4_5764774129110617220.pdf
1.4 MB
▫️خاطیره دفتری ( دفتر خاطرات )
در دو بخش ترکی و فارسی
به مناسبت اولین سالگرد درگذشت دکتر حسن ریاضی ( ایلدیریم )
شاعر ، نویسنده ، مترجم و روزنامه نگار نامی آذربایجان
ازطرف:
▫️ انجمن ادبی فرهنگی ساهر
▫️فصلنامه بین المللی آذری
▫️سایت ایشیق ( سایت ادبیات و هنر آذربایجان )
▫️خانواده ریاضی
منتشر شد .
https://t.me/Adabiyyatsevanlar
در دو بخش ترکی و فارسی
به مناسبت اولین سالگرد درگذشت دکتر حسن ریاضی ( ایلدیریم )
شاعر ، نویسنده ، مترجم و روزنامه نگار نامی آذربایجان
ازطرف:
▫️ انجمن ادبی فرهنگی ساهر
▫️فصلنامه بین المللی آذری
▫️سایت ایشیق ( سایت ادبیات و هنر آذربایجان )
▫️خانواده ریاضی
منتشر شد .
https://t.me/Adabiyyatsevanlar
«سحر_خیاوی»
قاپ- قارانلیق داخمالاردا تور توخوموشدو هؤرومچک
توخونوش خریطهسینه گیجهلک؛
دونوخموشدو بیر میلچک
لاپبادان آغزینی آتدی
میلچکی اوددو
دیوارلار آرخاسیندا
آزاد هاوادا،
تورسوز- داخماسیز
اوچوشوردولار قوشلار
داغلارین دؤشونده سئویشیردی گول ایله کپنک
آچیردی چیچک
یازیق...یازیق میلچک!!
خریطه: نقشه
https://t.me/Adabiyyatsevanlar
قاپ- قارانلیق داخمالاردا تور توخوموشدو هؤرومچک
توخونوش خریطهسینه گیجهلک؛
دونوخموشدو بیر میلچک
لاپبادان آغزینی آتدی
میلچکی اوددو
دیوارلار آرخاسیندا
آزاد هاوادا،
تورسوز- داخماسیز
اوچوشوردولار قوشلار
داغلارین دؤشونده سئویشیردی گول ایله کپنک
آچیردی چیچک
یازیق...یازیق میلچک!!
خریطه: نقشه
https://t.me/Adabiyyatsevanlar
«کریم قربانزاده»
گونشی اوغورلایان
چیراقلاری سوسدوران
گوزلریمی گودور
آغزیمی گودور
گلیشمی گودور
گئدیشیمی گودور
شهری حبسه آلان
ماهنیلارا گولله آتان
یاغموری بنده چکن
زیل ظولمتین آللاهلاری
نه قانیرکی
سئوگی نه دیر
وطن نه دیر.
***
من تانییان تانرینین
نه آلاوی وار
نه جنتی
یاغمور گوزلریندن یاغیر
گونش اللریندن
و سئوگی دوداقلاریندان تؤکولور
من تانییان تانرینین.
https://t.me/Adabiyyatsevanlar
گونشی اوغورلایان
چیراقلاری سوسدوران
گوزلریمی گودور
آغزیمی گودور
گلیشمی گودور
گئدیشیمی گودور
شهری حبسه آلان
ماهنیلارا گولله آتان
یاغموری بنده چکن
زیل ظولمتین آللاهلاری
نه قانیرکی
سئوگی نه دیر
وطن نه دیر.
***
من تانییان تانرینین
نه آلاوی وار
نه جنتی
یاغمور گوزلریندن یاغیر
گونش اللریندن
و سئوگی دوداقلاریندان تؤکولور
من تانییان تانرینین.
https://t.me/Adabiyyatsevanlar
Telegram
ادبیات سئونلر
بوکانال ادبیات سئونلر قوروپونون سئچیلمیش اثرلری دیر
کانالدا کی یازیلاری کانالین لینکینی وئرمک شرطی ایله پایلاشماق اولار.
کانالدا کی یازیلاری کانالین لینکینی وئرمک شرطی ایله پایلاشماق اولار.
«کریم_احمدیان_شاهید»
من چوخدان اوتوزدوم گؤزونون ایلک قماریندا
آچدیْقجا دا سوْلدوم ، قۇرودوم ، سوْن باهاریْندا
هئی تامسیْناراق دادلی باخیْشلا سنی گوددوم
قالدیْم ایکی گؤز بیرده اوْ قاشلار حاصاریْندا
هئچ دوْغمادیْ طالع قوشو شانسسیْز قالاراق من
دوْندوم زامانین سنله اؤپوشدوکجه قاریْندا
دیسگیندی اورک دؤندو باغیْردی سنه آمما
سن سایمایاراق سوْلدو کؤنوللر داماریْندا
مین فتنه یاییْب گئتمهیینه چوْخلو چالیْشدیْن
قانداللی گؤزوم قالدیْ بو آیلار قاطاریندا
بیلمم کی نه قارقیْش ائلهمیشدی اوْ گئدن واقت
چاتـچات اورهییم اوچدو شهرلر دوواریْندا
ایتمیش خیالیم سن گئدهلی «شاهید» اوْل آنلا
قالمیش گؤزوم آنجاق بو پاییز نار نوباریندا
https://t.me/Adabiyyatsevanlar
من چوخدان اوتوزدوم گؤزونون ایلک قماریندا
آچدیْقجا دا سوْلدوم ، قۇرودوم ، سوْن باهاریْندا
هئی تامسیْناراق دادلی باخیْشلا سنی گوددوم
قالدیْم ایکی گؤز بیرده اوْ قاشلار حاصاریْندا
هئچ دوْغمادیْ طالع قوشو شانسسیْز قالاراق من
دوْندوم زامانین سنله اؤپوشدوکجه قاریْندا
دیسگیندی اورک دؤندو باغیْردی سنه آمما
سن سایمایاراق سوْلدو کؤنوللر داماریْندا
مین فتنه یاییْب گئتمهیینه چوْخلو چالیْشدیْن
قانداللی گؤزوم قالدیْ بو آیلار قاطاریندا
بیلمم کی نه قارقیْش ائلهمیشدی اوْ گئدن واقت
چاتـچات اورهییم اوچدو شهرلر دوواریْندا
ایتمیش خیالیم سن گئدهلی «شاهید» اوْل آنلا
قالمیش گؤزوم آنجاق بو پاییز نار نوباریندا
https://t.me/Adabiyyatsevanlar
Telegram
ادبیات سئونلر
بوکانال ادبیات سئونلر قوروپونون سئچیلمیش اثرلری دیر
کانالدا کی یازیلاری کانالین لینکینی وئرمک شرطی ایله پایلاشماق اولار.
کانالدا کی یازیلاری کانالین لینکینی وئرمک شرطی ایله پایلاشماق اولار.
غالیب
✍:«الکساندر گرین»
چئویرن:«آزاد یاشار»
کؤچورن:« سحرخیاوی»
حاضیرلایان:«ادبیات سئونلر»
تام آدی الکساندر استپانوویچ گرینوسکی اولان الکساندر گرین (-1932-1880)گورکملی روس یازیچیسی و شاعیری اولماقلا یاناشی،رمانتیک رئالیزمین(نئورئالیزمین) ده تمثیلچیسیدیر. یاراتدیغی نثر اثرلری فلسفه، پسیخولوژی و فانتاسیک عنصرلرله زنگین دیر.
آلتی رمانین (گوز قاماشدیران دونیا، قیزیل زنجیر، دالغالارین اوزری ایله قاچان، هئچ یئره آپاران یول، آفریقا داغلاریندا کی خزینه، جسی و مورگینا)، آلتی پووئستین، یوزلرله حئکایهنین و اونلارلا شعرین موللیفی دیر. یازارا مشهورلوق قازاندیران ان اونملی اثری ایسه" آل قیرمیزی یئلکنلر" (1923) پووئستی دیر.
ائی هئیکلتراش، گَل بو یاپیشقانلی و اوزو یولا گیل قاریشیغینی عادیجه کونده کیمی یوغورما سن...
بو یازینین آردینی ادبیات سئونلر کانالیندا اوخویون.
https://t.me/Adabiyyatsevanlar
✍:«الکساندر گرین»
چئویرن:«آزاد یاشار»
کؤچورن:« سحرخیاوی»
حاضیرلایان:«ادبیات سئونلر»
تام آدی الکساندر استپانوویچ گرینوسکی اولان الکساندر گرین (-1932-1880)گورکملی روس یازیچیسی و شاعیری اولماقلا یاناشی،رمانتیک رئالیزمین(نئورئالیزمین) ده تمثیلچیسیدیر. یاراتدیغی نثر اثرلری فلسفه، پسیخولوژی و فانتاسیک عنصرلرله زنگین دیر.
آلتی رمانین (گوز قاماشدیران دونیا، قیزیل زنجیر، دالغالارین اوزری ایله قاچان، هئچ یئره آپاران یول، آفریقا داغلاریندا کی خزینه، جسی و مورگینا)، آلتی پووئستین، یوزلرله حئکایهنین و اونلارلا شعرین موللیفی دیر. یازارا مشهورلوق قازاندیران ان اونملی اثری ایسه" آل قیرمیزی یئلکنلر" (1923) پووئستی دیر.
ائی هئیکلتراش، گَل بو یاپیشقانلی و اوزو یولا گیل قاریشیغینی عادیجه کونده کیمی یوغورما سن...
بو یازینین آردینی ادبیات سئونلر کانالیندا اوخویون.
https://t.me/Adabiyyatsevanlar
غالیب
✍:«الکساندر گرین»
چئویرن:«آزاد یاشار»
کؤچورن:« سحرخیاوی»
حاضیرلایان:«ادبیات سئونلر»
تام آدی الکساندر استپانوویچ گرینوسکی اولان الکساندر گرین (-1932-1880)گورکملی روس یازیچیسی و شاعیری اولماقلا یاناشی،رمانتیک رئالیزمین(نئورئالیزمین) ده تمثیلچیسیدیر. یاراتدیغی نثر اثرلری فلسفه، پسیخولوژی و فانتاسیک عنصرلرله زنگین دیر.
آلتی رمانین (گوز قاماشدیران دونیا، قیزیل زنجیر، دالغالارین اوزری ایله قاچان، هئچ یئره آپاران یول، آفریقا داغلاریندا کی خزینه، جسی و مورگینا)، آلتی پووئستین، یوزلرله حئکایهنین و اونلارلا شعرین موللیفی دیر. یازارا مشهورلوق قازاندیران ان اونملی اثری ایسه" آل قیرمیزی یئلکنلر" (1923) پووئستی دیر.
ائی هئیکلتراش، گَل بو یاپیشقانلی و اوزو یولا گیل قاریشیغینی عادیجه کونده کیمی یوغورما سن...
