ادبیات سئونلر

اوشاق ادبیاتی

آذربایجان افسانه لری

سؤیله ین:«صمد بهرنگی - بهروز دهقانی»
چئویرن:«منیژه جم‌نژاد»

نارخاتین ۲

بیرینی یوللادی اوشاقلاری سوروشسون دئیه. گئدیب گؤردولر هر ایکیسی نین ده باشینی کسیبلر. نار خاتینین دا نه اولانلاردان هئچ خبری یوخدو. ننه سی دئدی: هامینین جیبینی آختاراق، کیمین ایشی اولدوغو بیلینر. هامینین جیبینی آختاردیلار، بیر شئی تاپیلمادی. نارخاتینین ننه سی دئدی: نارخاتینین دا جیبینی آختارین. نار خاتین دئدی: مگر آنا اؤز بالالارینین باشینی کسر؟ پادشاه دئدی: گرک آختارالار. نارخاتینین جیبلرینی آختاردیلار، قانلی پیچاق چیخدی. پادشاه غضب لندی، بویوردو نارخاتینین گؤزلرینی چیخاردیلار، اوشاقلارینین دا اؤلوسونو قوجاغینا وئریب شهردن قوودولار. یازیق نار خاتین تک تنها آغلار گؤزلو، اوقدر یئریدی کی بیر خارابایا یئتیشدی. اوتوروب خارابا دا اوقدر آغلادی کی هوشدان گئدیب یوخلادی. یوخودا گؤردو بیری گلدی باشی او٘سته دئدی: نار خاتین نیه آغلیرسان؟ نار خاتین دئدی باخ گور نیه آغلیرام؟! بالالاریمین باشینی کسیبلر، اؤزومونده گوزلریمی چیخاریب شهردن قوووبلار. او کیشی الینی نار خاتینین گؤزلرینه چکیب، اوشاقلاریندا بویون باشینا ال چکیب، بیر آووج قوم اته یینه تؤکوب دئدی: دور! اؤزونده بالالاین دا ساغ سالامات سینیز، دور باخ گور! نار خاتین آییلیب گؤردو اوغلانلاری خارابا دا اویان بویانا قاچیر اویناییرلار، گؤزلری ده آچیلیب، اته یی ده قیزیل جواهر له دولو دو. سئوینیب اوشاقلارینین دا الیندن یاپیشیب گئتدی چولده بیر ائو دو٘زلدیب اوتوردو. قیزیل جواهر لردن د ه نه قدر گؤتوروردو، آزالمیردی. نار خاتین اوشاقلارینی مکتبه گؤندردی. بیر آز بؤیویوب درس اوخودوقدا ، هامان چؤلده بیر قصر دو٘زلتدی یوز کره شاهین قصریندن گوزل! بیر کرپیجی قیزیلدان، بیری گو٘موشدن. اوشاقلار همشه ائولرینین قاباغیندا چؤلده اویناردیلار. پادشاه آوا گئدنده بوردان کئچیب، اوشاقلاری دا، نارخاتینین قصرینی ده گؤرردی. وزیرینه دئیر دی: وزیر گؤر بو گوزل سارای کیمیندی؟ پادشاه اوشاقلاری دا چوخ سئوردی. یولو اوردان دو٘شنده بیر آز اوشاقلار لا دانیشیب کئچردی. بیر گو٘ن نارخاتین اوشاقلارا دئدی: پادشاهی گؤرنده الیندن توتوب ائوه گتیرین. بیر گون پادشاه آوا گئدیردی. اوشاقلار الیندن توتدولار کی حتما گرک بیزه گلسن. پادشاه دئدی: آخی سیزین ائوینیز هارادی؟ اوشاقلار دئدیلر: ائله بو گؤردویون سارای! اوشاقلار چوخ دیرندیلر، پادشاه گئتمه دی. گئتدیلر آوا، وزیر پادشاها دئدی: قبله عالم ساغ اولسون، کئشگه گئدئیدینیز. اوشاقلاری اومسوق قویدونوز. بو دفعه گئدریک. نئچه گون سونرا گئنه اوشاقلار پادشاهین الیندن توتدولار، بو دفعه بوراخماریق گرک بیزه گلسن دئیه. وزیر دئدی: قبله عالم ساغ اولسون، دعوتلرین قایتارمیاق، گئدیب بیر آز اوتوروب دوروب گلریک. پادشاه قبول ائتدی. گئدیب گؤردلر عجب ائودی! عجب دم دستگاهدی! بیر آز اوتوروب گئتمک ایسته دیلر. نارخاتین اوشاقلارینا اؤیرتمیشدی قیزیل چای قاشقی نی پادشاهین باشماغینا قویسونلار، گئدیرکن ده هامینی آختارسینلار. پادشاه لا وزیر گئدیرکن اوشاقلار دئدیلر: پادشاه دؤز! قیزیل قاشقیمیز ایتیب، هامینی آختاراجاغیق. هامینی آختاردیلار، قاشق پادشاهین باشماغیندان چیخدی. پادشاه ال آیاغینی ایتیردی. وزیر دئدی: اوشاقلار پیس دو٘شونمه یین، مگر پادشاه اوغرولوق ائدر؟ نار خاتین پرده دالیندا دورموش قولاق آسیردی، دئدی: اوندا مگر آنا دا بالالارینین باشینی کسر؟ وزیر دئدی: بو نه سوزدو خانیم؟ اوشاقلارین آناسی پرده دالیندان چیخیب دئدی: پادشاه بونلار سنین اوغلانلارین، منده نارخاتین سنین خانیمینام. پادشاهین الی آغزیندا مات قالدی. نارخاتین بیتدن سیرکه یه، باشینا گلنلری دئدی. پادشاه بویوردو نارخاتینین آناسی له دئوی تاپیب اؤلدوردولر.
سون🥀

https://t.me/Adabiyyatsevanlar