوز تانریلارینا اوخشامیشدیلار، آمما بیر فرق وار ایدی: اونلارین " اومای" آناسی یوخ ایدی. اونلارین سادهجه تانریلاری وار ایدی... او دا اینسانلارا اؤز اویونچاغی کیمی باخیب، اونلاری قایدا- قانون سرحدلری ایچریسینده ساخلاییب، دوشونجهلرینی، ایستکلرینی نظره آلمیردی. او اینسانلاری اوز ایستهدییی کیمی اولمالارینی آرزولاییردی یعنی... تانری اولگهنین باشی" یاراتماق- یاراتماق" اویونونا ائله قاریشمیشدی کی، یاراتدیقلارینین باشسیز قالماسینین فرقینده بئله دئییلدی.
زامان کئچدیکجه اینسانلار اؤز تانریلارینی اونوتماغا باشلادیلار. گون گلدی کی آرتیق اونو هئچ تانیمادیلار. بئله اولدوقدا اؤزلرینه یئنی تانری اویدورماق فیکرینه دوشدولر. اؤزلرینده یئنی کشف ائتدیکلری یاراتماق دویغوسونا ساریلدیلار. نفسلرینه صاحیب چیخا بیلمهدیلر. بیربیرلرینه دوشمن کسیلدیلر:
محاریبهلر، خیانتلر، باغسیزلیقلار ائتدیلر. طبیعتی محو ائتمهیه قالخدیلار، هره اؤزونه تورپاق ساحهسی آییریب اونو گئنیشلندیرمک اوچون بیربیرینی اؤلدورمهیه، هر جور عدالتسیزلیک ائتمهیه باشلادی.
بوتون بونلار باش وئردییی زامان اؤلومسوز و هر شئیه قادیر اولان تانری اوز مقامیندا اوتوروب فرقلی دونیالار یاراتماقلا، کائیناتی گئنیشلندیرمکله مشغول ایدی. اینسانلار ایسه اؤز تانریلاری کیمی ایچلرینده کی سرحدسیز آرزولاری حیاتا کئچیرمک اوچون بیربیری ایله یاریشیر، یئنی گوجلر اَلده ائدیردیلر. آرتیق دونیا اؤز محوریندن چیخمیش، اداره اولونماز حالا قالمیشدی. گؤزو، سادهجه اؤز آرزو و ایستکلرینی گؤرهن تانری یاراتدیغی اینسانلاردان خبرسیز یاشادیغی موددتده بندهلری اونو آختارماق، اونا چاتماق اوچون چوخ یوللار آتلادی، انکشاف ائتدی، یئنی ایجادلار عرصهیه گتیردی. قووملره، طایفالارا، میللتلره، دینلره، دولتلره بؤلوندولر.
قانا سوسادیلار، شیطان تکلیف ائتدییی شهوتین اسیری اولدولار. چون کی بو داریخدیریجی گوندهلیک حیاتدا اینسانلارا، سادهجه، شئیطان ارلیک یاردیمچی اولا بیلیردی. بوتون بو باش وئرنلری مین ایللر ایدی کی، کناردان ایزلهین " اومای آنا" گونلرین بیر گونو دؤزه بیلمهدی. اوغلونا سسلندی:
- آی اولگنیم هارالارداسان؟! باشین نهیه قاریشیب بئله؟! نییه یاراتدیغین اینسانلارا، دونیانا نظارت ائتمیرسن؟! خبرین واردی کی سنین تخت- تاجیندا ایندی شیطان ارلیک اوتوروب و بوتون دونیایا مئیدان اوخویور؟
اولگن جاواب وئردی:
- آنا، سن نه دانیشیرسان؟! منیم دونیام اوز آخاریندا دیر، هر شئی نظارتیم آلتیندا دیر. من ان سئودیییم، ان اعتبار ائتدیییم ائلچیمه، "قام آتایا" اونلارا یول گوسترمک اوچون تاپشیریق وئرمیشم. او، اؤزوندن سونرا، منیم آدیمدان دانیشاجاق. اینسانلاری یئتیشدیرمهلی، سیرلریمی اونلارا آنلاتمالی دیر. شئیطان منیم مولکومده آت اوینادا بیلمز! - دییه تانری اولگن یئنه ده یاراتماقلا مشغول اولدوغوندان باشینی قالدیرمادان جاواب وئردی.
اومای آنا حقیقتلری اوغلونا دئمهیه مجبور اولدو اونا گؤره ده داها سَرت شکیلده دئدی:
- سن هئچ بیلیرسن کی، اینسانلیق تاریخینده نه قدر تانریلار، قادلار، آللاهلار اویدورولوب؟ آمما اینسانلار یئنه ده سنه تاپینیبلار. هئچ بیلیرسن کی سنین آدیندان نه قدر دینلر دوزهلیب؟ بیلیرسن کی اینسانلارا اؤلومدن سونرا کی دونیانی پول مقابلینده آز قالا ساتیرلار؟! بیلیرسن کی 124000 شخص اؤزونو اینسانلارا سنین ائلچین کیمی تقدیم ائدیب؟ بونلارین اکثری شئیطان ارلیکین معرفتی اولسا دا، بعضیلری محض سنین منافعینی قوروماق اوچون ائدیلمیش حرکتلر دیر. اونلار اؤزلریندن یئنی فیکیرلر اویدوراراق محض سنی قوروماغا چالیشیبلار. سن اولماسایدین بئله، اونلار یئنه ده اؤزلرینه تانری ایجاد ائدهجک، اونا تاپیناجاقدیلار. ایندی ده سندن خبرسیز اولان اینسانلار اؤزلرینه تانری اویدوروبلار. آخی اونلار سنه چاتا بیلمیرلر. سنین قاپین اونلارین اوزونه باغلی دیر.
چون کی هر بیر اینسان تانری اولگندن یارانمیشدی.
بونا گؤره ده تانرینین بوتون احتیراسلاری اونلاردا دا، وار ایدی. اونلار دا قویولان سرحدلری سئومیردیلر و بالاجا نفسین و ایچلرینده کی گوجون اسیرینه چئوریلیردیلر.
