تنقیدلرین حاقیندا یاداشت
سایین کانالداشلار
نقدلرین حاقیندا ادبیات سئونلر گروهوندان اوچ یاداشت الیمیزه چاتیب.
سایین قوروپداشلاریمیز بو یاداشتلاردا تنقیدلره گؤره دیرلی نظرلرین یازییبلار. بویاداشتلاردا عمومن تنقیدین حاشیهنویسی اولوب، رسمی تایپ اولونماسینا اعتراض ائدییبلر.
آرتیرمالیق ادبیات سئونلر ترجومهلری اوچ نقادا گوندرمیشدی. نقادلارین بیری ترجومهلرین تنقیدین قبول ائتمهدی. ایکینجی نقاد بیر آیدان سونرا نقدلره حاشیه یازییب ادبیات سئونلره گوندردی کی ادبیات سئونلر صلاح گؤرسه نشر واستفاده ائلهسین. ادبیات سئونلر وعدهسینین یوباندیغینا گؤره عینن حاشیهنویسیلری نقادا تایپ اوچون گؤندرمهدن نشر ائلهدی. ادبیات سئونلرین بو ایشینه هم نقادین اعتراضی وارایدی هم بعضی ترجومه صاحابلارینین. ادبیات سئونلر بو دیقت سیزلیگه گؤره اؤنجه اوخوجولاریمیزدان سونرا نقاددان و مترجملردن عوذر دیلهییر. اوچونجو نقادین تنقیدلری هله ده الیمیزه چاتماییب.
ادبیات سئونلر.
https://t.me/Adabiyyatsevanlar
سایین کانالداشلار
نقدلرین حاقیندا ادبیات سئونلر گروهوندان اوچ یاداشت الیمیزه چاتیب.
سایین قوروپداشلاریمیز بو یاداشتلاردا تنقیدلره گؤره دیرلی نظرلرین یازییبلار. بویاداشتلاردا عمومن تنقیدین حاشیهنویسی اولوب، رسمی تایپ اولونماسینا اعتراض ائدییبلر.
آرتیرمالیق ادبیات سئونلر ترجومهلری اوچ نقادا گوندرمیشدی. نقادلارین بیری ترجومهلرین تنقیدین قبول ائتمهدی. ایکینجی نقاد بیر آیدان سونرا نقدلره حاشیه یازییب ادبیات سئونلره گوندردی کی ادبیات سئونلر صلاح گؤرسه نشر واستفاده ائلهسین. ادبیات سئونلر وعدهسینین یوباندیغینا گؤره عینن حاشیهنویسیلری نقادا تایپ اوچون گؤندرمهدن نشر ائلهدی. ادبیات سئونلرین بو ایشینه هم نقادین اعتراضی وارایدی هم بعضی ترجومه صاحابلارینین. ادبیات سئونلر بو دیقت سیزلیگه گؤره اؤنجه اوخوجولاریمیزدان سونرا نقاددان و مترجملردن عوذر دیلهییر. اوچونجو نقادین تنقیدلری هله ده الیمیزه چاتماییب.
ادبیات سئونلر.
https://t.me/Adabiyyatsevanlar
Telegram
ادبیات سئونلر
بوکانال ادبیات سئونلر قوروپونون سئچیلمیش اثرلری دیر
کانالدا کی یازیلاری کانالین لینکینی وئرمک شرطی ایله پایلاشماق اولار.
کانالدا کی یازیلاری کانالین لینکینی وئرمک شرطی ایله پایلاشماق اولار.
شاهكاری از كوِين لی نقاش نامدار که در آن پسر پچه فقيرى روى پله نشسته است . او با اين كارش خواست به رهگذران بفهماند كه آنها روزانه روى فقرا پا میگذارند و آنها را له می كنند ! او اين شاهكار را *فقر نامرئی* نام داده است.
https://t.me/Adabiyyatsevanlar
https://t.me/Adabiyyatsevanlar
اؤز آرامیزدا
«کریم قربانزاده»
عزیز دوسلار، سئویملی قلمداشلار
سادهجه سؤزلرین سونونا آب، فاب، قاب... قویماق شعیر یازماق دئییل. ائلهجه ده آغیزا گلن هاتاران-پاتارانا سربست دئمک اولماز. یاخشی شاعیر اولماغا ایلک اؤنجه کلاسیکلریمیزی دریندن، حوصلهایله اوخوماق لازیمدیر، سونرا معاصرلریمیزی. دونیا ادبیاتیندان دا غفیل اولماماق گرک دیر. آنا دیلینی یاخشی اؤیرنمک، یاخشی بیلمک، یازماغا قلم کیمی واجیب دیر. شاعیرین یاخشی ذوقی اولمالی دیر. سؤزلری بئجرمهیی باجارماق لازیمدیر. شعیر نثر دئییل آدی اوستونده دیر، بویاسیز، موسیقی سیز، تصویرسیز، دیلین وارلیغیندان، اویونلاریندان، فولکوروندان دویونجا سو ایچمهین، مرکب معنا-مفهوملاردان دولمایان ایهامسیز، ابهامسیز... صنعتکارجاسینا یونولمامیش سؤزلرین آدی شعیر دئییل. نشره تلسمهمک لازیمدیر. یازدیغینی کیمسه الیندن آلمایاجاق. هئچ اولماسا هر یازینی اؤزون یوز دفه اوخو، ایصلاح ائله. وئر بیر-ایکی نفر صادیق آدام، نظر صاحابی گورسون. دوسلارین، مونتقیدلرین نظرلرینه احترام قوی. یازیلارینی دایم ایصلاح ائله، کلمه لرین کیفیتینه دقت یئتیر. ادبی درنکلریله، درگیلر ایله سیخ ارتباط دا اول. بوللو اوخو. شعیرین موختلیف فورمالارین، ژانرلارین تانی، ذهنینین ملکهسی ائله. سونرا دون اؤزونه عایید، دوشونجهنه عایید، دونیا گؤروشونه عایید اؤز شعیرینی، اؤز سؤزونو یاز. اونا-بونا شعیر یازدیرماغین بیرگون پوخو چیخار. اوستاد شهریار دئمیشکن شاعر اولا بيلمزسن ، آنان دوغماسا شاعر . نییه لازیمدیر؟ نه واجیب دیر اؤزونو دگنک گوجو ایله شاعیر ائدهسن؟ ویا اونون-بونون سؤزلریندن بیر نئچه سؤزو بیر-بیرینه دویونلهیهسن؟
بیرده اوگود، نصیحت اونا-بونا دستور وئرمک زمانی یوز ایل بوندان اؤنجهده قالیب. اؤز ائویمیزده اؤز اوشاقلاریمیزلا ارتباط ساخلایا بیلمیریک، اؤزگهلرینی نصیحت ائدیریک؟... شعیر زامانین، بو گونون سؤزو دور. شاعیر بیر آددیم ائلدن قاباق اولمالی دیر. جماعاتدان دالی قالان آدامین شعیری کیمین دردینه دیر؟ اینان زامانا اویغون یازماساق شعیریمیز اؤزوموزدن قاباق اؤلهجک، بیر تن دیوانیمیز اولسادا. عاشقانهلری چوخ گؤزل یازمالییق. داها شمع، پروانه قارا قاش، پیالا گؤز زامانی چوخداندی بیتیب. یئرسیزاوزون، اوزاداجی سؤزلری داها اوخویان یوخدو. دونیا یامان مینیماللاشییب. شعیر ده اوجور اولمالیدی. قیسا دی. گوزل، کئیفیتلی دی. اجتماعی شعیرلر ائل دردینی، وطن دردینی، خالقییمیزین دردلرینی اوستاکارجاسینا تصویره چکملی دیر. شعار وئرمهدن، آنجاق شعار شعیر دئییل. مضمونون بدیعیلیی، بکر اولماسی فیکرین مودئرنلیی هفتهلرجه اوخوجونو یادیندان چیخمایان یاداشتیندا ابدی یئر توتان، مدنیتینه اثر قویان شعیری یازماق شاعیرلیک دیر. ایپی-ساپی چوروموش کلمهلردن، تکراری سؤزلردن، قادینلاری لاغا قویماق، اونلارا خور باخماق، اونلاری حیاتدا اسگیک توتماق، فئودالی فیکیره سیغینماق، سنتلرده ایتیب باتماق، باجاناقلاری مسقره ائتمک، کچللره سؤز قوشماق، عومرو کاغاز قلمی... تلف ائتمکدیر؛ قیرخ کیتابیمیز اون خالوار دیوانیمیز اولسادا.