تئوفیل قوتیهنین " صنعت" شعریندن
1
قاپینی اؤرتوب، یاغیشدا ایسلانان پالتوسونو آسقیا کئچیرن جئنیسون دئدی:
- هه، جین، ان نهایت طالع بیزیم ده اوزوموزه گولهجک. باییردا زهله تؤکن بیر هاوا اولا بیلر، آمما قلبیم گوزل بیر احساسلا دولودور. پروفسور استرس ایله راستلاشدیغیم اوچون بیر قدر لنگیدیم. او هئچ گؤزلمهدییم مژدهلری منیمله پایلاشدی.
بونلاری سؤیلهین جنیسون اوتاقدا وار- گَل ائدیب، ماسادا کی سوفرهنی چاشقینلیقلا سوزوب، بوزلامیش اللرینی بیربیرینه سورتوردو: بو ژست ایسه قارنینی نجورسه دویورماغا اومودلار بسلهین، آنجاق بو بارهده بختی هئچ گتیرمهین بیریسینه خاص اولا بیلردی.
جاوان بیر قادین اولان جینین آشکار چیلغینلیق یاغان باخیشلاریندا طلبکار و عصبی بیر ایفاده سَزیلدی. او، یاری کؤنول گولومسهدی:
ایستهنیلن گؤزلهنیلمز شئیدن من عادتن حدسیز احتیاطلانیرام،-- دئیهن قادین یئمهیه باشلاماق ایستهسه ده ارینین تلاشا قاپیلدیغینی گوروب، یئرینده قالدی. اونا یاناشیب، الی ایله چیینینه توخوندو:
-- آجیغین توتماسین ها. سادهجه دئمک ایستهدیم کی، عادتن سنین بو جور "گوزلهنیلمز مژدهلر" گتیردییین گونون صایاحیسی ائویمیزده کی پول- برکت هارایاسا غئیبه چکیلیر.
جنیسون اونا اعتراض ائلهدی:
-- آنجاق دییهسن بو دفعه قازانجیمیز حقیقتن آرتاجاق. چون کی استرس و مسابقهنین منصفلر هئیئتینده سس حاققینا مالیک داها اوچ نفر اعمالاتخاناما باش چکمک نیتیندهدیلر. هم ده گؤرونن اودور کی، مکافاتی محض منه وئرهجکلر.
البته بوجور ایشلرده امینلیک نسبی آنلاییش دیر، هم ده پونک، استائورتی، بل گراو و دیگرلری کیمی، منیم ایش اوسلوبومو دا سئچیب- تانیماق چوخ آسان مسئلهدیر. ائله بو سببدن ده استرس دئدی کی: " عزیزیم آخی یوخوشلو جیغیرلا قالخارکن اللرینده کیتاب توتان و کورپهسینی باشی اوسته قالدیران قادین فیگورونو یاراتماق محض سیزین آغلینیزا گلیب دیر".
آیدین مسئلهدیر کی، من بونا اعتراض ائلهدیم، او ایسه مندن هر هانسی بیر سوز قوپارا بیلمهیینجه، صوحبته بوجور نقطه قویدو: " دئمهلی شرطی اولاراق سیزینکی ساندیغیم او هیکلین غالب گلمه احتمالی خئیلی یوکسک دیر و(دیققت یئتیر ها، او بئله دئدی) باشقالاری ایله مقایسهده او هئیکل بیزیم داها چوخ کونلوموزه یاتیر(دئمهلی بو بارهده آرالاریندا آرتیق صوحبت دوشوبموش). آنجاق هلهلیک سیز بونو بیر سیرر کیمی توتون. محض رغبت و بویوک اومودلار بسلهدییمدن من بو مسئلهنی سیزه آچدیم. گئدین ایشلرینیزی یولونا قویون".
جین دیللندی:
-- البته، سنین دست خطینی تانیماق موشکول دئییل دیر، آنجاق آرتیق الدن دوشوبسن و چیخدیغین بو اوزون یولون سونوندا سنی هانسیسا استراحتین گوزلهدیینه ده آدامین هئچ اینانماغی گلمیر.
-- استرس باشقا نهلر دئدی؟
-- دئدییی دیگر مقاملاری اونوتموشام. سادهجه بو ایندی بولوشدوکلریم یادیمدا قالیب و حتا ائوه قدر کی یولو نئجه گلدییمی ده خاطیرلامیرام. چونکو او اوچ مینلیک موکافات مبلغینی من اینانیلماز بیر یوخو کیمی تصورومه گتیریردیم. اینانیرام کی نتیجه ائله اومدوغوم کیمی ده اولاجاق. دولاشان شایعهلره گؤره، پونکون دا اثری سوییهلی دیر، آمما منیمکی اوندان داها اوستونموش.گیزرین اثرینده ایسه تصویری اؤزللیکلر آناتومیک جهتلرین کولگهسینده قالیب.
-- بس گورهسن او استرس لئدان بارهده هئچ نه دئمهدی آخی؟!
-- لئدان دا مسابقهیه قاتیلیب کی؟!
-- یقین کی یوخ، عکس حالدا اونون دا آدینی دیلینه گتیرردی. لئدان هئچ واخت تلسیک ایش گؤرمز. امما یاخین گونلرده اؤزو منه اعتراف ائتمیشدی کی، لنگیمهیه ده حاققی یوخدور.
بیربیریندن کیچیک دوز آلتی اولادی وار و اونلار دا چوخ یقین، بو موکافاتا گؤز تیکیبلر.
-- نییه فیکره دالدین بئله؟
✍:«الکساندر گرین»
چئویرن:«آزاد یاشار»
کؤچورن:« سحرخیاوی»
حاضیرلایان:«ادبیات سئونلر»
تام آدی الکساندر استپانوویچ گرینوسکی اولان الکساندر گرین (-1932-1880)گورکملی روس یازیچیسی و شاعیری اولماقلا یاناشی،رمانتیک رئالیزمین(نئورئالیزمین) ده تمثیلچیسیدیر. یاراتدیغی نثر اثرلری فلسفه، پسیخولوژی و فانتاسیک عنصرلرله زنگین دیر.
آلتی رمانین (گوز قاماشدیران دونیا، قیزیل زنجیر، دالغالارین اوزری ایله قاچان، هئچ یئره آپاران یول، آفریقا داغلاریندا کی خزینه، جسی و مورگینا)، آلتی پووئستین، یوزلرله حئکایهنین و اونلارلا شعرین موللیفی دیر. یازارا مشهورلوق قازاندیران ان اونملی اثری ایسه" آل قیرمیزی یئلکنلر" (1923) پووئستی دیر.
ائی هئیکلتراش، گَل بو یاپیشقانلی و اوزو یولا گیل قاریشیغینی عادیجه کونده کیمی یوغورما سن...
تئوفیل قوتیهنین " صنعت" شعریندن
1
قاپینی اؤرتوب، یاغیشدا ایسلانان پالتوسونو آسقیا کئچیرن جئنیسون دئدی:
- هه، جین، ان نهایت طالع بیزیم ده اوزوموزه گولهجک. باییردا زهله تؤکن بیر هاوا اولا بیلر، آمما قلبیم گوزل بیر احساسلا دولودور. پروفسور استرس ایله راستلاشدیغیم اوچون بیر قدر لنگیدیم. او هئچ گؤزلمهدییم مژدهلری منیمله پایلاشدی.
بونلاری سؤیلهین جنیسون اوتاقدا وار- گَل ائدیب، ماسادا کی سوفرهنی چاشقینلیقلا سوزوب، بوزلامیش اللرینی بیربیرینه سورتوردو: بو ژست ایسه قارنینی نجورسه دویورماغا اومودلار بسلهین، آنجاق بو بارهده بختی هئچ گتیرمهین بیریسینه خاص اولا بیلردی.
جاوان بیر قادین اولان جینین آشکار چیلغینلیق یاغان باخیشلاریندا طلبکار و عصبی بیر ایفاده سَزیلدی. او، یاری کؤنول گولومسهدی:
ایستهنیلن گؤزلهنیلمز شئیدن من عادتن حدسیز احتیاطلانیرام،-- دئیهن قادین یئمهیه باشلاماق ایستهسه ده ارینین تلاشا قاپیلدیغینی گوروب، یئرینده قالدی. اونا یاناشیب، الی ایله چیینینه توخوندو:
-- آجیغین توتماسین ها. سادهجه دئمک ایستهدیم کی، عادتن سنین بو جور "گوزلهنیلمز مژدهلر" گتیردییین گونون صایاحیسی ائویمیزده کی پول- برکت هارایاسا غئیبه چکیلیر.
جنیسون اونا اعتراض ائلهدی:
-- آنجاق دییهسن بو دفعه قازانجیمیز حقیقتن آرتاجاق. چون کی استرس و مسابقهنین منصفلر هئیئتینده سس حاققینا مالیک داها اوچ نفر اعمالاتخاناما باش چکمک نیتیندهدیلر. هم ده گؤرونن اودور کی، مکافاتی محض منه وئرهجکلر.
البته بوجور ایشلرده امینلیک نسبی آنلاییش دیر، هم ده پونک، استائورتی، بل گراو و دیگرلری کیمی، منیم ایش اوسلوبومو دا سئچیب- تانیماق چوخ آسان مسئلهدیر. ائله بو سببدن ده استرس دئدی کی: " عزیزیم آخی یوخوشلو جیغیرلا قالخارکن اللرینده کیتاب توتان و کورپهسینی باشی اوسته قالدیران قادین فیگورونو یاراتماق محض سیزین آغلینیزا گلیب دیر".
آیدین مسئلهدیر کی، من بونا اعتراض ائلهدیم، او ایسه مندن هر هانسی بیر سوز قوپارا بیلمهیینجه، صوحبته بوجور نقطه قویدو: " دئمهلی شرطی اولاراق سیزینکی ساندیغیم او هیکلین غالب گلمه احتمالی خئیلی یوکسک دیر و(دیققت یئتیر ها، او بئله دئدی) باشقالاری ایله مقایسهده او هئیکل بیزیم داها چوخ کونلوموزه یاتیر(دئمهلی بو بارهده آرالاریندا آرتیق صوحبت دوشوبموش). آنجاق هلهلیک سیز بونو بیر سیرر کیمی توتون. محض رغبت و بویوک اومودلار بسلهدییمدن من بو مسئلهنی سیزه آچدیم. گئدین ایشلرینیزی یولونا قویون".
جین دیللندی:
-- البته، سنین دست خطینی تانیماق موشکول دئییل دیر، آنجاق آرتیق الدن دوشوبسن و چیخدیغین بو اوزون یولون سونوندا سنی هانسیسا استراحتین گوزلهدیینه ده آدامین هئچ اینانماغی گلمیر.
