یازار:«ائلناره آکیمموا»
کؤچورن:«ویدا حشمتی»
حاضیرلایان:«ادبیات سئونلر»
اوچونجو بولوم

چاغداش ادبيّاتیمیزین، میلّی مفکوره خطّی‌نین فورمالاشما مرحله‌‌سی کیمی ۱۹-جو عصرین سونو ۲۰-جی عصرین ایلکلری‌نین متنلری جدّی قایناق حساب ائدیلیر و اوشاق ادبيّاتی‌نین دا فورمالاشماسی عینی زامان کسیمینه تصادف ائدیر. میلّی مطبوعاتین معاریفچی‌لییین، میلّی مفکوره دالغاسی‌نین یارانیشی و انتشاری باخیمیندان و بئله بیر دوشونجه تلاطومونده بو ادبيّاتین فایدالاندیغی نه‌لر ایسه اخذ ائتدییی تأثیرلندییی مأخذلر مختلف اؤلکه‌لرین متنلری وار کی اونلارین اؤیرنیلمه‌سی مقایسه‌لی شکیلده تحلیل ائدیلیب اوزه چیخاریلماسی واجیب مقاملاردیر. دونیا تجروبه‌سی‌نین میلّی کونتئکسته داخیل ائدیلمه‌سی‌نین بوتون جهدلری اؤز شرحینی قیمت‌لندیریلمه‌سینی گؤزله‌ییر.
بؤیوک روس پئداگوگو اوشینسکی‌نین مشهور"رودنویئ سلووو" درسلی‌یینده‌کی متنلرین سونرادان آذربایجاندا یئنی بدیعی دوشونجه‌نین فورمالاشماسیندا خصوصی‌ایله ده پوئتیک سیستمین یئر دگیشمه‌سینده اوینادیغی رول ائستئتیک سیستمین...
بو یازینین آردینی ادبیات سئونلر کانالیندا اوخویون

https://t.me/Adabiyyatsevanlar

اوشاق ادبیاتی
شیرین دیلیم
دیکلمه:«اوختای» بالامیز

https://t.me/Adabiyyatsevanlar

اوشاق ادبیاتی
اوشاق ادبیّاتیندا آذربایجانچیلیق مفکوره‌سی-

یازار:«ائلناره آکیمموا»
کؤچورن:«ویدا حشمتی»
حاضیرلایان:«ادبیات سئونلر»
اوچونجو بولوم