https://t.me/Adabiyyatsevanlar
«کریم قربانزاده»
عزیز دوسلار، سئویملی قلمداشلار
سادهجه سؤزلرین سونونا آب، فاب، قاب... قویماق شعیر یازماق دئییل. ائلهجه ده آغیزا گلن هاتاران-پاتارانا سربست دئمک اولماز. یاخشی شاعیر اولماغا ایلک اؤنجه کلاسیکلریمیزی دریندن، حوصلهایله اوخوماق لازیمدیر، سونرا معاصرلریمیزی. دونیا ادبیاتیندان دا غفیل اولماماق گرک دیر. آنا دیلینی یاخشی اؤیرنمک، یاخشی بیلمک، یازماغا قلم کیمی واجیب دیر. شاعیرین یاخشی ذوقی اولمالی دیر. سؤزلری بئجرمهیی باجارماق لازیمدیر. شعیر نثر دئییل آدی اوستونده دیر، بویاسیز، موسیقی سیز، تصویرسیز، دیلین وارلیغیندان، اویونلاریندان، فولکوروندان دویونجا سو ایچمهین، مرکب معنا-مفهوملاردان دولمایان ایهامسیز، ابهامسیز... صنعتکارجاسینا یونولمامیش سؤزلرین آدی شعیر دئییل. نشره تلسمهمک لازیمدیر. یازدیغینی کیمسه الیندن آلمایاجاق. هئچ اولماسا هر یازینی اؤزون یوز دفه اوخو، ایصلاح ائله. وئر بیر-ایکی نفر صادیق آدام، نظر صاحابی گورسون. دوسلارین، مونتقیدلرین نظرلرینه احترام قوی. یازیلارینی دایم ایصلاح ائله، کلمه لرین کیفیتینه دقت یئتیر. ادبی درنکلریله، درگیلر ایله سیخ ارتباط دا اول. بوللو اوخو. شعیرین موختلیف فورمالارین، ژانرلارین تانی، ذهنینین ملکهسی ائله. سونرا دون اؤزونه عایید، دوشونجهنه عایید، دونیا گؤروشونه عایید اؤز شعیرینی، اؤز سؤزونو یاز. اونا-بونا شعیر یازدیرماغین بیرگون پوخو چیخار. اوستاد شهریار دئمیشکن شاعر اولا بيلمزسن ، آنان دوغماسا شاعر . نییه لازیمدیر؟ نه واجیب دیر اؤزونو دگنک گوجو ایله شاعیر ائدهسن؟ ویا اونون-بونون سؤزلریندن بیر نئچه سؤزو بیر-بیرینه دویونلهیهسن؟
بیرده اوگود، نصیحت اونا-بونا دستور وئرمک زمانی یوز ایل بوندان اؤنجهده قالیب. اؤز ائویمیزده اؤز اوشاقلاریمیزلا ارتباط ساخلایا بیلمیریک، اؤزگهلرینی نصیحت ائدیریک؟... شعیر زامانین، بو گونون سؤزو دور. شاعیر بیر آددیم ائلدن قاباق اولمالی دیر. جماعاتدان دالی قالان آدامین شعیری کیمین دردینه دیر؟ اینان زامانا اویغون یازماساق شعیریمیز اؤزوموزدن قاباق اؤلهجک، بیر تن دیوانیمیز اولسادا. عاشقانهلری چوخ گؤزل یازمالییق. داها شمع، پروانه قارا قاش، پیالا گؤز زامانی چوخداندی بیتیب. یئرسیزاوزون، اوزاداجی سؤزلری داها اوخویان یوخدو. دونیا یامان مینیماللاشییب. شعیر ده اوجور اولمالیدی. قیسا دی. گوزل، کئیفیتلی دی. اجتماعی شعیرلر ائل دردینی، وطن دردینی، خالقییمیزین دردلرینی اوستاکارجاسینا تصویره چکملی دیر. شعار وئرمهدن، آنجاق شعار شعیر دئییل. مضمونون بدیعیلیی، بکر اولماسی فیکرین مودئرنلیی هفتهلرجه اوخوجونو یادیندان چیخمایان یاداشتیندا ابدی یئر توتان، مدنیتینه اثر قویان شعیری یازماق شاعیرلیک دیر. ایپی-ساپی چوروموش کلمهلردن، تکراری سؤزلردن، قادینلاری لاغا قویماق، اونلارا خور باخماق، اونلاری حیاتدا اسگیک توتماق، فئودالی فیکیره سیغینماق، سنتلرده ایتیب باتماق، باجاناقلاری مسقره ائتمک، کچللره سؤز قوشماق، عومرو کاغاز قلمی... تلف ائتمکدیر؛ قیرخ کیتابیمیز اون خالوار دیوانیمیز اولسادا.
https://t.me/Adabiyyatsevanlar
Telegram
ادبیات سئونلر
بوکانال ادبیات سئونلر قوروپونون سئچیلمیش اثرلری دیر
کانالدا کی یازیلاری کانالین لینکینی وئرمک شرطی ایله پایلاشماق اولار.
کانالدا کی یازیلاری کانالین لینکینی وئرمک شرطی ایله پایلاشماق اولار.
«ایلقار موذنزاده»
قارآدامی
یوخودا بیر قارآدامی گؤروردوم. منیم نه قارلا موشکولوم وارایدی نه ده قارآدامی ایله. سؤز بوردا ایدی، ائوه گیرمیشدی، چیخماق فیکری ده یوخ ایدی.
اوتوز ایل سوبای قالمامیشدیم کی سوندا بو بوزا اوخشار قارلا ائولهنم. پیس پیس گوبود و سویوق هئیکلی ایله قوجاقلاماق دا ایستهییردی. بیر تهر قوپمالی ایدیم. باش آچمیردیم، قادین بیر قارآدامیندان چوخ، ائرکک بیر جینه بنزهییردی. سانکی داملارداکیلاری دا بو یؤنلدیر کیمی داورانیردی. بیر آن داما ساری قاچیب قار آداملارینا باش چکدیم. حرکتسیز و دوزنلی بیر سیره ده دایانمیشدیلار.
یئنه پنجره قیراغینا گئتدیم. ساعات گئجه بیری سوووشماقدایدی. ائوده هالین بوجاغینداکی بالکونون قیراغیندا، سویوق سرامیکین اوستونده لوت آیاغیملا دایانمیشدیم، سیزاق آیاغیمی سانجیردی. قار دنهلری گئتدیکجه یئکهلیردیلر. گیردکان بویدا، قیریق قیریق، هاوادا فیرلایاراق، هر یئره یوخ، بالکونا چوخ یاغیردی، بئش مئتیر اوتایلیغا ایسه آز. دام ایله بالکوندا هر یئردن چوخ گزیشیردیلر...
بویازینین آردینی ادبیات سئونلر کانالیندا اوخویون.
https://t.me/Adabiyyatsevanlar
قارآدامی
یوخودا بیر قارآدامی گؤروردوم. منیم نه قارلا موشکولوم وارایدی نه ده قارآدامی ایله. سؤز بوردا ایدی، ائوه گیرمیشدی، چیخماق فیکری ده یوخ ایدی.
اوتوز ایل سوبای قالمامیشدیم کی سوندا بو بوزا اوخشار قارلا ائولهنم. پیس پیس گوبود و سویوق هئیکلی ایله قوجاقلاماق دا ایستهییردی. بیر تهر قوپمالی ایدیم. باش آچمیردیم، قادین بیر قارآدامیندان چوخ، ائرکک بیر جینه بنزهییردی. سانکی داملارداکیلاری دا بو یؤنلدیر کیمی داورانیردی. بیر آن داما ساری قاچیب قار آداملارینا باش چکدیم. حرکتسیز و دوزنلی بیر سیره ده دایانمیشدیلار.
یئنه پنجره قیراغینا گئتدیم. ساعات گئجه بیری سوووشماقدایدی. ائوده هالین بوجاغینداکی بالکونون قیراغیندا، سویوق سرامیکین اوستونده لوت آیاغیملا دایانمیشدیم، سیزاق آیاغیمی سانجیردی. قار دنهلری گئتدیکجه یئکهلیردیلر. گیردکان بویدا، قیریق قیریق، هاوادا فیرلایاراق، هر یئره یوخ، بالکونا چوخ یاغیردی، بئش مئتیر اوتایلیغا ایسه آز. دام ایله بالکوندا هر یئردن چوخ گزیشیردیلر...
بویازینین آردینی ادبیات سئونلر کانالیندا اوخویون.
https://t.me/Adabiyyatsevanlar
«ایلقار موذنزاده»
قارآدامی
یوخودا بیر قارآدامی گؤروردوم. منیم نه قارلا موشکولوم وارایدی نه ده قارآدامی ایله. سؤز بوردا ایدی، ائوه گیرمیشدی، چیخماق فیکری ده یوخ ایدی.
اوتوز ایل سوبای قالمامیشدیم کی سوندا بو بوزا اوخشار قارلا ائولهنم. پیس پیس گوبود و سویوق هئیکلی ایله قوجاقلاماق دا ایستهییردی. بیر تهر قوپمالی ایدیم. باش آچمیردیم، قادین بیر قارآدامیندان چوخ، ائرکک بیر جینه بنزهییردی. سانکی داملارداکیلاری دا بو یؤنلدیر کیمی داورانیردی. بیر آن داما ساری قاچیب قار آداملارینا باش چکدیم. حرکتسیز و دوزنلی بیر سیره ده دایانمیشدیلار.
یئنه پنجره قیراغینا گئتدیم. ساعات گئجه بیری سوووشماقدایدی. ائوده هالین بوجاغینداکی بالکونون قیراغیندا، سویوق سرامیکین اوستونده لوت آیاغیملا دایانمیشدیم، سیزاق آیاغیمی سانجیردی. قار دنهلری گئتدیکجه یئکهلیردیلر. گیردکان بویدا، قیریق قیریق، هاوادا فیرلایاراق، هر یئره یوخ، بالکونا چوخ یاغیردی، بئش مئتیر اوتایلیغا ایسه آز. دام ایله بالکوندا هر یئردن چوخ گزیشیردیلر.
