اوشاق ادبیاتی
گونهباخان شهری
یازار: سارا طوری
رسّام: نویده زینالی(تانسو)
حاضیرلایان:«ویدا حشمتی»
بیرینجی بؤلوم
گونه باخان شهری،
گونشین بو دونیادا لاپ چوخ سئودیگی شهرلردن بیری ساییلیردی. اونون بوردا چوخلو یولداشلاری واریدی. اوشاقلار، بؤیوکلر، چای-چمنلر، شهری باشدان-باشا بزهین گونهباخانلار گوللری هر سحر گونشه ساری باخیب، گولردیلر. گونش ده، کؤلگهلرده دولانیب یوموشاق ایستیسین اورالار یاییردی. گونهباخاندا ایلین اون ایکی آیی هاوا ایستی اولسا دا، آرا بیر یاغیش یاغیب چؤل-چمنی سوواراردی. آمما اوردا یاشایانلار هئچ واخت قار گؤرمهمیشدیلر. آنجاق اونون تعریفین اوردان-بوردان ائشیتمیشدیلر. ایل به ایل اورالارین یوموشاق هاواسی بیر ده گؤزللیک خبرلری هر یانا یاییلیردی. آداملار، یاخشی یاشاماق اوچون بو یئرلره کؤچوردولر. شهر گونو-گوندن آداملار، آرابالارلا دولوب داشلادی. باغ-باغچالار یاواش-یاواش سؤکولوب، یئرلرینه اوجا داملار تیکیلدی. خیاوانلارین ساکتلیگی گئتدی، دای اوردا های-کوی ترافیک، توستودن نفس چکمک اولموردو. بونلار هامیسی سبب اولدو، ایلدن ایله شهرین گؤزللیگی پوزولسون. باغچالارلا پارکلاردا گونهباخان گوللریندن ساوای کئچمیشدن آیری بیر نم-نیشان قالمامیشدی.
جانیم سیزلره دئسین اهالینین "قار" آرزو-خیالیندان.
اوشاقلار! بئلهلیکله قار-قیشین هوسی یاواش-یاواش اهالینین اورهگینه دولدو. هرگون ائو-ائشیکدن آداملارین ایشی-گوجو قاردان دانیشماق ایدی:
-کاش! قار بورا دا یاغا، بیز ده بیر قیش اوزو گؤرک! اه نمنهدیر. با...! یورولموشوق هر گون بو یای هاواسیندا یاشاماقدان. بئله ده ایش اولار دئییب، شانسسیز اولدوقلارینا دئیینردیلر.
اوشاقلار! گؤیلرده گونش اولمایینجا، شهرین هاواسی دا لاپ قاریشدی. باغچالار، گونهباخان گوللری، چمنلر، آغاجلارین میوهلری بوتون هر شئیی نئچه گونده سارالیب سولدو.
گونهباخاندا هاوالار سویوب، کولک یئللری اسدی. توفان شهرین کوچهلرینده فیرلانیب، توز-توپراغی گؤیه سوووردوقجا بیردن هاوا قارالدی. گئجه-گوندوز اوقدر یاغدی، دام-دوواری قار باسدی. کوچهلردن خییاوانلارا گئت-گل چتینلشدی. اهالی سئوینجدن قاپیلاردا، کوچهلرده قار آداملاری دوزلدیب، آرادا بیر قار توپ اویناییب، بیرلیکده ال-اله یاپیشیب زویوردولر...
آنجاق هامی قارین یاغماق سئوینجی ایله کئچن گونلری، اونلا بیرگه گونشی ده یاددان چیخاردیلار!
آیلار بیر-بیرینین دالیجا گلیب، گئتدی. ایل یاواش-یاواش باشا چاتاندا، اهالی گؤردو! نه گونشدن سس-ساو وار، نه ده چیچکلی یازدان!
قارلی هاوادا یاشاماق چتینلشمیشدی، هامی الین الینه ووروب نئیلهییم-نئجهلهییم دئییردی:
-آللاه بو نه ایشیدی گلدی باشیمیزا؟
اونا گؤره ده آرالاریندا چالیشیردیلار، بیر قورتولوش یولو تاپالار!
سونرا حاضیرلاشیب آغ داغا ساری یولا دوشدولر. بئلهلیکله هم گونشی سوراقلاشیب اونو شهره قایتارالار هم ده داغدا یاشایان " پامبیق ننه" ایله دانشیب، بیر یول-یؤندم تاپالار. اهالی داغا گئدنده، هاوانین قار-سویوغوندان، بیر ده یوللار زویولداق اولدوغو اوچون اوشاقلاری اؤزلری ایله آپارمادیلار! شهرده بیر اوشاق قالدی، بیر ده کوچهلرده اوجا هوندور قار آداملاری!
ایل بویو، قیش هاواسیندا یاغان قاردان گوجلهنیب، بوی آتان بوز هیکللر، اهالینین سؤزلرینی، بیر ده آلدیقلاری قراری ائشیدن چاغ، اورهکلرینه قورخو دوشدو. آرالاریندا:
-آی داد!... وای های!... گؤرهسن نئیلهیک؟ گونش قاییتسا، اونون ایستیسینده اریییب، سو اولاریق! بیر چاره قیلیب اونو بورا قویمامالیییق- دئیه وورنوخوردولار...
او بوز هیکللرین آراسیندا، "قار دامار" دئییلن بیری، یولداشلارینا دئدی: «دوستلار ایندی کی آداملار یوخدو، گلین گونهباخانا یییه دوراق! یاخشی کؤندون تاپمیشیق! هاوا سویوق، هر یان قار-شاختا، لاپ دا ایستهدییمیز یئردیر بورا!»
بو سؤزلری ائشیدن قار آداملار فیکیرلشدیلر! اوردا قالماق ایستهییرلرسه، گرک گونشین گلمهسینه مانع اولالار، آمما بو نئجه اولمالیدیر؟ او آندا "قاچاقاچ" یولدان یئتیشیب، تؤوشویه-تؤوشویه دئدی: «هن یولداشلار! نه اولوب نهدن ییغیشیبسیز بورا؟ شهرده ائله بیل بیزدن سونرا هئچ کیم یوخدو! تئز اولون دئیین گؤروم بس آداملار هارا گئدیبلر؟
قاچاقاچ گزهگن اولدوغو اوچون اوردا باش وئرنلردن خبرسیز ایدی. اونا یولداشلاری، هر شئیی دئییب، بیله سیندن ایستهدیلر او دا بو اولانلار اوچون فیکرینی دئسین. قاچاقاچ اونلارین سؤزلرینه اوجادان گولوب، دئدی «بو موشکولو حل ائلهمهیه راحات بیر یول وار!
"قاردامار" حیرصلی، قاشلارین دویونلهییب، سؤیلهدی:
-اه...تئز اول دئ گؤرک واختیمیز آزدیر!
