اوشاق ادبیاتی

اوشاق ادبیاتی هرهفته پنجشنبه گونو ادبیات سئونلر کانالیندا  .
اوشاق ادبیاتینا دایر یازیلارینیزی بیزه گوندرین .

https://t.me/Adabiyyatsevanlar

اوشاق ادبیاتی

ایشیغین اوره یی
سئچیلمیش اوشاق شعری
یازار:«احمد ائفه»
چئویرن:«بهروز صدیق»
ناشر:«پارلاق قلم»

https://t.me/Adabiyyatsevanlar

اوشاق ادبیاتی

«آنار-آندا»

ایکی ائکیز آذربایجانلی ماهاجیر بالامیز «آنار-آندا» آدلاریله  دورد یاشلاریندا آلمانیادا (اوشاقلار باغچاسینا)  گئدیرلر گلین اورداباش وئرنلری «اومای » خانیمین دیلیندن ائشیده ک.

https://t.me/Adabiyyatsevanlar

اوشاق ادبیاتی

«آنار آندا» اوشاقلار باغچاسیندا1
«اومای» خانیم

دوقلوهایمان رادر گروه متفاوتی از یک مهدکودک در شرق آلمان ثبت نام کرده ایم.
شرق میگویم چون تصور بر این است که شرق آلمان نژادپرست هستند!
این مهد کودک در منطقه ای از شهر قرار دارد که کمتر کودکی غیر از کودکان اصالتا آلمانی در آنجا ثبت نام کرده اند.، اندک کودکان غیر آلمانی هم، کودکانی هستند که یکی از والدینشان آلمانی هستند و یا در همینجا بدنیا آمده اند و پدر و مادرشان مشکل زبان آلمانی ندارند و این کودکان زبان آلمانی را همچون زبان مادریشان مسلط هستند.
در این بین دو قلوهای ما، با موهای مشکی و قیافه ای غیر آلمانی و با پدر و مادری که زبان آلمانی را در حد مبتدی میدانند و خودشان هم به زبان مادری (تورکی آذربایجانی) زبان گشوده اند، در این مهد کودک و جامعه حضور دارند. و در مهد کودک فقط به زبان آلمانی صحبت و ارتباط برقرار میکنند.
«مربیان بچه هایمان، همه اعلان های مرتبط با برنامه های مهد را به زبان مادری ما به ما می رسانند.» هیچ اجباری در این باره ندارند. و هیچ درخواستی در این باره از طرف ما به آنها مطرح نشده است. مادر درک صحبت ها و مطالب روزانه به زبان آلمانی مشکلی نداریم (یعنی زبان آلمانی ما در حدی هست که با مربیان به راحتی ارتباط برقرار کرده و جلسات بیش از یک ساعت با آنها برگزار می‌کنیم). با این حال، صرفا بدلیل اینکه فشار راسیستی را حس نکنیم، و با علم بر اینکه ما در کشور خودمان از زبان مادری مان در محافل رسمی محروم هستیم، این را بدون هیچ حس لطف و یا منتی انجام میدهند، و از اینکه از گوگل ترنسلیت استفاده میکنند بدون آنکه صحیح و ناصحیح بودن کلمات را متوجه شوند، از ما عذرخواهی میکنند.
بنظرتان چرا؟

https://t.me/Adabiyyatsevanlar

اوشاق ادبیاتی

آذربایجان افسانه لری

سؤیله ین:«صمد بهرنگی -  بهروز دهقانی»
چئویرن:« منیژه جم‌نژاد»

