قاتیللر
فیروز مصطفی
کوچورن ذکییه ذولفقاری
اوللر بو قدر دوغما اولدوقلارینی بیلمیردیلر. واخت کئچدیکجه هر شئیی تدریجن آنلاماغا باشلادیلار. دئمه، باجی قارداش ایمیشلر. اونلار بیر بیری ایله سسسیزجه، یالنیز اؤزلرینین باشا دوشدویو بیر دیلده “دانیشیردیلار”. قارداش چوخ دجل ایدی، دینج دورماغی خوشلامیردی. باجی ایسه اؤز ساکیت “حوجرهسینده” دینجلمگی سئویردی. قارداش اؤز باجیسی اوچون نسه خوشاگلن بیر شئی ائتمک، ان آزی اونا ایلتیفات گؤسترمک، اونون قوللوغوندا دورماق ایستهییردی. آما هله لیک بونو باجارمیردی. داها دوغروسو، بونا ایمکانی چاتمیردی. اونلار قونشولوقدا، لاپ ائله بیرلیکده اولسالار دا هله ال اله توتوب اوز اوزه دایانا بیلمیردیلر. هرهسینین اؤز عالمی، اؤز “یوواسی” واردی. آما ایکیسی ده دوغما و یاخین اولدوقلارینی دایم حیس ائدیردیلر.
اونلار حیس ائدیردیلر کی،هاراداسا، بیر قدر اوزاقدا، هلهلیک اونلارین سسی چاتمایان داها گئنیش، داها ایشیقلی بیر عالم وار.
اونلار امینایدیلر کی، گونلرین بیر گونو همین او گئنیش عالمه چیخاجاق، همین او ایشیقلی دونیایا قدم باساجاقلار. دئیه سن، او گون یاخینلاشماقدا ایدی. اونلار تلهسیردیللدن دویوردولار کی، او گئنیش، او ایشیقلی عالمده اونلاری گؤزلهینلر وار.
سون واختلار اونلارین ایستی، الدنایلیق “یوواسینا” بیر سویوقلوق چؤکمکده ایدی. دوزدور، اونلار هله ایستی سویوغون نه اولدوغونو دوز عمللی بیلمیردیلر. آما اؤز کیچیک ووجودلاری ایله حیس ائدیردیلر کی، اونلارین هوسله، حسرتله گؤزلهدیکلری ایشیق گئت گئده اوزاقلارا چکیلمکدهدیر. سانکی کیمسه او ایشیغی اوغورلاماق ایستهییردی. اونلارسا بو ایشیقسیز یاشایا بیلمزدیلر….
– اونو ردد ائله گئتسین.
– واللاه، اورهگیم گلمیر.
– اوچو وار، بسیمیزدیر. بیری ده بو یاندان گلمک ایستهییر. کیمدیر اونو ساخلایان؟ آغیر زمانهدیر، چؤرک چاتدیرماق اولمور.
– آللاه یاراتدیغینین روزیسینی اؤزوندن قاباق وئریر.
– بوش بوش دانیشما. بورادا آللاهلیق بیر ایش یوخدور. دئدیم، ردد ائله گئتسین…
– یئددی آیلیقدیر…
– لاپ اولسون دوققوز آیلیق.
– یئکه اوشاقدیر… اورهگیمین آلتیندا ترپهنیر… لاپ نفهسینی ده حیس ائدیرم…
– نه اولسون کی؟
– من اونو محو ائدیم؟ اؤز اوشاغیمین، اؤز بطنیمده کی کؤرپهنین قاتیلی اولوم؟ آللاه بونو باغیشلاماز منه…
– یئنه باشلادین؟ یئنه آللاه بنده صؤحبتی؟ –
– آخی…
– معناسیز شئیلر دانیشیرسان، واللاه. حاضیرلاش، صاباح قونشونون ماشینیندا آپاراجام سنی شهره. اورادا تانیش حکیم وار. دوغراییب آتسین…
– گوناها باتارام…
– نه گوناه؟ بیم تکجه بیزیک بو جور گوناها باتان؟ بیم گؤرونمهمیش ایشدیر؟ بونوهامیائلهییر کی… اوندا بوتون دونیا گوناه ایچیندهدیر کی… یاخچی کی، بو باره ده جینایت مجللهسینده بیر شئی یوخدور. بلکه ده وار، منیم خبریم یوخدور… حاضیرلاش. صاباح گئدیریک…
– آخی…
– آخیسی زادی یوخدور. بیزیم نییمیزه لازیمدیر بیر چتن کولفت؟ ائله اوشاق دوغوب تؤرتمک بو کاسیبلارین آلنینا یازیلیب دئیه سن. باخ گؤر بو وارلیلارین، میلیون قازانانلارین نئچه اوشاغی وار؟ بیر یا، اوزاقباشی، ایکی… آما بو کاسیب بدبخت… منیم بؤیوک کولفتی ساخلاماق ایمکانیمهاراداندیر؟ فهلهیم، داش یونانام، ناظیر زاد دئییلم کی… بیر الیمه باخ، گؤر نه گوندهدیر، لاپ یونولمامیش داش پارچاسینا اوخشاییر…
– سن منی آنلاماق ایستمیرسن…
– سن ده منی…
…
سویوق. ظولمت. سوکوت.
اوللر حیس ائدیردیلر کی، اونلاری دویان، اونلاری بیر قدر، اوزاقدان دا اولسا بئله، اوخشایان بیر ال وار. ایندی بو ال ده سویوموشدو سانکی.
باجی اؤز عالمینده ایدی: او، اؤزونون ساکیت “یوواسیندا”آرین آرخایین”دینجه لیردی – “.
قارداش نسه ناراحات ایدی: اونون دینجلمک فیکری یوخدو، اتجه بالا قوش کیمیچیرپینیردی.
بیر دفعه بوغوق بیر اوغولتو ائشیتدیلر. سانکی اونلاریهاراسا، اوزاق، اوزاق اولدوغو قدر ده قارانلیق بیر یئره آپاریردیلار.
اونلار، قارداش و باجی، ایشیغا چیخماق ایستهییردیلر. بسهارادا ایدی او ایشیق؟ نییه گؤرونموردو؟ عکسینه، اونلار ظولمته دوغرو اوزوردولر. اونلارین هر ایکیسی یئرلرینده ترپنمهیه باشلادیلار…
سونرا اوغولتو کسدی…
یئنه سوکوت.
آز سونرا اینیلتی ائشیدیلدی.
اوزاقدا سویوق بیر شئیین ایشیلتیسی دویولدو. یوخ، بو، اونلارین چوخدان بری گؤزلهدیکلری ایشیق دئییلدی. او سویوق ایشیق، او سویوق پاریلتی اؤزو ایلنسه بیر فلاکت گتیرمکده ایدی. بو، لاپ آیدین حیس اولونماقدا ایدی.
اونلارین جانیندان بیر اوشوتمه کئچدی.
قارداش بیر زامان اؤز باجیسی اوچون نسه ائتمک، اونا نسه اؤزونون ده بیلمهدیگی خوش بیر ایلتیفات گؤسترمک ایسته ییردی.
