گوزل بالالار نتین شرایطیندن آسلی اولاراق بو هفته ده اوشاق ادبیاتین بوندا آرتیق حاضیرلایا بیلمه دیک
ادبیات سئونلر

اوشاق ادبیاتی
«کارتون»


اوشاق ادبیاتی هرهفته پنجشنبه گونو ادبیات سئونلر کانالیندا  .
اوشاق ادبیاتینا دایر یازیلارینیزی بیزه گوندرین .

https://t.me/Adabiyyatsevanlar

«صالح سجادی»

...پاییزین سون آیی «ششگیلان»دایام
یئنه قارانقوشلار گئدیر سفره
قورو آغاجلاردان، هر یئل اسنده
قیرمیزی یاپراق‌لار تؤکولور یئره

سانکی گؤی اوزونو طیلسیم‌له‌ییب‌لر
نه بیر داملا یاغیش، نه بیر اووج قار
هاوادا بولودلار باروت قوخویور
بیر ایلدیریم چاخسا پارتلایاجاقلار

محاصره‌ده‌ییک، یول‌لار باغلانیب
بیزدن خبرسیزدیر تلویزیون‌لار
آماج‌سیز فیرلانیر خیابان‌لاردا
سیلاح‌سیز عسگرلر، بوش کامیو‌ن‌لار

محاصره‌ده‌ییک، قیتلیق، باهالیق...
محاصره‌ده‌ییک، قارین‌لار بوش‌دور
محاصره‌ده‌ییک، اؤلمک اوزره‌ییک
هر آلتی نفردن بئشی نوخوش‌دور

ششگیلان آغزیندا، چؤرک‌خانادا-
دورموشوق نوبه‌یه، چؤرک آلماغا
محاصره‌ده‌ییک، بوتون ملّت آج
چؤره‌یه اوموروق، دیری قالماغا

اوزاق‌دا، آجلیق‌دان ایت‌لر اولاییر
پوزغون، آج، اومودسیز، دورموشوق صفه
ترسینه بیر شئی وار، بیلمیریک نه‌دیر
او نه‌دیر؟ باخیریق هر بیر طرفه

بیردن، بیری دئییر:آمان آللاهیم-
بو چؤرک‌خانادان اَت اییی گلیر
دوز دئییر، هاوادا اَت قوخوسو وار
قارین قورساقلاری او قوخو دلیر

سئوینجک گیریریک چؤرک‌خانایا...
کیمسه گؤردویونه اینانا بیلمیر
شاطیری آتیب‌لار تندیرده، یانیر
داها بورنوموزا اَت اییی گلمیر

تندیر قیراغیندا بیر قوجا دوروب
بئلینده «موزئر»ی، قاتار فیشنگی
آیاغیندا چکمه، باشیندا پاپاق
چیینینده حماییل«بِرنو» توفنگی

تندیر قیراغیندا اَلی بئلینده
غضبین توپورور، غضبین اودور
باغیرا-باغیرا دئییر:چؤره‌یی-
خلقه باها ساتماق جزاسی بودور.

آداملار چالیشیر بلکه بیر تَهر
تندیری سؤندوروب شاطیری آلسین
او قوجا باغیریر:بودور عدالت
سئومیرسیز؟! من گئتدیم، سیزلره قالسین

قاری‌کؤرپوسونه ساری یول‌لانیر
دوشورم پئشینه گؤرم نه اولور
خیابان بوشالیر گلن-گئدن‌دن
گئت-گئده عسگرله خیابان دولور

باشلاماق اورزه‌دیر دوشمن یوروشو
گولـله‌لر آچیلیر، آتلار کیشنه‌ییر
یانمیش کاغیذ اییی اسیر هاوادا
اود توتموش کلمه‌لر گؤزومه دَییر

بیر یئره گئدیردیم... یادیما گلمیر!
سانکی یئل باشیمین ایچینه گیریب
یئل ائله اسیر کی، بو آخشام چاغی-
بوتون تبریز اهلی یولون ایتیریب

خاقانی آغزی ندا سس‌لر اوجالیر
باش-گؤزو یانان کیم، اَلی یانان کیم
کلمه‌لر قاچیرلار او یان-بو یانا
سینه‌سی یانان کیم، دیلی یانان کیم!

«بی‌آر‌تی» دایانیب او قوجا مینیر
قورخومدان مینیرم من ده آردیجا
بی‌آرتی زیم‌به‌زیم آدام‌دان دولو
یاپیشیب میله‌دن دایانیر قوجا

ساعاتدان گئدیریک شهنازا ساری
پاییز آخشامی‌دیر ایلدیریم چاخیر
بولودلار گؤیلردن ایلدیریم‌لارین-
گوموش سونگو کیمی بئینیمه تاخیر ...

