«ائلدارموغانلی»

دولان گل دولانباج یوللارین آیریجیندان
حسرتی گؤزونده قالسین آیریلیغین!
دولان گل!
ایتیرمه دولایلاردا
قارانقوشا توخودوغون یاز نغمه‌لرینی!
کؤکسونده دومانی،
گؤزونده یووا قورموش گومانی اریت یوللار بویونجا،
آرینسین دولانباج یوللارین سینه‌سی-
باخیشلارا سانجیلان تیکانلاردان!
دولان گل
یوللارینا اوچسون یاز نغمه‌لی قارانقوش‌لار،
باخیشلارینا بویانسین چیچک بویالی اوچوش‌لار!
سحر- سحر
سوت گؤلونده یویونسون
آرزولارین سوت امر کؤرپه‌لری،
چال- چاغیرا چاغیرسین بنؤشه‌لر سحری.
دولان گل!
اوغلان چاغی‌دی سحرین؛
قویما ایلغیملارین گؤرونوشونده-
سوسوزلوغونو سویونسون سولغون باخیش‌لار،
پرن-پرن اولسون گونش آرغاجلی ناخیش‌لار!
دولان گل
آزماسین قارانقوش‌لار-
دولای‌لاریندا دولانباج یول‌لارین!
دولان گل
حسرتی گؤزونده قالماسین
قانادلانان قول‌لارین!

اردیبهشت ۱۴۰۰- تهران
قایناق: ایشیق سایتی

https://t.me/Adabiyyatsevanlar

ناصر داوران

«دلی سؤزجوک‌لر»

سؤزجوک‌لرین بعضیسی
بایات تیکه‌دیر
نفسی‌نین یولون کسیر ایکی تنفس‌لولرین.
یازیلماق ایسته‌ییر
شعیرلشمک؛
اعتراض کیمی
زهر کیمی.
ایلیق یاشاییشین،
مانیفست‌سیز آدام‌لارین
زهله‌سین آپاران پارتیا کیمی‌دیر
سؤزجوک‌لرین بعضیسی.
سؤزجوک‌لرین تربیه‌سی
دنیزدن مایالانیر بعضا
آفریقانین بیر دری- بیر سوموک جغرافیاسیندان
اعدام دیرک‌لریندن.
سؤزجوک‌لرین بعضیسی
عینی شاه‌لارین سون شامی‌دیر
الوداع بایرامی.
دانیشاندا
قیشین اییرمی آلتی‌سیندان دانیشیر
یارالی زحمت‌لرین
اوجا سسیندن.
سؤزجوک‌لرین بعضیسی
دلی دیر
۱۴۰۲/۰۴/۰۲
قایناق: ایشیق سایتی

https://t.me/Adabiyyatsevanlar

طنز

بو کیشی لرین سوزونون اوستونه سوز یوخدو واللاهی
بیلدیردن دئییردیلر: بو ایل تورومون دده سین یاندیراجاقلار من اولوم یاندیرمادیلار؟
دئییردیلر باهالیقین ائوین یخاجاقلار سونرا دونوب ایلده بیررررررر میلیون ائو تیکه جک لر من اولوم، سیز آلاه هانسی اولمادی؟
کیشی مشه ایبراهیم سنکی بوجور دوزدن ایدین به ایندیجه هاردایدین؟
آللاه سن چوخ شکور مجلسده مشه ایبراهیم ایله ال بیر اولوب هرزادی دوزده دوزده گلیرله قاباغا
تورومو،باهالیغی دوزتدیلر، اوزوموزوده قیرخ ایلدیر دو.... دیرلر بیر قالیردی ارزش افزوده گوتوراونودابوگون دوزتدیلر.

🔹نمایندگان مجلس نرخ مالیات بر ارزش افزوده برخی کالاهای اساسی در سال ۱۴۰۲ را یک درصد تصویب کردند.

🔹در جلسه امروز مجلس، در مورد لایحه دو فوریتی الحاق یک بند به تبصره شش قانون بودجه سال ۱۴۰۲ رای‌گیری شد و یک درصد مالیات بر ارزش افزوده برای برخی کاهای اساسی تصویب شد، برای گندم، برنج، دانه‌های روغنی، انواع روغن خام، حبوبات (شامل عدس، نخود، لوبیا و ماش)، قند، شکر، گوشت مرغ، گوشت قرمز و چای...

https://t.me/Adabiyyatsevanlar

علیرضا ذی حق ادبیات سئونلر گوزگوسونده
زمان: سه شنبه: 1402/4/6
ساعات: سحر ساعات10
بیرینجی بولوم

آپاریجی:«کریم قربانزاده»


https://t.me/Adabiyyatsevanlar

«علیرضا ذی حق» ادبیات سئونلر گوزگوسونده
سه شنبه: 1402/4/6
ساعات: سحر ساعات10
بیرینجی بولوم

آپاریجی:«کریم قربانزاده»


https://t.me/Adabiyyatsevanlar

«آیدین_داغتکین»

" آناما بنزه ییر..."