تانری اولگن بیر زامان داریخدیغی، فرقلی شئیلر آختاردیغی، دویغولارینی اَیلندیرمک ایستهدییی کیمی، اینسانلار دا بو قدیم دویغونون تاثیری آلتیندا تئز- تئز داریخیب، اوز یارادانلارینا بنزهدیکلری اوچون اوندان قورتارماغین یوللارینی آراییردیلار. اینسانلار اوز تانریلارینا اوخشامیشدیلار، آمما بیر فرق وار ایدی: اونلارین " اومای" آناسی یوخ ایدی. اونلارین سادهجه تانریلاری وار ایدی... او دا اینسانلارا اؤز اویونچاغی کیمی باخیب، اونلاری قایدا- قانون سرحدلری ایچریسینده ساخلاییب، دوشونجهلرینی، ایستکلرینی نظره آلمیردی. او اینسانلاری اوز ایستهدییی کیمی اولمالارینی آرزولاییردی یعنی... تانری اولگهنین باشی" یاراتماق- یاراتماق" اویونونا ائله قاریشمیشدی کی، یاراتدیقلارینین باشسیز قالماسینین فرقینده بئله دئییلدی.
زامان کئچدیکجه اینسانلار اؤز تانریلارینی اونوتماغا باشلادیلار. گون گلدی کی آرتیق اونو هئچ تانیمادیلار. بئله اولدوقدا اؤزلرینه یئنی تانری اویدورماق فیکرینه دوشدولر. اؤزلرینده یئنی کشف ائتدیکلری یاراتماق دویغوسونا ساریلدیلار. نفسلرینه صاحیب چیخا بیلمهدیلر. بیربیرلرینه دوشمن کسیلدیلر:
محاریبهلر، خیانتلر، باغسیزلیقلار ائتدیلر. طبیعتی محو ائتمهیه قالخدیلار، هره اؤزونه تورپاق ساحهسی آییریب اونو گئنیشلندیرمک اوچون بیربیرینی اؤلدورمهیه، هر جور عدالتسیزلیک ائتمهیه باشلادی.
بوتون بونلار باش وئردییی زامان اؤلومسوز و هر شئیه قادیر اولان تانری اوز مقامیندا اوتوروب فرقلی دونیالار یاراتماقلا، کائیناتی گئنیشلندیرمکله مشغول ایدی. اینسانلار ایسه اؤز تانریلاری کیمی ایچلرینده کی سرحدسیز آرزولاری حیاتا کئچیرمک اوچون بیربیری ایله یاریشیر، یئنی گوجلر اَلده ائدیردیلر. آرتیق دونیا اؤز محوریندن چیخمیش، اداره اولونماز حالا قالمیشدی. گؤزو، سادهجه اؤز آرزو و ایستکلرینی گؤرهن تانری یاراتدیغی اینسانلاردان خبرسیز یاشادیغی موددتده بندهلری اونو آختارماق، اونا چاتماق اوچون چوخ یوللار آتلادی، انکشاف ائتدی، یئنی ایجادلار عرصهیه گتیردی. قووملره، طایفالارا، میللتلره، دینلره، دولتلره بؤلوندولر.
قانا سوسادیلار، شیطان تکلیف ائتدییی شهوتین اسیری اولدولار. چون کی بو داریخدیریجی گوندهلیک حیاتدا اینسانلارا، سادهجه، شئیطان ارلیک یاردیمچی اولا بیلیردی. بوتون بو باش وئرنلری مین ایللر ایدی کی، کناردان ایزلهین " اومای آنا" گونلرین بیر گونو دؤزه بیلمهدی. اوغلونا سسلندی:
- آی اولگنیم هارالارداسان؟! باشین نهیه قاریشیب بئله؟! نییه یاراتدیغین اینسانلارا، دونیانا نظارت ائتمیرسن؟! خبرین واردی کی سنین تخت- تاجیندا ایندی شیطان ارلیک اوتوروب و بوتون دونیایا مئیدان اوخویور؟
اولگن جاواب وئردی:
- آنا، سن نه دانیشیرسان؟! منیم دونیام اوز آخاریندا دیر، هر شئی نظارتیم آلتیندا دیر. من ان سئودیییم، ان اعتبار ائتدیییم ائلچیمه، "قام آتایا" اونلارا یول گوسترمک اوچون تاپشیریق وئرمیشم. او، اؤزوندن سونرا، منیم آدیمدان دانیشاجاق. اینسانلاری یئتیشدیرمهلی، سیرلریمی اونلارا آنلاتمالی دیر. شئیطان منیم مولکومده آت اوینادا بیلمز! - دییه تانری اولگن یئنه ده یاراتماقلا مشغول اولدوغوندان باشینی قالدیرمادان جاواب وئردی.
اومای آنا حقیقتلری اوغلونا دئمهیه مجبور اولدو اونا گؤره ده داها سَرت شکیلده دئدی:
- سن هئچ بیلیرسن کی، اینسانلیق تاریخینده نه قدر تانریلار، قادلار، آللاهلار اویدورولوب؟ آمما اینسانلار یئنه ده سنه تاپینیبلار. هئچ بیلیرسن کی سنین آدیندان نه قدر دینلر دوزهلیب؟ بیلیرسن کی اینسانلارا اؤلومدن سونرا کی دونیانی پول مقابلینده آز قالا ساتیرلار؟! بیلیرسن کی 124000 شخص اؤزونو اینسانلارا سنین ائلچین کیمی تقدیم ائدیب؟ بونلارین اکثری شئیطان ارلیکین معرفتی اولسا دا، بعضیلری محض سنین منافعینی قوروماق اوچون ائدیلمیش حرکتلر دیر. اونلار اؤزلریندن یئنی فیکیرلر اویدوراراق محض سنی قوروماغا چالیشیبلار. سن اولماسایدین بئله، اونلار یئنه ده اؤزلرینه تانری ایجاد ائدهجک، اونا تاپیناجاقدیلار. ایندی ده سندن خبرسیز اولان اینسانلار اؤزلرینه تانری اویدوروبلار. آخی اونلار سنه چاتا بیلمیرلر. سنین قاپین اونلارین اوزونه باغلی دیر.
ائلچیلرین، دئدییین سؤزلر، قویدوغون قایدالار دیلدن- دیله کئچهرک معناسینی دَییشیب. اینسان ایسه اوز یارادانینی آختارماق، تاپماق ایستهییر. اونا گؤره ده بیرآز بیلگیلی، ویجدانلی، آغیللی فیکیر ائشیدن کیمی اونا اینانیر، او فیکرین آرخاسینجا گئدیر.
