سوسن نواده رضی :
بیر بالا اومود قیغیلجیمینی اینام گونشینه چئویرمک اولار، آنجاق دؤزوملولوکده عینادجیل اولماق گرک. دؤزمک چتین دیر اما اؤنونده سونوندا بارا اوتورار. انسانلار گؤزل بیر یارین اوچون نقدی نسیه یه ساتیرلار، بو گونو اونوداراق یاشامیرلار. یاشاما چاتماق اوچون یاشامدان مایا قویورلار! یاشامی اودوزورلار! یاشام، چاتاجاغیمیز یئر دئییل، همن گئتدیگیمیز یولدور.
https://t.me/Adabiyyatsevanlar

شاعیر و یازیچی
سوسن خانیم نواده رضی

دانیشیق آپاران :کریم قوربانزاده

سوسن نواده رضی :
من ده 8 مارتی بوتون قادینلارا و البته ایگید ارککلره ده، تبریک دئیرم. من ذاتا جنسیت آیریمینا قارشییام هر عنوانلا اولور اولسون.
https://t.me/Adabiyyatsevanlar

سوسن نواده رضی :
آذربایجان قادینین بو گونکو دورومو، تاریخیمیزده یاشایان و ایز بوراخان قادینلارا و قادینلیغا باخدیغیمدا مع‌الاسف یاخجی گؤره بیلمیرم. معین سیاسی مدنی سورنلار بیر یانا، بیزیم قادینلاریمیز، و البته ارککلریمیز ده اوخومورلار، اوخومایینجا دا دوشونمورلر. بیر شئی مود اولونجا، آغینا بوزونا باخمایاراق اؤزلرینی اوندا بوغورلار. ایندی تکنولوژی بومبا کیمی حیاتیمیزا دوشوب. بیز بو بومبادان چوخ یاخجی و یارارلی استفاده‌لر ائلیه بیله‌ریک. اوخولسوز ائلیمیزه اوخول اولا بیلر بو امکانلار. نه یازیق کی، بیز نه دوشونوروک، نه دوشونجه اوره‌تیریک، نه ده دوشونجه اوره‌دنلری دوغرو دوروست اوخویوب اؤیره‌نیریک... بئله‌لیکله ده بیر سیرا بایاغی و سیرادان بیلگیلری اوردان بوردان تاپیب چئینه‌ییریک. بیز دوشک سویه‌ده معلوماتلارین توکه‌دیجیسینه بدل اولموشوق. هر زامان دئمیشم‌دیر، بیر جامعه‌نین هر آچیدان سویه‌لنمه‌سی اوچون او جامعه‌نین قادینلاری سویه‌لنمه‌لی‌دیرلر چونکی بوتون انسانلار آنا قوینوندا بسله‌نیر.
https://t.me/Adabiyyatsevanlar

دانیشیق آپاران :کریم قوربانزاده

سوسن نواده رضی :
همیشه یاخجی انشالار یازاردیم. گوجلو تخیلاتیم واریدی. گؤزللیکلردن لذت آلماغی آتامدان اؤرگشدیم؛ گوللره سو وئرنده، حووضوموزدا بایرام بالیقلارینا چؤرک آتاندا، نه بیلم قوس و قزحه باخاندا، آیین گؤیده دوروشونو گؤرنده... درین بیر لذت چؤکردی روحوما و چؤکر ده. همکلاسلاریمی یازیلاریملا گولدوروب آغلادا بیلردیم. حتی معلمی ده!
https://t.me/Adabiyyatsevanlar

سوسن نواده رضی :
یازیلاریمدان ائتکیلندیکلریندن خوشوم گلردی. گؤزل بیر حیس ایدی. بعضا نسه‌یه چیرکین‌دیر دئیردیلر دوستلار، آنجاق من ان چیرکین دئدیکلری شئیده ده گؤزللیک آثاری گؤره بیلردیم. همیشه دورو و شفاف اولموشام، اؤزوم و یاشام ایله.
بیلمیرم هاچان یا نه تهر شاعیر اولدوم!
https://t.me/Adabiyyatsevanlar

سوسن نواده رضی :
بیر هاندا گؤردوم اوزاقدان اوزاقا تانیدیغیم ادیب، یازار و شاعیر استادلاریمیز و قلم اهلی منی «شاعیره خانیم»، «حؤرمتلی قلمداش» خطاب ائلیرلر!
یادیما گله لی ایلک شعریم 1369 ایلینده مهد آزدینین تورکجه صفحه‌سینده چاپ اولدو. سونرالار دا 1376-یه کیمی داوام ائتدی. کریل الفباسیندان بیر چوخ کتابلار، رومان، مقاله، آراشدیرما... ساحه‌سینده کؤچوردوم. آماجیم اؤیرنمک و دیله سلطه تاپماق ایدی. سونرالار لاتینجه درگیلر یا کیتابلار الیمه چاتدی و اونلاری کؤچوردوم. رحمتلیق یحیی شیدا یازیلاریما چوخ دیر وئرردی و دئمک اولار بوتون یازیلاریمی بیه‌نیب، چاپا وئرردی. او زامان دوشونمک، قادین اولماق، تورکجه یازماق، تقریبا سوچ ساییلاردی!
https://t.me/Adabiyyatsevanlar