بعضاً گوردوغوم نه وار سا،
آناما بنزه ییر... ؛
سارالمیش بیر چیچک ده،
یولومو باغلامیش کولک ده،
گوج دن دوشموش بو اورگ ده،
بعضاً آناما بنزه ییر... ؛

باخدیقجا گئچمیشه،
هردن اوشاق لیغیم دا،
ایته ن جاوان لیغیم دا،
بعضاً ایندی لیغیم دا، آناما بنزه ییر...

بعضاً قولاغیما گلن سس ده،
دانیشدیغیم سؤز ده،
یازدیغیم شعیر ده،
بعضاً او سئوگیلیم ده،
آناما بنزه ییر....

آخی نیه بنزه مه سین کی؟
منیم گولوشوم ده،
غضب ایم ده،
گلیشیم ده، گئدیشیم ده،
بعضاً باخیشیم دا، آناما بنزه ییر...

عؤمور گئدیر ساچا دن دوشور،
اوز قریشیر  گؤزه تار دوشور،
من قوجالیرام،
اینان قوجا لیغیم دا  آناما بنزه ییر...

بعضاً گوردوغوم نه وار سا آناما بنزه ییر...

https://t.me/Adabiyyatsevanlar

تشککورلر خانیم(‌ قیسا حیکایه)
✍:«لنگستون_هیوز»
تورکجه‌یه چئویرن:«سحرخیاوی»

بوی- بوخونلو قادین ایدی. دوپ- دولو چانتاسی‌نین اوزون بندینی چیینینه سالمیشدی.
تقریبن گئجه ساعات اون‌بیرده، یاپا- یالقیز، قارانلیقدا ائوینه ساری گئدیردی. یئنی یئتمه بیر اوغلان چانتاسینی قاپماق قصدینه آرخاسینجا قاچیردی. آمما چانتانین بندینی چکنده، بند قیریلدی. اوغلانین و چانتانین آغیرلیغی اوغلانین بودره‌مه‌یینه سبب اولدو.
قاچماق یئرینه آرخاسی اوستونده پیاده یولونا ییخیلدی، پاچالاری هاوادا قالدی. قادین ال- آیاغینی ایتیرمه‌دن جین شالوار گئیمیش ساغریسینا بیر مؤحکم تپیک سالدی. سونرا اَییلیب یاخاسیندان یاپیشیب، دیشلری چاخ- چاخ سینینجا اونو سیلکله‌دی. سونرا دئدی:
- اوغلان، چانتامی الیمه وئر...

بویازینین آردینی ادبیات سئونلر کانالیندا اوخویون.

https://t.me/Adabiyyatsevanlar

تشککورلر خانیم(‌ قیسا حیکایه)
✍:«لنگستون_هیوز»
تورکجه‌یه چئویرن:«سحرخیاوی»

بوی- بوخونلو قادین ایدی. دوپ- دولو چانتاسی‌نین اوزون بندینی چیینینه سالمیشدی.
تقریبن گئجه ساعات اون‌بیرده، یاپا- یالقیز، قارانلیقدا ائوینه ساری گئدیردی. یئنی یئتمه بیر اوغلان چانتاسینی قاپماق قصدینه آرخاسینجا قاچیردی. آمما چانتانین بندینی چکنده، بند قیریلدی. اوغلانین و چانتانین آغیرلیغی اوغلانین بودره‌مه‌یینه سبب اولدو.
قاچماق یئرینه آرخاسی اوستونده پیاده یولونا ییخیلدی، پاچالاری هاوادا قالدی. قادین ال- آیاغینی ایتیرمه‌دن جین شالوار گئیمیش ساغریسینا بیر مؤحکم تپیک سالدی. سونرا اَییلیب یاخاسیندان یاپیشیب، دیشلری چاخ- چاخ سینینجا اونو سیلکله‌دی. سونرا دئدی:
- اوغلان، چانتامی الیمه وئر.