قاچاقاچ:
-قارا بولودلار. دئیه گؤیو گؤستردی. یولداشلاری تعجبله سوروشدولار:
-بولودلار! اونلارین بو دئدیکلریمیزه نه دخلی وار؟
-سیزجه گؤیده، گونشه هرکسدن یاخین کیمدی؟
هامی سسلهندی:
- بولودلارررر
https://t.me/Adabiyyatsevanlar
گونهباخان شهری
یازار: سارا طوری
رسّام: نویده زینالی(تانسو)
حاضیرلایان:«ویدا حشمتی»
بیرینجی بؤلوم
گونه باخان شهری،
گونشین بو دونیادا لاپ چوخ سئودیگی شهرلردن بیری ساییلیردی. اونون بوردا چوخلو یولداشلاری واریدی. اوشاقلار، بؤیوکلر، چای-چمنلر، شهری باشدان-باشا بزهین گونهباخانلار گوللری هر سحر گونشه ساری باخیب، گولردیلر. گونش ده، کؤلگهلرده دولانیب یوموشاق ایستیسین اورالار یاییردی. گونهباخاندا ایلین اون ایکی آیی هاوا ایستی اولسا دا، آرا بیر یاغیش یاغیب چؤل-چمنی سوواراردی. آمما اوردا یاشایانلار هئچ واخت قار گؤرمهمیشدیلر. آنجاق اونون تعریفین اوردان-بوردان ائشیتمیشدیلر. ایل به ایل اورالارین یوموشاق هاواسی بیر ده گؤزللیک خبرلری هر یانا یاییلیردی. آداملار، یاخشی یاشاماق اوچون بو یئرلره کؤچوردولر. شهر گونو-گوندن آداملار، آرابالارلا دولوب داشلادی. باغ-باغچالار یاواش-یاواش سؤکولوب، یئرلرینه اوجا داملار تیکیلدی. خیاوانلارین ساکتلیگی گئتدی، دای اوردا های-کوی ترافیک، توستودن نفس چکمک اولموردو. بونلار هامیسی سبب اولدو، ایلدن ایله شهرین گؤزللیگی پوزولسون. باغچالارلا پارکلاردا گونهباخان گوللریندن ساوای کئچمیشدن آیری بیر نم-نیشان قالمامیشدی.
جانیم سیزلره دئسین اهالینین "قار" آرزو-خیالیندان.
اوشاقلار! بئلهلیکله قار-قیشین هوسی یاواش-یاواش اهالینین اورهگینه دولدو. هرگون ائو-ائشیکدن آداملارین ایشی-گوجو قاردان دانیشماق ایدی:
-کاش! قار بورا دا یاغا، بیز ده بیر قیش اوزو گؤرک! اه نمنهدیر. با...! یورولموشوق هر گون بو یای هاواسیندا یاشاماقدان. بئله ده ایش اولار دئییب، شانسسیز اولدوقلارینا دئیینردیلر.
اوشاقلار! گؤیلرده گونش اولمایینجا، شهرین هاواسی دا لاپ قاریشدی. باغچالار، گونهباخان گوللری، چمنلر، آغاجلارین میوهلری بوتون هر شئیی نئچه گونده سارالیب سولدو.
گونهباخاندا هاوالار سویوب، کولک یئللری اسدی. توفان شهرین کوچهلرینده فیرلانیب، توز-توپراغی گؤیه سوووردوقجا بیردن هاوا قارالدی. گئجه-گوندوز اوقدر یاغدی، دام-دوواری قار باسدی. کوچهلردن خییاوانلارا گئت-گل چتینلشدی. اهالی سئوینجدن قاپیلاردا، کوچهلرده قار آداملاری دوزلدیب، آرادا بیر قار توپ اویناییب، بیرلیکده ال-اله یاپیشیب زویوردولر...
آنجاق هامی قارین یاغماق سئوینجی ایله کئچن گونلری، اونلا بیرگه گونشی ده یاددان چیخاردیلار!
آیلار بیر-بیرینین دالیجا گلیب، گئتدی. ایل یاواش-یاواش باشا چاتاندا، اهالی گؤردو! نه گونشدن سس-ساو وار، نه ده چیچکلی یازدان!
قارلی هاوادا یاشاماق چتینلشمیشدی، هامی الین الینه ووروب نئیلهییم-نئجهلهییم دئییردی:
-آللاه بو نه ایشیدی گلدی باشیمیزا؟
اونا گؤره ده آرالاریندا چالیشیردیلار، بیر قورتولوش یولو تاپالار!
سونرا حاضیرلاشیب آغ داغا ساری یولا دوشدولر. بئلهلیکله هم گونشی سوراقلاشیب اونو شهره قایتارالار هم ده داغدا یاشایان " پامبیق ننه" ایله دانشیب، بیر یول-یؤندم تاپالار. اهالی داغا گئدنده، هاوانین قار-سویوغوندان، بیر ده یوللار زویولداق اولدوغو اوچون اوشاقلاری اؤزلری ایله آپارمادیلار! شهرده بیر اوشاق قالدی، بیر ده کوچهلرده اوجا هوندور قار آداملاری!
ایل بویو، قیش هاواسیندا یاغان قاردان گوجلهنیب، بوی آتان بوز هیکللر، اهالینین سؤزلرینی، بیر ده آلدیقلاری قراری ائشیدن چاغ، اورهکلرینه قورخو دوشدو. آرالاریندا:
-آی داد!... وای های!... گؤرهسن نئیلهیک؟ گونش قاییتسا، اونون ایستیسینده اریییب، سو اولاریق! بیر چاره قیلیب اونو بورا قویمامالیییق- دئیه وورنوخوردولار...
او بوز هیکللرین آراسیندا، "قار دامار" دئییلن بیری، یولداشلارینا دئدی: «دوستلار ایندی کی آداملار یوخدو، گلین گونهباخانا یییه دوراق! یاخشی کؤندون تاپمیشیق! هاوا سویوق، هر یان قار-شاختا، لاپ دا ایستهدییمیز یئردیر بورا!»
بو سؤزلری ائشیدن قار آداملار فیکیرلشدیلر! اوردا قالماق ایستهییرلرسه، گرک گونشین گلمهسینه مانع اولالار، آمما بو نئجه اولمالیدیر؟ او آندا "قاچاقاچ" یولدان یئتیشیب، تؤوشویه-تؤوشویه دئدی: «هن یولداشلار! نه اولوب نهدن ییغیشیبسیز بورا؟ شهرده ائله بیل بیزدن سونرا هئچ کیم یوخدو! تئز اولون دئیین گؤروم بس آداملار هارا گئدیبلر؟
قاچاقاچ گزهگن اولدوغو اوچون اوردا باش وئرنلردن خبرسیز ایدی. اونا یولداشلاری، هر شئیی دئییب، بیله سیندن ایستهدیلر او دا بو اولانلار اوچون فیکرینی دئسین. قاچاقاچ اونلارین سؤزلرینه اوجادان گولوب، دئدی «بو موشکولو حل ائلهمهیه راحات بیر یول وار!