#دان_یولو
#منظوم_رمان
#تبریز

https://t.me/Adabiyyatsevanlar

✍:«میرزا_على‌اكبر_صابر»

"آفرینیم همتِ والای ستارخانه‌دیر"

حال مجذوبوم گؤروب، قاری دئمه دیوانه‌دیر
نعره‌ی شوریده‌می ظنّ ائتمه بیر افسانه‌دیر
شاعرم طبعیم دنیز، شعر تَریم دُردانه‌دیر
بهجتیم- عیشیم- سروریم- وجدیم احرارانه‌دیر
انجذابیم جرعت مردانه‌ی مردانه‌دیر
آفرینیم همت والای ستارخانه‌دیر

تا کی ملت مجمعین تهراندا ویران ائتدیلر
تورک‌لر ستارخان ایله عهد و پیمان ائتدیلر
ظلم و استبداده قارشی نفرت اعلان ائتدیلر
ملته، ملیّته جان نقدی قوربان ائتدیلر
آیه‌ی «ذبح عظیم» اطلاقی اول قوربانه‌دیر
آفرینیم همت والای ستارخانه‌دیر  

حق مددکار اولدو آذربایجان اَتراکینا
آل قاجارین پروتست ائتدیلر ضحاکینا
اوّل شهیدانین سلام اولسون روان پاکینا
کیم تؤکولموش قانلاری تبریز و تهران خاکینا
اونلارین جنت دگیل‌دیر منزلی آیا نه‌دیر
آفرینیم همت والای ستارخانه‌دیر

ایشته ستارخان باخین بیر نوع اقدامات ائدیب
بیر وزیر و شاهی یوخ دنیانی یکسر مات ائدیب
عرض اسلامی وطن ناموسونو یوز قات ائدیب
حرمت -حیثیت، ملیّتین اثبات ائدیب
ایندی دنیانین توجه نقطه‌سى ایرانه‌دیر
آفرینیم همت والای ستارخانه‌دیر

ایندی ستارخان باخین ایرانی احیا ائیله‌دی
تورکلوک، ایرانلی‌لیق تکلیفین ایفا ائیله‌دی
بیر رشادت بیر هنر گؤستردی دعوا ائیله‌دی
دؤلتین بیر عینی‌نی دنیادا روسوا ائیله‌دی
قاچماییب پروانه تک اوددان، دئمه پروانه‌دیر
آفرینیم همت والای ستارخانه‌دیر

آفرین تبریزیان ائتدیز عجب عهده وفا
دوست و دشمن ال چالیب ائیلر سیزه صد مرحبا
چوخ یاشا، دؤلتلی ستارخان افندیم چوخ یاشا
جنّت اعلاده پیغمبر سیزه ائیلر دوعا
چون بو خدمتلر بوتون اسلامه‌دیر، انسانه‌دیر
آفرینیم همت والای ستارخانه‌دیر.

https://t.me/Adabiyyatsevanlar

مهر آینین 28 خالقیمیزین قهرمان اوغلو «ستارخانین» آد گونودور،اونون ابدی خاطیره سینه عشق اولسون دییه «صابرین» ستارخانا حصر ائتدیگی شعیری تقدیم ائدیریک.

https://t.me/Adabiyyatsevanlar

*تزه ناغیل*
*ع. ن. چاپار*


بو ایل قیشی
قاری ننه
کورسو اوسته اوتورداجاق جئیرانینی،
بیر توووندا
موشتلویونه قویا – قویا پاپروسونو
گؤزلریله
بیر هارایا اویار – باخار
«زینب پاشا» ناغیلینی دئیه‌جکدیر قیزلارینا.
هر توووندا
یان با یانا
شکله‌یه‌رک قولاغینی نتیجه‌لر، کؤتوجه‌لر
اؤزلرینی رؤیالاردا
«زینب پاشا» گؤره‌جک‌لر،
دان‌یئری‌نین آمال یوکلو یوللاریندا
شفق‌لره بویلاناراق
گله‌جه‌یین سرحدینی هؤره‌جک‌لر.

اورا بیزیم
هؤرمه ساچلی گؤزه‌ل وطن،
اؤیونوروک اونونلا بیز.
اورا بیزیم
گونش اوزلو سئوگیلیمیز.

۱۴۰۱/۰۷/۲۴ – ماهدشت

https://t.me/Adabiyyatsevanlar

قادین
یاشام
آزادلیق
ایفا ائدیر: اوستاد مسعود امیر سپهر

https://t.me/Adabiyyatsevanlar

«احمد شاملو»
‏دراین سکوت حقیقت ما نهفته است...