هله یاخاسینی محکم توتموشدو.
- سن اؤزوندن اوتانمیرسان؟! اوغرولوق ائدیرسن؟!
- اوتانیرام خانیم.
- بس نه‌دن بو ایشی یاپدین؟
- آنلامادیم.
بو آن‌دا، نئچه نفر بؤیورلریندن کئچرکن اونلارا باخدیلار. قادین دئدی:
- بوراخسام قاچارسانمی؟
- بلی خانیم.
- اوندا بوراخمارام.
اوغلان یئنه یاواش دئدی: آنلامادیم خانیم.
- اووووم. اۏزون ده کی چیرکلی دیر. مگر سنه اوزونو یو دئیه‌ن بیر کیمسن یوخمو؟!
- یوخ خانیم.
- "یاخشی. بو آخشام اوزونو اؤزوم یووارام". سونرا قورخودان رنگی قاچمیش اوغلانی، آرخاسیجا سورویرکن یولا دوشدو.
اوغلان اؤن‌دورد، اون بئش یاشیندا گؤرونوردو، آریق ایدی.
قادین دئدی: منیم اوشاغیم اولسایدین سنی حسابی ادب ائلردیم. هله‌لیک اوزونو یو‌. آجسان می؟
اوغلان قادینین آرخاسینجا والایلاییردی." یوخ. آج دئییلم. یالنیز سیزی تانری منی بوراخین".

- سنی بو راحاتلیغا بوراخماغیمدا سهو ائدیرسن اوغول. ائله حسابینا یئتیشه‌جم "لولا بیتز واشنگتن جونز" خانیمین آدینی هئچ واخت اونوتمایاسان.

اوغلان تَرله‌دی. قاچماق ایسته‌دی. قادین پئیسریندن توتوب یئنی‌دن یولا دوشدو. قاپیسینا یئتیشرکن اوغلانی ائوه سالدی. هالدان کئچیب بؤیوک بیر مئبئل‌له دوشنمیش اوتاغا کئچدیلر. ائوین بالاجا بیر مطبخی وار ایدی. قادین چیراغی یاندیردی. اوغلان باشقا اوتاقلاردان دانیشماق، گولمک سسی ائشیدیردی. بیر سیرا اوتاقلارین دا قاپیسی آچیق ایدی. اوندا قادین تک یاشامیرمیش. اوتاغین اورتاسینا چاتدیلار، قادین هله ده اوغلانین پئیسرینی محکم توتموشدو.
- آدین نه‌دیر؟
- راجر.
- یاخشی. گئت اوزونو او سینک‌ده یو. ایذین وئر سویون قاباغی گئدیب ایستی‌لشسین. بو دا تمیز حوله. اوزونو یاخشی قورولا.
اوغلان اوزونو یوواراق" منی دوستاغا گوندره‌جکسن؟"،- دئدی.
- یوخ. آنجاق من یاشاماق اوچون بیر تیکه چوره‌ک فیکرینده‌یدیم، سن منیم چانتامی اوغورلاییردین؟! شام یئییبسن می؟
- یوخ. شام بیشیره‌نیم یوخدور.
- اولدو. بیرگه شام یئیه‌ریک. بلکه قارنین آج اولدوغونا چانتامی اوغورلاییردین، هه؟
- یوخ، اؤزومه بیر جوت ماوی کتانی آلماق ایسته‌ییردیم.
- آخماق گَده، اوغرولوق یئرینه منه دئسه‌یدین آلاردیم دا.
اوغلانین اوزوندن سو دامجیلارکن قادینا باخدی. اوزونو قورولادی. قادین کاناپه‌نین اوستونده اوتورموشدو.
- "من ده بیر گون سنین کیمی گنج ایدیم،   کونلوم ایسته‌دییی چوخ شئیلره پولوم یوخ ایدی"،- دئدی.
اوغلان بیر سؤز دئمک اوچون آغزینی آچدی، قادین اونو قاباقلاییب دئدی:
- نه دیر؟ فیکر ائدیرسن من اوغرولوق ائتمه‌میشم دییه‌جم؟
من ده گنجلیک‌ده چوخ پیس ایشلر گؤرموشم، دئمه‌‌یه اوزوم گلمیر. آللاه دا بیلمه‌سیدی اوندان دا گیزلدردیم. ایندی گَل اوتور شام بیشیریم. ساچینی دا داراسان لاپ آداما اوخشایارسان.