دئیه سن، ایندی بونون واختی گلیب یئتیشمیشدی.
اینیلتی گئت گئده آرتماقدا ایدی.
https://t.me/Adabiyyatsevanlar
فیروز مصطفی
کوچورن ذکییه ذولفقاری
اوللر بو قدر دوغما اولدوقلارینی بیلمیردیلر. واخت کئچدیکجه هر شئیی تدریجن آنلاماغا باشلادیلار. دئمه، باجی قارداش ایمیشلر. اونلار بیر بیری ایله سسسیزجه، یالنیز اؤزلرینین باشا دوشدویو بیر دیلده “دانیشیردیلار”. قارداش چوخ دجل ایدی، دینج دورماغی خوشلامیردی. باجی ایسه اؤز ساکیت “حوجرهسینده” دینجلمگی سئویردی. قارداش اؤز باجیسی اوچون نسه خوشاگلن بیر شئی ائتمک، ان آزی اونا ایلتیفات گؤسترمک، اونون قوللوغوندا دورماق ایستهییردی. آما هله لیک بونو باجارمیردی. داها دوغروسو، بونا ایمکانی چاتمیردی. اونلار قونشولوقدا، لاپ ائله بیرلیکده اولسالار دا هله ال اله توتوب اوز اوزه دایانا بیلمیردیلر. هرهسینین اؤز عالمی، اؤز “یوواسی” واردی. آما ایکیسی ده دوغما و یاخین اولدوقلارینی دایم حیس ائدیردیلر.
اونلار حیس ائدیردیلر کی،هاراداسا، بیر قدر اوزاقدا، هلهلیک اونلارین سسی چاتمایان داها گئنیش، داها ایشیقلی بیر عالم وار.
اونلار امینایدیلر کی، گونلرین بیر گونو همین او گئنیش عالمه چیخاجاق، همین او ایشیقلی دونیایا قدم باساجاقلار. دئیه سن، او گون یاخینلاشماقدا ایدی. اونلار تلهسیردیللدن دویوردولار کی، او گئنیش، او ایشیقلی عالمده اونلاری گؤزلهینلر وار.
سون واختلار اونلارین ایستی، الدنایلیق “یوواسینا” بیر سویوقلوق چؤکمکده ایدی. دوزدور، اونلار هله ایستی سویوغون نه اولدوغونو دوز عمللی بیلمیردیلر. آما اؤز کیچیک ووجودلاری ایله حیس ائدیردیلر کی، اونلارین هوسله، حسرتله گؤزلهدیکلری ایشیق گئت گئده اوزاقلارا چکیلمکدهدیر. سانکی کیمسه او ایشیغی اوغورلاماق ایستهییردی. اونلارسا بو ایشیقسیز یاشایا بیلمزدیلر….
– اونو ردد ائله گئتسین.
– واللاه، اورهگیم گلمیر.
– اوچو وار، بسیمیزدیر. بیری ده بو یاندان گلمک ایستهییر. کیمدیر اونو ساخلایان؟ آغیر زمانهدیر، چؤرک چاتدیرماق اولمور.
– آللاه یاراتدیغینین روزیسینی اؤزوندن قاباق وئریر.
– بوش بوش دانیشما. بورادا آللاهلیق بیر ایش یوخدور. دئدیم، ردد ائله گئتسین…
– یئددی آیلیقدیر…
– لاپ اولسون دوققوز آیلیق.
– یئکه اوشاقدیر… اورهگیمین آلتیندا ترپهنیر… لاپ نفهسینی ده حیس ائدیرم…
– نه اولسون کی؟
– من اونو محو ائدیم؟ اؤز اوشاغیمین، اؤز بطنیمده کی کؤرپهنین قاتیلی اولوم؟ آللاه بونو باغیشلاماز منه…
– یئنه باشلادین؟ یئنه آللاه بنده صؤحبتی؟ –
– آخی…
– معناسیز شئیلر دانیشیرسان، واللاه. حاضیرلاش، صاباح قونشونون ماشینیندا آپاراجام سنی شهره. اورادا تانیش حکیم وار. دوغراییب آتسین…
– گوناها باتارام…
– نه گوناه؟ بیم تکجه بیزیک بو جور گوناها باتان؟ بیم گؤرونمهمیش ایشدیر؟ بونوهامیائلهییر کی… اوندا بوتون دونیا گوناه ایچیندهدیر کی… یاخچی کی، بو باره ده جینایت مجللهسینده بیر شئی یوخدور. بلکه ده وار، منیم خبریم یوخدور… حاضیرلاش. صاباح گئدیریک…
– آخی…
– آخیسی زادی یوخدور. بیزیم نییمیزه لازیمدیر بیر چتن کولفت؟ ائله اوشاق دوغوب تؤرتمک بو کاسیبلارین آلنینا یازیلیب دئیه سن. باخ گؤر بو وارلیلارین، میلیون قازانانلارین نئچه اوشاغی وار؟ بیر یا، اوزاقباشی، ایکی… آما بو کاسیب بدبخت… منیم بؤیوک کولفتی ساخلاماق ایمکانیمهاراداندیر؟ فهلهیم، داش یونانام، ناظیر زاد دئییلم کی… بیر الیمه باخ، گؤر نه گوندهدیر، لاپ یونولمامیش داش پارچاسینا اوخشاییر…
– سن منی آنلاماق ایستمیرسن…
– سن ده منی…
…
سویوق. ظولمت. سوکوت.
اوللر حیس ائدیردیلر کی، اونلاری دویان، اونلاری بیر قدر، اوزاقدان دا اولسا بئله، اوخشایان بیر ال وار. ایندی بو ال ده سویوموشدو سانکی.
باجی اؤز عالمینده ایدی: او، اؤزونون ساکیت “یوواسیندا”آرین آرخایین”دینجه لیردی – “.
قارداش نسه ناراحات ایدی: اونون دینجلمک فیکری یوخدو، اتجه بالا قوش کیمیچیرپینیردی.
بیر دفعه بوغوق بیر اوغولتو ائشیتدیلر. سانکی اونلاریهاراسا، اوزاق، اوزاق اولدوغو قدر ده قارانلیق بیر یئره آپاریردیلار.
اونلار، قارداش و باجی، ایشیغا چیخماق ایستهییردیلر. بسهارادا ایدی او ایشیق؟ نییه گؤرونموردو؟ عکسینه، اونلار ظولمته دوغرو اوزوردولر. اونلارین هر ایکیسی یئرلرینده ترپنمهیه باشلادیلار…
سونرا اوغولتو کسدی…
یئنه سوکوت.
آز سونرا اینیلتی ائشیدیلدی.
اوزاقدا سویوق بیر شئیین ایشیلتیسی دویولدو. یوخ، بو، اونلارین چوخدان بری گؤزلهدیکلری ایشیق دئییلدی. او سویوق ایشیق، او سویوق پاریلتی اؤزو ایلنسه بیر فلاکت گتیرمکده ایدی. بو، لاپ آیدین حیس اولونماقدا ایدی.
اونلارین جانیندان بیر اوشوتمه کئچدی.
قارداش بیر زامان اؤز باجیسی اوچون نسه ائتمک، اونا نسه اؤزونون ده بیلمهدیگی خوش بیر ایلتیفات گؤسترمک ایسته ییردی.