سن هئچ بیلیرسن کی، اینسانلارین الینده سنین آدینا یازیلان نه قدر کیتاب وار؟ خبرین وار کی، اینسانلار یوزلر دین آراسیندا بؤلونوبلر؟ دین اوغروندا محاریبهلر آپاریب، اؤز کیتابلارینین تانری کیتابی اولدوغونا اینانیرلار؟ هئچ بیلیرسن کی سنین آدیندان یازیلان کیتابلاردا قادین دئییلن قوتسال وارلیغین کیشینین قابیرغاسیندان یاراندیغی یازیلیب؟ بونا اینانان اینساناوغلو مین ایللردیر کی، قادینی اَزیر، آلچالدیر؟ حتا زامان اولوب کی، قادینلارا " شئیطان" دئییب، دیری- دیری باسدیریب، یاندیریبلار...اولسون کی ارلیکه ایلک اویان قادین اولوب، آمما بو سبب اولماز آخی قادینی شیطانین اؤزو حساب ائدهسن... آخی سنین یاراتدیغین ارلیک ده کیشی ایدی.
نئجه اولور کی، تانرینی دوغان آنا- قادین کیشی جینسیندن بو قدر فرقلندیریر؟! داشلانیر؟! اَزیلیر؟!،- دئمهمیشدیم سنه؟ بیلیرسن اینسانلار مین ایللردیر، خصوصی مراسیملر، بایراملار تشکیل ائدیب حئیوانلاری، اینسانلاری سنین اوچون قوربان کسیرلر؟
حتا سنین شرفینه خصوصی تؤرنلر کیچیرهرک آداملاری بئله قوربان کسنلر، قانینی سنه ایچیرنلر اولوب؟ خبرین وارمی کی، بو گون دونیادا " آغا" و " قول" آنلاییشی حوکوم سورور؟ گوجلولرین ضعیفلری پارچالادیغیندان خبرین وارمی؟ بیلیرسن می کی، آرتیق یئرده اینسان اوچون یاشام شرطلری آغیرلاشیب؟
طبیعت اوز گوجونو ایتیریب، دونیا محو اولماغا دوغرو گئدیر؟
شئیطان اؤز گوجو سایهسینده دونیایا تانریلیق ائتمک شبکهلری قوروب؟ خبرین وارمی کی، اینسانلار اؤزلرینی میللتلرله آییریبلار؟ هر بیری ده اؤزونو عالی میللت اعلان ائدیب؟ بیرینین دیگرلرینه آغالیق ائتدیینی نئجه؟ بیلیرسن می؟ آخی سن اینسانلاری دوققوز بوداقدان یاراتمیشدین... اونلارا میللت، جینس، دین فرقی قویمامیشدین... تؤرن پوزولوب اولگن! پوزولوب نه دیر، حتا تانری- مانری اؤلوب! بونلارین گوناهکاری سن دئییلسن می؟ نییه شئیطانا بو قدر گوج وئردین؟ نییه اؤزونه بیر رقیب یاراتدین؟ نییه اونو دفعهلرله باغیشلادین؟ نه ایدی آخی سنین اَل- قولونو باغلایان؟! من بونو هله ده آنلایا بیلمیرم. آخی او گوجو سنه وئردیییم زامان، :" اونا تکجه سن صاحیب اولمالیسان"، - دئمیشدیم. سن او قدر تکببورلو، او قدر اؤزوندن راضی، غرورلو ایدین کی، ائله ظنّ ائتدین، یاراتدیقلارین یالنیز سنه تاپیناجاق و هئچ کیم سنه گوج گله بیلمیهجک... امما شئیطان بو گون سنین رولونو چوخ مهارتله اویناییر. سن ایسه باشینی قالدیریب منه بئله زامان آییرا بیلمیرسن!
تانری اولگهنین ده اینسان کیمی تنقیده تابی یوخ ایدی. بو قدر پرابلئملر، بو قدر ایرادلار دئییلدییی زامان اوّلجه اؤزونو مدافعهیه قالخدی، اینسانلارین باشینا گلنلره یوخ، اونلارین نهلره دوچار اولدوغونا یوخ، محض اوز حیسیاتینین تاپداندیغی مقاما ایلیشیب قالدی.
عینی اینسان کیمی... چون کی اینسانا محض تانری نفس وئرمیش، اونا اؤز دویغولارینی یوکلهمیشدی... آخی اینسان تانری اولگهنین داریخماق حیسیندن یارانان اویونجاق، اَیلنجه واسیطهسی ایدی. اینسان تانرینین اؤزونو ایفاده ائتمک فورماسی ایدی! او اؤز بنزرینی یاراتمیشدی!
- مومکون دئییل بئله بیر وضعیت یارانسین! چون کی من هر شئیه نظارت ائدیرم! هئچ کیم منیم ارادهم اولمادان هئچ نه ائده بیلمز! هئچ کیمده بئله بیر جرئت و جسارت یوخدور!
من اؤز نفوذوما، باجاریغیما امینم! من یئری- گویو یارادانام، من تانرییام!- دییه هایقیردی.
بو هایقیریشدان یئر- گوی سیلکهلندی، ایلدیریملار چاخدی، سولار گؤیه یوکسلدی، فیرتینالار قوپدو...
بیر قدر سونرا اولگن ایکی اَلی ایله باشینی توتوب فیکره غرق اولدو! " اومای آنا" ایسه اونو بو آجی حقیقتلر ایچینده بوراخیب وارلیغیندان یوخلوغا چکیلدی.
کائینات سیلکهلندییی همین آنلاردا اولگن سوکوتا دالمیش، اومای آنانین دیققت هایقیرتیسیندان سونرا دوشونمهیه باشلامیش، اعتیراف ائده بیلمهسه ده، آنلامیش، بوتون بونلاری نئجه نیظاما سالاجاغی ایله باغلی اؤزونه قرار وئرمیشدی. اونا گؤره ده، بیر آنلیق دا اولسا، اینسانلاری ائشیتمک ایستهمیشدی و بو ایستکله ده بیردن- بیره میلیونلارلا اینسانین سسینی دویموشدو:
- ائی یارادان، هاراداسان؟!
- یارب کؤمک اول!
- آی اللاه، اؤزون امداده یئت!
- ائی اوجا تانری، سن هر شئیه قادیرسن...
