یول بیر «یولداش»
«نیگار نوروزی»
«داش»، تورک دیلینده «یول» سؤزونه قووشاندا، «یولداش» کیمی ان گؤزل سؤز ترکیبی یارادیر. او، سنین گلدییین، اولدوغون و گئدهجهیین یولا گؤره سنی باشقاسی ایله اونسیتده قرار وئریر، دوشونجهدن و اورهکدن بیر یاخینلیق یارادیر.
سن حیات یوللارینی تک باشینا سئیر ائدرکن، باشقا اینسانلار دا بو یولو سنله برابر تک باشینا سئیر ائدیرلر. بو یولدا قارینداشین اولور؛ آداشین اولور؛ سیرداشین اولور؛ فیکیرداشین اولور؛ بیر ده کی درین معنالار داشییان «یولداش»ین اولور. بو یولداشلیغی بعضا ده یوللار یارادیرلار: حیات مجادلهسینده چیین به چیین ساواش آپاران «یولداش»لار؛ آجیلی شیرینلی گونلرده بیر بیرینه آرخالانان «یولداش»لار و بیر «یول» اوغروندا «اورکلرینده درین بیر سئوگی» داشییان «یولداش»لار. بیر «یولداش»لار کی اونلارین یوخلوغو، سنین داوام ائتدییین یولدا سنه درین چوخورلار قازدیراجاقدیر. چوخورلار سنینله آددیملایاجاق و چوخ زامانلار گؤز قاباغیندان اوزاغا گئتمییهجک. چوخورلارین سویوقلوغو و قارانلیغی سنی دوشوندورهجک، حسرت دادینی سنه حیس ائتدیرهجک؛ بیرده کی، یئرینی چوخورلارا وئرن هوندورلویون بوش یئری، «هژار» درینلییینده انساندان محروم ائدهجک سنی و یولون داوامیندا تکجه درین چوخورلار قالاجاق، بیرده تکلیک.
ایلک دفعه یولداشلیق خاطیری اوچون بیر داغ زیروهسینی هدف توتمالی و قورخو- سئوینج و هیجان قاریشیقلی بیر خاطیره آخشامینی یاشامالیسان؛ تریبونلاردان، جنابلاردان و چلچراقلی سالونلاردان اوزاق. الین یئردن اوزولوب و «قانلی چکمهلر یول آچا بیلمز» بیر یوکسکلیکده آددیم آتمالیسان.
یوللار ساعاتلارجا سنی یئریدیر؛ بؤیوک آغیرلیغی سندن آلیر؛ قوش کیمی ائدیر و «آخشاملار قوشور هر قوش مین دستان». هر سؤز «یولداش» اوچون حصر اولور؛ هر دویغولو آن یولداشلیق ماهنیلارینی یادا سالیر و «اولدوزلار یئره باخان گونه دک» یولداشلیق خاطیرلانیر.
حیاتیندا ایلک زیروه یولونا آیاق قویوبسانسا، قورخودان – یورغونلوقدان و «بیرلیکده یانان وفالی یولداش»سیزلیقدان قاچماق اوچون یئنه ده ماهنیلارا سیغینیرسان. ماهنیلار دا «سؤیلهییر ایگیتلر چکن غملری».
«بو داغلار اوجا باش؛ اوجا باش داغلاردا» ایناملار و دوشونجهلر ماهنیلاردا هارایلانیر. آیری-آیری دیلده دانیشان، آیری-آیری یوللاردان گلن، آیری-آیری داغلاردان ائنن و آیری-آیری دویغولار داشییان یولداشلارین آراسیندا قارداشلیق و باریشیق ماهنیسی سؤیلهنیلیر.
زیروه یولو بیزی یاشدان اؤتور، دیلدن اؤتور، سؤیلهدیییمیز ماهنیلاردان اؤتور بیر- بیریمیزدن آییرمادی. او یول بیزی یولا وئردی و زیروهیه چاتدیردی. او یول آرامیزدا بیر ماهنی اولدو، یولداشلیق ماهنیسی، ساواش مارشی و چتین یوللارین گولوش نغمهسی اولدو؛ آرامیزدا سسلندی؛ بیزی بیرلشدیردی؛ یولا گتیردی و «هامییا بیر دوست، بیزلره قارداش» اولدو.
سن حیات یوللارینی تک باشینا سئیر ائدرکن، باشقا اینسانلار دا بو یولو سنله برابر تک باشینا سئیر ائدرلر. آمما، آرخاسیندا دورا بیلسن، زیروهیه ده چکه بیلرسن، هر شئی دن اؤنجه یول بیر «یولداش» اولا بیلرسن…
سون
دقت: « » آراسیندا گلن سؤزلر و مصرعلر آذربایجانین انقلابچی شاعری «علیرضا نابدل اوختای»ین «یولداش کوردوستان» شعریندن آلینیبدیر.
قایناق: ائلدارموغانلی نین فیس بوک صحیفه سی
https://t.me/Adabiyyatsevanlar
«نیگار نوروزی»
«داش»، تورک دیلینده «یول» سؤزونه قووشاندا، «یولداش» کیمی ان گؤزل سؤز ترکیبی یارادیر. او، سنین گلدییین، اولدوغون و گئدهجهیین یولا گؤره سنی باشقاسی ایله اونسیتده قرار وئریر، دوشونجهدن و اورهکدن بیر یاخینلیق یارادیر.
سن حیات یوللارینی تک باشینا سئیر ائدرکن، باشقا اینسانلار دا بو یولو سنله برابر تک باشینا سئیر ائدیرلر. بو یولدا قارینداشین اولور؛ آداشین اولور؛ سیرداشین اولور؛ فیکیرداشین اولور؛ بیر ده کی درین معنالار داشییان «یولداش»ین اولور. بو یولداشلیغی بعضا ده یوللار یارادیرلار: حیات مجادلهسینده چیین به چیین ساواش آپاران «یولداش»لار؛ آجیلی شیرینلی گونلرده بیر بیرینه آرخالانان «یولداش»لار و بیر «یول» اوغروندا «اورکلرینده درین بیر سئوگی» داشییان «یولداش»لار. بیر «یولداش»لار کی اونلارین یوخلوغو، سنین داوام ائتدییین یولدا سنه درین چوخورلار قازدیراجاقدیر. چوخورلار سنینله آددیملایاجاق و چوخ زامانلار گؤز قاباغیندان اوزاغا گئتمییهجک. چوخورلارین سویوقلوغو و قارانلیغی سنی دوشوندورهجک، حسرت دادینی سنه حیس ائتدیرهجک؛ بیرده کی، یئرینی چوخورلارا وئرن هوندورلویون بوش یئری، «هژار» درینلییینده انساندان محروم ائدهجک سنی و یولون داوامیندا تکجه درین چوخورلار قالاجاق، بیرده تکلیک.
ایلک دفعه یولداشلیق خاطیری اوچون بیر داغ زیروهسینی هدف توتمالی و قورخو- سئوینج و هیجان قاریشیقلی بیر خاطیره آخشامینی یاشامالیسان؛ تریبونلاردان، جنابلاردان و چلچراقلی سالونلاردان اوزاق. الین یئردن اوزولوب و «قانلی چکمهلر یول آچا بیلمز» بیر یوکسکلیکده آددیم آتمالیسان.
یوللار ساعاتلارجا سنی یئریدیر؛ بؤیوک آغیرلیغی سندن آلیر؛ قوش کیمی ائدیر و «آخشاملار قوشور هر قوش مین دستان». هر سؤز «یولداش» اوچون حصر اولور؛ هر دویغولو آن یولداشلیق ماهنیلارینی یادا سالیر و «اولدوزلار یئره باخان گونه دک» یولداشلیق خاطیرلانیر.
حیاتیندا ایلک زیروه یولونا آیاق قویوبسانسا، قورخودان – یورغونلوقدان و «بیرلیکده یانان وفالی یولداش»سیزلیقدان قاچماق اوچون یئنه ده ماهنیلارا سیغینیرسان. ماهنیلار دا «سؤیلهییر ایگیتلر چکن غملری».
