اوشاق ادبیاتی

بیر نفر اون و بال آلمیشدی، مئشه ‎یه گئدیردی.
سوروشدولارکی: «اوردا نه ایشین وار؟»
دئییر: مئشه ‎ده “آیی”( خرس) توتماغا گئدیرم.
سوروشدولار: «نییه بال آپاریرسان؟»
دئییر: «آیی‎نـین، بالدان خوشو گلیر. بیر آز بال قویاجاغام آغاجین اوستونه، بیر آز دا یاخاجاغام آغاجین تنه‎سینه.»
سوروشدولار: «یاخشی، نه اولسون؟ منظورون ندیر؟»
دئییر: «آیی بال یئمک اوٍچوٍن، آغاجا دیرماشاجاق. ائله کی، بالی ‎یئدی، اوزون ایتیریب آغاجدان ائنه‎جک، اوندا بال بدنینه یاخیلاجاق.»
سوروشدولار: «پس او اونو نه اوچون آپاریرسان؟»
دئییر: «اونو دا تؤکه‎جییم آغاجین دیبینه. آیی، ائله کی، آغاجدان ائندی، دوشه‎جک اونون اوستونه، باشدان آیاغا اونلی اولاجاق.سونرا دوروب گئده ‎جک ائوه. من ده دالیسیجا.یئکه- زیرپی آیی ائوه گیرندن سونرا، گئده‎جک آینانین قاباغیندا دایاناجاق، اؤزونه باخاجاق، گوره‎جک باشدان آیاغا آغ-آپباق اولوب.ائله بیله‎جک کی قوطب آیی‎سیدیر.
دئیه‎جک: «من کی قوطب آیی‎سییام، بوردا نه قاییریرام». یوکون چاتاجاق گئده‎جک قوطبا.من ده دالیسیجا.ائله کی،یئتیشدی قوطبا،بدنی دوناجاق، داها حرکت ائله‎یه بیلمه‎یه‎جک،اوندا من ده یئتیشیب اونو شیکار ائده‎جگم

اوشاق ادبیاتی


https://t.me/Adabiyyatsevanlar

اوشاق ادبیاتی
«کارتون»



اوشاق ادبیاتی هرهفته پنجشنبه گونو ادبیات سئونلر کانالیندا  .
اوشاق ادبیاتینا دایر یازیلارینیزی بیزه گوندرین .