-- استرس باشقا نهلر دئدی؟
-- دئدییی دیگر مقاملاری اونوتموشام. سادهجه بو ایندی بولوشدوکلریم یادیمدا قالیب و حتا ائوه قدر کی یولو نئجه گلدییمی ده خاطیرلامیرام. چونکو او اوچ مینلیک موکافات مبلغینی من اینانیلماز بیر یوخو کیمی تصورومه گتیریردیم. اینانیرام کی نتیجه ائله اومدوغوم کیمی ده اولاجاق. دولاشان شایعهلره گؤره، پونکون دا اثری سوییهلی دیر، آمما منیمکی اوندان داها اوستونموش.گیزرین اثرینده ایسه تصویری اؤزللیکلر آناتومیک جهتلرین کولگهسینده قالیب.
-- بس گورهسن او استرس لئدان بارهده هئچ نه دئمهدی آخی؟!
-- لئدان دا مسابقهیه قاتیلیب کی؟!
-- یقین کی یوخ، عکس حالدا اونون دا آدینی دیلینه گتیرردی. لئدان هئچ واخت تلسیک ایش گؤرمز. امما یاخین گونلرده اؤزو منه اعتراف ائتمیشدی کی، لنگیمهیه ده حاققی یوخدور.
بیربیریندن کیچیک دوز آلتی اولادی وار و اونلار دا چوخ یقین، بو موکافاتا گؤز تیکیبلر.
-- نییه فیکره دالدین بئله؟
جین فیکیرلی حالدا دیللندی:
-- دوشونورم کی، لئدانین بو ایشین عهدهسیندن گلهجهیینی بیلمهدییمیز موددتجه اوغوردان تام امین اولماغیمیز تئزدیر.
-- عزیزیم جِین هه، لئدان مندن داها استعدادلی دیر. آنجاق معلوم ایکی سببه گوره، او بو مکافاتی قازانا بیلمز. بونلاردان بیرینجیسی: اونون اؤزوندن حدسیز راضیلیغی دیر. ایکینجیسی: بؤیوک نفوذ صاحیبلری اونون اوسلوبونو بینمیرلر. آخی من بوتون بو اینجه مقاملارا یاخشیجا بلدم. استرس اونو دا وورغولادی کی، منیم " قادین" اثریم علم مفهومونون ان اوغورلو سیمبولودور، چون کی قادین الینده توتدوغو کورپهنی، یعنی بشریتی، بیلیک زیروهسینه آپاریر.
-- اوراسی ائلهدیر...آمما او نییه لئدان بارهده هئچ نه دئمهییب؟
-- کیم؟
-- استرسی دئییرم.
-- اولا بیلسین کی اونو سئومیر. هه، سادهجه سئومیر. زورلا دا سئوهجک بیری دئییل. بونو آنجاق بئله یوزماق مومکوندور.
بو گرگین صوحبت لیس شهرینده یونیورسیته بناسی تیکهجک معمارلیق کُمیسیاسینین اعلان ائتدییی مسابقه ایله باغلی ایدی. بنانین اساس پُرتالیندا بورونج هئیکل اوجالتماق بارهده قرار وئریلمیش و شهر رهبرلییی ان اوغورلو لایحه اوچون اوچ مین فونت مبلغینده یگانه موکافات تاسیس ائتمیشدی.
ناهاری بیتیردیکدن سونرا جنیسون آلاجاغی موکافاتی نهیه خرجلیهجکلری بارهده جین ایله صوحبته گیریشدی.
مسابقهیه قاتیلماق قرارینا گلندن بری کئچن آلتی آی عرضینده بو ار- آروادین آپاردیغی مذاکرهلر هله هئچ واخت ایندیکی قدر آرخایین و جانلی کئچمهمیشدی. ان باهالی مغازهلری دولاشیب چوخ اشیاء آلدی. یاشادیقلاری تک اوتاقدان آیریجا منزله کؤچدو. جنیسون ایسه ایچمک ایله کُتلتی بیتیرنه قدر خیاللاریندا آوروپا سیاحتلرینه چیخدی. قاتلاشدیغی اونجا آشاغیلانمادان و دیلنچی حیات طرزیندن یاخاسینی قورتاردی. اؤزونه شؤهرت و فراوان حیات بخش ائدهجک یئنی- یئنی اثرلره دایر شیرین خولیالار قوردو.
صؤحبتین کؤپو یاتاندان سونرا بو جوتلویون بایاقکی تپریندن هئچ بیر علامت قالمادی و هیکلتراش بیتکین حالدا اوز اطرافینا گؤز گزدیردی.
یاشادیقلاری بو مکان ائله یئنه دار بیر اوتاقدان عبارت ایدی. اوجوزواری مبللار ایله دوشنمیشدی، کونج- بوجاغا ایسه سانکی کاسیبلیق کابوسلاری چؤکموشدو. هه، بیرآز دا دؤزمک، گوزلهمک لازیم گلهجکدی...
اؤزوندن اختیارسیز بیر فیکیر جنیسونو ناراحات ائدیردی. هر چند بو ناراحاتلیغی او هلم- هلم بوینونا آلمازدی. ساعاتینا نظر سالدی. یئددییه قالیردی. یئریندن قالخدی:
-- جین من گئدیم. سنه ده بللیدیر کی بو نه ناراحاتلیق دیر، نه ده حسد. مسئلهنین اؤز خئیریمه حلّ اولاجاغیندان امینم. آنجاق هر احتمالا قارشی گئدیم گؤروم لئدانین هئیکلی اوردا دئییل کی... بونو ائدرکن من هانسی مقصد- فلان دا گودمورم. همیشه خصوص ایله ده اؤزل دوروملاردا مومکون واریانتلارا حاضیرلیقلی اولماقدا فایدا وار.
جین ظن دولو باخیشلارینی ارینه تیکدی. جنیسون کیمی ائله اونا دا عینی فیکیر راحاتلیق وئرمیردی. آنجاق یئنه ده بونو بروز وئرمهدن تلسیک دیللندی:
-- البته عزیزیم. اگر سن اینجه صنعت مسئلهلرینه بیگانه داورانسایدین، باخ بو منه غریبه گؤرونردی. تئز قاییدارسان می؟
پالتوسونو گئیینیب شیلیاپاسینی تاخان جنیسون دئدی:
-- هم ده چوخ تئز. ایندی وور- توت ایکیجه هفته گؤزلهملی ییک ده ائله؟
اوزونه خوش تبسسوم قوندورسا دا، جین درین اینامدان محروم بیر سسله دئدی:
-- هه. ائله دیر.
ارینین شیلیاپاسینین آلتیندان چیخان ساچلارینی سلیقهیه سالان قادین علاوه ائتدی:
-- سن گئت. من ده تیکیش ایشیمه باشلاییم.
2
مسابقهیه تقدیم اولونان اثرلرین جمعلندییی استودیو رنگکارلیق و هئیکلتراشلیق مکتبینین بناسیندا یئرلشیردی. هم ده بئله گئج ساعاتدا اوردا جنیسونو چوخدان بری و یاخیندان تانییان گؤزتچی نورسدان باشقا هئچ کس اولمایاسی ایدی.
مکتبه گیرن جنیسون دئدی: نورس زحمت دئییل سه بو شمال طرفده کی بؤلومون قاپیسینی آچین. من اؤز اثریمه بیر داها نظر سالماق ایستهییرم. بلکه هله نهلرسه ال گزدیرمم ده لازیم گلهجکمیش.
بوگون چوخ اثر گتیریبلر بورایا؟
-- یانیلمیرام سا جمعی اوندؤرد هئیکل وار-- دییهن نورس باخیشلارینی دوشمهیه زیللهدی.
بیلیرسینیز مسئله نه یئرده دیر؟ بیر ساعات قاباق گؤستریش آلدیم کی، داها هئچ کسی ایچری بوراخماییم. چونکو صاباح بورا منصفلر هئیئتی گلهجک. سیز ده راضیلاشارسینیز کی هر شئیین سلیقه- سهمانلی اولماسی آرزو اولونان دیر.
جنیسون ال اوستو راضیلاشدی:
--البته ائلهدیر. آنجاق نه ایسه اورهییمه بیر خال دوشوب و منه هئچ جور راحاتلیق وئرمیر. اؤز ایشیمه داها بیر یول نظر سالماسام، اصلا راحاتلیق تاپان دئییلم. منی صیرف اینسان کیمی باشا دوشون. بونو هئچ کیمه آچیب سؤیلهمرم و اگر اؤزونوز ده بونون اوستونو آچماسانیز مسئله تمامن اوستو اؤرتولو قالار.
-- دوشونورم کی، لئدانین بو ایشین عهدهسیندن گلهجهیینی بیلمهدییمیز موددتجه اوغوردان تام امین اولماغیمیز تئزدیر.
-- عزیزیم جِین هه، لئدان مندن داها استعدادلی دیر. آنجاق معلوم ایکی سببه گوره، او بو مکافاتی قازانا بیلمز. بونلاردان بیرینجیسی: اونون اؤزوندن حدسیز راضیلیغی دیر. ایکینجیسی: بؤیوک نفوذ صاحیبلری اونون اوسلوبونو بینمیرلر. آخی من بوتون بو اینجه مقاملارا یاخشیجا بلدم. استرس اونو دا وورغولادی کی، منیم " قادین" اثریم علم مفهومونون ان اوغورلو سیمبولودور، چون کی قادین الینده توتدوغو کورپهنی، یعنی بشریتی، بیلیک زیروهسینه آپاریر.
-- اوراسی ائلهدیر...آمما او نییه لئدان بارهده هئچ نه دئمهییب؟
-- کیم؟
-- استرسی دئییرم.
-- اولا بیلسین کی اونو سئومیر. هه، سادهجه سئومیر. زورلا دا سئوهجک بیری دئییل. بونو آنجاق بئله یوزماق مومکوندور.
بو گرگین صوحبت لیس شهرینده یونیورسیته بناسی تیکهجک معمارلیق کُمیسیاسینین اعلان ائتدییی مسابقه ایله باغلی ایدی. بنانین اساس پُرتالیندا بورونج هئیکل اوجالتماق بارهده قرار وئریلمیش و شهر رهبرلییی ان اوغورلو لایحه اوچون اوچ مین فونت مبلغینده یگانه موکافات تاسیس ائتمیشدی.
ناهاری بیتیردیکدن سونرا جنیسون آلاجاغی موکافاتی نهیه خرجلیهجکلری بارهده جین ایله صوحبته گیریشدی.