«بو داغلار اوجا باش؛ اوجا باش داغلاردا» ایناملار و دوشونجهلر ماهنیلاردا هارایلانیر. آیری-آیری دیلده دانیشان، آیری-آیری یوللاردان گلن، آیری-آیری داغلاردان ائنن و آیری-آیری دویغولار داشییان یولداشلارین آراسیندا قارداشلیق و باریشیق ماهنیسی سؤیلهنیلیر.
زیروه یولو بیزی یاشدان اؤتور، دیلدن اؤتور، سؤیلهدیییمیز ماهنیلاردان اؤتور بیر- بیریمیزدن آییرمادی. او یول بیزی یولا وئردی و زیروهیه چاتدیردی. او یول آرامیزدا بیر ماهنی اولدو، یولداشلیق ماهنیسی، ساواش مارشی و چتین یوللارین گولوش نغمهسی اولدو؛ آرامیزدا سسلندی؛ بیزی بیرلشدیردی؛ یولا گتیردی و «هامییا بیر دوست، بیزلره قارداش» اولدو.
سن حیات یوللارینی تک باشینا سئیر ائدرکن، باشقا اینسانلار دا بو یولو سنله برابر تک باشینا سئیر ائدرلر. آمما، آرخاسیندا دورا بیلسن، زیروهیه ده چکه بیلرسن، هر شئی دن اؤنجه یول بیر «یولداش» اولا بیلرسن…
سون
دقت: « » آراسیندا گلن سؤزلر و مصرعلر آذربایجانین انقلابچی شاعری «علیرضا نابدل اوختای»ین «یولداش کوردوستان» شعریندن آلینیبدیر.
قایناق: ائلدارموغانلی نین فیس بوک صحیفه سی
https://t.me/Adabiyyatsevanlar
Telegram
ادبیات سئونلر
بوکانال ادبیات سئونلر قوروپونون سئچیلمیش اثرلری دیر
کانالدا کی یازیلاری کانالین لینکینی وئرمک شرطی ایله پایلاشماق اولار.
کانالدا کی یازیلاری کانالین لینکینی وئرمک شرطی ایله پایلاشماق اولار.
سحر_خیاوی»
دونیانین بوجاغی
قیسیلمیشام بو آخشام دا دونیانین بوجاغینا
توللانسام می چاتارام هئچ گؤیلرین اوجاغینا؟!
داریخیرام یئر اوشودور توللانسانمی دوشهرم؟
دونیایا گلمهمیش کیمی تانرینین قوجاغینا؟!
سؤزلریم وار گؤزل تانریم گَل بو آخشام چایلاشاق
سن ده دئنهن من ده دئییم دردیمیزی پایلاشاق
یئر اوزونده بندهلرین خالقا مهریبان دئییل
وورها-ووردور، قیرهاقیردیر، ساکیت آسیمان دئییل
سن بویوردون خالیص اولون، بوردا ریا یئریییر
بویاسیزلار بیزیم یئرده ذرره- ذرره چورویور
آللاهسیزلار جولان ائدیر، چول- چوخایا بورونور
اود-آلاولی سیلاحلاردا قارداش اَلی گؤرونور
بالان یوخدور بیلهسن کی آغیردیر بالا داغی
او گنج اوغلان جان اوستونده گزیردی سولو- ساغی
دئییردی کی: هاردا اولسا آنام اؤزون یئتیرر
بو آمانسیز یارالارا یقین مرهم گتیرر
گؤزو آخدی اینتظاردا آتاسی دا گلمهدی
ناکام اؤلدو توی گئجهسی خئییر دوعا وئرمهدی
سیزین عرشی یتیم قیزین ناله سسی بورویور؟!
مَلَکلری مزارینا اوزو اوسته سورویور؟!
یاتانمیرام کابوسومدا اوخشاما وار هر گئجه
قدم- قدم گودوکجو وار، گیوتین، دار هر گئجه
من اوچون دای بو یئر اوزو دؤزومدن دیر یوخاری
یوخسا دوشونمهیه بیزی اؤزون دوش
گَل آشاغی
قالماییبدیر هئچ اینامیم نه یادا، نه قارداشا
یا منی قوش ائلهگینن یا دا کی دؤندر داشا
https://t.me/Adabiyyatsevanlar
دونیانین بوجاغی
قیسیلمیشام بو آخشام دا دونیانین بوجاغینا
توللانسام می چاتارام هئچ گؤیلرین اوجاغینا؟!
داریخیرام یئر اوشودور توللانسانمی دوشهرم؟
دونیایا گلمهمیش کیمی تانرینین قوجاغینا؟!
سؤزلریم وار گؤزل تانریم گَل بو آخشام چایلاشاق
سن ده دئنهن من ده دئییم دردیمیزی پایلاشاق
یئر اوزونده بندهلرین خالقا مهریبان دئییل
وورها-ووردور، قیرهاقیردیر، ساکیت آسیمان دئییل
سن بویوردون خالیص اولون، بوردا ریا یئریییر
بویاسیزلار بیزیم یئرده ذرره- ذرره چورویور
آللاهسیزلار جولان ائدیر، چول- چوخایا بورونور
اود-آلاولی سیلاحلاردا قارداش اَلی گؤرونور
بالان یوخدور بیلهسن کی آغیردیر بالا داغی
او گنج اوغلان جان اوستونده گزیردی سولو- ساغی
دئییردی کی: هاردا اولسا آنام اؤزون یئتیرر
بو آمانسیز یارالارا یقین مرهم گتیرر
گؤزو آخدی اینتظاردا آتاسی دا گلمهدی
ناکام اؤلدو توی گئجهسی خئییر دوعا وئرمهدی
سیزین عرشی یتیم قیزین ناله سسی بورویور؟!
مَلَکلری مزارینا اوزو اوسته سورویور؟!
یاتانمیرام کابوسومدا اوخشاما وار هر گئجه
قدم- قدم گودوکجو وار، گیوتین، دار هر گئجه
من اوچون دای بو یئر اوزو دؤزومدن دیر یوخاری
یوخسا دوشونمهیه بیزی اؤزون دوش
گَل آشاغی
قالماییبدیر هئچ اینامیم نه یادا، نه قارداشا
یا منی قوش ائلهگینن یا دا کی دؤندر داشا
https://t.me/Adabiyyatsevanlar
Telegram
ادبیات سئونلر
بوکانال ادبیات سئونلر قوروپونون سئچیلمیش اثرلری دیر
کانالدا کی یازیلاری کانالین لینکینی وئرمک شرطی ایله پایلاشماق اولار.
کانالدا کی یازیلاری کانالین لینکینی وئرمک شرطی ایله پایلاشماق اولار.
«اؤزلم»
یاغیش
یومادین دردیمی هئچ واخت یئنی دردلر چیلهدین
گؤز-گؤز اولموش یارامی، گۆنده قانیلا بلهدین
بسلهدین شن هاوالار ، یاللی گئدیب داغ داشدا
گول ساتان قیزجیغازین گوللرینی سئلبهلدین
ماهنیلاشدین بیرینه پنجرهنین آردیندان
بس نیه کار-کاسیبین اوچموش ائوین گوللهلدین
سؤیکنیب دیلسیز آغیزسیز، ساری کؤینک شئحینه
للهییندن یاپیشیب سن اونو هئی سیللهلهدین
بیر جانا جان وئریبن بیر جانا دا قصد ائلهدین
بیر اوجاق سؤندورهرک، بیر اوجاقی پیلتهلهدین
باغمانین حاصیلینه هئی دولو تؤکدون تالادین
یوخودایکن یازیغین، کؤنلونو هئی سیلکهلهدین
دوغماسان یا کی اؤگئی، من هله باش تاپماییرام
سیتقایارکن سنی یئر گؤی، نییه قارقیش دیلهدین؟
https://t.me/Adabiyyatsevanlar
یاغیش
یومادین دردیمی هئچ واخت یئنی دردلر چیلهدین
گؤز-گؤز اولموش یارامی، گۆنده قانیلا بلهدین
بسلهدین شن هاوالار ، یاللی گئدیب داغ داشدا
گول ساتان قیزجیغازین گوللرینی سئلبهلدین
ماهنیلاشدین بیرینه پنجرهنین آردیندان
بس نیه کار-کاسیبین اوچموش ائوین گوللهلدین
سؤیکنیب دیلسیز آغیزسیز، ساری کؤینک شئحینه
للهییندن یاپیشیب سن اونو هئی سیللهلهدین
بیر جانا جان وئریبن بیر جانا دا قصد ائلهدین
بیر اوجاق سؤندورهرک، بیر اوجاقی پیلتهلهدین
باغمانین حاصیلینه هئی دولو تؤکدون تالادین
یوخودایکن یازیغین، کؤنلونو هئی سیلکهلهدین
دوغماسان یا کی اؤگئی، من هله باش تاپماییرام
سیتقایارکن سنی یئر گؤی، نییه قارقیش دیلهدین؟
https://t.me/Adabiyyatsevanlar
Telegram
ادبیات سئونلر
بوکانال ادبیات سئونلر قوروپونون سئچیلمیش اثرلری دیر
کانالدا کی یازیلاری کانالین لینکینی وئرمک شرطی ایله پایلاشماق اولار.
