جناب قوربان زاده دستور بویورموشلار کی خالق شاعیری رحمتلی میر مهدی اعتمادا گوره دانیشاق . حقیقت ده قالمیشام بویئکه لیکده شاعیر و انسان هارا من هارا ؟ اما ایللر بویو بو داهی نین حاقیندا اوخویوب اویرندیکیم بیلگی لری سیز ایله  بئله پایلاشاجاغام . البته اونجه نیسگیل ائدیرم بو آرزی گوز شاعیریمیزین بیر میلی شعرینه قوناق اولاق :
یاشار عالمده آسوده ولی آزاد اولان ملت
تاپار دونیا بویو عزت گر اولسا جان فشان ملت
حقوقون بیلمه یین انساندا روح اولماز ، حیات اولماز
قالار دائم قاپاز آلتیندا اولماز کامران ملت
آزادلیق روحونون الهامین آل سرو خوراماندان
آزادلیقدان اوجالدیب دیر سمایه باش عیان ملت
قلم آزاده ؛ دیل آزاده؛ سوز آزاد اگر اولسا
اولار گویلرده؛ دریالرده قطعا حکمران ملت
وطن پرور لیکین آثارینی تک لفظ ده بیلمه
گرگ وئرسین بو یوللاردا بویوک بیر امتحان ملت
ترقی ایسته ین بیر کشورین سرمایه سی جان دور
گرگ دیر کی نثار ائتسین بو یولدا باش و جان ملت
آزادلیق امتحانین وئردی آذربایجان اول
ولی آخر ازیلدی اهل آذربایجان ملت
جفا چکدی داغلیدی، وئردی مینلر قوچ، قوزو قوربان
اوزو بیر گولمه دی عومرونده بو بی خانمان ملت
اولنلر اولدو قورتاردی قالانلار اولدو بی چاره
بیری غربتده جان وئردی بیری زنداندا جان ملت
ائله بیر ظلملر باش وئردی استبداده مین رحمت
دئسم اولموش جنایتدن اولار بیر داستان ملت
یئنه بیر عده خائن قویمور آسوده نفس چکسین
سئویر بو گولشنین سولسون گولو اولسون خزان ملت
بونو بیلمک گرک زجر و شکنجه پایدار اولماز
مبارز شخص لر قورخماز اولومدن هئچ زامان ملت
اگر ظلمون توپو وار گولله سی وار قلعه سی وارسا
بیل حاقیندا بوکولمز قوللاری اولماز نهان ملت
گلر بیر گون طبیعت محو ائدر خائنلری جمعا
اولار ایران آذربایجان بیر گولوستان ملت
دونر بو شانلی یوردوم روضه ی رضوانه هر یئرده
عدالت پرچمینده بسط اولار امن و امان ملت
او گون من اولماسام بو خادمی سن گل او گون یاد ائت
مزاریمدا سعادت گونلرین ایله بیان ملت
حقیقت بیزده؛ قان بیزده؛ شجاعت بیزده؛ گوج بیزده
یازیلمیش طالعینده قهرمان ائل- قهرمان ملت
وطن شیرین دور فرهادی یم منده بو شیرینین
بو عشقیمدور کی اولموش هر زمان ورد زبان ملت .
رضا همراز
https://t.me/Adabiyyatsevanlar

1-میر مهدی اعتماد گونش ایلی 1277 ده و باشقا بیر روایته گوره 1279 دا تبریزین اسکی محله لریندن اولان خیاوان محله سینده سید محمد اعتمادین اوجاغیندا  ایشیق دونیایا گوز آچمیشدیر. او تحصیلین کهنه اصول ایله اداره اولان مکتب لرده آلیب باشقا دوست لاریندا داها آرتیق پارلامیشدیر . هله گنجیلیک دورانلارینا ایاق قویوردو کی تبریزین طالبیه مدرسه سینه وارد اولوب همین مدرسه ده دینی تحصیل آلماغا مشغول اولور. او دورلرین چتین شرایط لرین یاخیندان گوروب دویان اعتماد تنگه گلیب نهایت تصمیم توتور اوزو شخصا بیر مکتب آچسین . اعتمادین 20 یاشی اولار ، اولماز تبریزین دیک باشیندا بیر مدرسه آچماغی اونون درین مفکوره سیندن حکایت ائده بیلر . او همین مکتبی 1306 ینجی ایله قدر اوزو شخصا اداره ائیب ، سونرا مدیریتین وئرمیشدیر جواد آقا اقتصاد خواه ها . همین مکتب گونو گوندن پارلاییب نهایت 1314 ده انوری مدرسه سی آدینا چئوریلمیشدیر .  همین مکتب ایللر بویو تبریزین دوچی بازاریندا دوام ائدیب  مین لر بویوکلو – کیچیک لی طلبه نین تربیه سینه اقدام ائتمشدیر. میر مهدی اعتماد جان دوداغیندان چیخانا قدر ائله معارف لنمک دن جان قاچیرمامیشدیر .