چاغداش ادبيّاتیمیزین، میلّی مفکوره خطّی‌نین فورمالاشما مرحله‌‌سی کیمی ۱۹-جو عصرین سونو ۲۰-جی عصرین ایلکلری‌نین متنلری جدّی قایناق حساب ائدیلیر و اوشاق ادبيّاتی‌نین دا فورمالاشماسی عینی زامان کسیمینه تصادف ائدیر. میلّی مطبوعاتین معاریفچی‌لییین، میلّی مفکوره دالغاسی‌نین یارانیشی و انتشاری باخیمیندان و بئله بیر دوشونجه تلاطومونده بو ادبيّاتین فایدالاندیغی نه‌لر ایسه اخذ ائتدییی تأثیرلندییی مأخذلر مختلف اؤلکه‌لرین متنلری وار کی اونلارین اؤیرنیلمه‌سی مقایسه‌لی شکیلده تحلیل ائدیلیب اوزه چیخاریلماسی واجیب مقاملاردیر. دونیا تجروبه‌سی‌نین میلّی کونتئکسته داخیل ائدیلمه‌سی‌نین بوتون جهدلری اؤز شرحینی قیمت‌لندیریلمه‌سینی گؤزله‌ییر.
بؤیوک روس پئداگوگو اوشینسکی‌نین مشهور"رودنویئ سلووو" درسلی‌یینده‌کی متنلرین سونرادان آذربایجاندا یئنی بدیعی دوشونجه‌نین فورمالاشماسیندا خصوصی‌ایله ده پوئتیک سیستمین یئر دگیشمه‌سینده اوینادیغی رول ائستئتیک سیستمین ترانسفورماسییاسی کونکرئت دئسک، آذربایجان شعر نظم دوشونجه‌سی‌نین شرقدن غربه یئر دگیشمه‌سی مؤضوعونون ژانرین تکاملو کونتئکستینده آراشدیریلماسی، غرب بدیعی دوشونجه سیستمی‌نین آذربایجانا گلیشینده و آذربایجان دیلی بدیعی دوشونجه‌سی ایله قایناییب، قاریشماسیندا رولو، ایزی اولان اثرلرین مؤلف یاناشمالاری‌نین تدقیقی حلّینی گؤزله‌ین مسئله‌لردندیر. "۱۹-جو عصرین سونلارینا دوغرو آذربایجان اجتماعی مفکوره‌سینده ائله‌جه ده بدیعی دوشونجه‌سینده و ادبی دیلینده گئدن پروسئسلرده "رودنویئ سلووو " "آنادیلی" کیتابی‌نین آیریجا رولونو اوزه چیخارماق ۲۰-جی عصرین ایلکلرینده ایکی تأثیر قوّه‌سی روس ادبيّاتی و تورک ادبيّاتی ایله بیرباشا تماسدا اولان یئنی آذربایجان ادبيّاتی‌نین فرانسیز ادبيّاتی ایله ده "کسیشدییی عثمان اوغلو مقاملارا دقت ائتمک چاغداش ادبيّات‌شوناسلیغین اوشاق ادبيّاتی ایله باغلی تاریخی مرحله‌‌لرین یئنی گؤزله اوخونوشونو لابدلشدیریر.
گؤروندویو کیمی، ۲۰- جی عصرین ایلکلرینده آذربایجان اوشاق ادبيّاتی‌نین
اینکیشافیندا جانلانما یارانیر. بو ایشده ۱۹۰۶-۱۹۰۷-جی ایللرده باکیدا کئچیریلن «ی و یی» معلّیملر قورولتایلاری اونلارین قبول ائتدیکلری قرارلار و میلّی اوشاق مطبوعاتیمیزین یارانماسی دا موهوم رول اویناییر‌. همین حادثه‌‌لر اوشاق ادبيّاتی ساحه‌‌سینه گنج و یئنی استعدادلی نماینده‌لرین گلمه‌سینه سبب اولور.
۲۰-جی عصرده آذربایجان اوشاق ادبيّاتی‌نین اینکیشافیندا هم بدیعی یارادیجیلیغی، هم ده درسلیک نشری ساحه‌‌سیندکی خدمتلری ایله بؤیوک ایشلر گؤرموش ادبی شخصیّتلردن بیری ده عبدالله شایق‌دیر. او اوشاق ادبيّاتی ساحه‌‌سینده مختلف ژانرلاردا بیر-بیریندن مضمونلو و ماراقلی بدیعی اثرلر یازمیش ""گولزار "، "تورک چلنگی " "ادبيّات درسلری" (ح. جاوید)له بیرگه و س. درسلیکلرینی حاضرلاییب چاپ ائتدیرمیش "شایق نمونه مکتبی"نی یاراتمیشدیر.
میلّی اوشاق پوئزییاسی‌نین انکیشافیندا خصوصی خدمتلری اولان شاعرلریندن دیگری گؤرکملی ساتیریک میرزا علی اکبر صابیردیر. او مکتبدارلیقلا یاناشی ""دبستان "و"رهبر ژورناللاریندا " بیرینجیایل، " ایکینجی ایل " یئنی مکتب درسلیکلرینده همچینین ""صدا ""حقیقت ""گونش و س. قزئتلرینده " یاز گونلری، " اوشاق وبوز " "قارینجا"، "جوتچو" مولّا نصر‌الدین‌ین یورغانی "، اسکیک آلیب آرتیق ساتان تاجیر" ، "یالانچیچوبان" "اوشاقلارا آنالار"بزه‌یی و س. شعر و منظوم ناغیللارینی یازمیشدیر کی، همین شعرلردن اکثريّتی اورتا مکتب درسلیکلرینده یئر آلیرلار.
۲۰-جی عصرین ایلکلرینده اوشاق ادبيّاتی‌نین منظره‌سینی تصویر ائدرکن گؤرکملی شاعر حسین جاویدین شعرلریندن یان کئچه بیلمریک. حسین جاویدین یارادیجی‌لیغی‌نین ایلک ایللرینده یازدیغی، اوشاق قهرمانلاری‌نین طالعینی متنلشدیردییی شعرلری، یاخود مشهور "قیز مکتبی"نده شعری دؤورونه حتی دئیردیم. اؤلکه حدودلاریندان کنارلارا تأثیر ائدن صنعت نمونه‌سینه چئوریلمیشدیر.