اوغلان عمدا اوتاغین بیر کونجونده، قادین گؤره‌ بیلن بیر یئرده اوتوردو. قادین اونا ایناندیغی حالدا، اونو اعتمادسیز ائتمک ایسته‌میردی.
اوغلان دئدی: " سود، یوخسا باشقا بیر شئی ایسته‌سه‌نیز توکاندان آلیم؟"
- یوخ، سودوموز وار، سن اوچون سود- کاکائو دا دوزلده‌جم.
بیرآز دا لوبیا ایله اَت سویودوجودان چیخاریب، قیزدیردی. اوغلان اوچون سود- کاکائو دا دوزلتدی.
اوغلاندان ائولری و عائیله‌سی باره‌ده هئچ نه سوروشمادی. شام یئمه‌یه باشلادیلار. قادین اوغلانا بَربَر اولدوغونو و بئواختاجا اورادا ایشله‌دییینی سؤیله‌دی. سونرا اوغلانا بیر پارا دا تورت وئردی. " یئه اوغلوم"- دئدی.
شام قورتاردی. قادین یئریندن قالخیب اون دُلار اوغلانا وئردی." بونونلا دا، اؤزونه ماوی کتانی آل، آمما داها اوغرولوق ائتمه، اوغرولوقلا آلدیغین باشماق آیاقلارینی یاندیرار منیم بالام"،- دئدی.
هالدان چیخدیلار، قادین ائشیک قاپیسینی اوغلانا آچدی." گئجه‌ن خئیره قالسین. اؤزوندن موغایات اول اوغلوم"، - دئدی.

اوغلان پیلله‌‌کن‌لردن ائندی. قادیندان تشککور ائتمک ایسته‌ییردی، آغزینی آچدی آمما بیر قورو تشککور ده ائده بیلمه‌دی. بیرآز دایاندی، یالنیز اوزون- اوزادی قادینا باخدی. قادین ایسه قاپینی باغلادی.

سون.
https://t.me/Adabiyyatsevanlar

زحمت دارد آدم بودن را می گویم.
از صادق هدایت نیست
#جعلی #صادق هدایت
@jaliyat
@jaliyat

اوشاق ادبیاتی

اوشاق ادبیاتی هرهفته پنجشنبه گونو ادبیات سئونلر کانالیندا  .
اوشاق ادبیاتینا دایر یازیلارینیزی بیزه گوندرین .

https://t.me/Adabiyyatsevanlar

اوشاق ادبیاتی

اوشاق حئکایه‌لری
  
یازان:«کامیل آراز»
کوچورن:«ویدا حشمتی»
حاضیرلایان:«ادبیات سئونلر»

 
چیچکلرین رقصی
 
قیش هله قورتارمامیشدی. حیطده قار اریمیش، باهار هاواسی دویولسا دا، خفیف کولک اسیر، تومورجوقلاری آزاجیق بیلینن آغاج و کوللاری سیلکه‌له‌ییردی.
چیچک ائوه گیرنده تلوزیون‌دا قیزلار رقص ائدیردیلر. موسیقیدن خوشلانان چیچک ده اونلارا قوشولدو. ننه‌سی هله ده الیندکی چؤمچه ایله پنجره‌لرین قاباغینداکی دیبچکلرده اولان چیچکلرین دیبینه سو تؤکوردو.
اویناق موسیقی صدالاری آلتیندا بیر آز رقص ائده‌ندن سونرا چیچک ننه‌سی‌نین یانینا قاچدی:
-ننه، موسیقی چالینیر. من اویناییردیم.  بس بو چیچکلر نییه اوینامیردی؟
ننه‌‌سی بیر آز فیکیرلشیب:
-باخ، قوزوم! چیچکلر موسیقی ایله یوخ، کوله‌یین یا دا مئحین اسمه‌سی ایله اویناییرلا، -دئییب پنجره‌نین بیر تاغینی آچدی و پنجره‌ده‌کی پرده اولان گول-چیچک شکیل‌لری ایله برابر دیبچکده‌کی چیچکلرین رقصینی چیچه‌یه گؤستردی.
 
