«نادر_الهی»

داغلار

یئنه دورنالار تک قاطار قاطارسان
کؤچورسن...؟
هاران وار؟ هاران آ داغلار!
عرب‌سن...
عجم‌سن...
تات‌سان...
تاتارسان؟
«غوربتی» سیزلاییر یاران آ داغلار!

بولودلار یاغیشا دولوب آغلاییر
سؤیودلر ساچینی یولوب آغلاییر
گلیرم قار- بوران یولو باغلاییر
آجیغلان بو قارا، بورانا داغلار!

سسیمیز قفسده داریخمادا دی
ایپ قیریلمادادی، جان چیخمادا دی
حسرت اورک-اورک ائو ییخمادا دی
وئرانا قالمیشیق، وئرانا داغلار!

بایاتی- بایاتی یورغون سسینی
بیرجه دینله! تانی! ائل خسته سینی
بیر تیکه «قاراباغ شیکسته سی»نی
گتیردیم باغلایام یارانا داغلار!

گؤزلرینده دومان، باخیشیندا چن
یئنه کهلیک- کهلیک سکسکه‌لی سن
هر یانا اود دوشوب... یوخسا الیندن
توتوب آپاراردیم آرانا داغلار!

https://t.me/Adabiyyatsevanlar

«ک. گل اندام»

ناجاق

دئییرلر مئشه نی قیران ناجاقدیر!
ساپ اولماسا ناجاق نه قیرا‌جاق‌دیر؟؟

لعنت ناجاقلارا ساپ اولان‌لارا !!
دائیم آغیزلاردا بو قالا‌جاق‌دیر!!

گؤره سن چاپیلان سروی بوی‌لارین ،
قیساسین ناجاقدان کیم آلا‌جاق‌دیر؟

شاعیریم قوجالدین اؤج آلانمادین!!!
داریخما، داغلار دا ، قوجالا‌جاق‌دیر!

نه قده‌ر چاپیلسا  یاشیل بوداقلار،
یئنه ده مئشه‌لر قوجاق-قوجاق‌دیر!

بیرگون گله‌جک‌دیر ساپ‌سیز ناجاق‌لار،
مئشه‌دن توللانیب پاس‌لانا‌جاق‌دیر!!

تیه‌لر کوتلیب، ایتیله‌جک‌دیر!
مئشه‌لر گونشه بویلانا‌جاق‌دیر!

اورمو -1376


https://t.me/Adabiyyatsevanlar

آنها زندان‌ها را تعطیل می‌کنند و ما از کمبود زندان رنج می‌بریم!

دولت هلند ۵ زندان دیگر این کشور را هم به دلیل نبود زندانی، تغییر کاربری داد و به هتل تبدیل کرد!

https://t.me/Adabiyyatsevanlar

دونیا سندن کیم لرکئچدی

گؤرکملی صنعتکار اوستاد نصرالله ناصح‌پور خرداد آیی‌نین 28_جی گونو تهران شهرینده، 83 یاشیندایکن حیاتلا ابدی‌لیک وداعلاشدی..

قایناق: ایشیق سایتی

https://t.me/Adabiyyatsevanlar

طنز: «بویوک آغا افندی»

