کریم قربانزاده
آرآز سئودالی شاعیر بهروزصدیقی نین حایاتینا اوتری باخیش .

آراز پاییزین قیسا گونلرینه آخیردی .سرین پاییز کوله یی شیلتاق جاسینا موغانین کوچه باجالاریندان کئچیردی.
مئشه عزیز کیشی یه موشتلوق وئردیلر : گوزلرین آیدین اولسون اوغلون اولدو . بهروز صدیقی 1348 اینجی ایلده موغاندا ایشچی بیر عائیله ده حایاتا گوز آچیب .پاییز اوزالوانیلغیندان اونا قلمینده , سسینده ...اولدوغو قدر پای وئریب.ایلک تحصیلینی پارساباددا بوعلی مدرسه سینده اورتا مکتبی امام خمینی دبیریستانیندا بیتیریر . آراز نغمه لری اوتایدان گلن حزین موغامات سسی موغانین گولوچیچکلی طبیعتی 68 اینجی ایلرده بهروز صدیقی ده شاعیرلیک حیسین اویادیر . 69 اونجوایلین ایگیرمی بیر آذرینده ایلک شعری اوستاد یحیی شیدانین ایداره ائتدییی مهد آزادی روزنامه سینین تورکی صحیفه سینده چاپ اولور.
سن ای سو سسلی سئوگیلیم
سئوه جه يم سني من ...
پارسا بادین ادبی مدنی محفل لرینده آلدیغی ایلهام , آلقیشلار اونو گوزل دوشونجلی صنعتکار اولماغا یونلدیردی او تکجه شعر یازمیر 1370 اینجی ایلده آذربایجانین اولمز داهی شاعیری صمد وورغونو "شاعیر نه تئز قوجالدین سن " شعرین بیر کاسته ییغیر کاستی دینله ینلر اونون دیکلاماتورلوق قابلییتینه احسن دئیب دوستلارینین خوصوصیله یاخین دوستو اباسطین اصغرینین قارشیلاماسی اوندا درین تاثیر بوراخیر اوگوندن بری بهروز صدیقین گوزل سسی ایله ایگیرمی دن آرتیق دیکلمه یایلیب اونون دیکلمه لری بیری بیریندن گوزلدی آنجاق عاریف کسگینین شعرینین اوستونه قویدوغو سس ان گوزل دیکلمه لریندن بیریدی .هله ده بهروز صدیقی سسینی سئونلر هر هفته دوشنبه گئجه لری ادبیات سئونلر گروپوندا اونون دیکلمه یاریشماسیندا قابلییتلی دیکلمه لرینین یولونو گوزله ییرلر.سئویملی شاعیر گوزل سسلی دیکلاماتور بهروز صدیقی دفه لرایلن بو یاریشمانین بیرینجی غالیبی اولوبلار. بهروز صدیقی دیکلمه صنعتینده چوخلاریندان الهام الیب
گول تکین جاببارلی ,میکاییل میرزه , امینه یوسیف قیزی و انور ابلوچ.بهروز صدیقین سئودیگی سسلر اولوبلار. یئتمیش یئدی اینجی ایلده اوز عمی سی قیز ایله عائیله قورور ایندی بیر قیز , بیر اوغلان اونون سئوگی حایاتینین ثمریدیر.
بوگونلر بهروز صدیقی دن سانال دونیاسیندا موختلیف درگی لرده گوز ل ,دیرلی شعر ,نثر,دیکلمه و
ترجومه لرینین شاهیدی اولموشوق گلن گونلرده اونون گوزل ترجومه لرینین ده بیری " قونشودوواریندان ساللانان آلما " ایشیق اوزو گؤره جک . آراز سئودالی شاعیریمیزدن بوگونه قدراوچ کیتاب ایشیق اوزوگوروب "یالقیز آغاج دوستلوغوندا" گونه باخان " گلین کئدک گونش گیله "وبیر آددیم سئوگی یه "شعیر کیتابی یاخین گله جک ده چاپ اولاجاق . "
بهروز صدیقی ائل شاعیری دیر اونون شعرلری موغان طراوتده دیر . یورد سئورلیک , اینسان سئورلیک , عدالت پرورلیک آذربایجانا باغلی لیق بیرکلمه ده دئسک خالقیمیزین سعادتی ائلین وطنین نائلییتی , صولح , تمیز سئوگی اونون شعرلرینین یوکسک حیسسه سین دوغرولدور.سون سوز, ائلیمیزین سئویملی اوغلو شاعیر , یازیچی , دیکلاماتور , ترجمه چی بهروز صدیقی سانال دونیاسیندا تونقال کانالینیدا مودورودولر .هله لیک بئله اولسون. اونون حایاتی عشق ایله دولغون و قلمی یازاراولسون .
https://t.me/Adabiyyatsevanlar