رضا همراز

https://t.me/Adabiyyatsevanlar

2-میللی حوکومت ده اعتماد : اعتماد میلی حوکومت باشلاندیقدان اونلا ایاق بیر اولولموشدور . البته بونودا ورغولایاق کی قولدور رضاشاه گوتورولدوک دن سونرا آذربایجان ادبیاتی نفس چکمه یه باشلامیش و نئچه دنه رنگ به رنگ درگی و گوندریک نشر اولماغا باشلامیشلار .  وطن یولوندا ، آذربایجان و .... بونلارین هر هانسی سین واراقلایاندا اعتمادین اورادا ایزی گورونور . میللی حوکومتین زامانیندا پارلایان شاعیرلر مجلسینین ان ساوادلی شاعیرلریندن اولوب ، اورادا گنج لرین الیندن توتوب ، باجاردیغینی اونلاردان اسیرگه مه میشدیر . بونونلا برابر فرقه باشچی لاری طرفیندن تبریزین ثبت اداره سینین مدیرلیکینه ده سئچیلیب ارتقا تاپمیشدیر . اعتما بو آغیر ایش لرله برابر  ادبی – سیاسی جلسه لردن دن غفلت ائتمه ییب ، کتابلاردا نشر ائدیردی .
شاعیرلر مجلسین او دورون بویوک لری آلقیشلاییردی لار . مثلا بویوک غزل شاعیر علی آقا واحدین قولاغینا چاتاندا کی تبریزده بئله بیر ادبی یغینجاق وار  سئوینیب بو شعری اورانین اعضاسینا تقدیم ائتمیشدیر :
کونول غم چکمه یار آچمیش جمالیندان نقاب ایندی
خجالت دن اوزون تورپاغه سورتور آفتاب ایندی
او سرو نازنینین قامتی سانکی قیامت دیر
کی سالمیش خاطیر احبابه شوق انقلاب ایندی
طواف کوی جانان قصدین ائتمیش عشق « چاووشی »
بو یوزدن « آذری اوغلو » اولوبدور فیض یاب ایندی
همیشه اهل عشقی « بی ریا » لیق « نیکنام »ائیلر
نولا عالم قیلیر اهل ریادن اجتناب ایندی
اومید وصل لینه بیر نازنینه « اعتماد » ائتدیم
بو « شیدا » کونلومه هجرینده ائیلر مین عذاب ایندی ...
سیزین له بیز گوروشمک آرزوسون چوخدان ائتمیشدیک
داریخما  « فطرته » یازسنده «واحد »بیر جواب ایندی .
او دورون تصنیف لرینین بیر چوخونون شاعیری ائله اعتماد ایدی . مثلاً اودورلر  معروف « مرغ سحر» تصنیفی  اجرا اولاندان سونرا همین جناب اعتماد او هاوادا تورکجه بیر ماهنی قوشور کی بمب کیمی پارتلاییر .
گلدی باهارین صفاسی
گلدی باهارین صفاسی
عالمی توتدو ضیاسی
صحن گولوستاندا اوجالدی ، بولبول شیدانین نواسی
بالام هئی نواسی ، گولوم هئی نواسی
سنده چیچک لندیر حیاتین باهارینی
گل اوخو بولبول تک آزادلیق شعارینی
محو ائله هر یئرده ستم روزگارینی
بالام اول سعادت ، گولوم آل سعادت
***
دینله بولبولون سسینی
قهرمانلیق نغمه سینی
روحا وئر شن سسین له طراوت(2)
گولوم هئی طراوت ، بالام هئی طراوت
یوخ عزیز بیر شئی وطندن
قوو بوتون خاری چمندن
قیرماسین بیر چیچک یاسمندن
صحن گولوستانیمیزا اسمه سین خزان
بایراغیمیز دالغالانیب سورسون حکمران
ظلمدن عالم ده گرک قالماسین نشان
کاینات دا حوکم سوسون تک عدالت
محو ائدیلسین یئر اوزوندن هر خیانت
بالام هر خیانت ، گولوم هر خیانت .
همین ماهنی نین قوشولماسیندان سکسن ایله یاخین اوتسه ده هله بوگونده سئویلیب ماراقلا اوخونور. او میللی حوکومت ده صداقت له ایشله دی . همین صداقت لر سبب اولدولار کی شاه رژیمی ایش اوسته گلندن سونرا اونو یالنیز ایکی ایل حبسه و تبعیده معروض ائتدیلر .