سرهنگ «آقازاده»
باهارین سون گون‌لری ایدی آلا بولودلار گؤیه باخانی حئیران ائدیردیلر، چول-باییردا گول-چیچک تام حاکم ایدی بوایل یاغیشین چوخ یاغدیغیندان داغ - داشدا یاشیل گئیمیشدی،گول گولو چاغیریدی،بولبول بولبولو... دؤردونجو قوردانین، ایکینجی قوروهانینی مشق اوچون عجبشئرین سرباز خاناسینا یاخین داغ‌لارا آپارمیشدیق. ایکی ساعات مشقدن سونرا عسگرلره استراحت وئردیم، بیر کولگه آختاریردیم اوزوم ده بیر آز دالدالانام، هله اوزومه گلمه میشدیم گوردوم پوتا، کوله بیر عسگر توکوله توکوله منه طرف قاچیر عسگر اوزون منه یئتیرییب احترامدان سونرا چو خ نزاکت له دئدی: باغیشلایین جنابسروان جنابسرهنگ« آقازاده» سیزی چاغیریر، سرهنگه طرف یولاندیم یئتیشمک همان آیاقلاریمی یاپیشدیرییب موحکم بیر چاس قوزادیم  سرهنگ اوتوردو غو صندلدن آیاغا قالخییب ال اوزادییب منله گوروشدو بیر آز اویان بویاندان دانیشاندان سونرا دئدی: جنابسروان «شیخی» حقیقتن سن چوخ یاخشی اوغلانسان، ادبلی، ساوادلی، کیتاب اوخویان بیلیرم بوتون افسرلرله فرقین وار،اوزونه گوره عقیده صاحابی سان آمما بالاجا بیر عیبین ده وار ائشیتمیشم کله ان  سبزی قورما قوخویور  اوداجاوانلیقداندی, سرهنگ گوله گوله آرتیردی منیم ده جوانلیقدا کلم خرابدی، دوزون سوزو سنی بورا چاغیرماقدان نیتیم بیرآز اختلاط ائلمک دیر
بوگونجه ائله بیر فورصت اولماییب سنین خدمتینده اولاق،
سرهنگ ماجال وئرمه دن دانشیردی، ایسته ییردیم دئیم خاهیش ائدیرم جنابسرهنگ سیزین لوطفونوز وار منه ده یاخشی فورصت دی سیزین خدمتینیزده اولام، هله آغزیمی آچمامیشدیم سرهنگ دئدی:«شیخی»  سندن چوخ خوشوم گلیر فضول دئییل سن، بوگونجه نه سن مندن بیر سوز سوروشوبسان نه من سنه بیر سوز دئمیشم
نه سن منی قوناق چاغریبسان نه من سنی،  سرهنگ گوزلرین دوزگوزلریمه زیللییب آرتیردی ایسته ییرم سنه بیر سوز دئیم بلکه بیرگون دردینه دیدی، آغای« شیخی» آللاهدان گیزلین دئییل سندن نه گیزلین بیلدیر پاییزدا آخشام اوستو ائوده قوردالانیردیم بیردن گویلومه کیشمیش دوشدو حاجی خانیمی چاغیردیم دئدیم: کیشمیشیمیز وار؟
خانیم گئتدی آشبازخانیا بیر از اویان بویانا باخاندان سونرا دئدی: یوخ واللاه ائله بیل قورتولوب دوردوم آیاغا پالتارلاریمی گئیدیم آرواد دئدی: هارا؟  دئدیم:  گئدیرم عجب شئره  کیشمیش آلام، ماشینی گوتوردوم گئتدیم عجب شئرده پادگان خیاوانیندا علی حوسئن باقالین یانینا دئدیم:«علی حسین»یاخشی کیشمیشین وار؟
باقال دئدی آخ نئجه،لاپ یاخشی کیشمیشیم وار،سیز ه وئرملی، ایکی، اوچ جوره کیشمیش گتیردی بیرینی گوسترییب دئدی: جناب سرهنگ بو سیزه وئرملی کیشمیش دیر یاریم کیلو کیشمیش آلیب ائو قایدتدیم کیشمیشلری خانیم ترتمیز یودو سردی بیر دستمالین اوستونه ایکی قیسیم  دا اوچ دورد گیردکانلا منه گتیردی گیرده کانلاری سیندیردیم یئرینیز بوش آخشام اوستو بک یاپیشدی خولاصه باشینی چوخ آغریتماییم کیشمیش لرین قالانین قورویاندان سونرا توکدوم بیر شوشه قابا باشین بک باغلادیم وئردیم آرواد آشباز خانادا قویدو ایشقابا دونن آخشام یئنه من کیشمیش سیز له میشدیم آروادی چاغیردیم، کیشمیش ایسته دیم ایکی دیقه چکمه دی خانیم بیلدیرکی شوشه نی گتیردی نامردین قیزی آلتی آیدا کیشمیش لره بارماغیندا سورتمه میشدی شوشه نین باشین آچدیم آلله و اکبر، گوزون یامان گون گورمه سین جانین اوچون شوشه نین ایچی قوردونان قاینایردی اوزاوزومه دئدیم: خدایا عظمتیوه قوربان منکی بو شوشه نین قاپاغین بک بک باغلامیشدیم گورسن بو قوردلارهاردان گیریب بو شوشنین ایچینه؟ حقیقتن اوگوندن من آللاهین قودرتینه، عظمتینه اوره‌کدن ایناندیم آخی کیشی بیر آللاه کی قادیردی باغلی شوشه‌نی قورد ایله دولدورسون  قادیر دئییل او دونیادا ایکی دنه اودلو کسو  سوخسون بیزیم گوتوموزه؟ قارداش جانی منیم اوگوندن ایمانیم آللاها کامیل کامیل اولوب والاهی باغلی شوشه‌یه قورد سوخانین الیندن هر نه دئسن گلر...