ادبيّات‌شوناس عالیم آذر توران" کوسموش ملک " گول‌باهارین شرمین‌ین سئودیکلری و سوررئال قفس مقاله‌سینده یارادیجی‌لیغی‌نین ان پارلاق دؤنه‌مینده ۴۷ یاشیندا آرتیق اوشاقلار اوچون یازماغا باشلامیش. " شرمین بالاما"، "یئتیم "" خسته چوجوق" "ملکین قوزوسو" " گلین"باهار، " قیریق"آت " ایکی یولچو" " قوشلارلا یاریش" کیمی شعرلریندکی اوشاق پسیکولوگییاسی و طالعی مسئله‌سی‌نین قویولوشو ایله آرتیق حیاتی معيّن درک مقامینا یئتمیش بؤیوک تورک شاعری توفیق فیکرتین "شرمین" شعرینه مناسیبتده واجب بیر مقاما دقیق وورغو سالیر: "شعرمین" دکی" موهاللئبیم و معلّمیم" شعری قیسماً " قیز مکبینده" شعرینی خاطیرلاتسا دا، توفیق فیکرتین

"شعرمین" ای ۱۹۱۴-جو ایلده ایستانبولدا حسین جاویدین " کئچمیش گونلر"ی ایسه اوندان بیر ایل اوّل باکیدا نشر اولونموشدو.
آذر تورانا گؤره، جاویدین " قیز مکتبینده" شعری‌نین ائستئتیک قایناقلاری ۱۹-جو عصر فرانسه پوئزییاسی‌نین بؤیوک اسمی بودلئر روحوندان زمین آلیردی: "شخصی اؤرنه‌یینده شاعرلیکله معلّیم‌لیین ایلک افندی تیپینی یارادان حسین جاویدین " قیز مکتبینده" شعری ایله توفیق فیکرتین"شرمین" شعری هر ایکیسی دیالوق اساسیندا قورولسا دا، هر ایکیسی اوشاق دونیاسیندان بحث ائتسه ده، هر ایکی شعر استروکتور عینی اولسا دا ( و نظره آلساق کی، دونیا اوشاق پوئزییاسیندا دیالوق اساسیندا قورولموش بو بیچیملی پوئتیک متنلر-شعرلر اوّل‌لر ده اولموشدو، اوندا دا وار ایدی، سونرالار دا اولدو ) آمّا " کیمی داها چوخ؟سئویرسن" سوالینا جاواب اساسیندا یازیلمیش توفیق فیکرتین"شرمین"ی شکیلجه، جاویدین گول‌باهاری ایسه هم شکیلجه، هم ده ائستئتیک محورینه گؤره بودلئرین "یابانچی"سی ایله هم آهنگدیر.
 
۱۹۱۸-جی ایلده مستقل آذربایجان رئسپوبلیکاسی‌نین بایراغی اوجالاجاقدی. آمّا اونا قدر مرکّب و خاوتیک ضديّتلی و کاتاکلیک، سیاسی آشامالار و بورولغانلارلا زنگین دؤور یاشانیر، گرگین پروسئسلر گئدیر. خالقین میلّی مفکوره استقامتی معيّن‌لشدیریلیر. بو دالغایا علی بَی حسینزاده "تورکلشمک ایسلاملاشماق آوروپالاشماق" جلیل ممدقولوزاده "وطن، میللت، دیل" تریاداسی ایله قوشولور داواملی اولاراق میلّی دیل بیرلیک، ایستیقلال، آزادلیق میلّی ایده‌ئیا و آمال مسئله‌لرینی قویور، اونون اوچون ساواشیر، مجادیله ائدیرلر. ۲۰-جی عصرین ایلکلرینده علی بَی حسین‌زاده، جلیل ممدقولوزاده، عباس صحّت، عبدالله شایق، سلطان مجید غنی‌زاده، رشید افندیزاده و باشقا آیدینلاریمیزین سایه‌سینده میلّی مفکوره مسئله‌لری دایم اؤن پلاندا اولموش، خالقین، اوشاقلاریمیزین معاریف‌لنمه‌سی مسئله‌سی کسکین ایفاده‌سینی تاپمیشدیر. وطن ، میللت، دیل، حرّيّت معاریفله‌نمک. بو ادیبلر بوتون عؤمورلرینی بو مقاملارا هدفله‌یه‌رک یاشادیلار. یارادی‌جیلیغی‌نین بوتون آسپئکتلرینده آذربایجان‌چیلیق عاملینه استناد ائده‌رک وطنین چ، میلّتین و دیلین وارلیغی‌نین قورونماسی یؤنونده آپاریجی فعالیّتی ایله سئچیلدیلر. مثلا علی بَی حسین‌زاده اوشاقلار اوچون یازدیغی "بیلگین قیز و آری" شعرینده تورکلوک اوچون بیرلیگین، حرّيّتین اساس اولماسی، بونون دا یولونون کمالدان، معاریفله‌نمکدن کئچمه‌سی وورغولانیردی:
 
ایستر بیر فرد اولسون ایستر بیر خالق
حرّيّتی فدا ائده‌مز بشر؟
ابدی باریشا یول بولماق اوچون
تسانودو بیرلییی، اساس تانیماق ایستر!
مسعود اولاماییز، اولساق دا آیری
اینسانلیغین یولو، اولگوسو آیری
کمالین بولدوغو یولدادیر. ایشیق
بو ایشیقدیر، تورکون قوتلو شعاری...
 