بالکوندا اؤزونو دبردیب، اوستباشینی سیلکهلهدی. ایرهلی گلدی. قارنینین اورتاسیندان بیر تپیک گئیدیردیم. یئره تؤکولوب داغیلسا دا یئنه قارآدامی شکلینه قاییدیردی. ووردوغوم تپیک هئچ وئجینه ده دئییلدی. ماهواره بشقابینین بؤیروندن سوووشوب، قیرمیزی دمیر قاپییا سؤیکَندی. ائوه گیرمک ایستهییردی. آیاقلاریم دونوخوب، اللریم کئیمیشدی. دمیر قاپینین سویوق قیفیل یئرینی چکیب آچدیم، ایچری کئچدی. بویو بیر مئتیر اولاردی. باشینی یوخاری قالدیریب اوزومه زیللندی.
گئجه اونایکینی سوووشموشدو. قار قیرمیزی چیراغین ایشیغیندا ایشیلداییردی. یوموشاق و پامبیق قار تئلفون تئلینه، خیاوان قیراغیندا سیرالانمیش آغاجلارین خوللارینا دوشور، قیرمیزی ایشیق آلتیندا شهره سریلیردی. خیاوان قیراغینداکی آغاجلارین بوداغی آراسیندا اوچوشوب اوشوین سئرچهلر ایستی یئر آختاریردیلار، آمما نه ایسه، بو ایستی هئچ ده قارآدامینین کؤنلوجه اولا بیلمزدی. چیخیب دام یولوندان کورهیی گؤتوردوم، باشینی بدنیندن آییرماق ایستهییردیم. دامین اوستوندن یئریمک سسی گلدی. سسین اولوب اولماماسینا شوبههلندیم. سس گئتدیکجه اوجالیردی، پنجره قیراغیندان آیریلیب، داما ساری گئتدیم. بیر نئچه قارآدامی دامین اوستونده اوتورموشدو. باشقا قونشو داملار و بالکونلاردادا هابئله.
قارا آسفالتین چیرکین صور صوفتی، یاواش یاواش قار قوشونو آلتیندا ایتیردی. اؤتن آی، دامدا مانقالدا پیشیردیییم کابابین کؤزلری ده، قار دنهلری آلتیندا ایتمکده ایدی. قار دنهلری، هانسیسا بیر شهری تسخیر ائتمک ایستهین کاماندو چتیربازلاری کیمی کیپریکلریمه قوندوقجا، اورهییمه سویوق بیر شوبهه ساریلیردی. سئویردیم قاری، یاغماسینا وارام، قاریشام، قاینایام، شوخلوقلاشام. «هووووی گؤزومه آلا بولا دَییرسن ها!» بیر بیر توتوب اؤپم. دوداغیمدا سویوق یاش اوتورموشدو، دیشلریم اوشویوردو، آمما نه ایسه بو قارآدامی چوخ نانجیب بیریسینه اوخشاییردی، ذره ذره گؤیدن یاغان گؤزل قار دنهلریندن جورلانمیش قارآدامی دئییلدی سانکی.
دام یولونون سویوق قارا مرمرلی داشلارینین اوستوندن، آیاق یالین سوووشوب ائوه دوشدوم. قارآدامی اوپئنین اوستونده سیرتیقجا اوتورموشدو. «منه قیزیل آلمیرسان، منه لاپ سون مود اولموش پالتارلار هدیه ائتمیرسن، خاریجی سفرلره آپارمیرسان» دئیهن قادینلارا بنزهییردی. نه پاپاغی وار ایدی، نه بورنوندا یئرکؤکو، هر نهیی قاردان دوزهلن یالنیز آغ آپباق بیر هیکل ایدی. کریستاللارینین آراسیندا نارین ساری نارینجی ایشیلتیلار پارلاییردی. یوخو گؤزومو چیخاردیردی، داوالاریمی آتمیشدیم، آمما داما پاپاقسیز چیخدیغیم اوچون، سینوزیتیم یئنه اینجیتمهیه باشلامیشدی. بیلمیرم ائله دوغوردان آغریییردی یوخسا یوخو ایدی. باشیما آغری سیچراییردی. گئجه بیریاریم اولاردی. من ایسه هله ده قار دنهلرینین اووسونوندا ایدیم، سئحیرلی یاغماسینا دالمیشدیم. پنجرهنین آرخاسیندان بیر آن بئله قوپا بیلمیردیم. نفسیمدن شیشه بوغلانمیشدی. قارآدامی منی قوجاقلاییب اؤپمک ایستهییردی. چوخ زورلو اولسایدی دا موصیبتله آیریلیب کورهیی الیمه گؤتورموشدوم. «منیم سنینله هئچ بیر صاباحیم یوخ، آچیل گئت بوردان» دئییه باغیرمیشدیم. کورک ایله باشینی بدنیندن آییرماق ایستهییردیم. اوستونه یوروموشدوم. چیرپیشمیشدیق. لوسترین قیریلیب یئره دوشمهسینی ده وئجینه آلمامیشدی، قوجاقلاماق ایستهییردی. سویوقلوغونو منه تقدیم ائتمک اوچون. پنجرهنین شیشهسینی سیلیب آراسیرا ائشییه باخیردیم. قار دنهلری بالکون اوستونه توپلانماقدایدی. اوست اوسته قالاندیقدان سونرا، تزهدن دؤنوب قار آدامینا دؤنوشوردولر.
قارآدامی
یوخودا بیر قارآدامی گؤروردوم. منیم نه قارلا موشکولوم وارایدی نه ده قارآدامی ایله. سؤز بوردا ایدی، ائوه گیرمیشدی، چیخماق فیکری ده یوخ ایدی.
اوتوز ایل سوبای قالمامیشدیم کی سوندا بو بوزا اوخشار قارلا ائولهنم. پیس پیس گوبود و سویوق هئیکلی ایله قوجاقلاماق دا ایستهییردی. بیر تهر قوپمالی ایدیم. باش آچمیردیم، قادین بیر قارآدامیندان چوخ، ائرکک بیر جینه بنزهییردی. سانکی داملارداکیلاری دا بو یؤنلدیر کیمی داورانیردی. بیر آن داما ساری قاچیب قار آداملارینا باش چکدیم. حرکتسیز و دوزنلی بیر سیره ده دایانمیشدیلار.
یئنه پنجره قیراغینا گئتدیم. ساعات گئجه بیری سوووشماقدایدی. ائوده هالین بوجاغینداکی بالکونون قیراغیندا، سویوق سرامیکین اوستونده لوت آیاغیملا دایانمیشدیم، سیزاق آیاغیمی سانجیردی. قار دنهلری گئتدیکجه یئکهلیردیلر. گیردکان بویدا، قیریق قیریق، هاوادا فیرلایاراق، هر یئره یوخ، بالکونا چوخ یاغیردی، بئش مئتیر اوتایلیغا ایسه آز. دام ایله بالکوندا هر یئردن چوخ گزیشیردیلر.
بالکوندا اؤزونو دبردیب، اوستباشینی سیلکهلهدی. ایرهلی گلدی. قارنینین اورتاسیندان بیر تپیک گئیدیردیم. یئره تؤکولوب داغیلسا دا یئنه قارآدامی شکلینه قاییدیردی. ووردوغوم تپیک هئچ وئجینه ده دئییلدی. ماهواره بشقابینین بؤیروندن سوووشوب، قیرمیزی دمیر قاپییا سؤیکَندی. ائوه گیرمک ایستهییردی. آیاقلاریم دونوخوب، اللریم کئیمیشدی. دمیر قاپینین سویوق قیفیل یئرینی چکیب آچدیم، ایچری کئچدی. بویو بیر مئتیر اولاردی. باشینی یوخاری قالدیریب اوزومه زیللندی.
گئجه اونایکینی سوووشموشدو. قار قیرمیزی چیراغین ایشیغیندا ایشیلداییردی. یوموشاق و پامبیق قار تئلفون تئلینه، خیاوان قیراغیندا سیرالانمیش آغاجلارین خوللارینا دوشور، قیرمیزی ایشیق آلتیندا شهره سریلیردی. خیاوان قیراغینداکی آغاجلارین بوداغی آراسیندا اوچوشوب اوشوین سئرچهلر ایستی یئر آختاریردیلار، آمما نه ایسه، بو ایستی هئچ ده قارآدامینین کؤنلوجه اولا بیلمزدی. چیخیب دام یولوندان کورهیی گؤتوردوم، باشینی بدنیندن آییرماق ایستهییردیم. دامین اوستوندن یئریمک سسی گلدی. سسین اولوب اولماماسینا شوبههلندیم. سس گئتدیکجه اوجالیردی، پنجره قیراغیندان آیریلیب، داما ساری گئتدیم. بیر نئچه قارآدامی دامین اوستونده اوتورموشدو. باشقا قونشو داملار و بالکونلاردادا هابئله.