مسابقهیه قاتیلماق قرارینا گلندن بری کئچن آلتی آی عرضینده بو ار- آروادین آپاردیغی مذاکرهلر هله هئچ واخت ایندیکی قدر آرخایین و جانلی کئچمهمیشدی. ان باهالی مغازهلری دولاشیب چوخ اشیاء آلدی. یاشادیقلاری تک اوتاقدان آیریجا منزله کؤچدو. جنیسون ایسه ایچمک ایله کُتلتی بیتیرنه قدر خیاللاریندا آوروپا سیاحتلرینه چیخدی. قاتلاشدیغی اونجا آشاغیلانمادان و دیلنچی حیات طرزیندن یاخاسینی قورتاردی. اؤزونه شؤهرت و فراوان حیات بخش ائدهجک یئنی- یئنی اثرلره دایر شیرین خولیالار قوردو.
صؤحبتین کؤپو یاتاندان سونرا بو جوتلویون بایاقکی تپریندن هئچ بیر علامت قالمادی و هیکلتراش بیتکین حالدا اوز اطرافینا گؤز گزدیردی.
یاشادیقلاری بو مکان ائله یئنه دار بیر اوتاقدان عبارت ایدی. اوجوزواری مبللار ایله دوشنمیشدی، کونج- بوجاغا ایسه سانکی کاسیبلیق کابوسلاری چؤکموشدو. هه، بیرآز دا دؤزمک، گوزلهمک لازیم گلهجکدی...
اؤزوندن اختیارسیز بیر فیکیر جنیسونو ناراحات ائدیردی. هر چند بو ناراحاتلیغی او هلم- هلم بوینونا آلمازدی. ساعاتینا نظر سالدی. یئددییه قالیردی. یئریندن قالخدی:
-- جین من گئدیم. سنه ده بللیدیر کی بو نه ناراحاتلیق دیر، نه ده حسد. مسئلهنین اؤز خئیریمه حلّ اولاجاغیندان امینم. آنجاق هر احتمالا قارشی گئدیم گؤروم لئدانین هئیکلی اوردا دئییل کی... بونو ائدرکن من هانسی مقصد- فلان دا گودمورم. همیشه خصوص ایله ده اؤزل دوروملاردا مومکون واریانتلارا حاضیرلیقلی اولماقدا فایدا وار.
جین ظن دولو باخیشلارینی ارینه تیکدی. جنیسون کیمی ائله اونا دا عینی فیکیر راحاتلیق وئرمیردی. آنجاق یئنه ده بونو بروز وئرمهدن تلسیک دیللندی:
-- البته عزیزیم. اگر سن اینجه صنعت مسئلهلرینه بیگانه داورانسایدین، باخ بو منه غریبه گؤرونردی. تئز قاییدارسان می؟
پالتوسونو گئیینیب شیلیاپاسینی تاخان جنیسون دئدی:
-- هم ده چوخ تئز. ایندی وور- توت ایکیجه هفته گؤزلهملی ییک ده ائله؟
اوزونه خوش تبسسوم قوندورسا دا، جین درین اینامدان محروم بیر سسله دئدی:
-- هه. ائله دیر.
ارینین شیلیاپاسینین آلتیندان چیخان ساچلارینی سلیقهیه سالان قادین علاوه ائتدی:
-- سن گئت. من ده تیکیش ایشیمه باشلاییم.
2
مسابقهیه تقدیم اولونان اثرلرین جمعلندییی استودیو رنگکارلیق و هئیکلتراشلیق مکتبینین بناسیندا یئرلشیردی. هم ده بئله گئج ساعاتدا اوردا جنیسونو چوخدان بری و یاخیندان تانییان گؤزتچی نورسدان باشقا هئچ کس اولمایاسی ایدی.
مکتبه گیرن جنیسون دئدی: نورس زحمت دئییل سه بو شمال طرفده کی بؤلومون قاپیسینی آچین. من اؤز اثریمه بیر داها نظر سالماق ایستهییرم. بلکه هله نهلرسه ال گزدیرمم ده لازیم گلهجکمیش.
بوگون چوخ اثر گتیریبلر بورایا؟
-- یانیلمیرام سا جمعی اوندؤرد هئیکل وار-- دییهن نورس باخیشلارینی دوشمهیه زیللهدی.
بیلیرسینیز مسئله نه یئرده دیر؟ بیر ساعات قاباق گؤستریش آلدیم کی، داها هئچ کسی ایچری بوراخماییم. چونکو صاباح بورا منصفلر هئیئتی گلهجک. سیز ده راضیلاشارسینیز کی هر شئیین سلیقه- سهمانلی اولماسی آرزو اولونان دیر.
جنیسون ال اوستو راضیلاشدی:
--البته ائلهدیر. آنجاق نه ایسه اورهییمه بیر خال دوشوب و منه هئچ جور راحاتلیق وئرمیر. اؤز ایشیمه داها بیر یول نظر سالماسام، اصلا راحاتلیق تاپان دئییلم. منی صیرف اینسان کیمی باشا دوشون. بونو هئچ کیمه آچیب سؤیلهمرم و اگر اؤزونوز ده بونون اوستونو آچماسانیز مسئله تمامن اوستو اؤرتولو قالار.
بونا ایسه " گریل- روما" کاساسیندا یقین اویغون بیر یئر تاپارسینیز،-- دییه جیبیندن چیخارتدیغی سونونجو قیزیل سکهنی نورسون تردیدله آچیلان اووجونا باسدی. سونرا ایسه گؤزتچینین آچیق اووجونو اؤزونون ایستی الی ایله یومدو.
نورس دیللندی:
-- هه. بو ناراحاتلیغینیزی من ده آنلاییشلا قارشیلاییرام. اگر البته... نه ایسه آردیمجا گلین. جنیسونو اونون " اومودلارینین گؤمولدویو زیندانا" قدر مشایعت ائدن نورس قاپینی آچیب ایشیقی یاندیردی. اؤزو کناردا دایانماقلا بو یوکسک و سویوق مکانی سوزمهیه باشلادی: یاشیل ماهوتلا اوزلنمیش یوکسک آلتیق لار اوزرینده موم و گیلدن حاضیرلانماقلا، حرکتسیز دوران مخلوقلار دوزولموشدو. هیکل تراشلار سان کی بونلارا سیررلی بیر روح اوفلهمیشدیلر. مکاندا کی بو ایکی ایسه اونلاری فرقلی طرزده سوزوردولر: اگر نورسون قارشیسندا جانسیز کوکلالار واردیسا، جنیسونون قلبینی او آندا معنوی آغریلار و سارسینتیلار گمیریردی. او هئیکلینی تاپدیقدان سونرا اونون باخیشلاری نسبتا سیغاللی- تومارلی دیگر ایشلر فونوندا لئدانین اثرینی آختاردی.
همین آن قاروولچو نورس دیشاری چیخدی. اوچ- بئش آددیم دا ایرهلیلهین جنیسون، هوندورلویو اوچ فوتدان آرتیق اولمایان بیاض بیر هیکلین اؤنونده آیاق ساخلادی. لئدانین مرمردن یوندوغو بو مدلی محض مثلسیز و جیزگیلرینین سادهلیینه گؤره اونو، بیر باخماقلا تانیمیشدی.
اثر پونک و پرویسا عایید هیکللرین آراسیندا دایانمیشدی. هم ده اؤز زحمتکشلییی، فداکارلیغی ایله تانینان پرویسون بیر سیمبول کیمی سئچدییی و الینده توتدوغو قالخاندا شهر غربینین تصویری اویولان یونوناسی ایندی آداما نئجه ده معناسیز گورونوردو!
هئچ لئدانین دا خیال گوجو اونا درین حئیرت حیسسی آشیلامیردی. او دوشونجهلره دالان، اونا دوغرو اَییلدییندن بوروندویو اؤرتویون آلتیندا بعضی اعضالاری گوزه دَیَن جاوان بیر قادین فیگورونا اوستونلوک وئرمیشدی. هم ده بو قادین الینده کی چوبوقلا قومون سطحینده هانسیسا هندسی فیگور جیزماقدایدی. قادینین ارادهلی، دوزگون جیزگیلره مالیک اولان صیفتیندن سویوق بیر قطعیت یاغیردی. قاشلاری ایسه چاتیلمیشدی. آداما ائله گلیردی کی، اونون ایرهلی اوزانان یاراشیقلی آیاغینین پنجه قیسمی فیگورو جیزارکن آپاردیغی خیالی حسابلامارا و ایشه اویغون اولاراق هله ترپنیر ده.
جنیسون قاپیلدیغی حئیرت و سارسینتیدان گئری سیچرادی. ان نهایت اصیل صنعت آدامی اولاراق بوتون جراتینی توپلایینجا ایسه اعتیراف ائلهدی: " هه! باخ بودور ها صنعت! بو گونش ایشیغینی الینله توتماغا بنزهییر. سانکی جانلی دیر. هم نفس آلیر هم ده دوشونور بو هئیکل".
بونون آردینجا او آغیر- آغیر اؤزونون یاراتدیغی، قاتلاشدیغی سیخینتیلار بیر نوع خلاصکاری سایدیغی " کیتابلی قادین" هئیکلینه یاناشدی: ایندی او، یارالانان و اؤز یاراسینی هم لقمان، هم ده خسته کیمی سوزن یاریمجان بیری کیمی داورانیردی. هئیکلین دوروشوندا بللی بیر گرگینلیک سَزدی. اوز ایشینده کی خیردا اسکیکلری، دقیق بدیعی حللین یوخلوغونو اؤرت- باسدیر ائتمکدن اؤتورو آشکار سزیلن باشدانسوودو مقاملاری دا یاخالادی. تک باخیلینجا دیگرلریندن یاخشی ساییلاجاق بو هئیکل لئدانینکینا نسبت چوخ ضعیف ایدی. ایچینه دولان اضطراب و غوصصه حیسسی ایله، همیشه صادق قالدیغی یوکسک عدالت حیسسی ایله او، اعتراف ائتدی کی،لئدان حتا استرسین رغبت دولو دستهیینه گرک دویمادان دا- مرمردن ایستهنیلن فیگورو یونماق سرشتینه مالیک دیر.
بو سون بیر نئچه دقیقه بویو جنیسون سان کی فرقلی حیات یاشادی. یالنیز بو سایهده چیخارتدیغی نتیجه او گلدییی قناعت اونون اؤزونه خاص اولان، فرقلی بیر شکیل آلدی.
او بوخاری ماشاسینی الینه آلیب اوچ گوجلو ضربه ائندیرمکله اوز اثرینی بیر قوجاق گیل ییغینینا چئویردی. او اثنادا نه هؤنکوردو، نه دلی کیمی قهقهه چکدی، نه ده چیلغینلیغا قاپیلدی. هر شئی تاماملانمیش بیر مکتوب جیریلیبمیش کیمی منطقلی و مانعسیز طرزده باش وئردی.
سسی ائشیدیب اونا طرف قاچان نورسا ایسه ، بئله دئدی:
-- بو ضربهلری اصلینده من اؤز- اؤزومه ائندیردیم، هرچند قیریب- تؤکدویوم بو هئیکل سادهجه ال امهییم ایدی. سیزدن بورالاری بیرآز سوپورمهیی رجاء ائدهجهیم.