 
باشا دوشدوم
 
درسیمی حاضرلاییردیم. متنده چوخلو سؤزلر وار ایدی. تاپشیریغا گؤره"ش" ایله باشلایان سؤزلری سئچیب آییرمالی و شیفاهی اولاراق اونلارین معناسینی ایضاح ائتمک لازیم ایدی. متنده قویون، شیشک، ایلدیریم، شیمشک سؤزلری ده وار ایدی.
من شیشک و شیمشک سؤزلرینی"ش"  حرفی ایله باشلایان سؤزلرین سیراسینا یازدیم. آنجاق سؤزلرین معناسینی بیلمه‌دیم. قونشو اوتاقدا بابام بیر نئچه کیشی ایله صؤحبت ائدیردی. منیم بابام معلّیم اولموشدو. تقاعده چیخاندان سونرا درس دئمه‌سه ده، اونون کئچمیش طلبه‌‌لری تئز-تئز اونو زیارته گلر، یازدیقلاری شعر و حئکایه‌لری اونا اوخویوب مصلحت آلاردیلار. بعضا من ده بوش واختیم اولاندا اونلارین یانینا، قوناق اوتاغینا گلر، بابامین یانیندا اوتوروب مذاکره‌لره قولاق آسمیشام. باشا دوشدویوم او اولوب کی، قوناقلار بابامین دئدیکلری ایله راضیلاشیبلار.
من کیتابی گؤتوروب، قوناقلارین یانینا گلیب کیتابی باباما اوزاتدیم. او تاپشیریغین متنینه گؤز گزدیرندن سونرا -آنلادیم- دئدی.
-سن شیشک و شیمشه‌یین نه اولدوغونو بیلمیرسن. بیر نئچه دقیقه اوتور صؤحبته قولاق آس، من سنه کؤمک ائده‌جه‌یم.
من ده قوناقلارین صؤحبتینه قولاق آسماغا باشلادیم. صؤحبت قاراباغین آزاد ائدیلمه‌سیندن، بو ساحه‌‌ده شاعر و یازیچیلارین مسئولیّتیندن گئدیردی. بابام ایسه الی‌نین آلتینداکی شاگیرد دفترینی گؤتوروب نسه یازماغا باشلادی.
بیر نئچه دقیقه‌دن سونرا بیر ورق جیریب منه اوزاتدی -گئت اؤز اوتاغیندا اوخو- دئدی. من تله‌سیک اوتاغیما چاتیب اورتادان قاتلانمیش ورقی آچیب اوخوماغا باشلادیم. بابام یازمیشدی:
 
شیشک جاوان قویوندور،
هله وئرمه‌ییب بالا
یونون‌داندیر شیشه‌یین
سنین دؤشه‌یین بالا.
 
شیمشه‌یی ایلدیریمدان،
اوغول سسیندن آییر.
شیمشک ساکیتجه "قاچیر"،
ایلدیریم گورولداییر.
 
بابامین بو یازیسیندان شیشه‌یین و شیمشه‌یین نه اولدوغونو باشا دوشدوم.
 
 
«دوز کرپیجلر»
 
"قالیب" آرخادا بوراخدیغی کرپیجلری گؤروب سئویندی. نئجه شومال، دوزگون دؤرد بوجاقلی ایدیلر.
-هه، گؤزل‌لر، باخ بئله  سیزین و منیم سایه‌مده یاراشیقلی ائولر تیکیله‌جک.  اینسانلار راحت یاشایاجاقلار چ.
کرپیجلردن بیری اونون سؤزونو کسدی:
-بورا باخ! قالیب، ایندییه قدر تورپاغی سامانلا قاریشدیریب، آیاقلاییب پالچیق حالینا سالان کیشی ایدی. بو گون بیر اوشاق دا اونا قوشولوب، بالاجادیر، او  بیزی نئجه یئتیشدیره‌جک؟
قالیب جاواب وئردی:
-سیزی کیم حاضرلاییر حاضرلاسین، تکی جان یاندیرسین.
پالچیقلا قلیبین صؤحبتینی باشا دوشن کرپیج‌ کسن اونلارین صؤحبتینی بئله یئکونلاشدیردی:
-من اوغلوملا الیمیزدن گلنی ائتدیک، نه قدر کی، قالیب کورلانماییب، دوزدور. سیز ده گؤزل و دوز اولاجاقسینیز- دئدی.
 