https://t.me/Adabiyyatsevanlar

مثل لر کورپوسو
سسلندیرن:«فاطمه محمودی»

https://t.me/Adabiyyatsevanlar

تبریک لر اوغورلار

ادبیات سئونلرعاییله سینین تانینمیش اویه سی اوستاد «میرحسین دلداربناب» دان دیرلی بیر اثر«شناخت نامه جوانمردان، با مروری بر آیین عیاران و فتوت»عنوانیله ایشیق اوزو گوردو، ادبیات سئونلر اوخوجوسو بول اولسون دئیه بو اثرین ایشیق اوزو گورمه سینی اوستاد «میرحسین دلداربنابا»،ادبیات سئونلر عاییله سینه تبریک دئیر.

این اثر پژوهشی است که جریان جوانمردی و ویژگی‌های جوانمردان را با مرور و تاکید خاص روی آیین عیاری و فتوت در طول تاریخ ایران و جهان از دوران باستان تا به امروز در بر می‌گیرد.
عنوان بعضی از بحث‌ها عبارت است از؛
نقد منابع تاریخی در باره‌ی جوانمردان
پیشینه‌ی جوانمردی
لغت‌شناسی عیار و عیاری و نقد منابع لغوی
اصول جوانمردی با تکیه بر منابعی مانند سمک عیار و قابوسنامه
تطبیق خصایل عیاران و فتیان و سامورائیان و ...
تاثیر میترائیسم بر جریان جوانمردی
تاثیر آیین عیاری بر جریان ملامتیه و فتوت
جنبه‌ی جهانی جوانمردی
بازتاب جوانمردی در ادب فارسی و ...

https://t.me/Adabiyyatsevanlar

اوشاق ادبیاتی

اوشاق ادبیاتی هرهفته پنجشنبه گونو ادبیات سئونلر کانالیندا  .
اوشاق ادبیاتینا دایر یازیلارینیزی بیزه گوندرین .

https://t.me/Adabiyyatsevanlar

سؤیله ین:«صمد بهرنگی - بهروز دهقانی»
چئویرن:« منیژه جم‌نژاد»

حاجی صیادین قیزی۲

پری وزیرین سؤزونه باخمادی. وزیر دوردو اوغلانلارین بیرینین باشینی کسدی. سونرا گلیب دئدی: گئنه سؤزومه باخماسان، او بیری اوغلونون دا باشینی کسه جه یم. پری گئنه سؤزونه باخمادی. وزیر دوروب او بیرینین ده باشینی کسدی. پری گؤردو چاراسی یوخدو. دئدی: وزیر ایندی کی زور دئییرسن، قوی من سو باشینا گئدیب گلیم. وزیر دئدی: اولسون، گئت آما تئز قاییت. پری دوروب گئتدی. او قدر گئتدی، وزیر دا اونو گؤره بیلمدی. چارقاتینی آچیب بیر تیکان کولونون باشینا سالدی. اؤزو ده باش قویوب چؤللره گئتدی. وزیر هر نه دؤزدو پری قاییتمادی. دوروب گئدیب گؤردو، پری هاردایدی. تیکان کولودو، باشیندا چارقات. اؤز یانیندا دئدی: باشیمیزا بتر بؤرک کئچدی...