رضا همراز

https://t.me/Adabiyyatsevanlar

3- اعتمادین ایشلری :
1- چارشنبه بازاری : چارشنبه بازاری 32 صفحه دونه – دونه نشر اولونوب. همین کتابدا شاعر چرشنبه نین عنعنه لرین گوزلجه نظمه چکمیشدیر .
2- بدرقه الصبیان : هجری 1364 قدر 5 دفعه چاپ اولونموش بیر اثر دیر . بو کتاب بیر درس لیک کتابی دیر کی  تعلیم و تربیت ساحه سینده یازیلمیشدیر. همین کتابدان بیر ملمع شعر تقدیم اولونوب ، شاعیر اعتمادین عربجه یه نه درجه احاطه سی اولدوغون گوره بیلریک .
از پریشانی به دل دارم هزاران التهاب
اشگ خون جاری کنم پیوسته مانند سحاب
از پس گمگشته کنعان وار نالم روز و شب
با که نقد جان ببازم یا بگردم کامیاب...
معنویت از میان مردمان معدوم شد
عاطل و بی بهره اند از حیله ی خیر و ثواب
معنی ان الذین امنو را مدعی
وز کلو امما حلالا طیبا در اجتناب
بیرق کفر و ضلالت هر کجا بینم بپای
ای دریغا کو ببیند حضرت ختمی مآب
وقت لایبقی من الاسلام الا اسمه است
می نباید گفتن ای دل انه شی عجاب
داده از وضع زمان یومنا هذا خبر
آن امین وحی داور حامل ام الکتاب ...
بار آلها اعتمادم جزء بالطاف تو نیست
روسیاهم عفو کن در موقع یوم الحساب .
3-میزان الانشاء – انشا اوچون اولوب دور کی اوچ جلد ده بیر نئچه دونه نشر اولونموشدور.
4- هدایت الکلام –تجوید علمینه عاید اولان بیر کتاب دیر.
5- ذخیره المعاد – اوروجلوق عمل لرینه گوره دینی بیر کتاب دیر.
6- دیوان اعتماد یا شانلی آذربایجان. همین اثر ده میللی حوکومت چاغی چاپ اولونموشدور . شانلی آذربایجان 1397 ایل تکرار نوید محمدی نین چابالاری اساسدا گون ایشیغی گوردو .
7- مناظره ادبی سماوریه – همین کتاب گویا شاعیریمیزین ایلک اثری دیر کی شاعیر تبریزلی ملاجواد مذنین تاثیری آلتدا قوشموشدور.
8- برگ سبز
9- نصاب اعتماد – شاعیرین فاخراثرلریندن دیر کی 1344 چاپ و نشر اولونموشدور . همین اثر رحمتلی نصرت الله فتحی آتشباکین همتی ایله الیمیزه چاتمیشدیر . همین نصاب 1380 ینجی ایل رحمتلی دوقتور حسین محمدزاده صدیق ین همتی ایله 152 صفحه ده تهران دا یئنی دن باسیلمیشدیر.
10- الفباء جدید – بو درس لیک کتاب تورکجه اولوب 1305 ینجی ایل تبریزده باسیلمیشدیر . مع الاسف سونرالار چاپ امکانی تاپمامیشدیر.
11- قورخولو تهران – شاعیر اعتمادین سیاسی شعرلرین احتوا ائدن بیر دیوان ایدی کی 1325 ینجی ایل نشر اولونموشدور.
12- گول غنچه سی
13- گلین لر بزه گی – شاعیریمیزین ان تانینمیش شعر دفتری ایدی کی بلکه 20 دفعه یه یاخین نشر اولونوب ، 1360 ینجی ایل ایسه تانینمیش ادبیات شوناس اوستاد یحیی شیدا نین واسطه سی ایله یئنی دن وورولموشدور. اونون قابیغی اوسته بو بیت هامینین نظرین جلب ائدیردی :
ائولنمگی آسان ائله ین نسل چوخ اولسون
دوغسون آنالار توپراغیمیز مرد ایله دولسون
14-تحفه الصبیان
15- ناهار وعده سی
16- آذربایجان ترانه لری : کتاب 58 صحیفه ده چاپ اولونموشدور .
17- مکتوبات : او مرحومدان بیر سیرا مکتوب دا یادیکار قالمیشدیر کی دوست تانیش لارینا یازمیشدیر .
18- چاپ اولونمامیش اثرلر : اونون نشر اولونمامیش اثرلریندن خبریمیز اولماسادا ، اما بیلیریک کی آرشیوی گویا اوز حیاتیندا اصغر فردی نین آرشیوینه  تقدیم اولونموشدور کی اونون فوت ایله ده سانکی اونودولدو !
رضا همراز