گول ایله سیناور ۲

👸 حاتم بیر سوز دئمییب، اوتوردو. شام باشیندا کیشی بشقابی دولدوروب ایتین قاباغینا قویدو. ایت یئییب دویاندان سونرا، آرتیغینی آپاریب قاطرین قاباغینا قویدو. قاطر یئمه دی. کیشی گئدیب بیر قورو کله گتیردی، قاطرین گؤزونون قاباغیندا نئچه آغاج ووردو، قاطر یئدی. سونرا کیشی حاتمه دئدی: قارداش، بسم الله...حاتم دئدی: بو قاطر لا ایتین ناغیلینی دئمه سن، یئمه یه ال وورمارام. کیشی دئدی: ایندیه جه، کیمسه سیرریمی بیلمییب. دئسم ده اونو اولدورموشم. سنده ایستیرسن باشین سلامت قالسین، یئمه ییوی یئ، سئودیین قدر ده منیم یانیمدا قال. سونرا یولونو توت گئت ایشیوین گو٘جوون دالینجا. حاتم دئدی: دئمسن، یئمرم. کیشی حاتمین الیندن توتوب آپاردی قبرستانا دئدی: بو گؤردوکلرین سنین کیمی ناغیلمی ائشیتمک ایستدیلر. منده ناغیلیمی دئییب باشلارینی کسدیم. حاتم دئدی: منیم قانیم اولاردان رنگلی دئییل. منه دئ، سونرا سئودیینی ائله. کیشی دئدی: چوخ یاخجی. ایندی گل شامیوی یئ، ناغلیمی دئییم. شامدان سونرا کیشی دئدی: یاخجی قولاق آس. منیم آدیم سیناور دی. بیر عم قیزیم واریدی گو٘ل آدیندا. اونونلا منیم عقدیمی اوخودولار. بو عم‌قیزی یاری گئجه گلیب تپیلردی یورغانین آلتینا. دوروب گؤرردیم بدنی بوز کیمیدی. دئیردیم: جانیم عم قیزیم، هاردایدین؟ دئیردی: عم اوغلو، قارنیم خاراب اولوب. سنین ده وئجیوه دئییل. نه دوکتور، نه داوا. بیر گون طؤیله یه آت مینمه یه گئتدیم، بیر یئره گئدیردیم. گؤردوم آت آریقلییب، آیاقدا دورانمیر. دئدیم: آخیرچی، بو حیوانین آرپاسیندان نیه کسیرسن؟ من کی بیر زاماندی بونا مینمه ییرم، بو آت یالنیز یئییب یاتیر، نیه گرک بئله آریقلایا؟ آخیرچی دئدی: آی آغا، سن کی هر گئجه گلیب آتا مینیرسن. گؤردوم ایشین ایچینده ایش وار. دئدیم: بو گئجه گلیب آتی ایستسم، وئرمه. او گئجه اؤزومو یوخویا ووردوم. گئجه دن بیر آز کئچینجه گؤردوم عم قیزیم دوروب، منیم پالتارلاریمی گئییب، قیلینجیمی چکیب دئدی: آییقسان؟ آییقسان ووروم!...سس سیز قالدیم. عم قیزی طؤیله یه گئدیب آخیرچیا دئدی: آتی چیخار گتیر. آخیرچی دئدی: آخی سحر دئدین اؤزوم ده گلسم آتی وئرمه. بیر آز سؤزلشندن سونرا عم قیزی آتا مینیب گئتدی. من ده باشقا آتا مینیب دالیسیجا گئتدیم. گئتدی گئتدی بیر کؤهوله یئتیشدی. ایچری گیردی، من ده دالیسی جا. گؤردوم قیرخ یول کسن دؤره دن اوتوروبلار. یول کسن لرین بؤیوکو قیزی گؤرونجه چیغیردی: باخ گؤروم! ایندیه جان هاردایدین؟ عم قیزی دئدی: او آخیرچیا تاپشیرمیشدی آتی وئرمه سین. سؤزلشدیک، بیر آز گئج اولدو. یول کسنلرین بویوکو دئدی: آخی دئییرم قوی اؤلدوروم اونو، یوخ دئییرسن. صاباح کسین اؤلدوررم. عم قیزی ساقی اولدو، هامی باشلادی چاخیر ایچمیه. گؤردوم هامیسی لا باشارانمارام، بیر آز باییلما توزو شرابلارینین ایچینه قاتدیم، هامیسی  باییلدیلار. گئتدیم باشلارین کسدیم، بویوکلرینین باشینی توربایا سالیب، عم قیزینی آتین او٘ستونه قویوب، ائوه گتیردیم. سحر عم قیزی آییلدی. دئدیم: عم‌قیزی جان، یوخودا گؤردوم یاری گئجه دوردون، منیم پالتارلاریمی گئییب، قیلینجیمی چکیب دئدین: آییقسان؟ آییقسان اگر ووروم؟ من دینمدیم. ائشیه چیخیب آخیرچیا دئدین: آتی چیخار گتیر. دئدی: سحر اؤزون دئدین وئرمه. زورلا  آتی آلیب مینیب گئتدین. منده دالینجا. بیر کؤهوله یئتیشیب ایچری گئتدین؛ گؤردوم قیرخ یول کسن دؤره دن اوتوروبلار. بؤیوک یول کسن دئدی: ایندیه جه هاردایدین؟ دئدین: او آخیرچیا تاپشیرمیشدی آتی وئرمه سین، بیرآز سؤزلشدیک، گئج اولدو.  بؤیوک یول کسن دئدی: آخی دئییرم قوی اولدوروم،  یوخ دئییرسن. صاباح یقین اؤلدوررم. گؤردوم اولارلا باشارانمارام، بیر آز باییلما توزو شرابلارینا تؤکدوم، هامیسی باییلدی. سونرا باشلارین کسدیم. بویوک یول کسنین باشینی توربایا سالدیم گتیردیم. عم قیزی دئدی: بو کی یوخو دئییل، بویوک یول کسنین باشی هانی؟ من توربانین آغزینی آچدیم، کسیک باش گتیردیم. عم قیزینین گؤزو اونا دو٘شونجه بیر اووسون اوخویوب منه پوفله دی. دئدی: گئت ائششک کیشی! من ده ائششک اولدوم. منی دؤیوب ائودن ائشیه سالدیلار. بیری منی توتوب ائوینه آپاردی. هرگون داش چانقیل چاتیردیلار. سونوندا کو٘ره ییم یارالاندی. ائله زوققولداییردی کی آمانیمی کسمیشدی. آرپا سامان دا یئمیردیم.  اونا گؤره منه چؤرک گتیریردیلر. کیشی خانیمینا دئدی: خانیم، بو ائششک آیری ائششک لره بنزه میر. سانکی آدامدی. بیرگو٘ن حیطده اوتورموشدوم. کو٘ره ییم آغریردی، ترپشمه یه ناییم یوخودو. ایکی قوش گلیب آغاج او٘سته اوتوردو. بیری دئدی: باجی!... او بیری دئدی: جان باجی! ... دئدی: بیلیرسن بو کیمدی؟ دئدی: یوخ. دئدی: بو سیناوردی. عم قیزیسی اووسونلاییب، ائششک اولوب.
آردی وار...

اوشاق ادبیاتی

آذربایجان افسانه لری

سؤیله ین:«صمد بهرنگی -  بهروز دهقانی»
چئویرن:« منیژه جم‌نژاد»

گول ایله سیناور ۲

👸 حاتم بیر سوز دئمییب، اوتوردو. شام باشیندا کیشی بشقابی دولدوروب ایتین قاباغینا قویدو. ایت یئییب دویاندان سونرا، آرتیغینی آپاریب قاطرین قاباغینا قویدو. قاطر یئمه دی. کیشی گئدیب بیر قورو کله گتیردی، قاطرین گؤزونون قاباغیندا نئچه آغاج ووردو، قاطر یئدی. سونرا کیشی حاتمه دئدی: قارداش، بسم الله...حاتم دئدی: بو قاطر لا ایتین ناغیلینی دئمه سن، یئمه یه ال وورمارام. کیشی دئدی: ایندیه جه، کیمسه سیرریمی بیلمییب. دئسم ده اونو اولدورموشم. سنده ایستیرسن باشین سلامت قالسین، یئمه ییوی یئ، سئودیین قدر ده منیم یانیمدا قال. سونرا یولونو توت گئت ایشیوین گو٘جوون دالینجا. حاتم دئدی: دئمسن، یئمرم. کیشی حاتمین الیندن توتوب آپاردی قبرستانا دئدی: بو گؤردوکلرین سنین کیمی ناغیلمی ائشیتمک ایستدیلر. منده ناغیلیمی دئییب باشلارینی کسدیم. حاتم دئدی: منیم قانیم اولاردان رنگلی دئییل. منه دئ، سونرا سئودیینی ائله. کیشی دئدی:...
بویازینین آردینی ادبیات سئونلر کانالیندا اوخویون.

https://t.me/Adabiyyatsevanlar

اوشاق ادبیاتی

ناغیلینا سئوگی قوشان آدام
«یوجئل فئیضی اوغلو»نون
اوشاق کیتابلاری-حاقیندا  
یازان:«اورخان آراس»
کوچورن:«ویدا حشمتی»
حاضیرلایان:«ادبیات سئونلر»
 