کانالدا کی یازیلاری کانالین لینکینی وئرمک شرطی ایله پایلاشماق اولار.
21 آذر آذربایجان خالقینین تاریخینده، طالعینده پارلاق بیر اولدوز دور.
https://t.me/Adabiyyatsevanlar
https://t.me/Adabiyyatsevanlar
ادبیات آلانیندا داها بیر پیسلییه اعتراض
« نیگار خیاوی»
سون واختلاردا چوخ تصادفی اولاراق سوسیال شبکهلرین بیرینده منیم دکتر ساعدینین ترجمه ائتدیییم «توپ» رومانینین «ایلقار» نشریاتی طرفیندن دؤردونجو چاپ اولاراق نشر و ساتیش خبرینین یاییلماسینی گؤردوم. طبیعی کی، بو خبردن اولدوقجا تعجبلندیم چونکو من هر شئیدن خبرسیزدیم، بو اوزدن ایلقار نشریاتینین مدیری اولان جناب «بابک مینقی»یه تلفن آچیب و اعتراضیمی بیلدیردیم، او جناب ایسه دیلینی دولاشدیریب و شنبه گونو (3-4 گون سونراسی) منله گؤروشوب هر شئیی آچیقلایاجاغینا سؤز وئردی. ایندی او گوندن بلکه ده 10 شنبه اؤتوب کئچمیش، آنجاق جناب مینقیدن خبر چیخمامیش و بو مدتده آچدیغیم تلفنلارا دا جاواب وئرمهمیش. بلکه جناب مینقیدن بیر خبر چیخسین دئیه، بو گونه کیمی گؤزلهدیم، آنجاق خبر چیخمادی.
بئلنچی چیرکینلیکلر افشا اولونمازسا، گئت-گئده اونون چوخالیشی و نهایت بیر عادی حالا گلیشینه شاهد اولاجاییق. باشقالارینین امهیی حسابینا مالی منفعتینی قووماق ایستهین آدامین بو چیرکین ایشی هله بیر یانا دورسون، هر شئیدن اؤنجه قلم و قلم صاحیبینین دَیری و حؤرمتینی گؤرمزدن اونو گؤزدن سالماق ادبیات آلانیندا داها بیر پیسلیکدیر.
https://t.me/Adabiyyatsevanlar
« نیگار خیاوی»
سون واختلاردا چوخ تصادفی اولاراق سوسیال شبکهلرین بیرینده منیم دکتر ساعدینین ترجمه ائتدیییم «توپ» رومانینین «ایلقار» نشریاتی طرفیندن دؤردونجو چاپ اولاراق نشر و ساتیش خبرینین یاییلماسینی گؤردوم. طبیعی کی، بو خبردن اولدوقجا تعجبلندیم چونکو من هر شئیدن خبرسیزدیم، بو اوزدن ایلقار نشریاتینین مدیری اولان جناب «بابک مینقی»یه تلفن آچیب و اعتراضیمی بیلدیردیم، او جناب ایسه دیلینی دولاشدیریب و شنبه گونو (3-4 گون سونراسی) منله گؤروشوب هر شئیی آچیقلایاجاغینا سؤز وئردی. ایندی او گوندن بلکه ده 10 شنبه اؤتوب کئچمیش، آنجاق جناب مینقیدن خبر چیخمامیش و بو مدتده آچدیغیم تلفنلارا دا جاواب وئرمهمیش. بلکه جناب مینقیدن بیر خبر چیخسین دئیه، بو گونه کیمی گؤزلهدیم، آنجاق خبر چیخمادی.
بئلنچی چیرکینلیکلر افشا اولونمازسا، گئت-گئده اونون چوخالیشی و نهایت بیر عادی حالا گلیشینه شاهد اولاجاییق. باشقالارینین امهیی حسابینا مالی منفعتینی قووماق ایستهین آدامین بو چیرکین ایشی هله بیر یانا دورسون، هر شئیدن اؤنجه قلم و قلم صاحیبینین دَیری و حؤرمتینی گؤرمزدن اونو گؤزدن سالماق ادبیات آلانیندا داها بیر پیسلیکدیر.
https://t.me/Adabiyyatsevanlar
Telegram
ادبیات سئونلر
بوکانال ادبیات سئونلر قوروپونون سئچیلمیش اثرلری دیر
کانالدا کی یازیلاری کانالین لینکینی وئرمک شرطی ایله پایلاشماق اولار.
کانالدا کی یازیلاری کانالین لینکینی وئرمک شرطی ایله پایلاشماق اولار.
سئوگی دونیامیزی نجات وئرهجک
«سحر خیاوی»
آرتیق بربرخانادا، ایشی قورتارمیشدی. بربر بویون- بوغازینی توکدن تمیزلهییب، اؤنلوکو سلیقه ایله بوینوندان آچیب، -«موبارکدیر جاوان، دیلخوشلوقلا اینشاللاه» دئدی.
گنج اوغلان «اللریز وار، چوخ ساغ اولون»- دئییب، چارپاییدان آیاغا قالخدی. بربرین تعارفینه باخمایاراق جزاسینی اووجونا باسدی. سونرا ایسه بؤیوتلو آینایا ساری گئتدی. پالتوسونو ائینینه چکیب، اؤز گوونلیک و گنجلره خاص مغرورلوغلا بؤیوتلو آینادا اؤزونه باخدی. پالتوسونون یاخالیقینی دارتدی، راضیلیقلا اصلاح اولونموش تئللرینی سیغاللادی، قاشلارینا دوزن وئردی، قیرخیلمیش اوز- گوزونو تومارلادی و آینادا کی اؤزونه گولومسهدی.
اورهیینده دوستلاریم دئمیشکن: «لاپ دخترکُش اولموشام»- دئدی.
بربرله ساغوللاشیب سلمانیدن چیخدی. آتاسیندان آلدیغی قالان پولو باهالی اودکولونا یئتیرمزدی، اودور کی یاخیندا اولان پاساژا گئدیب اؤزونه بیر اسپری عطری آلدی.
سئوینجدن اورهیی قوش اورهیی کیمی چابالاییردی. سئودانین تبرئه اولماق و آزادلیق خبرینی ائشیدندن قانادی اولسایدی حتمن اوچاردی.
سئودا ان سئودیگی سئوگیلیسی قیز یولداشی ایدی.
او مین آرزو ایله یونیورسیتهنی قورتاریب سرباز دا گئتمیشدی. آمما هله لاییقی اولان ایش تاپا بیلمهمیشدی. او یاشدا آتاسینا ال آچماقدان، جیب پولو و بربر پولو ایستهمکدن اوتانیردی. آخی آتاسی بیر تقاعده چاتمیش اؤیرتمن ایدی. آز حقوقو ایله آنجاق بئش باش عائیلهنی دولاندیریردی.
خیدمتدن قاییداندان سونرا گلهجهیه بوتون اومودونو الدن وئرمیشدی، تا او پاییز گونو، بیر ایل بوندان اونجه، سئودانی تاکسیده گوردو. ائله ماوی گوزلرینده غرق اولدو کی، بیلدی داها بو سئوگیدن نجات یولو اولمایاجاق و بونا ایناندی کی دونیادا هله ده سئومهلی گوزللیکلر وار. او گوندن بوتون کایینات گؤزونده گوزللشدی، چون کی او یئرده، گؤیده، آیدا، اولدوزدا، گونشده، داغ- داشدا، چیچکلرده و...و… هر یئرده سئودانی گؤروردو و سئویردی.