رضا براهنی
نیامد
شتاب کردم که آفتاب بیاید نیامد...

https://t.me/Adabiyyatsevanlar

قاشقای ائلی‌نین گؤرکملی تدقیقاتجیسی حیاتلا وداعلاشدی

رسمی خبر آژانسلارینین یایدیغی خبر اساسیندا، قاشقای ائلی‌نین گؤرکملی تدقیقاتجیسی اوستاد «اسدالله مردانی رحیمی» مهر آیی‌نین ۳۰-جی گونو ۷۰ یاشیندایکن حیاتلا ابدی‌لیک وداعلاشمیشدیر.
«اسدالله مردانی رحیمی» ۱۳۳۱-جی ایل قاشقای ائلی‌نین کؤچری طایفالاریندان اولان «رحیملی» طایفاسیندا دونیایا گؤز آچمیش، ابتدایی تحصیلینی «مکتبخانا» و «عشایری مدرسه‌»ده کئچیریب، دوققوزونجو صینیفه قده‌ر شیراز شهرینده اوخویوب، سونرا «دانشسرای عشایری»یه داخیل اولوب تحصیلینی بیتیرمیشدیر. او دانشسرانی بیتیردیکدن سونرا قاشقای ائلی و اؤلکه‌نین جنوب حصه‌لرینده‌کی کندلرده معم‌لیک ائتمیش، بو ایش‌له برابر ریاضی اختصاصیندا دیپلوم و فارس دیلی و ادبیاتی اوزره لیسانس آلمیشدیر؛ راهنمایی و اورتا مکتب سویه‌سینده اوتوز ایل معلیملیکدن سونرا ۱۳۷۹-جی ایل تقاعده چیخمیشدیر.
اوستاد «اسدالله مردانی رحیمی» ۱۳۶۶-جی ایلدن عؤمرونون سونونا قده‌ر قاشقای ائلی‌نین مدنیتی، عنعنعه‌لری و فولکلورو اوزه‌رینده چالیشمیش، اونلاری یایماقدا الیندن گلنی اسیرگمه‌میشدیر. ایلک اثرینی ۱۳۶۸-جی ایل «قاشقای سؤزلوگو» عنوانیندا ۸۷۲ صحیفه‌ده نشره حاضیرلامیشدیر. باشقا اثرلریندن: «فرهنگ لغت ترکی قشقایی- فارسی»، «زبان ترکی و شیوه نگارش آن»، «خود آموز زبان ترکی قشقایی و مبانی دستور آن»، «آتالار سؤزو (ضرب المثلهای ترکی قشـقایی)»، «آساناکلار(ترانه‌های ترکی قشقایی)، و «فرهنگ نام‌های ترکی قشقایی همراه با اسامی ترکی امروزه و قدیمی» کیتابلارینی آد آپارماق اولار.
«ایشیق»- آذربایجان ادبیات و اینجه‌صنعت درگیسی امکداشلاری آدیندان، قاشقای ائلی ادبیات و مدنیتی اوغروندا عؤمرونو صرف ائدن اوستاد اسدالله مردانی رحیمی‌‌نین ایتگیسینی اوستادین حؤرمتلی عائله و دوست تانیشلارینا، قاشقای ائلینه، آذربایجان ادبی مدنی اجتماعیاتینا باش ساغلیغی وئریر و خاطیره‌سینی عزیزله‌ییریک.
«ایشیق» – آذربایجان ادبیات و اینجه‌صنعت درگیسی
۰۱/۰۸/۱۴۰۱

https://t.me/Adabiyyatsevanlar

«فرانک فرید» ایپک

ئله میزیلدانیرام
هر دیله بنزه‌سین دیلیم
باشا دوشن‌لرین
اَلیندن اؤپه‌جه‌یم!

قولاق‌لاری اوخشاییرام، پیچیلداییرام
سسیم اوره‌ییمه قووُشور، اوره‌ییم قانیما
قوشولورام سس‌سیزلییه، سؤزسوزلویه
سوسقون‌لارین اورتاغی تک،
لال‌لارا، دیلسیزلره، دیل آچمایان‌لارا
قوشولورام سؤزلری اولوب، سوسان‌لارا
دیرین دیرین اَسیب دؤزن‌لره
یورولوب سس‌دن دوشن‌لره
سوسورام،
سوسورام،
سوسورام . . .

چیبانیم چیرپینیر، زوقولداییر آنجاق،
زوققو دیلیمده زیققیلدانیر
قوشولورام سیزیلدایان‌لارا
قاچیرام،
قاچیرام،
قاچیرام…

خسته‌خانالاردا دولانیرام
یورقان‌ـ‌‌دؤشک‌لره دوشورم،
دیوارلاردان یاپیشیرام

قووُشورام آجی‌دان بوغولان‌لارا،
قوشولورام باش‌لاری بدن‌لرینه
آغیرلیق ائله‌ییب
باغیران‌لارا!

قوشولورام
سانجی‌دان دوغرانان‌لارا؛ دوغان‌لارا
آنادان اولوب، چیغیران‌لارا!

https://t.me/Adabiyyatsevanlar

‏https://t.me/Adabiyyatsevanlar

شعیر:«کریم قربانزاده»
سس:«سکینه تاران»

https://t.me/Adabiyyatsevanlar

«الیاس علوی»

آی شب، آی شب
من خانه‌ای ندارم
اما دهانم با من است
رو به قلعه‌ی تاریکت می‌ایستم
و فریاد می‌زنم.