بویازینین آردینی ادبیات سئونلرکانالیندا اوخویون.
https://t.me/Adabiyyatsevanlar

اوشآق ادبیاتی
آذربایجان افسانه لری

سؤیله ین:«صمد بهرنگی - بهروز دهقانی»
چئویرن:« منیژه جم‌نژاد»

حاجی صیادین قیزی۲

پری وزیرین سؤزونه باخمادی. وزیر دوردو اوغلانلارین بیرینین باشینی کسدی. سونرا گلیب دئدی: گئنه سؤزومه باخماسان، او بیری اوغلونون دا باشینی کسه جه یم. پری گئنه سؤزونه باخمادی. وزیر دوروب او بیرینین ده باشینی کسدی. پری گؤردو چاراسی یوخدو. دئدی: وزیر ایندی کی زور دئییرسن، قوی من سو باشینا گئدیب گلیم. وزیر دئدی: اولسون، گئت آما تئز قاییت. پری دوروب گئتدی. او قدر گئتدی، وزیر دا اونو گؤره بیلمدی. چارقاتینی آچیب بیر تیکان کولونون باشینا سالدی. اؤزو ده باش قویوب چؤللره گئتدی. وزیر هر نه دؤزدو پری قاییتمادی. دوروب گئدیب گؤردو، پری هاردایدی. تیکان کولودو، باشیندا چارقات. اؤز یانیندا دئدی: باشیمیزا بتر بؤرک کئچدی. ایندی بیر کلک وورمالیام پادشاه اولایین نه اولدوغونو آنلاماسین دئیه. دوروب پادشاهین یانینا گلیب دئدی: پادشاه ساغ اولسون، پرینی آپاردیم شهره بوراخدیم. آما یولدا اوقدر دله دو٘زلوک ائله دی، مندن خبر سیز آیری یئرلره گئتدی کی، دئدیم ایشین ایچینده ایش وار. ائولرین تانیماق ایسته‌مه دیم. شهرده بوراخدیم دئدیم: اؤزون گئت. بویاندان پری چول باییردا گئتدی، گئتدی، بیر چوبانا راست گلدی. بویون قولاغیندان چوبانا قیزیل وئریب دئدی: قویونلارینین بیرینی کس. قویونون هر شئیین چوبانا وئردی، یالنیز قارنینی گؤتوروب چکدی باشینا؛ دوغروچو بیر کچل اولدو. سونرا دا بیر دست کوهنه پالتار چوباندان آلیب گئییب، یولا دوشدو.  گئتدی، گئتدی، اؤز شهرینه یئتیشدی. ائوینین اؤنونده باشلادی باغیرماغا: کیم نوکر ایستیر، کیم نوکر ایستیر؟ حاجی صیاد تئز ائودن چیخدی. گؤردو کچل‌جیغین گؤزلری اؤز قیزینین گؤزلرینه بنزیر. قانی قاینادی. دئدی: آی اوغلان گلیب منه نوکر اولارسان؟ پری دئدی: نیه اولمارام. هر یئرده قارنیمی دویورماغا بیر تیکه چؤرک وئرن اولسا، اوردا نوکر اولارام. حاجی صیاد قیزینی نوکر آدینا گؤتوروب ائوه گتیردی. خانیمینا دئدی: گل باخ. نوکر توتموشام. خانیم کچل‌جیغا باخیب دئدی: آی آللاه، منیم پریمه چکیب. پرینین قارداشی دا گلیب باخیب دئدی: ننه باخ، گؤزلری باجیمین گؤزلرینه بنزه ییر. پری ائوده قالیجی اولدو، سیررینی کیمسه یه دئمه دی. آما نئجه زیرنگ ترپشیردی، کیشی لر کیمی اولا بیلمیردی. حاجینین خانیمی گؤروردو کچل‌جیق ائو ایشینی نوکرچیلیک دن چوخ باشاریر. پری اوتاقلاری بزه ییردی، فرشلری سوپوروردو، پالتار یویوردو. قیسا جا، پری اؤزونه ائوده یئر ائله دی. هامی اونونلا ائوین اوغلو کیمی داورانیردی. بولار بوردا قالسین، سیزه دئییم پادشاه لا، وزیردن: بیرگون پادشاه لا وزیر اوتورموش دانیشیردیلار. پادشاه دئدی: وزیر، پری یوباندی. اوندان خبر چیخمادی. دور یو٘ک یاپیمیزی باغلییب، درویش پالتاری گئییب، گئدیب گؤرک قیز نه ایش گؤرور. وزیر بیر سؤز دئمه دی. دوروب درویش پالتاری گئییب پرینین شهرینه گلدیلر. کوچه باجا دا دوست آشنا آختاریردیلار. پری اولاری گؤروب تانیدی. تئز گلیب حاجی صیادا دئدی: آغا، ایکی قوناغیم وار. اجازه وئرسن گتیریم ائوه، درویش دیلر. حاجی صیاد دئدی: اوغول بو نه سوزدو؟ ائو سنین دی، ایکی یوخ یوز قوناغین اولسون، گؤزوم اوسته یئر ائلرم. پری سئوینیب پادشاه لا وزیرین یانینا قاچدی. بیر ماهانایلا سؤز آچدی، سونوندا دئدی: بابا درویشلر، بو گئجه منیم ائویمده قوناق سینیز. پادشاه دئدی: اوغلان، بوشلا. سن اؤزون نوکر بابانین بیری سن، بیزی نه جور قوناق ائلیرسن؟ سنین ائوین زیندگانلیغین یوخدوکی.
آردی وار...
https://t.me/Adabiyyatsevanlar