دئیه سن، ایندی بونون واختی گلیب یئتیشمیشدی.
اینیلتی گئت گئده آرتماقدا ایدی.
https://t.me/Adabiyyatsevanlar
Telegram
ادبیات سئونلر
بوکانال ادبیات سئونلر قوروپونون سئچیلمیش اثرلری دیر
کانالدا کی یازیلاری کانالین لینکینی وئرمک شرطی ایله پایلاشماق اولار.
کانالدا کی یازیلاری کانالین لینکینی وئرمک شرطی ایله پایلاشماق اولار.
نریمان ناظیم :یازیچی
https://t.me/Adabiyyatsevanlar
https://t.me/Adabiyyatsevanlar
بايرامليق/ نريمان ناظیم
اوغلانجيق گوزگو قاباغیندا دایاندی. ایکی الیایله کاپشئن ین دؤشونو تومارلاييب، قولتوغونو يئللنديردي. سونرا آرخاسيندا دايانميش آناسيني گوزگوده سوزوب، گولومسهدي. بير داها اينيندهکي کاپشئنه باخدي. گولوش دوداغلاريندان چاغلاييب اوز- گؤزونه ياييلدی. شیلتاق چپيش کيمي ایکی ایاغی اوسته گؤیه قالخدی؛ سيچيراييب، ماغازادان ائشيگه قاچدي. آرواد
“و آ آ… اميير… اوغلان بير دايان گؤروم نهجوردي آخي…”- دئيه، قاپييا چيخدي.
ائشيکده, ماغازايا ساري گلن کيشي آتيليب اويناياراق قاچان اوغلاني ايزلهيرهک تعجوبدن دوداغلاريني گولونج بير شکيلده بوزموشدو. بايرام قاباغي ايدي. بازار چوخ تونلوک ايدي. بير آندا اوشاق گؤزدن ايتدي. آمما آرواد اوشاغين آردينجا يولا دوشدوکده, ماغازاچي اوغلان قاپينين آغزيندان سسلدي:
– آي خانيم! کاپشئنین پولون وئرمهدين… آي خانيم…!
اوشاغین قاچماسيني تعجوبله ايزلهين کيشي بيردن- بيره اؤزونه گلدي:”هه؟! کاپشئن. نه کاپشئنی؟!”
اوغلان- “عنابي- نخودي کاپشئنی آليب پولونو وئرمهميش گئدير”- دئيه، ايشاره ايله آروادي گؤستردي.
کيشي درحال گؤتورولوب, آروادي حاقلادي:
– آي باجي… آي باجيهارا گئديرسن بس؟ آلديغين جينسين پولون وئر آخي, پييي!!
– نه خبريندير قارداش، من قاشميرام کي, قوي گؤروم اوشاق نئجه اولدو- دئيه، آرواد يئنيدن يولا دوشدو.
کيشينين سسي اوجالدي:
– دايان بير گؤروم آ اَ… اوشاق! اوشاغا نه اولاجاق، پولو وئر هر يئره گئديرسن گئتدآ, سنين قاباغيوي کسن وار؟
آرواد تلهسيک کيفين آچيب الي اسه- اسه پولو ساناييب، کيشييه ساري اوزالتدي:-“گل آل! بودا سنین پولون.”
کیشی”-ياخشي… بسهاني قالميشي؟”- دئيه، اليني آروادا ساري آچدي. آرواد تعجوبله سوروشدو:
– اون بئش مين تومن دئييل مهيه؟
– هه اون بئش ميندي.
– بسداي نه ايستيرسن؟ ايکي ميننين ده اوغلان اؤزو چيخيب.
کيشينين گؤزلري قييلدي:
– بورا باخ گؤروم، مني ساريميسان, يوخسا عاغلين آزيبدي؟ اونو گؤر هئچ اون بئش مينه تيکرلر!؟ هله پيس- پيس دئييرسن قاشميرام کي!!
آروادين دوداغي اسدي:
– من قاچان آدام دئييلم, گؤزلريوي سيل، آدامووي تاني! دئييرم اوغلان او يئدديمين دئييب, ايکي مينينده چيخيب, دئييرسن يوخ , او او، بو دا من- دئيه، آرواد قاييديب, يئيين آديملارلا ماغازايا ساری گئتدي.
کیشی اونون دالینجا ماغازایا گیردی:”- سنهانسي کاپشئنی وئريبسن بونا؟ – دئيه, اوغلاندان سوروشدو.
– او عنابي- نخودي کاپشئنی.
– نئچه دييبسن؟
– اون يئددي مين دئديم, ايکي مينينده اونا چيخديم.
کيشي توپ کيمي آچيلدي:
– آي سنين او بوينون سينسين. اووليندنده بللي ايدي سندن آليش وئريشچي چيخماياجاق. گئده بهسن کورسان؟ آخي او شوقريبي اوخو دآ آ… دئيه. آروادا ساري يؤنلدي:
– مني باغيشلا باجيم, سن دئين اولسون, ايکي مینيده تخفيف، چیخارت اون مينده وئر قورتار!
بو آندا اوغلان ديللندي:
_ آغا وآللاه قيمتيني اون يئددي مين تومن يازميشدين.
کيشي لاپ جينلندی:
– سن داي دانيشما. دانيشما دئديم. اون يئددي مين تون یازميشدي. هله پيس- پيسده ديپلوم آلير. هئی، آی او سنه درس وئرهنين آتاسينا لعنت گلسين…
آرواد توموب قالمیشدی. نهایت –”یوخ، قارداش منیم او قدهر پولوم یوخدور. کاپشئنیوی گنیررم- دئيه, ماغازادان چیخدی. کیشی ده آروادین دالیسینجا ائشیگه چیخاراق:
– بس یاخشی، اون مين وئر کاپشئنی قايتار، پولووو آل!
آرواد بیر قدهر دوروخسوندو. سونرا دئدی:
– دئديم کي, منيم او قدهر پولوم يوخدور آغا.
بو آندا اوغلان يويوروب، کيفي آروادين اليندن قاپاراق:
– بس بو کيف قالسين گئت کاپشئنی گتير!
کیشی غیظیله اوغلانا باخدی:
-لا الاهه الا اللاه. گئده به سن نییه بئله گیژسن؟ آخی او کیف نه یه دهیر؟ او اؤزو دئيير پولوم يوخدو, سن کيفي گيروو ساخلاييرسان؟!- دئیه، حیرصیله کیفی اوغلانین تایندن چکیب، آلدی.
آروادين دوداغلاري اسدي، آمما آغزينداکي سؤزونو یئدی. تکجه بیر باخيشلا کيشينين آغزيني باغلادی. يولا دوشدو. کيشيایسه کيف الينده, اونون داليسينجا يوللاندي.