نه پرده‌ها
نه پیاله‌ها
نه پاسبانها
پنهانت نمی‌توانند
که صدایم از سنگ می‌گذرد
از سیمان میگذرد
و تا استخوانت تیر می‌کشد
آی شب،
آرام نخواهی خفت.

این خشم
بغض هزار پرنده است
که مجال رها شدن نیافتند
از دایکندی
تا کردستان
از بلخ
تا شیراز
از استانبول
تا پاترا
هزار پرنده اما
رها شده‌اند
آی شب،
آرام نخواهی خفت.

‌https://t.me/Adabiyyatsevanlar

«اولکو_تامر»

گونش توپلا منیم اوچون

سحر یئلی چیخ داغ‌لارا
گونش توپلا منیم اوچون
خبر یئتیر دؤرد دیارا
گونش توپلا منیم اوچون

اومیدلرین آراسیندان
کیرپیک‌لرین قاراسیندان
دؤشده بیچاق یاراسیندان
گونش توپلا منیم اوچون

یازدان، قیشدان، ایلک باهاردان
محبوس‌لاردا دؤرد دوواردان
دولو‌دیزگین¹ سئودالاردان
گونش توپلا منیم اوچون


سحر یئلی یار گؤزوندن
هاواداکی قوش ایزیندن
گئجه‌‌له‌ین گؤی اوزوندن
گونش توپلا منیم اوچون

#اولکو_تامر (۱۹۳۷- ۲۰۱۸. م)
#تورکیه_شعری
اویغونلادان: #ثریا_خلیق_خیاوی
1- دولودیزگین: دؤردنال. بوتون سرعت‌ ایله.

https://t.me/Adabiyyatsevanlar

آذربایجان باشین ساغ اولسون.

آلدیغیمیز آجی خبره گؤره، تانیمیش خواننده «سلیمان عبدالله‌یئو» حیاتا گوز یومدو. او بیزدن آیریلسادا اونودولماز سسی، سسلندیردیگی ماهنیلار بیزایله یاشایاجاق.
ادبیات سئونلر بو کدرلی آیریلیغی آذربایجان موسیقی‌سینه، «سلیمان عبدالله‌یئوین» سئونلرینه باش ساغلیغی وئریر.

https://t.me/Adabiyyatsevanlar

«کریم قربانزاده»

نه یاخجی کی یاغیش یاغیر
یارپاقلار ایسلانیر
قوشلار ایسلانیر
من ایسلانیرام
سن ایسلانیرسان
و کیمسه بیلمیر اوزوموده کی یاش
یاغیشداندیرمی
یا آیرلیقدان.

https://t.me/Adabiyyatsevanlar

بالاما قوربان سئرچه‌لر(‌حئکایه)
✍:«سئوینج ائل سئور»
کؤچورن:« سحرخیاوی»
حاضیرلایان:« ادبیات سئونلر»

ماشین بینامیزا چاتیب دایاناندا، بوتون یایی بیر اودوم سو ایچمک اومودو ایله پنجره‌مه دادانان قوشلاری خاطیرلادیم. ایکی گون ائوده اولمامیشدیم. ایندی یه کیمی دوندورما قابیندا پنجره‌نین آغزینا قویدوغوم سو یا بوخارلانمیشدی، یا دا قوشلار ایچیب قورتارمیشدی. پیلله‌کن لری قاچا- قاچا ایکینجی مرتبه‌یه قالخدیم، آچاری تئز- تلسیک آچار یئرینه سالماغا چالیشدیم، تلسدییمدن ایشیم ترس گلدی، چتینلیک‌له قاپینی آچدیم. بیر باش مطبخین پنجره‌سینه جوموب پرده‌نی آرالادیم. سو قابی بوم- بوش ایدی. آللاه بیلیر سویا گلن نئچه قوش اومودسوز، الی بوش قاییتمیشدی. لیترلیک بانکانی سو ایله دولدوروب قابا تؤکدوم. آنجاق بوندان سونرا چیچکلریمه ده سو وئردیم. چایدانی دولدوروب قایناماغا قویدوم. بوتون بو ایشلری گؤردویوم موددتده اریم‌له اوشاقلاریم اؤزلری ایله داشیییب گتیردیک‌لری اشیالارلا بیرگه ائوه قالخدیلار.
ایکی گونلوک شاهزاده‌لیییم بیتمیشدی، بو ایکی گونده جاوان،...
بو یازینین آردینی ادبیات سئونلر کانالیندا اوخویون.

https://t.me/Adabiyyatsevanlar

بالاما قوربان سئرچه‌لر(‌حئکایه)
✍:«سئوینج ائل سئور»
کؤچورن:« سحرخیاوی»
حاضیرلایان:« ادبیات سئونلر»