اوشاق ادبیاتی

بو تصویرده‌کی اوشاق، دونیادا شهرت تاپدی.
آغلاماق حالینداکی ویولون چالان اوشاغین تصویری، معاصر تاریخ‌ده ان دویغوسال تصویرلردن بیری‌دیر.
۱۲ یاشینداکی برزیل‌لی «دییئگو فیرازو تورکاتو» معللیمی‌نین توپراغا تاپیشیرما تؤره‌نین‌ده ویولون چالیر. اونو یوخسوللوقدان-فلاکتدن قورتاران معللیمی‌نین.
بو تصویرده اینسانلیق، ان وار گوجو ایله دانیشیر.
بؤیوک اویغارلیقلارا چاتماق اوچون،
محبت توخومونو اکین کی، ان گؤزل دویغولاری اوشاقلاردا یئتیشدیره بیله‌سیز.

https://t.me/Adabiyyatsevanlar

اوشاق ادبیاتی

https://t.me/Adabiyyatsevanlar

اوشاق ادبیاتی
قار آدامی(قیسا حیکایه)
✍️:«اسلاومیر_مروژک»
تورکجه‌یه چئویرن:« سحرخیاوی»

او ایل آغیر قار یاغمیشدی. محله‌نین اوشاقلاری، مئیداندا بؤیوک بیر قار آدامی دوزلتدیلر. مئیدان چوخ گئنیش ایدی، هر گون اونلار آدام اورادان کئچیردی. چوخلو دولت اداره‌لرینین ده پنجره‌لری مئیدانا ساری آچیلیردی. اوشاقلار بیربیری ایله باجی- قارداش ایدیلار، سئوینجک های- هارای سالمیشدیلار و ماراقلا مئیدانین تن اورتاسیندا مزه‌لی بیر قار آدامی دوزلدیردیلر. اونلار اوّل بویوک بیر قار توپاسی یاپدیلار، بو قار آدامی‌نین بدنی ایدی، سونرا بالاجا قار توپالاری ایله چیگین‌لرینی یاپدیلار، سونرا ایسه داها بیر بالاجا توپانی بویوک توپانین اوستونه قویوب، قار آدامی‌نین باشینی دوزلتدیلر. نئچه تیکه کؤمور ده، پالتارین دوگمه‌لری عنوندا، باشدان- آیاغا ردیف‌له دوزدولر، بورون یئرینه ده بیر قیرمیزی یئرکوکو اوزونه سالدیلار. بو قار آدامی قارلی گونلرده، اوشاقلار دوزلدن مین‌لر  باشقا قار آدامینا اوخشاییردی.
اونلار قار آدامی یاپمادان اؤزل بیر لذت دویوب، اوره‌کدن سئوینیردیلر...

بویازینین آردینی ادبیات سئونلرکانالیندا اوخویون.

https://t.me/Adabiyyatsevanlar

قار آدامی(قیسا حیکایه)
✍️:«اسلاومیر_مروژک»
تورکجه‌یه چئویرن:« سحرخیاوی»