قارا آسفالتین چیرکین صور صوفتی، یاواش یاواش قار قوشونو آلتیندا ایتیردی. اؤتن آی، دامدا مانقالدا پیشیردیییم کابابین کؤزلری ده، قار دنهلری آلتیندا ایتمکده ایدی. قار دنهلری، هانسیسا بیر شهری تسخیر ائتمک ایستهین کاماندو چتیربازلاری کیمی کیپریکلریمه قوندوقجا، اورهییمه سویوق بیر شوبهه ساریلیردی. سئویردیم قاری، یاغماسینا وارام، قاریشام، قاینایام، شوخلوقلاشام. «هووووی گؤزومه آلا بولا دَییرسن ها!» بیر بیر توتوب اؤپم. دوداغیمدا سویوق یاش اوتورموشدو، دیشلریم اوشویوردو، آمما نه ایسه بو قارآدامی چوخ نانجیب بیریسینه اوخشاییردی، ذره ذره گؤیدن یاغان گؤزل قار دنهلریندن جورلانمیش قارآدامی دئییلدی سانکی.
دام یولونون سویوق قارا مرمرلی داشلارینین اوستوندن، آیاق یالین سوووشوب ائوه دوشدوم. قارآدامی اوپئنین اوستونده سیرتیقجا اوتورموشدو. «منه قیزیل آلمیرسان، منه لاپ سون مود اولموش پالتارلار هدیه ائتمیرسن، خاریجی سفرلره آپارمیرسان» دئیهن قادینلارا بنزهییردی. نه پاپاغی وار ایدی، نه بورنوندا یئرکؤکو، هر نهیی قاردان دوزهلن یالنیز آغ آپباق بیر هیکل ایدی. کریستاللارینین آراسیندا نارین ساری نارینجی ایشیلتیلار پارلاییردی. یوخو گؤزومو چیخاردیردی، داوالاریمی آتمیشدیم، آمما داما پاپاقسیز چیخدیغیم اوچون، سینوزیتیم یئنه اینجیتمهیه باشلامیشدی. بیلمیرم ائله دوغوردان آغریییردی یوخسا یوخو ایدی. باشیما آغری سیچراییردی. گئجه بیریاریم اولاردی. من ایسه هله ده قار دنهلرینین اووسونوندا ایدیم، سئحیرلی یاغماسینا دالمیشدیم. پنجرهنین آرخاسیندان بیر آن بئله قوپا بیلمیردیم. نفسیمدن شیشه بوغلانمیشدی. قارآدامی منی قوجاقلاییب اؤپمک ایستهییردی. چوخ زورلو اولسایدی دا موصیبتله آیریلیب کورهیی الیمه گؤتورموشدوم. «منیم سنینله هئچ بیر صاباحیم یوخ، آچیل گئت بوردان» دئییه باغیرمیشدیم. کورک ایله باشینی بدنیندن آییرماق ایستهییردیم. اوستونه یوروموشدوم. چیرپیشمیشدیق. لوسترین قیریلیب یئره دوشمهسینی ده وئجینه آلمامیشدی، قوجاقلاماق ایستهییردی. سویوقلوغونو منه تقدیم ائتمک اوچون. پنجرهنین شیشهسینی سیلیب آراسیرا ائشییه باخیردیم. قار دنهلری بالکون اوستونه توپلانماقدایدی. اوست اوسته قالاندیقدان سونرا، تزهدن دؤنوب قار آدامینا دؤنوشوردولر.
پنجرهدن آیریلمیشدیم، قارآدامی هالین بوجاغینا گئتمیشدی. الینده بیر کوبیک وار ایدی. ساری نارینجی رنگینده. قارین بؤیوموش کریستاللاری کیمی ایدی. کریستالین ایشیقلا سایریشان وسیلهسینی، خیریلتی، خیرپیلتی، جیرینق جیرینق سسلر ایچینده، قاباغینا قویوب باشینی اوزهرینه اَیمیشدی. یوواسینی اوغورلوق قیر قیزیلدان دولدورموش قارغا کیمی ایدی. آراسیرا بالکونا چیخیب، بیر قوجاق قار گتیریردی و اوشاقلاریمیزدیر دئییردی، سونرا دا قاباغینا تؤکوب قورقا کیمی هر دن بیرینی آغیزینا آتیردی.
یئنه ده دام یولونون سویوق مرمریندن کئچیب، ائوه قاییتدیم. سویوق جیریق جورابیمدان دابانیما سوزوب سانجیردی. قار آدامی یوخ ایدی. بالکونا ساری گئتدیم. اوتاغی، کمدو، حامامی، توالتی، هر یئری آلت اوست ائلهدیم؛ کاش یئنه ده ددهسی ائوینه جهنم اولموش قادینلار کیمی اولایدی. کَبینی اجرایا قویماییب، چیخیب گئدنلر کیمی. ائوده بیر یاش دا گؤرمهدیم. دئمک سو اولوب یئره ده گئتمهمیشدی. هالا قاییتدیم. موبلون پایهسی قیراغیندا سکگیز بوجاقلی کریستالی ایشیلداییردی. الیمه گؤتوردوم. گؤز قیرپیمیندا اَریییب یوخ اولدو. الیم اوشوموردو. سانکی الیمه ایستی سو داغیلدی. آشپزخانایا گئدیب الیمی سویوق سویا توتدوم. اوزومه سو ووردوم. یوخو ایچینده یوخو گؤروردوم، قورخو جانیما چؤکوردو. اوپئنین آلتینداکی اوست اوسته قالانمیش شئی شویلره گؤزلریم ساتاشدی، یخچالین ایچینده هر نه وار ائشیه تؤکولموشدو، میوه، روب، موراببا، لوموسویونا کیمی. یخچالین اؤز اؤزونه آچیلماسی ایله دیسکیندیم. آنسیزین آغ بیر ال یاخامدان یاپیشدی. اوزون بارماقلارینی بوغازیما ساردی. گؤزلریم کللهمه چیخدی. نفسیم کسیلدی. بیر آن دانیشماغا بئله فورصت وئرمهدی. سونرا دا اؤز شیکارینی چانقاللاری آراسیندا بوغوب گؤیلره آپاران قارتال کیمی، یوخاری قاوزاییب آشاغی چیرپدی، یئرده سورویوب یخچالین ایچینه تَپدی. قاپینی باغلاییب باغرینا باسدی، دایانمادان اؤپمهیه باشلادی. باشیم گیجهلیر، نفسیم کسیلمکدهایدی. بوغولوردوم، هم سویوقدان هم هاواسیزلیقدان. یخچالین ایچی قاپ قارانلیق ایدی. همشه اوشاقلیغیمدان یخچال قاپیسینین آچیلیب باغلانماسیندا، چیراغینین نجور یانیب سؤنمهسی من اوچون سوال ایدی. یخچالدا بو فیکیرلری بیر آنلیق بئله بئینیمده دولاندیرسایدیم دا، یالنیز بوراخیلیب ائشییه قاچیب جانیمی قورتارماغا چالیشیردیم. دئمک قاپی باغلاناندا چیراغین نئجه سؤنوب سؤنمهمک تاپماجاسینی کشف ائتمهیه هئچ ده یاخجی فورصت دئییل ایدی. کووانتوم فیزیکینده کوارک ذرهلری کیمی بیر شئی ایدی، باخسان وار باخماسان یوخ. قار آدامینا باخماماغا چالیشردیم. بو هَچَلدن نجور اولورسا اولسون قورتارمالیایدیم. باغرینا باسیب دوداغیمی یئمهیه چالیشسادا، باشا سالا بیلمیردیم کی منیم سنله هئچ صاباحیم اولا بیلمز. قیشقیردیم. سسیم چیخمادی. بیر نئچه دقیقه یخچالین ایچینده قوجاغیندا دارتیندیم. قارانلیق و سویوق هر طرفیمی کئییتمیشدی. یخچال یئره آشدی، چتینلیکله ائشیه چیخیب آیاغا دوردوم. باشینی بدنیندن قوپارماق ایستهییردیم، هر نه قدر زور وئردیم ترپشمهدی. یوغون، قوجا و کؤکلو بیر آغاج کیمی ایدی. باشینی منه ساری توتوب قوجاغینا گؤتوردو. قیچلاریمدان یاپیشیب یوخاری قالخیزدی، سونرا سون گوجو ایله کیتابخانایا ساری توللادی، قیافهسی، کیتابلارا اؤز گونوسو کیمی یاناشان قادینلار کیمی اولموشدو. دستگیره بئلیمه کئچدی، باغیرتیم گؤیه اوجالدی. اؤزومه گلهنه کیمی گئنه یوخ اولدو. یخچالین ایچیندن چیخیب هالین بوجاغینا قاییتدی. یخچالا ساری آددیملاییب قاپیسینا یاخیلان قار دنهلرینه الیمی سورتدوم. ایشیلداییب ساری ایشیقلا یوخ اولدولار. یئرده بیر ذره بئله سو قالمامیشدی.
یخچالین قاپیسینی اؤرتوب هالا قاییتدیم. اَلینی سینهسینه سالیب بیر باشقا سکگیز بوجاقلی کریستال چیخارتدی. کریستاللاری آلما بویدا اولاردی. قارین ساری نارینجی دنهلری بالاجا لامپلار کیمی یانیب سؤنوردو. ائلهبیل شهرده بیر ایش گؤرولهجکدی. یوخسا بو قدر قار لشگرینی منه گؤرهمی تؤکموشدو دام اوسته؟ ایشیق دالغالاری سکگیز بوجاقلی کریستالین اورتاسینا سوزوب ساوالان داغینین تصویرینی یارادیردی. سونرا دا شهرین داملارینی گؤرسهدیردی. سانکی داملارداکیلارا سیقنال وئریردی.
