«سعید_اودمان»


https://t.me/Adabiyyatsevanlar

«سعید_اودمان»

توخونور بئینیمده اؤلوم نوتلاری
بیتیر دار آغاجی مئلودوسوندان
هر سحر اذانی بیر من آسیلیر
اؤلور منده کی من اونون یاسیندان

مین قادین آغلاییر بئینیمده منیم
یاشامدان آزادلیق ایسته‌ییر اونلار
آزادلیق نه‌دیر کی قورخوسوز اوندان!؟
نه‌دن دیر تؤکولور گناهسیز قانلار!؟

نه‌دن دیر قان قوسور آخشاملار شَهَر
اوختایلار هر آخشام گولـله‌له‌نیری
مرضیه له‌چه‌یی ایسته‌میر داها
نه‌دن دیر آزادلیق سیله‌له‌نیری!؟

دوشونجه یوخلوغو چیرپینیر گؤزه
قادینی اؤلدورمک غیرت ساییلیر
ناموس سؤزجوکوندن گؤر نه قان دامیر
باخ سنلر گؤردوکجه منلر آییلیر

بیر کیشی قیزینین باشینی کسیر
او بیرسی قادینین دوغراییر اؤزو
قالانی قالیرسا اذان آساجاق
نه باها ساتیلیر آزادلیق سؤزو

بو آخشام قورتولسا گئجه باشلانار
گئجه‌لر اوزگوندور بوردا دویغولار
پلیسلر یاتارسا پرابلئمی یوخ
سس‌سیزدیر گئجه‌یه حاکیم اوغرولار

ایستَردیم بیرداها گونش چیخمایا
گونش چیخمادان دا اذان وئریلیر
بو اذان، گؤره‌سن کیمی آساجاق
هر اذان سسینده حیات بیتیلیر

هر سحر اذانی بیر من آسیلیر
بیر من یالواریری آنام بیلمه‌سین
منی اولدورسه‌نیز نئینک اولدورون
آزادلیق باغیران آنام اؤلمه‌سین

https://t.me/Adabiyyatsevanlar

سس : ائلمیرا رحیمووا  & گول آغا

سؤز : نبی خزری

https://t.me/Adabiyyatsevanlar

«م. کریمی»

https://t.me/Adabiyyatsevanlar

بابک – آذربایجانین ملی تورک قهرمانی
«م. کریمی»
اؤزت:
   آذربایجان تاریخینی باشقالاری¬نین یازیلاریندان اوخویوروق. بللی¬دیر اونلار اؤز باخیشلاری و گاهدان ایستک¬لری اساسیندا بیزیم تاریخی یازمیش، گاهدان دَییشیب و حتا تحریف ده ائتمیشلر. زمان سوره¬سییله بوگون علمی امکانلارین چوخالماسی و گیزلی قالمیش سندلرین آشکار اولونماسی، یئنی آراشدیرمالار، سندلر و فیکیرلرله تاریخیمیزه باخماق ضرورتی حیس اولونور. دوغروسو بودور کی بو ساحه¬ده درین بوشلوق واردیر، عئینی حالدا قونشو اؤلکه¬لرده یارانان نظریه¬لردن ده خبرسیز قالمیشیق. آذربایجان تاریخینده گوونمه¬لی زیروه¬لر واردیر، خبرسیز قالماغیمیزدان آسیلی اولاراق اونلاری بیزدن آلیب باشقا بیر بویا ایله بیزه تانیتدیرمیشلار. بوگون بیر چوخلو قونولاری باشدان اؤیرنمه¬لی و یئنی باخیشلا باخمالی¬ییق. بابکین سیماسی دا تحریفلرله اوز-اوزه گلن و دَییشدیریلن سیمالارداندیر.بو مقاله چالیشیر بابکین سیماسینی اعتبارلی قایناقلارا دایاناراق آچیقلاسین. بو یولدا باشقا عالیملرین ده آختاریشلارینا موراجیعت اولونوب و الده ائدیلن سونوجلار سئویندیریجی¬دیر.
آچار سؤزجوکلر: تاریخ، بابک، آذربایجان، تاریخ علمی، تاریخ نظریه لری...
https://t.me/Adabiyyatsevanlar