آرواد بازارين ايچينده, بو تيمچهدن او تيمچهيه, او دؤنومدن بو دؤنومه هئي گيرير- چيخير… آمما اوشاغدان ايز- اثر یوخدور. سانکی بیر دامجی سو اولوب، یئره باتمیشدی. گئتدیکجه اونون نيگرانليغي, هيجاني آرتير, سورعتي چوخالير، يئريشي قاچيشا چئوريليردی. ماغازاچي کيشيده نفسي چيينلريندن چيخا- چيخا، آروادين داليسينجا لهلهيیردي. ماغازاچيلارين چوخو و بازاردان کئچنلرده, آغیزلاری آچیلی دایانیب، تعجوبله اونلاری سوزوردولر.
هاچاندان –هاچانا اوشاق «آينا – شامدان» ماغازاسينين گوزگولرينده اؤزونه باخا- باخا تاپیلدی. او, بؤيوک گوزگولرده، اينينه گئيديگي ياراشيقلي کاپشئنینین تاماشاسيندان فرحلنيردي.
اوغلانجيق قاباق- قاباغا قويولموش گوزگولرده, اؤزونو نه بير نه ايکي، بلکه اون لارجا گؤردوکدن داها آرتيق ماراقلانيب, هيجانلانيردي.
اوغلانجيق گوزگو قاباغیندا دایاندی. ایکی الیایله کاپشئن ین دؤشونو تومارلاييب، قولتوغونو يئللنديردي. سونرا آرخاسيندا دايانميش آناسيني گوزگوده سوزوب، گولومسهدي. بير داها اينيندهکي کاپشئنه باخدي. گولوش دوداغلاريندان چاغلاييب اوز- گؤزونه ياييلدی. شیلتاق چپيش کيمي ایکی ایاغی اوسته گؤیه قالخدی؛ سيچيراييب، ماغازادان ائشيگه قاچدي. آرواد
“و آ آ… اميير… اوغلان بير دايان گؤروم نهجوردي آخي…”- دئيه، قاپييا چيخدي.
ائشيکده, ماغازايا ساري گلن کيشي آتيليب اويناياراق قاچان اوغلاني ايزلهيرهک تعجوبدن دوداغلاريني گولونج بير شکيلده بوزموشدو. بايرام قاباغي ايدي. بازار چوخ تونلوک ايدي. بير آندا اوشاق گؤزدن ايتدي. آمما آرواد اوشاغين آردينجا يولا دوشدوکده, ماغازاچي اوغلان قاپينين آغزيندان سسلدي:
– آي خانيم! کاپشئنین پولون وئرمهدين… آي خانيم…!
اوشاغین قاچماسيني تعجوبله ايزلهين کيشي بيردن- بيره اؤزونه گلدي:”هه؟! کاپشئن. نه کاپشئنی؟!”
اوغلان- “عنابي- نخودي کاپشئنی آليب پولونو وئرمهميش گئدير”- دئيه، ايشاره ايله آروادي گؤستردي.
کيشي درحال گؤتورولوب, آروادي حاقلادي:
– آي باجي… آي باجيهارا گئديرسن بس؟ آلديغين جينسين پولون وئر آخي, پييي!!
– نه خبريندير قارداش، من قاشميرام کي, قوي گؤروم اوشاق نئجه اولدو- دئيه، آرواد يئنيدن يولا دوشدو.
کيشينين سسي اوجالدي:
– دايان بير گؤروم آ اَ… اوشاق! اوشاغا نه اولاجاق، پولو وئر هر يئره گئديرسن گئتدآ, سنين قاباغيوي کسن وار؟
آرواد تلهسيک کيفين آچيب الي اسه- اسه پولو ساناييب، کيشييه ساري اوزالتدي:-“گل آل! بودا سنین پولون.”
کیشی”-ياخشي… بسهاني قالميشي؟”- دئيه، اليني آروادا ساري آچدي. آرواد تعجوبله سوروشدو:
– اون بئش مين تومن دئييل مهيه؟
– هه اون بئش ميندي.
– بسداي نه ايستيرسن؟ ايکي ميننين ده اوغلان اؤزو چيخيب.
کيشينين گؤزلري قييلدي:
– بورا باخ گؤروم، مني ساريميسان, يوخسا عاغلين آزيبدي؟ اونو گؤر هئچ اون بئش مينه تيکرلر!؟ هله پيس- پيس دئييرسن قاشميرام کي!!
آروادين دوداغي اسدي:
– من قاچان آدام دئييلم, گؤزلريوي سيل، آدامووي تاني! دئييرم اوغلان او يئدديمين دئييب, ايکي مينينده چيخيب, دئييرسن يوخ , او او، بو دا من- دئيه، آرواد قاييديب, يئيين آديملارلا ماغازايا ساری گئتدي.
کیشی اونون دالینجا ماغازایا گیردی:”- سنهانسي کاپشئنی وئريبسن بونا؟ – دئيه, اوغلاندان سوروشدو.
– او عنابي- نخودي کاپشئنی.
– نئچه دييبسن؟
– اون يئددي مين دئديم, ايکي مينينده اونا چيخديم.
کيشي توپ کيمي آچيلدي:
– آي سنين او بوينون سينسين. اووليندنده بللي ايدي سندن آليش وئريشچي چيخماياجاق. گئده بهسن کورسان؟ آخي او شوقريبي اوخو دآ آ… دئيه. آروادا ساري يؤنلدي:
– مني باغيشلا باجيم, سن دئين اولسون, ايکي مینيده تخفيف، چیخارت اون مينده وئر قورتار!
بو آندا اوغلان ديللندي:
_ آغا وآللاه قيمتيني اون يئددي مين تومن يازميشدين.
کيشي لاپ جينلندی:
– سن داي دانيشما. دانيشما دئديم. اون يئددي مين تون یازميشدي. هله پيس- پيسده ديپلوم آلير. هئی، آی او سنه درس وئرهنين آتاسينا لعنت گلسين…
آرواد توموب قالمیشدی. نهایت –”یوخ، قارداش منیم او قدهر پولوم یوخدور. کاپشئنیوی گنیررم- دئيه, ماغازادان چیخدی. کیشی ده آروادین دالیسینجا ائشیگه چیخاراق:
– بس یاخشی، اون مين وئر کاپشئنی قايتار، پولووو آل!
آرواد بیر قدهر دوروخسوندو. سونرا دئدی:
– دئديم کي, منيم او قدهر پولوم يوخدور آغا.
بو آندا اوغلان يويوروب، کيفي آروادين اليندن قاپاراق:
– بس بو کيف قالسين گئت کاپشئنی گتير!
کیشی غیظیله اوغلانا باخدی:
-لا الاهه الا اللاه. گئده به سن نییه بئله گیژسن؟ آخی او کیف نه یه دهیر؟ او اؤزو دئيير پولوم يوخدو, سن کيفي گيروو ساخلاييرسان؟!- دئیه، حیرصیله کیفی اوغلانین تایندن چکیب، آلدی.
آروادين دوداغلاري اسدي، آمما آغزينداکي سؤزونو یئدی. تکجه بیر باخيشلا کيشينين آغزيني باغلادی. يولا دوشدو. کيشيایسه کيف الينده, اونون داليسينجا يوللاندي.