آیاغا قالخیب یخچالا ساری گئتدی. قاپیسینی آچیب ایچینه کئچدی. داها تجروبهلی ایدیم، بایاقکی اویون باشیما گلمهسین دئیه، بو سئری یخچالا یاخین دوشمهیهجکدیم. بیر داها چیخیب هالین بوجاغینداکی قارا موبلون یانینا قاییتدی. ساعات بئش، سحر آچیلیب دان سؤکولونجه، هر یاریم ساعاتدان بیر، یخچالا گیریب حالین بوجاغینا قاییدیردی.
یئنه ده دام یولونون سویوق مرمریندن کئچیب، ائوه قاییتدیم. سویوق جیریق جورابیمدان دابانیما سوزوب سانجیردی. قار آدامی یوخ ایدی. بالکونا ساری گئتدیم. اوتاغی، کمدو، حامامی، توالتی، هر یئری آلت اوست ائلهدیم؛ کاش یئنه ده ددهسی ائوینه جهنم اولموش قادینلار کیمی اولایدی. کَبینی اجرایا قویماییب، چیخیب گئدنلر کیمی. ائوده بیر یاش دا گؤرمهدیم. دئمک سو اولوب یئره ده گئتمهمیشدی. هالا قاییتدیم. موبلون پایهسی قیراغیندا سکگیز بوجاقلی کریستالی ایشیلداییردی. الیمه گؤتوردوم. گؤز قیرپیمیندا اَریییب یوخ اولدو. الیم اوشوموردو. سانکی الیمه ایستی سو داغیلدی. آشپزخانایا گئدیب الیمی سویوق سویا توتدوم. اوزومه سو ووردوم. یوخو ایچینده یوخو گؤروردوم، قورخو جانیما چؤکوردو. اوپئنین آلتینداکی اوست اوسته قالانمیش شئی شویلره گؤزلریم ساتاشدی، یخچالین ایچینده هر نه وار ائشیه تؤکولموشدو، میوه، روب، موراببا، لوموسویونا کیمی. یخچالین اؤز اؤزونه آچیلماسی ایله دیسکیندیم. آنسیزین آغ بیر ال یاخامدان یاپیشدی. اوزون بارماقلارینی بوغازیما ساردی. گؤزلریم کللهمه چیخدی. نفسیم کسیلدی. بیر آن دانیشماغا بئله فورصت وئرمهدی. سونرا دا اؤز شیکارینی چانقاللاری آراسیندا بوغوب گؤیلره آپاران قارتال کیمی، یوخاری قاوزاییب آشاغی چیرپدی، یئرده سورویوب یخچالین ایچینه تَپدی. قاپینی باغلاییب باغرینا باسدی، دایانمادان اؤپمهیه باشلادی. باشیم گیجهلیر، نفسیم کسیلمکدهایدی. بوغولوردوم، هم سویوقدان هم هاواسیزلیقدان. یخچالین ایچی قاپ قارانلیق ایدی. همشه اوشاقلیغیمدان یخچال قاپیسینین آچیلیب باغلانماسیندا، چیراغینین نجور یانیب سؤنمهسی من اوچون سوال ایدی. یخچالدا بو فیکیرلری بیر آنلیق بئله بئینیمده دولاندیرسایدیم دا، یالنیز بوراخیلیب ائشییه قاچیب جانیمی قورتارماغا چالیشیردیم. دئمک قاپی باغلاناندا چیراغین نئجه سؤنوب سؤنمهمک تاپماجاسینی کشف ائتمهیه هئچ ده یاخجی فورصت دئییل ایدی. کووانتوم فیزیکینده کوارک ذرهلری کیمی بیر شئی ایدی، باخسان وار باخماسان یوخ. قار آدامینا باخماماغا چالیشردیم. بو هَچَلدن نجور اولورسا اولسون قورتارمالیایدیم. باغرینا باسیب دوداغیمی یئمهیه چالیشسادا، باشا سالا بیلمیردیم کی منیم سنله هئچ صاباحیم اولا بیلمز. قیشقیردیم. سسیم چیخمادی. بیر نئچه دقیقه یخچالین ایچینده قوجاغیندا دارتیندیم. قارانلیق و سویوق هر طرفیمی کئییتمیشدی. یخچال یئره آشدی، چتینلیکله ائشیه چیخیب آیاغا دوردوم. باشینی بدنیندن قوپارماق ایستهییردیم، هر نه قدر زور وئردیم ترپشمهدی. یوغون، قوجا و کؤکلو بیر آغاج کیمی ایدی. باشینی منه ساری توتوب قوجاغینا گؤتوردو. قیچلاریمدان یاپیشیب یوخاری قالخیزدی، سونرا سون گوجو ایله کیتابخانایا ساری توللادی، قیافهسی، کیتابلارا اؤز گونوسو کیمی یاناشان قادینلار کیمی اولموشدو. دستگیره بئلیمه کئچدی، باغیرتیم گؤیه اوجالدی. اؤزومه گلهنه کیمی گئنه یوخ اولدو. یخچالین ایچیندن چیخیب هالین بوجاغینا قاییتدی. یخچالا ساری آددیملاییب قاپیسینا یاخیلان قار دنهلرینه الیمی سورتدوم. ایشیلداییب ساری ایشیقلا یوخ اولدولار. یئرده بیر ذره بئله سو قالمامیشدی.
یخچالین قاپیسینی اؤرتوب هالا قاییتدیم. اَلینی سینهسینه سالیب بیر باشقا سکگیز بوجاقلی کریستال چیخارتدی. کریستاللاری آلما بویدا اولاردی. قارین ساری نارینجی دنهلری بالاجا لامپلار کیمی یانیب سؤنوردو. ائلهبیل شهرده بیر ایش گؤرولهجکدی. یوخسا بو قدر قار لشگرینی منه گؤرهمی تؤکموشدو دام اوسته؟ ایشیق دالغالاری سکگیز بوجاقلی کریستالین اورتاسینا سوزوب ساوالان داغینین تصویرینی یارادیردی. سونرا دا شهرین داملارینی گؤرسهدیردی. سانکی داملارداکیلارا سیقنال وئریردی.
آیاغا قالخیب یخچالا ساری گئتدی. قاپیسینی آچیب ایچینه کئچدی. داها تجروبهلی ایدیم، بایاقکی اویون باشیما گلمهسین دئیه، بو سئری یخچالا یاخین دوشمهیهجکدیم. بیر داها چیخیب هالین بوجاغینداکی قارا موبلون یانینا قاییتدی. ساعات بئش، سحر آچیلیب دان سؤکولونجه، هر یاریم ساعاتدان بیر، یخچالا گیریب حالین بوجاغینا قاییدیردی.
داما چیخدیم. قارآداملاری باشقا داملارداکیلارلا یئر دَییشیردیلر. آپارتمانلاردا اَرلری ایله یاتماییب، باشقا ائولردهکی کیشیلرین یاتاغینا گئدن قادینلار کیمیایدیلر. سئرچهلر قروپونون اوچوشونو خاطیرلادان قار دنهلری، داما قوندوقدا، یئنه ده قار آدامی فورمونا قاییدیردیلار.
پیللهلردن قاچا قاچا ائوین ایچینه قاییتدیم. هالداکی قار آدامینی داملارداکیلارین باشقانی اولدوغونو سانیردیم. داما چیخاندا هال ایله اوتاغین سوباسی سؤنموشموش، چیراقلار دا هابئله. ائوده سویوق حؤکم سورمکدهایدی. نفسیم قارانلیق ائوین سویوغوندا بوغلانیردی. فرشین قیراقلاریندا هالین دووارینا یاپیشیق سریلمیش پتونو قوجاغیما آلدیم. موبلون اوستونده دیزلریمی قارنیما ییغارکن، پتویا بورونوب، قار آدامینین ایشلرینه باخیردیم. من ایله راحاتلیق حیس ائتمهسینی دوشونوردوم. او ایسه منی تسخیر ائتمیش سانیردی، بلکه ده خطرسیزلیییمه اؤزونو ایناندیریب وجودونو توخونولماز دوشونوردو. بلکه ده ائله ایلک ائوه گیردییینده منیم چئوریلمه سورهجیمی باشلامیشدی؛ منی ده اؤزو کیمی بیر قارا چئویریب، عؤمورلوک سئوگی یاشاتماق ایستهییردی.
پتو ایچینده ترلهمیشدیم. بلکه ده اَریمکده ایدیم. وارلیغیمین نه اولدوغونا یاواش یاواش شوبههلهنیردیم، بارماقلاریم کئیییب، دیرناقلاریم آغارماقدایدی. گؤزلریم قارانلیق چالیردی.
پتودان آیریلیب اوتاقداکی گوزگویه ساری گئتدیم، قیروو باغلامیشدی. قارآدامینین سکگیز بوجاقلی کریستالیندا ساوالان اتکلرینی گؤره بیلیردیم. ساوالان پناهگاهیندا نیظامی آراییش گؤرن عسکرلرین دوزولوشونه بَنزهین بیر فورمدا مینلر قار آدامی دوزولموشدو، داغین باشیندا دؤرد قاتلی بینا اوجالیقدا یوزلر منجنیق کیمی سیستملر، قارتال داشینین[1] چئورهسینه یئرلهشیردی. «آغا پوخ یئدیم» دئیه اوجادان باغیرسایدیم دا سسیم چیخمیردی. قوجاقلاییب من سنینم دئسهیدیم ده ائشیتمز گؤرمز کیمی، اؤز ایشینی گؤروردو. ایش بئله قاباغا گئدیردی کی بیراز سونرا بوتون شهر قار آلتینا گئتسین.