بهروز صدیقی
الیمده داریخیر یازدیغیم قلم،
سنین حسرتیندن، سنین بیر دنه‌م!
من یولو قایالی اوره‌یی داغلی،
آغری ییخیلمیشی قوللاری باغلی.
ییخیلمیش دیله‌ییم “جانسیز کؤلگه‌ده”،
گلیشین گؤزله‌ییر گولمز اؤلکه‌ده.
قاپالی قاپی‌دان، پنجره‌لردن
هارای قامچیلامیش حنجره‌لردن،
باخاراق هیچقیریر بیر دلی شاعیر،
وارلیقدان آجیقلی گیلئیلی شاعیر.
آغلاییر گؤزوندن کسیلمیر یاغیش،
بوروموش یوللاری یوللارجا قارغیش.
بیر پاپریز اودلاییر بوشلوغو ییخسین،
بو تشویش یوردوندان بیر یانا چیخسین.
ال آتیر سمادان دره اولدوزو،
درمه دور!:سؤیله‌ییر گؤیلرین قیزی.
اؤیره‌نیر قارانلیق آدلی دهشته،
پامبیق خیالینی باساراق شته،
چورومک یوردونا آتی یهرلی،
گؤزلری کینلی‌دیر فیکری قهرلی.
دوشونور دورغونلوق اوجوز اؤلومدور،
هر جیغیر هر بیر ایز ایپک یولومدور.
سئوینمک داغلارین آرخاسیندادیر،
کدر آغاج اوسته جوما قارغادیر.
دورغونلوق اؤلومدور، حرکت سئوینج،
یوللاردا حیاتیم کئچه‌جک‌می‌دینج؟!



https://t.me/Adabiyyatsevanlar

شعر :عاریف کسگین
سس: بهروز صدیقی
https://t.me/Adabiyyatsevanlar

شعروسس : بهروزصدیقی
https://t.me/Adabiyyatsevanlar

بهروزصدیقی : شاعیر , ترجمه چی , دیکلاماتور.
https://t.me/Adabiyyatsevanlar

سایین کانالداشلار
(ادبیات گئجه لری ) سه شنبه گئجه لرینین برنامه سی استثنا اولاراق بو گئجه یایلمایاجاق .
https://t.me/Adabiyyatsevanlar
https://t.me/Adabiyyatsevanlar

داستان_کوتاه_کوتاه
شطرنج
مهدی_نورمحمدزاده

زن بين نگاه پيرمرد و پنجره فاصله انداخت. پيرمرد چشمهايش را بست!
- ببين پيرمرد! برای آخرين بار می گم… خوب گوش كن تا ياد بگيری...
آخه تا كی می خوای به اين پنجره زل بزنی؟ اگه اين بازی رو ياد بگيری، هم از شر اين پنجره راحت می شی، هم می تونی با اين هم سن و سالهای خودت بازی كنی… مثل اون دوتا.. می بينی؟
آهای ! با توام ! می شنوی؟
پيرمرد به اجبار پلكهايش را بالا كشيد.
- اين يكی كه از همه بزرگتره شاهه… فقط يه خونه می تونه حركت كنه ...
اين بغليش هم وزيره… همه جور می تونه حركت كنه… راست...چپ... ضربدری... خلاصه مهره اصلی همينه... فهميدی؟
پيرمرد گفت: ش ش شااا ه… و و وزيـ ـ ـ ـررر...
- آفرين.. اين دو تا هم كه از شكلش معلومه... قلعه هستن... فقط مستقيم ميرن… اينا هم دو تا اسب جنگی .. چطوره؟؟
- فقط موند اين دو تا فيل كه ضربدری حركت می كنن... و اين رديف جلويی هم كه سربازها هستن… هشت تا !
- می بينی! درست مثل يك ارتش واقعی! هم می تونی به دشمن حمله كنی ... هم از خودت دفاع كنی...
ديدی چقدر ساده بود...حالا اسماشونو بگو ببينم ياد گرفتی يا نه؟؟
پيرمرد نيم سرفه اش را قورت داد و گفت:
پـ پس مر د م چی؟؟؟ اونا تو بازی نيستن؟؟!!
https://t.me/Adabiyyatsevanlar