عینی موقعی علی بَی حسین‌زاده‌نین قیزی فیض‌آوره یازدیغی " باغچامین آغاجلاری" سلسله شعرلرینده ده گؤروروک:
 
خیزیردان نیشاندیر یاشیل یارپاغیم،
حاقین سئوگیسی‌له یانار چیراغیم،
عمرانا ریفاها ایشاره‌تم بن:
صلحه علامتدیر دالیم بوداغیم!..(زئیتون)
 
اوشاق شعرلرینی ساده، آنلاشیقلی بیر دیل ایله قلمه آلان علی بَی حسین‌زاده بورادا دا میلّی روحونو چ، مفکوره استقامتینی قورویوب ساخلاییر. اتّحاد، بیرلشمک، صولحه چاغیریش، خالقین اسارتدن قورتولماسی ادعاسی اساس مرام اولاراق ایرلی سورولور.
علی بی حسین زاده "نمونه مکتبی" مقاله‌سینده اوشاقلارا آنا دیلی‌نین اؤیردیلمه چ‌سی نین واجیب‌لییی مسئله‌سینی اساس مرام کیمی ایره‌لی سوروردو: "بیر اوشاغین بو سرعتله اؤز آنا دیلی تا ابتدادن اِهمال اولونوب اونا زورلا اجنبی دیل لری تحصیل ائدیلیرسه نه نتیجه حاصیل اولور؟ شو نتیجه حاصیل اولور کی، اوشاق ایکی-اوچ ایلین عرضینده امگه مقابل بیر دیلده یازیب، اوخوماق، بیر دیلده یازیلان کیتابلاری اوخویوب آنلاماق ایسترکن هئچ بیر دیلده نه یازماغی و نه ده اوخوماغی بیلمز.

https://t.me/Adabiyyatsevanlar

اوشاق ادبیاتی
دیکلمه

اوشاق ادبیاتی

«امیر بایاشی»