عائیلهسی اؤزللیکله آناسی قاپ- قارا شَوه گوزلرینده پارلایان قیغیلجیمی، حوصلهسیزلیکدن دئییشیب مهربان اولدوغونو، دیلینین آلتیندا میزیلدانان سئوگی ماهنیلارینی تعجوبله ایزلهییب بیر شئیلر سزسهلر ده، هله اونلارا بیر سؤز دئمهمیشدی. اورهیینده «واختیکن آنامی، باجیلاریمی سورپرایز ائدهجم»- دئییردی.
سئوگیلیسی سئودا فمنیستلیک خطینه دوشموشدو. آتیلا «منی سئویرسن سه بو خطرلی یولدان ال چک»- دئییردی. «من سنین بوتون ایدهآللارینی قبول ائدیرم. تویوموزون شرطلری ده سن دئدییین کیمی اولسون. گلهجهییمیز ده ها بئله. آمما عیناد آتیندان دوش منیم ملکهم. گئتدییین بو یول قانلی- قادالیدیر. من قورخورام. شیپ- شیرین آرزولاریمیز وار منیم سئودام».
آمما سئودا سوس بارماغینی اونون دولغون دوداغینا قویوب، «تکی من دئییلم، منیم چالیشمام اؤلکهمین بوتون قادینلارینین آزادلیغی و اینسانی حاقلارینا یئتیشمهسیدیر. لوطفن بو یولدا منه مانع اولما»- دئمیشدی.
بیر هفته بوندان قاباق دیوارا شوعار یازاندا توتولموشدو. دونن تبرئه اولدوغونو و آزاد بوراخیلماسینی آتیلایا خبر وئرمیشدی.
ایندی ایسه آتیلا جانیندان چوخ سئودییی سئوداسینا سوسلهنیردی.
یول اوزونو آذر آیینین سویوغو کسیب- تؤکسه ده، اونون اورهیینده آلاولایان عشق آتشینه قارشی دورا بیلمیردی. سئودانی یادا سالدیقجا اوزو دولوسو گولومسهییردی و بیر شئی ایستی- ایستی اریییب بوتون دامارلاریندا گزیردی. دوغرودان سئوگی غریبه و معجزه کیمی بیر زاد ایدی. بو سئوگیدن قاباق اومودسوز آتیلا، سئودا ایله داغی داغ اوستونه آشیرا بیلهجک دوشونوردو. گلهجهیی سئوگیلیسینین کناریندا اومود دولو و پارلاق گؤروردو. سان کی چنلی- دومانلی گونلرینه بیر گوزل گؤی قورشاغی ساچیلمیشدی. آرزولاری رنگارنگ دون گئیینمیشدی. خوشبختلیک نئچه قدملیکده اونا گؤز ووروردو.
پیادا یولوندا، عشق فیکری باشیندا سرسَم گئدیردی. دونیا بوتون اونون ایدی. آیاغینین آلتیندا ازیلیب خیشیلدایان یارپاقلار بئله گنج اورهیینی بیر موسیقی کیمی اوخشاییردی.
صاباحا کیمی نئجه داوام گتیرهجکدی؟ دوغرو کی تئلفونلا چتلهشیب دانیشاجاقدیلار، آمما یاخیندان گؤروش، اوز به اوز سئوگیلیسینین الینی توتماق، اونا ساریلماق و ساریشین ساچلارینی قوخلاماق بیر باشقا ایدی.
او آخشام سئودانین سسینده سویوقلوق و اومودسوزلوق سَزدی. آتیلا بونون سببینی دوشونه بیلمیردی. بلکه دوستاقدا اینجییب، اورهییندن چیخاردارام دئییردی.
اونلارین قیزغین سئوگیسینین رمزی «سئوگی دونیامیزی نجات وئرهجک»- ایدی، اونلار بونا اینانمیشدیلار، سئوگینی و اینسان سئورلیگی اللریندن گلن قَدَری، دونیادا یایماغا ایلقار باغلامیشدیلار.
«سحر خیاوی»
آرتیق بربرخانادا، ایشی قورتارمیشدی. بربر بویون- بوغازینی توکدن تمیزلهییب، اؤنلوکو سلیقه ایله بوینوندان آچیب، -«موبارکدیر جاوان، دیلخوشلوقلا اینشاللاه» دئدی.
گنج اوغلان «اللریز وار، چوخ ساغ اولون»- دئییب، چارپاییدان آیاغا قالخدی. بربرین تعارفینه باخمایاراق جزاسینی اووجونا باسدی. سونرا ایسه بؤیوتلو آینایا ساری گئتدی. پالتوسونو ائینینه چکیب، اؤز گوونلیک و گنجلره خاص مغرورلوغلا بؤیوتلو آینادا اؤزونه باخدی. پالتوسونون یاخالیقینی دارتدی، راضیلیقلا اصلاح اولونموش تئللرینی سیغاللادی، قاشلارینا دوزن وئردی، قیرخیلمیش اوز- گوزونو تومارلادی و آینادا کی اؤزونه گولومسهدی.
اورهیینده دوستلاریم دئمیشکن: «لاپ دخترکُش اولموشام»- دئدی.
بربرله ساغوللاشیب سلمانیدن چیخدی. آتاسیندان آلدیغی قالان پولو باهالی اودکولونا یئتیرمزدی، اودور کی یاخیندا اولان پاساژا گئدیب اؤزونه بیر اسپری عطری آلدی.
سئوینجدن اورهیی قوش اورهیی کیمی چابالاییردی. سئودانین تبرئه اولماق و آزادلیق خبرینی ائشیدندن قانادی اولسایدی حتمن اوچاردی.
سئودا ان سئودیگی سئوگیلیسی قیز یولداشی ایدی.
او مین آرزو ایله یونیورسیتهنی قورتاریب سرباز دا گئتمیشدی. آمما هله لاییقی اولان ایش تاپا بیلمهمیشدی. او یاشدا آتاسینا ال آچماقدان، جیب پولو و بربر پولو ایستهمکدن اوتانیردی. آخی آتاسی بیر تقاعده چاتمیش اؤیرتمن ایدی. آز حقوقو ایله آنجاق بئش باش عائیلهنی دولاندیریردی.
خیدمتدن قاییداندان سونرا گلهجهیه بوتون اومودونو الدن وئرمیشدی، تا او پاییز گونو، بیر ایل بوندان اونجه، سئودانی تاکسیده گوردو. ائله ماوی گوزلرینده غرق اولدو کی، بیلدی داها بو سئوگیدن نجات یولو اولمایاجاق و بونا ایناندی کی دونیادا هله ده سئومهلی گوزللیکلر وار. او گوندن بوتون کایینات گؤزونده گوزللشدی، چون کی او یئرده، گؤیده، آیدا، اولدوزدا، گونشده، داغ- داشدا، چیچکلرده و...و… هر یئرده سئودانی گؤروردو و سئویردی.
عائیلهسی اؤزللیکله آناسی قاپ- قارا شَوه گوزلرینده پارلایان قیغیلجیمی، حوصلهسیزلیکدن دئییشیب مهربان اولدوغونو، دیلینین آلتیندا میزیلدانان سئوگی ماهنیلارینی تعجوبله ایزلهییب بیر شئیلر سزسهلر ده، هله اونلارا بیر سؤز دئمهمیشدی. اورهیینده «واختیکن آنامی، باجیلاریمی سورپرایز ائدهجم»- دئییردی.
سئوگیلیسی سئودا فمنیستلیک خطینه دوشموشدو. آتیلا «منی سئویرسن سه بو خطرلی یولدان ال چک»- دئییردی. «من سنین بوتون ایدهآللارینی قبول ائدیرم. تویوموزون شرطلری ده سن دئدییین کیمی اولسون. گلهجهییمیز ده ها بئله. آمما عیناد آتیندان دوش منیم ملکهم. گئتدییین بو یول قانلی- قادالیدیر. من قورخورام. شیپ- شیرین آرزولاریمیز وار منیم سئودام».
آمما سئودا سوس بارماغینی اونون دولغون دوداغینا قویوب، «تکی من دئییلم، منیم چالیشمام اؤلکهمین بوتون قادینلارینین آزادلیغی و اینسانی حاقلارینا یئتیشمهسیدیر. لوطفن بو یولدا منه مانع اولما»- دئمیشدی.