بابک...
«م. کریمی»

https://t.me/Adabiyyatsevanlar

«م. کریمی»

https://t.me/Adabiyyatsevanlar

دولان گل
شعر:«ائلدارموغانلی»
سس:«نیره اردلانی»

https://t.me/Adabiyyatsevanlar

«یاشیل یاز» شعر توپلو سو خانیم دوکتور «فریبا ابراهیمی»آفاقین چالیشمالاریله ایشیق اوزو گوردو
آرتیرمالییق بوکیتابا یوز شاعیرین شعری داخل دیر، شعرلرین چوخو تورکجه دیر.

https://t.me/Adabiyyatsevanlar

«علیرضا ذی حق» ادبیات سئونلر گوزگوسونده
زمان:بوگون سه شنبه 1402/4/13
ساعات: 10
ایکینجی بولوم
آپاریجی:«کریم قربانزاده»

https://t.me/Adabiyyatsevanlar

Snapinsta.app_video_10000000_1604211770042811_2069230651280559519_n.mp4

آذربایجان رقص لریندن گوزل بیر نمونه

https://t.me/Adabiyyatsevanlar

«ارشد_نظری»

قونوت_أل‌لری

گؤز گؤزه ساتاشدیق بیر آخشام چاغی
او ناماز اوستونـده من پیان-پیان
رئکلام‌سیز أل‌لری قونوت أل‌لری
شیرین دانیشیردی گؤی تانریسی‌لان

من هئچ آیریلیغا راضیلاشمادیم
چاتدی هاراییما بیر دلی شئیطان!
أل‌لری قونوت‌دان آسیلی قالدی
سوزدو ایختیاری چادراسیندان

گاهـدان یول آیریجی چتین اولارمیش
بیر تانری اویاندی، بیر تانری بویان
یؤنلتدی یولونو ساری سجده‌دن
سئوگی‌سین صراط-المستقیم دئین

اؤزون آیریلیق‌دان ووصالا چاتدی
قونوتون نیییته چئویرن گؤزل
بیر ثاواب ایچینده گوناها باتدی
من بیر ساری یاپراق او بیر أن گؤزل

او اؤزون بیر نذیر دئمیشدی منه
اونون‌لا دونیانی سئویردیم آنجاق
ایندی ده دئیه‌رم توپراق آلتیندان
بیر جوت أل قووزانیب قونوت توتاجاق

کیمسه تانریسی‌لا پیچیلداشاندا
قونوت أل‌لرینه حسرت یئیه‌رم
قییامت گونونه اینانماسام دا  
سئوگی دوعالارا آمین دئیه‌رم 

https://t.me/Adabiyyatsevanlar

‏کره خر...

https://t.me/Adabiyyatsevanlar

«علیرضا ذی حق» ادبیات سئونلر گوزگوسونده
زمان:بوگون سه شنبه 1402/4/13
ساعات: 10
ایکینجی بولوم
آپاریجی:«کریم قربانزاده»

https://t.me/Adabiyyatsevanlar

«علیرضا ذی حق» ادبیات سئونلر گوزگوسونده
سه شنبه 1402/4/13
ساعات: 10
ایکینجی بولوم   1
آپاریجی:«کریم قربانزاده»

https://t.me/Adabiyyatsevanlar

«علیرضا ذی حق» ادبیات سئونلر گوزگوسونده
سه شنبه 1402/4/13
ساعات: 10
ایکینجی بولوم   2
آپاریجی:«کریم قربانزاده»

https://t.me/Adabiyyatsevanlar

میرحسین دلدار بناب

اونودولمایان سئوگی!