«امیر توکلی‌پو» ر
نقاشی:«مائده شیخلو» 5 یاشیندا



ابوالفضل توپو آلیب دوز منه ساری گلیردی. توتمالی ایدیم... گرک ده توتاردیم... مینانین یانیندا قویمازدیم آبریم گئتسین.
ابوالفضل دروازانین قاباغینا چاتماق همن توپو مؤحکم شوتله‌دی. تئز «واکی بایاشی» گاردی توتوب شیرجه ووردوم... توپ ال‌لریم‌ده ایدی... توپو تئز یولداش‌لاریما آتدیم. کوچه‌نین باشیندا قیزلارلا دوران مینایا باخدیم. فوتبال دلی‌سی اولدوغونو یاخشی بیلیردیم. مینا یان‌یؤره‌یه باخاراق یاواشدان بیری بیلمه‌دن منه ساری گلدی.
دئدیم: حال ائله‌دین حرکتی...؟
اؤزونو توتوب دئدی: پیس دئییلدی...
دئدیم: هه، سن اؤله‌سن... گؤردوم نئجه کئف ائله‌دین...
سونرا دا باشلادیق بیر بیریمیزه بوی دئمه‌یه. بیردن توپون بیزیم داروازادا اولدوغونو گؤردوم. اوشاق‌لار باشیما تؤکولوب یامان یوووز دئمه‌یه باشلادیلار... واکی بایاشی کیمی دانیشماق و روحیه وئرمک ایسته‌سم ده، حامید توپو الیمدن آلاراق دئدی: وئر منه گؤروم... ائششیین بیر ائششک... دانیشیر هله...
توپو آجیقلا میدانین اورتاسینا شوتله‌دی. مینا دا لاغا ایله قیزلارین یانینا گئتدی.
ایکیندی چاغی دامدا تویوق خوروزلاریما دن وئریردیم. آقای حسینی‌نین ائولریندن توپ سسی ائشیتدیم. یاواشجا اونلارین دامینا گئتدیم. مینا حیطده توپ ایله روپایی گئدیردی. ورزشی پالتار گئتمیشدی، توک‌لرینی آت قویروغو باغلامیشدی.
یاواش سسله‌دیم. منه ساری باخاراق دئدی: هه...؟ نه‌دی امیر...؟
دئدیم: توپ اویناماغین یاخشی ‌دی ها...
دئدی: به نمنه... بابام اجازه وئرسه ایدی گلیب سیزینله اویناسایدیم اوندا سنه ائله بیر قول ووراردیم ها دا سنه هئچ کیم امیر بایاشی دئمزدی!
حئیف کی بابام قویمور... دئییر بؤیویوبسن... روسری اؤرتمه‌لی‌سن، کوچه‌یه داها چوخ گئتمه‌مه‌لی و اوغلان‌لارلا دانیشمامالی‌سان...
دئدیم: صاباح آرخا کوچه اوشاق‌لاری ایله فوتبال یاریشیمیز وار. تاماشایا گلیرسن؟
دئدی: بابامی اکه بیلسه‌م... هه...
او گونون صاباحیسی آتام آلان تازا کتانی‌لاریمی گئیدیم، داییمدان بورج آلدیغیم بؤرکو باشیما قویدوم. اؤز آغلیمجا واکی بایاشی اولموشدوم. اَن یاخشی اویونومو اوینامالی ایدیم.
اوشاق‌لارلا میدانا گئیدیم. اون اون ایکی نفر ده تاماشایا گلمیشدیلر. مینا ایسه محله قیزلارین یانیندا بیر بوکولن صندلی‌نین اوستونده اوتورموشدو. دوز بیزیم داروازانین یانیندا. ایسته‌دیم بیله‌سی ‌ایله خوش بئش ائله‌یم. اؤزونو دوزگون توتموشدو.
هر بیر توپو توتارکن محله اوشاق‌لاری آلقیشلاییردی منی. بیر آغیز بیر بوغاز: امیر بایاشی... امیر بایاشی... دئییردیلر.
من ده چوخ کئف ائده‌رک گئت گئده اؤزلویومدن چیخیردیم...
اویونون اورتالاریندا آرخا کوچه‌نین تیمی قول وورماق اوچون داها چوخ فیشار گتیریردی. ایکی اوچ قیسا پاس بیربیرلرینه وئریب سونرا بیردن شوتله‌دیلر.
اؤزومو گؤسترمه‌یه یاخشی بیر فرصت ایدی. هوپباشیب توپو توتدوم. او قدر یئیین هوپباشدیم کی توپ الیمده مینانین قوجاغینا دوشدوم. هامی گولدو. من ایسه چاشباش اونون قوجاغیندا.
غضبدن مینانین گؤزلری قیزارمیشدی، دیش‌لرینی سرت بیربیرینه سیخمیشدی... باشیما چیغیردی... دور دیدی...
ال آیاغیمی دوزگون ایتیرمیشدیم. دورماق ایسته‌ینده آیاغیم زویدو. مینا ایله بیرگه یئره دیدیک. اوشاق‌لار آتماجالاری ایله بیزی قاوزادیلار. دورار دورماز
مینانین آتاسی‌نین کوچه باشیندا دوردوغونو و بیزه غضبله باخدیغینی گؤردوم. فوتبالی بوش وئریب تئز قاچدیم.
او گئجه مینانین آتاسی قاپیمیزا گلدی، آتاما منیم شیکایتیمی ائله‌دی. آتام اونو ساکین‌لشدیرمه‌یه چالیشدی.
دئدی: آقای حسینی بوش وئر بابام... بونلار هله اوشاق ‌دیلار... اون یاش‌لاری وار هله‌م...
آقای حسینی آنجاق ال چکن دئییلدی. هئی دئدی کی دئدی...
ایکی اوچ گون قورخودان کوچه‌یه گئتمه‌دیم. بیر گون یاواشجانا دام‌لارینا گئتدیم. مینانی سسله‌دیم... حیطه چیخدی. قیرمیزی بیر روسری اؤرتموشدو. منی گؤرجک دئدی: چوخ ائششک‌سن...! دانیشیغیندان گولمه‌ییم توتدو. باشیمی قاشیییب دئدیم: بیلدیم... او دا گولدو.
دئدی: بابام دئییب داها کوچه‌یه چیخماغا حاققین یوخدو... دئییب بیر گون سنی یاخالاییب حاققیوی قویاجاق اووجووا...
سونرا شریتده کی آغ چادیرانی گؤستریب دئدی: دئییب ائشییه چیخاندا چادیرا اؤرتمه‌لی‌سن...
دئدیم: اؤرت گؤروم نئجه اولورسان؟
چادیرانی اؤرتدو. جیققیلی بیر فرشته کیمی ایدی.
دئدیم: چوخ یاراشیر. گولومسه‌دی. ایچری گئتدی.
ایل‌لر گئچیب بیز ده یاشا دولموشوق. هردنسه اتفاق اوزره خیاباندا توش گلیریک. یئددی سککیز یاشیندا بیر سئویملی بالاجا قیزی وار. فوتبال کلاسینا آپاریر...
قایناق:« بئش داش»

https://t.me/Adabiyyatsevanlar

اوشاق ادبیاتی
کارتون

اوشاق ادبیاتی هرهفته پنجشنبه گونو ادبیات سئونلر کانالیندا .
اوشاق ادبیاتینا دایر یازیلارینیزی بیزه گوندرین.