آرواد بازارين ايچينده, بو تيمچهدن او تيمچهيه, او دؤنومدن بو دؤنومه هئي گيرير- چيخير… آمما اوشاغدان ايز- اثر یوخدور. سانکی بیر دامجی سو اولوب، یئره باتمیشدی. گئتدیکجه اونون نيگرانليغي, هيجاني آرتير, سورعتي چوخالير، يئريشي قاچيشا چئوريليردی. ماغازاچي کيشيده نفسي چيينلريندن چيخا- چيخا، آروادين داليسينجا لهلهيیردي. ماغازاچيلارين چوخو و بازاردان کئچنلرده, آغیزلاری آچیلی دایانیب، تعجوبله اونلاری سوزوردولر.
هاچاندان –هاچانا اوشاق «آينا – شامدان» ماغازاسينين گوزگولرينده اؤزونه باخا- باخا تاپیلدی. او, بؤيوک گوزگولرده، اينينه گئيديگي ياراشيقلي کاپشئنینین تاماشاسيندان فرحلنيردي.
اوغلانجيق قاباق- قاباغا قويولموش گوزگولرده, اؤزونو نه بير نه ايکي، بلکه اون لارجا گؤردوکدن داها آرتيق ماراقلانيب, هيجانلانيردي.
آرواد اوشاغي گؤرجک جيگر دولوسو بير نفس آلير, ديزه چؤکوب, “- امير… بالا بويووا قوربان اولوم! به سن بورادا نه گزيرسن؟- دئیه، اونو باغرينا باسدی. کيشي ايسه تووشهيهرک اونلارين باشينين اوستونده دايانيب، کاپشئنی آلماغا تلهسيردي.
آرواد اوشاغي ماغازادان چيخارتدی؛ سايخاش بير يئره آپاريب قولاغينا نهسه پيچيلدادی. سونرا اليني کاپشئنین دویمهسینه اوزالتدی. اوشاق دوداغلارین ییغیب، قیسدی. توواراق اؤزونو دالییا چکدی. ایکی الی ایله کاپشئنین یاخاسیندان یاپیشیب، قولاقلادی. آرواد بیر داها اوشاغین بویون اوخشادی:
– امير بالا بويوا قوربان بو کاپشئن اينووه خيردادي. بونو وئر, گئدهک آيريسين آلاق!ها, آ بالامسان- دئيه, آستا- آستا کاپشئنین دويمهلريني آچيب, زيپيني آشاغا چکن کيمي اوشاق آغلاماغا باشلادي.
آرواد, کاپشئنی اوشاغين اينيندن چيخارتماغا چاليشيرديسا, اوشاقدا عناد کارليقلا, اؤزونو آناسينين اليندن قورتارماغا جان آتيردي. کیشی آتجاق حوصله دن چیخدی: “-دی بابام قورتار دآ آ …!”- دئیه، ال آتيب کاپشئنین اتهییندن ياپيشيب, چئویردی، کؤبودلوقلا سیییریب اونو اوشاغین باشیندان چيخارماغا چاليشدي. آمما کاپشئنین اوزو آستار اولسادا, دويمهلري باغلي اولدوغونا گوره, کيشي اوغلانجيغي بير آز اؤز داليسيجا سوروندورندن سونرا، کاپشئنی اونون اينيندن چيخاريب، يولا دوشدو. آرواد دليجهسينه بير آز يول کيشينين داليسيجا قاچدي. کيشي بير پول بوکومونو جيبيندن چيخاريب آروادا ساري آتدي. پول يئره سپهلندي. آروادين ديشلري قيجيردي:
– تووو سنين او نجابتيوه… آي يي نا کيشي- دئيه، قههر بوغازيني بيچه- بيچه, اييليب يئردن پوللاري دوشورمهيه باشلادي.
* * * *
آرواد اوغلانجيغين بيلهييندن ياپيشيب بازار اوزونو سورويوردو. اوغلانجيقدا آياقلاريني يئره دؤيه- دؤيه قيشقير- باغير سالاراق ديرنيردي. آروادين صبري داي توکندي:
– يئتيم قالاسان دئييرم, اينووه کيچيکدي. ننهسيز قالاسان دئييرم اينووه کيچيکدي- دئيه, آرواد دليجهسينه اوشاغي شاپالاغين آغزينا وئردي.
بير نئچه نفر قاچيب اوشاغي آروادين اليندن آلديلار. ياشلي بير قادين آروادين قولوندان توتوب, اونو آغزي بازارا آچيلان مچيدين حيهطينه چکير, بير سکينين اوستونده اوتوردارکن:
-قيزيم! آدام آجيياندا اؤزونو ساخلار. نهخبريندير؟ او طيفيل اوشاغي اؤلدوروسن آخي؟!
باشقا بير قاديندا, اوشاغي آناسينين يانينا گتيردي. آروادا بير آز سو ايچيريب, اوشاغيندا اوز- گؤزونو يویوب اوووتدولار.
* * * *
قیشين سون گونلرينين ايليق گونشي اينجارسيزجا توتغون بولوتلاري سويونوب، چيخيردي. آرواد ائلهجه اوتوردوغو سکيده توموب قالميشدي. اونون گؤزلري, مچيدين حيهطيندهکي حوووضون اورتاسينداکي سو لوله سیندن داشلانان سويا تيکيلميشدي.
اوشاق قوزو تکين آناسينين يانيندا دایانمیشدی. پؤرتوب، قيزارميش گؤزلريني آناسینا زيللهميشدي. آرواد گؤزونون آلتي ايله اوشاغين يازيق گؤرکمينی سوزدو. بیر آنداجا بوتون وارلیغی قهههره چئوريليب بوغازينا ییغيلدي. بيردن ال آتیب، اوشاغي اؤزونه ساري چکدی؛ بوتون وارليغي ايله باغرينا باسدي. بوغازينا ییغیلان قهههر گؤزلريندن آخماغا باشلادی.
https://t.me/Adabiyyatsevanlar
آرواد اوشاغي ماغازادان چيخارتدی؛ سايخاش بير يئره آپاريب قولاغينا نهسه پيچيلدادی. سونرا اليني کاپشئنین دویمهسینه اوزالتدی. اوشاق دوداغلارین ییغیب، قیسدی. توواراق اؤزونو دالییا چکدی. ایکی الی ایله کاپشئنین یاخاسیندان یاپیشیب، قولاقلادی. آرواد بیر داها اوشاغین بویون اوخشادی:
– امير بالا بويوا قوربان بو کاپشئن اينووه خيردادي. بونو وئر, گئدهک آيريسين آلاق!ها, آ بالامسان- دئيه, آستا- آستا کاپشئنین دويمهلريني آچيب, زيپيني آشاغا چکن کيمي اوشاق آغلاماغا باشلادي.