اللرین الیمی سیخا سیخمایا
گؤزلرین اوزومه باخا باخمایا
باخیشین جانیمی یاخا یاخمایا
اونوتاجاق دئییل، اوره‌ییم سنی

دردلریم دردلرن اورتاق اولاجاق
کدرین قانیم تک جانا دولاجاق
دوداغین سولاندا جانیم سولاجاق
اونوتاجاق دئییل، اوره‌ییم سنی

قوللاریم بوینونا هؤرولمه‌سه‌ده
بختیمین گوللری دریلمه‌سه‌ده
دؤورانیم دایانیب سورولمه‌سه‌ده
اونوتاجاق دئییل، اوره‌ییم سنی

جهننم ایچینده یاشارام سنله
آشیلماز داغلاری آشارام سنله
چایلار تک چاغلاییب داشارام سنله
اونوتاجاق دئییل، اوره‌ییم سنی

سنین نیسکیللرین منیم نیسکیلیم
ائلین اؤزگه دئییل، ائلین اؤز ائلیم
دیلینه گلینجه سانکی اؤز دیلیم
اونوتاجاق دئییل، اوره‌ییم سنی

گؤزومو یومارسام، گؤزاریمده‌سن
آغزیمی آچارسام، سؤزلریمده‌سن
یانارسام سئومکدن، کؤزلریمده‌سن
اونوتاجاق دئییل، اوره‌ییم سنی

کؤکسومده چیرپینان، اوره‌ییم‌سن سن
وارلیقدا ان گؤزل، دیله‌ییم‌سن سن
گؤزومون ایچینده، ببه‌ییم‌سن سن
اونوتاجاق دئییل، اوره‌ییم سنی


https://t.me/Adabiyyatsevanlar

آلتینجی بارماق 
حئکایه‌:یازان:« قافار جعفرلی»
کوچورن:«ویدا حشمتی»
حاضیرلایان:«ادبیات سئونلر»
 