قارا بولودلار قارتال داشینین اوستونده توپلاشیب وور های قار یاغدیرماقدا، ماشینلار بویدا قار توپولاری یئتیشدیرمکدهایدیلر. قار توپولار اولوشدوقدان سونرا شهره ساری توش توتولوردولار. شهر قارلا باسدیریلاجاقدی. قارتال داشی گئتدیکجه قار تالالارینین آلتیندا ایتمکده، بیر قارلی داغا چئوریلمکدهایدی…
***
بیلمیرم هاچان یوخودان دورموشدوم. سحر چاغی ایدی، آجیخمیشدیم. بئلیمین آغریسیندان ترپنه بیلمیردیم. بارماقلاریمین دا ایکیسی چیخمیشدی. چتینلیکله پالتاریمی گئییب ائودن چیخدیم. ساعات سحر اون زاد اولاردی. چؤرکچی حسینعلیدن سومو آلماغا گئتدیم. اوردان دا سینیقچی علینین یانینا گئدیب چیخیغی سالدیراجاقدیم. حوسینعلی آغآپپاق رسیم دفتری کیمی اولموشدو. داها چؤرک پیشیرمیردی، یاریم مئتیرلیک بوز قالیبلرینی کورهنین قاباغینا اوزاتمیشدی. کورهدن شاختا ائشییه پولهنیردی. ایکی دنه یاریم مئتیرلیک بوز آلیب ائوه دؤندوم.
https://t.me/Adabiyyatsevanlar
پیللهلردن قاچا قاچا ائوین ایچینه قاییتدیم. هالداکی قار آدامینی داملارداکیلارین باشقانی اولدوغونو سانیردیم. داما چیخاندا هال ایله اوتاغین سوباسی سؤنموشموش، چیراقلار دا هابئله. ائوده سویوق حؤکم سورمکدهایدی. نفسیم قارانلیق ائوین سویوغوندا بوغلانیردی. فرشین قیراقلاریندا هالین دووارینا یاپیشیق سریلمیش پتونو قوجاغیما آلدیم. موبلون اوستونده دیزلریمی قارنیما ییغارکن، پتویا بورونوب، قار آدامینین ایشلرینه باخیردیم. من ایله راحاتلیق حیس ائتمهسینی دوشونوردوم. او ایسه منی تسخیر ائتمیش سانیردی، بلکه ده خطرسیزلیییمه اؤزونو ایناندیریب وجودونو توخونولماز دوشونوردو. بلکه ده ائله ایلک ائوه گیردییینده منیم چئوریلمه سورهجیمی باشلامیشدی؛ منی ده اؤزو کیمی بیر قارا چئویریب، عؤمورلوک سئوگی یاشاتماق ایستهییردی.
پتو ایچینده ترلهمیشدیم. بلکه ده اَریمکده ایدیم. وارلیغیمین نه اولدوغونا یاواش یاواش شوبههلهنیردیم، بارماقلاریم کئیییب، دیرناقلاریم آغارماقدایدی. گؤزلریم قارانلیق چالیردی.
پتودان آیریلیب اوتاقداکی گوزگویه ساری گئتدیم، قیروو باغلامیشدی. قارآدامینین سکگیز بوجاقلی کریستالیندا ساوالان اتکلرینی گؤره بیلیردیم. ساوالان پناهگاهیندا نیظامی آراییش گؤرن عسکرلرین دوزولوشونه بَنزهین بیر فورمدا مینلر قار آدامی دوزولموشدو، داغین باشیندا دؤرد قاتلی بینا اوجالیقدا یوزلر منجنیق کیمی سیستملر، قارتال داشینین[1] چئورهسینه یئرلهشیردی. «آغا پوخ یئدیم» دئیه اوجادان باغیرسایدیم دا سسیم چیخمیردی. قوجاقلاییب من سنینم دئسهیدیم ده ائشیتمز گؤرمز کیمی، اؤز ایشینی گؤروردو. ایش بئله قاباغا گئدیردی کی بیراز سونرا بوتون شهر قار آلتینا گئتسین.
قارا بولودلار قارتال داشینین اوستونده توپلاشیب وور های قار یاغدیرماقدا، ماشینلار بویدا قار توپولاری یئتیشدیرمکدهایدیلر. قار توپولار اولوشدوقدان سونرا شهره ساری توش توتولوردولار. شهر قارلا باسدیریلاجاقدی. قارتال داشی گئتدیکجه قار تالالارینین آلتیندا ایتمکده، بیر قارلی داغا چئوریلمکدهایدی…
***
بیلمیرم هاچان یوخودان دورموشدوم. سحر چاغی ایدی، آجیخمیشدیم. بئلیمین آغریسیندان ترپنه بیلمیردیم. بارماقلاریمین دا ایکیسی چیخمیشدی. چتینلیکله پالتاریمی گئییب ائودن چیخدیم. ساعات سحر اون زاد اولاردی. چؤرکچی حسینعلیدن سومو آلماغا گئتدیم. اوردان دا سینیقچی علینین یانینا گئدیب چیخیغی سالدیراجاقدیم. حوسینعلی آغآپپاق رسیم دفتری کیمی اولموشدو. داها چؤرک پیشیرمیردی، یاریم مئتیرلیک بوز قالیبلرینی کورهنین قاباغینا اوزاتمیشدی. کورهدن شاختا ائشییه پولهنیردی. ایکی دنه یاریم مئتیرلیک بوز آلیب ائوه دؤندوم.
https://t.me/Adabiyyatsevanlar
Telegram
ادبیات سئونلر
بوکانال ادبیات سئونلر قوروپونون سئچیلمیش اثرلری دیر
کانالدا کی یازیلاری کانالین لینکینی وئرمک شرطی ایله پایلاشماق اولار.
کانالدا کی یازیلاری کانالین لینکینی وئرمک شرطی ایله پایلاشماق اولار.
Forwarded from ادبیات سئونلر
اوشاق ادبیاتی
اوشاق ادبیاتی هرهفته پنجشنبه گونو ادبیات سئونلر کانالیندا .
اوشاق ادبیاتینا دایر یازیلارینیزی بیزه گوندرین .
https://t.me/Adabiyyatsevanlar
اوشاق ادبیاتی هرهفته پنجشنبه گونو ادبیات سئونلر کانالیندا .
اوشاق ادبیاتینا دایر یازیلارینیزی بیزه گوندرین .
https://t.me/Adabiyyatsevanlar
اوشاق ادبیاتی
🔟 چیزی که بچه ها از والدین می خواهند:
1. منو با خودت همراه کن. برام در مورد بچگیات بگو.
2. منو در آغوش بگیر و ببوس و کنارم بشین.
3. بهترین و سرحال ترین زمانت رو با من بگذرون نه با دیگران.
4. به من غذای مقوی بده تا سالم بزرگ بشم.
5. هر روز در انتهای روز، در مورد کارهایی که می تونیم فردا با هم انجام بدیم صحبت کن.
6. شب در مورد هر چیزی با من صحبت کن. عشق، مدرسه، خانواده...
7. اجازه بده من بیشتر در محیط بیرون از خونه بازی کنم ولی ازم مراقبت کن.
8. زیر پتو بغلم کن تا با هم برنامه تلویزیونی مورد علاقمون رو تماشا کنیم.
9. منو تنبیه کن. اما نزن....
10. پیام های قشنگی روی کاغذ بنویس و اونا رو روی میز یا کیف من بزار.
https://t.me/Adabiyyatsevanlar
🔟 چیزی که بچه ها از والدین می خواهند:
1. منو با خودت همراه کن. برام در مورد بچگیات بگو.
2. منو در آغوش بگیر و ببوس و کنارم بشین.
3. بهترین و سرحال ترین زمانت رو با من بگذرون نه با دیگران.
4. به من غذای مقوی بده تا سالم بزرگ بشم.
5. هر روز در انتهای روز، در مورد کارهایی که می تونیم فردا با هم انجام بدیم صحبت کن.
6. شب در مورد هر چیزی با من صحبت کن. عشق، مدرسه، خانواده...
7. اجازه بده من بیشتر در محیط بیرون از خونه بازی کنم ولی ازم مراقبت کن.
8. زیر پتو بغلم کن تا با هم برنامه تلویزیونی مورد علاقمون رو تماشا کنیم.
9. منو تنبیه کن. اما نزن....
10. پیام های قشنگی روی کاغذ بنویس و اونا رو روی میز یا کیف من بزار.
https://t.me/Adabiyyatsevanlar
Telegram
ادبیات سئونلر
بوکانال ادبیات سئونلر قوروپونون سئچیلمیش اثرلری دیر
کانالدا کی یازیلاری کانالین لینکینی وئرمک شرطی ایله پایلاشماق اولار.
کانالدا کی یازیلاری کانالین لینکینی وئرمک شرطی ایله پایلاشماق اولار.