او ایل آغیر قار یاغمیشدی. محله‌نین اوشاقلاری، مئیداندا بؤیوک بیر قار آدامی دوزلتدیلر. مئیدان چوخ گئنیش ایدی، هر گون اونلار آدام اورادان کئچیردی. چوخلو دولت اداره‌لرینین ده پنجره‌لری مئیدانا ساری آچیلیردی. اوشاقلار بیربیری ایله باجی- قارداش ایدیلار، سئوینجک های- هارای سالمیشدیلار و ماراقلا مئیدانین تن اورتاسیندا مزه‌لی بیر قار آدامی دوزلدیردیلر. اونلار اوّل بویوک بیر قار توپاسی یاپدیلار، بو قار آدامی‌نین بدنی ایدی، سونرا بالاجا قار توپالاری ایله چیگین‌لرینی یاپدیلار، سونرا ایسه داها بیر بالاجا توپانی بویوک توپانین اوستونه قویوب، قار آدامی‌نین باشینی دوزلتدیلر. نئچه تیکه کؤمور ده، پالتارین دوگمه‌لری عنوندا، باشدان- آیاغا ردیف‌له دوزدولر، بورون یئرینه ده بیر قیرمیزی یئرکوکو اوزونه سالدیلار. بو قار آدامی قارلی گونلرده، اوشاقلار دوزلدن مین‌لر  باشقا قار آدامینا اوخشاییردی.
اونلار قار آدامی یاپمادان اؤزل بیر لذت دویوب، اوره‌کدن سئوینیردیلر.
یولدان کئچن‌لر قار آدامینا باخیب اوشاقلاری آلقیشلاییردیلار.
اوشاقلارین آتاسی اونلارین آزاد هاوادا اویناماسیندان، گوللنمیش یاناقلاریندان، ساغلام و ایشتاهلی اولدوقلاریندان سئوینجلی و شوکورلو ایدی.
آخشام ائوه ییغیلدیقلاری واخت، کیم سه قاپینی دؤیدو. محله‌نین قزئته ساتانی ایدی. اونون مئیدانین بیز کونجونده بودکاسی وار ایدی. او واختسیزجا عائیله‌‌نی راحاتسیز ائتدیییندن عوذور دیله‌دی، آمما اونون اوشاقلارین آتاسی ایله نئچه کلمه سؤزو واریدی.
او دئدی :
- "بو اؤنملی تربیتی مسئله اولماسایدی، گئجه‌نین بو واختی سیزی راحاتسیز ائتمزدیم". بو مسئله‌نین قار آدامی‌نین بورونو ایله ایلگیسی وار ایدی. اونلار قار آدامی‌نین بورنونو قیرمیزی بیر یئرکوکو ایله دوزلتمیشدیلر، قزئته ساتانین دا بورونو قیرمیزی ایدی، البته بو قیرمیزی‌لیق، قیزغین ایچمکدن دئییل، سویوق دیمه‌دن ایدی!! اوشاقلار اونون بورنونون کنایه‌لی سیمبولونو مئیدان اورتاسیندا دوزلدیب، تاماشایا قویموشدولار!!
قزئته‌چی‌نین اوزون- اوزادی نطقیندن سونرا، اوشاقلارین آتاسی نیگاران اولدو. اوشاقلار اینسانلاری مسخره ائتمه‌یه حاقلی دئییلدیلر. آتا، اوشاقلاری چاغیریب، قزئته‌چینی گؤستریب:
- سیز قار آدامی‌نین بورنونو قصدجه و بو جنابین مسخره‌سی اوچون قیرمیزی یئرکوکو قویموسوز؟- سوروشدو.