ماشین بینامیزا چاتیب دایاناندا، بوتون یایی بیر اودوم سو ایچمک اومودو ایله پنجره‌مه دادانان قوشلاری خاطیرلادیم. ایکی گون ائوده اولمامیشدیم. ایندی یه کیمی دوندورما قابیندا پنجره‌نین آغزینا قویدوغوم سو یا بوخارلانمیشدی، یا دا قوشلار ایچیب قورتارمیشدی. پیلله‌کن لری قاچا- قاچا ایکینجی مرتبه‌یه قالخدیم، آچاری تئز- تلسیک آچار یئرینه سالماغا چالیشدیم، تلسدییمدن ایشیم ترس گلدی، چتینلیک‌له قاپینی آچدیم. بیر باش مطبخین پنجره‌سینه جوموب پرده‌نی آرالادیم. سو قابی بوم- بوش ایدی. آللاه بیلیر سویا گلن نئچه قوش اومودسوز، الی بوش قاییتمیشدی. لیترلیک بانکانی سو ایله دولدوروب قابا تؤکدوم. آنجاق بوندان سونرا چیچکلریمه ده سو وئردیم. چایدانی دولدوروب قایناماغا قویدوم. بوتون بو ایشلری گؤردویوم موددتده اریم‌له اوشاقلاریم اؤزلری ایله داشیییب گتیردیک‌لری اشیالارلا بیرگه ائوه قالخدیلار.
ایکی گونلوک شاهزاده‌لیییم بیتمیشدی، بو ایکی گونده جاوان، قشنگ اوغلانلار قارشیما یئمک دوزموشدولر. اوره‌ییم نه ایسته‌سه بیر گؤز قیرپیمیندا اؤنومه گتیرمیشدیلر. بوردا اوز مطبخیمده آرتیق اؤزوم قوللوق ائله‌ملی یم. تزه‌دن بونا آلیشماق چتین اولاجاقدی. ائوده‌کیلر رایونا گئتمه‌ییمیزی ایسته‌دیکلرینده، ائله همیشه بونا گؤره کؤنولسوز راضیلاشیرام. بیرینجی گونون یاریسی او باشا، ایکینجی گونون یاریسی بو باشا یول چاپیریق، اولوروق یول یورغونو.
بیرجه مطبخدن جانیمی قورتارماغیم خوش اولور... خوش اولور نه دیر ائی...لاپ آدامین اوره‌یینه ساری‌یاغ کیمی یاییلیر. بو ایکی گون بیر گؤز قیرپیمیندا بیتیر، گئری قاییدیرسان و اؤنلویونو(پیش‌بند) گئیینیرسن. شاهزاده‌دن قوللوقچویا دؤنورسن. تلاشلا آخشام یئمه‌یی اوچون اللشیرم... هم ده ایکی گون رایوندا خرجله‌دییمیز پولا گؤره ویجدان عذابی چکیرم. او پولا اوشاقلارین نه قدر دردینی حلّ ائتمک اولاردی. بو واخت تانیش سسلری ائشیدیرم. بوتون یای بو سسلر قولاغیمی اوخشاییب- اوّلجه چؤل گؤیرچینلرینین قورولتوسونو، سونرا سئرچه‌لرین جیویلتیسینی ائشیدیرم. سئوینیرم کی بو دفعه سوسوز قاییتمایاجاقلار. سونرا غفیل یئنه اوشاقلیغیما قاییدیرام و گوناهکارلیق دویغوسو مین‌بیرینجی دفعه باش قالدیریر.
***
ننه‌مین ناغیللاریندا کی آج‌گوز تولکولر کیمی آیلاردیر دیلیمیزه اَت دَیمیردی. ناغیللاردا کی تولکولره اوره‌ییمیز هئچ یانمازدی، اونلارین حیله‌گر قارغالاری توتوب یئیه بیلمه‌دیکلرینه سئوینردیک. همین واختلار بیز اؤزوموز او تولکولرین گونونه دوشموشدوک.
آنام درد ائله‌سه ده، سسینی چیخارمیردی. آنجاق ننه‌م یامان سس- کوی سالیردی. ائله هئی گیلئیله‌نیردی کی، اوشاقلار اَت یئمیر. آرواد او قَدَر تئز- تئز شکایت ائدیردی، اؤزوموز ده اَت یئمه‌سک، خسته‌لنمه‌میزدن قورخماغا باشلامیشدیق. بیر- ایکی دفعه آتام هانسیسا سو کاناللاریندان بالیق توتوب گتیرمیشدی، بیر نئچه دفعه ده دوست- تانیشلاری ایله دووشان اوونا چیخمیشدی. آتامین هئچ توفنگی ده یوخ ایدی. بیلمیرم دووشانی نه جور توتوردو. یقین کی دوستلاری اؤز توتدوقلاریندان آتاما وئریردیلر، آتام دئییردی من وورموشام. اووچو پیریم کیمی ده دوشونه دؤیوردو!!
بیر دفعه چوخ نهنگ دووشان گتیرمیشدی. اونو گولله ایله وورموشدولار. عؤمرومده او بویدا دووشان هئچ جیزگی فیلملرده ده گؤرمه‌میشدیم.  خیالیمدا دا ائله بؤیوک دووشان اولمازدی. یازیق حئیوانجیغاز گؤزلری قاپالی، جانسیز شکیلده یئکه تاسیمیزین ایچینده اوزانمیشدی. یئکه‌لیینه نه قدر حئیرت ائتسم ده، گوزومو چکه بیلمه‌سم ده، اونا باخماق منیمچون آغیر گلیردی، بالاجا اوره‌ییم سیزیم- سیزیم سیزلاییردی.
کاسیبچیلیق ائلنن گلمیشدی. ننه‌م نه قدر دئسه ده کی ائلنن گلن توی- بایرامدیر، بو توی- بایرامین دؤزولمز چتینلیک‌لری وار ایدی.