https://t.me/Adabiyyatsevanlar

«حسن بابایی» عجبشئرلی

دوکتور صدیق جنابلاری نین سون سوز شعرینه بیر حاشیه

مقاله نین آماجینا وارمادان اوءنجه بیر خاطیره نی تعریف ائتمگی  گرکلی گورورم.
شهریمیزده اورتا مکتب ده تحصیل آلدیقدا عرب دیلی وادبیاتی اوزره چالیشقان اوءیرتمن محمود ولی زاده جنابلاری بیزیم فارس ادبیاتی دئییلن حاشیه وی درسلییمیزین اوءیرتمن ایدی. ولیزاده جنابلاری واختیلا تبریز دانیشگاهیندا  اوءیرنجی لیگینی بیتیریب، نئچه ایل لر فارس عرب ایالت لرینده مجبوریت قارشیسیندا قالسادا اوءیرتمن لیک ائدیب نهایت اوءزآنا یوردو عجب شئره دوءنموشدو.
سونرالار من اورتا مکتبی بیتیردیکدن ائله اولدوایش یئریم آذربایجانین گوز ببگی  تبریز شهری سئچیم لندی، دئمک وارلیق درگی سینی هرآیین باشیندا اوءزومونکو ائدیب اوخوماعا باشلادیم. بونونلا یاناشی طالقانی اوچ یولونون آیریجیندا یئرده دوشه یب کیتاب ساتانلارین آبونه چیسی کیمی تانیندیم، اونلاردان الده ائتدییم کیتابلارین بیر نئچه سینین اوزرینده(ح_صدیق) آدینی گوروب یادداشیمدا ساخلادیقدا اوءزوم دن سوراردیم بو یازار کیم اولا بیلر؟
عاشیقلار،  واقف شاعرزیبایی وحقیقت، شاعران آذربایجان، نظامی و آثار او، میرزا شفیع واضح، صمد بهرنگی منظومه سی، کیچیک شعرلر، باکی لوحه لری، اوچقون داخما، یورد غزل لری، سایاچی لار، حبیب ساهیردن ترجومه لر، مقالات تربیت آدلارینی چکدییم آز حجملی کیتابلار هامیسی(ح_صدیق) ایمضا سیلا گئدیردی
آدلارینی چکدییم کیتابلار سای باخیمیندان اوچ اونلوغو آشیب ،اوواختلار هله پهلوی دوءنمیندن بیر اونلوق گئری ده قویمامیشدیق. گئت گئده عالیم میزین طرفیندن یاییلان کیتابلارین سایی یئنه ده آرتدی، اورنک اولاراق قارا مجموعه، حکیم ابوالقاسم نباتی نین تورکجه _فارسجا دیوانی، فضولی میزین دیوانی، ان اوءنملیسی کاشغرلی محمودون دیوان اللغات ترک وووو....‌‌.بونلاری بیر قیراغا قویوب تهران دا وارلیق درگی سینده چاپ اولونان مقاله لر توپلوسوندا(دوکتورحسین محمد زاده صدیق) آدینی گوردوکده محمود ولی زاده جنابلاری نین آدی یئنی دن یادداشیمدا جانلاندی.
دوءنه لرین بیرینده اوءیرتمن ایمله دانیشدیقدا سوءیله میشدیلر: حسین دوزگونله تبریز دانیشگاهیندا طلبه لیک ایل لرینده مندن ایسته میشدی آزیندان بیر تورکو غزل یوخسا قصیده یازیب ادبیات ساعاتلاریندا اوخویوم، اوءزوده یاری جیدی _یاری شوخلوق تمناسینی بو لحن ایله تاماملامیشدی: ولی زاده یازماسان منم_سنسن......نئجه سن بو استعدادا مالیک اولاسان، آنان دانیشدیران دیلده بیر شعر یاراتمایاسان. منده یاری قورخو _یاری احترام اوجباتیندان یازیب کیلاس دا اوخودوم.
شوخلوق واری آنتراکت زامانی صدیق منی قیراغا چکیب سوءیله دی: جانیوی قورتاردین ولی زاده.
اوءیرتمن دانیشدیقدان سونرا اشاره بارماغیم دوداقلاریما مات قالدی ‌،حسین معلیم پهلوی دوءنمینده ندنسه ولی زاده جنابلاریندان تورکجه شعر یازماغی ایسته میش؟ بو سئوال لا یئنی دن اوءیرتمن یمه مراجعت ده دوشوندوم صدیق جنابلاری ایلک آماجینی آنادیلینه حصر ائتمیش دیر دئدیلر.
بو خاطیره نی کاغاذ اوزره گتیرمک دن بونو چاتدیرماق ایستردیم حسین دوزگون، حسین صدیق، ح_صدیق، دوکتورحسین محمدزاده آدلاریلا چاپا بوراخیلان کیتابلار، توپلانان فولکلور اثرلری، مقدمه لر، مقاله لر، معروضه لر، دانیشیقلار، گوروش لر ائله جه ده اوءلکه میزین باشا _باشیندان ساوایی باشقا اوءلکه لرده ده بیزیم معنوی وارلیغیمیزین ائلچیسی اولدوغو حالدا کئشیینده ده دوروب. صدیق جنابلاری هانسی سا یازینی یازیب یوخسا تدقیق، تحقیق ائدیبسه معنوی وارلیغیمیزا آرتیم گتیرمه یی نظردن قاچیرمایب.
واختیلا ادبیات اوجاغی نین ایکینجی جیلدینده اونلارین شعر نمونه لریندن