https://t.me/Adabiyyatsevanlar

«ثریا_خلیق_خیاوی»



سیب و سنگ

خانه را مثلِ سنگی بر دوش گرفته
با خود می‌گردانَد
خرید، خانه‌ی پدر، حتا تختِ بیمارستان

دورتر که سنگین‌تر می‌شود
بی‌سیم‌ به‌دست
گزارش می‌رسد
فرشی غلتیده
لیوانی شکسته
عنکبوت‌ها و مورچه‌ها در صفِ متحدین هست‌اند

- الو...
- هن هن ...
- کجایی؟

زیرِ سنگی که بر دوش آب می‌شود
آینه‌های شهر مچاله می‌شوند
چرا کسی نیست بگوید: عروس رفته سنگ بچیند

سیبی از روی میز به پایین می‌افتد
سیب درخت را با خود حمل نمی‌کند
سیب با زمین سَر و سِرّی دارد
قبلن روی سرِ مردی سقوط کرده است

سنگ، به پوست چسبیده،
از پوست رشد کرده،
صخره شده است
دست‌به‌یقه می‌‌شوند
سنگ را بر زمین می‌زند
سنگ سیب می‌شود

راست راه می‌رود
نمره‌ی عینک‌اش را به باد می‌سپارد

- الو من سنگ پشت به دنیا نیامده‌ام...
- ؟!

روبان‌های/های‌های سیاه
دندان‌های‌شان را از گوشه‌ی عکس‌های قبرستان‌ها برمی‌دارند.

https://t.me/Adabiyyatsevanlar

‌‏آذربایجان طنازلاری دوکتور«علسگرعزیزپورون» گوروشوند.
اوچونجو بولوم

آپاریجی:« کریم قربانزاده»
تهیه تنظیم :«مرجان منافزاده»

زمان: جومه 1401/5/7
ساعات: 22

https://t.me/Adabiyyatsevanlar

«‍ بهروز_صدیق»

قوش‌لار_یازی_دوشونوردو

من یازینی دوشونوردوم
قوشلار یازی
من قلمی کؤکله‌ییردیم
دردیم سازی
من یازاندا یاز اولوردوم
یازمایاندا غملی پاییز
منیم غملی گئجه‌مده‌سه
بیر خاطیره‌ن
بیرده پاپریز
آی گئجه‌نی بسله‌ییردی
گؤنلوم سنی سسله‌ییردی
داغ دومانا وورغون ایدی
تورپاق یاغیش ماهنی‌سینا
عؤمور یولوم
ایستی
بورکو
چینیمده‌کی درد شله‌می
منیم حیات فلسفه‌می
تکی سنین باغیشلایان
او مهریبان اینجه الین
بیر ده سنین گولوشوندن
گؤیه قالخان آغ گؤیرچین
یارا یوللار یوخوشوندا
یوللانماغا
ائنمز گوجوم
جییار پارام
منه سنسیز
گونش حارام
اولوم فاجیعه
اؤلوم قورتولوش
هانسی بیریسینده
سنه گلیرم‌سه توش
اونو خوشلارام
آنام اللرینده‌کی
آغریلارا
اوخشاییرسان
یارام‌سان یارام
جییار پارام
دونن بوتون گونو
دوشونه‌رک سنی من
حیسّیم ساچلاریما
قونوردو دن-دن
تکی سندن
س
ن
د
ن
یازیردیم
سن ائی شعرلریمین دؤيونن قلبی
منی گئجه جایناغیندا
سن غملی-غملی
بوراخیب گئديرسن
قالیرام تنها
سینیرام تک‌لیک‌دن
اسیر کولکلر
مندن الین کسیر
گؤی بيچه‌نکلر
تک‌لیک قوخوسو
گلیر اللریمدن
اؤلوم قوخوسو
وارلیغین دوز
گؤروشونه منم سوسوز
یو‌للار سنین
آددیمینلا
دؤنور يولا
وارلی وارلیق
اوره‌ییمده هاوان اسیر

https://t.me/Adabiyyatsevanlar

‍ «آیسئل_فیکرت»

مکتوب

سلام منیم عزیزیم، نئجه‌دی اوردا هاوا؟!
من لاپ دلی اولموشام، بو بویدا آیریلیقدا.