 
آچارین شاققیلتیسی، آردییجا جیریلتی سسیندن سونرا دمیر قاپی آرالاندی. تانیمادیغی کیشیلری قاپی آغزیندا گؤرن جاوان قادین بیر آددیم گئری چکیلدی.  قولوندان توتدوغو ۵-۶ یاشیندا اولان اوغلان اوشاغی گاه آناسی‌نین اته‌ییندن توتوب دارتیر، گاه دا آغزینی بوزوب اوز-گؤزونو جوربه‌جور شکله سالیر، ایراده‌سیز حالدا اللرینی و باشینی اگمک‌له‌ سَی-سَی حرکتلر ائدیر قیریق-قیریق، آنلاشیلمایان سؤزلر دئییردی.
قفیل گلیشدن اؤزونو ایتیرن قادین تعجبلو باخیشلارلا اوشاغی اؤزونه طرف سیخدی:
-سیزه کیم لازیمدیر؟
هامیدان ایره‌لی‌ده دایانان علی ضامنلی قامتینی دوزه‌لدیب جاواب وئردی:
-کامیل پاشایئوین منزیلی بورادیر؟
بو واخت اورتا بویلو، چلیمسیز، اوزونو توک باسمیش، داراق اوزونه حسرت قالمیش داغینیق ساچلاری آز قالا بوینونا کیمی اوزانمیش جاوان اوغلان عصبی حرکتله قادینی آرخایا دارتیب ایره‌لی کئچدی:
-ائشیدیرم سیزی.
یونگول بیر ایته‌له‌مک ایله تیرتاپ یئره اوزانماسی شک‌سیز اولان جاوان اوغلانین شصتله بیر آز دا یئکه‌یانا دانیشیغی ضامنلی‌نین دقتیندن یایینمادی. آمّا بو جور دانیشیقلاری ائشیتمه‌یه عادت ائتدیگیندن صؤحبته بیر ایستی‌لیک گتیرمک اوچون زارافاتا کئچدی:
-سیزده، آللاه قوناغینی قاپی آغزیندان قایتاریرلار؟
جاوان اوغلان مولکی فورمادا اولان ضامنلینی و یانیندا دایانان اورتا یاشلی کیشینی باشدان-آیاغا سوزدو، ایستئهزا ایله گولدو و بو زامان سیقارئتدن ساپ-ساری سارالمیش دیشلری گؤروندو:
-نییه بئله دئییرسیز؟ خوش نيّتله گلمیسیزسه دئمه‌لی، ائوین یوخاری باشیندا یئرینیز وار دئدی و کنارا چکیله‌رک الی ایله منزیلین ایچه‌ریسینی گؤستردی:
-بویورون کئچین.
ضامنلی، اورتا یاشلی کیشی، آردینجا ایسه ایکی جاوان پولیسین ایچه‌ری کئچمه‌سیندن جاوان اوغلانا سانکی اود ووردولار:
-یوخ دا، بو اولمادی، بیز بئله دانیشمادیق. بو جور آللاه قوناغی منه لازیم دییل.  خواهیش ائدیرم منزیلیمدن چیخین. چیخین دئییرم سیزه، گئدین بوردان.
پولیس نفرلری درحال اونون بؤیرونو کسدیلر. ضامنلی‌نین بیر ایشاره‌سینه بند ایدیلر کی، اونو قول-بویون ائدیب یئره سرسینلر. ضامنلی وضعيّتدن چیخیش یولو کیمی سسی‌نین یومشاق یئرینه سالدی:
- کامیل، سن نییه ناراحاتسان؟ بلکه  بیز بورا خوش نيّتله گلمیشیک. بلکه، سنه و عائله‌‌نه بیر کؤمگیمیز ديه بیلر.