گل سنه بیر سیرّ آچیم!
اوره‌گیینده‌کی سیرّی دوستونا، یولداشینا، سیرداشینا دئیه‌نی ائشیدیبسن، آمّا بالاجا اوشاغا دئیه‌نی هئچ ائشیدیبسن‌می؟ اگر ائشیتمه‌ییبسن،  ایندی بو یازییی اوخومالیسان!
"گل سنه بیر سیرّ آچیم. من اون یاشلاریندا اولاندا قارس‌دا یاشایان مالاکانلاردان ساری بیر قیزی سونیانی سئویردیم".
ماراقلی‌دیر. ساری ساچلی، شیرین دیللی، اوشاق گؤزلو سونیا ایندی هارادادیر؟  اونلار 1955-جی ایلین پاییزیندا قاتارلا گئتدیلر و قارسداکی دوستلاری، قونشولاری اونلاردان بیر داها خبر توتمادیلار.
یوجئل فئیضی‌ اوغلو  یعنی اوشاقلارا اوره‌گی‌نین سیرّینی سؤیله‌مک ایسته‌ین شخص اصلینده ناغیل قهرمانیندان باشقا بیر شئی دئییل. گاه آلمانییادا "کل اوغلان" اولوب، آنادولونو اوراداکی اوشاقلارا داشیییب، گاه دا "ماناس" داستانی‌نین عکس-صدا وئردییی چؤللرده "کؤپ تامدیق" اولوب، اوشاقلارا پیچیلتی ایله سیرلرینی آچیب.

هر دفعه‌ اونون ناغیللارینی اوخویاندا یا اؤز اوشاقلیغیمی، یا دا اطرافیمداکی ناغیل سیماسی اولان اینسانلاری دوشونورم. چونکی اونون ناغیللاریندا او گئنیش جغرافیاداکی بیزیم وطنیمیز، خالقیمیز، یئنیدن گؤزلریمین اؤنونده جانلانیر.  او ناغیللاردان تاریخین، اینسانلیغین، سیویلیزاسییانین و داها دا گؤزل، محبتله دولو خالق ماهنیلاری‌نین اییی گلیر. آنادولو خالقی مین ایللیک‌لر بویو ناغیل آدامی اولماغا جان آتماییب‌می؟ خالقیمیزین دیلینده همیشه ناغیللار، ماهنیلار، اولوب و بو سببدن ده اونلار، دایم پری سولطانینی قووالاماقدان، پیسی جزالاندیرماقدان،  یاخشی‌نین الیندن توتماقدان- گزدیرمکدن یورولماییبلار.
کارت قوردوندان، قابیغین یاخالیغیندان، تورپون دویمه‌لریندن، کؤک بورنوندان، ناغیل قهرمانلاری یاییلدیقجا بالکانلارین شهر اوشاقلاریندان توتموش، آت اوزه‌رینده دوغولان خاکاس، تووا چوبانلاری‌نین قولاغینا قدر او سس.چ یاییلیر.
انشتئین «بیلیک محدود اولدوغو اوچون فانتازییا بیلیکدن داها واجیبدیر‌» دئیرکن اینسان عالمینده ناغیللارین نه قدر اهميّتلی اولدوغونو دا وورغولامیشدیر.
آسترید وینتئر "موجربه‌نین سیرلی گوجو" کیتابیندا ناغیللارین اینسان روحونا و بئینینه معالجه‌‌وی تأثیرلری اولدوغونو یازارکن، ساغلام اوشاغین روحونون ناغیلسیز اولا بیلمه‌یه‌جه‌یینی بیلدیریر.
1

یوجئل فئیضی‌ اوغلو  آسترید وینتئرین یوخاریدا قئید ائتدییی بیر چوخ شفانی یئنیدن قوردوغو، یازدیغی تورک ناغیللارینا بالکانلاردان سیبیرین اوجلارینا قدر یئنی رنگ و موسیقی قاتمیشدیر.
ناغیللاری چئشیدله‌مک، اونلارا یئنی اوسلوب قاتماق، اوشاق روحونون ظریف‌لییینه اویغونلاشدیرماق، درین سئوگی و دیل بیلییی ایله یوغورماق فئیضی اوغلو کیمی اوستاددان گؤزلنیلیردی.
عصرلر بویو یئتیم قالمیش، آنجاق ننه‌لرین دیلینده یاشایا بیلسه ده، چیی پارچا-پارچا، یارالی اولاراق قالان ناغیللاریمیز تأسف کی، چوخ گئج ییغیلیب توپلانیب. بو ترتیبلرده پئرتئو نایلی بوراتاو کیمی اوستادلارین زحمتینی قئید ائتمه‌مک عدالتسیزلیک اولاردی.
فولکلورشوناس سایم ساکا اوغلونون فیکرینجه، ایلک تورک ناغیللارینی احتیوا ائدن ان قدیم توپلو فرانسانین  اون‌دؤردونجو کرالی لوی‌نین ترجومه‌چی‌سی و کاتیبی اولموش م دیگئونون اثریدیر 1781-جی ایل تاریخینی داشییان بو اثرده اوچو تورک ناغیلی اولماقلا بئش ناغیل وار.
«یئنی تورک و عرب لر» آدلی بو اثرده‌کی بعضی
متنلر ناغیل اوچون چوخ اوزوندور. کیتابدا 1-3-5 اولانلار تورک ناغیللاری کیمی تقدیم ائدیلیر.
آمّا تورک دونیاسی ناغیللاری‌نین توپلانماسی و یئنیدن یازیلماسی، اصل ناغیل دیلینین الده ائدیلمه‌سی اوستاد یوجئل فئیضی اوغلونون  سعی ایله رئاللاشدی.
قلوباللاشما آدلانان کورلوق، یوخا چیخما چاغیندا آنا دیلینی، میلّی دیلی اونوتماماق اوچون دیلین بوتون اینجه‌لیکلری ایله زنگین‌لشدیریلمیش مجازلاردان، قافیه‌لردن، دئییملردن، آتالار سؤزو و ناغیللاردان واجیب حیات سلاحی نه اولا بیلردی کی؟ بوتون بونلاردان باشقا، گئنیش سیبری‌ده بیر یاکوت اوشاغی ایله ایستانبولون دار  ایزدیحاملی کوچه لرینده ایلیشیب قالان تورک اوشاغی آراسیندا سؤز، آرزو، جسارت و دوروستلوک موبادیله‌سی قدر گؤزل و ديرلی نه‌دیر؟
ایللرله کرکوکدن تاشکنده، باکیدان بئرلینه او بیر ناغیل دالینجا قاچارکن، اوره‌گیندن بئینینه، بئینیندن دیلینه، دیلیندن کاغیذا یوزلرله ناغیل کؤچوررکن، بیلیردی کی، دونیانین هر یئرینده اوشاقلار اونلاری دینله‌ییب بؤیویه‌جک.