بو قدر یوخلوغون ایچینده ننه‌م نوه‌لرینی اَتسیز قویماماغا چالیشیرددی. ننه‌مه گؤره اینسان اَت یئمه‌لی ایدی، یوخسا خسته دوشَردی.
آچیق آرتیرمامیزین باش طرفینده‌کی بالاجا مطبخیمیزین پنجره‌سینی داییم آچیق قویوب، قاپینین پرده‌سینی چکیب، پوسوردو. پنجره‌دن آج سئرچه‌لر ایچری گیریر. ننه‌م قاپی- پنجره‌نی اؤرتوب سئرچه‌لری توتوردو. اینسانلار نه قدر آجیدی سا، حئیوانلار دا او قدر آجیدیلار. اینسانلار توخ اولاندا، اینسانلار عالمینده، اونلارین یان- یؤره‌سینده یاشایان قوشلار دا، ایت، پیشیک‌لر ده او قدر توخ اولور. کؤکه‌لیب اَته- جانا دولورلار، خوشبخت اولورلار. ننه‌م دئییردی کی قیتلیغدان بَری یامان دوشوب، حتا سینیخاندان سونرا آداملارین اونا موناسیبتینین دَییشدیینی بئله حیس ائدیب. اوّللر اَتلی- انداملی اولدوغو واختلاردا، سؤزو اؤتکم ایمیش، هامییا، بؤیوک اوغلونا بئله سوز کئچیره بیلیرمیش. ایندی بدنی بالاجالاشدیقجا سوزو کسکردن دوشوب، اؤزو ده حؤرمتدن.

نه گلین‌لری، نه اوغوللاری، نه ده بؤیوک نوه‌لری داها اونو آدام یئرینه قویمور، سایمیرلار. قونوم- قونشولار دا اونا بیر تهر باخیر، تویدا- یاسدا سینیخمیش اوزونه دئییل، اوغلانلارینین اونا یاخشی باخمادیغینا ایهام وورورلار.
ایندی حیطیمیزه بیر قارین یئمک دالیجا گلن پیشیک‌لر کور- پئشمان، الی بوش گئری قاییدیرلار. پیشیک‌لر ننه‌م قدر عاغیللی و تربیت‌لی دئییل‌لر، بعضیلری او قدر اَفَل دیر کی سئرچه ده توتا بیلمیرلر. بوتون گونو اونلارین سئرچه‌لری پوسماغینا، نئجه اوغرون- اوغرون سئرچه‌لره یاخینلاشمالارینا گؤز قویورام.آمما هر دفعه سئرچه‌لره آز قالمیش، سئرچه‌لر دویوب، قاچیب یاخیندا کی آغاجا قونورلار. طبیعی کی بونا سئوینیردیم. آخی جانلارینی قورتارمیش اولوردولار.
ننه‌م توتدوغو سئرچه‌لرین باشینی بیر گؤز قیرپیمیندا اوزوب، توکلرینی یولوب، ایکی بؤلوب و همیشه گاز پیچی‌نین اوستونده ساخلادیغیمیز پاس رنگینده کی قولپلو دمیری، بالون گازی ایله آلیشدیردیغی اودون اوستونه قویوب ایسینمه‌یینی گؤزله‌ییردی. بو دمیرین اوستونده ننه‌م او قدر ات، جییار قیزاردیب بیزه وئرمیشدی کی! هردن باغین کونج- بوجاغیندان گوبه‌لک ده تاپیب قیزاردیردیق. باشقا واختی آنجاق بو دمیر چای دمله‌میه یاراییردی.
ناغیللاردا کی تولکولر قارغالاری اوولاماق ایسته‌ییردیلر. قارغالارین جانی بیزدن قورتارمیشدی. قارغا اَتی یئمک حارام ساییلیردی.
اصلینده بلکه ده عکسینه اولمالی ایدی.
آدام گؤیرچینه نئجه قییار؟!
گؤیرچینین اتی حارام، قارغانین کی حالال اولسا یاخشیدی. آخی گؤزللیگه قییماق آسان دئییل.
ننه‌م سئرچه‌لری توتماق اوچون هر دفعه مطبخین قاپی- پنجره‌سینی باغلایاندا، آللاها یالواریردیم کی، آرواد اونلاری توتا بیلمه‌سین. مطبخین پنجره‌سینین بیر گؤزو سینیب تؤکولموشدو. ننه‌م پرده‌نی برک- برک چکیب پنجره‌نی باغلاسا دا، بعضن قوشلاردان هانسیسا تصادوفن اوردان قاچیب جانینی قورتاریردی. ننه‌م او آن عصبلشیردی. قورخومدان من ده قاپینی آچمیردیم کی، قوش اوچوب جانینی قورتارسین.