-منه هئچ کیمین کؤمگی لازیم دییل. رد اولون ائویمدن.
یاشلی، نورانی سیمالی بیر قادین یان اوتاقدان چیخدی. ضامنلی ایله قادینین باخیشلاری توققوشدو. قادین گوناه ائتمیش اوشاقلار کیمی اللرینی یانا ساللاییب باشینی آشاغی دیکدی.  کامیلین بو حرکتی جاوابسیز بوراخیلا بیلمزدی. قانونون سرت اوزونو گؤسترمه‌یین واختی چاتمیشدی. ضامنلی‌نین سیماسینداکی تبسّوم بیر آنداجا اریییب یوخ اولدو.
-کامیل، بو جور حرکتلرین یئرسیزدیر.  گؤرورسن کی، پولیس امکداشلاریییق. من رایون پولیسی‌نین رئیس معاوینی علی ضامنلی‌یم. یانیمداکی عملیّات موکّیلی آنار اوروج اوو و پولیس نفرلریدیر.
ضامنلی‌نین ایشاره‌سی ایله اوروج اوو الینده‌کی قوولوقدان بیر ورق چیخاریب اونا وئردی.
-بویور، یاشادیغین ائوه باخیش کئچیریله‌جه‌یی باره‌ده قرارلا تانیش اولا بیلرسن.
کامیل نه باش وئردییینی آنلایا بیلمیردی. قورخو دولو تعجبله پولیس امکداشلارینا باخماقدا داوام ائدیر، آرادا ساغ الی‌نین ایچی ایله آلنی‌نین ترینی سیلیر، قوروموش دوداقلارینی یالاییردی. یاشلی قادین کامیلین قولوندان توتوب ایری اوتاغا طرف چکیب آپاردی. ضامنلی و دیگر پولیس امکداشلاری همین اوتاغا کئچدیلر. ضامنلی سؤزونه داوام ائتدی:
-وطنداش کامیل پاشایئو، ائوده قانونسوز نارکوتیک ماده‌ ساخلاماقدا و استفاده ائتمکده شوبهه‌لی‌سیز. قانونون طلبینه اساساً ائوده نارکوتیک ماده‌ وارسا، کؤنوللو تقدیم ائتمه‌یینیزی طلب ائدیریک.
کامیلین آلنیندان مونجوق کیمی دوزولن تر دامجیلاری هر ایکی یاناغیندان اوزو آشاغی سوزولوردو. تکرار سورغویا دا جاواب وئرمه‌دیییندن ضامنلی شوبهه‌لی شخص کیمی کامیلین ده ایشتیراکی تعمین ائدیلمک‌له منزیله باخیش کئچیریلمه‌سینه گؤستریش وئردی.  اوتاقلاردان و مطبخدن سونرا پولیس امکداشلاری بالکونا چیخدیلار. ضامنلی‌نین بوتون نظری اوردا، دیوارا دایانمیش تومبادا ایدی. اوروج اوو شخصاً تومبانی الک-ولک ائتدی. مأیوس حالدا باشینی ترپه‌ده‌نده ضامنلی‌نین دالاغی سانجدی. کامیلین بره‌لمیش گؤزلرله تومبایا زیلّه‌نمه‌یی ضامنلی‌نین نظریندن یایینمادی. «واننا اوتاغی» دا تمیز چیخدی. سونونجو باخیش کئچیریلن یئر آیاق‌یولو اولدو. بئش دقیقیه کیمی اوردا یوبانان اوروج اوو چؤله چیخاندا ضامنلینی کنارا چکیب قولاغینا نسه پیچیلدادی. عصب کئچیرتدییی حیسّ اولونسا دا ضامنلی تمکینینی ساخلاماغا چالیشیردی.