ناغیللارین اهميّتی و توپلانماسی بیزدن چوخ اوّل آوروپادا باشلامیشدیر.  آوروپانین ایلک و ان موهوم ناغیل کلکسیون‌چیلاریندان بیری اولان چارلز پئررو 1628-جی ایلده پاریس‌ده آنادان اولوب. چوخ وارلی بیر عائله‌‌نین اوغلو ایدی. او، آتاسی‌نین پئشه‌سی اولان وکیل‌لیک پئشه‌سینی سئچسه ده، حتی بیر مدت 14-جو لودوویکین ساراییندا باش کاتیب وظیفه‌‌سینده چالیشیب،  سونرالار شعرلر یازیب،  صنعتله ماراقلانیب. علمی موذاکیره‌لرده ایشتیراک ائدیب، فرانسا آکادمی‌سینده عضو سئچیلیب.
اونون مئشه نین کناریندا  کنددن بیر آز کناردا بابالاریندان میراث قالمیش ناغیل ائوی و دؤرد اوشاغی وار ایدی.
او، آسوده واقتلاریندا ناغیللارلا اؤولادلارینی ائیلندیرمه‌یه، اؤیره‌تمه‌یه چالیشیردی. اونلارا اوخودوغو ناغیللارداکی بدبختلیک، اومیدسیزلیک چارلز پئرونو ناراحات ائدیردی. اونا گؤره ده ناغیللاری گؤتوروب یئنیدن یازماغا باشلادی... "یاتمیش گؤزل"،  "قیرمیزی پاپاقلی قیز"،  "زولوشکا"، " چکمه‌لی پیشیک"،  "بارماقلی اوغلان"  و " گؤی ساققال " آدلی دونیاجا مشهور ناغیللار اوّلجه اوسلوبو و سعی ایله اؤز اؤولادلاری‌نین داخیلی عالمینی فتح ائتدی، سونرا ایسه بوتون دونیا اوشاقلاری...
بوتون تأکیدلره باخمایاراق، چوخ چالیشدیغی ناغیللارین باشقالاری طرفیندن اوخونماسینی ایسته‌میردی  آنجاق گون گلدی کی، تأکیدلره دؤزه بیلمه‌دی و اؤلوموندن آلتی ایل اوّل ناغیللارینی اوغلو پیئررئ آدی ایله نشر ائتمه‌یه راضی اولدو.
چارلز پئرراولت 1703-جو ایلده سئویملی عائله‌‌سی و دوستلاری آراسیندا وفات ائتدی. اونون دونیایا قویوب گئتدییی نه اونون وکیل‌لییی، نه فرانسا آکادمی‌سینه عضولوک، نه ده لوور ساراییندا باش کاتیب وظیفه‌‌سی ایدی.  آردیندا قویوب گئتدییی ان گؤزل آد و هديه‌ ناغیللارا قاتدیغی اومیدلر، رنگلر، گؤزللیکلر ایدی.
یوجئل فئیضی اوغلو 1946-جی ایلده قارسدا آنادان.اولوب  اونون نه آتاسی‌نین ناغیللاریندا اولدوغو کیمی ائوی وار ایدی، نه ده لوور ساراییندا باش کاتیب‌لیک ائتمک اوچون 14-جو لودوویک. او، دونیانین اوجقار شرقینده، ایلین آلتی آیی قارلا اؤرتولموش کاسیب بیر شهرده آددیم آتمیشدی.
یوجئل فئیضی‌اوغلو زنگین سارای و مالیکخانه‌ کیتاب‌خانالاریندان موسیؤ پئررو کیمی ناغیللاری اوخویا بیلمیردی. او، بئینینده درین ایزلر قویان او دونیایا آناسی‌نین، ننه‌سی‌نین پارلاق، کدرلی  لاکین همیشه اومید دولو باخیشلاری ایله باخا بیلدی. او، هر ناغیلی دینله‌دیکجه  صمد بهرنگی‌نین " بالاجا قارا بالیق"  اثری کیمی او دار شهردن اوزاقلاردا سئحرلی دیارلارا آخیشیردی.
2

هم ده ناغیللاردا "قاف"  داغلارینی جانلاندیران، قافقاز داغلاری‌نین آرخاسیندا یوخا چیخان ناغیل گؤزلو روس قیزی سونیایا اولان سئحرلی سئوگیسی‌نین اونا ناغیل یازماقدا، ناغیل سؤیله‌مکده تأثیری اولوب- اولمادیغینی بیلمیریک. لاکین اونون ناغیللاریندا محبتین صافلیغینا و حئیران ائدیجی اوبرازلارینا نظر سالدیقجا، اونون بیر محبتین ایزی ایله گئتدییینی دوشونمه‌یه بیلمیریک.
 یوجئل فئیضی‌ اوغلو قارلا اؤرتولموش او کیچیک شهردن (قارس)  بؤیوک شهرلره گئدیر. گئتدییی هر یئرده روحونا یئرلشمیش ناغیللاریندان ایشاره‌لر آختاریر. ان رئال حرکتلرده بئله ناغیللارین سوررئال گؤرونن حادثه‌‌لریندن درس چیخارماغا چالیشیر. بیر مدت- اؤز-اؤزونه حئکایه‌لر دانیشیر. نه قدر چوخ دانیشیرسا بئینینده ناغیللار داها چوخ بیشیریلیر و داها دا یئتکینله شیر، او، اؤلکه‌سینده‌کی اؤز کیملییینی، وارلیغینی، جهالتینی، ضديّتلرینی ناغیللار واسطه‌‌سی‌ ایله سوزور. ناغیللار اونا اومید و عزم آشیلاییر. چتینلیکلر،  قارانلیقلار همیشه کل اوغلان کیمی بیر ضربه‌‌ ایله دارماداغین اولور
یئنی ناغیللار بیر گون یئنیدن گونده‌مه گلیر. او، یئنی خیاللارین و خیاللارا بوکولموش رئاللیقلارین آرخاسیندا باشقا عالملره اوز توتور.
آلمانییادا درس دئیه‌جک  ناغیللاریندان قوپاریلان مهاجر اوشاقلار، شخصیّتلرینه یاد ضربه‌‌لر آلان گنجلر اونون آریق اوره‌گیینی تیتره‌دیر. اونون درسلیکلری فلاکت‌دیر. بو کیتابلارلا روحو دریندن یارالانمیش قوربتچی اؤولادلارینا بالزام اولماق چتیندیر. او  تردّد ائتمه‌دن درسلیکلر یازماغا باشلاییر. سونرا دا ناغیللار... اونون موحاضیره‌ اوخوماقدا اؤزون مخصوصلوغو، ناغیللاری اوشاقلارین قلبینه یئریتمکده اوستالیغی او قدر تأثیرلی اولور کی، اوشاقلار اوتوروب اونا قولاق آسمیرلار. او، آغزینی آچان کیمی آنادولونون کند اوشاقلاری اونون اطرافیندا صمیمیّتله دؤوره وورور و اونو بئله دینله‌ییرلر.
3