آرواد, کاپشئنی اوشاغين اينيندن چيخارتماغا چاليشيرديسا, اوشاقدا عناد کارليقلا, اؤزونو آناسينين اليندن قورتارماغا جان آتيردي. کیشی آتجاق حوصله دن چیخدی: “-دی بابام قورتار دآ آ …!”- دئیه، ال آتيب کاپشئنین اتهییندن ياپيشيب, چئویردی، کؤبودلوقلا سیییریب اونو اوشاغین باشیندان چيخارماغا چاليشدي. آمما کاپشئنین اوزو آستار اولسادا, دويمهلري باغلي اولدوغونا گوره, کيشي اوغلانجيغي بير آز اؤز داليسيجا سوروندورندن سونرا، کاپشئنی اونون اينيندن چيخاريب، يولا دوشدو. آرواد دليجهسينه بير آز يول کيشينين داليسيجا قاچدي. کيشي بير پول بوکومونو جيبيندن چيخاريب آروادا ساري آتدي. پول يئره سپهلندي. آروادين ديشلري قيجيردي:
– تووو سنين او نجابتيوه… آي يي نا کيشي- دئيه، قههر بوغازيني بيچه- بيچه, اييليب يئردن پوللاري دوشورمهيه باشلادي.
* * * *
آرواد اوغلانجيغين بيلهييندن ياپيشيب بازار اوزونو سورويوردو. اوغلانجيقدا آياقلاريني يئره دؤيه- دؤيه قيشقير- باغير سالاراق ديرنيردي. آروادين صبري داي توکندي:
– يئتيم قالاسان دئييرم, اينووه کيچيکدي. ننهسيز قالاسان دئييرم اينووه کيچيکدي- دئيه, آرواد دليجهسينه اوشاغي شاپالاغين آغزينا وئردي.
بير نئچه نفر قاچيب اوشاغي آروادين اليندن آلديلار. ياشلي بير قادين آروادين قولوندان توتوب, اونو آغزي بازارا آچيلان مچيدين حيهطينه چکير, بير سکينين اوستونده اوتوردارکن:
-قيزيم! آدام آجيياندا اؤزونو ساخلار. نهخبريندير؟ او طيفيل اوشاغي اؤلدوروسن آخي؟!
باشقا بير قاديندا, اوشاغي آناسينين يانينا گتيردي. آروادا بير آز سو ايچيريب, اوشاغيندا اوز- گؤزونو يویوب اوووتدولار.
* * * *
قیشين سون گونلرينين ايليق گونشي اينجارسيزجا توتغون بولوتلاري سويونوب، چيخيردي. آرواد ائلهجه اوتوردوغو سکيده توموب قالميشدي. اونون گؤزلري, مچيدين حيهطيندهکي حوووضون اورتاسينداکي سو لوله سیندن داشلانان سويا تيکيلميشدي.
اوشاق قوزو تکين آناسينين يانيندا دایانمیشدی. پؤرتوب، قيزارميش گؤزلريني آناسینا زيللهميشدي. آرواد گؤزونون آلتي ايله اوشاغين يازيق گؤرکمينی سوزدو. بیر آنداجا بوتون وارلیغی قهههره چئوريليب بوغازينا ییغيلدي. بيردن ال آتیب، اوشاغي اؤزونه ساري چکدی؛ بوتون وارليغي ايله باغرينا باسدي. بوغازينا ییغیلان قهههر گؤزلريندن آخماغا باشلادی.
https://t.me/Adabiyyatsevanlar
Telegram
ادبیات سئونلر
بوکانال ادبیات سئونلر قوروپونون سئچیلمیش اثرلری دیر
کانالدا کی یازیلاری کانالین لینکینی وئرمک شرطی ایله پایلاشماق اولار.
کانالدا کی یازیلاری کانالین لینکینی وئرمک شرطی ایله پایلاشماق اولار.
Forwarded from ادبیات سئونلر (Kamran Azari Kamran Azari)
✅✅✅✅سایین کانالداشلار
چهارشنبه گونلری ادبیات سئونلر کانالیندا یالنیز نثر یازیلارین پایلاشیریق
https://t.me/Adabiyyatsevanlar
چهارشنبه گونلری ادبیات سئونلر کانالیندا یالنیز نثر یازیلارین پایلاشیریق
https://t.me/Adabiyyatsevanlar
Telegram
ادبیات سئونلر
بوکانال ادبیات سئونلر قوروپونون سئچیلمیش اثرلری دیر
کانالدا کی یازیلاری کانالین لینکینی وئرمک شرطی ایله پایلاشماق اولار.
کانالدا کی یازیلاری کانالین لینکینی وئرمک شرطی ایله پایلاشماق اولار.
علی جواد پور
سسین عادیجه سس دئییل
گئدیب-گلن نفس دئییل
اونا سس دئمک بس دئییل
سسینده بیر حیکایه وار
سسین باهار، سسین قیشدی
سسین سانکی اوچان قوشدو
سسین گؤیلومه دوشموشدو
سسینده بیر حیکایه وار
سسین اوخونمامیش رومان
سسین داغدیر باشی دومان
سسین یاخشی، سسین یامان
سسینده بیر حیکایه وار
سسین اؤلمز، سسین قالار
سسین کؤنلومو ییرغالار
سسین سینمده اود قالار
سسینده بیر حیکایه وار
https://t.me/Adabiyyatsevanlar
سسین عادیجه سس دئییل
گئدیب-گلن نفس دئییل
اونا سس دئمک بس دئییل
سسینده بیر حیکایه وار
سسین باهار، سسین قیشدی
سسین سانکی اوچان قوشدو
سسین گؤیلومه دوشموشدو
سسینده بیر حیکایه وار
سسین اوخونمامیش رومان
سسین داغدیر باشی دومان
سسین یاخشی، سسین یامان
سسینده بیر حیکایه وار
سسین اؤلمز، سسین قالار
سسین کؤنلومو ییرغالار
سسین سینمده اود قالار
سسینده بیر حیکایه وار
https://t.me/Adabiyyatsevanlar
Telegram
ادبیات سئونلر
بوکانال ادبیات سئونلر قوروپونون سئچیلمیش اثرلری دیر
کانالدا کی یازیلاری کانالین لینکینی وئرمک شرطی ایله پایلاشماق اولار.
کانالدا کی یازیلاری کانالین لینکینی وئرمک شرطی ایله پایلاشماق اولار.
نبی خزری
سينير كؤورهك ـ كؤورهك قاناد دونيادا
سانيرام سونسوزدور حيات دونيادا
صاباحا ياشاماق، گوماني هاني؟
بيز دويدوق ذوقوندان هاچان داغلارين؟
بيزي آنا كيمي قوجان داغلارين
هاني سود عطيرلي، دوماني هاني؟
چوخ دئديك دونيانين اعتباريندان
كئچديك نيسگيللريندن آه و زاريندان
دردلرين سيزلايان كاماني هاني؟
خزان ياپراقلاري دوشور چيينيمه
قوجاليق دونونو بيچير اينيمه
گزيرم، ايللرين ليماني هاني؟
https://t.me/Adabiyyatsevanlar
سينير كؤورهك ـ كؤورهك قاناد دونيادا
سانيرام سونسوزدور حيات دونيادا
صاباحا ياشاماق، گوماني هاني؟
بيز دويدوق ذوقوندان هاچان داغلارين؟
بيزي آنا كيمي قوجان داغلارين
هاني سود عطيرلي، دوماني هاني؟
چوخ دئديك دونيانين اعتباريندان
كئچديك نيسگيللريندن آه و زاريندان
دردلرين سيزلايان كاماني هاني؟
خزان ياپراقلاري دوشور چيينيمه
قوجاليق دونونو بيچير اينيمه
گزيرم، ايللرين ليماني هاني؟
https://t.me/Adabiyyatsevanlar
Telegram
ادبیات سئونلر
بوکانال ادبیات سئونلر قوروپونون سئچیلمیش اثرلری دیر
کانالدا کی یازیلاری کانالین لینکینی وئرمک شرطی ایله پایلاشماق اولار.