منزیله باخیشلا باغلی پروتوکول یازماق باره‌ده اوروج اووا گؤستریش وئره‌ندن سونرا ایللرین یورغونو کیمی اوتاغین سول کونجونده‌کی الده دوزلمه میزین کنارینا قویولان تابورئته(چارپایا) چؤکدو.
سورغو دولو نظرلری یان با یان تابورئتده اوتوروب بوتون عملیّات بویو سسینی چیخارمادان باشینی آشاغی دیکن یاشلی قادینا یؤنه‌لدی.
همین گون یاغیشدان سونراکی قیزمار گونشین ایستی‌سی هاوادا بیر بوغاناقلیق یاراتمیشدی. ناهار یئمه‌ییندن سونرا کابینئتینه قاییدان علی ضامنلی احوالیندا بیر ناراحاتچیلیق حیسّ ائتدی.  ساکیتله‌شیب بئینینده‌کی یورغونلوغو چیخارتماق اوچون پولیس شعبه‌سی‌نین قارشی طرفینده اولان باغا کئچدی. چوخ سئودییی نهنگ قوللو-بوداقلی، سرینلییی اونلارلا آداما بس ائدن دمیرآغاجی‌نین آلتینداکی بزکلی تاختا اوتوراجاقدا اوتوردو. اللرینی سینه‌سینده چارپازلاییب آیاقلارینی اوزاتدی. گؤزلرینی یوموب تخمیناً ۷۰۰-۸۰۰ مئتر آرالیدا اولان دنیز طرفدن گلن سرین مئحدن دویونجا جییرلرینه چکمه‌یه باشلادی.
واختین کئچن دقیقه‌لرینی حیسّ ائتمه‌دی. بیردن قولاغی‌نین دیبینده حزین بیر قادین سسی ائشیدیلدی:
-آی بالا، قوربانین اولوم، بیر دقیقه واختینی آلا بیله‌رم؟
ضامنلی گؤزلرینی آچدی و قارشی‌سیندا آغ ساچلی، اوزوندن نورانی‌لیک تؤکولن، اصیل شرق خانیمی کیمی گؤزه‌للییینی  طراوتینی هله ده ایتیرمه‌میش آغ‌بیرچک بیر قادین گؤردو و غیری ایرادی آیاغا دوردو. تئز قادینین قولوندان توتوب اوتوراجاغا یؤنله‌تدی. تخمیناً ۶۵-۷۰ یاشلاریندا اولان قادینین اگنینده‌کی پالتار کؤهنه، رنگی سولموش اولسا دا تمیز ایدی. باشینا باغلادیغی قهوه‌یی رنگلی یایلیق آغ ساچلارینی قوجاغینا آلمیشدی. اوزونده‌کی قیریشلار سیماسینداکی طراوتی هئچ ده آزالتمیردی. اونون غملی-غصّه‌لی، درد آدامی اولماسی سولغون سیماسیندان بیلینیردی. قادین آستادان دیلله‌ندی:
-اوغلوم باغیشلا کی، استراحتینه مانع اولدوم.
ضامنلی خوش بیر تبسّم‌له اونا زیلّه‌ندی. اوزونده سئوینج ایشارتلری گؤرونن قادین درحال سؤزونه داوام ائتدی:
-ائشیتمیشم رایونا تزه گلمیسن. هامی دا سنی تعریفله‌ییر. گلدیم کی، بلکه دردیمه بیر چاره قیلاسان... یاشیمین دا ئله واختیدیر کی، اجل هر دقیقه قاپیمی دؤیه بیلر.
-بویور آنا، ائشیدیرم سیزی.