اوشاق ادبیاتی
آذربایجان افسانه لری
سؤیله ین:«صمد بهرنگی - بهروز دهقانی»
چئویرن:« منیژه جمنژاد»
قاراشین کچل ممی۳
🧑🏾🦲 - ای پادشاه بو گئجه بیر یوخو گؤردوم. - نه یوخوسو؟ - یوخودا گؤردوم قاراشین کچل ممی گئدیب اژداهانی اؤلدوروب. یوللا گئتسین اژداهانین شررین باشیمیزدان کسسین. پادشاه گو٘لوب دئدی: وزیر بو نه سؤزدو؟ منیم قوشونومون یاری دان چوخو اؤلدو، اژداهانین بیر تو٘کو اسگیلمدی؛ کچل یالنیز باشینا نه ائده بیلر؟ وزیر دئدی: بیری کی ایلک آویندا ائله جاناوار آولایا، بیر یانیندان ایشیق گلیب، بیر یانیندان چالیب اوخوماق سسی، سونرا قیرخ مادیانی دیری دیری گتیره، البتده کی بو بالاجا ایشی گؤره بیلر. پادشاه دئدی: دوغرو دئییرسن؟ وزیر دئدی: هه، دوغرو دئییرم. پادشاه قاراشین کچل ممی نی چاغیریب دئدی: کچل سنی اؤزومه وزیر ائلرم، بو شرط له کی گئدیب اژداهانین شررینی باشیمیزدان کسه سن. دیریسی یوخسا اؤلوسونو منه گتیرهسن. قاراشین کچل ممی اؤز یانیندا دئدی: سنین خئیرینی ایستمه دیک، منیم جانیمدان نه ایستیرسن؟ ائوه گلیب ننه سینه دئدی: ...
بویازینین آردینی ادبیات سئونلر کانالیندا اوخویون.
https://t.me/Adabiyyatsevanlar
آذربایجان افسانه لری
سؤیله ین:«صمد بهرنگی - بهروز دهقانی»
چئویرن:« منیژه جمنژاد»
قاراشین کچل ممی۳
🧑🏾🦲 - ای پادشاه بو گئجه بیر یوخو گؤردوم. - نه یوخوسو؟ - یوخودا گؤردوم قاراشین کچل ممی گئدیب اژداهانی اؤلدوروب. یوللا گئتسین اژداهانین شررین باشیمیزدان کسسین. پادشاه گو٘لوب دئدی: وزیر بو نه سؤزدو؟ منیم قوشونومون یاری دان چوخو اؤلدو، اژداهانین بیر تو٘کو اسگیلمدی؛ کچل یالنیز باشینا نه ائده بیلر؟ وزیر دئدی: بیری کی ایلک آویندا ائله جاناوار آولایا، بیر یانیندان ایشیق گلیب، بیر یانیندان چالیب اوخوماق سسی، سونرا قیرخ مادیانی دیری دیری گتیره، البتده کی بو بالاجا ایشی گؤره بیلر. پادشاه دئدی: دوغرو دئییرسن؟ وزیر دئدی: هه، دوغرو دئییرم. پادشاه قاراشین کچل ممی نی چاغیریب دئدی: کچل سنی اؤزومه وزیر ائلرم، بو شرط له کی گئدیب اژداهانین شررینی باشیمیزدان کسه سن. دیریسی یوخسا اؤلوسونو منه گتیرهسن. قاراشین کچل ممی اؤز یانیندا دئدی: سنین خئیرینی ایستمه دیک، منیم جانیمدان نه ایستیرسن؟ ائوه گلیب ننه سینه دئدی: ...
بویازینین آردینی ادبیات سئونلر کانالیندا اوخویون.
https://t.me/Adabiyyatsevanlar
اوشاق ادبیاتی
آذربایجان افسانه لری
سؤیله ین:«صمد بهرنگی - بهروز دهقانی»
چئویرن:« منیژه جمنژاد»
قاراشین کچل ممی۳
🧑🏾🦲 - ای پادشاه بو گئجه بیر یوخو گؤردوم. - نه یوخوسو؟ - یوخودا گؤردوم قاراشین کچل ممی گئدیب اژداهانی اؤلدوروب. یوللا گئتسین اژداهانین شررین باشیمیزدان کسسین. پادشاه گو٘لوب دئدی: وزیر بو نه سؤزدو؟ منیم قوشونومون یاری دان چوخو اؤلدو، اژداهانین بیر تو٘کو اسگیلمدی؛ کچل یالنیز باشینا نه ائده بیلر؟ وزیر دئدی: بیری کی ایلک آویندا ائله جاناوار آولایا، بیر یانیندان ایشیق گلیب، بیر یانیندان چالیب اوخوماق سسی، سونرا قیرخ مادیانی دیری دیری گتیره، البتده کی بو بالاجا ایشی گؤره بیلر. پادشاه دئدی: دوغرو دئییرسن؟ وزیر دئدی: هه، دوغرو دئییرم. پادشاه قاراشین کچل ممی نی چاغیریب دئدی: کچل سنی اؤزومه وزیر ائلرم، بو شرط له کی گئدیب اژداهانین شررینی باشیمیزدان کسه سن. دیریسی یوخسا اؤلوسونو منه گتیرهسن. قاراشین کچل ممی اؤز یانیندا دئدی: سنین خئیرینی ایستمه دیک، منیم جانیمدان نه ایستیرسن؟ ائوه گلیب ننه سینه دئدی: ننه دور منه چؤرهک باغلا، گئتمه لی اولدوم. قاری دئدی: اوغول گئنه نه خیالین وار؟ کچل دئدی: پادشاه ایستیر گئدم اژداهانین دیریسینی یوخسا اؤلوسونو گتیرم. قاری دئدی: اوغول گل بو داشلاری اتهییندن توک! بو ایشین سونو خوش دئییل. نئچه قوشون اژداهانین کامینا گئدیب، بیریسی ساغ قاییتمییب. کیمسه نین ایشی دئییل. وزیر سنی اؤلومه وئرمک ایستیر. قارا ممی دئدی: ننه، من گرک گئدم، باشیمی دا بو یولدا وئرملی اولسام. یولونو بیلیرسن دئ. قاری دئدی: ایندی کی تویوق بیر قیچلی دی، قولاق وئر یولون بیلیرم. اژداها بیر دره نین تکینده یاتیب، آلتمیش آرشین بویو وار. یولدا بیر اوجا داغا یئتیشرسن. داغی چیخارسان. باشینا یئتیشنده گؤرجکسن هئچ بیر شئی ساکن دئییل، اوچان، اوتلاغان، سوروشگن دن توتدو، داش توز تورپاق، آغاج، هر شئی شیدیرقی دره یه سو٘روشور. اوغول، ساقین آیاغینی دره یه قویما، قویسان، سنده اولار کیمی دوغرو اژداهانین کامینا گئدیب، بیر داها چیخا بیلمزسن. اژداها یاتانا قدر دؤزه جکسن، هر شئی ساکن لشسین دئیه. قوش گؤیده اوچا بیله جک، داش یئرینده دورا بیلجک قدر. بئله اولدوقدا دره نین تکینه گئدیب گؤره جکسن اژداها خورولداییر. ایکی قاشینین آراسینی نیشانلاییب، اونو اؤلدوروب گؤتوروب گتیرهجکسن. آما گئنه ده دئییرم: آییق اولاندا ساقین آیاغیوی دره یه قویما! قاراشین کچل ممی الینی گؤزونه قویوب، چؤره یی بئلینه باغلییب، دابانلارینی چکیب، یولون آمانینی کسدی. دره لر دن یئل کیمی کئچدی، تپه لردن سئل کیمی آخدی. باشی یاستیق، گؤزو یوخو گؤرمه دی. گئتدی، گئتدی، بیر اوجا داغین اته یینه یئتیشدی. دایانمادی، دورد ال آیاقلی داغی چیخدی داغین باشینا یئتیشنده... نه گؤردو؟ گؤردو هر شئی، اوچان، اوتلایان، سو٘روشن دن توتدو، داش چانقیل، توز تورپاق، آغاج دان چیخدی، دره یه دوغرو سو٘روشور. اژداهانین آییق اولدوغونو، نفسینی داغا داشا سالدیغینی بیلدی. بیر آز گؤزله دی. هر شئیین ساکنلشدیینی گؤرنده، داغدان ائندی، گئدیب اژداهانین یانینا یئتیشدی. ائله بیر اژداها گوردو کی دئمکله باشا گلمز. بؤیورو او٘سته دوشموش، دره نین انی بویونو توتموشدو. قاراشین کچل ممی ایکی قاشینین آراسینی نشانلاییب ووردو. بیر، ایکی، اوچ دانا؛ سونوندا اژداها نعره چکیب بوردان هاراجان دئییم سو٘روشوب جان وئردی. بونو داها بیلمیرم قاراشین کچل ممی اونون لشینی نئجه چکیب گتیردی پادشاهین ائوینین اؤنونه سالیب دئدی: گؤتور، دوشمنین بئله گو٘نه دو٘شسون! وزیر هول ولایا دو٘شدو. پادشاه دئدی: وزیر، دا بو یول هئچ ماهانا یئری قالمادی. الی بوش قایتارا بیلمریک. یئریوی گرک اونا وئرسن. وزیر دئدی: قبله عالم ساغ السون! بوگون یوخ. صاباح گلسین سؤزوم یوخدو. گئنه گئجه بؤرکونو قاضی ائله ییب دئدی: آی منیم آباتای بؤرکوم، گؤر منیم ایشیمین سونو نئجه اولاجاق؟ من بیر دله دو٘ز کچلین الینده اسیر قالمیشام، باشقا چارام یوخدو. بو آداما بنزه مز کچل گؤزونو منیم وزیرلییمه تیکیب، آنلامیر کی او هارا، وزیرلیک هارا؟ آی منیم اولو بورکوم، منیم ایشیمین یولو نه دیر؟ دئ کی دیغلیرام. بورکو دئدی: آی بویوک باش وزیر، سن اؤزونه آلما، بو ایشین چاراسی سو ایچمک دن آساندی. سحر پادشاها دئ، کچلی فرنگستان پادشاهینین قیزینین دالیسیجا گؤندرسین. دا بو هر کچل مچلین ایشی دئییل. وزیر سئوینیب، بؤرکونو اوپوب ایکی قاشینین آراسینا قویوب راحات بیر نفس چکدی. سحر تئزدن خوروز بانیندان، حامام سیریستووسوندان اؤنجه، اؤزونو پادشاهین ائوینه یئتیردی. - ای پادشاه بو گئجه یوخو گؤردوم. - نه یوخوسو؟ - گؤردوم قاراشین کچل ممی گئدیب فرنگستانین پادشاهینین قیزینی سیزه گتیریب. یوللا گئتسین، بوندان گوزل فورصت اولماز.