سن هئچ بیلیرسن کی، اینسانلارین الینده سنین آدینا یازیلان نه قدر کیتاب وار؟ خبرین وار کی، اینسانلار یوزلر دین آراسیندا بؤلونوبلر؟ دین اوغروندا محاریبهلر آپاریب، اؤز کیتابلارینین تانری کیتابی اولدوغونا اینانیرلار؟ هئچ بیلیرسن کی سنین آدیندان یازیلان کیتابلاردا قادین دئییلن قوتسال وارلیغین کیشینین قابیرغاسیندان یاراندیغی یازیلیب؟ بونا اینانان اینساناوغلو مین ایللردیر کی، قادینی اَزیر، آلچالدیر؟ حتا زامان اولوب کی، قادینلارا " شئیطان" دئییب، دیری- دیری باسدیریب، یاندیریبلار...اولسون کی ارلیکه ایلک اویان قادین اولوب، آمما بو سبب اولماز آخی قادینی شیطانین اؤزو حساب ائدهسن... آخی سنین یاراتدیغین ارلیک ده کیشی ایدی.
نئجه اولور کی، تانرینی دوغان آنا- قادین کیشی جینسیندن بو قدر فرقلندیریر؟! داشلانیر؟! اَزیلیر؟!،- دئمهمیشدیم سنه؟ بیلیرسن اینسانلار مین ایللردیر، خصوصی مراسیملر، بایراملار تشکیل ائدیب حئیوانلاری، اینسانلاری سنین اوچون قوربان کسیرلر؟
حتا سنین شرفینه خصوصی تؤرنلر کیچیرهرک آداملاری بئله قوربان کسنلر، قانینی سنه ایچیرنلر اولوب؟ خبرین وارمی کی، بو گون دونیادا " آغا" و " قول" آنلاییشی حوکوم سورور؟ گوجلولرین ضعیفلری پارچالادیغیندان خبرین وارمی؟ بیلیرسن می کی، آرتیق یئرده اینسان اوچون یاشام شرطلری آغیرلاشیب؟
طبیعت اوز گوجونو ایتیریب، دونیا محو اولماغا دوغرو گئدیر؟
شئیطان اؤز گوجو سایهسینده دونیایا تانریلیق ائتمک شبکهلری قوروب؟ خبرین وارمی کی، اینسانلار اؤزلرینی میللتلرله آییریبلار؟ هر بیری ده اؤزونو عالی میللت اعلان ائدیب؟ بیرینین دیگرلرینه آغالیق ائتدیینی نئجه؟ بیلیرسن می؟ آخی سن اینسانلاری دوققوز بوداقدان یاراتمیشدین... اونلارا میللت، جینس، دین فرقی قویمامیشدین... تؤرن پوزولوب اولگن! پوزولوب نه دیر، حتا تانری- مانری اؤلوب! بونلارین گوناهکاری سن دئییلسن می؟ نییه شئیطانا بو قدر گوج وئردین؟ نییه اؤزونه بیر رقیب یاراتدین؟ نییه اونو دفعهلرله باغیشلادین؟ نه ایدی آخی سنین اَل- قولونو باغلایان؟! من بونو هله ده آنلایا بیلمیرم. آخی او گوجو سنه وئردیییم زامان، :" اونا تکجه سن صاحیب اولمالیسان"، - دئمیشدیم. سن او قدر تکببورلو، او قدر اؤزوندن راضی، غرورلو ایدین کی، ائله ظنّ ائتدین، یاراتدیقلارین یالنیز سنه تاپیناجاق و هئچ کیم سنه گوج گله بیلمیهجک... امما شئیطان بو گون سنین رولونو چوخ مهارتله اویناییر. سن ایسه باشینی قالدیریب منه بئله زامان آییرا بیلمیرسن!
تانری اولگهنین ده اینسان کیمی تنقیده تابی یوخ ایدی. بو قدر پرابلئملر، بو قدر ایرادلار دئییلدییی زامان اوّلجه اؤزونو مدافعهیه قالخدی، اینسانلارین باشینا گلنلره یوخ، اونلارین نهلره دوچار اولدوغونا یوخ، محض اوز حیسیاتینین تاپداندیغی مقاما ایلیشیب قالدی.
عینی اینسان کیمی... چون کی اینسانا محض تانری نفس وئرمیش، اونا اؤز دویغولارینی یوکلهمیشدی... آخی اینسان تانری اولگهنین داریخماق حیسیندن یارانان اویونجاق، اَیلنجه واسیطهسی ایدی. اینسان تانرینین اؤزونو ایفاده ائتمک فورماسی ایدی! او اؤز بنزرینی یاراتمیشدی!
- مومکون دئییل بئله بیر وضعیت یارانسین! چون کی من هر شئیه نظارت ائدیرم! هئچ کیم منیم ارادهم اولمادان هئچ نه ائده بیلمز! هئچ کیمده بئله بیر جرئت و جسارت یوخدور!
من اؤز نفوذوما، باجاریغیما امینم! من یئری- گویو یارادانام، من تانرییام!- دییه هایقیردی.
بو هایقیریشدان یئر- گوی سیلکهلندی، ایلدیریملار چاخدی، سولار گؤیه یوکسلدی، فیرتینالار قوپدو...
بیر قدر سونرا اولگن ایکی اَلی ایله باشینی توتوب فیکره غرق اولدو! " اومای آنا" ایسه اونو بو آجی حقیقتلر ایچینده بوراخیب وارلیغیندان یوخلوغا چکیلدی.
کائینات سیلکهلندییی همین آنلاردا اولگن سوکوتا دالمیش، اومای آنانین دیققت هایقیرتیسیندان سونرا دوشونمهیه باشلامیش، اعتیراف ائده بیلمهسه ده، آنلامیش، بوتون بونلاری نئجه نیظاما سالاجاغی ایله باغلی اؤزونه قرار وئرمیشدی. اونا گؤره ده، بیر آنلیق دا اولسا، اینسانلاری ائشیتمک ایستهمیشدی و بو ایستکله ده بیردن- بیره میلیونلارلا اینسانین سسینی دویموشدو:
- ائی یارادان، هاراداسان؟!
- یارب کؤمک اول!
- آی اللاه، اؤزون امداده یئت!
- ائی اوجا تانری، سن هر شئیه قادیرسن...
بئلهجه قاچان دا، قووان دا اونو سسلهییردی. کیمیسی بیر تیکه چؤرهیه گؤره، کیمیسی جانینی قورتارماق اوچون، کیمیسی اوست- اوسته گلن فاجعهلر اوچون، کیمسی ده الیندن آلینمیش خوشبختلییی اوچون...اینسانلاردان بعضیلری ده قارشیلاشدیغی حاقسیزلیغا گؤره تانرینی قیناییب، اونو اتهام ائدیردیلر.