بیر هفته بوندان قاباق دیوارا شوعار یازاندا توتولموشدو. دونن تبرئه اولدوغونو و آزاد بوراخیلماسینی آتیلایا خبر وئرمیشدی.
ایندی ایسه آتیلا جانیندان چوخ سئودییی سئوداسینا سوسلهنیردی.
یول اوزونو آذر آیینین سویوغو کسیب- تؤکسه ده، اونون اورهیینده آلاولایان عشق آتشینه قارشی دورا بیلمیردی. سئودانی یادا سالدیقجا اوزو دولوسو گولومسهییردی و بیر شئی ایستی- ایستی اریییب بوتون دامارلاریندا گزیردی. دوغرودان سئوگی غریبه و معجزه کیمی بیر زاد ایدی. بو سئوگیدن قاباق اومودسوز آتیلا، سئودا ایله داغی داغ اوستونه آشیرا بیلهجک دوشونوردو. گلهجهیی سئوگیلیسینین کناریندا اومود دولو و پارلاق گؤروردو. سان کی چنلی- دومانلی گونلرینه بیر گوزل گؤی قورشاغی ساچیلمیشدی. آرزولاری رنگارنگ دون گئیینمیشدی. خوشبختلیک نئچه قدملیکده اونا گؤز ووروردو.
پیادا یولوندا، عشق فیکری باشیندا سرسَم گئدیردی. دونیا بوتون اونون ایدی. آیاغینین آلتیندا ازیلیب خیشیلدایان یارپاقلار بئله گنج اورهیینی بیر موسیقی کیمی اوخشاییردی.
صاباحا کیمی نئجه داوام گتیرهجکدی؟ دوغرو کی تئلفونلا چتلهشیب دانیشاجاقدیلار، آمما یاخیندان گؤروش، اوز به اوز سئوگیلیسینین الینی توتماق، اونا ساریلماق و ساریشین ساچلارینی قوخلاماق بیر باشقا ایدی.
او آخشام سئودانین سسینده سویوقلوق و اومودسوزلوق سَزدی. آتیلا بونون سببینی دوشونه بیلمیردی. بلکه دوستاقدا اینجییب، اورهییندن چیخاردارام دئییردی.
اونلارین قیزغین سئوگیسینین رمزی «سئوگی دونیامیزی نجات وئرهجک»- ایدی، اونلار بونا اینانمیشدیلار، سئوگینی و اینسان سئورلیگی اللریندن گلن قَدَری، دونیادا یایماغا ایلقار باغلامیشدیلار.
گئجه یاریسی سئودا ایله خئیلک دانیشدیقدان سونرا ساغوللاشیب، «شیرین یوخولار سئوگیلیم»- دئییب، صاباح کی گؤروش اومودو ایله بیر شکیل یاتدی.
گئجه گئج یاتدیغینا بیرآز دا گئج یوخودان آییلدی. همشه کی عادتینه اَلینی گوشیسینه آتیب اینستاگراما کئچدی.
گؤردویو آجی خبردن سان کی دونیا باشینا اوچدو:
«سئودا مؤید» قادین حاقلاری مدافعهچیسی بیر هفتهلیک دوستاقدان آزاد اولدوقدان سونرا، انتحار ائتدی!»
او بیر هفته زینداندا یازیق قیزین باشینا نه گتیرمیشدیلر بئله جاوان جانینا قییمیشدی؟! او کی یاشامدان، طراوتدن، سئوگیدن، اوموددان دولو ایدی؟! او کی هله حیاتدان دویمامیشدی!!
اینانا بیلمیردی، یعنی بیر دونیا اومود بیر جمله ایله بوتون بادا گئتدی می؟!!
اوغلان ایچدن ائله هؤنکوردو، سان کی دئپرم قوپدو…. جانیم سئودام:
«بیر خزاندا
یئتیم قالدیق.
بیر خزاندا
سئودالاندیق.
اَن نهایت
خولیالارین هاواسیندان
قانادلاندیق.
بیر خزاندا
پارلاق قیزیل گونش دوغدو.
بیر خزاندا
بولود گلیب گونو بوغدو…
آنلایارکن خزانلاری
زامان کئچدی، بیز قورودوق
سوسوز قالان آغاجلار تک.
طراوتدن سالدی بیزی،
بیلمم غربت
یوخسا فلک…»
یاندیم آللاه «آذر» آیی بیزه دوشمور...
«آذر» آیی بیزه دوشمور…
ایضاحلار:
*بربرخانا: سلمانی، آرایشگاه
**حیکایهنین سونوندا گلن شعر «حبیب ساهر»ین خزانلار شعریندن گوتورولوب.
قایناق:«ایشیق سایتی»
https://t.me/Adabiyyatsevanlar
گئجه گئج یاتدیغینا بیرآز دا گئج یوخودان آییلدی. همشه کی عادتینه اَلینی گوشیسینه آتیب اینستاگراما کئچدی.
گؤردویو آجی خبردن سان کی دونیا باشینا اوچدو:
«سئودا مؤید» قادین حاقلاری مدافعهچیسی بیر هفتهلیک دوستاقدان آزاد اولدوقدان سونرا، انتحار ائتدی!»
او بیر هفته زینداندا یازیق قیزین باشینا نه گتیرمیشدیلر بئله جاوان جانینا قییمیشدی؟! او کی یاشامدان، طراوتدن، سئوگیدن، اوموددان دولو ایدی؟! او کی هله حیاتدان دویمامیشدی!!
اینانا بیلمیردی، یعنی بیر دونیا اومود بیر جمله ایله بوتون بادا گئتدی می؟!!
اوغلان ایچدن ائله هؤنکوردو، سان کی دئپرم قوپدو…. جانیم سئودام:
«بیر خزاندا
یئتیم قالدیق.
بیر خزاندا
سئودالاندیق.
اَن نهایت
خولیالارین هاواسیندان
قانادلاندیق.
بیر خزاندا
پارلاق قیزیل گونش دوغدو.
بیر خزاندا
بولود گلیب گونو بوغدو…
آنلایارکن خزانلاری
زامان کئچدی، بیز قورودوق
سوسوز قالان آغاجلار تک.
طراوتدن سالدی بیزی،
بیلمم غربت
یوخسا فلک…»
یاندیم آللاه «آذر» آیی بیزه دوشمور...
«آذر» آیی بیزه دوشمور…
ایضاحلار:
*بربرخانا: سلمانی، آرایشگاه
**حیکایهنین سونوندا گلن شعر «حبیب ساهر»ین خزانلار شعریندن گوتورولوب.
قایناق:«ایشیق سایتی»
https://t.me/Adabiyyatsevanlar
Telegram
ادبیات سئونلر
بوکانال ادبیات سئونلر قوروپونون سئچیلمیش اثرلری دیر
کانالدا کی یازیلاری کانالین لینکینی وئرمک شرطی ایله پایلاشماق اولار.
کانالدا کی یازیلاری کانالین لینکینی وئرمک شرطی ایله پایلاشماق اولار.
▪️اوستاد «مفتون امینی»نین خاطیرهسینی عزیزلهییریک
آذربایجان ادبی مدنی درنکلرینین بیانیهسی
حق چای کیمی دریایه آخیب یول تاپاجاقدیر
داش آتماقایله کیمسه اونو چؤندره بیلمز
دونیادا قارانلیقلار اگر جمع اولا باهم
بیر خیرداجا شمعین ایشیغین سؤندوره بیلمز
گؤرکملی اوستاد شاعر «یداله مفتون امینی» عؤمرونون ۹۶نجی ایلینده آذر آیینین ۱۰نجی گونو یاشادیغی تهران شهرینده حیاتلا ابدیلیک وداعلاشدی. عائلهسینین خبر آژانسلارینا وئردییی معلومات اساسیندا، تاسفله اوستاد مفتون اورهک انفارکتی سببیندن حیاتینی ایتیرمیشدیر.