آردی وار...
https://t.me/Adabiyyatsevanlar
آذربایجان افسانه لری
سؤیله ین:«صمد بهرنگی - بهروز دهقانی»
چئویرن:« منیژه جمنژاد»
قاراشین کچل ممی۳
🧑🏾🦲 - ای پادشاه بو گئجه بیر یوخو گؤردوم. - نه یوخوسو؟ - یوخودا گؤردوم قاراشین کچل ممی گئدیب اژداهانی اؤلدوروب. یوللا گئتسین اژداهانین شررین باشیمیزدان کسسین. پادشاه گو٘لوب دئدی: وزیر بو نه سؤزدو؟ منیم قوشونومون یاری دان چوخو اؤلدو، اژداهانین بیر تو٘کو اسگیلمدی؛ کچل یالنیز باشینا نه ائده بیلر؟ وزیر دئدی: بیری کی ایلک آویندا ائله جاناوار آولایا، بیر یانیندان ایشیق گلیب، بیر یانیندان چالیب اوخوماق سسی، سونرا قیرخ مادیانی دیری دیری گتیره، البتده کی بو بالاجا ایشی گؤره بیلر. پادشاه دئدی: دوغرو دئییرسن؟ وزیر دئدی: هه، دوغرو دئییرم. پادشاه قاراشین کچل ممی نی چاغیریب دئدی: کچل سنی اؤزومه وزیر ائلرم، بو شرط له کی گئدیب اژداهانین شررینی باشیمیزدان کسه سن. دیریسی یوخسا اؤلوسونو منه گتیرهسن. قاراشین کچل ممی اؤز یانیندا دئدی: سنین خئیرینی ایستمه دیک، منیم جانیمدان نه ایستیرسن؟ ائوه گلیب ننه سینه دئدی: ننه دور منه چؤرهک باغلا، گئتمه لی اولدوم. قاری دئدی: اوغول گئنه نه خیالین وار؟ کچل دئدی: پادشاه ایستیر گئدم اژداهانین دیریسینی یوخسا اؤلوسونو گتیرم. قاری دئدی: اوغول گل بو داشلاری اتهییندن توک! بو ایشین سونو خوش دئییل. نئچه قوشون اژداهانین کامینا گئدیب، بیریسی ساغ قاییتمییب. کیمسه نین ایشی دئییل. وزیر سنی اؤلومه وئرمک ایستیر. قارا ممی دئدی: ننه، من گرک گئدم، باشیمی دا بو یولدا وئرملی اولسام. یولونو بیلیرسن دئ. قاری دئدی: ایندی کی تویوق بیر قیچلی دی، قولاق وئر یولون بیلیرم. اژداها بیر دره نین تکینده یاتیب، آلتمیش آرشین بویو وار. یولدا بیر اوجا داغا یئتیشرسن. داغی چیخارسان. باشینا یئتیشنده گؤرجکسن هئچ بیر شئی ساکن دئییل، اوچان، اوتلاغان، سوروشگن دن توتدو، داش توز تورپاق، آغاج، هر شئی شیدیرقی دره یه سو٘روشور. اوغول، ساقین آیاغینی دره یه قویما، قویسان، سنده اولار کیمی دوغرو اژداهانین کامینا گئدیب، بیر داها چیخا بیلمزسن. اژداها یاتانا قدر دؤزه جکسن، هر شئی ساکن لشسین دئیه. قوش گؤیده اوچا بیله جک، داش یئرینده دورا بیلجک قدر. بئله اولدوقدا دره نین تکینه گئدیب گؤره جکسن اژداها خورولداییر. ایکی قاشینین آراسینی نیشانلاییب، اونو اؤلدوروب گؤتوروب گتیرهجکسن. آما گئنه ده دئییرم: آییق اولاندا ساقین آیاغیوی دره یه قویما! قاراشین کچل ممی الینی گؤزونه قویوب، چؤره یی بئلینه باغلییب، دابانلارینی چکیب، یولون آمانینی کسدی. دره لر دن یئل کیمی کئچدی، تپه لردن سئل کیمی آخدی. باشی یاستیق، گؤزو یوخو گؤرمه دی. گئتدی، گئتدی، بیر اوجا داغین اته یینه یئتیشدی. دایانمادی، دورد ال آیاقلی داغی چیخدی داغین باشینا یئتیشنده... نه گؤردو؟ گؤردو هر شئی، اوچان، اوتلایان، سو٘روشن دن توتدو، داش چانقیل، توز تورپاق، آغاج دان چیخدی، دره یه دوغرو سو٘روشور. اژداهانین آییق اولدوغونو، نفسینی داغا داشا سالدیغینی بیلدی. بیر آز گؤزله دی. هر شئیین ساکنلشدیینی گؤرنده، داغدان ائندی، گئدیب اژداهانین یانینا یئتیشدی. ائله بیر اژداها گوردو کی دئمکله باشا گلمز. بؤیورو او٘سته دوشموش، دره نین انی بویونو توتموشدو. قاراشین کچل ممی ایکی قاشینین آراسینی نشانلاییب ووردو. بیر، ایکی، اوچ دانا؛ سونوندا اژداها نعره چکیب بوردان هاراجان دئییم سو٘روشوب جان وئردی. بونو داها بیلمیرم قاراشین کچل ممی اونون لشینی نئجه چکیب گتیردی پادشاهین ائوینین اؤنونه سالیب دئدی: گؤتور، دوشمنین بئله گو٘نه دو٘شسون! وزیر هول ولایا دو٘شدو. پادشاه دئدی: وزیر، دا بو یول هئچ ماهانا یئری قالمادی. الی بوش قایتارا بیلمریک. یئریوی گرک اونا وئرسن. وزیر دئدی: قبله عالم ساغ السون! بوگون یوخ. صاباح گلسین سؤزوم یوخدو. گئنه گئجه بؤرکونو قاضی ائله ییب دئدی: آی منیم آباتای بؤرکوم، گؤر منیم ایشیمین سونو نئجه اولاجاق؟ من بیر دله دو٘ز کچلین الینده اسیر قالمیشام، باشقا چارام یوخدو. بو آداما بنزه مز کچل گؤزونو منیم وزیرلییمه تیکیب، آنلامیر کی او هارا، وزیرلیک هارا؟ آی منیم اولو بورکوم، منیم ایشیمین یولو نه دیر؟ دئ کی دیغلیرام. بورکو دئدی: آی بویوک باش وزیر، سن اؤزونه آلما، بو ایشین چاراسی سو ایچمک دن آساندی. سحر پادشاها دئ، کچلی فرنگستان پادشاهینین قیزینین دالیسیجا گؤندرسین. دا بو هر کچل مچلین ایشی دئییل. وزیر سئوینیب، بؤرکونو اوپوب ایکی قاشینین آراسینا قویوب راحات بیر نفس چکدی. سحر تئزدن خوروز بانیندان، حامام سیریستووسوندان اؤنجه، اؤزونو پادشاهین ائوینه یئتیردی. - ای پادشاه بو گئجه یوخو گؤردوم. - نه یوخوسو؟ - گؤردوم قاراشین کچل ممی گئدیب فرنگستانین پادشاهینین قیزینی سیزه گتیریب. یوللا گئتسین، بوندان گوزل فورصت اولماز.
آردی وار...
https://t.me/Adabiyyatsevanlar
Telegram
ادبیات سئونلر
بوکانال ادبیات سئونلر قوروپونون سئچیلمیش اثرلری دیر
کانالدا کی یازیلاری کانالین لینکینی وئرمک شرطی ایله پایلاشماق اولار.
کانالدا کی یازیلاری کانالین لینکینی وئرمک شرطی ایله پایلاشماق اولار.
This media is not supported in your browser
VIEW IN TELEGRAM
اوشاق ادبیاتی
اوشاق گرک بیلسین اونون بدن نین خصوصی یئرلری هارادیر و کیمسه نین حاقی یوخودور او یئرلره ال وورا.
https://t.me/Adabiyyatsevanlar
اوشاق گرک بیلسین اونون بدن نین خصوصی یئرلری هارادیر و کیمسه نین حاقی یوخودور او یئرلره ال وورا.
https://t.me/Adabiyyatsevanlar