"قاردامار" حیرصلی، قاشلارین دویونلهییب، سؤیلهدی:
-اه...تئز اول دئ گؤرک واختیمیز آزدیر!
قاچاقاچ:
-قارا بولودلار. دئیه گؤیو گؤستردی. یولداشلاری تعجبله سوروشدولار:
-بولودلار! اونلارین بو دئدیکلریمیزه نه دخلی وار؟
-سیزجه گؤیده، گونشه هرکسدن یاخین کیمدی؟
هامی سسلهندی:
- بولودلارررر
https://t.me/Adabiyyatsevanlar
Telegram
ادبیات سئونلر
بوکانال ادبیات سئونلر قوروپونون سئچیلمیش اثرلری دیر
کانالدا کی یازیلاری کانالین لینکینی وئرمک شرطی ایله پایلاشماق اولار.
کانالدا کی یازیلاری کانالین لینکینی وئرمک شرطی ایله پایلاشماق اولار.
اوشاق ادبیاتی
آذربایجان افسانه لری
سؤیله ین:«صمد بهرنگی - بهروز دهقانی»
چئویرن:« منیژه جمنژاد»
آغ ساققال کئچی۱
🐐 ائشیتمیشم ائله بو اؤز کندیمیزده بیر گون حاجی مهدی آغانین ایتی قوتورلوق توتدو، اؤتوردولر چؤله، سونرا اوبیری کندین کدخوداسینین قوزوسو، سونرا دا اؤز حاجی قاسیمیمیزین ایتی، سونرا دا مشه ممدحسنین بیزووو. بولار چؤلون آراسیندا بیر بیرلرینی تاپدیلار، یولداش اولدولار؛ اوردا بوردا یئییب ایچیب، توتوقلاشدیلار. قوتورلوق دا گئتدی ایشینینه. بیر گئجه "داشلی" اکینینده اوتوروب دانیشیردیلار. گؤردولر اوزاقدان بیر ایشیق گلیر. کئچی آغ ساققال اولدوغوندان دئدی: آخ!...کئشگه بیر قلیان قویایدیق!... اوبیری لر دئدیلر: چتین ایش دئییل. ایت بَی سو گتیرر، بیزوو بَی تانباکی، قوزو بَی ده اود گتیرر، قلیان قویاریق. قوزو بی دوروب اود دالینجا گئتدی. گئتدی، گئتدی، ایشیقلیغا یئتیشیب گؤردو اوهو! اون ایکی قورت اودون دؤوره سینده اوتوروب قیزیشیرلار. قورخدو. سلام، علیک السلام! دئدیلر: قوزو یولداش، سن هارا، بورا هارا؟ قوزو قورخا قورخا دئدی: ...
بویازینین آردینی ادبیات سئونلر کانالیندا اوخویون.
https://t.me/Adabiyyatsevanlar
آذربایجان افسانه لری
سؤیله ین:«صمد بهرنگی - بهروز دهقانی»
چئویرن:« منیژه جمنژاد»
آغ ساققال کئچی۱
🐐 ائشیتمیشم ائله بو اؤز کندیمیزده بیر گون حاجی مهدی آغانین ایتی قوتورلوق توتدو، اؤتوردولر چؤله، سونرا اوبیری کندین کدخوداسینین قوزوسو، سونرا دا اؤز حاجی قاسیمیمیزین ایتی، سونرا دا مشه ممدحسنین بیزووو. بولار چؤلون آراسیندا بیر بیرلرینی تاپدیلار، یولداش اولدولار؛ اوردا بوردا یئییب ایچیب، توتوقلاشدیلار. قوتورلوق دا گئتدی ایشینینه. بیر گئجه "داشلی" اکینینده اوتوروب دانیشیردیلار. گؤردولر اوزاقدان بیر ایشیق گلیر. کئچی آغ ساققال اولدوغوندان دئدی: آخ!...کئشگه بیر قلیان قویایدیق!... اوبیری لر دئدیلر: چتین ایش دئییل. ایت بَی سو گتیرر، بیزوو بَی تانباکی، قوزو بَی ده اود گتیرر، قلیان قویاریق. قوزو بی دوروب اود دالینجا گئتدی. گئتدی، گئتدی، ایشیقلیغا یئتیشیب گؤردو اوهو! اون ایکی قورت اودون دؤوره سینده اوتوروب قیزیشیرلار. قورخدو. سلام، علیک السلام! دئدیلر: قوزو یولداش، سن هارا، بورا هارا؟ قوزو قورخا قورخا دئدی: ...
بویازینین آردینی ادبیات سئونلر کانالیندا اوخویون.