گونلرین بیر گونو بو حال "پئداقوق" دئییلنلرین دقتینی چکیر و اوندان یوخاری قوروملارا شیکایت ائدیرلر. گویا او، اوشاقلارا درس دئییل، ناغیل دانیشیر و نتیجه‌سیزدیر. درحال اکسپرت تعیین اولونور و اونون درسلری نظارتده ساخلانیلیر. متخصص‌لر اونون اوشاقلارلا اونسيّتی‌نین سئحرینی درحال درک ائدیرلر و بو اوصولو رهبرلرینه شدّتله توصیه‌‌ ائدیرلر. متخصص‌لر بو جور موحاضیره‌ مئتودونو کیمین اؤیره‌ندییی ایله ماراقلانیر. فئیضی اوغلو "من بو اوصولو ننه‌مدن اؤیرنمیشم" دئدیکده  متخصصلر بیر داها تعجبله‌نیبلر. تعجبلنمکده ده حاقلیدیرلار. چونکی بورنو بولودلاردا اولان آنکارانین متخصصلری بئله، آنادولونون قوینوندا یاتان زنگینلیکدن خبرسیزدیرلر.
یوجئل فئیضی اوغلونون ننه‌سیندن اؤیره‌ندییی اوصول بوتون آلمان مکتبلرینه یاییلماغا چالیشیر. یالنیز "دؤنر" مدنيّتی ایله تانینان تورک مهاجری‌نین اصل مدنيّتی، آنادولونون بیر کنار بؤلگه‌سیندن گلن تواضع کار ضیالی طرفیندن محافیظه‌‌کار آلمان مدنيّتینه دامماغا باشلاییر.
یازدیغی ناغیللارین اوخوناقلیلیغی ایله کیفایتلنمه‌ین یوجئل فئیضی اوغلو ایشین سررشته‌سینی یئرینده‌جه اؤیرنمک اوچون درحال قوللارینی چیرمالاییر و کؤنولسوز طلبه‌‌ حیاتینا قدم‌ قویور. آندئرسئن یازیچیلار آکادمی‌‌سینده ایکی ایل عرضینده او، ناغیللارینی هم اؤیره‌نیر، هم ده بئینینده یئنیدن یوغورور. آلمان تورکولوگییا انستیتوسونداکی منبع‌لری آراشدیریر. نه قدر چوخ اؤیره‌نیرسه، بیر او قدر یاخشیلاشیر و اؤیره‌ندیکجه آنا دیلی‌نین چئویکلییینه بیر او قدر یییه‌لنیر. ناغیللارا یئنی رنگ، یئنی هوس،  یئنی اومید، یئنی ایفاده لر قاتیر. هر ناغیلدا ننه‌سی‌نین پارلاق تبسّملاری، ایتیریلمیش سئوگیلیسی‌نین گؤزلری‌نین رنگلری وار.
فرقلی دیل و اوسلوبدا یازیلمیش کل اوغلان ناغیللاری ان کئیفيّتلی چاپ اولوناراق آلمانییانین بوتون شهرلرینده مکتب و کیتاب‌خانالارا چاتدیریلیر. قریم قارداشلاری‌نین ترتیب ائتدییی رنگارنگ و مختلف آلمان ناغیللاری ایله یاناشی، کل اوغلان یاریشا قاتیلماغا گئجیکمه‌یه‌جک.  ایندی تورک اوشاقلاری‌نین آلمان اوشاقلارینا اؤرنک اولا بیله‌جکلری بیر قهرمانی وار.  اوشاقلار کل اوغلانین شخصیّتی‌نین وارلیغینی حیسّ ائتمک ایمتیازینی قازانیرلار...
یوجئل فئیضی اوغلو تورک دونیاسی ایله 198-جی ایلده ناغیللارین دالینجا قاچارکن تانیش اولوب. او، آذربایجاندا و آنادولودا دانیشیلان ناغیللارین مختلف واریانتلاری و یئنی ناغیللارلا قارشیلاشیر. بو قارشیلاشما اونون قارشیسیندا تامام باشقا بیر دونیانین و دوشونج‌ه‌لرین قاپیلارینی آچیر. عینی سیویلیزاسییایا مالیک دونیانین ناغیللاری عینی قازاندا اولمالیدیر. او، واخت ایتیرمه‌دن گئنیش تورک دونیاسی‌نین سولماقدا اولان ناغیللارینی بیر آرایا توپلاییب، اونلارا یئنی ایفاده‌لر وئرمه‌یه چالیشیر. دوز ایییرمی بئش ایل آذربایجاندان، تووادان، کریمدان، داغیستاندان، اؤزبکیستاندان و باشقا تورک ائللریندن ییغا بیلدییی ناغیللاری اوست-اوسته ییغیر...  اوره‌گیینده‌کی سؤزلری ده اونلارا علاوه‌ ائدیر. اومیدلی  محصولدار و محصولدار سؤزلر...  اونا گؤره ده ناغیللاردا تئز-تئز ایشله‌دیلن "گئرچک اولمایان حادثه‌‌لری آنلاتماق"  ایفادسی یوجئل فئیضی اوغلونون قلمینده فرقلنمه‌یه باشلاییر. چونکی اونون یازدیغی ناغیللاردا "غئیری رئاللیغین" زامان-زامان رئاللیقلا عوض اولوندوغو درحال گؤرونور.
ناغیل دانیشاندا، یازاندا اؤزونو مجبور ائتمیر. او ناغیلی بعضا اولدوغو کیمی، بعضا ده اولماسی لازیم اولدوغو کیمی یازیر. اونون متنلری بعضا ایمپروویزاسییا، بعضا ده قایدالار تأثراتی یارادیر. آمّا اوخودوقجا مقصدین ایشیغا و اومیده دوغرو اولدوغونو بوتون عظمتی ایله اورتایا قویور و زهرلنمیش ذهن‌لری طراوتله‌ندیرمک فونکسییاسینی اؤز اوزرینه گؤتورور.
کئچمیشدن دیلیمیزین، موسیقیمیزین، حئکایه‌لریمیزین رنگلرینی اوشاقلارین بئینینه چاتدیران ناغیل دده‌ یوجئل فئیضی اوغلو بوتون بونلاری ناغیللارینا سئوگی قاتاراق ائدیر.

https://t.me/Adabiyyatsevanlar

شه‌هر اوستومه یورویور...
«کریم قربانزاده»

https://t.me/Adabiyyatsevanlar

 شه‌هر اوستومه یورویور...
«کریم قربانزاده»