ننه‌م بونو بیله- بیله ائله‌دییمی باشا دوشَردی. بلکه منی دؤیردی ده. دوزونو دئییم، بیر نئچه دفعه دؤیولموشدوم. دؤیولمکدن ده یامان قورخوردوم.
سئرچه اتی بیشنده قوخوسو یاییلیردی. اؤنجه آدامین بورنو خوشحاللانیردی، سونرا آغزی سولانیردی، معده‌سی قازینماغا باشلاییردی. او قوخونون قاباغیندا دایانماق هر آدامین ایشی دئییلدی. سئرچه‌لره اوره‌ییم‌ یانسا دا اتلرینی گؤزومه تَپیردیم.
باشلانغیجدا یئمکدن امتناع ائتدیم، دوزونو دئییم چیمچه‌نیردیم، اوره‌ییم گؤتورموردو، آلیشمادیغیم داد ایدی. آنجاق بیر ایکی دفعه یئیه‌ندن سونرا دادینا اؤیرشدیم.
ننه‌م توتدوغو سئرچه‌لرین هامیسینی بیشیریب بیزه یئدیرتمیردی. بیر ده گؤروردون اووجونون ایچینده مؤحکم ساخلادیغی سئرچه‌نی گؤتوروب، تاختادان دوزلتدییی ایستولون اوستونده اوتوردو. نوه‌لرینی یانینا هایلاییب، یان- یانا دوزوردو.
اووجوندا قورخودان اوره‌یی آغزینا گلن بالا سئرچه‌نی بیربیر باشیمیزا توولاییب، دیلینین آلتیندا دوعا ائدیردی:"...بالالاریما گلن قادا- بالانی اؤزو ایله آپارسین. بالالاریمین باش- گؤزونون صاداغاسی اولسون".
ننه‌م بو سؤزلری دئییب اووجونو آچیب، سئرچه‌نی هاوایا بوراخیردی. سئرچه بیر گؤز قیرپیمیندا، گولله کیمی اوچوب یوخا چیخیردی. بو منیم ان چوخ سئودیگیم صحنه ایدی. سونرالار یوخولاریمدا بئله بیر صحنه‌نی تئز- تئز گورردیم:
ننه‌م برک- برک یومدوغو اووجونو باشیما هرله‌ییب سئویملی دوعاسینی پیچیلداییر. همین آنلار منیمچون هم هیجانلی، هم ده سئوینجلی ایدی.
او بالاجا سئرچه‌نین آزادلیق دویغوسونو ائله دریندن حیس ائدیردیم، ائله سئوینیردیم کی! ات یئمک اوچون هئچ اوره‌ییم آتمیر، هئچ واخت سئویندییمی خاطیرلامیردیم. سئرچه اتی اوچون هئچ اوره‌ییم گئتمیردی. ننه‌م قوشلاری توتاندا چوخ کدرلنیردیم. ننه‌م سئرچه‌لری احتیاجدا، بیزی دوشوندویوندن توتماغا مجبور قالیردی. آنجاق بیز هم ده اوشاق ایدیق آخی. اویون آختاریردیق.
اؤزومدن بالاجا قارداشیم غریبه بیر اگلنجه تاپمیشدی. هره‌میز بیر استکان گؤتوروب، آچیق آرتیرمادا کی یئمک ایستولونون اطرافینا دوزولوب، ایستولون اوستونه قونان میلچک‌لری گودوب، پیشیک سئرچه‌نی پوسان کیمی پوسوب، یاواشجا استکانی یاخینلاشدیریب، غفیلدن میلچه‌یی استکانین آلتینا آلیردیق. بئناوا میلچک اوّلجه نه باش وئردیینی آنلامیردی، تهلوکه‌نی آنلایاندا ایسه استکانین ایچینده چیرپینماغا باشلاییردی‌. اؤزونو استکانین اویان بو یانینا چیرپیب خلاص اولماغا چالیشیردی.
اونسوز دا بوتون میلچک‌اری آخیردا آزادلیغا بوراخیردیق. استکانی اهمالجا قالدیریردیق، بونو لاپ یاواش حرکتله ائدیردیک کی، میلچه‌یین سئوینجله اوچوب گئدیشینی گؤره بیلک. قارداشیمدا غدّارلیق دا واریدی. هردن توتدوغو میلچکلرین قانادلارینی قوپاردیردی.