اورالار دا سویوقدو، بس ایشلرین نئجه‌دی؟
بوردا ساکیت، سس‌سیزجه، سیرادان بیر گئجه‌دی.

اولدوزلاری گؤیده تک، اولدوزلاری چوخ یالنیز،
بولودلاری دا قورخاق، یاغیشلاری آنلامسیز.

چوخ عادی‌دی گوندوزو، چوخ ساده‌دی سحری،
ییغیشیب گئدیب سنله بوتون مؤعجوزه‌لری.

چوخ اونوتقان اولموشام سون زامانلار، بیر آیری،
دردی بؤلوب قویموشام یان-یانا، آیری-آیری.
هر شئیی دوشونموشم، ان چوخو آیریلیغی،
تکجه بو اونوتماغین یولو بیر باشقا آغری.

بلکه، نئجه‌سه اولور یادداشدا دا یاشاماق،
بلکه، اوردا بیر ائوجیک، یووا قوروم سنینچون.
نه وار ائ ایتیرمه‌یه؟! ایتیرمک هر زامان وار،
بلکه، یادداشدا قالاق، داریخیرام سنینچون.

گؤرورسن؟ اونودورام. گؤرورسن؟ یادداشسیزام.
تامام یادیمدان چیخیب، سنه مکتوب کی چاتمیر.
هر شئیی دوشونموشم، هر نه وارسا یازمیشام،
آیریلیغین کوچه‌سی، پوچتو، عونوانی چاتمیر.

یئنه اؤزونو دوشون، اؤز-اؤزونه یاخشی باخ!
ایستی گئیین، شرفینی بیر آز دا یاخشی بورو!
الیندن توت سئوگینین، یئنه قاچار یاراماز،
حسرتی چوخ آغیردی، یئر اوزونو بورودو.

بو چاتمایان مکتوبو، اوخویورام اؤزومه،
ایچینده تک سن اولان، ان دوغماجا یئریمدی.
بلکه بیر گون بؤیودو، او دا بیر آدام اولدو،
بلکه بیر گون سئوگیم‌تک آیاق توتوب یئریدی.
ساغ اول منیم عزیزیم....

https://t.me/Adabiyyatsevanlar

«ناصر داوران»

ائشیدن یوخ
 
من سؤزجوک‌لرین قوهومویام
کتاب اوخویاندا
بایرام گؤروشونون قضاسین قیلیرام.
یالنیزلیغین املاسین مندن سوروشون
هم سئوگی خطی‌له یازا بیله‌رم
هم ده دوستاقچی‌نین ایچ آیناسیندا.
بئش قیطعه‌نین ایلگی قورشاغی‌دیر سؤزجوک‌لر
یعنی شاعر ائلچی دوشه بیلر
شیطانین الیندن توتان آلمایا
قویماسالار دا اوغورلایا بیلر
اولماز کی هر شئی سیز دئیه‌ن اولسون.
 
هاردانسا بیلمیشدینیز کی
بو فونئم‌لر الینیزه ایش وئره‌جک
کتابی یاساق ائله‌دینیز
دیلی تکفیر.
 
سسیم سیزه چاتمادان اول
کولکده بوغولدو
ائشیدن قولاغینیز اولمادی
نه دونن، نه بوگون
سیز اؤزونوز ده قوهومسونوز
عینی تربیه‌نیز وار:
اوزومون باشین کسیرسینیز
چؤره‌یین یولون.

https://t.me/Adabiyyatsevanlar

‌‏آذربایجان طنازلاری دوکتور«علسگرعزیزپورون» گوروشوند.
اوچونجو بولوم

آپاریجی:« کریم قربانزاده»
تهیه وتنظیم:«مرجان منافزاده»

زمان: جومه 1401/5/7
ساعات: 22

https://t.me/Adabiyyatsevanlar

✍:«میرحسین_دلداربناب»
قارقالار سمفونیاسی

ایچیمده قارقالار یووا سالیبلار
قاریلدیر بئنیمده قارا سسلری
اوچاندا گؤیومه کؤلگه سالیرلار
قارانلیق یاغدیریر نس نفس‌لری

گئجه بیر ایت هورور، اوغرو چاغیریر
یوخومو قاچیریب، گئدیر یوخویا
بو دئولی، شیطانلی، جین‌لی گئجه‌ده
سلیمان ایسته‌ییر عرضه اوخویا

ماسکالی آداملار قاچ ها قاچدادیر
کؤلگه‌لر یوللاردا یاللی گئدیرلر
آی ایستیر بولوددان چیخسین ائشییه
بیر اویون گتیریب، پئشمان ائدیرلر