بوروق- بوروق کوچه‌لردن کئچمک منیم اوچون چوخ قورخولودور؛ خصوصیله ده هاوا بیر آز قارانلیق اولاندا، دئییرم بلکه آرخادان منی توتاجاقلار. هر بئش- آلتی آددیمدان بیر، دؤنوب آرخایا باخیرام.
یئل اسن واخت، آغاجلارین کولگه‌سی ده‌بردیکده دیلیم توتولور. اونلار اؤز حرکتلریله سانکی منه هجوما حاضیرلاشیرلار.
بعضن کوچه- باجادا ایت‌لره راست گلسم، دوروب منه باخاندا اؤز- اوزومه دئییرم: «گؤره‌سن بو کیمه اوخشاییر؟» آللاه- آللاه ائله‌ییرم منه یاخینلاشماسینلار. وای- وای‌دی دالیمجا دوشه‌لر؛ اؤدوم پارتلایار؛ بیلمیرسینیز نه حالا قالارام!
گئجه‌لر ائوده بیرکس اولمایاندا باغریم چاتلاییر؛ کیچیک بیر شیققیلتی ایله دئییرم به ایندیجه در- دوواردان بیریسی چیخاجاق. دوروب بیر به بیر اوتاقلارا باش چکیرم؛ حتتا بعضن کمدلارین دا قاپیلارینی آچیب، ایچینی یوخلاییرام.
گئجه‌لر سحره‌جه چیراقلاری سوندورمه‌رم؛ قورخودان گؤزلریمی یوما بیلمه‌رم. سحر هاوا ایشیقلاناندان سونرا هوشلانارام.......
***
کؤهنه ائویمیزین آشپازخاناسیندا عمیم خالاما سورتوشور. من قاپیدان ایچه‌ری گیریرم. منی سایان یوخدو.
آنام حیطده پالتار سریر. یئل شریطده‌کی پالتارلاری اوینادیر. او منیم آلت پالتاریمدی. آنام نه‌دن اونون اوستونه بیرزاد چکمه‌ییبدیر!
چانتامی گؤتوروب ائودن چیخیرام. ائله بیل بورا ترمینال‌دی. گئدیرم ماوالا. اوتورماق همان، ماوالاین قاپیسی‌نین آچیق اولدوغونو دویورام. ماوالین قاپیسی یوخدو؛ مندن سونرا باشقا بیریسی ده ماوالدا اوتوروب. تئز دوروب، اوردان قاچیرام. کیمسه‌لر منی قووالاییر؛ هوولجک پیلله‌لری ایکی بیر اوسته قالخیرام. اوره‌ییم آز قالیر آغزیمدان چیخسین. داما چاتیرام. منی قووالایانلار چوخالیبدی‌لار. او بیری داما آتیلماق ایسته‌ییرم. چوخ هوندوردو. آشاغی باخاندا باشیم فیرلانیر. جانیما قورخو دوشور. قووالایانلار آز قالیر منه چاتسینلار. گؤزلریمی یوموب، او بیری داما آتیلیرام.
تاکسی‌دایام. شوفئردن قورخورام. آینادان باخیر منه. جاناوار عمیمه اوخشاییر.
هاردا اولدوغومو بیلمیرم. بورا بؤیوک بیر سارای‌دیر. چوخ گؤزل پرده‌لری وار. قارداشیمن دوم آغ بیر پیشیگی وار. پیشیگین کمدی و اؤزونه مخصوص اوتاغی دا وار. او هر یئری قاریشدیریر، من سهمانلاییرام، آنجاق یئنی‌دن اونلاری داغیدیر و قاریشدیریر.
جاناوار عمیم خالامی چکه- چکه کؤهنه ائویمیزده کی آرا کسدی‌نین ساغ طرفینده‌کی اوتاغا آپاریر. من هرنه قیشقیریرام کیمسه سسیمی ائشیتمیر. سانکی سسیم یوخدور، جاناوار عمیم شیطان گولوشو ایله منه باخیر. ذهلم گئدیر اونون یئکه اللریندن، یوغون اودون کیمی بارماقلاریندان، ایرنج نفسیندن. قاچا- قاچا گلیرم ائویمیزه، اؤزومو بیر بوجاقدا گیزله‌دیرم.
سنین اوچ آروادین وار: بیری منیم قدیمی همکاریمدی، او بیریسی کوله‌بوی، ایکی اوشاقلی آریق بیر قادین‌. اوچونجوسو ایسه تئز- تئز سنه یاپیشماق ایسته‌ین بیریسی. ایکینجی آروادین اوشاقلاری‌نین بیریسینی آپاریر ماوالا. اوچونجو آروادین دا آغ دونوندا، گلیب سنه یاپیشماق ایسته‌ییر. اوندان قاباق تئز سنی قوجاقلاییرام؛ اوزوندن اؤپورم. الیندن یاپیشیب چکیرم اوتاغا. من اونلارا غالب گلیرم. سن اصلن دینمیرسن.  همکاریم قاپینی آچیر، ایچه‌ری گیریر. سنی اؤپمه‌ییمی گؤرور. تلسیک اؤزوموزو ییغیشدیریریق. آنام حیطده دوروب، بیزه باخیر. سانکی سنی تانیمیر. شمسی مامان منه دیلینی چیخاردیر؛ آغاجان قوجا جاناوارا اوخشاییر؛ او جاوانلیقدا ییرتیجی بیر جاناوار کیمی ایدی. حیطه‌تین او باشیندان سوله‌نه- سوله‌نه گئدیر ائوه.
چوخداندی آنامین قبیری اوسته‌یم. هاوا قارانلیقلاییب؛ قبریستاندا مندن باشقا کیمسه یوخدور. قبیرلردن قورخورام، قورخورام آیاغیمی قویام قبیر داشی‌نین اوستونه، قبیر شوملویا، دوشم قبیرین ایچینه. تئز قبریستاندان چیخیرام ائشییه. قاپی قاباغیندا بیر ماشین دایانیب. اوره‌ییم گلیر یئرینه. ماشیندا اوتورماق همان، حرکت ائله‌ییر. چوخ سرعتله شه‌هردن ائشییه چیخیر. یالواریرام، آغلاییرام، سسیم بیر یئره چاتمیر. هاوا کامیل قارانلیقلاییب. شوفئر پوتا بیر اوغلاندی. ماشینی چول یولوندا ساخلاییر. پیچاغینی دایاییر بوغازیما. گؤزومون اؤنونده بالام دایانیب: «اوغلوم، بالام، کؤرپم! سنی کیم ساخلایاجاق؟ سن آناسیز نه ائده‌جکسن؟» شوفئر گؤز یاشلاریمی، یالوار- یاخاریمی، ال- ایاغینا دوشمه‌ییمی سایماییر. جانیما بیر جاناوار دوشوب، روحومو سؤکور. گؤز یاشلاریم امان وئرمه‌ییر. وارگوجومله قیشقیریرام.....
***
باشیم فیرلانیر؛ بئینیمده کوشولتو وار؛ اوره‌ییم بوغازیمدا چیرپینیر. قولومدا سئروم وار... دوکتورون نه واخت باشیم اوستونه گلمه‌سینی بیلمه‌میشم...