https://t.me/Adabiyyatsevanlar
اوشاق ادبیاتی
آذربایجان افسانه لری
سؤیله ین:» صمد بهرنگی- بهروز دهقانی«
چئویرن:» منیژه جمنژاد«
چوخ بیلمیش اوغلان ایله پادشاهین تنبل قیزی
🧑🏻🦱👩🏻🦱 بیری واریدی، بیری یوخودو. بیر ننه بالا واریدی. بیر گون ننه اوغلونا دئدی: اوغول، نئجه دی اینک لریمیزین بیرینی کسیب، چؤره ک ده پیشیریب، بوتون کند اهلینی قوناق چاغیراق. باهارا دا آللاه کریم دی، آیری اینک یوللار. قیشی دا اونا بونا قوناق اولاریق. اوغلان دئدی: منیم سؤزوم یوخدو، آما باهار دا آللاه اینک یوللاماسا، اؤزووو جوته باغلایاجاغام. آناسی دئدی: اولسون... اینه یی کسیب، کندین هامیسینی قوناق چاغیردیلار. کند اهلی خیرخیراسینا جان یئیب، دویدو. گئدنده دئدیلر: الله عوض وئرسین. او٘چ دورد گون کئچدی. گؤردولر کیمسه بولاری قوناق چاغیرمادی. باهار دا گلدی، آللاه اینک یوللامادی. اوغلان آناسی نی آپاریب باغلادی جوته. او٘چ دؤرد یول گئدیب قاییتدی، گؤردو ایکی کیشی اولارا ساری گلیرلر. اونا یاخینلاشینجا، بیری دئدی: اوغلان نه ایش گؤرورسن؟ بو یازیق آروادی نیه جوته باغلامیسان؟ اوغلان دئدی: سن کیمسن سورغو سوال ائدیرسن؟ کیشی دئدی: من پادشاهام، بودا وزیردی. منیم سو٘رومده بیر هو٘رکک بیزوو وار، بو آروادی بوراخ، گئت اونو گتیر باغلا جوته. اوغلان سئویندی، گئتدی پادشاهین چوبانینین یانینا، فلان بیزووو وئر منه دئدی. پادشاه اؤزو امر ائلییب. چوبان دئدی: اوغلان گئت ایشیوه! بو سن بیلن بیزوو لاردان دئییل. ایپیوی قیرار. اوغلان دئدی: سنین ایشین اولماسین، بیزووو منه گؤستر. چوبان بیزووون نشانه لرین دئییب، یوللادی سورونون آراسینا. اوغلان گئدیب بیزووو تاپدی. توتماق ایسته ینده بیزوو اونا ساری یو٘گوردو. اوغلان ماجال وئرمه ییب، بوینوزلارین برکدن توتوب، گتیریب او بیری اینه یین یانینا باغلادی. صاباح گئنه پادشاه اوردان کئچیردی، گؤردو اوغلان بیزووو یوموشالدیب، اوندان ایش چکیر. دئدی: اوغلان، صاباح گل بیر یوک بوغدا وئریم گتیر اک. صاباح اوغلان جووالی آتدی چیینینه، پادشاهین یانینا گئتدی. نؤبتچی لر یول وئرمه دیلر. پادشاه های کو٘یو ائشیدیب دئدی: قویون گلسین. پادشاهین چوخ گوزل بیر قیزی واریدی. آما چوخ تنبل ایدی. اونو بیر تلیسه باسیب چاتدی اوغلانین چیینینه، یولا سالدی. اوغلان تلیسی ائوه گتیردی. باشین آچاندا پادشاهین قیزینی گؤردو. تئز ننه سینی چاغیردی: ننه گل گؤر! پادشاه بوغدا یئرینه قیزین وئریب. سونرا قیزی اوردا بوراخیب، ایشینه گئتدی. آخشام گلیب گؤردو قیز اصلا یئریندن ترپشمییب. سحر دو٘شدویو یئرده قالیب. او٘چ دورد گون بئله کئچدی. قیز آجیندان اؤلوردو. کیمسه اونا یئمک وئرمیردی. بیر گون آخشام گئنه اوغلان ایشدن گلدی، ننه سیندن سوروشدو: آنا یئمک کیمین حاققیدی؟ ننه سی دئدی: ایشلیه نین. اوغلان دئدی: ننه پادشاهین قیزی گئنه ایشله مییب؟ ننه سی دئدی: نیه، اؤز یان یؤوره سین سو٘پوروب. اوغلان دئدی: اونا بیر آز چوره ک وئر. قیز بس کی آجیدی، چؤرهیی قاپیب یئدی. صاباح دوروب ائوین هر یئرین سو٘پوردو. آخشام اوغلان چؤلدن قاییدیب ننه سیندن سوروشدو: ننه یئمک کیمین حاققیدی؟ ننه سی دئدی: ایشلیه نین. سونرا اوغلان سوروشدو: ننه، بوگون پادشاهین قیزی نئیله ییب؟ ننه سی دئدی: ائوی سیلیب سو٘پوروب. اوغلان دئدی: چاغیر گلسین سوفرا باشینا. قیز گلیب اوتوردو سوفرا باشیندا، دویونجا یئدی. اوندان سونرا داها تنبللیکدن ال چکدی. بیر گون گئنه اوغلان چؤله گئتمیشدی، قیزدا ائوده یو٘ن اییریردی، گؤردو قاپی دؤیولور. گئدیب قاپینی آچدی. پادشاه لا وزیریدی. قیز دئدی: آتا من بو اوغلانی یاخجی تانیرام. ایشله مه سنیز بیر تیکه یاوان چورهک ده سیزه وئرمز. پادشاه دئدی نه ایش گؤرک؟ قیز هره سینین قاباغینا بیر آز یو٘ن قویدو، اوغلان گلنهجه اییرسینلر. پادشاه لا وزیر یو٘ن اییریردیلر، اوغلان گلدی. دئدی: پادشاه قدمین مبارک اولسون! بیزیم ائوه خوش گلمیسن؟ پادشاه دئدی: اوغول گلمیشم قیزیم لا سنی ائولندیرم. راضی سان؟ نه باشیزی آغریدیم، اوغلان قیزلا ائولندی. یئددی گو٘ن یئددی گئجه توی توتوب، شنلیک ائتدیلر. پادشاه لا وزیر ده قویوب گئتدیلر ائو ائشیکلرینه. قیز ایله اوغلان دا ار آرواد اولوب، شیرین زیندگانلیق باشلادیلار.
سون 🦚
https://t.me/Adabiyyatsevanlar
آذربایجان افسانه لری
سؤیله ین:» صمد بهرنگی- بهروز دهقانی«
چئویرن:» منیژه جمنژاد«
چوخ بیلمیش اوغلان ایله پادشاهین تنبل قیزی
🧑🏻🦱👩🏻🦱 بیری واریدی، بیری یوخودو. بیر ننه بالا واریدی. بیر گون ننه اوغلونا دئدی: اوغول، نئجه دی اینک لریمیزین بیرینی کسیب، چؤره ک ده پیشیریب، بوتون کند اهلینی قوناق چاغیراق. باهارا دا آللاه کریم دی، آیری اینک یوللار. قیشی دا اونا بونا قوناق اولاریق. اوغلان دئدی: منیم سؤزوم یوخدو، آما باهار دا آللاه اینک یوللاماسا، اؤزووو جوته باغلایاجاغام. آناسی دئدی: اولسون... اینه یی کسیب، کندین هامیسینی قوناق چاغیردیلار. کند اهلی خیرخیراسینا جان یئیب، دویدو. گئدنده دئدیلر: الله عوض وئرسین. او٘چ دورد گون کئچدی. گؤردولر کیمسه بولاری قوناق چاغیرمادی. باهار دا گلدی، آللاه اینک یوللامادی. اوغلان آناسی نی آپاریب باغلادی جوته. او٘چ دؤرد یول گئدیب قاییتدی، گؤردو ایکی کیشی اولارا ساری گلیرلر. اونا یاخینلاشینجا، بیری دئدی: اوغلان نه ایش گؤرورسن؟ بو یازیق آروادی نیه جوته باغلامیسان؟ اوغلان دئدی: سن کیمسن سورغو سوال ائدیرسن؟ کیشی دئدی: من پادشاهام، بودا وزیردی. منیم سو٘رومده بیر هو٘رکک بیزوو وار، بو آروادی بوراخ، گئت اونو گتیر باغلا جوته. اوغلان سئویندی، گئتدی پادشاهین چوبانینین یانینا، فلان بیزووو وئر منه دئدی. پادشاه اؤزو امر ائلییب. چوبان دئدی: اوغلان گئت ایشیوه! بو سن بیلن بیزوو لاردان دئییل. ایپیوی قیرار. اوغلان دئدی: سنین ایشین اولماسین، بیزووو منه گؤستر. چوبان بیزووون نشانه لرین دئییب، یوللادی سورونون آراسینا. اوغلان گئدیب بیزووو تاپدی. توتماق ایسته ینده بیزوو اونا ساری یو٘گوردو. اوغلان ماجال وئرمه ییب، بوینوزلارین برکدن توتوب، گتیریب او بیری اینه یین یانینا باغلادی. صاباح گئنه پادشاه اوردان کئچیردی، گؤردو اوغلان بیزووو یوموشالدیب، اوندان ایش چکیر. دئدی: اوغلان، صاباح گل بیر یوک بوغدا وئریم گتیر اک. صاباح اوغلان جووالی آتدی چیینینه، پادشاهین یانینا گئتدی. نؤبتچی لر یول وئرمه دیلر. پادشاه های کو٘یو ائشیدیب دئدی: قویون گلسین. پادشاهین چوخ گوزل بیر قیزی واریدی. آما چوخ تنبل ایدی. اونو بیر تلیسه باسیب چاتدی اوغلانین چیینینه، یولا سالدی. اوغلان تلیسی ائوه گتیردی. باشین آچاندا پادشاهین قیزینی گؤردو. تئز ننه سینی چاغیردی: ننه گل گؤر! پادشاه بوغدا یئرینه قیزین وئریب. سونرا قیزی اوردا بوراخیب، ایشینه گئتدی. آخشام گلیب گؤردو قیز اصلا یئریندن ترپشمییب. سحر دو٘شدویو یئرده قالیب. او٘چ دورد گون بئله کئچدی. قیز آجیندان اؤلوردو. کیمسه اونا یئمک وئرمیردی. بیر گون آخشام گئنه اوغلان ایشدن گلدی، ننه سیندن سوروشدو: آنا یئمک کیمین حاققیدی؟ ننه سی دئدی: ایشلیه نین. اوغلان دئدی: ننه پادشاهین قیزی گئنه ایشله مییب؟ ننه سی دئدی: نیه، اؤز یان یؤوره سین سو٘پوروب. اوغلان دئدی: اونا بیر آز چوره ک وئر. قیز بس کی آجیدی، چؤرهیی قاپیب یئدی. صاباح دوروب ائوین هر یئرین سو٘پوردو. آخشام اوغلان چؤلدن قاییدیب ننه سیندن سوروشدو: ننه یئمک کیمین حاققیدی؟ ننه سی دئدی: ایشلیه نین. سونرا اوغلان سوروشدو: ننه، بوگون پادشاهین قیزی نئیله ییب؟ ننه سی دئدی: ائوی سیلیب سو٘پوروب. اوغلان دئدی: چاغیر گلسین سوفرا باشینا. قیز گلیب اوتوردو سوفرا باشیندا، دویونجا یئدی. اوندان سونرا داها تنبللیکدن ال چکدی. بیر گون گئنه اوغلان چؤله گئتمیشدی، قیزدا ائوده یو٘ن اییریردی، گؤردو قاپی دؤیولور. گئدیب قاپینی آچدی. پادشاه لا وزیریدی. قیز دئدی: آتا من بو اوغلانی یاخجی تانیرام. ایشله مه سنیز بیر تیکه یاوان چورهک ده سیزه وئرمز. پادشاه دئدی نه ایش گؤرک؟ قیز هره سینین قاباغینا بیر آز یو٘ن قویدو، اوغلان گلنهجه اییرسینلر. پادشاه لا وزیر یو٘ن اییریردیلر، اوغلان گلدی. دئدی: پادشاه قدمین مبارک اولسون! بیزیم ائوه خوش گلمیسن؟ پادشاه دئدی: اوغول گلمیشم قیزیم لا سنی ائولندیرم. راضی سان؟ نه باشیزی آغریدیم، اوغلان قیزلا ائولندی. یئددی گو٘ن یئددی گئجه توی توتوب، شنلیک ائتدیلر. پادشاه لا وزیر ده قویوب گئتدیلر ائو ائشیکلرینه. قیز ایله اوغلان دا ار آرواد اولوب، شیرین زیندگانلیق باشلادیلار.
سون 🦚
https://t.me/Adabiyyatsevanlar
Telegram
ادبیات سئونلر
بوکانال ادبیات سئونلر قوروپونون سئچیلمیش اثرلری دیر
کانالدا کی یازیلاری کانالین لینکینی وئرمک شرطی ایله پایلاشماق اولار.
کانالدا کی یازیلاری کانالین لینکینی وئرمک شرطی ایله پایلاشماق اولار.
Media is too big
VIEW IN TELEGRAM
اوشاق ادبیاتی
«کارتون»
اوشاق ادبیاتی هرهفته پنجشنبه گونو ادبیات سئونلر کانالیندا .
اوشاق ادبیاتینا دایر یازیلارینیزی بیزه گوندرین .
https://t.me/Adabiyyatsevanlar
«کارتون»
اوشاق ادبیاتی هرهفته پنجشنبه گونو ادبیات سئونلر کانالیندا .
اوشاق ادبیاتینا دایر یازیلارینیزی بیزه گوندرین .
https://t.me/Adabiyyatsevanlar
اوشاق ادبیاتی
کربلا بیلطی ایکی میلیون
بیرینجی صنیفین کیتاب دفتری میلیون یاریم...
https://t.me/Adabiyyatsevanlar
کربلا بیلطی ایکی میلیون
بیرینجی صنیفین کیتاب دفتری میلیون یاریم...
https://t.me/Adabiyyatsevanlar
یدالله رویایی 1401-1311
یدالله رویایی درگذشت.
یدالله رویایی، مشهور به "رویا"، زاده ۱۷ اردیبهشت ۱۳۱۱ در دامغان بود.
از آثار او میتوان به «برجادههای تهی»، «شعرهای دریایی»، «دلتنگیها»، «از دوستت دارم»، «لبریختهها»، «هفتاد سنگ قبر»، «منِ گذشته امضا»، «درجستجوی آن لغتِ تنها»، «هلاک عقل به وقت اندیشیدن»، «از سکوی سرخ، یا «مسائل شعر»، «عبارت از چیست؟» و «چهره پنهان حرف» نام برد.
https://t.me/Adabiyyatsevanlar
یدالله رویایی درگذشت.
یدالله رویایی، مشهور به "رویا"، زاده ۱۷ اردیبهشت ۱۳۱۱ در دامغان بود.
از آثار او میتوان به «برجادههای تهی»، «شعرهای دریایی»، «دلتنگیها»، «از دوستت دارم»، «لبریختهها»، «هفتاد سنگ قبر»، «منِ گذشته امضا»، «درجستجوی آن لغتِ تنها»، «هلاک عقل به وقت اندیشیدن»، «از سکوی سرخ، یا «مسائل شعر»، «عبارت از چیست؟» و «چهره پنهان حرف» نام برد.
https://t.me/Adabiyyatsevanlar
شعر:«یدالله رویایی»
ترجمه:« مریم قربان زاده»
بیر دسته گول ایدی سسسیزلیک
آراسیندا قیرتلاغیمین .