اوشاقلار چوخ تعجوبلندیلر.
موطلق بئله بیر فیکیر ذهن‌لرینه گلمه‌دیینی سؤیله‌دیلر.
بو سؤزلرین رغمینه، آتالاری او گئجه اونلاری شامسیز یاتماغا دستور وئردی. قزئته ساتان آتادان تشککورونو بیلدیریب، گئتدی. قاپینین آستاناسیندا، تعاون شرکتی‌نین رئیسی ایله اوز- اوزه گلدی.
اوشاقلارین آتاسی بئله بیر اؤنملی و اوجا مقاملی شخصیتی ائوینده گؤردویوندن سئویندی. آمما رئیسین گؤزو اوشاقلارا دوشجک دونقولداماغا باشلادی: " آها... اوندا بونلار سیزین اوشاقلاردیلار؟! سیز گرک بونلاری چوخ نظارت آلتینا آلاسینیز بگ! البته هله کیچیک‌دیرلر، آمما چوخ سیرتیق و ادبسیزدیلر. بو گون اداره‌نین مئیدانا آچیلان پنجره‌سیندن بیلیرسینیزمی نمنه گورموشم؟!
اونلار بیر قار آدامی دوزلدیردیلر...".
اوشاقلارین آتاسی ال- آیاغینی ایتیره‌رک: " وای حتمن بورونو باره‌ده دیر..."،- دئدی.
- بورونو؟! بو نه جفنگ سؤزدور! اونلار اوّل بیر بویوک توپا قار یاپدیلار، سونرا ایسه باشقاسینی. ایکینجی توپانی بیرینجی‌نین و اوچونجونو ده او ایکی توپانین اوستونه قویدولار.
آتا بو سؤزلردن باش چیخارمیردی، قار توپالارینین اوست- اوسته قویماسی نه‌دن گرک آجیقلاندیران و راحاتسیز ائدن اولسون؟!
رئیس داها حیرصلی سؤزونو داوام ائتدی: " نه‌دن باشا دوشمورسونوز بگ؟! بو ایشلردن هدفلری گون کیمی آیدین دیر. اونلار تعاونی شرکتینده اوغرو اوغرونو مینیب، رئیس اؤزو ده اوغرولارین لاپ یئکه‌سی‌دیر دئمک ایسته‌ییب‌لر. اونلار بئله بیر ادّعانی مئیدانین تن اورتاسیندا نمایشه قویوبلار. من بو آنلامازلیغی کیچیک اولدوقلارینا باغیشلاییرام آمما بیر داها تکرار اولماسین".
اوشاقلارین آتاسی اونلاردان سوروشدو:" بو سؤزلر دوغرومو؟! سیز قار توپالارینی اوست- اوسته قویماقدان، هدفینیز تعاون شرکتینده کی‌لرین بوتون اوغرو اولدوغونو بیلدیرمک ایدی؟!"
اوشاقلار " یوخ" دئدیلر و آغلادیلار.
آتا تنبیه اوچون اوشاقلاری اوزو دیوارا بیر کونجده دورماغا مجبور ائتدی.
آمما دییه‌سن ماجرا هله قورتارمیردی.
ائشیکدن بیر سورتمه زنگی‌نین سسی گلدی. ایکی کیشی آستانادا گؤروندولر. بیری کؤک آدام ایدی، قویون دریسیندن بیر پئنجک گئیمیشدی، او بیریسی میللی- محلّی انجمنین رئیسی ایدی.

هر ایکی نفر بیر سسله:" قونو سیزین اوشاقلارلا ایلگیلی‌دیر"- دئدیلر. قضیه آتایا داها جیددیلشمیشدی. اونلاری ایلشمه‌یه دعوت ائتدی.
میللی- محلّی انجمن رئیسی صؤحبته باشلادی: " من سیزدن تعجوبله‌نیرم بگ، سیز نه سایاق بئله خارابکارلیقلاری عائیله‌نیزده دؤزورسونوز؟! حتمن سیاست باخیمیندان نادانسینیز. بئله دیر سه اعتیراف ائدین!"
اوشاقلارین آتاسی نه‌دن سیاستده نادان اولدوغوندان باش آچمیردی!!
رئیس سؤزونه داوام وئردی:" سیزین اوشاقلارینیز حاکمیتی مسخره ائدیب‌لر. اونلار منیم ایش دفتریمین دوز قارشیسندا بیر قار آدامی دوزلدیب‌لر و..."
اوشاقلارین آتاسی:" بیلدیم... منظور اوغرو اوغرونون اوستونده و..‌."
- اوغرو جهنم! سیز میللی- محللی انجمن رئیسی‌نین پنجره‌سی قارشیسندا، قار آدامی یاپماغین معناسینی بیلیزسینیزمی؟! نه دن سیزین اوشاقلار شهردار پنجره‌سی‌نین قارشیسیندا بونو یاپماییبلار؟! نه‌دن جاوابلامیرسینیز؟! سیزین بو سوکوتونوز چوخ زادین علامتی دیر! اوشاقلارینیزین بو پیس عملی‌نین جزاسینی چکه‌‌جکسینیز..‌."

" بلی بگ. خصوصی یاشامیمدا پیژاما ایله و آچیق دوگمه‌لر ایله ائویمین اطرافیندا دولانماق منیم مسلّم حاققیم دیر، سنین اوشاقلارین منی مسخره ائتمه‌یه حاقلی دئییل‌لر! او باشدان آیاغا دوگمه‌لری باغلانمیش قار آدامیندا، چوخ سؤزلر وار!! من شالوارسیز دا اؤز ائویمین اطرافیندا قدم وورا بیله‌رم، بونون سنین اوشاقلارینا هئچ ربطی یوخدو!"