https://t.me/Adabiyyatsevanlar

عذرلر کی تبریزده اینترنت حدده آرتیق ضعیف دیر . سانکی یوخدور !
رضاهمراز
https://t.me/Adabiyyatsevanlar

21آذرشاعیری«میر مهدی اعتماد ناطقی»
شاعیرلر مجلیسینین صدری ادبیات سئونلر گوزگوسونده

اوزمان اوستاد «رضاهمراز» 1401/9/21

https://t.me/Adabiyyatsevanlar

21آذرشاعیری«میر مهدی اعتماد ناطقی»
شاعیرلر مجلیسینین صدری ادبیات سئونلر گوزگوسونده

اوزمان اوستاد «رضاهمراز» 1401/9/21

https://t.me/Adabiyyatsevanlar

21آذرشاعیری«میر مهدی اعتماد ناطقی»
شاعیرلر مجلیسینین صدری ادبیات سئونلر گوزگوسونده

اوزمان اوستاد «رضاهمراز» 1401/9/21

https://t.me/Adabiyyatsevanlar

21آذرشاعیری«میر مهدی اعتماد ناطقی»
شاعیرلر مجلیسینین صدری ادبیات سئونلر گوزگوسونده

اوزمان اوستاد «رضاهمراز» 1401/9/21

https://t.me/Adabiyyatsevanlar

21آذرشاعیری«میر مهدی اعتماد ناطقی»
شاعیرلر مجلیسینین صدری ادبیات سئونلر گوزگوسونده

اوزمان اوستاد «رضاهمراز» 1401/9/21

https://t.me/Adabiyyatsevanlar

21آذرشاعیری«میر مهدی اعتماد ناطقی»
شاعیرلر مجلیسینین صدری ادبیات سئونلر گوزگوسونده

اوزمان اوستاد «رضاهمراز» 1401/9/21

https://t.me/Adabiyyatsevanlar

21آذرشاعیری«میر مهدی اعتماد ناطقی»
شاعیرلر مجلیسینین صدری ادبیات سئونلر گوزگوسونده

اوزمان اوستاد «رضاهمراز» 1401/9/21

https://t.me/Adabiyyatsevanlar

21آذرشاعیری«میر مهدی اعتماد ناطقی»
شاعیرلر مجلیسینین صدری ادبیات سئونلر گوزگوسونده

اوزمان اوستاد «رضاهمراز» 1401/9/21

https://t.me/Adabiyyatsevanlar

21آذرشاعیری«میر مهدی اعتماد ناطقی»
شاعیرلر مجلیسینین صدری ادبیات سئونلر گوزگوسونده

اوزمان اوستاد «رضاهمراز» 1401/9/21

https://t.me/Adabiyyatsevanlar

«میر مهدی اعتماد ناطقی» دن بیر شعر کی صابیردن تاثیر آلینمیشدیر :