بو یازینین آردینی ادبیات سئونلر کانالیندا اوخویون.
https://t.me/Adabiyyatsevanlar
آذربایجان ادبی مدنی درنکلرینین بیانیهسی
حق چای کیمی دریایه آخیب یول تاپاجاقدیر
داش آتماقایله کیمسه اونو چؤندره بیلمز
دونیادا قارانلیقلار اگر جمع اولا باهم
بیر خیرداجا شمعین ایشیغین سؤندوره بیلمز
گؤرکملی اوستاد شاعر «یداله مفتون امینی» عؤمرونون ۹۶نجی ایلینده آذر آیینین ۱۰نجی گونو یاشادیغی تهران شهرینده حیاتلا ابدیلیک وداعلاشدی. عائلهسینین خبر آژانسلارینا وئردییی معلومات اساسیندا، تاسفله اوستاد مفتون اورهک انفارکتی سببیندن حیاتینی ایتیرمیشدیر.
بو یازینین آردینی ادبیات سئونلر کانالیندا اوخویون.
https://t.me/Adabiyyatsevanlar
▪️اوستاد «مفتون امینی»نین خاطیرهسینی عزیزلهییریک
آذربایجان ادبی مدنی درنکلرینین بیانیهسی
حق چای کیمی دریایه آخیب یول تاپاجاقدیر
داش آتماقایله کیمسه اونو چؤندره بیلمز
دونیادا قارانلیقلار اگر جمع اولا باهم
بیر خیرداجا شمعین ایشیغین سؤندوره بیلمز
گؤرکملی اوستاد شاعر «یداله مفتون امینی» عؤمرونون ۹۶نجی ایلینده آذر آیینین ۱۰نجی گونو یاشادیغی تهران شهرینده حیاتلا ابدیلیک وداعلاشدی. عائلهسینین خبر آژانسلارینا وئردییی معلومات اساسیندا، تاسفله اوستاد مفتون اورهک انفارکتی سببیندن حیاتینی ایتیرمیشدیر.
۱۳۰۵نجی ایلین خرداد آیینین ۲۱ده (سیجیللیسینده ۱۰ بهمن ۱۳۰۲ یازیلیبدیر) «جیغاتی(زرینهرود)» چایینین کناریندا یئرلشن «سایین قالا»نین «هولاسو» کندینده دونیایا گؤز آچان «یداله امینی» ایلک و اورتا تحصیلاتینی تبریزین «تمدن»، «رشدیه» و «فردوسی» مدرسهلرینده، عالی تحصیلاتینی ایسه تهران دانیشگاهینین حقوق فاکولتهسینده بیتیرمیش، ۱۳۲۸دن ۱۳۵۹نجی ایلهدک محکمه حقوقشناسی کیمی فعالیت ائتمیش، ۳۱ ایلدن سونرا تقاعده چیخمیشدیر.
اوستاد «مفتون امینی»نین ایلک شعری ۱۳۲۰نجی ایل فارس دیلینده «راهنمای زندگی» مجلهسینده و ایلک شعر مجموعهسی ایسه ۱۳۳۶نجی ایل «دریاچه» آدیندا «بانک بازرگانی» طرفیندن نشر ائدیلیب، آنجاق اونو اؤلکه مقیاسیندا بیر تعهدلی شاعر کیمی تانیتدیران «شمس» انتشاراتی طرفیندن ۱۳۴۴نجی ایل یاییلان «کولاک» عنوانلی شعر مجموعهسی اولوبدور. اوستاد مفتون بو کیتابین نشری ایله یاناشی تبریز ضیالیلاری او جوملهدن: صمد بهرنگی، بهروز دهقانی، علیرضا نابدل، حسن روزپیکر، بهروز دولتآبادی، غلامحسین فرنود، علی اکبر ترابی، غلامحسین ساعدی و … دیگرلری ایله یاخین دوستلوق و امکداشلیق علاقهسی یاراتمیش و «آدینه مهد آزادی» هفتهلییینده «مفتون» و «م. ا. آذرنگ» امضالاریلا شعرلرینی و تورک شاعری ناظیم حکمت و آذربایجان شاعرلری علیآغا کورچایلی و علیرضا نابدلدن فارس دیلینه ائتدییی ترجمهلرینی نشر ائتمیشدیر.
اوستاد مفتونون حیات و یارادیجیلیغیندا قیرخینجی ایللرین سیاسی – اجتماعی آب و هواسینین دانیلماز تاثیری اولموشدور. بئله کی اونون یارادیجیلیق دؤرورونون دؤنوشلرینی ده همن ایللرین تاثیری کیمی دهیرلندیرمک اولار. شعرلرینین آنا خطینی سوسیال موضوعلار، گلهجهیه اومید و حاقسیزلیقلارا اعتراض دویغولاری تشکیل ائدهن شاعر، سونراکی ایللر: انارستان(۱۳۴۶)، نهنگ یا موج(۱۳۵۷)، فصل پنهان(۱۳۷۰)، یک تاکستان احتمال(۱۳۷۶)، سپیدخوانی روز(۱۳۷۸)، عصرانه در باغ رصدخانه(۱۳۸۳)، بومرنگ(۱۳۸۴)، من و خزان و تو(۱۳۸۵)، شب هزار و دو(۱۳۸۶)، اکنونهای دور(۱۳۸۷)، از پرسه خیال در اطراف وقت سبز(۱۳۸۹)، جشن واژهها و حسّها و حالها(۱۳۹۱)، طلایی، خاکستری، رگبار(۱۳۹۳)، گزینه اشعار(۱۳۹۳)، مستقیم تا نرسیده به صبح(۱۳۹۷) شعر مجموعهلرینی فارس دیلینده، عاشقلی کروان(۱۳۵۸) و آجی چای(۱۳۹۵) عنوانلی شعر مجموعهلرینی ایسه اؤز آنادیلی آذربایجان تورکجهسینده نشر ائتمیشدیر.
اوستاد مفتون امینینین شعرلرینی معاصرلرینین اثرلریندن فرقلندیرن آذربایجان مدنیتی و خالق یارادیجیلیغینین اونون دویغولاری و خاطیرهلرینه دریندن هوپماسیدیر. اوسلوب، دوغما اوبرازلار، ایفاده طرزی و سؤز آهنگی مفتون یارادیجیلیغینین اساس تراوتی و شیرینلیییدیر. بو جهتلر اونون فارسجا شعرلرینه ده اؤز تاثیرینی بوراخمیشدیر و بو دا ایستر ایران مقیاسیندا، ایسترسه آذربایجان ادبی اجتماعیاتینین نظریندن یاندا قالماییبدیر. اوستادین ۷۰ ایللیک ادبی اجتماعی فعالیتینی دهیرلندیرمک مقصدیله ۱۳۹۵نجی ایلین خرداد آییندا، «ساهر ادبی-مدنی درنهیی» و تحریریه هیاتینده یاخیندان امکداشلیق ائتدییی «آذری فصلنامهسی» طرفیندن اوستادین ۹۰ایللیک آد گونو قید ائدیلمیشدیر. بو مراسیمده اوستادین عائله عضولری، یاخین دوستلاری و بیر سیرا آذربایجان یازیچی و شاعرلری اشتراک ائتمیش و اوستاد حاقیندا اؤز اورهک سؤزلرینی سؤیلهمیشلر.
بوگون اوستاد مفتون امینینین بارلی بهرلی عؤمور و یارادیجیلیغینا سون نقطه قویولموشدور. بیزیم اوچون بو بیر آغیر ایتگیدیر. آشاغیدا آدلاری چکیلن آذربایجان ادبی مدنی درنکلرینین امکداشلاری آدیندان اوستادین ایتگیسینی اونون حؤرمتلی عائلهسینه، ادبی مدنی اجتماعیاتیمیزا و اوستادی سئوهن بوتون اینسانلارا باشینیز ساغ اولسون! دئییریک و شرفلی خاطیرهسینی عزیزلهییریک
▫️آذری فصلنامهسی
▫️ساهر ادبی- مدنی درنهیی
▫️صابر ادبی انجومنی
▫️ادبیات سئونلر گروهو
▫️ایشیق – آذربایجان ادبیات و اینجه صنعت سایتی
۱۴۰۱/۰۹/۱۱
https://t.me/Adabiyyatsevanlar
آذربایجان ادبی مدنی درنکلرینین بیانیهسی
حق چای کیمی دریایه آخیب یول تاپاجاقدیر
داش آتماقایله کیمسه اونو چؤندره بیلمز
دونیادا قارانلیقلار اگر جمع اولا باهم
بیر خیرداجا شمعین ایشیغین سؤندوره بیلمز
گؤرکملی اوستاد شاعر «یداله مفتون امینی» عؤمرونون ۹۶نجی ایلینده آذر آیینین ۱۰نجی گونو یاشادیغی تهران شهرینده حیاتلا ابدیلیک وداعلاشدی. عائلهسینین خبر آژانسلارینا وئردییی معلومات اساسیندا، تاسفله اوستاد مفتون اورهک انفارکتی سببیندن حیاتینی ایتیرمیشدیر.