✅✅✅✅سایین کانالداشلار
چهارشنبه گونلری ادبیات سئونلر کانالیندا یالنیز نثر یازیلارین پایلاشیریق
https://t.me/Adabiyyatsevanlar

همت_شهبازی
باخ بئله‌جه شعریمیز ...


واختیلا کیچیک بیر مقاله ده یازمیشدیم:

«دئمك اولار كي #آذربايجان_شعري، #حبيب_ساهیر ايله هم فورما و هم ده معنا باخيميندان يئني‌لشمكله و تام مدرنلشمه ايله فرقلي اولاراق چاغداشلاشير. ساهیرين شعريله شعريميز رئاللاشير و فورما باخيميندان چاغداشلاشير آمما «#مدرن_شعر» اولمايير. ساهیرين شعري تام مدرنلشمه‌يير؛ يالنيز چوخ آز فاييزدا مدرن شعرين اولايلاريني قبول ائتمكله، #نئورئاليزم ده محدودلاشير. بورادا او، نه رئاليزمين شابلونلاشماسیندان (قراردادی و كليشه‌لريندن) یاخا قورتارا بيلير و نه ده تام شكيلده مدرنيزمي قبول ائدير. ..
آمما بوتون بونلاري نظره آلماياراق، آذربايجان شعرينده «مدرن شعرين» تام شكليني 70.جي اون ايلليين اورتالاريندا گؤروروك. بورادا شعريميز ايسترـ ‌‌ايسته‌مز غربين مدرن شعرينين دوروملاريندان یارارلانير ( اؤرنك اولاراق #ناصر_مرقاتي‌نين «تالانميش گونش مجموعه‌سي» ). بو دؤرون سونوندا و 80.جي ايلين اوّللرينده، مدرنلشمه گئدیشی اؤز يئريني بعضي «پست مدرن» شعرلر ايله عوض ائدير؛ حتتا دئمك اولاركي بو دؤرده شاعيرلريميز بير باشا هم مدرن‌ديرلر هم ده پست
«#باش_چیخاران_اؤلوم» توپلوسوندا کی شعرلریمیز، یئنیچی‌لییه یؤنلدیینی گؤسترمکله یاناشی، گله‌نه‌یینی ده (سنت) ایتیرمه‌ییبدیر. بوندان قاباق کی شعرلریمیزده گله‌نه‎یه دیرنمک شعریمیزین اساس غایه‌لریندن ایدی. هر بیر شاعیر یئنی قاورام، یئنی بیر بیچیمله بیرگه، یالنیز گله‎نه‌یین بیر بوداغی اولان فولکلورادا باش چکمه‌لی ایدی. گله‌نه‌یی یالنیز شعریمیزین فولکلورلاشماسیندا گؤروردو. حال بو کی «تی. اس.ائلیوت »ون دیلی ایله دئسک: « گله‌نک، چوخ تئز بیر اؤنجه کی نسلین باشاریلارینی تنقید ائتمه‌سی‌نین کورکورانه تقلید ائتمک آنلامیندا ایشله‌نیله‌جکسه، قطعیتله اوندان قاچینیلمالی‌دیر. بونا بنزه‌ین و دوغار دوغماز ایتیب باتان آخیملار (مکتبلر) گؤردوک، همیشه یئنی‌لیک، تکراردان داها یاخشی اولوبدور. گله‌نک بوندان داها گئنیش بیر آنلاما صاحیب‌دبر. او هئچ بیر چالیشمادان الده ائدیلن بیر میراث دئییل‌دیر. اگر گله‌نه‌یه یئیه‌لنمک ایسته‌ییرسینیزسه، داها آرتیق چالیشمالیسینیز. گله‌نه‌یه یئیه‌لنمک اوچون اؤنجه «تاریخی شعور» انکشافینا احتیاج واردیر».