سون سوز، ،عنوانلی بیرقصیده لریندن یارارلانیب گتیردییمیز بیت لرله داشییدیغیمیز فیکیرین کئشیینده دوراجاغیق.
اویان بیر خواب غفلت دن ئوتوبدور کاروان چوخدان
هامی بیدار اولوب گئتدی، منم یالنیز سنه حیران
گورونور بو قصیده نین مطلعی تورک قانلی گنج نسیله اویانیش _دیرچلیش فلسفه سینی آچیقلاماق ایسته ییر، باشقا طرزده دئسک چاغیریش هارایی دیر.
اونوتدون کئچمیشی، اجدادینیندا داشینی آتدین
ندن اوءزو وئردی سن تک هوشیاره بویله بیر نسیان
گذشته چراغ راه آینده است، کیتابینی یازان رحمت لیک فرزانه لر، بولود قاراچورلو لارین بویوروقلاری بو اولموشدو: کئچمیشینی بیلمه ین خالق گلجیینه گون آغلایا بیلمز. بو آچی دان باخدیقدا دوزگون معلیم یازیب _اوخویان نسیله آندیرماق ایسته ییر کئچمیشینی اونودان، اجدادی نین داشینی آتان توتدوغو یولون هارایا وارماسینی دوشونوب دویمالیدی.

عالیمین بو قصیده سینین هر بئیتی نین اوزرینده یازیب فیکیر سویله مک مومکون دیر، دئمک بیزیم آماجیمیز تکجه صدیق جنابلاری نین ائتدیگی خدمت لری، چکدییی زحمت لرینی عموم خالقا چاتدیریب، خالق ایسه اوءزاوغلونو دیرلندیریب ،اوءنم وئرمکدن چکینمه سینلر. یازیچی، شاعیر ائله جه ده صنعتکار اوءز خالقی نین دانیشان دیلی، چیرپینان اوره یی، دوشونن بئینی اولمالیدی. بوسانادیغیمیز اوچ لیگین(دیل_اورک _بئین ‌‌'..نین دانیشانی _چیرپینانی _دوشوننی اولماسا اودیل _مدنیت زاوالا محکوم دیر.
بونلاری سانادیقدا یئنه یازاریمیزین قصیده سی نین بیر بئیتینه مراجعت ائدیب اوءز فیکریمیزی قابارتماغاچالیشاجاغیق
تواضع مسندین ترک ائیلمه ای خان چوبان اوغلو
ائله قارشی دایانما بیل تکبردن دوغار شیطان
گورونور دوزگون جنابلاری نین دوشوندوک لری دیلیمیز حاقدا پهلوی دوءنمیندن اوزو بری اوءزونو گوسترمکده هئچ نه دن اسیرگه مه یب، هله دوشوندویو جسارتین اسارتینی بوینونا گوتوروب تورمه یه دوشوب.
دوزگون جنابلاری تکجه یازی دونیاسیندا یوخ شعر ساحه سینده، تدقیق، تحقیق، فولکلور ،اثرلرتوپلاماقدا، شاعیرلره _یازارلارا دستک اولماقدا اوءلچویه گلمز ماراغینی گوز اوءنونه چکیب دیر.
چاغینا صاحیب اول، قاچ معرفت آردینجا علم اوءیرن
بیزیم مسلک ده اولماز عالیم ایله جاهلان یکسان
چاغینا صاحیب اول دئیمینده دریا بویدا معنا یاتیب، معاصیر لشمه سوزونه چاتاندا عالیم میزی سفربر گوروب ح_صدیق آدیلا یازیلا ری شاهیدی اولموشوق ‌بو عالیم واختیلا تک ال دن سس چیخماز سوزونون قارشیسیندا تک جانینا دایانیب ائله جه ده یازیب _یارادیب، توپلایب، دقیق لشدیریب عموم خالقین اختیاریندا قویوب.
بیزلر نه قدر یازاق، عالیم حاقدا آزیازمیشیق، بونونلا بئله دوکتورحسین محمدزاده جنابلاریا علوی ممنوعیتیمیزی بیلدیریب، پارلایان یازی لاری ادبیات سمامیزدا بیزده گوونج یاراداراق اونونلا فخر دویوروق.
سونسوز اولاراق اونا جان ساغلیغی آرزوسیلا اوءز قصیده لریندن ایکی بئیت گتیریب یازیمیزا یئکون ویریریق.
اوغول بیر راه چاره ن وار اوءزونه گل، اوءزون قورتار
نوکرلیک ائیلمه اغیاره، پسته جان سنه قوربان
مقامین ساخلا حورمت ائت حسین دوزگون معلیم دیر
اوکافر اولسادا بئش گون اولاجاق دیر سنه مهمان