گئت آدامین تانی
لای لای دئمه ملت آییلیب دیر داهی یاتماز
اللشمه بئله هئچ کیم حیاتین سنه ساتماز
من مرد اوغولام بیل کی ؛ قانیم پاک و تمیز دیر
بیر کس او کثیف قانیوا اوز قانینی قاتماز
بیهوده منه سویله مه ال چک بو ائلیندن
غیرتلی اولان طایفا- تیفاغین ائلین آتماز
من عاشقیم سئوگیلیمین عشقی یولوندا
بیر عشق بو عالمده منیم عشقیمه چاتماز
بو یولدا چیغیرما؛ اوزوو زحمته سالما
بیر کس ده اگر یاتسا؛ سسین کالدیر اویاتماز
هر کیم کی سالار ملتینی درد و بلایه
گر معرفتی اولسا باشین بیرده اوجالتماز
ساغ کوندومه کئچدیکده یئدین یاخشی الیمدن
دونیا بویو درمان اولا بو دردی ساغاتماز
من اعتمادین فکرینی بیر پایه ده گوردوم
بو عشقدن اوزگه نه دئسن بئینینه باتماز .

https://t.me/Adabiyyatsevanlar

21آذرشاعیری«میر مهدی اعتماد ناطقی»
شاعیرلر مجلیسینین صدری ادبیات سئونلر گوزگوسونده

اوزمان اوستاد «رضاهمراز» 1401/9/21

https://t.me/Adabiyyatsevanlar

اعتمادین فوتی : اعتماد سونرالار کئف سیز له یب ، قوجالیقدا اونا داها آرتیق کولکه سالمیشدیر . آنجاق 1360/3/7 یوزلر آغاج اوز یوردوندان اوزاقدا دونیاسین دگیشیب ، تهرانین بهشت زهرا مزارلیغیندا اوزون تورپاغا قویور . شاعیرین ایستگلی لریندن حسن مجید زاده – ساوالان اونون وای خبرین ائشیدنده بو شعری قوشور :
سئودیگین دوغما ائلیندن نئجه آیریدین سن ؟
اوزون ایللر بویو اوغروندا اونون چکدین امک
سئوه جکدیر گوزل اشعارینی ائللر وار ایکن
دونیا دوردوقجا بیل آنجاق امه گین ایتمه یه جک
***
ایید انسان کی سئوه ر یوردون ؛ ائلین ؛ دوغما دیلین
یوردونا وورغون اودورسا ؛ ائلی توتموشدون عزیز
او سبب دن سئور آثارینی بو دوغما ائلین
یازدیغیندان نه بویوک درس آلاجاق گنج لریمیز
***
هله بوندان بئله شعرین گول آچیب بار وئره جک
چونکو معناسی درین دیر او یاراتدیقلارینین
گنج لر اوندان آلیب الهام و بهره لر گوره جک
بو جوان نسلین ایشی چونکو یاراتماقدی بو گون
***
یارادان کیمسه کی اولمز بو سوز آیدین دی منه
یارادیب سان ائلینه دولفون اثر دیوانی
اغتمادیدین اوزون خلقین اینانمیشدی سنه
بیرده هیهات گله سن تک یارادان شاعر هانی ؟

https://t.me/Adabiyyatsevanlar

میر مهدی اعتماد ناطقی نین سون شکلی

https://t.me/Adabiyyatsevanlar

21آذرشاعیری«میر مهدی اعتماد ناطقی»
شاعیرلر مجلیسینین صدری ادبیات سئونلر گوزگوسونده

اوزمان اوستاد «رضاهمراز» 1401/9/21

https://t.me/Adabiyyatsevanlar

میر مهدی اعتماد ناطقی و اصغر فردی

21آذرشاعیری«میر مهدی اعتماد ناطقی»
شاعیرلر مجلیسینین صدری ادبیات سئونلر گوزگوسونده

اوزمان اوستاد «رضاهمراز» 1401/9/21

https://t.me/Adabiyyatsevanlar

«میرمهدی اعتمادناطقی» نین امضا سی
نه یازیق کی نه تبریزده ، نه ده تهراندا  بیر نفر تاپیلمادی کی بو قدر شاعیرین خاطره لرین توپلاسین لار !

رضا همرار

https://t.me/Adabiyyatsevanlar