 
روایتین سئحرینده
 
باباملا من شلاله‌یه چاتاندا آخشامچاغی ایدی. شلاله‌نی گؤسترمه‌یی بابامدان من خواهیش ائتمیشدیم. اونسوز دا آری‌خانادا گؤروله‌جک ائله بیر ایشیمیز ده یوخ ایدی. پتک‌لری دونن سوزموشدوک. بو گون استراحت ائتدیییمیزدن بابامین دفعه‌لرله منه سمتینی گؤستردییی قایالارین آراسینداکی شلاله‌نین یانینا آپارماسی‌نین سبب‌کاری دا من ایدیم.  شلاله آری‌خانادان خئیلی اوزاقدا ایدی.  اونا گؤره ده اورا چاتماغیمیز آخشام چاغینا تصادوف ائتدی.
قایالارین آراسیندان خئیلی اوجادان تؤکولن سو یئره چاتماغا آز قالمیش اؤز بوتؤولویونو ایتیریب گاه کیچیک بولاق کیمی، گاه دا دامجیلار شکلینده یئره چاتیردی. منظره چوخ گؤزل ایدی. اطرافی قایالارلا و خیردا کوللارلا احاطه‌‌ اولونموشدو. شلاله‌نین گؤزل‌لییی منی مفتون ائتمیشدی. سو تؤکولن یئرین یانیندا قولاق باشقا سس ائشیتمه‌سه ده،  بیر نئچه آددیم آرالی نیسبتاً اوجا سسله دانیشماق و دئییله‌نی ائشیتمک اولاردی.  بابام:

-بئله یئرده بیر تیکه چؤرک یئمک لذّت وئرر- دئییب آرخاسینا آسدیغی چانتانی آچیب سوفره سالدی. منیم فیکریم ایسه شلاله‌نین، بو گؤزل معجزه‌نین یانیندا ایدی.
بیز یئمه‌یه باشلایاندا دره‌نین ایچی ایله بیزه طرف، اوزو یوخاری شلاله‌یه طرف آغ بولود پارچالاری آخماغا باشلادی.  بابام:
-تلسمه‌لیییک، بیرازدان بورانی دومان باساجاق. آنجاق من بورا گلن بوتون جیغیرلاری تانیییرام- دئییب اوزومه باخدی.
-بلکه چؤره‌ییمیزی یئیه-یئیه سنه بیر روایت دانیشیم، سنه ده ماراقلی اولار.
-دانیش بابا! دانیش، اگر شلاله‌یله باغلیلیغی اولسا، لاپ یاخشی اولار.
-دانیشاجاغیم احوالات بوتونلوکله شلاله‌یله باغلیدی-  دئییب بابام صؤحبتینی بئله داوام ائتدیردی: -چوخ قدیم زامانلاردا ایکی داغ پریسی وار ایمیش. اونلار آدیندان معلوم اولدوغو کیمی، داغلاردا بیر-بیریندن آرالی یاشاییر، تصادوفاً شلاله‌یه هم گؤروشوب دردلشمه‌یه، هم ده یویونماغا گلرمیشلر.  قایالار و کوللار اونلاری یاد گؤزلردن،  نامحرملردن محافظه‌‌ ائدرمیش. پری‌لر یویوندوقلاری زامان کوفتا و تومانلارینی دا یویوب قایالارین اوستونه سره‌رک قورودوب گئدنده گئیرمیشلر. بیر دفعه‌ اونلار یویوندوقلاری زامان چوخ حساس اولدوقلاریندان یاد سسلر ائشیتمیش،  تومانلارینی گئیینمک ایسترکن اونلارین هله ده یاش اولدوغونو گؤرموشلر. نه ائده‌جکلرینی بیلمه‌ین پری‌لر اؤز تانریلاریندان چیخیش یولو دیله‌میش‌لر. بیردن اطرافی دومان بوروموش، یاد سسلر اوزاقلاشمیش. پری‌لر ایسه دوعا ائتمیه باشلامیشلار:
-نه اولار، اولو تانری، مصلحت بیلدییین کیمی تومان اولماسین، دومان اولسون دئمیشلر.
بو گون ده بئله، بو روایتی بیلن خالقلار دومانا اؤرتوک، گئییم معناسینی وئرن تومان دئییرلر. بابام صؤحبتینی بورایا چاتدیرانا قدر دومان دا آرتیق بیزه چاتمیشدی. بیز چؤره‌ییمیزی یئییب سوفرانی ییغیشدیردیق. دومان ایسه گئتدیکجه سیخلاشیردی. بابام بیر جیغیرا دوشوب دره آشاغی ائنمه‌یه باشلادی. من اونون آرخاسینجا گئتسم ده، فیکریم گؤردویوم شلاله‌نین گؤزل‌لییی و ائشیتدیییم روایتین سئحرینده قالمیشدی.