۱۳۰۵نجی ایلین خرداد آیینین ۲۱ده (سیجیللیسینده ۱۰ بهمن ۱۳۰۲ یازیلیبدیر) «جیغاتی(زرینهرود)» چایینین کناریندا یئرلشن «سایین قالا»نین «هولاسو» کندینده دونیایا گؤز آچان «یداله امینی» ایلک و اورتا تحصیلاتینی تبریزین «تمدن»، «رشدیه» و «فردوسی» مدرسهلرینده، عالی تحصیلاتینی ایسه تهران دانیشگاهینین حقوق فاکولتهسینده بیتیرمیش، ۱۳۲۸دن ۱۳۵۹نجی ایلهدک محکمه حقوقشناسی کیمی فعالیت ائتمیش، ۳۱ ایلدن سونرا تقاعده چیخمیشدیر.
اوستاد «مفتون امینی»نین ایلک شعری ۱۳۲۰نجی ایل فارس دیلینده «راهنمای زندگی» مجلهسینده و ایلک شعر مجموعهسی ایسه ۱۳۳۶نجی ایل «دریاچه» آدیندا «بانک بازرگانی» طرفیندن نشر ائدیلیب، آنجاق اونو اؤلکه مقیاسیندا بیر تعهدلی شاعر کیمی تانیتدیران «شمس» انتشاراتی طرفیندن ۱۳۴۴نجی ایل یاییلان «کولاک» عنوانلی شعر مجموعهسی اولوبدور. اوستاد مفتون بو کیتابین نشری ایله یاناشی تبریز ضیالیلاری او جوملهدن: صمد بهرنگی، بهروز دهقانی، علیرضا نابدل، حسن روزپیکر، بهروز دولتآبادی، غلامحسین فرنود، علی اکبر ترابی، غلامحسین ساعدی و … دیگرلری ایله یاخین دوستلوق و امکداشلیق علاقهسی یاراتمیش و «آدینه مهد آزادی» هفتهلییینده «مفتون» و «م. ا. آذرنگ» امضالاریلا شعرلرینی و تورک شاعری ناظیم حکمت و آذربایجان شاعرلری علیآغا کورچایلی و علیرضا نابدلدن فارس دیلینه ائتدییی ترجمهلرینی نشر ائتمیشدیر.
اوستاد مفتونون حیات و یارادیجیلیغیندا قیرخینجی ایللرین سیاسی – اجتماعی آب و هواسینین دانیلماز تاثیری اولموشدور. بئله کی اونون یارادیجیلیق دؤرورونون دؤنوشلرینی ده همن ایللرین تاثیری کیمی دهیرلندیرمک اولار. شعرلرینین آنا خطینی سوسیال موضوعلار، گلهجهیه اومید و حاقسیزلیقلارا اعتراض دویغولاری تشکیل ائدهن شاعر، سونراکی ایللر: انارستان(۱۳۴۶)، نهنگ یا موج(۱۳۵۷)، فصل پنهان(۱۳۷۰)، یک تاکستان احتمال(۱۳۷۶)، سپیدخوانی روز(۱۳۷۸)، عصرانه در باغ رصدخانه(۱۳۸۳)، بومرنگ(۱۳۸۴)، من و خزان و تو(۱۳۸۵)، شب هزار و دو(۱۳۸۶)، اکنونهای دور(۱۳۸۷)، از پرسه خیال در اطراف وقت سبز(۱۳۸۹)، جشن واژهها و حسّها و حالها(۱۳۹۱)، طلایی، خاکستری، رگبار(۱۳۹۳)، گزینه اشعار(۱۳۹۳)، مستقیم تا نرسیده به صبح(۱۳۹۷) شعر مجموعهلرینی فارس دیلینده، عاشقلی کروان(۱۳۵۸) و آجی چای(۱۳۹۵) عنوانلی شعر مجموعهلرینی ایسه اؤز آنادیلی آذربایجان تورکجهسینده نشر ائتمیشدیر.
اوستاد مفتون امینینین شعرلرینی معاصرلرینین اثرلریندن فرقلندیرن آذربایجان مدنیتی و خالق یارادیجیلیغینین اونون دویغولاری و خاطیرهلرینه دریندن هوپماسیدیر. اوسلوب، دوغما اوبرازلار، ایفاده طرزی و سؤز آهنگی مفتون یارادیجیلیغینین اساس تراوتی و شیرینلیییدیر. بو جهتلر اونون فارسجا شعرلرینه ده اؤز تاثیرینی بوراخمیشدیر و بو دا ایستر ایران مقیاسیندا، ایسترسه آذربایجان ادبی اجتماعیاتینین نظریندن یاندا قالماییبدیر. اوستادین ۷۰ ایللیک ادبی اجتماعی فعالیتینی دهیرلندیرمک مقصدیله ۱۳۹۵نجی ایلین خرداد آییندا، «ساهر ادبی-مدنی درنهیی» و تحریریه هیاتینده یاخیندان امکداشلیق ائتدییی «آذری فصلنامهسی» طرفیندن اوستادین ۹۰ایللیک آد گونو قید ائدیلمیشدیر. بو مراسیمده اوستادین عائله عضولری، یاخین دوستلاری و بیر سیرا آذربایجان یازیچی و شاعرلری اشتراک ائتمیش و اوستاد حاقیندا اؤز اورهک سؤزلرینی سؤیلهمیشلر.
بوگون اوستاد مفتون امینینین بارلی بهرلی عؤمور و یارادیجیلیغینا سون نقطه قویولموشدور. بیزیم اوچون بو بیر آغیر ایتگیدیر. آشاغیدا آدلاری چکیلن آذربایجان ادبی مدنی درنکلرینین امکداشلاری آدیندان اوستادین ایتگیسینی اونون حؤرمتلی عائلهسینه، ادبی مدنی اجتماعیاتیمیزا و اوستادی سئوهن بوتون اینسانلارا باشینیز ساغ اولسون! دئییریک و شرفلی خاطیرهسینی عزیزلهییریک
▫️آذری فصلنامهسی
▫️ساهر ادبی- مدنی درنهیی
▫️صابر ادبی انجومنی
▫️ادبیات سئونلر گروهو
▫️ایشیق – آذربایجان ادبیات و اینجه صنعت سایتی
۱۴۰۱/۰۹/۱۱
https://t.me/Adabiyyatsevanlar
Telegram
ادبیات سئونلر
بوکانال ادبیات سئونلر قوروپونون سئچیلمیش اثرلری دیر
کانالدا کی یازیلاری کانالین لینکینی وئرمک شرطی ایله پایلاشماق اولار.
کانالدا کی یازیلاری کانالین لینکینی وئرمک شرطی ایله پایلاشماق اولار.
مراسم تشییع پیکر استاد «یدالله مفتون امینی» شاعر نامدار آذربایجانی
روز یکشنبه 1401/9/13
ساعت 9 صبح از جلوی منزل استاد «مفتون امینی» واقع در: تهران- میدان ونک ، خیابان شهید خدامی - پلاک 74
ساعت 11 صبح در قطعه 111 ردیف 16
شماره 62 بهشت زهرا تهران برگزار میگردد.
https://t.me/Adabiyyatsevanlar
روز یکشنبه 1401/9/13
ساعت 9 صبح از جلوی منزل استاد «مفتون امینی» واقع در: تهران- میدان ونک ، خیابان شهید خدامی - پلاک 74
ساعت 11 صبح در قطعه 111 ردیف 16
شماره 62 بهشت زهرا تهران برگزار میگردد.
https://t.me/Adabiyyatsevanlar
▫️اوستاد "مفتون امینی" نین جنازه سی تورپاغا تاپشیریلدی
آذر آیینین ۱۰نجی گونو یاشادیغی تهران شهرینده حیاتلا ابدیلیک وداعلاشان گؤرکملی اوستاد شاعر «یداله مفتون امینی»نین جنازهسی یکشنبه آذرین ۱۳نجی گونو اؤز ائوینین قارشیسیندان مشایعت اولوب، بهشت زهرا مزارلیغینین ۱۱۱ نومرهلی قطعهسینین ۱۶نجی ردیفینده تورپاغا تاپشیریلدی.