قادین آریق، دامارلاری شیشیب اوزه چیخان الی ایله یایلیغی‌نین اوجونو آزجا دارتیب آرخایا وئردی، آغارمیش ساچلارینی قولاقلاری‌نین آرخاسیندا گیزله‌تدی. نظرلری مجهول بیر نقطه‌‌ده ایلیشیب، قالدی. هاندان-هانا سؤزه باشلادی:
-من اوغلومو توتدورماق اوچون سنین یانینا گلمیشم.
ضامنلی ائشیتدیکلری‌نین فرقینه وارا بیلمه‌دیییندن دوروخوب قالدی. نه دئیه‌جه‌یینی بیلمه‌دی. بیر تهر اؤزونو توپارلاماغا چالیشدی:
-آنانین اوغلونو توتدورماسی تجروبه‌مده آز تصادف اولونوب. هر حالدا  سببی ماراقلیدیر.
ائشیتدیکلرینی تصدیق ائدیرمیش کیمی قادین باشینی ترپه‌تدی و درحال دا دیلله‌ندی:
-البته‌‌، سن حاقلیسان. اوندا اوزونچولوق ائله‌سم ده گرک  منی باغیشلایاسان.
-هئچ ناراحات اولمایین.
قادین یایلیغی‌نین اوجو ایله آلنینی، یاناقلارینی و چنه‌سینی سیلیب، بیر مدت اطرافا باخدی. سونرا ضامنلی‌یه طرف چئوریلیب سؤزه باشلادی:
- منیم آدیم خوشبخت،  سوی آدیم پاشایئوادیر. حیات یولداشیم رایوندا ایلک شرکت آچانلاردان اولوب.  ایمکانیمیز چوخ یاخشی ایدی، عائله‌‌مله حسد آپاریلاسی بیر حیات یاشاییردیق. آمّا... هر شئی یولداشیمین قفیل اؤلوموندن سونرا ديیشدی. ایچکیدن، او زهریمار آراقدان، اوندا قارا جییرین سیرروزو تاپیلدی. خسته‌لیگی بیلینه‌نده آرتیق چوخ گئج ایدی. روسیادا، ایراندا حکیم قالمادی کی، اونا باخماسین. خئیری اولمادی. نه قازانمیشدی‌سا  هامیسینی اؤزو ایله آپاردی. همین واختی قیزیم نیگار عائله‌‌ قوروب گلین کؤچموش، بیر نئچه ایلین حسرتی اولان اوغلوم کامیل ایسه نیشانلی ایدی. عالی تحصیلی اولسا دا، ایش تاپا بیلمه‌میشدی. بیر گون کامیل توی پولو قازانماق اوچون روسیایا گئتمک ایسته‌دییینی دئدی.  ناعلاج‌لیقدان راضیلاشدیم. ایکی ایللیک آیریلیقدان سونرا گئجه-گوندوز یالوار-یاخاریب اونو گئری قایتارا بیلدیم. آزاجیق پول دا گتیرمیشدی. بیر تهر اونون اوچون توی ائدیب ائوله‌ندیردیم.  گلینیم گولوش چوخ آبیرلی-حیالی  زحمتکش بیر گلیندیر. قیزیم قدر اونو ایسته‌ییرم. حئیف او بالادان، اونو دا بدبخت ائله‌دیم. بونو آللاه منه باغیشلاماز.
خوشبخت خانیم سوسدو، کؤوره‌لدییی  حتی گؤزلری‌نین یاشاردیغی حیسّ اولوندو. تئز اوزونو یانا چئویریب، یایلیغی‌نین اوجو ایله گؤزلرینی سیلدی.  کؤورک بیر سسله عوذر خواهلیق ائتدی:

-سیز آللاه باغیشلایین، دردلی چوخ دانیشان اولار. ائله بیلر کی، اوندان باشقا هئچ کیمین دردی یوخدور. هامی دا بورجلودور کی، اونو دینله‌سین.
ضامنلی فکرینی جمع‌لشدیرمک اوچون اونا یاردیم ائتدی:
-سیز گلینه نئیله‌میسیز کی، او، بدبخت اولدو؟
-من باشی‌داشلی، من قاراگونلو نئیله‌یه بیله‌رم کی؟ -غیری ایرادی سسی‌نین تونو قالخدی و بونو اؤزو ده آنلادی. پئشمانچیلیق حیسّیندن اوزونه بیر قیزارتی گلدی. آستاجا سؤزونه داوام ائتدی:
-نئیله‌دی اوغلوم ائله‌دی... خالخین قیزی ائویمه آیاق باساندان بو واختا کیمی بیر گون گؤرمه‌دی. بیرجه اوغول بالاسی وار، ایندی آلتی یاشیندادیر. هم لالدی، هم ده عاغیلدان کم. ائله لووا دوشموشوک کی،  اوشاغی معالجه‌‌یه ده آپارا بیلمیریک. بو درده داها دؤزمک اولمور. آی بالا!
اونون گؤزلریندن یاش گلسه ده، آغلاماغی کناردان هئچ حیسّ اولونموردو. ضامنلی معطل قالمیشدی: سسسیز سمیرسیز نئجه آغلاماق اولارمیش؟ خوشبخت خانیم یانیقلی بیر سسله سؤزونه داوام ائتدی:
-سن دئمه اوغلوم روسیادان نارکومان کیمی قاییدیب. نه من بیلمیشم، نه ده کی او واختی نیشانلیسی. ایندی ایسه آروادی اولان گولوش، تویدان سونرا کامیلین بیر ایشله مشغول اولماماسی، هر گون ائوه سرخوش گلمه‌سینه بیر مدت اهميّت وئرمه‌دیم. تا او واختا کیمی گولوش اوغلومون قوللاریندا ایینه یئرلری‌نین دورمادان آرتدیغینی، گئجه‌لر آغری کسیجی درمان کیمی نوخود بویدا قارا رنگلی بیر حب آتدیغینی دئینه قدر. سونرالار ائو اشیالاری‌نین بیر-بیر یوخ اولدوغونو گؤردوک. ایشه دوزه‌لمک بهانه‌سی ایله آروادی‌نین بوتون قیر-قیزیلینی دا گؤتوروب آپاردی.
خوشبخت خانیم سول الینی ایره‌لی اوزادیب دریسی سویولوب یؤندمسیز حالدا بیتیشمیش آدسیز بارماغینی ضامنلییه گؤستردی:
-پول وئره بیلمه‌دیییم اوچون بارماغیمداکی اوزویو ایسته‌دی. امتناع ائدنده اوزوکدن توتوب ائله دارتدی کی،  بارماغیمین دریسی ده اونون الینده قالدی.
ضامنلی هله ده تعجبله اونون ایره‌لی اوزانمیش بارماغینا باخیردی. خوشبخت خانیم سوسدو. هئچ بیری دانیشماغا تلسمیردی. بیر آزدان اونون ایستئهزا دولو سسی ائشیدیلدی:
-سن قیسمته باخ، منیم آدیم خوشبخت، گلینیمین آدی ایسه گولوش. من خوشبختلییه، گلینیم ایسه گولوشه حسرت قالدیق... نه ایسه...  بونلار اولوب کئچنلردیر. ایندی ایسه اوغلومون توتولماغینی ایست‌ییرم.
خوشبخت خانیمین سون خواهشی شیکایته گلمه‌یینی، اوغلوندان گیزلتمک باره‌ده اولدو. راضیلاشدیقلاری کیمی ائوه گئدیب اوغلونون بالکوندا، تومبادا گیزله‌تدییی تریاکی، اونو اریتمک اوچون قاشیق و آلیشقانی، شپریسی یئرینده گؤروب درحال ضامنلی‌نین وئردییی نؤمره‌یه زنگ ائده‌رک شرط‌لشدیکلری سؤزو دئیه‌ندن سونرا عملیّات قروپو منزیله داخیل اولاجاقدی...
اوروج توو پروتوکولو ایمضالاتماق اوچون کامیله تقدیم ائده‌نده خوشبخت خانیم باشینی قالدیردی و ضامنلی ایله نظرلری توققوشدو. قادینین اوزونده‌کی اضطرابی، آغرینی گؤرمه‌مک، دویماماق مومکون دییلدی.  بوتون بونلار اولمازین عذابلار چکیب جانی بوغازا ییغیلان  سون آندا ایسه آنالیق حیسّی هر شئیه قالیب گلن تومبادا گیزله‌دیلنلری آیاق‌یولونا آتماقلا یگانه اوغلونو حبسده گؤره بیلمه‌ین آنانین کئچیرتدییی حیسّلر ایدی. یالواریش دولو، امداد دیله‌ین باخیشی ایسه ضامنلیدن باغیشلانماسینی خواهش ائدیردی: "نئیله‌ییم، اوره‌گییمله باجارا بیلمه‌دیم آللاخ تعالی سبب‌سیز هئچ نه ائله‌مز. اگر بو آلتینجی بارماغی منه وئریبسه دئمه‌لی اونو گزدیرمه‌یه بورجلویام. لاپ چیرکین گؤرونسه بئله. باغیشلا منی اوغول!"
ضامنلی منزیلدن چیخاندا کامیله اورک سؤزلرینی دئمه‌یی ده اونوتمادی:
-اؤزونه، آنانا، حیات یولداشینا یازیغین گلمیرسه، گلمه‌سین. هئچ اولماسا خسته اوغلونو دوشون، اونا یازیغین گلسین. بئله گئتسه حیاتینی حبس‌خانادا بیتیره‌جکسن.
بایاقدان بوتون دقتی ضامنلیده اولان اوشاق قفیل آتاسینا ساریلیب هؤنکوردو. ایلک دفعه‌ راستلاشدیغی بو حالدان شاشیریب قالان کامیل اونو قوجاقلاییب اوز-گؤزونو دوز کیمی یالاماغا باشلادی. خوشبخت و گولوش تعجبدن یئرلرینده دونوب قالمیشدیلار.
شاهیدی اولدوغو صحنه‌‌دن اوزونه خفیف بیر تبسّم قونان ضامنلی منزیلین گیریش قاپیسینا طرف آددیملادی. آرخادان کامیلین گؤز یاشلاری ایچینده هیچقیریقلا دئدییی و منزیلین دیوارلاریندا عکس صدا وئرن سسی ائشیدیلیردی:
"-اوغلوم  باغیشلا منی، نه اولار، باغیشلا! باخ! سؤز وئریرم. سؤز وئریرم کی، بیر ده او زهریمارا ال وورمارام. سنین یانیندان هئچ یئره گئتمه‌رم، اینان منه اوغلوم، اینان".
 
لنکران
۲۳-۲۴ اییون ۲۰۱۷

https://t.me/Adabiyyatsevanlar