اوشاق ادبیاتی
کولگه
یازان:«حسن محمدی»
سسلندیرن:«فاطمه محمودی»

https://t.me/Adabiyyatsevanlar

اوشاق ادبیاتی
«کارتون»

اوشاق ادبیاتی هرهفته پنجشنبه گونو ادبیات سئونلر کانالیندا  .
اوشاق ادبیاتینا دایر یازیلارینیزی بیزه گوندرین .

https://t.me/Adabiyyatsevanlar

اوشاق ادبیاتی
گلین دوسلاریمیزا، بالالاریمیزا بایراملیق تورکی کیتابدا وئره ک.
https://t.me/Adabiyyatsevanlar

دونیا سندن کیملر کئچدی!
سوسن نواده رضی 1401-1341

"اؤلوم آتی یوگرک اولور"

آلدیغیمیز آجی خبره گؤره دگرلی یازیچی، شاعیر و فولکلورچو، ائل بیلیمی مؤسسه‌سی‌نین مدیره هئیتی‌نین  رئیسی «سوسن خانیم نواده رضی» بوگون 1401/12/25 تبریز شهرینده  ایشیقلی دنیایا گؤز یومدو.
«سوسن خانیم» فارسجا و تورکجه گؤزل شعرلریله بیرلیکده فولکلور ساحه‌سینده ده بیر چوخ چالیشمالاری و یازی‌لاری اولموشدور. او  فولکلورچو قادین‌لار گروپونون دا قوروجوسو و یؤنه‌تیجیسی ایدی. کئچن ایلدن باشلایان کانسر ندنی ایله آیلار آغیر معالجه‌لره معروض قالمیش، تبریز و زنجان شهرلرینده مختلف درمان مرحله‌لرین کئچیرمیشدیر.  سون آیا قدر تام گوجلو روحیه ایله مبارزه ائتدیگینه رغما نهایت معروض قالدیغی خسته‌لیگین قارشیسیندا یئنیلرک الیمیزدن گئتدی.
ادبیات سئونلر بو کدرلی آیریلیغی اورک ائویندن نواده رضی عایله‌سینه، سوسن خانیمن دوسلارینا، قلم‌داش‌لارینا، ائل بیلیمی موسیسه‌سینه، سانجاق درگی‌سینه، آذربایجان خالقینا، ادبیات سئونلر عاییله‌سینه باش ساغلیغی وئریر.

ادبیات سئونلر  1401/12/25

https://t.me/Adabiyyatsevanlar

«سۇسن_نواده‌رضی»

اۇمۇدۇمدا چیلله گئجه‌سی
اللریم خزل سپیلیر پایێزلێغێما؛
بَـهارین اوْلارام بایرامێم اوْلسان
و اۇلدۇزلۇغۇنۇ سایرێشارام


هله یاشایێرام
هله اؤلمه‌میشم گۆمان
نمنیه
نسه‌لر اۇمۇرام نسه‌لردن هله...
بلکه ده
یاشاماق اؤلمه‌گین او بیری اۆزۆدۆر؟!


اۆره‌گیمده دنیزلر چاخناشماسێ وار
اوْوجۇمدا بالێق‌دێر چابالێر، سئوگی.
قوْینۇم سێخ قۇجاقلاشماغا دارێخێر
دوْداقلاریم،
سحرین گۆزگۆسۆنده، گۆلۆن گۆلۆشۆ.


گؤزلرین سێررینی بیلمه‌دیم
اکدیکلریم جۆجرمه‌میش سوْلدۇ ندنسه
بَـهارین اوْلاجاقدێم بایرامێم اوْلسایدێن.

زمان شاشێردێجێ عنصردور
انسانلار ایسه
آجی و سوْیۇق دۇرلار.

باشێمێ قارا- قارا فاجعه‌لر یاغمالاسا دا
کؤکسۆم هله ده
یێرغالانێر یاشێل- یاشێل دۇیغۇلار قوْینۇندا.
نفس چکنده نوْلاااار؟!
بلکه ده
ایللردیر اؤلمۆشۆک...

https://t.me/Adabiyyatsevanlar

«سحر_خیاوی»

ای وای گلین باجی
«سوسن نواده‌ رضی‌نین یاشیل روحونا سونولور»

دونیام اوچولدو،گلدی غریب های گلین‌باجی
ای وای دئدیم، بؤیوک باجیم، ای وای گلین‌باجی

خاطیرله‌دیم سوسوز، تپی‌یَن دیل- دوداغینی
زَهر اولدو،ایچمه‌دیم کی شیرین‌چای گلین‌باجی

ائرکن گلیب پاییز نییه سولدوردو باغچامی؟!
گئتمک اوچون تَلَسدی نه دن یای، گلین باجی؟!