من بوروق- بوروق کوچه‌‌لردن، قارانلیق ائودن، گئجه شیققیلتی‌لاریندان، تنها یاتماقدان، اوزومه باخان ایت‌لردن، یئل اسنده آغاج کؤلگه‌سیندن، آغ پیشیک‌دن، یئیین گئدن ماشینلاردان، جاناوارا اوخشایان آداملاردان قورخورام. دووارلار اوستومه گلیر؛ شه‌هر بوتون دولانباج کوچه‌لری ایله اوستومه یورویور...
دی - 1401

https://t.me/Adabiyyatsevanlar

هاشیم طرلان ادبیات سئونلر گوزگوسونده

آپاریجی: «کریم قربانزاده»
دانیشان‌لار: « ائلدار موغانلی»، «علیرضا میانالی»

دیکلمه‌لر: «بهروز صدیق»، «ویدا حشمتی»، «نیره اردلانی»

خاطیره‌لی شکیل‌لر، کلیپ‌لر، دیکلمه‌لر... ایشیق سایتی‌نین آرشیویندن.

زمان: جمعه 1401/10/30
ساعات: 21

https://t.me/Adabiyyatsevanlar

«سحر خیاوی»

بو حیکایه بیزیم توپلومدا کی قادین دردیندن بیر هذیان دانیشماق دیر. تجاوزا معروض قالمیش بیر قادین تب و هذیان ایچینده قورخولارینی خاطیرلاییر.
قورخدوغو آنیلارینی و اونو بو قورخولارلا اوزو به اوز قویان آداملاری.
حیکایه ایندی و کئچمیش آراسیندا گَل گئتده‌دیر و ایندی‌دن کئچمیشه فلاش‌بک وورولور.
نه چوخ قادینلار بو توپلومدا چئشیدلی زوراکلیقلارا معروض قالیب، دامغالانماقدان، مارکالانماقدان قورخوب، سسلرینی ایچلرینده بوغوبلار.
چون کی بو توپلومدا زوراکلیق آشکار اولاندا بئله، یئنه ده قادین سوچلانیر، "اوز پالانی اَیری ایمیش دئییرلر، دوزه زاوال یوخدور".
آمما بعضن دوزه ده آنلامازلار وَریندن زاوال اولور بیلمیرلر.
قادین، عائیله محدودلوغو یوخسا هر سببه راضی دئییلسه حتا ال وئرمک بئله اونونلا سهو ایش‌دیر و حاققینا تجاوز حساب اولور.
کئشکه توپلومدا کی ارکک‌لر بونو آنلاسایدیلار!!
قلمینیز همیشه یاشیل و یازار اولسون جناب قربانزاده. گوزل یازیبسیز، ائتگی‌لندیرن و دوشوندورن یازی دیر. بلکه بو هذیانلی قورخولاری بوندان داها دهشتلی ده یازا بیلردینیز.
اومورام بیر گون گلسین، توپلوموموزدا هئچ بیر قادین قورخماسین چونکو قورخو فلج ائدن و دویغولاری، دوشونجه‌لری دوندوران بیر حیس دیر.

https://t.me/Adabiyyatsevanlar

شه‌هر اوستومه یورویور…
کریم قربانزاده

بوروق- بوروق کوچه‌لردن کئچمک منیم اوچون چوخ قورخولودور؛ خصوصیله ده هاوا بیر آز قارانلیق اولاندا، دئییرم بلکه آرخادان منی توتاجاقلار. هر بئش- آلتی آددیمدان بیر، دؤنوب آرخایا باخیرام. یئل اسن واخت، آغاجلارین کولگه‌سی ده‌بردیکده دیلیم توتولور. اونلار اؤز حرکتلریله سانکی منه هجوما حاضیرلاشیرلار. بعضن کوچه- باجادا ایت‌لره راست گلسم، دوروب منه باخاندا اؤز- اوزومه دئییرم:…

https://ishiq.net/?p=32373

☀@ishiqnet

«مرجان منافزاده»

جناب قربانزاده ‌ « شهر اوستومه یورویور» آدلی قیسا حیکایه‌نیزی اوخودوم.
توپلوموموزون قادین‌لارا یاشاتدیغی آغری-آجیلارین چوخو بو قیسا حیکایه‌ده سیرالانیب‌لار.
بو آجی‌لاری یاشامیش بیر قادین درد هولو سایاقلاییر یوخسا پیسکولوگ تراپیده بو سایاقلاما اوز وئریر، اؤنملی دییل.
حیکایه‌ آخیمیندا بو قادینین عایله ایچینده تجاووزا معروض قالدیغی و ائولندیکدن سونرا خیانته اوغرادیغی آچیقلانیر.
آنجاق آجی‌لار ایچینده بوغولسادا، سسینی چیخاردا بیلمیر. عایله‌سی  حیا- آبریلارینی قوروماق بهانه‌سیله سوسدورورلار. اعتیراضینا مانع اولورلار و قیزلارینی قوروماقدانسا اونو داها آرتیق آجی‌لار باتاقلیغیندا باتیریرلار.
ائله گلیر بو قادین گؤزل گون یاشاماییب یادا اوقدر چکدیی آجی‌لار آغیر اولوب، آزاراق یاشادیغی گؤزللیک‌لری اونودوب. سایاقلادیغیندا یالنیز دردلی، قورخولو آنلاری خاطیرلاییر و کئچمیشینه اولان گئت-گل‌ده بیرجه خوش گونو گورونمور.
قادین‌لاریمیزین پروبلئم‌لرینه ال قویدوغونوز اوچون تشککور ائدیرم. سیزه جان ساغلیقی، یارادیجیلیق ساحه‌سینده بول-بول اوغور دیله‌ییرم.
https://t.me/Adabiyyatsevanlar

«ذکیه ذولفقاری»