بو سسلر اولگهنی دهشته گتیردی." نئجه اولا بیلر کی، من ایندییه قدر بو سسلری ائشیتمهمیشم، ائشیتمک ایستمهمیشم؟! - دییه اوزوندن سوروشدو.
" بو نئجه دونیادیر، بو نئجه اینسانلیق دیر؟ آخی من بئله دوشونمهمیشدیم، هر یاراتدیغیما یاشام حاققی وئرمیشدیم..."- دییه فیکیرلشدی.
اولگن غفیلدن قرار وئردی. یئره ائنمک، اینسانلارا قاریشماق، اونلاری تانیماق، دئییلنلرین دوز اولوب- اولمادیغینی اؤز گوزلری ایله گؤرمک ایستهدی. آمما... او هانسی اوزله اینسانلارین قارشیسینا چیخاجاقدی؟ باخ بونون فرقینده دئییلدی.
***
اولگن تانری، یئره اینسان جیلدینده، اوتوز- اوتوز بئش یاشلی گنج قیافهسینده ائندی. اینسانلارین آراسیندا دولاشدی. مشاهده ائتدی، اونلاری آنلاماغا چالیشدی. " بونلار نییه اورا- بورا تلسیرلر؟! نه اوچون بو قدر اورا- بورا گلیب- گئدیرلر؟! ایستکلری نهدیر؟! سوالینا جاواب تاپا بیلمهدی.
اصلینده او یاراتدیقلارینین اؤزو کیمی اؤلومسوز اولمادیغینی آنلاسایدی، هر شئی آیدین اولاردی. آخی اینسان اوچون زامان آنلاییشی وار ایدی... زامان دیرلی ایدی...بیردن قولاغینا ایلاهی بیر سس گلدی. ائشیتدییی موسیقی اونو واله ائتدی. اؤزو بئله یاراتدیغینین گؤزللیینه تعجوبلندی...
موسیقی صدالاری سمادا ائله سوزوردو کی، سان کی بدنی ایله هماهنگ ایدی. اولگن اختیارسیز سسه دوغرو گئتدی. اینسانلار دا اونون کیمی سسه دوغرو گئدیر، بیر یئره توپلاشیردیلار. اولگن آچیق هاوادا، قارا پردهلرین قارشیسیندا، بیاض ایشیقلارین آلتیندا، دومانلار ایچینده رقص ائدن بیر قیز گوردو. رقص او قدر ملاحتلی و حزین ایدی کی، آدام آیاغینین آلتینا باخماغی اونودوردو. هئچ کیم گؤزونو بو آغ گئییملی، اوجا بویلو، قیزیل ساچلی، بادام یئسه بویلو گؤرونهجک قیزدان چکه بیلمیردی. هرکس سان کی یئریندهجه دونموشدو. هامی رقصی ایزلهییردی.
اوّلجه اینسانلارین سسه ییغیشدیغینی دوشونن اولگن، آرتیق اونلارین رقصین و قیزین گوزللیینه تاماشا ائتدیکلرینی آنلادی. او، قیزل تاماشا ائده- ائده غیر- اختیاری صحنهیه یاخینلاشدی و دوز قارشیسندا دایاناراق بو گوزللییی سئیر ائتمهیه باشلادی. اولگن اوز یاراتدیغینا حئیران اولموشدو.
" بو نه سس، بو نه رقص، بو نه گوزللیک! بوتون بونلاری من یاراتمیشام می؟! بوتون بونلار منیم اثریم دیر می؟! اگر بئلهدیرسه نهدن اؤزوم بوتون بونلاردان محرومام؟!- دییه دوشوندو.
رقاصهنین اللری هاوادا قیوریلارکن ساچلاری سان کی اولگهنین اوزونو اوخشاییردی! بوندان واله اولان اولگن بیر آنلیق هر شئیی اونوتدو و قیزی گؤتورهرک اوز مقامینا چکیلمک ایستهدی. او، گؤزلرینی قیرپمادان قیزا باخدی. بیر آنلیق اونلارین باخیشلاری توققوشدو. آغ گئییملی گؤزل یئریندهجه دونوب قالدی.. سونرا ایکیسی ده گولومسهدی.
اولگن اؤز باخیشلاری و گوجو ایله قیزی اؤزونه عاشیق ائتدی. سئوگی دویغوسونو یارادان تانری بئله، بو دویغونون نئجه یاشاندیغینین فرقینده دئییلدی.
بئلهجه، رقص بیتدی. آلقیشلار گؤیه اوجالدی. سونرا ایشیقلار سؤندو. قیز صحنهنین آرخاسینا کئچدی. هر کس داغیلیشدی، آمما صحنهنین اؤنونده یئریندهجه دونوب قالان اولگن بو گؤزل دویغودان قوپا بیلمهدی
او، ساکیتجه باخیب، سان کی یئنه ده قیزی سئیر ائدیردی.
بیر موددت سونرا قیز اونا دوغرو گلیب سالام وئردی. گؤزلرینده قیزین ایزینی قورویان تانری اولگن دوشوندو کی، گؤرهسن بئله بیر گؤزللییی نئجه یارادیب و بوندان نییه خبرسیز دیر؟ او اؤزونو مذمت ائتدی. سونرا اونلار قیزین تکلیفی ایله بیرلیکده گزیشمهیه باشلادیلار.
- دییهسن بورالارا یادسینیز. بیرینجی دفعهدیر بورا گلیرسینیز؟- قیز سوروشدو.
- هه، چوخ تاسوف کی بیرینجی دفعهدیر.
- هارالاردان گلیب، هارالارا گئدیرسینیز؟
قیز یئنه ده نازلی- نازلی سوکوتو پوزدو.
- سنین اولمادیغین یئرلردن گلیرم.
قیز بونون بیر التفات اولدوغونو دوشونهرک گولومسهدی.
اونلار بیر قدر ده سسیز- سمیرسیز دولاشدیلار.
بیردن اولگن اوز اطرافیندا غریب بیر انرژی حیس ائتدی. ایستیلیک گلدییینی دویدو. قیزین الینه یاخین اولان اَلی سان کی اود توتوب یانیردی. یاناغی ایستیدن پؤرتدو. " لعنت شئیطانا"- دئییب فیکرینی جمعلهمیه چالیشدی.سونرا ایکیسی ده گولدو. گولمه سببینی سادهجه اونلارین هر بیری اؤزو بیلیردی.
بو سسلر اولگهنی دهشته گتیردی." نئجه اولا بیلر کی، من ایندییه قدر بو سسلری ائشیتمهمیشم، ائشیتمک ایستمهمیشم؟! - دییه اوزوندن سوروشدو.