سوسن نواده رضی :
ادبی حیاتیمدا بیر چوخ آدلار تاثیر بوراخیب. داها دوغروسو اوخودوغوم هر بیر یازیدان ائتگیلنمیشم دئیه بیلرم. اما رحمتلیک یحیی شیدا ان پارلاق اولدوز ساییلیردی قارانلیق گئجه لریمده.
https://t.me/Adabiyyatsevanlar

دانیشیق آپاران :کریم قوربانزاده

سوسن نواده رضی :
1369دان 1376 ایلینه کیمی ان چوخ مهد آزادی و اراسیرا باشقا نشریه لرده یازلاریم و شعرلریم چاپ اولوردو.
نثر یازییا چوخ اؤنم وئریردیم. البته باشارمیردیم. اما حقیقتا چالشیردیم. پریزاد آدلی رومانی ترجمه ائتمیشدیم فارسجادان. قاراقوچاق آدییلا 46 گون 46 بؤلومو گئتدی، سونرا بعضی سورونلار چیخدی و چاپی دوردورولدو. کتاب دا اولان بیلمه‌دی او رومان. 76 دان سونرا بیر نئچه ایل یازی یاساغی یاشادیم!... ایللر سونرا یئنه ده قلم الییمه الدیم اوغلومون تشویقی و حتی اصراری ایله. وئبلاگ یازماغا باشلادیم. سونرا دا شعر کتابییمی، اننه‌م نن من و آرزولارین گولشان باغینی یازدیم. ایندیسه اردیبهشت آیندان مهد تمدن روزنامه‌سینین تورکجه صفحه‌سینی یؤنتمکله مشغولام.
https://t.me/Adabiyyatsevanlar

سوسن نواده رضی :
منیم مهد آزادیده هر گون یازدیغیم سؤزلوک ستونو، هم فارسجادان تورکجه یه و هم تورکجه دن فارسجایا چوخ غاوغالار یاراتدی. بیر چوخ اوستادلار قوللاندغیم و ایشلک ائتمک ایسته دیگیم سؤزجوکلره قارشیی چیخدیلار. من اوندا چوخ جوان ایدیم . باشارا بیلمیردیم نئجه حاق اولدوغومو و دیلین جانلی بیر اولقو اولدوغونو ثبوت ائدم. بیلگیلریم ده چاتمیردی. چوخ جفالار چکدیم بو قونودا. ایندی همن سؤزجوکلری بول بول ایشله دیرلر!
https://t.me/Adabiyyatsevanlar

سوسن نواده رضی :
بیر ائلین وارلیغی دیلینه باغلیدیر. دیل و دوشونجه اساس و تمل اولقودور. دوشونمه ین ملت گلیشمز، دیلی اولمایان ملت دوشونه بیلمز. بو اوزدن دیل و دوشونجه نی همیشه وورغولامیشام و وورغولایرام دا.
https://t.me/Adabiyyatsevanlar

دانیشیق آپاران :کریم قوربانزاده

دانیشیق آپاران :کریم قوربانزاده

دانیشیق آپاران :کریم قوربانزاده

سوسن نواده رضی :
اننه م کیتابی منیم ایللر دیلمیزده چالیشدیغیم و اراشدیردیقلاریمین ماحصلی دیر دئمک اولار.
نئچه ایران اؤنجه جناب مهندس صرافی ایله تانیشدیم او دا مندن قادین گونو مناسبتینه فولکلور بیر شئیلر یازمامی ایسته‌دی. من فولکلور یازمامیشدیم اما قادین موضوعسو همیشه منیم اوچون جذاب اولوب. من ده قدیم خاطیره‌لریمدن یازدیم. 8-9 یاشیندالیغیمدان. متنی معیار دیلده، دیالوگلاری تبریز لهجه‌سیله یازدیم ، چونکی اننه‌مین نئجه دئدیگینی قوروماق ایسته‌ییردیم.
https://t.me/Adabiyyatsevanlar

سوسن نواده رضی :
بو ناغیل منی 9 یاشلاریما آپاردی. حیکایه‌نین ایچینده‌کی صداقت و صفا، گرچکچیلیک و آخیجیلق، بؤیوک ننه‌لر عطرینه بورونموش هر اوخویانی ماراقلاندیریب جذب ائده بیلدی. هامی آردینی ایسته‌دی. من ده ذاتا دالیب گئتمیشدیم اوشاقلیقلاریما!
بو کتابین اساس کاراکتئری بیر قادین دیر، یاشلی قادین، ایکینجیسی یازارین اوشاقلیغی یعنی کیچیک قیز بالاجا سوسن، یازار دا بیر قادین. دئمک اوچ نسیل قادین بوردا دانیشیر... بو باخیمدان جالب دیر. بیر ده فولکلوروموزو یئنیدن جانلاندیرماق و اونا تازا بیر رنگ قاتماسی اوچون ده چوخ ماراق گؤردو. اوست اوسته اوغورلو بیر ایش اولدو.
https://t.me/Adabiyyatsevanlar

سوسن نواده رضی :
اون بؤلوم ائلبیلیمی درگیسینده یاییلیب بؤیوک رغبت قازاندیقدان سونرا هر کس کتاب اولماسینی ایسته دی. کتاب فورمتینده یاشماقچیلار همتی و سعید موغانلی نین امکلری ایله ایشیق اوزو گؤردو
https://t.me/Adabiyyatsevanlar

سوسن نواده رضی :
سونرا اونون اساسیندا اوچ سناریو یازیلیب نومایش صورتینده ایفا اولوندو. بو شکیلده ده چوخ بیه نیلدی.
https://t.me/Adabiyyatsevanlar