سایین قربانزاده‌نین توخوندوغو قونو چوخ اونملی و گیزلی یارالاریمیز اولدوغوندان داها آرتیق اهمیت داشیدیغی، بو موضوع بیر کیشی طرفیندن یازیلدیغی دیقت مرکزینده و یازینین اوزللییدی.
بیر کیشی، تجاوز اولونان بیر قادینین چکدییی آغیر عذابلاری درک ائدیب و یازیا گتیرمه‌سی آلقیشا لاییقدیر.
جینسی تعرض و تجاوز دونیادا بویوک توپلومسال اینسانی سورونلارداندی.
آنجا گلیشمیش و مدنی اولکه‌لرده ان کیچیک تعرض دا   اورت باسیر اولمور، دئولت قانونلاری متجاویزله شیدتله برخورد اولور  و آغیر جزالار وئریلیر. بو ایشلر رسانه‌لرده دئییلیر، یازیلیر، قینانیر و محکوم اولور. تجاوز اولان خسته روانشناسلار طریقیله ساغالماغا یونلیر.
آنجاق تاسوفله بیزیم توپلومدا موختلیف فرهنگی، قانونی، عرفی و دینی ندنلره گوره، تجاوز و تعرضا معروض قالان قادین، درین یارالاریلا، عومرونون سونونا جان تک- تنها مختلیف روحو جیسمی خسته‌لیکلریله مجادیله ائدیر.
ایللردی فمنیستلر رسانه‌لرده، مجازی دونیادا، بو حاقدا یازیرلار، دانیشیرلار. بو وحشیلیگی عریان شکلده گوندمه گتیریرلر. آنجاق فرهنگی ایشلر، بیلگیلندیرمک، یئتری قدر اولمور.  یئنه متجاویز قودرتینی اثبات ائتمک اوچون، ایچیندن چیرکین عقده‌لرینی بوشالتماق اوچون، حتی یاخینلارینا تجاوز ائتمه‌گه اوزونو حاقلی ساییر. قانون طرفیندن حمایت اولور.  آردینجا گئری قالمیش ذهنلر قربانینی سوچلو بیلیر، آشکارا چیخاتماغی آبروریزلیق سانیر، جامعه‌دن طرد اولونور و اینانیلماز مصیبتلرله اوز-به‌اوز قالیر.
هر بیریمیزین آغیر مسئولییتیمیز وار، خصوصا کیشیلر قادینلارلا ایاق اولوب فرهنگی مجادیله‌لرله زنجیرلری قادینلارین آیاغیندان آچماغا، جیسمی، جینسی امنییتی یاراتماغا یاردیم اولا بیله‌لر.
اورک آغریدان بو یازی، مینلر جه اوز وئرن دهشتلی، حیوانی( البته هئچ بیر حیوان بو ایش‌لری گورمز) تجاوزلاردان ضربه گورموش، روحی روانی خسته‌لنمیش  قادینلاردان بیر نمونه‌‌دیر.
قلمینیز همشه یازار اولسون سایین قربانزاده جنابلاری.

https://t.me/Adabiyyatsevanlar

«ثریا خلیق» خیاوی

سلام جناب قربانزاده‌. قلمیزه ساغلیق. ایسته‌نیلیب‌کی بو حیکایه باره‌سینده نظریمی یازام. منجه ایلک شئی‌کی حیکایه‌نی اوخویاندا نظره گلیر یازارین ائرکک اولدوغو حالدا بیر قادیندان ، چوخ بیر حساس قونودان یازماغی‌دیر. بو چؤخ ریسک‌لی بیر باشلانیش‌دی. عینی حالدا حیکایه‌نین بیرینجی شخص زاویه‌سیندن روایت اولونماسی‌دا بو ریسکی ارتیریر. چون بو باخیش بوجاغیندان( زاویه‌ی دید) روایت اولونان حیکایه‌لر مخاطب‌ایله همزاد‌پنداری‌لری ان یوکسک درجه‌ده اولور. اونچون مخاطب  گرک  روایته اینانا و بو روایت « قابل باور » اولا.  چون بوردا  بیر ائرکک راوی بیر قادینین ذهنینین ایچیندن کئچه‌نی بئله یازیر. البته دونیادا یازارلار وار کی قادینلار باره‌سینده یازیبلار و چئشیتلی زاویه‌ی دید لردن یارارلانیبلار؛  اونچون بو حیکایه‌لرده اوغورلو یازارلارین حیکایه‌لرین اوخوماق، بو قونولاردا شخصیت‌ باره‌سینده اطرافلی تحفیق ائتمک یاخچی اولار. بلکه سیزین حیکایه‌ده زاویه‌ی دید دئییشیب و بیر دیالوگ حالینا گلسه‌ده مخاطبی یاخچی ایناندیرماق اولار. منجه بو قونولاردا قادینلار لاپ یاخچی یازا بیلرلر و طرفین روحی حالت‌لرین لاپ رئال روایت ائده بیلرلر.  حیکایه‌ده بیر آبارتما حیس ائتدیم. بلکه بو قادینلار چوخ شئی‌دن قورخاللار امما مثلن حیواندان بو قدر قورخماق ابارتمادی و رئال نظره گلمیر. قادینلار بو قونودا بلکه فرقلی‌دیلر. بعضی قادینلار بو اولایلاردان سونرا  اینسان‌لارا گوونمه‌ییب و حیوانلارا دوست اولارلار. چون بیلیرلر حیوانلار اونلارا ضرر وورمازلار. بعضی‌لری منزوی اولارلار. بعضی‌لری خودکشی ائدرلر. منجه اگر سیز بو اولایلاری ائرکک‌لرین دیلیندن  یازساز لاپ موفق اولا بیلر. چون بو اولای‌لار ائرکک‌لرده و خصوصیله اوشاق و یئنی‌یتمه‌لره ده اوز وئریر. امما ندنسه بیزیم توپلومدا  گؤرونمور.. بو یازیلار بیر ائرکه‌یین حیس ائتدیکلرینی بو قونودا مخاطب‌له پایلاشا بیلر و منجه یئنی بیر یازی اولا بیلر.  بو قونودا اولان حیکایه‌لر توپلومو و عائیله‌لری و حتا اوغلان اوشاق‌لارین آییق سالا بیلر. بیر یئرده یازیبسیز : « بیلمیرسیز نه حالا قالارام » بو اضافه‌دی. حیکایه‌نین سون بندی تیکراردی. منجه حذف اولا بیلر.  اوغورلارینیز بول اولسون. تشکرلر.

https://t.me/Adabiyyatsevanlar

هاشیم ترلان ادبیات سئونلر گوزگوسونده

آپاریجی: «کریم قربانزاده»
دانیشان‌لار: « ائلدار موغانلی»، «علیرضا میانالی»

دیکلمه‌لر: «بهروز صدیق»، «ویدا حشمتی»، «نیره اردلانی»

خاطیره‌لی شکیل‌لر، کلیپ‌لر، دیکلمه‌لر... ایشیق سایتی‌نین آرشیویندن.

زمان: # بو گئجه جمعه 1401/10/30
ساعات: 21

https://t.me/Adabiyyatsevanlar