https://t.me/Adabiyyatsevanlar

اوشاق ادبیاتی
اومای خانیم

دونن اوشاق‌باقچاسی نین مودوروندن عاییله لره گلن ایمیل متنی سیزینله پایلاشیرام کی گؤرک آلمانیادا جان و روان ساغلیغی برابر درجه ده نقدر اؤنم داشییر، و بونلاردان باشقا، هرشئی اؤنمسیزدیر. گؤزل پالتار گئیمک اؤنمسیزدیر، اوشاق لکه سیز پالتار گئیمک اؤنمسیزدیر، اوشاغین اللری، اوزو، باشی، هریئری پالچیقلی اولماییب تمیز اولماق اؤنمسیزدیر. اؤنملی اولان اوشاغین اوشاقلیق ائدیب جان و روان ساغلیغینی قوروماقدیر.
بیز نقدر اوشاغیمیزین ظاهرینه و نقدر روانینا اؤنم وئریریک؟

بو یازینین آردینی ادبیات سئونلر کانالیندا اوخویون.

https://t.me/Adabiyyatsevanlar

اوشاق ادبیاتی
یازان:«اومای خانیم»

عزیز عایله‌لر
🌞🌞🌞🌞یای گلدی و گونش گؤک اوزونده یانیر.
سیزدن بونلاری ایسته ییریک:
_ بیلدیغینیز کیمی ناهاردان سونراکی باغچا (حَیَط) زامانیندا, بیز اوشاقلارین هامیسینی گونش یاغی سورتوب و ائشیه آپاریریق. آما سحر چاغی ائودن گتیرمه دن لوطفا گونش یاغی سورتوب و گتیرین، چون کی سحر چاغلاری دا باغچادا قالیریق.

_ اوشاقلارا یونگول گونش بؤرکو قویون، ترجیحا بویون قورویوجوسو ایله.

_ بیز بوردا ایچجک وئریریک اوشاقلارا، آما اؤزلرینه اؤزل سو شوشه سی اولدوغوندا، سو ایچمه یه داها ماراقلی اولورلار. لوطفا مومکونسه، اوشاغینیزا اؤزل سئودیگی سو شوشه سی گتیرین.

(سو ایچمک مقدارینی آرتماق اوچون، سو ایچمک اویونلاری قوروروق)

🌞🌞🌞🌞 ایستی یای زامانی، اوشاق باغچاسیندا پالچیق زامانی دیر.

پالچیق چوخ گوجلو لکه‌لندیی اوچون سیزدن خواهش ائدیریک کی، اوشاقلارا آنجاق کؤهنه پالتارلار گئییندیره سیز کی، بیز و اوشاقلار، پالتارلاریندا لکه اولوب اولماسینا فیکیر وئرمه یک.
پالچیق اؤزوایله اوشاغین رشد و کشفینده بؤیوک اؤنم کسب ائدن بیر چوخ دویغو تجربه لری و حرکت حسی محرک لری گتیریر.
اونا گورادا بیزه اوشاق گئییملری ایکینجی درجه ده اؤنم و اهمیت داشییر. بیزیم اوچون واجب اولان: ائیلنجه، تجربه و حسی ائتگیلردیر.

سیزه گؤزل گون آرزو ائدیرم

https://t.me/Adabiyyatsevanlar

اوشاق ادبیاتی
سسلندیرن:« فاطمه محمودی»

https://t.me/Adabiyyatsevanlar

اوشاق ادبیاتی

آذربایجان افسانه لری

سویله ین:«صمد بهرنگی - بهروز دهقانی»
چئویرن:«منیژه جم‌نژاد»

حاجی صیادین قیزی۳


پری دئدی: آخی بیلمیسیز کی، منیم اربابیم منی چوخ سئور، اؤزو اجازه وئریب. پادشاه لا وزیری گؤتوروب ائوه گتیردی. شام یئییب دانیشماغا باشلادیلار. پری حاجی صیادا دئدی: آغا، قویورسان گئدم ماللانی دا چاغیرام گلسین؟ دئییللر ماللا لار خوش صحبت اولار. بیر آز دانیشار، قوناقلارین او٘ره یی آچیلار. حاجی دئدی: اولسون، ایستیرسن گئت چاغیر گلسین. پری دوروب گئتدی ماللانی گتیردی. اوتوردولار، اوردان بوردان دانیشدیلار. پری درویش لره دئدی: سیزده بیر سؤز دئیین ائشیدک. درویش بابالار چوخ بیلر. پادشاه دئدی: کچل لر درویشلردن ده چوخ شعردن مثل دن بیلر، سن بیرینی دئ بیز ائشیدک. پری بو سؤزو گؤزله ییرمیش کیمی، یاراسی دئشیلدی. دئدی: ایندی کی مجبور ائلیسیز، بیر سؤز دئییرم، خوشونوزا گلمسه، منیم گوناهیم دئییل. سونرا اوخوماغا باشلادی:
آدیم پری، حاجی صیاد قیزیام.
گؤیده پاریلدایان دان اولدوزویام...
بویازینین آردینی ادبیات سئونلر کانالیندا اوخویون.