https://t.me/Adabiyyatsevanlar

سایین اوستاد دوکتور محمد حسین صدیق "دوزگون" ون وداع تؤره‌نی
پنجشنبه 1401/6/2
تبریز _فرهنگسرای 29 بهمن

https://t.me/Adabiyyatsevanlar

اوستاد دوکتور محمد حسین صدیق "دوزگون"ون ابدی منزیلینه یولا سالما تؤره‌نی
پنجشنبه 1401/6/2
تبریز _وادی رحمت _قطعه‌ی هنرمندان

https://t.me/Adabiyyatsevanlar

سایین اوستاد دوکتور محمد حسین صدیق "دوزگون"ون سون منزلی
تبریز _وادی رحمت _قطعه‌ی هنرمندان

https://t.me/Adabiyyatsevanlar

سایین اوستاد دوکتور محمد حسین صدیقین خلف اوغلو عزیز دوکتور ائلدار صدیقین وداع تؤره‌نینده دانیشیغی

https://t.me/Adabiyyatsevanlar

 
ز دو دیده خون فشانم، ز غمت شب جدایی
چه کنم؟ که هست اینها گل خیر آشنایی

مراسم تشییع پیکراستاد «هوشنگ ابتهاج» ه ا سایه امروز 1401/6/4راس ساعت 8صبح در مقابل تالار وحدت تهران با حضور پرشمار دوستداران استاد، شعرا و نویسندگان انجمن های ادبی شخصیت های مستقل برگزار و پیکر این شاعر مردمی پر آوازه کشورمان ساعت 9با بدرقه یارانش جهت خاک سپاری به باغ محتشم رشت منتقل گردید.
ادبیات سئونلر فیلم کوتاهی از مراسم امروز تهیه کرده که تقدیم عزیزان می گردد.

https://t.me/Adabiyyatsevanlar

اطلاعیه

خاکسپاری ابتهاج به فردا موکول شد.

یلدا ابتهاج: امروز قرار بود به رشت برویم، اما چون دیر می‌شود، مراسم به فردا موکول شد و آیین خاکسپاری «سایه» فردا در باغ محتشم رشت برگزار می‌شود.

https://t.me/Adabiyyatsevanlar

VID_20220826_090014.mp4

مراسم تشییع جنازه زنده یاد «هوشنگ ابتهاج»
در مقابل تا لار وحدت تهران
امروز1401/6/4

https://t.me/Adabiyyatsevanlar

VID_20220826_090014.mp4

مراسم تشییع  جنازه زنده یاد «هوشنگ ابتهاج»
در مقابل تا لار وحدت تهران
امروز1401/6/4

  https://t.me/Adabiyyatsevanlar

«منیژه جم نژاد»

بیز اوردایکن
بیچیم، بیچیم
بیچیلمیشدی بوغدالارین سرخوشلوغو

گوز ایشلرکن
یازیلمیشدی تورپاقلارین
یوپ یوموشاق
ناغیل لاری

سسلنیردی
چایلاقلارین
آرین، آغیر
سرین، درین
قوجا، گوم گوی
یاشیل دوغان
اختیاری

بیز اوردایکن
ایسینمیشدی بولودلارین قاش قاباغی
قوروموشدو بولاقلارین دیل دوداغی
آجیقلی ایدی گونش گئنه


بیز اوردایکن
گو٘ونیردیم کولگه لره
بوی آتیردیم فیدان کیمی
بوداق بوداق


باهارلانیر، اسینیردیم
اسینتی دن
یازیشیردیم
چول باییرلا

بیز اوردایکن
گو٘لوشوردو
گونش منیم گونلریمله 
اونوتموشدوم اوزاقلیغین آغری لارین...

https://t.me/Adabiyyatsevanlar