بیر بایقوش اووولدور، خارابالیقدا
بیر تولکو دولانیر‌ آی‌سیز گئجه‌ده
بیر ناغیل باشلانیب، مین‌بیر بؤلومده
آخاجاق دوداقدان، سای‌سیز گئجه‌ده

قارقالار توی توتار، آخشام چاغلاری
غریب قالان کؤنلوم، یالقیز آخشاملار
ایچیمده قارقالار گلین آپارار
سیخیلار اوره‌ییم، یانار آخشاملار

بیر آغاج چوخداندیر منی گؤزله‌ییر
باغرینا باساراق اؤپسون اوزومو
دالینی ایپ کیمی سالسین بوینوما
نفسیم ایتنده، یومسون گؤزومو...

                      
 https://t.me/Adabiyyatsevanlar

‏عزیز دوستوم ماهنیسینین یارانماسینین سببی


https://t.me/Adabiyyatsevanlar

احمد گلشیری بر اثر نارسایی قلبی درگذشت


احمد گلشیری، مترجم ادبیات داستانی و برادر هوشنگ گلشیری درگذشت.

.سیاوش گلشیری، برادرزاده احمد گلشیری، خبر از فوت این نویسنده داد. او ضمن اعلام این خبر گفت: «او دیروز بعدازظهر دهم مردادماه به دلیل نارسایی قلبی درگذشت.»
به گفته او، مراسم خاک‌سپاری مرحوم احمد گلشیری به‌زودی اعلام می‌شود.
احمد گلشیری، متولد سال ۱۳۱۵ مترجم ادبیات داستانی و برادر هوشنگ گلشیری بود که فعالیت ادبی خود را از جنگ اصفهان آغاز کرد.
از میان آثاری که احمد گلشیری ترجمه کرده، مجموعه چند جلدی «داستان و نقد داستان» نقش بسیارمهمی روی ادبیات ایران گذاشته است و ۱۲ سال از عمر این مترجم را به خود اختصاص داد، جلد اول این کتاب در سال ۱۳۶۸، جلد دوم در سال ۱۳۷۰، جلد سوم در سال ۱۳۷۶ و جلد چهارم در سال ۱۳۷۸ به چاپ رسیده است.
از دیگر آثار احمد گلشیری مجموعه ۱۰ رمان است که با عنوان‌های «ساعت شوم» نوشته گابریل گارسیا مارکز، «پدرو پارامو» نوشته خوان رولفو، «نفرین ابدی بر خواننده این برگ‌ها» نوشته مانوئل پوئیگ، «ناپدیدشدگان» نوشته آریل دورفمن، «از عشق و دیگر اهریمنان» نوشته گابریل گارسیا مارکز، «گرسنه» نوشته کنوت هامسون، «سال‌های سگی» نوشته ماریو بارگاس یوسا، «شکار انسان» نوشته خوزه ایبالدو ریبیرو، «دوئل» از آنتون چخوف، «سال‌های سگی» نوشته ماریو بارگاس یوسا، و «چه کسی پالومینو مالرو را کشت» نوشته ماریو بارگاس یوسا که در سال‌های ۱۳۶۲ تا ۱۳۸۳ منتشر شده‌اند.
همچنین «بهترین داستان‌های کوتاه» یکی دیگر از آثار احمد گلشیری است که در آن بهترین داستان‌های آنتون چخوف سال ۱۳۸۱، بهترین داستان‌های ارنست همینگوی در سال ۱۳۸۴، بهترین داستان‌های گابریل گارسیا مارکز در سال ۱۳۸۴، و بهترین داستان‌های جیمز جویس در سال ۱۳۸۸ را ترجمه کرده است.

https://t.me/Adabiyyatsevanlar

«ویدا حشمتی»

یول
یول
یول
همشه یوللارین آیریجیندا
بیر مانیفئسته جالاندیم
گاه تیکانلی، قاجا
گاهداندا
موغامات "گاهلاری" کیمی
دؤنوم دؤنگه‌لی.
چاپیلمیش یوللاردا نه‌لر وارمیش...
قیسیر یول‌لاردا نه‌لر؟
من کی یوللارین سونوجوندا
هئچ نه گؤرمه‌دیم
هر نه یوللارین یوللوغوندایمیش
هر نه یوللارین قوللوغوندا.


https://t.me/Adabiyyatsevanlar

یاشیل سارافانلی قیز
✍️:«آلپای آذر»
کؤچورن:« سحرخیاوی»
حاضیرلایان:« ادبیات سئونلر»

https://t.me/Adabiyyatsevanlar