" بو نئجه دونیادیر، بو نئجه اینسانلیق دیر؟ آخی من بئله دوشونمهمیشدیم، هر یاراتدیغیما یاشام حاققی وئرمیشدیم..."- دییه فیکیرلشدی.
اولگن غفیلدن قرار وئردی. یئره ائنمک، اینسانلارا قاریشماق، اونلاری تانیماق، دئییلنلرین دوز اولوب- اولمادیغینی اؤز گوزلری ایله گؤرمک ایستهدی. آمما... او هانسی اوزله اینسانلارین قارشیسینا چیخاجاقدی؟ باخ بونون فرقینده دئییلدی.
***
اولگن تانری، یئره اینسان جیلدینده، اوتوز- اوتوز بئش یاشلی گنج قیافهسینده ائندی. اینسانلارین آراسیندا دولاشدی. مشاهده ائتدی، اونلاری آنلاماغا چالیشدی. " بونلار نییه اورا- بورا تلسیرلر؟! نه اوچون بو قدر اورا- بورا گلیب- گئدیرلر؟! ایستکلری نهدیر؟! سوالینا جاواب تاپا بیلمهدی.
اصلینده او یاراتدیقلارینین اؤزو کیمی اؤلومسوز اولمادیغینی آنلاسایدی، هر شئی آیدین اولاردی. آخی اینسان اوچون زامان آنلاییشی وار ایدی... زامان دیرلی ایدی...بیردن قولاغینا ایلاهی بیر سس گلدی. ائشیتدییی موسیقی اونو واله ائتدی. اؤزو بئله یاراتدیغینین گؤزللیینه تعجوبلندی...
موسیقی صدالاری سمادا ائله سوزوردو کی، سان کی بدنی ایله هماهنگ ایدی. اولگن اختیارسیز سسه دوغرو گئتدی. اینسانلار دا اونون کیمی سسه دوغرو گئدیر، بیر یئره توپلاشیردیلار. اولگن آچیق هاوادا، قارا پردهلرین قارشیسیندا، بیاض ایشیقلارین آلتیندا، دومانلار ایچینده رقص ائدن بیر قیز گوردو. رقص او قدر ملاحتلی و حزین ایدی کی، آدام آیاغینین آلتینا باخماغی اونودوردو. هئچ کیم گؤزونو بو آغ گئییملی، اوجا بویلو، قیزیل ساچلی، بادام یئسه بویلو گؤرونهجک قیزدان چکه بیلمیردی. هرکس سان کی یئریندهجه دونموشدو. هامی رقصی ایزلهییردی.
اوّلجه اینسانلارین سسه ییغیشدیغینی دوشونن اولگن، آرتیق اونلارین رقصین و قیزین گوزللیینه تاماشا ائتدیکلرینی آنلادی. او، قیزل تاماشا ائده- ائده غیر- اختیاری صحنهیه یاخینلاشدی و دوز قارشیسندا دایاناراق بو گوزللییی سئیر ائتمهیه باشلادی. اولگن اوز یاراتدیغینا حئیران اولموشدو.
" بو نه سس، بو نه رقص، بو نه گوزللیک! بوتون بونلاری من یاراتمیشام می؟! بوتون بونلار منیم اثریم دیر می؟! اگر بئلهدیرسه نهدن اؤزوم بوتون بونلاردان محرومام؟!- دییه دوشوندو.
رقاصهنین اللری هاوادا قیوریلارکن ساچلاری سان کی اولگهنین اوزونو اوخشاییردی! بوندان واله اولان اولگن بیر آنلیق هر شئیی اونوتدو و قیزی گؤتورهرک اوز مقامینا چکیلمک ایستهدی. او، گؤزلرینی قیرپمادان قیزا باخدی. بیر آنلیق اونلارین باخیشلاری توققوشدو. آغ گئییملی گؤزل یئریندهجه دونوب قالدی.. سونرا ایکیسی ده گولومسهدی.
اولگن اؤز باخیشلاری و گوجو ایله قیزی اؤزونه عاشیق ائتدی. سئوگی دویغوسونو یارادان تانری بئله، بو دویغونون نئجه یاشاندیغینین فرقینده دئییلدی.
بئلهجه، رقص بیتدی. آلقیشلار گؤیه اوجالدی. سونرا ایشیقلار سؤندو. قیز صحنهنین آرخاسینا کئچدی. هر کس داغیلیشدی، آمما صحنهنین اؤنونده یئریندهجه دونوب قالان اولگن بو گؤزل دویغودان قوپا بیلمهدی
او، ساکیتجه باخیب، سان کی یئنه ده قیزی سئیر ائدیردی.
بیر موددت سونرا قیز اونا دوغرو گلیب سالام وئردی. گؤزلرینده قیزین ایزینی قورویان تانری اولگن دوشوندو کی، گؤرهسن بئله بیر گؤزللییی نئجه یارادیب و بوندان نییه خبرسیز دیر؟ او اؤزونو مذمت ائتدی. سونرا اونلار قیزین تکلیفی ایله بیرلیکده گزیشمهیه باشلادیلار.
- دییهسن بورالارا یادسینیز. بیرینجی دفعهدیر بورا گلیرسینیز؟- قیز سوروشدو.
- هه، چوخ تاسوف کی بیرینجی دفعهدیر.
- هارالاردان گلیب، هارالارا گئدیرسینیز؟
قیز یئنه ده نازلی- نازلی سوکوتو پوزدو.
- سنین اولمادیغین یئرلردن گلیرم.
قیز بونون بیر التفات اولدوغونو دوشونهرک گولومسهدی.
اونلار بیر قدر ده سسیز- سمیرسیز دولاشدیلار.
بیردن اولگن اوز اطرافیندا غریب بیر انرژی حیس ائتدی. ایستیلیک گلدییینی دویدو. قیزین الینه یاخین اولان اَلی سان کی اود توتوب یانیردی. یاناغی ایستیدن پؤرتدو. " لعنت شئیطانا"- دئییب فیکرینی جمعلهمیه چالیشدی.سونرا ایکیسی ده گولدو. گولمه سببینی سادهجه اونلارین هر بیری اؤزو بیلیردی.