کانالدا کی یازیلاری کانالین لینکینی وئرمک شرطی ایله پایلاشماق اولار.
ثریا خلیق
"آرپاچایی"؛
"ساری آی" دا بوغولاندا
گؤی ائوینه
قیزیل قاناد
بیر "آی" اوچدو.
آییم!گونوم!شئعیرسسلیم!
ایندی
"ساری آی" آلتیندا
گؤزله ییرم
گل یاشامین آیناسیندا
آی دمله یک.
آرپاچایی آچیق گؤزله
"آی " ا
باخسین؛
"سونای" بیزه
اللرینله اللریمده
گؤزلریمله گؤزلرینده
آی سسینده
چای سسینده
1396 اؤد
یای دمله یک.
https://t.me/Adabiyyatsevanlar
"آرپاچایی"؛
"ساری آی" دا بوغولاندا
گؤی ائوینه
قیزیل قاناد
بیر "آی" اوچدو.
آییم!گونوم!شئعیرسسلیم!
ایندی
"ساری آی" آلتیندا
گؤزله ییرم
گل یاشامین آیناسیندا
آی دمله یک.
آرپاچایی آچیق گؤزله
"آی " ا
باخسین؛
"سونای" بیزه
اللرینله اللریمده
گؤزلریمله گؤزلرینده
آی سسینده
چای سسینده
1396 اؤد
یای دمله یک.
https://t.me/Adabiyyatsevanlar
Telegram
ادبیات سئونلر
بوکانال ادبیات سئونلر قوروپونون سئچیلمیش اثرلری دیر
کانالدا کی یازیلاری کانالین لینکینی وئرمک شرطی ایله پایلاشماق اولار.
کانالدا کی یازیلاری کانالین لینکینی وئرمک شرطی ایله پایلاشماق اولار.
This media is not supported in your browser
VIEW IN TELEGRAM
16 آذرروز دانشجو گرامی باد.
https://t.me/Adabiyyatsevanlar
https://t.me/Adabiyyatsevanlar
Forwarded from بهروز صدیقی
MP3.YAN.AZ
MP3.YAN.AZ | Cinare Melikzade - Xatiredir
ا۰ ف. ". اویاق"
آديني يازاندا
اليم يوخ
اورهييم يامان تيترهيير
سنسيزليك شاختاسيندا
هئچ ايستي جانيمي قيزديرمير
آلوولو باخيشلارينين حسرتيندهيم!...
اورهيين قار كيمي آغ ـ آپپاق
گؤزلرين گونش كيمي پارلاق
منسه
سينهن اوستونده بيتن قار چيچگي
آچ گؤزلريني
باخيشلارينين ايشيغيندا چيچكلنمك ايستهييرم.
سنسيزليك شاختاسيندان
سونسوز سسسيزليكدن
ييرتيجي گؤزلردن
سني مندن آلان يوخسول دوشونجهلردن
عطرين ياييلمايان شهردن
اؤزومدن
دونيادان
آجيغيم گلير!...
https://t.me/Adabiyyatsevanlar
آديني يازاندا
اليم يوخ
اورهييم يامان تيترهيير
سنسيزليك شاختاسيندا
هئچ ايستي جانيمي قيزديرمير
آلوولو باخيشلارينين حسرتيندهيم!...
اورهيين قار كيمي آغ ـ آپپاق
گؤزلرين گونش كيمي پارلاق
منسه
سينهن اوستونده بيتن قار چيچگي
آچ گؤزلريني
باخيشلارينين ايشيغيندا چيچكلنمك ايستهييرم.
سنسيزليك شاختاسيندان
سونسوز سسسيزليكدن
ييرتيجي گؤزلردن
سني مندن آلان يوخسول دوشونجهلردن
عطرين ياييلمايان شهردن
اؤزومدن
دونيادان
آجيغيم گلير!...
https://t.me/Adabiyyatsevanlar
Telegram
ادبیات سئونلر
بوکانال ادبیات سئونلر قوروپونون سئچیلمیش اثرلری دیر
کانالدا کی یازیلاری کانالین لینکینی وئرمک شرطی ایله پایلاشماق اولار.
کانالدا کی یازیلاری کانالین لینکینی وئرمک شرطی ایله پایلاشماق اولار.
بختیار علی مراد ( موغان اوغلو )
بیر تئل ایله باغلامیسان
اوره يينه اوره ييمی
هارا گئتسن اودا گئدير
بوينو باغلی دلی كيمی
مني گؤرن داشا باسير
سنی گؤرن دلی اولور
https://t.me/Adabiyyatsevanlar
بختیار علی مراد ( موغان اوغلو )
بیر تئل ایله باغلامیسان
اوره يينه اوره ييمی
هارا گئتسن اودا گئدير
بوينو باغلی دلی كيمی
مني گؤرن داشا باسير
سنی گؤرن دلی اولور
https://t.me/Adabiyyatsevanlar
Telegram
ادبیات سئونلر
بوکانال ادبیات سئونلر قوروپونون سئچیلمیش اثرلری دیر
کانالدا کی یازیلاری کانالین لینکینی وئرمک شرطی ایله پایلاشماق اولار.
کانالدا کی یازیلاری کانالین لینکینی وئرمک شرطی ایله پایلاشماق اولار.
قیسا شعرلر
فریبا مرتضایی
(۱)
قار یاغیر
آغیر- آغیر،
سئرچهلری شاختا چالیر؛
چؤرهک دولو اتهییم
سیلکهلنیر، آغلاییر.
(۲)
بو قیسا دونیادا
نئجه من
اوزون- اوزون اؤلموشم؟!
(۳)
کؤنلوم
آددیم آتماق ایستهییر
کوچهنین او تاییندان بو تایینا؛
قورخما
سانا ساری دئییل!
(۴)
آچ قاشلارینین دویونون!
باخیشین توتولور
آییمیایتیریرم.
(۵)
یول وئر
گؤزل گؤزلریندن کئچیم!
بو یولدا
اؤلسیم وار
(۶)
سن گلسن
اورهییمیآپارارسان؛
سنسیز یئرسیزم
قاداسی!
(۷)
دؤز بیر آز
اؤزومه یئتیشیم،
چاتیب سنه یئتیشیم!
گؤر نئجه
سنه یئتیشیم!
(۸)
اورهییم اؤلوب،
چیرپینیشلار گئدیب،
سن یوخسان
بو آستانه بوشدور.
باشماقلاریمیگتیرین
اورهییمین باشیندا جوتلهیین
دئمهسینلر آدامسیزدیر!
(۹)
اورهییم گئدیشینده،
باغریم گلیشینده
اسیر!
(۱۰)
سای منی!
سنسیز گونلرین ساییسی
اؤلدورور منی.
https://t.me/Adabiyyatsevanlar
فریبا مرتضایی
(۱)
قار یاغیر
آغیر- آغیر،
سئرچهلری شاختا چالیر؛
چؤرهک دولو اتهییم
سیلکهلنیر، آغلاییر.