نورس سسینی باشینا آتدی:
نئجه؟! سیز بونو سیندیبسینیز؟! صیرف سیزینکی اولدوغو اوچون؟! سیزه صمیمی اعتراف ائتمهلییم کی بو هئیکل باشقالاریندان داها چوخ کؤنلومه یاتیردی. بس ایندی سیز نئیلیهجکسینیز؟
جنیسون سوالی تکرارلادی:
-- نئیلیهجم؟ ایندیجه بارهمده سؤیلهدیینیز او تعریفه لاییق اولماقدان اؤتورو من عینی اثری گئدیب تزهدن یاراداجاغام. ماشانی ایشه سالانا قدر بونا اولان اومودوم هله ضعیف ایدی.
نورس دیللندی:
-- هه. بو ناراحاتلیغینیزی من ده آنلاییشلا قارشیلاییرام. اگر البته... نه ایسه آردیمجا گلین. جنیسونو اونون " اومودلارینین گؤمولدویو زیندانا" قدر مشایعت ائدن نورس قاپینی آچیب ایشیقی یاندیردی. اؤزو کناردا دایانماقلا بو یوکسک و سویوق مکانی سوزمهیه باشلادی: یاشیل ماهوتلا اوزلنمیش یوکسک آلتیق لار اوزرینده موم و گیلدن حاضیرلانماقلا، حرکتسیز دوران مخلوقلار دوزولموشدو. هیکل تراشلار سان کی بونلارا سیررلی بیر روح اوفلهمیشدیلر. مکاندا کی بو ایکی ایسه اونلاری فرقلی طرزده سوزوردولر: اگر نورسون قارشیسندا جانسیز کوکلالار واردیسا، جنیسونون قلبینی او آندا معنوی آغریلار و سارسینتیلار گمیریردی. او هئیکلینی تاپدیقدان سونرا اونون باخیشلاری نسبتا سیغاللی- تومارلی دیگر ایشلر فونوندا لئدانین اثرینی آختاردی.
همین آن قاروولچو نورس دیشاری چیخدی. اوچ- بئش آددیم دا ایرهلیلهین جنیسون، هوندورلویو اوچ فوتدان آرتیق اولمایان بیاض بیر هیکلین اؤنونده آیاق ساخلادی. لئدانین مرمردن یوندوغو بو مدلی محض مثلسیز و جیزگیلرینین سادهلیینه گؤره اونو، بیر باخماقلا تانیمیشدی.
اثر پونک و پرویسا عایید هیکللرین آراسیندا دایانمیشدی. هم ده اؤز زحمتکشلییی، فداکارلیغی ایله تانینان پرویسون بیر سیمبول کیمی سئچدییی و الینده توتدوغو قالخاندا شهر غربینین تصویری اویولان یونوناسی ایندی آداما نئجه ده معناسیز گورونوردو!
هئچ لئدانین دا خیال گوجو اونا درین حئیرت حیسسی آشیلامیردی. او دوشونجهلره دالان، اونا دوغرو اَییلدییندن بوروندویو اؤرتویون آلتیندا بعضی اعضالاری گوزه دَیَن جاوان بیر قادین فیگورونا اوستونلوک وئرمیشدی. هم ده بو قادین الینده کی چوبوقلا قومون سطحینده هانسیسا هندسی فیگور جیزماقدایدی. قادینین ارادهلی، دوزگون جیزگیلره مالیک اولان صیفتیندن سویوق بیر قطعیت یاغیردی. قاشلاری ایسه چاتیلمیشدی. آداما ائله گلیردی کی، اونون ایرهلی اوزانان یاراشیقلی آیاغینین پنجه قیسمی فیگورو جیزارکن آپاردیغی خیالی حسابلامارا و ایشه اویغون اولاراق هله ترپنیر ده.
جنیسون قاپیلدیغی حئیرت و سارسینتیدان گئری سیچرادی. ان نهایت اصیل صنعت آدامی اولاراق بوتون جراتینی توپلایینجا ایسه اعتیراف ائلهدی: " هه! باخ بودور ها صنعت! بو گونش ایشیغینی الینله توتماغا بنزهییر. سانکی جانلی دیر. هم نفس آلیر هم ده دوشونور بو هئیکل".
بونون آردینجا او آغیر- آغیر اؤزونون یاراتدیغی، قاتلاشدیغی سیخینتیلار بیر نوع خلاصکاری سایدیغی " کیتابلی قادین" هئیکلینه یاناشدی: ایندی او، یارالانان و اؤز یاراسینی هم لقمان، هم ده خسته کیمی سوزن یاریمجان بیری کیمی داورانیردی. هئیکلین دوروشوندا بللی بیر گرگینلیک سَزدی. اوز ایشینده کی خیردا اسکیکلری، دقیق بدیعی حللین یوخلوغونو اؤرت- باسدیر ائتمکدن اؤتورو آشکار سزیلن باشدانسوودو مقاملاری دا یاخالادی. تک باخیلینجا دیگرلریندن یاخشی ساییلاجاق بو هئیکل لئدانینکینا نسبت چوخ ضعیف ایدی. ایچینه دولان اضطراب و غوصصه حیسسی ایله، همیشه صادق قالدیغی یوکسک عدالت حیسسی ایله او، اعتراف ائتدی کی،لئدان حتا استرسین رغبت دولو دستهیینه گرک دویمادان دا- مرمردن ایستهنیلن فیگورو یونماق سرشتینه مالیک دیر.
بو سون بیر نئچه دقیقه بویو جنیسون سان کی فرقلی حیات یاشادی. یالنیز بو سایهده چیخارتدیغی نتیجه او گلدییی قناعت اونون اؤزونه خاص اولان، فرقلی بیر شکیل آلدی.
او بوخاری ماشاسینی الینه آلیب اوچ گوجلو ضربه ائندیرمکله اوز اثرینی بیر قوجاق گیل ییغینینا چئویردی. او اثنادا نه هؤنکوردو، نه دلی کیمی قهقهه چکدی، نه ده چیلغینلیغا قاپیلدی. هر شئی تاماملانمیش بیر مکتوب جیریلیبمیش کیمی منطقلی و مانعسیز طرزده باش وئردی.
سسی ائشیدیب اونا طرف قاچان نورسا ایسه ، بئله دئدی:
-- بو ضربهلری اصلینده من اؤز- اؤزومه ائندیردیم، هرچند قیریب- تؤکدویوم بو هئیکل سادهجه ال امهییم ایدی. سیزدن بورالاری بیرآز سوپورمهیی رجاء ائدهجهیم.
نورس سسینی باشینا آتدی:
نئجه؟! سیز بونو سیندیبسینیز؟! صیرف سیزینکی اولدوغو اوچون؟! سیزه صمیمی اعتراف ائتمهلییم کی بو هئیکل باشقالاریندان داها چوخ کؤنلومه یاتیردی. بس ایندی سیز نئیلیهجکسینیز؟
جنیسون سوالی تکرارلادی:
-- نئیلیهجم؟ ایندیجه بارهمده سؤیلهدیینیز او تعریفه لاییق اولماقدان اؤتورو من عینی اثری گئدیب تزهدن یاراداجاغام. ماشانی ایشه سالانا قدر بونا اولان اومودوم هله ضعیف ایدی.
ایستهنیلن حالدا او یؤندمسیز، شلهساققال و بیر کلفتین اثرینه دؤنن، آمما استعدادلی همکاریم لئدان ایسه آرتیق تمامی ایله آرخایین اولا بیلر کی، منصفلر هئیئتی باشقا بیر سئچیمی قالمادیغیندان محض اونو غالب سئچهجک دیر.
https://t.me/Adabiyyatsevanlar
https://t.me/Adabiyyatsevanlar
Telegram
ادبیات سئونلر
بوکانال ادبیات سئونلر قوروپونون سئچیلمیش اثرلری دیر
کانالدا کی یازیلاری کانالین لینکینی وئرمک شرطی ایله پایلاشماق اولار.
کانالدا کی یازیلاری کانالین لینکینی وئرمک شرطی ایله پایلاشماق اولار.
Forwarded from ادبیات سئونلر
اوشاق ادبیاتی
اوشاق ادبیاتی هرهفته پنجشنبه گونو ادبیات سئونلر کانالیندا .
اوشاق ادبیاتینا دایر یازیلارینیزی بیزه گوندرین .
https://t.me/Adabiyyatsevanlar
اوشاق ادبیاتی هرهفته پنجشنبه گونو ادبیات سئونلر کانالیندا .
اوشاق ادبیاتینا دایر یازیلارینیزی بیزه گوندرین .
https://t.me/Adabiyyatsevanlar
«علی تقی زاده لاریجان »
کندیمیزیمیزده بیر قیش گونی
(آدلاروسوزلر عین کند تلفظی کیمی یازیلیب)
1349 نجی گونش ایلی ، قیش فصلیدی. او ایللر قیش قیشیدی . بعضن گونده ایکی دفعه داملارین قارین کورومک یادیما گلیر. او فصیلده کند اهلینین ایشی ، مال حیوانا طوله ده یئم وئرمک ، دره ده سوارماق وطوله نی تمیزلمکدن عبارتیدی . بئش گوندن بیر اودون یئغماغا مئشیه گئدردیلر. قار یاغاندادا کی ، قار کورومک ایشه علاوه اولاردی . بللی دیر کی کند اهلی ، یای یاز فصلی کیمی گون چیخاندان جان چیخانا قدر چالیشماغا مجبور دگیلدیلر . بکار ساعاتلاری ناهار چاغیندان آخشاما قدر اولاردی. اوساعاتلاری حوسین قولونون دوکانینا یا اطرافینا جمع اولوب اوز لرین گونه وئرردیلر . پاپروز چکیب دردلشیردیلر. خییرلری حوسینقولویا آنجاق بیر کیلو دشتستان خورماسی یادا نیچه واراق پاپروز کاغاذی آلماق اولاردی . پاپروز کاغاذی اصلینده نازیک کاغذا یازیلمیش خارجی دیلده گونده لیک ایدی.اوخارجی لر گونده لیکدن گون خبرلری ، علمی، سیاسی معلومات آلاردی، بیزده ده هانسی عاغیللی کشف ائتمیشدی کی اونا تنبکی بوکوب سیگارت کیمی چکمک اولار.ایندی فیکیرلشیرم کی دوکانچیلار شهردن او گوندلیکلری آلاندا ، ساتیجیا نه دئییرمیش لر؟ ساوادسیز کند اهلینه بیر ایل قاباغین خارجی گونده لیگی نه لازم ؟ اونوتدوم کی دیه م او فراغت آنلاری کیشی لره مخصوص ایدی . کند قادینی ، قیزی هانا اوزادیب ، پالازدان گبه دن فرمشدن توخومالیدی .قادین هارا فراغت هارا؟اوندا هاردایدیز آی های کویلی فئمنیستلر؟ هله باتمیش شاهین فرحی دونن دئییردی : بیزیم دورده قادین حاقی اعلا درجه ده قوروناردی !!! بلکه ده کاخداکی قادینلاری دئییرمیش . نه بیلیم .؟
مال داواری یئمله مکدن ده بیرآز دئییم کی کندیمیزی یاخشی تانیاسیز. یایین سونوندا تاخیل درزلرین اشان ایله ییب اوستونده ول سورندن سورا ، دنی یلده سوووروب آییرد ایلردیک . سامانی دا کوره کش آدلی بیر ابزار لا سامانلیغا توکردیک . او چاغدا کول ناریدا یتیشردی . بیلیرسیز آخی بیزیم کندین دره لری ، یال یاماجی ،بول نارلیقدی . اتک اتک نار یئغیب سامانلا بیرگه سامانلیغا توکردیک . قیشداکی ، شانا ایله سامانی ائشردیک ، بیر بیر نارلاردان تاپیب دیشه چکردیک . تصورائدین کی هر نار او چاغدا نئجه قیمتلی بیر تاپینتی اولابیلر. اوتین ، یونجانین باغین آچیب دیره یه باغلانان چین ایله دوغراییب سامانا قاتاردیق . (بیلدیر خان اوغلان گیلده مدرن برقی اوت دوغرایان گوردوم اوشاخلیق یورقونلوغوم چیخدی . دوغرودان نلر چکمیشیک؟!). آتام دیه ردی : تیخا سامانی مال حیوان قیش اوزونو یییه بیلمز . اوتدان یونجا دان دوغراییب قاتاندا دادلی بیر یئم اولور . سورالار الیم چاتاندا ،گوردوم ایله بیزیم دویو خوروش ترکیبی کیمی بیر زاد اولورموش.