آچیق کیپریکلرینله منیم اؤپوجویومون اسینتیسی ایدی
ساحیلین ماهنی سی.
یوزلرجه سسین یوواسیندا داغیناق ایدی،
کوله یین قوشو سولاردا.
دؤزومسوز ایدی قوش،
سولاردا.
گؤی گورولتوسونون یاش سسی،
و ایشیق، ایلدیریمین ایسلاق ایشیغی
گوزگو دوزنله دی سودا
ایشیقلی چرچیوه لی دنیز آلوولاری وار ایدی.
اودویلا توستو اولدولار
قوشو کوله یین،
کیپریکلرین له
اؤپوجویون اسینتیسی.
بیر دسته گول ایدی سسسیزلیک
آراسیندا قیرتلاغیمین.
https://t.me/Adabiyyatsevanlar
ترجمه:« مریم قربان زاده»
بیر دسته گول ایدی سسسیزلیک
آراسیندا قیرتلاغیمین .
آچیق کیپریکلرینله منیم اؤپوجویومون اسینتیسی ایدی
ساحیلین ماهنی سی.
یوزلرجه سسین یوواسیندا داغیناق ایدی،
کوله یین قوشو سولاردا.
دؤزومسوز ایدی قوش،
سولاردا.
گؤی گورولتوسونون یاش سسی،
و ایشیق، ایلدیریمین ایسلاق ایشیغی
گوزگو دوزنله دی سودا
ایشیقلی چرچیوه لی دنیز آلوولاری وار ایدی.
اودویلا توستو اولدولار
قوشو کوله یین،
کیپریکلرین له
اؤپوجویون اسینتیسی.
بیر دسته گول ایدی سسسیزلیک
آراسیندا قیرتلاغیمین.
https://t.me/Adabiyyatsevanlar
Telegram
ادبیات سئونلر
بوکانال ادبیات سئونلر قوروپونون سئچیلمیش اثرلری دیر
کانالدا کی یازیلاری کانالین لینکینی وئرمک شرطی ایله پایلاشماق اولار.
کانالدا کی یازیلاری کانالین لینکینی وئرمک شرطی ایله پایلاشماق اولار.
اوستاد «میر علی سید سلامت» ادبیات سئونلر گوزگوسونده
زمان: بو گئجه سه شنبه1401/6/29
ساعات: 21
قونو: یاشام، دیل، اسطوره لرهاردان باشلانیر...
فیلمی چکیب حاضیرلایان:«مرجان منافزاده»
آپاریجی:«کریم قربانزاده»
https://t.me/Adabiyyatsevanlar
زمان: بو گئجه سه شنبه1401/6/29
ساعات: 21
قونو: یاشام، دیل، اسطوره لرهاردان باشلانیر...
فیلمی چکیب حاضیرلایان:«مرجان منافزاده»
آپاریجی:«کریم قربانزاده»
https://t.me/Adabiyyatsevanlar
«کریم گول اندام»
دورنالار -
بیاض بولودلاردا ايپک چترینی
سونسوز ماویلره آچان دورنالار!
غوربتده ایتیردیم بیر گول عطرینی!
دوغما ایقلیملره اوچان دورنالار.
بلکه ده اورمونون گؤلو یوخ اولدو!!
بیر ده دؤنهجکسیز هاچان دورنالار؟
ائی ساری دومدوکلو،قیرمیزی باشلی،
ائی قارا باجاقلی،ائی قلم قاشلی،
ائی اوجا قامتلی،ائی اوزون یاشلی.
منزیلدن-منزیله چاتان دورنالار،
گلین قوروتدولار اورمو گؤلونو!!
بیر ده دؤنهجکسیز هاچان دورنار
یورغون-یورغون چاتیب غوربت ائلیندن
بیر نیشان گؤرمهدی اورمو گؤلوندن!!
بیر تئلک یادیگار آتدی تئلیندن،
سئوگیلیم یوردوندان چاتان دورنالار!
بیزیم سمالاردان قیی ووروب،کئچدیز،
بیر ده دؤنهجکسیز هاچان دورنالار؟
ایللر مئیلین سالمیش اورمو گؤلونه،
ایپک دالغالارین مینمیش بئلینه!
بیر آز دا دوز سپمیش بیاض تئلینه،
آغیر دالغالاردا قاچان دورنالار!
بوایل بیزده قوناق قالا بیلمه دیز
بیر ده دؤنهجکسیز هاچان دورنالار؟
بیر یووانیز قالدی دوزلار ایچینده!!
یولونوز نورلو اولدوزلار ایچینده،
سئوگیلیمه بنزر قیزلار ایچینده!
بو ائلدن-او ائله کؤچن دورنالار!
منیم اورمو گؤلوم بوردا جان وئریر
بیر ده دؤنهجکسیز هاچان دورنالار؟
ماوی اوفوقلرده قوللار آچارسیز،
سینیردان –سینیرا یوللار آچارسیز،
آخشام اوستو یورغون-یورغون اوچارسیز!
سینه-سینه گونش ساچان دورنالار!
سیز گلنه قالماز بو اورمو گؤلو!!
بیرده دؤنهجکسیز هاچان دورنالار؟
من ایللر باغیردیم اونوم* یئتمهدی!!
*ساغیر قولاقلارا سسیم گئتمهدی!!
بو آجی فاجعه بوردا بیتمهدی
بیز ده محو اولاریق گومان دورنالار!
داها گؤروشمهیه مجال قالمادی !
بیرد ده دؤنهجکسیز هاچان دورنالار؟؟
اورمو -۱۳۸۹
*اون:سس،باغيرتی،فرياد
https://t.me/Adabiyyatsevanlar
.
دورنالار -
بیاض بولودلاردا ايپک چترینی
سونسوز ماویلره آچان دورنالار!
غوربتده ایتیردیم بیر گول عطرینی!
دوغما ایقلیملره اوچان دورنالار.
بلکه ده اورمونون گؤلو یوخ اولدو!!
بیر ده دؤنهجکسیز هاچان دورنالار؟
ائی ساری دومدوکلو،قیرمیزی باشلی،
ائی قارا باجاقلی،ائی قلم قاشلی،
ائی اوجا قامتلی،ائی اوزون یاشلی.
منزیلدن-منزیله چاتان دورنالار،
گلین قوروتدولار اورمو گؤلونو!!
بیر ده دؤنهجکسیز هاچان دورنار
یورغون-یورغون چاتیب غوربت ائلیندن
بیر نیشان گؤرمهدی اورمو گؤلوندن!!