مشایعت مراسیمی عائله عضولریندن علاوه، آذری مجلهسی، ساهر ادبی مدنی درنهیی، ایشیق سایتی و بنیاد فرهنگی مقبرهالشعرای شهریار طرفیندن نمایندهلر کیمی اشتراک ائدهن حسین و یاشار ریاضی، داود محمدی، ائلدار موغانلی، جواد نوروزی، ابراهیم زاهید و اوستادین یاخینلاری و دوستلاری او جوملهدن: فرهاد عابدینی، ابولقاسم ایرانی، مظفر ساوجی، پونه ندایی، مسعود اورنگ و کامیار عابدینینین اشتراکیلا کئچیریلدی. بو مراسیمده اوستاد مفتون حاقیندا اختصارلی دانیشیقلار اولدو و فارس و آذربایجان تورکجهسینده شعرلر اوخوندو.
تورپاغا تاپشیرما مراسیمیایسه همن گون ساعات ۱۲ده بهشت زهرا مزارلیغیندا ادبی درنکلردن آذری، ساهر، صابر، نامه صدیق، ادبیات سئونلر، ایشیق و بنیاد شهریارین یازیچی و شاعر عضولری، اوستادین حؤرمتلی عائلهسی، دوست و تانیشلارینین اشتراکیلا اختصارلی دانیشیقلارلا کئچیریلدی. مراسیمین آپاریجیسی آذری مجلهسینین مسئول مدیری حسین ریاضی اوستاد مفتونون تورپاغا تاپشیرما مراسیمینی خالق شاعری صمد وورغونون مشهور «بیز گلدی گئدریک، سن یاشا دونیا!» شعری ایله آچدی، سونرا اوستادین حاقیندا اورهک سؤزلرینی سؤیلهمک اوچون اشتراکچیلاردان اوستاد اسدالله امرایییه و عائله طرفیندنایسه جناب متینیزادهیه سؤز وئردی. اونلار اوستاد مفتونون حیاتی، شخصیتی و یارادیجیلیغی بارهده اؤز اورهک سؤزلرینی سؤیلهدیلر. تاسفله یاغیش یاغماسی سببیندن نظرده توتولان پروگرام اجرا اولونماییب و اوستادین حاقیندا دانیشماق و شعر اوخوماق ایستهین دیگر اشتراکچیلارین چیخیشلارینا امکان اولمادی. مراسیمده ادبی مدنی درنکلر طرفیندن نمایندهلر کیمی اشتراک ائدن اکبر صالحی(قاداش)، ائلدار صدیق، علی آغگونئیلی، ابراهیم زاهید، آیدین ریاضی، ناصر اسداللهی، ابوترابی و … باشقالارینین چیخیشلاری مومکون اولمادی. بئله قرارا آلینیب کی پنجشنبه آذرین ۱۷نجی گونو آخشام اوستو ساعات ۳ دن ۴:۳۰ قدهر آشاغیداکی عنواندا اوستاد مفتونون خاطیره آخشامی قید ائدیلسین:
تهران – فاز ۲ شهرک غرب، پیروزان جنوبی، شماره ۷۴ سالن خیریه رعد
قایناق: سایت ایشیق
https://t.me/Adabiyyatsevanlar
آذر آیینین ۱۰نجی گونو یاشادیغی تهران شهرینده حیاتلا ابدیلیک وداعلاشان گؤرکملی اوستاد شاعر «یداله مفتون امینی»نین جنازهسی یکشنبه آذرین ۱۳نجی گونو اؤز ائوینین قارشیسیندان مشایعت اولوب، بهشت زهرا مزارلیغینین ۱۱۱ نومرهلی قطعهسینین ۱۶نجی ردیفینده تورپاغا تاپشیریلدی.
مشایعت مراسیمی عائله عضولریندن علاوه، آذری مجلهسی، ساهر ادبی مدنی درنهیی، ایشیق سایتی و بنیاد فرهنگی مقبرهالشعرای شهریار طرفیندن نمایندهلر کیمی اشتراک ائدهن حسین و یاشار ریاضی، داود محمدی، ائلدار موغانلی، جواد نوروزی، ابراهیم زاهید و اوستادین یاخینلاری و دوستلاری او جوملهدن: فرهاد عابدینی، ابولقاسم ایرانی، مظفر ساوجی، پونه ندایی، مسعود اورنگ و کامیار عابدینینین اشتراکیلا کئچیریلدی. بو مراسیمده اوستاد مفتون حاقیندا اختصارلی دانیشیقلار اولدو و فارس و آذربایجان تورکجهسینده شعرلر اوخوندو.
تورپاغا تاپشیرما مراسیمیایسه همن گون ساعات ۱۲ده بهشت زهرا مزارلیغیندا ادبی درنکلردن آذری، ساهر، صابر، نامه صدیق، ادبیات سئونلر، ایشیق و بنیاد شهریارین یازیچی و شاعر عضولری، اوستادین حؤرمتلی عائلهسی، دوست و تانیشلارینین اشتراکیلا اختصارلی دانیشیقلارلا کئچیریلدی. مراسیمین آپاریجیسی آذری مجلهسینین مسئول مدیری حسین ریاضی اوستاد مفتونون تورپاغا تاپشیرما مراسیمینی خالق شاعری صمد وورغونون مشهور «بیز گلدی گئدریک، سن یاشا دونیا!» شعری ایله آچدی، سونرا اوستادین حاقیندا اورهک سؤزلرینی سؤیلهمک اوچون اشتراکچیلاردان اوستاد اسدالله امرایییه و عائله طرفیندنایسه جناب متینیزادهیه سؤز وئردی. اونلار اوستاد مفتونون حیاتی، شخصیتی و یارادیجیلیغی بارهده اؤز اورهک سؤزلرینی سؤیلهدیلر. تاسفله یاغیش یاغماسی سببیندن نظرده توتولان پروگرام اجرا اولونماییب و اوستادین حاقیندا دانیشماق و شعر اوخوماق ایستهین دیگر اشتراکچیلارین چیخیشلارینا امکان اولمادی. مراسیمده ادبی مدنی درنکلر طرفیندن نمایندهلر کیمی اشتراک ائدن اکبر صالحی(قاداش)، ائلدار صدیق، علی آغگونئیلی، ابراهیم زاهید، آیدین ریاضی، ناصر اسداللهی، ابوترابی و … باشقالارینین چیخیشلاری مومکون اولمادی. بئله قرارا آلینیب کی پنجشنبه آذرین ۱۷نجی گونو آخشام اوستو ساعات ۳ دن ۴:۳۰ قدهر آشاغیداکی عنواندا اوستاد مفتونون خاطیره آخشامی قید ائدیلسین:
تهران – فاز ۲ شهرک غرب، پیروزان جنوبی، شماره ۷۴ سالن خیریه رعد
قایناق: سایت ایشیق
https://t.me/Adabiyyatsevanlar
Telegram
ادبیات سئونلر
بوکانال ادبیات سئونلر قوروپونون سئچیلمیش اثرلری دیر
کانالدا کی یازیلاری کانالین لینکینی وئرمک شرطی ایله پایلاشماق اولار.
کانالدا کی یازیلاری کانالین لینکینی وئرمک شرطی ایله پایلاشماق اولار.
اوستاد« مفتون امینی«نین جناره سی تورپاغا تاپیشیریلدی.
تهران : 1401/9/13
بهشت زهرا قطعه111ردیف 16
قایناق: سایت ایشیق
https://t.me/Adabiyyatsevanlar
تهران : 1401/9/13
بهشت زهرا قطعه111ردیف 16
قایناق: سایت ایشیق
https://t.me/Adabiyyatsevanlar