آرتیق آی اؤز شعاعلارینی دنیزین اوستونه سالمیشدی. سودا اولان ایشیقلار گوز قاماشدیریردی. خفیف یئل اَسیردی. اونلار ساکیتجه داشلارین اوستونده اوتوروب سمایا باخیردیلار. تانری، کائیناتین بؤیوکلویونه، اولدوزلارین پاریلتیسینا تاماشا ائده- ائده تعجوبلنمیردی. آمما قیزین آلما کیمی گؤزلری اونو دَلی ائتمیشدی. باخماقدان دویمور، اؤزوندن اختیارسیز گولومسهییردی.
قیز دا اؤزونده دئییلدی. نئجه اولدوغونو، نییه اولدوغونو بیلمهدن اولگهنین قارشیسندا تسلیم اولموش، اؤزونو اونون اختیارینا وئرمیشدی.
قیز اونون الیندن توتوب باشینی گنج، یاراشیقلی، مودریک گؤرونوشلو اولگهنین چیینینه قویدو. سان کی مین ایللرین حسرتینی چیخاریردی. سونرا غفیلدن یئریندن دوروب تانرینین الیندن یاپیشدی:
- رقصی سئویرسن می؟- سوروشدو.
سوزسوز کی، اولگهنین جاوابی" بلی" اولدو.
- گَل گئدک"- دییهرک اولگهنی گئجهدن چوخ کئچمهسینه باخمایاراق، هله ده دنیز کناریندا اَیلهنن، رقصدن اؤزونو ایتیرن گنجلرین اولدوغو یئره آپاردی. اونلار توپا- توپا، اللرینده شراب ایشیقلارین آلتیندا اویناییب، اؤپوشوب، شنلهنیردیلر.
قیز هرهسینه بیر باده شراب گؤتوردو. ایچمهیه باشلادیلار. قیز آرادا اولگهنین قولاغینا نهسه دئییب، رقصه دعوت ائدیردی.
اولگن ایسه مست اولموش شکیلده اطرافی سئیر ائدیردی. بیر نئچه باده ایچندن سونرا، شرابین سئحری ایله او دا، گنجلره قوشولدو و قیزیل ساچلی قیزلا رقص ائتمهیه باشلادی. او بو سربستلیینین محض سئحیرلی ایچکیدن اولدوغونون فرقینده ایدی.
" آخی من بو جور مست ائدیجی مایع یاراتمامیشدیم! دئمهلی، اینسان اونا وئریلن آغیلدان بوجور یارارلانیب"- دییه آغلیندان کئچیردی.
و اؤز- اؤزونه یاراتدیغینین بو جور ذکالی اولدوغو ایله غرورلاندی.
دوشونجهسی یئرینده اولسا دا، جیسمی اونون سؤزونه باخمیردی. آغلی و دویغولاری بیربیرینه یاد ایدی. اولگن بونو باشا دوشه بیلمیردی:
" بو نه جور حالدیر کی، باشقا جور دوشونوب، باشقا جوز داورانیرسان؟! " او درک ائده بیلمیردی کی، دوغرودانمی، بونو دا اؤزو یاراتمیشدی؟!
آخی بونلاری نئجه ائتمیشدی؟
بونلارلا نه واخت مشغول اولموشدو؟ هانسی علمی تجربهنین نتیجهسی ایدی بو سئحیرلی سو؟!
غفیلدن حرکتلی موسیقی دایاندی، حزین و ساکیت بیر سس یوکسلدی. بو زامان او،اللرینی نازیک و یومشاق پارچانین اوزریندن قیزین بئلینه ساردی و اونلار بیرلیکده رقص ائتمهیه باشلادیلار.
گؤزلری خومارلانان قیز، تانرینین گؤزونون ایچینه باخا- باخا اونو ائله ظریف اؤپدو کی، اولگن دوداقلاری ایله بئینی آراسیندا کی اینجه تئللرین نئجه تیترهدییینی حیس ائتدی. اؤپوش کیمی گوزل دویغویا یاد اولان اولگن بونو یئنه تکرارلادی، بیر داها تکرارلادی...
سونرا شراب ایچدی و دفعهلرله تکرارلادی...
اولگن قیزین اونو دنیز کنارینا، کیمسهسیز بیر یئره سسلهدییینی حیس ائدیردی. یئر اوزونه نه اوچون گلدییینی، هانسی مقصدلره آیاق باسدیغینی اونوتماسا دا، چارهسیز اونون ایستهدیکلرینی ائدیب، اونونلا بیرلیکده، عینی آندا نفس آلیردی.
چون کی دوداقلاری او قدر مکمل بوتوولشمیشدی کی، اولگن قیزی اؤز جیسمینده حیس ائدیردی. وحدتی- وجود ایدیلار.
سونرا قومسالدا ائله سئویشدیلر، ائله سئویشدیلر کی... اولگن اوز تانریلیغینی اونوتدو. بلی، او سئوگینی محض بئله یاراتمیشدی:
روح و جیسمین وحدتی. ایکی اینسانین بیر جاندا بوتوولشمهسی...
سونرا دوروب گنجلرین یاندیردیغی اوجاغین باشینا گلدیلر. او، گونشین دوغونوشونو قیزین دیزلرینه باش قویاراق ایزلهدی. نئجه یوخویا گئتمیشدیسه، هئچ خبری بئله اولمامیشدی.
گؤزلرینی آچاندا آغ و اینجه اللر ساچلاریندا دولاشیردی... آرتیق اونون آغلی و دویغولاری بیرلشمیشدی، بیرگه چالیشیردی. تانری سان کی یئنیدن دوغولموشدو.
هر حالدا، اؤزونو بئله حیس ائدیردی. میلیون ایللرین قایغیسی، چالیشقانلیغی اونو ائله محو ائتمیشدی کی، بوتون بو ذوقلاردان محروم اولموشدو! بو بؤیوکلیکده کائیناتی یارادان، اونا صاحیب اولان تانری اولگن، سان کی بیرینجی دفعه ایدی کی، یاراتدیقلارینین فرقینه واریردی. دینجلییین نه اولدوغونو، سئوگینین نه اولدوغونو، حیس ائدیردی...
تانری اولگن آیاغا قالخیب گونشین دوغوشونو ایلک دفعه گؤرهن آداملار کیمی چاشقین- چاشقین اطرافا بویلانیردی. سونرا یاواش- یاواش شهره دوغرو ایرهلیلمهیه باشلادی.
بیردن یادینا دوشدو کی، ارلیکی تاپمالی، اینسانلارین وضعیتی حاققیندا اوندان معلومات آلمالی دیر.