بیر تئلک یادیگار آتدی تئلیندن،
سئوگیلیم یوردوندان چاتان دورنالار!
بیزیم سمالاردان قیی ووروب،کئچدیز،
بیر ده دؤنهجکسیز هاچان دورنالار؟
ایللر مئیلین سالمیش اورمو گؤلونه،
ایپک دالغالارین مینمیش بئلینه!
بیر آز دا دوز سپمیش بیاض تئلینه،
آغیر دالغالاردا قاچان دورنالار!
بوایل بیزده قوناق قالا بیلمه دیز
بیر ده دؤنهجکسیز هاچان دورنالار؟
بیر یووانیز قالدی دوزلار ایچینده!!
یولونوز نورلو اولدوزلار ایچینده،
سئوگیلیمه بنزر قیزلار ایچینده!
بو ائلدن-او ائله کؤچن دورنالار!
منیم اورمو گؤلوم بوردا جان وئریر
بیر ده دؤنهجکسیز هاچان دورنالار؟
ماوی اوفوقلرده قوللار آچارسیز،
سینیردان –سینیرا یوللار آچارسیز،
آخشام اوستو یورغون-یورغون اوچارسیز!
سینه-سینه گونش ساچان دورنالار!
سیز گلنه قالماز بو اورمو گؤلو!!
بیرده دؤنهجکسیز هاچان دورنالار؟
من ایللر باغیردیم اونوم* یئتمهدی!!
*ساغیر قولاقلارا سسیم گئتمهدی!!
بو آجی فاجعه بوردا بیتمهدی
بیز ده محو اولاریق گومان دورنالار!
داها گؤروشمهیه مجال قالمادی !
بیرد ده دؤنهجکسیز هاچان دورنالار؟؟
اورمو -۱۳۸۹
*اون:سس،باغيرتی،فرياد
https://t.me/Adabiyyatsevanlar
.
Telegram
ادبیات سئونلر
بوکانال ادبیات سئونلر قوروپونون سئچیلمیش اثرلری دیر
کانالدا کی یازیلاری کانالین لینکینی وئرمک شرطی ایله پایلاشماق اولار.
کانالدا کی یازیلاری کانالین لینکینی وئرمک شرطی ایله پایلاشماق اولار.
«سحر_خیاوی»
غزل
هر قَدر اوزون چکسهده، چکسین بو قارانلیق
بیر گون آغارار دان، یئتیشر بیر ده تورانلیق
دین کؤینهیی گئیمیش، مؤهور آلنیندا خوارج
رُسوا اولاجاق، نیزهیه لاپ تاخسا قورآنلیق
بیر گون گولهجک آل گونَشین ذیروهلریندن
قیش گئتمهلیدیر، قالمیاجاق کی بو بورانلیق
عشق عطری یاغاندا، یویونارسان یاغیشیندا
قورخما، یویولار یئر قوووران سَملی شورانلیق
بو دیرناق اَزَن داش-قایالار فتح اولاجاقلار
بیر گون بورونَر گول-چیچگه غملی آرانلیق
قیزلار باخاجاق باغچا- باغا پنجرهلردن
آباد اولاجاق اللریمیزله بو وئرانلیق
جان، آغلاما جان، یولدا ظفر بایرامیمیز وار
یوم گؤزلرینی، تصویر ائله شوقی بیر آنلیق
https://t.me/Adabiyyatsevanlar
غزل
هر قَدر اوزون چکسهده، چکسین بو قارانلیق
بیر گون آغارار دان، یئتیشر بیر ده تورانلیق
دین کؤینهیی گئیمیش، مؤهور آلنیندا خوارج
رُسوا اولاجاق، نیزهیه لاپ تاخسا قورآنلیق
بیر گون گولهجک آل گونَشین ذیروهلریندن
قیش گئتمهلیدیر، قالمیاجاق کی بو بورانلیق
عشق عطری یاغاندا، یویونارسان یاغیشیندا
قورخما، یویولار یئر قوووران سَملی شورانلیق
بو دیرناق اَزَن داش-قایالار فتح اولاجاقلار
بیر گون بورونَر گول-چیچگه غملی آرانلیق
قیزلار باخاجاق باغچا- باغا پنجرهلردن
آباد اولاجاق اللریمیزله بو وئرانلیق
جان، آغلاما جان، یولدا ظفر بایرامیمیز وار
یوم گؤزلرینی، تصویر ائله شوقی بیر آنلیق
https://t.me/Adabiyyatsevanlar
Telegram
ادبیات سئونلر
بوکانال ادبیات سئونلر قوروپونون سئچیلمیش اثرلری دیر
کانالدا کی یازیلاری کانالین لینکینی وئرمک شرطی ایله پایلاشماق اولار.
کانالدا کی یازیلاری کانالین لینکینی وئرمک شرطی ایله پایلاشماق اولار.
«کریم قربانزاده»
کیمین دردینه آغلایاق؟
هانسی یارانی باغلایاق؟
«زهرا»
«مهسا»
«دختر آبی»...!
هانسی کسیک باشا،
باشیمیزا النمیش هانسی داشا آغلایاق؟!
بو قیرغین هاردان دوشوب وطنه؟
صاباح کیمی بورویهجهییک کفنه؟!
دؤرد تئلین ائشییه چیخماغینا،
کیمی اؤلدورهجهییک؟!
کیمی داش قالاق،
کیمی دوستاق ائدهجهییک؟!
کیمین اوزونه آسئت سپییب، آلولاندیراجاغیق؟
کیمی یاندیراجاغیق؟!
هانسی آنانی آغلار قویاجاغیق؟
هانسی اورهکلره داغلار قویاجاغیق؟!
بیز چوخداندیر اؤلموشوک؛
گؤرمورسونوز قانی سوزولموش یارالاری؟!
دیریمیزه رحم ائلهمهدینیز،
اؤلوموزو بوراخین باری!
https://t.me/Adabiyyatsevanlar
کیمین دردینه آغلایاق؟
هانسی یارانی باغلایاق؟
«زهرا»
«مهسا»
«دختر آبی»...!
هانسی کسیک باشا،
باشیمیزا النمیش هانسی داشا آغلایاق؟!
بو قیرغین هاردان دوشوب وطنه؟
صاباح کیمی بورویهجهییک کفنه؟!
دؤرد تئلین ائشییه چیخماغینا،
کیمی اؤلدورهجهییک؟!
کیمی داش قالاق،
کیمی دوستاق ائدهجهییک؟!
کیمین اوزونه آسئت سپییب، آلولاندیراجاغیق؟
کیمی یاندیراجاغیق؟!
هانسی آنانی آغلار قویاجاغیق؟
هانسی اورهکلره داغلار قویاجاغیق؟!
بیز چوخداندیر اؤلموشوک؛
گؤرمورسونوز قانی سوزولموش یارالاری؟!