آتا اوشاقلارینی دیوار کونجوندن چاغیردی:
- سیز قار آدامی‌نین باش- آیاق دوگمه‌لرینی یاپاندا، میللی- محلّی انجمن رئیسی‌نین آچیق پیژامه‌سینی مسخره ائدیردینیز؟!

اوشاقلار آغلامسیل آتالارینا، قار آدامینی یالنیز اَیلنجه و اویناماق اوچون یاپدیقلارینی و بوندان باشقا هئچ بیر مقصدلری اولمادیقلارینی سؤیله‌دیلر.

بونا رغمن آتا تنبیهی داها آرتیردی. شامسیز یاتماقدان علاوه، اوتاغین بوز کیمی  داش دؤشَمه‌سینده یاتماق دا، اونلارا تکلیف اولوندو.
او گئجه باشقا آداملار دا قاپی‌یا گلدیلر، آمما ائو اهلی داها اونلاری جاوابلامادیلار.

صاباحیسی گون مئیدانا گیرمه‌یی اوشاقلار اوچون یاساق ائتدیلر. آمما اونلار مئیدانین کناریندا تزه بیر قار آدامی جورلاماغی فیکیرلشیردیلر.
اوشاقلاردان بیری: " بیر قزئته ساتان یاپاق، بورنونون یئرینه ده قیرمیزی یئرکوکو قویاق، چون کی آراق ایچیر و بورونو همیشه قیرمیزیدی..."،- دئدی.

- " من ده بیر اوغرو تعاون رئیسی یاپماق ایسته‌ییرم..."

- من ده میللی- محللی انجمن رئیسی یاپماق ایسته‌ییرم، دوگمه‌لرینی باش آیاق باغلایاجاغام، چون کی اوتانمازجا، همیشه آچیق دوگمه‌لی پیژامه ایله ائوینین اطرافیندا دولانیر..."
اوشاقلار بحث‌لشیب، چک- چئویر ائله‌دیلر، نهایت بو قار آداملارینین هامیسینی نوبت ایله یاپماق قرارینا گلیب، لذتله بیرینجی قار آدامینی دوزلتمه‌یه باشلادیلار!
https://t.me/Adabiyyatsevanlar

اوشاق ادبیاتی

(مستان پیشی)

شعیر:« حبیب فرشباف»
دکلمه:« ائلین مهرنگ»

https://t.me/Adabiyyatsevanlar

اوشاق ادبیاتی

«کارتون»


اوشاق ادبیاتی هرهفته پنجشنبه گونو ادبیات سئونلر کانالیندا  .
اوشاق ادبیاتینا دایر یازیلارینیزی بیزه گوندرین .

https://t.me/Adabiyyatsevanlar

اوشاق ادبیاتی
بیوگرافی« صمد بهرنگی»

https://t.me/Adabiyyatsevanlar

«صمد بهرنگی»نین آد گونون قوتلو اولسون دئییریک.
دوغوم گونو: 1318/4/2
حیاتا گؤز یومان گون: 1347/6/9

صمدبهرنگی درسال ۱۳۳۹ اولین داستان منتشر شده‌اش به نام عادت را نوشت.  او ترجمه‌هایی نیز از انگلیسی و ترکی استانبولی به فارسی و از فارسی به ترکی آذربایجانی «از جمله ترجمهٔ شعرهایی از مهدی اخوان ثالث، احمد شاملو، فروغ فرخزاد، و نیما یوشیج) انجام داد. صمد تحقیقاتی نیز در جمع‌آوری فولکلور آذربایجان(اذربایجان افسانه‌لری)...انجام داد ودر مسائل تربیتی کودکان نیز آثاری از او منتشر شده‌است. «کند وکاو درمسائل تربیتی ایران».
علاقمندان به آثار این نویسنده نامدار آذربایجانی می‌توانند  داستانها، مقالات و بررسی‌های متعددی از صمد بهرنگی را در کانال ادبیات سئونلر بخوانند.
https://t.me/Adabiyyatsevanlar