او گونلرین بیری ، ینه کند ین کیشیلری دوکان قاباغیندا عومور چورودیردیلر. هره بیر دره دن بیر سوز سویله ییردی . قارداشیم ممدتاغی بیر ساهاتدان سورا گلیب اونلارا قاتیلدی. یوبانماغی نین سببی ایش یوخ ، یازی پوزیدی. قولاغینا چاتماسین هچ سن دیه ن ایش اهلی دگیلدی . باشقالار کیمی واقتیندا زمی نی بیچمه ییب پاییزا ساخلاردی کی علی قهرمان دئییر: بیچین پاییزا قالاندا سحر شهی دوشور ،هم واغانییب توکولمور همده هاوا سرین اولور!!. سیزجه پاییزاجان سئرچه لر سونبولده دن قویاردیلار؟
مدرسه اوزو گورمه دن ،اوزوندن کیچیک قارداشی انشالله دان درس آلیب ساوادلی اولموشدی. جوانلیق چاغلارینین برو برو واقتی شاعیرلیگی نین کورپه واقتی ایدی . ایلک یازدیغی شعرلرعلی آغا واحدین تاثیری آلتیندا غزل ایدی . سونرالار پئشه کار قوشما یازان اولدی . ایکی شعر کتابی چاپ اولوب اوچونجی سی چاپا حاضیرلانیر .اوزامان اوزیله زومزومه ایله دیگی بیر غزلین مطلعی هله ده یادیمدا.
او چمنزاری سئور کونلوم کی بیر جانان اولا
بیرقلم قاش توپ یریش گولدن گوزل بیر جان اولا
دئدیم کی ! هله تتی تتی ایله ین شاعیریدی . یوخسا آدامین سئوگیلیسی توپ کیمی دیغیرلانسا دای سئومه لی هاراسی قالار؟ اوجورکی چمندن توپدان باشلامیشدی تانیمیش فوتبالچی اولمالیدی. آنجاق گوزل بیر شاعیر اولدی.
خولاصه ، ممدتاغی جمعیته قاریشاندا هامی اونو سورغو ساوالا چکدیلر.
یدالله کیشی دئدی : بالا تزه خبر زاد یوخدی ؟
بالابئی اوغلو اوروج ریشخندیله دئدی : اومود اولما یدیش !!
باباش کیشی دئدی : اوروج دوز دئییر بیزده شانس هاردایدی.
ماحمودالی اوزون بیلمه مزلیه ووروب سوروشدی: ایه نه خبری گودورسوز کی ممد اوغلو رادیودان سیزه گتیره؟
آبباس کاتدا اونا چپ چپ باخیب دئدی : یانی سن بیلمیرسن بولارین دردی ندیر فیریلداقچی؟ اده پامبوغ دا پامبوغ!!
کندیمیزیمیزده بیر قیش گونی
(آدلاروسوزلر عین کند تلفظی کیمی یازیلیب)
1349 نجی گونش ایلی ، قیش فصلیدی. او ایللر قیش قیشیدی . بعضن گونده ایکی دفعه داملارین قارین کورومک یادیما گلیر. او فصیلده کند اهلینین ایشی ، مال حیوانا طوله ده یئم وئرمک ، دره ده سوارماق وطوله نی تمیزلمکدن عبارتیدی . بئش گوندن بیر اودون یئغماغا مئشیه گئدردیلر. قار یاغاندادا کی ، قار کورومک ایشه علاوه اولاردی . بللی دیر کی کند اهلی ، یای یاز فصلی کیمی گون چیخاندان جان چیخانا قدر چالیشماغا مجبور دگیلدیلر . بکار ساعاتلاری ناهار چاغیندان آخشاما قدر اولاردی. اوساعاتلاری حوسین قولونون دوکانینا یا اطرافینا جمع اولوب اوز لرین گونه وئرردیلر . پاپروز چکیب دردلشیردیلر. خییرلری حوسینقولویا آنجاق بیر کیلو دشتستان خورماسی یادا نیچه واراق پاپروز کاغاذی آلماق اولاردی . پاپروز کاغاذی اصلینده نازیک کاغذا یازیلمیش خارجی دیلده گونده لیک ایدی.اوخارجی لر گونده لیکدن گون خبرلری ، علمی، سیاسی معلومات آلاردی، بیزده ده هانسی عاغیللی کشف ائتمیشدی کی اونا تنبکی بوکوب سیگارت کیمی چکمک اولار.ایندی فیکیرلشیرم کی دوکانچیلار شهردن او گوندلیکلری آلاندا ، ساتیجیا نه دئییرمیش لر؟ ساوادسیز کند اهلینه بیر ایل قاباغین خارجی گونده لیگی نه لازم ؟ اونوتدوم کی دیه م او فراغت آنلاری کیشی لره مخصوص ایدی . کند قادینی ، قیزی هانا اوزادیب ، پالازدان گبه دن فرمشدن توخومالیدی .قادین هارا فراغت هارا؟اوندا هاردایدیز آی های کویلی فئمنیستلر؟ هله باتمیش شاهین فرحی دونن دئییردی : بیزیم دورده قادین حاقی اعلا درجه ده قوروناردی !!! بلکه ده کاخداکی قادینلاری دئییرمیش . نه بیلیم .؟
مال داواری یئمله مکدن ده بیرآز دئییم کی کندیمیزی یاخشی تانیاسیز. یایین سونوندا تاخیل درزلرین اشان ایله ییب اوستونده ول سورندن سورا ، دنی یلده سوووروب آییرد ایلردیک . سامانی دا کوره کش آدلی بیر ابزار لا سامانلیغا توکردیک . او چاغدا کول ناریدا یتیشردی . بیلیرسیز آخی بیزیم کندین دره لری ، یال یاماجی ،بول نارلیقدی . اتک اتک نار یئغیب سامانلا بیرگه سامانلیغا توکردیک . قیشداکی ، شانا ایله سامانی ائشردیک ، بیر بیر نارلاردان تاپیب دیشه چکردیک . تصورائدین کی هر نار او چاغدا نئجه قیمتلی بیر تاپینتی اولابیلر. اوتین ، یونجانین باغین آچیب دیره یه باغلانان چین ایله دوغراییب سامانا قاتاردیق . (بیلدیر خان اوغلان گیلده مدرن برقی اوت دوغرایان گوردوم اوشاخلیق یورقونلوغوم چیخدی . دوغرودان نلر چکمیشیک؟!). آتام دیه ردی : تیخا سامانی مال حیوان قیش اوزونو یییه بیلمز . اوتدان یونجا دان دوغراییب قاتاندا دادلی بیر یئم اولور . سورالار الیم چاتاندا ،گوردوم ایله بیزیم دویو خوروش ترکیبی کیمی بیر زاد اولورموش.
او گونلرین بیری ، ینه کند ین کیشیلری دوکان قاباغیندا عومور چورودیردیلر. هره بیر دره دن بیر سوز سویله ییردی . قارداشیم ممدتاغی بیر ساهاتدان سورا گلیب اونلارا قاتیلدی. یوبانماغی نین سببی ایش یوخ ، یازی پوزیدی. قولاغینا چاتماسین هچ سن دیه ن ایش اهلی دگیلدی . باشقالار کیمی واقتیندا زمی نی بیچمه ییب پاییزا ساخلاردی کی علی قهرمان دئییر: بیچین پاییزا قالاندا سحر شهی دوشور ،هم واغانییب توکولمور همده هاوا سرین اولور!!. سیزجه پاییزاجان سئرچه لر سونبولده دن قویاردیلار؟
مدرسه اوزو گورمه دن ،اوزوندن کیچیک قارداشی انشالله دان درس آلیب ساوادلی اولموشدی. جوانلیق چاغلارینین برو برو واقتی شاعیرلیگی نین کورپه واقتی ایدی . ایلک یازدیغی شعرلرعلی آغا واحدین تاثیری آلتیندا غزل ایدی . سونرالار پئشه کار قوشما یازان اولدی . ایکی شعر کتابی چاپ اولوب اوچونجی سی چاپا حاضیرلانیر .اوزامان اوزیله زومزومه ایله دیگی بیر غزلین مطلعی هله ده یادیمدا.
او چمنزاری سئور کونلوم کی بیر جانان اولا
بیرقلم قاش توپ یریش گولدن گوزل بیر جان اولا
دئدیم کی ! هله تتی تتی ایله ین شاعیریدی . یوخسا آدامین سئوگیلیسی توپ کیمی دیغیرلانسا دای سئومه لی هاراسی قالار؟ اوجورکی چمندن توپدان باشلامیشدی تانیمیش فوتبالچی اولمالیدی. آنجاق گوزل بیر شاعیر اولدی.
خولاصه ، ممدتاغی جمعیته قاریشاندا هامی اونو سورغو ساوالا چکدیلر.