سرسَم گئدیر باشیم، آه اینانمیر بو نیسگیلی
دئپرم قوپوب،آچیلدی بویوک فای گلین‌باجی

بوندان بئله گولوم بو اوره‌ک اولدو قورخولو
دیکسیندیرر اونو قورو بیر های گلین‌باجی

شعر و ادب باغی ایتیریب دیر دادین- دوزون
یوخدور کی باغمانی سنه همتای، گلین‌باجی

سانجاق قالیب یتیم، گَل سیغاللا باشین- گؤزون
یوخسا اؤزوم چالیم سنه لای- لای، گلین باجی


اولدوزلاریلا- گؤی، گئجه‌نی بیرگه آغلاشیب
قول بوینونا سالیب گونشین آی، گلین‌باجی

آرزوم بو ایدی بلکه سنه بیر کیتاب سونوم
افسوس بو مرثیه‌مدی سنه پای، گلین‌باجی

https://t.me/Adabiyyatsevanlar

«دومان_سفراوغلو»

اۆره‌ییمده بیتن سئوگی ماهنیسی
پاییز بوداغیندا یازیلی قالدی
سسین یاییلمادی دار کۆچه‌میزدن
آدین دوداغیمدان آسیلی قالدی.

گئدیردین، گیزلیجه گؤزوندن ایراق
اوخشادیم آغلادیم سنه بیر اتَک
اَلیندن یاپیشیب آپاریردیلار
یایلیغا بۆکولن بایرام پایی تک.

گئدیردین یول‌لاردا باهار سولوردو
بولود گؤزلریمده یاشا دولوردو
شافاق قان قوسوردو چیچک‌لر گۆلوش
بنؤوشه ساچ‌لارین، سازاق یولوردو.

قلبیمده بیر آرزی آه چکیر منیم
سن‌سیز اوزاق‌لاردا بیته‌جه‌یم من
داها یوواسیندان کۆسن قوش کیمی
تانرینین گؤزوندن ایته‌جه‌یم من.

الوداع هر گئجه یازدیغیم شعر
سنی بالتالاییب مندن آلدیلار
من ائله پاییزدا تورپاغا دۆشدوم
کفنلنمه‌ییمی قیشا سالدیلار.

https://t.me/Adabiyyatsevanlar

⚫️⚫️⚫️


🔳تک باشینا حیاتین آغیر یۆکۆنۆ قادین چیگینلرینده داشییان، بیر ائل آناسی اوْلوب دا، ائلینی آتمییان، اولادینی آتمایان، قلمی‌نین حرمتینی قارا پولا ساتمایان، قوْناغینا هر زمان بویور دئییب، سفره‌لر دؤشه‌ین، دوْستونا هر زمان گۆلر اۆزلۆ آچیق‌قاپیلی، دۆشمنینه دیرسک گؤسترن، کسگین دیل‌لی، سوسن نواده‌ی رضی نهایت هئچ ده هامار اوْلمایان بیر عمرون سوْنوندا یوْرغون دۆشۆب، خسته یاتدی، سئودیگی ائلینی و دوْستلارینی  ترک ائدرک،  آنا توْرپاغین قوجاغیندا دینجلمگی ترجیح ائتدی.

یاتمیش ایدیم اوْیاندیم
درده غمه بوْیاندیم
داش اوْلسایدیم اریردیم
انسان ایدیم دایاندیم

⚫️وداعلاشما مراسمی شنبه گۆنۆ اسفندین 27 و ساعت 12:30 دا وادی رحمتین هنرمندان قطعه‌سینده کئچیریله‌جک.
                     ***

اگر هم سنگ بودم میشدم آب
من انسانم که بر پای ایستادم
 
⚫️⚫️

مراسم وداع با این فرهیخته گرامی روز شنبه مورخه‌ی 27 اسفندماه 1401، ساعت 12:30 پس از اقامه نماز در قطعه هنرمندان وادی رحمت تبریز برگزار خواهد گردید.

https://t.me/Adabiyyatsevanlar