باخ بئله‌جه شعریمیز، ائلیوتون دئدییی او تاریخی شعورو قازانیر. بو کیتاب گؤستردی کی گنج نسلیمیز نه‌یین کی گله‌نه‌ییندن قیریلماییب، عکسینه اونو یئنی قاوراملارلا دا دولغونلاشدیریب‌دیر. باخ بئله‌جه گله‌نه‌ییمیزی یئنی‌لشدیره‌رک یئنی قاوراملاری دا منیمسه‌مه‌لییک.

###
باخ بئله‌جه شعریمیز ...

ایمگه‌لشمه‌لی‌دیر (تصویری اولمالی). شابلونلاشمیش شعر اوبرازلاریندان یاخا قورتارمالی و یئنی اوبرازلار (اسکی شعر اوبرازلاریندان مقصد: «گول، بولبول، سونبول و ... کیمی اوبرازلار و یئنی شعر اوبرازلاریندان مقصد ایسه: اونلاری عوض ائدن یئنی قاوراییش و آنلایشلاردیر) یاراتمالی‌دیر.


###
باخ بئله‌جه شعریمیز ...

قادینلاشمالی‌دیر.
یوموشالمالی‌دیر.
انسانلیق روحونو قاورامالی‌دیر.
میتیکاللاشمالی و اسطوره‌لشمه‌لیدیر.
و ....


###
باخ بئله‌جه شعریمیز ...

واختیلا «#نقد_شعر_معاصر_آذربایجان» کیتابیندا سؤز ائتدییمیز « فارس روحلو» (« آغ هتل ص 48 » کیمی) شعرلری تبلیغ ائتمه‌دن، اوسته‌لیک اونو باشقا بیر روحلا تانیتدیرمامالییق. اگر آذربایجان شعری‌نین اؤزونون روحو وارسا اوندا اونو نه فارس و نه ده «تورکیه شعری» روحو (عومومیتله سولئیمان اوغلونون یالنیز دیل دئییمینی نظره آلیرام) ایله قاریشدیرمامالییق.
قوی آذربایجان شعری، آذربایجان روحلو اولسون و گرکلی اولمایان سؤزجوک و ایمگه‌لر، اؤزگه‌لشمه‌یه (غیر آذربایجانلی‌لیغا) قاپیلان شعرلریمیزدن قیراقدا قالسین.

قایناق : همت شهبازی جنابلارینین کانالی
https://t.me/Adabiyyatsevanlar

✅✅✅✅بیلدریش
اوستاد باریشماز آدینا قورلان کنگره بوگون 96/09/15 ساعات 10دامراغا شهرینده ایشه باشلادی.
اوستاد باریشماز تبریک لر دئیب اوزون عومور جان ساغلیغی آرزو ائدیریک.
ادبیات سئونلر.
https://t.me/Adabiyyatsevanlar

کنگره اوستاد باریشمازین حیاتی و یاردیجلیغی حاقیندا چکیلن کلیپینن آچیلدی .
https://t.me/Adabiyyatsevanlar

✅✅کنگره نین هئیت علمی عضولری
دکتر اقبالی , دکتر رحمانی , صالح سجادی , دکتر مهرنگ ،ودود دوستی یاریشمانین هییت علمی لری دیلر .
https://t.me/Adabiyyatsevanlar

ارشاد اداره سینین دانیشیغیندان سونرا ایکنجی سخنران رئیس دانشگاه مراغا دکتر لطف اللهی اوستاد باریشماز حاقیندا چیخیشا باشلادیلار .
بوکنگره یه اوستاد باریشماز حاقیندا
۱۰۶ مقاله و شعر یوللانیب.
کنگره نین شیراز , اصفهان , کردستان , تبریز ,اردبیل، اورمودان ...گلن قوناغی وار.
https://t.me/Adabiyyatsevanlar