دیریمیزه رحم ائلهمهدینیز،
اؤلوموزو بوراخین باری!
https://t.me/Adabiyyatsevanlar
Telegram
ادبیات سئونلر
بوکانال ادبیات سئونلر قوروپونون سئچیلمیش اثرلری دیر
کانالدا کی یازیلاری کانالین لینکینی وئرمک شرطی ایله پایلاشماق اولار.
کانالدا کی یازیلاری کانالین لینکینی وئرمک شرطی ایله پایلاشماق اولار.
«ویدا حشمتی»
کئشگه اولمایایدی بو حارام ساچلاریم
دئپرمین، قوراقلیغین،
باهالیغین، اوغرولوغون سببی.
سوچلو ساچلاریم ایمیش
بونلار اولماسایدی،
نه بئکارلیق اولاردی،
نه آداخلی قیزلار
زیبیل قابی دولوسو چؤرهک گؤرردیلر
من کی دئییرم جهننمین تاخدالانایدی قاپیسی...
آمما یوخ جهننم فحلهلری ده بئکار قالماسین!
https://t.me/Adabiyyatsevanlar
کئشگه اولمایایدی بو حارام ساچلاریم
دئپرمین، قوراقلیغین،
باهالیغین، اوغرولوغون سببی.
سوچلو ساچلاریم ایمیش
بونلار اولماسایدی،
نه بئکارلیق اولاردی،
نه آداخلی قیزلار
زیبیل قابی دولوسو چؤرهک گؤرردیلر
من کی دئییرم جهننمین تاخدالانایدی قاپیسی...
آمما یوخ جهننم فحلهلری ده بئکار قالماسین!
https://t.me/Adabiyyatsevanlar
Telegram
ادبیات سئونلر
بوکانال ادبیات سئونلر قوروپونون سئچیلمیش اثرلری دیر
کانالدا کی یازیلاری کانالین لینکینی وئرمک شرطی ایله پایلاشماق اولار.
کانالدا کی یازیلاری کانالین لینکینی وئرمک شرطی ایله پایلاشماق اولار.
«عدالت امی» دومان
سؤز
سینه می یاندیریر ییغیلان سؤزلر
نه گره ک زورونان دوغولان سؤزه
نه چوخ بورولغاندا بوغولان سؤزلر
اومید اللرینی اوزادیر بیزه
بیرجه سؤز اؤلومدن آلارسا شاعیر
او سؤز ده یاشادار مین ایل شاعیری
سؤزون اؤره یینه دولارسا شاعیر
البت ده اولاجاق کؤنول شاعیری
سؤزون قایغیسینی نازینی چکسن
سؤز اؤزو دوزولوب شعیرین اولاجاق
نه قده ر معنانی سن اوزه چکسن
شعیرین ده او قده ر درین اولاجاق
اولدوزلو گؤیلرده قول قانادیمیز
یئرین باغرینداکی کؤکوموزدو سؤز
بو گون حیاتیمیز آغیز دادیمیز
دونندن صاباحا یوکوموزدو سؤز
https://t.me/Adabiyyatsevanlar
سؤز
سینه می یاندیریر ییغیلان سؤزلر
نه گره ک زورونان دوغولان سؤزه
نه چوخ بورولغاندا بوغولان سؤزلر
اومید اللرینی اوزادیر بیزه
بیرجه سؤز اؤلومدن آلارسا شاعیر
او سؤز ده یاشادار مین ایل شاعیری
سؤزون اؤره یینه دولارسا شاعیر
البت ده اولاجاق کؤنول شاعیری
سؤزون قایغیسینی نازینی چکسن
سؤز اؤزو دوزولوب شعیرین اولاجاق
نه قده ر معنانی سن اوزه چکسن
شعیرین ده او قده ر درین اولاجاق
اولدوزلو گؤیلرده قول قانادیمیز
یئرین باغرینداکی کؤکوموزدو سؤز
بو گون حیاتیمیز آغیز دادیمیز
دونندن صاباحا یوکوموزدو سؤز
https://t.me/Adabiyyatsevanlar
Forwarded from ادبیات سئونلر
گفتگو با پروفسور محمد حریری اکبری
محمد حریری اکبری متولد سال 1322 در تبریز است. او فارغالتحصیل مقطع کارشناسی رشتهٔ علوم اقتصادی و سیاسی از دانشگاه ملی ایران در سال 1348، کارشناسیارشد علوم سیاسی همان دانشگاه در سال 1358 و دكتری رشتهٔ علوم اجتماعی از دانشكدهٔ ماكسول دانشگاه سيراكيوز نيويورك در سال 1362 است. وی در حال حاضر استاد بازنشسته گروه علوم اجتماعی دانشگاه تبريز است. وی کتابهای زیادی تالیف و ترجمه کرده و مقالات بی شماری در مجلات علمی داخلی و خارجی به چاپ رسانده است. ایشان یکی از مشاهیر زنده آذربایجان هستند.
دعوت می کنیم به این گفتگو در مورد کتاب تازه چاپ شده ایشان به نام «هفت مقاله در زمینه ادبیات آذربایجان» و همچنین زندگی و اشعار استاد شهریار بخصوص منظومه سهندیه توجه فرمایید.
قایناق: انجمن نویسندگان تبریز
https://t.me/Adabiyyatsevanlar
محمد حریری اکبری متولد سال 1322 در تبریز است. او فارغالتحصیل مقطع کارشناسی رشتهٔ علوم اقتصادی و سیاسی از دانشگاه ملی ایران در سال 1348، کارشناسیارشد علوم سیاسی همان دانشگاه در سال 1358 و دكتری رشتهٔ علوم اجتماعی از دانشكدهٔ ماكسول دانشگاه سيراكيوز نيويورك در سال 1362 است. وی در حال حاضر استاد بازنشسته گروه علوم اجتماعی دانشگاه تبريز است. وی کتابهای زیادی تالیف و ترجمه کرده و مقالات بی شماری در مجلات علمی داخلی و خارجی به چاپ رسانده است. ایشان یکی از مشاهیر زنده آذربایجان هستند.
دعوت می کنیم به این گفتگو در مورد کتاب تازه چاپ شده ایشان به نام «هفت مقاله در زمینه ادبیات آذربایجان» و همچنین زندگی و اشعار استاد شهریار بخصوص منظومه سهندیه توجه فرمایید.
قایناق: انجمن نویسندگان تبریز
https://t.me/Adabiyyatsevanlar
Telegram
ادبیات سئونلر
بوکانال ادبیات سئونلر قوروپونون سئچیلمیش اثرلری دیر
کانالدا کی یازیلاری کانالین لینکینی وئرمک شرطی ایله پایلاشماق اولار.
کانالدا کی یازیلاری کانالین لینکینی وئرمک شرطی ایله پایلاشماق اولار.