ائله بو دوشونجهلرله آددیملاییردی کی، یول کناریندا قوجاغیندا بالاجا بیر اوشاقلا دایانمیش دیلنچی قادینا راست گلدی. قادین خسته کؤرپهسینی گؤسترهرک گلیب- کئچندن یاردیم دیلهنیردی.
قیز دا اؤزونده دئییلدی. نئجه اولدوغونو، نییه اولدوغونو بیلمهدن اولگهنین قارشیسندا تسلیم اولموش، اؤزونو اونون اختیارینا وئرمیشدی.
قیز اونون الیندن توتوب باشینی گنج، یاراشیقلی، مودریک گؤرونوشلو اولگهنین چیینینه قویدو. سان کی مین ایللرین حسرتینی چیخاریردی. سونرا غفیلدن یئریندن دوروب تانرینین الیندن یاپیشدی:
- رقصی سئویرسن می؟- سوروشدو.
سوزسوز کی، اولگهنین جاوابی" بلی" اولدو.
- گَل گئدک"- دییهرک اولگهنی گئجهدن چوخ کئچمهسینه باخمایاراق، هله ده دنیز کناریندا اَیلهنن، رقصدن اؤزونو ایتیرن گنجلرین اولدوغو یئره آپاردی. اونلار توپا- توپا، اللرینده شراب ایشیقلارین آلتیندا اویناییب، اؤپوشوب، شنلهنیردیلر.
قیز هرهسینه بیر باده شراب گؤتوردو. ایچمهیه باشلادیلار. قیز آرادا اولگهنین قولاغینا نهسه دئییب، رقصه دعوت ائدیردی.
اولگن ایسه مست اولموش شکیلده اطرافی سئیر ائدیردی. بیر نئچه باده ایچندن سونرا، شرابین سئحری ایله او دا، گنجلره قوشولدو و قیزیل ساچلی قیزلا رقص ائتمهیه باشلادی. او بو سربستلیینین محض سئحیرلی ایچکیدن اولدوغونون فرقینده ایدی.
" آخی من بو جور مست ائدیجی مایع یاراتمامیشدیم! دئمهلی، اینسان اونا وئریلن آغیلدان بوجور یارارلانیب"- دییه آغلیندان کئچیردی.
و اؤز- اؤزونه یاراتدیغینین بو جور ذکالی اولدوغو ایله غرورلاندی.
دوشونجهسی یئرینده اولسا دا، جیسمی اونون سؤزونه باخمیردی. آغلی و دویغولاری بیربیرینه یاد ایدی. اولگن بونو باشا دوشه بیلمیردی:
" بو نه جور حالدیر کی، باشقا جور دوشونوب، باشقا جوز داورانیرسان؟! " او درک ائده بیلمیردی کی، دوغرودانمی، بونو دا اؤزو یاراتمیشدی؟!
آخی بونلاری نئجه ائتمیشدی؟
بونلارلا نه واخت مشغول اولموشدو؟ هانسی علمی تجربهنین نتیجهسی ایدی بو سئحیرلی سو؟!
غفیلدن حرکتلی موسیقی دایاندی، حزین و ساکیت بیر سس یوکسلدی. بو زامان او،اللرینی نازیک و یومشاق پارچانین اوزریندن قیزین بئلینه ساردی و اونلار بیرلیکده رقص ائتمهیه باشلادیلار.
گؤزلری خومارلانان قیز، تانرینین گؤزونون ایچینه باخا- باخا اونو ائله ظریف اؤپدو کی، اولگن دوداقلاری ایله بئینی آراسیندا کی اینجه تئللرین نئجه تیترهدییینی حیس ائتدی. اؤپوش کیمی گوزل دویغویا یاد اولان اولگن بونو یئنه تکرارلادی، بیر داها تکرارلادی...
سونرا شراب ایچدی و دفعهلرله تکرارلادی...
اولگن قیزین اونو دنیز کنارینا، کیمسهسیز بیر یئره سسلهدییینی حیس ائدیردی. یئر اوزونه نه اوچون گلدییینی، هانسی مقصدلره آیاق باسدیغینی اونوتماسا دا، چارهسیز اونون ایستهدیکلرینی ائدیب، اونونلا بیرلیکده، عینی آندا نفس آلیردی.
چون کی دوداقلاری او قدر مکمل بوتوولشمیشدی کی، اولگن قیزی اؤز جیسمینده حیس ائدیردی. وحدتی- وجود ایدیلار.
سونرا قومسالدا ائله سئویشدیلر، ائله سئویشدیلر کی... اولگن اوز تانریلیغینی اونوتدو. بلی، او سئوگینی محض بئله یاراتمیشدی:
روح و جیسمین وحدتی. ایکی اینسانین بیر جاندا بوتوولشمهسی...
سونرا دوروب گنجلرین یاندیردیغی اوجاغین باشینا گلدیلر. او، گونشین دوغونوشونو قیزین دیزلرینه باش قویاراق ایزلهدی. نئجه یوخویا گئتمیشدیسه، هئچ خبری بئله اولمامیشدی.
گؤزلرینی آچاندا آغ و اینجه اللر ساچلاریندا دولاشیردی... آرتیق اونون آغلی و دویغولاری بیرلشمیشدی، بیرگه چالیشیردی. تانری سان کی یئنیدن دوغولموشدو.
هر حالدا، اؤزونو بئله حیس ائدیردی. میلیون ایللرین قایغیسی، چالیشقانلیغی اونو ائله محو ائتمیشدی کی، بوتون بو ذوقلاردان محروم اولموشدو! بو بؤیوکلیکده کائیناتی یارادان، اونا صاحیب اولان تانری اولگن، سان کی بیرینجی دفعه ایدی کی، یاراتدیقلارینین فرقینه واریردی. دینجلییین نه اولدوغونو، سئوگینین نه اولدوغونو، حیس ائدیردی...
تانری اولگن آیاغا قالخیب گونشین دوغوشونو ایلک دفعه گؤرهن آداملار کیمی چاشقین- چاشقین اطرافا بویلانیردی. سونرا یاواش- یاواش شهره دوغرو ایرهلیلمهیه باشلادی.
بیردن یادینا دوشدو کی، ارلیکی تاپمالی، اینسانلارین وضعیتی حاققیندا اوندان معلومات آلمالی دیر.
ائله بو دوشونجهلرله آددیملاییردی کی، یول کناریندا قوجاغیندا بالاجا بیر اوشاقلا دایانمیش دیلنچی قادینا راست گلدی. قادین خسته کؤرپهسینی گؤسترهرک گلیب- کئچندن یاردیم دیلهنیردی.