کنگره نین بیرینجی شعر اوخویانی
اوستاد کریم تانمیش مراغالی طناز اولدولار.
https://t.me/Adabiyyatsevanlar

کنگره نین ایکنجی شعر اوخویانی اذربایجان شعرینین تانمیش سیماسی اوستاد نادر الهی خیاو شهریندن اولدولار.
https://t.me/Adabiyyatsevanlar

اوستاد باریشماز آدینا قورولان کنگره دن خبر لر

اوستاد باریشماز جماعاتین آلقیشلاری ایله کنگر ه نین سالنونا گلدیلر.
https://t.me/Adabiyyatsevanlar

قاتیل‌لر
فیروز مصطفی
کوچورن ذکییه ذولفقاری
اوللر بو قدر دوغما اولدوقلارینی بیلمیردیلر. واخت کئچدیکجه هر شئیی تدریجن آنلاماغا باشلادیلار. دئمه، باجی قارداش ایمیشلر. اونلار بیر بیری ایله سسسیزجه، یالنیز اؤزلرینین باشا دوشدویو بیر دیلده “دانیشیردیلار”. قارداش چوخ دجل ایدی، دینج دورماغی خوشلامیردی. باجی ایسه اؤز ساکیت “حوجره‌سینده” دینجلمگی سئویردی. قارداش اؤز باجیسی اوچون نسه خوشاگلن بیر شئی ائتمک، ان آزی اونا ایلتیفات گؤسترمک، اونون قوللوغوندا دورماق ایسته‌ییردی. آما هله لیک بونو باجارمیردی. داها دوغروسو، بونا ایمکانی چاتمیردی. اونلار قونشولوقدا، لاپ ائله بیرلیکده اولسالار دا هله ال اله توتوب اوز اوزه دایانا بیلمیردیلر. هره‌سینین اؤز عالمی، اؤز “یوواسی” واردی. آما ایکیسی ده دوغما و یاخین اولدوقلارینی دایم حیس ائدیردیلر.
اونلار حیس ائدیردیلر کی،‌هاراداسا، بیر قدر اوزاقدا، هله‌لیک اونلارین سسی چاتمایان داها گئنیش، داها ایشیقلی بیر عالم وار.
اونلار امین‌ایدیلر کی، گونلرین بیر گونو همین او گئنیش عالمه چیخاجاق، همین او ایشیقلی دونیایا قدم باساجاقلار. دئیه سن، او گون یاخینلاشماقدا ایدی. اونلار تله‌سیردیللدن دویوردولار کی، او گئنیش، او ایشیقلی عالمده اونلاری گؤزله‌ینلر وار.
سون واختلار اونلارین ایستی، الدنایلیق “یوواسینا” بیر سویوقلوق چؤکمکده ایدی. دوزدور، اونلار هله ایستی سویوغون نه اولدوغونو دوز عمللی بیلمیردیلر. آما اؤز کیچیک ووجودلاری ایله حیس ائدیردیلر کی، اونلارین هوسله، حسرتله گؤزله‌دیکلری ایشیق گئت گئده اوزاقلارا چکیلمکده‌دیر. سانکی کیمسه او ایشیغی اوغورلاماق ایسته‌ییردی. اونلارسا بو ایشیقسیز یاشایا بیلمزدیلر….
– اونو ردد ائله گئتسین.
– واللاه، اوره‌گیم گلمیر.
– اوچو وار، بسیمیزدیر. بیری ده بو یاندان گلمک ایسته‌ییر. کیمدیر اونو ساخلایان؟ آغیر زمانه‌دیر، چؤرک چاتدیرماق اولمور.
– آللاه یاراتدیغینین روزیسینی اؤزوندن قاباق وئریر.
– بوش بوش دانیشما. بورادا آللاهلیق بیر ایش یوخدور. دئدیم، ردد ائله گئتسین…
– یئددی آیلیقدیر…
– لاپ اولسون دوققوز آیلیق.