(۲)
بو قیسا دونیادا
نئجه من
اوزون- اوزون اؤلموشم؟!
(۳)
کؤنلوم
آددیم آتماق ایستهییر
کوچهنین او تاییندان بو تایینا؛
قورخما
سانا ساری دئییل!
(۴)
آچ قاشلارینین دویونون!
باخیشین توتولور
آییمیایتیریرم.
(۵)
یول وئر
گؤزل گؤزلریندن کئچیم!
بو یولدا
اؤلسیم وار
(۶)
سن گلسن
اورهییمیآپارارسان؛
سنسیز یئرسیزم
قاداسی!
(۷)
دؤز بیر آز
اؤزومه یئتیشیم،
چاتیب سنه یئتیشیم!
گؤر نئجه
سنه یئتیشیم!
(۸)
اورهییم اؤلوب،
چیرپینیشلار گئدیب،
سن یوخسان
بو آستانه بوشدور.
باشماقلاریمیگتیرین
اورهییمین باشیندا جوتلهیین
دئمهسینلر آدامسیزدیر!
(۹)
اورهییم گئدیشینده،
باغریم گلیشینده
اسیر!
(۱۰)
سای منی!
سنسیز گونلرین ساییسی
اؤلدورور منی.
https://t.me/Adabiyyatsevanlar
Telegram
ادبیات سئونلر
بوکانال ادبیات سئونلر قوروپونون سئچیلمیش اثرلری دیر
کانالدا کی یازیلاری کانالین لینکینی وئرمک شرطی ایله پایلاشماق اولار.
کانالدا کی یازیلاری کانالین لینکینی وئرمک شرطی ایله پایلاشماق اولار.
✅✅✅✅✅ادبیات سئونلر کانالینین هفته لیک تخصوصی پروگراملاری.
شنبه: ساعات: 30/21 مجازی انجمن ( سسلی شعیر گئجه سی) .
یکشنبه : :ساعات 30/21 (ائتیمولوزو حاقیندا دانیشیق) اوزمان اوستاد دوکتور ارشد نظر ی .
دوشنبه: ساعات 30/21 ( دیکلمه یاریشماسی) .
سه شنبه : ساعات 30/21 : (ادبیات گئجه لری) اوزمان اوستاد دوکتور رحمانی
چهارشنبه : سایین کانالداشلار چهارشنبه گونلری ادبیات سئونلر کانالیندا یالنیز نثریازیلارین پایلاشیریق .
چهارشنبه لر گئجه ساعات : 22 موصاحیبه گئجه لری اولور🌸🌸🌸
https://t.me/Adabiyyatsevanlar
شنبه: ساعات: 30/21 مجازی انجمن ( سسلی شعیر گئجه سی) .
یکشنبه : :ساعات 30/21 (ائتیمولوزو حاقیندا دانیشیق) اوزمان اوستاد دوکتور ارشد نظر ی .
دوشنبه: ساعات 30/21 ( دیکلمه یاریشماسی) .
سه شنبه : ساعات 30/21 : (ادبیات گئجه لری) اوزمان اوستاد دوکتور رحمانی
چهارشنبه : سایین کانالداشلار چهارشنبه گونلری ادبیات سئونلر کانالیندا یالنیز نثریازیلارین پایلاشیریق .
چهارشنبه لر گئجه ساعات : 22 موصاحیبه گئجه لری اولور🌸🌸🌸
https://t.me/Adabiyyatsevanlar
Telegram
ادبیات سئونلر
بوکانال ادبیات سئونلر قوروپونون سئچیلمیش اثرلری دیر
کانالدا کی یازیلاری کانالین لینکینی وئرمک شرطی ایله پایلاشماق اولار.
کانالدا کی یازیلاری کانالین لینکینی وئرمک شرطی ایله پایلاشماق اولار.
علی_جوادپور
■یالان اؤیرتمهلر
یاپیشیب الیمدن آلفابئت اؤیرهت
چؤرهیی اؤیرنیم، دوزو اؤیرنیم
گونده دیلیم-دیلیم آنادیلیمدن،
من یازی اؤیرنیم، پوزو اؤیرنیم!
قانیمی ایچمکدن دوی بیرکرهده
سویورسان دهریمی، سوی بیرکرهده
یاخامدان ال گؤتور، قوی بیرکرهده،
دوغرونو اؤیرنیم، دوزو اؤیرنیم!
تزهکلر دئییلمی بوچیچکلهنن!؟
نهلر داداجاقسان قوخوسوندان سن؟
یالان اؤیرتمهلر بوراخمیرکی من،
اؤزومو اؤیرنیم، سیزی اؤیرنیم
گوندوزون گوناهین آنجاقکی گئجه،
بیر تههر اؤرت باسدیر ائده گیزلیجه.
ساختا کیپریکلرین ایچیندن نئجه،
باخیشی اؤیرهنیم، گؤزو اؤیرهنیم!
بیرآز جیزما-قارا باجارسام منده
اؤیرتمن اولارام بیر بویوک کنده!
قوی چوروک درسلری اؤیرنمهسمده
چؤریی اؤیرنیم، دوزو اؤیرنیم!
اؤزوم اؤزدیلیمده یازی اؤیرنیم!..
https://t.me/Adabiyyatsevanlar
■یالان اؤیرتمهلر
یاپیشیب الیمدن آلفابئت اؤیرهت
چؤرهیی اؤیرنیم، دوزو اؤیرنیم
گونده دیلیم-دیلیم آنادیلیمدن،
من یازی اؤیرنیم، پوزو اؤیرنیم!
قانیمی ایچمکدن دوی بیرکرهده
سویورسان دهریمی، سوی بیرکرهده
یاخامدان ال گؤتور، قوی بیرکرهده،
دوغرونو اؤیرنیم، دوزو اؤیرنیم!
تزهکلر دئییلمی بوچیچکلهنن!؟
نهلر داداجاقسان قوخوسوندان سن؟
یالان اؤیرتمهلر بوراخمیرکی من،
اؤزومو اؤیرنیم، سیزی اؤیرنیم
گوندوزون گوناهین آنجاقکی گئجه،
بیر تههر اؤرت باسدیر ائده گیزلیجه.
ساختا کیپریکلرین ایچیندن نئجه،
باخیشی اؤیرهنیم، گؤزو اؤیرهنیم!
بیرآز جیزما-قارا باجارسام منده
اؤیرتمن اولارام بیر بویوک کنده!
قوی چوروک درسلری اؤیرنمهسمده
چؤریی اؤیرنیم، دوزو اؤیرنیم!
اؤزوم اؤزدیلیمده یازی اؤیرنیم!..
https://t.me/Adabiyyatsevanlar
Telegram
ادبیات سئونلر
بوکانال ادبیات سئونلر قوروپونون سئچیلمیش اثرلری دیر
کانالدا کی یازیلاری کانالین لینکینی وئرمک شرطی ایله پایلاشماق اولار.
کانالدا کی یازیلاری کانالین لینکینی وئرمک شرطی ایله پایلاشماق اولار.