یدالله کیشی دئدی : بالا تزه خبر زاد یوخدی ؟
بالابئی اوغلو اوروج ریشخندیله دئدی : اومود اولما یدیش !!
باباش کیشی دئدی : اوروج دوز دئییر بیزده شانس هاردایدی.
ماحمودالی اوزون بیلمه مزلیه ووروب سوروشدی: ایه نه خبری گودورسوز کی ممد اوغلو رادیودان سیزه گتیره؟
آبباس کاتدا اونا چپ چپ باخیب دئدی : یانی سن بیلمیرسن بولارین دردی ندیر فیریلداقچی؟ اده پامبوغ دا پامبوغ!!
او ایل لارجان دوزلرین هامی پامبوغ اکیب چوخلی محصول توپلاییب داملاردا آنبارلامیشدیلار. هر ایل پاییزین قیرخ بئشینه کیمی موشتری گلیب یالواریب آلان پامبوغ ، او ایل اللرینده قالمیشدی. اودور کی هر یردن پامبوغون بازاری ، ساتیشی حاقدا خبر گودوردیلر.
ممدتاغی اوزونه موسللط دوداغی قاچمادان جیددی حالدا دئدی: نیه ؟ اتفاقن ساهات ایکی خبرینده شاه اوزو دانیشدی.
هرکس ایکی قولاخدا بورج آلیب دقتله اونون سوزونون آردین گوزله دیلر.
ممدتاغی علاوه ایله دی : شاه دئدی برژنف ین اوزویله اوز اوزه اوتوروب ایکی ساهات دانیشدیق . آلله کسسین بو کمونیستلری . آجین بیری دیلر. پامبوغون قیمتی حاقدا نه قدر چنه لشدی . آنجاق منده ایسته دیگیم قیمتدن آشاغی ائنمدیم . فیکیرلشدیم بو شاه دوست اکینچیلرین قابیغی چیخیب یای اوزونو. قویمارام زحمتلری ضای اولسون.یاخشی قیمته سودالاشدیق . کاغیذ قلم گتیردیلر کی قراردادی امضالیاق . نصیبین گوزلری ایشیقلاندی . ایچینده بیر اومید یارانمیش کیمی ذیلفیقارا باخیب ایکی دفعه باشین ترپتدی.
ممدتاغی آرتیردی :او دیقه بیلمیرم بو مردم آزار اوغلو مردم آزار پادگورنی هاردان تاپیلدی . کوپک اوغلو ، ده ده سیده ایله مردم آزاریدی. گئتدی برژنفه نه پیچیلدادی ، کیشی نی پئشمان ایلدی . بشجه دیقه یوبانسایدی ، ایش قورتارمیشدی. ایندی مشد تمیر اوغلو علی نین الینده اوشتوبین ناری قالیب چورویوب ، قولو بیلی دن بیله گزدیریب ساتا بیلمدیگی کیمی ، بو میراث پامبوق دا قالیب الیمده . اسیریم چیخیب آلان یوخدی کی یوخدی.!!
ایله بیل هامینین باشینا سویوخ سو اله دین. ساکت اولدولار. نصیب دئدی : ایه یازیق نیله سین ؟ اللشماغینا اللشیب . میراثا صاحاب چیخان یوخدی دا!!
علومبت کیشی باشین تولیا تولیا دئدی: جددابا نهلت مردم آزار کوپی اوغلو !.
نیفدواله بهزاد آغزین آچدی کی بیر سوز دئسین، نجققولی اوغلو ممدتاغی گوزون قئییب اوزون توتدی بیزیم قارداشا . تحکومله سوروشدی: ایه ی ممدتاغی ! بورا باخ گوروم ، شاه مشد تمیر اوغلو علی نی هاردا تانییر هه ؟؟
عابباس خومارلو کی اولدن بیلردی ممدتاغی میرت ایله ییر دای اوزون ساخلیا بیلمدی پیققیلدادی .حوسینقولودا ماحمودالی دا گولمه یه قوشولدیلار.ممدتاغی دا باشلادی گولمه یه . هاما باشقالاری سانکی او دیقه بیر قیمتلی شیئی لری ایتدی ،دیینمه یه باشلادیلار.
عسگر اوغلو یاغیب دئدی : مردم آزار اوغلو ایکی ساهاتدی بیزی سی...نه سارییب .
مشد تمیر اوغلو علی : بو کوپی اوغلونون شوغلوغو ینان جیددی سی هچ واقت بللی اولماز.
بالابئی اوغلو اوروج بوغدا تایی نین اوستوندن دوشوب ، یداله کیشیه طرف باخیب.: عرض ایله مه دیم یدیش ؟ دئییب جمعدن آیریلدی.
یاواش یاواش گون قاشقا زمیدن آشماغا طرف اییلدی . کیشیلرده اوزولموش حالدا داغیلیب ائولرینه گئتدیلر.
نئچه سی اوره یینده آرزولاییردی کی کاش بو گئجه شاهینان برژنفین سوداسی باش توتا. باتمانی نئچه قرا ن آشاغی اولسادا !!!
https://t.me/Adabiyyatsevanlar
ممدتاغی اوزونه موسللط دوداغی قاچمادان جیددی حالدا دئدی: نیه ؟ اتفاقن ساهات ایکی خبرینده شاه اوزو دانیشدی.
هرکس ایکی قولاخدا بورج آلیب دقتله اونون سوزونون آردین گوزله دیلر.
ممدتاغی علاوه ایله دی : شاه دئدی برژنف ین اوزویله اوز اوزه اوتوروب ایکی ساهات دانیشدیق . آلله کسسین بو کمونیستلری . آجین بیری دیلر. پامبوغون قیمتی حاقدا نه قدر چنه لشدی . آنجاق منده ایسته دیگیم قیمتدن آشاغی ائنمدیم . فیکیرلشدیم بو شاه دوست اکینچیلرین قابیغی چیخیب یای اوزونو. قویمارام زحمتلری ضای اولسون.یاخشی قیمته سودالاشدیق . کاغیذ قلم گتیردیلر کی قراردادی امضالیاق . نصیبین گوزلری ایشیقلاندی . ایچینده بیر اومید یارانمیش کیمی ذیلفیقارا باخیب ایکی دفعه باشین ترپتدی.
ممدتاغی آرتیردی :او دیقه بیلمیرم بو مردم آزار اوغلو مردم آزار پادگورنی هاردان تاپیلدی . کوپک اوغلو ، ده ده سیده ایله مردم آزاریدی. گئتدی برژنفه نه پیچیلدادی ، کیشی نی پئشمان ایلدی . بشجه دیقه یوبانسایدی ، ایش قورتارمیشدی. ایندی مشد تمیر اوغلو علی نین الینده اوشتوبین ناری قالیب چورویوب ، قولو بیلی دن بیله گزدیریب ساتا بیلمدیگی کیمی ، بو میراث پامبوق دا قالیب الیمده . اسیریم چیخیب آلان یوخدی کی یوخدی.!!
ایله بیل هامینین باشینا سویوخ سو اله دین. ساکت اولدولار. نصیب دئدی : ایه یازیق نیله سین ؟ اللشماغینا اللشیب . میراثا صاحاب چیخان یوخدی دا!!
علومبت کیشی باشین تولیا تولیا دئدی: جددابا نهلت مردم آزار کوپی اوغلو !.
نیفدواله بهزاد آغزین آچدی کی بیر سوز دئسین، نجققولی اوغلو ممدتاغی گوزون قئییب اوزون توتدی بیزیم قارداشا . تحکومله سوروشدی: ایه ی ممدتاغی ! بورا باخ گوروم ، شاه مشد تمیر اوغلو علی نی هاردا تانییر هه ؟؟
عابباس خومارلو کی اولدن بیلردی ممدتاغی میرت ایله ییر دای اوزون ساخلیا بیلمدی پیققیلدادی .حوسینقولودا ماحمودالی دا گولمه یه قوشولدیلار.ممدتاغی دا باشلادی گولمه یه . هاما باشقالاری سانکی او دیقه بیر قیمتلی شیئی لری ایتدی ،دیینمه یه باشلادیلار.
عسگر اوغلو یاغیب دئدی : مردم آزار اوغلو ایکی ساهاتدی بیزی سی...نه سارییب .
مشد تمیر اوغلو علی : بو کوپی اوغلونون شوغلوغو ینان جیددی سی هچ واقت بللی اولماز.
بالابئی اوغلو اوروج بوغدا تایی نین اوستوندن دوشوب ، یداله کیشیه طرف باخیب.: عرض ایله مه دیم یدیش ؟ دئییب جمعدن آیریلدی.
یاواش یاواش گون قاشقا زمیدن آشماغا طرف اییلدی . کیشیلرده اوزولموش حالدا داغیلیب ائولرینه گئتدیلر.
نئچه سی اوره یینده آرزولاییردی کی کاش بو گئجه شاهینان برژنفین سوداسی باش توتا. باتمانی نئچه قرا ن آشاغی اولسادا !!!
https://t.me/Adabiyyatsevanlar
Telegram
ادبیات سئونلر
بوکانال ادبیات سئونلر قوروپونون سئچیلمیش اثرلری دیر
کانالدا کی یازیلاری کانالین لینکینی وئرمک شرطی ایله پایلاشماق اولار.
کانالدا کی یازیلاری کانالین لینکینی وئرمک شرطی ایله پایلاشماق اولار.
«حسین محمد زاده صدیق» (حسین دوزگون)
1324-1401
دونیا سندن کیملر کئچدی!!
تاسفله تانینمیش ادبیات شوناس، شاعیر، یازیچی، محقق دوکتور «حسین محمدزاده صدیق» بوگون 1401/6/2 تهراندا فیروزگر خستهخاناسیندا حیاتا گؤز یومدو.
بو آجی خبر ادبیات سئونلر عایلهسینی اؤرک ائویندن ساریستدی. یورولماز ادبیات خادیمی 50 ایل آذربایجان ادبیاتیندا بیر فرهنگیستانجا اثر یارادیب.
او بیزدن آیریلسادا، موعاصیر ادبیاتیمیزین قالارقی سیمالارینداندی و ابدی اولاراق آذربایجان ادبیاتیندا یاشایاجاق.
ادبیات سئونلر بو آجی و یاندیریجی آیرلیغی سایین اوستادین حورمتلی عایلهسینه، سئونلرینه، آذربایجان خالقینا، ادبیات سئونلر عاییلهسینه باش ساغلیغی وئریر.
تکمیلی خبرلر، اوستادین یارادیجلیغی حاقیندا آرتیق معلومات حاضیر لانماقدا دیر.
ادبیات سئونلر_1401
https://t.me/Adabiyyatsevanlar
1324-1401
دونیا سندن کیملر کئچدی!!