– یئکه اوشاقدیر… اوره‌گیمین آلتیندا ترپه‌نیر… لاپ نفه‌سینی ده حیس ائدیرم…
– نه اولسون کی؟
– من اونو محو ائدیم؟ اؤز اوشاغیمین، اؤز بطنیمده کی کؤرپه‌نین قاتیلی اولوم؟ آللاه بونو باغیشلاماز منه…
– یئنه باشلادین؟ یئنه آللاه بنده صؤحبتی؟ –
– آخی…
– معناسیز شئیلر دانیشیرسان، واللاه. حاضیرلاش، صاباح قونشونون ماشینیندا آپاراجام سنی شهره. اورادا تانیش حکیم وار. دوغراییب آتسین…
– گوناها باتارام…
– نه گوناه؟ بیم تکجه بیزیک بو جور گوناها باتان؟ بیم گؤرونمه‌میش ایشدیر؟ بونو‌هامی‌ائله‌ییر کی… اوندا بوتون دونیا گوناه ایچینده‌دیر کی… یاخچی کی، بو باره ده جینایت مجلله‌سینده بیر شئی یوخدور. بلکه ده وار، منیم خبریم یوخدور… حاضیرلاش. صاباح گئدیریک…
– آخی…
– آخیسی زادی یوخدور. بیزیم نییمیزه لازیمدیر بیر چتن کولفت؟ ائله اوشاق دوغوب تؤرتمک بو کاسیبلارین آلنینا یازیلیب دئیه سن. باخ گؤر بو وارلیلارین، میلیون قازانانلارین نئچه اوشاغی وار؟ بیر یا، اوزاقباشی، ایکی… آما بو کاسیب بدبخت… منیم بؤیوک کولفتی ساخلاماق ایمکانیم‌هاراداندیر؟ فهله‌یم، داش یونانام، ناظیر زاد دئییلم کی… بیر الیمه باخ، گؤر نه گونده‌دیر، لاپ یونولمامیش داش پارچاسینا اوخشاییر…
– سن منی آنلاماق ایستمیرسن…
– سن ده منی…
…
سویوق. ظولمت. سوکوت.
اوللر حیس ائدیردیلر کی، اونلاری دویان، اونلاری بیر قدر، اوزاقدان دا اولسا بئله، اوخشایان بیر ال وار. ایندی بو ال ده سویوموشدو سانکی.
باجی اؤز عالمینده ایدی: او، اؤزونون ساکیت “یوواسیندا”آرین آرخایین”دینجه لیردی – “.
قارداش نسه ناراحات ایدی: اونون دینجلمک فیکری یوخدو، اتجه بالا قوش کیمی‌چیرپینیردی.
بیر دفعه بوغوق بیر اوغولتو ائشیتدیلر. سانکی اونلاری‌هاراسا، اوزاق، اوزاق اولدوغو قدر ده قارانلیق بیر یئره آپاریردیلار.
اونلار، قارداش و باجی، ایشیغا چیخماق ایسته‌ییردیلر. بس‌هارادا ایدی او ایشیق؟ نییه گؤرونموردو؟ عکسینه، اونلار ظولمته دوغرو اوزوردولر. اونلارین هر ایکیسی یئرلرینده ترپنمه‌یه باشلادیلار…
سونرا اوغولتو کسدی…
یئنه سوکوت.
آز سونرا اینیلتی ائشیدیلدی.
اوزاقدا سویوق بیر شئیین ایشیلتیسی دویولدو. یوخ، بو، اونلارین چوخدان بری گؤزله‌دیکلری ایشیق دئییلدی. او سویوق ایشیق، او سویوق پاریلتی اؤزو ایلنسه بیر فلاکت گتیرمکده ایدی. بو، لاپ آیدین حیس اولونماقدا ایدی.
اونلارین جانیندان بیر اوشوتمه کئچدی.
قارداش بیر زامان اؤز باجیسی اوچون نسه ائتمک، اونا نسه اؤزونون ده بیلمه‌دیگی خوش بیر ایلتیفات گؤسترمک ایسته ییردی.
دئیه سن، ایندی بونون واختی گلیب یئتیشمیشدی.
اینیلتی گئت گئده آرتماقدا ایدی.
https://t.me/Adabiyyatsevanlar