اونون بو حرکتیندن خوشلانماسام دا، قارشیسینی آلاجاق بیر ایش ده گؤرموردوم.
بلکه ده بو باره‌ده اونا بیر سؤز دئمک ساده‌جه عاغلیما گلمیردی.
بیر گون ننه‌م برک خسته‌لندی. یاتاغا دوشدو. آتام بیر حکیم گتیردی، سونرا باشقاسینی گتیردی. حکیملر ننه‌مه باخیب باشلارینی بوللاییب گئدیردیلر.
ائویمیزه آخیشان قونوم- قونشونون، بؤیوکلرین اوز- گؤزوندن، خیسین- خیسین صؤحبتلریندن آنلاییردیق کی، ننه‌مین وضعیتی هئچ یاخشی دئییل.

سئرچه توتماق، ننه‌مین باشینا توولاییب قادا- بالاسینی گؤتورمک، بیزه اولدوقجا چتین گلدی. ننه‌مین سئرچه توتا بیلمه‌سینه حئیرانلیقلا باخیردیق. ال چاتماز، بیر گؤز قیرپیمیندا اوزاغا قونان قوشلاری توتا بیلمه‌سی بیزی مات قویوردو. اودور کی پیشیکلرین بئله الدن قاچیردیغی سئرچه‌لری توتا بیله‌جه‌ییمیز عاغلیمیزین اوجوندان دا کئچمیردی.  باشقالاری دریالاردان قیزیل بالیق توتوب اوندان آرزو دیله‌ینده، بیز ده اومودوموزو میلچه‌یه باغلامیشدیق. قارداشیملا بیرگه آچیق آرتیرمادا کی یئمک ایستولون اوستونده استکانلا میلچک توتماغا چالیشدیق. غریبه‌دیر کی بوتون جهدلریمیز بوشا چیخیردی. همین گون میلچک ده گؤزه آز دَییردی. بلکه ده هاوانین سویوماسینا گؤره بئله اولموشدو. بلکه ده میلچک‌لر بیجله‌شیب یوخسا جَلدلشمیشدیلر. اونلارین سرعتینه چاتا بیلمیردیک. چوخ جهددن سونرا قارداشیم الینده کی استکانی قاپ- قارا، یئکه بیر میلچه‌یین اوستونه ائندیردی. آمما کور طالعی یا نه‌ سیرردن ایدیسه قارداشیم میلچه‌یین بیر قانادینی مؤحکم اَزدی.
توتا بیلدییمیز میلچک ده شیل- کوت اولدو. بیز ایندی بو شکست میلچه‌یی ننه‌مین باشینا توولاییب، اونون ساغالماسینی آرزولایا بیلمه‌یه‌جکدیک. ایکیمیزین ده قانیمیز قارالمیشدی. آز قالیردیق حیرصیمیزدن آغلایاق. غفیلدن ائویمیزین ایچیندن دهشتلی سسلر قوپدو. بیبیمین یانیقلی سسی عالمی باشینا گؤتوردو. ایشین نه یئرده اولدوغونو باشا دوشدوک. ننه‌میز دونیاسینی دییشمیشدی.
بیز آغلاماغا باشلادیق، هم ده باجاریقسیزلیغیمیزا یانیب، ننه‌میزی  ساغالدا بیلمه‌دییمیزه اوزولدوک. ائله بیلیردیک کی میلچک، دوغرودان دا، اونون قادا- بلاسینی گؤتوروب چوخ اوزاغا آپارا بیلر، آنجاق بیر قانادی قیریلماسایدی...
بیر ده بو پئشمانلیق بیزی اوزون موددت ترک ائتمه‌دی: کاش کی ننه‌م سئرچه‌لری توتوب، باشیمیزا توولاییب آزادلیغا بوراخدیغی، باشیمیزین- گؤزوموزون صاداغاسینی اؤزلری ایله آپارماقلارینی دیله‌دییی زامانلاردا، بیز ده ننه‌میز اوچون دوعا ائتسه‌یدیک! کاش بئله گئجیکمه‌سه‌یدیک.

https://t.me/Adabiyyatsevanlar

«ویدا حشمتی»

تانری بویالی ساچلاریم


ساچلاریم...
دوغو یئللرین قانچیللیغی
بولودلارین مانیفئستی
باتی قیزلاری‌نین یاغیش لیریکاسی
گؤزو یاشلی‌دی تئللریم

ساچلاریمدا یئللر اولاییر کندیمی
و هؤروکله‌ییر چایلاقلاری
سو تؤکور قادینلار الیمه
بو منم "ویدا"
بو منم...
بو منم تورکون شئعیر قیزی!

ساچلاریم...
گونش کؤلگه‌لی ساچلاریم

مورگو دؤيور
رؤياسيندا منی تبریز
ایندی شنبه‌دی بیرچکلریم
و بیر سئرچه یووا قورور
منیم
تانری بویالی ساچلاریمدا...

https://t.me/Adabiyyatsevanlar