https://t.me/Adabiyyatsevanlar

اوشاق ادبیاتی

آذربایجان افسانه لری

سویله ین:«صمد بهرنگی - بهروز دهقانی»
چئویرن:«منیژه جم‌نژاد»

حاجی صیادین قیزی۳


پری دئدی: آخی بیلمیسیز کی، منیم اربابیم منی چوخ سئور، اؤزو اجازه وئریب. پادشاه لا وزیری گؤتوروب ائوه گتیردی. شام یئییب دانیشماغا باشلادیلار. پری حاجی صیادا دئدی: آغا، قویورسان گئدم ماللانی دا چاغیرام گلسین؟ دئییللر ماللا لار خوش صحبت اولار. بیر آز دانیشار، قوناقلارین او٘ره یی آچیلار. حاجی دئدی: اولسون، ایستیرسن گئت چاغیر گلسین. پری دوروب گئتدی ماللانی گتیردی. اوتوردولار، اوردان بوردان دانیشدیلار. پری درویش لره دئدی: سیزده بیر سؤز دئیین ائشیدک. درویش بابالار چوخ بیلر. پادشاه دئدی: کچل لر درویشلردن ده چوخ شعردن مثل دن بیلر، سن بیرینی دئ بیز ائشیدک. پری بو سؤزو گؤزله ییرمیش کیمی، یاراسی دئشیلدی. دئدی: ایندی کی مجبور ائلیسیز، بیر سؤز دئییرم، خوشونوزا گلمسه، منیم گوناهیم دئییل. سونرا اوخوماغا باشلادی:
آدیم پری، حاجی صیاد قیزیام.
گؤیده پاریلدایان دان اولدوزویام.
گئتدی، گئتدی بیر دره ده ائندیردی؛
اوتوران وزیر بیر جوت اوغلوم اؤلدوردو؛
دئدیم آی قانیما قان آلان درویش!
آتادان، آنادان مهربان درویش!

ماللا وار یئردن یوخ اولدو. وزیرین او٘ره یی تؤکولدو، ال آیاغین ایتیردی.
آتاسی بیر طرفدن دوردو، آناسی او بیری طرفدن، دئدیلر: اوغلان نه دئدین، بیرده دئ. پری دئدیکلرین بیرده دئدی. سونرا کچل بؤرکونو چیخاردی، هامی اونو تانیدی. اؤپوش گؤروش باش توتدو. پادشاه دا او٘زونو گؤستردی. پری باشینا گلن لری هامیا سؤیله دی. سحر پادشاه بویوردو پرینی حاماما آپاردیلار. ماللا ایله وزیرین ده بوینونو ووردولار. حاجی صیاد یئددی گون یئددی گئجه توی توتدو. قیزینی پادشاها تاپشیردی، یولا سالدی.
سون🍄

https://t.me/Adabiyyatsevanlar

اوشاق ادبیاتی

https://t.me/Adabiyyatsevanlar

اوشاق ادبیاتی
کارتون

اوشاق ادبیاتی هرهفته پنجشنبه گونو ادبیات سئونلر کانالیندا  .
اوشاق ادبیاتینا دایر یازیلارینیزی بیزه گوندرین .

https://t.me/Adabiyyatsevanlar

«احمد مطر»

‏مواطن ..

كلُ ما أعرِفهُ .. أني مواطنْ
وبلاديَ من أغنى بلادِ العالمينْ
و أنا جائعْ ..
وأطفاليْ حُـفاة ٌ..
و بيتيْ مؤجرْ
وبراميلُ النفطِ تُهدرْ ..
كل حينْ
والملايين تُبّذرْ ..
في حياضِ ِالآخرينْ
وأنا ابن الأرض ِ
مدْينْ ..

شهروند

تمام آن چیزی که میدانم این است که من شهروندم
و سرزمینم از غنی ترین سرزمینهای دنیاست
و من گرسنه ام
و فرزندانم پابرهنه اند
و خانه ام اجاره ای است
و بشکه های نفت به هدر میروند
تمام وقت
و میلیونها در سرزمینهای دیگر هدر ميرود
و من فرزند این سرزمین
بدهکارم

https://t.me/Adabiyyatsevanlar