تاسفله تانینمیش ادبیات شوناس، شاعیر، یازیچی، محقق دوکتور «حسین محمدزاده صدیق» بوگون 1401/6/2 تهراندا فیروزگر خستهخاناسیندا حیاتا گؤز یومدو.
بو آجی خبر ادبیات سئونلر عایلهسینی اؤرک ائویندن ساریستدی. یورولماز ادبیات خادیمی 50 ایل آذربایجان ادبیاتیندا بیر فرهنگیستانجا اثر یارادیب.
او بیزدن آیریلسادا، موعاصیر ادبیاتیمیزین قالارقی سیمالارینداندی و ابدی اولاراق آذربایجان ادبیاتیندا یاشایاجاق.
ادبیات سئونلر بو آجی و یاندیریجی آیرلیغی سایین اوستادین حورمتلی عایلهسینه، سئونلرینه، آذربایجان خالقینا، ادبیات سئونلر عاییلهسینه باش ساغلیغی وئریر.
تکمیلی خبرلر، اوستادین یارادیجلیغی حاقیندا آرتیق معلومات حاضیر لانماقدا دیر.
ادبیات سئونلر_1401
https://t.me/Adabiyyatsevanlar
اوستاد دوکتور« حسین محمدزاده صدیقین» حیات و یارادیجیلغینا اوتری باخیش.
حسین محمدزاده صدیق۱۳۲۴ قورا بیشیرن آیین ییرمی دوردونده، تبریز شهرینده دونیا گوز آچدی.
او دیپلم آلاندان سونرا تبریز "دانشسرا"سیندا ۱۳۴۸ اینجی ایلده فارس ادبیاتی لیسانسی آلدی. ۱۳۶۰دا استانبول یونیورسیتهسیندن تورک ادبیاتی یوکسک لیسانس و ۱۳۶۲ده فارس، عرب و تورک دیللرینین تطبیقی دکتراسینی همن یونیورسیتهدن الده ائتدی.
او انقلابدان سونرا یولداش"، " "انقلاب یولوندا"، و "یئنی یول" نشرلرینده مشارکت ائتدی.
دوکتور صدیقین تخللصلری"دوزگون" باشقا امضاءلاری یازیلار و مقالهلرینده: حسین دوزگون، ح.صدیق، ح.م.صدیق، حسین صدیق، ح. دوزگون، حسین سرخابلی، حسین شمایلی.
او اطلاعات قزئتهسینه باغلی "سهند" هفتهلیگینین سوروملو مودورو قفقاز جمهوریلرینه ۱۳۶۸ دن ۱۳۸۱جه اولوب. ۱۳۷۰ دن آذربایجان تورکوجه سینی درس وئرمهسینی یونیورسیتهلرده باشلادی و تهران، طب علملری، صنعتی شریف، امام صادق، علم و صنعت، اورمو یونیورسیتهسی، زنجانین آزاد یونیورسیتهسی، رودهن واحدی، مرکزی تهران واحدی و باشقا یونیورسیتهلرده درس وئردی.
اثرلر:
آذربایجانین شهید عالیملری
موسیقی رسالهلری ایله تانیشلیق
اردبیل لوحهلری
اوچغون داخما
اوشاقلارین ناغیل دونیاسی
حبیب ساهرین یئنیلیکلری
زنجان لوحهلری۲
سایالار
اوچ باستانی داش
مولوینین تورکو شعرلرینده گزیش
صائب تبریزینین غزللرینین شرحی
صمد بهرنگی منظومهسی
عاشیقلار
قاشقایی لوحهلری
کچل ناغیللاری
ادبی- هنری متنلر
مشروطیت دونمینده فعالیت گوسترن نسیم شمال
ملا عبدالله زنوزی و زنوزیه مکتبی
ملاپناه واقف، گوزللیک و حقیقت شاعیری
ورزقان(شعر توپلوسو)
چیل مایدان
کیچیک شعرلر
تورکجه نظم سئچیلمیشلری
تورکجه باستانی یادمانلار
یورد غزللری
بیر گون خافدا(سفرنامه) دورد قیسمت
https://t.me/Adabiyyatsevanlar
حسین محمدزاده صدیق۱۳۲۴ قورا بیشیرن آیین ییرمی دوردونده، تبریز شهرینده دونیا گوز آچدی.
او دیپلم آلاندان سونرا تبریز "دانشسرا"سیندا ۱۳۴۸ اینجی ایلده فارس ادبیاتی لیسانسی آلدی. ۱۳۶۰دا استانبول یونیورسیتهسیندن تورک ادبیاتی یوکسک لیسانس و ۱۳۶۲ده فارس، عرب و تورک دیللرینین تطبیقی دکتراسینی همن یونیورسیتهدن الده ائتدی.
او انقلابدان سونرا یولداش"، " "انقلاب یولوندا"، و "یئنی یول" نشرلرینده مشارکت ائتدی.
دوکتور صدیقین تخللصلری"دوزگون" باشقا امضاءلاری یازیلار و مقالهلرینده: حسین دوزگون، ح.صدیق، ح.م.صدیق، حسین صدیق، ح. دوزگون، حسین سرخابلی، حسین شمایلی.
او اطلاعات قزئتهسینه باغلی "سهند" هفتهلیگینین سوروملو مودورو قفقاز جمهوریلرینه ۱۳۶۸ دن ۱۳۸۱جه اولوب. ۱۳۷۰ دن آذربایجان تورکوجه سینی درس وئرمهسینی یونیورسیتهلرده باشلادی و تهران، طب علملری، صنعتی شریف، امام صادق، علم و صنعت، اورمو یونیورسیتهسی، زنجانین آزاد یونیورسیتهسی، رودهن واحدی، مرکزی تهران واحدی و باشقا یونیورسیتهلرده درس وئردی.
اثرلر:
آذربایجانین شهید عالیملری
موسیقی رسالهلری ایله تانیشلیق
اردبیل لوحهلری
اوچغون داخما
اوشاقلارین ناغیل دونیاسی
حبیب ساهرین یئنیلیکلری
زنجان لوحهلری۲
سایالار
اوچ باستانی داش
مولوینین تورکو شعرلرینده گزیش
صائب تبریزینین غزللرینین شرحی
صمد بهرنگی منظومهسی
عاشیقلار
قاشقایی لوحهلری
کچل ناغیللاری
ادبی- هنری متنلر
مشروطیت دونمینده فعالیت گوسترن نسیم شمال
ملا عبدالله زنوزی و زنوزیه مکتبی
ملاپناه واقف، گوزللیک و حقیقت شاعیری
ورزقان(شعر توپلوسو)
چیل مایدان
کیچیک شعرلر
تورکجه نظم سئچیلمیشلری
تورکجه باستانی یادمانلار
یورد غزللری
بیر گون خافدا(سفرنامه) دورد قیسمت
https://t.me/Adabiyyatsevanlar
Telegram
ادبیات سئونلر
بوکانال ادبیات سئونلر قوروپونون سئچیلمیش اثرلری دیر
کانالدا کی یازیلاری کانالین لینکینی وئرمک شرطی ایله پایلاشماق اولار.
کانالدا کی یازیلاری کانالین لینکینی وئرمک شرطی ایله پایلاشماق اولار.
داستان پردازی در آثار حکیم نظامی گنجوی
استاد:«دکتر صمد رحمانی»
زمان: شنبه 1401/6/5
ساعت: 17
آدرس: چای کنار، خانه ی ثقه الاسلام، موسسه ی فرهنگی هنری حکیم نظامی
ورود برای عموم آزاد و ریگان است.
https://t.me/Adabiyyatsevanlar
استاد:«دکتر صمد رحمانی»
زمان: شنبه 1401/6/5
ساعت: 17
آدرس: چای کنار، خانه ی ثقه الاسلام، موسسه ی فرهنگی هنری حکیم نظامی
ورود برای عموم آزاد و ریگان است.
https://t.me/Adabiyyatsevanlar
دوکتور:« حسین محمدزاده صدیق»
ئلیمین آجییان یاراسییام من،
ال قوی نبضیمه گؤر هاراسییام من،
پارچالانمیش قلبین پاراسییام من.
هر دونا گیرسمده یئنه دۆزگۆنم،
بو آد ایله حققیم واردیر اؤیۆنم.
دۆشمن وارلیغیمی انکار ائیلهدی،
قیر آتیمی، بوز آتیمی پئیلهدی.
منه تهمت ووردو، هر سؤز سؤیلهدی،
ائلین قایغیسینی باشدان آتمادیم،
کئشیگینده اویاق قالدیم یاتمادیم.
بو ائلین تاریخی کئچمیشی تایسیز،
کلامی، هر سؤزۆ، هر ایشی تایسیز،
دوروشو، گلیشی، گئدیشی تایسیز،
آلدانما اؤزگهنین یاغلی دیلینه.
آللاهیوا باش اگ، باغلان ائلینه.
گلمهدی دیلیمه بیرجه یالان سؤز،
دۆزگۆنم ایلقاریم دوغرو سؤزۆم دۆز.
سنده اجنبیدن من تک الین اۆز،
گل ائله، وطنه، یوردا گوهنک،
بوردا گؤمۆلمۆشدۆر یۆزمینلر دیلک
https://t.me/Adabiyyatsevanlar
ئلیمین آجییان یاراسییام من،
ال قوی نبضیمه گؤر هاراسییام من،
پارچالانمیش قلبین پاراسییام من.
هر دونا گیرسمده یئنه دۆزگۆنم،
بو آد ایله حققیم واردیر اؤیۆنم.
دۆشمن وارلیغیمی انکار ائیلهدی،
قیر آتیمی، بوز آتیمی پئیلهدی.
منه تهمت ووردو، هر سؤز سؤیلهدی،
ائلین قایغیسینی باشدان آتمادیم،
کئشیگینده اویاق قالدیم یاتمادیم.
بو ائلین تاریخی کئچمیشی تایسیز،
کلامی، هر سؤزۆ، هر ایشی تایسیز،
دوروشو، گلیشی، گئدیشی تایسیز،
آلدانما اؤزگهنین یاغلی دیلینه.
آللاهیوا باش اگ، باغلان ائلینه.
گلمهدی دیلیمه بیرجه یالان سؤز،
دۆزگۆنم ایلقاریم دوغرو سؤزۆم دۆز.
سنده اجنبیدن من تک الین اۆز،
گل ائله، وطنه، یوردا گوهنک،
بوردا گؤمۆلمۆشدۆر یۆزمینلر دیلک
https://t.me/Adabiyyatsevanlar
Telegram
ادبیات سئونلر
بوکانال ادبیات سئونلر قوروپونون سئچیلمیش اثرلری دیر
کانالدا کی یازیلاری کانالین لینکینی وئرمک شرطی ایله پایلاشماق اولار.
کانالدا کی یازیلاری کانالین لینکینی وئرمک شرطی ایله پایلاشماق اولار.